Bible Nouveau Testament en Kabyle

Eglise Evangélique Ouadhias Tamezdayt tanǧilit n Iwaḍiyen
LƐAHD AJDID
LINǦIL SƔUR MATTA
1_2_3_4_5_6_7_8_9_10_11_12_13_14_15_16_17_18_19_20_21_22_23_24_25_26_27_28
LINǦIL SƔUR MARQUS
1 2 3 4 5 6 7 8 9 10 11 12 13 14 15 16
LINǦIL SƔUR LUQA
1 2 3 4 5 6 7 8 9 10 11 12 13 14 15 16 17 18 19 20 21 22 23 24
LINǦIL SƔUR YUḤENNA
1 2 3 4 5 6 7 8 9 10 11 12 13 14 15 16 17 18 19 20 21
LECƔAL N YIMCEGGƐEN
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28
TABRAT I YIRUMIYEN
1 2 3 4 5 6 7 8 9 10 11 12 13 14 15 16
TABRAT TAMEZWARUT I YIKURINTIYEN
1 2 3 4 5 6 7 8 9 10 11 12 13 14 15 16
TABRAT TIS SNAT I YIKURINTIYEN
1 3 4 5 6 7 8 9 10 11 12 13
TABRAT I YIGALATIYEN
123456
TABRAT I YIFASUSIYEN
123456
TABRAT I YIFILIBIYEN
1234
TABRAT I YIKULUSIYEN
1234
TABRAT TAMEZWARUT I YITISALUNIKIYEN
12345
TABRAT TIS SNAT I YITISALUNIKIYEN
123
TABRAT TAMEZWARUT I TIMUTAWUS
123456
TABRAT TIS SNAT I TIMUTAWUS
1234
TABRAT I TITUS
123
TABRAT I FILIMUN
TABRAT I YIƐEBRANIYEN
1 2 3 4 5 6 7 8 9 10 11 12 13
TABRAT N YEƐQUB
12345
TABRAT TAMEZWARUT N BUṬRUS
12345
TABRAT TIS SNAT N BUṬRUS
123
TABRAT TAMEZWARUT N YUḤENNA
12345
TABRAT TIS SNAT N YUḤENNA
TABRAT TIS TLATA N YUḤENNA
TABRAT N YAHUDA
AWEḤḤI N YUḤENNA
1 2 3 4 5 6 7 8 9 10 11 12 13 14 15 16 17 18 19 20 21 22
LINǦIL SƔUR MATTA

Ttajira n Yasuɛ
(Lq 3. 23-38)
1 Ttajira nn Yasuɛ Lmasiḥ, mmi-s n Dawed, mmi-s n Abraham.
2
Abraham isɛa-d Isḥaq; Isḥaq isɛa-d Yeɛqub; Yeɛqub isɛa-d Yahuda akked watmaten-is.
3
Yahuda yesɛa-d akked Tamar Firiṣ akked Ziraḥ; firiṣ isɛa-d Ḥiṣrun; Ḥiṣrun isɛa-d Aram.
4
Aram isɛa-d Ɛaminadab; Ɛaminadab isɛa-d Naḥcun; naḥcun isɛa-d Salmun.
5
Salmun isɛa-d akked Raḥab Buɛaz; buɛaz isɛa-d akked Rut Ɛubid; Ɛubid isɛa-d Icay.
6
Icay isɛa-d Dawed, agellid; dawed isɛa-d akked tmeṭṭut n Urya Sliman.
7
Sliman isɛa-d Raḥabɛam; Raḥabɛam isɛa-d Abya; abya yesɛa-d Asa.
8
Asa yesɛa-d Yahucafat; Yahucafat isɛa-d Yahuram; Yahuram isɛa-d Ɛuzya.
9
Ɛuzya yesɛa-d Yutam; Yutam isɛa-d Aḥaz; aḥaz isɛa-d Ḥizqiya.
10
Ḥizqiya yesɛa-d Manaci; manaci yesɛa-d Ɛamun; Ɛamun isɛa-d Yucya; 11Yucya yesɛa-d
Yaxunya d watmanten-is, segmi i nfan ɣer Babil.
12
Mbaɛd neffu ɣer Babil, Yaxunya yesɛa-d Caltiyil; caltiyil isɛa-d Zarubabil; 13Zarubabil
isɛa-d Abihud; abihud isɛa-d Ilyaqim; Ilyaqim isɛa-d Ɛazur.
14
Ɛazur isɛa-d Ṣaduq; Ṣaduq isɛa-d Yaxin; Yaxin isɛad Ilihud.
15
Ilihud isɛa-d Ilɛazar; Ilɛazar isɛa-d Matan; matan isɛa-d Yeɛqub; 16Yeɛqub isɛa-d Yusef,
argaz n Meryem, tin i d-isɛan Yasuɛ, yettusemman Lmasiḥ.
17
Llan rbeɛṭac n leǧyal si Abraham armi d Dawed; rbeɛṭac n leǧyal si Dawed armi d neffu;
rbeɛṭac n leǧyal si neffu ɣer Babil armi d Lmasiḥ.
Talalit n Yasuɛ
(Lq 2. 1-21)
18
Atan wamek i d-ilul Yasuɛ Lmasiḥ: yemma-s Meryem tella d taxḍibt n Yusef; meɛna
uqbel ad tezweǧ yid-s, tufa-d iman-is terfed s tadist s Rruḥ Iqedsen. 19 Yusef, argaz-is, illa
d argaz aḥeqqi; ur ibɣi ara ad tt-icemmet dɣa yeqsed ad as-ibru s tuffra.
20
Seg wakken yeɛweq, iḍher-as-d yiwen n lmelk n Ssid di targit dɣa yenna-yas-d: "A
Yusef, mmi-s n Dawed, ur ttaggad ara ad tesɛuḍ Meryem d tameṭṭut-ik, axaṭer llufan
yellan di tɛebbuḍt-is, ikka-d si Rruḥ Iqedsen. 21Ad d-tesɛu aqcic, semmi-yas Yasuɛ,
axaṭer ad isellek agdud-is si ddnubat-is." 22Ayagi merra iwakken ad d-iḍru wayen i d-
yenna Ssid seg yimi n nnbi-s:
23
"Attan tɛezrit ad terfed, ad d-tesɛu aqcic; ad as-semmin Ɛimanu-Il, yeɛniIllu yid-neɣ."
24
Mi d-yuki Yusef, ixdem akken i as-d-yumer lmelk n Ssid, yewwi-d tameṭṭut-is s axxam-
is. 25Meɛna ur iṭṭiṣ ara yid-s armi i d-tesɛa aqcic, iwumi i isemma Yasuɛ.
Imusnawen di Bit-Liḥim
2 Mi d-ilul Yasuɛ di Bit-Liḥim n Yahuda, di lweqt n ugellid Hirudus, usan-d kra n
yimusnawen n yitran si ccerq ɣer Yarucalim, nnan: 2"Anida-t ugellid n Iyahudiyen i d-
ilulen? Nwala itri-s di ccerq, aql-aɣ nruḥ-d ad nseǧǧed zdat-s." 3Mi yesla ugellid Hirudus
irwi, netta d Yarucalim merra. 4Isnejmaɛ-d imeqqranen merra n lmuqeddmin akked

Imusnawen n ccariɛa n ugdud; isteqsa-ten: "Anda ara d-ilal Lmasiḥ?" 5Nnan-as: "Di Bit-
Liḥim n Yahuda; axaṭer atan wayen yura nnbi:
6
'I kem, a Bit-Liḥim, taddart n Yahuda, ur telliḍ ara d aqell gar temdinin timeqqranin n
Yahuda, axaṭer ad d-iffeɣ seg-m umeqqran ara yeksen Israyil, agdud-iw'."
7
Imiren Hirudus isawel s tuffra i yimusnawen-nni n yitran, dɣa yesteqsa-ten ɣef lawan
ideg d-iban yetri-nni. 8Iceggeɛ-iten ɣer Bit-Liḥim, yenna-yasen: "Ruḥet, steqsit-d mliḥ ɣef
llufan-agi; mi t-tufam, rret-iyi-d s lexbar, iwakken ad ruḥeɣ ula d nekk ad seǧǧdeɣ zdat-s."
9
Slan i wayen i asen-d-yenna ugellid dɣa ruḥen. Itri-nni i walan di ccerq izwar zdat-sen.
Mi yewweḍ nnig umkan anda yella uqcic-nni, iḥbes. 10Mi walan itri-nni, ferḥen yiwen n
lferḥ d ameqqran. 11Kecmen s axxam dɣa walan llufan-nni netta d yemma-s Meryem.
Knan dɣa seǧǧden zdat-s; imiren fsin tiyemmusin-nsen, dɣa fkan-as lehdeyyat: ddheb,
lgawi akked lmur. 12Ittwaɛeggen-asen-d di targit ur ttuɣalen ara ɣer Hirudus. Dɣa uɣalen
ɣer tmurt-nsen seg ubrid-nniḍen.
Tarewla ɣer Maṣer
13
Mi ruḥen, iḍher-as-d yiwen n lmelk n Ssid di targit i Yusef. Inna-yas-d: "Kker, ddem
llufan akked yemma-s, rwel ɣer Maṣer. Qqim dinna alamma nniɣ-ak-d; axaṭer Hirudus ad
inadi ɣef llufan-agi iwakken ad t-ineɣ." 14Ikker, iddem llufan-nni akked yemma-s, deg
yiḍ, dɣa iruḥ ɣer Maṣer. 15Iqqim dinna armi i yemmut Hirudus, iwakken ad d-iḍru wayen
i d-yenna Ssid seg yimi n nnbi-s: "Sawleɣ i mmi ad d-iffeɣ si Maṣer."
16
Mi iwala Hirudus belli kellxen-t imusnawen-nni n yitran, irfa mliḥ. Iceggeɛ ad nɣen
llufanat merra i yesɛan si sin n yiseggasen d akkessar, i yellan di Bit-Liḥim akked
leǧwahi-s, akken yella lawan i as-d-fkan imusnawen-nni n yitran. 17Imiren yeḍra-d wayen
i d-yenna nnbi Irmiya: 18"Nesla i yisuɣan di Rama:
Imeṭṭawen, aṭas n umeǧǧed; Raḥil tettru ɣef warraw-is, tegguma ad teṣber fell-asen,
axaṭer mmuten."
Tuɣalin si Maṣer
19
Mi yemmut Hirudus, iḍher-d di targit yiwen n lmelk n Ssid i Yusef, di Maṣer. 20Inna-yas-
d: "Kker, ddem aqcic akked yemma-s, uɣal ɣer tmurt n Israyil; axaṭer wid yebɣan ad
ddmen leɛmer n uqcic mmuten." 21Ikker Yusef, iddem aqcic akked yemma-s, dɣa iruḥ ɣer
tmurt n Israyil. 22Meɛna, mi yesla belli d Arxilayus i iḥekmen di Yahuda, deg umkan n
baba-s Hirudus, yuggad ad iruḥ ɣer dinna. Ittwaɛeggen-as-d di targit, dɣa yerra ɣer lǧiha n
Galil. 23Iruḥ izdeɣ deg yiwet n temdint iwumi i qqaren Naṣarit, iwakken ad d-iḍru wayen
akken i d-nnan lanbeyya: "Ad ittusemmi Anaṣari."
Yuḥenna deg uneẓruf
(Mr 1. 1-8; Lq. 3. 1-20; Yn 1. 19-28)
3 Di lweqt-nni, iban-d Yuḥenna Aɣeṭṭaṣ. Ittberriḥ deg uneẓruf n Yahuda. 2Iqqar: "Tubet,
axaṭer tagelda n yigenwan tqerreb-d." 3D netta iɣef d-icar nnbi Icɛaya, mi d-yenna:
"D taɣect n win yettberriḥen deg uneẓruf:
Heggit abrid n Ssid, ṣeggmet iberdan-is."

4
Yuḥenna yella yettlusu llebsa n ccɛer n ulɣem, yerna yettages s wagus n uglim; lqut-is, d
ibẓaẓ akked tament n lexla. 5Ttruḥun-d ɣur-s si Yarucalim, si Yahuda merra, si leǧwahi
merra i d-izzin i wasif n Urdun. 6Isseɣḍaṣ-iten deg wasif n Urdun, mbaɛd mi d-qarren s
ddnubat-nsen.
7
Mi iwala belli aṭas n Ifarisiyen akked Iṣaduqiyen i d-ittasen ɣur-s i uɣḍaṣ, iqqar-asen: "A
ccetla n lwafeɛ! Anwa i awen-imlan amek ara trewlem i wurrif i d-iteddun? 8Fket-d
lfakya ara d-isbeggnen belli ttubem. 9Ur qqaret ara deg yiman-nwen: 'Nesɛa Abraham, d
baba-tneɣ.'Ad awen-d-iniɣ: seg yiẓra-agi, izmer Yillu ad d-ifk dderya i Abraham. 10Attan
tqabact thegga s yiẓuran n ttjur. Kra n ttejra ur d-nettak ara lfakya yelhan ad tettwagzem
yerna ad twaḍegger ɣer tmes. 11Nekk sseɣḍaṣeɣ-ken deg waman, i ttuba; meɛna ad d-yas
yiwen mbaɛd-iw, yugar-iyi, ur uklaleɣ ara ad refdeɣ arkasen-is. Netta, ad ken-isseɣḍeṣ di
tmes n Rruḥ Iqedsen. 12Iṭṭef tazzert deg ufus-is, ad issizdeg annar-is, ad d-ijmeɛ irden-is
ɣer uɛric-is; ma d alim, ad t-isserɣ di tmes ur nxessi."
Aɣḍaṣ n Yasuɛ
(Mr. 1: 9-11; Lq. 3: 21-22; Yn. 1: 32-34)
13
Iruḥ Yasuɛ si Galil s asif n Urdun iwakken ad t-isseɣḍeṣ Yuḥenna. 14Meɛna Yuḥenna
yugi dɣa yenna-yas: "D nekk i yeḥwaǧen ad iyi-tesɣeḍṣeḍ, kečč tusiḍ-d ɣur-i!" 15Inṭeq
Yasuɛ, yenna-yas: "Anef tura! Ilaq-aɣ ad nexdem ayen akk yellan d lḥeqq." Dɣa, yunef-
as. 16Akken yettwaɣḍeṣ, yasuɛ iffeɣ-d seg waman; igenwan ldin-as-d, dɣa iwala Rruḥ n
Yillu iṣubb-d am yitbir; ires-d fell-as. 17Imiren, tenṭeq-d yiwet n taɣect seg yigenwan,
tenna-d: "Wagi, d Mmi amaɛzuz, yis-s i ferḥeɣ."
Ajerreb n Yasuɛ
(Mr 1. 12-13; Lq 4. 1-13)
4 Mbaɛd, Rruḥ yewwi Yasuɛ s aneẓruf iwakken ad t-ijerreb Cciṭan. 2Yuẓam rebɛin n
wussan akked rebɛin n wuḍan, dɣa yelluẓ. 3Iqerreb ɣur-s umjerreb, yenna-yas: "Ma d
Mmi-s n Yillu i telliḍ, ini i yiẓra-agi ad d-uɣalen d aɣrum?" 4Yasuɛ inṭeq, yenna-yas:
"Yura:
'Amdan ur ittɛici ara kan s uɣrum, meɛna s kra n wawal i d-itteffɣen seg yimi n Yillu'."
5
Yewwi-t Cciṭan ɣer temdint iqedsen; isbedd-it ɣef ufakan, dɣa yenna-yas: 6"Ma d Mmi-
s n Yillu i telliḍ, ḍegger iman-ik d akkessar, axaṭer yura:
'Ad yamer fell-ak i lmalayek-is, ad k-awin gar yifassen-nsen iwakken ur k-ikkat ara
wugur'."
7
Yasuɛ yenna-yas: "Yura daɣen: 'Ur ttjerrib ara Ssid'."
8
Yewwi-t daɣen Cciṭan ɣer yiwen n udrar ɛlayen mliḥ. Issken-as-d tigeldiwin merra n
ddunit akked ccan-nsent; 9yenna-yas: "Ayagi akk, ad ak-t-fkeɣ, ma tekniḍ, tseǧǧdeḍ zdat-
i." 10Yasuɛ yenna-yas: "Ruḥ akkin fell-i, a Cciṭan! Yura:
'Zdat Ssid, Illu-yik, ara tseǧǧdeḍ, d netta kan ara tɛebdeḍ'."
11
Imiren, Cciṭan ittaxxer fell-as; dɣa lmalayek qerrben ɣur-s iwakken ad qedcen fell-as.
Beddu n leqdic n Yasuɛ di Kafar-Naḥum

(Mr 1. 14-15; Lq 4. 14-15)
12
Mi yesla Yasuɛ belli Yuḥenna yettusellem, iruḥ ɣer Galil. 13Mbaɛd, iffeɣ si Naṣarit, iruḥ
iqqim di Kafar-Naḥum, rrif n lebḥer, di leǧwahi n Zabulun akked Naftali, 14i wakken ad
d-ḍrun lehdur-nni n nnbi Icɛaya, mi d-yenna: 15"A tamurt n Zabulun, a tamurt n Naftali,
iqerben lebḥer, agemmaḍ i wasif n Urdun, a Galil n leǧnas:
16
Agdud yellan di ṭṭlam, iwala tafat tameqqrant, wid yellan di tmurt anda terra lmut tili,
tefrari tafat fell-asen."
17
Seg imiren, Yasuɛ ibda yettberriḥ, iqqar: "Tubet, axaṭer tagelda n yigenwan tqerreb-d!"
Inelmaden imezwura
(Mr 1. 16-20; Lq 5. 1-11; Yn 1. 35-51)
18
Mi iteddu Yasuɛ rrif n lebḥer n Galil, iwala sin n watmaten, Cimɛun, iwumi i qqaren
Buṭrus, akked gma-s Andriyus, ttḍeggiren icebbaken ɣer lebḥer, axaṭer d iḥewwaten.
19
Inna-yasen: "Yyaw, tbeɛt-iyi-d! Ad ken-rreɣ d iṣeggaden n yimdanen." 20Imiren kan,
ǧǧan icebbaken-nsen, dɣa tebɛen-t. 21Syenna yuẓa ɣer zdat, dɣa iwala sin n watmaten-
nniḍen, Yeɛqub, mmi-s n Zabdi, akked gma-s Yuḥenna; llan di tefluk, nutni d baba-tsen,
ttreqqiɛen icebbaken-nsen. 22Isawel-asen; imiren kan, ǧǧan taflukt-nni akked baba-tsen,
dɣa tebɛen-t.
23
Yasuɛ itekk-d Galil merra, isselmad di leǧwameɛ-nsen; ittbeccir Linǧil n tgelda. Isseḥlay
kra yellan d lehlak akked lɛib yellan di lɣaci. 24Isem-is mucaɛ di Surya merra. Ttawin-as-d
widak merra yuḍnen, i yeɛṣer lehlak akked leɛtab: wid i zedɣen leǧnun, wid yesɛan
imsigman, ukrifen; isseḥlay-iten. 25D ihedman n lɣaci i t-ittabaɛen, si Galil, si Ɛecra n
Temdinin, si Yarucalim, si Yahuda, seg ugemmaḍ i wasif n Urdun.
Aselmed deg udrar
Sseɛd
(Lq 6. 20-26)
5 Mi iwala lɣaci, Yasuɛ yuli s adrar dɣa yeqqim dinna. Qerrben ɣur-s yinelmaden-is. 2Ildi
imi-s dɣa yebda yesselmad-iten, iqqar:
3
"D iseɛdiyen, imeɣban n rruḥ, axaṭer tagelda n yigenwan, nsen!
4
D iseɛdiyen, wid iḥeznen, axaṭer ad ttwaṣebbren!
5
D iseɛdiyen, wid yunzen, axaṭer ad werten tamurt!
6
D iseɛdiyen, wid yelluẓen, ifuden lḥeqq, axaṭer ad ṛwun!
7
D iseɛdiyen, wid yesɛan rreḥma, axaṭer ad afen rreḥma!
8
D iseɛdiyen, wat wulawen yeṣfan, axaṭer ad walin Illu!
9
D iseɛdiyen, wid i d-isrusun lehna, axaṭer ad ttusemmin arraw n Yillu!
10
D iseɛdiyen, wid yettwaqehren ɣef lḥeqq, axaṭer tagelda n yigenwan, nsen!
11
Amaseɛd-nwen mi ara ken-regmen, mi ara ken-qehren, mi ara d-gren fell-awen lbaṭel,
ɣef ddemma-w.
12
Ferḥet, neggzet si lferḥ! Lajer-nwen meqqer deg yigenwan! Akka i qehren lanbeyya,
wid yellan uqbel-nwen.
Lmelḥ akked tafat

(Mr 4. 21-23; Lq 8. 16-18; 11. 33-36)
13
Kenwi, d lmelḥ n ddunit. Meɛna ma truḥ-as lbenna i lmelḥ, s wacu ara yettwamelleḥ?
Ur iṣliḥ i wacemma; iṣleḥ kan ad ittwaḍegger ɣer berra yerna ad t-rekḍen yimdanen.
14
Kenwi, d tafat n ddunit. Tamdint i d-izgan ɣef udrar, ur tezmir ara ad teffer. 15Yiwen ur
iceɛɛel taftilt, mbaɛd ad tt-yerr ddaw uqerwi, meɛna ad tt-isers ɣef lmeṣbaḥ iwakken ad
tfeǧǧeǧ ɣef wid akk yellan deg uxxam. 16Akka i ilaq ad tfeǧǧeǧ tafat-nwen zdat
yimdanen; ad walin lecɣal-nwen yelhan, dɣa ad ḥemden Baba-twen n yigenwan.
Ɣef ccariɛa
17
Ur ttɣilit ara belli usiɣ-d ad kkseɣ ccariɛa neɣ lanbeyya. Usiɣ-d mačči iwakken ad
kkseɣ, meɛna iwakken ad snekmaleɣ. 18Amin, ad awen-iniɣ: skud akk igenwan akked
lqaɛa ur fnin ara, ur imeḥḥu si ccariɛa ula d yiwen n usekkil neɣ yiwet n tneqqiṭ, alamma
yeḍra-d kullec. 19Ɣef wayagi, win ara yekksen amecṭuḥ akk gar lumur-agi, yerna
yesselmad i wiyaḍ ad xedmen akken, ad ittusemmi amecṭuḥ akk di tgelda n yigenwan.
Ma d win ixeddmen ayen i d-teqqar, yerna yesselmad i wiyaḍ ad xedmen akken, winna
ad ittusemmi ameqqran akk di tgelda n yigenwan. 20Ad awen-iniɣ: ma yella lewqama-
nwen ur d-tekki ara nnig tin n Imusnawen n ccariɛa akked Ifarisiyen, ur tkeččmem ara
tagelda n yigenwan.
Ɣef rregmat, lweɛda akked ssmaḥ
21
Teslam belli yettwamr-d i yimezwura: 'Ur tneqqeḍ ara tamgerḍt!' Win yenɣan tamgerḍt
ad iɛeddi di ccraɛ. 22Nekk, ad awen-iniɣ: Win yerfan ɣef gma-s ad iɛeddi di ccraɛ; win
yennan i gma-s: 'A lǧayeḥ!' yuklal ad ibedd zdat usqamu n ccraɛ; win ara as-yinin: 'Ay
ameslub!' Yuklal times n Ǧahennama. 23Mi ara truḥeḍ ad tefkeḍ lweɛda ɣef uɛalṭar,
temmektaḍ-d belli gma-k ittalas-ak-tt, 24egg dinna lweɛda-k zdat uɛalṭar, ruḥ qbel ad
temṣalaḥeḍ kečč d gma-k; mbaɛd, uɣal ad tefkeḍ lweɛda-k. 25Ɣiwel rbeḥ-d axṣim-ik skud
mazal-ik yid-s deg ubrid, iwakken axṣim-nni ur k-issawaḍ ara s anezzarfu, anezzarfu ur k-
ittsellim ara i uɛessas ara k-iḍeggren ɣer lḥebs. 26Amin, ad ak-iniɣ: ur d-tetteffɣeḍ ara
ssyenna alamma txellseḍ azgen n teryalt aneggaru.
Ɣef zzna akked berru
(Mt 19. 3-11; Mr 10. 2-12)
27
Teslam belli yettwamr-d: 'Ur tzennuḍ ara!' 28Nekk, ad awen-d-iniɣ: Win ara imuqlen
tameṭṭut, iḍmeɛ-itt, izna yakan deg wul-is. 29Ma tella-yak tiṭ-ik tayeffust d ssebba n
tuccḍa, kkes-itt-id, ḍegger-itt akkin fell-ak. Xir-ak ad ak-iruḥ yiwen si legwareḥ-ik, wala
ad truḥeḍ s tfekka-k merra ɣer Ǧahennama. 30Ma yella-yak ufus-ik ayeffus d ssebba n
tuccḍa, gezm-it, ḍegger-it akkin fell-ak; xir-ak ad ak-iruḥ yiwen si legwareḥ-ik, wala ad
truḥeḍ s tfekka-k merra ɣer Ǧahennama.
31
Ittwamr-d daɣen: 'Win ara yebrun i tmeṭṭut-is, ad as-ifk lkaɣeḍ n berru!' 32Meɛna nekk,
ad awen-d-iniɣ: win ara yebrun i tmeṭṭut-is, siwa ma tezna, irra-tt tezna. Win ara izewǧen
akked tmeṭṭut yebran izna.
Ɣef limin akked ttar

33
Teslam belli yettwamr-d daɣen i yimezwura: 'Ur ḥennet ara! Xdem ayen s wayen i
tɛuhdeḍ Ssid.' 34Meɛna, nekk ad awen-iniɣ: ur ttgallat s wacemma. Ur ttgallat la s yigenni:
d akersi n leḥkem n Yillu, 35la s lqaɛa: d tarkabt n yiḍarren-is, la s Yarucalim: d tamdint n
ugellid ameqqran. 36Ur ttgalla daɣen s uqerru-k, axaṭer ur tezmireḍ ad terreḍ ula d yiwen n
unẓad d amellal neɣ d aberkan. 37Awal-ik ad yili: 'Ih, ih; ala, ala'; zzyada akk, seg umcum.
38
Teslam belli yettwamr-d: 'Tiṭ s tiṭ, tuɣmest s tuɣmest.' 39Nekk, ad awen-iniɣ: ur ttqamaret
ara amcum. Ma iwet-ik yiwen s ubeqqa ɣer lḥenk ayeffus, mekken-as lḥenk-nniḍen. 40I
win yebɣan ad k-icareɛ iwakken ad ak-ikkes aqendur-ik, eǧǧ-as ula d abernus-ik. 41Ma
iseyyef-ik yiwen ad telḥuḍ amecwar, lḥu yid-s sin. 42Efk i win ara ak-d-issutren; ur
rewwel ara ɣef win yebɣan ad d-irḍel ɣur-k.
Ḥemmlet iɛdawen-nwen
(Lq 6. 27-36)
43
Teslam belli yettwamr-d: 'Ḥemmel arfiq-ik, kreh aɛdaw-ik.' 44Meɛna, nekk, ad awen-
iniɣ: ḥemmlet iɛdawen-nwen, ẓẓallet ɣef wid i ken-ittqehhiren, 45i wakken ad tilim d
arraw n Baba-twen n yigenwan; netta yettcerriq-d iṭij-is ɣef lmumnin, ɣef yimcumen,
ittak-d ageffur i yiḥeqqiyen, i yimesbaṭliyen. 46Ma d leḥbab-nwen kan i tḥemmlem, d acu
n lajer ara tesɛum? Imekkasen, ur xeddmen ara akken? 47Ma d atmaten-nwen kan iɣef
tettsellimem, d acu leɛǧeb i txedmem? At leǧnas, ur xeddmen ara akken? 48Ilit tkemlem
akken i yella Baba-twen n yigenwan d lkamel.
Ɣef ssadaqa
6Ḥadret anda i tettseddiqem zdat yimdanen iwakken ad ken-id-walin, neɣ ma ulac ur
tseɛɛum ara lajer ɣer Baba-twen n yigenwan. 2Mi ara tseddqeḍ, ur kkat ara lbuq, akken i
xeddmen wat sin wudmawen di leǧwameɛ akked yiberdan, iwakken ad ten-ɛuzzen
yimdanen. Amin, ad awen-iniɣ: wwin lajer-nsen. 3Ma d kečč, mi ara tseddqeḍ, afus-ik
azelmaḍ ur iẓerr ara ayen yexdem ufus-ik ayeffus, 4i wakken ad teqqim ssadaqa-k di sser;
imiren Baba-k, i yettwalin ayen yellan di sser, ad ak-t-id-yerr.
Ɣef tẓallit
(Lq 11. 2-4)
5
Mi ara tettẓallam, ur xeddmet ara am wat sin wudmawen; nutni ḥemmlen ad ẓẓallen s
yibeddi di leǧwameɛ akked tɣemmar n yiberdan, iwakken ad d-beggnen iman-nsen zdat
medden. Amin, ad awen-iniɣ: wwin lajer-nsen. 6Ma d kečč, mi ara teẓẓalleḍ, kcem ɣer
texxamt-ik, ɣleq tawwurt-ik, tedɛud ɣer Baba-k yellan di sser; imiren Baba-k, i yettwalin
ayen yellan di sser, ad ak-t-id-yerr. 7Mi ara tettẓallam, ur sṭuqqutet ara lehdur, akken i
xeddmen wat leǧnas; ɣilen s usṭuqqet n lehdur ara d-ttwaqeblen. 8Ur ten-cebbut ara,
axaṭer Baba-twen iẓra lmeḥwiǧat-nwen uqbel ad as-tent-tessutrem.
9
Atan ihi wamek ara tettẓallam, kenwi:
'A Baba-tneɣ yellan deg yigenwan, isem-ik ad ittwaqeddes,
10
Tagelda-k ad d-tas, lebɣi-k ad d-iḍru di lqaɛa akken yeḍra deg yigenwan.
11
Efk-aɣ-d ass-a talqimt-nneɣ n uɣrum i wass-a.
12
Semmeḥ-aɣ ṭṭelm-nneɣ, akken i nsemmeḥ i wid i aɣ-iḍelmen.
13
Ur aɣ-ssekcam ara deg ujerreb, meɛna sellek-aɣ seg umcum.'
14
Ma tettsemmiḥem i yimdanen ddnubat-nsen, Baba-twen n yigenwan ad awen-isemmeḥ
ula i kenwi. 15Meɛna, ma ur tettsemmiḥem ara i yimdanen, Baba-twen daɣen ur awen-
ittsemmiḥ ara ddnubat-nwen.
Ɣef tuẓamin
16
Mi ara tuẓumem, ur ttilit ara am wat sin wudmawen, i d-isrusun leḥzen ɣef yiman-
nsen, kerrsen anyir-nsen, iwakken ad d-beggnen i yimdanen belli uẓamen. Amin, ad
awen-iniɣ: wwin lajer-nsen. 17Ma d kečč, mi ara tuẓumeḍ, ɛeṭṭer aqerru-k tessirdeḍ
udem-ik, 18i wakken ur d-tessebganeḍ ara i yimdanen belli tuẓameḍ, meɛna i Baba-k
kan yellan di sser. Imiren Baba-k, i yettwalin ayen yellan di sser, ad ak-t-id-yerr.
Agerruj n ṣṣeḥḥ
(Lq 12. 33-34)
19
Ur xezznet ara i yiman-nwen igerrujen di ddunit, anda i yessexṣar ubeɛɛuc akked
tumeṭ, anda imakaren fettken yerna ttakren. 20Meɛna xezznet i yiman-nwen igerrujen
deg yigenwan anda ur ten-issexṣar ubeɛɛuc wala tumeṭ, anda ur zmiren yimakaren ad
fetken neɣ ad akren. 21Axaṭer anda yella ugerruj-ik, dinna i yella wul-ik.
Tiṭ, d taftilt n tfekka
22
Taftilt n tfekka, d tiṭ. Ma tṣeḥḥa tiṭ-ik, tafekka-k merra ad tnewwer. 23Meɛna ma tiṭ-ik
tettwaɣ, tafekka-k merra ad tili di ṭṭlam. Ihi ma yella tafat yellan deg-k teṭṭulem, acḥal
meqqer ṭṭlam!
Anezgum
24
Yiwen ur izmir ad iqdec ɣef sin yimɛellmen; imma ad ikreh yiwen, ad iḥemmel wayeḍ;
imma ad iṭṭef deg yiwen, ad iḥqer wayeḍ. Ur tezmirem ara ad tqedcem ɣef Yillu akked
udrim.
25
Ɣef wayagi i awen-qqareɣ: Ur ttḥebbiret ara i yiman-nwen: 'D acu ara nečč, d acu ara
nsew?' Neɣ i tfekka-nwen: 'D acu ara nels?' Tarwiḥt, ur tif ara lqut? Tafekka, ur tif ara
llebsa? 26Muqlet s yifrax n yigenni: ur zerrɛen, ur meggren, ur jemmɛen deg yeɛricen;
meɛna Baba-twen n yigenwan, ittɛeggic-iten. Ur ɛzizit ara akter-nsen? 27Anwa deg-wen i
izemren, s uḥebber, ad irnu i leɛmer-is ula d yiwen n yiɣil? 28Acuɣer i tettḥebbirem ɣef
llebsa? Muqlet amek igemmun sisan n lexla: ur ttɛettiben, ur tellmen. 29Ad awen-d-iniɣ:
ula d Sliman, di ccan-is merra, ur ilsi am yiwen seg-sen. 30Ihi ma yella Illu yeslusuy akka
leḥcic n lexla, i yellan ass-a, azekka ad ittwaḍegger ɣer tmes, amek ur ixeddem ara akka i
kenwi, ay wat lqella n liman! 31Ɣef wayagi, ur ttḥebbiret ara, ur qqaret ara: 'D acu ara
nečč?' Neɣ: 'D acu ara nsew?' Neɣ: 'D acu ara nels?' 32Ayagi merra, d wat leǧnas i
yettnadin fell-as; baba-twen n yigenwan yeẓra belli teḥwaǧem ayagi merra. 33Nadit qbel
tagelda n Yillu akked lḥeqq-is, ayagi merra ad awen-d-ittunefk sufella. 34Ur ttḥebbiret ara
i uzekka: azekka ad iḥebber i yiman-is. Yal ass s uɣilif-is.
Ur ttḥasabet ara wiyaḍ

(Lq 6. 37-38, 41-42)
7 Ur ttḥasabet ara, iwakken ur tettuḥasabem ara. 2Axaṭer akken i tettḥasabem ara
tettuḥasbem; s lkil i tettektilim ara awen-ktilen. 3Tettwaliḍ axeclaw yellan di tiṭ n gma-k;
meɛna ajgu yellan di tiṭ-ik, ur t-tettwaliḍ ara! 4Amek ara tiniḍ i gma-k: 'Eǧǧ-iyi ad ak-d-
kkseɣ axeclaw yellan di tiṭ-ik', yili kečč tesɛiḍ ajgu di tiṭ-ik? 5A bu sin n wudmawen,
kkes-d qbel ajgu-nni yellan di tiṭ-ik, imiren ad tferzeḍ amek ara d-tekkseḍ axeclaw-nni
yellan di tiṭ n gma-k.
6
Ur ttaket ara i yiqjan ayen iqedsen. Ur ttḍeggiret ara tiɛeqcin-nwen i yilfan, neɣ ma ulac
ad tent-rekḍen, mbaɛd ad d-zzin fell-awen, ad ken-xerqen.
Sutret, ad awen-d-ittunefk
(Lq 11. 9-13)
7
Sutret, ad awen-d-ittunefk! Nadit, ad tafem! Seṭbeṭbet, ad awen-d-teldi! 8Axaṭer, kra n
win yessuturen ittaṭṭaf-d; kra n win yettnadin ittaf; i win yesṭebṭuben, tleddi-yas-d. 9Illa
gar-awen urgaz iwumi ara issuter mmi-s aɣrum, netta ad as-ifk aẓru? 10I ma issuter-as
aḥutiw, ad as-ifk azrem? 11Ma yella kenwi, yellan d imcumen, tessnem ad tefkem ayen
yelhan i warraw-nwen, amek Baba-twen n yigenwan ur d-ittak ara ayen yelhan i wid ara
as-t-issutren! 12Ayen akk i tebɣam ad awen-t-xedmen yimdanen, xedmet-asen-t ula d
kenwi: d tagi i d ccariɛa akked lanbeyya.
Sin n yiberdan
(Lq 13. 23-24)
13
Kecmet si tewwurt iḍeyqen. Axaṭer, hrawet tewwurt, iwseɛ ubrid yettawin ɣer nnger,
yerna aṭas n wid i yettɛeddin seg-s. 14Meɛna, teḍyeq tewwurt, iḥreṣubrid yettawin ɣer
tudert, yerna drus n wid i tt-ittafen.
Ṭṭejra tettwaɛqal s lfakya-s
(Lq 6. 43-45)
15
Ḥadret iman-nwen si lanbeyya n lekdeb! Ad d-ttasen ɣur-wen am wulli, nutni ɣer
daxel d uccanen ixeṭṭfen. 16Ad ten-tɛeqlem s lfakya-nsen. Tekksen-d tiẓurin seg yinijel,
neɣ lexrif seg yisennanen? 17Kra n ttejra yelhan tettak-d lfakya yelhan. Yir ttejra tettak-
d yir lfakya. 18Ttejra yelhan ur d-tettak ara yir lfakya, yir ttejra ur d-tettak ara lfakya
yelhan. 19Kra n ttejra ur d-nettak ara lfakya yelhan ad tettwagzem yerna ad
tettwaḍegger ɣer tmes. 20Akka ihi, s lfakya-nsen ara ten-tɛeqlem.
21
Mačči akk wid i yi-d-iqqaren: 'A Sidi! A Sidi!' ara ikecmen tagelda n yigenwan, meɛna
siwa win ixeddmen lebɣi n Baba n yigenwan. 22Aṭas ara yi-d-yinin ass-nni: 'A Sidi! A
Sidi! Mačči s yisem-ik i d-nettciri? Mačči s yisem-ik i nessufuɣ leǧnun? Mačči s yisem-
ik i nexdem aṭas n leɛǧayeb?' 23Imiren, ad asen-iniɣ ɛinani: "Leɛmer i ken-ssineɣ!
Beɛdet akkin fell-i, a wid ixeddmen lbaṭel.
Axxam iṣeḥḥan akked uxxam yehtutan

(Lq 6. 47-49)
24
Ɣef wayagi, kra n win isellen i lehdur-agi i d-qqareɣ, yerna yettarra-ten d lfeɛl, icba
amdan aɛeqli yebnan axxam-is ɣef uẓru. 25Iɣli-d ugeffur, ḥemmlen-d isaffen, hubben-d
leryaḥ ɣef uxxam-nni, meɛna ur iɣli ara, axaṭer lsas-is yers ɣef uẓru. 26Ma d win isellen i
lehdur-agi i d-qqareɣ, yili ur ten-ittarra ara d lfeɛl, icba amdan amehbul yebnan axxam-is
ɣef rrmel. 27Iɣli-d ugeffur, ḥemmlen-d isaffen, hubben-d leryaḥ, dɣa ssenquqlen axxam-
nni: iɣli, yerna d yir aɣelluy.
28
Mi yekfa Yasuɛ lehdur, lɣaci dehcen deg uselmed-is; 29axaṭer isɛa lhiba mi ara
yesselmad, mačči am Imusnawen-nsen n ccariɛa."
Ḥellu n yiwen n uberṣi
(Mr 1. 40-45; lq 5. 12-14)
8 Mi d-iṣubb Yasuɛ seg udrar, d ihedman n lɣaci i t-id-itebɛen. 2Ataya yiwen n uberṣi,
iqerreb ɣur-s, iseǧǧed zdat-s, dɣa yenna-yas: "A Sidi, ma tebɣiḍ, tzemreḍ ad iyi-terreḍ
ṣfiɣ!" 3Iẓẓel afus-is, innul-it, dɣa yenna-yas: "Bɣiɣ, ili-k teṣfiḍ." Imiren kan, argaz-nni
yeṣfa si lberṣ-is. 4Yasuɛ yenna-yas: "Ḥader! Ur ḥekku i yiwen; meɛna ruḥ ssken iman-ik i
lmuqeddmin, tefkeḍ lweɛda-nni i d-yumer Musa, iwakken ayagi ad asen-yili d cchada."
Yasuɛ isseḥla aqeddac n yiwen n lqebṭan Arumani
(Lq 7. 1-10)
5
Mi yekcem Yasuɛ ɣer Kafer-Naḥum, iqerreb ɣur-s yiwen n lqebṭan n terbaɛt n meyya,
iḥellel-it, yenna-yas: 6"A Sidi, aqeddac-iw, atan deg wusu, deg uxxam-iw, ikref yerna
yeɛteb aṭas!" 7Yasuɛ yenna-yas: "Aql-i ad n-ruḥeɣ, ad t-sseḥluɣ." 8Lqebṭan-nni yenṭeq,
inna: "A Sidi, ur uklaleɣ ara ad tkecmeḍ s axxam-iw; ini-d kan yiwen n wawal,
aqeddac-iw ad ikker. 9Axaṭer akken i sɛiɣ wid i yi-iḥekmen, i sɛiɣ lɛesker ddaw lḥekma-
w. Ma nniɣ i yiwen: 'Ruḥ', ad iruḥ; ma nniɣ i wayeḍ: 'Yya', ad d-iruḥ; ma nniɣ i
uqeddac-iw: 'Xdem aya', ad t-ixdem." 10Mi yesla i lehdur-nni, Yasuɛ iwhem, dɣa yenna i
widak-nni i t-ittabaɛen: "Amin, ad awen-iniɣ: di Israyil, ur ufiɣ ɣer yiwen liman am
wagi. 11Ad awen-d-iniɣ: aṭas ara d-iruḥen si ccerq akked lɣerb, ad qqimen ɣer ṭṭabla
nutni d Abraham, Iṣhaq akked Yeɛqub di tgelda n yigenwan. 12Ma d arraw n tgelda ad
ttwaḍeggren ɣer ṭṭlam n berra, anda ara yilin imeṭṭawen d uqrac n tuɣmas." 13Yasuɛ
yenna i lqebṭan-nni: "Ruḥ, ad ak-ittwaxdem akken yella liman-ik." Di teswiɛt-nni kan,
aqeddac-is iḥla.
14
Yasuɛ ikcem s axxam n Buṭrus; yufa taḍeggalt n Buṭrus tekcem usu, teṭṭef-itt tawla.
15
Innul afus-is, dɣa teffeɣ-itt tawla-nni. Imiren kan, tekker teqdec-asen-d. 16Mi d-teḥder
tmeddit, wwin-as-d i Yasuɛ aṭas n wid yettwazedɣen. Issufeɣ leǧnun s wawal, yerna
yesseḥla imuḍan merra, 17i wakken ad d-iḍru wawal-nni n nnbi Icaɛya, mi d-yenna:
"Yewwi leɛyub-nneɣ, ibubb lehlakat-nneɣ."
Tiddin d Yasuɛ
(Lq 9. 57-60)
18
Mi iwala Yasuɛ aṭas n lɣaci i as-d-izzin, yumer ad zegren ɣer tama-nniḍen. 19Iqerreb ɣur-
s yiwen n Lɛalem n ccariɛa, yenna-yas: "A Ccix, anda teddiḍ ad dduɣ." 20Yasuɛ yenna-
yas: "Iburaɣ sɛan lɣiran, ifrax n yigenni leɛcuc, ma d Mmi-s n umdan ur isɛi ara anda ara
isers aqerru-s." 21Yiwen-nniḍen seg yinelmaden, yenna-yas: "A Sidi, serreḥ-iyi ad ruḥeɣ
qbel ad meḍleɣ baba." 22Yasuɛ yenna-yas: "Tbeɛ-iyi-d! Anef i lmeggtin ad meḍlen
lmeggtin-nsen."
Yasuɛ isers tabuciḍant
(Mr 4. 35-41; Lq 8. 22-25)
23
Yasuɛ yuli ɣer teflukt, inelmaden-is tebɛen-t. 24Deg yiwet n teswiɛt kan, iḥcer mliḥ
lebḥer, dɣa taflukt-nni tɣumm s lemwaǧi. Ma d netta yella yeṭṭeṣ. 25Qerrben ɣur-s
yinelmaden-is, ssakin-t-id, dɣa nnan-as: "A Sidi, sellek-aɣ, ad nemmet!" 26Inna-yasen:
"Acuɣer i tuggadem, ay wat lqella n liman?" Imiren yekkr-d, iɛegged ɣef waḍu akked
lebḥer, dɣa tethedden liḥala. 27Irgazen-nni tɛeǧǧben, nnan: "Anwa-t wagi? Ula d leryaḥ
akked lebḥer ttaɣen-as awal!"
Yasuɛ issufeɣ leǧnun di Gadara
(Mr 5. 1-20; Lq 8- 26-40)
28
Mi yewweḍ Yasuɛ s agemmaḍ, ɣer tmurt n Igadariyen, ruḥen-d ɣur-s sin n yirgazen
yettwazedɣen, ffɣen-d si tmeqbert. Seg wakken weɛren aṭas, yiwen ur izmir ad iɛeddi seg
ubrid-nni. 29Bdan ttɛeggiḍen, qqaren: "D acu i yellan gar-aɣ yid-k, a Mmi-s n Yillu?
Tusiḍ-d iwakken ad aɣ-tesmermdeḍ uqbel lawan?" 30Yuɣ lḥal, tella dinna, mebɛid fell-
asen, yiwet n tqeḍɛit tameqqrant n yiḥellufen, tkess. 31Leǧnun-nni ttḥellilen Yasuɛ,
qqaren-as: "Ma tessufɣeḍ-aɣ, ceggeɛ-aɣ ɣer tqedɛit-ihin n yiḥellufen." 32Inna-yasen:
"Ruḥet!" Ffɣen, dɣa kecmen deg yiḥellufen-nni; imiren, iḥellufen-nni merra grarben si
tqacuct n ucruf ɣer lebḥer, dɣa mmuten deg waman. 33Imeksawen-nni rewlen, ruḥen ɣer
temdint; ḥkan ayen akk yeḍran d yirgazen-nni yettwazedɣen. 34Imiren tamdint merra
teffɣ-d ɣer Yasuɛ; mi t-walan, ttḥellilen-t ad iruḥ si tmurt-nsen.
Ḥellu n yiwen n wukrif
(Mr 2. 1-12; Lq 5. 18-26)
9 Yasuɛ yuli ɣer teflukt, izger lebḥer dɣa yuɣal ɣer temdint-is. 2Wwin-as-d yiwen n
wukrif yeẓẓlen deg wusu. Mi iwala Yasuɛ liman-nsen, yenna i wukrif-nni: "Ur ttaggad
ara, a mmi; ddnubat-ik ttwaɛfan-ak." 3Imiren kra n Imusnawen n ccariɛa qqaren deg
wulawen-nsen: "Wagi yekfer." 4Yasuɛ, yessnen lexbayeṭ-nsen, yenna-yasen: "Acuɣer
lexbayeṭ-agi imcumen deg wulawen-nwen? 5D acu i isehlen? Ad as-iniɣ: 'Ddnubat-ik
ttwaɛfan', neɣ 'Kker, lḥu'? 6Meɛna, iwakken ad teẓrem belli Mmi-s n umdan yesɛa tazmert
di lqaɛa ad iɛfu ddnubat..." yenna i wukrif-nni: "Kker, ddem usu-k truḥed s axxam-ik!"
7
Ikker wukrif-nni, dɣa iruḥ s axxam-is. 8Mi walan ayagi, lɣaci merra xelɛen, dɣa
ḥemden Illu i d-ifkan i yimdanen tazmert am tagi.
Yasuɛ isawel i Matta
(Mr 2. 13-17; Lq 5. 27-32)

9
Syenna Yasuɛ ikemmel abrid; deg ubrid-is iwala yiwen n urgaz iqqim ɣer ṭṭabla n
yimekkasen, isem-is Matta. Inna-yas: "Tbeɛ-iyi-d!" Argaz-nni yekker, itbeɛ-it.
10
Mi yella itett deg uxxam, ruḥen-d aṭas n yimekkasen akked yimednuben; qqimen
tetten nutni d Yasuɛ akked yinelmaden-is. 11Mi walan Ifarisiyen ayen-nni, nnan i
yinelmaden-is: "Acuɣer Ccix-nwen itett netta d imekkasen akked yimednuben?"
12
Yasuɛ isla-yasen, dɣa yenna: "Mačči d wid iṣeḥḥan i yeḥwaǧen ṭṭbib, meɛna d wid
ihelken. 13Ma d kenwi, nadit ad tfehmem lmeɛna n lehdur-agi: 'D rreḥma i bɣiɣ, mačči d
iseflawen'. Ala, ur d-usiɣ ara ad siwleɣ i yiḥeqqiyen, meɛna i yimednuben."
Asteqsi ɣef tuẓamin
(Mr 2. 18-22; Lq 5. 33-39)
14
Inelmaden n Yuḥenna qerrben ɣer Yasuɛ, nnan-as: "Acuɣer nekni akked Ifarisiyen
nettuẓum dayem, ma d inelmaden-ik ur ttuẓumen ara?" 15Yasuɛ yenna-yasen: "Amek
ara ḥeznen imeɛraḍen n tmeɣra skud yella yesli yid-sen? Ad d-yas wass ideg ara asen-
ittwakkes yesli, imiren ad uẓumen. 16Yiwen ur ittarra tafawet tajdidt i uceṭṭiḍ aqdim,
axaṭer tafawet-nni ad d-tečč seg uceṭṭiḍ-nni, dɣa acerrig-nni ad innerni. 17Ccrab ajdid ur
ittuɣal ara deg yiyeddiden iqdimen; neɣ ma ulac iyeddiden ad fellqen, ccrab ad inɣel,
dɣa iyeddiden-nni ad xeṣren. Meɛna ccrab ajdid ittuɣal deg yiyeddiden ijdiden; swakka
s ccrab-nni, s yiyeddiden-nni ad ttwaḥerzen."
Ḥellu n yiwet n tmeṭṭut akked ḥeggu n yiwet n teqcict
(Mr 5. 21-43; Lq 8. 41-56)
18
Mi asen-iqqar Yasuɛ lehdur-nni, ataya iruḥ-d ɣur-s yiwen seg yimeqqranen; iseǧǧed
zdat-s, dɣa yenna-yas: "Tura kan i temmut yell-i; meɛna yya ad tserseḍ afus-ik fell-as: ad
tidir." 19Yasuɛ ikker, itbeɛ-it, netta akked yinelmaden-is.
20
Attaya yiwet n tmeṭṭut yettazzalen d idammen tnac n yiseggasen, tekka-yas-d si deffir,
dɣa tennul tacḍaḍt n ubernus-is. 21Axaṭer tenna deg wul-is: "Lemmer ad nnaleɣ kan
abernus-is, ad selkeɣ." 22Yasuɛ izzi ɣer deffir; mi tt-iwala, yenna-yas: "Ur ttaggad ara, a
taqcict, liman-im isellek-ikem." Imiren kan tameṭṭut-nni teslek. 23Mi yewweḍ Yasuɛ s
axxam n umeqqran-nni, imuqel widak-nni yekkaten tajewweqt akked lɣaci-nni merra
yenhewwalen, yenna-yasen: 24"Ttixxret ssyagi, taqcict ur temmut ara, d iḍeṣ kan i
teṭṭeṣ." Dɣa ttihiyen fell-as. 25Mi d-ssufɣen lɣaci, ikcem, iṭṭef taqcict-nni seg ufus, dɣa
tekkr-d. 26Iffeɣ lexbar di tmurt-nni merra.
Ḥellu n sin n yiderɣalen
27
Mi iruḥ ssyenna Yasuɛ, tebɛen-t sin n yiderɣalen, teddun ttɛeggiḍen, qqaren: "A mmi-s n
Dawed, ḥunn fell-aɣ!" 28Mi yekcem s axxam, qerrben ɣur-s iderɣalen-nni; Yasuɛ yenna-
yasen:"Tumnem belli zemreɣ ad xedmeɣ ayagi?" Nnan-as "Ih, a Sidi!" 29Innul allen-nsen,
yenna-yasen: "Ad awen-ittwaxdem akken yella liman-nwen!" 30Imiren kan allen-nsen
ldint. Dɣa Yasuɛ iɛeggen-asen, inna: "Ḥadret! Yiwen ur iɛellem s wayagi!" 31Meɛna nutni,
akken kan i ffɣen, bdan heddren fell-as di tmurt-nni merra.
Ḥellu n win i yesgugem uruḥani

(Mr 3. 22; Lq 11. 14-15)
32
Mi d-ffɣen, ataya wwin-as-d yiwen n urgaz, d agugam, izedɣ-it yiwen n lǧenn. 33Mi
yettwaqecceɛ lǧenn-nni, agugam-nni ihder-d. Lɣaci merra tɛeǧǧben, qqaren: "Leɛmer
neẓri ayen yecban ayagi di Israyil!" 34Meɛna Ifarisiyen qqaren-as: "S sselṭan n leǧnun i
yessufuɣ leǧnun."
35
Yasuɛ ikka-d timdinin akked tudrin merra. Isselmad di leǧwameɛ-nsen; ittbeccir Linǧil n
tgelda, yerna yesseḥlay yal lehlak akked yal lɛib. 36Mi iwala ihedman-nni n lɣaci, tegzem
tasa-s fell-asen, axaṭer duben, nezfen, am lmal mebla ameksa. 37Dɣa yenna i
yinelmaden-is: "Tamegra tṣab, meɛna drus n yixeddamen. 38Ɛennit ɣer Bab n tmegra ad
d-iceggeɛ ixeddamen i tmegra-s."
Lkalafa n Tnac-nni n yinelmaden
(Mr 6. 7-13; Lq 9. 1-6)
10Yasuɛ isawel i tnac n yinelmaden-is; ifka-yasen tazmert iwakken ad ssufuɣen leǧnun,
ad sseḥluyen yal lehlak akked yal lɛib. 2Atnan yismawen n tnac-nni yimceggɛen:
amezwaru, Cimɛun, iwumi i qqaren Buṭrus, akked gma-s Andriyus; Yeɛqub, mmi-s n
Zabdi akked gma-s Yuḥenna; 3Filibus akked Bar-Talmay; tuma akked Matta, amekkas;
Yeɛqub, mmi-s n Ḥalfay akked Taday; 4Cimɛun Aqanayi akked Yahuda n Qiryut, win
akken i t-isellmen.
Yasuɛ iweṣṣa inelmaden-is
5
D wigi i d Tnac i iceggeɛ Yasuɛ. Yumer-asen, yenna-yasen: "Ur ttruḥut ara ɣer leǧnas, ur
keččmet ara ɣer temdinin n Samarya; 6meɛna, ruḥet axir ɣer wulli iḍaɛen n uxxam n
Israyil. 7Deg ubrid, ttberriḥet, qqaret: 'Tagelda n yigenwan tqerreb-d'. 8Sseḥlut imuḍan,
sseḥyut-d lmeggtin, ṣeffit iberṣiyen, ssufɣet leǧnun. Ittunefk-awen-d baṭel, fket baṭel. 9Ur
ttawit la ddheb, la lfeṭṭa, la nnḥas di texriḍin-nwen; 10Ur ttawit la aqrab i ubrid, la sin
iqendyar, la arkasen, la aɛekkaz; axaṭer axeddam yuklal lqut-is.
11
Kra n temdint neɣ n taddart ara tkecmem, muqlet dinna ma yella win yuklalen, qqimet
ɣur-s alamma truḥem ssyenna. 12Ma tkecmem s albaɛḍ n yixxamen, sellmet fell-asen.
13
Ma yella axxam-nni yuklal, sslam-nwen ad yili fell-as; ma ur yuklal ara, sslam-nwen ad
d-yuɣal ɣur-wen. 14Ma ur setreḥben ara yis-wen yerna ur ḥessen ara i lehdur-nwen, ffɣet
seg uxxam-nni neɣ si temdint-nni: Zwit aɣebbar seg yiḍarren-nwen. 15Amin, ad awen-
iniɣ: ass n lḥisab, ad teḍru d tmurt n Sudum akked Gumur aqell n temdint-agi.
16
Aql-i ad ken-ceggɛeɣ am wulli ɣer tlemmast n wuccanen. Ḥercet am yizerman, sɛut
nneyya am yitbiren. 17Ḥadret iman-nwen seg yimdanen; ad ken-ssiwḍen ɣer ccraɛ, ad
ken-wten s ujelkaḍ di leǧwameɛ-nsen.
18
Ad ken-sbedden zdat lḥekkam akked yigelliden, ɣef ddemma-w: d cchada i nutni akked
leǧnas. 19Mi ara ken-sellmen, ur ttḥebbiret ara ɣef wamek ara d-thedrem neɣ d acu ara d-
tinim: ayen ara tinim, ad awen-d-ittunefk di teswiɛt-nni. 20Axaṭer, mačči d kenwi ara
ihedren, meɛna d Rruḥ n Baba-twen ara d-ihedren seg-wen.
21
Gma-s ad isellem gma-s ɣer lmut, ababat ad isellem mmi-s; ad d-tekker dderya ɣer
yimawlan-nsen, ad ten-nɣen. 22Ad ken-kerhen merra ɣef ddemma n yisem-iw; meɛna,

win ara yeṭṭfen alamma d taggara ad islek.
23
Mi ara tettwaqehrem deg yiwet n temdint, rewlet ɣer tayeḍ. Amin, ad awen-iniɣ: ur
tessawaḍem ara ad d-tekkem timdinin merra n Israyil, mi ara d-yas Mmi-s n umdan.
24
Ulac anelmad i d-ikkan nnig ccix-is; ulac akli i d-ikkan nnig ssid-is. 25Anelmad ad yili
am ccix-is, berka-t; akli ad yili am ssid-is, berka-t. Ma qqaren i bab n uxxam Baɛal-Zabul,
amek ur qqaren ara akkagi i wat uxxam-is! 26Ur ten-ttaggadet ara! Ulac ayen yeffren ur d-
nettwafḍaḥ ara; ulac ayen yellan di sser ur d-neṭṭahar ara. 27Ayen i awen-qqareɣ di ṭṭlam,
init-t di tafat; ayen i awen-qqareɣ s ameẓẓuɣ, berrḥet-t ɣef lesqaf. 28Ur ttaggadet ara wid
ineqqen tafekka, meɛna ur zmiren ara ad nɣen tarwiḥt; aggadet win i izemren ad iḍegger
tafekka akked terwiḥt ɣer ǧahennama. 29Ur ttnuzun ara sin n yiẓiwcen s snat n teryalin?
Ɣas akken, yiwen deg-sen ur d-iɣelli ɣer lqaɛa mebla ma yeɛlem Baba-twen. 30Kenwi
daɣen, ula d anẓaden n uqerru-nwen ttwaḥesben merra. 31Ur ttaggadet ara ihi: teswam
akter n waṭas n yiẓiwcen. 32S kra n win ara d-icehden yis-i zdat yimdanen, ad d-cehdeɣ
yis-s, ula d nekk, zdat Baba n yigenwan. 33Meɛna, s kra n win ara iy-inekren zdat
yimdanen, ad t-nekreɣ, ula d nekk, zdat Baba n yigenwan.
34
Ur ttɣilit ara d lehna i d-wwiɣ ɣer ddunit. Ur d-usiɣ ara iwakken ad d-awiɣ lehna, meɛna
ajenwi. 35Usiɣ-d ad bḍuɣ gar mmi-s akked baba-s, gar yelli-s akked yemma-s, gar teslit
akked temɣart-is. 36Iɛdawen n umdan, d lɣaci n uxxam-is. 37Win yesmenyafen fell-i baba-
s neɣ yemma-s, ur iyi-yuklal ara; win yesmenyafen fell-i mmi-s neɣ yelli-s, ur iyi-yuklal
ara. 38Win ur neddim ara ṣṣalib-is yerna ur y-itbiɛ ara, ur iyi-yuklal ara. 39Win ara iḥerzen
tudert-is, ad tt-isruḥ; win ara isebblen tudert-is ɣef ddemma-w, ad tt-yaf. 40Win yestreḥben
yis-wen isterḥeb yis-i, win yestreḥben yis-i yesterḥeb s win i yi-d-iceggɛen. 41Win
yestreḥben s nnbi imi d nnbi, ad as-d-ittunefk lajer n nnbi. Win yestreḥben s uḥeqqi imi
d aḥeqqi, ad as-d-ittunefk lajer n uḥeqqi. 42S kra n win ara yefken lkas n waman
isemmaḍen i yiwen seg yimecṭaḥ-agi imi d anelmad-iw, amin, ad awen-iniɣ, ur as-
ittruḥu ara lajer-is."
Asteqsi n Yuḥenna Aɣeṭṭaṣ
11 Mi yekfa Yasuɛ aweṣṣi di tnac-nni n yinelmaden-is, iruḥ ssyenna ad isselmed yerna ad
ibeccer di temdinin-nsen. 2Mi yesla Yuḥenna di lḥebs s lecɣal n Lmasiḥ, iceggeɛ-as kra
seg yinelmaden-is, yenna-yas: 3"D kečč i d win akken ara d-yasen, neɣ ilaq-aɣ ad nerǧu
wayeḍ?" 4Yasuɛ inṭeq, yenna-yasen: "Ruḥet xebbret Yuḥenna s wayen i tsellem akked
wayen i tettwalim: 5iderɣalen ttwalin, ukrifen leḥḥun, iberṣiyen ṣeffun, iɛeẓẓugen sellen,
lmeggtin ḥeggun-d yerna imeɣban setreḥben s Linǧil. 6D asaɛdi win iwumi ur ttiliɣ ara d
ssebba n tuccḍa."
Cchada n Yasuɛ ɣef Yuḥenna Aɣeṭṭaṣ
(Lq 7. 19-35)
7
Mi yuɣalen widak-nni, Yasuɛ ibda ihedder i lɣaci ɣef Yuḥenna: "D acu i truḥem ad t-
walan deg uneẓruf? D aɣanim yetthuzzu waḍu? 8D acu i truḥem ad t-walim? D argaz
yelsan llebsa icebḥen? Wid yettlusun llebsa icebḥen, atnan deg yixxamen n yigelliden.
9
Acuɣer i truḥem? Ad twalim nnbi?Ad awen-iniɣ, yugar nnbi. 10D netta iɣef yura: 'Atan,
ad zzewreɣ zdat-k amceggeɛ-iw, ad ak-iweṭṭi abrid'.
11
Amin, ad awen-iniɣ: gar widak merra urwent tlawin, ulac win yugaren Yuḥenna
Aɣeṭṭaṣ; meɛna, amecṭuḥ akk di tgelda n yigenwan, yugar Yuḥenna. 12Si lweqt n Yuḥenna
Aɣeṭṭaṣ armi d tura, tagelda n yigenwan tettwaɛṣer, yerna d wid iǧehden i tt-id-ittḥellin.
13
Axaṭer lanbeyya merra akked ccariɛa armi d Yuḥenna caren-d. 14Ma tebɣam ad tfehmen
ayagi: d netta i d Ilya-nni ara d-yasen. 15Win yesɛan imeẓẓuɣen, yesl-d! 16Ɣer wumi ara
metleɣ lǧil-agi? Icuba s arrac yeqqimen di leswaq, ttemsawalen gar-asen, qqaren:
17
'Nwet-awen ajewwaq, ur tecḍiḥem ara.
Newwi-yawen-d icewwiqen n leḥzen, ur tmeǧǧdem ara.'
18
Yusa-d Yuḥenna, ur itette, ur itess, qqaren: 'Isɛa lǧenn.' 19Yusa-d Mmi-s n umdan itette,
itess, qqaren: 'Argaz-agi d aseqqaḍ yerna d asekṛani, d aḥbib imekkasen akked
yimcumen!' Lekyasa tettwaɛqal s lefɛayel-is."
Timdinin n Galil yugin ad amnent
20
Yasuɛ ibda itezzem timdinin anda yexdem ṭṭaqa si leɛǧayeb, axaṭer ur tubent ara. 21A
nnger-im, a Kurazin! A nnger-im, a Bit-Sayda! Lemmer leɛǧayeb-nni yeḍran deg-kent,
ḍran di Ṣur akked Ṣidun, tili aṭas aya segmi i tubent, rrant tacekkart akked yiɣeḍ ɣef
yirawen-nsent. 22Ɣef wayagi, ad awen-iniɣ: ass n lḥisab, ad teḍru d Ṣur akked Ṣidun
aqell-nkent.
23
I kem, a Kafar-Naḥum, tewwḍeḍ igenni? Ala, ad d-tettwanefḍeḍ alamma d laxert!
Lemmer leɛǧayeb yeḍran deg-m, ḍran di Sudum, tili ad tt-mazal ar ass-a. 24Ɣef wayagi,
ad awen-iniɣ: ass n lḥisab, ad teḍru akked tmurt n Sudum aqell-im.
25
Di lweqt-nni, inṭeq Yasuɛ, inna: "Ad k-ḥemdeɣ a Baba, Ssid n yigenniakked lqaɛa, imi i
teffreḍ ayagi ɣef lfahmin akked lɛeqqal, meɛna tesbeggneḍ-t-id i yimecṭaḥ maḍi. 26Ad k-
ḥemdeɣ, a Baba, imi akka i tebɣiḍ! 27Kullec ittunefk-iyi-d sɣur Baba. Yiwen ur issin
Mmi-s, siwa Ababat; yiwen ur issin Ababat, siwa Mmi-s akked win iwumi yebɣa Mmi-s
ad as-t-id-ibeggen.
Azaglu n Yasuɛ
28
Aset-d ɣur-i, kenwi akk iɛetben, iɛebban; ad ken-ssertiḥeɣ. 29Awit ɣef yirawen-nwen
azaglu-w tlemdem sɣur-i, axaṭer nekk, d aḥnin, yerna unzeɣ seg wul: Ad rtiḥent
terwiḥin-nwen.30Azaglu-w leggaɣ, yerna taɛkemt-iw fessusset.
Ass n usteɛfu
(Mr 2. 23-28; Lq 6. 1-5)
12Di lweqt-nni, Yasuɛ iɛedda deg yigran n yirden, deg wass n usteɛfu. Seg wakken i
lluẓẓen yinelmaden-is, bdan tekksen-d tigedrin, tetten-tent. 2Mi ten-walan Ifarisiyen,
nnan i Yasuɛ: "Atnan yinelmaden-ik xeddmen ayen ur nlaq ara deg wass n usteɛfu."
3
Yasuɛ yenna-yasen: "Ur teɣrim ara ayen i yexdem Dawed? 4Illuẓ netta d yirfiqen-is,
dɣa yekcem s axxam n Yillu, ččan aɣrum-nni imqeddes, win akken ur nlaq ara ad t-
ččen, la netta la irfiqen-is; d aɣrum i tetten siwa lmuqeddmin. 5Ur teɣrim ara di ccariɛa
belli, yal ass n usteɛfu, deg ufakan, lmuqeddmin ttruẓun ass n usteɛfu, yerna ur illi ara
fell-asen ṭṭlem? 6Nekk, ad awen-iniɣ: atan dagi win yugaren afakan. 7Lemmer i
tefhimem lmeɛna n wawal-agi: 'D rreḥma i bɣiɣ, mačči d asfel', ur tesseḍlamem ara
wid ur neḍlim ara. 8Axaṭer Mmi-s n umdan, d Ssid n wass n usteɛfu."
Yasuɛ isseḥla deg wass n usteɛfu yiwen iwumi yeqqur ufus
(Mr 3. 1-5; Lq 6. 6-11)
9
Mi iruḥ ssyenna, Yasuɛ ikcem ɣer ufakan-nsen. 10Yuɣ lḥal, yella dinna yiwen n urgaz
iwumi yeqqur ufus. Steqsan Yasuɛ, nnan-as: "Ḥlal useḥlu deg wass n usteɛfu?" Steqsan-t
iwakken ad d-afen d acu ara d-gren fell-as. 11Inna-yasen: "Anwa deg-wen i yesɛan yiwen
kan n yikerri, ma yeɣli-yas ɣer tesraft deg wass n usteɛfu, ur ittruḥu ara ad t-id-ijbed?
12
Acḥal ɛziz umdan akter n yikerri! Ɣef wayagi, ḥlal ad txedmeḍ lxir deg wass n usteɛfu."
13
Imiren yenna i urgaz-nni: "Ẓẓel afus-ik!" Iẓẓel afus-is, dɣa yuɣal iṣeḥḥa am ufus-nniḍen.
14
Mi d-ffɣen Ifarisiyen, mcawaren fell-as iwakken ad t-nɣen. 15Meɛna Yasuɛ iẓra, dɣa
yettaxxer ssyenna. Aṭas i t-itebɛen, dɣa yesseḥla-ten merra, 16yerna yeggull deg-sen ur t-
id-ssebganen ara, 17i wakken ad d-iḍru wayen akken i d-yenna nnbi Icɛaya:
18
"Atan uqeddac-iw i xtareɣ, amaɛzuz-iw, win i as-tferreḥ terwiḥt-iw.
Ad d-serseɣ Rruḥ-iw fell-as, ad ibeccer i leǧnas lḥeqq.
19
Ur ittnaɣ, ur ittɛeggiḍ, yiwen ur isell i taɣect-is deg yizenqan.
20
Ur ittruẓu aɣanim ameɛlal, ur isnusuy tafeggact yedduxun, alamma yessaweḍ lḥeqq ɣer
leɣlab.
21
Leǧnas ad rǧun deg yisem-is."
S tezmert n Yillu mačči n Baɛal-Zabul
(Mr 3. 22-30; Lq 11. 15-23)
22
Wwin-as-d yiwen i yezdeɣ uruḥani, d aderɣal yerna d agugam, dɣa yesseḥla-t. Yuɣal
ugugam-nni ihedder, yerna yettwali. 23lɣaci merra dehcen, qqaren: "Mačči d wagi i d
mmi-s n Dawed?" 24Mi slan Ifarisiyen, nnan: "Wagi ur issufuɣ ara leǧnun siwa s Baɛal-
Zabul, sselṭan n leǧnun." 25Yasuɛ, yeẓran lexbuṭ-nsen, yenna-yasen: "Yal tagelda iferqen d
yiman-is, ad tt-hudd; yal tamdint neɣ axxam iferqen d yiman-is, ur ittadded ara. 26Ma
yella Cciṭan yessufeɣ Cciṭan, ifreq d yiman-is; amek ihi ara tdum tgelda-s? 27Ma s Baɛal-
Zabul i ssufuɣeɣ leǧnun, i warraw-nwen, s wanwa i ten-suffuɣen? D nutni ara ken-
iḥasben. 28Meɛna ma s Rruḥ n Yillu i ssufuɣeɣ leǧnun, ihi tagelda n Yillu tusa-d ɣur-wen.
29
Neɣ, amek ara yizmir yiwen ad ikcem s axxam n urgaz iǧehden, ad as-yawi ayen akk
yesɛa, ma ur t-yuriz ara qbel? Imiren ad iɛerri axxam-is.
Lekfer ɣef Rruḥ Iqedsen
(Mr 3. 28-30)
30
Win ur nelli ara yid-i iqumer-iyi; win ur njemmeɛ ara yid-i iferreq. 31Ɣef wayagi, ad
awen-iniɣ: Yal ddnub, yal lekfer, ad ttwasemmḥen i yimdanen, ma d lekfer ɣef Rruḥ
Iqedsen ur ittusemmaḥ ara. 32Win ara yewten di Mmi-s n umdan, ad as-ittwasemmeḥ. Ma
d win ara yewten di Rruḥ Iqedsen, ur as-ittusemmaḥ ara, ama di ddunit-agi, ama di tin i d-
iteddun. 33Qqaren, ma telha ttejra, lfakya-s ad telhu; ma diri-tt ttejra, lfakya-s ad tili diri-tt.
Ttejra tettwaɛqal s lfakya-s. 34A ccetla n lwafaɛ, amek i tzemrem ad d-tinim ayen yelhan?
Kenwi d imcumen! D ayen i yeččuren ul i d-iteffɣen seg yimi. 35Amdan yelhan itekkes-d
ayen yelhan seg ugerruj-is yelhan; yir amdan itekkes-d ayen n diri seg ugerruj-is n diri.
36
Aql-i ad awen-iniɣ: kra n wawal ur nemɛim ara d-iffɣen seg yimi n yimdanen, ad
ttuḥasben fell-as ass n lḥisab. 37D lehdur-ik ara k-izekkin, d lehdur-ik ara k-ibaṣin.
Limara n Yuna
(Lq 11. 29-32)
38
Kra n Imusnawen n ccariɛa akked Ifarisiyen neṭqen ɣer Yasuɛ, nnan-as: "A Ccix, nebɣa
ad k-nwali txedmeḍ-d yiwet n limara." 39Inṭeq, inna: "A lǧil amcum, axeddaɛ, i yettnadin
limara! Ur as-d-tettunefkay ara limara, siwa limara n nnbi Yuna. 40Axaṭer akken yeqqim
Yuna deg uɛebbuḍ n uḥutiw tlata n wussan akked tlata n wuḍan, ara yeqqim Mmi-s n
umdan ddaw wakal tlata n wussan akked tlata n wuḍan. 41Ass n lḥisab, lɣaci n Ninawa ad
d-kkren nutni d lǧil-agi, ad t-ɛaqben, axaṭer nutni tuben mi slan i ttebcira n Yuna. Atan
dagi win yugaren Yuna. 42Ass n lḥisab, tagellidt n Tiyman ad d-tekker nettat d lǧil-agi, ad
t-tɛaqeb, axaṭer truḥ-d si tqernit n ddunit iwakken ad tsel i lekyasa n Sliman. Atan dagi
win yugaren Sliman.
Tuɣalin n uruḥani
43
Mi ara yeffeɣ rruḥ ameɛfun seg umdan, ad iruḥ ad ittmenṭar deg yimukan yeqreqren, ad
ittqellib anda ara yesteɛfu, meɛna ur ittaf ara. 44Dɣa ad as-yini: 'Ad uɣaleɣ kan s axxam-
iw iseg d-ffɣeɣ.' Mi ara yuɣal, ad t-yaf d ilem, zeddig yerna yecbeḥ. 45Imiren ad iruḥ ad d-
yawi yid-s sebɛa lerwaḥ-nniḍen iweɛren akter-is, dɣa ad kecmen, ad t-zedɣen. Liḥala n
urgaz-nni ad tenṭer akter n zik. Akka ara teḍru d lǧil-agi amcum."
Yemma-s akked watmaten n Yasuɛ
(Mr 3. 31-35; Lq 8. 19-21)
46
Mazal Yasuɛ ihedder i lɣaci, mi d-tewweḍ yemma-s akked watmaten-is bedden di berra;
ttnadin ad as-hedren. 47Yiwen yenna-yas: "Yemma-k akked watmaten-ik atnan di berra;
ttnadin ad ak-hedren." 48Inṭeq ɣer win akken i as-ihdren, yenna-yas: "Anta i d yemma,
anwi i d atmaten-iw?" 49Iwehha s ufus-is ɣer yinelmaden-is, inna: "D wigi i d yemma, i d
atmaten-iw! 50Kra n win ixeddmen lebɣi n Baba n yigenwan, d netta i d gma, i d weltma, i
d yemma."
Tamɛayt n ufellaḥ
(Mr 4. 1-20; Lq 8. 4-15)
13Ass-nni, deg yiman-is, iffeɣ-d Yasuɛ seg uxxam, iruḥ, iqqim rrif n lebḥer. 2D
ihedman n lɣaci i d-innejmaɛen ɣur-s, dɣa yuli ɣer teflukt, iqqim; lɣaci merra qqimen
rrif n lebḥer. 3Ihder-asen ɣef waṭas n temsal s temɛayin. Inna-yasen: "Yiwen n ufellaḥ
iffeɣ ad izreɛ. 4Mi izerreɛ, ɣlin-as kra n yiɛeqqayen ɣef yiri n ubrid. ruḥen-d yifrax
leqḍen-ten. 5Kra ɣlin gar yiẓra anda ulac aṭas n wakal: mɣin-d bihfih axaṭer ur lqay ara
wakal. 6Meɛna, mi d-icreq yiṭij, izlef-iten, imi ur sɛin ara iẓuran, qquren. 7Kra ɣlin gar
yisennanen: mi d-mɣin isennanen-nni skuffren-ten. 8Kra ɣlin deg wakal yelhan. Fkan-d
lɣella: wa meyya, wa settin, wa tlatin. 9Win yesɛan imeẓẓuɣen, yesl-d!"
10
Qerrben ɣur-s yinelmaden-is, nnan-as: "Acuɣer i asen-theddreḍ s temɛayin?" 11Yasuɛ
inṭeq, inna: "I kenwi, ittunefk-awen ad tissinem sser n tgelda n yigenwan; wigi, ur asen-
ittunefk ara. 12Axaṭer, win yesɛan, ad as-ittwarnu, dɣa ad yili di tawant; ma d win ur nesɛi
ara, ad as-ittwakkes ula d ayen yesɛa. 13Heddreɣ-asen s temɛayin, axaṭer ttmuqulen ur
ttwalin, ttḥessisen ur sellen ur fehhmen. 14Iḍra-d yid-sen wayen akken i d-icar Icɛaya, mi
d-yenna:
'Timesliwt, tsellem, meɛna ur tfehhmem ara;
awali, tettwalim, meɛna ur tferrzem ara.
15
Axaṭer ul n ugdud-agi yeqqur!
Qeflen imeẓẓuɣen-nsen, qqnen allen-nsen,
mmar ad walin s wallen-nsen,
ad slen s yimeẓẓuɣen-nsen,
ad fehmen s wul-nsen,
imiren ad tuben, dɣa ad ten-sseḥluɣ!'
16
Ma d kenwi, amarezg-nwen! Allen-nwen ttwalint, imeẓẓuɣen-nwen sellen. 17Amin, ad
awen-iniɣ: aṭas n lanbeyya akked yiḥeqqiyen i imennan ad walin ayen akka i tettwalim,
meɛna ur t-walan ara, ad slen i wayen akka i tsellem, meɛna ur as-slin ara.
Lmeɛna n temɛayt n ufellaḥ
18
Kenwi ihi, ḥesset-d i lmeɛna n temɛayt n ufellaḥ: 19Kra n umdan ara yeslen i wawal n
tgelda, ur t-ifhim ara, amcum ad d-yas, ad iqleɛ ayen akken yettwazerɛen deg wul-is:
amdan-agi, d iri-nni n ubrid ideg tettwazreɛ zerriɛa. 20Iẓra-nni ideg tettwazreɛ zerriɛa, d
win isellen i wawal n Yillu yerna iqebbel-it imiren kan s lferḥ. 21Imi ur ifki ara iẓuran, ur
ittaṭṭaf ara; akken kan ara d-iɣli leqher neɣ ṭṭiq ɣef ddemma n wawal, ad icceḍ.
22
Isennanen-nni ideg tettwazreɛ zerriɛa, d win isellen i wawal, meɛna iɣeblan n ddunit-
agi akked ṭṭmeɛ n rrbeḥ skuffuren awal-nni: ur d-ittak ara lɣella. 23Akal-nni yelhan ideg
tettwazreɛ zerriɛa, d win isellen i wawal yerna ifehhem-it; ittak-d lɣella: yiwen meyya,
wayeḍ settin, wayeḍ tlatin."
Tamɛayt n lḥebb akked uẓekkun
24
Yasuɛ yewwi-yasen-d tamɛayt-nniḍen. Inna: "Tagelda n yigenwan tecba amdan izerɛen
zerriɛa yelhan deg yiger-is. 25Mi ṭṭṣen medden, yusa-d uɛdaw-is, izreɛ aẓekkun deg yiger-
is, dɣa iruḥ. 26Mi d-gman yirden-nni, yerna fkan-d lɣella, igma-d ula d aẓekkun-nni.
27
Ruḥen iqeddacen n bab n wayla, nnan-as: 'A Sidi, mačči d zerriɛa yelhan i tzerrɛeḍ deg
yiger-ik? Ansi i d-ikka ihi uẓekkun-ihin?' 28Inna-yasen: 'D aɛdaw i ixedmen akka.'
Iqeddacen-nni, nnan-as: 'Tebɣiḍ ad nruḥ ad t-id-neqleɛ?' 29Inna-yasen: 'Ala, lemmer ad d-
tqelɛem aẓekkun, ad d-teglum s yirden. 30Anfet ad gmun akken, di sin, alamma d
tamegra. Lawan n tmegra, ad iniɣ i wid imeggren: Qelɛet-d qbel aẓekkun, cuddet-t d
tadliwin, iwakken ad yerɣ; ma d irden, jemɛet-ten-id ɣer uɛric-iw'."
Tamɛayt n zerriɛa n uxerdel
(Mr 4. 30-32; Lq 13. 18-19)
31
Yewwi-yasen-d tamɛayt-nniḍen. Inna: "Tagelda n yigenwan tecba aɛeqqa n uxerdel i d-
iddem yiwen n urgaz, izreɛ-it deg yiger-is. 32Aɛeqqa-agi, d netta i d amecṭuḥ akk gar
zerriɛa yellan; meɛna mi ara yegmu, itekk-d nnig akk yimɣan; ittuɣal d ttejra, armi ula d
ifrax n yigenni ttruḥun-d ttɛeccicen deg yifurkawen-is."
Tamɛayt n yiɣes n temtunt
(Lq 13. 20-21)
33
Yewwi-yasen-d daɣen tamɛayt-nniḍen: "Tagelda n yigenwan tecba iɣes n temtunt i d-
teddem yiwet n tmeṭṭut, tesxelḍ-it i tlata n lkilat n uwren, dɣa yuli urekti-nni merra."
34
Ayagi merra, yenna-t-id Yasuɛ i lɣaci s temɛayin. Ur asen-iqqar acemma ma mačči s
temɛayin, 35i wakken ad d-iḍru wawal-nni i d-icar nnbi, mi d-yenna:
"Ad ldiɣ imi-w, ad d-hedreɣ s temɛayin; ad berrḥeɣ s wayen yeffren seg wasmi i d-texleq
ddunit."
Lmeɛna n temɛayt n uẓekkun
36
Mi iserreḥ i lɣaci, ruḥen, Yasuɛ ikcem s axxam. Qerrben ɣur-s yinelmaden-is, nnan-as:
"Sfehm-aɣ-d tamɛayt n uẓekkun-nni deg yiger." 37Inṭeq, yenna-yasen: "Win izerrɛen
zerriɛa yelhan, d Mmi-s n umdan; 38iger, d ddunit; zerriɛa yelhan, d arraw n tgelda;
aẓekkun, d arraw n umcum; 39aɛdaw i izerɛen aẓekkun-nni, d Cciṭan; tamegra, d taggara
n ddunit; wid imeggren, d lmalayek. 40Akken i yettwaqlaɛ uẓekkun yerna ireqq di tmes,
akken ara teḍru taggara n ddunit. 41Ad d-iceggeɛ Mmi-s n umdan lmalayek-is; ad qelɛen
si tgelda-s lefḍayeḥ merra akked wid ixeddmen lbaṭel. 42Ad ten-ḍeggren s afarnu n tmes,
anda ara yilin imeṭṭawen akked uqrac n tuɣmas. 43Ma d iḥeqqiyen ad ttfeǧǧiǧen am yiṭij
di tgelda n Baba-tsen. Win yesɛan imeẓẓuɣen, yesl-d!"
Tamɛayt n ugerruj
44
Tagelda n yigenwan tecba agerruj yeffren deg yiwen n yiger. Yufa-t yiwen n urgaz dɣa
yeffer-it. Si lferḥ-nni i yefreḥ, iruḥ izzenz ayen akk yesɛa, imiren yuɣ iger-nni.
Tamɛayt n tɛeqqucin
45
Tagelda n yigenwan tecba yiwen n umetjar i yettnadin ɣef tɛeqqucin yelhan; mi yufa
yiwet n tɛeqquct ɣlayen mliḥ, 46iruḥ izzenz ayen akk yesɛa, dɣa yuɣ-itt.
Tamɛayt n ucebbak
47
Tagelda n yigenwan tecba acebbak yettwaḍeggren ɣer lebḥer; ijemmeɛ-d yal ṣṣenf n
lḥut. 48Mi yeččur, ad t-id-jebden iḥewwaten ɣer rrif n lebḥer; imiren ad qqimen, ad rren
ɣer yiqecwalen ayen yelhan, ma d ayen n diri ad t-ḍeggren. 49Akka ara teḍru di taggara n
ddunit. Ad d-asen lmalayek ad d-ɛezlen imcumen si gar yiḥeqqiyen, 50dɣa ad ten-ḍeggren
s afarnu n tmes, anda ara yilin imeṭṭawen akked uqrac n tuɣmas. 51Tfehmem ayagi
merra?" Rran-as: "Ih!" 52Inna-yasen: "Akka ihi, kra n Lɛalem n ccariɛa yuɣalen d
anelman-n tgelda n yigenwan icba bab n uxxam i d-itekksen seg ugerruj-is tiɣawsiwin
tijdidin akked teqdimin."
Ulac nnbi yettwaqeblen di tmurt-is
(Mr 6. 1-6; Lq 4. 16-24)
53
Mi yekfa Yasuɛ timɛayin-agi, ittaxxer ssyenna. 54Yerra ɣer taddart-is, isselmad-iten di
lǧameɛ-nsen armi widak merra i as-ittḥessisen tɛeǧǧben deg-s, qqaren: "Lekyasa-agi

akked lberhanat-agi, ansi i as-d-kkan?" 55Wagi, mačči d mmi-s n uneǧǧar? Yemma-s,
mačči d tin akken iwumi i qqaren Meryem? Atmaten-is, mačči d Yeɛqub, Yusef, Cimɛun
akked Yahuda? 56I yessetma-s, mačči yid-neɣ i llant? Ansi i as-d-ikka ihi wayagi akk?"
57
Izga-yasen d ugur. Yasuɛ yenna-yasen: "Siwa di tmurt-is akked uxxam-is ur isɛi ara nnbi
ccan." 58Dinna, ur ixdim ara aṭas n leɛǧayeb, axaṭer ur sɛin ara liman.
Timenɣiwt n Yuḥenna Aɣeṭṭas
(Mr 6. 14-29; Lq 9. 7-9; 3. 19-20)
14 Di lweqt-nni, lḥakem Hirudus isla s cciɛa n Yasuɛ. 2Inna i yiqeddacen-is: "Wagi, d
Yuḥenna Aɣeṭṭaṣ! Iḥya-d si gar lmeggtin, daymi i ixeddem lberhanat." 3Yuɣ lḥal Hirudus
iṭṭef Yuḥenna, yurez-it, yerna yerra-t ɣer lḥebs ɣef ddemma n Hirudyad, tameṭṭut n gma-s
Filibus. 4Axaṭer Yuḥenna iqqar-as: "Ur tesɛiḍ ara lḥeqq ad tt-tesɛuḍ d tameṭṭut-ik."
5
Hirudus ibɣa ad t-ineɣ, meɛna yuggad lɣaci, axaṭer ḥesben Yuḥenna d nnbi.
6
Deg wass n umuli n Hirudus, yelli-s n Hirudyad tecḍeḥ zdat yinebgawen. Seg wakken
teɛǧeb-as i Hirudus, 7iɛuhed-itt ad as-yefk ayen akk ara as-tessuter. 8S lamer n yemma-s,
tenna-yas: "Awi-yi-d ɣer dagi aqerru n Yuḥenna Aɣeṭṭaṣ, di ssniwa." 9Agellid innuɣna,
meɛna ɣef ddemma n limin-nni i yeggul akked yinebgawen-is, yumer ad as-t-id-awin.
10
Iceggeɛ, dɣa kksen-as aqerru i Yuḥenna di lḥebs. 11Imiren wwin-as-d aqerru-s di ssniwa i
teqcict-nni, nettat tefka-yas-t i yemma-s. 12Inelmaden n Yuḥenna ruḥen, wwin tafekka n
Yuḥenna dɣa meḍlen-tt; imiren ruḥen, xebbren Yasuɛ.
Yasuɛ issečč xemsalaf n yirgazen
(Mr 6. 32-34; Lq 9. 12-17; Yn 6. 1-14)
13
Mi yesla, Yasuɛ iruḥ ssyenna di teflukt ɣer yiwen n umkan yexlan iqqim weḥd-s. Mi
slan lɣaci, ffɣen si tudrin-nsen, tebɛen-t ɣef wuḍar. 14Mi d-ires Yasuɛ si teflukt, iwala
annect-nni n lɣaci, dɣa tegzem tasa-s fell-asen; isseḥla merra imuḍan-nsen. 15Mi d-
tewweḍ tmeddit, qerrben ɣur-s yinelmaden-is, nnan-as: "Amkan-agi yexla, yerna iruḥ
lḥal; ini i lɣaci-agi ad ruḥen ɣer tudrin iwakken ad d-aɣen ayen ara ččen." 16Yasuɛ yenna-
yasen: "Ur ḥwaǧen ara ad ruḥen; fket-asen kenwi ad ččen!" 17Nnan-as: "Xemsa kan n
yiɣerman akked sin n yiḥutiwen i nesɛa dagi." 18Inna-yasen: "Awit-ten-id ɣer dagi!"
19
Indeh ɣef lɣaci ad qqimen ɣef leḥcic; iddem-d xemsa-nni n yiɣerman akked sin-nni n
yiḥutiwen, irfed allen-is ɣer yigenni, iburek dɣa yebḍa iɣerman-nni; imiren ifka-ten i
yinelmaden-is, ferqen-ten i lɣaci. 20Ččan akk armi i ṛwan; rnan ččuren tnac n yiqecwalen s
wayen akken i d-iqqimen. 21Ad ilin azal n xemsalaf n yirgazen i yeččan, mebla tilawin
akked warrac.
Yasuɛ ilḥa ɣef waman
(Mr 6. 45-52; Yn 6. 16-21)
22
Imiren kan, Yasuɛ iḥettem inelmaden-is ad alin ɣer teflukt iwakken ad t-zwiren s
agemmaḍ i lebḥer, simi ara yerr lɣaci-nni. 23Mi yerra lɣaci-nni, yuli s adrar, iḍerref iman-
is iwakken ad iẓẓal. Mi d-tewweḍ tmeddit, yufa-t-id lḥal weḥd-s dinna.
24
Taflukt-nni tessebɛed amecwar, telḥeq ɣer tlemmast n lebḥer; lemwaǧi kkatent-tt axaṭer
iqubel-itt-id waḍu. 25Mi qrib ad yali wass, iruḥ Yasuɛ ɣer yinelmaden-is, ileḥḥu ɣef
waman. 26Mi t-walan yinelmaden-is iteddu ɣur-sen ɣef waman, iffeɣ-iten leɛqel, qqaren:
"D lexyal!" Si lxelɛa-nni i xelɛen ttɛeggiḍen. 27Imiren kan, Yasuɛ ihder-asen, yenna-yasen:
"Theddnet! D nekk! Ur ttaggadet ara!" 28Inṭeq ɣur-s Buṭrus, yenna-yas: "A Sidi, ma yella
dɣa d kečč, amer-iyi-d ad n-ruḥeɣ ɣur-k ɣef waman." 29Yasuɛ yenna-yas: "Yya!" Buṭrus
irs-d si teflukt, ibda ileḥḥu ɣef waman, iwakken ad iruḥ ɣer Yasuɛ. 30Meɛna, mi iwala
yekker-d waḍu, yuggad; ibda itezzer, dɣa yettɛeggiḍ, iqqar: "A Sidi, sellek-iyi!" 31Imiren
kan, Yasuɛ iẓẓel afus-is, ijbed-it-id, yenna-yas: "A bu lqella n liman! Acuɣer i tcukkeḍ?"
32
Mi yulin ɣer teflukt, aḍu-nni yers. 33Widak-nni yellan di teflukt seǧǧden zdat-s dɣa
nnan: "D ṣṣeḥḥ, kečč, d Mmi-s n Yillu!"
34
Zegren lebḥer, ruḥen ɣer tmurt n Ganisarat. 35Mi ɛeqlen imezdaɣ n temdint-agi Yasuɛ,
ceggɛen ɣer tmura merra i asen-d-izzin, dɣa wwin-as-d kra n win ihelken. 36Ttḥellilen
deg-s ad nnalen xerṣum ticrurin n ubernus-is. Swakka, wid merra i t-innulen ḥlan.
Lɛaddat n Ifarisiyen
(Mr 7. 1-13)
15Ruḥen kra n Ifarisiyen akked Imusnawen n ccariɛa si Yarucalim ɣer Yasuɛ, dɣa nnan-
as: 2"Acuɣer inelmaden-ik ttruẓun lɛadda n lejdud? Ur ssiriden ara ifassen-nsen uqbel ad
ččen lqut." 3Irra-yasen, inna: "I kenwi, acuɣer i tettruẓum lamer n Yillu ɣef ddemma n
lɛadda-nwen? 4Illu yenna-d: 'Ɛuzz baba-k akked yemma-k'; yenna-d daɣen, 'Win ara
ineɛlen baba-s neɣ yemma-s, d lmut ara yemmet.' 5Meɛna kenwi teqqarem: 'Win ara yinin
i baba-s neɣ i yemma-s: Ayen swayes ara k-ɛiwneɣ, fkiɣ-t i YIllu, d lweɛda', ur iḥwaǧ ara
ad iɛuzz baba-s neɣ yemma-s. 6Swakka, terẓam awal n Yillu s lɛadda-nwen. 7Ay wat sin
wudmawen! Icɛaya icar-d akken ilaq fell-awen, mi-d-yenna:
8
'Agdud-agi ittɛuzzu-yi s yimi, ma d ul-nsen ibɛed fell-i.
9
Ttɛebbiden-iyi di rrayeɛ.
Aselmed i sselmaden, d lumur n yimdanen kan'."
10
Yasuɛ isawel i lɣaci, yenna-yasen: "Ḥesset-d tfehmem! 11Mačči d ayen ikeččmen seg
yimi i yessenǧasen amdan; meɛna d ayen i d-iteffɣen seg yimi i yessenǧasen amdan."
12
Qerrben ɣur-s yinelmaden-is, nnan-as: "Teẓriḍ belli mi slan Ifarisiyen i wawal-nni
qquren?" 13Inṭeq, inna: "Kra n yemɣi ur iẓẓi ara Baba n yigenwan ad ittwaqleɛ. 14Aneft-
asen! D iderɣalen i yettaṭṭafen afus i yiderɣalen. Aderɣal mi ara yeṭṭef afus i uderɣal, ad
ɣlin akken ɣer tesraft." 15Inṭeq Buṭrus, yenna-yas: "Sfehm-aɣ-d lemtel-agi." 16Yasuɛ
yenna-yas: "Ula d kenwi, mazal ur tefhimem ara? 17Ur teẓrim ara belli ayen akk ikeččmen
seg yimi, ittarra s aɛebbuḍ, ssyenna ad d-iffeɣ ɣer berra? 18Meɛna ayen i d-iteffɣen seg
yimi, itekk-d seg wul; d annect-agi i yessenǧasen amdan. 19Axaṭer seg wul i d-ttekken yir
ixemmimen, timegraḍ, zzna, tiqquḥbit, tukerḍa, cchada n ẓẓur, lekfer. 20D annect-agi i
yessenǧasen amdan. Učči mebla tarda n yifassen ur issenǧas ara amdan."
Liman n yiwet n tkanɛanit
(Mr 7. 24-30)
21
Yasuɛ iruḥ ssyenna. Irra ɣer lǧiha n Ṣur akked Ṣidun. 22Attaya yiwet n tmeṭṭut, d
takanɛanit, truḥ-d si leǧwahi-nni, tettɛeggiḍ: "Ḥunn fell-i, a Sidi, a mmi-s n Dawed! Yelli
yesmermed-itt uruḥani." 23Meɛna netta ur as-yerri ula d yiwen n wawal. Qerrben ɣur-s
yinelmaden-is, nnan-as: "Tellef-itt, axaṭer tṣeddeɛ-aɣ s yisuɣan-is." 24Inṭeq Yasuɛ, inna:
"Ttuceggɛeɣ-d kan ɣer wulli iḍaɛen n uxxam n Israyil." 25Meɛna tameṭṭut-nni truḥ tseǧǧed
zdat-s, dɣa tenna-yas: "A Sidi, sellek-iyi!" 26Inṭeq Yasuɛ, inna: "Ur yelhi ara ad neddem
lqut n warrac, ad t-nḍegger i yiqjan imecṭaḥ." 27Tameṭṭut-nni terra-yas: "D ṣṣeḥḥ, a Sidi,
meɛna ula d iqjan imecṭaḥ tetten tifettitin i d-iɣellin si ṭṭabla n bab-nsen." 28Imiren Yasuɛ
inṭeq, inna: "Liman-im meqqer, a tameṭṭut! Ad am-ittwaxdem akken i tebɣiḍ!" Dɣa,
imiren kan, yelli-s teḥla.
29
Yasuɛ ittaxxer ssyenna, iruḥ rrif rrif n lebḥer n Galil; yuli s adrar, iqqim dinna. 30D
ihedman n lɣaci i iruḥen ɣur-s, yerna wwin yid-sen iquḍaren, iderɣalen, ineɛyuba,
igugamen akked waṭas n yimuḍan-nniḍen. Sersen-ten ɣer yiḍarren n Yasuɛ, dɣa yesseḥla-
ten. 31Lɣaci-nni tɛeǧǧben mi walan igugamen heddren, ineɛyuba ḥlan, iquḍaren leḥḥun,
iderɣalen ttwalin, dɣa bdan ttḥemmiḍen Illu n Israyil.
Yasuɛ issečč rebɛalaf n yirgazen
(Mr 8. 1-9)
32
Yasuɛ isawel i yinelmaden-is, yenna-yasen: "Tettergigi tasa-w ɣef lɣaci-agi; tlata n
wussan aya i qqimen yid-i, yerna ur sɛin ara d acu ara ččen. Ur bɣiɣ ara ad ten-rreɣ akka
lluẓen, neɣ ma ulac ad nezfen deg ubrid." 33Inelmaden-is nnan-as: "Ansi ara aɣ-d-yekk
deg umkan-agi yexlan uɣrum ara yesseṛwun ahdum-agi n lɣaci?" 34Yasuɛ yenna-yasen:
"Acḥal n yiɣerman i tesɛam?" Rran-as: "Sebɛa n yiɣerman akked kra n yiḥutiwen
imecṭaḥ." 35Indeh ɣef lɣaci ad qqimen di lqaɛa. 36Iddem-d sebɛa-nni n yiɣerman akked
yiḥutiwen-nni, iburek, ibḍa-ten, dɣa yefka-ten i yinelmaden-is iwakken ad ten-ferqen i
lɣaci-nni. 37Ččan akk armi i ṛwan, yerna ččuren sebɛa n yiqecwalen s wayen akken i d-
iqqimen. 38Rebɛalaf n yirgazen i yeččan, mebla tilawin akked warrac. 39Mi yerra lɣaci,
Yasuɛ irkeb di teflukt dɣa iruḥ ɣer tmurt n Magadan.
Limara n Yuna
16Ifarisiyen akked Iṣaduqiyen ruḥen ɣer Yasuɛ iwakken ad t-jerrben; ssutren deg-s ad
asen-d-ixdem yiwet n limara ara d-ikken seg yigenni. 2Yasuɛ inṭeq, inna: "Tameddit,
teqqarem: 'Ad ilhu lḥal, axaṭer igenni d azeggaɣ'. 3Ṣṣbeḥ, teqqarem: 'Ass-agi, ad ixṣer
lḥal, axaṭer igenni berrik'. Amek, liḥala n tegnawt tessnem ad tt-id-tesfehmem; ma d
limarat n lewqat, ur asen-tessinem ara? 4A lǧil amcum, axeddaɛ, i yessuturen limara!
Ulac limara ara as-d-ittunefken siwa limara n Yuna." Dɣa yeǧǧa-ten dinna, iruḥ.
Iɣes n temtunt n Ifarisiyen akked Iṣaduqiyen
(Mr 8. 14-21; Lq 12. 1-6
5
Mi zegren s agemmaḍ i lebḥer, inelmaden ttun ur wwin ara yid-sen aɣrum. 6Yasuɛ
yenna-yasen: "Ḥadret iman-nwen seg yiɣes n temtunt n Ifarisiyen akked Iṣaduqiyen."
7
Dɣa nnan deg wulawen-nsen: "Ur d-newwi ara yid-neɣ aɣrum." 8Yasuɛ, yeẓran d acu i
ttxemmimen, yenna-yasen: "Ay wat lqella n liman, acuɣer i teqqarem deg wulawen-nwen
belli ur d-tewwim ara yid-wen aɣrum? 9Mazal ur d-terrim ara s lexbar? Ur tecfim ara ɣef
xemsa-nni n yiɣerman i bḍiɣ i xemsalaf n yirgazen, akked wacḥal n yiqecwalen i

tewwim? 10Ur tecfim ara ɣef sebɛa-nni n yiɣerman i bḍiɣ i rebɛalaf n yirgazen, akked
wacḥal n yiqecwalen i tewwim? 11Amek, ur d-terrim ara s lexbar? Mačči ɣef uɣrum i
awen-d-nniɣ: Ḥadret iman-nwen seg yiɣes n temtunt n Ifarisiyen akked Iṣaduqiyen!"
12
Dɣa fehmen belli ur asen-d-inni ara ad ḥadren iman-nsen seg yiɣes n temtunt, meɛna
seg uselmed n Ifarisiyen akked Iṣaduqiyen.
Buṭrus iɛqel Yasuɛ belli d Mmi-s n Yillu
(Mr 8. 27-30; Lq 9. 18-21)
13
Mi yewweḍ Yasuɛ ɣer lǧiha n Qiṣariya n Filibus, isteqsa inelmaden-is, yenna-yasen:
"Akken i heddren medden, d acu-t Mmi-s n umdan?" 14Nnan-as: "Kra qqaren: d Yuḥenna
Aɣeṭṭaṣ; kra: d Ilya; wiyaḍ: d Irmiya, neɣ d yiwen si lanbeyya." 15Inna-yasen: "I kenwi, d
acu i tennam? D acu-yi ɣur-wen?" 16Cimɛun Buṭrus inṭeq, inna: "Kečč, d Lmasiḥ, Mmi-s
n Yillu yeddren!" 17Inṭeq Yasuɛ, yenna-yas: "Amarezg-ik, a Cimɛun, mmi-s n Yuna,
axaṭer mačči d tacriḥt akked yidammen i ak-t-id-isbeggnen, meɛna d Baba yellan deg
yigenwan i ak-t-id-isbeggnen. 18Nekk, ad ak-iniɣ: Kečč, d Buṭrus, yeɛni aẓru, yerna ɣef
uẓru-agi ara bnuɣ tamezdayt-iw. Tiwwura n laxert ur tt-ɣellbent ara. 19Ad ak-fkeɣ tisura n
tgelda n yigenwan. Ayen ara tarzeḍ di lqaɛa yettwarez deg yigenwan; ayen ara tefsiḍ di
lqaɛa yefsi deg yigenwan." 20Imiren yumer i yinelmaden-is ur qqaren i yiwen belli d netta
i d Lmasiḥ.
Yasuɛ ixebber-d s lmut-is akked ḥeggu-s
(Mr 8. 31-33; Lq 9. 22)
21
Seg imiren, Yasuɛ ibda yessebgan-d i yinelmaden-is belli ilaq ad iruḥ ɣer Yarucalim, ad
t-ɛetben aṭas imeqqranen, imeqqranen n lmuqeddmin akked Imusnawen n ccariɛa, yerna
ad t-nɣen, imiren ad d-iḥyu ass wis tlata. 22Buṭrus yewwi-t weḥd-s, dɣa yebda yettnaɣ-it,
yenna-yas: "Ad ak-imneɛ Yillu, a Sidi! A wer d-iḍru yid-k wayagi!" 23Yasuɛ izzi ɣer
Buṭrus, yenna-yas: "Ttixxer akkin fell-i, a Cciṭan! Kečč, d ugur deg ubrid-iw! Ur
tettxemmimeḍ ara am Yillu, meɛna am yimdanen." 24Imiren Yasuɛ yenna i yinelmaden-is:
"Win yebɣan ad iyi-id-itbeɛ, ad inker iman-is, ad ibbib ṣṣalib-is, imiren ad iyi-id-itbeɛ.
25
Axaṭer win yebɣan ad isellek tarwiḥt-is ad tt-isruḥ; meɛna win ara yesruḥen tarwiḥt-is
fell-i ad tt-yaf. 26D acu n nnfeɛ yesɛa umdan ma yerbeḥ ddunit merra, issenger tarwiḥt-
is? Neɣ d acu ara yefk umdan deg ubdil n terwiḥt-is? 27Mmi-s n umdan ad d-yas, netta d
lmalayek-is, di lɛaḍima n Baba-s; imiren ad yerr i yal yiwen akken i llan lefɛayel-is.
28
Amin, ad awen-iniɣ: kra seg wid iḥeḍren dagi ur ttmettaten ara alamma walan Mmi-s n
umdan yusa-d di tgeldit-is."
Abeddel n ṣṣifa n Yasuɛ ɣef udrar

