Kum 23 Issue No.

16 Missionary Tlângau April 2011

Editor : HS.Lalhmingthanga 2342250 (O)

9615344234(M)
Asst. Editor : H.Zadingliana 2342294 (R)
9436157190(M)
Cir.Manager : K.Lalremsanga 9436370298(M)
Member : Rev.Dr.K.Lalrinthanga 9436158852 (M)
: L.H.Liandinga 2342667 (O)
Email Address : angelzaiteibh@Gmail.Com
Address Baptist Church of Mizoram Office
Serkawn, P.O. Zotlang - 796691
Lunglei, Mizoram Ph.Off - 2342250

A man kum khatah - Rs 40

Thuchhuah rêng rêng hi a ziaktu mawhphurhna a ni a, Editor

leh BCM ngaihdân a ni vek kher lo.

A CHHUNGA THU AWM TE

Sl.No Phêk
1. Editorial 1
2. Tripura Field Trip Report – 2010 2
3. Home Mission Nghalimlui Work Camp…. 23
4. Mission Field kan tlawh ve ta 26
5. Prayer Letter 28

1
 Editorial
Editorial

RAM LEH HNAM DIN CHHUAHNA BUL

I rawngbawl duh lo hnam leh ram chu a boral dawn si a; a

ni, chung hnamte chu tihchiat hlauhvin an awm ang. Isaia
60:12.

Ram leh hnam din chhuahna thu hi mi tin ngaihtuah a ni a.

Zawlnei Isaia pawh hian Pathian mi Juda-te awm dan tur
Pathian hnen atanga a dawn a au chhuahpui a ni. Heng a thu
hril lawkte hi a tam zawk chu a thleng dik tawh a. Hun tawp
dawn hnaiha Pathian Fapa- Messia lo lan huna Chanchin Tha
hril anih dan tur a sawi lawkte pawh hi Lal Isua hun lai khan
a lo thleng vek tawh a. Pathian chu hnam zawng zawng
chunga roreltu anih avangin Thuthlung Hlui hun lai khan
hnam ropui tak tak lo ding chhuakte chu tihchhiat hlauhvin
an lo awm tawh a ni.

Kan chang thlan hian hman lai hun chauh ni lovin, tun laia
hnamte chungchang pawh a sawi tel a. Khawvel chanchin
kan chhiar chuan Pathian tih miten ro an rel avanga America
ram ropuizia te; South Korea Kristianten Biak inah leh
Tawngtaina Tlangah te nasa taka Pathian an auh thin avanga
an hnamin malsawmna an dawn dan te; Sapram atanga
Missionary-ten Chanchin Tha min rawn hrilh kan lo awih
avanga Mizo hnam kan inpum khata zirna leh khawsakna
kawng eng kima hma kan sawn chakzia te hi a va’n
ngaihnawm em!

Hetih lai hian kan ram leh hnamin malsawmna kan dawnna
hnar Pathian hi tiha a rawng kan bawl that duh loh chuan
chhiatna lam kawng kan zawh dawn a ni. Khaw tinah,

2
kohhran tinah mi tlemte zinga Pathian hnena tawngtai a,
thlarau leh tih tak zeta Pathian rawngbawl tlat an awm a.
Heng mite avang hian kan ram leh hnam hi a la him a ni mai
lo maw? Kan thalaite, naupang lo thanglian mekte, puitling
tam zawkte hian Pathian rawngbawl aia mahni lawmzawng
an um a, an mahni tan chauhva an hun, hausakna leh chakna
an khawhral chuan – khawvel chanchina hnam tam tak lo
boral tawhte ang khan Mizo hnam hi kan boral ve lo vang tih
tu nge sawi thei? Ram leh hnam din chhuahna bul ber chu
Krista Chanchin Tha lawm taka dawnsawn a, la hre lote
hnena pek chhuah ve hi a ni. Tui tling reng chu a bawlh
hlawh angin, Pathian ram tizau tura kan luan chhuah loh
chuan chhungkua, kohhran leh hnamah harsatna neuh neuh a
tam thin. Tui luang chhuak chu a fim thin angin, Chanchin
Tha pe chhuak chakte chu thlarau lamah an nungin an chak a,
hnampum ang pawhin an hlim a, malsawmna an dawng a, an
chheh vela hnam dangte pawhin Lalpan a chawimawi tih an
hai ngai lo. Mizo hnam hian eng kawng zawk hi nge kan
zawh dawn le?

*****************

TRIPURA FIELD TRIP REPORT -2010

Rev.C.Chhuntluanga
Tour Director.

A. THUHMAHRUAI

Pastorte leh Upaten Tripura Field kan tlawh chanchin

tlangpui kan zavai aiawh a report Koh- hranhote chhiar theih
tura ziak thei a ka awm hi Pathian leh a Kohhrante chungah
ka lawm hle a ni. Tihsual leh tih hmaih emaw, report loh tur
report palh pawh a awm thei a, chutianga tihsual leh tih
hmaih awm leh tih dik loh awm zawng zawngah ngaihdam ka
3
bil bawk a ni. Chhiartu zawng zawngte pawh Lalpan mal
sawm theuh che u rawh se.
Pastorte leh Upaten Rampawn Mission Field tlawh hi
Rampawn Mission Committee-in tul a ti a, M&E Committee-
ah thlenin an nin Assembly-ah an thlen a, tichuan 2009 BCM
Assembly Vawi 113 rorelna pawhin a lo pawmpui tawh
bawhzuina kal zel kha a ni a, keini ho hi 2nd Batch –na kan ni
a, First Batch ho chuan 2009 khan Assam Bengal Field an lo
tlawh tawh a ni. Pastorte leh Upaten Rampawn Mission Field
tlawh hi a changtu M&E Department lamin hma la chhoin
Budget-ah an dah a, 2009 kum tawp atang khan Field tlawh
hi tan a ni ta, M&E Department chungah a kalte hi kan lawm
em em a ni.
Hetianga Pastorte leh Upate ngeiin mahni thawhna
Field ngei kan han hmu hi a hlawk thlakin a lawmawm hle a,
a senso harsa dawn lo phei sela Kohhran Member zawng
zawngte hian tlawh thei vek ila duhthusam a ni. Keimahni
tlawhtute leh Kohhran pawhin kan hlawkpui ngei ka beisei a
ni. Tun tumah hian Lunglei Area, Aizawl Area leh Lawngtlai
Area atangin mi 20, Pastor 10 leh Upa 10 kal turin thlan a ni
a, mahse Pastor 3 chu dam lohna leh information inhriatsual
avangin an kal thei lova, a pawi hle a, chance dang an nei leh
turah ngai ila. Upate chu an kal kim thei a, a lawmawm hle a
ni. Kan rawngbawlna rah ropui tak hmu tura Lalpa leh M&E
Dept.in Assembly kaltlanga remruatna fel tak an nei hi a
lawmawmin a ropuiin hle a ni.

A.1. Tlawh hun chhung : November 16—24, 2010.

A.2. Kal zat: Pastor 7, Upa 10 , Driver & Conductor 2 ,

Total =19

A.3. A kalte hming :

1. Upa K.Laldingliana Electric,Lunglei,
2. Upa B.Chalthianga Lawngtlai Vengpui
4
3. Upa C.Thatchina Muallianpui,
4. Upa PL.Rinliana Luangmual,Aizawl,
5 Upa R.Rothuama Sekhum,
6 Upa LH.Lalnunmawia Tlabung,
7 Upa MC.Lawmkima Sethlun,
8 Upa K.Kaphranga Zobawk,
9. Upa PC.Chuauhnuna Salem,
10. Upa T.Lianngura Diltlang.
11. Rev.C.Chhuntluanga Theiriat,
12. Rev. H.Lalfakzuala Kawrthah,
13. Rev.F.Lalsangliana Haulawng,
14. Rev. Vanlalmuankima Hnahthial ‘S’
15. Rev.Hrangaia Hmar Serchhip,
16. Rev. T.Lalsangvunga Lungsen,
17. Rev.K.Lalbiakchhawna Thingfal.

A.4. Director : Rev. C.Chhuntluanga,

Manager : Rev. Hrangaia Hmar te an ni.

