AMOURS OU TROP TART ME SUI PRIS - Reine Blanche de Castille

Amours ou trop tart me sui pris

M’a, par sa Signourie apris,
Douce Dame de Paradis
Que de vous voeill un cant canter.

Pour la joie ki puet durer

Vous doit on servir et amer.

Et pour çou que nus n’a mespris

Tan vers vo fill, n’en fai, n’en dis,
S’il s’est en vo service mis
Que vous nel faciés racorder.

Pour la joie ki puet durer

Vous doit on servir et amer.

Virge Roïne, flours de lis,

Com li om a de ses delis

Ki de vous amer est espris

Nus hom nel saroit reconter.

Pour la joie ki puet durer

Vous doit on servir et amer.