(Mr 9. 1-8; Lq 9. 27-36)
17Setta n wussan mbaɛd, Yasuɛ iddem Buṭrus, Yeɛqub akked gma-s Yuḥenna, dɣa
yewwi-ten ɣer yiwen n udrar ɛlayen, ɛezlen iman-nsen. 2Tembeddal ṣṣifa-s zdat-sen:
udem-is ittfeǧǧiǧ am yiṭij, llebsa-s tuɣal d tamellalt am tafat. 3Musa akked Ilya ḍehren-
asen-d; heddren akked Yasuɛ. 4Inṭeq Buṭrus ɣer Yasuɛ, yenna-yas: "A Sidi, ilha-yaɣ ma
neqqim dagi. Ma tebɣiḍ, ad sbeddeɣ dagi tlata n yiqiḍunen: yiwen i kečč, yiwen i Musa,
yiwen i Ilya." 5Mazal-it ihedder, mi-d-tban yiwet n tagut ittnewwiren, dɣa tesberber-
asen. Teffɣ-d yiwet n taɣect si tagut-nni, tenna-d: "Wagi, d Mmi amaɛzuz, yis-s i ferḥeɣ;
ttḥessiset-as!" 6Mi slan i taɣect-nni, inelmaden ɣlin ɣef wudem ɣer lqaɛa, ttergigin.
7
Yasuɛ iqerreb ɣur-sen dɣa yennul-iten. Inna-yasen: "Kkret! Ur ttaggadet ara!" 8Mi d-
refden allen-nsen, ur walan ula d yiwen, siwa Yasuɛ weḥd-s.
9
Mi d-ttṣubbun seg udrar, Yasuɛ yumer-asen, yenna-yasen: "Ur qqaret i yiwen ayen akka i
twalam alamma yeḥya-d Mmi-s n umdan si gar lmeggtin." 10Steqsan-t inelmaden-is,
nnan-as: "Acuɣer i d-qqaren Imusnawen n ccariɛa belli d Ilya ara d-yasen d amezwaru?"
11
Inṭeq, inna: "D tidet, Ilya ad d-yas yerna ad iṣeggem kullec. 12Ad awen-iniɣ: Ilya yusa-d
yakan, meɛna ur t-ɛqilen ara, yerna xedmen deg-s akken i asen-ihwa. Akken daɣen ara
ɛetben Mmi-s n umdan." 13Imiren, inelmaden-is fehmen belli ɣef Yuḥenna Aɣeṭṭaṣ i asen-
d-ihedder.
Ḥellu n yiwen n uqcic ihelken imsigman
(Mr 9. 14-29; Lq 9. 37-43)
14
Mi wwḍen ɣer zdat lɣaci, iqerreb ɣur-s yiwen n urgaz, iɣli ɣef tgecrar zdat-s, yenna-yas:
15
"A Sidi, ḥunn ɣef mmi! Ihlek imsigman, inṭer mliḥ; acḥal d abrid i yeɣli ɣer tmes neɣ s
aman. 16Wwiɣ-t i yinelmaden-ik, meɛna ur ssawḍen ara ad t-sseḥlun." 17Inṭeq Yasuɛ, inna:
"A lǧil ur nettamen ara, iɛewjen! Ar melmi akka ara yiliɣ yid-wen! Ar melmi akka ara
awen-ṣebreɣ? Awit-iyi-t-id ɣer dagi!" 18Yasuɛ iɛeggeḍ ɣef lǧenn-nni, dɣa yeffeɣ seg-s.
Imiren kan, aqcic-nni yeḥla. 19Qerrben yinelmaden ɣer Yasuɛ, dɣa nnan-as weḥd-s:
"Acuɣer ur nessaweḍ ara ad t-nessufeɣ?" 20Inna-yasen: "Ɣef ddemma n lqella n liman-
nwen. Amin, ad awen-iniɣ, lemmer i tesɛim liman annect n uɛeqqa n uxerḍel, ad as-
tinim i udrar-agi: 'Qleɛ ssyagi, ruḥ ɣer dihin', ad iqleɛ ssyenna. Ulac ayen ara awen-yilin
d lmuḥal. 21Ṣṣenf-agi n leǧnun, s tẓallit kan i iteffeɣ."
22
Mi llan leḥḥun di Galil, Yasuɛ yenna-yasen: "Mmi-s n umdan ad ittusellem s afus n
yimdanen; 23ad t-nɣen, ass wis tlata, ad d-iḥyu." Dɣa mmuɣebnen mliḥ.
Yasuɛ ixelleṣ tabzert
24
Mi wwḍen ɣer Kafar-Naḥum, wid yettaṭṭafen azgen-nni n uṣurdi qerrben ɣer Buṭrus,
nnan-as: "Ccix-nwen, ur ittak ara azgen-nni n uṣurdi?" 25Inna-yasen: "Ad ifk." Mi yekcem
s axxam, inṭeq Yasuɛ ɣur-s, yenna-yas: "D acu i twalaḍ, a Cimɛun? Anwa i yettxelliṣen
tabzert neɣ lmeks i yigelliden n ddunit, d arraw-nsen neɣ d iberraniyen?" 26Buṭrus yenna-
yas: "D iberraniyen." Yasuɛ yenna-yas: "Ihi, arraw-nsen ur ttxelliṣen ara." 27Meɛna
iwakken ur asen-nettili ara d ssebba n uneɣluy, ruḥ ɣer lebḥer, ḍegger tasennart: aḥutiw
amezwaru ara d-teṭṭfeḍ, ldi-yas imi, ad tafeḍ deg-s aṣurdi. Ddem-it-id, efk-asen-t fell-i
fell-ak."
Ameqqran akk di tgelda
(Mr 9. 33-37; Lq 9. 46-48)

18Imiren-nni kan, qerrben yinelmaden ɣer Yasuɛ, nnan-as: "Anwa ihi i d ameqqran akk di
tgelda n yigenwan?" 2Yasuɛ isawel i yiwen n uqcic amecṭuḥ, isbedd-it gar-asen, 3dɣa
yenna: "Amin, ad awen-iniɣ: ma ur ttubem ara, ur tuɣalem ara am warrac imecṭaḥ, ur
tkeččmem ara tagelda n yigenwan. 4Win ara yessimẓin iman-is am uqcic-agi, d netta i d
ameqqran akk di tgelda n yigenwan. 5Win yesterḥben s uqcic amecṭuḥ am wagi, s yisem-
iw, yis-i i yesterḥeb. 6Meɛna win ara yesseɣlin yiwen seg yimecṭaḥ-agi yumnen yis-i, axir
ad as-cudden aɣaref n tsirt ɣer temgerḍt-is, yerna ad izzer ɣer lqaɛ n lebḥer. 7A tawaɣit n
ddunit-agi ideg ɛumment ssebbat n uneɣluy! Siwa tilin ara d-ilint ssebbat n uneɣluy;
meɛna, a tawaɣit n win ara yilin d ssebba n uneɣluy!
8
Ma d afus-ik neɣ d aḍar-ik ara k-isseɣlin, gezm-it, tḍeggreḍ-t akkin fell-ak. Xir-ak ad
tkecmeḍ ɣer tudert mebla afus neɣ d aquḍar wala ad tesɛuḍ sin n yifassen neɣ sin n
yiḍarren, yerna ad tettwaḍeggreḍ ɣer tmes n dayem. 9Ma d tiṭ-ik ara k-isseɣlin, kkes-itt-
id, tḍeggreḍ-tt akkin fell-ak. Xir-ak ad tkecmeḍ ɣer tudert s yiwet n tiṭ wala ad tesɛuḍ
snat n wallen, yerna ad tettwaḍeggreḍ ɣer tmes, ɣer ǧahennama. 10Ḥadret ad tḥeqrem
yiwen seg yimecṭaḥ-agi axaṭer aql-i nniɣ-awen-t-id: lmalayek-nsen, deg yigenwan,
zgan ttwalint udem n Baba yellan deg yigenwan.
Ixef iɛerqen
11
Mmi-s n umdan yusa-d iwakken ad inadi yerna ad isellek wid iḍaɛen. 12D acu i tennam?
Ma yesɛa yiwen meyya n waxfiwen, iɛerq-as yiwen seg-sen, ur ittaga ara tesɛa utesɛin-
nni deg yidurar, ad iruḥ ad inadi ɣef win akken i iɛerqen? 13Amin, ad awen-iniɣ: ma
yessaweḍ ad t-yaf, ad ifreḥ yis-s akṭer n tesɛa utesɛin-nni ur neɛriq ara. 14Akken daɣen
Baba-twen n yigenwan, ur ibɣi ara ad iɛreq ula d yiwen seg yimecṭaḥ-agi.
Ferru n temsal gar watmaten
(Lq 17. 3-4)
15
Ma yedneb gma-k, ruḥ, ndeṛ-it gar-ak yid-s. Ma iḥess-ak-d, trebḥeḍ-d gma-k. 16Ma ur
ak-d-iḥess ara, awi yid-k yiwen neɣ sin, iwakken 'tamsalt ad tbedd ɣef cchada n sin neɣ
tlata n yinagan'. 17Ma yugi ad asen-iḥess, siweḍ-it ɣer tmezdayt; ma yugi ad iḥess ula i
tejmaɛt, ḥseb-it am wakken seg wat leǧnas neɣ d amekkas. 18Amin, ad awen-iniɣ: ayen
akk ara tarzem di lqaɛa ittwarez deg yigenni; ayen akk ara tefsim di lqaɛa yefsi deg
yigenwan. 19Ad awen-iniɣ daɣen ṣṣeḥḥ: ma mtafaqen sin seg-wen di lqaɛa iwakken ad
ssutren kra, ad asen-d-ittunefk sɣur Baba n yigenwan. 20Axaṭer, di kra n umkan ideg ara
nnejmaɛen sin neɣ tlata, s yisem-iw, lliɣ gar-asen!"
Tamɛayt n unekkar n lxir
21
Imiren Buṭrus iqerreb ɣur-s, yenna-yas: "A Sidi, acḥal n tikkal ara semmḥeɣ i gma, ma
iḍelm-iyi? Alamma d sebɛa n tikkal?" 22Yasuɛ yenna-yas: "Ur ak-qqareɣ ara alamma d
sebɛa n tikkal, meɛna alamma d sebɛin n yiberdan sebɛa n tikkal."
23
Ɣef wayagi, tagelda n yigenwan tcuba ɣer yiwen n ugellid i yebɣan ad iḥaseb
iqeddacen-is. 24Akken yebda ad ten-ittḥasab, wwin-as-d yiwen n uqeddac iwumi yettalas
ɛecralaf n yiṭalalen. 25Imi ur isɛi ara s wacu ara yerr, ssid-is yumer ad t-zzenzen, netta
tmeṭṭut-is d warraw-is akked wayen akk yesɛa, iwakken ad yerr ṭṭlaba-s. 26Aqeddac-nni
yeɣli ɣef wudem, iseǧǧed zdat ugellid, yenna-yas: 'A Sidi, ṣber-iyi, ad uɣaleɣ ad ak-d-rreɣ
kullec.' 27Imi i d-tergagi tasa-s ɣef uqeddac-nni, ssid-nni iserreḥ-as ad iruḥ yerna
isemmeḥ-as ṭṭlaba-s. 28Akken kan i d-iffeɣ uqeddac-nni, immuger-d yiwen seg wid i
ixeddmen yid-s, iwumi yettalas meyya n yidinaren. Immeɣ fell-as ɣer temgerḍt, ixenq-it,
yenna-yas: 'Err-iyi-d ayen i k-ttalaseɣ.' 29Arfiq-nni ixeddmen yid-s iɣli ɣef wudem, iḥellel-
it, yenna-yas: 'Ṣber-iyi, ad uɣaleɣ ad ak-d-rreɣ kullec.' 30Meɛna, netta yugi; iruḥ iḍegger-it
ɣer lḥebs, alamma yerra-yas akk ṭṭlaba-s. 31Mi walan iqeddacen-nni ixeddmen yid-s ayen
akken yeḍran, iɣaḍ-iten lḥal mliḥ; ruḥen xebbren ssid-nsen s wayen akk yeḍran. 32Imiren
isawel-as ssid-is, yenna-yas: 'Ay aqeddac amcum! Semmḥeɣ-ak merra ṭṭlaba-k, axaṭer
tettḥellileḍ deg-i.33Acuɣer ihi ur tḥunneḍ ara ɣef urfiq-ik ixeddmen yid-k, akken i
ḥunneɣ fell-ak?' 34Seg wakken yerfa mliḥ ssid-nni, isellem aqeddac-nni s afus n wid ara
t-iɛetben alamma yerra ṭṭlaba-s merra. 35Akka daɣen ara awen-ixdem Baba n yigenwan,
ma ur tsemmḥem ara ṭṭlabat n watmaten-nwen seg wul."
Ɣef berru
(Mt 5. 31-32; Mr 10. 2-12; Lq 16. 18)
19 Mi yekfa Yasuɛ lehdur, iruḥ si Galil ɣer leǧwahi n Yahuda i d-izgan agemmaḍ i wasif n
Urdun. 2D ihedman n lɣaci i t-iḍefren, dɣa yesseḥla dinna imuḍan merra. 3Qerrben ɣur-s
kra n Ifarisiyen. iwakken ad t-jerrben, nnan-as: "Mesmuḥ i urgaz ad ibru i tmeṭṭut-is ɣef
yal ssebba?" 4Inṭeq, inna: "Ur teɣrim ara: 'Di tazwara, axellaq imsel-iten ddkeṛ akked
nnta''? 5Yerna yenna-d: 'Ɣef wayagi, argaz ad yegg baba-s akked yemma-s, ad ilseq ɣer
tmeṭṭut-is, ad uɣalen, i sin, d yiwet n tfekka.' 6Swakka, ur llin ara d sin, meɛna d yiwet n
tfekka. Ihi ayen i yesdukel Yillu, amdan ur t-iferreq ara!" 7Nnan-as: "Acuɣer ihi i d-yumer
Musa belli mi ara yebru urgaz i tmeṭṭut-is ad as-ifk lkaɣeḍ n berru?" 8Yasuɛ yenna-yasen:
"Ɣef ddemma n wulawen-nwen yeqquren i awen-iɛemmed Musa ad tebrum i tlawin-
nwen. Di tazwara, mačči akka i yella lḥal. 9Ad awen-iniɣ: win ara yebrun i tmeṭṭut-is,
siwa ma tezna, yerna yezweǧ d tayeḍ, izna."
10
Inelmaden-is nnan-as: "Ma d tagi i d liḥala n urgaz netta d tmeṭṭut, ur infiɛ ara ad
izweǧ." 11Yasuɛ yenna-yasen: "Mačči aṭas ara iqeblen awal-agi meɛna siwa wid iwumi i
d-ittunefk. 12Axaṭer llan wid i d-ilulen d imexṣiyen si tɛebbuḍt n yemma-tsen; llan wid
yuɣalen d imexṣiyen s ufus n yimdanen; llan wid yerran iman-nsen d imexṣiyen ɣef
ddemma n tgelda n yigenwan. Win izemren ad ifhem yefhem!"
Yasuɛ iburek arrac imecṭaḥ
(Mr 10. 13-16; Lq 18. 15-17)
13
Wwin-as-d i Yasuɛ arrac imecṭaḥ, iwakken ad isers ifassen-is fell-asen, yerna ad iẓẓal.
Inelmaden-is nnuɣen-ten. 14Meɛna Yasuɛ yenna-yasen: "Ǧǧet arrac imecṭaḥ, ur asen-
qeṭṭɛet ara ad d-ruḥen ɣur-i; axaṭer tagelda n yigenwan, i tmital-nsen." 15Isers ifassen-is
fell-asen, mbaɛd iruḥ ssyenna.
Argaz amerkanti
(Mr 10. 17-31; Lq 18. 18-27)

16
Ataya yiwen n urgaz iqerreb ɣer Yasuɛ, yenna-yas: "A Ccix, d acu ara xedmeɣ n wayen
yelhan iwakken ad sɛuɣ tudert n dayem?" 17Yasuɛ yenna-yas: "Acuɣer i yi-d-testeqsayeḍ
ɣef wayen yelhan? Siwa yiwen i yelhan. Ma tebɣiḍ ad tkecmeḍ di tudert, ḥrez lumur."
18
Argaz-nni yenna-yas: "D acu-ten lumur-agi?" Yasuɛ yenna-yas: "Ur tneqqeḍ ara
tamgerḍt, ur tzennuḍ ara, ur tettakreḍ ara, ur tettcehhideḍ ara s ẓẓur, 19ɛuzz baba-k akked
yemma-k, ḥemmel lɣir-ik am yiman-ik." 20Ilemẓi-nni yenna-yas: "Ayagi akk xeddmeɣ-t.
Deg wacu i sxaṣṣeɣ?" 21Yasuɛ yenna-yas: "Ma tebɣiḍ ihi ad tiliḍ d lkamel, ruḥ, zzenz
lerbaḥ-ik tefkeḍ-ten i yigellilen, imiren ad tesɛuḍ agerruj deg yigenwan! Mbaɛd as-d,
tbeɛ-iyi." 22Mi yesla i lehdur-nni, ilemẓi-nni yennuɣna dɣa iruḥ, axaṭer aṭas n lerbaḥ i
yesɛa.
23
Yasuɛ yenna i yinelmaden-is: "Amin, ad awen-iniɣ: Iwɛer ad ikcem umerkanti tagelda n
yigenwan. 24Ad awen-t-id-ɛiwdeɣ: Ishel i ulɣem ad iɛeddi di tiṭ n tisegnit, wala i
umerkanti ad ikcem tagelda n Yillu." 25Mi slan i lehdur-nni, inelmaden-is wehmen aṭas
dɣa nnan-as: "Anwa i izemren ad ittwasellek ihi?" 26Yasuɛ imuqel-iten, inna: "Ayen
yellan d lmuḥal i yimdanen, mačči d lmuḥal i Yillu! Meɛna Illu yezmer i kullec." 27Inṭeq
Buṭrus, yenna-yas: "Aql-aɣ negga kullec, netbeɛ-ik; d acu ara aɣ-d-iḍrun?" 28Yasuɛ
yenna-yasen: "Amin, ad awen-iniɣ: Kenwi i yi-itebɛen, asmi ara yuɣal kullec d ajdid, mi
ara yeqqim Mmi-s n umdan ɣef ukersi n leḥkem n lɛaḍima-s, ula d kenwi ad teqqimem
ɣef tnac n yikersiyen n leḥkem, iwakken ad tḥasbem tnac n leɛrac n Israyil. 29Kra n win
yeǧǧan ixxamen, neɣ atmaten, neɣ tiyissetmatin, neɣ ababat, neɣ tayemmat, neɣ dderya,
neɣ lexlawi, ɣef ddemma n yisem-iw, ad as-d-ittunefk s meyya n yimuren, yerna ad
iɣellet tudert n dayem. 30Aṭas seg yimezwura ara yuɣalen d ineggura; aṭas seg yineggura
ara yuɣalen d imezwura."
Tamɛayt n yixeddamen n tferrant
20"Tagelda n yigenwan tcuba ɣer yiwen n urgaz, d amɛellem, i yeffɣen ṣṣbeḥ zik ad as-
d-iṭṭef ixeddamen i tferrant-is. 2Imsefham d ixeddamen ad asen-ifk adinar i wass, dɣa
iceggeɛ-iten ɣer tferrant-is. 3Iffeɣ daɣen ɣef ttesɛa n ṣṣbeḥ, iwala wiyaḍ qqimen deg
uzniq, mebla lxedma. 4Inna-yasen: 'Ruḥet ula d kenwi ɣer tferrant-iw; ad awen-fkeɣ
ayen ilaqen.' Dɣa ruḥen. 5Amɛellem-nni yeffeɣ daɣen ɣef tnac n wass akked tlata n
tmeddit, ixdem akken. 6Iffeɣ daɣen ɣef lxemsa n tmeddit, yufa wiyaḍ qqimen deg uzniq
dɣa yenna-yasen: 'Acuɣer i teqqimem dagi ass kamel, mebla lxedma?' 7Nnan-as: 'Ulac
win i aɣ-isxedmen.' Inna-yasen: 'Ruḥet ula d kenwi ɣer tferrant-iw.' 8Mi d-tewweḍ
tmeddit, bab n tferrant-nni yenna i lewkil-is: 'Siwel i yixeddamen, xelleṣ-iten; bdu seg
yineggura alamma d imezwura.' 9Usan-d wid yebdan lxedma ɣef lxemsa n tmeddit, yal
yiwen yewwi adinar. 10Mi d-wwḍen imezwura, ɣilen ad awin akter; meɛna wwin ula d
nutni, yal yiwen, adinar. 11Mi ṭṭfen adinar-nni, zeɛfen ɣef umɛellem dɣa nnan-as: 12"Wigi
usan-d d ineggura, xedmen yiwet n ssaɛa kan, meɛna txellṣeḍ-ten am nekni iɛettben ass
kamel i yiṭij." 13Amɛellem inṭeq ɣer yiwen deg-sen, yenna-yas: "Ay aḥbib, ur k-ḍlimeɣ
ara; temsefhameḍ yid-i ɣef yiwen n udinar, mačči akka? 14Ddem lḥeqq-ik truḥeḍ. Bɣiɣ ad
fkeɣ i wagi, i uneggaru-agi, annect i k-fkiɣ. 15Ur sɛiɣ ara lḥeqq ad xedmeɣ ayen i yi-
ihwan s wayla-w? Neɣ tḥesdeḍ-iyi imi i lhiɣ?' 16Swakka, ineggura ad uɣalen d imezwura;
imezwura ad uɣalen d ineggura."
Yasuɛ ixebber-d daɣen s lmut-is akked ḥeggu-s
(Mr 10. 32-34; Lq 18. 31-34)
17
Mi iteddu ad yali Yasuɛ ɣer Yarucalim, iṭṭef Tnac-nni weḥd-nsen deg ubrid, dɣa yenna-
yasen: 18"Aql-aɣ ad nettali ɣer Yarucalim, Mmi-s n umdan ad ittusellem i yimeqqranen n
lmuqeddmin akked Imusnawen n ccariɛa; ad ḥekkmen fell-as s lmut. 19Ad t-sellmen i wat
leǧnas iwakken ad ttihin fell-as, ad t-wten s ujelkaḍ, yerna ad t-ṣellben; meɛna ass wis
tlata, ad d-iḥyu."
Amezwaru akked uneggaru
(Mr 10. 35-45; Lq 22. 24-27)
20
Imiren tqerreb ɣur-s yemma-s n warraw n Zabdi, nettat akked warraw-is, tseǧǧed zdat-s
iwakken ad as-tessuter lḥaǧa. 21Yasuɛ yenna-yas: "D acu i tebɣiḍ?" Tenna-yas: "Ini ad
qqimen sin-agi n warraw-iw di tgelda-k, yiwen s ayeffu-ik, wayeḍ ɣer tama-k tazelmaḍt."
22
Yasuɛ inṭeq, inna: "Ur teẓrim ara d acu i tessuturem! Tzemrem ad teswem taqbuct ara
sweɣ nekkini?" Nnan-as: "Nezmer." 23Inna-yasen: D ṣṣeḥḥ, taqbuct-iw, ad tt-teswem; ma
d iɣimi ɣer tama-w tayeffust neɣ ɣer tama-w tazelmaḍt, ayagi mačči d nekk ara t-ifken,
meɛna ad ittunefk i win iwumi i t-ihegga Baba." 24Mi slan ayen-nni, ɛecra n yinelmaden-
nni rrfan ɣef sin n watmaten-nni. 25Yasuɛ isawel-asen, yenna-yasen: "Teẓram belli
lḥekkam n leǧnas ḥekkmen deg-sen, yerna imeqqranen-nsen sleṭnen fell-asen. 26Ur ilaq
ara ad yili wayagi gar-awen. Meɛna, win yebɣan ad yuɣal d ameqqran gar-awen, ilaq ad
yili d aqeddac-nwen. 27Win yebɣan ad yili d amezwaru gar-awen, ilaq ad yili d akli-nwen.
28
Ɣef wayagi, Mmi-s n umdan ur d-yusi ara iwakken ad qedcen fell-as, meɛna iwakken
ad iqdec, yerna ad ifk tudert-is d lefdiya ɣef waṭas."
Ḥellu n sin n yiderɣalen di Yariḥu
(Mr 10. 46-52; Lq 18. 35-43)
29
Mi d-ffɣen si Yariḥu, aṭas n lɣaci i t-itebɛen. 30Sin n yiderɣalen, i d-yufa lḥal qqimen rrif
n ubrid, slan s Yasuɛ iɛedda-d; bdan ttɛeggiḍen, qqaren: "A Sidi, a mmi-s n Dawed, ḥunn
fell-aɣ!" 31Lɣaci ttɛeggiḍen fell-asen iwakken ad ssusmen, meɛna nutni ssaɛlayen akter
taɣect-nsen, qqaren: "A Sidi, a mmi-s n Dawed, ḥunn fell-aɣ!" 32Yasuɛ iḥbes, isawel-asen,
dɣa yenna-yasen: "D acu i tebɣam ad awen-t-xedmeɣ?" 33Nnan-as: "A Sidi, ad d-ldint
wallen-nneɣ!" 34Seg wakken tergagi-d tasa-s fell-asen, Yasuɛ innul allen-nsen. Imiren kan,
uɣalen ttwalin dɣa tebɛen-t.
Anekcum n Yasuɛ ɣer Yarucalim
(Mr 11. 1-11; Lq 19. 28-40; Yn 12. 12-19)
21Mi qerrben ɣer Yarucalim, leḥqen ɣer Bit-Fagi, s Iɣil Uzemmur, Yasuɛ iceggeɛ sin n
yinelmaden. 2Inna-yasen: "Ruḥet ɣer taddart-ihin zdat-wen; ad tafem dinna yiwet n
teɣyult teqqen, akked ujḥiḥ ɣer tama-s; brut-asen-d tawim-iyi-ten-id." 3Ma yella win i
awen-d-yennan kra, init-as: 'Iḥwaǧ-iten Ssid', imiren kan ad asen-d-iserreḥ." 4Ayagi
iwakken ad d-iḍru wayen i d-icar nnbi i d-yennan:

5
"Init i yelli-s n Ṣiyun:
Atan ugellid-im iteddu-d ɣur-m, yunez,
irkeb-d ɣef ujḥiḥ, mmi-s n teɣyult."
6
Inelmaden-nni ruḥen, xedmen akken i asen-inna Yasuɛ; 7nehren-d taɣyult-nni akked
ujḥiḥ, rran fell-asen iceṭṭiḍen-nsen, dɣa yerkeb fell-as Yasuɛ. 8Kra n lɣaci tessun iceṭṭiḍen-
nsen deg ubrid, wiyaḍ gezmen-d tiseḍwa si ttjur, dɣa ssan-tent deg ubrid. 9Lɣaci i
yezwaren zdat Yasuɛ akked wid i t-ittabaɛen ttɛeggiḍen, qqaren:
"Husana i Mmi-s n Dawed!
Ittubarek win i d-yusan s yisem n Ssid!
Husana deg yimukan ɛlayen!"
10
Mi yekcem Yasuɛ ɣer Yarucalim, tamdint merra tenhewwal, qqaren: "Anwa-t wagi?"
11
Lɣaci qqaren: "D nnbi Yasuɛ n Naṣarit n Galil."
Afakan yuɣal d ssuq
Mr 11. 15-18; Lq 19. 45-46; Yn 2. 13-16)
12
Ikcem Yasuɛ ɣer ufakan, dɣa yetlef ɣer berra wid merra i yettaɣen akked wid yeznuzun
deg ufakan; isneqlab ṭṭwabel n wid yettbeddilen idrimen yerna ikersiyen n wid yeznuzun
itbiren. 13Inna-yasen: "Yura: 'Axxam-iw ittusemma axxam n tẓallit', kenwi terram-t d lɣar n
yimakaren." 14Deg ufakan, qerrben ɣur-s iderɣalen akked yiquḍaren, dɣa yesseḥla-ten.
15
Imeqqranen n lmuqeddmin akked Imusnawen n ccariɛa rfan mliḥ mi walan leɛǧayeb
i ixeddem akked warrac yettɛeggiḍen deg ufakan, qqaren: "Husana i Mmi-s n Dawed!"
16
Nnan i Yasuɛ: "Tesliḍ d acu i d-qqaren wigi?" Yasuɛ yenna-yasen: "Ih, leɛmer i teɣrim:
'Seg yimi n warrac akked llufanat, tessufuɣeḍ-d leḥmadi'?" 17Iǧǧa-ten, imiren iffeɣ si
temdint, iruḥ ɣer Bit-Ḥananya, dɣa yensa dinna.
Tanqelt yeqquren
(Mr 11. 12-14, 20-26)
18
Azekka-nni ṣṣbeḥ, Yasuɛ yuɣal ɣer temdint. Illuẓ. 19Iwala yiwet n tenqelt ɣef yiri n
ubrid, iqerreb ɣur-s, meɛna siwa afriwen i yufa deg-s. Inna: "Ur tettuɣal ara ad d-teffeɣ
seg-m lfakya, i dayem!" Imiren kan tanqelt-nni teqqur. 20Mi walan yinelmaden ayen-nni
tɛeǧǧben, nnan: "Amek akka i teqqur tenqelt-agi deg yiwet n teswiɛt?" 21Yasuɛ inṭeq,
inna: "Amin, ad awen-iniɣ: ma tesɛam liman, ur tettcukkum ara, mačči kan ad txedmem
ayen akka yeḍran i tenqelt-agi, meɛna ɣas ad as-tinim i udrar-ihin: 'Qleɛ ssyagi, ḍegger
iman-ik ɣer lebḥer', ayen-nni ad d-iḍru! 22Ayen akk ara tessutrem s liman di tẓallit, ad
awen-d-ittunefk."
D acu n lḥekma?
(Mr 11. 27-33; Lq 20. 1-8)
23
Yasuɛ ikcem ɣer ufakan. Imeqqranen n lmuqeddmin akked yimeqqranen n ugdud
qerrben ɣur-s mi yella yesselmad, dɣa nnan-as: "D acu n lḥekma swayes i txeddmeḍ
ayagi? Anwa i ak-d-ifkan lḥekma-agi?" 24Yasuɛ inṭeq, inna: "Ula d nekk ad ken-steqsiɣ:
yiwen n wawal kan! Ma terram-iyi-d fell-as, ula d nekk ad awen-d-iniɣ d acu n lḥekma
swayes i xeddmeɣ ayagi." 25Aɣḍaṣ n Yuḥenna, ansi i d-ikka, seg yigenni neɣ sɣur
yimdanen? Dɣa bdan sbecbucen gar-asen: "Ma nenna-d: 'Seg yigenni', ad aɣ-d-yini:
'Acuɣer ihi ur tuminem ara yis-i?' 26Ma nenna-d: 'Sɣur yimdanen', nuggad lɣaci-agi,
axaṭer akken ma llan ḥesben Yuḥenna d nnbi." 27Neṭqen ɣer Yasuɛ, nnan: "Ur neẓri ara!"
Irra-yasen ula d netta: "Ula d nekk ur awen-d-qqareɣ ara d acu n lḥekma swayes i
xeddmeɣ ayagi."
Tamɛayt n sin n watmaten
28
"D acu i tennam? Yiwen urgaz isɛa sin n warrac. Iqerreb s amezwaru, yenna-yas: 'A
mmi, ruḥ ad txedmeḍ ass-a di tferrant-iw.' 29Irra-yas, inna: 'Ur bɣiɣ ara.' Mbaɛd indem,
dɣa iruḥ. 30Iqerreb ɣer wis sin, yenna-yas akken. Mmi-s-nni yenṭeq, inna: 'Ad ruḥeɣ, a
sidi!' Meɛna ur iruḥ ara. 31Anwa deg-sen i ixedmen lebɣi n baba-s?" Nnan-as: "D
amezwaru." Yasuɛ yenna-yasen: "Amin, ad awen-iniɣ: imekkasen akked tqeḥbiyin ad
ken-zwiren ɣer tgelda n yigenwan. 32Axaṭer, Yuḥenna yusa-d ɣur-wen s ubrid n lḥeqq,
meɛna ur tuminem ara yis-s; imekkasen akked tqeḥbiyin umnen yis-s. Ɣas akken twalam
ayen-nni, ur ttubem ara iwakken ad tamnem yis-s."
Tamɛayt n yixeddamen imcumen
(Mr 12. 1-12; Lq 20. 9-18)
33
"Ḥesset-d i temɛayt-agi-nniḍen: yiwen n urgaz, d amɛellem, iẓẓa yiwet n tferrant; izzi-
yas-d s ẓẓerb, iɣza-yas lemɛineṣra yerna yebna-yas lberǧ n tɛessast. Issekra-tt i
yixeddamen n tferrant imiren iruḥ yunag ɣer lebɛid. 34Mi d-iwweḍ lawan n tẓurin, iceggeɛ
iqeddacen-is ɣer yixeddamen-nni n tferrant iwakken ad as-d-fken lɣella-s. 35Meɛna
ixeddamen-nni n tferrant ṭṭfen iqeddacen-nni: wa, wten-t; wa, nɣan-t; wa, rejmen-t.
36
Iceggeɛ-asen daɣen iqeddacen-nniḍen, akter n tikkelt-nni tamezwarut. Meɛna xedmen-
asen am yimezwura. 37Mbaɛd, iceggeɛ-asen mmi-s. Inna deg yiman-is: 'Ad qadren mmi.'
38
Meɛna, mi walan ixeddamen-nni n tferrant mmi-s, nnan gar-asen: 'Atan win ara iwerten,
yyaw ad t-nenɣet, iwakken ad nawi ayla-s n lwert.' 39Ɣlin deg-s, ḍeggren-t berra n tferrant
dɣa nɣan-t. 40Ihi, mi ara d-yas bab n tferrant, d acu ara yexdem i yixeddamen-nni n
tferrant?" 41Rran-as: "Imcumen-nni, ad ten-ineɣ yir lmut; taferrant-nni, ad tt-issekru i
yixeddamen-nniḍen ara as-d-ittaken lɣella-s di lweqt." 42Yasuɛ yenna-yasen: "Leɛmer i
teɣrim di Tira:
'Aẓru-nni i ḥeqren yibennayen yuɣal d aẓru n teɣmert.
Ayagi yekka-d sɣur Ssid, d ayen i aɣ-isteɛǧben'?
43
Ɣef wayagi, ad awen-iniɣ: Tagelda n Yillu ad awen-tettwakkes, yerna ad tettunefk i
lǧens-nniḍen ara d-ifken lfakya. 44Win ara yeɣlin ɣef uẓru-agi ad irreẓ; meɛna win iɣef
ara d-iɣli, ad t-imḥeq." 45Mi slan i temɛayin-nni, imeqqranen n lmuqeddmin akked
Ifarisiyen fehmen belli fell-asen i d-ihedder. 46Nudan ad t-ṭṭfen, meɛna uggaden lɣaci;
axaṭer lɣaci ḥesben-t d nnbi.
Tamɛayt n yimeɛraḍen n tmeɣra
(Lq 14. 16-24)
22Ikemmel Yasuɛ ihder-asen s temɛayin. Inṭeq, inna: 2"Tagelda n yigenwan tcuba ɣer
yiwen n urgaz, d agellid, i ixedmen tameɣra i mmi-s. 3Iceggeɛ iqeddacen-is ad siwlen i

yimeɛraḍen ɣer tmeɣra, meɛna ugin ad d-asen. 4Iɛawed iceggeɛ-asen iqeddacen-nniḍen.
Inna-yasen: 'Init i yimeɛraḍen: aql-i heggaɣ lmakla, zliɣ izgaren-iw akked lmal-iw
ameɛluf. Kullec ihegga: aset-d ɣer tmeɣra.' 5Meɛna imeɛraḍen-nni ur d-cliɛen ara. ruḥen,
wa ɣer lexla-s, wa ɣer swaleḥ-is. 6Wiyaḍ ṭṭfen iqeddacen-nni, smermden-ten yerna nɣan-
ten. 7Agellid-nni, tecɛel deg-s tmes; iddem iceggeɛ lɛesker-is iwakken ad nɣen iqettalen-
nni, yerna ad sserɣen tamdint-nsen. 8Imiren yenna i yiqeddacen-is: 'Tameɣra thegga,
meɛna imeɛraḍen ur uklalen ara. 9Ruḥet ihi ɣer faruq n yiberdan: wid akk ara tafem,
ɛerḍet-ten-id ɣer tmeɣra.' 10Ruḥen iqeddacen-nni ɣer faruq n yiberdan; jemɛen-d wid akk
ufan, s yimcumen, s wid yelhan. Dɣa yeččur-d uxxam d imeɛraḍen. 11Ikcem ugellid,
imuqel imeɛraḍen-nni, dɣa iwala yiwen n urgaz ur ilsi ara llebsa n tmeɣra. 12Inna-yas: "Ay
aḥbib, amek i d-tkecmeḍ ɣer dagi mebla llebsa n tmeɣra?" Argaz-nni yessusem. 13Imiren
agellid-nni yenna i yiqeddacen: 'Arzet-as ifassen akked yiḍarren tḍeggrem-t ɣer ṭṭlam n
berra, anda llan imeṭṭawen akked uqrac n tuɣmas.' 14Aṭas i d-ittusawlen, meɛna drus i
yettwaxtaren."
Tabzert i Qayṣer
(Mr 12. 13-17; Lq 20. 19-26)
15
Imiren Ifarisiyen ruḥen mcawaren, iwakken ad d-sseɣlin Yasuɛ deg wawal. 16Ceggɛen-
as inelmaden-nsen akked kra n Ihirudiyen. Nnan-as: "A Ccix, neẓra-k belli d aṣeḥḥi;
tesselmadeḍ abrid n Yillu s ṣṣwab. Ur ak-d-tewqiɛ deg yiwen, ur tleḥḥuḍ ara s
wudmawen. 17Efk-aɣ-d ihi ṛṛay-ik: Ilaq ad nxelleṣ tabzert i Qayṣer, neɣ ala?" 18Meɛna
Yasuɛ, i yessnen tiḥraymit-nsen, yenna-yasen: "Ay wat sin wudmawen, acuɣer i yi-
tettjerribem? 19Sseknet-iyi-d aṣurdi s wacu i tettxelliṣem tabzert." Fkan-as-d yiwen n
udinar. 20Inna-yasen: "Udem-agi, anwa-t?I wayen yuran fell-as?" 21Nnan-as: "D Qayṣer."
Imiren yenna-yasen: "Fket ihi i Qayṣer ayen yellan n Qayṣer, i Yillu ayen yellan n Yillu."
22
Mi slan, wehmen, dɣa ruḥen ǧǧan-t.
Asteqsi ɣef ḥeggu
(Mr 12. 18-27; Lq 20. 27-38)
23
Ass-nni dɣa, usan-d ɣer Yasuɛ Iṣaduqiyen, wid i yeqqaren belli ulac ḥeggu. 24Steqsan-t,
nnan: "A Ccix, Musa yenna-d: 'Ma yemmut yiwen, ur d-iǧǧi ara dderya, gma-s ad yerr
tameṭṭut-is iwakken ad d-ifk dderya i gma-s.25Yuɣ lḥal, llan ɣur-neɣ sebɛa n watmaten;
amezwaru izweǧ, mbaɛd immut; imi ur d-iǧǧi ara dderya, gma-s yerra tameṭṭut-is.
26
Akken i teḍra d wis sin, d wis tlata, armi d wis sebɛa. 27Mbaɛd, terna deffir-nsen tmeṭṭut-
nni, temmut ula d nettat. 28Di ḥeggu, anwa si sebɛa-nni ara tt-isɛun d tameṭṭut-is? Axaṭer
zewǧen akk yid-s." 29Yasuɛ inṭeq, inna: "Tɣelḍem! Ur tessinem Tira, ur tessinem tazmert
n Yillu. 30Di ḥeggu, ur zewwǧen yirgazen ur zewwǧent tlawin, meɛna ad ilin am lmalayek
deg yigenwan. 31Ma d ayen yeɛnan ḥeggu, ur teɣrim ara ayen i awen-d-yenna Yillu:
32
'Nekk, d Illu n Abraham, d Illu n Isḥaq, d Illu n Yeɛqub.' Mačči d Illu n lmeggtin, meɛna
n lḥeggtin!" 33Mi as-slan lɣaci, tɛeǧǧben deg uselmed-is.
Lamer akk ameqqran

(Mr 12. 28-34; Lq 10. 25-28)
34
Mi slan Ifarisiyen belli Yasuɛ ibekkem Iṣaduqiyen, nnejmaɛen-d. 35Yiwen seg-sen, d
lɛalem n ccariɛa, isteqsa-t iwakken ad t-ijerreb. 36Inna-yas: "A Ccix, anwa i d lamer
ameqqran akk di ccariɛa?" 37Yasuɛ yenna-yas: "Ad tḥemmleḍ Ssid, Illu-yik, seg wul-ik
merra, s terwiḥt-ik merra, s lbal-ik merra.38D wagi i d ameqqran akk yerna d amezwaru
gar lumur merra. 39Wis sin, am umezwaru: Ad tḥemmleḍ lɣir-ik am yiman-ik.40Ɣer sin n
lumur-agi i tcudd ccariɛa akked lanbeyya."
Lmasiḥ, d Ssid n Dawed

(Mr 12. 35-37; Lq 20. 39-44)
41
Nnejmaɛen-d Ifarisiyen. Yasuɛ isteqsa-ten, 42inna: "D acu-t, ṛṛay-nwen ɣef Lmasiḥ? D
mmi-s n wumi?" Rran-as: "N Dawed." 43Yasuɛ yenna-yasen: "Amek ihi Dawed, s Rruḥ
Iqedsen, isawal-as Sidi? Inna:
44
'Ssid yenna i Ssid-iw:
Qqim ɣer tama-w tayeffust; alamma rriɣ iɛdawen-ik ddaw uḍar-ik.'
45
Ihi, ma yella Dawed isawal-as: 'Sidi', amek ara yili d mmi-s?" 46Yiwen ur issaweḍ ad as-
yerr ula d yiwen n wawal. Seg wass-nni, yiwen ur iɛriḍ ad t-isteqsi.
Heddren ur xeddmen
(Mr 12. 38-40; Lq 20. 45-47)
23 Imiren inṭeq Yasuɛ ɣer lɣaci akked yinelmaden-is, yenna-yasen: 2"Imusnawen n
ccariɛa akked Ifarisiyen ṭṭfen amkan n Musa. 3Ihi, ayen akk i awen-d-qqaren, xedmet-t
tḥerzem-t; meɛna ur ten-ttɛanadet ara di lefɛayel-nsen, axaṭer heddren ur feɛlen.
4
Ttcuddun tiɛekmin zzayen yerna ttɛebbin-tent ɣef tuyat n medden; meɛna nutni ur bɣin
ara ad tent-ssembiwlen ula s uḍad-nsen. 5Ayen akk i xeddmen, xeddmen-t iwakken ad
ten-id-walin medden. Ssemɣaren tisenduqin-nsen, sseɣzafen di tecrurin n yijufar-nsen;
6
ḥemmlen ad qqimen deg yimukan imezwura ɣer wučči, ad ṭṭfen imukan imezwura di
leǧwameɛ, 7ad ttsellimen fell-asen yimdanen deg yizenqan, ad asen-sawalen medden
'Ccix'. 8Meɛna kenwi, ur ttɛemmidet ara ad awen-sawalen 'Ccix', axaṭer yiwen n ccix kan
i tesɛam, yerna kenwi akk d atmaten. 9Ur sawalet i yiwen di ddunit 'Baba', axaṭer yiwen
kan i d Baba-twen, d win yellan deg yigenwan. 10Ur qebblet ara ad awen-siwlen
'Ameqqran', axaṭer yiwen kan n umeqqran i tesɛam, d Lmasiḥ. 11Ameqqran akk deg-wen
ad yili d aqeddac-nwen. 12Win ara yessaɛlin iman-is ad d-ittwanfeḍ; win ara yessanzen
iman-is ad ittwarfed.
A tawaɣit n Imusnawen n ccariɛa akked Ifarisiyen
(Mr 12. 38-40; Lq 11. 39-54; 20. 45-47)
13
A tawaɣit-nwen, a Imusnawen n ccariɛa akked Ifarisiyen, ay wat sin n wudmawen!
Tɣelqem tagelda n yigenwan deg wudem n yimdanen; ur tkeččmem kenwi, ur tettaǧǧam
ad kecmen wid yebɣan ad kecmen.
14
Tettettem ixxamen n tuǧǧal yerna tesseɣzafem tiẓilla iwakken ad ken-id-walin; ɣef

wayagi, ad tettuɛaqbem yiwen n lɛiqab, d aqesḥan.
15
A taɣawit-nwen, a Imusnawen n ccariɛa akked Ifarisiyen, ay wat sin n wudmawen!
Tettekkem-d lberr akked lebḥer iwakken ad d-trebḥem xerṣum yiwen ɣer ddin-nwen. Mi
yekcem ɣer ddin-nwen, tettarram-t d mmis n ǧahennama, akter-nwen s mertayen!
16
A tawaɣit-nwen, ay imḍebbren iderɣalen i yeqqaren: 'Limin s ufakan, ulac fell-as; limin
s ddheb n ufakan ilzem.' 17Ay imehbal yedreɣlen! D acu i imeqqren? D ddheb, neɣ d
afakan yettarran ddheb d imqeddes? 18Teqqarem daɣen: 'Limin s uɛalṭar, ulac fell-as;
limin s usfel yellan fell-as ilzem.' 19Ay iderɣalen! D acu i imeqqren? D asfel, neɣ d aɛalṭar
yettarran asfel d imqeddes? 20Swakka, win yeggullen s uɛalṭar yeggull s uɛalṭar d wayen
akk yellan fell-as. 21Win yeggullen s ufakan yeggull s ufakan akked win i t-izedɣen. 22Win
yeggullen s yigenni yeggull s ukersi n leḥkem n Yillu akked win yeqqimen fell-as.
23
Tettɛeccirem nneɛneɛ, abesbas, lkemmun; meɛna tettaǧǧam ayen akken yesɛan azal
akter di ccariɛa: lḥeqq, rreḥma, liman. D ayagi merra i ilaqen ad txedmen, mebla ma
tferrṭem deg wayen-nniḍen.
24
Ay imḍebbren iderɣalen! Tettṣeffim si tizit, tesseblaɛem alɣem.
25
Tessizdigem si berra taqbuct akked uḍebsi, daxel ččuren d leḥram akked ṭṭmeɛ. 26Ay
Afarisi aderɣal! Ssizdeg qbel si daxel taqbuct, iwakken ad tizdig ula si berra.
27
Tecbam iẓekkwan ijeggren si berra; si berra ttbanen-d cebḥen, meɛna daxel, ččuren d
iɣsan n lmeggtin d wayen akk ineǧsen. 28Akka ula d kenwi: si berra, tettbanem-d d
iḥeqqiyen zdat medden, meɛna daxel teččurem d tiddas akked lbaṭel.
29
Tbennum iẓekkwan n lanbeyya, tettcebbiḥem iẓekkwan n yiḥeqqiyen; 30yerna teqqarem:
'Lemmer nɛac di zzman n lejdud-nneɣ, ur nettekkay ara d wid i yessazzalen idammen n
lanbeyya.' 31Swakka, tettcehhidem-d belli d arraw n yiqettalen n lanbeyya i tellam,
32
tessawḍem ɣer lḥedd-is ayen i xedmen lejdud-nwen.
33
Ay izerman, a ccetla n lwafeɛ, amek ara trewlem i lḥisab, i ǧahennama? 34Ɣef wayagi,
aql-i ad awen-d-ceggɛeɣ lanbeyya, imusnawen, lɛulama. Kra ad ten-tenɣem, kra ad ten-
tṣellbem, wiyaḍ ad asen-teṭṭfem ajelkaḍ di leǧwameɛ-nwen, ad ten-tqehhrem si temdint
ɣer tayeḍ. 35Swakka ad d-uɣalen ɣef yirawen-nwen idammen n yiḥeqqiyen yuzzlen di
ddunit, seg yidammen n Habil aḥeqqi, alamma d idammen n Zaxarya, mmi-s n Birixya,
win akken i tenɣam gar ufakan akked uɛalṭar. 36Amin, ad awen-iniɣ: ayagi akk ad d-iɣli
ɣef lǧil-agi.
Yasuɛ ittru ɣef Yarucalim

(Lq 13. 34-35; 19. 41-44)
37
A Yarucalim, a Yarucalim, i ineqqen lanbeyya, i ireggmen wid i am-d-ittuceggɛen!
Acḥal d abrid i bɣiɣ ad d-jemɛeɣ arraw-im, akken i tjemmeɛ tyaẓiḍt ifrax-is ddaw
wafriwen-is, meɛna kenwi ur tebɣim ara! 38Atan, ad awen-d-iqqim uxxam-nwen d lxali.
39
Axaṭer aql-i ad awen-iniɣ: ur tettuɣalem ara ad iyi-twalim, alamma d ass ideg ara tinim:
'Ittubarek win i d-yusan s yisem n Ssid''."
Ahuddu n ufakan
(Mr 13. 1-4; Lq 21. 5-7)
24Iffeɣ-d Yasuɛ seg ufakan dɣa iruḥ. Qerrben ɣur-s yinelmaden-is iwakken ad as-sseknen
lbenyan n ufakan. 2Inṭeq Yasuɛ, yenna-yasen: "Twalam annect-agi merra? Amin, ad
awen-iniɣ: ur d-ittɣimi dagi uẓru ɣef wayeḍ, kullec ad ihudd."
3
Iqqim deg Yiɣil Uzemmur. Qerrben ɣur-s yinelmaden-is weḥḥed-sen, nnan-as: "Ini-yaɣ-
d melmi ara d-iḍru wayagi? D acu ara yilin d limara n tisin-ik akked taggara n ddunit?"
Ccedda tameqqrant
(Mr 13. 5-18; Lq 21. 8-23)
4
Yasuɛ inṭeq, yenna-yasen: "Ḥadret win i ken-ittɣurrun! 5Axaṭer, aṭas ara d-yasen s yisem-
iw, ad inin: 'Nekk, d Lmasiḥ', dɣa ad ɣurren aṭas n lɣaci. 6Ad teslem i ṭṭrad akked dderz n
ṭṭrad; ur tqelliqet ara: ilaq ad d-iḍru wayagi, meɛna mačči d tagi i d taggara. 7Lǧens ad d-
ikker ɣer lǧens, tageldit ɣer tgelda; zzlezlat akked laẓ ad d-ilin deg waṭas n yimukan.
8
Ayagi merra, d beddu n leɛtab.
9
Imiren ad ken-mekknen i leqher, ad ken-nɣen; leǧnas merra ad ken-kerhen ɣef ddemma n
yisem-iw. 10Imiren, aṭas ara yeɣlin, ad myexdaɛen, ad msekrahen gar-asen. 11Aṭas n
lanbeyya n lekdeb ara d-ikkren; ad ɣurren aṭas lɣaci. 12Seg wakken ara yaweḍ lbaṭel ɣer
lḥedd-is, ad tismiḍ leḥmala n waṭas. 13Ma d win ara yeṭṭfen alamma d taggara ad
ittusellek. 14Linǧil n tgelda ad ittwabeccer di ddunit merra, d cchada, i leǧnas merra.
Imiren ad d-teḥḍer taggara.
15
Mi ara twalim tacmat-nni n nnger iɣef d-ihder nnbi Danyil tɛennec deg umkan iqedsen -
win ara yeɣren ayagi yerr-d s lexbar! -, 16imiren, wid ara d-yaf lḥal di Yahuda ad rewlen
ɣer yidurar! 17Win ara d-yaf lḥal ɣef ssḍeḥ, ur d-ittṣubbu ara iwakken ad d-iddem kra seg
uxxam-is! 18Win ara d-yaf lḥal di lexla, ur d-ittuɣal ara ɣer deffir iwakken ad iddem
abernus-is! 19A tawaɣit n tlawin ara d-yaf lḥal s tadist akked tid yessuṭṭuḍen, deg wussan
nni! 20Dɛut, iwakken tarewla-nwen ur d-tettili ara di ccetwa, neɣ deg wass n usteɛfu.
21
Imiren, ad d-tili yiwet n ccedda, d tameqqrant, leɛmer i d-teḍri seg wasmi i tebda ddunit,
ar tura, yerna ur d-tḍerru ara akk ɣer zdat. 22Lemmer ur ttwaneqsen ara wussan-nni, yiwen
n umdan ur ittsellik; meɛna ɣef ddemma n wid yettwaxtaren, ussan-nni ad ttwaneqsen.
23
Ma yella win i awen-d-yennan imiren: 'Lmasiḥ atan dagi' neɣ: 'Atan dihin', ur ttamnet
ara. 24Axaṭer ad d-kkren lmasiḥat n lekdeb akked lanbeyya n lekdeb, ad xeddmen limarat
akked leɛǧayeb, iwakken ad ɣurren, ma yella wamek, ula d wid yettwaxtaren. 25Aql-i
nniɣ-awen-t-id si tura. 26Ma nnan-awen-d ihi: 'Atan deg uneẓruf', ur ttruḥut ara! 'Atan di
lɣiran', ur ttamnet ara!
Tisin n Mmi-s n umdan
(Lq 21. 25-37)

27
Axaṭer akken i d-itekk lebraq si ccerq, ittfeǧǧiǧ alamma d lɣerb, akken ara d-tili tisin n
Mmi-s n umdan. 28Anda tella lǧifa, ad d-nnejmaɛen dinna yesɣan. 29Imiren kan, mi ara
ɛeddin wussan-nni n leqher, iṭij ad iṭṭullem, aggur ur d-ittak ara ṭṭya-s, itran ad d-ɣlin seg
yigenni, tizemmar n yigenwan ad nquqlent. 30Imiren ad d-tban limara n Mmi-s n umdan
deg yigenni, dɣa leɛrac merra n ddunit ad meǧǧden. Ad walin Mmi-s n umdan yusa-d seg
yigenni ɣef tagut s tezmert tameqqrant akked lɛaḍima. 31Ad iceggeɛ lmalayek-is s undah
n lbuq. Ad d-jemɛen wid yettwaxtaren si rebɛa tɣemmar, si ṭṭerf n yigenwan alamma d
ṭṭerf n yigenwan.
32
Ɣret-d ayagi si tenqelt: akken ara yilqiqen ifurkawen-is, ara fsun iferrawen-is, ḥṣut belli
anebdu iqerb-d. 33Akken ula d kenwi, mi ara twalim ayagi, ḥṣut belli Mmi-s n umdan
iqerreb-d, atan ɣer tewwurt. 34Amin, ad awen-iniɣ: lǧil-agi ur ittɛeddi ara alamma yeḍra-d
wayagi merra. 35Igenni d lqaɛa ad fnun; meɛna lehdur-iw ur fennun ara.
Yiwen ur iɛlim s wass n tisin n Yasuɛ
(Mr 13. 32-35; Lq 17. 26-27, 34-35; 12. 39)
36
Ayen yeɛnan tasaɛet-nni neɣ ass-nni, yiwen ur iɛlim yis-sen, la lmalayek, la Amemmit,
meɛna siwa Ababat weḥd-s. 37Akken i teḍra di lweqt n Nuḥ, ara teḍru asmi ara d-yas
Mmi-s n umdan. 38Axaṭer di lweqt-nni, uqbel lḥemla n waman, lɣaci llan tetten, tessen,
zewwǧen, zewwǧen i warraw-nsen, armi d asmi yekcem Nuḥ ɣer lbabur, 39ur d-rrin ara s
lexbar armi i d-teɣli fell-asen lḥemla n waman, tessenger-iten akk. Akken ara teḍru asmi
ara d-yas Mmi-s n umdan. 40Imiren, gar sin ara d-yaf lḥal di lexla, yiwen ad ittwaddem,
wayeḍ ad ittweǧǧ. 41Gar snat n tlawin ara d-yaf lḥal ẓẓadent s tsirt, yiwet ad tettwaddem,
tayeḍ ad tettweǧǧ. 42Ɛasset iman-nwen, axaṭer ur teẓrim ara d acu n tsaɛet ideg ara d-yas
Ssid-nwen. 43Ayagi, ḥṣut-t: lemmer yiẓri bab n uxxam lweqt ideg ara d-yas umakar, ad
iɛiwez, ur ittɛemmid ara ad ittwaftek uxxam-is. 44Ɣef wayagi, ula d kenwi, heggit iman-
nwen, di tsaɛet iɣef ur tebnim ara d-yas Mmi-s n umdan.
Lewkil unṣiḥ
(Lq 12. 42-46)
45
Anwa-t uqeddac-agi unṣiḥ aɛeqli, iɣef ara iwekkel ssid-is at uxxam-is iwakken ad asen-
ittak lqut di lweqt? 46Amarezg uqeddac-agi ara d-yaf ssid-is ixeddem akka mi ara d-ijbu.
47
Amin, ad awen-iniɣ: ad t-iwekkel ɣef wayen akk yesɛa. 48Meɛna ma d yir aqeddac i
yella, iqqar deg wul-is: 'Ssid-iw iɛeṭṭel', 49ma yekkat irfiqen-is ixeddmen yid-s, ma itett,
itess netta d isekṛaniyen, 50ssid n uqeddac-nni ad d-yas deg wass iɣef ur ibni, di tsaɛet ur
iẓri. 51Ad t-ikkes, ad t-irnu ɣer wat sin n wudmawen, anda llan yimeṭṭawen d uqrac n
tuɣmas.
Tamɛayt n ɛecra n tɛezriyin
25 "Ass-nni, tagelda n yigenwan ad tcabi ɣer ɛecra n tɛezriyin yeddmen lemṣabiḥ-nsent,
ffɣent ad mmagrent isli. 2Xemsa deg-sent, d tungufin, xemsa-nniḍen d tuḥricin.
3
Tungufin-nni, mi ddment lemsabiḥ-nsent, ur wwint ara yid-sen zzit. 4Ma d tuḥricin-nni,
wwint yid-sent zzit di teqraɛtin, rnant lemṣabiḥ-nsent. 5Seg wakken iɛeṭṭel yesli ur d-yusi
ara, nuddment merra dɣa ṭṭṣent. 6Ttnaṣfa n yiḍ, yiwet n taɣect tɛeggḍ-d: 'Ataya yesli,
kkremt ad t-temmagremt.' 7Dɣa kkrent-d akk tiɛezriyin-nni, heggant lemṣabiḥ-nsent.
8
Neṭqent tungufin-nni ɣer tuḥricin, nnant-asent: 'Fkemt-aɣ-d si zzit-nkent: lemṣabiḥ-nneɣ
a xessin.' 9Tuḥricin-nni nnant-asent: 'Ala, ur t-ttqidi ara i nekkenti d kennemti. ruḥemt axir
ad d-taɣemt ɣer win i tt-iznuzun.' 10Mi ruḥent ad d-aɣent zzit, isli yewweḍ-d. Tid iheggan
iman-nsent kecment yid-s ɣer tmeɣra, dɣa tɣleq-d tewwurt. 11Kra n lweqt mbaɛd, leḥqent-
d tɛezriyin-nni-nniḍen, nnant: 'A Sidi, a Sidi, ldi-yaɣ-d tawwurt!' 12Meɛna netta, irra-
yasent, inna: 'Amin, ad awent-iniɣ: Ur kent-ssineɣ ara.' 13Ɛasset ihi! Ur teẓrim ass wala
tasaɛet.
Tamɛayt n yiṭalalen
14
"Ad teḍru am urgaz iheggan iman-is ad yinig. Isnejmaɛ-d iqeddacen-is dɣa iwekkel-iten
ɣef wayen akk yesɛa. 15Yiwen ifka-yas xemsa n yiṭalalen, yiwen sin, wayeḍ yiwen: Ifka i
yal yiwen akken tella tezmert-is; mbaɛd iruḥ si tmurt. 16Imiren kan, win akken iwumi i
ttunefken xemsa n yiṭalalen iruḥ isxdem-iten, dɣa irebḥ-d xemsa-nniḍen. 17Akken daɣen,
bu sin-nni, irebḥ-d sin-nniḍen. 18Win akken iwumi yettunefk yiwen kan n uṭalan iruḥ iɣza
deg wakal, dɣa yeffer idrimen n ssid-is.
19
Iɛedda lweqt aṭas, ssid n yiqeddacen-nni yuɣal-d; imḥasab yid-sen. 20Win akken iwumi i
ttunefken xemsa n yiṭalalen iqerreb dɣa yefka-yas xemsa n yiṭalalen-nniḍen. Inna-yas: 'A
sidi, tefkid-iyi-d xemsa n yiṭalalen; atnan xemsa-nniḍen, rebḥeɣ-ten-id.' 21Ssid-is yenna-
yas: 'Ilha, ay aqeddac lɛali, unṣiḥ! imi i mumaneḍ di cwiṭ, ad k-wekkleɣ ɣef waṭas. Kcem,
stummen s lferḥ n ssid-ik!' 22Bu sin n yiṭalalen-nni iqerreb ula d netta, inna: 'A sidi, tefkid-
iyi-d sin n yiṭalalen; atnan sin-nniḍen, rebḥeɣ-ten-id.' 23Ssid-is yenna-yas: 'Ilha, ay
aqeddac lɛali, unṣiḥ! imi i mumaneḍ di cwiṭ, ad k-wekkleɣ ɣef waṭas. Kcem, stummen s
lferḥ n ssid-ik!' 24Win akken iwumi yettunefk yiwen kan n uṭalan iqerreb ula d netta. Inna:
'A sidi, ẓriɣ-k d argaz iweɛren i telliḍ, tmeggreḍ anda akken ur tezriɛeḍ ara, tjemmɛeḍ-d
ansi akken ur tesrewteḍ ara. 25Uggadeɣ, dɣa ruḥeɣ ffreɣ aṭalan-ik deg wakal. Atan wayla-
k, ddem-it!' 26Inṭeq ssid-is, yenna-yas: 'Ay aqeddac amcum, ay ameɛgazu! imi i teẓriḍ belli
meggreɣ anda akken ur zriɛeɣ, jemmɛeɣ-d ansi akken ur srewteɣ, 27acuɣer ihi ur tesriseḍ
ara idrimen-iw di lbanka. Mi d-uɣaleɣ ad d-jebdeɣ ayla-w s lfayda. 28Kkset-as ihi aṭalan i
yesɛa, fket-t i win yesɛan ɛecra n yiṭalalen. 29Axaṭer, i win yesɛan, ad as-ittunefk, yerna ad
izid fell-as. Meɛna win ur nesɛi ara, ula d ayen akken yesɛa, ad as-ittwakkes. 30Aqeddac-
agi ur nenfiɛ, ḍeggret-t ɣer ṭṭlam n berra, anda llan imeṭṭawen d uqrac n tuɣmas.'
Lḥisab n taggara
31
"Asmi ara d-yas Mmi-s n umdan di lɛaḍima-s netta d lmalayek-is merra, ad iqqim ɣef
ukersi n lɛaḍima-s. 32Leǧnas merra ad d-nnejmaɛen zdat-s. Ad ten-ifreq, akken iferreq
umeksa akraren ɣef yiqelwacen. 33Ad yerr akraren ɣer tama-s tayeffust, iqelwacen ɣer
tama-s tazelmaḍt. 34Imiren agellid ad yini i wid yellan ɣer tama-s tayeffust: 'Yyaw, a wid i
iburek Baba, wertet tagelda yettuheggan i kenwi seg wasmi i d-texleq ddunit. 35Axaṭer lliɣ
lluẓeɣ, tefkam-iyi, ččiɣ; lliɣ fudeɣ tefkam-iyi, swiɣ; lliɣ d aberrani, testerḥbem yis-i; 36lliɣ
ɛeryan, tesselsem-iyi; lliɣ helkeɣ, terzam-d fell-i, lliɣ di lḥebs, truḥem-d ɣur-i.' 37Imiren
iḥeqqiyen ad as-inin: 'A Sidi, melmi i k-nwala telluẓeḍ, nefka-yak teččiḍ, tfudeḍ, nefka-
yak teswiḍ? 38Melmi i k-nwala d aberrani, nesterḥeb yis-k, neɣ teɛraḍ, nessels-ik?
39
Melmi i k-nwala thelkeḍ neɣ di lḥebs, nerza fell-ak?' 40Ad inṭeq ugellid, ad asen-yini:
'Amin, ad awen-iniɣ: kra n tikkelt ideg txedmem ayagi i yiwen n umecṭuḥ akk gar
watmaten-iw, d nekk iwumi i t-txedmem.' 41Imiren ad yini i wid yellan ɣer tama-s
tazelmaḍt: 'Beɛdet akkin fell-i, a kenwi yettwaneɛlen, ruḥet ɣer tmes n dayem, ittuheggan
i Cciṭan akked lmalayek-is. 42Axaṭer lliɣ lluẓeɣ, ur yi-tefkim ara ad ččeɣ; fudeɣ, ur yi-
tefkim ara ad sweɣ; 43lliɣ d aberrani, ur testerḥbem ara yis-i; lliɣ ɛeryan, ur yi-tesselsem
ara; lliɣ helkeɣ, lliɣ di lḥebs, ur d-terzim ara fell-i.'
44
Imiren ad neṭqen ɣur-s, ad as-inin: 'A Sidi, melmi akka i k-nwala telluzeḍ, neɣ tfudeḍ,
neɣ d aberrani, neɣ teɛraḍ, neɣ thelkeḍ, neɣ di lḥebs, ur d-nelhi ara yid-k?' 45Netta ad
asen-yini: 'Amin, ad awen-iniɣ: yal tikkelt ideg ur texdimem ara ayagi i yiwen n umecṭuḥ
akk seg widak-agi, d nekk iwumi ur t-texdimem ara.' 46Widak-nni ad ruḥen ɣer lɛiqab n
dayem, ma d iḥeqqiyen ɣer tudert n dayem."
26 Mi yekfa Yasuɛ lehdur-agi, yenna i yinelmaden-is: 2"Teẓram belli gar-aɣ d sin wussan,
d lɛid n Usuref. Mmi-s n umdan ad ittusellem iwakken ad ittwaṣelleb."
3
Imeqqranen n lmuqeddmin akked yimeqqranen n ugdud nnejmaɛen deg ufrag n
Lmuqeddem ameqqran, yettusemman Kayafa. 4Mcawaren gar-asen amek ara ṭṭfen Yasuɛ
s tḥila iwakken ad t-nɣen. 5Meɛna nnan: "Mačči di lɛid iwakken ur d-ittili ara ccwal deg
ugdud."
Tameṭṭut yesmaren leɛṭer ɣef uqerru n Yasuɛ
(Mr 14. 3-9; Yn 12. 1-8)
6
Mi yella Yasuɛ di Bit-Ḥananya, deg uxxam n Cimɛun aberṣi, 7tqerreb ɣur-s yiwet n
tmeṭṭut, tewwi-d yid-s taqbuct n rrxam amellal, teččur d leɛṭer ɣlayen aṭas. Tesmar-itt ɣef
uqerru n Yasuɛ, i yeqqimen ɣer ṭṭabla. 8Mi walan ayen-nni, inelmaden rfan dɣa nnan: "I
wacu lexṣara-agi? 9Lukan xir yenza s ssuma ɣlayen, tili ad nefk azal-is i yigellilen." 10Mi
asen-isla Yasuɛ, yenna-yasen: "Acuɣer i tesnuɣnam tameṭṭut-agi? D ayen yelhan i yi-
texdem. 11Igellilen ad ilin dayem gar-awen, meɛna nekk, ur yi-tseɛɛum ara dayem. 12Mi d-
tesmar leɛṭer-agi fell-i, texdem-it i temḍelt-iw. 13Amin, ad awen-iniɣ: di yal amkan ideg
ara yettubeccer Linǧil-agi, di ddunit, ad d-ttɛawaden ayen i texdem tmeṭṭut-agi, d
ccfawa."
Yahuda yeqsed ad ixdeɛ Yasuɛ
(Mr 14. 10-11; Lq 22. 3-6)
14
Imiren, yiwen si Tnac-nni, win yettusemman Yahuda n Qiryut, iruḥ ɣer yimeqqranen n
lmuqeddmin. 15Inna-yasen: "D acu i tebɣam ad iyi-t-tefkem? Nekk, ad awen-t-sellmeɣ."
Weznen-as tlatin n twiztin n lfeṭṭa. 16Seg imiren, Yahuda yettnadi tagnit ideg ara t-isellem.
Lɛid n Usuref taneggarut

(Mr 14. 12-21; Lq 22. 7-14; Yn 13. 21-30)

17
Ass amezwaru n yiɣerman ur nesɛi iɣes n temtunt, inelmaden qerrben ɣer Yasuɛ, nnan-
as: "Anda i tebɣiḍ ad ak-nheggi imensi n Usuref?" 18Inna-yasen: "Ruḥet ɣer temdint, ɣer
leflani, tinim-as: 'Ad ak-iqqar Ccix: lweqt-iw ad d-ittqerrib. Deg uxxam-ik ara ɛeggdeɣ
Asuref, nekk d yinelmaden-iw'." 19Inelmaden xedmen akken i asen-d-yenna Yasuɛ;
heggan Asuref.
20
Mi d-iɣli yiḍ, Yasuɛ iqqim ɣer ṭṭabla netta d Tnac-nni. 21Mi llan tetten, inna; "Amin, ad
awen-iniɣ: yiwen deg-wen ad iyi-isellem." 22Iqerḥ-iten lḥal mliḥ, dɣa bdan steqsayen-t
yiwen yiwen, qqaren-as: "D nekk, a Sidi?" 23Inṭeq, inna: "Win yegren afus-is yid-i deg
uḍebṣi, d netta ara y-isellmen. 24Mmi-s n umdan ad iruḥ akken yura fell-as; meɛna a nnger
n urgaz-agi ara isellmen Mmi-s n umdan! Xir lukan ur d-ilul ara urgaz-agi!" 25Yahuda ara
t-isellmen inṭeq, inna: "D nekk, a Ccix?" Yasuɛ yenna-yas: "Tenniḍ-t-id!"
26
Mi llan tetten, Yasuɛ iddem-d aɣrum, iburek dɣa ibḍa-t. Ifka-t i yinelmaden-is dɣa
yenna-yasen: "Ddmet teččem: wagi, d tafekka-w." 27Iddem-d taqbuct, iḥmed, ifka-yasen-
tt dɣa yenna: "Swet akk seg-s: 28wigi, d idammen-iw, d idammen n lemɛahda, yuzzlen ɣef
waṭas, i leɛfu n ddnubat. 29Ad awen-d-iniɣ: ssya d asawen, ur ttuɣaleɣ ara ad sweɣ seg
waman-agi n tẓurin, alamma d ass ideg ara ten-sweɣ yid-wen, d ijdiden, di tgelda n
Baba."
Yasuɛ di tmazirt n Gat-Camanim
(Mr 14. 32-42; Lq 22. 39-46)
30
Mbaɛd mi cnan ihellilen ulin s Iɣil Uzemmur. 31Imiren Yasuɛ yenna-yasen: "Iḍ-agi, ad
tecḍem akk ɣef ddemma-w, axaṭer yura: 'Ad wteɣ ameksa, taqeḍɛit n lmal ad temzerbeɛ.'
32
Meɛna mi ara d-ḥyuɣ, ad ken-zwireɣ ɣer Galil." 33Inṭeq Buṭrus, inna: "Ɣas ad ccḍen akk
ɣef ddemma-k, nekk, d lmuḥal ad ccḍeɣ!" 34Yasuɛ yenna-yas: "Amin, ad ak-iniɣ: iḍ-agi
dɣa, uqbel ad iskuɛ uyaziḍ, ad iyi-tnekreḍ tlata n yiberdan." 35Buṭrus yenna-yas: "Ɣas ma
ilaq ad mmteɣ yid-k, ala, ur k-nekkreɣ ara!" Inelmaden merra nnan akken-nni.
36
Mbaɛd, Yasuɛ iruḥ yid-sen ɣer yiwen n umkan yettusemman Gat-Camanim. Inna i
yinelmaden-is: "Qqimet dagi, nekk ad ruḥeɣ ad ẓẓaleɣ dihin." 37Yewwi yid-s Buṭrus
akked sin n warraw-nni n Zabdi. Iɣli-d fell-as leḥzen akked leɣben. 38Inna-yasen:
"Tarwiḥt-iw, isberber-as leḥzen n lmut; qqimet dagi tɛiwzem." 39Issebɛed akkin cwiṭ, iɣli
ɣef wudem, idɛa dɣa yenna: "A Baba, ma yella wamek, ad tebɛed akkin fell-i teqbuct-agi!
Acu kan, mačči akken i bɣiɣ, nekk, meɛna akken i tebɣiḍ, kečč." 40Yuɣal-d ɣer
yinelmaden-is, dɣa yufa-ten-id ṭṭṣen. Inna i Buṭrus: "Akka ihi, ur tessawḍem ara ad
tɛiwzem yid-i ula d yiwet n ssaɛa! 41Ɛiwzet, ẓẓallet, iwakken ur tɣellim ara deg ujerreb! D
ṣṣeḥḥ, Rruḥ itḥemmes, meɛna tafekka ur tezmir ara." 42Iruḥ daɣen i tikkelt-nniḍen; iẓẓul
dɣa yenna: "A Baba, ma yella ulamek ara tɛeddi mebla ma swiɣ-tt, ad teḍru akken i
tebɣiḍ!" 43Yuɣal-d daɣen, dɣa yufa-ten-id ṭṭṣen: ɣlint-d wallen-nsen si naddam. 44Iǧǧa-ten,
iruḥ daɣen. Iẓẓul i tikkelt tis tlata, iɛawed-d lehdur-nni i d-yenna yakan. 45Yuɣal-d ɣer
yinelmaden-is, yenna-yasen: "Ṭṭṣet tura, steɛfut! Ad d-tettqerrib tsaɛet ideg ara
yettusellem Mmi-s n umdan s afus n yimcumen. 46Kkret, ad nruḥet! Ataya win ara y-
isellmen."
Tuṭṭfa n Yasuɛ
(Mr 14. 43-50; Lq 22. 47-53; Yn 18. 2-11)
47
Mazal yekfi lhedra, atan iwweḍ-d Yahuda, yiwen si Tnac-nni, ddan-d yid-s aṭas n lɣaci s
yijenwiyen akked yiɛekkzan, kkan-d sɣur imeqqranen n lmuqeddmin akked yimeqqranen
n ugdud. 48Win akken i isellmen Yasuɛ ifka-yasen nneɛt, yenna-yasen: "Win iɣef ara
sellmeɣ, d netta. Ṭṭfet-t." 49Imiren kan, iqerreb ɣer Yasuɛ dɣa yenna-yas: "Sslam fell-ak, a
Ccix!" Dɣa yessuden-it. 50Yasuɛ yenna-yas: "Ay ameddakel, ɣef wayagi i telliḍ dagi..."
Qerrben, mmɣen ɣef Yasuɛ dɣa ṭṭfen-t. 51Yiwen seg wid yellan akked Yasuɛ ijbed-d
ajenwi-s, yewwet yis-s aqeddac n lmuqeddem ameqqran, dɣa yessafeg-as ameẓẓuɣ.
52
Yasuɛ yenna-yas: "Err ajenwi-k s amkan-is. Kra n win ara irefden ajenwi, ad immet s
ujenwi. 53Tɣileḍ ur zmireɣ ara ad ssiwleɣ i Baba? Ad iyi-d-ifk tura akter n tnac n trebbaɛ n
lmalayek. 54Amek ihi ara d-iḍru wayen i d-nnant Tira, imi akka i ilaq ad teḍru?" 55Di
teswiɛt-nni, Yasuɛ yenna i lɣaci: "Am wakken d amakar, teffɣem-d ɣur-i s yijenwiyen
akked yiɛekkzan iwakken ad iyi-teṭṭfem. 56Yal ass, ttɣimiɣ, sselmadeɣ deg ufakan yerna
ur yi-teṭṭifem ara." Ayagi akk iḍra-d iwakken ad iffeɣ wayen uran lanbeyya. Imiren
inelmaden, akken ma llan, ǧǧan-t, rewlen.
Yasuɛ zdat Kayafa, lmuqeddem ameqqran
(Mr 14. 53-65; Lq 22. 54-55, 63-71; Yn 18. 12-18)
57
Widak-nni yeṭṭfen Yasuɛ wwin-t ɣer Kayafa, lmuqeddem ameqqran, wuɣur nnejmaɛen
Imusnawen n ccariɛa akked yimeqqranen. 58Iḍefr-it Buṭrus si lebɛid, armi d afrag n
lmuqeddem ameqqran; ikcem ɣer daxel dɣa yeqqim akked yiɛessasen iwakken ad iwali
amek ara tefru. 59Imeqqranen n lmuqeddmin akked usqamu n ccraɛ merra ttnadin cchada
n ẓẓur ɣef Yasuɛ iwakken ad t-nɣen. 60Meɛna ur ufin ara, ɣas akken aṭas i d-iruḥen ad d-
cehden s ẓẓur fell-as. 61Ɣer taggara, ruḥen-d sin, nnan: "Wagi yenna-d: 'Zemreɣ ad
huddeɣ Afakan n Yillu, yerna ad as-ɛiwdeɣ lebni di tlata n wussan'." 62Ikkr-d Lmuqeddem
ameqqran, yenna-yas: "Ur d-tettarraḍ acemma? D acu akka i d-ttcehhiden wigi fell-ak?"
63
Meɛna Yasuɛ issusem. Lmuqeddem ameqqran yenna-yas: "Ddɛaɣ-k s Yillu yeddren, ma
ur aɣ-d-tenniḍ ma d kečč i d Lmasiḥ, Mmi-s n Yillu!" 64Yasuɛ yenna-yas: "Aql-ak, tenniḍ-
t-id! Ɣef wayagi, ad awen-iniɣ: Ssya d asawen, ad twalim Mmi-s n umdan yeqqim ɣer
tama tayeffust n Unezmar. Ad d-yas ɣef tagut seg yigenwan." 65Lmuqeddem ameqqran
icerreg aqendur-is dɣa yenna: "Ikfer! D acu ara nexdem tura s yinagan? Teslam akk i
lekfer i yekfer; d acu i twalam?" 66Neṭqen, nnan: "Yuklal lmut." 67Dɣa bdan ssusufen-t s
udem, kkaten-t s lbunyat, ttaken-as ibeqqayen, 68qqaren: "A Lmasiḥ, af-d kan anwa seg-
neɣ i k-iwten?"
Buṭrus inker Yasuɛ

(Mr 14. 66-72; Lq 22. 56-62; Yn 18. 15-18, 25-27)