A.5. Lunglei chhuah san ni: Ni 16.11.2010 Zing 6:15AM

khan BCM Inpui ber Office kawt Serkawn-ah a kal turte kan
chhuak khawm a, Kan hotute General Secretary leh AGS i/c
M&E leh Office lama thawktu engemawzat min rawn thlah
turin an lo kal bawk a, Rev F.Sangvela’n kal turte min
tawngtai sak hnuah Lunglei hi kan chhuahsan ta a ni. Kan
kalna tur Bus hi Aizawl Workshop-ah an siam avangin
Christian Hospital Serkawn Bus te chi kan hotuten Aizawl
thlenga kalna turin min ngaihtuah sak a, Bus hi a seat a tlem
avangin kan chuang kim thei lova, Pastor thenkhat
tlawmngaiin Sumo-ahte an kal a ni.
Bus-a kalte hian Kal kawngah kan thiante kal ve tur
kan lam phei pah zel bawk a, Aizawlah hian kan kalna tur
Bus hi Workshop atangin kan la chhuak nghal bawk a, thian
thenkhatten Bawngkawnah min lo nghak bawk a,

5
Bawngkawnah hian Rev. JC Vanlalluaia Bawngkawn Bialtu
Pastor –in tawngtainain min thlah liam bawk a ni.
Kan Bus hman hi duhthusamin Work-shop-ah hian an la peih
hman lo a, kal a tul tawh si avangin kan la chhuak kha a ni a,
a lo la chaklo hle mai a, Lengpui hi tlai dar 4:00PM velah
kan thleng thei hram a ni. Bus ber a chiang kuan tak si lovah
chuan kalhote kan han inrawn khawm a, Bus dang hman mai
tha kan ti tlang a, kalkawngah buai kan hlau a. Hqrs. Lam
kan hotute rang takin kan hriattir nghal a, an nin rang takin
hma la nghalin Aizawl lama BCM Office-a thawktute an be
nghal a, an nin hma la nghalin Aizawl City Bus zinga thar ber
leh tha ber min ngaihtuahsak nghal a, a hma thei ang berin an
rawn tir thla nghal bawk a, kan hotute chungah hian kan
lawm hle a ni. Lengpuiah kan lo nghak ta a ni. Kan Bus
hmanlai pawh a Driverte an felin an tlawmngai hle a,
Motorin a zir tak tlat si lovah chuan hrehawm ti takin
Lengpui atangin min let san ta a ni.
Lengpuiah hian Rev.V.Lalzarliana Lengpui Bialtu
Pastor-in min lo hmuak a, Bus dang nghah a lo tul takah
chuan a ni pawh hian min buaipui hle a an Quarter lamah min
hruai phei a, anni chhungkua hian thingpui leh a hmeh tui
tak min buatsaih sak a, Lengpui Airfield-te pawh min fanpui
bawk a, an chhungkaw chungah hian kan lawm em em a ni.
Kan Bus hman tur a lo thlen ve leh Mamit panin kan tlan leh
ta a, zan Dar 11:00PM vel-ah Mamit hi kan thleng a ni.
Rev.V.Laltlanzuala Mamit Bialtu Pastorin min lo hmuak a, a
ni hian kan riahna tur Tourist Lodge leh chaw eina tur Hotel
te min lo hauh sak vek a, buai miah lovin kan awm phah a,
chubakah D.T.O. Office atangin Permit te min lo lak chhuah
sak vek a, a chungah hian kan lawm em em bawk a ni.

Mamit : Ni 17 .11.2010 Zing 5:30AM velah Mamit hi kan

chhuahsan a, Kawrthahah Bialtu Pastor Quarter kan tlawh
zawk a, Kohhran hruaitute engemawzat an lo awm bawk, rei
awm lovin Zawlnuamah Zing chaw ei kan tum avangin kan
6
kal leh nghal a ni. Zawlnuamah hian Rev. Zonunvula Ralte
Bialtu Pastor te chhungkua leh Nl.Lalhlupuii Sailo China-a
kan Missionary leh a thiannu K.Laldinthariten min lo
hmuakin chawhlui te min lo buatsaih sak a, Hotel chaw
Pastor Quarter-ah lo la thlain hlim takin chaw kan eiho-a, an
chungah hian kan lawm hle a ni. Kohhran School pawh a
hmunah kan tlawh zawk bawk a, Pro. Pastor Rozuala i/c
Headmaster leh a thawhpuiten hlim takin min lo
dawngsawng a an chungah pawh kan lawm hle a ni. Rei
pawh awm lovin Zawlnuam hi chaw eikhamah hian kan
chhuahsan leh nghal a ni.

Agartala : Kan Bus hman leh Driver an fit bakah Pathian

hruaina kan chang a, Agartala Tripura khawpui chu tlai lam
dar 5:40PM vel-ah kan thleng ta a. Rev.L.Vanlalsanga Field
Director-in kan bo hlauin kawtchhuahah min lo hmuak a,
hlim takin Field Director Quarter chu kan thleng a, heti laia
thawktute bakah Mizo awm thenkhatten min lo hmuak a,
inhmelhriattirna leh lawmthusawi tawngtaihona kan hmang
nghal bawk a ni. Field Diecrtor hian kan riahna tur atan
BCM Quest House leh TBCU Quest House te bakah Field
Director sitting Room thlengin min tih fel sak vek a, a
chungah hian kan lawm tak meuh a ni. Zanah pawh
inrawnkhawmna leh tawngtaihonate hlim takin kan hmang a
ni.

A. FIELD TLAWH DAN

Rev. L.Vanlalsanga Field Director in kal dan tur leh

tlawh tur leh zan riahna hmun tur nen lam fel takin Detailed
Programme hi a lo ruahman fel vek a, kan tlawh turte pawh
information fel takin a lo pe vek a, a ruahman ang hian kan
kal a, a lo ruahman sa Programme erawh chu nikhatin kan
pawt tawi a ni. Field Director hian kan Missionary te
thawhna hmun zawng zawng hi hneh takin min tlawh
7
chhuahpui vek a, kal kawngah pawh bo lovin tluang takin
kan kal phah a ni. Field Director chungah hian kan lawm em
em a ni.

B.1. Hezamara. Sadar ‘N’ : Ni 18.11.2010 zingah Agartala

chhuahsanin Hezamara Pu C.Lalthawmliana Evangelist-te
chhungkua awmna hmun hi kan tlawh a ni. Anni chhungkua
leh Kohhranhoten hlim takin min lo hmuak a ni. Hotel-ah
zing chaw ei turte an lo Order lawk vek bakah Thingpui leh a
hmeh tuihnai tak Quarter-ah hian min lo buatsaih sak a, an
chungah kan lawm hle a ni. Inhmelhriattirna leh Report
ngaihnawm tak ngaihthlakna leh tawngtaihonate hlim takin
kan hmangho a ni.
Pu C.Lalthawmliana hian Report hi ziakin a lo
buatsaih vek a, Hezamara Kohhran hi 1994 –ah Fellowship
angin chhungkaw 7-in an din a ni. 1996 khan Kohhranah hlan
kai a ni a, Jampui atangin Missionary te pawh an lo dah tawh
a, mahse thenkhatin rawkte an tawk a, rei an awm ta lo a ni.
Helai Bial hian an mamawh leh tul avangin leh an ngenna
avangin Pu C.Lalthawmliana te chhung hi Ni 11.03. 2009
khan an lut ve leh ta a ni. Quarter an la nei lova, mi In an
luah a, Quarter hi a hmun tur hi an nei tawh a, hei hi ringlo
mi hnen atangin Quarter hmun tur hi a thlawnin an dawng
(Donate) a, a hmun pawh a tha hle a ni. Biak In pawh Assam
Type a sak an nei an nei bawk. Zan inkhawm an nei thei lova,
tlai Inkhawm an nei thung a ni. A mi chengte hi Rambuai
delh an nih avang hian mihring rilru a sualin, an rinawm lo
tlangpui a ni.
Hezamara hi Area 3-ah siam a ni a, A ram mi Pastor 2
an awm, an thawhna hi Bial thumah then a ni. Tunah hian
Kohhran 24, Fellowship 2 a ni a, Member hi 2705 vel an ni.
Kohhran dang pawh tlem an awm a, Kristian Member hi
3000 bawr vel an ni. Helai bial hi Bangladesh ramri bul a ni
a, an Area hi 65Km bial vel an ni. Tripura buai zual lai 1980-
2004 bawr chho khan a buai hran zualna lai a ni. Ami
8
chengte hi Debbarma hnam an ni a, Tripura Tribal hnam
zingah chuan an lian ber a, Sadar North–a a thim lai ber a ni
bawk.
Tripura-ah hian Tribal hnam 10 Nuai velah hian
Debbarma hnam chu 6 Nuai vel an ni. Kristianna lamah hian
an inhawng chho viau a, a bik takin Thalai lam hian upa lam
aiin an bawh zawk a ni. Bial hi ala zauvin thawh tur ala tam
hle a. Helai Bialah hian Kristiante zingah harsatna hruaitu
inchuhna hi a awm lek lek thin a ni. BCM hian Missionary
Pu C.Lalthawmliana te chhungkua chauh hi kan la nei a ni a,
a indaih lo hle a ni. Helai Bial report leh a rawngbawlna
ngaihnawm takte kan ngaihthlak bakah hian Kohhranhote
hmel kan hmuh hian rilru a khawih hle a ni. Thawktu
Evangelist pakhat tal an mamawh belh tih an sawi a, an duh
ang hian tih hlawhtlin ni thei se ava duhawm em!

B.2. Borkathala. Sadar ‘N’: Tukthuan eikhamah hian

Borkathala khua, Tipprah Academy (English Medium)
awmna kan tlawh a, helaiah hian Missionary kan la nei lo a
ni. Inhmelhriattirna leh Headmaster hnen atangin School
dinhmun tlangpui ngaihthlakna kan neih zawhah tawngtaina
an Pastorin a nei a ni. Thingpui leh a hmeh tui takin min in tir
a, an chungah hian kan lawm hle a ni. He School hi a ram
miten kum 1984 khan an din a ni a, KG atanga Class X
thleng a awm a, Zirtirtu 20 leh thawktu dang 6 an awm a ni.
Zirlai zawng zawng hi 160 an ni a. Hostellers hi 90 an nei
bawk. Management lamah leh Administration lamah harsatna
an neih avangin BCM hi hma la turin min ngen a, M&E
Committee pawhin thawk turin a rel tawh niin a lang a,
reiloteah Headmaster leh Hostel Warden tur pahnih kan pek
thuai a rinawm a ni. An School Building leh School Naupang
neih dan te, a hmun leh hma enin thawh chakawm tak niin a
lang. An tawngkam leh chetzia atangin BCM te min beiseina
a sang hle a ni.

