POISSON D’AVRIL research.cell.mauritius@gmail.

com

5745 9172 / 5492 1103

‫ور‬
ِ ‫الز‬ ِ َ ‫س ِمنَ ْاْل َ ْوث‬
ُّ ‫ان َواجْ تَنِبُوا قَ ْو َل‬ ِ ‫فَاجْ تَنِبُوا‬
َ ْ‫الرج‬
Reste éloigné are impureté banne idoles et évite tout parole fausse.

[Le Saint Coran, chapitre 22, verset 31]

Le Messie Promis (a.s) finne dire:

Poisson d’Avril ène mauvais coutume parce qui bannes dimounes considère li civilisé pou dire
bannes mensonges.

[Noorul Qur’an, No 2 Ruhani Khazain, Vol. 9, page 408]

Encyclopedie Britannica décrire Poisson d’Avril (“April Fools’ Day” ou “All Fools’ Day” en
anglais) comme ene jour ki celebrer pricipalement le 1er avril. C’est ène tradition kot faire
bannes plaisanteries ou embête nous bannes camarades. Bien qui l’origine sa coutume la
li inconnue, bannes dimounes finne célébré sa jour-là dans la plupart bannes pays à travers
bannes siècles.

Poisson d’Avril ressembler banne les zotte fêtes couma “Hilaria” qui ti pe célébré dans
Rome antique, ou Holi qui célébré le 31 Mars dans L’Inde. Ena banne dimounes ki suggéré
ki sa fête la li lié avec l’équinoxe du printemps (quand soleil zis lahaut equateur), quand la
nature trompe soudainement bannes dimounes par changement dans le temps.

Ena bannes variations entre banne pays dans célébration Poisson d’Avril mais
principalement li ene prétexte pou embête bannes les zotte dimounes.

[Source: https://www.britannica.com/topic/April-Fools-Day]

Sa coutume la li pas seulement incite bannes dimounes pou cause menti mais li aussi la
source de beaucoup bannes mals. Beaucoup bann dimounes finne même gagne bannes
crises cardiaque à cause sa banne mensonges là. Sa qualité plaisanteries la li pas permette
parski li donne bannes difficulté à les zotte et li aussi la cause de beaucoup bann pertes
pou bannes dimounes.

1 of 2
Le Saint Prophète (pssl: Que la paix et les bénédictions d’Allah soit sur lui) inn dire:

Celui ki éna sa quatre l’habitude ki mentionner après la, li complètement ène hypocrite et
celui ki possède même ène seul de sa bane l’habitude la, li éna ène partie d’hypocrisie dan li
ziska ki li quitte sa l’habitude la :

• Kan li kozer, li koz menti [Li mélange so bane kozer avec mensonge et li mentionne
bane zafer ki fausse]

• Kan li faire ène contrat, li casse sa contrat la

• Kan li faire ène promesse, li pa respecter ou complète sa promesse la (Sa aussi c’est
ène forme de fausseté)

• Kan li la guerre, li commence servi bane paroles sales

Péna doute ki éna ène connexion très claire entre l’effet de mensonge lor nu l’âme ek so
l’effet lor nu l’esprit ek nous conduite. Islam fine place le mensonge juste après ène grand
péché comme le shirk – associer bane partenaires avec Allah (Surah al-Hajj, Ch 22 V 31).

Le mensonge li pas baser lor la réalité et donc, li pena limite. Li capave prend n’importe ki
direction ek alle aussi loin ki l’imagination permette. C’est ène caractéristique de nifaq sa
(mot arabe pour hypocrisie, fausseté et tromperie) ki avec le temps li diminuer, li fatiguer
ek li ramper pour retourne dans so trou (Dictionnaire du Saint Coran).

Donc, li pa ène surprise ki, bann ki laisse zot mensonge écrase zot capacité émotionnelle,
zot développe bane comportements ek bane tendances anti-sociales. Zot envelopper dans
bane la toile de mensonges. Sa la toile la, ki au commencement paraite tipti ek sans valeur,
doucement doucement li vine kuma ène trou noir ki déchaîné ek ki, kuma ène vorace,
commence absorbe l’énergie de bane tels dimunes ziska ki, pu zot, reste zis ène réalité ki
pa exister.

Bien sûr, personne pa ti pu capave présente sa dans ène meilleur façon ki Le Saint Prophète
(pssl) kan li ti dire :

Le mensonge, li amène ène dimoune vers bane lezot péchés ek péchés li amène vers difé, ek
ène dimoune li continier cause menti ziska ki, dans regard Allah, li considérer comme ène
menteur [Sahih Al-Bukhari, Kitab-ul-Adab]

Dans ène lot hadith raconter ki ène missier ti vine demande au Messager d’Allah (pssl) lor,
ki bane actions ki amène ène dimoune vers difé. Lor la le Saint Prophète (pssl) fine réponne:

C’est le mensonge. Kan kikene dir ène mensonge, li vin désobéissant ek sa désobéissance là,
c’est kufr [l’incroyance]. Kan ène dimoune li reste établi lor sa kalité l’incroyance la, li rente
dans difé. [Musnad Ahmad bin Hanbal, Vol. 2, p. 176 (Beirut)]

2 of 2