69
Buṭrus illa yeqqim di berra, deg ufrag. Yiwet n tqeddact tqerreb ɣur-s, tenna-yas: "Ula d
kečč, telliḍ d Yasuɛ n Galil." 70Meɛna yenker zdat-sen merra, inna: "Ur ẓriɣ ara d acu i d-
teqqareḍ." 71Mi iteddu s aseqqif, twala-t tqeddact-nniḍen dɣa tenna i widak yellan dinna:
"Wagi yella akked Yasuɛ Anaṣari." 72I tikkelt-nniḍen, inker-it s limin, inna: "Ur ssineɣ ara
argaz-agi!" 73Taswiɛt kan, wid yellan dinna qerrben ɣer Buṭrus dɣa nnan-as: "D tidet, ula
d kečč seg-sen! Tfeḍḥ-ik-id tmeslayt-ik." 74Dɣa yebda ideɛɛu i yiman-is yerna yettgalla,
iqqar: "Ur ssineɣ ara argaz-agi!" Imiren kan, iskuɛ-d uyaẓiḍ. 75Dɣa imekta-d Buṭrus awal-
nni i as-inna Yasuɛ: "Uqbel ad iskuɛ uyaẓiḍ, ad iyi-tnekreḍ tlata n yiberdan." Iffeɣ ɣer
berra dɣa iru-ten-id d imerɣanen.
Nndama akked lmut n Yahuda
27Azekka-nni ṣṣbeḥ, imeqqranen merra n lmuqeddmin akked yimeqqranen n ugdud
nnejmaɛen ɣef Yasuɛ iwakken ad t-nɣen. 2Urzen-t, wwin-t, sellmen-t i lḥakem Bilaṭus.
3
Imiren Yahuda, win akken i t-isellmen, mi iwala belli ḥekkmen ɣef Yasuɛ, indem dɣa
yerra tlatin-nni n twiztin n lfeṭṭa i yimeqqranen n lmuqeddmin akked yimeqqranen n
ugdud, 4yenna-yasen: "Denbeɣ. Sellmeɣ amdan ur neḍlim ara." Nnan-as: "Ur aɣ-d-
tewqiɛ ara lmeɛna! Ḍebber aqerru-k!" 5Yahuda iḍegger tiwiztin-nni n lfeṭṭa deg ufakan,
iffeɣ, iruḥ dɣa iɛelleq iman-is. 6Imeqqranen n lmuqeddmin ddmen-d tiwiztin-nni dɣa
nnan: "Ur ḥlal ara ad tent-nerr s asenduq n lewɛadi n ufakan, axaṭer d ssuma n
yidammen." 7Mcawaren dɣa uɣen-d s twiztin-nni Iger n Win ixeddmen afexxar, i
temḍelt n yiberraniyen. 8Ɣef wayagi i yettusemma yiger-nni ar ass-a Iger n Idammen.
9
Akka i d-iḍra wayen akken i d-yenna nnbi Irmiya: 'Ddmen tlatin-nni n twiztin n lfeṭṭa,
d azal i as-fkan wat Israyil; 10yerna fkan-tent deg Yiger n Win ixeddmen afexxar, akken i
yi-t-id-yenna Sidi.'
Yasuɛ zdat Bilaṭus
(Mr 15. 2-5; Lq 23. 2-3; Yn 18. 28-38)
11
Yasuɛ ibedd zdat lḥakem. Lḥakem isteqsa-t: "Kečč, d agellid n Iyahudiyen?" Yasuɛ
yenna-yas: "Tenniḍ-t-id!" 12Ɣef wayen akk i d-gren fell-as imeqqranen n lmuqeddmin
akked yimeqqranen n ugdud, ur d-irri ula d awal. 13Dɣa Bilaṭus yenna-yas: "Ur tesliḍ ara i
wayen akk i d-gren fell-ak?" 14Ur as-yerri ula d yiwen n wawal; d ayen i yeswehmen aṭas
lḥakem.
15
Yuɣ lḥal, di yal lɛid, lḥakem innum ittserriḥ-d i yiwen umeḥbus, win i bɣan lɣaci. 16Di
lweqt-nni, sɛan yiwen n umeḥbus mechuren, isem-is Yasuɛ Bar-Aba. 17Mi d-nnejmaɛen,
Bilaṭus yenna-yasen: "Anwa i tebɣam ad as-d-serrḥeɣ: Yasuɛ Bar-Aba neɣ Yasuɛ
ittusemman Lmasiḥ?" 18Axaṭer iẓra belli s tismin i as-t-id-sellmen.
19
Di lweqt-nni ideg yella Bilaṭus deg uxxam n ccraɛ, tceggeɛ-as tmeṭṭut-is, tenna-yas: "Ur
d-ittili wacemma gar-ak akked uḥeqqi-agi! Axaṭer, ass-a urgaɣ yiwet n targit fell-as, terwi-
yi." 20Imeqqranen n Lmuqeddmin akked yimeqqranen n ugdud sḥercen lɣaci ad ssutren
Bar-Aba, ad ineɣ Yasuɛ. 21Lḥakem inṭeq, inna: "Gar sin-agi, anwa iwumi i tebɣam ad as-
d-serrheɣ?" Rran-as: "Bar-Aba!" 22Bilaṭus isteqsa-ten: "D acu ara xedmeɣ ihi s Yasuɛ
ittusemman Lmasiḥ?" Rran-as akk: "Ad ittwaṣelleb!" 23Inna-yasen: "D acu i yexdem n
wayen n diri?" Imiren ttɛeggiḍen s lqedd n taɣect-nsen, qqaren: "Ad ittwaṣelleb!" 24Mi
iwala Bilaṭus belli ur infiɛ ara wawal, meɛna d lhul kan i yettnernin, iddem-d aman,
issared ifassen-is zdat lɣaci, dɣa yenna: "Berraɣ si temgerḍt-agi. Ḍebbret iqerra-nwen!"
25
Agdud merra irra-s, inna: "Idammen-is, i yirawen-nneɣ d yirawen n warraw-nneɣ."
26
Imiren iserreḥ-asen-d i Bar-Aba. Ma d Yasuɛ, iwet-it s ujelkaḍ, mbaɛd isellem-it
iwakken ad ittwaṣelleb.
27
Iɛsekriwen n lḥakem wwin Yasuɛ s afrag n lberǧ n ugellid. Snejmaɛen-d fell-as tarbaɛt
merra. 28Kksen-as llebsa-s dɣa sburen-as s tlaba tazeggaɣt. 29Zḍan-as taɛeṣṣabt s
yisennanen; sersen-as-tt ɣef uqerru-is, rnan-as aɣanim s afus-is ayeffus. Uɣalen ɣef
tgecrar zdat-s, ttihiyen fell-as, qqaren: "Sslam fell-ak, ay agellid n Iyahudiyen!" 30Ssusfen-
t, rnan wten-t s uɣanim s aqerru. 31Mbɛed mi ttihin fell-as, kksen-as talaba-nni dɣa rran-as
llebsa-s. Imiren wwin-t ad t-ṣellben.
Aṣelleb n Yasuɛ
32
Mi d-ffɣen, mlalen-d d yiwen n urgaz n Qirwan, isem-is Cimɛun. Ḥettmen-t ad ibibb
ṣṣalib n Yasuɛ. 33Mi wwḍen ɣer yiwen n umkan iwumi i qqaren Gulguṭa, yeɛni Amkan n
Umelɣiɣ, 34fkan i Yasuɛ ad isew ccrab ixelḍen s yiẓi; mi t-iɛreḍ, yugi ad t-isew. 35Mbaɛd
mi t-ṣellben, ferqen llebsa-s s tesɣart. 36Dɣa qqimen dinna, ɛussen-t. 37Sersen nnig uqerru-
s yiwet n telwiḥt iɣef uran ssebba ɣef wacu i ḥekmen fell-as: "Wagi, d Yasuɛ, agellid n
Iyahudiyen."
38
Ttwaṣellben yid-s sin n yiqeṭṭaɛen, yiwen ɣer tama-s tayeffust, wayeḍ ɣer tama-s
tazelmaḍt. 39Imsebriden tthuzzun iqerra-nsen, ttjeddiren deg-s. 40Qqaren: "A win ara
ihudden afakan yerna ad as-iɛiwed lebni di tlata n wussan, sellek iman-ik s yiman-ik! Ma
d Mmi-s n Yillu i telliḍ, ṣubb-d si ṣṣalib." 41Ula d imeqqranen n lmuqeddmin ttihiyen fell-
as nutni d Imusnawen n ccariɛa akked yimeqqranen n ugdud, qqaren: 42"Isellek wiyaḍ,
meɛna ur izmir ara ad isellek iman-is! D agellid n Israyil i yella! Ad d-iṣubb tura si ṣṣalib,
dɣa ad namen yis! 43Ittkel ɣef Yillu; ad t-issukkes tura, ma yehwa-yas! Axaṭer yenna-d:
'Nekk, d Mmi-s n Yillu'." 44Ula d imcumen-nni yettwaṣellben yid-s reggmen-t.
Lmut n Yasuɛ
(Mr 15. 33-39; Lq 23. 44-48; Yn 19. 28-30)
45
Si tnac n wass armi d tlata n tmeddit, iɣli-d ṭṭlam ɣef ddunit merra. 46Leǧwahi n tlata n
tmeddit, Yasuɛ iɛeggeḍ s lqedd n taɣect-is: "Ili, Ili, lama sabaqtani?" Yeɛni: "Illu-yiw,
Illu-yiw, acuɣer i yi-teǧǧiḍ?" 47Kra seg wid iḥedren dinna, mi slan, nnan: "Isawal i Ilya!"
48
Imiren kan, yiwen deg-sen yuzzel, iddem-d yiwet n tneccaft, issasen-itt di lxell, icudd-itt
ɣer tɣanimt dɣa yefka-yas ad isew. 49Meɛna wiyaḍ nnan: "Rǧu! Ad nwali ma d-iruḥ Ilya
ad t-id-issukkes." 50Yasuɛ iɛeggeḍ i tikkelt-nniḍen dɣa yessufeɣ rruḥ. 51Imiren kan, leḥǧab
n ufakan icerreg ɣef sin, seg usawen armi d ukessar, lqaɛa tezlez, icerfan ceqqen,
52
iẓekkwan ldin, aṭas n yimqeddsen, i d-yufa lḥal mmuten, ḥyan-d.53Ffɣen-d seg
yiẓekkwan mbaɛd mi d-iḥya Yasuɛ, kecmen ɣer temdint timqeddest; aṭas i ten-iwalan.
54
Lqebṭan akked widak-nni yellan yid-s ttɛassan Yasuɛ, mi walan zlezla-nni d wayen akk
yeḍran uggaden mliḥ dɣa nnan: "D tidet, wagi yella d Mmi-s n Yillu."
55
Aṭas n tlawin i yellan dinna, ttmuqulent si lebɛid. D tigad-nni i d-iddan d Yasuɛ si Galil,
qeddcent fell-as. 56Gar-asent: Meryem tamagdalit, Meryem, yemma-s n Yeɛqub d Yusef,
akked yemma-s n warraw n Zabdi.
Tamḍelt n Yasuɛ
(Mr 15. 40-47; Lq 23. 49-56; Yn 19. 38-42)
57
Mi d-tewweḍ tmeddit, yusa-d yiwen n umerkanti n Ramatayim, isem-is Yusef; ula d
netta yella d anelman-n Yasuɛ. 58Iruḥ ɣer Bilaṭus, issuter-as tafekka n Yasuɛ. Bilaṭus
yumer ad as-tt-fken. 59Iddem Yusef tafekka-nni dɣa yettel-itt di lekfen azedgan. 60Isers-itt
deg yiwen n uẓekka ajdid i yeɣza i yiman-is deg yiwen n ucruf; issegrareb yiwen n ublaḍ
ameqqran ɣef yimi n uẓekka-nni mbaɛd iruḥ. 61Meryem tamagdalit akked Meryem-nni-
nniḍen qqiment dinna, zdat uẓekka.
Taɛessast n uẓekka
62
Azekka-nni, yellan d ass mbaɛd aheggi, imeqqranen n lmuqeddmin akked Ifarisiyen
ruḥen ɣer Bilaṭus. 63Nnan-as: "A Sidi, necfa belli aɣerraq-nni, yenna-d mi akken i t-mazal
idder: 'Mbaɛd tlata n wussan, ad d-ḥyuɣ'. 64Amer ihi ad ɛassen aẓekka alamma d ass wis
tlata, neɣ ma ulac ad ruḥen yinelmaden-is ad t-akren, imiren ad inin i lɣaci: 'Iḥya-d si gar
lmeggtin'. Lekdeb-nni aneggaru ad iɣleb amezwaru." 65Bilaṭus yenna-yasen: "Tesɛam
iɛessasen; ruḥet, ɛasset-tt akken i twalam." 66Ruḥen sbedden taɛessast i uẓekka-nni, yerna
cemmɛen aẓru-nni zdat yiɛessasen.
Ḥeggu n Yasuɛ
(Mr 16. 1-14; Lq 24. 1-49; Yn 20. 1-23)
28 Mi iɛedda wass n usteɛfu, tafejrit n wass amezwaru n ddurt, Meryem tamagdalit akked
Meryem-nni-nniḍen ruḥent ad walint aẓekka-nni. 2Taswiɛt kan, tezlez lqaɛa, axaṭer yiwen
n lmelk n Ssid iṣubb-d seg yigenni, iqerreb, iswexxer ablaḍ-nni dɣa yeqqim fell-as.
3
Ṣṣifa-s am lebraq, llebsa-s d tamellalt am udfel. 4Iɛessasen ttergigin si lxuf, uɣalen amzun
mmuten.
5
Lmelk inṭeq ɣer tlawin-nni, yenna-yasent: "Ur ttaggademt ara! Ẓriɣ belli tettnadimt ɣef
Yasuɛ ittwaṣellben. 6Ulac-it dagi; iḥya-d, am wakken i t-id-yenna. Yyamt ad twalimt
amkan ideg iẓẓel. 7Ɣiwlemt; ruḥemt inimt i yinelmaden-is: 'Iḥya-d si gar lmeggtin. Atan
ad ken-izwir ɣer Galil; dinna ara t-twalim.' Atan nniɣ-akent-tt-id."
8
S tergigit akked lferḥ ameqqran ruḥent s lemɣawla seg uẓekka-nni, uzzlent ad ssiwḍent
lexbar i yinelmaden-is. 9Yasuɛ iruḥ-d immuger-itent, yenna-yasent: "Sslam fell-akent!"
Qerrbent ɣur-s, ṭṭfent-t seg yiḍarren dɣa seǧǧdent zdat-s. 10Inna-yasent: "Ur ttaggademt
ara. ruḥemt, xebbremt atmaten-iw ad ruḥen ɣer Galil. Dinna ara yi-walin."
11
Mi teddunt deg ubrid, kra seg widak-nni i iɛussen aẓekka kecmen ɣer temdint dɣa
xebbren imeqqranen n lmuqeddmin s wayen akk yeḍran. 12Imeqqranen n lmuqeddmin
nnejmaɛen nutni d imeqqraren n ugdud, mcawaren dɣa fkan i yiɛsekriwen aṭas n
yedrimen, 13rnan nnan-asen: "Init: 'Ruḥen-d yinelmaden-is deg yiḍ, mi nella neṭṭeṣ, dɣa
ukren-t.' 14Ma yella yewweḍ lexbar lḥakem, d nekni ara t-iqenɛen, iwakken ur ken-ittaɣ
wacemma." 15Iɛsekriwen ṭṭfen idrimen-nni, xedmen akken i asen-nnan. Tadyant-agi,
mazal ttɛawaden-tt-id Iyahudiyen ar ass-a.
Lkalafa tameqqrant i yinelmaden
16
Ḥdac-nni n yinelmaden ruḥen ɣer Galil, s adrar-nni i asen-d-yenna Yasuɛ. 17Mi t-walan,
seǧǧden, meɛna kra seg-sen cukken. 18Iqerreb Yasuɛ ɣur-sen, ihder-asen, yenna-yasen:
"Yal tazmert tettunefk-iyi deg yigenni di lqaɛa. 19Ruḥet, rret leǧnas merra d inelmaden;
sɣeḍṣet-ten s yisem n Ubabat, n Umemmit akked Rruḥ Iqedsen. 20Slemdet-asen ad ḥerzen
ayen akk i awen-d-umreɣ. Nekk, aql-i yid-wen yal ass, alamma tefna ddunit."
LINǦIL SƔUR MARQUS

Ttebcira n Yuḥenna Aɣeṭṭaṣ
(Mt 3. 1-12; Lq 3. 1-20; Yn 1. 6-8, 15-37)
1Tazwara n Linǧil n Yasuɛ Lmasiḥ, Mmi-s n Yillu. 2Akken yura di nnbi Icɛaya:
"Atan, ad zzewreɣ zdat-k amceggeɛ-iw:
Ad iweṭṭi abrid-ik.
3
D taɣect n yiwen yettberriḥen deg uneẓruf:
Heggit abrid n Ssid, ṣeggmet iberdan-is!"
4
Iban-d Yuḥenna, isseɣḍaṣ deg uneẓruf. Ittbeccir aɣḍaṣ n ttuba, i leɛfu n ddnubat. 5Tamurt
merra n Yahuda akked yimezdaɣ merra n Yarucalim ttruḥun ɣur-s; ttqirrin-d s ddnubat-
nsen, mbaɛd isseɣḍaṣ-iten deg wasif n Urdun. 6Yuḥenna yettlusu llebsa n ccɛer n ulɣem,
yerna yettages s wagus n uglim; lqut-is, d ibẓaẓ akked tament n lexla. 7Ittberriḥ, iqqar:
"Ataya yiwen deffir-i, yugar-iyi; ur uklaleɣ ara ad knuɣ iwakken ad as-fsiɣ ula d tinelwa n
warkasen-is. 8Nekk sɣeḍṣeɣ-ken deg waman; netta ad ken-isseɣḍeṣ di Rruḥ Iqedsen."
Aɣḍaṣ n Yasuɛ
(Mt 3. 13-17; Lq 3. 21-22; Yn 1. 31-34)
9
Ussan-nni, Yasuɛ iruḥ si Naṣarit n Galil, dɣa yesɣeḍṣ-it Yuḥenna deg wasif n Urdun.
10
Akken kan i d-iffeɣ seg waman, iwala igenwan ldin, dɣa iṣubb-d Rruḥ fell-as am yitbir.
11
Teffɣ-d yiwet n taɣect seg yigenwan: "Kečč, d Mmi ameɛzuz; yis-k i ferḥeɣ." 12Imiren
kan, Rruḥ yewwi-t s aneẓruf. 13Isɛedda dinna rebɛin n wussan, ittjerrib-it Cciṭan. Iqqim
gar lḥiwan n lexla, lmalayek qeddcen-as.
Inelmaden imezwura
(Mt 4. 18-22; Lq 5. 1-11; Yn 1. 35-51)
14
Mbaɛd mi yettusellem Yuḥenna, Yasuɛ iruḥ ɣer Galil, ittbeccir Linǧil n Yillu. 15Iqqar:
"Iwweḍ-d lweqt, tqerreb-d tgelda n Yillu. Uɣalet-d, amnet s Linǧil."
16
Mi iɛedda rrif rrif n lebḥer n Galil, iwala Cimɛun akked Andriyus, gma-s n Cimɛun.
Ttḍeggiren icebbaken ɣer lebḥer, axaṭer d iṣeggaden n lḥut. 17Yasuɛ yenna-yasen: "Tebɛet-
iyi-d, ad ken-rreɣ d iṣeggaden n yimdanen." 18Imiren kan, ǧǧan icebbaken-nsen dɣa
tebɛen-t. 19Ikemmel cwiṭ ɣer zdat, dɣa iwala Yeɛqub, mmi-s n Zabdi, akked Yuḥenna,
gma-s: ula d nutni llan di teflukt-nsen, ttreqqiɛen icebbaken. 20Imiren kan, isawel-asen;
dɣa ǧǧan baba-tsen di teflukt netta d ixeddamen, tebɛen-t.
Yasuɛ issufeɣ yiwen n rruḥ ameɛfun di Kafar-Naḥum
(Lq 4. 31-37)
21
Ruḥen ɣer Kafar-Naḥum. Mi d-iḥḍer wass n usteɛfu, Yasuɛ ikcem ɣer ufakan dɣa
yesselmad. 22Tɛeǧǧben deg uselmed-is, axaṭer mi ara yesselmad isɛa lhiba, mačči am
Imusnawen n ccariɛa. 23Yuɣ lḥal, illa dinna, di lǧameɛ-nsen, yiwen n urgaz i yesɛan rruḥ
ameɛfun. 24Ittɛeggiḍ, iqqar: "D acu yellan gar-aɣ yid-k, a Yasuɛ Anaṣari? Tusiḍ-d ad aɣ-
tesnegreḍ! Ẓriɣ d anwa-k: D Imqeddes n Yillu!" 25Yasuɛ iggull deg-s: "Susem! Ffeɣ seg-
s!" 26Rruḥ-nni ameɛfun ihucc-it mliḥ dɣa yeffeɣ seg-s s leɛyaḍ. 27Lɣaci merra xelɛen,
qqaren gar-asen: "D acu-t wayagi? D aselmed ajdid! Iččur d lhiba! Ittamer ula i lerwaḥ
imeɛfan, dɣa ttaɣen-as awal!" 28Seg imiren, isem-is yuɣ-d akk leǧwahi i d-zzin i Galil.
Yasuɛ isseḥla taḍeggalt n Buṭrus
(Mt 8. 14-15; Lq 4. 38-39)
29
Mi d-ffɣen si lǧameɛ, Yasuɛ iruḥ netta d Yeɛqub akked Yuḥenna s axxam n Cimɛun
akked Andriyus. 30Taḍeggalt n Cimɛun tella teẓẓel, tuɣ-itt tawla; imiren kan, hedren-as
fell-as i Yasuɛ. 31Iqerreb, iṭṭef-itt seg ufus, isker-itt-id. Imiren kan, teffeɣ-itt tawla, dɣa
teqdec-asen-d.
32
Tameddit, mi yeɣli yiṭij, wwin-as-d widak ihelken akked wid yesɛan leǧnun. 33Tamdint
merra temgugi-d ɣer zdat tewwurt. 34Isseḥla aṭas n yimuḍan i ihelken yal ṣṣenf n lehlak;
issufeɣ aṭas n leǧnun. Ur iɛemmed ara i leǧnun-nni ad d-neṭqen, axaṭer ẓran-t d anwa-t.
35
S udem n ṣṣbeḥ, uqbel ad yali wass, Yasuɛ ikker iffeɣ. Iruḥ ɣer lexla iwakken ad iẓẓal
dinna. 36Cimɛun inuda fell-as netta d yirfiqen-is. 37Mi t-ufan, nnan-as: "A ttnadin akk fell-
ak." 38Inna-yasen: "Yyaw ad nruḥet s anda-nniḍen, ɣer tudrin i d-iqerben. Ad beccreɣ ula
dinna; ɣef wayagi i d-ffɣeɣ." 39Iruḥ ittbeccir di leǧwameɛ, di Galil merra. Issufuɣ leǧnun.
Yasuɛ isseḥla yiwen n uberṣi
(Mt 8. 2-4; Lq 5. 12-14)
40
Yiwen n uberṣi iruḥ ɣer Yasuɛ, yeɣli ɣef tgecrar, iḥellel-it, yenna-yas: "Ma tebɣiḍ,
tzemreḍ ad iyi-terreḍ sfiɣ." 41Tergagi-d tasa-s, dɣa yeẓẓel afus-is, innul-it, yenna-yas:
"Bɣiɣ, ili-k tesfiḍ!" 42Imiren kan, lberṣ-nni iruḥ; argaz-nni yuɣal iṣfa. 43Imiren kan, Yasuɛ
iserreḥ-as ad iruḥ, yerna iɛeggen-as, 44yenna-yas: "Ɣur-k! Ur qqar acemma i yiwen;
meɛna ruḥ, ssken iman-ik i lmuqeddem, tefkeḍ ɣef ṣeffu-k ayen i d-yumer Musa: d
cchada i nutni." 45Meɛna akken kan i iruḥ, argaz-nni yebda yettberriḥ, yerna iḥekku ayen i
as-iḍran, armi ur izmir Yasuɛ ad ikcem ɛinani s albaɛḍ n temdinin, meɛna yettɣimi di
berra, di lexlawi. Ttruḥun-d ɣur-s si yal amkan.
Yasuɛ isseḥla yiwen n wukrif
(Mt 9. 2-8; Lq 5. 18-26)
2Kra n wussan mbaɛd, Yasuɛ iruḥ daɣen ɣer Kafar-Naḥum. Slan belli deg uxxam i yella.
2
Seg wakken aṭas n lɣaci i d-innejmaɛen, ur d-iqqim umkan ula zdat tewwurt. Netta yella
yesselmad-iten. 3Wwin-as-d yiwen n wukrif, refden-t-id di rebɛa yid-sen. 4Imi ur zmiren
ara ad t-ssiwḍen ɣur-s, si lketra n lɣaci, ruḥen fetken ssqef n uxxam anda yella Yasuɛ;
sɛeddan-d seg uṭuṭuc-nni usu anda yeẓẓel wukrif-nni. 5Mi iwala liman-nsen, Yasuɛ yenna
i wukrif-nni: "A mmi, ttwaɛfan-ak ddnubat-ik." 6Yuɣ lḥal, llan dinna kra n Imusnawen n
ccariɛa, sgermuden deg wulawen-nsen, qqaren: 7"Acuɣer i ihedder akka wagi? Ikfer!
Anwa i izemren ad iɛfu ddnubat, ma mačči d Illu kan?" 8Imiren kan, Yasuɛ iẓra ayen i
ttxemmimen deg wulawen-nsen, yenna-yasen: "Acuɣer akka i tesgermudem deg
wulawen-nwen? 9D acu i isehlen ad as-t-iniɣ i wukrif-agi: 'Ttwaɛfan-ak ddnubat-ik', neɣ
ad as-iniɣ: 'kker, ddem usu-k telḥuḍ'? 10I wakken ad teḥṣum belli Mmi-s n umdan isɛa
tazmert ad iɛfu ddnubat di ddunit..." 11Yumer i wukrif-nni: "Kker, ddem usu-k truḥeḍ s
axxam-ik!" 12Imiren kan, ikker, iddem usu-s, dɣa yeffeɣ zdat-sen merra. Akken ma llan
dehcen; ttḥemmiden Illu, qqaren: "Leɛmer neẓri ayagi!"
Yasuɛ isawel i Lewwi (Matta)

(Mt 9. 9; Lq 5. 27-28)
13
Yasuɛ iffeɣ daɣen ɣer rrif n lebḥer. Aṭas n lɣaci i iruḥen ɣur-s; netta yesselmed-iten. 14Mi
iɛedda, iwala Lewwi, mmi-s n Ḥalfay, iqqim ittaṭṭaf lmeks. Inna-yas: "Tbeɛ-iyi-d!"
Lewwi yekker, dɣa yetbeɛ-it.
15
Mi yella Yasuɛ itett deg uxxam n Lewwi, aṭas n yimekkasen akked yimednuben i
yeqqimen ɣer ṭṭabla yid-s akked yinelmaden-is; axaṭer aṭas i t-itebɛen. 16Mi t-walan
Imusnawen n ccariɛa akked Ifarisiyen itett netta d imekkasen akked yimednuben, nnan i
yinelmaden-is: "Amek! Itett netta d imekkasen akked yimednuben!" 17Mi yesla Yasuɛ i
wayen-nni, yenna-yasen: "Mačči d wid iṣeḥḥan i yeḥwaǧen ṭṭbib, meɛna d wid ihelken.
Ur d-usiɣ ara ad siwleɣ i yiḥeqqiyen, meɛna i yimednuben."
18
Inelmaden n Yuḥenna akked Ifarisiyen ttuẓumen. Ruḥen ɣer Yasuɛ, nnan-as: "Acuɣer
inelmaden n Yuḥenna akked yinelmaden n Ifarisiyen ttuẓumen, ma d inelmaden-ik ur
ttuẓumen ara?" 19Yasuɛ yenna-yasen: "At tmeɣra zemren ad uẓumen ma yella yid-sen
yesli? Kra ara yekk yesli yid-sen, ur zmiren ara ad uẓumen. 20Meɛna ad d-yas lweqt ideg
ara asen-ittwakkes yesli, ass-nni ad ttuẓumen.
21
Yiwen ur ittxiḍi tafawet tajdidt i uceṭṭiḍ aqdim, neɣ ma ulac tafawet-nni ad tesseɣreṣ
aceṭṭiḍ-nni aqdim, dɣa tiɣerṣi-nni ad tkemmel. 22Yiwen ur ittarra ccrab ajdid deg
yiyeddiden iqdimen, neɣ ma ulac ccrab-nni ad ifelleq iyeddiden-nni, imiren ccrab ad iruḥ,
iyeddiden ad ruḥen. Meɛna: 'Ccrab ajdid deg yiyeddiden ijdiden'."
Yasuɛ, d Ssid n wass n usteɛfu
(Mt 12. 1-8; Lq 6. 1-5)
23
Yiwen n wass n usteɛfu, Yasuɛ iɛedda deg yigran n yirden. Deg ubrid, inelmaden-is
tekksen-d tigedrin. 24Ifarisiyen nnan-as: "Muqel! Acuɣer i xeddmen ayen ur nlaq ara deg
wass n usteɛfu?" 25Inna-yasen: "Leɛmer i teɣrim ayen yexdem Dawed, mi ten-iṭṭef laẓ
netta d yirfiqen-is yellan yid-s? 26Ikcem s axxam n Yillu di zzman n Ibyatar, lmuqeddem
ameqqran; ičča aɣrum imqeddes, ur nḥell ara i wučči, siwa i lmuqeddmin, yerna yefka
seg-s ula i yirfiqen-is." 27Inna-yasen: "Ass n usteɛfu yettwaxdem i umdan, mačči d amdan
i yettwaxedmen i wass usteɛfu. 28Ɣef wayagi, Mmi-s n umdan, d Ssid, ula n wass n
usteɛfu."
Yasuɛ isseḥla deg wass n usteɛfu yiwen iwumi yeqqur ufus
(Mt 12. 9-13; Lq 6. 6-11)
3Yasuɛ ikcem daɣen ɣer yiwen n lǧameɛ. Illa dinna yiwen n urgaz, afus-is iqqur.
2
Ttqaraɛen-t ma d isseḥlu deg wass n usteɛfu, iwakken ad d-afen d acu ara d-gren fell-as.
3
Yasuɛ yenna i urgaz-nni iwumi yeqqur ufus: "Kker, bedd dagi di tlemmast!" 4Imiren
yenna-yasen: "Ḥlal deg wass n usteɛfu ad nexdem lxir neɣ ccer, ad nsellek tarwiḥt neɣ ad
tt-nneɣ?" Meɛna nutni ssusmen. 5Yasuɛ izzi-yasen-d akk s tmuɣli, irfa yerna iqreḥ-it lḥal
imi i qquren wulawen-nsen. Inna i urgaz-nni: "Ẓẓel afus-ik!" Iẓẓel-it dɣa afus-is iḥla.
6
Imiren kan Ifarisiyen ffɣen, ruḥen mcawaren fell-as nutni d Yihirudiyen iwakken ad t-
nɣen.
Yasuɛ ixtar-d tnac n yinelmaden-is

(Mt 10. 1-4; Lq 6. 13-16)
7
Yasuɛ iruḥ netta d yinelmaden-is ɣer lebḥer. Aṭas n lɣaci i t-itebɛen si Galil, 8si Yahuda, si
Yarucalim, si Adum, seg ugemmaḍ n wasif n Urdun, si leǧwahi n Ṣur akked Sidun.
Lɣaci-agi ruḥen ɣur-s axaṭer slan s wayen ixeddem. 9Yasuɛ yenna i yinelmaden-is ad as-
heggin taflukt, iwakken ur t-iḥerreṣ ara lɣaci. 10Seg wakken aṭas i yesseḥla, widak merra
ihelken ɣellin fell-as iwakken ad t-nnalen. 11Lerwaḥ imeɛfan, mi ara t-walin, ɣellin zdat-s,
ttɛeggiḍen, qqaren: "Kečč, d Mmi-s n Yillu." 12Meɛna netta yettgalla deg-sen ur t-id-
ssebganen ara.
13
Yasuɛ yuli s adrar; isawel i wid yebɣa, dɣa ruḥen ɣur-s. 14Ixtar seg-sen tnac iwakken ad
ttilin yid-s, yerna ad ten-iceggeɛ ad beccren; 15ifka-yasen tazmert ad ssufuɣen leǧnun.
16
Atnan tnac-nni: Cimɛun, iwumi i isemma Buṭrus, 17Yeɛqub, mmi-s n Zabdi, Yuḥenna,
gma-s n Yeɛqub, iwumi i isemma Bani Raɛac, yeɛni arraw n rrɛud, 18Andriyus, Filibus,
Bar-Talmay, Matitya, Tuma, Yeɛqub, mmi-s n Ḥalfay, Taday, Cimɛun Aqiyni, 19akked
Yahuda n Qiryut, win akken i isellmen Yasuɛ.
Lekfer ɣef Rruḥ Iqedsen
(Mt 12. 24-32; Lq 11. 15-23)
20
Imiren, Yasuɛ yuɣal s axxam. Innejmaɛ-d daɣen lɣaci, armi ur zmiren ad ččen ula d
lqut. 21Mi slan s wayen yeḍran, wat uxxam n Yasuɛ ruḥen iwakken ad t-ṭṭfen, axater
qqaren: "Isleb!" 22Ifarisiyen i d-iṣubben si Yarucalim, qqaren: "Isɛa Baɛal Zabul! S
sselṭan n leǧnun i yessufuɣ leǧnun!" 23Yasuɛ isawel-asen, ihder-asen s temɛayin, yenna-
yasen: "Amek i yezmer Cciṭan ad issufeɣ Cciṭan? 24Ma tefreq tgelda d yiman-is,
tagelda-nni ur tettdumu ara. 25Ma yefreq uxxam d yiman-is, axxam-nni ur ittdumu ara.
26
Ihi ma yella Cciṭan yettnaɣ d yiman-is, ifreq, ur ittdumu ara, ur d-iqqim wara deg-s.
27
Yiwen ur izmir ad ikcem s axxam n urgaz iǧehden yerna ad t-iɛerri seg wayla-s, ma ur
yuriz ara qbel argaz-nni iǧehden; imiren ad iɛerri axxam-is. 28Amin, ad awen-iniɣ:
kullec ad ittwasemmeḥ i yimdanen, ddnubat-nsen akked lekfer i kefren. 29Meɛna win
ikefren ɣef Rruḥ iqedsen, ur as-ittwasemmaḥ ara, i lebda; ddnub-is i yiri-s, i dayem."
30
Ayagi axaṭer qqaren-as: "Isɛa rruḥ ameɛfun."
(Mt 12. 46-50; Lq 8. 19-21)
31
Yemma-s akked watmaten-is ruḥen-d. Qqimen di berra, ceggɛen ad as-d-siwlen. 32Aṭas
n lɣaci i as-d-izzin. ruḥen nnan-as: "Yemma-k, atmaten-ik akked yessetma-k atnan di
berra, ttnadin fell-ak." 33Yasuɛ inṭeq ɣur-sen, yenna-yasen: "Anta i d yemma? Anwi i d
atmaten-iw?" 34Imuqel merra wid i as-d-izzin dɣa yenna: "Attan yemma, atnan watmaten-
iw. 35Win ixeddmen lebɣi n Yillu, d winna i d gma, i d weltma, i d yemma."
(Mt 13. 1-17; Lq 8. 4-10)

4Yasuɛ ibda daɣen isselmad rrif n lebḥer. Imi aṭas n lɣaci i d-innejmaɛen ɣur-s, yuli,
iqqim deg yiwet n teflukt, ɣef waman. Lɣaci-nni merra yeqqim di lqaɛa, rrif n lebḥer.
2
Isselmad-iten aṭas s temɛayin. Deg uselmed-is, yenna-yasen: 3"Slet-d! Yiwen n ufellaḥ
iffeɣ ad izreɛ. 4Mi izerreɛ, ɣlin kra n yiɛeqqayen ɣef yiri n ubrid: ruḥen-d yifrax leqḍen-
ten. 5Kra ɣlin gar yiẓra anda ulac akal: mɣin-d bihfih axaṭer ur lqay ara wakal. 6Meɛna, mi
d-icreq yiṭij, izlef-iten, imi ur sɛin ara iẓuran, qquren. 7Kra ɣlin gar yisennanen: mi d-mɣin
isennanen-nni skuffren-ten. Ur d-fkin ara lɣella. 8Kra ɣlin deg wakal yelhan. Mɣin-d,
gman yerna fkan-d: wa tlatin, wa settin, wa meyya." 9Imiren yenna-yasen: "Win yesɛan
imeẓẓuɣen isellen, yesl-d!"
10
Mi iḍerref iman-is, widak-nni i as-d-izzin akked Tnac-nni steqsan-t ɣef temɛayin. 11Inna-
yasen: "Kenwi, ittunefk-awen ad tissinem sser n tgelda n Yillu; ma i wid n berra, kullec
s temɛayin, 12i wakken, ɣas ttmuqulen ur ttwalin ara, ɣas sellen ur fehhmen ara, neɣ ma
ulac ad d-uɣalen dɣa ad asen-ttwasemmḥen ddnubat-nsen."
Lmeɛna n temɛayt n ufellaḥ
(Mt 13. 18-23; Lq 8. 11-15)
13
Inna-yasen: "Ur tefhimem ara tamɛayt-agi? Amek ara tfehmem timɛayin-nniḍen?
14
Afellaḥ izerreɛ awal. 15Wid n yiri n ubrid anda yettwazreɛ wawal, d wid yeslan i wawal,
meɛna imiren kan ad d-iruḥ Cciṭan ad iqleɛ awal-nni yettwazerɛen deg-sen. 16Akken
daɣen, aẓru-nni ideg tettwazreɛ zerriɛa, d wid i isellen i wawal yerna qebblen-t imiren kan
s lferḥ, 17meɛna imi ur fkin ara aẓar, ur ttdumun ara: mi d-iɣli leɛtab neɣ leqher ɣef
ddemma n wawal, ɣellin bihfih. 18Wiyaḍ, isennanen-nni ideg tettwazreɛ zerriɛa, d wid i
isellen i wawal, 19meɛna iɣeblan n zzman-agi, ṭṭmeɛ n rrbeḥ akked ccehwat-nniḍen
skuffuren awal-nni; dɣa ur d-ittak ara lɣella. 20Wiyaḍ, akal-nni yelhan ideg tettwazreɛ
zerriɛa, d widak i isellen i wawal, sterḥiben yis-s yerna ttaken-d lɣella: wa tlatin, wa settin,
wa meyya."
Tamɛayt n teftilt
(Mt 5. 15-16; Lq 8. 16-18; 11. 33-36)
21
Inna-yasen: "Illa win yesrusun taftilt ddaw uqerwi neɣ ddaw umeṭreḥ? Mačči sufella n
lmeṣbaḥ ara ters? 22Ulac ayen yeffren ur d-neṭṭahar ara; ulac ayen yellan di sser ur d-
nettwafḍaḥ ara. 23Win yesɛan imeẓẓuɣen isellen, yesl-d!"
24
Inna-yasen: "Ḥadret iman-nwen ɣef wayen i tsellem!Ad awen-ktilen s lkil swayes i
tettektilim, yerna ad awen-zeggden di lkil. 25Win yesɛan, ad as-ittunefk; win ur nesɛi ara,
ad as-ittwakkes ula d ayen yesɛa."
Tamɛayt n zerriɛa
26
Inna: "Tagelda n Yillu tecba argaz i iḍeggren zerriɛa deg wakal. 27Ama yeṭṭeṣ, ama yuki,
am yiḍ, am wass, zerriɛa tmeqqi, tgemmu, ur iẓri amek. 28Akal ittak-d weḥd-s lɣella; ad d-
izwir leḥcic, mbaɛd d tigdert, mbaɛd tigdert-nni ad teččar d iɛeqqayen. 29Mi wwan yirden,
ad asen-iddem amger, axaṭer tamegra teḥder-d."
Tamɛayt n uxerdel
(Mt 13. 31-33; Lq 13. 18-19)
30
Inna: "Ɣer wacu i tettemcabi tgelda n Yillu? Amek ara tt-id-nmettel? 31Am uɛeqqa n
uxerdel: mi ara t-nezreɛ, d netta akk i d amecṭuḥ gar zerriɛat n ddunit; 32meɛna, mi
yettwazreɛ, igemmu, ittagar akk imɣan-nniḍen, yerna yeggar-d ifurkawen imeqqranen,
armi ula d ifrax n yigenni, ttdarin tili-s."
33
S waṭas n temɛayin am tigi i asen-ittbeccir awal, akken i zemren ad t-fehmen; ur asen-
iqqar acemma ma mačči s temɛayin. 34Mi ara yili akked yinelmaden-is kan, issefham-
asen kullec.
Yasuɛ iḥbes tabuciḍant di lebḥer
(Mt 8. 23-27; Lq 8. 22-25)
35
Ass-nni dɣa, mi d-telḥeq tmeddit, Yasuɛ yenna i yinelmaden-is: "Yyaw ad nzegret
agemmaḍ i lebḥer." 36Ǧǧan lɣaci dinna, wwin Yasuɛ di teflukt-nni ideg illa. Ddant yid-sen
teflukin-nniḍen. 37Attan tekkr-d yiwet n tbuciḍant; lemwaǧi kkatent taflukt armi iteččur d
aman. 38Netta yella deffir, iṭṭeṣ ɣef tsumta. Ssakin-t-id, nnan-as: "A Ccix, ur ak-tewqiɛ ara
ma nemmut?" 39Yasuɛ ikkr-d, iɛeggeḍ ɣef waḍu yerna yenna i lebḥer: "Susem! Bekkem-
itt!" Imiren aḍu-nni yers, dɣa ters-d talwit. 40Inna-yasen: "Acuɣer i tuggadem akka? Ur
tesɛim ara liman?" 41Ikcem-iten lxuf d ameqqran, dɣa wa yeqqar i wa: Anwa-t wagi? Ula
d aḍu akked lebḥer ttaɣen-as awal.
Yasuɛ issufeɣ leǧnun di Gadara
(Mt 8. 28-34; Lq 8. 26-40)
5Wwḍen agemmaḍ i lebḥer, ɣer tmurt n Igadariyen. 2Akken kan i d-yers Yasuɛ si teflukt,
ataya yiwen n urgaz iffeɣ-d ɣur-s si tmeqbert, isɛa rruḥ ameɛfun. 3Argaz-nni yezdeɣ di
temqebrin, yerna yiwen ur izmir ad t-yarez, ɣas ula s ssnesla; 4axaṭer acḥal d abrid i t-
qqnen s cckal akked ssnasel, meɛna yesseɣraṣ-iten akk. Yiwen ur izmir ad t-iṭṭef. 5Am
yiḍ, am wass, izga di temqebrin, deg yidurar, ittɛeggiḍ, ittjeddir iman-is s yiẓra. 6Iwala
Yasuɛ si lebɛid, yuzzel, iseǧǧed zdat-s. 7Iɛeggeḍ s lǧehd n taɣect-is: "D acu i yellan gar-i
yid-k, a Yasuɛ, Mmi-s n Yillu Ɛlayen? S yisem n Yillu, di leɛnaya-k, ur yi-smermid ara!"
8
Axaṭer Yasuɛ iqqar-as: "Ffeɣ seg urgaz-agi, a rruḥ ameɛfun!" 9Isteqsa-t: "Isem-ik?" Inna-
yas-d: "Isem-iw tarbaɛt, axaṭer deg waṭas yid-neɣ i nella." 10Iḥellel-it aṭas iwakken ur ten-
issufuɣ ara si tmurt. 11Yuɣ lḥal, tella dinna, deg udrar, yiwet n tqeḍɛit tameqqrant n
yiḥellufen, kessen. 12Lerwaḥ-nni imeɛfan ḥellen Yasuɛ, nnan-as: "Ceggeɛ-aɣ ɣer
yiḥellufen-ihin, ad nekcem deg-sen." 13Iserreḥ-asen: lerwaḥ-nni imeɛfan ffɣen; kecmen
deg yiḥellufen-nni. Taqeḍɛit-nni tegrareb seg udrar ɣer lebḥer: azal n zug alaf i iɣerqen di
lebḥer. 14Widak-nni i ten-ikessen rewlen, ssawḍen lexbar ɣer temdint akked tudrin. Lɣaci
ruḥen ad walin d acu yeḍran. 15Mi wwḍen ɣer Yasuɛ, walan win akken i tezdeɣ terbaɛt n
leǧnun iqqim dinna, ilsa llebsa, yuɣal-d ɣer leɛqel-is; imiren ikcem-iten lxuf. 16Widak i
iḥedren dinna ḥkan-asen ayen yeḍran i win akken i yettwazedɣen akked yiḥellufen-nni.
17
Imiren bdan ttḥellilen Yasuɛ ad iffeɣ si tmurt-nsen. 18Akken iteddu Yasuɛ ad yali ɣer
teflukt, win akken yettwazedɣen ittḥellil-it ad iqqim ɣur-s. 19Yasuɛ ur as-iɛemmed ara,
meɛna yenna-yas: "Ruḥ s axxam-ik, ɣer yimawlen-ik; ḥku-yasen ayen akk i k-ixdem
Ssid, d wamek i iḥunn fell-ak." 20IRuḥ, dɣa yebda yettberriḥ di Ɛecra n Temdinin ayen
akk i as-ixdem Yasuɛ. Akken ma llan wehmen.
Ḥellu n yiwet n tmeṭṭut akked ḥeggu n yelli-s n Yayir

(Mt 9. 18-26; Lq 8. 41-56)
21
Yasuɛ yuɣal s teflukt s agemmaḍ i lebḥer. Ahdum n lɣaci i d-innejmaɛen ɣur-s mi yella
rrif n lebḥer. 22Yiwen seg yimeqqranen n ufakan iruḥ-d ɣur-s, isem-is Yayir. 23Mi t-iwala,
iɣli ɣer yiḍarren-is, iḥellel-it aṭas, yenna-yas: "Yelli attan ɣef tizi n lmut; yya sers ifassen-
ik fell-as, ad teslek, ad tidir." 24Yasuɛ iruḥ yid-s. Aṭas n lɣaci i t-itebɛen, ḥerṣen-t si yal
tama.
25
Tella dinna yiwet n tmeṭṭut, tnac n yiseggasen nettat tettazzal d idammen. 26Tduwa s aṭas
n ṭṭebba, terwa lḥif; texṣer ayen akk i tesɛa, ur d-iban wacemma, meɛna d akemmel i
tkemmel. 27Mi tesla ɣef Yasuɛ, truḥ-d deffir-s gar lɣaci, tennul abernus-is. 28Teqqar:
"Lemmer kan ad nnaleɣ llebsa-s, ad ḥluɣ!" 29Imiren kan, ḥebsen idammen; tḥulfa deg
yiman-is teḥla seg waṭan-nni i tt-irwin. 30Imiren kan, Yasuɛ iḥuss i yiwet n tezmert teffeɣ
seg-s. Izzi ɣer lɣaci, inna: "Anwa i d-innulen llebsa-w?" 31Inelmaden-is nnan-as: "Lɣaci
ḥerṣen-k-id, kečč teqqareḍ: 'Anwa i yi-d-innulen?'" 32Imuqel lɣaci-nni i as-d-izzin
iwakken ad iwali tin akken ixedmen akken. 33Tameṭṭut-nni, mi twala ayen yeḍran yid-s,
texleɛ, tettergigi; truḥ teɣli ɣer yiḍarren n Yasuɛ, tenna-yas akk tidet. 34Yasuɛ yenna-yas:
"A yelli, liman-im isellek-ikem. Ruḥ di lehna! Ili-kem teṣfiḍ si lehlak i kem-irwin."
35
Mazal-it ihedder, atnaya yirgazen ruḥen-d seg uxxam n umeqqran n ufakan, nnan:
"Yelli-k temmut; acuɣer ara tceṭṭneḍ Ccix?" 36Mi yesla Yasuɛ i lehdur-nni i d-nnan, yenna
i umeqqran n ufakan: "Ur ttaggad! Amen kan!" 37Ur yeǧǧi yiwen ad iddu yid-s, siwa
Buṭrus, Yeɛqub akked Yuḥenna, gma-s n Yeɛqub. 38Mi kecmen s axxam n umeqqran-nni
n ufakan, Yasuɛ yufa lɣaci nhewwalen, ttrun, ttmeǧǧiden. 39Ikcem dɣa yenna-yasen:
"Acuɣer lhul-agi? Acuɣer i tettrum? Taqcict ur temmut ara, d taguni i teṭṭeṣ." 40Ttihiyen
fell-as; meɛna netta yessufeɣ-iten akk ɣer berra. Yewwi baba-s n teqcict, yemma-s akked
wid yellan yid-s, dɣa yekcem s anda i tella teqcict-nni. 41Iṭṭef afus n teqcict-nni, dɣa
yenna-yas: "Talita, qumi!", yeɛni: "A taqcict, nniɣ-am: kker!" 42Imiren kan, taqcict-nni
tekker, telḥa. Tesɛa tnac n yiseggasen. Akken ma llan dehcen. 43Yasuɛ yumer-asen ur
ttɛawaden i yiwen ayen akken yeḍran. Inna-yasen ad as-fken ad tečč, mbaɛd iffeɣ-d
ssyenna.
Yasuɛ di tmurt-is
6Yasuɛ iffeɣ ssyenna, iruḥ ɣer tmurt-is. Inelmaden-is tebɛen-t. 2Ilḥeq-d wass n usteɛfu;
Yasuɛ ibda yesselmad di lǧameɛ. Aṭas i as-islan yerna dehcen, qqaren: "Ansi i as-d-ikka
wayagi? Anwa i as-d-ifkan lefhama-agi? I leɛǧayeb-agi yessewhamen i ixeddem s ufus-
is? 3Wagi, mačči d aneǧǧar-nni, mmi-s n Meryem, gma-s n Yeɛqub, n Yusi, n Yuda akked
Cimɛun? I yessetma-s, mačči dagi i ttilint gar-aneɣ?" Izga-yasen-d d ugur. 4Yasuɛ yenna-
yasen: "Siwa di tmurt-is, gar wid i as-ittilin, deg uxxam-is, ur isɛi ara nnbi ccan." 5Ur
ixdim dinna ula d yiwen n lberhan, siwa i kra n yimuḍan: isers fell-asen ifassen-is, dɣa
yesseḥla-ten. 6Yasuɛ iwhem imi ur sɛin ara liman. Ittruḥu si taddart ɣer tayeḍ n leǧwahi-
nni, isselmad dinna.
Yasuɛ iceggeɛ tnac n yinelmaden-is

(Mt 10. 1-42; Lq 9. 1-6)
7
Yasuɛ isawel i Tnac-nni, dɣa iceggeɛ-iten sin sin. Ifka-yasen tazmert ad ssufuɣen lerwaḥ
imeɛfan. 8Yumer-iten ur ttawin yid-sen acemma i ubrid, siwa yiwen n uɛekkaz: la aɣrum,
la aqrab, la aṣurdi deg wagus, 9meɛna ad lsen arkasen, yerna ur ttawin ara yid-sen sin n
yiqnedyar. 10Inna-yasen: "Axxam iɣer ara tkecmem, qqimet dinna alamma truḥem.
11
Amkan ur nesterḥeb ara yis-wen, ideg ur awen-ḥessen ara, ruḥet ssyenna, zwit aɣebbar
seg yiḍarren-nwen: ddnub i yirawen-nsen. 12Ruḥen ttbecciren ttuba. 13Ssufɣen aṭas n
leǧnun, dehnen s zzit aṭas n yimuḍan dɣa sseḥlan-ten.
Timenɣiwt n Yuḥenna Aɣeṭṭaṣ
(Mt 14. 1-14; Lq 9. 7-9)
14
Agellid Hirudus isla s Yasuɛ, axaṭer isem-is yuɣal mechur. Kra qqaren: "D Yuḥenna
Aɣeṭṭaṣ i d-iḥyan si gar lmeggtin! Ɣef wayagi i yezmer ad ixdem leɛǧayeb." 15Kra
qqaren: "D Ilya, s timmad-is!" Kra qqaren: "D nnbi, am yiwen si lanbeyya." 16Meɛna mi
yesla Hirudus, inna: "D Yuḥenna, win akken iwumi i kkseɣ aqerru, i d-iḥyan." 17Axaṭer d
Hirudus, s timmad-is, i iḥebsen Yuḥenna, yerna yurez-it di lḥebs, ɣef ddemma n
Hirudyad, tameṭṭut n gma-s Filibus, tin akken ukud izweǧ. 18Yuḥenna yeqqar-as i
Hirudus: "Ur ak-ilaq ara ad tzewǧeḍ akked tmeṭṭut n gma-k." 19Seg imiren i t-tekreh
Hirudyad, yerna tebɣa ad t-tneɣ, meɛna ur as-tezmir ara. 20Hirudus ittaggad Yuḥenna
axaṭer iẓra-t d argaz aḥeqqi, d imqeddes, yerna yettḥarab fell-as. Mkul mi ara as-isel
ittaɛwaq; ɣas akken, iḥemmel ad as-isel.
21
Yiwen n wass, teɣli-d ssebba: d amuli n Hirudus. Iɛreḍ-d ɣer tmeɣra imeqqranen-is,
lqebṭanat-is akked yiqerra n Galil. 22Tekcem-d yelli-s n Hirudyad-nni; tecḍeḥ, dɣa teɛǧeb i
Hirudus akked yimeɛraḍen-is. Agellid yenna i tlemẓit-nni: "Suter-iyi-d ayen i am-ihwan,
ad am-t-fkeɣ." 23Yerna yeggull-as: "Ayen akk ara d-tessutreḍ, ad am-t-fkeɣ, ɣas d azgen n
tgelda-w." 24Teffeɣ dɣa tenna i yemma-s: "D acu ara ssutreɣ?" Tenna-yas: "Aqerru n
Yuḥenna Aɣeṭṭaṣ." 25Imiren kan, tɣawel tekcem s agellid, tenna-yas: "Bɣiɣ ad iyi-d-tekfeḍ
tura kan aqerru n Yuḥenna Aɣeṭṭaṣ di ssniwa!" 26Agellid innuɣna aṭas; meɛna ɣef ddemma
n limin-nni akked yimeɛraḍen, ur ibɣi ara ad as-ikkes ayen i as-tessuter. 27Imiren kan,
agellid iceggeɛ yiwen n uɛessas, yumer-as ad as-d-yawi aqerru n Yuḥenna. Aɛessas-nni
iruḥ dɣa yekkes-as aqerru di lḥebs. 28Yewwi-d aqerru-nni di ssniwa dɣa yefka-t i tlemẓit-
nni. Tilemẓit-nni tefka-t i yemma-s. 29Mi slan yinelmaden n Yuḥenna, ruḥen wwin-d
tafekka-s dɣa meḍlen-tt deg uẓekka.
Asefti amezwaru n uɣrum
(Mt 14. 12-21; Lq 9. 15-17; Yn 6. 1-14)

30
Nnejmaɛen-d yimceggɛen-nni ɣer Yasuɛ, dɣa ḥkan-as ayen akk i xedmen d wayen i
slemden. 31Inna-yasen: "Yyaw ad nruḥet s albaɛḍ n yimukan iḍerfen, ad testeɛfum."
Axaṭer aṭas n lɣaci i yellan, kra ttruḥun, kra ttasen-d. Ur sɛin ara lweqt ula iwakken ad
ččen.
32
Ruḥen di teflukt iwakken ad ḍerrfen iman-nsen deg walbaɛḍ n yimukan. 33Aṭas i ten-
iwalan mi ruḥen, ɛeqlen-ten; dɣa uzzlen-d ɣef uḍar si yal tamdint yerna zwaren-ten s anda
i teddun. 34Mi d-yers si teflukt, iwala ahdum n lɣaci. Ɣaḍen-t, axaṭer cban lmal mebla
ameksa; dɣa yebda yesselmad-iten deg waṭas n temsal. 35Mi walan yinelmaden-is belli
iruḥ lḥal, qerrben ɣer Yasuɛ, nnan-as: "Amkan-agi yexla yerna iruḥ lḥal. 36Serreḥ-asen ad
ruḥen ɣer leɛzayeb akked tudrin n legwayeh-agi ad d-aɣen ayen ara ččen." 37Yasuɛ inṭeq,
yenna-yasen: "Fket-asen kenwi ad ččen!" Nnan-as: "Ad nruḥ ad d-naɣ mitin n yidinaren n
uɣrum iwakken ad asen-nefk ad ččen?" 38Inna-yasen: "Acḥal n uɣrum i tesɛam? Ruḥet ad
twalim." Ruḥen muqlen dɣa nnan-as: "Xemsa n yiɣerman akked sin n yiḥutiwen."
39
Yumer-asen ad qqimen d tirebbaɛ ɣef leḥcic. 40Qqimen d tirebbaɛ n meyya meyya,
akked n xemsin xemsin. 41Iddem xemsa n yiɣerman-nni akked sin n yiḥutiwen-nni, irfed
allen-is ɣer yigenni dɣa iburek. Ibḍa aɣrum-nni dɣa yefka-t i yinelmaden ad t-ferqen i
lɣaci. Mbaɛd ifreq-asen merra sin-nni n yiḥutiwen. 42Ččan akk armi i ṛwan, 43yerna wwin
yid-sen tnac n yiḍellaɛen ččuren s wayen i d-iqqimen n uɣrum, rnan daɣen ayen i d-
iqqimen n yiḥutiwen. 44Xemsalaf n yirgazen i yeččan seg yiɣerman-nni.
(Mt 14. 22-33; Yn 6. 15-21)
45
Syenna, iḥettem inelmaden-is ad rekben di teflukt, ad t-zwiren s agemmaḍ, ɣer Bit-
Ṣayda, simi ara iserreḥ i lɣaci ad ruḥen. 46Mi asen-iserreḥ, yuli s adrar iwakken ad iẓẓal.
47
Tameddit n wass, taflukt tella di tlemmast n lebḥer, ma d Yasuɛ iqqim weḥd-s di lberr.
48
Iwala belli ṛwan lḥif mi kkaten imeqdafen, axaṭer aḍu yezga-yasen si zdat. Leǧwahi n
trebɛat tis rebɛa deg yiḍ, iruḥ ɣur-sen, iteddu ɣef waman, ibɣa ad asen-iɛeddi. 49Meɛna
nutni, mi t-walan ileḥḥu ɣef waman, ɣilen d lexyal, dɣa bdan ttɛeggiḍen; 50axaṭer walan-t
akk yerna xelɛen. Imiren kan, inṭeq ɣur-sen, yenna-yasen: "Theddnet! D nekk. Ur
ttaggadet ara!" 51Imiren yuli ɣur-sen ɣer teflukt dɣa aḍu-nni yers. 52Inelmaden qquren,
dehcen aṭas; ur fhimen ara tamsalt-nni n yiɣerman, axaṭer ulawen-nsen qquren.
53
Kemmlen abrid-nsen di lebḥer armi d Ginisarat dɣa rsen dinna. 54Akken kan i d-yers
Yasuɛ si teflukt, lɣaci ɛeqlen-t. 55Kkan-d akk tamurt-nni. Ttawin-as-d imuḍan deg wusu,
anda akk i slan belli yella dinna. 56Anda yewweḍ: d tuddar, d timdinin neɣ d leɛzayeb,
srusun imuḍan deg yizenqan yerna ttḥellilen-t ad ten-yeǧǧ ad nnalen ulamma d ticrurin n
ujellab-is. Kra n win i t-innulen, iḥla.
Ayen yessenǧasen amdan
(Mt 15. 1-9)
7Ifarisiyen akked kra n Imusnawen n ccariɛa i d-iruḥen si Yarucalim nnejmaɛen-d ɣer
Yasuɛ. 2Walan kra seg yinelmaden-is tetten aɣrum s yifassen yumsen, yeɛni ur uraden ara.
3
Axaṭer Ifarisiyen akked Iyahudiyen merra ṭṭfen di leɛwayed n lejdud, ur tetten ara mebla
ma ssarden ifassen-nsen alamma d taxlift. 4Mi ara d-uɣalen seg uzniq, ur tetten ara
alamma uɣen luḍu. Ṭṭfen daɣen deg waṭas n leɛwayed i asen-d-ǧǧan: tarda n yeqbucen, n
tecmuxin akked lḥilat n nnḥas. 5Ifarisiyen akked lɛulama steqsan-t: "Acuɣer inelmaden-ik
ur ṭṭifen ara di leɛwayed n lejdud, meɛna tetten aɣrum s yifassen yumsen?" 6Irra-yasen:
"Icɛaya icar-d swaswa fell-awen, ay wat sin wudmawen, yura:
7
'Agdud-agi ittɛuzzu-yi s yimi, ma d ul-nsen ibɛed fell-i.
Ttɛebbiden-iyi di rrayeɛ.
Aselmed i sselmaden, d lumur n yimdanen kan!'
8
Teǧǧam lamer n Yillu, teṭṭfem di leɛwayed n yimdanen." 9Inna daɣen: "D ṣṣeḥḥ,
tḍeggrem lamer n Yillu, iwakken ad teṭṭfem di leɛwayed-nwen. 10Musa yenna-d: 'Ɛuzz
baba-k akked yemma-k'. Inna-d daɣen: 'Win ara ineɛlen baba-s akked yemma-s, d lmut
ara yemmet.' 11Kenwi teqqarem: 'Argaz ara yinin i baba-s neɣ i yemma-s: ayen s wacu ara
k-ɛiwneɣ, d Qurban, yeɛni, d Lweɛda i Yillu', 12ur t-tettaǧǧam ara ad ixdem acemma n
wayen yelhan i baba-s neɣ i yemma-s. 13Tessebṭalem awal n Yillu s leɛwayed-nwen i aɣ-
tesselmadem. Txeddmem daɣen aṭas n leḥwayeǧ am tigi."
14
Isawel daɣen i lɣaci, yenna-yasen: "Ḥesset-iyi-d merra tfehmem! 15Acemma n wayen
ikeččmen ɣer daxel n umdan ur izmir ad t-issenǧes; meɛna d ayen i d-iteffɣen seg umdan
i yessenǧasen amdan. 16Win yesɛan imeẓẓuɣen i tmesliwt, yesl-d." 17Mi yekcem s axxam,
ibɛed ɣef lɣaci, inelmaden-is steqsan-t ɣef temɛayt-nni. 18Inna-yasen: "Ula d kenwi, ur
tefhimem ara? Ur teẓrim ara belli kra n wayen ara ikecmen ɣer daxel n umdan, ur izmir
ara ad t-issenǧes? 19Axaṭer ayagi ur ikeččem ara s ul-is, meɛna s aɛebbuḍ-is, imiren ad d-
iffeɣ ɣer berra." Swakka, issaḥel kra yellan d lqut. 20Inna: "D ayen i d-iteffɣen seg umdan
i yessenǧasen amdan. 21Si daxel, seg wul n yimdanen i d-tteffɣen yir ixemmimen:
tiqquḥbit, tukerḍa, timegraḍ, 22zzna, ṭṭmeɛ n rrbeḥ, ccer, lexdeɛ, lefsad, leḥsed, lekfer,
zzux, leǧhel. 23Ticmatin-agi merra teffɣent-d si daxel n umdan dɣa ssenǧasent-tt."
Taberranit yumnen s Yasuɛ
(Mt 15. 21-28)
24
Yasuɛ iruḥ ssyenna, yerra ɣer temdint n Ṣur. Ikcem ɣer yiwen n uxxam; ur ibɣi ad iẓer
yiwen belli dinna i yella, meɛna ur izmir ara ad iffer fell-asen. 25Akken kan yewweḍ, tesla
yis-s yiwet n tmeṭṭut, yelli-s tesɛa yiwen n rruḥ ameɛfun. Truḥ dɣa teɣli-yas ɣer yiḍarren.
26
Tameṭṭut-agi d tayunanit, laṣel-is si Surya akked Finiqya. Tsuter-as ad issufeɣ lǧenn-nni
si yelli-s. 27Yasuɛ yenna-yas: "Eǧǧ qbel arrac ad ṛwun; ala, ur ilhi ara ad d-neddem aɣrum
n warrac, ad t-nḍegger i yiberhac." 28Tenṭeq, tenna-yas: "Ih, a Sidi, meɛna iberhac, ddaw
ṭṭabla, tetten tifettitin n warrac." 29Inna-yas: "Ɣef wawal-agi i d-tenniḍ, ruḥ: lǧenn-nni
yeffeɣ yelli-m." 30Truḥ s axxam-is, tufa taqcict teẓẓel deg wusu: lǧenn-nni yeffeɣ seg-s.
Ḥellu n yiwen n uɛeẓẓug agugam
(Mt 15. 29-31)
31
Yasuɛ iffeɣ si temdint n Ṣur, iɛedda si Sidun, izger tamnaḍt n Ɛecra n Temdinin, yerra
ɣer lebḥer n Galil. 32Wwin-as-d yiwen n uɛeẓẓug, isqewqiw. Ttḥellilen-t iwakken ad isers
afus-is fell-as. 33Yasuɛ yewwi-t, issebɛed-it ɣef lɣaci: issekcem iḍudan-is deg yimeẓẓuɣen
n urgaz-nni, issusef dɣa yennul iles-is. 34Irfed allen-is ɣer yigenni, irra-d nnehta dɣa
yenna: "Iftaḥ!" yeɛni: "ldi." 35Imiren kan, imeẓẓuɣen-is ldin, iles-is iserreḥ: yuɣal issefraz-
d lehdur. 36Yasuɛ iqḍeɛ-asen ad ɛiwden i yiwen ayen-nni; meɛna simmal ittweṣṣi deg-sen,
simmal nutni ttberriḥen. 37Akken ma llan dehcen, qqaren-as: "Ayen akk i ixeddem
igerrez; ittarra-d ula d timesliwt i yiɛeẓẓugen yerna yessenṭaq-d igugamen."
Asefti wis sin n uɣrum

(Mt 15. 32-39)
8Ussan-nni, aṭas n lɣaci i d-innejmaɛen daɣen ɣer Yasuɛ, ur sɛin ara d acu ara ččen. Yasuɛ
isawel i yinelmaden-is, yenna-yasen: 2"Tejreḥ tasa-w ɣef lɣaci-agi. Tlata n wussan aya i
qqimen yid-i, yerna ulac d acu ara ččen. 3Ma rriɣ-ten ɣer yixxamen-nsen ɣef lexwa, ad
nezfen deg ubrid, axaṭer kra seg-sen ruḥen-d si lebɛid. 4Inelmaden-is rran-as: "Ansi ara
aɣ-d-ikk uɣrum ara ten-isseṛwun, dagi, di lxali?" 5Isteqsa-ten: "Acḥal n yiɣerman i
tesɛam?" Nnan-as: "Sebɛa." 6Yumer i lɣaci ad qqimen ɣer lqaɛa. Iddem-d sebɛa n
yiɣerman-nni, iburek, ibḍa-ten, imiren ifka-ten i yinelmaden-is ad ten-ferqen. Dɣa ferqen-
ten i lɣaci. 7Sɛan daɣen kra n yiḥutiwen imecṭaḥ; iburek-iten dɣa yenna-yasen ad ten-
ferqen daɣen. 8Ččan armi i ṛwan. Yerna wwin yid-sen sebɛa n yiḍellaɛen seg wayen i d-
iqqimen. 9Llan deg wazal n rebɛalaf yid-sen. Mbaɛd iserreḥ-asen ad ruḥen. 10Imiren kan,
yuli ɣer teflukt netta d inelmaden-is dɣa iruḥ ɣer lǧiha n Dalmanuta.
Ɣef uselmed n Ifarisiyen
(Mt 16. 1-12)
11
Ffɣen-d Ifarisiyen, bdan heddren akked Yasuɛ. iwakken ad t-jerrben, ttnadin ad asen-d-
ifk limara seg yigenni. 12Yasuɛ irra-d nnehta seg wul-is, inna: "Acuɣer lǧil-agi yettnadi
limara? Amin, ad awen-d-nniɣ: ur d-tettunefkay ara limara i lǧil-agi." 13Iǧǧa-ten dinna,
dɣa yuli ɣer teflukt, izger s agemmaḍ. 14Inelmaden ttun ur wwin ara yid-sen iɣerman;
siwa yiwen n uɣrum i sɛan ɣur-sen di teflukt. 15Yasuɛ iɛeggen-asen, yenna-yasen: "Ḥadret
iman-nwen seg yiɣes n temtunt n Ifarisiyen akked yiɣes n temtunt n Hirudus!"
16
Inelmaden qqaren gar-asen: "Axaṭer ur nesɛi ara aɣrum." 17Mi yeẓra ayen i
ttxemmimen, yenna-yasen: "Acuɣer i teqqarem gar-awen belli ur tesɛim ara aɣrum?
Urɛad i d-terram s lexbar? Ur tefhimem ara? Iqqur wul-nwen! 18Tesɛam allen meɛna ur
tettwalim ara; tesɛam imeẓẓuɣen meɛna ur tsellem ara! 19Ur tecfim ara, mi ferqeɣ xemsa-
nni n yiɣerman i xemsalaf, acḥal iḍellaɛen n uɣrum i tewwim seg wayen i d-iqqimen?"
Nnan-as: "Tnac." 20"I sebɛa-nni i ferqeɣ i rebɛalaf? Acḥal n yiḍellaɛen n uɣrum i tewwin
seg wayen i d-iqqimen?" Nnan-as: "Sebɛa." 21Dɣa yenna-yasen: "Urɛad i tefhimem?"
Ḥellu n yiwen n uderɣal
22
Ruḥen ɣer Bit-Ṣayda. Wwin-as-d yiwen n uderɣal, dɣa ttḥellilen di Yasuɛ ad t-innal.
23
Iṭṭef aderɣal-nni seg ufus dɣa yewwi-t berra n taddart. Irra-yas imetman ɣef wallen-is,
isers ifassen-is fell-as dɣa yesteqsa-t: "Illa kra i tettwaliḍ?" 24Aderɣal-nni yerfed allen-is
dɣa yenna: "Ttwaliɣ imdanen am ttjur; ttwaliɣ-ten leḥḥun." 25Yasuɛ iɛawed isers ifassen-is
ɣef wallen-is: yuɣal ittwali mliḥ, iḥla; iferrez kullec. 26Yasuɛ irra-t s axxam-is, yenna-yas:
"Ur keččem ara ɣer taddart."
Buṭrus iɛqel Yasuɛ belli d Lmasiḥ
(Mt 16. 13-16; Lq 9. 18-21; Yn 6. 67-71
27
Yasuɛ akked yinelmaden-is ruḥen ɣer tudrin n Qiṣariya n Filibus. Deg ubrid, isteqsa
inelmaden-is, yenna-yasen: "D acu i d-qqaren lɣaci fell-i? D acu-yi ɣur-sen?" 28Nnan-as:
"Kra qqaren: d Yuḥenna Aɣeṭṭaṣ. Kra: d Ilya. Kra: d yiwen si lanbeyya." 29Isteqsa-ten: "I
kenwi, d acu i tennam? D acu-yi ɣur-wen?" Buṭrus inṭeq, yenna-yas: "Kečč, d Lmasiḥ."
30
Iɛeggen-asen ur heddren i yiwen fell-as.
Yasuɛ ixebber-d inelmaden-is s lmut-is akked ḥeggu-s
(Mt 17. 22-23, lq 9. 22)
31
Yasuɛ ibda yesseɛlam-iten belli Mmi-s n umdan ilaq ad inneɛtab aṭas, ad t-nekren
imeqqranen, imeqqranen n lmuqeddmin, lɛulama n ccariɛa, ad t-nɣen, yerna tlata n
wussan mbaɛd, ad d-iḥyu. 32Buṭrus yewwi-t weḥd-s, dɣa yennuɣ-it. 33Yasuɛ izzi, imuqel
inelmaden-is, dɣa yennuɣ Buṭrus. Inna-yas: "Wexxer akkin fell-i, a Cciṭan! Ur
tettxemmimeḍ ara akken yettxemmim Yillu, meɛna akken i ttxemmimen yimdanen!"
Amek ara netbeɛ Yasuɛ
(Mt 16. 24-28; Lq 9. 23-26)
34
Yasuɛ isawel i lɣaci akked yinelmaden-is, yenna-yasen: "Win yebɣan ad iyi-id-itbeɛ, ad
inker iman-is, ad ibbib ṣṣalib-is, imiren ad iyi-id-itbeɛ. 35Win yebɣan ad isellek tarwiḥt-is,
ad tt-isruḥ. Meɛna, win ara yesruḥen tarwiḥt-is fell-i, ɣef Linǧil, ad tt-isellek. 36D acu n
nnfeɛ yesɛa umdan ma yerbeḥ ddunit merra, issenger tarwiḥt-is? 37D acu ara yefk umdan
deg ubdil n terwiḥt-is? 38Win ara isetḥin yis-i akked lehdur-iw di lǧil-agi axeddaɛ,
amednub, Mmi-s n umdan ad isetḥi yis-s ula d netta, asmi ara d-yas di lɛaḍima n Baba-s
netta d lmalayek imqeddsen."
Abeddel n ṣṣifa n Yasuɛ ɣef udrar
(Mt 17. 1-8; Lq 9. 27-36)
9Yasuɛ yenna-yasen: "Amin, ad awen-iniɣ, kra seg wid yellan dagi ur ttmettaten ara
alamma walan tagelda n Yillu teḥder-d s tezmert."
2
Setta n wussan mbaɛd, Yasuɛ yewwi Buṭrus, Yeɛqub akked Yuḥenna, dɣa yuli yid-sen
ɣer yiwen n udrar ɛlayen, qqimen dinna weḥḥed-sen. Tbeddel ṣṣifa-s zdat-sen. 3Llebsa-s
tuɣal tettfeǧǧiǧ, d tamellalt, yiwen n usebbaɣ di ddunit ur izmir ad issimlel akken. 4Iḍehr-
asen-d Ilya netta d Musa; heddren akked Yasuɛ. 5Inṭeq Buṭrus, yenna i Yasuɛ: "A Ccix,
ilha ma neqqim dagi. Ad nesbedd tlata n yiqiḍunen: yiwen i kečč, yiwen i Musa, yiwen i
Ilya." 6Ur yeẓri ara d acu i d-iqqar, axaṭer xelɛen. 7Ters-d yiwet n tagut, tɣumm-iten;
teffeɣ-d yiwet n taɣect si tagut-nni, tenna-d: "Wagi, d Mmi ameɛzuz: ttḥessiset-as."
8
Imiren kan, inelmaden muqlen ɣer yal tama, ur walan ula d yiwen, siwa Yasuɛ i d-
iqqimen weḥd-s yid-sen.
9
Ṣubben-d seg udrar; Yasuɛ iɛeggen-asen ur ḥekkun i yiwen ayen akken i walan, alamma
yeḥya-d Mmi-s n umdan si gar lmeggtin. 10Ḥerzen awal-nni, meɛna qqaren gar-asen: "D
acu i d ḥeggu si gar lmeggtin?" 11Inelmaden steqsan-t, nnan-as: "Acuɣer Imusnawen n
ccariɛa qqaren belli d Ilya i ilaqen ad d-yas d amezwaru?" 12Inna-yasen: "D tidet, Ilya ad
d-yas d amezwaru iwakken ad iṣeggem kullec. Acuɣer yura ɣef Mmi-s n umdan belli ad
iɛteb aṭas yerna ad ittwaḥqer? 13Aql-i nniɣ-awen: Ilya yusa-d, yerna xedmen deg-s akken i
bɣan, akken yura fell-as."
Lqella n tezmert n yinelmaden
(Mt 17. 14-21; Lq 9. 37-73)
14
Mi d-uɣalen ɣer yinelmaden, walan izzi-yasen-d aṭas n lɣaci: Imusnawen n ccariɛa
heddren yid-sen. 15Akken kan i walan lɣaci-nni Yasuɛ, dehcen, dɣa uzzlen ad sellmen fell-
as. 16Isteqsa-ten: "Ɣef wacu i tellam theddrem yid-sen?" 17Yiwen si lɣaci-nni, yenna-yas:
"A Ccix, wwiɣ-ak-d mmi; isɛa aruḥani agugam. 18Mi ara t-iṭṭef uruḥani-nni yesxarbaqay-
it; aqcic yessufuɣ-d tikufta, ittqerric tuɣmas, yerna yettuɣal iqqur. Nniɣ i yinelmaden-ik
ad t-ssufɣen, meɛna ur as-zmiren ara." 19Yasuɛ inṭeq, inna: "A lǧil ur nettamen ara, ar
melmi ara yiliɣ yid-wen? Ar melmi ara awen-ṣebreɣ? Awit-iyi-d aqcic-agi!" Wwin-as-t-
id. 20Mi iwala Yasuɛ, aruḥani-nni yebda yetthuccu aqcic-nni; aqcic-nni yeɣli ɣer lqaɛa,
itegliliz yerna yessufuɣ-d tikufta. 21Yasuɛ isteqsa baba-s n uqcic-nni: "Si melmi i tḍerru
akka yid-s?" Inna-yas: "Seg wasmi yella d amecṭuḥ. 22Acḥal d abrid i t-iḍegger uruḥani-
agi ɣer tmes neɣ s aman iwakken ad t-ineɣ. Tura, ma tzemreḍ, ɛin-aɣ, ḥunn fell-aɣ!"
23
Yasuɛ yenna-yas: "'Ma tzemreḍ'!...Ulac lmuḥal ɣef win yettamnen!" 24Imiren kan, baba-
s n uqcic-nni iɛeggeḍ, inna: "Umneɣ! Ɛin-iyi, ur sɛiɣ ara liman." 25Mi iwala Yasuɛ lɣaci ad
d-ttazzalen ɣur-s, iɛeggeḍ ɣef rruḥ-nni ameɛfun, yenna-yas: "Ay aruḥani agugam,
aɛeẓẓug! Umreɣ-ak: ffeɣ seg uqcic-agi, ur ttuɣal ara ad t-tkecmeḍ." 26Iɛeggeḍ, ihucc-it
mliḥ, dɣa yeffeɣ seg-s. Aqcic-nni yuɣal am lmegget, armi i as-qqaren lɣaci: "Immut."
27
Meɛna, Yasuɛ iṭṭef aqcic-nni seg ufus, isker-it-id; dɣa yekker. 28Mi yekcem Yasuɛ s
axxam, ufan-d iman-nsen weḥḥed-sen, inelmaden-is steqsan-t: "Acuɣer nekni ur
nessaweḍ ara ad nessufeɣ aruḥani nni?" 29Inna-yasen: "Ṣṣenf-agi ur iteffeɣ ara siwa s
tẓallit."
Yasuɛ iɛawed-d ixebber-d s lmut-is akked ḥeggu-s
(Mt 17. 22-23; Lq 9. 44-45)
30
Ruḥen ssyenna, dɣa zegren tamurt n Galil. Yasuɛ ur ibɣi ara ad iɛlem yis-s ula d yiwen.
31
Isseɛlem inelmaden-is, yenna-yasen: "Mmi-s n umdan ad ittusellem s afus n yimdanen
yerna ad t-nɣen; mi t-nɣan, tlata n wussan mbaɛd, ad d-iḥyu." 32Meɛna inelmaden-is ur
fhimen ara awal-nni, yerna uggaden ad t-steqsin.
Anwa i d ameqqran?
(Mt 18. 1-6; Lq 9. 46-48)
33
Wwḍen ɣer Kafer-Naḥum. Deg uxxam, Yasuɛ isteqsa-ten: "Ɣef wacu i tellam theddrem
deg ubrid?" 34Ssusmen, axaṭer llan heddren gar-asen deg ubrid ɣef wanwa i d ameqqran
akk gar-asen. 35Yasuɛ iqqim, isawel i Tnac-nni, yenna-yasen: "Win yebɣan ad yili d
amezwaru, ad yuɣal d aneggaru akk n wiyaḍ, yerna d aqeddac akk n wiyaḍ." 36Iddem-d
yiwen n uqcic amecṭuḥ, isbedd-it gar-asen. Irfed-it ɣef yiɣil-is dɣa yenna-yasen: 37"Win
yestreḥben s uqcic amecṭuḥ am wagi s yisem-iw, yis-i i yesterḥeb; win yestreḥben yis-i,
mačči yis-i i yesterḥeb, meɛna s win i yi-d-iceggɛen."
38
Yuḥenna yenna i Yasuɛ: "A Ccix, nwala yiwen n urgaz issufuɣ leǧnun s yisem-ik;
neqḍeɛ-as, axaṭer ur iteddu ara yid-neɣ." 39Yasuɛ inna: "Ur as-qeṭṭɛet ara, axaṭer yiwen ur
izmir ad ixdem kra n lberhan s yisem-iw, yerna ad ihder fell-i ayen n diri. 40Win ur nelli
ara mgal-nneɣ, yid-neɣ i yella. 41Kra n win ara awen-ifken lkas n waman imi d inelmaden
n Lmasiḥ i tellam, amin, ad awen-iniɣ, ur as-ittruḥu ara lajer-is.
Aɛeggen n Yasuɛ ɣef tsebbiwin n tuccḍa
42
Win ara yesseɣlin yiwen seg yimecṭaḥ-agi yumnen, xir-as ad as-ɛellqen ɣer temgerḍt-
is aɣaref n tsirt, yerna ad t-ḍeggren ɣer lebḥer. 43Ma yella-yak ufus-ik d ssebba n tuccḍa,
gzem-it. Xir-ak ad tkecmeḍ ɣer tudert s yiwen n ufus, wala ad tkecmeḍ s sin n yifassen
ɣer ǧahennama, ɣer tmes ur nxessi ara akk, 44anda akken awekkiw ur ittmettat ara,
times ur txessi ara akk. 45Ma yella-yak uḍar-ik d ssebba n tuccḍa, gzem-it. Xir-ak ad
tkecmeḍ ɣer tudert d aquḍar, wala ad tettwaḍeggreḍ s sin n yiḍarren ɣer ǧahennama,
46
anda akken awekkiw ur ittmettat ara, times ur txessi ara akk. 47Ma tella-yak tiṭ-ik d
ssebba n tuccḍa, kkes-itt-id. Xir-ak ad tkecmeḍ s yiwet n tiṭ ɣer tgelda n Yillu, wala ad
tettwaḍeggreḍ s snat n wallen ɣer ǧahennama, 48anda akken awekkiw ur ittmettat ara,
times ur txessi ara akk. 49Yal yiwen ittumellaḥ s tmes. 50Lmelḥ yelha; meɛna ma truḥ-as
lbenna i lmelḥ, s wacu ara t-tmelḥem? Sɛut lmelḥ deg yiman-nwen, ɛicet gar-awen di
lehna."
Ɣef zzwaǧ
(Mt 5 .31-32; 19. 1-9; Lq 16. 18)
10Yasuɛ ikker iruḥ ssyenna ɣer leǧwahi n Yahuda akked ugemmaḍ n wasif n Urdun. D
ihedman n lɣaci i d-innejmaɛen daɣen ɣur-s. Ibda daɣen yesselmad-iten, akken yennum.
2
Ifarisiyen qerben ɣur-s, steqsan-t: "Iguz i urgaz ad ibru i tmeṭṭut-is?" Bɣan ad t-jerrben.
3
Inṭeq, yenna-yasen: "D acu n lamer i awen-d-igga Musa?" 4Nnan-as: "Musa iɛemmed-aɣ
ad as-naru lkaɣeḍ n berru, mbaɛd ad as-nebru." 5Yasuɛ yenna-yasen: "Ɣef ddemma n
taɣert n wulawen-nwen i awen-d-igga lamer-agi. 6Meɛna di tazwara, asmi i d-ixleq Yillu
ddunit, ixleq-iten d ddkeṛ akked nnta. 7Ɣef wayagi, argaz ad yegg baba-s akked yemma-s,
ad ilṣeq ɣer tmeṭṭut-is, 8ad uɣalen i sin d yiwet n tfekka. Swakka, ur llin ara d sin, meɛna d
yiwet n tfekka. 9Ihi, ayen yesdukel Yillu, amdan ur t-iferreq ara!" 10Deg uxxam,
inelmaden-is steqsan-t daɣen ɣef wannect-nni. 11Inna-yasen: "Kra n win ara yebrun i
tmeṭṭut-is yerna yezweǧ akked tayeḍ, izna yid-s. 12Tameṭṭut ara yebrun i urgaz-is yerna
tezweǧ akked wayeḍ, tezna."
(Mt 19. 13-15; Lq 18. 15-17)
13
Wwin-as-d arrac imecṭaḥ iwakken ad ten-innal Yasuɛ; meɛna inelmaden nnuɣen wid i
ten-id-yewwin. 14Mi iwala ayen-nni, Yasuɛ irfa dɣa yenna-yasen: "Anfet i warrac imecṭaḥ
ad d-ruḥen ɣur-i! Ur asen-qeṭṭɛet ara, axaṭer tagelda n Yillu i tmital-nsen. 15Amin, ad
awen-iniɣ: win ur nqebbel ara tagelda n Yillu am uqcic amecṭuḥ, ur tt-ikeččem ara."
16
Irfed-iten ɣef yiɣil-is, isers ifassen-is fell-asen dɣa iburek-iten.
Argaz amerkanti
(Mt 19. 16-30; Lq 18. 18-30)
17
Mi yekker ad iruḥ, ataya yiwen n urgaz yuzzel-d, iɣli ɣef tgecrar zdat-s dɣa isteqsa-t: "A
Ccix lɛali, d acu ara xedmeɣ iwakken ad werteɣ tudert n dayem?" 18Yasuɛ yenna-yas:
"Acuɣer i yi-teqqareḍ lɛali? Ulac win yellan d lɛali, siwa yiwen: D Illu. 19Tessneḍ lumur:
"Ur tneqqeḍ ara, ur tzennuḍ ara, ur tettakreḍ ara, ur tettcehhideḍ ara s ẓẓur, ur txeddmeḍ
ara leḥram, ad tɛuzzeḍ baba-k akked yemma-k." 20Inna-yas: "A Ccix, ayagi akk xedmeɣ-t
seg wasmi i meẓẓiyeɣ." 21Yasuɛ imuqel-it, iḥemmel-it dɣa yenna-yas: "Txuṣṣ-ik kan
yiwet n lḥaǧa: ruḥ, zzenz ayen tesɛiḍ, tefkeḍ-t i yimeɣban imiren ad tesɛuḍ agerruj deg
yigenwan. Mbaɛd ruḥ-d tbeɛ-iyi-d." 22Mi yesla urgaz-nni i wawal-nni, iɣli-d fell-as
uɣemɣum. Iruḥ, innuɣna, axaṭer aṭas i yekseb. 23Yasuɛ imuqel wid i as-d-izzin dɣa yenna-
yasen: "Acḥal i yewɛer i win ikesben lerbaḥ ad ikcem tagelda n Yillu!" 24Inelmaden-is
xelɛen si lehdur-is. Yasuɛ inṭeq daɣen ɣur-sen, yenna-yasen: "Ay arrac! Acḥal yewɛer
ukcam ɣer tgelda n Yillu! 25Ishel-as i ulɣem ad iɛeddi di tiṭ n tissegnit wala i umerkanti ad
ikcem tagelda n Yillu." 26Ayagi yessewhem-iten aṭas, dɣa qqaren gar-asen: "Anwa ara
yettwasellken ihi?" 27Yasuɛ imuqel-iten dɣa yenna: "I yimdanen, d lmuḥal, mačči i Yillu.
Illu yezmer i kullec." 28Buṭrus yenna-yas: "Aql-aɣ negga kullec yerna netbeɛ-ik." 29Yasuɛ
yenna-yasen: "Amin, ad awen-iniɣ: ulac win yeǧǧan, ɣef ddemma-w akked Linǧil,
axxam-is, neɣ atmaten-is, neɣ yessetma-s, neɣ yemma-s, neɣ baba-s, neɣ arraw-is, neɣ
tiferkiwin-is, 30mebla ma yettunefk-as-d s meyya n yimuren tura, di zzman-agi: ixxamen,
atmaten, tiyissetmatin, tiyemmatin, dderya akked tferkiwin, s leqher, akked tudert n
dayem di zzman i d-iteddun. 31Aṭas seg yimezwura ara yuɣalen d ineggura, ineggura ad
uɣalen d imezwura."
Yasuɛ ixebber-d s lmut-is tikkelt tis tlata
(Mt 20. 17-19; Lq 18. 31-34)
32
Llan leḥḥun iwakken ad alin ɣer Yarucalim, Yasuɛ izwar zdat-sen. Inelmaden tḥeyyren,
ma d wid i d-itebɛen uggaden.
Yasuɛ iṭṭef daɣen Tnac-nni weḥḥed-sen, dɣa yenna-yasen ayen ara yeḍrun yid-s: 33"Aql-
aɣ ad nali ɣer Yarucalim. Mmi-s n umdan ad ittusellem i yimeqqranen n lmuqeddmin
akked Imusnawen n ccariɛa; ad ḥekmen fell-as s lmut, yerna ad t-sellmen i leǧnas. 34Ad
ttihin fell-as, ad t-ssusfen, ad t-wten s ujelkaḍ yerna ad t-nɣen; imiren, tlata n wussan
mbaɛd, ad d-iḥyu."
Asuter n warraw n Zabdi
(Mt 20. 20-28)
35
Yeɛqub akked Yuḥenna, sin n warraw-nni n Zabdi, qerrben ɣer Yasuɛ, nnan-as: "A Ccix,
nebɣa ad aɣ-txedmeḍ ayen akka ara ak-d-nessuter." 36Inna-yasen: "D acu i tebɣam ad
awen-t-xedmeɣ?" 37Nnan-as: "Efk-aɣ ad neqqim, yiwen ɣer tama-k tayeffust, wayeḍ ɣer
tama-k tazelmaḍt, di lɛaḍima-k." 38Yasuɛ yenna-yasen: "Ur teẓrim ara d acu i tessuturem.
Tzemrem ad teswem taqbuct ara sweɣ, nekkini, neɣ ad tettwaɣeḍṣem s uɣḍaṣ ara
ttwaɣeḍṣeɣ, nekkini?" 39Nnan-as: "Nezmer." Yasuɛ yenna-yasen: "Taqbuct ara sweɣ, ad
tt-teswem; deg uɣḍaṣ ara ttwaɣeḍṣeɣ, nekkini, ad tettwaɣeḍṣem deg-s. 40Ma d tiɣimit ɣer
tama-w tayeffust neɣ ɣer tama-w tazelmaḍt, mačči deg ufus-iw i yella, meɛna ad tettunefk
i wid iwumi i tettuhegga." 41Mi slan ɛecra-nni-nniḍen rfan ɣef Yeɛqub akked Yuḥenna.
42
Yasuɛ isawel-asen, yenna-yasen: "Teẓram belli wid yerran iman-nsen d lḥekkam n
leǧnas ttqehhiren deg-sen, yerna imeqqranen-nsen ɛeffsen fell-asen. 43Ur ilaq ara ad yili
wayagi gar-awen. Win yebɣan ad yili d ameqqran gar-awen, ad yuɣal d aqeddac-nwen.
44
Win yebɣan seg-wen ad yili d amezwaru, ad yili d akli-nwen merra. 45Axaṭer Mmi-s n
umdan ur d-yusi ara iwakken ad qedcen fell-as, meɛna iwakken ad iqdec, yerna ad ifk
tudert-is d lefdiya ɣef waṭas."
Ḥellu n yiwen n uderɣal

(Mt 20. 29-34; Lq 18. 35-43)
46
Wwḍen ɣer Yariḥu. Mi d-iffeɣ Yasuɛ ssyenna netta d yinelmaden-is akked waṭas n lɣaci,
yiwen n uderɣal, isem-is Bar-Timay, mmi-s n Timay, iqqim rrif n ubrid, ittmetra. 47Mi
yesla belli d Yasuɛ Anaṣari, ibda yettɛeggiḍ, iqqar: "A Yasuɛ, mmi-s n Dawed, ḥunn fell-
i!" 48Aṭas i yettɛeggiḍen fell-as iwakken ad issusem, meɛna netta simmal ittɛeggiḍ, iqqar:
"A mmi-s n Dawed, ḥunn fell-i!" 49Yasuɛ iḥbes dɣa yenna: "Siwlet-as." 50Sawlen i
uderɣal-nni dɣa nnan-as: "Ẓwer, kker! Ad ak-d-isawal." Iḍegger abernus-is, ijelleb, dɣa
iruḥ ɣer Yasuɛ. 51Yasuɛ inṭeq ɣur-s, yenna-yas: "D acu i tebɣiḍ ad ak-t-xedmeɣ?"
Aderɣal-nni yenna-yas: "A Ccix, ad waliɣ!" 52Yasuɛ yenna-yas: "Ruḥ! Liman-ik isellek-
ik!" Imiren kan, iwala dɣa itbeɛ-it deg ubrid.
(Mt 21. 1-11; Lq 19. 28-40; Yn 12. 12-19)
11Mi qrib ad awḍen ɣer Yarucalim, tama n Bit-Fagi akked Bit-Ḥananya, s Iɣil Uzemmur,
2
Yasuɛ iceggeɛ sin seg yinelmaden-is, yenna-yasen: "Ruḥet ɣer taddart-ihin zdat-wen;
akken kan ara tawḍem ad tafem ajḥiḥ iqqen, leɛmer yerkib fell-as yiwen. Fsit-as-d tawim-
t-id. 3Ma yella win i awen-d-yennan: 'Acuɣer i txedmem akka?' Init-as: 'Iḥwaǧ-it Ssid.'
Imiren kan, ad t-yeǧǧ ad d-iruḥ ɣer dagi." 4Ruḥen; dɣa ufan yiwen n ujḥiḥ iqqen, tama n
yiwet n tewwurt, berra, deg ubrid. Fsin-as-d. 5Kra seg wid yellan dinna nnan-asen: "D acu
i txeddmem akka? Acuɣer i d-tefsim i ujḥiḥ?" 6Nnan-asen akken i asen-inna Yasuɛ; dɣa
ǧǧan-ten ad ruḥen. 7Wwin-as ajḥiḥ-nni i Yasuɛ. Ḍeggren llebsa-nsen fell-as, dɣa yerkeb
fell-as. 8Aṭas i ifercen llebsa-nsen deg ubrid, wiyaḍ d tiseḍwa i d-geÙmen si lexla. 9Wid
yezwaren akked wid yettabaɛen ttɛeggiḍen: "Husana, yeɛni Sellek! Ittubarek win i d-
yusan s yisem n Ssid! 10Tettubarek tgelda i d-yusan, tagelda n baba-tneɣ Dawed! Husana
deg yimukan ɛlayen!"

11
Yasuɛ ikcem ɣer Yarucalim, ɣer ufakan. Imuqel ayen akk i iḍerrun dinna, meɛna imi i
iruḥ lḥal, iruḥ ɣer Bit-Ḥananya netta d Tnac-nni.
Tanqelt ur nettarew ara
(Mt 21. 18-22)
12
Azekka-nni, mi ffɣen si Bit-Ḥananya, Yasuɛ illuẓ. 13Iwala si lebɛid yiwet n tenqelt
yesɛan iferrawen; iruḥ ad imuqel ma yella kra ara yaf deg-s. Mi iqerreb ɣur-s, yufa siwa
iferrawen, axaṭer mačči d lawan n lexrif. 14Inṭeq, yenna-yas: "Ur ittuɣal yiwen ad yečč si
lfakya-m!" Inelmaden-is slan.
Yasuɛ itlef wid yeznuzun seg ufakan
(Mt 21. 12-13; Lq 19. 45-46; Yn 2. 13-16)
15
Mi wwḍen ɣer Yarucalim, Yasuɛ ikcem ɣer ufakan. Ibda yettellif wid yeznuzun akked
wid yettaɣen ɣer berra n ufakan. Isneqlab ṭṭwabel n wid yettbeddilen idrimen yerna
ikersiyen n wid yeznuzun itbiren. 16Ur yeǧǧi yiwen ad yawi kra n tɣawsa ɣer ufakan.
17
Isselmed-iten, yenna-yasen: "Ur yuri ara: Axxam-iw ad ittusemmi axxam n tẓallit i
leǧnas merra? Meɛna kenwi terram-t d lɣar n yimakaren." 18Mi as-slan, imeqqranen n
lmuqeddmin akked Imusnawen n ccariɛa nudan amek ara t-nɣen, meɛna uggaden-t:
axaṭer lɣaci merra tɛeǧǧben deg uselmed-is. 19Mi d-iɣli yiḍ, Yasuɛ iffeɣ si temdint.
Tanqelt-nni yeqquren
20
Azekka-nni ṣṣbeḥ, mi d-ɛeddan ssyenna, walan tanqelt-nni teqqur armi d aẓar. 21Buṭrus
immekta-d dɣa yenna i Yasuɛ: "A Ccix, muqel! Tanqelt-nni i tneɛleḍ teqqur!" 22Yasuɛ
inṭeq, inna: "Amnet s Yillu. 23Amin, ad awen-iniɣ: Win ara yinin i udrar-agi: 'Qleɛ ssyagi,
ḍegger iman-ik ɣer lebḥer', mebla ma icukk deg wul-is, meɛna yumen belli ayen akken i
d-yenna ad d-iḍru, ad as-d-iḍru. 24Ɣef wayagi, ad awen-d-iniɣ: ayen akk ara tessutrem di
tẓallit, amnet belli yettunefk-awen-d, imiren ad t-twalim iḍra-d.
Ɣef ssmaḥ
25
Mi ara tekkrem ad teẓẓallem, semmḥet ma yella win i ken-iḍelmen, iwakken Baba-
twen n yigenwan ad awen-isemmeḥ, ula d netta, ddnubat-nwen. 26Meɛna ma ur
tsemmḥem ara, Baba-twen n yigenwan ur awen-ittsemmiḥ ara ddnubat-nwen."
D acu n lḥekma?
(Mt 21. 23-27; Lq 20. 1-8)
27
Ruḥen daɣen ɣer Yarucalim. Mi yella Yasuɛ ileḥḥu deg ufakan, imeqqranen n
lmuqeddmin, lɛulama n ccariɛa akked yimeqqranen ruḥen ɣur-s, 28nnan-as: "D acu n
lḥekma swayes i txeddmeḍ ayagi? Anwa i ak-d-ifkan lḥekma ad txeddmeḍ ayagi?"
29
Yasuɛ yenna-yasen: "Ula d nekk ad ken-steqsiɣ: yiwen n wawal. Rret-iyi-d, ad awen-d-
iniɣ acu n lḥekma swayes i xeddmeɣ ayagi: 30Aɣḍaṣ n Yuḥenna, seg yigenni neɣ sɣur
yimdanen? Ǧawbet-iyi-d." 31Mcawaren gar-asen dɣa nnan: "Ma nenna-d: Seg yigenni,
ad d-yini: 'Acuɣer ihi ur tuminem ara yis-i?' 32Ad as-nini: 'Sɣur yimdanen'?" Uggaden si
lɣaci, axaṭer lɣaci umnen merra belli Yuḥenna d nnbi. 33Rran-as i Yasuɛ, nnan-as: "Ur
neẓri ara." Yasuɛ yenna-yasen: "Ula d nekk, ur awen-d-qqareɣ ara d acu n lḥekma
swayes i xeddmeɣ ayagi."
(Mt 21. 33-46; Lq 20. 9-18)
12Yasuɛ ibda ihedder-asen s temɛayin: "Yiwen n urgaz iẓẓa yiwet n tferrant, iẓerreb-itt,
iɣza-s lemɛineṣra yerna yebna lberǧ n tɛessast. Issekra-tt i yixeddamen n tferrant imiren
iruḥ yunag. 2Lawan n tẓurin, iceggeɛ yiwen n uqeddac ɣer yixeddamen-nni iwakken ad
as-d-fken lɣella n tferrant. 3Ṭṭfen-t, wten-t dɣa rran-t, ifassen-is d ilmawen. 4Iceggeɛ-asen
daɣen aqeddac-nniḍen; ula d winna daɣen, feddxen-t yerna reggmen-t. 5Iceggeɛ-asen
wayeḍ: winna, nɣan-t. Iceggeɛ-asen aṭas-nniḍen: kra wten-ten, kra nɣan-ten. 6Iqqim-as-d
kan mmi-s ameɛzuz; iceggeɛ-asen-t d aneggaru, yenna deg yiman-is: 'Ad qadren mmi.'
7
Meɛna ixeddamen n tferrant nnan gar-asen: 'Atan win ara iwerten! Kkret ad t-nenɣet! D
nekni ara iwerten!' 8Ɣlin fell-as, nɣan-t, dɣa ḍeggren-t ɣer berra n tferrant. 9D acu ara
yexdem bab n tferrant? Ad d-yas, ad ineɣ ixeddamen-nni, imiren ad ifk taferrant-nni i
wiyaḍ. 10Ur teɣrim ara ayen akken yuran:
'Aẓru-nni i ḥeqren yibennayen yuɣal d aẓru n teɣmert.
11
Ayagi yekka-d sɣur Ssid, d ayen i aɣ-isteɛǧben!'?
12
Nudan ad t-ṭṭfen, meɛna uggaden si lɣaci. Fehmen belli fell-asen i d-yewwi tamɛayt-nni.
Ǧǧan-t dɣa ruḥen.
Axelleṣ n tebzert i Qayser
(Mt 22. 15-22; Lq 20. 19-26)
13
Ceggɛen ɣer Yasuɛ kra n Ifarisiyen akked kra n yirgazen n Hirudus, iwakken ad t-id-
sseɣlin deg wawal. 14Ruḥen, nnan-as: "A Ccix, neẓra belli kečč d aṣeḥḥi, yerna ur
tettaggadeḍ yiwen. Ur tleḥḥuḍ ara s wudmawen, meɛna temmaleḍ abrid n Yillu s ṣṣwab.
Ilaq ad nxelleṣ tabzert i Qayṣer, neɣ ala? Ad nxelleṣ, neɣ ur nettxelliṣ ara?" 15Yasuɛ, i
yessnen tiḥraymit-nsen, yenna-yasen: "Acuɣer i yi-tettjerribem? Awit-iyi-d adinar, ad
waliɣ." 16Wwin-as-t-id; dɣa yenna-yasen: "Udem-agi, anwa-t? I wayen yuran fell-as?"
Nnan-as: "D Qayṣer." Imiren Yasuɛ yenna-yasen: 17"Ayen yellan n Qayṣer, rret-t i
Qayṣer; ayen yellan n Yillu, i Yillu." Iḥeyyer-iten.
Asteqsi ɣef ḥeggu
(Mt 22. 23-33; Lq 20. 27-38)
18
Iṣaduqiyen, i yeqqaren belli ulac ḥeggu, ruḥen ɣer Yasuɛ, steqsan-t, nnan-as:19"A Ccix,
atan d acu i aɣ-d-yeǧǧa Musa: 'Ma yemmut yiwen, yeǧǧa-d tameṭṭut-is, ma ur d-iǧǧi ara
dderya, gma-s ad yerr tameṭṭut-nni iwakken ad d-yeǧǧ dderya i gma-s.' 20Lḥal llan sebɛa n
watmaten. Amezwaru yezweǧ, meɛna yemmut ur d-yeǧǧi dderya. 21Wis sin yerra taǧǧalt-
nni, meɛna yemmut ur d-iǧǧi dderya. Akken i teḍra daɣen d wis tlata. 22I sebɛa yid-sen, ur
d-ǧǧin ara dderya. Ɣer taggara, terna deffir-nsen ula d tameṭṭut-nni, temmut. 23Ass n
ḥeggu, mi ara d-ḥyun, anwa deg-sen ara tt-isɛun d tameṭṭut-is? Axaṭer i sebɛa yid-sen
zewǧen yid-s." 24Yasuɛ yenna-yasen: Tɣelṭem deg wayagi! Ur tessinem Tira, ur tessinem
tazmert n Yillu. 25Axaṭer wid ara d-iḥyun si gar lmeggtin, ur zewwǧen yirgazen, ur
zewwǧent tlawin, meɛna ad ilin am lmalayek n yigenwan. 26Ma d lmeggtin, ad d-ḥyun.