9
B.3. Rio S.Tripura: Ni 19.11.2010 Zing lamah Pu
F.Lalthanzauva Evangelist-te chhungkaw thawhna hmun hi
kan tlawh a, Thingpui in nan kan hmang a ni. Anni
chhungkua leh Kohhran Member thenkhatten min lo hmuak
a, Thingpui leh a hmeh tui tak min lo buatsaih sak a, kan
lawm hle a ni. Inhmel hriattirnate kan neih bakah A hnen
atang hian Report ngaihnawm tak ngaihthlakna kan nei. Helai
hmun hi Udaipur Baptist Association hnuaia awm an ni. A mi
chengte hi Jamatia hnam an ni. Mihring hi 6 Sing ruk vel nia
ngaih an ni. Tunah hian he Association hnuaiah hian
Kohhran 74 leh Member 6500 vel an awm. St. John High
School a awm a, School hmun leh ram hi BCM Chandmary
Lunglei-in an leisak a ni. Pu.F.Lalthanzauva hian mi 34
kuminah hian Baptisma a chantir tawh a ni. Tawngtaipui an
ngaihna ber chu helai Bial hi harhnain a la nuai ve ngai lova,
chuvangin Thlarau Thianghlim harhna hi mamawh an inti hle
a ni. Report hian rilru a khawih hle a, Tawngtaihona hlim
taka kan neih hnuin Garjee lam panin.Dar 9:30AM velah kan
chhuahsan leh ta a ni.

B.4. Garjee S.Tripura : Nl.C.Lalremsiami Evangelist

thawhna hmun a ni a Zing chaw ei nan kan hmang a ni. A ni
hian a naute nen chaw tuihnai tak mai min lo bautsaih sak a,
an chungah kan lawm hle a ni. A hnen atang hian Report
ngaihnawm tak kan ngai thla a, puantahna hmunte a enkawl
a, Instructress pakhat leh zirlai 3 pathum an awm a ni.
Puantah khawl hi a chhe nual a, siam that a tul hle bawk a ni.
Kohhran lamah chuan Garjee-ah hian Member 60 chuang
awmin Baptisma chang tawh zawng zawng chu 57 an ni.
Thawktu a ram mi Pastor pakhat leh Evangelist pakhat an
awm. Jamatia hnam an ni. Kristian tam zawkte hi chu
thlarauvah an pianglo a ni. Kohhranhote chaklo an inti a, an
kal zelna turah chakna an neih theih nan tawngtaipui an ngai
em em a ni. Nl.C.Lalremsiami hian Kuminah Thlarau bo
man turin mi 25 a intarget a, tunah hian mi 8 a man tawh a, a
10
ropui hle a ni. Thawktute bakah hian Kohhran hruaitute tan
pawh tawngtaipui an ngai hle a ni. Tawngtaihona hlim taka
kan neih hnuah Sachirampara lam kan pan a ni.

B.5. Sachirampara S.Tripura : Pu K.Lalramengzauva

Evangelist te chhungkaw thawhna hmun a ni. Anni
chhungkua leh Kohhran Member thenkhatte nen min lo
hmuak a, chhun thingpui tui tak min lo buatsaih sak bawk a
ni. Inhmelhriattirna leh Report ngaihnawm tak mai kan ngai
thla a, chubakah an chhungkaw chanchin rilru khawih deuh
mai an Nupa hnen atangin kan ngaithla tel bawk a ni. Pu
K.Lalramengzauva hi Lungphu tha lo leh Thisen sang nei a ni
a, khuang ri te pawh tih theih loh changte nei thin a ni a, tin,
chubakah Fa pahnih an nei a, an hlauh ve ve tawh bawk a,
heti chung hian an nupa hi beidawng lovin an inpek thuk
zawk nan an bei sauh sauh zawk a, an tum hi a ruh hle a ni.
Rilru a khawih a, an Quarter sak mek a ni a, BCM Gilgal
Theiriat M&E Committee leh an Unit TKP te tangkawpin tun
December 8-16 2010 chhung hian Work Camp-in Quarter hi
an sak chhunzawm sak an tum a ni. Helai bial mite hi
Nawkia Tripura hnam an ni. Kum 1991 khan bul tan a ni.
Kohhran hming hi Khakchang Baptist Church tih a ni.
Kohhran Member hi 230 vel an ni a, kum 2020 hi an
Kohhran Silver Jubilee a ni a, He Silver Jubillee ah hian an
hnam zingah Kristian 75% ni turin Project an siam a, tunah
hian Kristian Population hi 18 % an ni. Tin, hemi Silver
Jubillee huna hawn hman tur Biak in sak an tum mek.
Tripura hnam bik Population hi 5 Singnga vel an ni.
Pu K.Lalramengzauva Bial chhungah hian Kohhran 8 leh
Member 800 vel an awm. Subroom Association hnuaiah
awmin, Association hian Kohhran 40 leh Member 3000 vel
an nei. Tawngtaisak an mamawhnate-
1. Helai Bial Kohhran hrang hrangte hian harhna an mamawh
em em a, ringtute pawh an lo pun belh zel theih nan.
Kohhrante pawh a lo ngelngheh zel theih nan.
11
2. Pu K.Lalramengzauva hi a hriselna a tha vak lova, lung
lam thalo leh thisen sang nei a ni a, a Nupui Pi Lalrintluangi
pawh fate sun a ni a an nupa tan.
3. An Biakin sak tur tan. Kum 2020-ah hian Luah theih nan
ngei tura an sak theih nan. An mamawh chi hrang hrangte
pawh an lo neih a, an hmuh zel theih nan.
4. Kum 2020-a an Silver Jubillee lawm tura Project chi hrang
an neihte an tih hlawhtlin zel theih nan.
Tawngtaihona kan neih hnuah Kolachora(Thailik
Tuisa) lam panin kan chhuak leh ta a ni.

