Académique Documents
Professionnel Documents
Culture Documents
Am deg tenglizit, kra n yimyagen n tmaziγt tbeddilen anamek mi ara ten-id-teḍfer tenzeγt1. Walit imedyaten-a:
- Ekk (aller), ekk ed / ekk s (passer par), ekk γef (passer par-dessus).
a. Tamurt tebγuḍ tekkeḍ-tt, ulaqrar ad d-tuγaleḍ.
b. Yekka ed / s ubrid isehlen.
c. Yekka umakur γef ẓẓerb.
- Kwu (ê. excessivement chaud), kwu fell (désirer ardument à faire mal à).
a. Tekwa texxam-is seg uẓγal.
b. Yal ass yettnadi amek ad t-iwet; yekwa fell-as.
- Bded (être / se mettre debout), bded γer (soutenir), bded i (prendre soin de)
a. Yebded armi yeεya yeqqim.
b. Ameddakel d win ara ibedden γer-k deg yir tagnit.
c. D nettat ay ibedden i baba-s asmi yuḍen.
- Ggal (jurer), ggal fell / γef (s’interdire), ggal deg (ordonner, insister)
a. Yeggul ur ijeddel ad yessew iγisem.
b. Teggul γef seksu, teskef aseqqi.
c. Yeggul deg mmi-s ad yessired.
- Asem γef (ê. Jaloux de ; ê. Attaché à), asem seg / deg (envier qqn)
a. Yettasem aṭas γef tmeṭṭut-is.
b. Yettasem deg unarag-is anesbaγur.
- Err (rendre, répondre), err γer (retenir sa colère), err fell (accuser qqn au lieu de qqn d’autre)
a. Iga-yi ayen yelhan, rriγ-as-t.
b. Netta werğin yerfa; yetterra kan γer wul-is.
c. Netta yuker, nutni rran-tt-id fell-i.
- Ger deg (introduire), ger γer (intervenir précipitamment), ger γef / fell (accuser de)
a. Tger afus-is deg ukufi, teddem-d iniγem.
b. Tεeggeḍ tmeṭṭut yiwet n tikkelt; gren-d medden γer-s.
c. Γuccen-iyi; gren-d fell-i ayen ur giγ.
- Rnu (ajouter, vaincre), rnu γef / fell (ê. le suivant ; rendre une coépouse), rnu γer (naître ; ne pas faire
attention à)
a. Yelha seksu-a ; rnu-yi-d kra.
b. Medden rnan-iyi, nekk rniγ gma.
c. D Yidir ay d-yernan γef Muḥand.
d. Susem neγ ad d-rnuγ fell-am takna !
e. Azekka ad rezfeγ γer weltma; yerna γer-s uqcic.
f. Ur rennu ara γer-s; netta d yir amdan.
- Zzi (tourner, s’unir contre), zzi γef / fell (fréquenter ; se retourner contre)
a. Skud meẓẓiyet tjerrayt, tettezzi ugar.
b. Zzin-as sin yergazen, γeḍlen-t.
c. Ur tezzi γef yir medden.
d. Kra tgiḍ diri-t ad d-yezzi fell-ak.
1
Tinzaγ-a mgardent γef tehray “id / d” ed “in / n” yemmalen tanila, am deg “ddu-d” ed “ddu-n”.