Ur teɣrim ara deg udlis n Musa ayen i as-d-yenna Yillu deg yinijel: 'Nekk, d Illu n
Abraham, d Illu n Isḥaq, d Illu n Yeɛqub'? 27Illu mačči d Illu n lmeggtin, meɛna d Illu n
lḥeggtin. Tɣelṭem aṭas."
Lamer amezwaru
(Mt 22. 34-40; Lq 10. 25-28)
28
Yiwen si Imusnawen n ccariɛa yesla-yasen mi heddren yerna iwala amek i asen-yerra
Yasuɛ akken ilaq; iqerreb ɣur-s, isteqsa-t: "Anwa i d lamer akk amezwaru gar lumur?"
29
Yasuɛ yenna-yas: "Atan lamer amezwaru: Ḥess-d, ay Israyil, Ssid, Illu-nneɣ, d netta kan
i d Ssid; 30ad tḥemmleḍ Ssid, Illu-yik, seg wul-ik merra, s terwiḥt-ik merra, s lbal-ik
merra, s tezmert-ik merra.31Atan wis sin: Ḥemmel lɣir-ik am yiman-ik. Ulac lamer
yugaren wagi." 32Lɛalem-nni yenna-yas: "Ilha, a Ccix! Ayen i d-tenniḍ d ṣṣeḥḥ: d netta
kan i yellan, ulac wayeḍ. 33Ma tḥemmleḍ-t s wul-ik merra, s lbal-ik merra, s tezmert-ik
merra, yerna tḥemmleḍ lɣir-ik am yiman-ik, xir n yiseflawen merra yerɣan, n yiseflawen-
nniḍen merra." 34Yasuɛ, mi t-iwala ijaweb-d akken yelha, yenna-yas: "Ur tebɛideḍ ara ɣef
tgelda n Yillu." Yiwen ur iɛawed ad t-isteqsi.

(Mt 22. 41-46; Lq 20. 39-44)
35
Mi yella Yasuɛ isselmad deg ufakan, inṭeq, inna: "Amek i qqaren Imusnawen n ccariɛa
belli Lmasiḥ, d mmi-s n Dawed? 36S Rruḥ iqedsen Dawed yenna-d:
'Ssid yenna i Sidi:
Qqim ɣer tama-w tayeffust, alamma rriɣ iɛdawen-ik ddaw uḍar-ik.'
37
Dawed, s timmad-is, isawal-as Sidi; amek ihi yezmer ad yili d mmi-s?" Aṭas n lɣaci i as-
ittḥessisen s lferḥ.
38
Deg uselmed-is iqqar: "Ḥadret iman-nwen si Imusnawen n ccariɛa; ḥemmlen ad
ttḥewwiṣṣen s yiqnedyar iɣezfanen, ad ttsellimen fell-asen deg yizenqan, 39ad ttɣimin deg
yimukan imezwura di leǧwameɛ akked yimukan imezwura di tmeɣriwin; 40tetten
ixxamen n tuǧǧal yerna ssiɣzifen tiẓilla iwakken ad d-banen. Lɛiqab-nsen, d ameqqran."
Lweɛda n yiwet n taǧǧalt tigellilt
(Lq 21. 1-4)
41
Yasuɛ iqqim zdat usenduq n lewɛadi n yedrimen, ittmuqul amek i ggaren lɣaci ɣur-s
idrimen. Aṭas n yimerkantiyen i yeggaren aṭas n yedrimen. 42Truḥ-d yiwet n taǧǧalt, d
tigellilt, tger snat n teryalin, yeɛni tis rebɛa n duru. 43Isawel i yinelmaden-is, yenna-yasen:
"Amin, ad awen-d-iniɣ: Taǧǧalt-agi tigellilt tger deg usenduq akter n wayen akk i gren
wiyaḍ. 44Axaṭer, akken ma llan gren seg wayen sɛan d zzyada; ma d nettat, ɣas akken
txuṣṣ, tger ayen akk i tesɛa, amɛic-is merra."
Ccedda tameqqrant
(Mt 24. 3-31; Lq 21. 7-33)
13Mi d-iffeɣ Yasuɛ seg ufakan, yiwen seg yinelmaden-is yenna-yas: "A Ccix, muqel! D
acu i d iẓra-agi! D acu i d lbenyan-agi!" 2 Yasuɛ yenna-yas: "Twalaḍ lbenyan-agi

ameqqran? Ur d-ittɣimi uẓru ɣef wayeḍ, kullec ad ihudd." 3Yasuɛ iqqim deg Yiɣil
Uzemmur, iqubel afakan. Buṭrus, Yeɛqub, Yuḥenna akked Andriyus steqsan-t weḥd-s:
4
"Ini-yaɣ-d melmi ara d-iḍru wayagi? D acu n limara ara d-isbeggnen lawan ideg ara d-
iḍru wayagi merra?"
5
Yasuɛ yenna-yasen: "Ḥadret win i ken-ittɣurrun! 6Aṭas ara d-yasen s yisem-iw; ad inin:
'D nekk'. Dɣa ad ɣurren aṭas. 7Ad teslem s ṭṭradat akked dderz n ṭṭradat, ur tqelliqet ara:
ilaq ad d-iḍru wayagi. 8Meɛna mačči d taggara. Lǧens ad d-ikker ɣer lǧens, tagelda ɣer
tgelda; zzlezlat akked laẓ ad d-ilin deg waṭas n yimukan: ayagi d beddu kan n leɛtab.
9
Ḥadret ɣef yiman-nwen! Ad ken-ssiwḍen ɣer yixxamen n ccraɛ, ad tettewtem di
leǧwameɛ; ad tbeddem zdat lḥekkam akked yigelliden, ɣef ddemma-w: d cchada i nutni.
10
Ilaq Linǧil ad ittubeccer qbel i leǧnas merra. 11Mi ara ken-awin, ad ken-sellmen, ur
ttḥebbiret ara d acu ara d-tinim; meɛna init ayen ara awen-d-ittunefken di teswiɛt-nni.
Mačči d kenwi ara ihedren, d Rruḥ Iqedsen. 12Gma-s ad ifk gma-s ɣer lmut, baba-s mmi-
s, dderya ad d-tekker ɣer yimawlan-nsen, ad ten-nɣen. 13Ad ken-kerhen akken ma llan ɣef
ddemma n yisem-iw. Meɛna win ara yeṭṭfen alamma d taggara ad ittwasellek.
14
Mi ara twalim tacmat n nnger tbedd anda ur ilaq ara ad tbedd - win yeɣran ayagi yerr-d s
lexbar - imiren, wid ara d-yaf lḥal di Yahuda ad rewlen ɣer yidurar! 15Win ara d-yaf lḥal
ɣef ssḍeḥ, ur d-ittṣubbu ara iwakken ad d-iddem kra seg uxxam-is! 16Win ara d-yaf lḥal di
lexla, ur d-ittuɣal ara ɣer deffir iwakken ad iddem abernus-is! 17A tawaɣit n tid ara d-yaf
lḥal s tadist akked tid yessuṭṭuḍen, deg wussan nni! 18Dɛut, ur d-iḍerru ara wayagi di
ccetwa! 19Axaṭer ussan-nni ad ilin d ussan n ccedda tameqqrant, leɛmer i d-teḍri seg
wasmi i tebda ddunit i d-ixleq Yillu, ar ass-a, yerna ur d-tḍerru ara akk ɣer zdat. 20Lemmer
Illu ur issewzel ara ussan-nni, yiwen ur ittsellik. Meɛna yessewzel-iten ɣef ddemma n wid
yettwaxtaren i yextar. 21Ma yella win i awen-d-yennan imiren: 'Lmasiḥ atan dagi' neɣ:
'Atan dihin', ur ttamnet ara. 22Axaṭer ad d-kkren lmasiḥat n lekdeb akked lanbeyya n
lekdeb, ad xeddmen limarat akked leɛǧayeb, iwakken ad ɣurren, ma yella wamek, ula d
wid yettwaxtaren. 23Ḥadret iman-nwen! Aql-i nniɣ-awen-d kullec si tura.
24
Meɛna deg wussan-nni, mi ara tɛeddi ccedda-nni, iṭij ad iṭṭullem, aggur ur d-ittak ara
ṭṭya-s, 25itran ad d-ɣlin seg yigenni, tizemmar n yigenwan ad nquqlent. 26Imiren, ad walin
Mmi-s n umdan yusa-d ɣef tagut s tezmert tameqqrant akked lɛaḍima. 27Ad iceggeɛ
lmalayek-is; ad d-isnejmaɛ wid yexṭar si rebɛa n tɣemmar, si lqern n ddunit alamma d
lqern n yigenni.
28
Ɣret-d ayagi si tenqelt: akken ara yilqiqen ifurkawen-is, ara fsun iferrawen-is, ḥṣut belli
anebdu iqerb-d. 29Akken ula d kenwi, mi ara twalim ayagi yewweḍ-d, ḥṣut belli Mmi-s n
umdan ilḥeq-d, atan ɣer tewwurt. 30Amin, ad awen-iniɣ: lǧil-agi ur ittɛeddi ara alamma
yeḍra-d wayagi merra. 31Igenni d lqaɛa ad fnun; meɛna lehdur-iw ur fennun ara.
32
Ayen yeɛnan ass-nni neɣ tasaɛet-nni, yiwen ur iɛlim yis-sen, la lmalayek deg yigenwan,
la Mmi-s, meɛna siwa Ababat weḥd-s. 33Ḥadret iman-nwen, ilit tukim, axaṭer ur teẓrim
ara melmi ara d-iḥder lawan. 34Ad teḍru am urgaz ara yeggen axxam-is, ad iruḥ ad yinig,
ad iwekkel iqeddacen-is ɣef uxxam-is, yal yiwen s ccɣel-is, imiren ad iweṣṣi aɛessas n
tewwurt ad iɛass. 35Ɛasset iman-nwen, axaṭer ur teẓrim ara melmi ara d-yas bab n uxxam,
tameddit, neɣ ttnasfa n yiḍ, neɣ mi ara yeskuɛ uyaẓiḍ, neɣ ṣṣbeḥ, 36neɣ ma ulac, ma yusa-
d di lɣila, ad ken-id-yaf teṭṭṣem. 37Ayen akka i awen-d-nniɣ, nniɣ-t-id i yal yiwen: Ilit
tukim!"
Taqbuct n leɛṭer
(Mt 26. 6-13; Yn 12. 1-8)
14Mi d-mazal sin n wussan i lɛid n Usuref akked yiɣerman ur nesɛi iɣes n temtunt,
imeqqranen n lmuqeddmin akked Imusnawen n ccariɛa ttnadin amek ara ṭṭfen Yasuɛ s
tḥila iwakken ad t-nɣen. 2Nnan: "Mačči di lɛid, neɣ ma ulac ad ikker ccwal gar lɣaci."
3
Mi yella Yasuɛ di Bit-Ḥananya, deg uxxam n Cimɛun aberṣi, iqqim ɣer ṭṭabla, tekcem-d
yiwet n tmeṭṭut, tewwi-d yid-s taqbuct n rrxam amellal, teččur d leɛṭer n nnar yeṣfan yerna
ɣlay. Terẓa taqbuct-nni, dɣa tesmar-as-tt ɣef uqerru n Yasuɛ. 4Kra iɣaḍ-iten lḥal, dɣa nnan
gar-asen: "Iwumi lexṣara n leɛṭer-agi? 5 Lemmer i yenza leɛṭer-agi, ad d-yawi telt meyya
n yidinaren neɣ kter ara nefk i yigellilen." Dɣa rfan ɣef tmeṭṭut-nni. 6Meɛna Yasuɛ yenna-
yasen: "Anfet-as! Acuɣer i tt-tesnuɣnam? D ayen yelhan i yi-texdem. 7Igellilen ad ilin
dayem gar-awen, tzemrem ad asen-txedmem lxir melmi i awen-ihwa; meɛna nekk, ur yi-
tseɛɛum ara dayem. 8Texdem ayen iwumi i tezmer; tɛeṭṭer tafekka-w, thegga-tt i temḍelt.
9
Amin, ad awen-iniɣ: di yal amkan ideg ara yettubeccer Linǧil, di ddunit, ad d-ttmektayen
ayen i texdem tmeṭṭut-agi."
Yahuda iqsed ad ixdeɛ Yasuɛ
(Mt 26. 14-16; Lq 22. 3-6)
10
Yahuda n Qiryut, yiwen si Tnac-nni, iruḥ ɣer yimeqqranen n lmuqeddmin, iwakken ad
asen-isellem Yasuɛ. 11Mi as-slan ferḥen aṭas, yerna weɛden-t ad as-fken idrimen. Imiren
Yahuda yettnadi tagnit ideg ara t-isellem.
Tiremt n Usuref taneggarut
(Mt 26. 17- 29; Lq 22. 7- 20)
12
Ass amezwaru n yiɣerman ur nesɛi iɣes n temtunt, ideg zellun izimer n Usuref,
inelmaden-is nnan-as: "S anda i tebɣiḍ ad nruḥ ad ak-nheggi tiremt n Usuref?" 13Iceggeɛ
sin seg yinelmaden-is, yenna-yasen: "Ruḥet ɣer temdint, dinna ad d-temlilem yiwen n
urgaz yewwi-d tacmuxt n waman; tebɛet-t. 14S anda ara yekcem, init i bab n uxxam-nni:
'Ad ak-iqqar Ccix: Anda-tt texxamt ideg ara ččeɣ tiremt n Usuref nekk d yinelmaden-iw?'
15
Ad awen-d-issken yiwet n tɣurfet, tewseɛ yerna yella deg-s kullec. Dinna ara aɣ-
theggim kullec." 16Inelmaden-nni ruḥen. Kecmen ɣer temdint, dɣa ufan kullec akken i
asen-t-inna. Imiren heggan tiremt n Usuref.
17
Mi d-teḥder tmeddit, Yasuɛ iruḥ netta d Tnac-nni. 18Qqimen ɣer ṭṭabla dɣa bdan tetten.
Yasuɛ inna: "Amin, ad awen-iniɣ, yiwen seg-wen, i itetten yid-i, ad iyi-isellem." 19Iqreḥ-
iten lḥal, dɣa bdan steqsayen-t yiwen yiwen, qqaren-as: "D nekk?" 20Inna-yasen: "D
yiwen si Tnac, win itetten yid-i deg yiwen n uḍebṣi. 21Mmi-s n umdan ad iruḥ akken yura
fell-as. Meɛna, a nnger n urgaz ara isellmen Mmi-s n umdan! Lukan xir ur d-ilul ara
urgaz-agi."
22
Mi llan tetten, Yasuɛ iddem-d aɣrum, iburek, ibḍa-t dɣa ifreq-it i yinelmaden-is. Inna-
yasen: "Axet! Wagi, d tafekka-w." 23Iddem-d taqbuct, iburek, ifka-yasen-tt dɣa swan
merra seg-s. 24Inna-yasen: "Wigi, d idammen-iw, idammen n lemɛahda, yuzzlen ɣef
waṭas. 25Amin, ad awen-iniɣ tidet, ur ttuɣaleɣ ara ad sweɣ seg waman n tẓurin, alamma d
ass-nni ideg ara ten-sweɣ d ijdiden di tgelda n Yillu."
26
Mbaɛd mi cnan ihellilen, ffɣen s Iɣil Uzemmur. 27Yasuɛ yenna-yasen: "Akken ma tellam
ad teccḍem, akken yura: Ad wteɣ ameksa, lmal ad imzerbeɛ. 28Meɛna, mbaɛd ḥeggu-inu,
ad ken-zwireɣ ɣer Galil." 29Buṭrus yenna-yas: "Ɣas ad ccḍen merra, nekk ala!" 30Yasuɛ
yenna-yas: "Amin, ad ak-d-iniɣ: kečč, s timmad-ik, ass-a, iḍ-agi, uqbel ad iskuɛ uyaẓiḍ
snat n tikkal, ad iyi-tnekreḍ tlata n yiberdan." 31Meɛna Buṭrus iṭṭef deg wawal-is, inna:
"Ɣas tewwi-d ad mmteɣ yid-k, ala, ur k-nekkreɣ ara." Akken ma llan nnan-d akken-nni.
Di tmazirt n Gat-Camanim
(Mt 26. 36-46; Lq 22. 39-46; Yn 18. 1)
32
Ruḥen ɣer yiwen n umkan, isem-is Gat-Camanim. Yasuɛ yenna i yinelmaden-is:
"Qqimet dagi, nekk ad ruḥeɣ ad ẓalleɣ." 33Yewwi yid-s Buṭrus, Yeɛqub akked Yuḥenna.
Ibda ad t-ikeččem lxuf akked leḥzen. 34Inna-yasen: "Tarwiḥt-iw, iɣli-d fell-as yiwen n
leḥzen n lmut; qqimet dagi tɛiwzem." 35Issebɛed akkin cwiṭ, iɣli ɣer lqaɛa, dɣa yedɛa
iwakken, ma yella wamek, tasaɛet-nni ad tebɛed fell-as. 36Inna: "A Baba, kečč tzemreḍ i
kullec! Ssebɛed fell-i taqbuct-agi! Acu kan, mačči d ayen i bɣiɣ, nekk, d ayen i tebɣiḍ,
kečč." 37Yuɣal-d, dɣa yufa-ten-id ṭṭṣen. Inna i Buṭrus: "A Cimɛun, teṭṭṣeḍ! Ur tessawḍeḍ
ara ad tɛiwẓeḍ ula d ssaɛa? 38Ɛiwzet tẓallem, iwakken ur tɣellim ara deg ujerreb! Rruḥ
itḥemmes, meɛna tafekka ur tezmir ara." 39Iruḥ daɣen, iẓẓul am tikkelt tamezwarut.
40
Yuɣal-d, dɣa yufa-ten daɣen ṭṭṣen: inɣa-ten naddam; ur ẓrin d acu ara as-d-rren. 41Yuɣal-
d ɣur-sen tikkelt tis tlata, yenna-yasen: "Ṭṭṣet tura, steɛfut. Dayen! Tḥedred tsaɛet. Atan
Mmi-s n umdan ittusellem s afus n yimednuben. 42Kkret, ad nruḥet; ataya win ara y-
isellmen."
Tuṭṭfa n Yasuɛ
(Mt 26. 47-56; Lq 22. 47-53; Yn 18. 2-11)
43
Mazal yekfi lehdur, atan iwweḍ-d Yahuda, yiwen si Tnac-nni, ddan-d yid-s lɣaci s
yijenwiyen akked yiɛekkzan, ceggɛen-ten-id imeqqranen n lmuqeddmin, lɛulama n
ccariɛa akked yimeqqranen. 44Win akken i isellmen Yasuɛ ifka-yasen nneɛt, yenna-yasen:
"Win ara ssudneɣ, d netta. Ṭṭfet-t tawim-t s tɛessast." 45Imiren kan, iqerreb ɣer Yasuɛ,
yenna-yas: "A Ccix!" Dɣa yekna iwakken ad t-issuden. 46Mmɣen fell-as dɣa ṭṭfen-t.
47
Yiwen seg wid yellan dinna ijbed-d ajenwi-s; yewwet yis-s aqeddac n lmuqeddem
ameqqran, dɣa yewwi-yas ameẓẓuɣ-is. 48Yasuɛ inṭeq, yenna-yasen: "Am wakken d
amakar, teffɣem-d ɣur-i s yijenwiyen akked yiɛekkzan iwakken ad iyi-teṭṭfem? 49Yal ass,
ttiliɣ yid-wen, sselmadeɣ deg ufakan, ur yi-teṭṭifem ara, meɛna iwakken ad d-iḍru wayen
yuran. 50Imiren inelmaden-is merra ǧǧan-t, dɣa rewlen. 51Yiwen n yilemẓi itbeɛ-it, siwa
yiwen n uceṭṭiḍ i yerra ɣef yiri-s. Mmɣen fell-as dɣa ṭṭfen-t. 52Meɛna netta, iserreḥ i
uceṭṭiḍ-nni, dɣa yerwel ɛeryan.

(Mt 26. 57-68; Yn 18. 12-14, 19-24)
53
Wwin Yasuɛ ɣer lmuqeddem ameqqran. Imeqqranen merra n lmuqeddmin, lɛulama n
ccariɛa akked yimeqqranen nnejmaɛen. 54Buṭrus itbeɛ-it si lebɛid, armi d daxel n ufrag n
lmuqeddem ameqqran. Iqqim netta d iɛessasen, isseḥmay ɣer tmes. 55Imiren imeqqranen
n lmuqeddmin akked usqamu n ccraɛ ttnadin cchada swayes ara ḥekmen s lmut ɣef
Yasuɛ; ur ufin ara. 56Aṭas i d-icehden fell-as s ẓẓur; meɛna cchadat-nni merra mxallafent.
57
Kra seg-sen, kkren-d, cehden-d fell-as s ẓẓur, nnan: 58"Nesla-yas, yenna-d: 'ad huddeɣ
afakan-agi iqedsen i yebna ufus n umdan, di tlata n wussan, ad bnuɣ wayeḍ ur ibni ara
ufus n umdan'." 59Meɛna ula di temsalt-agi, cchadat-nsen mxallafent. 60Lmuqeddem
ameqqran ibedd di tlemmast-nsen, dɣa yesteqsa Yasuɛ, yenna-yas: "Ur d-tettarraḍ
acemma? D acu akka i d-ttcehhiden fell-ak?" 61Meɛna yessusem, ur d-yerri acemma.
Lmuqeddem ameqqran iɛawed isteqsa-t, yenna-yas: "Kečč, d Lmasiḥ, Mmi-s n Yillu
yettubarken?" 62Yasuɛ yenna-yas: "D nekk! Ad twalim Mmi-s n umdan iqqim ɣer tama
tayeffust n Unezmar, yerna yusa-d ɣef tagut n yigenwan." 63Lmuqeddem ameqqran
icerreg iqnedyar-is dɣa yenna: "D acu ara nexdem tura s yinagan? 64Teslam akk i lekfer; d
acu i tennam?" Akken ma llan ḥekmen fell-as: yuklal lmut. 65Kra seg-sen bdan ad t-
ssusufen, ttɣummun-as udem-is, kkaten-t s lbunyat, yerna qqaren-as: "Ɛqel!" Iɛessasen
ttaken-as ibeqqayen.

(Mt 26. 69-75; Lq 22. 55-62; Yn 18. 15-18. 25-27)
66
Mi yella Buṭrus deg ufrag, ukessar, truḥ-d yiwet n tqeddact n lmuqeddem ameqqran.
67
Twala Buṭrus isseḥmay; tmuqel-it dɣa tenna-yas: "Ula d kečč, telliḍ akked Yasuɛ
Anasari." 68Meɛna yenker, inna: "Ur ẓriɣ ara; ur fhimeɣ ara d acu i d-teqqareḍ." Dɣa
yeffeɣ, iruḥ s aseqqif. Imiren kan yeskuɛ uyaẓiḍ. 69Twala-t daɣen tqeddact-nni, dɣa tebda
teqqar i wid yellan dinna: "Wagi, d yiwen seg-sen." 70Meɛna iɛawed inker. Taswiɛt
mbaɛd, wid yellan dinna nnan daɣen i Buṭrus: "D ṣṣeḥḥ, kečč, d yiwen seg-sen, axaṭer
tbaneḍ n Galil. 71Imiren ibda ideɛɛu i yiman-is yerna yettgalla: "Ur ssineɣ ara amdan-agi
iɣef d-theddrem." 72Imiren kan, i tikkelt tis snat, iskuɛ uyaẓiḍ. Dɣa Buṭrus immekta-d
awal i as-inna Yasuɛ: "Uqbel ad iskuɛ uyaẓiḍ snat n tikkal, ad iyi-tnekreḍ tlata n
yiberdan." Dɣa yeṭṭerḍeq d imeṭṭawen.
(Mt 27. 1-15; Lq 23. 1-7, 13-18; Yn 18. 28-38; 19. 1-15)
15Mi yuli wass, imeqqranen n lmuqeddmin mcawaren nutni d imeqqranen, lɛulama n
ccariɛa akked usqamu n ccraɛ. Urzen Yasuɛ, wwin-t dɣa sellmen-t i Bilaṭus. 2Bilaṭus
isteqsa-t, yenna-yas: "Kečč, d agellid n Iyahudiyen?" Yasuɛ inṭeq, inna: "Tenniḍ-t-id."
3
Imeqqranen n lmuqeddmin kettren acekti fell-as. 4Bilaṭus iɛawed isteqsa-t: "Ur d-
tettarraḍ acemma? Muqel d acu akka i d-ggaren fell-ak?" 5Meɛna Yasuɛ ur d-yerri
acemma. Bilaṭus iwhem.
6
Yuɣ lḥal, yal lɛid, Bilaṭus ittserriḥ-d i yiwen n umeḥbus, win ara as-ssutren lɣaci. 7Yella
yiwen n umeḥbus isem-is Bar-Aba, yiwen seg yimnufaq, inɣa tamgerḍt deg yiwet n
tnekra. 8Lɣaci ulin ɣer Bilaṭus, dɣa ssutren-as ayen akken yennum ixeddem-asen-t.
9
Bilaṭus inṭeq, yenna-yasen: "Tebɣam ad awen-d-serrḥeɣ i ugellid n Iyahudiyen?"
10
Axaṭer iẓra belli d tismin i usmen seg-s i as-t-id-wwin. 11Meɛna imeqqranen n
lmuqeddmin sḥercen lɣaci iwakken d Bar-Aba iwumi ara d-iserreḥ. 12Bilaṭus inṭeq daɣen,
yenna-yasen: "D acu i tebɣam ad xedmeɣ s wagi iwumi i teqqarem agellid n
Iyahudiyenl?" 13Ttɛeggiḍen daɣen: "Ṣelleb-it!" 14Meɛna Bilaṭus yenna-yasen: "D acu n
ccer i yexdem?" Nutni ttɛeggiḍen mliḥ: "Ṣelleb-it!" 15Bilaṭus, yebɣan ad iddu di lebɣi i
lɣaci, iserreḥ-d i Bar-Aba, ma d Yasuɛ, ifka-yasen-t iwakken ad t-wten s ujelkaḍ, mbaɛd
ad t-ṣellben.
16
Lɛesker wwin Yasuɛ ɣer daxel n ufrag, yeɛni ɣer lberǧ n lḥakkem, dɣa snejmaɛen-d akk
tarbaɛt. 17Sselsen-as talaba tazeggaɣt, zḍan-d yiwet n tɛeṣṣabt s yisennanen, dɣa qqnen-as-
tt ɣef uqerru-s. 18Bdan qqaren-as: "Sslam fell-ak, ay agellid n Iyahudiyen!" 19Kkaten-t s
uɣanim s aqerru, ssusufen-t, yerna kerfen tigecrar, seǧǧden zdat-s. 20Mbaɛd mi ttihin fell-
as, kksen-as talaba-nni tazeggaɣt, rran-as llebsa-s, imiren wwin-t ɣer berra iwakken ad t-
ṣellben.
Aṣelleb n Yasuɛ
(Mt 27. 33-56; Lq 23. 33-49; Yn 19. 17-37)
21
Ḥettmen ɣef yiwen n umsebrid i d-yuɣalen si lexla, isem-is Cimɛun n Qirwan, baba-s n
Aliksandrus akked Rufus, ad ibibb ṣṣalib n Yasuɛ. 22Ẓẓuɣren Yasuɛ ɣer yiwen n umkan
iwumi i qqaren Gulguta, yeɛni Amkan n Umelɣiɣ. 23Fkan-as ccrab ixelḍen d lmur, meɛna
ur t-iswi ara. 24Ṣellben-t, dɣa ferqen llebsa-s s tesɣart iwakken ad walin d acu ara yeddem
yal yiwen deg-sen. 25Tella d tasaɛet tis tlata mi t-ṣellben. 26Uran ssebba ɣef wacu i ḥekmen
fell-as: "Agellid n Iyahudiyen."
27
Ṣellben yid-s sin n yiqeṭṭaɛen, yiwen ɣer tama-s tayeffust, wayeḍ ɣer tama-s tazelmaḍt.
28
Swakka, iḍra-d wayen i d-nnant Tira: "Ittwaḥseb seg yimcumen." 29Imsebriden tthuzzun
aqerru-nsen, ttjeddiren deg-s, qqaren: "A win yebɣan ad ihudd afakan yerna ad as-tɛiwdeḍ
lebni di tlata n wussan, 30sellek iman-ik s yiman-ik! Ṣubb-d si ṣṣalib!" 31Ula d imeqqranen
n lmuqeddmin, nutni d Imusnawen n ccariɛa, ttihiyen fell-as, qqaren gar-asen: "Isellek
wiyaḍ, ur izmir ad isellek iman-is! 32A Lmasiḥ, agellid n Iyahudiyen, ṣubb-d tura si ṣṣalib,
iwakken ad nwali dɣa ad namen." Ula d wid i yettwaṣellben yid-s reggmen-t.
33
Ttnaṣfa n wass, iɣli-d ṭṭlam ɣef tmurt merra, armi d tlata n tmeddit. 34Ɣef tlata n tmeddit,
Yasuɛ iɛeggeḍ s lqedd n taɣect-is: "Iluhay, Iluhay, lama sabaqtani?" Yeɛni: "Illu-yiw, Illu-
yiw, acuɣer i yi-teǧǧiḍ?" 35Kra seg wid iḥedren, mi slan, nnan: "Atan, isawal i Ilya!"
36
Yiwen yuzzel, issasen yiwet n tneccaft di lxell, icudd-itt ɣer tɣanimt, ifka-yas ad isew,
dɣa yenna: "Rǧut! Ad nwali ma d-iruḥ Ilya ad t-id-iṣubb." 37Yasuɛ iɛeggeḍ s lqedd n
taɣect-is dɣa yessufeɣ rruḥ. 38Imiren leḥǧab n ufakan icerreg ɣef sin, seg usawen armi d
akkessar. 39Lqebṭan n terbaɛt n meyya, ibedden zdat Yasuɛ, mi iwala amek i yessufeɣ
rruḥ, inna: "D ṣṣeḥḥ, argaz-agi, d Mmi-s n Yillu!"
40
Llant daɣen dinna kra n tlawin; ttmuqulent si lebɛid. Gar-asent: Meryem Tamagdalit,
Meryem, yemma-s n Yeɛqub amecṭuḥ d Yusef, akked Calumit. 41D tilawin-agi i t-

ittabaɛen, yerna qeddcent-as mi akken yella di Galil. Llant daɣen aṭas n tlawin-nniḍen i d-
yulin yid-s ɣer Yarucalim.
Tamḍelt n Yasuɛ
(Mt 27. 57-61; Lq 23. 50-56; Yn 19. 38-42)
42
Telḥeq-d tmeddit, yuɣ lḥal d ass n uheggi, yeɛni ass uqbel ass n usteɛu, 43Yusef n
Ramatayim, yiwen seg yiɛeggalen imeqqranen n usqamu n ccraɛ, yerna ula d netta yella
yettraǧu tagelda n Yillu, ixdem afud i yiman-is, iruḥ ɣer Bilaṭus iwakken ad as-issuter
tafekka n Yasuɛ. 44Bilaṭus iwhem mi yesla belli Yasuɛ ur iɛeṭṭel ara yemmut; isawel i
lqebṭan-nni n terbaɛt n meyya, dɣa yesteqsa-t: "Issufeɣ rruḥ yakan?" 45Mi t-iḍmen
lqebṭan-nni, Bilaṭus iɛemmed-as i Yusef ad yawi tafekka n Yasuɛ. 46Yusef yuɣ-d lekfen;
iṣubb-d Yasuɛ si ṣṣalib, ikfen-it, imiren isers-it deg yiwen n uẓekka yeɣzan deg ucruf.
Mbaɛd issegrareb yiwen n ublaḍ ɣef yimi n uẓekka-nni. 47Meryem Tamagdalit akked
Meryem, yemma-s n Yusef, ttmuqulent anda i t-isres.
Ḥeggu n Yasuɛ
(Mt 28. 1-15; Lq 24. 1-49; Yn 20. 1-23)
16Mi iɛedda wass n usteɛfu, Meryem Tamagdalit, Meryem, yemma-s n Yeɛqub, akked
Calumit uɣent-d rrwayeḥ iwakken ad ɛeṭṭren tafekka n Yasuɛ. 2Ass amezwaru n ddurt,
ṣṣbeḥ zik, akken kan i d-icreq yiṭij, ruḥent s aẓekka. 3Qqarent gar-asent: "Anwa ara aɣ-
ikksen aẓru-nni ɣef yimi n uẓekka?" 4Mi refdent allen-nsent, walant belli aẓru-nni, yellan
annect-ila-t, ittwakkes. 5Kecment s aẓekka, dɣa walant yiwen n yilemẓi, iqqim ɣer lǧiha
tayeffust, ilsa aqendur amellal; xelɛent. 6Inna-yasent: "Ur xellɛemt ara! Tettnadimt ɣef
Yasuɛ Anaṣari, win akken yettwaṣellben? Iḥya-d, ulac-it dagi. Atan umkan anda i t-sersen.
7
Meɛna ruḥemt, inimt i yinelmaden-is akked Buṭrus: atan izwar-iken ɣer Galil; dinna ara
t-twalim akken i awen-t-id-yenna." 8Ffɣent-d seg uẓekka-nni, dɣa rewlent s tergagit akked
lxelɛa. Ur nnint acemma i yiwen seg wakken uggadent.
9
Mbaɛd mi d-iḥya Yasuɛ, ass amezwaru n ddurt, iḍher-d qbel i Meryem Tamagdalit, iseg
issufeɣ sebɛa n leǧnun. 10Dɣa truḥ tessaweḍ lexbar i widak-nni i yellan akked Yasuɛ, i d-
yufa lḥal ḥeznen yerna ttrun. 11Mi slan belli yedder yerna twala-t, ur uminen ara.
12
Mbaɛd, iḍher-d, s ṣṣifa-nniḍen, i sin seg-sen i yellan deg ubrid, teddun ɣer lexla. 13Wid-
nni ruḥen ssawḍen lexbar i wiyaḍ; meɛna ula d nutni ur ten-uminen ara. 14Mbaɛd,
isbeggen-d iman-is i Ḥdac-nni, mi llan tetten. Ilumm-iten ɣef liman ur sɛin ara akked
taɣert n wulawen-nsen, axaṭer ur uminen ara widak-nni i t-iwalan iḥya-d.
15
Inna-yasen: "Ruḥet ɣer ddunit merra, beccret Linǧil i txelqit merra. 16Win yumnen yerna
yettwaɣḍeṣ ittwasellek; ma d win ur numin ara, ittwaḥkem fell-as. 17Atentan limarat ara
irafqen wid yumnen: s yisem-iw, ad ssufuɣen leǧnun; ad heddren tutlayin tijdidin; 18ad
ttaṭṭafen izerman deg yifassen-nsen; ɣas ad swan ssem, ur asen-ixeddem acemma; ad
srusun ifassen-nsen ɣef yimuḍan, dɣa ad ḥlun."
Alluy n Yasuɛ ɣer yigenni
(Lq 24. 49-53)

19
Mbaɛd mi asen-ihder, Ssid ittwarfeɛ ɣer yigenni, iqqim ɣer tama tayeffust n Yillu. 20Dɣa
ffɣen, ttbecciren di yal amkan. Ssid ixeddem yid-sen, yerna yettwekkid-d awal-is s limarat
i t-ittrafaqen.
LINǦIL SƔUR LUQA

Tazwert
1Aṭas i yekkren uran tidyanin yeḍran gar-aneɣ, 2akken i aɣ-tent-id-ssawḍen iqeddacen n
wawal, widak-nni i asent-iḥedren si tazwara, walan-tent s wallen-nsen. 3Ula d nekk,
mbaɛd mi nudaɣ akken ilaq, wwḍeɣ armi d lɛinṣer, walaɣ belli d ayen yelhan ad ak-tent-
id-aruɣ akken i d-msetbaɛent, a Tawfilus aɛziz, 4i wakken ad teẓreḍ belli lehdur iwumi i
tesliḍ ṣeḥḥan.
Axebber s tlalit n Yuḥenna Aɣeṭṭaṣ
5
Di lweqt n Hirudus, agellid n Yahuda, illa yiwen n lmuqeddem, isem-is Zaxarya, si
terbaɛt n Abya; tameṭṭut-is, si yessi-s n Harun, isem-is Ilicabaɛ. 6I sin yid-sen, d iḥeqqiyen,
ṣfan zdat Yillu; ttabaɛen akken ilaq lumur akked lewṣayat n Ssid. 7Ur sɛin ara dderya,
axaṭer Ilicabaɛ d tiɛiqert, yerna meqqrit i sin di leɛmer.
8
Mi yella iqeddec zdat Yillu, di nnuba n terbaɛt-is, 9tṣaḥ-it-id tesɣart, akken yella di lɛadda
n lmuqeddmin, ad isserɣ lebxur. Dɣa yekcem ɣer ufakan n Ssid. 10Lɣaci merra n ugdud
llan di berra ttẓallan, di lweqt-nni n userɣi n lebxur. 11Iḍehr-as-d i Zaxarya yiwen n lmelk
n Ssid, ibedd ɣer tama tayeffust n uɛalṭar n lebxur. 12Mi t-iwala, Zaxarya yexleɛ, iɣli-d
fell-as lxuf. 13Meɛna lmelk-nni yenna-yas: "Ur ttaggad ara, a Zaxarya! Aɛenni-nni-inek
ittwaqebl-d. Tameṭṭut-ik Ilicabaɛ ad ak-d-tesɛu aqcic; ad as-tsemmiḍ Yuḥenna. 14Ad
tferḥeḍ yis-s aṭas. Aṭas ara iferḥen s tlalit-is. 15Ad yili d ameqqran zdat Ssid. Ur itess la
ccrab la ayen yettsekkiren. Ad iččar d Rruḥ Iqedsen si tɛebbuḍt n yemma-s. 16Ad d-yerr
ɣer Ssid, Illu-nsen, aṭas n wat Israyil. 17Ad ilḥu zdat Ssid s rruḥ akked tezmert n Ilya,
iwakken ad d-yerr ulawen n yibabaten ɣer dderya-nsen, imejhal ɣer ṣṣwab n yiḥeqqiyen,
iwakken ad d-iheggi i Ssid agdud iweǧden." 18Zaxarya yenna i lmelk-nni: "Amek ara
ɛeqleɣ ayagi? Aql-i d amɣar, yerna ula d tameṭṭut-iw meqqret di leɛmer." 19Lmelk-nni
yenṭeq, yenna-yas: "Nekk, d Gabriyil, i yettadden zdat Yillu; ttuceggɛeɣ-d iwakken ad ak-
hedreɣ, yerna ad k-id-xebbreɣ s lexbar-agi yelhan. 20Atan ad teggugmeḍ, ur tettizmireḍ
ara ad d-thedreḍ, alamma d asmi ara d-iḍru wayagi, axaṭer ur tumineḍ ara lehdur-iw ara d-
iḍrun di lawan-nsen." 21Agdud illa yettraǧu Zaxarya. Iwhem imi i iɛeṭṭel annect-nni deg
ufakan. 22Mi d-iffeɣ, ur izmir ara ad asen-d-ihder, dɣa fehmen belli yella wacu i as-d-
ittuweḥḥan deg ufakan. Ittwehhi-yasen kan, dɣa yeqqim akken iggugem. 23Mi kfan
wussan-is n leqdic, yuɣal s axxam-is. 24Kra n lweqt mbaɛd, tameṭṭut-is Ilicabaɛ terfed s
tadist. Teḥǧeb xemsa n wagguren. 25Tenna: "Atan d acu i yi-ixdem Ssid asmi i yi-d-iwala,
ikkes fell-i ddel zdat medden."
Axebber s tlalit n Yasuɛ
26
Aggur wis setta, lmelk Gabriyil ittuceggeɛ-d sɣur Yillu ɣer yiwet n temdint n Galil
iwumi i qqaren Naṣarit, 27ɣer yiwet n tɛezrit i yexḍeb yiwen n urgaz, isem-is Yusef, seg
uxxam n Dawed. Taɛezrit-nni isem-is Meryem. 28Lmelk-nni yekcem ɣur-s, yenna-yas:
"Sslam fell-am, a tin yufan lemzeyya! Ssid atan yid-m!" 29Mi tesla i lehdur-nni, texleɛ
yerna tettmeyyiz d acu-t sslam-nni. 30Lmelk yenna-yas: "Ur ttaggad, a Meryem! Tufiḍ
lemzeyya ɣer Yillu. 31Aql-ikem ad trefdeḍ s tadist, ad d-tesɛuḍ aqcic yerna ad as-tsemmiḍ
Yasuɛ. 32Ad yili d ameqqran, ad ittusemmi Mmi-s n Win Ɛlayen. Ssid Illu ad as-ifk
akersi n leḥkem n baba-s Dawed. 33Ad iḥkem axxam n Yeɛqub i dayem, yerna tageldit-
is ur tfennu ara." 34Meryem tenna i lmelk-nni: "Amek ara d-iḍru wayagi yili ur iṭṭiṣ ara
yid-i urgaz?" 35Lmelk inṭeq, inna: "Rruḥ Iqedsen ad d-ires fell-am, tazmert n Win Ɛlayen
ad am-terr tili. Akka, imqeddes-agi ara d-tesɛuḍ ad ittusemmi Mmi-s n Yillu. 36Ula d
Ilicabaɛ, tin akken i am-ittilin, terfed aqcic di tɛebbuḍt-is, di ccyub-is. Tin akken iwumi i
qqaren tiɛiqert attan deg waggur wis setta. 37Ulac d acu i iweɛren ɣef Yillu." 38Meryem
tenna-yas: "Aql-i d taqeddact n Ssid. Ad iḍru yid-i akken i t-id-tenniḍ!" Imiren lmelk-
nni yettaxxer fell-as.
39
Ussan-nni kan, Meryem tekker truḥ s tɣawla s adrar, ɣer yiwet n temdint n Yahuda.
40
Tekcem s axxam n Zaxarya dɣa tsellem ɣef Ilicabaɛ. 41Akken kan i tesla Ilicabaɛ i
sslam n Meryem, aqcic ifrawes di tɛebbuḍt-is, dɣa Ilicabaɛ teččur s Rruḥ Iqedsen.
42
Tenṭeq s ṣṣut ɛlayen, tenna: "Tettubarkeḍ gar tlawin! Ittubarek win ara d-tefk
tɛebbuḍt-im! 43Amek armi i d-terza ɣur-i yemma-s n Ssid-iw? 44Akken kan i d-iwweḍ
sslam-im ameẓẓuɣ-iw, aqcic ifrawes si lferḥ di tɛebbuḍt-iw. 45A sseɛd-im, kem
yumnen belli ad d-iḍru wayen i am-d-yenna Ssid."
Asefru n Meryem
46
Meryem tenna:
"Tarwiḥt-iw teḥmed Ssid;
47
Rruḥ-iw ifreḥ s Yillu, amsellek-iw, 48axaṭer iwala-d annuz n tqeddact-is.
Ssya d asawen, leǧyal merra ad iyi-qqaren: Taseɛdit!
49
Axaṭer Anezmar ixdem-iyi leɛǧayeb:
Isem-is d imqeddes.
50
rreḥma-s tettdumu si lǧil ɣer lǧil, i wid i t-ittaggaden.
51
Iteẓẓel-d iɣil-is iǧehden; issebruzzuɛ wid yeččuren d zzux deg wulawen-nsen.
52
Isrusu-d imeqqranen seg ukersi n leḥkem, ireffed wid yunzen.
53
Isseṛway wid yelluẓen s lxirat; imerkantiyen, ittarra-ten, ifassen d ilmawen.
54
Ittili ɣer tama n Israyil, aqcic-is; ittmekti-d d rreḥma-s,
55
Akken i t-inna i lejdud-nneɣ, i Abraham akked tarwa-s, i dayem."
56
Meryem teqqim yid-s azal n tlata n wagguren; mbaɛd tuɣal s axxam-is.
Talalit n Yuḥenna Aɣeṭṭaṣ
57
Lweqt ideg ara d-terbu Ilicabaɛ iḥder-d, dɣa tesɛa-d aqcic. 58Lǧiran-is, iqriben-is, slan
belli iɣat-itt-id Ssid s rreḥma-s, dɣa ferḥen yid-s. 59Ass wis tmanya, ruḥen ad as-sḍehren i
llufan. Bɣan ad as-semmin s yisem n baba-s: Zaxarya. 60Meɛna yemma-s tenṭeq, tenna:
"Ala, ad ittusemmi Yuḥenna." 61Nnan-as: "Ula d yiwen di twacult-im ur ittusemma s
yisem-agi." 62Wehhan-as i baba-s amek i yebɣa ad as-isemmi. 63Issuter talwiḥt dɣa yura
deg-s: "Yuḥenna i d isem-is." Wehmen akken ma llan. 64Imiren kan ildi yimi-s, iserreḥ
yiles-is; dɣa yebda ihedder, ittḥemmid Illu. 65Iɣli-d lxuf ɣef yimezdaɣ merra n lǧiha-nni.
Deg udrar merra n Yahuda, ḥekkun ɣef temsalt-agi. 66Wid akk yeslan s lehdur-agi, ḥerzen-
ten deg wul-nsen, qqaren: "D acu ara d-iffeɣ uqcic-agi?" Afus n Ssid yella fell-as.
Asefru n Zaxarya
67
Zaxarya, baba-s, iččur s Rruḥ Iqedsen, dɣa icar-d lehdur-agi:
68
"Ittubarek Ssid, Illu n Israyil!
Idla-d ɣef ugdud-is yerna iceggeɛ-as-d lefdi.
69
Issaki-d i nekni lbuq n leslak deg uxxam n Dawed, aqeddac-is.
70
D ayen i d-yenna seg yimi n lanbeyya-s imqeddsen si zik:
71
D wagi i d leslak ara aɣ-isellken seg yiɛdawen-nneɣ, seg ufus n wid akk i aɣ-ikerhen.
72
Ibeggen-d rreḥma-s i lejdud-nneɣ, immekta-d d lemɛahda-s iqedsen:
73
Limin-nni i yeggull i baba-tneɣ Abraham, ard ad aɣ-ixdem lemzeyya, 74Mbaɛd mi ara
aɣ-d-isellek seg ufus n yiɛdawen-nneɣ, ad t-neɛbed mebla lxuf, 75Ad neddu zdat-s s ṣṣfa
akked lḥeqq, ṭṭul n leɛmer-nneɣ.
76
Kečč, ay aqcic amecṭuḥ, ad tettusemmiḍ: Nnbi n Win Ɛlayen.
Ad telḥuḍ zdat Ssid, iwakken ad theggiḍ iberdan-is,
77
Ad tesfehmeḍ i ugdud-is belli leslak, s leɛfu n ddnubat-nsen,
78
S rreḥma tameqqrant n Yillu-nneɣ.
Yis-s ara d-icreq yiṭij fell-aɣ seg usawen,
79
I wakken ad ifeǧǧeǧ ɣef wid yellan di ṭṭlam, anda i terra lmut tili, iwakken ad iwelleh
iqeddimen-nneɣ deg ubrid n lehna."
80
Aqcic-nni amecṭuḥ ittnerni, ittimɣur di leɛqel. Ittɛici di ssḥari, armi d asmi i d-isbeggen
iman-is i Israyil.
Talalit n Yasuɛ di Bit-Liḥim
(Mt 1. 18-25; 2. 1)
2Di lweqt-nni, issufeɣ-d Qayṣer Ameqqran yiwen n lamer ad tettujerred ddunit merra.
2
Ajerred-agi amezwaru yeḍra-d mi yella Qirinyus d lḥakem n Surya.
3
Lɣaci merra ruḥen ad ttujerrden, yal yiwen di temdint-is. 4Ula d Yusef yuli-d si Galil, si
temdint n Naṣarit, ɣer Yahuda, ɣer temdint n Dawed, iwumi i qqaren Bit-Liḥim, axaṭer
netta seg uxxam n Dawed, seg udrum-is. 5Ittujerred netta d texḍibt-is Meryem, i yellan s
tadist. 6Mi llan dinna, iḥder-d lweqt ad d-terbu Meryem. 7Tesɛa-d mmi-s amenzu, tettel-it,
dɣa tessgen-it di lmedwed, axaṭer ur ufin ara amkan deg uxxam n yimsafren.
Lmalayek akked yimeksawen
8
Di tmurt-nni, llan imeksawen; ttilin di lexlawi, ttɛassan deg yiḍ ɣef tqeḍɛiyin-nsen. 9Atan
iḍher-asen-d yiwen n lmelk n Ssid. Lɛaḍima n Ssid tecceɛceɛ-d fell-asen; iṭṭef-iten yiwen
n lxuf, d ameqqran. 10Lmelk-nni n Ssid yenna-yasen: "Ur ttaggadet! Ad ken-id-xebbreɣ s
yiwen n lferḥ d ameqqran i ugdud merra: 11Ass-agi, ilul-awen-d umsellek di temdint n
Dawed: d Lmasiḥ n Ssid. 12Atan wamek ara t-tɛeqlem: ad tafem yiwen n llufan itel, iṭṭeṣ
di lmedwed." 13Imiren kan, d ahdum n lɛesker n yigenwan i d-irnan ɣer lmelk-nni;
ttḥemmiden Illu, qqaren:
14
"Lḥemd i Yillu deg yimukan ɛlayen, lehna di ddunit i yimdanen i iḥemmel!"
15
Mi ttaxxren fell-asen lmalayek-nni, uɣalen ɣer yigenni, imeksawen-nni nnan gar-asen:
"Kkret ad nruḥet ɣer Bit-Liḥim, ad nẓer tadyant-agi i d-iḍran, ayen akka i aɣ-d-yenna
Ssid." 16Ruḥen s tɣawla, dɣa ufan Meryem, Yusef akked llufan iṭṭeṣ di lmedwed. 17Mi t-
walan, ḥkan-d ayen i asen-d-yenna lmelk ɣef uqcic-nni. 18Wid merra yeslan wehmen
deg wayen akken i d-nnan imeksawen-nni. 19Meryem teḥrez ayagi merra, tettmeyyiz
fell-as deg wul-is. 20Imeksawen-nni uɣalen, ttḥemmiden Illu yerna ttcekkiren-t ɣef
wayen akk i slan d wayen i walan, seg wakken ufan kullec akken i asen-d-ittuxebber.
Ṭṭhara n Yasuɛ akked uqeddem-is i Yillu
21
Mi wwḍen tmanya n wussan, aqcic iḍher. Semman-as Yasuɛ, akken i as-isemma lmelk
uqbel ad t-terfed yemma-s di tɛebbuḍt-is. 22Mi wwḍen wussan-nni ilaqen i uṣeffi-nsen,
akken yella di ccariɛa n Musa, wwin-t ɣer Yarucalim iwakken ad t-qeddmen i Ssid,
23
akken yura di ccariɛa n Ssid: "Yal amenzu i d-icerrgen taɛebbuḍt n yemma-s ad ittwaɛzel
i Ssid", 24yerna ad fken tayuga n tmilla neɣ sin n yitbiren imecṭaḥ, d asfel, akken yura di
ccariɛa n Ssid.
25
Illa di Yarucalim yiwen n urgaz isem-is Cimɛun. Argaz-agi yellan d aḥeqqi yerna
yettaggad Illu, ittraǧu aṣebber n Israyil. Rruḥ Iqedsen illa fell-as. 26Rruḥ Iqedsen ixebber-
it-id belli ur ittmettat ara alamma iwala Lmasiḥ n Ssid. 27Rruḥ Iqedsen yewwi-t ɣer
ufakan. Meryem akked Yusef wwin ɣer dinna llufan-nsen Yasuɛ iwakken ad as-xedmen
akken yella di lɛadda n ccariɛa. 28Cimɛun iṭṭef-it gar yifassen-is, dɣa yeḥmed Illu, inna:
29
"Tura, a Sidi, serreḥ i uqeddac-ik ad iruḥ di lehna, akken i t-id-tenniḍ.
30
Allen-iw walant leslak-ik,
31
Leslak i d-theggaḍ i yigduden merra:
32
D tafat ara yeḍwin ɣef leǧnas, d ccan n ugdud-ik Israyil."
33
Baba-s akked yemma-s tɛeǧǧben deg wayen akken i d-yenna fell-as. 34Cimɛun iburek-
iten, dɣa yenna i yemma-s Meryem: "Wagi yettusbedd i uɣelluy neɣ i tnekra n waṭas di
Israyil, d limara ara qamren medden; 35Kemmini, ajenwi ad am-ijreḥ tasa-m, iwakken ad
d-ttwafeḍḥen yixemmimen n waṭas n wulawen.
36
Tella dinna yiwet n tmeṭṭut, d tanbitt, isem-is Ḥanna; d yelli-s n Fanwil, si lɛerc n Acir.
Meqqret aṭas di leɛmer, yerna sebɛa n yiseggasen kan i tɛac nettat d urgaz-is seg wasmi i
tedda ɣur-s d tislit, 37mbaɛd teǧǧel, tɛac weḥd-s armi d rebɛa utmanyin n yiseggasen di
leɛmer-is. Ur tettixxir ara seg ufakan; tqeddec dinna iḍ d wass, tettuẓum yerna tettẓalla.
38
Ula d nettat tewweḍ-d di teswiɛt-nni, dɣa tebda tettḥemmid Illu yerna thedder ɣef uqcic-
nni i wid merra yettraǧun lefdi n Yarucalim.
39
Mbaɛd mi xedmen ayen akk i d-tumer ccariɛa n Ssid, Yusef akked Meryem uɣalen ɣer
Galil, ɣer temdint-nsen Naṣarit. 40Aqcic ittimɣur, ittiǧhid; iččur d lekyasa. Nneɛma n Yillu
tettili fell-as.
Yasuɛ gar lecyux deg ufakan
41
Imawlan n Yasuɛ ttruḥun yal aseggas ɣer Yarucalim iwakken ad sɛeddin lɛid n Usuref.
42
Mi yessaweḍ tnac n yiseggasen di leɛmer-is, ulin ɣer Yarucalim, akken yella di lɛadda n
lɛid-nni. 43Mi kfan wussan n lɛid-nni, uɣalen. Yasuɛ iqqim di Yarucalim, yerna imawlan-is
ur d-rrin ara s lexbar, 44ɣilen netta d yirfiqen-nsen n ubrid i yella. Mbaɛd ass kamel n tikli,
bdan ttnadin fell-as gar yiqriben-nsen akked wid i ssnen. 45Seg wakken ur t-ufin ara,
uɣalen ɣer Yarucalim iwakken ad nadin fell-as. 46Mbaɛd tlata n wussan, ufan-t deg
ufakan, iqqim gar lecyux, ittḥessis-asen yerna yesteqsay-iten. 47Widak merra i yellan
ttḥessisen-as tɛeǧǧben di lefhama-s d wamek i d-ittǧawab. 48Mi t-walan imawlan-is,
wehmen deg-s; dɣa yemma-s tenna-yas: "A mmi, acuɣer i aɣ-txedmeḍ akka? Nekk d
baba-k nettnadi fell-ak, netḥeyyer." 49Inna-yasen: "Acuɣer i tettnadim fell-i? Ur teẓrim
ara? Ilaq ad d-lhiɣ d lecɣal n Baba." 50Meɛna ur fhimen ara ayen i asen-d-yenna.
51
Imiren iṣubb yid-sen, uɣalen ɣer Naṣarit; iḍuɛ-iten. Yemma-s teḥrez ayagi merra deg
wul-is. 52Yasuɛ ittnerni di leɛqel, di lqedd akked ḍrafa zdat Yillu akked yimdanen.
Ttebcira n Yuḥenna Aɣeṭṭaṣ
(Mt 3. 1-12; Mr 1. 1-8; Yn 1. 6-8, 15-17)
3Aseggas wis xemseṭṭac n tgeldit n Qayṣer-Tiberyus, Bunṭus Bilaṭus illa d lḥakem n
Yahuda, Hirudus, d lḥakem n Galil, gmas Filibus, d agellid n temnaḍt n Iturya akked
Traxunitis, ma d Lisanyas, d agellid n Abilini. 2Di lweqt n Ḥanan akked Kayafa,
lmuqeddmin imeqqranen, ittuweḥḥa-yas-d wawal n Yillu i Yuḥenna, mmi-s n Zaxarya,
deg uneẓruf. 3Iruḥ ɣer leǧwahi i d-izzin i wasif n Urdun, isawal s aɣḍaṣ n ttuba ɣef
ddemma n leɛfu n ddnubat, 4akken yura deg udlis n nnbi Icɛaya:
"D taɣect n win yettberriḥen deg uneẓruf:
Heggit abrid n Ssid;
Ṣeggmet iberdan-is.
5
Kra yellan d iɣẓer ad iččar,
Kra yellan d adrar neɣ d tiɣilt ad d-iṣubb;
Ayen iɛewjen ad iṣeggem,
Aḥecraruf ad yuɣal d luḍa.
6
Imdanen merra ad walin leslak n Yillu."
7
I lɣaci i d-ittruḥun iwakken ad ten-isseɣḍeṣ deg waman, iqqar: "A ssekka n lwafaɛ, anwa
i awen-d-iɛeggnen ad trewlem i wurrif i d-iteddun? 8Fket-d ttbut belli ttubem! Ur as-qqaret
ara: 'Nesɛa Abraham, d baba-tneɣ.'Ad awen-iniɣ: seg yiẓra-agi, Illu yezmer ad d-issufeɣ
dderya i Abraham. 9Attan tcaqurt tegguni s aẓar n ttjur: kra n ttejra ur d-nettak ara lfakya
lɛali, ad tettwagzem yerna ad tettwaḍegger ɣer tmes."
10
Lɣaci steqsayen-t, qqaren-as: "D acu ara nexdem ihi?" 11Inṭeq, yenna-yasen: "Win
yesɛan sin n yiqnedyar, ad ten-ifreq netta d win ur nesɛi ara. Win yesɛan lqut, ad ixdem
akken daɣen." 12ruḥen-d ɣur-s daɣen imekkasen iwakken ad ttwaɣeḍsen; nnan-as: "A
ccix, d acu ara nexdem?" 13Inna-yasen: "Ur ttaṭṭafet ara nnig wayen i d-iḥudd lqanun."
14
Iɛsekriwen daɣen steqsan-t; nnan-as: "I nekni, d acu ara nexdem?" Inna-yasen: "Ur
tɛeddayet ɣef yiwen! Ur sseḍlamet yiwen di lbaṭel! Setqenɛet s lexlaṣ-nwen."
15
Yuɣ lḥal, agdud illa yettraǧu; ttxemmimen merra deg wulawen-nsen ma d Yuḥenna i d
Lmasiḥ. 16Yuḥenna yenṭeq, yenna-yasen merra: "Nekk, sɣeḍṣeɣ-ken deg waman, meɛna
ataya yiwen, yugar-iyi; ur uklaleɣ ara ad as-fsiɣ ula d tinelwa n warkasen-is. Netta, ad
ken-isseɣḍeṣ di Rruḥ Iqedsen akked tmes. 17Iṭṭef tazzert-is deg ufus iwakken ad issizdeg
annar-is yerna ad d-ijmeɛ lḥebb-is ɣer uɛric; ma d alim, ad t-isserɣ di tmes ur nxessi." 18S
waṭas n lehdur-nniḍen, Yuḥenna yettbeccir Linǧil i ugdud, inehhu-ten. 19Meɛna lḥakem
Hirudus, i ilumm Yuḥenna ɣef Hirudyad, tameṭṭut n gma-s, akked tecmatin merra i
yexdem, 20iseqqef-itent: irra Yuḥenna ɣer lḥebs.
Aɣḍaṣ n Yasuɛ
(Mt 3. 13-17; Mr 1. 9-11)
21
Mi yettwaɣḍeṣ ugdud merra, ula d Yasuɛ ittwaɣḍeṣ. 22Mi yella yettẓalla, igenni yeldi,
dɣa yers-d fell-as Rruḥ Iqedsen s ṣṣifa n yitbir. Tekka-d yiwet n taɣect seg yigenni, tenna-
d: "Kečč, d mmi ameɛzuz, yis-k i ferḥeɣ."
Ttajira n Yasuɛ
(Mt 1. 1-16)
23
Seg imiren i yebda Yasuɛ ccɣel-is, mi yesɛa azal n tlatin n yiseggasen di leɛmer-is. Lɣaci
qqaren belli netta, d mmi-s n Yusef, 24mmi-s n Ɛili, mmi-s n Matat, mmi-s n Lewwi, mmi-
s n Malki, mmi-s n Yanay, mmi-s n Yusef, 25mmi-s n Matitya, mmi-s n Ɛamuṣ, mmi-s n
Naḥum, mmi-s n Ḥasli, mmi-s n Nagay, 26mmi-s n Maḥat, mmi-s n Matitya, mmi-s n
Cimɛi, mmi-s n Yusef, mmi-s n Yahuyadaɛ, 27mmi-s n Yuḥenna, mmi-s n Riyca, mmi-s n
Zarubabil, mmi-s n Caltiyil, mmi-s n Niri, 28mmi-s n Malki, mmi-s n Adi, mmi-s n
Qusam, mmi-s n Ilmadan, mmi-s n Ɛir, 29mmi-s n Yacuɛa, mmi-s n Iliɛizir, mmi-s n
Yurim, mmi-s n Matat, mmi-s n Lewwi, 30mmi-s n Cimɛun, mmi-s n Yahuda, mmi-s n
Yusef, mmi-s n Yuna, mmi-s n Ilyaqim, 31mmi-s n Malya, mmi-s n Mina, mmi-s n
Matata, mmi-s n Natan, mmi-s n Dawed, 32mmi-s n Icay, mmi-s n Ɛubid, mmi-s n Buɛaz,
mmi-s n Cilaḥ, mmi-s n Naḥcun, 33mmi-s n Ɛaminadab, mmi-s n Admin, mmi-s n Arni,
mmi-s n Ḥiṣrun, mmi-s n Firiṣ, mmi-s n Yahuda, 34mmi-s n Yeɛqub, mmi-s n Isḥaq,
mmi-s n Abraham, mmi-s n Tiraḥ, mmi-s n Naḥur, 35mmi-s n Sarug, mmi-s n Raɛu,
mmi-s n Filig, mmi-s n Ɛibir, mmi-s n Cilaḥ, 36mmi-s n Kayinam, mmi-s n Arfaxcad,
mmi-s n Cim, mmi-s n Nuḥ, mmi-s n Limix, 37mmi-s n Matucilaḥ, mmi-s n Ḥanux, mmi-
s n Yirid, mmi-s n Mahalalil, mmi-s n Kayinam, 38mmi-s n Anux, mmi-s n Cit, mmi-s n
Adam, mmi-s n Yillu.
Ajerreb n Yasuɛ deg uneẓruf
(Mt 4. 1-11; Mr 1. 12-13)
4Yasuɛ yuɣal-d seg wasif n Urdun, iččur d Rruḥ Iqedsen. 2Yewwi-t Rruḥ s aneẓruf, anda i
t-ijerreb Cciṭan rebɛin n wussan. Ur ičči acemma ussan-nni merra. Mi ɛeddan, illuẓ.
3
Cciṭan yenna-yas: "Ma d Mmi-s n Yillu i telliḍ, ini i uẓru-agi ad d-yuɣal d aɣrum."
4
Yasuɛ irra-yas: "Yura: 'Mačči s uɣrum kan ara yidir umdan.'" 5Cciṭan issuli-t d asawen,
issken-as-d deg yiwet n teswiɛt kan tigeldiwin merra n ddunit, 6dɣa yenna-yas: "Ad ak-
fkeɣ ssleṭna ɣef tgeldiwin-agi akked ccan-nsent. Tettunefk-iyi-d yerna ttakeɣ-tt i win i yi-
ihwan. 7Kečč, ma tseǧǧdeḍ zdat-i, attan ɣur-k merra." 8Yasuɛ inṭeq, yenna-yas: "Yura: 'I
Ssid, Illu-yik, ara tseǧǧdeḍ, d netta kan ara tɛebdeḍ.'" 9Yewwi-t ɣer Yarucalim, isbedd-it
sufella n ufakan, dɣa yenna-yas: "Ma d Mmi-s n Yillu i telliḍ, ḍegger iman-ik ssyagi d
akkessar; 10axaṭer yura: 'Ad yamer i lmalayek-is ad ɛassen fell-ak.'11Yura daɣen: 'Ad k-
refden deg yiɣallen-nsen, iwakken ur k-ikkat ara wugur.'" 12Yasuɛ inṭeq, yenna-yas: "Inna-
d: 'Ur ttjerrib ara Ssid, Illu-yik.'" 13Mbaɛd mi t-ijerreb s yal ajerreb, Cciṭan ittaxxer fell-as
armi d tikkelt-nniḍen.
Yasuɛ di Naṣarit
(Mt 4. 12-17; Mr1. 14-15)
14
Yasuɛ yuɣal-d ɣer Galil, iččur d tazmert n Rruḥ Iqedsen. Iffeɣ lexbar fell-as di leǧwahi
merra n tmurt-nni. 15Isselmad di leǧwameɛ, yerna ttɛuzzun-t medden merra.
16
Iruḥ ɣer Naṣarit, anda akken i d-ikker; mi d-iwweḍ wass n usteɛfu, ikcem ɣer ufakan,
akken yuɣ tanummi. 17Ikker ad d-iɣer, dɣa fkan-as-d adlis n nnbi Icɛaya. Ildi adlis-nni,
yufa amkan-nni anda yura:
18
Rruḥ n Ssid atan fell-i;
Idhen-iyi ad beccreɣ Linǧil i yimeɣban,
Iceggeɛ-iyi-d ad berrḥeɣ i yimerhan tilelli, ad iniɣ i yiderɣalen: Walit!
Ad beccreɣ tilelli i wid yettwaɛeṣren, 19Yerna ad berrḥeɣ aseggas n nneɛma sɣur Ssid.
20
Mi yeɣleq adlis-nni, irra-yas-t i uqeddac dɣa yeqqim. Allen n wid merra yellan di
lǧameɛ-nni wehhant ɣur-s. 21Inna-yasen: "Ass-agi, awal-agi iwumi i d-teslam, iḍra-d."
22
Akken ma llan ttcehhiden yis-s; tɛeǧǧben di lehdur yesɛan sserr, i d-iffɣen seg yimi-s.
Qqaren: "D mmi-s n Yusef, wagi, neɣ ala?" 23Inna-yasen: "Ẓriɣ belli ad iyi-d-tawim
lemtel-agi: 'A ṭṭbib, sseḥlu iman-ik!' Neɣ: 'Ayen akk i nesla txedmeḍ-t di Kafar-Naḥum,
xdem-it daɣen dagi, di tmurt-ik!'" 24Inna-yasen: "Amin, ad awen-iniɣ, ulac nnbi
yettwaqeblen di tmurt-is. 25D tidet, aṭas n tuǧǧal i yellan di Israyil, di lweqt n Ilya, mi
akken yeɣleq igenni tlata n yiseggasen akked setta n wagguren. Iɣli-d yiwen n laẓ ɣef
tmurt, d ameqqran. 26Ɣas akken, Ilya ur ittuceggeɛ ula ɣer yiwet deg-sent, siwa ɣer yiwet
n taǧǧalt yettilin di Surfat n Ṣidun. 27Aṭas n yiberṣiyen i yellan di Israyil, di lweqt n nnbi
Ilicaɛ; meɛna, yiwen deg-sen ur iḥli, siwa Naɛaman Asuri." 28Mi slan i lehdur-agi, widak
merra yellan di lǧameɛ rfan mliḥ. 29Kkren, telfen-t berra n temdint, dɣa wwin-t armi d
taqacuct n udrar iɣef tebna temdint-nsen, iwakken ad t-id-ḍeggren d akkessar. 30Meɛna
Yasuɛ iɛedda gar-asen, iruḥ.
Yasuɛ issufeɣ leǧnun di Kafar-Naḥum
(Mr 1. 21-28)
31
Iṣubb ɣer Kafar-Naḥum, yiwet n temdint n Galil; isselmad dinna deg wussan n usteɛfu.
32
Lɣaci tɛeǧǧben deg uselmed-is, axaṭer awal-is isɛa lhiba. 33Di lǧameɛ, yiwen n urgaz
yesɛan yiwen n rruḥ ameɛfun iɛeggeḍ s lqedd n ugerjum-is: 34"Aah! D acu yellan gar-aɣ
yid-k, a Yasuɛ Anaṣari? Truḥeḍ-d iwakken ad aɣ-tesnegreḍ. Ẓriɣ anwa-k: d Imqeddes n
Yillu." 35Yasuɛ iɛeggeḍ fell-as, yenna-yas: "Susem! Ffeɣ seg urgaz-agi!" Aruḥani-nni
yessexnunes di tlemmast-nsen argaz-nni, dɣa yeffeɣ-it, mebla ma iḍurr-it. 36Dɣa teɣli-d
rrehba fell-asen merra; qqaren gar-asen: "D acu-tt tedyant-agi? D acu-tt lhiba-agi, d acu-tt
tezmert-agi! Ittamer i lerwaḥ imeɛfan, dɣa teffɣen!" 37Imiren isem-is yuɣ-d akk timura n
leǧwahi-nni.
Yasuɛ isseḥla taḍeggalt n Buṭrus akked yimuḍan-nniḍen
(Mt 8. 14-17; Mr 1. 29-34)
38
Mi d-iffeɣ si lǧameɛ, iruḥ s axxam n Cimɛun. Yuɣ lḥal, taḍeggalt n Cimɛun, tekker-as
tawla; dɣa ḥellen-t ad tt-isseḥlu. 39Ikna ɣur-s, iɛeggeḍ ɣef tawla-nni, dɣa teffeɣ-itt. Imiren
kan, tekker teqdec-asen-d.
40
Mi yeɣli yiṭij, wid merra yesɛan imuḍan yuḍnen yal aṭṭan wwin-as-ten-id. Isers ifassen-
is ɣef yal yiwen deg-sen dɣa yesseḥla-ten. 41Llan daɣen leǧnun i yeffɣen seg waṭas n
lɣaci, ttɛeggiḍen, qqaren: "Kečč, d Mmi-s n Yillu!" Meɛna netta yettɛeggiḍ fell-asen, ur
ten-ittaǧǧa ara ad d-hedren, axaṭer ẓran belli, d Lmasiḥ i yella.
42
Akken kan yuli wass, iffeɣ, iruḥ ɣer yiwen n umkan yexlan. Lɣaci ttnadin fell-as,
wwḍen armi d ɣur-s; ṭṭfen-t iwakken ur ittixxir ara fell-asen. 43Meɛna yenna-yasen: "Ilaq
ad beccreɣ tagelda n Yillu ula i temdinin-nniḍen; ɣef wayagi i d-ttuceggɛeɣ." 44Dɣa iruḥ
ittbeccir di leǧwameɛ n Yahuda.
Yasuɛ isawel i yinelmaden-is imezwura
(Mt 4. 18-22; Mr 1. 16-20; Yn 1. 35-51)
5Mi yella Yasuɛ rrif n ugelmim n Ganisarat, lɣaci ttemdeḥḥasen, zzin-as-d, iwakken ad
slen i wawal n Yillu. 2Iwala snat n teflukin rrif n ugelmim, ṣubben-d seg-sent yiṣeggaden
n lḥut iwakken ad ssirden icebbaken-nsen. 3Irkeb deg yiwet si teflukin-nni, tin n Cimɛun,
dɣa yenna-yas ad issebɛed cwiṭ ɣef rrif. Iqqim di teflukt-nni dɣa yesselmad-d lɣaci
ssyenna. 4Mi yekfa lhedra, yenna i Cimɛun: "Aẓ s amkan lqayen tḍeggrem icebbaken-
nwen iwakken ad d-tṣeggdem!" 5Cimɛun inṭeq, yenna-yas: "A Ccix, neɛteb iḍ kamel ur
d-neṭṭif acemma; meɛna, imi i t-id-tenniḍ, aql-i ad ḍeggreɣ icebbaken." 6Ḍeggren-ten, dɣa
ṭṭfen-d ahdum n lḥut, armi qrib ad qqersen yicebbaken-nsen. 7Wehhan i yirfiqen-nsen
yellan di teflukt-nniḍen, iwakken ad d-ruḥen ad ten-ɛiwnen. Ruḥen-d dɣa ččuren snat n
teflukin-nni, armi qrib i zrent. 8Mi iwala ayen-nni, Cimɛun-Buṭrus iɣli ɣer tgecrar n
Yasuɛ, dɣa yenna: "Bɛed akkin fell-i! Nekk, d amednub, a Sidi!" 9Teṭṭef-it lxelɛa, netta d
wid yellan yid-s, imi i d-ṭṭfen annect-nni n lḥut. 10Ula d icriken n Cimɛun, Yeɛqub akked
Yuḥenna, arraw n Zabdi, xelɛen. Yasuɛ yenna i Cimɛun: "Ur ttagad ara! Ssya d asawen, d
imdanen ara d-tettṣeggideḍ." 11Rran-d tiflukin-nsen ɣer lberr, ǧǧan kullec dɣa tebɛen-t.
Ḥellu n yiwen n uberṣi
(Mt 8. 2-4; Mr 1. 40-45)
12
Mi yella Yasuɛ deg yiwet n temdint, iwala-t yiwen n urgaz yeččuren d lberṣ, dɣa yeɣli
ɣef wudem, iḥellel-it, yenna-yas:"A Sidi, ma tebɣiḍ, tzemreḍ ad iyi-terreḍ ṣfiɣ." 13Yasuɛ
iẓẓel afus-is, innul-it, dɣa yenna-yas: "Bɣiɣ, ṣfu!" Imiren kan, iffeɣ-it lberṣ-nni. 14Yasuɛ
yumer-as ur iḥekku i yiwen. Meɛna yenna-yas: "Ruḥ ɣer lmuqeddem ad k-iwali, tefkeḍ
ɣef ṣeffu i teṣfiḍ ayen i d-icreḍ Musa, d cchada i nutni." 15Simmal iteffeɣ wawal fell-as di
tmurt. Lɣaci ttruḥun-d d ihedman iwakken ad as-slen yerna ad ten-isseḥlu si lehlakat-
nsen. 16Meɛna, netta yettruḥu ɣer yimukan yexlan, ittẓalla.
Ḥellu n yiwen n wukrif

(Mt 9. 2-8; Mr 2. 3-12)
17
Yiwen n wass, Yasuɛ illa yesselmad. Ifarisiyen akked Imusnawen n ccariɛa ruḥen-d si
tuddar merra n Galil, si Yahuda akked Yarucalim, qqimen dinna. Tazmert n Ssid tban-d s
useḥlu i yessaḥlay. 18Atnaya kra n yirgazen wwin-d yiwen n urgaz deg wusu, axaṭer ikref.
Ttnadin amek ara t-skecmen iwakken ad t-sersen zdat Yasuɛ; 19meɛna ur ufin ara amek
ara t-sɛeddin, seg wakken aṭas n lɣaci i yellan. Ulin ɣef ssqef, kksen kra n yiqermuden,
dɣa ṣubben-t-id deg wusu-s ɣer tlemmast n uxxam, ɣer zdat Yasuɛ. 20Mi iwala liman-
nsen, Yasuɛ inna: "Ay argaz, ttwaɛfan-ak ddnubat-ik!" 21Imusnawen n ccariɛa akked
Ifarisiyen bdan sgermuden, qqaren: "Anwa-t wagi i ikefren akka? Anwa i izemren ad iɛfu
ddnubat, ma mačči d Illu kan?" 22Yasuɛ, yessnen ixemmimen-nsen, inṭeq, inna: "Acuɣer
i tettxemmimem akka deg wulawen-nwen? 23D acu i isehlen, ad t-iniɣ:'Ttwaɛfan-ak
ddnubat-ik', neɣ: 'Kker telḥuḍ'? 24Ihi, iwakken ad teẓrem belli Mmi-s n umdan isɛa
tazmert, di lqaɛa-agi, ad iɛfu ddnubat…" Inna i wukrif-nni: "Nniɣ-ak: kker, ddem usu-k
truḥeḍ s axxam-ik!" 25Imiren kan, ikker zdat-sen, iddem usu-nni ideg iẓẓel, dɣa iruḥ s
axxam-is, ittḥemmid Illu. 26Wid merra yellan dinna tɛeǧǧben, yerna ttḥemmiden Illu;
ikcem-iten lxuf, qqaren: "Ass-agi, nwala leɛǧayeb!"
Yasuɛ issawel i Lewwi (Matta)
(Mt 9. 9; Mr 2. 13-14
27
Mbaɛd ayagi, Yasuɛ iffeɣ-d; iwala yiwen n umekkas, isem-is Lewwi, iqqim anda i
ttxelliṣen lmeks. Inna-yas: "Tbeɛ-iyi-d!"28Imiren kan, yegga kullec, dɣa yekker itbeɛ-it.
29
Lewwi ixdem-as-d yiwet n tremt lɛali deg uxxam-is; llan dinna daɣen aṭas n yimekkasen
akked lɣaci-nniḍen i itetten yid-sen ɣer ṭṭabla. 30Ifarisiyen akked Imusnawen-nsen n
ccariɛa segremden, dɣa nnan-asen i yinelmaden-is: "Acuɣer i tettettem, tettessem kenwi d
imekkasen akked yimednuben?" 31Yasuɛ inṭeq, inna: "Mačči d wid iṣeḥḥan i yeḥwaǧen
ṭṭbib, meɛna d wid ihelken! 32Ur d-usiɣ ara ad siwleɣ i yiḥeqqiyen ɣer ttuba, meɛna i
yimednuben."
33
Lɣaci nnan-as: "Inelmaden n Yuḥenna, am wid n Ifarisiyen, ttuẓumen aṭas, ttẓallan aṭas
daɣen; ma d inelmaden-ik, tetten yerna tessen!" 34Yasuɛ yenna-yasen: "Tzemrem eɛni ad
tḥettmem inebgawen n tmeɣra ad uẓumen mi ara yili yid-sen yesli? 35Ad d-asen wussan
ideg ara asen-ittwakkes yesli, imiren ad uẓumen ussan-nni."
Tafawet akked yiyeddiden ijdiden
(Mt 9. 16-17; Mr 2. 21-22)
36
Yewwi-yasen-d daɣen tamɛayt-agi: "Yiwen ur d-ittcerrig tafawet seg uceṭṭiḍ ajdid
iwakken ad tt-yerr i uceṭṭiḍ aqdim; neɣ ma ulac, aceṭṭiḍ-nni ajdid ad icerreg, yerna tafawet
ur tettarra ara ɣef uceṭṭiḍ-nni aqdim. 37Daɣen, yiwen ur ismaray ccrab ajdid deg
yiyeddiden iqdimen; neɣ ma ulac, ccrab-nni ajdid ad ifelleq iyeddiden: ccrab ad inɣel,
iyeddiden ad xeṣren. 38Ccrab ajdid, ilaq ad immir ɣer yiyeddiden ijdiden. 39Win yeswan
ccrab aqdim, ur as-d-ihebbu ara ujdid, axaṭer ad yini: 'D aqdim i yelhan'."
Yasuɛ akked wass n usteɛfu
(Mt 12. 1-8; Mr 2. 23-28)

6Deg wass n usteɛfu wis sin mbaɛd amezwaru, Yasuɛ iɛedda seg yigran n yirden.
Inelmaden-is tekksen-d tigedrin, tetten-tent mbaɛd mi tent-ssefrurin deg yifassen-nsen.
2
Kra n Ifarisiyen nnan-asen: "Acuɣer i txeddmem ayen ur nlaq ara deg wass n usteɛfu?"
3
Yasuɛ inṭeq, yenna-yasen: "Ur teɣrim ara d acu i yexdem Dawed, asmi yelluẓ netta d
yirfiqen-is yellan yid-s? 4Ikcem s axxam n Yillu, iddem-d aɣrum imqeddes, ičča, yerna
yefka seg-s i wid yellan yid-s, ɣas akken d lmuqeddmin kan i ilaqen ad t-ččen." 5Imiren
yenna-yasen: "Mmi-s n umdan, d Ssid ula n wass n usteɛfu."
Yasuɛ isseḥla yiwen n urgaz deg wass n usteɛfu

(Mt 12. 9-13; Mr 3. 1-5)
6
Yiwen n wass-nniḍen n usteɛfu, Yasuɛ ikcem ɣer ufakan dɣa yesselmad. Illa dinna yiwen
n urgaz, afus-is ayeffus iqqur. 7Imusnawen n ccariɛa akked Ifarisiyen ttɛassan Yasuɛ mad
t-isseḥlu deg wass n usteɛfu, iwakken ad d-afen d acu ara d-gran fell-as. 8Meɛna netta
yessen ixemmimen-nsen. Inna i urgaz-nni bu ufus yeqquren: "Kker, bedd dagi, di
tlemmast." Imiren argaz-nni yekker, ibedd. 9Yasuɛ yenna-yasen: "Ad ken-steqsiɣ: Deg
wass n usteɛfu, ilaq ad nexdem ayen yelhan neɣ ayen n diri? Ad d-nsellek tarwiḥt neɣ ad
tt-neǧǧ ad temmet?" 10Imuqel-iten d tirni, mbaɛd yenna i urgaz-nni: "Ḍleq afus-ik!"
Ixdem akken, dɣa afus-is iḥla. 11Meɛna nutni rfan mliḥ, dɣa bdan heddren gar-asen amek
ara as-xedmen i Yasuɛ.
12
Di lweqt-nni, Yasuɛ yuli s adrar iwakken ad iẓẓal; isɛedda iḍ kamel, netta ideɛɛu ɣer
Yillu. 13Mi yuli wass, isawel i yinelmaden-is, dɣa yextar-d seg-sen tnac, iwumi i isemma
Imceggɛen: 14Cimɛun, iwumi i isemma Buṭrus, akked gmas Andriyus, Yeɛqub akked
Yuḥenna, Filibus akked Bar-Talmay, 15Matta akked Tuma, Yeɛqub, mmi-s n Ḥalfay,
akked Cimɛun, iwumi i qqaren Awaṭani, 16Yahuda, mmi-s n Yeɛqub, akked Yahuda n
Qiryut, i yuɣalen d axeddaɛ.
17
Iṣubb-d yid-sen, dɣa yeḥbes deg yiwen n ugni. Llan dinna aṭas n yinelmaden-is akked
uhdum n lɣaci si Yahuda merra, si Yarucalim akked sswaḥel n Ṣur akked Ṣidun. 18Ruḥen-
d iwakken ad as-slen, yerna ad ḥlun si lehlakat-nsen. Ula d wid i smermden lerwaḥ
imeɛfan ḥlan. 19Lɣaci merra ttnadin ad t-nnalen, axaṭer tetteffeɣ-d seg-s tezmert dɣa
tesseḥlay-iten merra.
Sseɛd n ṣṣeḥḥ
(Mt 5-7)
20
Yasuɛ irfed allen-is ɣer yinelmaden-is, yenna-yasen:
"A sseɛd-nwen, ay imeɣban!
Tagelda n Yillu, d ayla-nwen!
21
A sseɛd-nwen, kenwi yelluẓen tura! Ad tuɣalem ad teṛwum!
A sseɛd-nwen, kenwi yettrun tura!
Ad tuɣalem ad teḍṣem!
22
A sseɛd-nwen, mi ara ken-kerhen yimdanen, mi ara ken-qeccɛen, mi ara ken-regmen, ad
ssexnunsen isem-nwen, amzun d lɛar, ɣef ddemma n Mmi-s n umdan!