B.6. Kolachhora Subroom, S.Tripura: Pu C.Lalluaha

Evangelist-te chhungkua thawhna a ni. Kolachora hi tlai
lamah kan thleng a, Pu C.Lalluahate chhung leh Kohhran
Member thenkhatten min lo hmuak a, Zanriah kan ei bakah
kan riak nghal bawk a ni. Inhmelhriattirna leh Report
ngaihnawm tak Pu C.Lalluaha a hnen atanga kan ngaih thlak
bakah tawngtaihona kan nei a ni. Helai hmunah hian kum
1991 khan thawh tan a ni. Subroom Association hnuaia awm
an ni. Pastor 2 an awm a, pakhat chu Probationary la ni mek a
ni. Voluntary Evangelist 5 an awm. An Target chu Rs 9/-
Nuai Kua a ni a, an tlak tawh a ni. Kumin atan hian an Target
chu Kohhran 10 din leh ringthar 600 neih belh a ni.
Biak In thar tha tak RCC an nei a, hawnna pawh neih
tawh a ni. BCM Bazar, Lunglei-in Rs 30000/- laiin an tanpui
a, BCM Ebenezer, Zobawkten a chung hi Work Camp-in a
chih sak bawk a, a chhung Furniture erawh an la changtlung
lo hle. Harhna pawh a thleng thin a, amaherawh chu Kohhran
hruaitute zingah hre thiamtawk lo an awm ve a, chu chuan
harsatna an siam change pawh a awm ve a ni. Harhna hi
chak taka a kal zel an mamawh a, thilpek lamah erawh an
chak vak lo a, an chak theih nante, Thlarauva rawng an bawl
zel theih nan te tawngtaipui an ngai a ni. Kolachora Kohhran
Member zingah Sawrkar hnathawk 30 chuang an awm a,
High School, Middle leh Primary School-ah an ni a, chak
12
lohna tam tak nei mahse mi pangngai Christiana an awm hian
rilru a khawihin hma an sawnin thawktute rawngbawlna hian
rah tha a chhuah zel a rinawm a, I tawngtaipui zel ang u.
Tlaiah Zanriah tui tak min buatsaih sak a, kan hlim
tlang hle mai a, kan chaw ei pawh kan duh tawk kan ei tawh
hnuah a “tawk” kan tih anni tawng chuan “Arsa” tihna a ni a,
Arsa an rawn pe zel a, duh aia tam ei a awl khawp mai.
Zanah Pathian Biak Inkhawmna kan nei a, Kan chaw
ei tlai avangin inkhawm hi Dar 8:00PM ah chauh kan tan thei
a ban pawh a tlai hle a ni. Rev.C.Chhuntluangan’ Pathian
thuchah a sawi a, Pu C.Lalluahan thiam takin tawng hi a
letling bawk a, kan thawktute ngei hetianga tawng lettu-a an
tang thei hi min tilawm hle a ni. Inkhawmah hian Nuho
Zaipawlin thiam takin Pathian fakna hla an hlan bawk a, a
ropui danglam khawp mai. Rilru min hneh hle a ni. Heta kal
zawng zawngte Kolachora Kohhrante hian Kamchha
(Hrukpuan) kan Driver leh Conductorte nen lam min Present
vek a, a ropui kan tiin kan lawm hle a ni.
B.7. Dulukma S.Tripura: Ni 20.11.2010 Zing hian
Dulukma kan tlawh a, Elem English School awmna a ni.
Headmaster hi Pu.C.Lalremsanga E/T a ni a, a thawhpuite
nen hlim takin min lo hmuak a, Zing chaw tui tak min lo
buatsaih sak bawk a ni. Report ngaihnawm tak Headmaster
hnen atangin kan ngai thla a, Report hi felfai tha takin ziakin
a lo buatsaih thlap a, kan lawm hle a ni. School din kum-
2002, Class hi KG to VI thleng a ni. Sikul naupang zawng
zawng-309. Hostel naupang zat-61. School naupangte hi
hnam hrang hrang an ni a, chungte chu:- Jamatia, Reang,
Uchawi, Debbarma, Tripura, Mizo, Nepali, Garo, Non Tribal
te an ni. Tin, thil chhinchiah tur pawimawh tak chu he School
hi keini BCM ten keimahni pual liau liau a kan neih a ni.
Thawktute: Substantive 1. Pu C.Lalremsanga 2. Pu
Vanlalchhuanawma Sailo, Tempoprary – 1. RL Rosangliani
(Nurse) 2. Lalhlimpuii Sailo. Contract. 1. Lalduhawma Sailo
Voluntary Missionary - 6 paruk an awm. Local workers –
13
5 panga. BCM tumsak zat-11, School support Worker- 9.
Kum 2011-ah chuan Missionary voluntary leh Local Worker
zawng zawng hi Schoolin an lawmman a tum vek tawh dawn
a ni.
An lawmna te:- 1. Kuminah an School naupang zinga mi
ngei mi 12 in Baptisma an chang.
2. Mizoram atangin M&E Committee leh F.O.D. thenkhat
ten Zirlai Naupang harsa zual engemawzat an rawn
chawm sak.
3. BMP Shalom Unt, Aizawl ten Rubber plantation siamah
bul an rawn tan sak.
4. BCM Chandmary Lunglei ten Rs 20000/- lai an pe a,
BMP ten work –Camp an neiin Dawhkan, leh Hostel
Khum leh Thutthleng an rawn siam sak.
5. Pu C.Lalnghinglova Bazar veng Lunglei-in Rs 4000/- a
tul apianga hman atan a pe.
6. TKP. BCM Chandmary Unit Lunglei ten An Field
siamthat nan Rs 8900/- an rawn pe a ni.
Heng thilpek tam tak an dawng hi Pathian leh a petute
chungah hian an lawm hle a ni.
Tawngtaisak an ngaihnate:-
1. Dulukmaa chengte hi Jamatia hnam an ni a, an zingah
harhna a thlen theih nan tawngtai sak an tul. 2. Sikul
naupang zawng zawngte hi pakhatmah hlauh lovin Lal Isua
tan an hauh vek a ni.
3. Thawktuten inpekna thar an neih a, thlarau thara rawng an
bawl zel theih nan.
4. An School hian Tripura sorkar atanga Recognition an
hmuh ve ngei theih nan.
5. Tui an khawpkham lo a, an mamawhzat an lo neih theih
nan.
6. Power Supply mumal tak an neih theih nan. Helai vela
chengte hian Bill an pek that loh avangin Sawrkar lamin a
hrem nan Power lamah hian hrek chang an nei thin a ni.

14
Current a that loh chuan School hian an tuar phah hle thin a
ni. Tunah Transformer hran an mamawh hle a ni.
Dulukmaah hian Reportte ngaihthlak a chaw te kan
eikham hnuah tawngtaihona leh School fankualna kan neih
hnuah Bangpur lam panin kan chhuak leh a ni. Dulukmaah
hian riak turin min duh hle a, riah a chakawm teh lul nen hun
kan nei thei lo a, pawi kan ti hle a ni.
B.8. Bangpur Amarpur Dist.:- Bangpur hi Pu B. Jonathana
Evangelist-te chhungkua thawhna hmun a ni. Amah hi an
thawhpui innei tur buaipuiin Mizorama a chhoh lai a ni a, A
Quarter-ah awmlo mahse nghaktu an awm tho avangin kan
lut a, Quarter hi sak that mek a ni a, sum a zo tawh si a, an
Complete thei dawn lova, an buai hle a ni. Quarter luahlai lah
chu a chhe tawhin a hlui tawh bawk si a, rilru a khawih a, sak
zawh theih thuai a chakawm hle a ni. A sak zawhna tur
Donation pe thei Kohhrante hi awm sela a duhawm hle ang.
Kohhranhote hian mawh kan phur hle in kan hria a ni.
Tawngtaihona kan neih zawhah Selsua lam panin kan chhuak
leh ta a ni.
B.9. Selsua Amarpur Dist.: Selsua hi Nl.Lalchhanmuani
Evangelist thawhna hmun a ni a, amah leh a awmnaten min
lo hmuak a, inhmelhriattirna leh report ngaihnawm tak
ngaihthlakna kan nei a, chubakah tawngtaihona kan nei bawk
a ni. Helai hi hmun thar ang a ni a Quarter pawh a la neilo a
ni. An Kohhran Secretaryte chhungkua ala fin rih a, Quarter a
mamawh hle a, a awmnate hi inthiarna (Ekin) pawh nei
mumallo niawm tak an ni a, Motor phenahte inthiar chang an
nei thin niawm tak a ni a, nula tan chuan a buaithlak chang a
tam hle ang. Field Directorin a awmdan tur pawh a ruahman
sak mek a, Inluah tur tha a neih hma chu Dulukma lamah a
awm rih mai thei a ni. Helai hmunah hian Kristian chhungkua
24 an awm. Tawngtaipui a ngaihna te:
1. Nl. Lalchhanmuani hi a thawhnate tawng la zir mek a ni a,
a lo thiam thuai thuai theih nan.

15
2. Chenna tur inluah tur tha leh remchang a hmuh thuai theih
nan.
3. Kristian an lo pun zel theih nan leh harhna a thlen theih
nan. A mi chengte hi Jamatia hnam an ni. Selsua-ah hian
thingpui leh a hmeh tui tak min lo buatsaih sak a kan lawm
hle a ni. Thingpui te kan inzawh hian Tuidu lam kan pan leh
nghal a ni.
B.10. Tuidu S.Tripura : Tuidu hi Pu John F.Zonunsanga
Evagelist thawhna hmun a ni. Amah hi Mizoramah an thiante
inneih hmanpui turin a kal daih a, Field Director-in report
tlangpui a pe a ni. Helai Bialah hian Kohhran 19 leh
Fellowship 5 an awm a, Member zawng zawng-1000 chuang
an ni. Baptisma changthar-16 an ni. Tawngtaipui an
ngaihnate:
1. Kohhrana harhnate hi a lo darh zau zel theih nan leh
harhna lo thlengte hi Kohhranhote hian hriatthiamna an lo
neih zel theih nan.
2. Thawktute chhungkaw tan, Nundan an lo thiam a, tawngte
an lo thiam thuai thuai theih nan.
3. Helai mite hi Kristianah an lo inpek thar zel theih nan.
Yakhili panin kan kal leh nghal a ni. (Chhunzawm tur)

*******************

ASSAM – BENGAL FIELD TLAWH REPORT

Lalnunmawii, Secretary
ZPMBKHP, Shillong

Zoram pawn Mizo Baptist Kohhran (ZPMBK)

