SERVICE DE L’INFORMATION ET DES RELATIONS AVEC LES MEDIAS
N° - AN-QII/SG/DRIC/SIRM
FAMPITAM-BAOVAO
1- Nolanian’ny solombavambahoaka androany faha-06 jona 2023 ny lalàna vaovao mifehy
ny orinasa kaoperativa eto Madagasikara. Araka ny fanazavana nomen’ny Minisitra dia ny lalàna laharana faha-99-004 tamin’ny 21 aprily 1999 no mifehy ny kaoperativa eto Madagasikara hatramin’izao fotoana izao, ka noho ny fivoaran’ny fiharian-karena dia ilaina manaraka izany ihany koa ny lalàna. Fihariana sy fiveloman'ny mponina amin’ny ankapobeny no voakasika satria manodidina ny 3500 no isan’ny kaoperativa voarakitra ankehitriny. Ity Volavolan-dalàna ity dia mamaritra fepetra maromaro ho fiarovana ireo kaoperativa efa miorina ary handrisika sy hanamaivana ny fananganana kaoperativa vaovao hahafahana manatratra ny fivoarana ara-toekarena, anatiin’izany ny fametrahana mazava ny andraikitry ny Fanjakana sy ireo vovonana, ny fitantanana ara-bola, ny fiaraha-miasa amin’ny ministera…Ny tanjona dia ny hananana lalàna mafy orina miaro ny orinasa kaoperativa sy manamora ny fifandraisan’ny orinasa kaoperativa amin’ny fanjakana, hisintomana ny mpandraharaha hisehatra amin’ny ara-dalàna ary hanatsarana ny laharan’i Madagasikara amin’ny fananana lalàna manaraka ny fenitra iraisam-pirenena.
2- Nankatoavin’ny solombavambahoaka ny volavolan-dalàna laharana faha-004/2023
tamin’ny 05 Aprily 2023 autorisant la ratification de l’accord de prêt relatif au financement du projet « Filets Sociaux de Sécurité et Résilience à Madagascar » conclu le 16 janvier 2023 entre la République de Madagascar et l’Association Internationale de Développement (IDA). Tetikasa entina hanohizana sy hanamafisana ny tetikasa haraton’aina efa nisy teo aloha, ny ankohonana marefo amin’ny faritra 23 no hisitraka izany ary haharitra mandritra ny telo taona (Jolay 2023- 31 martsa 2027), mitentina 1 097 402 500 000 Ariary ary ho averina ao anatin’ny 50 taona. Ny Ministeran’ny Mponina no mandrindra ny tetikasa fa ny FID no manatanteraka ifotony.
3- Nankatoavin’ny solombavambahoaka ny Volavolan-dalàna laharana faha-010/2023
tamin’ny 17 May 2023 « autorisant la ratification de la Convention du Travail Maritime de l’Organisation Internationale du Travail (MLC 2006), telle qu’amendée », Fifanarahana mirakitra ny ankapoben’ny fifanarahana rehetra sy ny soso-kevitra mahakasika ny asan- dranomasina sy mameno ireo hafa efa nankatoavin’i Madagasikara toy ny « Convention Internationale de 1974 pour la sauvegarde des vies humaines (SOLAS) », ny « Convention Internationale de 1978 sur les normes des formations des gens de mer, de délivrance de brevet et de veille (STCW) » ary ny « Convention Internationale de 1973 pour la prévention des pollutions par les navires (MARPOL)». Marihana fa manana tantsambo mpisehatra iraisam-pirenena manodidina ny 5000 isa eo ankehitriny i Madagasikara.
4- Fifanarahana miisa telo momba ny asa no nankatoavin’ny solombavambahoaka androany
faha-06 Jona 2023. Ny Volavolan-dalàna laharana faha-012/2023 tamin’ny 31 may 2023 « autorisant la ratification de la Convention (n°155) sur la sécurité et la santé des travailleurs, 1981 », ny Volavolan-dalàna dalàna laharana faha-013/2023 tamin’ny 31 may 2023 « autorisant la ratification de la Convention (n°161) sur les services de santé au travail, 1985 » ary ny Volavolan-dalàna laharana faha-014/2023 tamin’ny 31 may 2023 « autorisant la ratification de la Convention (n°187) sur le cadre promotionnel pour la sécurité et la santé des travailleurs, 2006 ». Ny fifanarahana laharaha faha-155 dia mifandraika amin’ny « Objectif de Développement Durable » (ODD) faha-8. Ny tanjona dia ny fisorohana ireo loza azo amperin’asa sy fiarovana ny fahasalaman’ny mpiasa amin’ny alalan’ny fampihenana ireo tranga mety hampidi-doza eny amin’ny toeram-piasana. Izao Fifanarahana n°161 izao dia mameno ireo fepetra voarakitra ao anatin’ny Fifanarahana n°155 ao amin’ny Volavolan-dalàna laharana 012/2023 mahakasika ny fampiroboroboana ny fiarovana ny mpiasa eo amin’ny toeram-piasany sy ny fahasalamany ka natao hametrahana ireo “service médicaux” eny anivon’ny toeram-piasana tsirairay. Ny fifanarahana n°187 dia mameno ireo fepetra voarakitra ao anatin’ny Fifanarahana n°155 sy 161 mahakasika ny fampiroboroboana ny fiarovana ny mpiasa eo amin’ny toeram-piasany sy ny fahasalamany eny anivon’ny toeram-piasana ara-dalàna. Ny tena zava-dehibe amin’izy ity dia mampiroborobo ny fampandrosoana sosialy sy ara-ekonomika, mampitombo ny fahavitrihan’ny mpiasa, mampitombo araka izany ihany koa ny famokaran’ny orinasa ary indrindra manatsara ny endrika entin’i Madagasikara eo anivon’ny sehatra iraisam-pirenena amin’ny fananana asa mendrika.
L'information précontractuelle et la Commission d'arbitrage: Commentaires de la loi du 2 avril 2014 portant insertion du Titre 2 du Livre X du Code de droit économique