23
Ferḥet ass-nni, ceḍḥet si lferḥ! Lajer-nwen meqqer deg yigenni! Akka i xedmen lejdud-
nsen i lanbeyya.
24
Ma d kenwi, ay imerkantiyen, a tawaɣit-nwen! Axaṭer tewwim yakan nnṣib-nwen n
liser.
25
A tawaɣit-nwen, a wid yeṛwan tura! Axaṭer ad tuɣalem ad tellaẓem!
A tawaɣit-nwen, a wid yettaḍṣan tura! Axaṭer ad d-iɣli fell-awen leḥzen, ad tettrum!
26
A tawaɣit-nwen, mi ara ken-ttcekkiren akk medden!
Axaṭer akka i xedmen lejdud-nsen i lanbeyya n lekdeb!
27
Meɛna, i kenwi i yi-d-ittḥessisen, ad awen-iniɣ: Ḥemmlet iɛdawen-nwen, xedmet lxir i
wid i ken-ikerhen! 28Barket wid i ken-ittneɛɛilen, ẓẓallet ɣef wid i ken-ittcemmiten!
29
Win i k-iwten ɣer lḥenk, mekken-as wayeḍ! Win i k-iddmen abernus-ik, ur as-ttekkes
ara aqendur-ik! 30Efk i kra n win i ak-d-issutren! Win i k-ikksen cci-k, ur ssutur ara ad
ak-t-id-yerr! 31Xedmet i wiyaḍ akken i tebɣam ad awen-xedmen. 32Ma yella d wid kan i
ken-iḥemmlen i tḥemmlem, d acu n lemzeyya i txedmem? Ula d imednuben ḥemmlen
wid i ten-iḥemmlen! 33Ma yella txeddmem lxir i widak kan i awen-ixeddmen lxir, d acu
n lemzeyya i txedmem? Ula d imednuben xeddmen akka! 34Ma yella treḍlem i wid kan
ideg tḍemɛem ad awen-t-id-rren, d acu n lemzeyya i txedmem? Ula d imednuben reṭṭlen
i yimednuben, iwakken ad asen-t-id-rren! 35Ḥemmlet iɛdawen-nwen, xedmet lxir, reḍlet
mebla ma turgam ad awen-d-yuɣal. Lajer-nwen ad yili meqqer yerna ad tilim d arraw n
Yillu Ɛlayen, axaṭer netta yelha akked yinekkaren n leḥsan d yimcumen. 36Ilit d iḥninen,
akken i yeḥnin Baba-twen.
37
Ur ttḥasabet ara, ur tettuḥasabem ara. Ur ḥekkmet ara ɣef wiyaḍ, ur ḥekkmen ara fell-
awen. Semmḥet, ad tettwasemmḥem. 38Fket, ad awen-d-ittunefk: ad awen-d-smiren ɣer
yirebbi-nwen lkil yelhan, yeččuren, yessden, alamma yeffel-d; axaṭer ad awen-ktilen s
lkil swayes i tektalem."
39
Yewwi-yasen-d daɣen lemtel-agi. Inna-yasen: "Izmer uderɣal ad iṭṭef afus i uderɣal? Ur
ɣellin ara i sin ɣer tesraft? 40Ulac anelmad i iɛeddan ccix-is; meɛna yal anelmad, ɣer
taggara, ad yuɣal am ccix-is.
41
Tettwaliḍ axeclaw yellan di tiṭ n gma-k, meɛna ajgu yellan di tiṭ-ik, keččini, ur as-d-terriḍ
ara s lexbar! 42Amek ara as-tiniḍ i gma-k: 'A gma, eǧǧ-iyi ad d-kkseɣ axeclaw yellan di
tiṭ-ik', yili kečč ur twalaḍ ara ajgu yellan di tiṭ-ik? A bu sin n wudmawen, kkes-d qbel ajgu
yellan di tiṭ-ik, imiren ad twaliḍ amek ara d-tekkseḍ axeclaw si tiṭ n gma-k.
43
Ttejra yelhan ur d-tettak ara lfakya n diri; akken daɣen, ttejra n diri ur d-tettak ara lfakya
yelhan. 44Yal ttejra tettwaɛqal s lfakya-s: ur d-ntekkes ara tibexsisin seg yisennanen; ur d-
ntekkes ara tiẓurin seg yinijel. 45Amdan yelhan issufuɣ-d ayen yelhan seg ugerruj yelhan
n wul-is; amcum issufuɣ-d ayen n diri seg wul-is amcum. D ayen i yeččuren ul i d-iqqar
yimi.
46
Acuɣer i yi-tsawalem: 'Sidi! Sidi!', meɛna ur txeddmem ara ayen i d-qqareɣ? 47Win i d-
iruḥen ɣur-i, ittḥessis i lehdur-iw yerna yettarra-ten d lfeɛl, ad awen-d-mleɣ ɣer wacu i
icuba. 48Icuba amdan yebnan axxam. Mbaɛd mi yeɣza mliḥ, isers lsas ɣef uẓru.
Ḥemmlen-d waman, inefl-d wasif ɣef uxxam-nni, meɛna ur issaweḍ ara ad t-issenquqel,
axaṭer ibna akken ilaq. 49Win yettḥessisen meɛna ur ifeɛɛel ara yecba amdan yebnan
axxam ɣef wakal, mebla lsas. Inefl-d fell-as wasif; dɣa ihudd deg yiwet n teswiɛt; tawaɣit
i d-iɣlin ɣef uxxam-nni meqqret!
Yasuɛ isseḥla aqeddac n yiwen n lqebṭan Arumani
(Mt 8. 5-13)
7Mbaɛd mi yekfa awal zdat lɣaci-nni i as-d-ittḥessisen, Yasuɛ ikcem ɣer Kafar-Naḥum.
2
Illa dinna yiwen n uqeddac n yiwen n lqebṭan n terbaɛt n meyya yuḍen mliḥ, yerna ɛziz
fell-as. 3Mi yesla lqebṭan-nni s Yasuɛ, iceggeɛ ɣur-s kra seg yimeqqranen n
Iyahudiyeniwakken ad t-ḥellen ad iruḥ ad isseḥlu aqeddac-is. 4Mi wwḍen ɣer Yasuɛ,
ḥellen-t aṭas, nnan-as: "Yuklal ad as-txedmeḍ lxir-agi. 5Iḥemmel tamurt-nneɣ, yerna d
netta i aɣ-ibnan lǧameɛ-nneɣ."
6
Yasuɛ iruḥ yid-sen. Mi qrib ad yaweḍ s axxam, lqebṭan-nni n terbaɛt n meyya iceggeɛ
irfiqen-is iwakken ad as-inin: "A Sidi, ur sɛettib ara iman-ik! Ur uklaleɣ ara ad d-
tkecmeḍ axxam-iw. 7Ɣef wayagi daɣen ur n-ruḥeɣ ara nekk ɣur-k. Ini-d kan yiwen n
wawal, aqeddac-iw ad iḥlu. 8Nekk, d argaz yesɛan win i yi-iḥekmen, yerna sɛiɣ daɣen
lɛesker i ḥekmeɣ. Ad iniɣ i yiwen: 'Ruḥ', ad iruḥ; i wayeḍ: 'Yya', ad d-iruḥ; i uqeddac-
iw: 'Xdem aya', ad t-ixdem." 9Mi yesla i lehdur-is, Yasuɛ itɛeǧǧeb deg-s. Izzi ɣer lɣaci i
t-id-ittabaɛen dɣa yenna: "Ad awen-iniɣ: ur ufiɣ ara di Israyil liman am wagi." 10Mi
uɣalen s axxam, irgazen-nni i iceggeɛ lqebṭan ufan aqeddac-nni yuḍnen iḥla.
Ḥeggu n mmi-s n yiwet n taǧǧalt n Nayin
11
Azekka-nni, Yasuɛ iruḥ ɣer yiwet n temdint iwumi i qqaren Nayin; aṭas seg yinelmaden-
is akked lɣaci i yeddan yid-s. 12Mi yewweḍ ɣer tewwurt n temdint, imlal-d d lɣaci, wwin-
d lmegget, d aqcic awḥid n yiwet n taǧǧalt; aṭas n lɣaci n temdint-nni i d-iddan yid-s. 13Mi
tt-iwala Ssid, tergagi-d tasa-s; yenna-yas: "Ur ttru ara!" 14Iqerreb dɣa yennul nnaɛc; wid i
irefden nnaɛc-nni ḥebsen. Inna: "Ay aqcic, nniɣ-ak: kker!" 15Lmegget-nni yeqqim-d ɣef
yiman-is dɣa yebda ihedder. Yasuɛ ifka-yas-t i yemma-s. 16Ikecm-iten akk lxuf;
ttḥemmiden Illu, qqaren: "Ikker-d gar-aneɣ yiwen n nnbi, d ameqqran! Illu yedla-d ɣef
ugdud-is!"
17
Iffeɣ lexbar fell-as di Yahuda merra akked tmura i d-izzin.
Asteqsi n Yuḥenna Aɣeṭṭaṣ
(Mt 11. 1-19)
18
Yuḥenna, xebbren-t yinelmaden-is ɣef wayen akk yeḍran. 19Yuḥenna isawel i sin seg
yinelmaden-is, dɣa iceggeɛ-iten ɣer Ssid iwakken ad as-inin: "D kečč i d win akken ara d-
iruḥen, neɣ ad nerǧu wayeḍ?" 20Mi wwḍen ɣur-s, nnan-as: "Yuḥenna Aɣeṭṭaṣ iceggeɛ-aɣ-
d ɣur-k, ad ak-iqqar: 'D kečč i d win akken ara d-iruḥen, neɣ ad nerǧu wayeḍ?'" 21Di
teswiɛt-nni dɣa, Yasuɛ illa yesseḥlay aṭas n lɣaci si lehlakat, si leɛyub akked leǧnun, yerna
yerra-d iẓri i waṭas n yiderɣalen. 22Yasuɛ inṭeq, yenna-yasen: "Ruḥet, ḥkut-as i Yuḥenna
ayen i twalam d wayen i teslam: iderɣalen ttwalin, iqudaren leḥḥun, iberṣiyen ṣfan,
iɛeẓẓugen sellen, lmeggtin kkren-d, linǧil ittubeccer i yimeɣban. 23A sseɛd n win iwumi ur
ttiliɣ ara d ugur!" 24Imceggɛen-nni n Yuḥenna ruḥen; imiren Yasuɛ ibda ihedder i lɣaci ɣef
Yuḥenna: "D acu i truḥem ad t-twalim deg uneẓruf? D aɣanim yetthuzzu waḍu? 25D acu i
truḥem ad t-twalim? D argaz yelsan llebsa ifazen? Wid yettlusun llebsa ifazen yerna
ttɛicin di rrbeḥ atnan di lebruǧ n yigelliden. 26D acu i truḥem ad t-twalim? D nnbi?
Anɛam, ad awen-iniɣ, iɛedda akkin i nnbi! 27Fell-as i yura:
Atan, ad zzewreɣ amceggɛeɛ-iw zdat-k, ad ak-iweṭṭi abrid.
28
Ad awen-iniɣ: Gar wid merra i urwent tlawin, ulac win yugaren Yuḥenna. Meɛna
amecṭuḥ akk di tgelda n Yillu yugar Yuḥenna. 29Lɣaci merra i as-islan, ula d imekkasen,
setɛerfen belli Illu, d aḥeqqi, s uɣḍaṣ i ten-isseɣḍeṣ Yuḥenna. 30Meɛna Ifarisiyen akked
Imusnawen n ccariɛa ur qbilen ara ayen i asen-ibɣa Yillu, ugin ad ten-isseɣḍeṣ Yuḥenna.
31
Wuɣur ara metleɣ ihi imdanen n lǧil-agi? Wuɣur i ttemcabin? 32Cban arrac yeqqimen
deg uzniq, ttemsawalen gar-asen, qqaren:
'Nwet-awen-d ajewwaq, ur tecḍiḥem ara!
Newwi-yawen-d acewwiq n leḥzen, ur trum ara!'
33
Yuḥenna Aɣeṭṭaṣ iruḥ-d, ur itett aɣrum, ur itess ccrab; kenwi teqqarem: 'Illa deg-s
uruḥani!' 34Mmi-s n umdan iruḥ-d, itett yerna itess; kenwi teqqarem: 'Wagi, d aseqqaḍ, d
asekṛani, yerna d aḥbib n yimekkasen akked yimednuben!' 35Meɛna lekyasa tettwaɛqal s
warraw-is merra."
Yiwet n tmeṭṭut tamednubt tedhen Yasuɛ s leɛṭer
36
Yiwen n Ufarisi yeɛreḍ Yasuɛ ad yečč yid-s. Yasuɛ ikcem s axxam n Ufarisi-nni dɣa
yeqqim ɣer ṭṭabla. 37Yiwet n tmeṭṭut tamednubt n temdint-nni, mi tesla belli Yasuɛ iqqim
ad yečč deg uxxam n Ufarisi-nni, truḥ, tewwi yid-s taqbuct n rrxam amellal yeččuren d
leɛṭer. 38Teqqim-as-d i Yasuɛ si deffir dɣa tettru ɣer yiḍarren-is. S yimeṭṭawen-is,
tesselxes-as iḍarren-is, tesfeḍ-iten s umzur-is. Mbaɛd tekna, tessuden-iten dɣa tedhen-iten
s leɛṭer. 39Afarisi-nni i t-iɛerḍen, mi iwala, yenna deg wul-is: "Lemmer dɣa d nnbi i yella
urgaz-agi, ad iɛqel anta-tt yerna d acu-tt tmeṭṭut-agi i t-innulen: d tamednubt!"
40
Yasuɛ inṭeq, yenna-yas: "A Cimɛun, sɛiɣ yiwen n wawal, ad ak-t-iniɣ." Winna yerra-yas:
"Hder, a Ccix!" 41Yasuɛ yenna-yas: "Yiwen n urgaz ittalas idrimen i sin n yirgazen-
nniḍen: i yiwen, ittalas-as xems meyya n yidinaren; i wayeḍ xemsin. 42Imi ur sɛin ara
swayes ara rren ṭṭlaba-nsen, isemmeḥ-asen i sin yid-sen. Anwa deg-sen ara t-iḥemmlen
akter?" 43Cimɛun inṭeq, yenna-yas: "Cukkeɣ d win akken iwumi i isemmeḥ aṭas." Yasuɛ
yenna-yas: "Tufiḍ-tt-id!" 44Izzi ɣer tmeṭṭut-nni, dɣa yenna i Cimɛun: "Twalaḍ tameṭṭut-
agi! Kecmeɣ-d axxam-ik, ur yi-d-tefkiḍ ara aman i tarda n yiḍarren-iw; meɛna nettat
tesselxes iḍarren-iw s yimeṭṭawen-is, yerna tesfeḍ-iten s umzur-is. 45Ur yi-tessudneḍ ara;
meɛna nettat, segmi i d-kecmeɣ, ur teḥbis asuden deg yiḍarren-iw. 46Ur tedhineḍ ara
aqerru-w s zzit; meɛna nettat tedhen iḍarren-iw s leɛṭer. 47Ɣef wayagi, ad ak-iniɣ, ɣas
akken kettren ddnubat-is, ttwaɛfan-as, axaṭer tḥemmel aṭas. Meɛna win iwumi
yettwasemmeḥ cwiṭ iḥemmel cwiṭ.' 48Mbaɛd yenna i tmeṭṭut-nni: "Ddnubat-im ttwaɛfan."
49
Imeɛraḍen bdan qqaren gar-asen: "D anwa-t wagi i iɛeffun ula d ddnubat?" 50Meɛna
Yasuɛ yenna i tmeṭṭut-nni: "Liman-im isellek-ikem. Ruḥ di lehna!"
(Mt 13. 1-23; Mr 4. 1-20)
8Mbaɛd, Yasuɛ ittruḥu si temdint ɣer tayeḍ, si taddart ɣer tayeḍ; ittberriḥ yerna yettbeccir
Linǧil n tgelda n Yillu. 2Teddun yid-s Tnac-nni akked kra n tlawin i yeḥlan si lerwaḥ
imcumen akked lehlakat: Meryem, iwumi i qqaren Tamagdalit, tin akken iseg ffɣen sebɛa
n leǧnun, 3Yuwana, tameṭṭut n Cuzas, lewkil n Hirudus, Susana akked waṭas-nniḍen i ten-
ittɛawanen s cci-nsent.
4
Aṭas n lɣaci i d-innejmaɛen, ruḥen-d ɣur-s si yal tamdint. 5Yewwi-yasen-d tamɛayt-agi:
"Yiwen n ufellaḥ iffeɣ ad izreɛ zerriɛa-s. Mi izerreɛ, kra n yiɛeqqayen ɣlin ɣef yiri n ubrid:
ttwarekḍen yerna ččan-ten yifrax. 6Kra-nniḍen ɣlin gar yiẓra: mɣin-d meɛna qquren,
axaṭer ulac aman. 7Kra-nniḍen ɣlin gar yisennanen: mɣin-d yid-sen isennanen dɣa
skuffren-ten. 8Kra-nniḍen ɣlin deg wakal yelhan: mɣin-d yerna fkan-d lɣella s meyya n
yimuren." Mbaɛd mi d-yenna akka, Yasuɛ iɛeggeḍ, inna: "Win yesɛan imeẓẓuɣen i
tmesliwt, yesl-d!"
9
Inelmaden-is steqsan-t, nnan-as: "D acu-tt temɛayt-agi?" 10Inna-yasen: "Kenwi, ittunefk-
awen ad tissinem lesrar n tgelda n Yillu; ma d wiyaḍ, s temɛayin, iwakken ɣas ttwalin ur
ttwalin ara, ɣas sellen ur fehhmen ara. 11Attan lmeɛna n temɛayt-agi: Zerriɛa, d awal n
Yillu. 12Wid n rrif n ubrid, d wid i isellen; meɛna Cciṭan ittruḥu-d, iqelleɛ awal-nni seg
wul-nsen, iwakken ur ttamnen ara dɣa ur ttwasellaken ara. 13Wid n yiẓra, d wid i isellen i
wawal yerna qebblen-t s lferḥ; meɛna ur ttaken ara iẓuran; ttamnen kra n lweqt kan, mi d-
iɣli ujerreb ttwexxiren. 14Ayen yeɣlin gar yisennanen, d wid i isellen i wawal; meɛna, deg
ubrid-nsen, ineẓman, lerbaḥ, zzhu n ddunit skuffuren-ten; ur d-ttaken ara lɣella. 15Ayen
yeɣlin deg wakal yelhan, d wid i isellen i wawal seg wul yeṣfan d nneyya; ḥerrzen-t yerna
ttaken-d lɣella, seg wakken ṣebbren.
Tamɛayt n teftilt
(Mt 5. 15-16; Mr 4. 21-23; Lq 11. 33-36)
16
"Yiwen ur ittceɛɛil taftilt iwakken ad tt-iɣumm s lḥila, neɣ ad tt-isers ddaw umeṭreḥ;
meɛna ad tt-isers ɣef lmeṣbaḥ, iwakken wid ara d-ikecmen ad walin tafat. 17Ulac ayen
yeffren ur d-neṭṭahar ara; ulac ayen yellan di sser ur nettwafḍaḥ ara ɛinani. 18Ɣef wayagi,
ttḥezzibet i wamek i tettḥessisem: win yesɛan, ad as-d-ittunefk; win ur nesɛi ara, ula d
ayen akken yenwa yesɛa-t ad as-ittwakkes."
(Mt 12. 46-50; Mr 3. 31-35)
19
Yemma-s akked watmaten n Yasuɛ ruḥen-d ɣur-s; meɛna ur wwiḍen ara ad qerrben ɣur-
s, si lɣaci. 20Xebbren-t-id: "Yemma-k akked watmaten-ik atnan di berra, bɣan ad k-ẓren."
21
Meɛna netta yenṭeq, inna: "Yemma akked watmaten-iw, d wid yettḥessisen i wawal n
Yillu yerna ttarran-t d lfeɛl."
Yasuɛ isers tabuciḍant
(Mt 8. 23-27; Mr 4. 35-41)
22
Yiwen n wass, Yasuɛ irkeb deg yiwet n teflukt netta d inelmaden-is. Inna-yasen: "Yyaw
ad nzegret s agemmaḍ n ugelmim." Dɣa wwḍen s anda yeɣmeq lḥal. 23Mi llan ttbeḥḥiren,
Yasuɛ iṭṭeṣ. Tekker-d yiwet n tbuciḍant n waḍu ɣef ugelmim, neflen-d waman fell-asen
dɣa ufan-d iman-nsen di yir liḥala. 24Qerrben ɣer Yasuɛ, ssakin-t-id dɣa nnan-as: "A Ccix,
a Ccix, ad nɣerreq!" Yuki-d, iɛeggeḍ ɣef lemwaǧi i d-ihaǧen, dɣa ters tbuciḍant-nni; tuɣal
ters-d talwit. 25Mbaɛd yenna-yasen: "Anda-t liman-nwen?" Nutni, ttergigin, tɛeǧǧben, wa
yeqqar i wa: "Anwa-t wagi? Ula d aḍu akked waman, iḥkem deg-sen; yerna ttaɣen-as
awal!"
Yasuɛ issufeɣ tarbaɛt n leǧnun di Gadara
(Mt 8. 28-34; Mr 5. 1-20)
26
Wwḍen ɣer tmurt n Igadariyen, i d-iqublen Galil. 27Mi d-isers Yasuɛ aḍar-is ɣef lberr,
iruḥ-d ɣur-s yiwen n urgaz n temdint-nni, isɛa leǧnun. Acḥal, ur ilsi llebsa, yerna mačči
deg uxxam i yettili meɛna di temqebrin. 28Mi iwala Yasuɛ, iɛeggeḍ, iɣli, iseǧǧed zdat-s
dɣa yenna s ṣṣut ɛlayen: "D acu yellan gar-i yid-k, a Yasuɛ, Mmi-s n Yillu Ɛlayen! Di
leɛnaya-k: ur yi-smermid ara!" 29Axaṭer Yasuɛ yumer i lǧenn-nni ad iffeɣ seg urgaz-nni,
axaṭer acḥal d abrid i t-iṭṭef; ttarzen argaz-nni s ssnasel akked leqyud, meɛna yesseɣras-
iten, yerna yettawi-t lǧenn-nni ɣer yimukan yexlan. 30Yasuɛ isteqsa-t: "Isem-ik?" Irra-yas-
d: "Tarbaɛt", axaṭer aṭas n leǧnun i t-ikecmen. Dɣa leǧnun-nni ttḥellilen Yasuɛ ur asen-
ittamer ara ad ruḥen ɣer maylellif. 31Yuɣ lḥal, tella dinna yiwet n tqeḍɛit tameqqrant n
yiḥellufen, tkess deg udrar. 32Leǧnun-nni ḥellen Yasuɛ ad asen-iɛemmed ad kecmen deg
yiḥellufen-nni. Dɣa iɛemmed-asen. 33Leǧnun-nni ffɣen seg urgaz-nni dɣa kecmen deg
yiḥellufen-nni. Taqeḍɛit-nni tegrareb-d seg uḥecraruf-nni armi d agelmim dɣa teɣreq.
34
Widak-nni i ten-ikessen, mi walan ayen yeḍran, rewlen, dɣa ssufɣen lexbar di temdint
akked leɛzayeb. 35Lɣaci ffɣen-d ad walin d acu yeḍran. ruḥen ɣer Yasuɛ, dɣa ufan argaz-
nni iseg ffɣen leǧnun iqqim ɣer yiḍarren n Yasuɛ, ilsa llebsa, yerna yuɣal-d ɣer leɛqel-is.
Uggaden merra. 36Widak i iḥedren i wayen akken yeḍran ḥkan-asen amek i yeḥla
umeǧnun-nni.
37
Imezdaɣ merra n tmurt n Gadara ḥellen Yasuɛ ad iruḥ akkin fell-asen, axaṭer tekcem-iten
yiwet n rrehba, d tameqqrant. Yasuɛ irkeb di teflukt, dɣa iruḥ ssyenna. 38Argaz-nni iseg
ffɣen leǧnun iḥellel-it ad iqqim yid-s. Meɛna Yasuɛ irra-t, yenna-yas: 39"Uɣal s axxam-ik,
teḥkuḍ ayen i k-ixdem Yillu." Dɣa iruḥ ittberriḥ di temdint merra ayen i as-ixdem Yasuɛ.
Ḥeggu n yelli-s n Yayir
akked ḥellu n yiwet n tmeṭṭut si tazzla n yidammen
(Mt 9. 18-26; Mr 5. 21-41)
40
Mi d-yuɣal Yasuɛ, lɣaci mmugren-t axaṭer llan ttraǧun-t merra. 41Ataya yiwen n urgaz,
isem-is Yayir, d ameqqran n ufakan. Iɣli-yas ɣer yiḍarren-is, dɣa ittḥellil-it ad ikcem s
axxam-is, 42axaṭer isɛa yiwet n teqcict, tnac n yiseggasen di leɛmer-is, tettmettat, yerna
siwa nettat i yesɛa. Deg ubrid-is ɣer dinna, ḥerṣen-t-id lɣaci si yal tama. 43Tella dinna
yiwet n tmeṭṭut, tnac n yiseggasen, nettat tettazzal d idammen, tṣerref akk idrimen-is di
ṭṭebba, meɛna yiwen ur issaweḍ ad tt-isseḥlu. 44Tekka-yas-d i Yasuɛ si deffir, dɣa tennul
ticrurin n ubernus-is; imiren kan tazzla-nni n yidammen teḥbes. 45Dɣa Yasuɛ inna: "Anwa
i yi-d-innulen?" Meɛna nekkren merra. Buṭrus yenna-yas: "Lɣaci merra iḥreṣ-ik-id, ad k-

id-ideḥḥis!" 46Meɛna Yasuɛ yenna-yas: "Illa win i yi-d-innulen. Ḥulfaɣ i kra n tezmert
teffeɣ seg-i." 47Tameṭṭut-nni, mi twala belli ulamek ara teffer, tqerreb s tergigit, tseǧǧed
zdat Yasuɛ, dɣa tenna-d zdat lɣaci merra acuɣer i t-tennul d wamek i teḥla imiren kan.
48
Yasuɛ yenna-yas: "A yelli, liman-im isellek-ikem. Ruḥ di lehna!"
49
Mazal-it ihedder, atan ilḥeq-d yiwen seg uxxam n umeqqran-nni n ufakan, yenna-yas:
"Yelli-k temmut; ur sɛettib ara Ccix!" 50Meɛna Yasuɛ isla-yas, dɣa yenna i umeqqran-nni
n ufakan: "Ur ttaggad ara! Amen kan, dɣa ad teslek." 51Mi yewweḍ s axxam, ur iɛemmed
i yiwen ad ikcem yid-s, siwa i Buṭrus, i Yuḥenna, i Yeɛqub, akked baba-s d yemma-s n
teqcict-nni. 52Wid merra yellan dinna ttrun fell-as, ttmeǧǧiden. Yasuɛ yenna-yasen: "Ur
ttrut ara; mačči d lmut i temmut, d iḍeṣ i teṭṭeṣ!" 53Nutni ttihiyen fell-as, axaṭer ẓran belli
temmut. 54Meɛna netta yeṭṭef-itt-id seg ufus, dɣa isawel-as, yenna-yas: "A taqcict, kker!"
55
Imiren kan yuɣal-itt-id rruḥ, dɣa tekker-d; imiren Yasuɛ yumer ad as-fken ad tečč.
56
Imawlan n teqcict-nni wehmen; meɛna yumer-asen ur qqaren i yiwen ayen akken
yeḍran.
Aceggeɛ n tnac-nni n yinelmaden
(Mt 10. 1-42; Mr 6. 7-13)
9Yasuɛ isnejmaɛ-d Tnac-nni; ifka-yasen tazmert akked lḥekma i usufeɣ n leǧnun akked
useḥlu n lehlakat. 2Iceggeɛ-iten ad beccren tagelda n Yillu yerna ad sseḥlun imuḍan.
3
Inna-yasen: "Ur ttawit acemma yid-wen i ubrid: la aɛekkaz, la aqrab, la aɣrum, la
idrimen, ur ttawit ara sin n yiqendyar. 4Kra n uxxam ara tkecmem, qqimet dinna alamma
truḥem ssyenna. 5Wid ur nesterḥeb ara yis-wen, ffɣet si temdint-nsen, zwit aɣebbar seg
yiḍarren-nwen: ddnub i yirawen-nsen." 6Ruḥen, taddart tettak-iten i tayeḍ, ttbecciren
Linǧil yerna sseḥlayen di yal amkan.
7
Lḥakem Hirudus isla s wayen akken merra i iḍerrun. Itḥeyyer, axaṭer kra qqaren: "D
Yuḥenna i d-iḥyan si gar lmeggtin"; 8kra-nniḍen: "D Ilya i d-yuɣalen"; wiyaḍ: "D yiwen si
lanbeyya n zik i d-iḥyan." 9Hirudus inna: "Yuḥenna, kkseɣ-as aqerru! Ihi anwa-t wagi iɣef
selleɣ heddren akka?" Dɣa inuda ad t-iẓer.
Asefti amezwaru n yiɣerman
(Mt 14. 15-21; Mr 6. 32-44; Yn 6.1-14)
10
Mi d-uɣalen yimceggɛen-nni, ḥkan-as i Yasuɛ ayen akk i xedmen. Yewwi-ten yid-s, dɣa
iḍerref iman-is, tama n yiwet n temdint iwumi i qqaren Bit-Ṣayda. 11Meɛna lɣaci slan
anda yella, dɣa tebɛen-t. Yasuɛ isterḥeb yis-sen, dɣa ihder-asen ɣef tgelda n Yillu, yerna
yesseḥla wid yeḥwaǧen ḥellu.
12
Mi walan ibda yettruḥu lḥal, inelmaden qerrben ɣer Yasuɛ, nnan-as: "Err lɣaci, ad ruḥen
ɣer tuddar akked leɛzayeb n leǧwahi-agi, iwakken ad nsen dinna yerna ad afen ayen ara
ččen; aql-aɣ dagi di lxali." 13Yasuɛ yenna-yasen: "Fket-asen kenwi ad ččen!" Meɛna nutni
nnan-as: "Xemsa n yiɣerman akked sin n yiḥutiwen kan i nesɛa, siwa ma tebɣiḍ ad nruḥ
nekni ad d-naɣ lqut i lɣaci-agi merra." 14Yuɣ lḥal, azal n xemsalaf n yirgazen i yellan
dinna. Yasuɛ yenna i yinelmaden-is: "Sɣimet-ten d tirebbaɛ n xemsin xemsin." 15Xedmen
akken, dɣa qqimen merra. 16Yasuɛ iddem-d xemsa n yiɣerman-nni akked sin n yiḥutiwen-
nni, irfed allen-is ɣer yigenni, iburek-iten. Ibḍa-ten, dɣa yefka-ten i yinelmaden-is
iwakken ad ten-ferqen i lɣaci. 17Ččan merra armi i ṛwan, yerna ččuren tnac n yiḍellaɛen s
wayen i d-yugaren.
Yasuɛ ixebber-d s lmut-is akked ḥeggu-s
(Mt 16. 21-23; Mr 8. 31-33)
18
Yiwen n wass, Yasuɛ iqqim weḥd-s, ittẓalla; inelmaden-is llan yid-s. Inṭeq ɣur-sen,
isteqsa-ten: "D acu i d-qqaren lɣaci fell-i? D acu-yi ɣur-sen?" 19Neṭqen, nnan-as: "D
Yuḥenna Aɣeṭṭaṣ"; wiyaḍ: "D Ilya"; wiyaḍ: "D yiwen si lanbeyya n zik i d-iḥyan." 20Inna-
yasen: "I kenwi, d acu i d-tennam? D acu-yi ɣur-wen?" Buṭrus inṭeq, inna: "D Lmasiḥ n
Yillu." 21Dɣa Yasuɛ iɛeggen-asen yerna yumer-asen ur t-ttɛawaden i yiwen.
22
Inna-yasen daɣen belli Mmi-s n umdan ilaq ad iɛteb aṭas, ad t-nekren imeqqranen n
ugdud, imeqqranenn lmuqeddmin akked Imusnawen n ccariɛa; ad t-nɣen, meɛna ad d-
iḥyu ass wis tlata."
23
Mbaɛd, yenna-yasen merra: "Win yebɣan ad iyi-id-itbeɛ, ad inker iman-is, ad ibbib yal
ass ṣṣalib-is, ad iyi-id-iḍfer! 24Win yebɣan ad isellek tarwiḥt-is ad tt-isruḥ; meɛna win
ara yesruḥen tarwiḥt-is ɣef ddemma-w, ad tt-isellek. 25D acu n lfayda yesɛa umdan ma
yerbeḥ ddunit merra, isruḥ tarwiḥt-is, issenger iman-is? 26Win i isetḥan yis-i, neɣ s
lehdur-iw, Mmi-s n umdan ad isetḥi yis-s, asmi ara d-iruḥ di lɛaḍima-s, tin akken n Baba
akked lmalayek imqeddsen. 27Meɛna, amin ad awen-iniɣ: "Gar widak iḥedren dagi, llan
wid ur nettmettat ara alamma walan tagelda n Yillu."
Ambaddal n ṣṣifa n Yasuɛ ɣef udrar
(Mt 17. 1-8; Mr 9. 1-8)
28
Azal n tmanya n wussan mbaɛd mi d-yenna lehdur-nni, Yasuɛ iddem Buṭrus, Yuḥenna
akked Yeɛqub, dɣa yuli s adrar iwakken ad iẓẓal. 29Mi yella yettẓalla, tbeddel ṣṣifa n
wudem-is, aqendur-is yuɣal itemceɛɛal am lebraq. 30Bedden yid-s sin n yirgazen, heddren
yid-s: d Musa akked Ilya. 31Banen-d ttfeǧǧiǧen, heddren ɣef rrwaḥ-is ara d-yilin di
Yarucalim. 32Buṭrus akked yirfiqen-is yellan yid-s, tɣedr-iten tnafa; mi d-ndekwalen,
walan lɛaḍima-s, sin n yirgazen-nni bedden ɣer tama-s. 33Mi ruḥen sin n yirgazen-nni,
Buṭrus yenna i Yasuɛ: "A Ccix, ilha ma neqqim dagi; ad nesbedd tlata n yiqiḍunen, yiwen
i kečč, yiwen i Musa, yiwen i Ilya." Ur iẓri ara d acu i d-iqqar. 34Mi d-yenna lehdur-nni,
ters-d yiwet n tagut, tɣumm-iten; dɣa inelmaden uggaden mi d-ters fell-asen tagut-nni.
35
Mbaɛd, teffɣ-d yiwet n taɣect si daxel n tagut-nni, tenna-d: "Wagi, d Mmi i xtareɣ.
Ttḥessiset-as!" 36Mi teḥbes taɣect-nni, Yasuɛ iqqim-d weḥd-s! Inelmaden ssusmen; ussan-
nni, ur ḥkin i yiwen ayen akken i walan.
Lqella n tezmert n yinelmaden
Mt 17. 14-21; Mr 9. 14-29)
37
Azekka-nni, mi d-ṣubben seg udrar, aṭas n lɣaci i yemmugren Yasuɛ. 38Si tlemmast n
lɣaci-nni, iɛeggeḍ-d yiwen n urgaz, inna: "A Ccix, di leɛnaya-k, muqel-d mmi! D awḥid-
iw! 39Akken ara t-iṭṭef uruḥani, ad ibdu ad ittsuɣu; aruḥani-nni yessemririɣ-it, alamma
ffɣent-d tkufta seg yimi-s. Ur as-ittserriḥ ara alamma yesmermed-it akk. 40Ḥelleɣ
inelmaden-ik ad t-ssufɣen seg-s, meɛna ur ssawḍen ara." 41Yasuɛ inṭeq, inna: "A lǧil ur
nettamen ara, yerna yeɛwej! Ar melmi akka ara qqimeɣ yid-wen, ara awen-ṣebreɣ? Awi-
d ɣer dagi mmi-k!" 42Akken kan i d-iqerreb uqcic-nni, aruḥani-nni iḍegger-it ɣer lqaɛa,
yerna yessemrareɣ-it akk. Meɛna Yasuɛ iɛeggeḍ ɣef rruḥ-nni ameɛfun. Isseḥla aqcic-nni
dɣa yerra-yas-t i baba-s.
Yasuɛ ixebber-d daɣen s lmut-is akked ḥeggu-s
(Mt 17. 22-23; Mr 9. 30-32)
43
Tɛeǧǧben merra di lɛaḍima n Yillu. Isdehc-iten akk wayen i ixeddem Yasuɛ. 44Yasuɛ
yenna i yinelmaden-is: "Ḥesset-d mliḥ i wayen akka ara awen-d-iniɣ: Ilaq ad ittusellem
Mmi-s n umdan s afus n yimdanen." 45Meɛna ur fhimen ara awal-agi; lmeɛna-s yettwaffer
fell-asen, iwakken ur t-fehhmen ara; dɣa kukran ad t-steqsin ɣef wayagi.
Anwa i d ameqqran akk?
(Mt 18. 1-6; Mr 9. 33-37)
46
Iɛedda-d di lbal-nsen yiwen n uxemmim: anwa i d ameqqran akk deg-sen? 47Yasuɛ,
yessnen ayen yellan deg wulawen-nsen, iddem-d yiwen n uqcic amecṭuḥ, isɣim-it-id ɣur-
s, 48dɣa yenna-yasen: "Kra n win yesterḥben s uqcic-agi amecṭuḥ s yisem-iw, yis-i i
yesterḥeb; kra n win yesterḥben yis-i yesterḥeb s win i yi-d-iceggɛen. Amecṭuḥ akk gar-
awen, d netta i d ameqqran akk."
49
Yuḥenna yenṭeq, inna: "A Ccix, nwala yiwen n urgaz issufuɣ leǧnun s yisem-ik. Nugi-
yas, axaṭer ur iteddu ara yid-neɣ." 50Yasuɛ yenna-yas: "Ur as-ttagit ara! Win ur nelli ara
mgal-nwen, yid-wen i yedda."
Atbaɛ n Yasuɛ
(Mt 8. 19-22)
51
Mi d-iqerreb lweqt ideg ara yettwarfeɛ, Yasuɛ iṭṭef leqsed ad iruḥ ɣer Yarucalim.
52
Izzwer zdat-s sin n yimceggɛen, ruḥen kecmen ɣer yiwet n taddart n Samarya iwakken
ad as-heggin. 53Meɛna ur setreḥben ara yis-s imi ɣer Yarucalim i iteddu. 54Inelmaden
Yeɛqub akked Yuḥenna, mi walan akken, nnan: "A Sidi, tebɣiḍ ad namer ad d-teɣli tmes
seg yigenni iwakken ad ten-tečč?" 55Yasuɛ izzi ɣur-sen dɣa yennuɣ-iten, yenna-yasen:
"Ur teẓrim d acu n rruḥ i ken-id-isneṭqen! 56Mmi-s n umdan iruḥ-d, mačči iwakken ad
issenger imdanen, meɛna iwakken ad ten-isellek." Dɣa ruḥen ɣer taddart-nniḍen.
57
Deg ubrid-nsen, yiwen n urgaz yenna i Yasuɛ: "A Sidi, anda i teddiḍ, ad k-tebɛeɣ."
58
Yasuɛ irra-yas: "Ibaraɣen sɛan lɣiran, leḍyur sɛan leɛcuc; meɛna Mmi-s n umdan ur isɛi
ara anda ara isers aqerru-s. 59Inna i wayeḍ: "Tbeɛ-iyi-d!" Winna yerra-yas: "Serreḥ-iyi ad
ruḥeɣ qbel ad meḍleɣ baba." 60Yasuɛ yenna-yas: "Anef i lmeggtin ad meḍlen lmeggtin-
nsen! Kečč, ruḥ ad tbeccreḍ tagelda n Yillu." 61Yiwen-nniḍen daɣen yenna-yas: "A Sidi,
ad k-tebɛeɣ; meɛna serreḥ-iyi ad ruḥeɣ qbel ad beqqiɣ sslam i wat uxxam-iw." 62Yasuɛ
yenna-yas: "Win yegren afus di lmaɛun, meɛna yettmuqul ɣer deffir, ur iṣliḥ ara i tgelda n
Yillu."
Yasuɛ iceggeɛ sebɛin n yinelmaden

10Mbaɛd ayagi, Ssid ixtar-d daɣen sebɛin n yinelmaden-nniḍen dɣa iceggeɛ-iten sin sin,
ad t-zwiren ɣer temdinin akked yimukan iɣer ara iruḥ netta. 2Inna-yasen: "Tamegra tṣab,
meɛna ixeddamen, drus. Dɛut ɣer Bab n tmegra iwakken ad d-iceggeɛ ixeddamen ɣer
tmegra-s. 3Ruḥet! Aql-i ceggɛeɣ-ken am yizamaren ɣer tlemmast n wuccanen. 4Ur ttawit
yid-wen la idrimen, la aqrab, la arkasen. Ur ttsellimet ɣef yiwen deg ubrid. 5Kra n uxxam
ara tkecmem, init qbel: 'Sslam ɣef uxxam-agi!' 6Ma yella dinna walbaɛḍ d imhenni,
sslam-nwen ad yili fell-as; ma ulac, ad d-yuɣal ɣur-wen. 7Qqimet deg uxxam-nni; ččet,
swet ayen ara awen-d-fken, axaṭer axeddam yuklal lexlaṣ-is. Ur ttmenṭaret ara seg uxxam
ɣer wayeḍ. 8Kra n temdint ara tkecmem yerna setreḥben yis-wen, ččet seg wayen ara d-
irsen zdat-wen. 9Sseḥlut imuḍan ara yilin dinna. Init-asen: 'Tagelda n Yillu tqerreb-d ɣur-
wen.' 10Meɛna kra n temdint ara tkecmem, ma ur setreḥben ara yis-wen, ffɣet ɣer
yizenqan, tinim: 11'Ula d aɣebbar n temdint-nwen i d-iddan deg yiḍarren-nneɣ, aql-aɣ
nezwi-t! Meɛna, ḥṣut belli tagelda n Yillu tqerreb-d.' 12Ad awen-iniɣ: Ass-nni, Sudum ad
tettuḥaseb aqell n temdint-nni.
13
A tawaɣit-im, a Kurazin! A tawaɣit-im, a Bit-Ṣayda! Lemmer leɛǧayeb-nni
yettwaxedmen deg-kent, ttwaxedmen di Ṣur akked Ṣidun, acḥal aya segmi i sburrent
tacekkart, i xnunsent deg yiɣiɣden, i tubent. 14Ɣef wayagi, Ṣur akked Ṣidun ad ttuḥasbent
aqell-nkent. 15I kem, a Kafar-Naḥum, tessaɛliḍ iman-im ɣer yigenni! Ad d-tettwanefḍeḍ
alamma d laxert! 16Win i awen-ittḥessisen ittḥessis-iyi; win i ken-yugin, yugi-yi; win i yi-
yugin, yugi win i yi-d-iceggɛen."
17
Sebɛin-nni uɣalen-d, ččuren d lferḥ, nnan-as: "A Sidi, ula d leǧnun uɣalen ddaw uḍar-
nneɣ s yisem-ik!" 18Inna-yasen: "Walaɣ Cciṭan iɣli-d seg yigenni am lebraq. 19Fkiɣ-
awen tazmert ad telḥum ɣef yizerman akked tɣirdmiwin, ad tmeḥqem tazmert n uɛdaw;
ulac d acu ara ken-iḍurren. 20Meɛna, ur ferrḥet ara imi i uɣalen lerwaḥ ddaw uḍar-nwen;
ferḥet imi ismawen-nwen uran deg yigenwan." 21Di teswiɛt-nni dɣa, s Rruḥ Iqedsen,
Yasuɛ iččur d lferḥ dɣa yenna: "Ad k-ḥemdeɣ, a Baba, a Bab n yigenwan d lqaɛa, imi i
teffreḍ timsal-agi ɣef lɛeqqal akked yimusnawen, tbeggneḍ-tent-id i yimecṭaḥ maḍi.
Anɛam, a Baba, akka i ak-ihwa. 22Kullec, ifka-yi-t-id Baba. Yiwen ur iẓri anwa-t
Umemmit, siwa Ababat; yiwen ur iẓri anwa-t Ubabat, siwa Amemmit akked win iwumi
yebɣa Umemmit ad as-t-id-ibeggen." 23Izzi ɣer yinelmaden-is weḥḥed-sen, yenna-
yasen: "A sseɛd n win iwalan ayen akka i tettwalim! 24Ad awen-iniɣ, aṭas n lanbeyya
akked yigelliden i imennan ad walin ayen akka i tettwalim, meɛna ur t-walan ara, ad
slen i wayen akka i tsellem, meɛna ur as-slin ara."
Tamɛayt n Usamari
25
Yiwen n Lɛalem n ccariɛa yekker-d iwakken ad ijerreb Yasuɛ; yenna-yas: "A Ccix, d acu
i ilaqen ad t-xedmeɣ iwakken ad sɛuɣ tudert n dayem?" 26Yasuɛ yenna-yas: "D acu yuran
di ccariɛa? Amek i tt-teqqareḍ?" 27Inṭeq, yenna-yas: "Ad tḥemmleḍ Ssid, Illu-yik, seg
wul-ik merra, s terwiḥt-ik merra, s tezmert-ik merra, s leɛqel-ik merra; ad tḥemmleḍ
daɣen lɣir-ik am yiman-ik." 28Yasuɛ yenna-yas: "D ṣṣwab i d-tenniḍ. Xdem akken, ad
tidireḍ!" 29Meɛna winna yebɣa ad isɛeddi iman-is, dɣa yenna i Yasuɛ: "Anwa i d lɣir-iw?"
30
Yasuɛ inṭeq, inna: "Yiwen n urgaz iṣubb-d si Yarucalim ɣer Yariḥu; deg ubrid, ɣlin fell-
as yiqeṭṭaɛen, ɛerran-t, hettken-t dɣa ruḥen, ǧǧan-t gar lmut akked tudert. 31Iɛedda-d
ssyenna yiwen n lmuqeddem; mi t-iwala, iɛedda si tama-nniḍen. 32Iɛedda-d ssyenna
daɣen yiwen n wat Lewwi; mi t-iwala, iɛedda si tama-nniḍen. 33Meɛna mi d-iɛedda
ssyenna yiwen n Usamari, iwala-t dɣa tergagi-d tasa-s fell-as. 34Iqerreb ɣur-s, icudd-as
leǧruḥ-is, ixdem-as zzit akked ccrab; imiren isserkeb-it ɣef zzayla-s, yewwi-t s axxam n
yimsafren dɣa yelha-d yid-s. 35Azekka-nni, ijbed-d sin n yidinaren, ifka-ten i bab n
uxxam-nni dɣa yenna-yas: 'Bedd ɣur-s; ayen ara tṣerrfeḍ fell-as n zzyada, ad ak-t-
ɣermeɣ asmi ara d-uɣaleɣ.' 36Si tlata-agi, anwa i twalaḍ d netta i d lɣir n urgaz-nni i d-
iɣlin deg ufus n yiqeṭṭaɛen?" 37Winna yenna-yas: "D win akken i iḥunnen fell-as." Yasuɛ
yenna-yas: "Ruḥ, xdem akken ula d kečč!"
Marta akked Meryem
38
Mi yella ileḥḥu deg ubrid netta d yinelmaden-is, Yasuɛ ikcem ɣer yiwet n taddart.
Yiwet n tmeṭṭut, isem-is Marta, teɛreḍ-it s axxam-is. 39Tesɛa yiwet n weltma-s, isem-is
Meryem; teqqim ɣer yiḍarren n Ssid, tettḥessis i lehdur-is. 40Marta, yellan teḥṣel di
ccɣel, tqerreb ɣer Yasuɛ dɣa tenna-yas: "A Sidi, ur tecliɛeḍ ara mi yi-teǧǧa weltma
qeddceɣ weḥd-i? Ini-yas ad iyi-tɛiwen." 41Ssid inṭeq, yenna-yas: "A Marta, a Marta,
tetqelliqeḍ yerna tessufuɣeḍ leɛqel i yiman-im s waṭas n leḥwayeǧ. 42Yiwet kan i
iwulmen. Meryem textar amur yelhan, amur-nni ur as-nettwakkas ara."
Yasuɛ isselmed i yinelmaden-is taẓallit
(Mt 6. 9-15)
11Yiwen n wass, Yasuɛ illa deg yiwen n umkan, ittẓalla. Mi yekfa, yiwen seg
yinelmaden-is yenna-yas: "A Sidi, sselmed-aɣ amek ara nettẓalla, akken t-isselmed
Yuḥenna i yinelmaden-is." 2Inna-yasen: "Mi ara teẓẓallem, init:
A Baba-tneɣ, isem-ik ad ittwaqeddes; tageldit-ik ad d-tas!
3
Efk-aɣ-d yal ass talqimt-nneɣ n uɣrum!
4
Ɛfu-yaɣ ddnubat-nneɣ, imi i neɛfa ula d nekni i kra n win i aɣ-iḍelmen.
Ur aɣ-ssekcam ara deg ujerreb!"
5
Inna-yasen: "Anwa deg-wen yesɛan aḥbib, iruḥ ɣur-s ttnaṣfa n yiḍ, ad as-yini: 'Ay
aḥbib, reḍl-iyi tlata n yiɣerman, 6axaṭer yusa-d ɣur-i seg yinig yiwen n uḥbib, yerna ulac
d acu ara as-d-serseɣ.' 7Ad d-inṭeq si daxel n uxxam, ad as-d-yini: 'Ur yi-ttceṭṭin ara!
tawwurt tuɣal; aql-aɣ deg wusu, am nekk, am warraw-iw. Ur zmireɣ ara ad n-kkreɣ, ad
ak-d-fkeɣ.' 8Ad awen-iniɣ: Ur d-ittnekkar ara ad as-d-ifk imi d aḥbib-is, ad d-ikker ad
as-d-ifk ayen yeḥwaǧ axaṭer isemmeṭ fell-as. 9Nekk, ad awen-iniɣ: Sutret, ad awen-d-
ittunefk. Nadit, ad tafem. Sṭebṭbet, ad awen-d-teldi tewwurt. 10Kra n win yessuturen
ittaṭṭaf-d; kra n win yettnadin ittaf; kra n win yesṭebṭuben, tleddi-yas-d. 11Anwa ababat
deg-wen, ma issuter-as mmi-s aḥutiw, d azrem ara as-ifk, mačči d aḥutiw? 12Neɣ, ma
issuter-as tamellalt, ad as-ifk tiɣirdemt? 13Ihi, ma yella kenwi, yellan d imcumen,
tessnem ad tefkem ayen yelhan i warraw-nwen, amek baba-twen n yigenwan ur d-ittak

ara Rruḥ Iqedsen i wid ara as-t-issutren!"
Lekfer ɣef Rruḥ iqedsen
(Mt 12. 24-32; Mr 3. 22-30)
14
Yiwen n wass, Yasuɛ issufeɣ yiwen n uruḥani i yesgugmen yiwen n urgaz. Mi yeffeɣ
uruḥani-nni, agugam-nni yuɣal ihedder, dɣa lɣaci dehcen. 15Meɛna kra deg-sen qqaren: "S
Baɛal Zabul, ṣṣeltan n leǧnun, i yessufuɣ leǧnun." 16Kra-nniḍen, iwakken ad t-jerrben,
ssutren deg-s yiwet n limara ara d-ikken seg yigenni. 17Meɛna netta yessnen ixemmimen-
nsen, yenna-yasen: "Kra n tgelda iferqen d yiman-is tenger, ixxamen-is ɣellin wa ɣef wa.
18
Akken ihi Cciṭan: ma yella yefreq d yiman-is, amek ara tdum tgelda-s, imi i teqqarem
belli s Baɛal Zabul i ssufuɣeɣ leǧnun? 19Ma yella s Baɛal Zabul i ssufuɣeɣ leǧnun, i
warraw-nwen, s wanwa i ten-ssufuɣen? Ɣef wayagi, d nutni ara ken-iḥasben. 20Meɛna ma
yella s uḍad n Yillu i ssufuɣeɣ leǧnun, ihi tagelda n Yillu tewweḍ-d armi d ɣur-wen.
21
Argaz iǧehden iɛuss s leslaḥ ɣef ufrag-is, lerẓaq-is ad ilin di laman. 22Meɛna ma iruḥ-d
win iǧehden akter-is, iɣleb-it, ad as-ikkes leslaḥ-nni iɣef ittkel, yerna ad ifreq ayen akk i
as-yewwi. 23Win ur neddi ara yid-i, mgal-iw i yella; win ur njemmeɛ ara yid-i
yessebruzzuɛ.
24
Mi ara yeffeɣ rruḥ ameɛfun seg yiwen, ad ittmenṭar deg uneẓruf, ad ittnadi amkan anda
ara yesteɛfu. Ma ur t-yufi ara, ad yini: 'Ad uɣaleɣ s axxam-iw ansi i d-ffɣeɣ.' 25Ad yuɣal
dɣa ad t-in-yaf ifres yerna yecbeḥ. 26Imiren ad iruḥ ad d-yawi sebɛa n lerwaḥ-nniḍen
iweɛren akter-is; ad kecmen ad t-zedɣen, imiren liḥala n urgaz-nni ad tenṭer akter n
wakken i tella zik."
27
Mi akken i yella ihedder, tɛeggeḍ-d yiwet n tmeṭṭut si gar lɣaci, tenna-yas: "A sseɛd n
tɛebbuḍt i k-id-isɛan, n tebbuct i teṭṭḍeḍ!" 28Meɛna netta yenna-yas: "A sseɛd n wid isellen
i wawal n Yillu yerna ḥerrzen-t!"
Limara n Yuna
(Mt 12. 38-41)
29
Imi i d-innejmaɛ lɣaci d ihedman, Yasuɛ ikker, inna: "Lǧil-agi, d yir lǧil; ittnadi ɣef
limara. Ur as-d-tettunefkay ara limara, siwa limara n Yuna. 30Akken i yella Yuna d limara i
yimezdaɣ n Ninawa, akken daɣen ara yili Mmi-s n umdan i lǧil-agi. 31Ass n lḥisab,
tagellidt n usammer ad d-tekker akked yirgazen n lǧil-agi, ad teḥkem fell-asen, axaṭer
truḥ-d si tqernit n ddunit iwakken ad tsel i lekyasa n Sliman; atan dagi gar-awen win
yugaren Sliman! 32Ass n lḥisab, irgazen n Ninawa ad d-kkren akked lǧil-agi, ad ḥekmen
fell-as, axaṭer nutni tuben mi slan i ttebcira n Yuna; atan dagi win yugaren Yuna!
Tamɛayt n teftilt
(Mt 5. 14-16; Mr 4. 21-23)
33
Yiwen ur iceɛɛel taftilt, mbaɛd ad tt-iffer neɣ ad tt-yerr ddaw uqerwi; meɛna ad tt-isers
ɣef lmeṣbaḥ, iwakken win ara d-ikecmen ad iwali tafat-is. 34Taftilt n ṣṣura-k, d tiṭ. Ma
yella tiṭ-ik tṣeḥḥa, ṣṣura-k merra ad tnewwer. Meɛna ma tettwaɣ tiṭ-ik, ṣṣura-k daɣen ad
teṭṭullem. 35Ḥader ihi anda i tettuɣal tafat yellan deg-k d ṭṭlam! 36Ihi ma yella ṣṣura-k
merra tnewwer, ulac deg-s kra n ṭṭlam, ad tettfeǧǧiǧ s lekmal-is, am wakken ara k-
tnewwer teftilt s ṭṭya-s."
A nnger n Ifarisiyen akked Imusnawen n ccariɛa
(Mt 23. 13-36)
37
Mi yella Yasuɛ ihedder, yiwen n Ufarisi iɛreḍ-it ad yečč ɣur-s. Ikcem dɣa yeqqim.
38
Afarisi-nni yewhem mi iwala Yasuɛ ur issared ara uqbel ad yečč. 39Yasuɛ yenna-yas:
"Kenwi, s Ifarisiyen, tessizdigem taqbuct akked uḍebṣi si berra, ma daxel terkam si
leḥram akked ddɣel. 40Ay imejhal! Win imeslen berra, ur imsil ara daɣen daxel? 41Fket
seg wul ayla-nwen, imiren kullec-nwen ad iṣfu.
42
A nnger-nwen, ay Ifarisiyen, tettɛeccirem nneɛneɛ, awermi akked yal ṣṣenf n lxeḍra;
meɛna tferrṭem di lḥeqq akked leḥmala n Yillu: d annect-agi merra i ilaqen ad t-txedmem,
mebla ma tferrṭem deg wayen-nniḍen!
43
A nnger-nwen, ay Ifarisiyen, axaṭer tḥemmlem imukan imezwura di leǧwameɛ akked
mi ara ttsellimen fell-awen medden deg yizenqan!
44
A nnger-nwen, tecbam iẓekkwan ur nesɛi cchud, leḥḥun fell-asen medden ur ẓrin!"
45
Yiwen si Imusnawen n ccariɛa yerra-yas: "A Ccix, d rregmat i aɣ-d-tregmeḍ ula d nekni
s lehdur-agi." 46Yasuɛ yenna-yas: "A nnger-nwen, ula d kenwi, a Imusnawen n ccariɛa!
Tettɛebbim i lɣaci tiɛekmin ẓẓayen, kenwi ur tent-tettnalem ara ula s yiwen n uḍad.
47
A nnger-nwen, tbennum iẓekkwan n lanbeyya i nɣan lejdud-nwen! 48Tettcehhidem-d
akka belli tqeblem ayen i xedmen lejdud-nwen: nutni nɣan-ten, kenwi tbennum
iẓekkwan-nsen! 49Ɣef wayagi, lekyasa n Yillu tenna-d: 'Ad asen-d-ceggɛeɣ lanbeyya
akked yimceggɛen; kra, ad ten-nɣen, kra, ad ten-qehhren.' 50Ɣef wayagi, ad ittuḥaseb lǧil-
agi ɣef yidammen n lanbeyya yuzzlen seg wasmi i d-texleq ddunit, 51seg idammen n
Habil armi d idammen n Zaxarya, i yettwanɣan gar uɛalṭar d umkan iqedsen. Anɛam, ad
awen-iniɣ: lǧil-agi ad ittuḥaseb fell-asen.
52
A nnger-nwen, a Imusnawen n ccariɛa, teṭṭfem tasarut n tmusni: kenwi ur tekcimem ara;
wid yebɣan ad kecmen, tqeḍɛem-asen ad kecmen."
53
Mi d-iffeɣ ssyenna, lɛulama n ccariɛa akked Ifarisiyen bdan tteḥraṣen-t mliḥ, nebbcen-t
ɣef waṭas n temsal, 54ttɛassan melmi ara d-icceḍ s wawal.
Leḥder
(Mt 16. 6-12; Mr 8. 14-21)
12Ɣef wayagi, lɣaci yennejmaɛ-d d luluf, armi i ttemyeɛfasen gar-asen. Yasuɛ ibda
yeqqar i yinelmaden-is: "Uqbel kullec, ḥadret iman-nwen seg yiɣes n temtunt n
Ifarisiyen: d leɣrur! 2Ulac ayen iɣummen ur d-nettwafḍaḥ ara; ulac ayen yeffren ur d-
neṭṭahar ara. 3Ayen akk ara tinim di ṭṭlam, ad t-slen di tafat; ayen ara tinim s ameẓẓuɣ di
texxamin, ad t-berrḥen ɣef lesqaf.
4
Ad awen-iniɣ i kenwi, ay iḥbiben-iw: Ur ttaggadet ara wid ineqqen tafekka! Ulac d acu
iwumi i zemren-nniḍen. 5Ad awen-iniɣ anwa ara taggadem: aggadet win izemren, mbaɛd
lmut, ad iḍegger ɣer ǧahennamAd awen-iniɣ: d netta ara tettaggadem! 6Mačči s duru i
ttnuzun xemsa n yiẓiwcen? Ɣas akken, yiwen deg-sen ur t-itettu Yillu. 7Ula d ineẓdan n
uqerru-nwen ttwaḥesben akken ma llan. Ur ttaggadet! Teswam akter n waṭas n yiẓiwcen!

8
Ad awen-iniɣ: win i d-icehden yis-i zdat yimdanen, Mmi-s n umdan, daɣen, ad d-
icehhed yis-s zdat lmalayek n Yillu. 9Win i yi-inekren zdat yimdanen, ad t-nekreɣ zdat
lmalayek n Yillu. 10Win ara yewten di Mmi-s n umdan, ad as-ittwasemmeḥ. Meɛna win
ara ijeddren di Rruḥ Iqedsen, ulac fell-as ssmaḥ. 11Mi ara ken-awin ɣer leǧwameɛ, ɣer
yimeqqranen akked lḥekkam, ur ttḥebbiret ara amek ara tdafɛem ɣef yiman-nwen neɣ d
acu ara tinim. 12Axaṭer Rruḥ Iqedsen ad awen-d-imel di teswiɛt-nni ayen ara d-tinim."
Tamɛayt n umerkanti amehbul
13
Yiwen si lɣaci-nni yenna-yas: "A Ccix, ini-yas i gma ad ibḍu yid-i lwert." 14Yasuɛ
yenna-yas: "Ay argaz, anwa i yi-isbedden fell-awen d anezzarfu neɣ d win ara awen-
ibeṭṭun?" 15Inna-yasen: "Ḥadret iman-nwen si ṭṭmeɛ, axaṭer tudert n umdan mačči di
ssɛaya-s i tella, ɣas di rrbeḥ i yella."
16
Yewwi-yasen-d tamɛayt-agi, yenna-yasen: "Yiwen n umerkanti yesɛa akal, ifka-d aṭas.
17
Ixemmem deg yiman-is, inna: 'D acu ara xedmeɣ? Ur sɛiɣ ara deg wacu ara jemɛeɣ
lɣella-w.' 18Inna: 'Atan d acu ara xedmeɣ: ad huddeɣ iɛricen-iw, ad bnuɣ wid meqqren
akter, ad jemɛeɣ deg-sen irden-iw akked lerẓaq-iw, 19imiren ad iniɣ i terwiḥt-iw: A
tarwiḥt-iw, iɛumm fell-am lxir, i waṭas n yiseggasen. Rtiḥ, ečč, sew testummneḍ!' 20Illu
yenna-yas-d: 'Ay amehbul, iḍ-agi dɣa, ad ddmeɣ rruḥ-ik! Ayen akk i tjemɛeḍ, iwumi ara
d-iqqim?' 21Akka i tḍerru d win ixezznen i yiman-is, ur ittnadi ara ad iɣnu s Yillu.'
Ur ttneẓmat ara
22
Yasuɛ yenna i yinelmaden-is: "Ɣef wayagi, ad awen-iniɣ: ur ttḥebbiret ara i umɛic-
nwen, d acu ara teččem, i ṣṣura-nwen, d acu ara telsem? 23Tudert tugar lqut, tafekka tugar
llebsa. 24Muqlet igerfiwen: ur zerrɛen ur meggren, ur sɛin ikufan wala lemxazen, meɛna
Illu iɛeggec-iten. Xelliɛad, a kenwi yeswan akter n yifrax! 25Anwa deg-wen i izemren, s
yineẓman-is, ad irnu i leɛmer-is tardast. 26Ma yella ur tezmirem ara ula i cwiṭ, acuɣer i
tettneẓmam i wayen-nniḍen? 27Muqlet amek i yemmun ijeǧǧigen n ssisan: ur tellmen ur
ẓeṭṭen.Ad awen-iniɣ, ula d Sliman, di ccan-is, ur ilsi ara am yiwen deg-sen. 28Ma yella Illu
yeslusu akka leḥcic n lexla, i yellan ass-a, azekka ad ittwaḍegger ɣer tmes, amek ur
ixeddem ara akka i kenwi, ay wat lqella n liman!
29
Kenwi daɣen, ur ttnadit ara d acu ara teččem, d acu ara teswem; ur ttneẓmat ara ɣef
wayagi. 30Annect-agi, d wat leǧnas n ddunit i yettnadin ayagi; meɛna Baba-twen iẓra d
acu i teḥwaǧem. 31Nadit ɣef tgelda-s, ayagi ad awen-d-ittunefk sufella. 32Ur ttaggad, a
taqeḍɛit tamecṭuḥt! Ihwa-yas i Baba-twen ad awen-d-ifk tagelda. 33Zzenzet ayen i
tesɛam, fket-t d ssadaqa. Sɛut deg yigenwan tixriḍin ur nkeffu ara, agerruj ur nfennu ara,
anda ur ten-ittqerrib umakar, ur ten-tettett tumeṭ. 34Anda yella ugerruj-nwen, dinna i yella
daɣen wul-nwen.
Lewkil unṣiḥ
(Mt 24. 43-51)
35
Kenwi, begset, ceɛlet tiftilin-nwen. Cbut irgazen-nni yettraǧun ssid-nsen ad d-yuɣal si
36
tmeɣra. Mi ara d-yas, ad d-iwet di tewwurt, dɣa ad ɣiwlen ad as-d-ldin. 37A sseɛd n
yiqeddacen ara d-yaf ssid-nsen ukin mi ara d-yas! Amin, ad awen-iniɣ: ad ibges, ad ten-
isɣim ɣer ṭṭabla, imiren ad iɛeddi ad asen-iqdec. 38Ɣas iwweḍ-d di trebɛat tis snat neɣ tis
tlata n yiḍ, yufa-ten-id ukin, a sseɛd-nsen! 39Ḥṣut ayagi: lemmer yeẓri bab n uxxam melmi
ara d-iruḥ umakar, ur t-ittaǧǧa ara ad d-iftek axxam-is. 40Kenwi daɣen, ilit tweǧdem; di
ssaɛa-nni iɣef ur tebnim ara d-yas Mmi-s n umdan!"
41
Buṭrus yenna-yas: "A Sidi, fell-aɣ i d-tewwiḍ tamɛayt-agi, neɣ ɣef medden merra?"
42
Ssid yenna-yas: "Anwa lewkil unṣiḥ, iẓewren, ara iwekkel ssid-is ɣef yiqeddacen-is,
iwakken ad asen-ittak amur-nsen n yirden di lweqt? 43A sseɛd n uqeddac-agi ara d-yaf
ssid-is ixeddem akka, mi ara d-yas! 44Amin, awen-iniɣ: ad t-iwekkel ɣef lerẓaq-is merra.
45
Meɛna ma yella aqeddac-agi yeqqar deg wul-is: 'Sidi iɛeṭṭel, ur d-yusi ara', dɣa ad ibdu
ad ikkat iqeddacen akked tqeddacin, ad itette, ad itess, ad ittsekkir; 46ssid n uqeddac-agi ad
d-iruḥ deg wass iɣef ur ibni, di teswiɛt ur irǧi ara; ad t-iɛaqeb, ad t-irnu ɣer yixeddaɛen.
47
Aqeddac-agi yessnen lebɣi n ssid-is, yerna ur ihegga acemma, ur ixdim ara lebɣi-s,
aṭas n tiyitwin ara yečč. 48Win ixedmen ayen yuklalen tiyita, yili ur iɛlim ara, ad ittwet
cwiṭ kan. Win iwumi yettunefk aṭas, ad as-d-ittwaḍleb aṭas; win yettuwekklen ɣef waṭas,
ad as-d-ittwaḍleb aṭas.
49
Ruḥeɣ-d ad d-sseɣliɣ times ɣef ddunit; acḥal i bɣiɣ ad tili tecɛel yakan! 50Ilaq ad
ttwaɣeḍṣeɣ; aql-i ḥareɣ melmi ara d-iḍru. 51Tɣilem d lehna i d-wwiɣ ɣer ddunit? Ala, ad
awen-iniɣ: d beṭṭu! 52Ssya d asawen, ma llan xemsa deg yiwen n uxxam, ad bḍun: tlata ad
d-kkren ɣer sin, sin ad d-kkren ɣer tlata. 53Ad ibḍu baba-s d mmi-s, mmi-s d baba-s;
yemma-s d yelli-s, yelli-s d yemma-s; tamɣart d teslit, tislit d temɣart."
54
Inna daɣen i lɣaci: "Mi ara twalim asigna ad d-ittali si lɣerb, imiren kan ad tinim: 'Ataya
ubandu!' Yerna d ayen i d-iḍerrun. 55Mi ara d-iṣuḍ waḍu seg usammer, teqqarem: 'Ad
iḥmu lḥal!' Yerna d ayen i d-iḍerrun daɣen. 56Ay wat sin n wudmawen, tessnem ad
tferzem liḥala n tegnawt. I zzman-agi, amek ur as-tettfaqem ara? 57Acuɣer, s yiman-
nwen, ur tettaɛqalem ara ayen yellan d lḥeqq?
58
Mi ara truḥeḍ kečč d uxṣim-ik ɣer ccraɛ, wwet amek ara tt-tefruḍ yid-s deg ubrid,
neɣ ma ulac ad k-issiweḍ s anezzarfu, anezzarfu ad k-ifk i uɛessas, aɛessas ad k-iḍegger
ɣer lḥebs. 59Ad ak-iniɣ: Ur d-tetteffɣeḍ ara ssyenna alamma txellṣeḍ taryalt taneggarut."
Ilaq ad tuben yimdanen
13Di lweqt-nni, ruḥen-d kra n yirgazen, ḥkan-as i Yasuɛ ɣef Igaliliyen-nni i yenɣa Bilaṭus,
mi yessexleḍ idammen-nsen akked yidammen n yiseflawen-nsen. 2Yasuɛ inṭeq, yenna-
yasen: "Tɣilem Igaliliyen-agi denben akter n Igaliliyen-nniḍen merra, armi i ɛetben akka?
3
AlAd awen-iniɣ, ma ur ttubem ara, ad temmtem merra akken! 4I tmenṭac-nni iɣef d-iɣli
lberǧ n Cilwaḥ, inɣa-ten, tɣilem ḍelmen akter n yimezdaɣ merra n Yarucalim? 5AlAd
awen-iniɣ, ma ur ttubem ara, ad temmtem merra akken!"
Tamɛayt n tenqelt ur nettarew ara
6
Yewwi-yasen-d tamɛayt-agi: "Yiwen n urgaz isɛa tanqelt teẓẓa di tferrant-is. Iruḥ ad d-
ikkes seg-s lexrif meɛna ur yufi ara. 7Inna i uxeddam n tferrant-nni: 'Tlata n yiseggasen
aya i d-ttruḥuɣ ad d-kkseɣ lexrif si tenqelt-agi meɛna ur ttafeɣ ara. Qelɛ-itt! Acuɣer ara
teṭṭef amkan mebla lfayda?' 8Axeddam n tferrant-nni yenṭeq, yenna-yas: 'A sidi, anef-as
ad ternu aseggas-agi. Ad as-d-zziɣ s wenɣac yerna ad as-ḍeggreɣ leɣbar. 9Ahat, ɣer zdat,
ad d-tefk lexrif; ma ulac, ad tt-tgezmeḍ!'"
Ḥellu n yiwet n tmeṭṭut deg wass n usteɛfu
10
Yiwen n wass, deg wass n usteɛfu, Yasuɛ illa yesselmad deg yiwen n ufakan. 11Tella
dinna yiwet n tmeṭṭut i iɛeggeb uruḥani tmenṭac n yiseggasen; tekna, ur tezmir ara akk ad
tesbedd lqedd-is. 12Mi tt-iwala Yasuɛ, isawel-as dɣa yenna-yas: "A tameṭṭut, aql-ikem
tettwaserrḥeḍ si lɛib-im." 13Isers fell-as ifassen-is: imiren kan, tesbedd lqedd-is dɣa
tettḥemmid Illu. 14Meɛna ameqqran n ufakan-nni yerfa imi i tt-isseḥla Yasuɛ deg wass n
usteɛfu; inṭeq ɣer lɣaci, yenna-yasen: "Setta n wussan i yellan i uxeddim. Aset-d deg-sen
ad tesseḥlum. D lmuḥal, deg wass n usteɛfu!" 15Ssid inṭeq, inna: "Ay wat sin n
wudmawen! Deg wass n usteɛfu, anwa deg-wen ur d-nettserriḥ ara i uzger-is neɣ i uɣyul-
is si lmedwed iwakken ad t-yawi ad d-isew? 16I tagi yellan d yelli-s n Abraham, i yurez
Cciṭan tmenṭac n yiseggasen aya, ur ilaq ara ad tettwaserreḥ si lqid-is deg wass n
usteɛfu?" 17Mi d-yenna lehdur-agi, ixṣimen-is merra nneḥcamen; ma d lɣaci merra ferḥen
s leɛǧayeb i ixeddem.
Tagelda n Yillu
18
Inna daɣen: "Ɣer wacu i tettemcabi tgelda n Yillu? Ɣer wacu ara tt-metleɣ? 19Tcuba
ɣer zerriɛa n uxerdel ara d-iddem yiwen ad tt-izreɛ di tebḥirt-is. Temɣi, tuɣal d ttejra,
mbaɛd ruḥen-d yifrax, xedmen leɛcuc deg yifurkawen-is."
20
Inna daɣen: "Ɣer wacu ara metleɣ tagelda n Yillu? 21Tcuba ɣer yiɣes n temtunt ara d-
teddem tmeṭṭut ad t-terr di tlata n lkilat n uwren, alamma yuli kullec."
22
Iruḥ ikka-d tuddar timdinin, iteddu yesselmad deg ubrid-is ɣer Yarucalim. 23Isteqsa-t
yiwen: "A Sidi, drus kan ara yettwasellken?" 24Inna-yasen: "Wtet amek ara tkecmem si
tewwurt iḍeyqen!Ad awen-iniɣ: aṭas ara inadin ad kecmen meɛna ur ttizmiren ara. 25Mi
ara d-ikker bab n uxxam ad iɣleq tawwurt, kenwi ara d-yaf lḥal di berra ad tebdum ad
tekkatem di tewwurt, ad teqqarem: 'A Sidi, ldi-yaɣ-n!' Netta ad d-inṭeq, ad yini: 'Kenwi,
ur ẓriɣ ara ansi-ken!' 26Imiren ad as-tinim: 'Nečča, neswa yid-k, yerna teslemdeḍ deg
yizenqad nneɣ.' 27Meɛna ad awen-d-yini: 'Ur ẓriɣ ara ansi-ken! Beɛdet akkin fell-i, a
kenwi ixeddmen lbaṭel!' 28Dinna ad ilin imeṭṭawen akked uqrac n tuɣmas, mi ara twalim
Abraham, Isḥaq, Yeɛqub akked lanbeyya merra di tgelda n Yillu, ma d kenwi ad
tettwaḍeggrem ɣer berra. 29Ad d-ruḥen si ccerq akked lɣerb, seg umalu akked usammer,
iwakken ad qqimen ɣer ṭṭabla di tgelda n Yillu. 30Akka: ad ilin ineggura ara yuɣalen d
imezwura, imezwura ara yuɣalen d ineggura."
Yasuɛ isḥassef ɣef Yarucalim
(Mt 23. 37-39; Lq 19. 41-44)
31
Di teswiɛt-nni dɣa, qerrben ɣur-s kra n Ifarisiyen, nnan-as: "Ruḥ ssyagi; hirudus ibɣa ad
k-ineɣ." 32Inna-yasen: "Ruḥet init-as i ubaraɣ-ihin: 'Aql-i ssufuɣeɣ leǧnun, sseḥlayeɣ
imuḍan, ass-a, azekka; ass wis tlata, ad kfuɣ.' 33Ad kemmleɣ abrid-iw, ass-a, azekka,
sellazekka; axaṭer ur ilaq ara ad immet nnbi berra n Yarucalim. 34A Yarucalim, a
Yarucalim! a tin ineqqen lanbeyya, ireggmen wid i am-d-ittuceggɛen! Acḥal d abrid i bɣiɣ
ad d-jemɛeɣ arraw-im, akken i tzeddel tyaẓiḍt ɣef usartu-s! Meɛna ur tebɣim ara. 35Atan,
yeǧǧa-yawen axxam-nwen. Meɛna ad awen-iniɣ: ur tettuɣalem ara ad iyi-twalim alamma
iḥder-d lweqt ideg ara tinim: Ittubarek win i d-yusan s yisem n Ssid."
Ḥellu deg wass n usteɛfu
14Yiwen n wass n usteɛfu, Yasuɛ ikcem s axxam n yiwen seg yimeqqranen n Ifarisiyen,
iwakken ad yečč lqut. Ttxatalen-t. 2Illa dinna zdat-s yiwen n urgaz, d bu lɛella. 3Yasuɛ
inṭeq ɣer Imusnawen n ccariɛa akked Ifarisiyen, inna: "Ilaq aseḥlu deg wass n usteɛfu, neɣ
ala?" 4Nutni ssusmen kan. Dɣa yekker, iṭṭef amuḍin-nni, isseḥla-t, imiren iserreḥ-as ad
iruḥ. 5Mbaɛd yenna i widak-nni: "Anwa deg-wen, ma yeɣli-yas mmi-s neɣ azger-is ɣer
tesraft, ur ittɣawal ara ad t-id-ikkes, deg wass n usteɛfu? 6Ur ssawḍen ara ad as-d-rren ɣef
wayagi.
Tamɛayt n yimukan di tmeɣra
7
Yewwi-d yiwet n temɛayt i yimeɛraḍen yellan dinna, axaṭer iger-asen tamawt amek i
ttextirin imukan imezwura. 8Inna-yasen: "Mi ara k-iɛreḍ yiwen ɣer tmeɣra, ur ttaṭṭaf ara
amkan amezwaru, ahat yettwaɛreḍ-d yiwen yettwaɛuzzen akter-ik. 9Win akken i ken-id-
iɛerḍen ad d-iruḥ ad ak-yini: 'Efk-as amkan-agi.' Dɣa ad tenneḥcameḍ, ad truḥeḍ ad
teṭṭfeḍ amkan aneggaru. 10Mi ara k-iɛreḍ yiwen, ruḥ ṭṭef amkan aneggaru, iwakken mi ara
d-iruḥ win i k-iɛerḍen, ad ak-yini: 'Ay aḥbib, ɛeddi ɣer zdat!' Imiren ad tesɛuḍ leqder zdat
yimeɛraḍen-nniḍen merra. 11Win yesseɛlayen iman-is ad d-ittwanfeḍ; win yettanzen ad
ittwarfed."
12
Inna daɣen i win akken i t-iɛerḍen: "Mi ara txedmeḍ imekli neɣ imensi, ur d-tteɛraḍ ara
iḥbiben-ik, atmaten-ik, iqriben-ik, neɣ lǧiran-ik yesɛan, ma ulac ad k-ɛerḍen ula d nutni,
ad ak-rren lxir. 13Meɛna mi ara txedmeḍ tameɣra, ɛreḍ-d igellilen, ineɛyuba, iquḍaren,
iderɣalen. 14Ad tiliḍ d aseɛdi, axaṭer ur ttizmiren ara ad ak-d-rren lxir-ik. Ayagi ad ak-d-
yuɣal ass n ḥeggu n yiḥeqqiyen."
Tamɛayt n yimeɛraḍen ɣer tmeɣra
(Mt 22. 1-10)
15
Yiwen seg yimeɛraḍen-nni, mi yesla i wawal-agi, yenna-yas: "A sseɛd n win ara yeččen
di tgelda n Yillu!" 16Yasuɛ yenna-yas: "Yiwen n urgaz ixdem imensi lɛali dɣa iɛreḍ-d aṭas
n lɣaci. 17Lawan n yimensi, iceggeɛ aqeddac-is ad yini i yinebgawen-is: 'Yyaw tura,
iwǧed!' 18Meɛna akken ma llan ufan-d ssebba. Amezwaru yenna-yas: 'Uɣeɣ iger; ilaq ad
ruḥeɣ ad t-id-ẓreɣ. Semmeḥ-iyi, di leɛnaya-k.' 19Wayeḍ yenna-yas: 'Uɣeɣ-d xemsa n
tyugwin n yizgaren; ad ruḥeɣ ad tent-ɛerḍeɣ. Semmeḥ-iyi, di leɛnaya-k.' 20Wayeḍ yenna-
yas: 'Akken kan i zewǧeɣ; ur zmireɣ ara ad n-ruḥeɣ.' 21Aqeddac-nni yuɣal, iḥka-yas
kullec i ssid-is. Bab n uxxam irfa mliḥ dɣa yenna i uqeddac-is: 'Ɣiwel, ffeɣ ɣer yizenqan
akked yiberdan n temdint; awi-d ɣer dagi igellilen, ineɛyuba, iderɣalen, iquḍaren.'
22
Aqeddac-nni yenna-yas: 'A sidi, ayen i d-tumreḍ ittwaxdem, yerna qqimen-d imukan.'
23
Ssid-nni yenna i uqeddac-nni: 'Ffeɣ ɣer yiberdan akked leḥwari, ḥettem-iten ad d-
kecmen, iwakken ad iččar uxxam-iw. 24Ad awen-iniɣ, yiwen seg widak-nni i d-

ittwaɛerḍen ma yeɛreḍ imensi-w'!"
D acu i d anelmad
25
D ihedman n lɣaci i yeddan akked Yasuɛ. Izzi ɣur-sen, yenna-yasen: 26"Win ara d-iruḥen
ɣur-i, ur ikrih ara baba-s, yemma-s, tameṭṭut-is, arraw-is, atmaten-is akked yessetma-s, ula
d iman-is, ur izmir ara ad yili d anelmad-iw. 27Win ur nbubb ara ṣṣalib-is yerna ur yi-d-
itbiɛ ara, ur izmir ara ad yili d anelmad-iw.
28
Anwa deg-wen, ma yebɣa ad ibnu lberǧ, ur ittɣimi ara qbel ad issali leḥsab, iwakken
ad iẓer ma yezmer ad t-ikfu? 29Ma ulac, ma isers lsas, mbaɛd ur izmir ara ad ikemmel,
wid akk ara t-iwalin ad ttihiyen fell-as, 30ad inin: 'Argaz-agi yekker i lebni meɛna ur
izmir ara ad t-ikfu!'
31
Neɣ daɣen, anwa agellid, ma yekker ad innaɣ netta d ugellid-nniḍen, ur ittɣimi ara
qbel ad imuqel ma yezmer s ɛecralaf n yirgazen ad iqabel win ara d-iẓedmen fell-as s
ɛecrin alef? 32Ma ulac, mi mazal winna yebɛed, ad as-iceggeɛ irgazen iwakken ad tt-frun s
wid yelhan.
33
Akka ihi: yiwen deg-wen ur izmir ad yili d anelmad-iw, ma ur isemmeḥ ara deg wayen
akk yesɛa.
34
Lmelḥ, d ayen yelhan! Meɛna ula d lmelḥ, ma truḥ-as lbenna, s wacu ara yettumelleḥ?
35
Ur ilhi la i wakal, la i leɣbar; d aḍegger kan ara yettwaḍegger ɣer berra. A win yesɛan
imeẓẓuɣen i tmesliwt, yesl-d!
Tamɛayt n yixf iɛerqen

15Imekkasen akked yimednuben qerrben ɣer Yasuɛ iwakken ad as-slen. 2Ifarisiyen akked
Imusnawen n ccariɛa sgermuden, qqaren: "Wagi yesterḥib s yimednuben, itett yid-sen!"
3
Yasuɛ inṭeq ɣur-sen, yewwi-yasen-d tamɛayt-agi: 4"Anwa deg-wen, yesɛan meyya n
waxfiwen, ma iruḥ-as yiwen n yixf, ur ittaǧǧa ara ttesɛa uttesɛin-nni-nniḍen di lexla
iwakken d iruḥ ad d-inadi win akken iɛerqen, alamma yufa-t? 5Mi t-yufa, ad t-yerr s lferḥ
ɣef tuyat-is, 6a d-yuɣal s axxam, dɣa ad isiwel i leḥbab akked lǧiran, ad asen-yini: 'Ferḥet
yid-i, axaṭer ufiɣ ixf-nni-inu iɛerqen.' 7Ad awen-iniɣ: d lferḥ ameqqran deg yigenni ɣef
yiwen n umednub i d-yuɣalen, wala ɣef ttesɛa uttesɛin n yiḥeqqiyen ur neḥwaǧ ara ad d-
uɣalen.
Tamɛayt n twizet iruḥen
8
"Neɣ daɣen, anta tameṭṭut-agi, yesɛan ɛecra n twiztin, ma truḥ-as yiwet, ur tettceɛɛil ara
taftilt, ur d-teṭṭummu ara axxam iwakken ad tt-id-tnadi, alamma tufa-tt? 9Mi tt-tufa, ad
tsiwel i teḥbibin akked tgiratin, ad asent-tini: 'Ferḥemt yid-i, axaṭer ufiɣ tawizeṭ-nni-inu
iɛerqen.' 10Ɣef wayagi, ad awen-iniɣ: Akka i ferrḥen lmalayek n Yillu mi ara d-yuɣal
yiwen n umednub."
Tamɛayt n uqcic ijaḥen
11
Inna-yasen daɣen: "Yiwen n urgaz isɛa sin n warraw-is. 12Amecṭuḥ yenna i baba-s: 'A
baba, efk-iyi-d amur-iw n umɛic i yi-d-iṣaḥen.' Imiren baba-tsen ibḍa-yasen rreẓq-is. 13Kra
n wussan mbaɛd, amecṭuḥ-nni ijmeɛ-d kullec dɣa iruḥ ɣer yiwet n tmurt ibeɛden. Dinna,
isdegdeg akk trika-s, ifka-tt i jjiḥ. 14Mbaɛd mi iṣerref kullec, iɣli-d yiwen n laẓ, d
ameqqran, ɣef tmurt-nni, dɣa yebda yettaf-d iman-is di lexṣaṣ. 15Iruḥ yufa lxedma ɣer
yiwen n umezdaɣ n tmurt-nni, i as-ifkan ad as-ikes taqeḍɛit-is n yiḥellufen. 16Iḍmeɛ ad
iṛwu ula d axerrub i tetten iḥellufen-nni; meɛna yiwen ur as-t-ifki. 17Ixemmem deg yiman-
is, inna: 'Acḥal n yixeddamen n baba i yeṛwan aɣrum, ma d nekk, inɣa-yi laẓ dagi. 18Ad
kkreɣ kan, ad ruḥeɣ ɣer baba, ad as-iniɣ: A baba, ɛuṣaɣ igenni, ɛuṣaɣ-k ula d keččini. 19Ur
uklaleɣ ara akk ad ttwaḥesbeɣ d mmi-k. Ḥesb-iyi d yiwen seg yixeddamen-ik.'
20
Ikker yuɣal ɣer baba-s. Uqbel ad yaweḍ, baba-s iwala-t-id, dɣa tergagi-d tasa-s; yuzzel
ɣur-s, iɛenneq-it dɣa yessuden-it. 21Mmi-s-nni yenna-yas: 'A baba, ɛuṣaɣ igenni, ɛuṣaɣ-k
keččini. Ur uklaleɣ ara akk ad ttwaḥesbeɣ d mmi-k.' 22Meɛna baba-s yenna i yiqeddacen-
is: 'Ɣiwlet awit-d lemxeyyer n yibernyas tesselsem-as-t! Rret-as taxatemt deg uḍad-is,
ternum-as arkasen deg yiḍarren-is! 23Awit-d aɛejmi iɛelfen, zlut-t, ad nečč ad nefreḥ!
24
Mmi-agi yella yemmut, tura yedder; illa ijaḥ, tura yuɣal-d!' Dɣa kkren, xedmen
tameɣra. 25Mmi-s amenzu yuɣ-it lḥal di lexla. Mi d-yuɣal, qrib ad d-yaweḍ s axxam, isla i
lmusiqa akked ccna, 26isawel i yiwen seg yiqeddacen, isteqsa-t: 'D acu yeḍran?' 27Winna
yenna-yas: 'D gma-k i d-yuɣalen. Baba-k izla aɛejmi iɛelfen, imi i d-yuɣal ur t-yuɣ wara.'
28
Meɛna yerfa dɣa yugi ad ikcem. Iffeɣ-d baba-s dɣa yettḥellil-it. 29Inṭeq ɣer baba-s,
yenna-yas: 'Acḥal d iseggasen aya i qeddceɣ fell-ak, leɛmer i rẓiɣ ula d yiwen si lumur-ik.
Ɣas akken, leɛmer i yi-tefkiḍ ula d iɣid iwakken ad ferḥeɣ nekk d yiḥbiben-iw. 30Ma d
mmi-k i d-yuɣalen akka, ičča ttrika-k merra netta d tqeḥbiyin, tezliḍ-as aɛejmi iɛelfen!'
31
Baba-s yenna-yas: 'A mmi, kečč tezgiḍ yid-i; ayen akk i sɛiɣ, d ayla-k. 32Meɛna ilaq ad
nefreḥ, ad nezhu, axaṭer gma-k-agi yella yemmut, tura yeḥya-d; illa ijaḥ, tura yuɣal-d'."
Lewkil aḥraymi
16Yasuɛ yenna daɣen i yinelmaden-is: "Yiwen n urgaz amerkanti isɛa lewkil. Lewkil-agi,
cetkan fell-as ɣur-s belli ijeggeḥ-as lerẓaq-is. 2Isawel-as dɣa yenna-yas: 'D acu-t akka i
sliɣ fell-ak! Ḥaseb-iyi-d ɣef lewkala-k; ur tettuɣaleḍ ara ad tiliḍ d lewkil-iw.' 3Lewkil-nni
ixemmem deg yiman-is dɣa yenna: 'D acu ara xedmeɣ mi ara y-ikkes umɛellem-iw
lewkala? Ad wteɣ aqabac? Ur zmireɣ ara. Ad mmetreɣ? Setḥaɣ. 4Ẓriɣ d acu ara xedmeɣ,
iwakken ad afeɣ wid ara y-ildin tiwwura n yixxamen-nsen, mi ara ttwakkseɣ seg umkan-
iw.' 5Isawel i kra n win iwumi yettalas umɛellem-is; yenna i umezwaru: 'Acḥal i k-ittalas
umɛellem-iw?' 6Winna yenna-yas: 'Meyya n txabiyin n zzit.' Lewkil-nni yenna-yas: 'Ṭṭef
lkaɣeḍ-ik, qqim taruḍ xemsin.' 7Mbaɛd yenna i wayeḍ: 'I kečč, acḥal i tettwalaseḍ?' Winna
yenna-yas: 'Meyya n yiqerwiyen n yirden.' Lewkil-nni yenna-yas: 'Ṭṭef lkaɣeḍ-ik taruḍ
tmanyin.' 8Amɛellem-nni icekker-d lewkil-nni aḥraymi ɣef tiḥerci i yeḥrec. Imdanen n
lǧil-agi ḥercen gar-asen akter n warraw n tafat. 9Ad awen-iniɣ: Sɛut iḥbiben s udrim
axeddaɛ, iwakken mi ara ixaṣṣ, ad setreḥben yis-wen deg yiqiḍunen n dayem.
10
Win mumanen di cwiṭ, ad yili daɣen muman deg waṭas. Win ixedɛen di cwiṭ, ad ixdeɛ
daɣen deg waṭas. 11Swakka, ma ur mumanit ara deg udrim axeddaɛ, anwa ara ken-
iwekklen ɣef win n ṣṣeḥḥ? 12Ma ur mumanit ara deg wayla n lberrani, anwa ara ken-
iwekklen ɣef wayla-nwen?
13
Ulac aqeddac izemren ad iqdec ɣef sin n yimɛellmen: imma ad ikreh yiwen, ad iḥemmel
wayeḍ; imma ad iṭṭef deg yiwen, ad iḥqer wayeḍ. Ur tezmirem ara ad tqedcem ɣef Yillu
akked udrim."
14
Imiren Ifarisiyen, iḥemmlen idrimen, mi slan i wayagi akk, bdan ttihiyen fell-as. 15Yasuɛ
yenna-yasen: "Kenwi, tesɛeddayem iman-nwen ɣer yimdanen, meɛna Illu yessen ulawen-
nwen. Ayen ɛzizen ɣer yimdanen, ibxeṣ ɣer Yillu.
16
D ccariɛa akked lanbeyya, armi d Yuḥenna. Syin ɣer da, tagelda n Yillu tettubeccer,
yerna yal yiwen yekkat ad tt-ikcem. 17Ishel i yigenni akked lqaɛa ad fnun, wala i yiwet n
tneqqiṭ n ccariɛa ad txaṣṣ.
18
Win ara yebrun i tmeṭṭut-is yerna yezweǧ d tayeḍ, izna; win ara izewǧen d tmeṭṭut
yebran, izna.
Amerkanti akked Ilɛazar
19
Illa yiwen n urgaz, d amerkanti, ittlusu azeggaɣ akked lfina rqiqen. Yal ass ixeddem
tameɣra tameqqrant. 20Illa yiwen n yigellil, iccur d ideddiyen, isem-is Ilɛazar, ittwaḍegger
s amnar n tewwurt n umerkanti-nni.21Iṭṭamaɛ ad yečč seg wayen i d-iɣellin si ṭṭabla n
umerkanti-nni; ula d iqjan ttruḥun-d ad mecḥen ideddiyen-is.
22
Immut igellil-nni, dɣa wwin-t lmalayek ɣer yirebbi n Abraham. Ula d amerkanti-nni
yemmut dɣa yettwamḍel. 23Di laxert, inneɛtab aṭas; irfed allen dɣa iwala ɣer lebɛid
Abraham, Ilɛazar deg yirebbi-s. 24Iɛeggeḍ, yenna-yas: 'A baba Abraham, ḥunn fell-i!
Ceggeɛ-d Ilɛazar! Ad iger ixf n uḍad-is deg waman, ad issismeḍ iles-iw, axaṭer aql-i
ttneɛtabeɣ deg ujajiḥ-agi.' 25Abraham yenna-yas: 'A mmi, mmekti-d belli tewwiḍ nnṣib-ik
di ddunit-ik, akken i d-ṣaḥen lehmum Ilɛazar. Tura, atan dagi yethenna, ma d kečč aql-ik
di leɛtab. 26Yerna, d axenduq i yellan gar-aɣ yid-wen: wid ara yebɣun ad n-zegren ssyagi
ɣur-wen ur ttizmiren ara, wid ara yebɣun ad d-zegren ssyenna ɣur-neɣ ur ttizmiren ara
daɣen.' 27Amerkanti-nni yenna-yas: 'Di leɛnaya-k ihi, a baba Abraham, ceggeɛ Ilɛazar s
axxam n baba. 28Sɛiɣ xemsa n watmaten-iw; ad asen-iḥku, iwakken ur d-ttruḥun ara ula d
nutni s amkan-agi n leɛtab.' 29Abraham yenna-yas: 'Sɛan Musa akked lanbeyya. Ad asen-
ḥessen!' 30Amerkanti-nni yenna-yas: 'Ala, a baba Abraham! Lemmer ad iruḥ ɣur-sen
yiwen seg widak yemmuten, ad beddlen tikli.' 31Abraham yenna-yas: 'Ma ur ḥessen ara i
Musa akked lanbeyya, ɣas ad d-ikker yiwen seg wid yemmuten, ur ttamnen ara'."
Ssebbat n tuccḍa, ssmaḥ, liman
(Mt 18. 1-7, 18-35)
17Yasuɛ yenna i yinelmaden-is: "D lmuḥal ur d-tettili ara tuccḍa. Meɛna, a tawaɣit n win
ara yilin d ssebba! 2Axir ad as-ɛellqen ɣer umgerḍ-is aɣaref n tsirt yerna a-t-ḍeggren ɣer
lebḥer, wala ad isseɣli yiwen seg yimecṭaḥ-agi! 3Ɛasset ɣef yiman-wen! Ma yedneb gma-
k, ndeṛ-it. Ma yuɣal-d, semmeḥ-as. 4Ɣas sebɛa n yiberdan i k-iḍlem deg wass, irreẓ-d
ɣur-k sebɛa n yiberdan, yenna-yak: 'Uɣaleɣ-d', ilaq ad as-tsemmḥeḍ."
5
Neṭqen yimceggɛen ɣer Ssid, nnan-as: "Rnu-yaɣ di liman!" 6Ssid yenna-yasen: "Lemmer
i tesɛim liman annect n uɛeqqa n uxerdel, ad tinim i ttejra-agi n ttut: 'Qleɛ iman-im ssyagi
teẓẓuḍ iman-im di lebḥer!', ad awen-taɣ awal. 7Anwa deg-wen, ma yesɛa aqeddac, d
afellaḥ neɣ d ameksa, mi ara d-yuɣal si lexla, ad as-yini: 'Yya tura, qqim ɣer ṭṭabla'? 8Ala,
ad as-yini: 'Heggi-yi-d imensi; ḥelles ɣef yiman-ik, tekkreḍ ad iyi-d-tqedceḍ, alamma
čciɣ, swiɣ. Mbaɛd, ad teččeḍ, ad tesweḍ, keččini.' 9Ala, ur ittcekkir ara aqeddac-is imi i
yexdem ayen i as-d-ittwamren. 10Kenwi daɣen, mbaɛd mi txedmem ayen akk i awen-d-
ittwamren, init: 'Nekni, d iqeddacen ur nemɛin. Ayen i yellan fell-aɣ ad t-nexdem,
nexdem-it'."
Ḥellu n ɛecra n yiberṣiyen
11
Deg ubrid-is ɣer Yarucalim, Yasuɛ iɛedda gar Samarya akked Galil. 12Ikcem ɣer yiwet n
taddart, dɣa mugren-t-id ɛecra n yiberṣiyen, qqimen-d mebɛid. 13Bdan ttɛeggiḍen, qqaren:
"A Yasuɛ, a Ccix, ḥunn fell-aɣ!" 14Iwala-ten dɣa yenna-yasen: "Ruḥet ad ken-walin
lmuqeddmin." Ruḥen, dɣa ṣfan deg ubrid. 15Meɛna yiwen deg-sen, mi iwala belli yeṣfa,
yuɣal-d dɣa yettḥemmid Illu s ṣṣut ɛlayen. 16Iɣli ɣef wudem ɣer yiḍarren n Yasuɛ dɣa
iḥmed-it. Argaz-nni, d Asamari. 17Yasuɛ inṭeq, inna: "Mačči ɛecra i yeṣfan? I ttesɛa-nni-
nniḍen, anda-ten? 18Siwa aberrani-agi i d-yuɣalen ad iḥmed Illu!" 19Inna-yas: "Kker, ruḥ!
Liman-ik isellek-ik."
Tisin n tgelda n Yillu
20
Ifarisiyen steqsan Yasuɛ: "Melmi ara d-tas tgelda n Yillu?" Inṭeq, yenna-yasen: "Tagelda
n Yillu ur d-tettas ara akken ara tt-walint wallen. 21Ur qqaren ara: 'Attan dagi, neɣ dihin!'
Tagelda n Yillu attan deg-wen."
22
Inna i yinelmaden: "Atnaya wussan, ad tḍemɛem ad twalim Mmi-s n umdan xerṣum
yiwen n wass, meɛna ur t-tettwalim ara. 23Ad awen-inin: 'Atan dihin! Atan dagi!' Ur
ttruḥut ara! Ur ten-ttabaɛet ara! 24Akken i d-ikkat lebraq si tqernit n yigenni ɣer tayeḍ,
akken ara teḍru asmi ara d-yuɣal Mmi-s n umdan. 25Meɛna uqbel, ad iɛteb aṭas, yerna ad
t-inker lǧil-agi.
26
Ayen akken yeḍran di zzman n Nuḥ ad d-iḍru daɣen deg wussan n Mmi-s n umdan.
27
Lɣaci llan tetten, tessen, zewwǧen yerna ttaken yessit-sen ad zewǧent, armi d asmi
yekcem Nuḥ ɣer lbabur: Tewt-d lḥemla n waman dɣa tessenger-iten merra. 28Ad teḍru
daɣen am di zzman n Luṭ. Lɣaci llan tetten, tessen, ttaɣen, znuzun, bennun, teẓẓun;
29
meɛna asmi i d-iffeɣ Luṭ si Sudum, teɣli-d seg yigenni tmes akked tkebrit am lehwa, dɣa
tessenger-iten merra. 30Akken ara teḍru asmi ara d-iban Mmi-s n umdan.
31
Ass-nni, win ara d-yaf lḥal ɣef ssḍeḥ, lqecc-is deg uxxam, ur d-ittrusu ara ad t-iddem!
Win ara d-yaf lḥal daɣen di lexla, ur d-ittneqlab ara ɣer deffir! 32Mmektit-d tameṭṭut n
Luṭ! 33Win ara inadin ad iḥrez tarwiḥt-is ad tt-isruḥ; win ara tt-isruḥen ad tt-issider. 34Ad
awen-iniɣ: Deg yiḍ-nni, gar sin ara d-yaf lḥal deg yiwen n wusu, yiwen ad ittwaddem,
wayeḍ ad ittweǧǧ. 35Gar snat ara d-yaf lḥal ẓẓadent akken, yiwet ad tettwaddem, tayeḍ ad
tettweǧǧ." 37Neṭqen ɣur-s, nnan-as: "Anda, a Sidi?" Inna-yasen: "Anda tella lǧifa, ad d-
nnejmaɛen yesɣan."
Tamɛayt n unezzarfu akked taǧǧalt
18Yasuɛ yewwi-yasen-d yiwet n temɛayt, iwakken ad asen-yini belli ilaq ad ttẓallan

dayem, ur qeṭṭɛen ara layas. 2Inna: "Illa deg yiwet n temdint yiwen n unezzarfu, ur
ittaggad Illu, ur as-d-tewqiɛ deg yimdanen. 3Tella daɣen di temdint-nni yiwet n taǧǧalt.
Truḥ ɣur-s, tenna-yas: 'Kfu-yi seg uxṣim-iw.' 4Acḥal i yeqqim yugi ad as-ifru tamsalt-is;
meɛna, mbaɛd, ixemmem deg yiman-is, inna: 'Ɣas ur ttaggadeɣ ara Illu, yerna ur yi-d-
tewqiɛ ara seg yimdanen, 5taǧǧalt-agi terwi-yi; ad kkreɣ kan ad as-fkeɣ lḥeqq, neɣ ma
ulac, ma tkemmel akka, ad d-truḥ ad iyi-tessebzeg tiṭ-iw'." 6Ssid inna: "Fehmet ayen i d-
yenna unezzarfu-agi amesbaṭli! 7Amek ur ittak ara Yillu lḥeqq i wid yextar, i yettɛennin
ɣur-s iḍ d wass? Ad ten-yeǧǧ ad ttraǧun? 8Ad awen-iniɣ: ad iɣiwel ad asen-ifk lḥeqq.
Meɛna mi ara d-yas Mmi-s n umdan, ad d-yaf liman di ddunit?"
Afarisi akked umekkas
9
I widak iḥesben iman-nsen d iḥeqqiyen, ḥeqqren wiyaḍ, yewwi-d daɣen tamɛayt-agi:
10
"Sin n yirgazen ulin ɣer ufakan iwakken ad ẓẓallen, yiwen d afarisi, wayeḍ d amekkas.
11
Afarisi-nni ibedd, ittẓalla, iqqar deg wul-is: 'Tanemmirt, ay Illu, imi ur lliɣ ara am lɣaci-
nniḍen: imakaren, imesbaṭliyen, wid izennun, neɣ am umekkas-agi. 12Ttuẓumeɣ mertayen
di ddurt yerna ttɛeccireɣ seg wayen akk i sɛiɣ.' 13Amekkas-nni iqqim-d mebɛid, yugi ad
irfed ula d allen-is ɣer yigenni; meɛna yekkat deg yidmaren-is, iqqar: 'Ay Illu, sellek-iyi,
nekk yellan d amednub!' 14Ad awen-iniɣ: amekkas-nni yuɣal s axxam-is ittuzekka;
wayeḍ-nni, ala. Kra n win yesseɛlayen iman-is ad d-ittwanfeḍ; win yettanzen ad
ittwarfed."
(Mt 19. 13-15; Mr 10. 13-16)
15
Lɣaci wwin-as-d i Yasuɛ llufanat iwakken ad ten-innal. Mi ten-walan, inelmaden,
nnuɣen wid i ten-id-yewwin. 16Meɛna Yasuɛ isawel-asen, yenna-yasen: "Anfet i warrac
imecṭaḥ ad d-ruḥen ɣur-i; ur ten-ttqerriɛet ara! Tagelda n Yillu, i tmital-nsen. 17Amin, ad
awen-iniɣ: Win ur neqbil ara tagelda n Yillu am uqcic amecṭuḥ ur tt-ikeččem ara."
Yasuɛ akked umerkanti
(Mt 19. 16-30; Mr 10. 17-31
18
Yiwen n umeqqran isteqsa Yasuɛ, yenna-yas: "A Ccix lɛali, d acu ara xedmeɣ iwakken
ad sɛuɣ tudert n dayem?" 19Yasuɛ yenna-yas: "Acuɣer i yi-d-tenniḍ lɛali? Yiwen ur illi d
lɛali, siwa Illu, weḥd-s. 20Tessneḍ lumur: Ur zennu ara; ur neqq ara; ur ttaker ara; ur
ttcehhid ara s ẓẓur; ɛuzz baba-k akked yemma-k." 21Winna yenna-yas: "Ayagi merra,
xeddmeɣ-t seg wasmi i meẓẓiyeɣ." 22Mi as-isla Yasuɛ, yenna-yas: "Txuṣṣ-ik yiwet n
lḥaǧa: zzenz ayen akk i tesɛiḍ, freq-it i yigellilen, dɣa ad tesɛuḍ agerruj deg yigenwan;
mbaɛd uɣal-d ɣer dagi ad iyi-ttebɛeḍ." 23Meɛna winna, mi yesla i lehdur-agi, iɣli-d fell-as
uɣemɣum n leḥzen, axaṭer d amerkanti ameqqran. 24Mi t-iwala akken, Yasuɛ inna: "I
yewɛer i win yesɛan cci ad ikcem tagelda n Yillu! 25Ishel i ulɣem ad iɛeddi di tiṭ n tsegnit,
wala i umerkanti ad ikcem tagelda n Yillu." 26Widak-nni yellan ttḥessisen-as nnan: "Anwa
ihi i izemren ad ittwasellek?" 27Inna: "Ayen yellan d lmuḥal i yimdanen, mačči d lmuḥal i
Yillu." 28Buṭrus yenna-yas: "Aql-aɣ negga ayen akk i nesɛa, yerna netbeɛ-ik." 29Yasuɛ
yenna-yasen: "Amin, ad awen-iniɣ: Win ara yeggen axxam-is, neɣ tameṭṭut-is, neɣ
atmaten-is, neɣ imawlan-is, neɣ dderya-s, ɣef ddemma n tgelda n Yillu, 30ad as-d-ittunefk
akter, di ddunit-agi, yerna ad isɛu tudert n dayem, di zzman i d-iteddun."
Yasuɛ ixebber-d s lmut-is akked ḥeggu-s i tikkelt tis tlata
(Mt 20. 17-19; Mr 10. 32-34)
31
Yasuɛ iṭṭef Tnac-nni weḥḥed-sen dɣa yenna-yasen: "Aql-aɣ ad nali ɣer Yarucalim.
Ayen akk i d-uran lanbeyya ɣef Mmi-s n umdan ad iḍru. 32Ad ittusellem i wat leǧnas: ad
ttihin fell-as, ad t-regmen, ad t-susfen. 33Ad t-wten s ujelkaḍ, ad t-nɣen; meɛna ass wis
tlata, ad d-iḥyu." 34Inelmaden-is ur fhimen acemma; lmeɛna n wawal-nni yettwaffer fell-
asen; ur ẓrin ara d acu i d-iqsed.
Ḥellu n yiwen n uderɣal di Yariḥu
(Mr 10. 46-53)
35
Mi qrib ad yaweḍ Yasuɛ ɣer Yariḥu, yella dinna yiwen n uderɣal iqqim ɣef yiri n ubrid,
d amattar. 36Mi yesla i lɣaci, isteqsa: "D acu i yeḍran?" 37Nnan-as belli d Yasuɛ Anaṣari i
d-iɛeddan. 38Iɛeggeḍ, inna: "A Yasuɛ, Mmi-s n Dawed, ḥunn fell-i!" 39Widak-nni i d-
izwaren kkaten amek ara t-ssusmen; meɛna netta simmal isseɛlay taɣect-is, iqqar: "A
Mmi-s n Dawed, ḥunn fell-i!" 40Yasuɛ iḥbes, dɣa yumer ad as-t-id-awin; mi d-iqerreb,
isteqsa-t: 41"D acu i tebɣiḍ ad ak-t-xedmeɣ?" Winna yenna-yas: "Ad iyi-d-yuɣal yiẓri, a
Sidi!" 42Yasuɛ yenna-yas: "Wali! Liman-ik isellek-ik!" 43Imiren kan, yuɣal ittwali; itbeɛ
Yasuɛ yerna yettḥemmid Illu. Agdud merra yebda yettḥemmid Illu mi iwala ayagi.
Ttuba n Zakay
19Mi yekcem ɣer Yariḥu, Yasuɛ iɛedda di temdint. 2Ataya yiwen n urgaz, isem-is Zakay.
D ameqqran n yimekkasen, yerna d amerkanti. 3Ibɣa ad iẓer anwa-t Yasuɛ-agi, meɛna ur
izmir ara si lɣaci, axaṭer meẓẓi di lqedd. 4Yuzzel ɣer zdat, yuli ɣef ttejra iwakken ad t-
iwali, axaṭer ssyenna ara d-iɛeddi. 5Mi d-iwweḍ s amkan-nni, Yasuɛ irfed allen-is dɣa
yenna-yas: "A Zakay, ɣiwel ers-d! Ɣur-k ara iliɣ ass-a." 6Iɣawel yers-d dɣa yesterḥeb yis-
s s lferḥ. 7Widak yellan dinna, mi walan, bdan sgermuden, qqaren: "Ikcem axxam n
umednub!" 8Zakay iqerreb ɣer Yasuɛ, yenna-yas: "Atan a Sidi, ad fkeɣ azgen n wayen i
sɛiɣ i yigellilen. Ma yella win i ukreɣ, ad as-t-ɣermeɣ s rebɛa n yimuren." 9Yasuɛ yenna-
yas: "Ass-a ikcem-d leslak axxam-agi, imi d mmi-s n Abraham i yella ula d netta. 10Mmi-
s n umdan yusa-d iwakken ad inadi yerna ad isellek ayen iḍaɛen."
Tamɛayt n tmintin
11
Mi llan ttḥessisen-as, yerna yewwi-yasen-d yiwet n temɛayt; yufa-t-id lḥal iqreb ɣer
Yarucalim, yerna ɣilen belli imiren kan ara d-tban tgelda n Yillu. 12Inna-yasen ihi: "Yiwen
n urgaz yellan d anaṣli iruḥ ɣer yiwet n tmurt ibeɛden iwakken ad ittusbedd d agellid
imiren ad d-yuɣal. 13Isawel i ɛecra seg yiqeddacen-is dɣa yefka-yasen ɛecra n tmintin.
Inna-yasen: 'Tjaret yis-sent alamma uɣaleɣ-d.' 14Meɛna arraw n tmurt-is kerhen-t; ceggɛen
deffir-s yiwet n terbaɛt, nnan-as: 'Ur nebɣi ara ad aɣ-iḥkem wagi!' 15Mi d-yuɣal, mbaɛd mi
yuɣal d agellid, yumer ad d-siwlen i yiqeddacen-nni iwumi yefka idrimen, iwakken ad
iẓer acḥal i d-irbeḥ yal yiwen deg-sen. 16Iruḥ-d umezwaru, yenna-yas: 'A Sidi, taminet-ik
tewwi-d ɛecra n tmintin.' 17Agellid yenna-yas: 'Ilha, ay aqeddac lɛali! imi i mumaneḍ di
cwiṭ, ad tḥekmeḍ ɛecra n temdinin!' 18Iruḥ-d wis sin, yenna-yas: 'Taminet-ik tewwi-d
xemsa n tmintin.' 19I winna daɣen, inna: 'Ula d kečč ad tḥekmeḍ xemsa n temdinin!'
20
Iruḥ-d wis tlata, yenna-yas: 'A Sidi, attan tminet-ik, kemseɣ-tt di tbeḥnuqt. 21Uggadeɣ-k,
axaṭer kečč d argaz iweɛren; tettaddameḍ ayen ur tesriseḍ, tmeggreḍ ayen ur tezriɛeḍ.'
22
Agellid yenna-yas: 'Ad k-ḥasbeɣ ɣef wayen i d-iffɣen seg yimi-k, a yir aqeddac! Teẓriḍ
belli weɛreɣ, ttaddameɣ ayen ur sriseɣ, meggreɣ ayen ur zriɛeɣ. 23Acuɣer ihi ur tesriseḍ
ara idrimen-iw di lbanka? Tili mi d-uɣaleɣ, ad ten-id-jebdeɣ yerna s lfayda.' 24Inna i wid
ibedden dinna: 'Kkset-as tawizet-is tefkem-tt i bu ɛecra n twiztin-nni.' 25Nnan-as: 'A Sidi,
isɛa ɛecra n twiztin!' 26'Ad awen-iniɣ: i win yesɛan, ad as-ittunekf; i win ur nesɛi ara, ula d
ayen akken yesɛa ad as-ittwakkes. 27Ma d iɛdawen-iw, widak-nni ur nebɣi ara ad ten-
ḥekmeɣ, awit-ten-id ɣer dagi, zlut-ten zdat-i'."
(Mt 21. 1-11; Mr 11. 1-11; Yn 12. 12-19)
28
Mbaɛd mi d-yenna lehdur-agi, ikemmel abrid-is, yuli ɣer Yarucalim. 29Mi iqerreb ɣer
Bit-Fagi akked Bit-Ḥananya, tama n yiwen n yiɣil iwumi i qqaren Iɣil Uzemmur, iceggeɛ
sin seg yinelmaden-is, 30yenna-yasen: "Ruḥet ɣer taddart-ihin i aɣ-d-iqublen. Mi ara
tkecmem ad tafem aǧḥiḥ yeqqen, leɛmer i t-irkib yiwen. Brut-as-d tnehrem-t-id. 31Ma
yella win i ken-id-isteqsan: 'Acuɣer i as-d-tebram?' Init-as akka: 'Axaṭer iḥwaǧ-it Ssid-
nneɣ'." 32Ruḥen yimceggɛen-nni dɣa ufan kullec akken i asen-t-id-yenna. 33Bran-d i
weǧḥiḥ-nni. Bab-is yenna-yasen: "Acuɣer i d-tebram i weǧḥiḥ?" 34Nnan-as: "Axaṭer
Ssid-nneɣ iḥwaǧ-it." 35Imiren wwin-as aǧḥiḥ-nni i Yasuɛ. Sersen fell-as ibernyas-nsen dɣa
srekben Yasuɛ. 36Mi ileḥḥu, lɣaci tessun ibernyas-nsen deg ubrid. 37Mi qrib ad awḍen, di
tkessart n Yiɣil Uzemmur, tarbaɛt merra n yinelmaden ferḥen, dɣa bdan ttḥemmiden Illu
s ṣṣut ɛlayen ɣef leɛǧayeb merra i walan. 38Qqaren:
"Ittubarek ugellid, win i d-yusan s yisem n Ssid!
Lehna deg yigenwan, lɛaḍima deg yimukan ɛlayen!"
39
Kra n Ifarisiyen yellan gar lɣaci-nni, nnan i Yasuɛ: "A Ccix, nṭeq ɣef yinelmaden-ik!"
40
Inna-yasen: "Ad awen-iniɣ: ma susmen wigi, d iẓra ara d-iɛeggḍen!"
Yasuɛ ittru daɣen ɣef Yarucalim
(Mt 23. 37-39; Lq 13. 34-35)
41
Mi iqerreb ɣer temdint, iwala-tt, ibda yettru fell-as, 42inna: "Lemmer kan i teẓriḍ, ula d
kemmini, ass-a, d acu ara am-d-ifken lehna! Meɛna tura, ayagi yeffer ɣef wallen-im.
43
Atnaya wussan, iɛdawen-im ad am-d-bnun iɣulad si yal tama, ad am-d-zzin, yerna ad
kem-id-ḥerṣen ssya u ssya. 44Ad kem-nefḍen ɣer lqaɛa, kem d warraw-im; ur d-ttaǧǧan
deg-m aẓru ɣef wayeḍ, axaṭer ur teɛqileḍ ara lweqt ideg d-idla fell-am."
Yasuɛ itlef imetjaren seg ufakan
(Mt 21. 12-13; Mr 11. 15-18; Yn 2. 13-16)