Pastor Bial Hmeichhe Pawl (ZPMBKHP) ten Kum 2010-
2011 chhung atan a Project a kan neih Assam – Bengal Field
tlawh chu Pathian hruaina in Dt.11-13.12.2010 khan tih
hlawhtlinin a awm ve ta a, a lawmawm hle. Field tlawh kan
duhna chhan chu Pathian Ram tulziate hria a, Mission rilru
kan put lehzual nan leh keini nuho Missionary a kal ve thei
16
tawhlote pawhin kan aia kalchhuak kan fate ti mai ang
tawngtaipui dan kan thiam theih nan Missionary-te
rawngbawlna a hmun ngei a hmuhpui tha kan ti a. A hmun
tur Executive Committee in ngun takin a ngaihtuah a, chutih
laiin Secretary leh Regional Director / Field Director te an
indawr zel bawk a. Assam-Bengal Field kan tih hian Area 4-
ah then ani tih kan hria in ka ring. Chungte chu – Dhubri
Area, Rabha Area, W.Bengal Area leh Boro Area te an ni.
Heng zingah hian Boro Area-hi kan Missionary te tlawhtu an
tlemna hmun leh Kristiante tihduhdahna a nasatna hmun ani
tih kan hriatin Pathian min ruatpui ngei nia hria leh pawm in
a tawpah Boro Area kan thlang ta a ni.
Dt.11.12.2010 (Inrinni) 6:45 A.M. –ah Pu
Sailoliana Sailo ZPMBK Pastor Bial Secretary in tawngtaina
a neih hnu in BCM Madanriting, Shillong atangin Sumo-in
Member 7 kan kal a, Guwahati-ah kan Missionary Pu
T.Lallawmawma leh diphu atanga kan member 1 te nen
(Member 8 & Missionary 1& Driver 1) kan vaiin 10 kan
inhmu a. Rev.F.Ramdinmawia te nupa – in hlim takin min lo
dawngsawng a. Chaw eikham hnu ah Pu Lawma awmna
Rangapani panin kan chhuak a, tlai dar 4-a Inkhawm nang
hman turin khawihmunah mah ding lovin kan tlan a. Dar 4-ah
thlengin, Pi Zoremsangi (W/o. Lawma) leh an fate 2- in min
lo dawngsawng a. Thingpui in zawh veleh kan Inkhawm a, an
kohhran (Gwjwn Baptist Church) a nung a inkhawm a nuam
hle mai. Inkhawm ban hnu-ah chaw ei a, in tihfai hnu-in
tawngtaihona kan nei bawk. Pu Lawma hian kohhran 9 a
enkawl deuh bik a. helai hmunah hian June 2010 khan nupa
fasente 1 nei chu kristian an nih vangin an pate’n an
hnawtchhuak a, an mahni Association leh kan Missionary ten
pawisa tlem ve ve thawh in chenna tur in an sak sak a. Tin, pa
2 an hnawtchhuak bawk a, an In Chawlhni zana sawisak an
tum laiin mak tak maiin a hma zan thawhleh leh Inriini zanah
Sai-in a tiduhdahtute zinga an Secretary leh President In chu
a chi chhia a, chuta tang chuan an thawm a dai ta a ni.
17
Dt.27.07.2010 zan khan kristian pitar kum 70 mi chu tleirawl
rualin an sawisak hnu-ah an pawngsual bawk a., a awmna a
kal a tawngtainate neih tha kan tih leh duh hle laiin kan hun a
bichilh deuh avangin kan tlawh hman ta lova ni.
Dt 12.12.2010 (Sunday) zing dar 6-ah
Patkijuli lam panin kan tlan leh a. Chawlhni zing dar 9:30
Inkhawm hun hmang tur kan ni a, dar 9-ah kan thleng a. Pu
Vanlalthuama, Area Superviser leh Jubilee English School
Principal ni bawk a thiannu Pi Vanlalhluti, Nl Zoliansangi leh
Joseph Lalbiaksiama Missionary ten min lo dawngsawng a.
Kan inthlakna tur thuamhnaw chauh hlangthla in chaw kan ei
a; tichuan inkhawmnaah kan lut lehnghal a. Nl
S.Thanchhungi’n thuchah ropui tak a sawi a, an kohhran
(Emmanuel Baptist Church) a nung hle a. Inkhawm a nuam
hle. Hla – Khawvel lawmnan alokal a tih kha kan rem ve.
Inkhawm ban veleh thingpui kan in a, Pu Thuama’n (min
buaipui vanga chaw pawh ei hman lova inkhawm chuan)
chaw a ei a; hetih laiin kan mutpuan vel hlanthlak a ni bawk
a. Pu Thuama hian kohhran 14 vel enkawl chungin School-ah
hnarkaitu ber ani bawk a, an result buaipui mek nen a buai
thei khawp mai. Tichuan, Patkjuli atang hian Pu Lawma’n a
awmna lam a pan ve nghal ta a. Pu thuama’n min kaihruai ve
ta a.
Chhun dar khat vel atangin Pu Thuama hovin
Kohhran tlawhna nei turin kan chhuak leh ta a, kan tlawhte hi
an mamawhte leh tawngtaipui an tulnate kan sawitir a, chumi
hnuah Boro ram Lalpa tana hauh chungin leh an mamawh an
sawite hrechungin an Biak Inah tawngtai rualna kan nei nghal
zel a, hengte hi kan tlawhte chu an ni:-
1. Ganesguri Baptist Church :- Chhungkaw 5, Member
26 vel awmna a ni a, an hruaitu (Paloke) kan
Missionary te support tlattuin min lo dawngsawng a, an
Biak In chu te reuh te a ni.
2. Sisubari Baptist Church :- Chhungkaw 20, member
100 vel awmna a ni a, an hruaitute’n min lo
18
 dawngsawng a. An member zinga pakhatin tihdam
theihna neiin, kohhran a tinungin amah avangin
ringtharte an awm belh a. Thenkhat hla tak atanga rawn
pante an nih vangin an Biak In bulah Prayer Cell sak an
tum. Mau ban 4 a ding ; tanpui tlak an ni.
3. Swmlibari Baptist Church :- Chhungkaw 18, member
85 vel awmna a ni a, an hruaitute hmel hmuh tur a awm
lova. Nuho leh an fate’n min dawngsawng a; an mipa te
tana tawngtaipui an ngaih thu te an sawi ve a. An Biak
In hmasa Saiin a chil chhia a, thutna pakhat
hmundangah a put sawn sak a; a putsawn a dahna
hmunah tuna an Biak In chu an sa veleh a. An Biak In
hi te reuh te hluma zut a ni a, thutna an nei lova, plastic
chair 4/5 an rawn keng a, a then kan thu a thente ding
chungin hun kan hmang a ni.
4. Menoka Baptist church :- Chhungkaw 50, member
270 vel awmna ani a, hmeichhe lama an hruaitu leh
kohhran hruaitute’n min lo dawngsawng a. He
kohhranah hian Thalaite an tangkaiin an chak tha a,
property te an nei a; chung chu vantlangin an
mamawhnaah man neiin an hawh a; sum tuakna tha tak
a ni. An kohhran a nung a, Christmas velah pawh an zai
tlaivar thin a; zai a nuamin an lam nasa thei hle tih an
sawi. Kohhran member In 3 lai tihduhdah vanga
hnawhchhuah tawk mek an awm a chungte chu hla tak
tangin an la inkhawm ve tlat thin a ni tihte an sawi a, an
member ten an tuarpuiin an rilru a luah a; tawngtaipui
zel turin min chah ve lawm lawm a ni.
Hengte kan tlawh hnu-ah in lamah kir lehin
zan inkhawm kan nei leh a, chaw eikhawmah kan Missionary
te nen inkawm khawmna kan nei thei a, hlawkthlak kan ti
hle.
Dt.13.12.2010 (Thawhtan) zing chawei kham
8:30 – ah Pi Mahluti hovin Bhutan lam kan pan leh a. Kan
Missionary Pu Lamma in/Varenda-ah a rawngbawlna
19
chanchin tlangpui kan ngaithla a, tichuan Bhutan ram Lalpa
tan hauh in kan tawngtaiho leh a khamlo taka hun hmangin
Patkijuli lamah kir lehin thuamhnawte inhlang lutin 11:20
A.M –ah Guwahati lam panin kan kir veleh ta a. Guwahati
Unit memberte’n “kan kal ve thei si lo va, thingpui lah a
hmeh tal lo buatsaih ang” tiin thingpui leh hmeh tui tak min
hlui a; an chungah kan lawm hle a ni. Tichuan Shillong dam
takin 8:00 P.M ah kan thleng leh a.
Rev F.Ramdinmawia, Pu Lawma leh Pu
Thuama te chhungkua leh kan Missionary dangte’n hlim taka
min lo dawngsawng a, kan ei in tur min pek a, kan mamawh
dangte min phuhruknaah te, hmun min tlawhpuinaah te an
chungah kan lawm hle. Fel taka kan kaldan tur min
ruahmanpuitu – Rev Joseph Vanlalruata, Field Director
hnenah lawmthu kan sawi. An inpekna ropui tak hi Pathianin
rul ngei se tih hi kan tawngtaina leh duhsakna a ni.
Aw le, kan Missionary te awmnaah mi nuai 7
vel an awm a, kohhran (Local Church) 23 awmin, kan
member mi 1680 vel (Statistical Report 2009) an awm
(Statistical report 2010 kum a la tawp loh avangin an la
buatsaih lova). Kan Missionary te bakah Pastor leh
Evangelist 6 an awm bawk a. Kohhran 23-ah 6 chauh kan
tlawh hman a, tlawh zel an chakawm khawp mai. Boro ho
chu an huaisen a, Kristian an nih vangin hnawtchhuak mahse
an kir leh duh tawh thin lo; an nghet tlat mai tihte kan
ngaithla a an fakawm hle. Heng mite hian Lal Isua an lo hriat
zel theih nan thawktute tan tawngtai ila, an thinlung
Pathianin a hawn zel theih nan a ram mite tan tawngtai ila, an
thinlung Pathianin a hawn zel theih nan a ram mite tan I
tawngtai sak bawk ang u.

