ESKI BIZIN FER WUDU

APRES ENE BAIN? research.cell.mauritius@gmail.com

5745 9172 / 5492 1103

Si kikene prend ene bain, eski li bizin faire ablutions, c-à-d Wudu après?

Nou comprend ki sa question la li à propos si kikene fek baigner, eski ti toujours bizin faire
Wudu (ablutions) après sa, avant ki li faire namaz.

Dan Quran, fine mentionner ki:

“En vérité, Allah content bane ki tourne vers Li avec répentance et Li content aussi bane ki
garde zot pur et propre” [2:223]

Dan Fiqah Ahmadiyyah (page 55 de ancien édition), fine mentionner ki nous bizin lave nu bane
parties privés en premier [avec la main gauche] et ensuite bizin récite Bismillah ir Rahman
ir Raheem avant ki nous continier suivre bane étapes ki fine mentionner après.

Le Saint Prophète(saw) ti habituer prend so bain dans sa façon la:

Li ti pe commencer avec Wudu, c-à-d ablutions mais ça pas ti inclure lave li pieds car li ti
pe garde sa pour la fin de so bain. Ensuite, li ti pe vide de l’eau au moins trois fois, d’abord
lor so coté droite et après lor coté gauche de so le corps. Li ti pe porte tellement attention
lor so bain ki chaque pore de so le corps ti pe laver complètement ek dans ene façon parfait
[Source: https://www.alislam.org/book/salat/ablution/]

Li claire, d’après ceki fine mentionner avant la, ki n’importe ki bain ki fine prend dans ene
façon différent de ceki le Saint Prophète(saw) ti pe faire, ene tel bain pas capave remplace
Wudu. Bizin baigner dans façon ki le Saint Prophète(saw) ti pe faire ek Wudu bizin forme
partie de sa bain la. C’est seulement dans sa cas la kot li pas nécessaire pu re-faire Wudu
après.

Si kikene pane faire ou soi in oublier faire Wudu pendant so bain, lerla li obligatoire ki li
faire sa avant ki li faire namaz.

1 of 4
Lezot information concernant baigner

Islam fine met boku l’importance lor propreté physique ek lor nécéssité pu baigner souvent.
Ena bane situations kot Wudu tousel li pa asser ek lerla li vine obligatoire pou bane missiers
ek bane madames ki zot prend ene bain complet avant ki zot faire namaz. Sa bane
situations li comme suit:

• Kan fine ena éjaculation ou ene orgasme après bane rapports conjugaux ou pu ene lot
raison. Même principe appliquer dans cas kot ena bane décharges pendant sommeil.
• Kan fine ena contacte sexuelle entre ene missier ek ene madame, même pu ene tipti
le temps ou soi même si pas fine ena éjaculation.

Certains situations ki appliquer zis pu bane madames li comme suit:

• Après chaque règle de bane madames kan di sang in arrête couler complètement.
Bizin noter ki bane madames pas gagne droit faire namaz ou garde carême kan zot
pe gagne zot règles. Mais après sa, zot bizin remplace sa bane zours de carême ki zot
fine rater la.
• Après ene accouchement (donne naissance) ou soi si fine ena ene avortement, kan
saignement fine arrêter complètement.

Ena aussi bane lezot situations apart ki comme suit:

• Bizin baigne chaque nouveau-né.

• Tous bane non-musulmans ki fine accepter Islam, zot bizin prend ene bain avant ki
zot kumense zot nouveau la vie.
• Bizin baigne le corps de chaque dimoune ki fine décéder avant ki faire so namaz
Janaza. Sa li pas appliquer pu bane martyres ek bane ki fine être tuer.
• Le Saint Prophète(saw) fine met boku l’emphase lor baigner pu Jummah, pou Eid ek
avant mette Ihram pu faire Hajj.
• Li aussi recommander pu prend ene bain après ki fine gagne guérison depuis ene
maladie grave.
• De la même façon, fine exhorte nous pu prend ene bain après ki nous fine gagne
contacte avec bane zaffaires indésirables ek impures kuma bane déchets de toilettes,
la chaire de bane zanimaux morts, etc.

2 of 4
Sunnah concernant baigner

Ena 3 zaffaires ki obligatoire kan baigner :

1. Lave la bouche
2. Lave bane narines
3. Lave le corps en entier dan ene façon kot aukène partie pas reste sec

Li pas nécessaire pu ene madame ki li largue so cheveux ki fine tresser pendant ki li pe

baigner. D’après Hadith, li suffisant pu ene madame ki li vide de l’eau trois fois lor so
cheveux ek so le corps en entier sans ki li largue so cheveux tresser. [Tirmidhi, Baab Ghousl-e-
Janaba]

Li ti la pratique du Saint Prophète(saw) pu prend ene bain dans sa façon la:

1. Nu bizin servi de l’eau propre ki soi chaud ou frais d’après nu nécessité dépendant lor
le temps ki pe faire. D’abord nous bizin faire Istinja (lave bane parties privés) [Avec la
main gauche].
2. Ensuite, kumense par récite Bismillah ek faire Wudu kuma nous habitier faire (mais
sans lave li pieds).
3. Vide de l’eau trois fois lor le corps. Kumense par coter droite et ensuite faire li pu coter
gauche. Bizin lave le corps bien avec bon savonette ou soi avec n’importe ki lot zafer
ki bon pu nettoye le corps. Lerla, nous bizin lave nous li pieds avant ki quitte salle de
bains.

3 of 4
Sunnah concernant Wudu

Bane zaffaires ki obligatoire kan faire Wudu:

1. Lave figir en entier

2. Lave tous les deux la mains jusqu’à coudes
3. Passe la main mouiller lor cheveux
4. Lave tous les deux li pieds jusqu’à chevilles

Si pa fine lave ene seul de sa bane parties la, nous Wudu li pas complet.

Nous fer Wudu dans sa façon la:

1. Lire “Bismillah-ir-Rahman-ir-Raheem” kan pe kumense Wudu

2. Lave tous les deux la mains jusqu’à bane poignets, en commençant par la main droite
3. Rince la bouche trois fois
4. Mette ene ti peu de l’eau dans banes narines pu rince zot
5. Lave figir trois fois
6. Lave tous les deux le bras jusqu’à coudes trois fois, en commençant par le bras droite
7. Passe la main mouiller lor la tête jusqu’à li cou, ensuite passe bane pouces autour
zoreilles ek essuye endans
8. Passe le doigts mouiller à travers la barbe ki épais
9. Servi de l’eau autant ki besoin kan faire Wudu, c.-à-d évite faire gaspillage ou servi
trop beaucoup de l’eau

4 of 4