45
Ikcem ɣer ufakan dɣa yebda yettqecciɛ wid yeznuzun dinna. 46Inna-yasen: "Yura:
'Axxam-iw, d axxam n tẓallit; meɛna kenwi, terram-t d lɣar n yimakaren'!"
47
Yal ass isselmad deg ufakan. Meɛna imeqqranen n lmuqeddmin, lɛulama n ccariɛa
akked yimeqqranen n ugdud ttnadin ad t-nɣen. 48Meɛna ur d-ufin ara amek ara xedmen,
axaṭer agdud merra yetɛeǧǧeb di lehdur-is.
Lḥekma n Yasuɛ
(Mt 21. 23-27; Mr 11. 27-33)
20Yiwen n wass, Yasuɛ illa yesselmad agdud deg ufakan yerna yettbeccir-asen Linǧil.
Leḥqen-d imeqqranen n lmuqeddmin akked Imusnawen n ccariɛa nutni d imeqqranen n
ugdud. 2Neṭqen ɣur-s, nnan-as: "Ini-yaɣ-d d acu n lḥekma swayes i txeddmeḍ ayagi, neɣ
anwa i ak-d-ifkan lḥekma-agi?" 3Inṭeq, yenna-yasen: "Ula d nekk, ad ken-steqsiɣ ɣef
yiwet n temsalt: 4init-iyi-d: aɣḍaṣ n Yuḥenna, seg yigenni neɣ seg yimdanen?" 5Mcawaren
gar-asen dɣa nnan: "Ma nenna-yas: seg yigenni, ad d-yini: 'Acuɣer ur t-tuminem ara?'
6
Ma nenna-yas: seg yimdanen, agdud merra ad aɣ-irjem, axaṭer yumen belli Yuḥenna, d
nnbi." 7Imiren rran-as belli ur ẓrin ara ansi. 8Dɣa Yasuɛ yenna-yasen: "Ula d nekk, ur
awen-d-qqareɣ ara d acu n lḥekma swayes i xeddmeɣ ayagi."
(Mt 21. 33-46; Mr 12. 1-12)
9
Mbaɛd yewwi-d i ugdud tamɛayt-agi: "Yiwen n urgaz iẓẓa taferrant; issekra-tt i
yixeddamen n tferrant dɣa iruḥ yunag ɣer lebɛid i waṭas n lweqt. 10Di lweqt n tẓurin,
iceggeɛ yiwen n uqeddac ɣer yixeddamen-nni, iwakken ad as-d-fken tiẓurin. Meɛna
ixeddamen-nni wten aqeddac-nni, yerna rran-t, ifassen d ilmawen. 11Iɛawed iceggeɛ-
asen aqeddac-nniḍen. Meɛna wten-t ula d winna, regmen-t yerna rran-t, ifassen d
ilmawen. 12Iceggeɛ-asen, i tikkelt tis tlata, aqeddac-nniḍen. Meɛna jerḥen-t yerna
qeccɛen-t ɣer berra. 13Bab n tferrant inna: 'D acu ara xedmeɣ? Ad ceggɛeɣ mmi
ameɛzuz; ahat wagi, ad t-qadren.' 14Meɛna, akken i t-walan, ixeddamen-nni mcawaren
gar-asen, nnan: 'D win ara iwerten! Yyaw ad t-nenɣet! D nekni ara iwerten!' 15Imiren
ḍeggren-t berra n tferrant dɣa nɣan-t. D acu ara asen-ixdem ihi bab n tferrant nni? 16Ad d-
iruḥ, ad ineɣ ixeddamen-nni dɣa ad ifk taferrant-nni i wiyaḍ." Mi as-slan, lɣaci nnan: "A
wer-d-iḍru wayagi!" 17Yasuɛ imuqel-iten, yenna-yasen: "D acu i d lmeɛna n wayen akka
yuran:
'Aẓru-nni i ḥeqren ibennayen, yuɣal d aẓru n teɣmert.
18
Win ara yeɣlin ɣef uẓru-agi ad irreẓ; win iɣef ara d-iɣli, ad t-inɣed'.'
19
Seg imiren, imeqqranen n lmuqeddmin akked Imusnawen n ccariɛa ttnadin ad t-ṭṭfen,
meɛna uggaden agdud. Fehmen belli fell-asen i d-yewwi tamɛayt-nni.
Tabzert i Qayṣer
(Mt 22. 15-22; Mr 12. 13-17)

20
Uɣalen ttɛassan Yasuɛ; ceggɛen-as kra n yexbarǧiyen yerran iman-nsen d iḥeqqiyen,
iwakken ad t-id-sseɣlin deg wawal dɣa ad t-sellmen i lḥukuma akked ufus n lḥakem.
21
Steqsan-t, nnan-as: "A Ccix, neẓra belli theddreḍ yerna tesselmadeḍ s ṣṣwab. Ur
tleḥḥuḍ ara s wudmawen, meɛna tesselmadeḍ abrid n Yillu s tidet. 22Ilaq-aɣ ad nxelleṣ
tabzert i Qayṣer neɣ ala?" 23Ifaq i tḥila-nsen, dɣa yenna-yasen: 24"Sseknet-iyi-d adinar.
Udem-agi akked wayen yuran ɣef udinar-agi, anwa i ten-ilan?" Nnan-as: "N Qayṣer."
25
Inna-yasen: "Rret i Qayṣer ayen yellan n Qayṣer, i Yillu ayen yellan n Yillu." 26Ur
ssawḍen ara ad t-id-sseɣlin deg wawal zdat lɣaci. Wehmen di tririt-nni-ines dɣa ssusmen
merra.
Asteqsi ɣef ḥeggu n lmeggtin
(Mt 22. 23-33; Mr 12. 18-27)
27
Kra n Iṣaduqiyen, i yeqqaren belli ulac ḥeggu n lmeggtin, qerrben ɣer Yasuɛ, steqsan-t.
28
Nnan-as: "A Ccix, deg wayen yura Musa, yeǧǧa-yaɣ-d lamer-agi: 'Ma yemmut yiwen n
urgaz, yeǧǧa-d tameṭṭut-is mebla dderya, ilaq gma-s ad yerr tameṭṭut-is iwakken ad as-d-
yeǧǧ dderya i gma-s.' 29Ihi, llan sebɛa n watmaten. Amezwaru yezweǧ, meɛna yemmut d
amengur. 30Wis sin akked wis tlata rran taǧǧalt-nni; 31akken armi d wis sebɛa: mmuten
merra ur d-ǧǧin dderya. 32Taggara, ula d tameṭṭut-nni temmut. 33Ass n ḥeggu, d tameṭṭut n
wanwa deg-sen ara tili? I sebɛa yid-sen, zewǧen yid-s." 34Yasuɛ inṭeq, inna: "Irgazen
akked tlawin n zzman-agi zewwǧen. 35Meɛna wid akked tid yuklalen ad d-ḥyun si gar
lmeggtin di zzman i d-iteddun ur zewwǧen ara. 36Ur ttuɣalen ara ad mmten; ad uɣalen am
lmalayek; ad ilin d arraw n Yillu imi i d-ḥyan si lmut. 37Lmeggtin ad d-ḥyun: Musa, s
timmad-is, yenna-t-id deg yinijel, mi isawel i Ssid, Illu n Abraham, Illu n Isḥaq, akked
Yillu n Yeɛqub. 38Ihi, Illu mačči d Illu n lmeggtin, meɛna n lḥeggtin; axaṭer ɣur-s, ddren
merra." 39Kra n Imusnawen n ccariɛa neṭqen, nnan-as: "A Ccix, d awal lɛali i d-tenniḍ."
40
Dɣa ur uɣalen ara akk ad t-steqsin.
(Mt 22. 41-45)
41
Yasuɛ yenna-yasen: "Amek armi i qqaren belli Lmasiḥ, d Mmi-s n Dawed? 42Dawed, s
timmad-is, yenna-d deg udlis n Ihellilen:
Ssid yenna i Ssid-iw: Qqim ɣer tama-w tayeffust, 43alamma rriɣ-d iɛdawen-ik d tarkabt i
yiḍarren-ik.
44
Dawed iqqar-as ihi Sidi; amek ara yili d mmi-s?"
45
Mi yella lɣaci merra yettḥessis, Yasuɛ yenna i yinelmaden-is: 46"Ḥadret iman-nwen si
Imusnawen n ccariɛa! Ḥemmlen ad lḥun s yiqendyar iɣezfanen, ḥemmlen ad ttsellimen
fell-asen lɣaci deg yizenqan, ad ṭṭfen imukan imezwura di leǧwameɛ, imukan imezwura
ɣer wučči. 47Tetten ixammen n tuǧǧal. Ssiɣzifen di tẓilla, iwakken ad ten-id-walin
medden; meɛna ad ttuɛaqben lɛiqab aqesḥan."
Lweɛda n yiwet n taǧǧalt
(Mr 12. 41-44)

21Yasuɛ irfed allen-is, ittmuqul deg yimerkantiyen ttḍeggiren lewɛadi-nsen ɣer daxel n
usenduq n ufakan. 2Iwala yiwet n taǧǧalt taẓawalit tḍegger snat n teryalin ɣer daxel n
usenduq-nni. 3Inna: "Amin, ad awen-iniɣ, taǧǧalt-agi taẓawalit tefka akter n wiyaḍ merra.
4
Wigi merra fkan lweɛda seg wayen i izaden fell-asen; meɛna nettat, ɣas akken txuṣṣ
mliḥ, tefka ayen akk i tesɛa d amɛic-is."
Tiririt n Yasuɛ i yesteqsiyen n yinelmaden-is ɣef taggara
(Mt 24-25; Mr 13)
5
Kra qqaren belli afakan icbeḥ s yiẓra lɛali akked lewɛadi. Yasuɛ inna: 6"Ad d-asen
wussan, ayen akka i tettwalim ad ihudd, ur d-ittɣimi uẓru ɣef wayeḍ." 7Steqsan-t, nnan-as:
"A Ccix, melmi ara d-iḍru wayagi? D acu n limara ara d-ibeggnen belli ayagi ad d-iḍru?"
8
Inna: "Ɣur-wat ad tettwaɣurrem! Aṭas ara d-iruḥen s yisem-iw, ad inin: 'D nekk!' neɣ:
'Iwweḍ-d lweqt!' Ur ten-ttabaɛet ara! 9Mi ara teslem i ṭṭradat akked tnekriwin, ur xellɛet
ara. Ilaq ad d-izwir qbel wayagi; meɛna mačči imiren i d taggara." 10Inna-yasen daɣen:
"Lǧens ad d-ikker ɣer lǧens, tagelda ɣer tgelda, 11a d-ilint zlezlat timeqqranin; di kra n
yimukan, ad d-ilint tterkat, ad d-yili laẓ; ad d-ilint rrehbat, ad d-banent limarat
timeqqranin deg yigenni. 12Meɛna, uqbel ayagi merra, ad ken-ṭṭfen; ad ken-qehren, ad
ken-ssiwḍen ɣer leǧwameɛ, ad ken-ḍeggren ɣer leḥbus; ad ken-awin ɣer zdat yigelliden
akked lḥekkam, ɣef ddemma n yisem-iw. 13Ayagi ad awen-yili d tagnit ideg ara d-
tcehdem. 14Ɣef wayagi, ur ttḥebbiret ara deg wulawen-nwen amek ara tdafɛem ɣef
yiman-nwen, 15axaṭer d nekk ara awen-d-ifken lehdur akked lekyasa swayes ara
tessiwḍem ixṣimen-nwen ur ttizmiren ara ad ken-qamren neɣ ad ken-xalfen deg wawal.
16
Ula d imawlan, atmaten, iqriben akked leḥbab ad ken-sellmen, yerna aṭas ara nɣen seg-
wen. 17Ad ken-kerhen akk ɣef ddemma n yisem-iw. 18Meɛna yiwen n unẓad n uqerru-nwen
ur ittruḥu! 19Ṭṭfet, ad tḥerzem tirwiḥin-nwen.
20
Mi ara twalim Yarucalim, zzint-as-d lemḥellat n lɛesker, ḥṣut belli nnger-is iqerb-d.
21
Imiren, wid izedɣen Yahuda ad rewlen ɣer yidurar; wid n tlemmast n temdint ad tt-
ffɣen, wid n leɛzayeb ur tt-keččmen ara! 22Ad ilin d ussan n ttar, iwakken ad d-iḍru wayen
akk yuran. 23A tawaɣit n tlawin ara d-yaf lḥal s tadist, neɣ ssuṭṭuḍent ussan nni! Axaṭer
tamurt ad tili di ccedda tameqqrant, ad d-iɣli wurrif ɣef ugdud-agi. 24Ad ten-yečč ujenwi,
ad nfun ɣer leǧnas merra. Yarucalim, ad tt-rekḍen leǧnas, alamma yekfa lweqt n leǧnas.
25
Ad d-ilint limarat deg yiṭij, deg waggur, deg yitran; di lqaɛa, ad iffeɣ leɛqel leǧnas, ur
ẓerren ara d acu ara xedmen, si lhul-nni n lebḥer akked lemwaǧi. 26Imdanen ad mmten si
lxuf seg uraǧu n wayen akken ara d-iɣlin ɣef ddunit, axaṭer tizemmar n yigenwan ad
nquqlent. 27Imiren ad walin Mmi-s n umdan iteddu-d ɣef usigna s tezmert-is akked
lɛaḍima-s timeqqranin. 28Mi ara yebdu ad d-iḍerru wannect-agi, kkret, refdet aqerru,
axaṭer lefdi-nwen iqerb-d."
29
Yewwi-yasen-d yiwet n tteswira, inna: "Muqlet tanqelt akked ttjur-nniḍen. 30Akken kan
ara fsunt, teẓram belli iḥder-d unebdu. 31Akken ula d kenwi, mi ara twalim ayagi yeḍra-d,
ḥṣut belli tagelda n Yillu tqerb-d. 32Amin, ad awen-iniɣ: lǧil-agi ur ittɛeddi ara alamma
yeḍra-d wayagi merra. 33Igenni d lqaɛa ad fnun, meɛna lehdur-iw ur fennun ara.
34
Ḥadret ɣef yiman-nwen! Ɣur-wat ad ɣerqen wulawen-nwen di zzhu, ssekṛan akked
yineẓman n ddunit, ad d-iɣli fell-awen wass-nni ur tebnim fell-as. 35Am ucebbak, ad d-iɣli
ɣef yimdanen merra yellan di ddunit. 36Ilit tukim yal lweqt, yerna ttẓallat iwakken ad
tiǧhidem, dɣa ad tmenɛem i wayagi merra ara d-iḍrun yerna ad ken-id-yaf lḥal tbeddem
zdat Mmi-s n umdan."
37
Deg wass, Yasuɛ isselmad deg ufakan; deg yiḍ, ittruḥu ad yens deg yiwen n yiɣil iwumi
i qqaren Iɣil Uzemmur. 38Ṣṣbeḥ zik, lɣaci merra yettruḥu ɣur-s ɣer ufakan iwakken ad as-
slen.
Yahuda iqsed ad ixdeɛ Yasuɛ
(Mt 26. 14-16; Mr 14. 1-2)
22Lɛid n yiɣerman ur nesɛi iɣes n temtunt, iwumi i qqaren Lɛid n Usuref, tqerb-d.
2
Imeqqranen n lmuqeddmin akked Imusnawen n ccariɛa ttnadin amek ara nɣen Yasuɛ,
meɛna ttaggaden agdud. 3Cciṭan ikcem Yahuda, iwumi i qqaren Aqiryuti, yiwen si Tnac-
nni. 4Iruḥ imcawar netta d imeqqranen n lmuqeddmin akked wid n tɛessast, amek ara
asen-t-isellem. 5Ferḥen dɣa mtafaqen ad as-fken idrimen. 6Iqbel, dɣa yebda yettnadi
taswiɛt iwulmen ideg ara asen-t-isellem s tuffra n lɣaci.
Tiremt n Usuref
(Mt 26. 26-29; Mr 14. 22-25)
7
Ilḥeq-d wass n lɛid n yiɣerman ur nesɛi iɣes n temtunt, ass ideg zellun asfel n Usuref.
8
Yasuɛ iceggeɛ Buṭrus akked Yuḥenna, yenna-yasen: "Ruḥet heggit tiremt n Usuref; ad tt-
nečč." 9Nnan-as: "Anda i tebɣiḍ ad tt-nheggi?" 10Inna-yasen: "Mi ara tkecmem ɣer
temdint, ad ken-id-imlil yiwen n urgaz i d-yewwin tacmuxt n waman. Ddut yid-s s axxam
anda ara yekcem. 11Init i bab n uxxam: Ad ak-iqqar Ccix: 'Anda-tt texxamt ideg ara ččeɣ
tiremt n Usuref nekk d yinelmaden-iw?' 12Ad awen-d-issken yiwet n tɣurfet, meqqret
yerna tessa s tzerbiyin. Dinna ara theggim kullec." 13Ruḥen, ufan kullec akken i asen-t-id-
yenna, dɣa heggan tiremt n Usuref.
14
Mi d-teḥder tsaɛet, iqqim ad yečč netta d yimceggɛen-is. 15lnna-yasen: "Acḥal i mennaɣ
ad ččeɣ yid-wen tiremt-agi n Usuref uqbel ad nneɛtabeɣ. 16Ad awen-iniɣ: ur ttuɣaleɣ ara
ad tt-ččeɣ, alamma teḍra di tgelda n Yillu." 17Iddem-d yiwet n teqbuct, iḥmed dɣa yenna:
"Axet, ferqet-t gar-awen. 18Ad awen-iniɣ: ur ttuɣaleɣ ara ad sweɣ seg waman n tẓurin,
alamma telḥeq-d tgelda n Yillu." 19Iddem-d aɣrum, iburek, ibḍa-t, ifka-yasen-t dɣa yenna:
"Wagi, d tafekka-w yettunefken fell-awen. Xeddmet ayagi iwakken ad iyi-id-
tettmektayem." 20Mbaɛd imensi, iddem-d daɣen taqbuct, ifka-yasen-tt dɣa yenna:
"Taqbuct-agi, d lemɛahda tajdidt s yidammen-iw yuzzlen fell-awen.
21
Meɛna afus n win ara y-isellmen atan yid-i ɣer ṭṭabla. 22Mmi-s n umdan ad iruḥ akken
yura. Meɛna, a nnger n urgaz-agi ara t-isellmen!" 23Dɣa bdan heddren gar-asen: anwa
wagi seg-sen ara ixedmen ayagi?
Anwa i d ameqqran akk?
(Mt 20. 20-28; Mr 9. 33-37; 10. 35-45; Yn 13. 1-17)

24
Bdan daɣen ttemǧadalen gar-asen: anwa i d ameqqran akk gar-asen? 25Inna-yasen:
"Igelliden n leǧnas ssleṭnen fell-asen, yerna wid i ten-iḥekmen ttusemman imeḥsanen.
26
Gar-awen, ur ilaq ara ad d-yili wayagi; ameqqran akk gar-awen ad yili am umecṭuḥ, win
iḥekmen ad yili am win iqeddcen. 27Anwa i d ameqqran akk? D win yeqqimen ɣer ṭṭabla,
neɣ win i d-iqeddcen? Mačči d win yeqqimen ɣer ṭṭabla? Meɛna nekk, aql-i gar-awen am
win iqeddcen. 28Kenwi, d wid yeṭṭfen yid-i di lemḥayen-iw. 29Heggaɣ-awen tagelda,
akken i yi-tt-id-ihegga Baba, 30i wakken ad teččem, ad teswem ɣer ṭṭabla-w di tgelda-w,
yerna ad teqqimem ɣef yikersiyen n leḥkem iwakken ad tḥasbem tnac n leɛrac n Israyil.
Buṭrus ad inker Yasuɛ
(Mt 26. 30-35; Mr 14. 26-31; Yn 13. 36-38)
31
A Cimɛun, a Cimɛun, Cciṭan issuter-iken-id iwakken ad ken-isɣerbel am yirden!
32
Meɛna nekk, dɛiɣ fell-ak, iwakken ur ifeččel ara liman-ik. Kečč, mi d-tuɣaleḍ, sseǧhed
atmaten-ik." 33Buṭrus yenna-yas: "A Sidi, aql-i weǧdeɣ ad dduɣ yid-k ula ɣer lḥebs, ula
ɣer lmut." 34Yasuɛ yenna-yas: "A Buṭrus, ad ak-iniɣ, ur iskuɛuy ara uyaziḍ ass-a, alamma
tnekreḍ-iyi tlata tikkal belli tessneḍ-iyi."
35
Inna-yasen: "Mi akken i ken-ceggɛeɣ mebla idrimen, mebla aqrab, mebla arkasen, illa
kra i ken-ixuṣṣen?" Nnan-as: "Acemma!" 36Inna-yasen: "Meɛna tura, a win yesɛan
idrimen, yawi-ten win yesɛan aqrab, yeddem-it; win ur nesɛi ara ajenwi, ad izzenz
aqendur-is iwakken ad d-yaɣ yiwen. 37Nekk, ad awen-iniɣ: ilaq ad iḍru yid-i wayen
yuran: 'Ittuneḥsab seg yimesbaṭliyen.' Swakka, ayen i yi-iɛnan iwweḍ-d ɣer taggara-s."
38
Nnan-as: "A Sidi, atnan dagi sin n yijenwiyen." Inna-yasen: "Berka!"
39
Iffeɣ dɣa iruḥ, akken yennum, s Iɣil Uzemmur. Inelmaden-is tebɛen-t. 40Mi yewweḍ s
amkan-nni, yenna-yasen: "Dɛut iwakken ur tkeččmem ara deg ujerreb." 41Mbaɛd ibɛed
fell-asen amecwar. Yuɣal ɣef tgecrar dɣa yebda yettẓalla, iqqar: 42"A Baba, ma tebɣiḍ,
ssebɛed akkin fell-i taqbuct-agi. Meɛna, mačči akken i bɣiɣ nekk, akken i tebɣiḍ kečč!"
43
Iḍehr-as-d yiwen n lmelk seg yigenni dɣa yesǧehd-it. 44Iḍaq mliḥ wul-is, dɣa yesseḥreṣ
di tẓallit armi i tuɣal tidi-s am tmeqwa n yidammen i d-iɣellin ɣer lqaɛa. 45Ikker-d si
taẓallit dɣa iruḥ ɣer yinelmaden-is, yufa-ten, tewwi-ten tnafa seg wakken tɣebbnen.
46
Inna-yasen: "Acuɣer i teṭṭṣem? Kkret ad teẓẓallem, iwakken ur tkeččmem ara deg
ujerreb."
Tuṭṭfa n Yasuɛ
(Mt 26. 47-54; Mr 14. 43-47; Yn 18. 2-11)
47
Mi akken ihedder, attan tewweḍ-d yiwet n terbaɛt n lɣaci. Win iwumi i qqaren Yahuda,
yiwen si Tnac-nni, izwar-asen-d. Iqerreb ɣer Yasuɛ iwakken ad t-issuden. 48Meɛna Yasuɛ
yenna-yas: "A Yahuda, s usuden ara tsellmeḍ Mmi-s n umdan!" 49Widak yellan yid-s,
mi walan ayen ara d-iḍrun, nnan-as: "A Sidi, ad nwet s ujenwi?" 50Dɣa yiwen deg-sen
yewwet aqeddac n lmuqeddem ameqqran, ikkes-as ameẓẓuɣ ayeffus. 51Yasuɛ inṭeq,
yenna : "Ḥebset dinna!" Innul ameẓẓuɣ n urgaz-nni dɣa yesseḥla-t. 52Imiren Yasuɛ
yenna i widak-nni i d-iruḥen ɣur-s, imeqqranen n lmuqeddmin, imeqqranen n tɛessast

n ufakan akked yimeqqranen n ugdud: "Teffɣem-d s yijenwiyen akked yiɛekkzan, amzun
akken s amcum. 53Ttiliɣ yid-wen yal ass deg ufakan yerna yiwen deg-wen ur d-irfid afus-
is ɣur-i. Meɛna d taswiɛt-nwen i d-iḥedren, d taswiɛt n tezmert n ṭṭlam." 54Mmɣen fell-as,
ṭṭfen-t, dɣa wwin-t skecmen-t s axxam n lmuqeddem ameqqran. Buṭrus itbeɛ-iten si
lebɛid.
55
Ceɛlen times di tlemmast n ufrag dɣa qqimen jmiɛ. Buṭrus iqqim yid-sen. 56Twala-t
yiwet n tqeddact iqqim isseḥmay. Tɛeql-it dɣa tenna: "Wagi daɣen yella yid-s!" 57Meɛna
yenker, inna: "Ur ẓriɣ anwa-t, a tameṭṭut!" 58Cwiṭ mbaɛd, iwala-t wayeḍ dɣa yenna: "Kečč
daɣen, seg-sen!" Meɛna Buṭrus inna: "Ur lliɣ ara seg-sen, ay argaz!" 59Azal n ssaɛa
mbaɛd, wayeḍ ittḥettic, iqqar: "D ṣṣeḥḥ, wagi daɣen yella yid-s! Si Galil ula d netta."
60
Meɛna Buṭrus inna: "Ur ẓriɣ ara ɣef wacu i d-theddreḍ, ay argaz." Mazal ur d-ikfi ara
awal, iskuɛ-d uyaziḍ. 61Ssid yezzi, imuqel Buṭrus, dɣa Buṭrus immekta-d awal-nni i as-d-
yenna Ssid: "Uqbel ad iskuɛ uyaziḍ ass-a, ad iyi-tnekreḍ tlata n tikkal." 62Iffeɣ ɣer berra
dɣa iru-ten, d imerɣanen.
63
Irgazen-nni yeṭṭfen Yasuɛ ttihiyen fell-as yerna kkaten-t. 64Ttɣummun-as udem-is,
steqsayen-t, qqaren-as: "Af-itt-id! Anwa i k-id-iwten?" 65Dɣa ɣlin deg-s s ujedder.
Yasuɛ zdat usqamu n ccraɛ n Iyahudiyen
(Mt 26. 59-68; Mr 14. 55-65; Yn 18. 19-24)
66
Mi yuli wass, imeqqranen n ugdud, imeqqranen n lmuqeddmin akked Imusnawen n
ccariɛa nnejmaɛen dɣa wwin Yasuɛ ɣer usqamu-nsen n ccraɛ. 67Nnan: "Ma d kečč i d
Lmasiḥ, ini-yaɣ-t-id!" Inna-yasen: "Ma nniɣ-awen-t-id, ur tettamnem ara. 68Ma steqsaɣ-
ken, ur d-tettarram ara. 69Sya d asawen, Mmi-s n umdan ad iqqim ɣer tama tayeffust n
Yillu Anezmar." 70Akken ma llan, nnan-as: "Ihi, d Mmi-s n Yillu i telliḍ?" Inna-yasen:
"Atan tennam-t-id, d nekk!" 71Nnan: "D acu n cchada-nniḍen iɣef ara nnadi? D nekni, s
timmad-nneɣ, i as-islan seg yimi-s."
(Mt 27. 2, 11-14; Mr 15. 1-5; Yn 18. 28-38)
23Tajmaɛt merra tekker, wwin Yasuɛ i Bilaṭus. 2Bdan ttcetkin fell-as, qqaren: "Nufa
argaz-agi yessefsad tamurt-nneɣ. Issefraɣ lɣaci ɣef lexlaṣ n tebzert i Qayṣer, yerna yerra
iman-is d Lmasiḥ, d agellid." 3Bilaṭus isteqsa-t, yenna-yas: "Kečč, d agellid n
Iyahudiyen?" Yasuɛ inṭeq, yenna-yas: "Aql-ik tenniḍ-t-id." 4Bilaṭus yenna i yimeqqranen
n lmuqeddmin akked lɣaci: "Ur d-ssukkseɣ acemma i urgaz-agi." 5Meɛna nutni
ttɛeggiḍen, qqaren: "Isseḥrac agdud, s uselmed i yesselmad di Yahuda merra, ibda-d si
Galil armi d dagi." 6Mi yesla Bilaṭus, isteqsa: "Argaz-agi, si Galil?" 7Mi yeẓra belli Yasuɛ
illa ddaw lḥekma n Hirudus, iceggeɛ-as-t i Hirudus, i d-yufa lḥal di Yarucalim ussan-nni.
8
Hirudus, mi iwala Yasuɛ, ifreḥ aṭas, axaṭer acḥal segmi i yebɣa ad t-iẓer, ɣef ddemma n
wayen i heddren fell-as; imenna ad t-iwali yexdem yiwet n limara. 9Iḥreṣ-it s waṭas n
yisteqsiyen, meɛna netta, ur as-d-irri ara ula d yiwen n wawal. 10Imeqqranen n
lmuqeddmin akked Imusnawen n ccariɛa yellan dinna kkren-d, ttcetkin fell-as s lɣecc.
11
Hirudus, netta d iɛessasen, ttihin fell-as, ḥeqren-t; sselsen-as talaba icebḥen dɣa rran-
as-t i Bilaṭus. 12Seg wass-nni, Bilaṭus akked Hirudus uɣalen d iḥbiben, nutni yellan d
iɛdawen.
13
Bilaṭus isawel i yimeqqranen n lmuqeddmin, imeqqranen n ugdud akked ugdud. 14Inna-
yasen: "Tessawḍem-iyi-d argaz-agi, teqqarem belli yessefsad agdud. Aql-i beḥḥteɣ-t zdat-
wen, meɛna ur as-d-ssukkseɣ acemma n wayen akk i d-teggarem fell-as.15Ula d Hirudus
ur as-d-issukkes acemma, daymi i aɣ-t-id-irra. Argaz-agi ur ixdim acemma yuklalen lmut.
16
Ɣef wayagi, ad t-wteɣ kan s ujelkaḍ, mbaɛd ad as-serrḥeɣ."
17
Yuɣ lḥal, yal lɛid, Bilaṭus ittserriḥ-d i yiwen n umeḥbus. 18Meɛna lɣaci, akken ma llan,
ttɛeggiḍen, qqaren: "Neɣ winna, serreḥ-aɣ-d i Bar-Aba!" 19Bar-Aba-agi yettwaḥbes axaṭer
isker ccwal di temdint, yerna yenɣa tamgerḍt. 20Bilaṭus ihder-asen daɣen, axaṭer ibɣa ad
d-iserreḥ i Yasuɛ. 21Meɛna nutni ttɛeggiḍen, qqaren: "Ṣelleb-it! Ṣelleb-it!" 22Inna-yasen i
tikkelt tis tlata: "D acu n ccer i yexdem wagi?" Ala, ur as-d-ssukkseɣ acemma yuklalen
lmut. Ɣef wayagi, ad t-wteɣ kan s ujelkaḍ, mbaɛd ad as-serrḥeɣ." 23Meɛna nutni
ttɛeggiḍen s lqedd n ugerjum-nsen, ssuturen ad ittwaṣelleb. Ɣelben-t s leɛyaḍ-nsen.
24
Imiren Bilaṭus idda-yasen di lebɣi. 25Iserreḥ-d i win akken i bɣan, win yettwaḥebsen imi
i yesker ccwal yerna yenɣa tamgerḍt; ma d Yasuɛ, ifka-yasen-t ad xedmen yis-s ayen i
asen-ihwan.
Aṣelleb n Yasuɛ
(Mt 27. 33-43; Mr 15. 24-32; Yn 19. 17-37)
26
Mi t-wwin, ḥebsen-d deg ubrid yiwen n urgaz iwumi i qqaren Cimɛun n Qirwan, yuɣal-
d si lexla. Ḥettmen-t ad ibibb ṣṣalib deffir Yasuɛ. 27Ddan deffir-s ahdum n lɣaci akked
tlawin i yekkaten deg yidmaren-nsent, ttrunt fell-as. 28Yasuɛ izzi ɣur-sent, yenna-yasent:
"A yessi-s n Yarucalim, ur ttrumt ara fell-i; rumt ɣef yiman-nkent d warraw-nkent,
29
axaṭer atnaya wussan, ad qqaren: 'A sseɛd n tiɛiqar, n tɛebbaḍ ur nuriw ara, n tebbuct ur
nessuṭṭeḍ ara!' 30Imiren, ad bdun ad qqaren i yidurar: 'Ɣlit-d fell-aɣ!', i tɣaltin: 'Ffremt-aɣ!'
31
Axaṭer ma teḍra akka d usɣar azegzaw, amek ara teḍru d uquran?"
32
Wwin daɣen sin-nniḍen, d imcumen, iwakken ad ttwaṣellben yid-s. 33Mi wwḍen s
amkan yettusemman Amelɣiɣ, ṣellben-t dinna, netta d sin n yimcumen-nni; yiwen ɣer
tama tayeffust, wayeḍ ɣer tama tazelmaḍt. 34Yasuɛ inna: "A Baba, ɛfu-yasen, axaṭer ur
ẓrin ara d acu i xeddmen." Gren tasɣart dɣa ferqen gar-asen llebsa-s.35Lɣaci ibedd dinna,
ittmuqul. Ma d imeqqranen ttihiyen fell-as, qqaren: "Isellek wiyaḍ, ad isellek iman-is, ma
d Mmi-s n Yillu, d win yettwaxtaren, i yella!" 36Ula d lɛesker ttihiyen fell-as. Qerrben ɣur-
s, fkan-as lxell, 37nnan-as: "Ma d agellid n Iyahudiyen i telliḍ, sellek iman-ik s yiman-ik!"
38
Nnig n uqerru-s, tella yiwet n telwiḥt iɣef yura: "Wagi, d agellid n Iyahudiyen."
39
Yiwen seg yimcumen-nni yettwaɛellqen ibda ajedder deg-s, iqqar: "Mačči d Lmasiḥ i
telliḍ? Sellek iman-ik s yiman-ik, tsellkeḍ-aɣ ula d nekni!" 40Meɛna wayeḍ-nni yerra-yas,
innuɣ-it, inna: "Ur tuggadeḍ ara Illu, kečč i ibuṣan am netta? 41Nekni, ayen akka i aɣ-
iḍran d lḥeqq, nxelleṣ ayen i nexdem. Meɛna wagi, ulac d acu i yexdem n diri." 42Dɣa
yenna-yas: "A Yasuɛ, mmekti-yi-d, mi ara d-taseḍ di tgelda-k!" 43Yasuɛ yenna-yas:

"Amin, ad ak-iniɣ: ass-a ad tiliḍ yid-i di lǧennet."
Lmut n Yasuɛ
(Mt 27. 47-56; Mr 15. 33-41; Yn 19. 30-37)
44
Ad tili d leǧwahi n tnac n wass; iɣli-d ṭṭlam ɣef tmurt merra, armi d tlata n tmeddit. 45Iṭij
iḥǧeb. Leḥǧab yellan deg ufakan icerreg di tlemmast. 46Yasuɛ iɛeggeḍ s lqedd n taɣect-is,
inna: "A Baba, rriɣ-n rruḥ-iw gar yifassen-ik." Mi d-yenna ayagi, issufeɣ rruḥ. 47Lqebṭan
n lɛesker, mi iwala ayen akken yeḍran, iḥmed Illu, inna: "D ṣṣeḥḥ, argaz-agi, d aḥeqqi."
48
Lɣaci i d-iruḥen ad nezhen walan ayen akken i d-iḍran. Uɣalen ssyenna, kkaten deg
yidmaren-nsen. 49Wid merra i t-issnen qqimen-d mebɛid; ula d tilawin-nni i d-iddan yid-s
si Galil walant ayen-nni.
Tamḍelt n Yasuɛ
(Mt 27. 57-61; Mr 15. 42-47; Yn 19. 38-42)
50
Illa yiwen n urgaz, isem-is Yusef, d yiwen seg yimeqqranen deg usqamu n ccraɛ n
Iyahudiyen; d argaz lɛali, d aḥeqqi. 51Ur iqbil ṛṛay-nsen wala lecɣal-nsen. Netta si
Ramatayim, yiwet n temdint n Iyahudiyen; illa yettraǧu tagelda n Yillu. 52Iruḥ ɣer Bilaṭus
dɣa issuter-as tafekka n Yasuɛ. 53Iṣubb-d tafekka n Yasuɛ, ikfen-itt dɣa yerra-tt deg yiwen
n uẓekka inejren deg uẓru, anda ur imḍil ula d yiwen. 54Yuɣ lḥal, d ass n Uheggi, qrib ad
ibdu wass n usteɛfu. 55Tilawin-nni i d-iddan d Yasuɛ si Galil tebɛent Yusef, walant aẓekka,
walant daɣen amek i tres tfekka-s deg-s. 56Uɣalent, heggant leɛṭer akked rrwayeḥ. Ass n
usteɛfu, steɛfant, akken yella di Ccariɛa.
Ḥeggu n Yasuɛ
(Mt 28. 1-15; Mr 16. 1-11; Yn 20. 1-18)
24Ass amezwaru n ddurt, tafejrit, tilawin-nni ruḥent s aẓekka. Wwint leɛṭer-nni i heggant.
2
Ufant aẓru-nni n uẓekka igrareb akkin. 3Kecment ɣer daxel meɛna ur ufint ara tafekka n
Ssid Yasuɛ. 4Seg wakken dehcent si temsalt-nni, atnan bedden-d ɣur-sent sin n yirgazen s
llebsa yettfeǧǧiǧen am lebraq. 5Tekcem-itent tergigit dɣa ṣubbent iqerra-nsent ɣer lqaɛa.
Nnan-asent: "Acuɣer i tettnadimt lḥey gar lmeggtin? 6Ulac-it dagi, iḥya-d. Mmektimt-d d
acu i awen-d-yenna mi akken yella di Galil; 7yenna-yawen: 'Ilaq ad ittusellem Mmi-s n
umdan s yifassen n yimednuben, ad ittwaṣelleb, meɛna ass wis tlata, ad d-iḥyu.'" 8Dɣa
mmektant-d d lehdur-is. 9Uɣalent seg uẓekka dɣa xebbrent Ḥdac-nni akked wiyaḍ merra
s wayen yeḍran. 10Tilawin-nni, d Meryem Tamagdalit, Yuwana, Meryem, yemma-s n
Yeɛqub, akked tiyaḍ yellan yid-sent. 11Ḥkant kullec i yimceggɛen, meɛna ur tent-uminen
ara, axaṭer ḥesben-tent d ashetref i shetrifent. 12Imiren yekker Buṭrus, yuzzel s aẓekka,
ikna dɣa iwala siwa lekfen weḥd-s. Yuɣal s axxam-is, iwhem deg wayen akk i d-iḍran.
Yasuɛ iḍher-d i sin n yinelmaden n Amawus
13
Ass-nni dɣa, sin n yinelmaden ṭṭfen abrid ɣer yiwet n taddart, isem-is Amawus, i
ibeɛden ɣef Yarucalim azal n snat n swayeɛ n tikli. 14Leḥḥun heddren gar-asen ɣef wayen
akk yeḍran. 15Mi llan heddren, ttmeslayen, Yasuɛ, s timmad-is, iqerreb ɣur-sen dɣa yedda
yid-sen. 16Meɛna allen-nsen qqnent, ur t-ɛqilen ara. 17Inna-yasen: "Ɣef wacu i theddrem
akka deg ubrid-nwen?" Dɣa ḥebsen, mmuɣebnen. 18Yiwen deg-sen, iwumi i qqaren
Klufas, inṭeq, inna: "Gar wid i d-irzan ɣer Yarucalim, siwa kečč ur neẓri ara d acu yeḍran
ussan-agi!" 19Inna-yasen: "D acu?" Nnan-as: "Ayen yeḍran d Yasuɛ Anaṣari. D nnbi,
yerna yesɛa lhiba deg wayen i d-iqqar d wayen i ixeddem, ama zdat Yillu, ama zdat
ugdud. 20Imeqqranen n lmuqeddmin akked lḥekkam-nneɣ sellmen-t iwakken ad
ittwaḥkem fell-as s lmut, dɣa ṣellbent-t. 21Nekni, neḍmeɛ belli d netta ara d-icafɛen
Israyil; tlata n wussan ayagi segmi i d-iḍra wannect-agi. 22D ṣṣeḥḥ, kra n tlawin gar-aneɣ
rwint-aɣ. ruḥent tafejrit s aẓekka, 23meɛna ur ufint ara tafekka-s. Uɣalent-d ad aɣ-d-inint
belli walant lmalayek ḍehren-asent-d, nnan-asent-d: 'Idder!' 24Kra seg-neɣ ruḥen s
aẓekka, dɣa ufan d tidet ayen akken i d-nnant tlawin-nni. Meɛna netta, ur t-walan ara."
25
Inna-yasen: "Ay imehbal, ẓẓayit ad tamnem ayen i d-nnan lanbeyya! 26Eɛni ur ilaq ara
ad inneɛtab annect-agi merra Lmasiḥ iwakken ad ikcem di lɛadima-s?" 27Dɣa
yessefhem-asen ayen akk yuran fell-as di Tira; ibda-d si Musa armi d lanbeyya merra.
28
Mi qrib ad awḍen ɣer taddart-nni iɣer teddun, isnaɛmel ad ikemmel abrid-is. 29Meɛna
ḥellen-t, nnan-as: "Qqim yid-neɣ; ad d-iɣelli yiḍ, iruḥ lḥal." Dɣa yekcem ad iqqim yid-
sen. 30Mi yeqqim yid-sen ɣer ṭṭabla, iddem-d aɣrum, iḥmed, ibḍa-t dɣa yefka-yasen-t.
31
Ldint wallen-nsen, ɛeqlen-t; imiren ixfa, iɣab fell-asen. 32Bdan qqaren gar-asen: "Ur
nḥuss ara i wulawen-nneɣ reqqen ɣer daxel, mi akken i aɣ-d-ihedder deg ubrid,
issefham-aɣ-d Tira?" 33Imiren kan, kkren uɣalen ɣer Yarucalim. Ufan Ḥdac-nni
nnejmaɛen nutni d yirfiqen-nsen, 34widak-nni i asen-d-yennan: "D ṣṣeḥḥ, Ssid iḥya-d;
iḍher-d i Cimɛun!" 35Ḥkan-asen ula d nutni ayen akken yeḍran deg ubrid d wamek i t-
ɛeqlen mi yefreq aɣrum.
Yasuɛ iḍher-d daɣen i yinelmaden-is
36
Mazal-iten heddren, atan ibedd-d ɣur-sen, s timmad-is, di tlemmast-nsen, yenna-
yasen: "Sslam fell-awen!" 37Iekcem-iten lxuf, ttergigin; ɣilen d lexyal i walan. 38Inna-
yasen: "Acuɣer akka i txelɛem? Acuɣer i tettxemmimem akka deg wulawen-nwen?
39
Muqlet ifassen-iw akked yiḍarren-iw; d nekk aya. Nnalet-iyi ad twalim; lexyal ur isɛi
aksum wala iɣsan, am wakka i tettwalim sɛiɣ-ten, nekkini." 40Mi d-yenna lehdur-agi,
issken-asen ifassen-is akked yiḍarren-is. 41Si lferḥ akked lwehma-nni i ten-iṭṭfen, ur
uminen ara imiren kan. Inna-yasen: "Tesɛam kra n lqut dagi?" 42Fkan-as aftat n lḥut
ikenfen. 43Iṭṭef-it dɣa yečča-t zdat-sen. 44Inna-yasen: "D annect-agi i awen-d-nniɣ mi
lliɣ yid-wen; ilaq ad d-iḍru wayen akk yuran fell-i di ccariɛa n Musa, di Lanbeyya
akked Ihellilen." 45Imiren ildi-yasen allaɣ-nsen iwakken ad fehmen Tira. 46Inna-yasen:
"Yura belli ilaq ad inneɛtab Lmasiḥ, mbaɛd ad d-iḥyu si gar lmeggtin, ass wis tlata,
47
yerna ttuba akked leɛfu n ddnubat ad ttubeccren s yisem-is i leǧnas merra, ad zwiren
si Yarucalim. 48Aql-iken d inagan n wayagi merra. 49Atan ad d-ceggɛeɣ i kenwi ayen
akken i yewɛed Baba; kenwi, qqimet di temdint, alamma telsam tazmert ara d-yasen
seg yigenni."
Yasuɛ ittwarfed ɣer yigenni
(Mr 16. 19-20)

50
Yewwi-ten armi d Bit-Ḥananya. Dinna, irfed ifassen-is dɣa iburek-iten. 51Mi ten-
iburek, iɣab fell-asen, ittwarfeɛ ɣer yigenni. 52Seǧǧden zdat-s, mbaɛd uɣalen ɣer
Yarucalim, ferḥen aṭas. 53Zgan deg ufakan, ttḥemmiden Illu.
LINǦIL SƔUR YUḤENNA

Tazwert
1Di tazwara yella wawal, awal illa ɣer Yillu, awal illa d Illu. 2Si tazwara yella ɣer Yillu.
3
Yis-s i d-illa kullec; mebɣir netta, acemma ur d-ittili seg wayen akk yellan. 4Deg-s i tella
tudert, tudert-nni yellan d tafat n yimdanen. 5Tafat tettfeǧǧiǧ di ṭṭlam, meɛna ṭṭlam ur tt-
iqbil ara.
6
Illa yiwen n urgaz, ittuceggeɛ-d sɣur Yillu, isem-is Yuḥenna. 7Iruḥ-d d inigi, ad d-icehhed
ɣef tafat, iwakken ad amnen merra s cchada-s. 8Ur illi ara d tafat, meɛna d win i d-icehden
ɣef tafat. 9Tafat-agi, d tafat n ṣṣeḥḥ i d-yusan ɣer ddunit, tettnewwir yal amdan. 10Awal illa
yakan di ddunit; ddunit, yis-s i d-texleq, meɛna ddunit ur t-tessin ara. 11Iruḥ-d s ayla-s,
meɛna ayla-s ur isterḥeb ara yis-s. 12Ma d wid merra yesterḥben yis-s, yumnen s yisem-is,
ifka-yasen tazmert ad uɣalen d arraw n Yillu; 13nutni ur d-lulen ara seg yidammen, neɣ si
lebɣi n tnefsit, neɣ si lebɣi n urgaz, meɛna seg Yillu.
14
Awal yuɣal-d d amdan, yerna yezdeɣ gar-aneɣ. Nwala lɛaḍima-s, lɛaḍima-nni i d-yewwi
mmi-s awḥid sɣur Baba-s, iččur d nneɛma akked tidet. 15Yuḥenna icehd-d fell-as; iɛeggeḍ,
inna: "Fell-as i d-nniɣ: Win ara d-yasen deffir-i yezwar-iyi-d, axaṭer illa uqbel-iw."
16
Isseṛwa-yaɣ merra si lxirat-is, nneɛma ɣef nneɛma. 17Ccariɛa tettunefk-d s Musa;
nneɛma akked tidet usant-d s Yasuɛ Lmasiḥ. 18Leɛmer i iwala yiwen Illu; Illu Amemmit
awḥid, yellan ɣer Ubabat, netta ibeggen-aɣ-t-id.
Cchada n Yuḥenna
(Mt 3. 1-12; Mr 1. 1-11; Lq 3. 1-22)
19
Atan wamek i d-icehhed Yuḥenna, mi ceggɛen Iyahudiyen si Yarucalim lmuqeddmin
akked wat Lewwi iwakken ad t-steqsin: "Anwa-k, keččini?" 20Icehd-d, ur inkir ara; inna:
"Nekk, mačči d Lmasiḥ." 21Steqsan-t: "Anwa-k ihi? D Ilya?" Inna: "Ala." "D nnbi?" Irra-
yasen: "Ala." 22Nnan-as ihi: "Anwa-k, iwakken ad nerr lexbar i wid i aɣ-d-iceggɛen? D
acu ara d-tiniḍ ɣef yiman-ik?" 23Inna: "Nekk, d taɣect yettberriḥen deg uneẓruf, teqqar:
Ldit abrid n Ssid, akken i t-id-yenna nnbi Icɛaya."
24
Widak-nni i d-ittuceggɛen, d Ifarisiyen. 25Steqsan-t, nnan-as: "Acuɣer i tesseɣḍaṣeḍ ihi,
imi ur telliḍ d Lmasiḥ, wala d Ilya, wala d nnbi?" 26Yuḥenna yenṭeq, inna: "Nekk,
sseɣḍaṣeɣ deg waman! 27Illa gar-awen yiwen ur tessinem ara; ad d-yas deffir-i, yerna ur
uklaleɣ ara ad fsiɣ ula d tinelwa n warkasen-is." 28Ayagi yeḍra di Bit-Ḥananya, akkin i
wasif n Urdun, anda akken yella Yuḥenna isseɣḍaṣ.
29
Azekka-nni, iwala Yasuɛ iteddu-d ɣur-s, dɣa yenna: "Atan izimer n Yillu itekksen
ddnub n ddunit. 30D wagi iɣef d-nniɣ: 'Ad d-yas deffir-i yiwen n urgaz i yi-d-izwaren,
axaṭer illa uqebl-iw.' 31Nekk, lliɣ ur ẓriɣ ara anwa-t, meɛna iwakken ad d-ittubeggen i
Israyil, usiɣ-d ad sɣeḍṣeɣ deg waman." 32Yuḥenna icehd-d, inna: "Walaɣ Rruḥ iṣubb-d
seg yigenni am yitbir, dɣa yers-d fell-as. 33Nekk, lliɣ ur ẓriɣ ara anwa-t; meɛna win i yi-d-
iceggɛen ad sseɣḍaṣeɣ deg waman, yenna-yi-d: 'Win ara twaliḍ iṣubb-d fell-as Rruḥ,
ires-d fell-as, d netta, ad isseɣḍaṣ di Rruḥ Iqedsen.' 34Nekk, walaɣ-t, yerna cehdeɣ-d belli
d netta i d Mmi-s n Yillu."
Inelmaden imezwura
(Mt 4. 18-22; Mr 1. 16-20; Lq 5. 1-11)
35
Azekka-nni, Yuḥenna yeqqim daɣen dinna netta d sin seg yinelmaden-is. 36Iwala Yasuɛ
iɛedda-d dɣa yenna: "Atan yizimer n Yillu." 37Sin n yinelmaden-nni slan i lehdur-nni dɣa
tebɛen Yasuɛ. 38Yasuɛ izzi ɣer deffir, iwala tebɛen-t-id, dɣa yenna-yasen: "D acu i
tettnadim?" Nnan-as: "Rabbi, yeɛni, a Ccix, anda i tettiliḍ?" 39Inna-yasen: "Yyaw, ad
twalim." Ruḥen dɣa walan anda yettili; qqimen yid-s ass-nni. Ad tili d leǧwahi n rebɛa n
tmeddit.
40
Andriyus, gma-s n Cimɛun-Buṭrus, d yiwen si sin-nni i yeslan i lehdur n Yuḥenna yerna
tebɛen Yasuɛ. 41Yufa gma-s Cimɛun d amezwaru, dɣa yenna-yas: "Nufa Lmasiḥ!", yeɛni
win yettwadehnen. 42Yewwi-t ɣer Yasuɛ. Yasuɛ imuqel-it dɣa yenna: "Kečč, d Cimɛun,
mmi-s n Yuḥenna: Ad tettusemmiḍ Kifa, yeɛni Buṭrus."
43
Azekka-nni, Yasuɛ ibɣa ad iruḥ ɣer Galil. Yufa Filibus dɣa yenna-yas: "Tbeɛ-iyi-d."
44
Filibus si Bit-Ṣayda, tamdint n Andriyus akked Buṭrus. 45Filibus yufa Natanil dɣa yenna-
yas: "Win akken iɣef yura di ccariɛa n Musa akked lanbeyya, nufa-t: d Yasuɛ, mmi-s n
Yusef, si Naṣarit." 46Natanil yenna-yas: "Eɛni yezmer ad d-iffeɣ wayen yelhan si
Naṣarit?" Filibus yenna-yas: "Yya, ad twaliḍ." 47Yasuɛ iwala Natanil iteddu-d ɣur-s, dɣa
yenna fell-as: "Atan yiwen n wat Israyil n ṣṣeḥḥ; ulac deg-s lexdeɛ!" 48Natanil yenna-yas:
"Anda i yi-tessneḍ?" Yasuɛ inṭeq, yenna-yas: "Uqbel ad ak-d-isiwel Filibus, mi teqqimeḍ
ddaw tenqelt, walaɣ-k." 49Natanil inṭeq, inna: "A Ccix, kečč d Mmi-s n Yillu, kečč d
agellid n Israyil." 50Yasuɛ inṭeq, inna: "Imi i ak-d-nniɣ belli walaɣ-k ddaw tenqelt i
tumneḍ; ad twaliḍ akter n wayagi! 51Amin, amin, ad awen-iniɣ, ssya d asawen, ad twalim
igenni yeldi, lmalayek n Yillu ttalin ttṣubbun nnig Mmi-s n umdan."
Tissulya di Kana
2Tlata n wussan mbaɛd, llant-d tissulya di Kana n Galil. Yemma-s n Yasuɛ tella dinna.
2
Ula d Yasuɛ ittwaɛreḍ ɣer tissulya-nni, netta d yinelmaden-is. 3Mi yekfa ccrab, yemma-s
n Yasuɛ tenna-yas: "Ikfa-yasen ccrab." 4Yasuɛ yenna-yas: "Deg wacu i aɣ-teɛna temsalt
nekk yid-m, a tameṭṭut? Urɛad i d-telḥiq tsaɛet-iw." 5Yemma-s tenna i yiqeddacen: "Ayen
ara awen-d-yini, xedmet-tt." 6Llant dinna setta n tsebbalin n uẓru, ttwaxedment i luḍu n
Iyahudiyen; yal yiwet tettawi gar tmanyin d meyya uɛecrin n litrat. 7Yasuɛ yenna-yasen:
"Ččaret tisebbalin-agi d aman." Dɣa ččurent-tent armi d imi. 8Inna-yasen: "Ffit-d tura,
tawim-as i lewkil n tmeɣra!" Dɣa wwin-as. 9Lewkil n tmeɣra yeɛreḍ aman-nni yuɣalen d
ccrab; ur iẓri ara ansi i d-ikka ccrab-nni, meɛna iqeddacen-nni i d-iffin aman, nutni ẓran.
10
Lewkil n tmeɣra isawel i yesli dɣa yenna-yas: "Medden srusun-d qbel ccrab yelhan;
mbaɛd, mi cɛecɛen, rennun-asen-d win ixuṣṣen; kečč, teǧǧiḍ ccrab yelhan armi d tura."
11
Swakka, di Kana n Galil, i yexdem Yasuɛ limara tamezwarut. Isbeggen-d lɛaḍima-s,
dɣa inelmaden-is umnen yis-s. 12Mbaɛd ayagi, iṣubb ɣer Kafar-Naḥum, netta d yemma-s,
atmaten-is akked yinelmaden-is; sɛeddan dinna kra n wussan.
Yasuɛ itlef imetjaren seg ufakan
(Mt 21. 12-13; Mr 11. 15-18; Lq 19. 45-46)

13
Lɛid n Usuref n Iyahudiyen tqerreb-d, dɣa Yasuɛ yuli ɣer Yarucalim. 14Yufa deg ufakan
wid yeznuzun abeqri, aɣelmi akked yitbiren, llan daɣen wid yettbeddilen idrimen, qqimen
dinna. 15Ixdem-d yiwen n ujelkaḍ s yimurar dɣa iqecceɛ-iten merra berra n ufakan, s
ubeqri-nsen s uɣelmi-nsen; iwezzeɛ idrimen n widak-nni i ten-ittbeddilen yerna
yesneqlab-asen ṭṭwabel-nsen. 16Inna i widak-nni yeznuzun itbiren: "Kkset ayagi ssyagi!
Ur ttarrat ara axxam n Baba d ssuq!" 17Inelmaden-is mmektan-d belli yura: "Leḥrara n
uxxam-ik tettett-iyi." 18Iyahudiyen neṭqen, nnan-as: "D acu n limara ara aɣ-d-tsekneḍ
iwakken ad txedmeḍ akka?" 19Yasuɛ inṭeq, yenna-yasen: "Huddet afakan-agi, ad t-
sbeddeɣ di tlata n wussan." 20Iyahudiyen nnan: "Setta urebɛin n yiseggasen i yekka lebni
n ufakan-agi; kečč, ad as-tɛiwdeḍ lebni di tlata n wussan!" 21Netta ihedder-d ɣef ufakan n
tfekka-s. 22Mi d-iḥya si gar lmeggtin, inelmaden-is mmektan-d belli yenna-yasen-d ayagi,
dɣa umnen s Tira akked wawal-nni i d-yenna Yasuɛ.
23
Mi yella Yasuɛ di Yarucalim, di lɛid n Usuref, aṭas i yumnen s yisem-is, mi walan
limarat i ixeddem. 24Meɛna Yasuɛ ur ten-ittamen ara, axaṭer issen-iten merra, 25yerna ur
iḥwaǧ ara ad as-d-iḥku yiwen ɣef umdan. Iẓra d acu i yellan deg umdan.
Yasuɛ akked Niqudimus: talalit tajdidt
3Illa yiwen n urgaz, seg Ifarisiyen, isem-is Niqudimus, d yiwen n umeqqran n
Iyahudiyen. 2Iruḥ deg yiḍ ɣer Yasuɛ dɣa yenna-yas: "A Ccix, neẓra belli tusiḍ-d d aselmad
sɣur Yillu; axaṭer yiwen ur izmir ad ixdem limarat-agi i txeddmeḍ, ma ur yelli ara Yillu
yid-s." 3Yasuɛ inṭeq, yenna-yas: "Amin, amin, ad ak-iniɣ, yiwen ur izmir ad iẓer tagelda n
Yillu, ma ur d-ilul ara seg usawen." 4Niqudimus yenna-yas: "Amek i yezmer umdan ad d-
ilal, netta d amɣar? Eɛni yezmer ad yuɣal tikkelt-nniḍen ɣer tɛebbuḍt n yemma-s mbaɛd
ad d-ilal?" 5Yasuɛ inṭeq, yenna-yas: "Amin, amin, ad ak-iniɣ, yiwen ur izmir ad ikcem
tagelda n Yillu ma ur d-ilul ara seg waman akked Rruḥ. 6Ayen i d-ilulen seg umdan, d
amdan; ayen i d-ilulen si Rruḥ, d rruḥ. 7Ur ttwehhim ara mi ak-d-nniɣ: ilaq ad d-tlalem
seg usawen. 8Aḍu yettṣuḍu anda i as-ihwa; tselleḍ i ṣṣut-is, meɛna ur teẓriḍ ansi i d-ikka
wala s anda i iteddu. Akka i tḍerru i yal amdan i d-ilulen si Rruḥ." 9Niqudimus inṭeq,
yenna-yas: "Amek i yezmer ad d-iḍru wayagi?" 10Yasuɛ inṭeq, yenna-yas: "Kečč, d
aselmad di Israyil, ur teẓriḍ ara ayagi? 11Amin, amin, ad ak-iniɣ, neqqar-d ayen i nessen,
nettcehhid-d s wayen i nettwali; ɣas akken, ur teqbilem ara cchada-nneɣ. 12Ma ur
tettamnem ara mi ara awen-d-heddreɣ ɣef temsal n ddunit-agi, amek ara tamnem mi ara
awen-d-hedreɣ ɣef temsal n yigenwan? 13Yiwen ur yuli ɣer yigenni, ma mačči d win
akken i d-iṣubben seg yigenni, Mmi-s n umdan. 14Akken i yerfed Musa azrem deg
uneẓruf, akken daɣen, Mmi-s n umdan ilaq ad ittwarfed, 15i wakken kra n win ara yamnen
yis-s ad isɛu tudert n dayem. 16Seg wakken Illu iḥemmel aṭas ddunit, ifka Mmi-s awḥid,
iwakken kra n win yumnen yis-s ur inegger ara, meɛna ad isɛu tudert n dayem. 17Illu ur d-
iceggeɛ ara Mmi-s ɣer ddunit iwakken ad iḥaseb ddunit, meɛna iwakken ddunit ad
tettwasellek yis-s. 18Win yumnen yis-s ur ittuḥasab ara; meɛna win ur numin ara
yettuḥaseb yakan, axaṭer ur yumin ara s yisem n Mmi-s awḥid n Yillu. 19D wagi i d lḥisab:
tafat tusa-d ɣer ddunit, meɛna imdanen smenyafen ṭṭlam ɣef tafat, axaṭer lexdayem-nsen d
imcumen. 20Kra n win ixeddmen ccer ikreh tafat; ur d-ittruḥu ara ɣef tafat, neɣ ma ulac
lexdayem-is ad d-feḍḥen. 21Meɛna win ileḥḥun s ṣṣeḥḥ ittruḥu-d ɣer tafat, iwakken ad d-
iban belli kra n wayen ixeddem ixeddem-it s Yillu."
Cchada-nniḍen n Yuḥenna ɣef Yasuɛ Lmasiḥ
22
Mbaɛd ayagi, Yasuɛ iruḥ netta d yinelmaden-is ɣer tmurt n Yahuda; iqqim dinna yid-sen
yerna isseɣḍaṣ. 23Ula d Yuḥenna yella yesseɣḍaṣ di Ɛiynun, tama n Calim, axaṭer aṭas n
waman i yellan dinna; dɣa ttruḥun-d ɣur-s lɣaci iwakken ad ttwaɣeḍṣen. 24Yuɣ lḥal,
mazal ur ittwaḍegger ara Yuḥenna ɣer lḥebs.
25
Ikker yiwen n umǧadel gar yinelmaden n Yuḥenna akked yiwen n Uyahudi ɣef temsalt n
luḍu. 26Ruḥen ɣer Yuḥenna, nnan-as: "A Ccix, win akken yellan yid-k akkin i wasif n
Urdun, win akken iɣef d-tcehdeḍ, atan isseɣḍaṣ, yerna ttruḥun merra ɣur-s." 27Yuḥenna
yenṭeq, inna: "Amdan ur izmir ad iddem acemma seg wayen ur as-d-anettunefken ara seg
yigenni. 28Tellam d inagan mi d-nniɣ: 'Nekk, mačči d Lmasiḥ, meɛna ttuceggɛeɣ-d zdat-s.
29
Tislit, d ayla n yisli; meɛna aḥbib n yisli yettɣimi ɣer tama-s, ittḥessis-as, yerna iferreḥ
mi ara isell i ṣṣut n yisli. Akka i ferḥeɣ ula d nekk, yerna lferḥ-iw ikmel. 30Ilaq netta ad
innerni, nekk ad imẓiɣ.' 31Win i d-yusan seg usawen ikka-d nnig kullec; win yellan n
ddunit, n ddunit, ihedder ɣef ddunit. 32Win i d-yusan seg yigenni yekka-d nnig kullec;
icehd-d ɣef wayen i iwala d wayen yesla, meɛna yiwen ur iqbil cchada-s. 33Win iqeblen
cchada-s iwekked-d belli Illu d tidet. 34Win i d-iceggeɛ Yillu iqqar-d lehdur n Yillu, axaṭer
Illu ittak-d Rruḥ mebla cceḥḥa. 35Ababat iḥemmel Amemmit, yerna yerra kullec deg ufus-
is. 36Win yumnen s Umemmit isɛa tudert n dayem; win yugin ad yamen s Umemmit ur
ittwali ara tudert, meɛna urrif n Yillu yezga fell-as."
Yasuɛ akked tmeṭṭut tasamarit
4Ssid iẓra belli Ifarisiyen slan belli ijebbed-d yerna yesseɣḍaṣ inelmaden akter n Yuḥenna.
2
Yuɣ lḥal, mačči d Yasuɛ i yesseɣḍaṣen, d inelmaden-is.
3
Iffeɣ si tmurt n Yahuda, iɛawed iruḥ ɣer Galil. 4Ilaq ad iɛeddi ɣef Samarya. 5Iwweḍ ihi
ɣer yiwet n temdint n Samarya, isem-is Suxar, teqreb lexla-nni i yefka Yeɛqub i mmi-s
Yusef. 6Illa dinna lbir n Yeɛqub. Yasuɛ iɛya si tikli dɣa yeqqim ɣef yiri n lbir-nni; ad tili d
leǧwahi n tnac n wass. 7Truḥ-d yiwet n tmeṭṭut tasamarit iwakken ad tagem aman. Yasuɛ
yenna-yas: "Efk-iyi ad sweɣ." 8Yuɣ lḥal, inelmaden ruḥen ɣer temdint ad d-aɣen lqut.
9
Tameṭṭut-nni tasamarit tenna-yas: "Amek, kečč yellan d Ayahudi, tessutreḍ-iyi-d ad
tesweḍ i nekk yellan d tameṭṭut tasamarit?" Axaṭer Iyahudiyen ur ttxalaḍen ara
Isamariyen. 10Yasuɛ inṭeq, yenna-yas: "Lemmer tessineḍ tukci n Yillu akked wanwa-t
wagi i am-d-yennan: 'Efk-iyi ad sweɣ', d kem ara as-issutren ad tesweḍ, yerna netta ad
am-d-ifk aman n tudert." 11Tenna-yas: "A Sidi, ur tesɛiḍ ara asagem, yerna lbir-agi lqay;
ansi ara ak-d-kken waman-agi n tudert? 12Eɛni tugareḍ baba-tneɣ Yeɛqub i aɣ-ifkan lbir-
agi, yerna netta, s timmad-is, iswa seg-s, rnan warraw-is akked tqeḍɛiyin-is?" 13Yasuɛ
inṭeq, yenna-yas: "Win ara yeswen seg waman-agi ad yuɣal ad ifad; 14meɛna win ara
yeswen seg waman ara as-fkeɣ nekk ur ittuɣal ara ad ifad, axaṭer aman ara as-fkeɣ nekk
ad uɣalen deg-s d lɛinṣer ara yettfeggiḍen d tudert n dayem." 15Tameṭṭut tenna-yas: "A
Sidi, efk-iyi-d aman-agi, iwakken ur ttuɣaleɣ ara ad fadeɣ, yerna ur d-ttuɣaleɣ ara ad
agmeɣ ssyagi." 16Inna-yas: "Ruḥ, siwel-as-d i urgaz-im tuɣaleḍ-d ɣer dagi!" 17Tameṭṭut
tenṭeq, tenna-yas: "Ur sɛiɣ ara argaz." 18Yasuɛ yenna-yas: "D tidet i d-tenniḍ mi d-tenniḍ:
'Ur sɛiɣ ara argaz'; xemsa n yirgazen i tesɛiḍ yakan, yerna argaz-agi i tesɛiḍ tura mačči d
argaz-im. Deg wayagi, d tidet i d-tenniḍ." 19Tameṭṭut tenna-yas: "A Sidi, ttwaliɣ belli kečč
d nnbi. 20Lejdud-nneɣ ttɛebbiden ɣef udrar-agi, meɛna kenwi teqqarem: 'Di Yarucalim i
ilaq ad nettɛebbid'!" 21Yasuɛ yenna-yas: "Amen-iyi, a tameṭṭut, ad d-iteddu lweqt ideg
mačči ɣef udrar-agi, mačči di Yarucalim ara tettɛebbidem Ababat. 22Kenwi tettɛebbidem
ayen ur tessinem ara; nekni nettɛebbid ayen i nessen, axaṭer leslak ikka-d seg Iyahudiyen.
23
Meɛna ataya lweqt, iḥder-d yakan, wid yettɛebbiden s ṣṣeḥḥ ad ttɛebbiden Ababat s rruḥ
akked tidet; d widak i t-ittɛebbiden akka i yettnadi Ubabat. 24Illu, d Rruḥ: wid i t-
ittɛebbiden, ilaq ad t-ɛebden s rruḥ akked tidet." 25Tameṭṭut tenna-yas: "Ẓriɣ belli Lmasiya
ad d-yas, win iwumi i qqaren Xristus. Asmi ara d-yas, ad aɣ-d-yini kullec." 26Yasuɛ
yenna-yas: "D nekk i d netta! D wagi i am-id-iheddren!"
27
Dɣa jban-d yinelmaden-is, wehmen mi ihedder i tmeṭṭut. Meɛna yiwen ur as-inni: "D
acu i tettnadiḍ?" neɣ "Acuɣer i as-theddreḍ?" 28Tameṭṭut teǧǧa tacmuxt-is, truḥ ɣer
temdint, tenna i lɣaci: 29"Yyaw ad twalim argaz i yi-d-yennan ayen akk i xedmeɣ. Mačči
d Lmasiḥ?" 30Ffɣen si temdint, dɣa ruḥen ɣur-s. 31Di lweqt-nni, inelmaden-is ttḥellilen-t,
qqaren-as: "A Ccix, ečč!" 32Meɛna yenna-yasen: "Sɛiɣ yiwen n lqut ara ččeɣ, ur t-
tessinem ara." 33Inelmaden-is, wa yeqqar i wa: "Eɛni yella win i as-d-yewwin ad yečč?"
34
Yasuɛ yenna-yasen: "Lqut-iw, ad xedmeɣ lebɣi n win i yi-d-iceggɛen, yerna ad kfuɣ
ccɣel-is. 35Ur teqqarem ara kenwi: 'Mazal rebɛa n wagguren, ad d-taweḍ tmegra'? Atan,
ad awen-t-id-iniɣ, refdet allen-nwen tmuqlem: igran werraɣit, heggan i tmegra. 36Win
imeggren yettawi lexlaṣ-is, ijemmeɛ lɣella i tudert n dayem, iwakken win izerrɛen akked
win imeggren ad ferḥen jmiɛ. 37Iṣeḥḥa wawal-nni i d-iqqaren: 'Yiwen izerreɛ, wayeḍ
imegger.' 38Nekk ceggɛeɣ-ken ad tmegrem anda akken ur tekrizem ara. Wiyaḍ kerzen,
kenwi tkecmem di tyerza-nsen."
39
Aṭas n Isamariyen n temdint-nni i yumnen yis-s, mi d-tcehhed tmeṭṭut-nni, tenna: "Inna-
yi-d ayen akk i xedmeɣ." 40Mi d-ruḥen ɣur-s Isamariyen, ḥellen-t ad iqqim ɣur-sen; dɣa
yeqqim dinna sin n wussan, 41yerna aṭas-nniḍen i yumnen ɣef ddemma n lehdur-is.
42
Qqaren i tmeṭṭut-nni: "Tura, mačči ɣef wayen akken i d-tenniḍ i numen; nesla-yas, s
timmad-nneɣ, yerna neẓra belli d tidet, d netta i d amsellek n ddunit."
Ḥellu n mmi-s n lewkil n ugellid
43
Mi ɛeddan sin n wussan-nni, Yasuɛ iffeɣ ssyenna, iruḥ ɣer Galil, 44ɣas akken d netta, s
timmad-is, i d-icehden belli nnbi ur ittuqader ara di tmurt-is. 45Mi yewweḍ ɣer Galil, At
Galil setreḥben yis-s, imi i walan ayen akk yexdem di Yarucalim deg wussan-nni n lɛid,
imi ula d nutni ḥedren i lɛid-nni. 46Iruḥ ihi daɣen ɣer Kana n Galil, anda akken yerra aman
d ccrab. Yuɣ lḥal, illa di Kafar-Naḥum yiwen n lewkil n ugellid, isɛa mmi-s yuḍen. 47Mi
yesla belli Yasuɛ iruḥ-d si Yahuda ɣer Galil, iruḥ ɣur-s dɣa iḥellel-it ad iṣubb iwakken ad
isseḥlu mmi-s, axaṭer illa yettmettat. 48Yasuɛ yenna-yas: "Ma ur twalam ara limarat akked
leɛǧayeb, ur tettamnem ara!" 49Lewkil-nni n ugellid yenna-yas: "A Sidi, yya, uqbel ad
immet umecṭuḥ-iw!" 50Yasuɛ yenna-yas: "Ruḥ, mmi-k idder!" Argaz-nni yumen awal-nni
i as-inna Yasuɛ dɣa iruḥ. 51Mi yettṣubbu, mmugren-t iqeddacen-is dɣa nnan-as belli mmi-
s idder. 52Isteqsa-ten ɣef tsaɛet ideg ikker; dɣa nnan-as: "Iḍelli, ɣef lweḥda n wass i t-
teffeɣ tawla." 53Baba-s n uqcic-nni yeɛqel belli di ssaɛa-nni i as-d-yenna Yasuɛ: "Mmi-k
idder." Dɣa yumen, netta d uxxam-is merra. 54D tagi i d limara tis snat i yexdem Yasuɛ, mi
iruḥ si Yahuda ɣer Galil.
Ḥellu n yiwen n uɛiban
5Mbaɛd ayagi, teḥder-d yiwet n lɛid n Iyahudiyen. Yasuɛ yuli ɣer Yarucalim. 2Di
Yarucalim, tama n tewwurt n Wulli, tella yiwet n temda, isem-is s tɛibranit Bit-Ḥasda,
tesɛa xemsa n yiseqqifen. 3Deg yiseqqifen-nni ẓẓlen aṭas n yimuḍan, iderɣalen, iquḍaren,
ukrifen. 4Axaṭer tikkwal ittṣubbu-d yiwen n lmelk ɣer temda-nni, dɣa ttayzagen waman-
nni; win iṣubben d amezwaru, mbaɛd mi yuzagen waman-nni, ad iḥlu, akken yebɣu yili
lehlak i yehlek. 5Illa dinna yiwen n urgaz, tmanya utlatin n yiseggasen, netta d aɛiban. 6Mi
t-iwala Yasuɛ iẓẓel dinna, yerna yeẓra belli aṭas aya i yella dinna, yenna-yas: "Tebɣiḍ ad
teḥluḍ?" 7Aɛiban-nni yerra-yas: "A Sidi, ur sɛiɣ ḥedd ara y-iḍeggren ɣer temda mi ara
yuzagen waman; uqbel ad awḍeɣ, wayeḍ izwar-iyi yakan." 8Yasuɛ yenna-yas: "Kker!
Ddem tagertilt-ik telḥuḍ!" 9Imiren kan, argaz-nni yeḥla; iddem tagertilt-is dɣa yelḥa. Yuɣ
lḥal, ass-nni, d ass n usteɛfu. 10Kra n Iyahudiyen nnan i urgaz-nni yeḥlan: "D ass n
usteɛfu. Ur ak-ilaq ara ad tbibbeḍ tagertilt-ik." 11Irra-yasen: "Win akken i yi-isseḥlan,
yenna-yi-d: 'Ddem tagertilt-ik, lḥu'." 12Steqsan-t: "Anwa argaz-agi i ak-d-yennan: 'Ddem
telḥuḍ'?" 13Meɛna argaz-nni yeḥlan ur iẓri ara anwa; axaṭer Yasuɛ issenser iman-is si gar
lɣaci yellan dinna.
14
Mbaɛd ayagi, Yasuɛ yufa-t deg ufakan dɣa yenna-yas: "Aql-ik teḥliḍ; xḍu i ddnub,
iwakken ur tḍerru ara yid-k akter." 15Argaz-nni iruḥ iqqar i Yiyahudiyen belli d Yasuɛ i t-
isseḥlan. 16Ɣef wayagi, Iyahudiyen ddan-tt ɣef Yasuɛ, axaṭer ixdem ayagi deg wass n
usteɛfu. 17Meɛna Yasuɛ irra-yasen: "Baba ixeddem ar tura; nekk daɣen, xeddmeɣ." 18Ɣef
wayagi, Iyahudiyen ttnadin ad t-nɣen, mačči kan imi i yerẓa ass n usteɛfu, meɛna imi i d-
yenna daɣen belli Illu, d Baba-s aḥeqqani, isseɛdel iman-is d Yillu.
19
Yasuɛ inṭeq, inna: "Amin, amin, ad awen-iniɣ, Amemmit ur izmir ad ixdem acemma s
yiman-is, siwa ayen yettwali ixeddem-it Ubabat. Ayen akk ixeddem Ubabat, Amemmit
ixeddem-it daɣen ula d netta. 20Ababat iḥemmel Amemmit, yerna yesskan-as-d ayen akk i
ixeddem; mazal ad as-d-issken lecɣal yugaren wigi, iwakken ad tetɛeǧǧbem. 21Akken i d-
iskar Ubabat lmeggtin yerna yessidir-iten, akken daɣen, ula d Amemmit issidir wid i as-
ihwan. 22Ababat ur ittḥasab yiwen, meɛna d Amemmit iwumi yefka ad iḥaseb, 23i wakken
ad ɛuzzen merra Amemmit akken i ttɛuzzun Ababat. Win ur nɛuzz ara Amemmit ur iɛuzz
ara Ababat i t-id-iceggɛen. 24Amin, amin, ad awen-iniɣ, win yettḥessisen i wawal-iw
yerna yumen s win i yi-d-iceggɛen isɛa tudert n dayem. Ur ittɛeddi ara di lḥisab, meɛna
iɛedda si lmut ɣer tudert. 25Amin, amin, ad awen-iniɣ, ataya lweqt, iḥder-d yakan,
lmeggtin ad d-slen i taɣect n Mmi-s n Yillu, yerna wid ara as-islen ad idiren. 26Akken i
yesɛa Ubabat tudert deg yiman-is, i yefka daɣen i Umemmit ad isɛu tudert deg yiman-is.
27
Ifka-yas tazmert ad iḥaseb, axaṭer d Mmi-s n umdan i yella. 28Ur wehhmet ara deg
wayagi: Ataya lweqt ideg wid merra yellan deg yiẓekkwan ad d-slen i taɣect-is. 29Ad d-
ffɣen, wid i ixedmen lxir ad d-ḥyun ɣer tudert, wid i ixedmen ccer ad d-ḥyun ɣer lɛiqab.
30
Ur zmireɣ ad xedmeɣ acemma s yiman-iw: ttḥasabeɣ akken i selleɣ; yerna lḥisab-iw
iṣeḥḥa, axaṭer ur ttnadiɣ ara lebɣi-w, meɛna lebɣi n win i yi-d-iceggɛen.
31
Ma cehdeɣ-d ɣef yiman-iw, cchada-w ur tṣeḥḥa ara. 32D wayeḍ i d-ittcehhiden fell-i,
yerna ẓriɣ belli acehhed i d-ittcehhid fell-i iṣeḥḥa. 33Tceggɛem i Yuḥenna, netta icehd-d
ɣef tidet. 34Ur ḥwaǧeɣ ara ad d-icehhed fell-i umdan, meɛna nniɣ-awen-d ayagi iwakken
ad tettwasellkem. 35Yuḥenna yella d taftilt-nni i ireqqen yerna tettfeǧǧiǧ: kenwi, s timmad-
nwen, tebɣam ad tferḥem ssaɛa s tafat-is. 36Sɛiɣ cchada yugaren cchada n Yuḥenna; lecɣal
i yi-d-ifka Baba ad ten-xedmeɣ, lecɣal-agi i xeddmeɣ akka, ttcehhiden-d fell-i belli Baba
iceggeɛ-iyi-d. 37Baba i yi-d-iceggɛen icehd-d, s timmad-is, fell-i; leɛmer i teslam i taɣect-
is, leɛmer i twalam udem-is. 38Awal-is ur izdiɣ ara deg-wen, axaṭer ur tuminem ara s win i
d-iceggeɛ. 39Tessenqadem Tira, axaṭer kenwi tɣilem ad tafem yis-sent tudert n dayem: d
nutenti i d-ittcehhiden fell-i. 40Meɛna kenwi ur tebɣim ara ad d-truḥem ɣur-i iwakken ad
tesɛum tudert. 41Ur ttnadiɣ ara lɛezz n yimdanen. 42Meɛna ssneɣ-ken: leḥmala n Yillu, ur
tt-tesɛim ara deg-wen. 43Nekk ruḥeɣ-d s yisem n Baba, yerna ur yi-teqbilem ara. Lemmer
ad d-iruḥ wayeḍ s yisem-is, netta, ad t-tqeblem. 44Amek i tzemrem ad tamnem, kenwi
yettemɛuzzun gar-awen, meɛna ur tettnadim ara lɛezz i d-itekken sɣur Yillu weḥd-s? 45Ur
ttɣilit ara belli d nekk ara icetkin fell-awen zdat Baba; win ara icetkin fell-awen, d Musa,
win akken ideg terram asirem-nsen. 46Lemmer i tumnem Musa, ad iyi-tamnem ula d
nekk, axaṭer fell-i i d-yura. 47Meɛna ma ur tuminem ara ayen yura netta, amek ara
tamnem lehdur-iw?"
Asefti n yiɣerman
(Mt 14. 15-21; Mr 6. 32-44; Lq 9. 12-17)
6Mbaɛd ayagi, Yasuɛ izger s agemmaḍ n lebḥer n Galil, yettusemman Tiberyas. 2Aṭas n
lɣaci i t-itebɛen axaṭer walan limarat-nni i yexdem deg yimuḍan. 3Yasuɛ yuli s adrar dɣa
yeqqim dinna netta d yinelmaden-is. 4Yuɣ lḥal, lɛid n Usuref, lɛid n Iyahudiyen, tqerreb-d.
5
Yasuɛ irfed allen-is, iwala aṭas n lɣaci i d-iruḥen ɣur-s, dɣa yenna i Filibus: "Ansi ara d-
naɣ aɣrum ara ččen?" 6Inna-d akka iwakken ad t-ijerreb, axaṭer iẓra d acu ara yexdem.
7
Filibus irra-yas: "Mitin n yidinaren ur ten-ttqiddin ara, iwakken yal yiwen ad t-id-tṣaḥ
telqimt n uɣrum!" 8Yiwen seg yinelmaden, Andriyus, gma-s n Cimɛun-Buṭrus, yenna-
yas: 9"Atan dagi yiwen n uqcic, isɛa xemsa n yiɣerman n temẓin akked sin n yiḥutiwen;
meɛna d acu ara d-xedmen i wannect-agi n lɣaci?" 10Yasuɛ inna: "Sɣimet lɣaci." Aṭas n
leḥcic i yellan deg umkan-nni. Qqimen ihi; ad ilin azal n xems alaf n yirgazen. 11Yasuɛ
iddem-d iɣerman-nni, iḥmed dɣa ifreq-iten i lɣaci-nni yeqqimen; irna-yasen ula d iḥutiwen
mebla cceḥḥa. 12Mi ṛwan, yenna i yinelmaden-is: "Jemɛet-d ayen i d-iqqimen, acemma ur
ittruḥu." 13Jemɛen-d kullec, dɣa ččuren tnac n yiḍellaɛen s wayen i d-iqqimen si xemsa-
nni n yiɣerman n temẓin, mbaɛd mi ččan merra. 14Lɣaci-nni, mi walan limara i yexdem
Yasuɛ, qqaren: "D ṣṣeḥḥ, d wagi i d nnbi ara d-yasen ɣer ddunit!" 15Yasuɛ, yeẓran belli ad
d-ruḥen ad t-awin iwakken ad t-rren d agellid, iḍerref iman-is weḥd-s daɣen s adrar.