Harsatna an tawh thenkhatte leh

tawngtaipui kan hriat theih dan turte :- Hmun tharah
kohhran thar a ding emaw Baptisma chang thar an awm reng

20
rengin tih duhdahnain a zui deuh ziah a, chungte chu sawi
kim sen an ni lovang, a langsar zualte chu –
1) Kum 1998 khan Rantheng Wary chu Kristian anih
avangin a chhungte nen an mulai chu an vithlum a, an
mikhual kristian – Mongol Basumatary chu
hruaichhuakin a lu an tan bawk.
2) Kum 2004 khan kristian-Nikku Boro chu an hal a, a
thih hma-in a pain a chhanchhuak a, Thu lawmawm tak
chu hetah hian kan kohhran thar alo piang ve thung.
3) Kum 2006 khan Rangapani a kan Biak In leh
Missionary Quarter (Lawma awmna) ringlo miin an hal
a, kristiante pawh hun engemaw chen an inthiar fihlim
nghe nghe a ni.
4) Kum 2008 khan Ranjit te chhungkua chu naupangte nen
kutthlak an tuar a. Mahse, Baptisma an chang thova;
chumi hnuah ring loten an In an tihchhiat sak bawk.
5) Kum 2008 vek-ah Shantipur khuaa Kristian chhungkaw
2 vuak a hnawhchhuah hnu a, an In leh lo – leilet te
chhuhsak an ni. Tun thlengin an la haw let thei lo,
Court-ah vawi 62 kalin `50000.00 chuang an seng tawh,
an thu a fel thuai theih nan i tawngtai ang u.
6) Kum 2009-ah Daodhara a mi te, Udalguri leh Hirapara
hmun a kristiante hnawhchhuah an ni a, a then te chauh
an haw let thei; thenkhat an la haw thei lo bawk.
7) Pu Lawma awmna khaw lamah hian Biak In tur lei turin
hma an la a. Mahse, Biak In tur ani tih khuaa mite’n an
hriat vangin a neitupa in a hralh ngam lova, an lei thuai
theih nan.
8) Kristian tihduhdahte’n chhel taka an tuar theih nan, ati
duhdahtute’n krista an hriat theih nan.
9) Kan Missionary te, Evangelist leh Pastorte’n krista
hnena mi an hruai zel theih nan. An School naupang
145 vel awm te an pianthar a, an ramah Chanchin Tha
an tihdarh nan.

21
10) Bhutanah Kristian In 3 inhlat tak takin an awm, ringtu
an lo pun thuai theih nan. Mi 1-in Baptisma chan a duh
a, mahse a pa – in a a vau a, a chan thuai theih nan.
11) Pu Lamma, Bhutan a mi nau hian kristian nih a duh a,
mahse a In leh Lo chan tur anih vangin a rilru ala
siamfel thei lova, a u duhsak ang a Lal Isua a thlan theih
ngei nan.
12) A ram mite’n (Boro leh Bhutan) an hnam an vei theih
nan tawngtaipui reng ila.
13) Heta tarlan loh a chunga report a ka’n sawilan dangte
pawh i tawngtaipui ang ule.
Mission Field tlawh hi a zawngchhang thlak
hle-in ka hria, sum tlemte kan tlawhte kan pek ve leh kan
tlawh an lawmzia te tarlangin Pu Thuama’n kan
inkhawmnaah ‘Missionary te min chawimawi’ ati a. Chu
chuan thil thui tak a sawiin ka hria. Kan kalsan hnu pawhin
an rawngbawlna hmunte kan mitthla in a hmu reng
a,tawngtaipui dan pawh kan thiam sawt. Hun leh sum kan nei
tam lova, hun reilote Programme full takin kan hmang a, hei
hi kan Missionary te min ruahmanpui dan a ni a. Hetia thil an
plan theih nana an kut a indah hi tha hlein kan hria. Tin, a
kalte’n an ruahmanna siam anga awm thei tur chuan hun
vawn dik leh thuawih a tul hle bawk. Kan kal tur hriaa
Mizoram leh ram pawn atanga min tawngtaipuitute leh
Pathian min hruai a kan kalna apiang a min veng tlattu
hnenah lawmthu kan sawi bawk. Lalpa’n ropuina leh
chawimawina chang rawh se!
Mahni, Tawngtai, thilpekin Lal Ram thar kan din
zel ang.
Kan tihtur Chanchin Tha puandarh, a thlawn a pe
chhuak turin,
Khawvel zawng zawng hi, ‘LALPA RAM’ anih hma
chuan.

*** --- ***

22
 HOME MISSION NGHALIMLUI WORK CAMP
6-10 Dec, 2010 REPORTS

Upa Z.Sangliana
Chairman M&E
BCM, Chanmari, Lawngtlai

HOME MISSION-AH LOKAL ULA MIN PUI RAWH U

: Kum chanve kan pel a boruak a thiangtan tihah
Rev.Lalbiaksanga Chinzah E/S Lawngtlai kaltlangin Lalpa
kohna a lo thleng a. Chu kohna chuan Sum/Thathawh a
chhangtheite tan chhan tur a ni. BCM Chanmari Committee
zahawm tak chuan ngun taka a ngaihtuah hnuin M&E leh
FOD te ngaihtuah atan ape ta a. M&E chuan reirial lovin a
bawhzui nghal a. Home Mission Work Camp neih chu
mahni tha ngei a thawk turin chhanna a siam a, E/S
Lawngtlai ah a hun leh a hmun min hriattir huna inpeih sa in
thu a passed ta a ni.

A HUN LEH HMUN TUR HRIATTIRNA ALO

THLENG : Hun a kal zel a kan thu a murei deuh ni a kan
ngaih laiin a hun takah thu chiang kan hre leh ta a. A hun
atan 29/11/2010 atangin BCM Chanmari leh BCM Bethani
BMP te chuan Nghalimlui ah Work Camp tura hriattirna leh
Chanmari te chu Comprehensive School Extent (24x19) tura
hriattirna a ni. Mahse, aruala khawpakhat a hnathawk tura kal
kha thawktute kan ti hautak palh venthawn na in Secretary
nen E/S kan va hmu a, remchang min lo siamsak a, keini
Chanmari chu Dt.6.12.2010m-ah kal turin ruahmanna thar
min siam sak a kan lawm hle.

IN NGAIHTUAH TLANG TEH ANG U TIIN

COMMITTEE NEIH A NI : BCM Chanmari hian kumtin
favangah Camping kan nei thin a, kumin 2010-atan pawh

23
`30,000.00 kum bul atangin M&E chuan Project atan a
ruahman a. Mahse, kan hunte ngun taka ngaihtuah in
Camping hi tul hle mahse Work Camp atan sum mamawhna
avangin Division-siam atha em? tiin ngaihtuah ho a ni a. Tha
kan ti tlang hle a. Camping Sum `30,000.00 chu Work Camp
atan dah a ni ta zawk a ni. Chubakah BKHP ten awmnem
zawk an nih in hria in kohna chhangin `10,000.00 an rawn
chhunglut a, BMP ten keini hi tlanchhe tur em ni kan nih ?
tiin `8000.00 an thawh bawk a, Jehova Jire Lalpa intum
chawp na in `48,000.00 lai Work Camp Sum kan nei ta,
Lalpa chu fakin awm rawh se.

CHU HNA THA THAWK TURIN TUTE NGE KAL

ANG? : Thupuangtuin Uar taka apuang chungin kal tur a in
Report han enin kan tlem hle. Programme dang alo tla zep vei
bawk nen. Mistiri puitling Daily Rate-a zawng turin
Secretary nen kan chhuak a, vanneih thlak takin mi-2(pahnih)
` 500/- per day in kan hmu hlauh a, kan lawm hle a ni.
Lalpa’n min puihna zel a ni. “REM CHANNA LEI ZEL
RAWH U” tih angin E/S beiseina te, Motor hire-na tur `
5,000.00 leh Rangva leina 5 bandle tum belh tur a min
beiseina te pawh Lalpa intumchawpna zarah kan tihlawhtling
thei a, kan lawm hle a ni.

HUN RUAT KAN THLENG TA : 6th December, 2010 –

kal hun kan thleng a 10.00 a.m ah puantel khaiin mi 16 kan
chhuak a, vanneihthlak takin Pu J.Lalfakzuala’n Maruti a
kalpui a, mamawhah kan tangkaipui hle. Thawktute’n min lo
hmuak a kan hnathawhna turah Eirawng an lo bawl a, theitui
tui tak min intir a. In hmelhriattirnate kan neih hnu in,
Tawngtainain Upa Zungchema’n min hlan a, tichuan chawte
kan ei a, zan kan hmang tan ta a ni. A tuk khawvar rualin
thenkhatin hna kan tana thenkhatin Work Camp chhung

24
chawhmeh tur vawkthau tha tak `14,000.00 in kan lei a, an
fatu bawk a kan phur tlang hle.

BORUAKAH IN KAN SA ANI MAI AWM E:- Aban leia

innghat si lo, a scatting la awm bawk silo ft 2 – akangin In
chu kan rel a, kan Insak dan hi a dangdai hle. Mahse, thiamna
leh remhriatna a sanga kan sapum ve thei tho a ni.

KAN CHAKNA LALPA A NI :- Kan thawhtura min

ruatsak chu Nithum (3) a ral hma in tluangtakin kan zova,
Nusre Quarter chhuat kan rem zova, atawpah Pu
P.Lalrinsanga Quarter luahlai Extent tur (12X12 ) leh Nl
Lalengmawii Quarter luah lai Birth Room kan zo leh a.

HLIM TAKIN KAN HAW :- Pathian thil reldan hi a

hrethiam lo tan chuan a va mak e tih theih a ni. Nghalimlui –
Lawngtlai hi Sumo Hire Rate – ah chuan `3,000.00 –
`4,000.00 lo chuan a hman theih loh a. Mahse, Sumo
pakhatin `1500.00 chauh in min hmang rawh u a ti a, Mi-16
te chu hlim takin Lawngtlai Dt.10.12.2010 tlaiah kan thleng
ta a ni.

