Tekst 5

Manuscript van een kroniek van Jean Froissart over het ‘bal des ardents’ (1393)
Midden 15de eeuw

L’adventure d’une danse faitte a Paris en samblance d’hommes sauvaiges, la ou le roy fut en
grant peril. XXXII.

Advint assez tost apres celle retenue, que un mariage se fist a l’ostel du roy de un joeune
chevallier de Vermendois et de une des damoiselles de la roynne. S'y en fu le roy et la roynne,
les seigneurs et les dames et les damoiselles et tout l’ostel resjoui. Et pour ceste cause, le roy
volt faire les noepces et furent faittes dedens l’ostel de Saint Pol a Paris. Et y ot grant foison
de bonnes gens et de seigneurs, et y furent le duc d’Orliens, le duc de Berri et le duc de
Bourgoingne et leurs femmes. Tout le jour des noepces que ilz espouserent, on dansa et mena
grant revel. Et fist le roy le soupper aux dames et tint la roynne de France l’estat. Et
s’efforchoit chascun de joye faire, pour la cause de ce que ilz veioient le roy qui s'en
ensommoit…