(Mt 14. 22-33; Mr 6. 45-52)
16
Mi d-tewweḍ tmeddit, inelmaden-is ṣubben ɣer lebḥer. 17Ulin ɣer teflukt iwakken ad
zegren s agemmaḍ n lebḥer, ɣer Kafar-Naḥum. Ṭṭlam iɣli-d yakan, yerna Yasuɛ mazal ur
d-iruḥ ara ɣur-sen. 18Ikker-d yiwen n waḍu, d ameqqran, ula d lebḥer ihaǧ. 19Mbaɛd mi
sbeɛden azal n xemsa neɣ sett alaf n lmitrat, walan Yasuɛ ileḥḥu-d ɣef waman yerna
yettqerrib-d ɣer teflukt. Uggaden. 20Meɛna Yasuɛ yenna-yasen: "D nekk; ur ttaggadet
ara!" 21Bɣan ad t-srekben di teflukt, meɛna imiren kan taflukt telḥeq ɣer lberr, s anda
akken i leḥḥun.
Yasuɛ, d aɣrum n tudert
22
Azekka-nni, lɣaci yeqqimen agemmaḍ i lebḥer walan belli yiwet n teflukt kan i
yellan dinna, yerna Yasuɛ ur irkib ara di teflukt-nni netta d yinelmaden-is; d
inelmaden-is kan i iruḥen. 23Aṭas n teflukin-nniḍen i d-iruḥen si Tiberyas s amkan-nni
anda i ččan aɣrum mbaɛd mi yeḥmed Ssid. 24Mi walan lɣaci-nni belli ulac dinna la Yasuɛ,
la inelmaden-is, rekben tiflukin-nni dɣa ruḥen ɣer Kafar-Naḥum, ad nadin Yasuɛ. 25Ufan-t
agemmaḍ i lebḥer, dɣa nnan-as: "A Ccix, si melmi i telliḍ dagi?" 26Yasuɛ inṭeq, yenna-
yasen: "Amin, amin, ad awen-iniɣ, tettnadim fell-i, mačči imi i twalam limarat, meɛna imi
i teččam aɣrum yerna teṛwam. 27Ur xeddmet ara ɣef lqut i ifennun; xedmet ɣef lqut
yettdumun i dayem, win ara awen-d-ifk Mmi-s n umdan; axaṭer d netta i yeḍbeɛ Yillu
Ababat s ṭṭabeɛ-is." 28Nnan-as: "D acu ara nexdem iwakken ad nexdem lecɣal n Yillu?"
29
Yasuɛ inṭeq, yenna-yasen: "Ccɣel n Yillu, d wagi: ad tamnem s win i d-iceggeɛ."
30
Nnan-as: "D acu n limara ara txedmeḍ, iwakken ad tt-nwali dɣa ad namen yis-k? D acu
ara txedmeḍ? 31Lejdud-nneɣ ččan tamana deg uneẓruf, akken yura: 'Ifka-yasen-d ad ččen
aɣrum i d-ikkan seg yigenni'." 32Yasuɛ yenna-yasen: "Amin, amin, ad awen-iniɣ, mačči d
Musa i awen-d-ifkan aɣrum seg yigenni; d Baba i awen-d-ifkan seg yigenni aɣrum n
ṣṣeḥḥ. 33Aɣrum n Yillu, d win i d-iṣubben seg yigenni yerna yettak tudert i ddunit."
34
Nnan-as: "A Sidi, ttak-aɣ-d dayem seg uɣrum-agi." 35Yasuɛ yenna-yasen: "Nekk, d
aɣrum n tudert. Win ara d-iruḥen ɣur-i ur ittuɣal ara ad illaẓ; win yumnen yis-i, d lmuḥal
ad ifad. 36Nniɣ-awen-t-id yerna twalam-iyi, meɛna ur tuminem ara. 37Wid merra ara yi-d-
ifk Baba ad d-ruḥen ɣur-i; ur ttḍeggireɣ ara ɣer berra win ara d-iruḥen ɣur-i. 38Ṣubbeɣ-d
seg yigenni, mačči iwakken ad xedmeɣ lebɣi-w, meɛna lebɣi n win i yi-d-iceggɛen.
39
Atan d acu yebɣa win i yi-d-iceggɛen: ur sruḥuyeɣ ula d yiwen seg wid i yi-d-ifka,
meɛna ad ten-id-sseḥyuɣ ass aneggaru. 40D wagi i d lebɣi n Baba: kra n win yettmuqulen
ɣer Mmi-s yerna yumen yis-s ad isɛu tudert n dayem; nekk ad t-id-sseḥyuɣ ass aneggaru."
41
Iyahudiyen bdan sgermuden fell-as axaṭer yenna-d: "Nekk, d aɣrum i d-iṣubben seg
yigenni." 42Qqaren: "Wagi, mačči d Yasuɛ, mmi-s n Yusef? Nessen baba-s akked yemma-
s! Amek armi i d-iqqar tura: 'Ṣubbeɣ-d seg yigenni'?" 43Yasuɛ inṭeq, inna: "Ur sgermudet
ara gar-awen! 44Yiwen ur izmir ad d-iruḥ ɣur-i ma ur t-id-ijbid ara Ubabat i yi-d-iceggɛen;
nekk ad t-id-sseḥyuɣ ass aneggaru. 45Yura di lanbeyya: 'Ad lemden merra sɣur Yillu.'Ɣef
wayagi, kra n win yeslan i wayen i d-ikkan sɣur Ubabat yerna ilmed-it, ad d-iruḥ ɣur-i.
46
Yiwen ur iwala Ababat, siwa win yellan ɣer Yillu. Netta iwala Ababat. 47Amin, amin, ad
awen-iniɣ: win yumnen isɛa tudert n dayem. 48Nekk, d aɣrum n tudert. 49Lejdud-nwen
ččan tamana deg uneẓruf, meɛna mmuten. 50D wagi i d aɣrum i d-iṣubben seg yigenni;
win ara t-iččen ur ittmettat ara. 51Nekk, d aɣrum yeddren i d-ikkan seg yigenni. Win
yeččan seg uɣrum-agi ad yidir i dayem. Aɣrum ara fkeɣ, d aksum-iw, iwakken ad tidir
ddunit."
52
Ikker umǧadel gar Iyahudiyen, qqaren: "Amek i yezmer wagi ad aɣ-d-ifk aksum-is ad t-
nečč?" 53Yasuɛ yenna-yasen: "Amin, amin, ad awen-iniɣ, ma ur teččim ara aksum n Mmi-
s n umdan yerna ur teswim ara idammen-is, ur tesɛim ara tudert deg-wen. 54Win yeččan
aksum-iw yerna yeswa idammen-iw isɛa tudert n dayem; nekk, ad t-id-sseḥyuɣ ass
aneggaru. 55Aksum-iw, d lqut n ṣṣeḥḥ; idammen-iw, d tissit n ṣṣeḥḥ. 56Win itetten aksum-
iw, itessen idammen-iw, ittidir deg-i, nekk ttidireɣ deg-s. 57Akken i yi-d-iceggeɛ Ubabat
yeddren, akken i ttidireɣ s Ubabat, akken daɣen, win i yi-itetten ad yidir yis-i. 58D wagi i d
aɣrum i d-iṣubben seg yigenni, mačči am tmana-nni i ččan lejdud-nwen yerna mmuten.
Win itetten aɣrum-agi ad yidir i dayem." 59Yasuɛ yenna-d lehdur-agi mi yella yesselmad
deg yiwen n ufakan di Kafar-Naḥum.
60
Aṭas seg yinelmaden-is, mi as-slan, nnan: "Awal-agi qessiḥ! Anwa ara as-islen?"
61
Yasuɛ, yeẓran belli ɣef wayagi i sgermuden yinelmaden-is, yenna-yasen: "Ayagi, izga-
yawen-d d ugur? 62I mi ara twalim Mmi-s n umdan yuli s anda yella uqbel? 63D Rruḥ i
yessidiren; tafekka ur tenfiɛ i wacemma. Lehdur-agi i awen-d-nniɣ, d Rruḥ akked tudert.
64
Llan gar-awen kra ur numin ara." Yasuɛ yenna-d akka, axaṭer iẓra si tazwara anwi ur
numin ara akked win ara t-isellmen. 65Inna-yasen: "Ɣef wayagi i awen-d-nniɣ belli yiwen
ur izmir ad d-iruḥ ɣur-i, ma ur as-d-ittunefk ara wayagi sɣur Ubabat."
66
Seg imiren, aṭas n yinelmaden-is i yuɣalen ɣer deffir, ḥebsen ur teddun ara yid-s. 67Yasuɛ
yenna i Tnac-nni: "I kenwi daɣen, ur tebɣim ara ad truḥem?" 68Cimɛun-Buṭrus yenna-yas:
"A Sidi, wuɣur ara nruḥ? Tesɛiḍ lehdur n tudert n dayem! 69Numen yerna neẓra belli kečč,
d Imqeddes n Yillu." 70Yasuɛ irra-yasen: "Mačči d nekk i ken-ixtaren, i tnac yid-wen?
Yiwen deg-wen, d cciṭan!" 71D Yahuda, mmi-s n Cimɛun, si Qiryut, i d-ilha; axaṭer d
netta, yiwen si Tnac-nni, ara t-isellmen.
Lɛid n yiɛecwan
7Mbaɛd ayagi, Yasuɛ iruḥ ɣer Galil. Ur ibɣi ara ad iruḥ ɣer Yahuda, axaṭer Iyahudiyen
ttnadin ad t-nɣen. 2Lɛid n Iyahudiyen, lɛid n yiɛecwan tqerb-d. 3Atmaten-is nnan-as: "ruḥ
ad truḥeḍ ɣer Yahuda, iwakken inelmaden-ik ad walin lecɣal i txeddmeḍ. 4Yiwen ur
ixeddem s tuffra ma yettnadi ad ittwassen. Kečč i ixeddmen ayagi merra, sbeggn-d iman-
ik, s timmad-ik, i ddunit." 5Axaṭer ula d atmaten-is ur uminen ara yis-s. 6Yasuɛ yenna-
yasen: "Lweqt-iw nekkini, mazal ur d-yewwiḍ ara; ɣur-wen, dayem d lweqt. 7Ddunit ur
tezmir ara ad ken-tekreh; nekk, tkerh-iyi, axaṭer ttcehhideɣ-d belli lexdayem-is d
imcumen. 8Kenwi, alit ɣer lɛid; nekk, ur ttaliɣ ara ɣer lɛid-agi, axaṭer ur d-yewwiḍ ara
lweqt-iw." 9Mbaɛd mi asen-d-yenna ayagi, iqqim di Galil. 10Meɛna mi ruḥen watmaten-is
ad ḥedren i lɛid-nni, iruḥ ula d netta, meɛna s tuffra, mačči ɛinani.
11
Deg wussan-nni n lɛid, Iyahudiyen ttnadin fell-as, qqaren: "Anida-t winna?" 12Ikker
umǧadel fell-as gar lɣaci. Kra qqaren: "D argaz lɛali"; wiyaḍ: "Ala, ittɣerriq lɣaci." 13Acu
kan, yiwen ur ihedder fell-as ɛinani, axaṭer ttaggaden Iyahudiyen.
14
Mi tneṣṣef lɛid, Yasuɛ yuli ɣer ufakan, dɣa yebda yesselmad dinna. 15Iyahudiyen
wehmen, qqaren: "Amek i yessen Tira, netta ur neɣri ara?" 16Yasuɛ inṭeq, yenna-yasen:
"Aselmed-iw mačči sɣur-i i d-ikka, sɣur win i yi-d-iceggɛen. 17Win yebɣan ad ixdem
lebɣi n Yillu ad iẓer ma sɣur Yillu i d-ikka uselmed-agi inu, neɣ heddreɣ kan s ṛṛay n
uqerru-w. 18Win iheddren s ṛṛay n uqerru-s ittnadi cciɛa i yiman-is; meɛna win yettnadin
cciɛa n win i t-id-iceggɛen, winna d aṣeḥḥi; ulac deg-s lekdeb. 19Ur awen-d-ifki ara Musa
ccariɛa? Meɛna yiwen deg-wen ur tt-ittabaɛ! Acuɣer i tettnadim ad iyi-tenɣem?" 20Lɣaci
nnan-as: "Tesɛiḍ aruḥani! Anwa i yettnadin ad k-ineɣ?" 21Yasuɛ inṭeq, yenna-yasen:
"Yiwen n ccɣel kan i xedmeɣ, twehmem akken ma tellam. 22Musa yeǧǧa-yawen-d ṭṭhara,
yerna mačči sɣur-s i d-tekka, meɛna sɣur lejdud; ɣas akken, tesseḍharem i yimdanen deg
wass n usteɛfu. 23Ma yella tesseḍharem i yimdanen deg wass n usteɛfu, iwakken ur
tettruẓum ara ccariɛa n Musa, acuɣer i terfam fell-i imi i sseḥlaɣ amdan s lekmal-is deg
wass n usteɛfu? 24Ur ḥekkmet ara ayen i ttwalint wallen, meɛna ḥekmet s lḥeqq."
25
Kra n yimezdaɣ n Yarucalim qqaren: "Wagi, mačči d win akken i ttnadin ad t-nɣen?
26
Atan ihedder ɛinani, yerna ur as-nnin acemma! Waqila imeqqranen-nneɣ ɛeqlen-t belli d
Lmasiḥ. 27Wagi, neẓra ansi-t. Meɛna Lmasiḥ, asmi ara d-iruḥ, yiwen ur iẓerr ansi-t."
28
Imiren Yasuɛ, yellan yesselmad deg ufakan, iɛeggeḍ, inna: "Tessnem-iyi yerna teẓram
ansi-yi! Ur d-usiɣ ara s ṛṛay n uqerru-w: win i yi-d-iceggɛen, d aṣeḥḥi; meɛna kenwi, ur t-
tessinem ara. 29Nekk, ssneɣ-t, axaṭer kkiɣ-d sɣur-s, yerna d netta i yi-d-iceggɛen." 30Ɣef
wayagi, ttnadin ad t-ṭṭfen, meɛna yiwen ur iẓẓil afus-is fell-as, axaṭer ur d-tewwiḍ ara
tsaɛet-is. 31Gar lɣaci-nni, aṭas i yumnen yis-s, qqaren: "Lmasiḥ, mi ara d-yas, ad ixdem
akter n wayen yexdem wagi n limarat?"
32
Ifarisiyen slan i wayen i heddren lɣaci fell-as. Imiren imeqqranen n lmuqeddmin akked
Ifarisiyen ceggɛen iɛessasen iwakken ad t-ṭṭfen. 33Yasuɛ yenna-yasen: "Mazal-iyi yid-wen
kra n lweqt kan, mbaɛd ad ruḥeɣ ɣer win i yi-d-iceggɛen. 34Ad tnadim fell-i, meɛna ur yi-
tettafem ara, axaṭer ur tettizmirem ara ad n-truḥem s anda akken i lliɣ." 35Ɣef wayagi,
Iyahudiyen qqaren gar-asen: "S anda akka ara iruḥ wagi, armi ur nettizmir ara ad t-
naf? Ɣer wid yemzerbaɛen gar Iyunaniyen ara iruḥ? Ad iruḥ ad isselmed Iyunaniyen?36D
acu-t wawal-agi i d-yenna: 'Ad tnadim fell-i, meɛna ur yi-tettafem ara, axaṭer ur
tettizmirem ara ad n-truḥem s anda akken i lliɣ'?"
Aman n tudert
37
Ass aneggaru, yellan d ass ameqqran n lɛid, Yasuɛ ibedd, dɣa iɛeggeḍ, inna: "Win
ifuden, ad d-iruḥ ɣur-i, ad isew! 38Win yumnen yis-i, 'd isaffen n waman n tudert ara d-
ittfeggiḍen seg-s', akken i t-id-nnant Tira." 39Inna-d ayagi ɣef Rruḥ Iqedsen ara d-
ittunefken i wid yumnen yis-s. Yuɣ lḥal, mazal ur d-ittunefk ara Rruḥ Iqedsen, axaṭer
mazal ur ittwaɛuzz ara Yasuɛ.
40
Gar lɣaci-nni i yeslan i lehdur-agi, kra qqaren: "D ṣṣeḥḥ, wagi, d nnbi nni!" 41Wiyaḍ
qqaren: "D wagi i d Lmasiḥ!" Wiyaḍ qqaren: "Ala, si Galil dɣa ara d-iffeɣ Lmasiḥ? 42Ur
d-nnint ara Tira: 'Si dderya n Dawed, si Bit-Liḥim, taddart n Dawed, ara d-iffeɣ Lmasiḥ'?"
43
Ɣef wayagi ihi, ikker lxilaf gar lɣaci ɣef Yasuɛ. 44Kra seg-sen bɣan ad t-ṭṭfen, meɛna
yiwen ur iẓẓil afus-is fell-as.
45
Swakka, iɛessasen-nni uɣalen ɣer yimeqqranen n lmuqeddmin akked Ifarisiyen. Widak-
nni nnan-asen: "Acuɣer ur t-id-tewwim ara?" 46Iɛessasen-nni rran-asen: "Leɛmer i d-illi
umdan iheddren am urgaz-ihin!" 47Ifarisiyen rran-asen: "Kenwi daɣen, tettwakelxem?
48
Illa yiwen seg yimeqqranen neɣ seg Ifarisiyen i yumnen yis-s? 49Lɣaci-ihin ur nessin ara
ccariɛa, ttwaneɛlen!" 50Niqudimus, yiwen seg-sen, win akken i iruḥen yakan ɣer Yasuɛ,
yenna-yasen: 51"Eɛni ccariɛa-nneɣ ad teḥkem ɣef yiwen, mebla ma iɛedda di ccraɛ,
iwakken ad ẓren d acu i yexdem?" 52Neṭqen, nnan-as: "Eɛni ula d kečč si Galil? Nadi, ad
twaliḍ belli ur d-iteffeɣ ara nnbi si Galil." 53Imiren ruḥen, yal yiwen s axxam-is.
Tameṭṭut yeznan
8Yasuɛ iruḥ s Iɣil Uzemmur. 2Azekka-nni, ṣṣbeḥ zik, iruḥ daɣen ɣer ufakan; lɣaci merra
ruḥen-d ɣur-s. Iqqim, dɣa yebda yesselmad-iten. 3Imusnawen n ccariɛa akked Ifarisiyen
wwin-d yiwet n tmeṭṭut i yettwaṭṭfen tezna. 4Sbedden-tt di tlemmast n lɣaci, dɣa nnan i
Yasuɛ: "A Ccix, tameṭṭut-agi tettwaṭṭef tezna. 5Musa yumer-aɣ-d di ccariɛa ad nerjem
tilawin am tigi. I kečč, d acu ara d-tiniḍ?" 6Nnan-as akka iwakken ad t-jerrben, iwakken
ad d-afen d acu ara d-gren fell-as. Meɛna Yasuɛ ikna, dɣa yebda yettaru s uḍad-is di lqaɛa.
7
Seg wakken i t-ḥerṣen s yisteqsiyen, ikker dɣa yenna-yasen: "Win deg-wen leɛmer
yednib, yerjem-itt d amezwaru!" 8Imiren iɛawed ikna, ittaru di lqaɛa. 9Mi slan i lehdur-
nni, bdan teffɣen yiwen yiwen, zwaren yimɣaren. Yasuɛ iqqim-d weḥd-s, tameṭṭut-nni
mazal-itt tbedd dinna, di tlemmast. 10Yasuɛ ikker-d dɣa yenna-yas: "A tameṭṭut, anida-ten?
Ulac win iḥekkmen fell-am?" 11Terra-yas: "Ula d yiwen, a Sidi!" Yasuɛ yenna-yas: "Ula d
nekk, ur ḥekkmeɣ ara fell-am. Ruḥ, ssya d asawen, xḍu i ddnub!"
Yasuɛ, d tafat n ddunit
12
Yasuɛ ihder-asen daɣen, yenna-yasen: "Nekk, d tafat n ddunit. Win ara y-itebɛen ur
ileḥḥu ara di ṭṭlam, meɛna ad isɛu tafat n tudert." 13Ɣef wayagi, Ifarisiyen nnan-as:
"Tettcehhideḍ-d ɣef yiman-ik; cchada-k ur tṣeḥḥa ara." 14Yasuɛ inṭeq, yenna-yasen:
"Ɣas ttcehhideɣ-d ɣef yiman-iw, cchada-w tṣeḥḥa, axaṭer ẓriɣ ansi i d-kkiɣ, s anda i
tedduɣ; meɛna kenwi, ur teẓrim ansi i d-kkiɣ wala s anda i tedduɣ. 15Kenwi tettḥasabem s
lɛeqliya n umdan; nekk ur ttḥasabeɣ yiwen. 16Ɣas ḥusbeɣ yiwen, lḥisab-iw iṣeḥḥa, axaṭer
mačči weḥd-i: lliɣ nekk, illa Ubabat i yi-d-iceggɛen. 17Ula di ccariɛa-nwen yura belli
cchada n sin tṣeḥḥa. 18Nekk, ttcehhideɣ-d ɣef yiman-iw, Baba i yi-d-iceggɛen ittcehhid-d
daɣen fell-i." 19Nnan-as: "Anida-t baba-k?" Yasuɛ irra-yasen: "Ur yi-tessinem, ur tessinem
Baba. Lemmer i yi-tessinem, ad tissinem ula d Baba." 20Yasuɛ yenna-d lehdur-agi mi yella
yesselmad deg ufakan, zdat tzeqqa n ugerruj. Yiwen ur t-iṭṭif, axaṭer mazal i d-teḥder
tsaɛet-is.
21
Inna-yasen daɣen: "Nekk, ad ruḥeɣ: ad tnadim fell-i, meɛna ad temmtem di ddnub-
nwen; ur tezmirem ara ad n-truḥem s anda ara ruḥeɣ, nekkini." 22Iyahudiyen nnan-as:
"Eɛni ad ineɣ iman-is mi d-yenna: 'Ur tezmirem ara ad n-truḥem s anda ara ruḥeɣ,
nekkini'?" 23Inna-yasen: "Kenwi, n ukessar; nekk, n usawen. Kenwi, n ddunit-agi; nekk,
mačči n ddunit-agi. 24Ɣef wayagi i awen-d-nniɣ: 'Ad temmtem di ddnubat-nwen.' Ma ur
tuminem ara belli d Win yellan, ad temmtem di ddnubat-nwen." 25Nnan-as: "Anwa-k,
keččini?" Yasuɛ yenna-yasen: "D ayen i awen-d-qqareɣ si tazwara. 26Aṭas ara d-iniɣ fell-
awen, aṭas iɣef ara ken-ḥasbeɣ; meɛna win i yi-d-iceggɛen iṣeḥḥa, yerna ayen i sliɣ sɣur-
s, ad t-iniɣ i ddunit." 27Ur ẓrin ara belli ɣef Ubabat i asen-d-ihedder. 28Yasuɛ yenna-yasen:
"Asmi ara tessaɛlim Mmi-s n umdan, ad teẓrem belli nekk lliɣ. Ur xeddmeɣ acemma s
ṛṛay n uqerru-w, meɛna qqareɣ-d ayen i yi-isselmed Baba. 29Win i yi-d-iceggɛen illa yid-i;
ur y-ittaǧǧa ara weḥd-i, axaṭer nekk, xeddmeɣ dayem ayen i as-itteɛǧaben." 30Mi d-yenna
ayagi merra, aṭas i yumnen yis-s.
31
Yasuɛ yenna i Yiyahudiyen i yumnen yis-s: "Ma tdumem deg wawal-iw, s tidet, ad tilim
d inelmaden-iw. 32Ad tissinem tidet, tidet ad ken-terr d iḥerriyen." 33Rran-as: "Nekni, si
dderya n Abraham! Leɛmer i nelli d aklan n walbaɛḍ! Amek armi i d-tenniḍ: 'Ad tuɣalem
d iḥerriyen'?" 34Yasuɛ irra-yasen: "Amin, amin, ad awen-iniɣ: Win ixeddmen ddnub, d
akli n ddnub. 35Akli ur ittɣimi ara deg uxxam i dayem; amemmit ittɣimi deg uxxam i
dayem. 36Ma yerra-ken Umemmit d iḥerriyen, ad tilim d iḥerriyen n ṣṣeḥḥ. 37Ẓriɣ belli
kenwi si dderya n Abraham; meɛna tettnadim ad iyi-tenɣem, axaṭer awal-iw ur izdiɣ ara
deg-wen. 38Qqareɣ-d ayen i walaɣ ɣer Baba; kenwi, txeddmem ayen i teslam ɣer baba-
twen." 39Neṭqen, nnan-as: "Baba-tneɣ, d Abraham." Yasuɛ yenna-yasen: "Lemmer dɣa d
tarwa n Abraham i tellam, ad txedmem ayen yexdem Abraham. 40Kenwi tura tettnadim ad
iyi-tenɣem, nekk i awen-d-yennan tidet i sliɣ sɣur Yillu. Ayagi, Abraham ur t-ixdim ara.
41
Kenwi, txeddmem lecɣal n baba-twen." Nnan-as: "Nekni, mačči d arraw n leḥram;
yiwen n Baba-tneɣ i nesɛa, d Illu!" 42Yasuɛ yenna-yasen: "Lemmer dɣa d Illu i d Baba-
twen, ad iyi-tḥemmlem! Sɣur Yillu i d-ffɣeɣ dɣa usiɣ-d; mačči s ṛṛay n uqerru-w i d-usiɣ,
d netta i yi-d-iceggɛen. 43Acuɣer ur tfehhmem ara lehdur-iw? Axaṭer ur tezmirem ara ad
tḥessem i wawal-iw. 44Kenwi, baba-twen, d cciṭan, yerna tebɣam ad txedmem lexbuṭ n
baba-twen. Netta, d aqettal, si tazwara. Ur iṭṭif ara di tidet, axaṭer ulac deg-s tidet. Mi ara
d-yini lekdeb, seg wul-is i t-id-iqqar, axaṭer d akeddab yerna d baba-s n lekdeb. 45Ma d
nekk, imi d tidet i d-qqareɣ, ur yi-tettamnem ara. 46Anwa deg-wen ara yi-d-issukksen
ddnub? D tidet i d-qqareɣ: acuɣer ur yi-tettamnem ara? 47Win yellan seg Yillu yettḥessis i
lehdur n Yillu; kenwi, ur tettḥessisem ara, axaṭer ur tellim ara seg Yillu."
Yasuɛ, d Ssid
48
Imiren Iyahudiyen neṭqen, nnan-as: "Ur nesɛi ara lḥeqq mi d-nenna belli kečč d Asamari
yerna tesɛiḍ lǧenn?" 49Yasuɛ irra-yasen: "Ur sɛiɣ ara lǧenn; nekk, d Baba i ttɛuzzuɣ,
kenwi, teccemtem-iyi. 50Ur ttnadiɣ ara cciɛa-w: illa win yettnadin fell-as yerna yettḥasab.
51
Amin, amin, ad awen-iniɣ: Win iḥerzen awal-iw, ur ittwali ara lmut i dayem."
52
Iyahudiyen nnan-as: "Tura neẓra belli tesɛiḍ lǧenn. Abraham immut, lanbeyya daɣen;
kečč teqqareḍ: 'Win iḥerzen awal-iw, ur ittwali ara lmut i dayem.' 53Eɛni tugareḍ baba-
tneɣ Abraham i yemmuten? Lanbeyya daɣen mmuten. D acu i tḥesbeḍ iman-ik?" 54Yasuɛ
irra-yasen: "Ma ɛuzzeɣ iman-iw s yiman-iw, ccan-iw ur iswi acemma. D Baba i yi-
ittɛuzzun, netta iɣef teqqarem: 'D Illu-nneɣ.' 55Ur t-tessinem ara. nekk, ssneɣ-t! Ma nniɣ-
awen-d belli ur t-ssineɣ ara, ad iliɣ d akeddab, am kenwi. Meɛna ssneɣ-t yerna ḥerzeɣ
awal-is. 56Baba-twen Abraham ifreḥ imi ad iwali ass-iw: iwala-t yerna yefreḥ."
57
Iyahudiyen nnan-as: "Mazal i tewwiḍeḍ xemsin n yiseggasen di leɛmer-ik, twalaḍ
Abraham!" 58Yasuɛ yenna-yasen: "Amin, amin, ad awen-iniɣ: Uqbel ad d-yili Abraham,
nekk, d Win yellan!" 59Imiren ddmen-d iẓra iwakken ad t-rejmen; meɛna Yasuɛ iffer, dɣa
yeffeɣ-d seg ufakan.
Yasuɛ isseḥla yiwen i d-ilulen d aderɣal
9Deg ubrid-is, Yasuɛ iwala yiwen n urgaz, d aderɣal seg wasmi i d-ilul. 2Inelmaden-is
steqsan-t, nnan-as: "A Ccix, anwa i idenben, d netta neɣ d imawlan-is, armi i d-ilul d
aderɣal?" 3Yasuɛ irra-yasen: "Ur idnib netta, ur dniben imawlan-is; meɛna iwakken ad d-
banen lecɣal n Yillu deg-s. 4Ilaq ad xedmeɣ ccɣel n win i yi-d-iceggɛen, skud d ass; ataya
yiḍ, ideg yiwen ur izmir ad ixdem. 5Skud akka i lliɣ di ddunit, nekk d tafat n ddunit."
6
Mbaɛd mi d-yenna akka, isusef di lqaɛa, isselxes akal s tsusaf-is, imiren iḍla-t i wallen n
uderɣal-nni. 7Inna-yas: "Ruḥ ad tessirdeḍ di temda n Cilwaḥ, yeɛni Amceggeɛ." Iruḥ ihi,
issared, dɣa yuɣal-d ittwali.
8
Lǧiran-is akked wid i t-ittwalin zik ittmetra qqaren: "Mačči d win akken yettɣimin,
ittmetra?" 9Kra qqaren: "D netta!" Wiyaḍ qqaren: "Ala, meɛna yettemcabi-yas." Netta
yeqqar: "D nekk!" 10Nnan-as: "Amek i d-ldint wallen-ik?" 11Irra-yasen: "Argaz-nni iwumi
i qqaren Yasuɛ ixdem-d aluḍ, iḍla-t i wallen-iw, dɣa yenna-yi-d: 'Ruḥ ɣer temda n Cilwaḥ
ad tessirdeḍ.' Ruḥeɣ ɣer dinna, ssardeɣ-d, dɣa uɣaleɣ ttwaliɣ." 12Nnan-as: "Anida-t urgaz-
agi?" Irra-yasen: "Ur ẓriɣ ara."
13
Wwin i Yifarisiyen win akken yellan idderɣel. 14Yuɣ lḥal deg wass n usteɛfu i d-ixdem
Yasuɛ aluḍ, dɣa yeldi-yas allen. 15Steqsan-t daɣen Ifarisiyen amek i yuɣal ittwali. Inna-
yasen: "Iḍla aluḍ i wallen-iw, ssardeɣ, dɣa aql-i ttwaliɣ." 16Ɣef wayagi, kra seg Ifarisiyen
qqaren: "Argaz-ihin ur d-ikki ara sɣur Yillu, axaṭer ur ittqadar ara ass n usteɛfu." Wiyaḍ
qqaren: "Amek i yezmer umdan amednub ad ixdem limarat yecban tigi?" Dɣa yekker
lxilaf gar-asen. 17Nnan daɣen i uderɣal-nni: "I kečč, d acu ara d-tiniḍ fell-as, imi i ak-d-ildi
allen?" Irra-yasen: "D nnbi!" 18Iyahudiyen ugin ad amnen belli yella d aderɣal yuɣal
ittwali, uqbel ma sawlen i yimawlan-is. 19Steqsan imawlan-is, nnan-asen: "D wagi i d
mmi-twen, win akken i teqqarem ilul-d d aderɣal? Amek armi yuɣal ittwali tura?"
20
Imawlan-is neṭqen, nnan-asen: "Neẓra belli d mmi-tneɣ, yerna ilul-d d aderɣal. 21Meɛna
amek yuɣal ittwali tura, neɣ anwa i as-d-ildin allen, ur neẓri ara. Steqsit-tt, meqqer; d netta
ara d-yinin." 22Imawlan-is nnan-d akka axaṭer uggaden Iyahudiyen. Yuɣ lḥal, Iyahudiyen
msefhamen belli kra n win ara d-icehden yis-s belli d Lmasiḥ, ad t-stixxren si tejmaɛt-
nsen. 23Ɣef wayagi i d-nnan imawlan-is: "Meqqer, steqsit-tt." 24Ifarisiyen sawlen tikkelt-
nniḍen i urgaz-nni yellan d aderɣal, dɣa nnan-as: "Err lɛaḍima i Yillu! Neẓra belli argaz-
ihin, d amednub." 25Irra-yasen: "Ma d amednub i yella, ur ẓriɣ ara; ẓriɣ yiwet n lḥaǧa: lliɣ
d aderɣal, tura ttwaliɣ." 26Nnan-as: "D acu i k-ixdem? Amek i ak-d-ildi allen?" 27Irra-
yasen: "Nniɣ-awen-t-id yakan. Ur teslim ara? Acuɣer i tebɣam ad t-teslem daɣen?
Tebɣam ula d kenwi ad tuɣalem d inelmaden-is?" 28Regmen-t yerna nnan-as: "D kečč i d
anelmad-is; nekni, d inelmaden n Musa. 29Neẓra belli Illu ihder-d i Musa. Meɛna wihin,
ur neẓri ansi-t." 30Argaz-nni yenṭeq, yenna-yasen: "D lewhayem! Amek ur teẓrim ara
ansi-t! Meɛna netta, yeldi-yi-d allen. 31Neẓra belli Illu ur d-ittḥessis ara i yimednuben;
meɛna win yettaggaden Illu yerna ixeddem lebɣi-s, Illu ittḥessis-as-d. 32Leɛmer nesli s
yiwen irra-d iẓri i win i d-ilulen d aderɣal. 33Lemmer mačči sɣur Yillu i d-ikka urgaz-ihin,
ur izmir ad ixdem acemma." 34Neṭqen, nnan-as: "Tluleḍ-d s lekmal-ik di ddnubat, tura ad
aɣ-tesselmadeḍ!" Dɣa ḍeggren-t ɣer berra.
35
Yasuɛ isla belli ḍeggren-t-id ɣer berra. Mi t-id-imlal, yenna-yas: "Tumneḍ s Mmi-s n
umdan?" 36Inṭeq, yenna-yas: "Anwa-t, a Sidi, iwakken ad amneɣ yis-s?" 37Yasuɛ yenna-
yas: "Aql-ik tettmuquleḍ deg-s! D netta i ak-d-iheddren!" 38Inna-yas: "Umneɣ, a Sidi!"
Dɣa iseǧǧed zdat-s. 39Yasuɛ inna: "Ɣef lḥisab i d-usiɣ ɣer ddunit-agi, iwakken wid ur
nettwali ara ad walin, wid yettwalin ad dreɣlen." 40Kra n Ifarisiyen yellan yid-s, mi slan i
lehdur-nni, nnan-as: "Nekni daɣen, nedderɣel?" 41Yasuɛ irra-yasen: "Lemmer i tedreɣlem,
ulac ddnub fell-awen. Tura teqqarem: 'Nettwali', ihi ddnub-nwen mazal-it."
Yasuɛ, d ameksa lɛali
10"Amin, amin, ad awen-iniɣ: Win ur nkeččem ara si tewwurt s amraḥ n wulli, meɛna
iɛedda ansi-nniḍen, winna d amakar, d aqeṭṭaɛ. 2Win ikeččmen si tewwurt, d ameksa n
wulli. 3Aɛessas ileddi-yas-d tawwurt, dɣa ulli sellent i ṣṣut-is. Isawal i wulli-s s yisem-
nsent, imiren issufuɣ-itent. 4Mi d-issufeɣ merra ulli-s ad izwir zdat-sent; ttabaɛent-tt
axaṭer ssnent ṣṣut-is. 5Aberrani ur t-ttabaɛent ara; d tarewla ara rewlent fell-as, axaṭer ur
ssinent ara ṣṣut n yiberraniyen." 6Yasuɛ yewwi-yasen-d tamɛayt-agi, meɛna ur fhimen
ara ɣef wacu i asen-d-ihedder.
7
Yasuɛ yenna-yasen daɣen: "Amin, amin, ad awen-iniɣ: Nekk, d tawwurt n wulli. 8Wid
merra i d-iruḥen uqbel-iw, d imakaren, d iqeṭṭaɛen; meɛna ulli ur asen-ḥessent ara. 9Nekk,
d tawwurt: win ara ikecmen seg-i ad ittusellek; ad iffeɣ, ad ikcem, ad yaf učči. 10Amakar
ittruḥu-d kan iwakken ad yaker, ad izlu, ad issexṣer; nekk, ruḥeɣ-d iwakken ad sɛunt
tudert, yerna ad tt-sɛunt s ṭṭaqa.
11
Nekk, d ameksa lɛali. Ameksa lɛali yettak tudert-is ɣef wulli. 12Amekri, ur nelli ara d
ameksa, ur nelli ara d bab n wulli, mi ara iwali uccen ad yegg ulli-nni, ad irwel; imiren ad
tent-ixḍef wuccen, ad tent-isfeɛfeɛ. 13Imi d amekri i yella, ur ittḥebbir ara ɣef wulli. 14Nekk,
d ameksa lɛali. Ssneɣ ulli-w, nutenti daɣen ssnent-iyi,15akken i yi-issen Ubabat, akken i
ssneɣ Ababat. Ad fkeɣ tudert-iw ɣef wulli-w. 16Sɛiɣ ulli-nniḍen ur nelli ara n umraḥ-agi;
tidak-nni daɣen, ilaq-iyi ad tent-id-awiɣ; ad slent i ṣṣut-iw, imiren yiwet n tqeḍɛit, yiwen n
umeksa ara yilin. 17Ɣef wayagi i yi-iḥemmel Baba, axaṭer ad fkeɣ tudert-iw iwakken ad
tt-id-rreɣ. 18Yiwen ur yi-tt-ittekkes; s lebɣi-w ara tt-fkeɣ; sɛiɣ tazmert ad tt-fkeɣ, sɛiɣ
tazmert ad tt-id-rreɣ. D wagi i d lamer i yi-d-ifka Baba."
19
I tikkelt-nniḍen, ikker lxilaf gar Iyahudiyen ɣef lehdur-agi. 20Aṭas seg-sen qqaren: "Isɛa
lǧenn, ishetrif. Acuɣer i as-tettḥessisem?" 21Wiyaḍ qqaren: "Lehdur-agi mačči n win
yesɛan lǧenn. Eɛni yezmer lǧenn ad ildi allen n yiderɣalen?"
Yasuɛ ibeggen-d belli d Illu i yella
(Yn 5. 26-27; 14. 9; 28-29)
22
Iḥeḍr-d lawan ad ɛeggden di Yarucalim lɛid n uɛzal; yuɣ lḥal, d ccetwa. 23Yasuɛ illa
ileḥḥu deg ufakan, deg useqqif n Sliman. 24Zzin-as-d Iyahudiyen dɣa nnan-as: "Ar melmi
akka ara d-tessufuɣeḍ ul-nneɣ? Ma d Lmasiḥ i telliḍ, ini-yaɣ-t-id ɛinani." 25Yasuɛ irra-
yasen: "Nniɣ-awen-t-id, meɛna ur tettamnem ara. D lecɣal i xeddmeɣ s yisem n Baba i d-
ittcehhiden fell-i. 26Meɛna kenwi, ur tettamnem ara: ur tellim ara seg wulli-w. 27Ulli-w
smeḥsisent i ṣṣut-iw. Ssneɣ-tent, yerna ttabaɛent-iyi. 28Fkiɣ-asent tudert n dayem. D
lmuḥal ad fnunt, yerna yiwen ur yi-tent-ixeṭṭef seg ufus-iw. 29Baba, i yi-tent-id-ifkan,
yugar-iten merra. Yiwen ur izmir ad tent-ixḍef seg ufus n Baba. 30Nekk akked Baba,
yiwen."
31
I tikkelt-nniḍen, Iyahudiyen jemɛen-d iẓra iwakken ad t-rejmen. 32Yasuɛ irra-yasen:
"Ssekneɣ-awen-d aṭas n lecɣal yelhan i d-ikkan sɣur Ubabat: ɣef wanwa deg-sen ara yi-
trejmem?" 33Iyahudiyen rran-as: "Mačči ɣef kra n ccɣel yelhan ara k-nerjem; ad k-nerjem
imi i tkefreḍ, axaṭer kečč, yellan d amdan, terriḍ iman-ik d Illu." 34Yasuɛ irra-yasen: "Ur
yuri ara di ccariɛa-nwen: 'Nekk nniɣ: Kenwi, d illuyen'? 35Ma yella tsemma illuyen i wid
iwumi i d-ittunefk wawal n Yillu, yerna ur zmirent ara ad ttubeṭlent Tira, 36amek i
tzemrem ihi ad tinim i win i d-iɛzel Ubabat yerna iceggeɛ-it-id ɣer ddunit: 'Tkefreḍ!', imi i
d-nniɣ: 'Nekk, d Mmi-s n Yillu'? 37Ma mačči d lecɣal n Baba i xeddmeɣ, ur ttamnet ara
yis-i. 38Meɛna ma xeddmeɣ-ten, ɣas ur tettamnem ara yis-i, amnet s lecɣal-agi. Swakka ad
teẓrem yerna ad testɛerfem belli Ababat yella deg-i yerna nekk lliɣ deg Ubabat." 39Ɣef
wayagi, nudan daɣen ad t-ṭṭfen, meɛna imneɛ-asen seg ufus.
40
Yasuɛ iruḥ i tikkelt-nniḍen s agemmaḍ n wasif n Urdun, s amkan-nni anda i yella zik
Yuḥenna isseɣḍaṣ, dɣa yeqqim dinna. 41Aṭas i yettruḥun ɣur-s, qqaren: "Yuḥenna ur ixdim
ula d yiwet n limara; meɛna ayen akk i d-yenna Yuḥenna ɣef urgaz-agi iṣeḥḥa." 42Dinna,
aṭas i yumnen yis-s.
Yasuɛ isseḥya-d Ilɛazar si lmut
11Illa yiwen n urgaz yuḍen: d Ilɛazar, si Bit-Ḥananya, taddart n Meryem akked weltma-s
Marta. 2Meryem, d tin akken idehnen Ssid s leɛṭer, yerna tesfeḍ-as iḍarren-is s umzur-is.
D gma-s Ilɛazar i yuḍnen. 3Tiyissetmatin-nni ceggɛent ɣer Yasuɛ, nnant-as: "A Sidi, win
akken i tḥemmleḍ yuḍen." 4Mi yesla, Yasuɛ inna: "Aṭṭan-agi mačči n lmut, meɛna i
lɛaḍima n Yillu, iwakken ad ittwaɛuzz yis-s Mmi-s n Yillu." 5Yuɣ lḥal, Yasuɛ iḥemmel
Marta, weltma-s akked Ilɛazar. 6Mi yesla belli Ilɛazar yuḍen, yerna yeqqim sin n wussan
deg umkan-nni anda yella. 7Mbaɛd, yenna i yinelmaden-is: "Yyaw ad nuɣalet ɣer
Yahuda!" 8Inelmaden-is nnan-as: "A Ccix, melmi kan i ttnadin Iyahudiyen ad k-nɣen s
urjam, tura ad tuɣaleḍ ɣer dinna?" 9Yasuɛ irra-yasen: "Mačči tnac n swayeɛ i yellan deg
wass? Ma ileḥḥu yiwen deg wass ur ittemḍerkal ara, axaṭer ittwali tafat n ddunit-agi.
10
Meɛna ma ileḥḥu yiwen deg yiḍ ad imderkal, axaṭer ulac deg-s tafat."
11
Mbaɛd lehdur-agi, yenna-yasen: "Aḥbib-nneɣ Ilɛazar iṭṭeṣ, meɛna ad ruḥeɣ ad t-id-
ssakiɣ." 12Inelmaden nnan-as: "A Sidi, ma d iḍeṣ i yeṭṭeṣ, ad islek." 13Yasuɛ iqsed-d lmut n
Ilɛazar, meɛna nutni ɣilen d taguni i d-iqsed. 14Dɣa Yasuɛ yenna-yasen ɛinani: "Ilɛazar
immut; 15yerna ɣef ddemma-nwen, ferḥeɣ imi ur lliɣ ara dinna, iwakken ad tamnem.
Meɛna yyaw ad nruḥet ɣur-s!" 16Tuma, iwumi i qqaren Didimus, yeɛni Iken, yenna i
yinelmaden-nniḍen: "Kkret ad nruḥ ula d nekni, iwakken ad nemmet yid-s!"
17
Mi yewweḍ Yasuɛ, yufa belli ɛeddan rebɛa n wussan segmi i yella Ilɛazar deg uẓekka.
18
Bit-Ḥananya teqreb ɣer Yarucalim azal n teltalaf n lmitrat. 19Aṭas n Iyahudiyen i d-
iruḥen ɣer Marta akked Meryem, iwakken ad tent-ɛezzin ɣef gma-tsent. 20Mi tesla Marta
belli Yasuɛ ataya, teffeɣ ad t-temmager. Meryem teqqim deg uxxam. 21Marta tenna i
Yasuɛ: "A Sidi, lemmer dagi i telliḍ, gma ur ittmettat ara! 22Ula tura, ẓriɣ: ayen akk ara
tessutreḍ i Yillu, Illu ad ak-t-id-ifk." 23Yasuɛ yenna-yas: "Gma-m ad d-iḥyu." 24Marta
tenna-yas: "Ẓriɣ belli ad d-iḥyu ass aneggaru, ass n ḥeggu." 25Yasuɛ yenna-yas: "D nekk i
d ḥeggu, i d tudert. Win yumnen yis-i, ɣas immut, ad yidir; 26kra n win yeddren yerna
yumen yis-i, d lmuḥal ad immet i lebda. Tumneḍ ayagi?" 27Tenna-yas: "Anɛam, a Sidi,
umneɣ: kečč, d Lmasiḥ, Mmi-s n Yillu, win akken ara d-yasen ɣer ddunit."
28
Tenna-d ayagi, imiren truḥ ad as-d-tsiwel s tuffra i weltma-s Meryem. Tenna-yas: "Ccix
atan dagi, ad am-d-isawal." 29Mi as-tesla, tekker s tɣawla, dɣa truḥ ɣur-s. 30Yuɣ lḥal, Yasuɛ
ur d-ikcim ara ɣer taddart, meɛna mazal-it deg umkan-nni anda i t-id-temlal Marta.
31
Iyahudiyen yellan d Meryem deg uxxam iwakken ad tt-ɛezzin, mi tt-walan tekker s
tɣawla yerna teffeɣ, tebɛen-tt. Ɣilen s aẓekka i truḥ iwakken ad tettru dinna. 32Meryem,
mi tewweḍ s anda yella Yasuɛ, twala-t, dɣa teɣli ɣer yiḍarren-is, tenna-yas: "A Sidi,
lemmer dagi i telliḍ, gma ur ittmettat ara!" 33Yasuɛ, mi tt-iwala tettru, yerna ula d
Iyahudiyen-nni i d-iddan yid-s ttrun, tergagi-d tasa-s, ijreḥ wul-is. 34Inna: "Anda i t-
tsersem?" Nnan-as: "A Sidi, yya-d ad twaliḍ!" 35Dɣa Yasuɛ iru. 36Ɣef wayagi, Iyahudiyen
nnan: "Walit acḥal i t-iḥemmel!" 37Meɛna kra-nniḍen seg-sen qqaren: "Netta i d-ildin
allen i uderɣal, ur izmir ara ad ixdem akken ur ittmettat ara wagi?" 38I tikkelt-nniḍen,
Yasuɛ, tegzem tasa-s, dɣa iruḥ s aẓekka, yellan d lɣar iɣef yuɣal uẓru. 39Yasuɛ yenna-
yasen: "Kkset aẓru-agi." Marta, weltma-s n lmegget, tenna-yas: "A Sidi, ittfuḥu, rebɛa n
wussan aya fell-as." 40Yasuɛ yenna-yas: "Ur am-d-nniɣ ara belli ma tumneḍ ad twaliḍ
lɛaḍima n Yillu?" 41Kksen ihi aẓru; imiren Yasuɛ irfed allen-is d asawen dɣa yenna: "A
Baba, tanemmirt imi i yi-d-tesliḍ. 42Nekk ẓriɣ: tselleḍ-iyi-d dayem; meɛna hedreɣ-d ɣef
ddemma n lɣaci-agi i d-izzin, iwakken ad amnen belli d kečč i yi-d-iceggɛen." 43Mbaɛd
mi d-yenna akka, iɛeggeḍ s lqedd n taɣect-is: "Ilɛazar, ffeɣ-d ɣer berra!" 44Dɣa lmegget-
nni yeffeɣ-d, iḍarren-is akked yifassen-is ttelen, udem-is iɣumm s lekfen. Yasuɛ yenna-
yasen: "Fsit-as, teǧǧem-t ad iruḥ!"

45
Aṭas seg Iyahudiyen-nni i d-iruḥen ɣer Meryem, mi walan ayen akken i yexdem Yasuɛ,
umnen yis-s. 46Meɛna kra deg-sen ruḥen s Ifarisiyen, dɣa nnan-asen d acu i yexdem
Yasuɛ. 47Imeqqranen n lmuqeddmin akked Ifarisiyen snejmaɛen-d asqamu n ccraɛ, dɣa
nnan: "D acu ara nexdem? Argaz yenna ixeddem aṭas n limarat. 48Ma neǧǧa-t akka, ad
amnen merra yis-s. Irumiyen ad d-ruḥen ad hudden afakan-nneɣ iqedsen akked tmurt-
nneɣ. 49Yiwen seg-sen, Kayafa, yellan d lmuqeddem ameqqran aseggas-nni, yenna-yasen:
"Ur tefhimem acemma! 50Ur d-terrim ara s lexbar? Axir-awen ad immet yiwen kan n
umdan ɣef ugdud, wala ad inger lǧens merra." 51Ayagi mačči s yiman-is i t-id-yenna;
meɛna, imi d lmuqeddem ameqqran i yella aseggas-nni, icar-d belli ilaq ad immet Yasuɛ
ɣef ugdud; 52yerna mačči kan ɣef ugdud, meɛna iwakken daɣen ad d-ijmeɛ arraw n Yillu i
yemzerbaɛen, ad ten-yerr d yiwen. 53Seg wass-nni, ṭṭfen leqsed ad t-nɣen. 54Ɣef wayagi,
yuɣal Yasuɛ ur ileḥḥu ara ɛinani gar Iyahudiyen; meɛna iruḥ ɣer yiwen n umkan iqerben
aneẓruf, ɣer yiwet n temdint iwumi i qqaren Ifrayim. Iqqim dinna netta d yinelmaden-is.
55
Lɛid n Usuref n Iyahudiyen tqerreb-d. Aṭas i yulin ɣer Yarucalim uqbel lɛid n Usuref,
iwakken ad ssizedgen iman-nsen. 56Ttnadin ɣef Yasuɛ, yerna qqaren gar-asen deg ufakan:
"D acu i tennam? Ad d-iruḥ ad iɛegged neɣ ala?" 57Yuɣ lḥal, imeqqranen n lmuqeddmin
akked Ifarisiyen ssufɣen-d ṛṛay-agi: win yeẓran anida yella ilaq ad t-id-izzenz, iwakken ad
ittwaṭṭef.
Meryem tesmar leɛṭer ɣef yiḍarren n Yasuɛ
(Mt 26. 6-13; Mr 14. 3-9)
12Setta n wussan uqbel lɛid n Usuref, Yasuɛ iwweḍ ɣer Bit-Ḥananya, anda yella Ilɛazar-
nni i d-isseḥya si gar lmeggtin. 2Heggan-as-d imensi; marta tella tqeddec, Ilɛazar illa seg
wid yeqqimen yid-s ɣer ṭṭabla. 3Meryem teddem-d leɛṭer, azal n uzgen n litra n nnar
yeṣfan yerna ɣlay mliḥ, tedhen yis-s iḍarren n Yasuɛ yerna tesfeḍ-as-ten s umzur-is; dɣa
yuɣal uxxam merra yettriḥi d leɛṭer. 4Yahuda n Qiryut, yiwen seg yinelmaden-is, win
akken ara t-isellmen, inna: 5"Acuɣer ur nezzenz ara leɛṭer-agi s telt meyya n yidinaren
iwakken ad ten-nefk i yigellilen?" 6Mačči d aḥebber i yettḥebbir ɣef yigellilen, mi d-yenna
akka, meɛna imi d amakar i yella. D netta i yellan iṭṭef taxriḍt, dɣa yettaddam ayen i
ttarran ɣur-s. 7Yasuɛ inna: "Anfet-as! Tejmeɛ-it i wass n temḍelt-iw. 8Igellilen, ad ten-
tesɛumdayem gar-awen; meɛna nekk, ur yi-tseɛɛum ara dayem yid-wen." 9D ihedman n
Iyahudiyen i yeslan belli Yasuɛ illa dinna; dɣa ruḥen, mačči kan fell-as, meɛna iwakken
ad walin Ilɛazar-nni i d-isseḥya si gar lmeggtin. 10Imeqqranen n lmuqeddmin qesden ad
nɣen ula d Ilɛazar, 11axaṭer ɣef ddemma-s, aṭas n Iyahudiyen i asen-ittaxxren, uɣalen
umnen s Yasuɛ.
(Mt 21. 1-11; Mr 11. 1-11; Lq 19. 28-40)
12
Azekka-nni, Ahdum n lɣaci-nni i d-iruḥen ad ɛeggden slan s Yasuɛ ataya ɣer Yarucalim.
13
Ddmen-d tiseḍwa n tezdayin, ruḥen ad t-mmagren, qqaren: "Husana! Ittubarek win i d-
yusan s yisem n Ssid, agellid n Israyil!" 14Yasuɛ yufa yiwen n ujḥiḥ, dɣa yerkeb fell-as,
akken yura:
15"
Ur ttaggad, a yelli-s n Ṣiyun!
Ataya ugellid-im, irkeb-d ɣef mmi-s n teɣyult."
16
Di tazwara, inelmaden ur fhimen ara ayen-nni; meɛna mbaɛd mi yettwaɛuzz Yasuɛ,
mmektan-d belli ayen-nni yura fell-as, yerna ayen akken i xedmen, d netta iwumi i t-
xedmen. 17Widak merra i iḥedren mi isawel Yasuɛ i Ilɛazar ad d-iffeɣ seg uẓekka, isseḥya-
t-id, cehden-d fell-as. 18Ɣef wayagi, aṭas n lɣaci i d-iffɣen ad t-mmagren, axaṭer slan belli
yexdem limara-nni. 19Dɣa Ifarisiyen qqaren gar-asen: "Twalam? Ulac d acu i d-trebḥem!
Muqlet: ddunit merra tedda yid-s!"
Yasuɛ ixebber-d s lmut-is
20
Kra n Iyunaniyen, seg widak-nni i d-iruḥen ad ɛebden di lɛid, 21qerrben ɣer Filibus,
yellan si Bit-Ṣayda n Galil, ḥellen-t, nnan-as: "A sidi, nebɣa ad nẓer Yasuɛ." 22Filibus iruḥ
yenna-yas i Andriyus, imiren Andriyus akked Filibus ruḥen nnan-as i Yasuɛ. 23Yasuɛ
inṭeq, yenna-yasen: "Teḥder-d tsaɛet ad ittwaɛuzz Mmi-s n umdan. 24Amin, amin, ad
awen-iniɣ: aɛeqqa n yired yeɣlin deg wakal, ma ur immut ara ad iqqim weḥd-s; meɛna
ma yemmut, ad d-ifk aṭas n lɣella. 25Win iḥemmlen tarwiḥt-is ad tt-isruḥ; win ikerhen
tarwiḥt-is di ddunit-agi ad tt-iḥrez i tudert n dayem. 26Win yebɣan ad iqdec fell-i, ad iyi-
id-itbeɛ! Anda i lliɣ, ad yili dinna daɣen uqeddac-iw. Win iqeddcen fell-i, ad t-iɛuzz Baba.
27
Tura, atan wul-iw itɣebben. D acu ara d-iniɣ? A Baba mneɛ-iyi si tsaɛet-agi? Meɛna ɣef
wayagi i d-wwḍeɣ ɣer tsaɛet-agi... 28A Baba, ɛuzz isem-ik!" Dɣa teffeɣ-d yiwet n taɣect
seg yigenni, tenna-d: "Ɛuzzeɣ, yerna mazal ad ɛuzzeɣ." 29lɣaci-nni ibedden dinna, mi slan,
qqaren: "D rrɛud." Wiyaḍ qqaren: "D lmelk i as-d-ihedren." 30Yasuɛ inṭeq, inna: "Taɣect-
agi, mačči i nekk, i kenwi. 31Tura ara tettuḥaseb ddunit-agi. Tura, sselṭan n ddunit-agi ad
ittwaḍegger ɣer berra. 32Ma d nekk, mi ara ttwarefdeɣ si lqaɛa, ad d-jebdeɣ imdanen
merra ɣur-i." 33Mi d-yenna akka, imla-d amek ara yemmet. 34Lɣaci rran-as: "Nekni nufa
di ccariɛa belli Lmasiḥ ad iqqim i dayem. Amek armi i d-tenniḍ belli Mmi-s n umdan ad
ittwarfed? Anwa-t, Mmi-s-agi n umdan?" 35Yasuɛ yenna-yasen: "Mazal tafat gar-awen i
kra n lweqt kan. Lḥut skud mazal tafat yid-wen, iwakken ur ken-ittaṭṭaf ara ṭṭlam. Win
ileḥḥun di ṭṭlam ur iẓri anda i iteddu. 36Skud akk i tella tafat yid-wen, amnet s tafat,
iwakken ad tilim d arraw n tafat." Yasuɛ yenna-d lehdur-agi, mbaɛd iruḥ ibɛed fell-asen.
Lkalafa n Yasuɛ
37
Ɣas akken aṭas n limarat i yexdem zdat-sen, ur uminen ara yis-s. 38Swakka, iḍra-d
wawal-nni i d-yenna nnbi Icɛaya:
"A Ssid, anwa i yumnen s ttebcira-nneɣ?
Iwumi i d-ittubeggen yiɣil n Ssid?"
39
Ur zmiren ara ad amnen, axaṭer Icɛaya yenna-d daɣen:
40
"Isderɣel-asen allen; isɣer ulawen-nsen, iwakken ur ttwalin ara s wallen-nsen, ur
fehhmen ara s wulawen-nsen, ur d-ttuɣalen ara s abrid, neɣ ma ulac ad ten-sseḥluɣ."
41
Icɛaya yenna-d akka, axaṭer iwala lɛaḍima-s yerna ihder-d fell-as. 42Ɣas akken, ula gar
yimeqqranen, aṭas i yumnen yis-s; meɛna ur t-id-sbeggnen ara ɣef ddemma n Ifarisiyen,
axaṭer uggaden ad ten-ssufɣen seg ufakan. 43Ḥemmlen lɛezz n yimdanen akter n lɛezz n
Yillu.
44
Yasuɛ iɛeggeḍ, inna: "Win yumnen yis-i, mačči yis-i i yumen, meɛna s win i yi-d-
iceggɛen. 45Win i yi-iwalan, iwala win i yi-d-iceggɛen. 46Nekk usiɣ-d d tafat ɣer ddunit,
iwakken kra n win yumnen yis-i ur ittɣimi ara di ṭṭlam. 47Win yeslan i lehdur-iw meɛna
ur ten-iḥriz ara, ur t-ttḥasabeɣ ara. Ala, ur d-usiɣ ara ad ḥasbeɣ ddunit, usiɣ-d ad sellkeɣ
ddunit. 48Win i yi-yugin, ur iqbil ara lehdur-iw, illa win ara t-iḥasben: d awal i d-nniɣ ara t-
iḥasben ass aneggaru. 49Mačči sɣur-i i d-heddreɣ; d Ababat i yi-d-iceggɛen, i yi-d-yumren
ayen i ilaq ad t-iniɣ yerna ad t-beccreɣ. 50Ẓriɣ belli lamer-is, d tudert n dayem. Ɣef
wayagi, ayen i d-qqareɣ nekk, qqareɣ-t-id akken i yi-t-id-yenna Baba."
Yasuɛ issared iḍarren i yinelmaden-is
13Uqbel lɛid n Usuref, Yasuɛ yeẓran belli tewweḍ-d tsaɛet ad iɛeddi si ddunit-agi ɣer
Ubabat, i iḥemmlen wid yellan d ayla-s di ddunit-agi, iḥemmel-iten yiwet leḥmala ur
nesɛi tilas. 2Mi llan tetten imensi, Cciṭan irra-yas-d deg wul i Yahuda, mmi-s n Cimɛun,
Aqiryuti, ad isellem Yasuɛ. 3Yasuɛ, yeẓran belli Ababat yerra kullec deg ufus-is, i yeẓran
belli yeffɣ-d sɣur Yillu yerna ad yuɣal ɣer Yillu, 4ikker ɣef yimensi, ikkes talaba-s, dɣa
yeddem-d aceṭṭiḍ, ibges yis-s. 5Ismar-d aman ɣer yiwen n ṣṣḍel, dɣa yebda yessirid
iḍarren i yinelmaden-is, yerna yesfaḍ-iten s uceṭṭiḍ-nni swayes i yebges.
6
Mi yewweḍ ɣer Cimɛun-Buṭrus, Buṭrus yenna-yas: "A Sidi, kečč, ad iyi-tessirdeḍ
iḍarren-iw!" 7Yasuɛ inṭeq, yenna-yas: "Ayen akka i xeddmeɣ, mačči tura ara t-tfehmeḍ; ad
t-tfehmeḍ, ɣer zdat." 8Buṭrus yenna-yas: "Ala, ur yi-tessirideḍ ara iḍarren-iw, d lmuḥal!"
Yasuɛ irra-yas: "Ma ur ak-ssardeɣ ara, ur tseɛɛuḍ ara amur yid-i." 9Cimɛun-Buṭrus yenna-
yas: "A Sidi, mačči d iḍarren-iw kan, rnu ula d ifassen akked uqerru!" 10Yasuɛ yenna-yas:
"Win icucfen, ur iḥwaǧ ara ad issired, siwa iḍarren-is, axaṭer zeddig merra. Kenwi
zeddigit, meɛna mačči irkwelli." 11Axaṭer iẓra anwa ara t-isellmen, daymi i d-yenna: "Ur
zeddigit ara irkwelli."
12
Mbaɛd mi asen-issared iḍarren, irra talaba-s ɣef yiri-s, yuɣal iqqim ɣer ṭṭabla. Inna-
yasen: "Tfehmem ayen akka i awen-xedmeɣ? 13Kenwi tsawalem-iyi Ccix, Sidi; tesɛam
lḥeqq, axaṭer nekk, d Ccix, d Ssid. 14Ma yella nekk, yellan d Ssid-nwen, ssardeɣ-awen
iḍarren, kenwi daɣen ilaq ad tessemsiridem iḍarren-nwen gar-awen. 15Fkiɣ-awen-d
lemtel, iwakken kenwi daɣen ad txeddmem akken i awen-xedmeɣ. 16Amin, amin, ad
awen-iniɣ: aqeddac ur yugar ara ssid-is; amceggeɛ ur yugar ara win i t-iceggɛen. 17Ma
teẓram ayagi, d iseɛdiyen i tellam ma txeddmem-t. 18Ur d-nniɣ ara ayagi fell-awen
merra; ssneɣ wid i xtareɣ. Meɛna ilaq ad iḍru wayen yuran: 'Win yeččan aɣrum-iw izzi-d
fell-i.' 19Nniɣ-awen-t-id si tura, uqbel ad d-iḍru wayagi, iwakken, mi ara d-iḍru, ad
tamnem belli nekk, d Win yellan. 20Amin, amin, ad awen-iniɣ: win yesterḥben s win i
ceggɛeɣ isterḥeb yis-i. Win yesterḥben yis-i isterḥeb s win i yi-d-iceggɛen."
Yasuɛ ixebber-d belli ad ittusellem
(Mt 26. 21-25; Mr 14. 18-21; Lq 22. 21-23)

21
Yasuɛ, mi d-yenna akka, irwi lxaṭer-is. Inna-yasen: "Amin, amin, ad awen-iniɣ: yiwen
deg-wen ad iyi-isellem."22Inelmaden-is mesmuqalen gar-asen, tḥeyyren, ur ẓrin ara
anwa i d-ilha. 23Yiwen seg yinelmaden-is, win akken i iḥemmel Yasuɛ, illa yeqqim ɣer
ṭṭabla, isenned ɣef yidmaren n Yasuɛ. 24Cimɛun-Buṭrus iwehha-yas, yenna-yas: "Steqsi-t
kan anwa i d-ilha." 25Anelmad-nni yekna ɣer yidmaren n Yasuɛ, dɣa yenna-yas: "A Sidi,
anwa?" 26Yasuɛ irra-yas: "D win iwumi ara fkeɣ talqimt-agi n uɣrum ara d-ssisneɣ."
Imiren issasen talqimt n uɣrum dɣa yefka-tt i Yahuda, mmi-s n Cimɛun, Aqiryuti.
27
Akken kan i as-ifka talqimt-nni n uɣrum, Cciṭan ikcem Yahuda. Yasuɛ yenna-yas: "Ayen
ara txedmeḍ, ɣiwel xdem-it!" 28Meɛna ula d yiwen seg widak-nni yeqqimen ɣer yimensi
ur ifhim acuɣer i as-inna akken. 29Imi d Yahuda i yeṭṭfen taxriḍt, kra ɣilen belli Yasuɛ
yenna-yas: "Aɣ-d ayen ilaqen i lɛid", neɣ yenna-yas ad ifk kra i yigellilen. 30Yahuda,
iddem talqimt-nni n uɣrum, iɣawel iffeɣ. Yuɣ lḥal, d iḍ.
Lamer ajdid
31
Mi yeffeɣ Yahuda, Yasuɛ inna: "Tura, Mmi-s n umdan ittwaɛuzz, yerna Illu
yettwaɛuzz deg-s. 32Ma yella Illu yettwaɛuzz deg-s, Illu daɣen ad t-iɛuzz di timmad-is,
yerna qrib ad t-iɛuzz. 33Ay arraw-iw imecṭaḥ, cwiṭ kan i yi-mazal yid-wen. Ad tnadim fell-
i, meɛna akken i nniɣ i Yiyahudiyen: 'S anda i tedduɣ, ur tezmirem ara ad teddum', ad
awen-t-iniɣ daɣen i kenwi tura. 34Ad awen-d-fkeɣ yiwen lamer, d ajdid: Myeḥmalet gar-
awen. Akken i ken-ḥemmleɣ, kenwi daɣen myeḥmalet gar-awen. 35Atan wamek ara
ɛeqlen medden belli kenwi d inelmaden-iw: ma temyeḥmalem gar-awen."
36
Cimɛun-Buṭrus yenna-yas: "A Sidi, s anda i ttedduḍ?" Yasuɛ irra-yas: "S anda i tedduɣ,
ur tezmireḍ ara ad iyi-id-ttebɛeḍ tura. Ad iyi-id-ttebɛeḍ mbaɛd." 37Buṭrus yenna-yas: "A
Sidi, acuɣer ur zmireɣ ara ad k-tebɛeɣ tura? Ad fkeɣ tudert-iw fell-ak." 38Yasuɛ irra-yas:
"Ad tefkeḍ tudert-ik fell-i? Amin, amin, ad ak-iniɣ, ur iskuɛuy ara uyaẓiḍ, alamma
tnekreḍ-iyi tlala n tikkal."
Yasuɛ, d abrid, d tidet, d tudert
14"Ur itqelliq ara wul-nwen! Tumnem s Yillu, amnet daɣen yis-i. 2Aṭas n tnezduɣin i
yellan deg uxxam n Baba. Lemmer ulac, tili nniɣ-awen-t-id. Ad ruḥeɣ ad awen-heggiɣ
amkan. 3Mi ruḥeɣ, mi awen-heggaɣ amkan, ad d-uɣaleɣ daɣen, iwakken ad ken-awiɣ
ɣur-i, iwakken, anda i lliɣ, ad tilim ula d kenwi. 4Teẓram s anda i tedduɣ, tessnem abrid."
5
Tuma yenna-yas: «A Sidi, ur neẓri ara s anda i ttedduḍ. Amek ara nissin abrid?" 6Yasuɛ
irra-yas: "Nekk, d abrid, d tidet, d tudert. Yiwen ur ittɛeddi ɣer Ubabat, siwa yis-i.
7
Lemmer i yi-tessinem, ad tissinem daɣen Baba. Si tura, atan tessnem-t yerna twalam-t."
8
Filibus yenna-yas: "A Sidi, ssken-aɣ-d Ababat, berka-yaɣ." 9Yasuɛ yenna-yas: "Acḥal
aya i lliɣ yid-wen, ur yi-tessineḍ ara, a Filibus? Win i yi-iwalan iwala Ababat. Amek armi
i d-tenniḍ: 'Ssken-aɣ-d Ababat'? 10Ur tumineḍ ara belli lliɣ deg Ubabat, yerna Ababat
yella deg-i? Lehdur i awen-d-qqareɣ, mačči sɣur-i i ten-id-qqareɣ; ababat izedɣen deg-i, d
netta i ixeddmen lecɣal-is. 11Amnet-iyi: lliɣ deg Ubabat, Ababat yella deg-i; ma ulac,
amnet ɣef ddemma n lecɣal! 12Amin, amin, ad awen-iniɣ, win yumnen yis-i ad ixdem ula
d netta lecɣal i xeddmeɣ, yerna ad ixdem ayen yugaren wigi, axaṭer la tedduɣ ɣer Ubabat.
13
Ayen ara tessutrem s yisem-iw, ad t-xedmeɣ, iwakken ad ittwaɛuzz Ubabat deg
Umemmit. 14Ma tessutrem kra s yisem-iw, ad t-xedmeɣ.
15
Ma tḥemmlem-iyi, ḥerzet lumur-iw! 16Nekk, ad ɛenniɣ ɣer Ubabat, dɣa ad awen-d-ifk
Amwanes-nniḍen, iwakken ad yili yid-wen i dayem: 17D Rruḥ n tidet, win akken ur
tezmir ara ddunit ad testerḥeb yis-s, axaṭer ur t-twala ur t-tessin. Kenwi, tessnem-t, axaṭer
ad iqqim yid-wen yerna ad yili deg-wen. 18Ur ken-ttaǧǧaɣ ara d igujilen; ad d-ruḥeɣ ɣur-
wen. 19Gar-aɣ d kra n lweqt, ddunit ur tettuɣal ara ad iyi-twali; meɛna kenwi, ad iyi-
twalim, axaṭer ddreɣ, yerna ula d kenwi ad tidirem. 20Ass-nni, ad teẓrem belli nekk lliɣ di
Baba, kenwi deg-i, nekk deg-wen.
21
Win yesɛan lumur-iw yerna iḥrez-iten, d netta i yi-iḥemmlen. Win i yi-iḥemmlen, Baba
ad t-iḥemmel. Ad t-ḥemmleɣ yerna ad as-d-sbeggneɣ iman-iw." 22Yahuda, mačči
Aqiryuti-nni, yenna-yas: "A Sidi, amek armi i nekni ara d-tesbeggneḍ iman-ik, mačči i
ddunit?" 23Yasuɛ inṭeq, inna: "Win i yi-iḥemmlen ad iḥrez awal-iw, yerna Baba ad t-
iḥemmel. Ad d-nas ɣur-s; ad nezdeɣ ɣur-s. 24Win ur yi-nḥemmel ara ur iḥerrez ara lehdur-
iw. Awal-agi i teslam mačči inu, meɛna n Ubabat i yi-d-iceggɛen.
25
Nniɣ-awen-d ayagi mi akka i lliɣ yid-wen. 26Meɛna Amwanes, Rruḥ Iqedsen, ara d-
iceggeɛ Ubabat s yisem-iw, netta, ad awen-isselmed kullec yerna ad awen-d-ismekti ayen
akk i awen-d-nniɣ.
27
Ǧǧiɣ-awen lehna, fkiɣ-awen lehna-w. Ur awen-fkiɣ ara akken i tettak ddunit. Ur itqelliq
ara wul-nwen, ur ttaggadet ara! 28Teslam mi akken i awen-d-nniɣ: 'Ad ruḥeɣ, meɛna ad d-
uɣaleɣ ɣur-wen. Ma tḥemmlem-iyi, ad tferḥem s rrwaḥ ara ruḥeɣ ɣer Ubabat, axaṭer
Ababat yugar-iyi. 29Nniɣ-awen-t-id uqbel ad d-iḍru wayagi, iwakken, asmi ara d-iḍru, ad
tamnem. 30Ur ṭṭewwileɣ ara deg umeslay yid-wen, axaṭer ataya sselṭan n ddunit-agi. Ur
isɛi acemma deg-i. 31Meɛna iwakken ad tẓer ddunit belli ḥemmleɣ Ababat, ayen i yi-d-
yumer Baba, xeddmeɣ-t. Kkret ad nruḥet ssyagi!
Tara akked yisegman
15Nekk, d tara n ṣṣeḥḥ; baba, d bab n tferrant. 2Kra n yisegmi yellan deg-i, ur d-nettak
ara lfakya, igezzem-it. Kra n yisegmi i d-ittaken lfakya, iferres-it, iwakken ad d-ifk lfakya
akter. 3Aql-iken teṣfam ɣef ddemma n wawal i awen-d-nniɣ. 4Ili-ken deg-i, nekk deg-
wen. Akken ur izmir ara isegmi ad d-ifk lfakya weḥd-s, ma ur iṭṭif ara ɣer tara; akken
daɣen ula d kenwi, ur tezmirem ara, ma ur teṭṭifem ara deg-i.
5
Nekk, d tara; kenwi, d isegman. Win yellan deg-i, nekk deg-s, winna ittak-d lfakya s
waṭas; axaṭer mebla nekkini ur tezmirem ad txedmem acemma. 6Win ur neṭṭif ara deg-i,
ad ittwaḍegger ɣer berra am yisegmi, dɣa ad iqqar; imiren ad t-jemmɛen, mbaɛd ad t-
ḍeggren ɣer tmes, ad ireɣ. 7Ma tettilim deg-i, yerna lehdur-iw ttilin deg-wen, ssutret ayen i
tebɣam, ad awen-d-ittunefk. 8Atan amek ara yettwaɛuzz Baba: ad d-tettakem lfakya s
waṭas, yerna ad tilim d inelmaden-iw. 9Akken i yi-iḥemmel Ubabat, ḥemmleɣ-ken ula d
nekkini. Dumet di leḥmala-w. 10Ma tḥerzem lumur-iw, ad tdumem di leḥmala-w, akken i
ḥerzeɣ ula d nekkini lumur n Baba yerna dumeɣ di leḥmala-s.
11
Nniɣ-awen-d akka, iwakken lferḥ-iw ad yili deg-wen, yerna lferḥ-nwen ad innekmal.
12
Atan lamer-iw: myeḥmalet gar-awen akken i ken-ḥemmleɣ. 13Yiwen ur isɛi leḥmala
yugaren tin akken n win yefkan tudert-is ɣef yiḥbiben-is. 14Kenwi, d iḥbiben-iw ma
txeddmem ayen i awen-d-umreɣ. 15Ur ttuɣaleɣ ara ad awen-siwleɣ iqeddacen, axaṭer
aqeddac ur iẓri ara d acu i ixeddem ssid-is. Meɛna sawleɣ-awen iḥbiben-iw, axaṭer, ayen
akk i sliɣ ɣer Baba, sɛelmeɣ-ken yis-s. 16Mačči d kenwi i yi-ixtaren; d nekk i ken-ixtaren.
Sbeddeɣ-ken iwakken ad truḥem, ad d-tefkem lfakya, yerna lfakya-nwen ad tdum.
Swakka, kra n wayen ara tessutrem i Baba s yisem-iw, ad awen-t-id-ifk. 17Atan d acu i
awen-d-umreɣ: myeḥmalet gar-awen.
Aɛeggen ɣef leqher
18
Ma tkerh-iken ddunit, ḥṣut belli tkerh-iyi uqbel-nwen. 19Lemmer si ddunit i tellam,
ddunit ad tḥemmel ayen yellan d ayla-s; meɛna imi kenwi mačči n ddunit, yerna ɛezleɣ-
ken-id si ddunit, ɣef wayagi, ddunit tekreh-iken. 20Mmekit-d awal-nni i awen-d-nniɣ:
aqeddac ur yugar ara ssid-is. Ma yella qehren-iyi, nekkini, ad ken-qehren ula d kenwi; ma
yella ḥerzen awal-iw, ad ḥerzen ula d awal-nwen. 21Ayagi merra, ad awen-t-xedmen ɣef
ddemma n yisem-iw, axaṭer ur ssinen ara win i yi-d-iceggɛen. 22Lemmer ur d-usiɣ ara,
ur asen-hdireɣ ara, ulac fell-asen ṭṭlem; meɛna tura, ulac ssebba ara d-afen i ddnub-nsen.
23
Win i yi-ikerhen, ikreh ula d Baba. 24Lemmer ur xdimeɣ ara gar-asen ayen ur ixdim
yiwen-nniḍen, ulac fell-asen ṭṭlem; meɛna tura walan, yerna kerhen-aɣ, am nekk am
Baba. 25Ayagi merra iwakken ad d-iḍru wawal-nni yuran di ccariɛa-nsen: 'Kerhen-iyi
mebla ssebba.' 26Mi ara d-yas Umwanes ara awen-d-ceggɛeɣ sɣur Baba, Rruḥ n tidet i d-
ikkan si Baba, ad d-icehhed fell-i. 27Kenwi daɣen, ad d-tcehdem, axaṭer tellam yid-i si
tazwara.
16Nniɣ-awen-d ayagi merra iwakken ur tetteccḍem ara. 2Ad ken-ssufɣen si leǧwameɛ;

yerna ad d-yas lweqt ideg kra n win ara ken-inɣen ad yiɣil d aɛbad i yeɛbed Illu. 3Ad
awen-xedmen ayagi merra axaṭer ur ssinen la Baba la nekkini. 4Meɛna nniɣ-awen-d ayagi
merra iwakken, asmi ara d-teḥder tsaɛet, ad d-temmektim belli nekk nniɣ-awen-t-id. Ur
awen-d-hdireɣ ara ɣef wayagi si tazwara, axaṭer yid-wen i lliɣ.
Lkalafa n Rruḥ Iqedsen
5
Tura, ad ruḥeɣ ɣer win i yi-d-iceggɛen, meɛna yiwen deg-wen ur yi-d-isteqsa: 's anda ara
truḥeḍ?' 6Imi i awen-d-nniɣ ayagi, leɣben iččur ulawen-nwen. 7Meɛna ad awen-nniɣ tidet:
axir-awen ad ruḥeɣ, axaṭer ma ur ruḥeɣ ara, Amwanes ur d-ittruḥu ara ɣur-wen; meɛna,
ma ruḥeɣ, ad awen-t-id-ceggɛeɣ. 8Mi ara d-iruḥ, ad iqenneɛ ddunit ɣef wayen yeɛnan
ddnub, ɣef wayen yeɛnan lḥeqq, ɣef wayen yeɛnan lḥisab. 9Ɣef wayen yeɛnan ddnub,
axaṭer ur uminen ara yis-i; 10ɣef wayen yeɛnan lḥeqq, axaṭer ad ruḥeɣ ɣer Baba, yerna ur
tettuɣalem ara ad iyi-twalim; 11ɣef wayen yeɛnan lḥisab, axaṭer sselṭan n ddunit-agi
yettuḥaseb.
12
Aṭas i sɛiɣ daɣen ad awen-t-id-iniɣ, meɛna ur as-tzmirem ara tura. 13Meɛna mi ara d-yas
Umwanes, Rruḥ n tidet, ad ken-yawi di tidet s lekmal-is. Ur d-ihedder ɣef yiman-is;
meɛna ad awen-d-yini ayen akk ara isel, yerna ad ken-id-ixebber s wayen i d-iteddun. 14A
y-iɛuzz. Ad d-iddem seg wayla-w dɣa ad ken-id-ixebber yis-s. 15Ayen akk yellan n Baba,
d ayla-w. Ɣef wayagi i awen-d-nniɣ: ad d-iddem seg wayla-w dɣa ad ken-id-ixebber yis-
s.
Leḥzen ad yuɣal d lferḥ
16
Cwiṭ kan, ur yi-tettwalim ara; cwiṭ kan daɣen, ad iyi-twalim." 17Ɣef wayagi, kra seg
yinelmaden-is qqaren gar-asen: "D acu akka i aɣ-d-iqqar: 'Cwiṭ kan, ur yi-tettwalim ara;
cwiṭ kan daɣen, ad iyi-twalim' neɣ daɣen: 'axaṭer ad ruḥeɣ ɣer Baba'?" 18Qqaren: "D acu i d
lmeɛna-s: 'Cwiṭ kan'? Ur neẓri d acu i d-iqsed." 19Yasuɛ iẓra belli bɣan ad t-steqsin, dɣa
yenna-yasen: "tettemseqsayem gar-awen ɣef wayen i d-nniɣ: 'Cwiṭ kan, ur yi-tettwalim
ara; cwiṭ kan daɣen, ad iyi-twalim.' 20Amin, amin, ad awen-iniɣ: ad trum yerna ad
tmeǧǧdem; meɛna ddunit ad tefreḥ. Ad tḥeznem, meɛna leḥzen-nwen ad yuɣal d lferḥ.
21
Tameṭṭut tettmeḥḥin mi ara d-iḥḍer ad d-terbu, axaṭer teḥder-d tsaɛet-is; meɛna, mi d-ilul
llufan, ur d-tettmektay ara maḍi d leɛtab-nni i teɛteb, axaṭer tefreḥ imi i d-ilul umdan ɣer
ddunit. 22Akka ula d kenwi, tura aql-iken tḥeznem; meɛna ad uɣaleɣ ad ken-waliɣ, dɣa ul-
nwen ad ifreḥ, yerna yiwen ur awen-ittekkes lferḥ-nni-nwen. 23Ass-nni, ur tettuɣalem ara
ad iyi-id-testeqsim ɣef wacemma. Amin, amin, ad awen-iniɣ: ayen akk ara tessutrem i
Ubabat, s yisem-iw, ad awen-t-id-ifk. 24Ar tura, ulac d acu i tessutrem s yisem-iw. Sutret,
ad d-teṭṭfem, iwakken lferḥ-nwen ad innekmal.
25
Nniɣ-awen-d ayagi s temɛayin. Ad d-yas lweqt ideg ur ttuɣaleɣ ara ad awen-d-hedreɣ s
temɛayin, meɛna ad awen-d-heddreɣ ɛinani ɣef Ubabat. 26Ass-nni, ad tessutrem s yisem-
iw. Ur awen-d-qqareɣ ara belli ad ɛenniɣ ɣer Ubabat fell-awen, 27axaṭer ula d Ababat
iḥemmel-iken imi i yi-tḥemmlem, yerna tumnem belli ffɣeɣ-d seg Yillu. 28Ffɣeɣ-d seg
Ubabat iwakken ad d-aseɣ ɣer ddunit; tura, ad ǧǧeɣ ddunit iwakken ad ruḥeɣ ɣer
Ubabat." 29Inelmaden-is nnan-as: "Atan tura theddreḍ ɛinani, mačči s temɛayin. 30Tura
neẓra belli teẓriḍ kullec; ur teḥwaǧeḍ ara ad k-isteqsi yiwen; ɣef wayagi i numen belli, d
ṣṣeḥḥ, teffɣeḍ-d seg Yillu." 31Yasuɛ irra-yasen: "Tura tumnem! 32Ataya lweqt, yerna atan
iḥder-d yakan: ad temzerbaɛem, yal yiwen s axxam-is; ad iyi-teǧǧem weḥd-i. Meɛna
mačči weḥd-i i lliɣ, axaṭer illa yid-i Ubabat. 33Nniɣ-awen-d ayagi merra iwakken ad tafem
lehna yis-i. Ad teṛwum leɛtab di ddunit; meɛna ur ttaggadet ara, nekk, ɣelbeɣ ddunit!"
Taẓallit n Yasuɛ Lmasiḥ
17Mbaɛd mi d-yenna Yasuɛ lehdur-agi, irfed allen-is ɣer yigenni dɣa yenna: "A Baba,
teḥder-d tsaɛet: ɛuzz Mmi-k, iwakken ad k-iɛuzz Mmi-k. 2Tefkiḍ-as tazmert ɣef
yimdanen merra, iwakken ad ifk tudert n dayem i wid merra i as-d-tefkiḍ. 3D tagi i d
tudert n dayem: ad k-issinen, kečč, weḥd-k, d Illu n ṣṣeḥḥ, akked win i d-tceggɛeḍ, Yasuɛ
Lmasiḥ. 4Nekk, ɛuzzeɣ-k di ddunit-agi. Kfiɣ ccɣel i yi-d-tefkiḍ ad t-xedmeɣ. 5Tura, kečč, a
Baba, ɛuzz-iyi ɣur-k, s lɛezz-nni i sɛiɣ ɣur-k uqbel ad d-texleq ddunit.
6
Sbeggneɣ-d isem-ik i yimdanen i yi-d-tɛezleḍ si ddunit. Llan inek, tefkiḍ-iyi-ten-id,
yerna ḥerzen awal-ik. 7Tura ẓran belli ayen akk i yi-d-tefkiḍ, sɣur-k i d-ikka, 8axaṭer
lehdur i yi-d-tefkiḍ, fkiɣ-asen-ten yerna qeblen-ten. Tḥeqqen belli sɣur-k i d-kkiɣ, yerna
umnen belli d kečč i yi-d-iceggɛen. 9Fell-asen i ttɛenniɣ; ur ttɛenniɣ ara ɣef ddunit, meɛna
ɣef wid i yi-d-tefkiḍ, axaṭer inek. 10Ayen akk yellan d ayla-w inek, ayen akk yellan d ayla-
k inu; ttwaɛuzzeɣ deg-sen. 11Ur yi-d-mazal ara di ddunit; nutni atnan di ddunit, ma d
nekk, ad n-ruḥeɣ ɣur-k. A Baba Imqeddes, ḥrez-iten deg yisem-ik i yi-d-tefkiḍ, iwakken
ad ilin d yiwen, am nekni. 12Mi akken i lliɣ yid-sen, ḥerzeɣ-ten deg yisem-ik i yi-d-tefkiḍ.
Ḥerzeɣ-ten, yiwen seg-sen ur ingir, siwa mmi-s n nnger, iwakken ad iḍru wayen yuran.
13
Tura ad n-ruḥeɣ ɣur-k; ayagi, nniɣ-t-id di ddunit, iwakken ad sɛun deg yiman-nsen
lferḥ-iw ikemmlen. 14Fkiɣ-asen awal-ik; ddunit tkerh-iten, axaṭer ur llin ara si ddunit,
akken ur lliɣ ara, nekk, si ddunit. 15Ur ttɛenniɣ ara ɣur-k ad ten-tekkseḍ si ddunit, meɛna
ad ten-tḥerzeḍ seg umcum. 16Ur llin ara si ddunit, akken ur lliɣ ara, nekk, si ddunit.
17
Qeddes-iten di tidet: awal-ik, d tidet. 18Akken i yi-d-tceggɛeḍ ɣer ddunit, nekk daɣen,
ceggɛeɣ-ten ɣer ddunit. 19Qeddseɣ iman-iw fell-asen, iwakken ula d nutni ad ilin
ttwaqeddsen di tidet.
20
Mačči ɣef wigi kan i ttɛenniɣ, meɛna ula ɣef wid ara yamnen yis-i s cchada-nsen, 21i
wakken ad ilin merra d yiwen; akken i telliḍ kečč, a Baba, deg-i, nekk deg-k, nutni daɣen
ad ilin deg-neɣ, d yiwen, iwakken ddunit ad tamen belli d kečč i yi-d-iceggɛen. 22Fkiɣ-
asen lɛezz-nni i yi-d-tefkiḍ, iwakken ad ilin d yiwen, akken i nella nekni, d yiwen. 23Nekk
deg-sen, kečč deg-i, iwakken ad tennekmal tdukli-nsen, iwakken ddunit ad tẓer belli
tceggɛeḍ-iyi-d yerna tḥemmleḍ-ten akken i yi-tḥemmleḍ.
24
A Baba, widak i yi-d-tefkiḍ, bɣiɣ anda i lliɣ, nekk, ad ilin yid-i, ula d nutni, iwakken ad
walin lɛaḍima-w, tin akken i yi-tefkiḍ, axaṭer tḥemmleḍ-iyi uqbel ad d-texleq ddunit. 25A
Baba Aḥeqqi, ddunit ur k-tessin ara; nekk ssneɣ-k, yerna wigi ẓran belli tceggɛeḍ-iyi-d.
26
Sbeggneɣ-asen-d isem-ik, yerna mazal ad asen-t-id-sbeggneɣ, iwakken leḥmala-nni i yi-
tḥemmleḍ ad tili deg-sen, nekk ad iliɣ deg-sen."
Tuṭṭfa n Yasuɛ
(Mt 26. 47-56; Mr 14. 43-50; Lq 22. 47-54)
18Mbaɛd mi d-yenna ayagi merra, Yasuɛ iruḥ netta d yinelmaden-is s agemmaḍ n yiɣẓer
n Qidrun, anda i tella yiwet n tmazirt. Ikcem ɣer dinna, netta d yinelmaden-is. 2Yahuda,
win akken i t-isellmen, issen amkan-nni, axaṭer Yasuɛ izga yettruḥu ɣer dinna netta d
yinelmaden-is. 3Yahuda yewwi tarbaɛt, yerna iɛessasen n yimeqqranen n lmuqeddmin
akked Ifarisiyen, iruḥ ɣer tmazirt-nni s teftilin, isufa akked leslaḥ. 4Yasuɛ, yeẓran akk d
acu ara yeḍrun, iqerreb, yenna-yasen: "Anwa i tettnadim?" 5Rran-as: "Yasuɛ Anaṣari."
Inna-yasen: "D nekk." Yahuda i t-isellmen, illa yid-sen. 6Mi asen-inna Yasuɛ: "D nekk",
uɣalen ɣer deffir dɣa ɣlin ɣer lqaɛa. 7Iɛawed isteqsa-ten: "Anwa i tettnadim?" Nnan-as:
"Yasuɛ Anaṣari." 8Yasuɛ irra-yasen: "Nniɣ-awen: d nekk. Ihi ma fell-i i tettnadim, anfet-
asen i wigi ad ruḥen." 9Ayagi, iwakken ad d-iḍru wawal-nni i d-yenna: "Widak i yi-d-
tefkiḍ, yiwen deg-sen ur t-sruḥeɣ." 10Cimɛun-Buṭrus ijbed-d ajenwi-nni i d-yufa lḥal ɣur-
s, dɣa yewwet aqeddac n lmuqeddem ameqqran, ikkes-as ameẓẓuɣ-is ayeffus. Aqeddac-
nni isem-is Malkus. 11Yasuɛ yenna i Buṭrus: "Err ajenwi-k ɣer titar-is. Ur tesseɣ ara
taqbuct i yi-d-ifka Ubabat ad tt-sweɣ?"