KAN LAWMNA A THAR ZEL KAN HRIL SENGLO :-

Lal Isuan “Varah tur leh Inah awm reng turin ka ruat bawk a
che u” John. 15:16 a ti a. BCM Chanmari chuan Nghalimlui
ah Pathian leh E/S zarah rah duhawm tak kan nei leh ta, ava
lawmawm em. Chu mai ala nilo Lalpian hun Pangpar vullai
taka Work Camp kan nei thei hi a hlimawm hle. Abakah
Sikul Naupang leh Thawktute inpekna asang hle.
Eirawngbawl leh tuichawi, tuldangah min thawhpui nasa hle.
Kan va lawm tak em!! Kan Work Camp leh reports-te hi
Pathian ram alo zauva, alo lanfiah a, alo ngheh deuh deuh
theih nan Lalpa’n ropuina chang se, kohhran tan malsawmna
lo ni zel rawh se. A men.
25
 *************

MISSION FIELD KAN TLAWH VE TA.

Upa K.Hrangliana,
BCM, Lunglawn.

(January Missionary Tlangau ah khan Press lama tihsual

palh vangin he report point then khat hi hmaih palh a ni a,
ngaihdam kan dil a, kan han tarlang nawn leh a ni e. Editor)

Birpara : Tukthuan ei khamah Birpara-ah kan phei a, Pu

Siamkima Khiangte leh Missionary dangten lawm takin min
lo dawngsawng a, kan hlim hle mai. A la hma deuh bawk a
Missionary-ten Mujnai leh Tulsipara kohhran te min
tlawhpui a. Mujnai Biak in leh a bul lawka thawktu quarter
chu chei that a lo ngai hle mai. Tulsipara-ah hian Pu
C.Thangzela te nupa an lo awm a, Thingpuihuan bul Nepali
khua a ni a, an rawngbawlnain rah a chhuah tha tan viau mai.
Zanah Birpara Mission compound-ah inkhawm leh
inkawmhona kan nei a. Mission sikul, Hostel tha tak nen an
lo nei a, Land Lease an hmuh chuan an sikul hi sak thata tih
hmasawn an tum. Missionary 3 te thlan kan hmuh chuan rilru
a kal thui duh khawp mai.

Dhubri : Nov.,10,2010 Nilainiah Dhubri-ah kan phei a, Field

Director Rev.Joseph Vanlalruata leh a thawhpuiten duhsak
takin min lo dawngsawng a. Director hian ama ziak lehkhabu
Assam-Bengal Field chanchin min pe theuh a, vannei kan
inti hle. Dhubri-ah hian Bethel Baptist Mission School an lo
nei a, zirlai pawh an ngah hle. Zirlai zawng zawng deuh thaw
hi Muslim an ni a, Hostel neiin zirlaite khu Lal Isua hnena
hruai tumin Missionary-ten theih tawp chhuah sela a hlawk
hle kan ring. Thahnem an ngaih lehzual theih nan
tawngtaipui ila a tha awm e.
26
Patkijuli : A tuk Nov.,11,2010 khan Boro Area, Patkijuli-ah
kan phei a. Area Supervisor Pu Vanlalthuama Colney-in hla
takah Bike-a min lo hmuakin, an Mission compound-ah hian
thawktu dangte nen lawm takin min lo dawngsawng a. Zan
lamah inkhawm leh inkawmhona kan nei a, reports ziakin
min pe a. Boro area-ah hian kohhran 21, member 1651 leh
Baptized member 1043 lai an awm a ni. Boro Kristiante hian
1998 atang khan dodalna leh tihduhdahna chi hrang hrang an
tawk a. Kristian an nih avanga in, ram, bungrua leh leilet
chan, tun thlenga Court Case la tih fel theih loh a la awm a
ni. Court-a kal tur hian pawisa a ngai thin a, a hautak avangin
an ram te hial an hralh a ngai a, an khawngaih thlakin
tawngtaipui an ngai hle. Boro Area hi kan tlawh zingah
chuan a harsa ber leh tanpui leh tawngtaipui ngai ber an ni.

Debitola : Nov.,13,2010 Inrinniah Rabha Baptist Church

Union hmunpui Debitola kan thleng a. Kum 42 kal taa
Lunglawn Biak ina kan thlah liam Rev.H.Rokhama te nupa
an lo bun tanna a ni a, Lalpan kan tawngtaina chhanga a ram
min lo dinsak hi mit ngeia kan hmuh ve tak avangin rilruin
lawmthu kan hrilh mawlh mawlh a ni. Area Supervisor
Nl.H.Lalrinpuii leh thawktu dangten lawm takin min lo
dawngsawng a, zanah chawhlui min lo buatsaihsak kan kil
zawhah inkhawmna leh inkawmhona kan nei a, a hlimawm
tak zet a ni. Mt.Olive school K.G – Class X an lo nei a,
building pawh a changtlung tha hle. Nov.,14,2010 Pathianni
khan Rabha Hasong (Rabha hnam an Hnamzia leh Tawng
hloh tawh) inkhawmpui kan hmanpui a. Kal kawngah Garo
Hills ram Bigha 10 aia zau mah, a neituten Rabha Kristiante
Centre pawimawh tak din nana an pek kan hmu a, Rabha
kohhran hruaitute nen ding kualin Pathian hnenah
tawngtainain kan hlan a ni. Meghalaya-a an hnampuite zinga
RBCU rawngbawlna hian rah a chhuah tan mek a ni.

27
 *********************

Van Lal Buatsaiha

(Prayer Letter:
February, 2011)
SIM Kenya, Post Box No. 60875.
Pin- 00200 City Square, Nairobi, KENYA
Contact:-Mob: +254-7015-61923/ +254-
7394-09169
Email: vanlal.buatsaiha@sim.org/
vlbuatsaiha@rediffmail.com Skype:
vanlal.buatsaiha
____________________________________________________________________________________________________________
__________________________________________

Kohhran hote, Rawngbawlpuite, thiante leh min tawngtai puitu

duhtak te,
Lal Isua hmingin chibai ka buk a che u.
SIM Kenya aiawhin in zavaia hnenah vawiin thlenga min
tawngtaipui thinna zawng zawng vangin lawmthu ka sawi
hmasa e. Kumthar 2011 kan chuangkai a, mahni hmazawn
theuhah Pathian ram tana kan rawngbawlnaah theuh
kum hmasa (2010) aiin kumin (2011) ah hmasawnna thar
kan hmuh theuh theihnan duhsakna ka hlan a che u.
Kei pawh kumin January thla atang khan tawng zirna
sikul (Cush Language and Cultural Center) ka zawm tana,
kan nrawngbawlna te hnam (S*) tawng ka zir tan ve a,
chawlhkar khat chhungin ni li (4) class ka kal thin a, ni
khat chu Practical ni atan ka hmang ve thin. Tawng zir
man hi a to ve hle mai a, nikhatah session khat zel zirin
nitin Kenyan Shilling 1,100/- (=Rs 630/- vel) pek a ngai a
ni. Kan thawhna hnam hmin pe/phuahsak ve a, ka S*

28
hming chu FARHAN a ni. Hei hi kan language teacher,
Ahmed-a (kum 20 a upa a ni) min pek/phuahsak a ni.
“Mihlim thei tak i nih hi, chuvangin Farhan tiin kan ko
tawh ang che” min ti a, midangte pawn “FARHAN” tia min
koh chu nuam an ti ve hle. S* tawng chuan “FARHAN” tih
awmzia chu “Mi hlim tak” tihna a nih chu. Tawng min
zirtirtu hi Ringtu a ni lova, M* fir tak a ni. Amaherawhchu,
tawng min zirtir takah chuan Chawei sawm pahin thil
dang kan sawi kar lakah Pathianthu sawipuina hun
remchang a lo awm ve leh zauh zauh thin a, chutiang
hunah chuan duham takin Pathian chu tunge a nih tih te,
A hmangaihna thukzia te, Lal Isua min chhandamna ropui
zia leh min hmangaihna vanga kan tur ai Kraws-ah tura
min tlan zia te duhthawh deuhin kan sawi ve thei thin.
Kohhran ten abik takin Pathian hmangaihna leh thutak
thu a lo hmuhfiah ngei theih nan Ahmed-a tan hian lo
tawngtai thin ula tiin ka chah duh che u a ni.
Tawng zirna lamah ka insawrbing deuh avangin
rawngbawlna peng dangah ka pakai vak thei lova,
amaherawhchu S*li Christian Fellowship-ah hian
Discipleship program kan kalpui meka, chutah chuan
keipawh theihtawp chhuahin thawktu dangte nen kan
tangho mek a.
Kan rawngbawlna leh thil tul pawimawh ka tih ang
tlangpui kan lo hriat atana ka duh te ka han tarlang zawk
ang e : -

1. Christmas Celebration, 2010 : -

Leilung piantirh ata a vawi khgatna atan nikum (2010) Krismas kha
S*li Christian fellowship te pawn hlim takin a huhovin kan hmang
ve a, Ringtu leh ringtu ni lemlo te nen Puitling/thalai leh naupang
ten en kan vain mi sawmsarih (70) vel kan kal khawm ve a.
Krismas awmzia/pawimawh zia te leh Pathian min hmangaihna

29
vanga thilpek hluber Isua Krista min pekna leh min chhandamna
tura Isua Krista mihringa a lo channa ni a nih zia te sawifiah a.
Intihhlimna hunte neiin ruai te kan kilho ve bawk a, a hlimawm ve
hle a ni. Hlim takin Pathian fakna hlate kan sa hova, S*li ringtuten
hlim taka Pathian an fak ve hmel han hmuh chuan lawmna
avangin biangah mittui a luang hial a ni. Ka krismas hman tawh ah
chuan ka la hawk ber tum a ni hial awm e. Hun tha tak min petu
Pathian hnenah lawmthu awm mawlh rawh se.

2. Brain-storming Conference : -

S*li hnam te zinga rawngbawl hi a hautakin a harsa hle

mai a, chuvangin heng hnam zianga rangbawl mek
(missionary) te pawh kan tanrual a, infuih/intihchaktawn
leh thawhhona thatak neia kan inthlunzawm a tul hlea
hriatna kan nei a. Engtin nge tha zawk leh chak zawka kan
thawhho theih ang a, kan hmanrua neih ang ang te pawh
kan intawm tawn theih ang tih ngaihtuah hovin S*li hnam
te zingah rawngbawl dan tur strategy thar te duang hovin
S*li hnam te zinga thawk mek SIM leh a partner
Missionary hrang hrangte Kenya leh Ethiopia atang leh
SIM International Office Representatives te nen Dt 10-13
January, 2011 khan Resurrection Garden, Keren (West
Nairobi)-ah Brainstorming Conference chu kan nei a. He
conference-ah hian khawvel ram (countries) hrang hrang
12 atangin hnam (Nations) hrang hrang 18 S*li M te zinga
thawk tura kohte kan kal khawm a, conference hlung tak
kan nei ho a ni. Rawngbawlna hmalakna tur leh chona
hrang hrang awm mekte bakah Pathian thu hrilna tur
hmanrua thazawk te kan ngaihtuah hova, hmathar lakdan
turte duang hovin hun hlawkthlak tak kan hmang bawk a.
He conference ah hian thawhtute pawhin kan
rawngbawlna hi har hle mahse S*li M te zinga thawk nasa
zual zel turin Pathian hnenah kan inpekna te kan tithar
leh hlawm a, kan hlawkpui ve hle a ni.
30
Pics: 1st Brain-Storming Missionary Conference participants, Nairobi
Kenya (Dt.10-13 Jan, 2011)
3. S*li Christian Fellowship : -

Prayer Letter Issue hmasa a ka lo sawi tak ang khan

Nairobi (Kenya) ah hian S*li Christian Fellowship pakhat
kan nei mek a, member pawh kan vai chuan 130-150 vel
kana wm mek. Heath hian ringtu leh ringtu ni chiah lote
pawh Nu leh Pa, thalai leh naupangte nen inrinni apiangin
kan kalkhawm ve thin a, Inkhawmna leh inpawlhona hun
hmangin ringtute thlarau nun tihchak thar nan leh ringtu
la nilo te pawhin Pathian thu an lo hriatfiah ve theih nan
Pathian thu zirna hun thatak kan neihpui thin a, hei hi kan
hlawkpui ve hle in kan hria. M*lim ten 5 Pillar of M*lim an
inzirtir ang khan keini pawhin 5 Pillar of Christianity
(Kristianna-a ban pawimawh tak tak 5 te) tiin
discipleship lession/teaching kan buatsaih a. Chung te
chu:-
(1) Pathian chu tunge ni?

(2) Pathian hmangaihna hi engti fakauva ropui/thuk nge a

nih?

31
 (3) Isua Krista hi tunge a nih?

(4) Isua Kristan kan tan enge min thawhsak?

(5) Lal Isuan eng ti turin nge min duh? (Mission- Lal Isua
ringtute nun/dam chhan)

Heng topic hrang hrangte hi a vain lesson 10-ah

thensawmin Inrinni apiangin kan zirtir mek a, Easter
Sunday lo awm torah hian baptisma chanter tur hmuh
ngei beiseiin leh chumi target nei chuan thahnem ngai
takin hma kan la mek bawk a ni. Henga lokal te hi an vain
ringtu an ni vek lova, ringlotute pawh lo kalin kan zingah
an lo tel ve zel a, Pathian thu te pawh an ngaithla ve zel
tho bawk. Pathianin rah duhawm tak min hmuhtir kan
beiseiin rinnain kan thlir mek bawk a ni.
4. Pathian hnena lawmthu sawinate : -

4.1. Min tawngtai puina Lalpan min chhansak a,

Government of Republic of Kenya (Ministry of
Migration) chuan Missionary Work Permit
(Renewable) kum hnih chhung atan min pein min phal
sak hlauh mai. Kei mi tlinglo ber pawh Lalpan helai
hmunah a rawngbawl min phalsak ve avangin lawmthu
min lo sawi rawh u.

4.2. S*li hnam te hian Kristianna hi duh lovin dodal viau

mahse tunlai tak hian thingtlang hmun thenkhatah
Lalpa hnathawh mak tak tak hmuhtur leh sawitur a
awm zauh zauh. Lalpan thilmak leh inlarna hmang tein
mite hnenah a inpuang mek zel bawk a, khirh mahse
Pathian ran chu S*li M*lim te zingah pawh zawi zawiin
a zau ve zel a ni. Lalpa hnenah lawmthu sawi ila.
Chubakah chuan S*li hnam kohhran puitling pangai

32
 ngei a lo dinchhuah theih hun hi nghakhlel takin kan
thlir mek a, tawngtaina ah i hre bawk ang u.

5. Tawngtaina-a kan hriattur atan ka duh te : -

Heng te hi kumin chhung atan kan tawngtaina-ah hre

reng thin ila ka duh khawp mai. Hengte hi:-

5.1. Somali hnam zawng zawngte zingah Lalpa a inlara, Isua

Krista Chanchin Tha engah an lo luh vek theih nan.
Tunah hian an ramah buaina a tam hle. Hel pawl ten an
ram politics an thunun tlat a, mipawisawilo ten an
tuarin chi leh chi indo, inrawk, insuam, tam leh
harsatna namen lovin tunah hian an ram a tuam mek
ani. Heng avang hian mi nuai tamtak chu an in leh lo,
chhungkhat laina te tlansanin hmun him lamah raltlan
(refugee)-in an awm mek. Sualna avanga heng an
harsatna zawng zawngte hi Lalpa chakna a hneh a lo
nih theih nan leh an ram/hnam mipuiten remna leh
muanna an lo neih ve theih nan te, damna famkim
rilru/taksa/thlarau lamah an chan theih nan I tawngtai
pui ang u.

5.2. Kenya leh Ethiopia-a S*li M awmte zingah SIM leh

partners Missionaries 20 vel kan bung mek a, Lalpan
huaisenna te, finna te, chhelna te min pek a, Thlarau
Thianghlim hruaina nen rawngbawlna hma kan lak zel
theih nan min tawngtai pui zel ula.

5.3. S*li ringtute hi Kristian an lo nih hian an chhungten an

duh loh avangin vuak leh sawisak bakah hnawhchhuah
an nih/tawk phah fova, Lal Isua an rinna ah huaisenna
te, nghehna te an mamawh hle. Tuna S*li Christian
Fellowship a lakal mekte zingah pawh hian a rukin an

33
 chhungte hriat lohva la kalte pawh an awm nual a,
Lalpa Thlarau hruaina an chan zel theih nan i dilpui zel
ang u.

5.4. Sli M*lim te hnena Chanchin Tha hrilh turin keini

Mizofate pawh min ko ve a ni, an zinga thawktu tam
zawk kan awm zel theih nan I tawngtai ang u. Pathian
chuan mi zawng zawng chhandama awm ah leh thutak
hriaah a duh. Lalpa’n “Tunge ka tirh ang a, tunge ka tan
kal ang?” tiin a tana kalchhuak tur a zawng mek a.
Zawlnei Isaia ang khan, “Kei heta hi ka awm e, min tir ta
che” tia atana inpete apiang te chu, Lalpan eng mi pawh,
thiamna, talent, hriatna, thilpek leh kan engkim hi a A
ram zau nan min duhin min hmang thei vek a ni.

5.5. S*li tawng ka zir mek a, Lalpa tanpuina nen hma ka

sawn a, ka thiam thuai theih nan te, damna leh hriselna
te bakah Discipleship program-a kan rawngbawlna
kawngah finna te remhriatna ka neih theih nan te min
lo dilpui bawk dawn nia.

Lalpan malsawm che u rawh se

“Buh seng tur a tam hle si a, nimahsela a

thawktute an tlem; chutichuan, a buh seng tura
thawktu turte tir turin buh Neitupa hnenah chuan
ngen rawh u,"(Matt.9:37)

34
 By Prayers

Pathian ram zau nana in rawngbawlpui,

Van Lal Buatsaiha (Farhan)

Nairobi, Kenya.
Sending Office Contact (For further necessary Information):
SIM NEI address: - SIM NEI, GPO Box 66, Shillong-793 001, Meghalaya, India
email: sim.in.nei@gmail.com
SIM East Asia: - SIM East Asia Ltd, 116 Lavender St., #04-09 Pek Chuan
Building, Singapore, 338730
SIM website: www.sim.org

35