(Mt 26. 57-68; Mr 14. 53-65; Lq 22. 63-71)
12
Tarbaɛt-nni, lqebṭan n walef akked yiɛessasen-nni n Iyahudiyen ṭṭfen Yasuɛ dɣa urzen-t.
13
Wwin-t qbel ɣer Ḥanan, aḍeggal n Kayafa; kayafa yella d lmuqeddem ameqqran
aseggas-nni. 14Kayafa-agi, d win akken i yennan i Yiyahudiyen: "Axir ad immet yiwen
kan n urgaz ɣef ugdud."
15
Cimɛun-Buṭrus akked yiwen n unelmad tebɛen Yasuɛ. Anelmad-nni, imi i t-issen
lmuqeddem ameqqran, ikcem netta d Yasuɛ s afrag n lmuqeddem ameqqran. 16Meɛna
Buṭrus iqqim di berra, ɣer tewwurt. Anelmad-nni yessnen lmuqeddem ameqqran iffeɣ-d,
ihder-as i tɛessast n tewwurt, dɣa yessekcem Buṭrus. 17Taɛessast-nni n tewwurt tenna i
Buṭrus: "Ur telliḍ ara, ula d kečč, seg yinelmaden n urgaz-agi?" Inna-yas: "Ala, ur lliɣ ara
seg-sen." 18Yuɣ lḥal, iqeddacen akked yiɛessasen ceɛlen times, axaṭer ṣemmeḍ lḥal,
sseḥmayen. Buṭrus iqqim yid-sen, isseḥmay ula d netta.
19
Lmuqeddem ameqqran isteqsa Yasuɛ ɣef yinelmaden-is akked uselmed-is. 20Yasuɛ irra-
yas: "Zgiɣ heddreɣ ɛinani i medden; zgiɣ sselmadeɣ di leǧwameɛ akked ufakan, anda i
ttnejmaɛen Iyahudiyen merra. Ur d-nniɣ acemma s tuffra. 21Acuɣer i yi-d-testeqsayeḍ?
Steqsi wid yeslan i wayen i asen-d-nniɣ; nutni ẓran d acu i d-nniɣ." 22Mi d-yenna ayagi,
yiwen seg yiɛessasen iḥedren dinna yefka-yas abeqqa i Yasuɛ, dɣa yenna-yas: "Akka ara
as-terreḍ i lmuqeddem ameqqran?" 23Yasuɛ irra-yas: "Ma d ayen n diri i d-nniɣ, ini-yi-d
deg wacu i sxeṣreɣ; ma d ayen yelhan, acuɣer i yi-tewteḍ?" 24Imiren Ḥanan iceggeɛ-it
akken yurez i Kayafa, lmuqeddem ameqqran. 25Cimɛun-Buṭrus illa dinna yesseḥmay.
Nnan-as: "I kečč, ur telliḍ ara daɣen seg yinelmaden-is?" Inker, inna: "Ala, ur lliɣ ara seg-
sen." 26Yiwen seg yiqeddacen n lmuqeddem ameqqran, aqrib n win akken iwumi yekkes
Buṭrus ameẓẓuɣ, yenna-yas: "Ur k-walaɣ ara yid-s di tmazirt?" 27I tikkelt-nniḍen, Buṭrus
inker. Dɣa imiren kan iskuɛ uyaẓiḍ.
(Mt 27. 2, 11-14; Mr 15. 1-5; Lq 23. 1-7, 13-15)
28
Wwin Yasuɛ sɣur Kayafa ɣer lberǧ n lḥakem; yuɣ lḥal, akken kan yuli wass. Nutni ur
kcimen ara ɣer lberǧ n lḥakem, iwakken ur ssenǧasen ara iman-nsen, iwakken ad ččen
tiremt n Usuref. 29Bilaṭus iffeɣ-d ɣur-sen ɣer berra, yenna-yasen: "Acuɣer i d-tcetkam ɣef
urgaz-agi?" 30Neṭqen, nnan-as: "Lemmer ur issexṣer ara, ur ak-t-id-nettsellim ara."
31
Bilaṭus yenna-yasen: "Awit-t kenwi, tcarɛem-t akken i d-tenna ccariɛa-nwen."
Iyahudiyen nnan-as: "Ur nesɛi ara lḥeqq ad nneɣ yiwen." 32Ayagi iwakken ad iḍru wawal-
nni i d-yenna Yasuɛ, mi d-icar amek ara yemmet. 33Bilaṭus yuɣal ikcem ɣer lberǧ; isawel i
Yasuɛ, yenna-yas: "Kečč, d agellid n Iyahudiyen?" 34Yasuɛ irra-yas: "Sɣur-k i d-tenniḍ
ayagi, neɣ d wiyaḍ i ak-t-id-yennan fell-i?" 35Bilaṭus irra-yas: "Eɛni nekk, d Ayahudi? At
tmurt-ik akked yimeqqranen n lmuqeddmin sellmen-iyi-k-id: d acu i txedmeḍ?" 36Yasuɛ
irra-yas: "Tagelda-w mačči si ddunit-agi. Lemmer tagelda-w si ddunit-agi, iɛessasen-iw
ad nnaɣen fell-i iwakken ur d-ɣelliɣ ara deg ufus n Iyahudiyen. Ala, tagelda-w mačči n
dagi." 37Bilaṭus yenna-yas: "Ihi, kečč, d agellid?" Yasuɛ irra-yas: "Atan tenniḍ-t-id, nekk,
d agellid. Atan ɣef wacu i d-luleɣ, i d-ruḥeɣ ɣer ddunit-agi: iwakken ad d-cehdeɣ ɣef
tidet. Kra n win yellan si tidet ittḥessis i ṣṣut-iw." 38Bilaṭus yenna-yas: "D acu i d tidet?"
Mbaɛd mi d-yenna ayagi, iffeɣ-d daɣen s Iyahudiyen, yenna-yasen: "Nekk ur ufiɣ deg-s
ula d yiwen n ṭṭelm. 39Meɛna, imi i tuɣem tannumi, ttserriḥeɣ-d i yiwen di lɛid n Usuref,
tebɣam ad awen-d-serrḥeɣ i ugellid n Iyahudiyen?" 40Nutni bdan daɣen leɛyaḍ, qqaren:
"Ala, mačči d netta, Bar-Aba!" Bar-Aba-agi yella d aqeṭṭaɛ.
19Bilaṭus yewwi Yasuɛ dɣa yumer ad t-wten s ujelkaḍ. 2Lɛesker zḍan-d yiwet n tɛeṣṣabt s
yisennanen, qqnen-as-tt ɣef uqerru, rnan rran-as ɣef yiri-s talaba tazeggaɣt. 3Qerrben ɣur-
s, qqaren-as: "Sslam fell-ak, ay agellid n Iyahudiyen!" Dɣa kkaten-t s yibeqqayen.
4
Bilaṭus iffeɣ-d daɣen ɣer berra, dɣa yenna i Yiyahudiyen: "Atan, ad awen-t-id-ssufɣeɣ
ɣer berra, iwakken ad teẓrem belli ur ufiɣ ara deg-s ula d yiwen n ṭṭelm." 5Yasuɛ iffeɣ-d,
taɛeṣṣabt n yisennanen ɣef uqerru akked tlaba tazeggaɣt ɣef yiri. Bilaṭus yenna-yasen:
"Atan umdan!" 6Mi t-walan, imeqqranen n lmuqeddmin akked yiɛessasen ttɛeggiḍen,
qqaren: "Ṣelleb! ṣelleb!" Bilaṭus yenna-yasen: "Awit-t kenwi, ṣellbet-t! Ɣur-i nekk, ur ufiɣ
ara deg-s kra n ṭṭelm." 7Iyahudiyen rran-as: "Nekni nesɛa yiwet n ccariɛa; akken i d-tenna
ccariɛa: ilaq ad immet, axaṭer irra iman-is d mmi-s n Yillu." 8Mi yesla Bilaṭus i wawal-agi,
irgagi akter. 9Yuɣal ɣer daxel n lberǧ dɣa yenna i Yasuɛ: "Ansi-k?" Meɛna Yasuɛ ur as-d-
irri ara. 10Bilaṭus yenna-yas: "Ur yi-d-theddreḍ ara! Ur teẓriḍ ara? Sɛiɣ tazmert ad ak-
serrḥeɣ, sɛiɣ tazmert ad k-ṣellbeɣ." 11Yasuɛ irra-yas: "Ur tesɛiḍ acemma n tezmert fell-i,
ma ur ak-d-tettunefk ara seg usawen. Ɣef wayagi, win i yi-d-isellmen ɣur-k iḍlem akter."
12
Seg imiren, Bilaṭus ittnadi ad as-d-iserreḥ. Meɛna Iyahudiyen ttɛeggiḍen, qqaren: "Ma
tserrḥeḍ-d i winna, kečč mačči d aḥbib n Qayṣer! Kra n win yerran iman-is d agellid, d
aɛdaw n Qayṣer." 13Mi yesla Bilaṭus i lehdur-agi, issufeɣ-d Yasuɛ ɣer berra, dɣa yeqqim
ɣef ukersi n ccraɛ, deg yiwen n umkan yessan s teblaḍin, qqaren-as s tɛibranit Gabata.
14
Yuɣ lḥal, d ass n uheggi n lɛid n Usuref, ad tili d tasaɛet tis setta. Inna i Yiyahudiyen:
"Atan ugellid-nwen!" 15Nutni ttɛeggiḍen: "Kkes! Kkes! Ṣelleb-it!" Bilaṭus yenna-yasen:
"Ad ṣellbeɣ agellid-nwen?" Imeqqranen n lmuqeddmin rran-as: "Ur nesɛi ara agellid-
nniḍen siwa Qayṣer!" 16Dɣa yefka-yasen-t iwakken ad ittwaṣelleb. Imiren mmɣen ɣef
Yasuɛ, dɣa wwin-t.
Aṣelleb n Yasuɛ
(Mt 27. 31-50; Mr 15. 19-37; Lq 23. 26-46)
17
Ṣṣalib ɣef yiri-s, Yasuɛ iwweḍ s amkan iwumi i qqaren Amelɣiɣ, s tɛibranit: Gulguta.
18
Ṣellben-t dinna, netta d sin-nniḍen; yiwen si yal tama, Yasuɛ di tlemmast. 19Bilaṭus
iṣemmer yiwet n telwiḥt ɣef ṣṣalib-nni, yura deg-s: "Yasuɛ Anaṣari, agellid n
Iyahudiyen." 20Aṭas n Iyahudiyen i yeɣran talwiḥt-nni, axaṭer amkan-nni anda
yettwaṣelleb Yasuɛ iqreb ɣer temdint, yerna tura s tɛibranit, s tlatinit, s tyunanit.
21
Imeqqranen n lmuqeddmin n Iyahudiyen nnan i Bilaṭus: "Ur ttaru ara 'Agellid n
Iyahudiyen', meɛna 'Wagi yenna-d: Nekk, d agellid n Iyahudiyen'." 22Bilaṭus irra-yasen:
"Ayen uriɣ, uriɣ-t!"
23
Mbaɛd mi ṣellben Yasuɛ, lɛesker ddmen-d llebsa-s dɣa ferqen-tt ɣef rebɛa yiḥricen, aḥric
i yal aɛsekri. Ddmen daɣen talaba-s, ifeṣlen ɣef yiwen seg usawen armi d akkessar, ur
tɛedda ara deg-s txeggaṭ. 24Nnan gar-asen: "Ur tt-nettcerrig ara; ad nger fell-as tasɣart, ad
nwali anwa ara d-tṣaḥ." Ayagi, iwakken ad d-iḍru wayen akken yuran: "Ferqen llebsa-w
gar-asen, gren tasɣart ɣef tlaba-w." Akka i xedmen ihi lɛesker-nni.
25
Ɣer ṣṣalib n Yasuɛ, beddent: yemma-s, weltma-s n yemma-s, Meryem n Klufas akked
Meryem tamagdalit. 26Yasuɛ iwala yemma-s, anelmad-nni i iḥemmel, ɣer tama-s. Inna-
yas i yemma-s: "A tameṭṭut, atan mmi-m." 27Mbaɛd, yenna i unelmad-nni: "Attan
yemma-k." Dɣa, seg imir-nni, anelmad-nni yewwi-tt s axxam-is.
28
Mbaɛd ayagi, Yasuɛ iẓra belli kullec iḍra-d; iwakken ad iḍru wayen yuran, inna:
"Fudeɣ." 29Yuɣ lḥal, illa dinna yiwen n uqbuc, iččur d lxell. Lɛesker gren deg-s taneccaft i
cudden ɣer tciṭa n umezzir, dɣa mekknen-as-tt ɣer yimi-s.
30
Mi yeɛreḍ lxell-nni, Yasuɛ inna: "Kullec iḍra-d!" Iṣubb aqerru-s dɣa yessufeɣ rruḥ. 31Imi
d ass n uheggi, iwakken ur ttɣimint ara tfekkiwin ɣef ṣṣalib ass n usteɛfu, axaṭer ass-nni n
usteɛfu, d ass ameqqran, Iyahudiyen ssutren i Bilaṭus ad asen-rẓen iḍarren i widak-nni
yettwaṣellben, yerna ad ten-id-ṣubben. 32Ruḥen lɛesker, rẓan-as iḍarren i umezwaru,
mbaɛd i wayeḍ seg widak-nni yettwaṣellben akked Yasuɛ. 33Mi qerrben ɣer Yasuɛ, walan
belli yemmut yakan, dɣa ur as-rẓin ara iḍarren. 34Meɛna yiwen si lɛesker-nni ifetk-as
iberdi s umezrag-is; imiren kan, ffɣen-d idammen akked waman. 35Win i t-iwalan icehd-d
ɣef wayagi, yerna cchada-s tṣeḥḥa; iẓra belli d tidet i d-yenna, iwakken ad tamnem ula d
kenwi. 36Ayagi merra, iwakken ad d-iḍru wayen yuran: "Yiwen seg yiɣsan-is ur as-t-
ttruẓun."37Anda-nniḍen, yura daɣen: "Ad ttmuqulen deg win akken i fetken."
Tamḍelt n Yasuɛ
(Mt 27. 57-66; Mr 15. 42-47; Lq 23.50-56)
38
Mbaɛd ayagi, Yusef n Ramatayim, i yellan d anelman-n Yasuɛ, meɛna s tuffra axaṭer
ittaggad Iyahudiyen, issuter di Bilaṭus ad as-iɛemmed ad yawi tafekka n Yasuɛ. Bilaṭus
iɛemmed-as. Iruḥ ihi, dɣa yewwi tafekka n Yasuɛ. 39Ula d Niqudimus, win akken i iruḥen
ɣer Yasuɛ deg yiḍ, iruḥ-d. Yewwi-d azal n tlatin n kilu n lmur akked lmirruṣber. 40Wwin
tafekka n Yasuɛ, kefnen-tt, rnan ɛeṭṭren-tt, akken tella lɛadda n temḍelt n Iyahudiyen.
41
Deg umkan-nni anda yettwaṣelleb Yasuɛ, tella yiwet n tmazirt, di tmazirt-nni yiwen n
uẓekka d ajdid, yiwen ur imḍil deg-s. 42Imi d ass n uheggi s Iyahudiyen, sersen dinna
tafekka n Yasuɛ, axaṭer iqreb uẓekka-nni.
Ḥeggu n Yasuɛ
(Mt 28. 1-15; Mr 16. 1-14; Lq 24. 1-32)
20Ass amezwaru n ddurt, Meryem Tamagdalit truḥ s aẓekka, ṣṣbeḥ zik, uqbel ad d-tefrari
tafat; dɣa twala belli aẓru-nni yettwakkes i uẓekka. 2Tuzzel ɣer Cimɛun-Buṭrus akked
unelmad-nni i iḥemmel Yasuɛ. Tenna-yasen: "Wwin Ssid seg uẓekka, yerna ur neẓri ara
anda i t-rran." 3Buṭrus akked unelmad-nni-nniḍen ffɣen, ruḥen s aẓekka. 4Uzzlen akken i
sin; meɛna anelmad-nni-nniḍen izwar Buṭrus, dɣa yewweḍ d amezwaru s aẓekka. 5Mi
yekna, iwala lekfen di lqaɛa, meɛna ur ikcim ara ɣer daxel. 6Cimɛun-Buṭrus, i t-id-
itebɛen, ilḥeq-d dɣa yekcem s aẓekka; iwala lekfen di lqaɛa, 7ma d aceṭṭiḍ ideg yettel
uqerru n Yasuɛ ur illi ara akked lekfen-nni, meɛna weḥd-s, inneḍ deg umkan-is. 8Mbaɛd,
anelmad-nni ileḥqen d amezwaru s aẓekka ikcem ula d netta; iwala dɣa yumen. 9Mazal ur
fhimen ara belli, akken yura, Yasuɛ ilaq ad d-iḥyu si gar lmeggtin. 10Imiren inelmaden-nni
uɣalen s axxam.
Yasuɛ iḍher-as-d i Meryem Tamagdalit
11
Meɛna Meryem teqqim berra n uẓekka, tettru. Tekna iwakken ad tḍil ɣer daxel n uẓekka,
nettat tettru; 12dɣa twala sin n lmalayek lsan llebsa tamellalt, yerna qqimen deg umkan-nni
anda i teẓẓel tfekka n Yasuɛ, yiwen s aqerru, wayeḍ ɣer yiḍarren. 13Nnan-as: "A tameṭṭut,
acuɣer i tettruḍ?" Terra-yasen: "Wwin Sidi, yerna ur ẓriɣ anda i t-rran." 14Mi d-tenna akka,
tezzi ɣer deffir, dɣa twala Yasuɛ ibedd; meɛna ur teẓri ara belli d Yasuɛ. 15Yasuɛ yenna-
yas: "A tameṭṭut, acuɣer i tettruḍ? Anwa i tettnadiḍ?" Nettat tɣil d aɛessas n tmazirt-nni,
tenna-yas: "A sidi, ma d kečč i t-yewwin ssyagi, ini-yi-d anda i t-terriḍ, ad t-id-awiɣ."
16
Yasuɛ yenna-yas: "Meryem!" Tezzi ɣur-s, tenna-yas s tɛibranit: Rabbuni!" yeɛni: "A
Ccix-iw!" 17Yasuɛ yenna-yas: "Ur yi-ttaṭṭaf ara! Mazal ur uliɣ ara ɣer Baba. Ruḥ s
atmaten-iw, ini-yasen: 'Aql-i ad aliɣ ɣer Baba yellan d Baba-twen, ɣer Yillu-yiw yellan d
Illu-nwen'." 18Meryem Tamagdalit truḥ, txebber inelmaden, tenna-yasen: "Walaɣ Ssid!",
yerna teḥka-yasen ayen i as-d-yenna.
Yasuɛ iḍher-d i yinelmaden
19
Tameddit n wass-nni, yellan d ass amezwaru n ddurt, tiwwura n uxxam anda i
nnejmaɛen yinelmaden llant ɣelqent, axaṭer uggaden Iyahudiyen. Yasuɛ iruḥ-d, ibedd gar-
asen, yenna-yasen: "Sslam fell-awen!" 20Mbaɛd mi asen-inna lehdur-agi, issken-asen-d
ifassen-is akked yiberdi-s. Inelmaden ferḥen mi walan Ssid. 21Yasuɛ iɛawed, yenna-yasen:
"Sslam fell-awen! Akken i yi-d-iceggeɛ Baba, nekk daɣen, ad ken-ceggɛeɣ." 22Mi d-yenna
akka, iṣuḍ deg-sen, yenna-yasen: "Ṭṭfet Rruḥ Iqedsen. 23Wid iwumi ara tsemmḥem
ddnubat-nsen, ad asen-ttwasemmḥen; wid iwumi ur ten-tettsemmiḥem ara, ur asen-
ttwasemmaḥen ara."
24
Tuma, yiwen si Tnac-nni, win akken iwumi i qqaren Didimus, yeɛni Iken, ur illi ara yid-
sen mi d-iruḥ Yasuɛ. 25Inelmaden-nniḍen nnan-as: "Nwala Ssid!" Inna-yasen: "Ma ur
walaɣ ara deg yifassen-is ccwami n yimesmaren, ma ur sriseɣ ara aḍad-iw ɣef ccwami n
yimesmaren, ma ur sriseɣ ara afus-iw ɣef yiberdi-s, d lmuḥal ad amneɣ!" 26Tmanya n
wussan mbaɛd, inelmaden nnejmaɛen daɣen deg uxxam, Tuma yella yid-sen. Yasuɛ
ikcem-d ɣur-sen, ɣas akken ɣelqent tewwura, ibedd gar-asen, yenna-yasen: "Sslam fell-
awen!" 27Mbaɛd yenna i Tuma: "Awi-d aḍad-ik ɣer dagi tmuqleḍ ifassen-iw! Awi-d afus-
ik, sers-it ɣef yiberdi-w! Ur ttili ara d win ur numin ara, amen!" 28Tuma yenṭeq, yenna-
yas: "A Sidi, ay Illu-yiw!" 29Yasuɛ yenna-yas: "Imi i twalaḍ i tumneḍ. A sseɛd n wid ur
nwala ara yerna umnen!"
30
Yasuɛ ixdem daɣen, zdat yinelmaden-is, aṭas n limarat-nniḍen; ur urant ara deg udlis-
agi. 31Meɛna ayagi akk yura iwakken ad tamnem s Yasuɛ Lmasiḥ, Mmi-s n Yillu, yerna
mi ara tamnem yis-s, ad tesɛum tudert s yisem-is.
Yasuɛ iḍher-d i yinelmaden-nniḍen
21Mbaɛd ayagi, Yasuɛ iḍher-d daɣen i yinelmaden ɣef yiri n lebḥer n Tiberyas. Atan
amek i asen-d-iḍher: 2Cimɛun-Buṭrus, Tuma iwumi i qqaren Didimus, yeɛni Iken, Natanil
n Kana yellan di Galil, arraw n Zabdi akked sin-nniḍen seg yinelmaden-is llan jmiɛ.
3
Cimɛun-Buṭrus yenna-yasen: "Ad ruḥeɣ ad d-ṣeggdeɣ lḥut." Nnan-as: "Ad neddu yid-k."
Ffɣen dɣa rekben taflukt, meɛna iḍ-nni ur d-ṭṭifen acemma.
4
Mi yuli wass, Yasuɛ ibedd ɣef yiri n lebḥer; meɛna inelmaden ur ẓrin ara belli d Yasuɛ.
5
Yasuɛ yenna-yasen: "Ay arrac, tesɛam lqut?" Rran-as: "Ala!" 6Inna-yasen: "Ḍeggret
acebbak ɣer lǧiha tayeffust n teflukt, ad tafem." Ḍeggren-t, meɛna ur zmiren ara ad t-id-
jebden, seg wakken iččur d lḥut. 7Anelmad-nni i iḥemmel Yasuɛ yenna i Buṭrus: "D
Ssid!" Cimɛun-Buṭrus, mi yesla belli d Ssid, ilsa aqendur-is akked wagus-is, axaṭer illa
ɛeryan, dɣa iḍegger iman-is ɣer lebḥer. 8Inelmaden-nniḍen uɣalen-d s teflukt, zzuɣren-d
acebbak-nni yeččuren d lḥut, axaṭer ur sbeɛden ara aṭas ɣef lberr, azal n mitin n yiɣallen
kan. 9Mi d-rsen ɣer lberr, walan tirgin iceɛlen, yers fell-asent lḥut, akked uɣrum. 10Yasuɛ
yenna-yasen: "Awit-d lḥut-nni i d-tṣeggdem tura." 11Cimɛun-Buṭrus yuli ɣer teflukt dɣa
yezzuɣr-d ɣer lberr acebbak-nni yeččuren d lḥut ameqqran: meyya utlata uxemsin n
yiḥutiwen imeqqranen! Annect-nni akk ur isseɣres ara acebbak-nni.
12
Yasuɛ yenna-yasen: "Yyaw ad teččem." Meɛna ula d yiwen seg yinelmaden-is ur iɛriḍ
ad t-isteqsi: "Anwa-k, keččini?" Ẓran belli d Ssid. 13Yasuɛ iqerreb, iddem-d aɣrum, dɣa
yefka-yasen-t, mbaɛd irna-yasen lḥut. 14D tinna i d tikkelt tis tlata i d-iḍher Yasuɛ i
yinelmaden-is segmi i d-iḥya si gar lmeggtin.
15
Mi kfan lmakla, Yasuɛ yenna i Cimɛun-Buṭrus: "A Cimɛun n Yuḥenna, tḥemmleḍ-iyi
akter n wigi? Irra-yas: "Anɛam, a Sidi, teẓriḍ belli ttɛuzzuɣ-k." Inna-yas: "Eks izamaren-
iw." 16I tikkelt tis snat, Yasuɛ yenna-yas: "A Cimɛun n Yuḥenna, tḥemmleḍ-iyi?" Irra-yas:
"Anɛam, a Sidi, teẓriḍ belli ttɛuzzuɣ-k." Yasuɛ yenna-yas: "Welleh ulli-w!" 17I tikkelt tis
tlata, Yasuɛ yenna-yas: "A Cimɛun n Yuḥenna, tettɛuzzuḍ-iyi?" Buṭrus, iɣaḍ-it lḥal imi i
as-d-yenna i tikkelt tis tlata: "Tettɛuzzuḍ-iyi?" Irra-yas: "A Sidi, kečč teẓriḍ kullec, teẓriḍ
belli ttɛuzzuɣ-k." Yasuɛ yenna-yas: "Eks ulli-w. 18Amin, amin, ad ak-iniɣ: mi meẓẓiyeḍ, d
kečč i yettagsen i yiman-ik, yerna tettruḥuḍ anda i ak-ihwa; meɛna asmi ara tuɣaleḍ d
amɣar, ad tḍelqeḍ ifassen-ik, d wayeḍ ara ak-ibegsen, yerna ad k-yawi anda ur ak-ihwi."
19
Inna-d akka iwakken ad d-ibeggen amek ara yemmet Buṭrus, amek ara yerr lɛaḍima i
Yillu. Mi d-yenna akka, yenna-yas: "Tbeɛ-iyi-d!"
20
Buṭrus izzi dɣa iwala anelmad-nni i iḥemmel Yasuɛ ad d-ileḥḥu deffir-sen, win akken i
isenden ɣer yidmaren n Yasuɛ mi llan tetten yerna yenna: "A Sidi, anwa ara k-isellmen?"
21
Buṭrus, mi t-iwala, yenna i Yasuɛ: "A Sidi, i wagi?" 22Yasuɛ yenna-yas: "I ma bɣiɣ ad
iqqim alamma usiɣ-d, d acu i k-icqan? Kečč, tbeɛ-iyi-d!" 23Seg imiren, iffeɣ wawal gar
watmaten belli anelmad-nni ur ittmettat ara. Yasuɛ ur as-inni ara belli ur ittmettat ara,
meɛna: "I ma bɣiɣ ad iqqim alamma usiɣ-d, d acu i k-icqan?"
24
D anelmad i iḥedren i wayagi i yuran ayagi merra. Neẓra belli cchada-s tṣeḥḥa.
25
Aṭas daɣen i yexdem Yasuɛ; lemmer ad tent-naru yiwet yiwet, waqila ddunit merra ur
tettawi ara idlisen ara naru.
LECƔAL N YIMCEGGƐEN
Imceggɛen ttraǧun Rruḥ Iqedsen
1A Tawfilus, adlis amezwaru, xedmeɣ-t ɣef wayen akk i yebda Yasuɛ ixeddem-it akked
uselmed i yesselmad, 2armi d asmi i yettwarfed ɣer yigenni, mbaɛd mi iweṣṣa s Rruḥ
Iqedsen imceggɛen i yextar. 3Mbaɛd mi yenneɛtab, ittbeggin-asen-d iman-is idder s waṭas
n lebyanat; rebɛin n wussan, netta yeṭṭahar-asen-d, ihedder-asen ɣef tgelda n Yillu.
4
Mi yella itett yid-sen, yumer-asen ur ttruḥun ara si Yarucalim, meɛna ad rǧun dinna
lweɛd n Ubabat, "ayen akken i teslam sɣur-i: 5Yuḥenna isseɣḍaṣ deg waman, meɛna,
kenwi, gar-aɣ d kra n wussan ad tettwaɣeḍṣem di Rruḥ Iqedsen." 6Imiren widak-nni
yellan yid-s steqsan-t, nnan-as: "A Sidi, di lawan-nni ara d-terreḍ tagelda n Israyil?" 7Inna-
yasen: "Ur ad awen-d-tewwi ara ad tissinem lewqat neɣ tiswiɛin i iɛellem Ubabat s
lḥekma-s netta; 8meɛna ad awen-d-tettunefk yiwet n tezmert mi ara d-iṣubb Rruḥ Iqedsen
fell-awen. Ad tilim d inagan-iw di Yarucalim, di Yahuda, di Samarya, akken alamma d
lqern n ddunit."
9
Mbaɛd mi d-yenna ayagi, Yasuɛ ittwarfed, nutni ttmuqulen deg-s; imiren yiwet n tagut
tɣebba-t ɣef wallen-nsen. 10Mi llan ttmuqulen deg-s ittali ɣer yigenni, sin n yirgazen
ḍehren-asen-d s llebsa tamellalt. 11Nnan-asen:"Ay irgazen n Galil! Acuɣer i teqqimem
akka tettmuqulem ɣer yigenni? Yasuɛ-agi i yettwarefɛen si zdat-wen ɣer yigenni, ad d-yas
akken i t-twalam iruḥ ɣer yigenni." 12Imiren uɣalen ɣer Yarucalim seg yiɣil iwumi i
qqaren Iɣil Uzemmur, i iqerben Yarucalim azal n umecwar n tikli deg wass n usteɛfu.
13
Mi kecmen, ulin ɣer tɣurfet anda i nnumen ttɣimin Buṭrus, Yuḥenna, Yeɛqub, Andriyus,
Filibus, Tuma, Bar-Talmay, Mata, Yeɛqub, mmi-s n Ḥalfay, Cimɛun Awaṭani, akked
Yahuda, mmi-s n Yeɛqub. 14Wigi merra, s yiwen n ṛṛay, zgan di tẓallit nutni d tlawin
akked Meryem, yemma-s n Yasuɛ, akked watmaten n Yasuɛ.
Matya yuɣal deg umkan n Yahuda
15
Ussan-nni, Buṭrus ikker-d di tlemmast n watmaten, leḥsab n wid yennejmaɛen dinna
yewweḍ ɣer meyya uɛecrin, dɣa yenna: 16"Ay atmaten! Ilaq ad d-iḍru wayen yuran, ayen
akken i d-yenna si tazwara Rruḥ Iqedsen seg yimi n Dawed ɣef Yahuda i yeṭṭfen afus i
wid i yewwin Yasuɛ. 17Yahuda yella d yiwen seg-neɣ yerna iṣaḥ-it-id umur di leqdic-agi.
18
Argaz-agi yuɣ iger s lexlaṣ n temgerḍt, iɣli-d ɣef uqerru dɣa ifelleq uɛebbuḍ-is; iẓerman-
is merra mmaren-d. 19Imezdaɣ merra n Yarucalim slan s wayen-nni; semman i yiger-nni s
tutlayt-nsen 'Ḥaqel-Dama' yeɛni Iger n Idammen. 20Yuɣ lḥal, yura deg udlis n Ihellilen:
'Axxam-is ad ixlu, yiwen ur t-izeddeɣ.
Yura daɣen: 'Ad iṭṭef wayeḍ amkan-is'.
21
Ilaq ihi ad d-nextir yiwen seg yirgazen yezgan yid-neɣ lweqt-nni akk i yesɛedda yid-neɣ
Ssid Yasuɛ, 22seg wasmi i t-isseɣḍeṣ Yuḥenna armi d asmi i yettwarfeɛ si zdat-nneɣ.
Yiwen seg widak-agi a yili yid-neɣ d inigi n ḥeggu-s."
23
Sbedden-d sin: Yusef yettusemman Barsaba, iwumi i qqaren Yustus, akked Matya.
24
Ẓẓullen dɣa nnan: "Kečč, a Ssid, tessneḍ ulawen n yimdanen merra. Beggen-aɣ-d anwa
i textareḍ gar sin-agi, 25i wakken ad iṭṭef amkan di leqdic-agi akked lkalafa-agi iɣef
ittaxxer Yahuda iwakken ad iruḥ s amkan-is."

26
Gren tiseqqar. D Matya i d-iffɣen; dɣa yerna ɣer ḥdac-nni n yimceggɛen.
Tisin n Rruḥ Iqedsen
2Mi d-iwweḍ wass n lɛid n Ledwar, nnejmaɛen akken ma llan deg yiwen n umkan. 2Deg
yiwet n teswiɛt, ikka-d yiwen n ṣṣut seg yigenni am waḍu iǧehden; iččur-d akk axxam-nni
ideg qqimen. 3Banen-asen-d yilsawen iferqen, amzun n tmes, dɣa rsen-d ɣef yal yiwen
deg-sen. 4Ččuren merra d Rruḥ Iqedsen, dɣa bdan heddren s tutlayin-nniḍen, akken i
asen-d-ifka Rruḥ ad t-id-inin.
5
Yuɣ lḥal, llan di Yarucalim Iyahudiyen, d lmumnin, ruḥen-d si leǧnas merra n ddunit.
6
Mi d-iffeɣ ṣṣut-nni, d ihedman n lɣaci i d-innejmaɛen; xelɛen axaṭer yal yiwen isla-yasen
heddren s tutlayt-is. 7Seg wakken xelɛen yerna dehcen, qqaren:"Widak-agi merra i d-
iheddren, mačči n Galil? 8Amek armi yal yiwen seg-neɣ isell-asen heddren s tutlayt-is, s
tutlayt n tmurt anda i ilul?
9
S Ibertiyen, s wat Maday, s wat Ɛilam, s wid izedɣen Aram-Naharayim, Yahuda,
Kabadukya, Buntus, Asya, 10Frigya, Banfilya, Maṣer, timnaḍin n Libya iqerben Qirwan,
akked wid yettilin di Ruma, 11s Iyahudiyen akked wid ikecmen di ddin n Iyahudiyen, s
Ikritiyen akked Waɛraben, nsell-asen ad d-ḥekkun s tutlayin-nneɣ leɛǧayeb n Yillu."
12
Akken ma llan dehcen yerna tḥeyyren; wa yeqqar i wa: "D acu-t wayagi?" 13Wiyaḍ
ttihiyen, qqaren: "Sekren."
Lxeṭba n Buṭrus
14
Meɛna Buṭrus ibedd netta d Ḥdac-nni; issaɛli taɣect-is, inna: "Ay irgazen n Yahuda
akked yimezday merra n Yarucalim, akken ma tellam, ɛelmet s wayagi, ḥesset-d i lehdur-
iw. 15Ala, irgazen-agi ur sskiṛen ara, akken i tɣilem, axaṭer attan d tasaɛet tis tlata n wass!
16
Meɛna ayen akka i d-iḍran, d ayen i d-yenna nnbi Yuwil:
17
'Deg wussan ineggura, i d-yenna Yillu, ad d-smireɣ Rruḥ-iw ɣef yal amdan.
Arrac-nwen akked tullas-nwen ad d-ttcirin; ilmeẓyen-nwen ad ttwalin iweḥḥiyen;
imɣaren-nwen ad ttarǧun tirga.
18
Ula ɣef yiqeddacen-iw akked tqeddacin-iw, ussan-nni, ad d-smireɣ Rruḥ-iw, dɣa ad d-
ttcirin.
19
Ad xedmeɣ leɛǧayeb deg yigenni, usawen, limarat di lqaɛa, ukessar, idammen, times
akked yizabuqen n wabbu.
20
Iṭij ad yuɣal d leɣmam, aggur d idammen, uqbel ad d-yaweḍ wass n Ssid, d ass
ameqqran yerna yesteɛǧib.
21
Imiren, kra n win ara inedhen s yisem n Ssid ad ittwasellek.'
22
Ay irgazen n Israyil, ḥesset-d i lehdur-agi: Yasuɛ Anaṣari, win akken iɣef i d-icehhed
Yillu zdat-wen s lbarhanat, s leɛǧayeb akked limarat i yexdem yis-s gar-awen, akken i t-
teẓram, s timmad-nwen, 23tsellmem-t, akken i yella di leqsed n Yillu i iɛelmen s wayen ara
d-iḍrun, s afus n yimejhal, tenɣam-t s uṣelleb i t-tṣellbem. 24Meɛna Illu yesseḥya-t-id; ifsi-
yas leqyud n lmut, axaṭer ur d-yewwi ara lḥal ad t-teɣleb lmut. 25Dawed yenna-d fell-as:
'Zgiɣ ttwaliɣ Ssid zdat-i.
Axaṭer ɣer tama-w tayeffust i yettili:

Ur ttemderkaleɣ ara.
26
Ɣef wayagi, ul-iw iččur d lferḥ, imi-w icennu, ula d ṣṣura-w ad tili deg usirem.
27
Ur tettaǧǧaḍ ara tarwiḥt-iw di laxert, ur tettɛemmiḍ ara i umqeddes-ik ad irku.
28
Temliḍ-iyi iberdan n tudert; teččureḍ-iyi d lferḥ s tilin i tettiliḍ yid-i.'
29
Ay atmaten, ǧǧet-iyi ad awen-d-hedreɣ ɛinani ɣef jeddi-tneɣ Dawed: immut, ittwamḍel
yerna aẓekka-s mazal-it ar ass-a gar-aneɣ. 30Imi d nnbi i yella, iṭṭef di lemɛahda i t-iɛuhed
Yillu belli ad isɣim ɣef ukersi-s n leḥkem yiwen seg wid i d-fkant tgeẓẓal-is. 31D ḥeggu n
Lmasiḥ i iwala, iɣef d-icar, mi d-yenna: 'Ala, ur t-iǧǧi ara di laxert, ur terki ara tfekka-s.'
32
D Yasuɛ-agi i d-isseḥya Yillu; aql-aɣ akk d inigan. 33Tura, mi yettwarfed s uyeffus n
Yillu, iṭṭef-d sɣur Baba-s Rruḥ Iqedsen i yewɛed, dɣa yesmar-d fell-aɣ ayen akka i
tettwalim yerna tsellem-as.
34
Ala, Dawed ur yuli ara ɣer yigenni, meɛna yenna-d:
'Ssid yenna i Ssid-iw:
35
Qqim ɣer tama-w tayeffust alamma rriɣ iɛdawen-ik d tarkabt n yiḍarren-ik.'
36
Axxam n Israyil merra ad iɛlem ihi s tteḥqiq: Yasuɛ-nni i tṣellbem, Illu yerra-t d Ssid, d
Lmasiḥ."
Lmumnin imezwura
37
Mi slan i lehdur-nni, saxen wulawen-nsen; dɣa nnan i Buṭrus akked yimceggɛen-nniḍen:
"D acu ara nexdem, ay atmaten?" 38Buṭrus yenna-yasen: "Tubet! Yal yiwen deg-wen ad
ittwaɣḍeṣ s yisem n Yasuɛ Lmasiḥ, i leɛfu n ddnubat-is; imiren ad awen-d-ittunefk Rruḥ
Iqedsen, d tukci. 39Axaṭer d ayen i yewɛed i kenwi, i warraw-nwen akked wid merra
ibeɛden, wid merra i wumi ara isiwel Ssid, Illu-nneɣ.
40
S waṭas n lehdur-nniḍen, Buṭrus ittḥellil-iten yerna inehhu-ten, iqqar-asen: "Rewlet i
lǧil-agi iɛewjen." 41Widak iqeblen awal-is ttwaɣeḍṣen. Ass-nni azal n teltalaf n yimdanen i
d-irnan.
42
Seg yimiren, ttdumun deg uselmed n yimceggɛen, di lemxalta, di beṭṭu n uɣrum akked
tẓallit. 43Teɣli-d yiwet n lxelɛa ɣef yal yiwen seg wakken imceggɛen xeddmen aṭas n
leɛǧayeb akked limarat. 44Wid akk yumnen ttilin jmiɛ yerna zdin kullec. 45Znuzun ayen
akk i kesben, cci-nsen, imiren ferrqen-ten i widak yeḥwaǧen.
46
Yal ass, ttnejmaɛen deg ufakan s yiwen n wul. Beṭṭun aɣrum deg yixxamen, tetten lqut s
lferḥ akked nneyya n wul. 47Ttḥemmiden Illu yerna ttafen lemzeyya s agdud merra. Yal
ass, Ssid irennu-d ɣer tmezdayt wid yettwasellken.
Ḥellu n yiwen n urgaz ikerfen
3Buṭrus akked Yuḥenna ulin ɣer ufakan, lawan n tẓalit n tlata n tmeddit. 2Illa yiwen n
urgaz, d ukrif si tɛebbuḍt n yemma-s, yal ass ttawin-t ɣer ufakan, srusun-t zdat tewwurt n
ufakan iwumi i qqaren Tawwurt Tucbiḥt, iwakken ad issutur lweɛda i wid i ikeččmen ɣer
ufakan. 3Mi iwala Buṭrus akked Yuḥenna ruḥen ad kecmen ɣer ufakan, issuter-asen
lweɛda. 4Buṭrus imuqel-it netta d Yuḥenna dɣa yenna-yas: "Muqel-aɣ-d." 5Irfed allen-is
ɣur-sen, iḍmeɛ ad as-fken kra. 6Buṭrus yenna-yas: "Ur sɛiɣ lfeṭṭa, ur sɛiɣ ddheb, meɛna
ayen i sɛiɣ ad ak-t-fkeɣ: s yisem n Yasuɛ Lmasiḥ Anaṣari, kker, lḥu!" 7Iṭṭef-it-id seg ufus-
is ayeffus dɣa yesker-it-id. Imiren kan, tileqwaɛ n yiḍarren-is akked texlifin-is qeɛdent;
8
ineggez, ibedd ɣef yiḍarren-is, dɣa yebda ileḥḥu. Ikcem yid-sen ɣer ufakan; iteddu
yettneggiz yerna yettḥemmid Illu. 9Agdud akk walan-t ileḥḥu yerna yettḥemmid Illu.
10
Ɛeqlen-t belli d win akken yettɣimin ɣer Tewwurt Tucḥbit n ufakan, issutur lweɛda;
dehcen yerna xelɛen seg wayen akken i as-d-iḍran.
Buṭrus issefhem-d ayen yeḍran
11
Seg wakken argaz-nni yeckunṭeḍ di Buṭrus akked Yuḥenna, lɣaci merra mgugin s
aseqqif i wumi qqaren Aseqqif n Sliman, wehmen. 12Mi iwala Buṭrus ayen-nni, inṭeq s
agdud, yenna-yasen: "Ay irgazen n Israyil, acuɣer i twehmem di temsalt-agi? Acuɣer i aɣ-
d-tettmuqulem am wakken s tezmert-nneɣ neɣ s lehhu-nneɣ i yelḥa urgaz-agi? 13Illu n
Abraham, Illu n Isḥaq, Illu n Yeɛqub, Illu n lejdud-nneɣ, iɛuzz aqeddac-is Yasuɛ i
tsellmem yerna tnekrem-t zdat Bilaṭus, ɣas akken iwala belli ilaq ad as-d-iserreḥ. 14Kenwi
tnekrem Imqeddes, Aḥeqqi, truḥem tessutrem ad awen-ixdem lemzeyya, ad d-iserreḥ i
urgaz aqettal. 15Tenɣam bab n tudert i d-isseḥya Yillu si gar lmeggtin: aql-aɣ d inagan.
16
S liman deg yisem-is, isem-is isseǧhed argaz-agi i tettwalim yerna tessnem-t; d liman
yis-s i yesseḥlan argaz-agi zdat-wen merra. 17Tura, ay atmaten, ẓriɣ belli ur d-terrim ara s
lexbar s wayen i txedmem, s kenwi s yimeqqranen-nwen. 18Swakka, Illu yexdem ayen i
d-icar uqbel seg yimi n lanbeyya-s merra: ilaq ad inneɛtab Lmasiḥ-is. 19Tubet ihi, uɣalet-
d, ad ttwamḥun ddnubat-nwen, 20i wakken ad d-iferreg fell-awen Ssid yerna ad d-iceggeɛ
win akken i awen-ittuheggan si zik: Yasuɛ Lmasiḥ, 21i ilaq ad isterḥeb yis-s yigenni
alamma yewweḍ-d lawan ideg ara iṣeggem kullec, akken i t-id-yenna si zik Yillu seg yimi
n yimqeddsen-is lanbeyya. 22Musa yenna-d: 'Ssid, Illu-nwen, ad d-isker si gar watmaten-
nwen yiwen n nnbi am nekk; ad as-tettḥessisem deg wayen akk ara awen-d-iqqar. 23Kra n
win ur nettḥessis ara i nnbi-agi ad ittwakkes seg ugdud-is.'
24
Si Camwil, lanbeyya merra i d-imsetbaɛen, caren-d ɣef wussan-agi. 25Kenwi, d arraw n
lanbeyya akked lɛahd i yefka Yillu i lejdud-nneɣ, mi yenna i Abraham: 'Iderman merra n
ddunit ad ttubarken s tarwa-k.'26I kenwi qbel iwumi i d-isker Yillu aqeddac-is, iceggeɛ-it-
id iwakken ad ken-ibarek, s usebɛed ara issebɛed yal yiwen seg-wen si sseyyat-is."
Buṭrus akked Yuḥenna deg usqamu n ccraɛ
4Mi yella Buṭrus akked Yuḥenna heddren i ugdud, wwḍen-ten-id lmuqeddmin, lqebṭan n
ufakan akked Isaduqiyen, 2rfan mliḥ imi i sselmaden agdud yerna ttbecciren ḥeggu n
lmeggtin di Yasuɛ. 3Mmɣen fell-asen dɣa deggren-ten ɣer lḥebs armi d azekka-nni: yuɣ
lḥal, d tameddit. 4Ddeqs i yumnen seg wid yeslan i wawal; leḥsab-nsen iwweḍ azal n
xemsalaf n yirgazen.
5
Azekka-nni, iqerra-nsen, imeqqranen-nsen akked Imusnawen-nsen n ccariɛa nnejmaɛen
di Yarucalim, 6nutni d Ḥanan, lmuqeddem ameqqran, Kayafa, Yuḥanan, Aliksandrus
akked wid merra yellan si twacult n lmuqeddmin imeqqranen. 7Sbedden Buṭrus akked
Yuḥenna di tlemmast, dɣa steqsan-ten: "D acu n tezmert neɣ anwa isem swayes i
txedmem ayagi?" 8Buṭrus, yeččuren d Rruḥ Iqedsen, yenna-yasen: "Ay iqerra n ugdud, ay
imeqqranen, 9imi i aɣ-d-testeqsam ass-a ɣef lxir i yettwaxedmen i yiwen n urgaz aɛiban,
iwakken ad teẓrem anwa i t-isellken, 10ɛelmet ihi akken ma tellam, s kenwi s ugdud
merra n Israyil, belli s yisem n Yasuɛ Lmasiḥ Anaṣari i t-ṣellbem kenwi, i d-isseḥya
Yillu si gar lmeggtin. Yis i ibedd urgaz-agi zdat-wen, s ṣṣeḥḥa-s. 11D Yasuɛ i d aẓru-nni i
tḥeqrem kenwi, ay ibennayen: Yuɣal d aẓru n teɣmert.12Leslak ur d-itekk ara seg wayeḍ;
ala, ur d-ittunefk ara i yimdanen yisem-nniḍen di ddunit swayes i ilaq ad nettwasellek."
Asqamu n ccraɛ iqḍeɛ abeccer s yisem n Lmasiḥ
13
Mi walan belli Buṭrus akked Yuḥenna tḥeqqen deg wayen i d-qqaren, wehmen, axaṭer
ẓran-ten belli d imdanen menwalat yerna ur ɣrin ara; ɛeqlen-ten belli llan akked Yasuɛ.
14
Meɛna imi i ttwalin argaz-nni yeḥlan ibedd tama-nsen, ur ufin ara d acu ara d-rren.
15
Umren-asen ad ffɣen seg usqamu n ccraɛ, dɣa mcawaren. 16Nnan: "D acu ara nexdem i
yimdanen-agi? Imezdaɣ merra n Yarucalim ɛelmen belli xedmen yiwet n limara d
tameqqrant. Ur nezmir ara ad nenker ayagi. 17Meɛna iwakken ayagi ur d-ittaɣ ara akk
lɣaci, ad neggall deg-sen ur ttuɣalen ara ad hedren i yiwen s yisem-agi."
18
Sawlen-asen dɣa umren-asen ur ttuɣalen ara ad d-bedren isem n Yasuɛ neɣ ad slemden
yis-s. 19Meɛna Buṭrus akked Yuḥenna neṭqen, nnan-asen: "Muqlet ma d lḥeqq zdat Yillu
ad naɣ awal i kenwi wala i Yillu! 20Ala, nekni ur nezmir ara ad nessusem ur nhedder ara
ɣef wayen i nwala d wayen i nesla." 21Ggullen deg-sen, mbaɛd serrḥen-asen; ur ufin ara
amek ara ten-ɛaqben, seg ugdud, axaṭer akken ma llan ttḥemmiden Illu ɣef wayen i d-
iḍran. 22Argaz-nni iwumi i d-teḍra limara-agi n ḥellu yesɛa akter n rebɛin n yiseggasen.
Taẓallit n lmumnin
23
Mbaɛd mi asen-d-serrḥen, ruḥen ɣer yirfiqen-nsen, dɣa ḥkan-asen ayen i asen-d-nnan
imeqqranen n lmuqeddmin akked yimeqqranen n ugdud. 24Mi slan i wayen-nni, akken
ma llan ɛeggḍen s lqedd n taɣect-nsen ɣer Yillu, nnan: "A Sidi, d kečč i ixedmen igenni,
lqaɛa, lebḥer d wayen akk yellan deg-sen. 25D kečč i d-ineṭqen s Rruḥ Iqedsen seg yimi n
baba-tneɣ, aqeddac-ik Dawed, tenniḍ-d:
'Acuɣer akka i nhewwalen leǧnas?
Acuɣer i sgermuden yigduden ɣef wulac?
26
Igelliden n ddunit kkren-d, lḥekkam dduklen,
mmcawaren ɣef Ssid akked Lmasiḥ-is.'
27
S tidet, ɣef Yasuɛ, aqeddac-ik imqeddes, win akken i tdehneḍ i yeddukel Hirudus akked
Bilaṭus, di temdint-agi, nutni d leǧnas akked yigduden n Israyil, 28i wakken ad xedmen
ayen akken i tqesdeḍ si zik ad t-xedmeḍ s tezmert-ik akked lebɣi-k. 29Tura, a Ssid, muqel
ɣer lemgillat i ttgallan deg-neɣ, efk-d i yiqeddacen-ik ad beccren awal-ik s ṭṭmana, 30s
tuẓẓla ara d-teẓẓleḍ afus-ik iwakken ad d-yili ḥellu yerna ad d-ḍrun leɛǧayeb akked
limarat s yisem n Yasuɛ, aqeddac-ik imqeddes."
31
Mi llan ttẓallan, amkan-nni ideg nnejmaɛen inhez; akken ma llan ččuren d Rruḥ
Iqedsen, dɣa bdan ttbecciren awal n Yillu s ṭṭmana.
Tagmat gar lmumnin
32
Wid akk yumnen dduklen s yiwen n wul, s yiwen n rruḥ. Yiwen seg-sen ur d-iqqar
ɣef wayla-s: "inu!" meɛna ayen akk i sɛan zdin-t. 33Imceggɛen ttcehhiden-d ɣef ḥeggu n
Ssid Yasuɛ s yiwet n tezmert, d tameqqrant. Tezga fell-asen merra yiwet n nneɛma, d
tameqqrant. 34Yiwen deg-sen ur t-ixuṣṣ wacemma; wid akk i ikesben tiferkiwin neɣ
ixxamen zznuzun-ten, imiren ttawin-d ssuma n wayen akken i zzenzen, 35srusun-tt ɣer
yiḍarren n yimceggɛen; nutni ttaken i yal yiwen akken yeḥwaǧ.
36
Yusef, iwumi i qqaren yimceggɛen Bar-Naba, yeɛni mmi-s n useǧhed, si lɛerc n Lewwi,
ilulen di Qubrus, 37isɛa ula d netta yiwet n tferka. Iruḥ yezzenz-itt, yewwi idrimen dɣa
isers-iten ɣer yiḍarren n yimceggɛen.
Ḥananya akked Safira
5Yiwen n urgaz iwumi i qqaren Ḥananya yezzenz netta d tmeṭṭut-is Safira yiwet n tferka.
2
Iddem yiwen n umur si ssuma-s, yerna ula d tameṭṭut-is teɛlem; imiren yewwi ayen i d-
iqqimen, isers-it ɣer yiḍarren n yimceggɛen. 3Meɛna Buṭrus yenna-yas: "A Ḥananya,
acuɣer i yeččur Cciṭan ul-ik, armi i teskadbeḍ i Rruḥ Iqedsen, teffreḍ aḥric si ssuma n
tferka? 4Mi akken i tella ɣur-k, mačči inek? Ula mi tenza, idrimen-nni mačči deg ufus-ik i
llan? D acu i k-yewwin ad d-terreḍ tamsalt am tagi deg wul-ik? Mačči i yimdanen i
teskadbeḍ, meɛna i Yillu."
5
Mi yesla Ḥananya i lehdur-nni, iɣli dɣa yessufeɣ rruḥ. Teɣli-d yiwet n rrehba d
tameqqrant ɣef widak merra yeslan. 6Kkren yilmeẓyen kefnen-t, wwin-t ɣer berra dɣa
meḍlen-t.
7
Azal n tlata n sswayeɛ mbaɛd, tekcem tmeṭṭut-is. Ur teẓri ara d acu i yedran. 8Buṭrus
inṭeq, yenna-yas: "Ini-yi-d, s ssuma-agi i tezzenzem taferka-nwen?" Tenna-yas: "Ih, s
ssuma-agi." 9Buṭrus yenna-yas: "Acuɣer i temsefhamem iwakken ad tjerrbem Rruḥ n
Ssid? Atnan ɣer tewwurt wid i imeḍlen argaz-im; ad kem-awin ula d kem." 10Imiren kan,
teɣli ɣer yiḍarren-is dɣa tessufeɣ rruḥ. Ilmeẓyen-nni ufan-tt temmut; wwin-tt ɣer berra
dɣa meḍlen-tt tama n urgaz-is. 11Teɣli-d yiwet n rrehba d tameqqrant ɣef tmezdayt merra
akked wid merra yeslan s wayen yedran.
Limarat akked leɛǧayeb
12
Aṭas n limarat akked leɛǧayeb i yettwaxedmen s ufus n yimceggɛen gar ugdud. Akken
ma llan ttnejmaɛen s yiwen n wul deg useqqif n Sliman. 13Ma d wiyaḍ, akken ma llan
kukran ad rnun ɣur-sen; meɛna agdud merra yettcekkir-iten nezzeh. 14Leḥsab n yirgazen
akked tlawin i d-irennun ttamnen s Ssid simmal ittzid irennu, 15armi i d-ssufuɣen imuḍan
ɣer yizenqan, srusun-ten ɣef teɛdilin akked tgertyal iwakken mi ara iɛeddi Buṭrus, xerṣum
s tili-s ad iɣumm ulamma yiwen deg-sen. 16D ihedman i d-ittazzalen si temdinin i d-izzin i
Yarucalim; ttawin-d imuḍan akked wid i rwin lerwaḥ imeɛfan; akken ma llan ḥellun.
Imceggɛen di lḥebs
17
Si tismin i asen-ikkren, ikker lmuqeddem ameqqran akked wid yeddan yid-s, i yellan si
terbaɛt n Iṣaduqiyen, 18mmɣen ɣef yimceggɛen rran-ten ɣer lḥebs n baylek. 19Meɛna
lmelk n Ssid yeldi tiwwura n lḥebs deg yiḍ, issufeɣ-iten-id dɣa yenna-yasen: 20"Ruḥet,
beddet deg ufakan, beccret i ugdud lehdur merra n tudert-agi." 21Mi slan i wayen-nni,
kecmen ṣṣbeḥ zik ɣer ufakan dɣa bdan sselmaden.

Mi yelḥeq lmuqeddem ameqqran akked wid yeddan yid-s isawel i usqamu akked
yimeqqranen n wat Israyil, imiren iceggeɛ ad d-awin imceggɛen-nni si lḥebs.
22
Iqeddacen-nni, mi wwḍen ur ten-ufin ara di lḥebs; uɣalen dɣa nnan-asen: 23"Nufa lḥebs
iɣleq akken ilaq, yerna iɛessasen bedden ɣer tewwura; meɛna mi neldi, ur nufi ula d
yiwen daxel." 24Mi slan i lehdur-nni, imeqqranen n lmuqeddmin akked lqebṭan n ufakan
ɛewqen. Qqaren: "D acu-t wagi?" 25Ataya ilḥeq-d yiwen, ixebber-iten, yenna-yasen:
"Irgazen-nni i terram ɣer lḥebs, atnan deg ufakan, yerna sselmaden lɣaci." 26Imiren iruḥ
lqebṭan netta d iɛessasen-is wwin-ten-id, meɛna mačči s ddreɛ, axaṭer uggaden ad ten-
rejmen lɣaci.
Imceggɛen ɛeddan di ccraɛ i tikkelt-nniḍen
27
Wwin-ten-id dɣa sbedden-ten zdat usqamu n ccraɛ. Lmuqeddem ameqqran isteqsa-ten,
28
yenna-yasen: "Ur awen-neqḍiɛ ara aselmed s yisem n wagi? Atan teččurem Yarucalim s
uselmed-nwen. Tebɣam ad d-terrem tamgerḍt n umdan-agi ɣef yirawen-nneɣ?" 29Buṭrus
akked yimceggɛen-nniḍen neṭqen, nnan: "Ilaq ad naɣ awal i Yillu mačči i yimdanen."
30
Illu n lejdud-nneɣ isseḥya-d Yasuɛ, win akken i tenɣam, tɛelqem-t ɣef usɣar. 31D netta i
yessaɛli Yillu s uyeffus-is, d aqerru, d amsellek, iwakken ad ifk i Israyil ttuba akked leɛfu
n ddnubat. 32Aql-aɣ d inagan n temsal-agi, nekni akked Rruḥ Iqedsen i d-ifka Yillu i wid i
as-ittaɣen awal."
33
Mi asen-slan, ttergigin seg wurrif, bɣan ad ten-nɣen. 34Meɛna yekker-d yiwen seg
usqamu n ccraɛ, isem-is Gamalyil, d Afarisi. D aselman-n ccariɛa i ttqadaren akk medden.
Yumer ad ssufɣen imceggɛen-nni i kra n lweqt. 35Inna-yasen: "Ay wat Israyil! Ɣur-wat i
txeddmem i yimdanen-agi. 36Uqbel ussan-agi, ikker-d Tudas iḥesben iman-is d flan. Azal
n rbeɛ meyya n yirgazen i yeddan yid-s. Netta yettwanɣa, widak merra i t-itebɛen
mzerbaɛen, ur d-iqqim yiwen seg-sen. 37Mbaɛd netta, ikker-d Yahuda n Galil deg wussan-
nni n ujerred. Yewwi yid-s agdud. Ula d netta yemmut yerna widak merra yumnen yis-s
mzerbaɛen. 38Tura ihi, ad awen-d-iniɣ, ttixxret i yimdanen-ihin; aneft-asen. Ma yella ṛṛay-
agi neɣ ccɣel-agi sɣur yimdanen, ad negren weḥḥed-sen; 39ma yella sɣur Yillu, ur
tettizmiren ara ad ten-tesnegrem. Ḥadret ad d-tafem iman-nwen a tettnaɣem d Yillu?"
40
Tqenɛen s lehdur-is, dɣa sawlen i yimceggɛen-nni, wten-ten yerna ggullen deg-sen ur
ttuɣalen ara ad hedren s yisem n Yasuɛ; imiren serrḥen-asen. 41Imceggɛen ruḥen seg
usqamu n ccraɛ, ferḥen imi i ttwaḥesben uklalen ad ttwareggmen ɣef yisem n Yasuɛ.
42
Yal ass, nutni d aselmed akked ubeccer n Lmasiḥ Yasuɛ deg ufakan akked yixxamen.
Lxetyar n sebɛa n yiqeddacen

6Ussan-nni, leḥsab n yinelmaden ittnerni. Iyahudiyen i iheddren Tayunanit bdan
sgermuden ɣef Iɛebraniyen, axaṭer ttferriṭen di tuǧǧal-nsen di leqdic n yal ass. 2Tnac-nni
sawlen i uhdum-nni n yinelmaden dɣa nnan-asen: "Ur aɣ-ilhi ara ad neǧǧ awal n
Yilluiwakken ad d-nelhi d leqdic ɣer ṭṭabla. 3Ihi, ay atmaten, xtiret-d si gar-awen sebɛa n
yirgazen yesɛan tikli yelhan, iččuren d Rruḥ Iqedsen akked lekyasa: ad ten-nwekkel ɣef
ccɣel-agi. 4Ma d nekni, ad tt-nerr kan i tẓallit akked uselmed n wawal." 5Awal-nni yers
ɣef wul n lɣaci merra. Xtaren-d Stifanus, d argaz yeččuren d liman akked Rruḥ Iqedsen,
Filibus, Bruxurus, Nikanur, Timun, Barminas akked Nikulawus n Antakya i ikecmen ddin
n Iyahudiyen. 6Wwin-ten ɣer zdat yimceggɛen. Ẓẓullen yerna sersen ifassen-nsen fell-
asen.
7
Awal n Yillu yettenfufud; leḥsab n yinelmaden ittzid irennu di Yarucalim. D ihedman n
lmuqeddmin i yettaɣen awal i liman.
Stifanus
8
Stifanus yeččuren d nneɛma akked tezmert ixeddem limarat akked leɛǧayeb imeqqranen
gar ugdud. 9Meɛna kra si lǧameɛ n Iyahudiyen iwumi i qqaren lǧameɛ n Iḥerriyen,
Iqirwaniyen, Iskandariyen akked wid n Kilikya d Asya, kkren-d bdan amǧadel nutni d
Stifanus. 10Meɛna ur ssawḍen ara ad ṭṭfen zdat lekyasa akked Rruḥ swayes i ihedder.
11
Fkan tijeɛɛal i kra n yimdanen iwakken ad inin: "Nesla-yas mi yettjeddir di Musa akked
Yillu." 12Sḥercen-d lɣaci, imeqqranen n ugdud akked Imusnawen n ccariɛa. Kkren
mmɣen fell-as dɣa wwin-t s asqamu n ccraɛ.
13
Ssekren-d inagan n ẓẓur i yennan: "Argaz-agi ur iḥbis ara ajedder deg umkan iqedsen
akked ccariɛa. 14Nesla-yas mi d-yenna belli Yasuɛ Anaṣari ad ihudd amkan-agi yerna ad
ibeddel leɛwayed i aɣ-d-igga Musa." 15Wid akk yennejmaɛen deg usqamu-nni n ccraɛ
ččan-t s tmuɣli, dɣa walan udem-is am wudem n lmelk.
7Lmuqeddem ameqqran yenna-yas: "Akka i yella lḥal?" 2Stifanus inṭeq, inna: "ay
atmaten, ay ibabaten, ḥesset-d! Iḍehr-d Yillu, Bab n lɛaḍima, i Abraham, baba-tneɣ, mi
yella di Misubutamya, uqbel ad izdeɣ di Ḥaran. 3Inna-yas-d: 'Ffeɣ si tmurt-ik, imawlan-ik
truḥeḍ ɣer tmurt ara ak-d-sneɛteɣ.' 4Iffeɣ si tmurt n Ikaldiyen, iruḥ izdeɣ di Ḥaran. Mbaɛd
lmut n baba-s, Illu yesɛedda-t-id ssyenna ɣer tmurt-agi ideg tzedɣem tura. 5Ur as-ifki ad
iwret dagi ula d anda ara isers lḥafer n uḍar-is, meɛna iwɛed-as ad as-ifk tamurt i tarwa-s
ara d-igg, ɣas akken ur isɛi ara dderya.
6
Illu yenna-yas: 'Tarwa-k ad tezdeɣ i kra n lweqt di tmurt ur nelli ara d ayla-s; ad ten-
rren d aklan yerna ad ten-qehren rbeɛ meyya n yiseggasen. 7Meɛna, lǧens-nni ara ten-
irren d aklan ad t-ḥasbeɣ, i d-yenna Yillu. Mbaɛd ad d-ffɣen ssyenna dɣa ad qedcen fell-i
deg umkan-agi.'
8
Imiren Illu yefka-d i Abraham lɛahd n ṭṭhara. Ɣef wayagi, mi d-isɛa Isḥaq, isseḍher-as ass
wis tmanya; Isḥaq isseḍher i Yeɛqub; Yeɛqub i tnac-nni n lejdud.
9
Lejdud-nni usmen si Yusef, dɣa zzenzen-t ɣer Maṣer. 10Meɛna Illu yella yid-s. Issukkes-
it-id si lemḥayen-is merra; ifka-yas lekyasa yerna yessaɛezz-it deg wul n Ferɛun, agellid n
Maṣer; irra-t d lḥakem n Maṣer akked uxxam-is merra.
11
Iɣli-d laẓ ɣef tmurt n Maṣer akked Kanɛan. Ccedda meqqret, lejdud-nneɣ ur ufin ara d
acu ara ččen. 12Yeɛqub isla belli yella lqut di Maṣer, dɣa iceggeɛ ɣer dinna lejdud-nneɣ
tikkelt tamezwarut. 13Tikkelt tis snat, Yusef isbeggen-d iman-is i watmaten-is, ɛeqlen-t;
imiren Ferɛun iẓra anwa i d laṣel n Yusef. 14Yusef iceggeɛ ad as-d-awin baba-s Yeɛqub
akked wid merra i as-ittilin: llan di xemsa usebɛin yid-sen. 15Yeɛqub iṣubb ɣer Maṣer.
Immut dinna, rnan ula d lejdud-nneɣ. 16Wwin-ten ɣer Caxim, dɣa sersen-ten deg uẓekka i
yuɣ Abraham s yedrimen ɣef wat Ḥamur, di Caxim.
17
Mi d-iqerreb lweqt n lweɛd-nni i yefka Yillu i Abraham, agdud ibda yettfukti yerna
yettnerni di Maṣer, 18armi d asmi i d-ikker yiwen n ugellid-nniḍen ur nessin ara Yusef.
19
Agellid-nni yessexdem tiḥerci d ccetla-nneɣ; ixdem lbaṭel di lejdud-nneɣ, iḥettem-iten
ad ǧǧen llufanat-nsen, iwakken ur ttidiren ara.
20
Di lweqt-nni, ilul-d Musa; yella ɛziz ɣer Yillu. Itturebba tlata n wagguren deg uxxam n
baba-s; 21mi yettwaḍegger, yelli-s n Ferɛun tejmeɛ-it-id dɣa trebba-t am mmi-s. 22Musa
yeɣra di tmusni merra n Imaṣriyen; iẓwer, ama deg wayen i d-iqqar, ama deg wayen i
ixeddem.
23
Mi yessaweḍ rebɛin n yiseggasen di leɛmer-is, illa-yas deg wul ad iruḥ ad iẓer atmaten-
is, At Israyil. 24Iwala yiwen n Umaṣri yetɛedday ɣef yiwen seg wat Israyil; iruḥ isellek-it-
id yerna yerra-d ttar i win akken yettwaḥeqren, inɣa Amasri-nni. 25Yiɣil atmaten-is ad
fehmen belli s ufus-is ara asen-d-ifk Yillu leslak; meɛna ur fhimen ara.
26
Azekka-nni, yufa sin seg-sen ttnaɣen. Iwet amek ara ten-ifru, yenna-yasen: 'Ay irgazen,
d atmaten i tellam; acuɣer wa yetɛedday ɣef wa?' 27Win akken iḥeqren wayeḍ idemmer
Musa dɣa yenna-yas: 'Anwa i k-isbedden d aqerru neɣ d anezzarfu fell-aɣ? 28Tebɣiḍ ad
iyi-tenɣeḍ akken i tenɣiḍ iḍelli Amasri nni?'
29
Mi yesla i wawal-nni, Musa yerwel. Iruḥ ɣer tmurt n Midyan anda i yuɣal d aberrani
yerna yesɛa-d dinna sin n warrac.
30
Mbaɛd rebɛin n yiseggasen, iḍher-as-d yiwen n lmelk deg uneẓruf n udrar n Sinay, deg
uḥeǧǧaǧu n tmes iceɛlen deg yinijel. 31Mi iwala ayen-nni, Musa yewhem seg uweḥḥi-nni.
Iqerreb ad iwali, dɣa yesla i taɣect n Ssid: 32'Nekk, d Illu n lejdud-ik, Illu n Abraham, n
Isḥaq, n Yeɛqub.'Musa yergagi: Ur izmir ara ad imuqel. 33Ssid yenna-yas-d: 'Kkes arkasen
seg yiḍarren-ik axaṭer amkan ideg tbeddeḍ, d akal iqedsen. 34Walaɣ lḥif n ugdud-iw di
Maṣer, sliɣ-d i unazeɛ-is, aql-i ṣubbeɣ-d iwakken ad ten-id-sellkeɣ. Yya tura, ad k-
ceggɛeɣ ɣer Maṣer.'
35
Musa-nni i nekren mi as-nnan: 'Anwa i k-isbedden d aqerru neɣ d anezzarfu?' d netta i
iceggeɛ YIllu, d aqerru yerna d amcafeɛ, s lemɛawna n lmelk-nni i as-d-iḍehren deg
yinijel. 36D netta i ten-id-issufɣen si Maṣer. Ixdem limarat akked leɛǧayeb di tmurt n
Maṣer, di lebḥer azeggaɣ akked uneẓruf, rebɛin n yiseggasen.
37
D Musa-agi i asen-innan i wat Israyil: 'Illu ad awen-d-isker yiwen n nnbi si gar
watmaten-nwen, am nekk.'38Mi yella ugdud deg uneẓruf, d netta i d-izgan gar lmelk-nni i
as-d-ihedren deg udrar n Sinay akked lejdud-nneɣ. D netta iwumi i d-ttunefken lehdur n
tudert iwakken ad aɣ-ten-id-ifk.
39
Lejdud-nneɣ ur qbilen ara ad as-aɣen awal. Ugin-t, yerna yuɣal-iten-id wul ɣef Maṣer.
40
Nnan i Harun: 'Xdem-aɣ-d irebbiten ara yezwiren zdat-nneɣ. Musa-nni i aɣ-d-issufɣen
si tmurt n Maṣer, ur neẓri ara d acu yeḍran yid-s.'41Dɣa ussan-nni, meslen-d yiwen n
uɛejmi. Fkan asfel i lmeṣnuɛ-nni yerna ferḥen s wayen i yexdem ufus-nsen. 42Illu yezzi
udem-is fell-asen; yeǧǧa-ten ad ɛebden lɛesker n yigenni, akken yura deg udlis n
lanbeyya: 'Tefkam-iyi-d iseflawen akked lewɛadi di rebɛin-nni n yiseggasen i tesɛeddam

deg uneẓruf, ay axxam n Israyil? 43Tesbeddem aqiḍun n Mulux, illu-nwen, akked yetri n
Rafan, lmeṣnuɛat i txedmem kenwi iwakken ad tseǧǧdem zdat-sen. Ɣef wayagi ad ken-
nfuɣ akkin i Babil.'
44
Deg uneẓruf, lejdud-nneɣ sɛan aqiḍun n cchada, akken i as-d-yumer win i as-d-yennan
i Musa ad t-ixdem ɣef lemtel i iwala. 45Mi d-iwweḍ afus n lejdud-nneɣ, skecmen-t yid-
sen, nutni d Yacuɛa, ɣer tmurt i kksen i leǧnas i iqecceɛ Yillu si zdat lejdud-nneɣ, armi d
lweqt n Dawed. 46Dawed-agi yufa lemzeyya ɣer Yillu, dɣa issuter ad ibnu tanezduɣt i
Yillu n Yeɛqub. 47D Sliman i as-ibnan axxam. 48Meɛna Win Ɛlayen ur izeddeɣ ara deg
wayen i yexdem ufus n umdan, akken i t-id-yenna nnbi:
49
'Igenni, d akersi n leḥkem-iw, lqaɛa, d tarkabt i yiḍarren-iw.
D acu n uxxam ara yi-tebnum, i d-yenna Ssid, d acu n umkan n usteɛfu ideg ara yiliɣ?
50
Mačči d afus-iw i ixedmen ayagi akk?'
51
Ay wat uɛenqiq ibedden, ulawen-nwen akked yimeẓẓuɣen-nwen ur ḍhiren ara; ula d
kenwi, am lejdud-nwen, tezgam tettqamaren Rruḥ Iqedsen. 52Anwa si lanbeyya ur qhiren
ara lejdud-nwen? Wwḍen nɣan ula d wid i d-ittbecciren si zik ɣef tisin n Uḥeqqi. Tura
kenwi, txedɛem-t yerna tenɣam-t. 53Kenwi i d-iṭṭfen ccariɛa s lamer n lmalayek, ur tt-
teḥrizem ara."
54
Mi slan i wayen-nni, tecɛel tmes deg wul-nsen, qerrcen tuɣmas-nsen fell-as. 55Meɛna
Stifanus, yeččuren d Rruḥ Iqedsen, irfed allen-is ɣer yigenni; iwala lɛaḍima n Yillu, Yasuɛ
ibedd ɣer tama tayeffust n Yillu. 56Inna: "Aql-i a ttwaliɣ igenwan ldin yerna Mmi-s n
umdan ibedd ɣer tama tayeffust n Yillu." 57Ɛeggḍen s lqedd n taɣect-nsen, reglen
imeẓẓuɣen-nsen, imiren ẓedmen fell-as akken ma llan. 58Ssufɣen-t berra n temdint dɣa
nɣan-t s urjam. Inagan ǧǧan llebsa-nsen ɣer yiḍarren n yiwen n yilemẓi iwumi i qqaren
Cawul.
59
Mi t-reggmen, Stifanus iɛenna, inna: "A Ssid Yasuɛ, atan rruḥ-iw gar yifassen-ik."
60
Ikref tagecrirt dɣa iɛeggeḍ s lqedd n taɣect-is, inna: "A Ssid, ur asen-ḥesseb ara ddnub-
agi." Mbaɛd mi d-yenna awal-agi, iṭṭeṣ.
Beddu n leqher
8Cawul iqbel timenɣiwt n Stifanus. Seg wass-nni, iɣli-d yiwen n leqher d ameqqran ɣef
tmezdayt n Yarucalim. Akken ma llan, mzerbaɛen ɣef leǧwahi n Yahuda akked Samarya,
siwa imceggɛen i yeqqimen. 2Kra n lmumnin ruḥen meḍlen Stifanus yerna meǧǧden fell-
as aṭas. 3Cawul ixdem afernas di tmezdayt. Iwweḍ armi i ikeččem ɣer yixxamen, izzuɣur-
d irgazen akked tlawin dɣa yettḍeggir-iten ɣer lḥebs. 4Widak yemzerbaɛen ttruḥun seg
umkan ɣer wayeḍ, ttbecciren Linǧil.
Filibus di Samarya
5
Filibus iṣubb ɣer yiwet n temdint n Samarya dɣa ibeccer-asen Lmasiḥ. 6Lɣaci, akken ma
llan, rran ddehn-nsen ɣer lehdur n Filibus, mi slan yerna walan limarat i ixeddem. 7Axaṭer
aṭas i ṭṭfen lerwaḥ imeɛfan, teffɣen seg-sen s leɛyaḍ ameqqran. Aṭas n yiɛibanen akked
yiquḍaren i iḥellun. 8Illa-d yiwen n lferḥ d ameqqran di temdint-nni.
9
Yuɣ lḥal, illa si zik di temdint-nni yiwen n urgaz iwumi i qqaren Cimɛun; ixeddem ssḥur
yerna yessedhac lɣaci merra n Samarya. Iḥseb iman-is meqqer. 10Meẓẓi meqqer, akken
ma llan, ttabaɛen-t yerna qqaren: "Wagi d tazmert n Yillu, tin iwumi i qqaren
Tameqqrant." 11Ttabaɛen-t, axaṭer issewham-iten si zik s ssḥur-is. 12Meɛna, mi yumnen s
Filibus i asen-ibeccren tagelda n Yillu akked yisem n Yasuɛ Lmasiḥ, ttwaɣeḍṣen, argaz
tameṭṭut. 13Ula d Cimɛun yumen, yerna yettwaɣḍeṣ. Seg imiren, ur ittixxir ara ɣef Filibus
yerna mi yettwali limarat akked leɛǧayeb imeqqranen i ixeddem, iwehhem.
14
Mi slan yimceggɛen yellan di Yarucalim belli Samarya testerḥeb s wawal n Yillu,
ceggɛen-asen Buṭrus akked Yuḥenna. 15Ṣubben ɣer Samarya dɣa ẓẓullen fell-asen,
iwakken ad asen-d-ittunefk Rruḥ Iqedsen, 16axaṭer urɛad i d-yers ula ɣef yiwen deg-sen.
Ttwaɣeḍṣen kan s yisem n Lmasiḥ Yasuɛ. 17Imiren Buṭrus akked Yuḥenna sersen ifassen-
nsen fell-asen dɣa ṭṭfen-d Rruḥ Iqedsen.
18
Mi iwala Cimɛun belli Rruḥ Iqedsen ittunefk-d s trusi n yifassen n yimceggɛen, ifka-
yasen idrimen, 19yenna-yasen: "Fket-iyi-d ula d nekk tazmert-agi, iwakken widak iɣef ara
serseɣ ifassen-iw ad asen-d-ittunefk Rruḥ Iqedsen." 20Meɛna Buṭrus yenna-yas: "Ad
negren yedrimen-ik yid-k! Tɣileḍ ad d-tḥelliḍ tukci n Yillu s udrim! 21Ur k-id-ittsaḥ umur,
ur twerrteḍ di temsalt-agi, axaṭer ul-ik ur iṣfi ara zdat Yillu. 22Tub si teḥraymit-agi-inek,
ḥellel Ssid, ahat ad ak-isemmeḥ axemmim-agi i d-iɛeddan di lbal-ik. 23Aql-i ad t-ttwaliɣ:
teččureḍ d lemrar yerna yurez-ik lbaṭel." 24Inṭeq Cimɛun, inna: "Ɛennit kenwi fell-i ɣer
Ssid, iwakken ur d-iɣelli fell-i wacemma seg wayen akka i d-tennam." 25Buṭrus akked
Yuḥenna fkan-d cchada-nsen, beccren awal n Ssid, mbaɛd uɣalen ɣer Yarucalim. Deg
ubrid-nsen, beccren Linǧil i waṭas n tudrin n Samarya.
Aneɣlaf n tgellidt n Kuc
26
Yiwen n lmelk n Ssid inṭeq ɣer Filibus, yenna-yas: "Kker, ruḥ s asammer; ɛeddi seg
ubrid-nni yexlan i yettṣubbun si Yarucalim ɣer Ɛaza." 27Ikker iruḥ; ataya yiwen n Ukuci, d
amexṣi, d aneɣlaf n Qandaq, tagellidt n Kuc, d lewkil ɣef ugerruj-is merra, iruḥ-d ɣer
Yarucalim iwakken ad iseǧǧed. 28Mi yuɣal si Yarucalim, iqqim deg ukerrus-is, iqqar di
nnbi Icɛaya. 29Rruḥ Iqedsen yenna i Filibus: "Qerreb, qḍeɛ akerrus-ihin!" 30Filibus yuzzel.
Isla-yas iqqar deg udlis n nnbi Icɛaya. Inna-yas: "Tfehmeḍ d acu i teqqareḍ?" 31Inna-yas:
"Amek ara fehmeɣ ma ulac win ara yi-d-isfehmen?" Dɣa iḥellel Filibus ad yali ad iqqim
ɣur-s. 32Aḥric-nni i yella yeqqar di Tira, d wagi:
"Am tixsi i wwin ɣer tmezliwt, am yizimer zdat win i t-itellsen, iggugem, ur d-inṭiq ara.
33
Ittwaḥqer, ittwakkes-as lḥeqq-is; anwa ara yeḥkun ɣef tarwa-s?
Axaṭer ittwakkes si ddunit."
34
Amexṣi-nni yenṭeq ɣer Filibus, yenna-yas: "Di leɛnaya-k, ɣef wanwa i d-yenna nnbi
ayagi? Ɣef yiman-is neɣ ɣef wayeḍ?" 35Filibus ildi imi-s dɣa yebda seg uḥric-agi
yettbeccir-as Linǧil n Yasuɛ. 36Mi teddun deg ubrid, wwḍen ɣer yiwen n umkan ideg llan
waman. Amexṣi-nni yenna: "Atnan waman. D acu ara y-iqeḍɛen ur ttwaɣḍaṣeɣ ara?"
37
Filibus yenna-yas: "Ma tumneḍ seg wul-ik merra, tzemreḍ." Amexṣi-nni yenna-yas:
"Umneɣ belli Yasuɛ Lmasiḥ, d Mmi-s n Yillu." 38Yumer ad ḥebsen akerrus-nni. Filibus
akked umexṣi-nni ṣubben di sin s aman, imiren Filibus isɣeḍṣ-it. 39Mi d-ulin seg waman,
Rruḥ n Ssid ixḍef Filibus, ixfa si gar wallen n umexṣi-nni. Amexṣi-nni ikemmel abrid-
is s lferḥ. 40Filibus yufa-d iman-is di Acdud. Deg ubrid-is, ittbeccir Linǧil di temdinin
merra iɣef yettɛeddi armi i yewweḍ ɣer Qiṣarya.
Yasuɛ iḍher-as-d i Cawul
9Cawul i mazal yettqehhir yerna ineqq inelmaden n Ssid iruḥ ɣer lmuqeddem ameqqran.
2
Issuter-as ad as-ifk tibratin i leǧwameɛ n Iyahudiyen n Dimecq, iwakken ma yufa dinna
wid i d-yewwin abrid n Lmasiḥ, d irgazen neɣ d tilawin, ad ten-id-yawi urzen ɣer
Yarucalim.
3
Deg ubrid, mi qrib ad yaweḍ ɣer Dimecq, taswiɛt kan, attaya tekka-d yiwet n tafat
yettfeǧǧiǧen seg yigenni, tezzi-yas-d yerna tɣumm-it. 4Iɣli ɣer lqaɛa, dɣa yesla i yiwet n
taɣect, teqqar-as-d: "A Cawul, a Cawul, acuɣer i yi-tettqehhireḍ?" 5Cawul yenna-yas:
"Anwa-k, a Sidi?" Winna yenna-yas-d: "Nekk, d Yasuɛ, win akken i tettqehhireḍ." 6Kker,
kcem ɣer temdint. Ad ak-d-inin ayen ilaqen ad t-txedmeḍ.
7
Irgazen yeddan yid-s ḥebsen, ggugmen: slan i taɣect-nni meɛna ur walan ḥedd. 8Cawul
ikker-d si lqaɛa; allen-is ldint meɛna ur ittwali acemma. Ṭṭfen-as afus dɣa skecmen-t ɣer
Dimecq. 9Tlata n wussan ur iwala, ur ičči, ur iswi.
10
Yuɣ lḥal, illa di Dimecq yiwen n unelmad isem-is Ḥananya. Ssid yenna-yas-d deg
uweḥḥi: "A Ḥananya!" Inna-yas: "Anɛam, a Sidi!" 11Ssid yenna-yas-d: "Kker, ruḥ s abrid
iwumi i qqaren Uqɛid. Steqsi deg uxxam n Yahuda ɣef yiwen iwumi i qqaren Cawul n
Ṭarsya. 12Atan ittẓalla, yerna iwala deg uweḥḥi yiwen n urgaz isem-is Ḥananya, i ikecmen
ɣur-s, isers ifassen-is fell-as iwakken ad yuɣal ad iwali." 13Ḥananya yerra-yas: "A Sidi,
aṭas iwumi i sliɣ heddren ɣef ccer akk i yexdem urgaz-agi i yimqeddsen-ik di Yarucalim.
14
Ula dagi, fkan-as-d tteriḥ lmuqeddmin imeqqranen, iwakken ad yarez wid merra i
ineddhen s yisem-ik." 15Meɛna Ssid yenna-yas-d: "Ruḥ! Wagi, xtareɣ-t-id i nekk, d lḥila
iwakken ad issiweḍ isem-iw i leǧnas, i yigelliden akked wat Israyil. 16Ad as-mleɣ acḥal
ara yenneɛtab ɣef yisem-iw."
17
Ḥananya iruḥ. Ikcem s axxam-nni, isers ifassen-is ɣef Cawul dɣa yenna-yas: "A cawul,
a gma! D Ssid Yasuɛ, win akken i ak-d-iḍehren deg ubrid mi d-truḥeḍ, i yi-d-iceggɛen
iwakken ad k-id-yuɣal yiẓri, yerna ad teččareḍ d Rruḥ Iqedsen." 18Imiren kan, ɣlint-d seg
wallen-is am wakken d tiqecrin, dɣa yuɣal ittwali. Ikker dɣa yettwaɣḍeṣ. 19Iddem ičča
imiren yuɣal-it-id lǧehd. Cawul iqqim kra n wussan di Dimecq netta d yinelmaden.
20
Imiren kan, ibda yettbeccir di leǧwameɛ n Iyahudiyen belli Yasuɛ d Mmi-s n Yillu.
21
Wid merra i as-isellen dehcen yerna qqaren: "Mačči d wagi i yettqehhiren di Yarucalim
wid i ineddhen s yisem-agi? iwakken ad ten-yawi urzen i lmuqeddmin imeqqranen i d-
iruḥ ɣer dagi." 22Meɛna Cawul simmal ittiǧhid; isseɛwaq Iyahudiyen i izedɣen di Dimecq,
ittbeggin-asen-d belli d Yasuɛ i d Lmasiḥ.
23
Kra n lweqt mbaɛd, mcawaren Iyahudiyen gar-asen iwakken ad t-nɣen. 24Meɛna Cawul
isla s txazabit-nsen: ttɛassan tiwwura am yiḍ am wass iwakken ad t-nɣen. 25Yiwen n yiḍ,
inelmaden ddmen-t, dɣa ṣubben-t si ṣṣur deg yiwen n uqecwal.
26
Mi yewweḍ Cawul ɣer Yarucalim, inuda ad irnu ɣer yinelmaden. Uggaden-t merra, ur
uminen ara belli netta d anelmad. 27Meɛna Bar-Naba yekker yewwi-t i yimceggɛen. Iḥka-
yasen amek i iwala Cawul Ssid deg ubrid d wamek i as-d-ihder, amek daɣen i ibeccer s
ṭṭmana s yisem n Yasuɛ di Dimecq. 28Ittruḥu yettuɣal yid-sen di Yarucalim, ihedder s
ṭṭmana s yisem n Ssid. 29Ihedder yerna yettemǧadal netta d Iyahudiyen iheddren
Tayunanit; meɛna nutni ttnadin ad t-nɣen. 30Mi slan watmaten s wayen-nni, ddmen
ṣubben-t ɣer Qiṣarya, ssyenna ceggɛen-t ɣer Ṭarsya.
31
Di Yahuda merra, di Galil akked Samarya, tamezdayt thenna. Tettimɣur yerna tettzid di
tiɣin n wawal i Ssid. S lemɛawna n Rruḥ Iqedsen, simmal tgemmu.
Buṭrus isseḥya-d Tabita
32
Mi yella Buṭrus itekk-d akk tamurt, iṣubb daɣen ɣer yimqeddsen i izedɣen di Lud.
33
Yufa dinna yiwen n urgaz isem-is Aynas; tmanya n yiseggasen netta deg wusu axaṭer d
ukrif. 34Inṭeq ɣur-s Buṭrus, yenna-yas: "Ay Aynas, Yasuɛ Lmasiḥ isseḥla-k; kker tjemɛeḍ
usu-k!" Imiren kan, ikker. 35Mi t-walan imezdaɣ merra n Lud akked Carun umnen s Ssid.
36
Di Yafu, gar yinelmaden, tella yiwet n tmeṭṭut iwumi i qqaren Tabita, yeɛni Durkas.
Txeddem aṭas n lxir, tettseddiq. 37Ussan-nni, iɣli-d fell-as lehlak dɣa temmut. Ssarden-tt
imiren sersen-tt di tɣurfet. 38Imi Lud teqreb Yafu, inelmaden slan belli Buṭrus di Lud i
yella, dɣa ceggɛen-as sin n yirgazen iwakken ad t-ḥellen ad iɛeddi ɣur-sen s lemɣawla.
39
Ikker Buṭrus iruḥ yid-sen. Mi yewweḍ, ssulin-t ɣer tɣurfet, dɣa tuǧǧal merra ruḥent ɣur-
s s yimeṭṭawen yerna sseknent-as tiqendyar akked yibrenyas i texdem Durkas mi tella yid-
sent. 40Buṭrus issufeɣ-d lɣaci merra ɣer berra, ikref tagecrirt dɣa yeẓẓul; mbaɛd yezzi ɣer
lmegget-nni, yenna-yas: "A Tabita, kker!" Teldi-d allen-is, twala Buṭrus dɣa teqqim-d ɣef
yiman-is. 41Ifka-yas afus-is, isker-itt-id. Isawel i yimqeddsen akked tuǧǧal imiren ifka-
yasen-tt tedder. 42Yafu merra tesla dɣa aṭas i yumnen s Ssid. 43Buṭrus iqqim ddeqs n
wussan di Yafu ɣer yiwen iwumi i qqaren Cimɛun, ixeddem aglim.
Kurnilyus
10Illa di Qiṣarya yiwen n urgaz isem-is Kurnilyus, d lqebṭan n meyya di terbaɛt iwumi i
qqaren: Taṭelyanit. 2Argaz-agi d lmumen, ittaggad Illu netta d uxxam-is merra. Ittseddiq
aṭas i ugdud yerna yezga yettɛenni ɣer Yillu. 3Yiwen n wass, leǧwahi n tlata n tmeddit,
iwala akken ilaq deg uweḥḥi yiwen n lmelk n Yillu i d-ikecmen ɣur-s, yenna-yas-d: "A
Kurnilyus!" 4Kurnilyus imuqel-it mliḥ, irgagi dɣa yenna-yas: "D acu, a Sidi?" Lmelk-
nni yenna-yas: "Tiẓilla-k akked ssadaqat-ik wwḍent ɣer Yillu, immekta-tent-id. 5Tura,
ceggeɛ irgazen ɣer Yafu iwakken ad ak-d-awin Cimɛun iwumi i qqaren Buṭrus. 6Atan ɣer
yiwen iwumi i qqaren Cimɛun, ixeddem aglim, axxam-is iqreb ɣer lebḥer." 7Mi iruḥ
lmelk-nni i as-d-ihedren, Kurnilyus isawel i sin seg yiqeddacen-is akked yiwen n uɛsekri
yellan d lmumen, seg wid i iqerben mliḥ ɣur-s. 8Iḥka-yasen kullec imiren iceggeɛ-iten ɣer
Yafu.
9
Azekka-nni, mi teddun deg ubrid, qrib ad awḍen ɣer temdint, Buṭrus yuli ɣer ssḍeḥ,
leǧwahi n tnac n wass, iwakken ad iẓẓal. 10Illuẓ, ibɣa ad yečč; mi llan ad as-d-ttheggin,
iruḥ leɛqel-is. 11Iwala igenni yeldi, yiwet n lḥaǧa tettṣubbu-d ɣer lqaɛa, amzun d taẓerbit
tameqqrant, tcudd si rebɛa n tɣemmar. 12Llan deg-s lḥiwan merra yesɛan rebɛa n yiḍarren,
wid ileḥḥun ɣef uɛebbuḍ akked yifrax n yigenni. 13Yiwet n taɣect tenna-yas-d: "Kker, a
Buṭrus, zlu teččeḍ!" 14Buṭrus yenna-yas: "Ala, a Sidi, di leɛmer-iw ur ččiɣ ayen ineǧsen
neɣ iɛefnen." 15Taɣect-nni tenna-yas-d i tikkelt-nniḍen: "Ayen yessazdeg Yillu, ur t-ḥesseb
ara yenǧes." 16Akken, tlata n tikkal; mbaɛd, imiren kan, lḥaǧa-nni tettwarfeɛ ɣer yigenni.
17
Mi yella Buṭrus itḥeyyer deg yiman-is, ittnadi ad ifhem aweḥḥi-nni i iwala, irgazen-nni i
d-iceggeɛ Kunilyus ɣur-s ttnadin axxam n Cimɛun, leḥqen-d ɣer tewwurt. 18Sawlen,
steqsan ma yella deg uxxam-nni i yella Cimɛun iwumi i qqaren Buṭrus. 19Buṭrus mazal
ittxemmim ɣef uweḥḥi-nni mi as-d-yenna Rruḥ Iqedsen: "Atnan tlata n yirgazen ttnadin
fell-ak." 20"Kker, ṣubb tedduḍ yid-sen; ur ttkukru acemma: d nekk i ten-id-iceggɛen."
21
Buṭrus iṣubb-d ɣer yirgazen-nni dɣa yenna-yasen: "Nekk, d win akken iɣef tettnadim; d
acu i ken-id-yewwin?" 22Nnan-as: "Nusa-d sɣur Kurnilyus, lqebṭan n meyya; d argaz
aḥeqqi i yettaggaden Illu. Lǧens n Iyahudiyen merra ttcehhiden-d fell-as s lxir. D yiwen n
lmelk imqeddes i as-d-yennan ad k-iɛreḍ s axxam-is iwakken ad isell i wayen ara as-
tiniḍ." 23Buṭrus iɛreḍ-iten dɣa yesterḥeb yid-sen. Azekka-nni, ikker idda yid-sen, rnan
ddan yid-s kra seg watmaten n Yafu.
24
Azekka-nni, wwḍen ɣer Qiṣarya. Kurnilyus illa yettraǧu-ten yerna iɛreḍ-d wid akk i as-
ittilin akked yiḥbiben-is n rruḥ. 25Mi yekcem Buṭrus, immuger-it-id Kurnilyus dɣa yeɣli
ɣer yiḍarren-is, iseǧǧed. 26Meɛna Buṭrus irfed-it-id dɣa yenna-yas: "Kker, ula d nekk, d
amdan." 27Iteddu ihedder yid-s; mi yekcem s axxam, yufa aṭas n lɣaci i d-innejmaɛen,
28
dɣa yenna-yasen: "Teẓram belli d leḥram i Uyahudi ad ixaleḍ aberrani neɣ ad t-iqerreb
ula d aqerreb. Meɛna nekk, issefhem-iyi-d Yillu belli ur ilaq ara ad ḥesbeɣ ula d yiwen
seg yimdanen yenǧes neɣ d amednus. 29Ɣef wayagi, mi yi-d-tsawlem, ur ugiɣ ara ad d-
ruḥeɣ. Ad ken-steqsiɣ ihi: Acuɣer i yi-d-tsawlem?"
30
Kurnilyus yenna-yas: "Rebɛa n wussan aya, leǧwahi n tlata n tmeddit, am tura, lliɣ
ttẓallaɣ deg uxxam-iw; atan ibedd-d zdat-i yiwen n urgaz s llebsa yettfeǧǧiǧen. 31Inna-yi-
d: 'A Kurnilyus, Illu yesla-d i tẓallit-ik yerna yemmekta-d ssadaqat-ik! 32Ceggeɛ ihi ɣer
Yafu, ad d-tsiwleḍ i Cimɛun iwumi i qqaren Buṭrus; atan deg uxxam n Cimɛun i
ixeddmen aglim, rrif n lebḥer.' 33Ɣawleɣ ihi ceggɛeɣ-ak ad d-truḥeḍ. Txedmeḍ lemliḥ mi
d-tusiḍ. Tura ihi, aql-aɣ dagi merra zdat Yillu iwakken ad nsell i wayen akk i ak-d-yumer
Yillu."
34
Buṭrus ildi imi-s inna: "Tura, rriɣ-d s lexbar s ṣṣeḥḥ: Illu ur ixeddem ara maḥyaf gar
yimdanen. 35D ṣṣeḥḥ, di yal lǧens, win i t-ittaggaden yerna iteddu s lḥeqq, meqbul ɣur-s.
36
Iceggeɛ-d awal-is i wat Israyil yerna ibeccer-asen lehna s Yasuɛ Lmasiḥ, netta yellan d
Ssid n medden merra. 37Kenwi, s timmad-nwen, teẓram tamsalt yeḍran di Yahuda merra,
tebda si Galil, mbaɛd aɣḍaṣ i yettberriḥ Yuḥenna, 38d wamek i yedhen Yillu s Rruḥ
Iqedsen akked tezmert Yasuɛ Anaṣari. Ikka-d akk tamurt, ixeddem lxir yerna yesseḥlay
widak merra i yellan ddaw leḥkem n Cciṭan. Illu yella yid-s. 39Aql-aɣ d inagan n wayen
akk i yexdem di tmurt n Iyahudiyen akked Yarucalim. Ɛellqen-t ɣef usɣar, nɣan-t. 40Illu
yesseḥya-t-id ass wis tlata; yerna yefka-yas ad d-issebgen iman-is ɛinani, 41mačči i
ugdud merra, meɛna i yinagan i yextar Yillu si tazwara: i nekni i yeččan, i yeswan yid-s
mbaɛd mi d-iḥya si gar lmeggtin. 42Yumer-aɣ-d ad t-nbeccer i ugdud yerna ad d-ncehhed

belli d netta i yesbedd Yillu ad iḥaseb lḥeggtin akked lmeggtin. 43Lanbeyya merra cehden-
d fell-as belli kra n win yumnen yis-s, s yisem-is, ad as-ttwaɛfun ddnubat-is."
44
Mazal Buṭrus ihedder, mi d-iṣubb Rruḥ Iqedsen ɣef wid merra i yellan ttḥessisen i
wawal. 45Lmumnin iḍehren, widak-nni merra i irufqen Buṭrus dehcen imi tukci n Rruḥ
Iqedsen temmar-d ula ɣef wat leǧnas. 46Axaṭer slan-asen heddren s tutlayin yerna
ttḥemmiden Illu. 47Imiren inṭeq Buṭrus, inna: "Illa win izemren ad iqḍeɛ aɣḍaṣ deg waman
i wigi? Ittunefk-asen-d Rruḥ Iqedsen am nekni." 48Yumer ad ten-sɣeḍṣen s yisem n Yasuɛ
Lmasiḥ. Mbaɛd ḥellen-t ad iqqim yid-sen kra n wussan.
Buṭrus issefhem i lmumnin Iyahudiyen ayen yeḍran
11Imceggɛen akked watmaten i yellan di Yahuda slan belli ula d wat leǧnas setreḥben s
wawal n Yillu. 2Mi yuli Buṭrus ɣer Yarucalim, lmumnin iḍehren kkren-d ɣur-s, 3nnan-as:
"Tkecmeḍ ɣer yirgazen ur neḍhir ara yerna teččiḍ yid-sen!"
4
Dɣa yebda Buṭrus iḥka-yasen kullec yiwet yiwet. Inna-yasen: 5"Lliɣ ttẓallaɣ di temdint n
Yafu; taswiɛt kan iruḥ leɛqel-iw, dɣa walaɣ deg uweḥḥi yiwet n lḥaǧa amzun d taẓerbit
tameqqrant tettṣubbu-d ɣur-i seg yigenwan yerna tcudd si rebɛa n tɣummar, tewweḍ-d
armi d ɣur-i. 6Reṣṣaɣ allen-iw ɣef tẓerbit-nni, sneqdeɣ-tt mliḥ dɣa walaɣ lḥiwan yesɛan
rebɛa n yiḍarren, lewḥuc n teẓgi, wid ileḥḥun ɣef uɛebbuḍ akked yifrax n yigenni; 7yerna
sliɣ i yiwet n taɣect i yi-d-yennan: 'Kker, a Buṭrus, zlu teččeḍ.' 8Nniɣ-as: 'Ala, a Sidi,
leɛmer yekki imi-w wayen ineǧsen neɣ iɛefnen.' 9Taɣect-nni tenṭeq-d ɣur-i tikkelt-nniḍen
seg yigenni, tenna-yi-d: 'Ayen i yessazdeg Yillu, ur t-ḥesseb ara yenǧes.' 10Akken tlata n
tikkal, mbaɛd kullec yuli, yuɣal ɣer yigenni. 11Di teswiɛt-nni kan, leḥqen-d tlata n
yirgazen s axxam-nni anda i lliɣ; ttwaceggɛen-d ɣur-i si Qiṣariya. 12Rruḥ Iqedsen yenna-
yi-d ad ruḥeɣ yid-sen mebla lehdur. Ula d setta watmaten-agi ddan yid-i dɣa nruḥ nekcem
s axxam n urgaz-nni. 13Iḥka-yaɣ-d amek i iwala lmelk ikcem-d s axxam-is, yenna-yas:
'Ceggeɛ kra n yirgazen ɣer Yafu ad ak-d-awin Cimɛun iwumi i qqaren Buṭrus. 14Ad ak-d-
yini kra n lehdur s wacu ara tettwasellkeḍ, s kečč s uxxam-ik merra.' 15Akken i bdiɣ
lhedra, Rruḥ Iqedsen iṣubb-d fell-asen, akken i d-iṣubb fell-aɣ tazwara. 16Dɣa mmektaɣ-d
d wawal i d-yenna Ssid: 'Yuḥenna isseɣḍaṣ deg waman, meɛna kenwi, ad tettwaɣeḍṣem di
Rruḥ Iqedsen.’ 17Ihi, ma yella yiwet n tukci i d-ifka Yillu, ama i nutni, ama i nekni i
yumnen s Ssid Yasuɛ Lmasih, d acu-yi, nekk, iwakken ad qamreɣ Illu?"
18
Mi slan i wayen-nni, ssusmen dɣa bdan ttḥemmiden Illu, qqaren: "Ula d At leǧnas, Illu
yefka-yasen-d ttuba i tudert."
Tamezdayt n Antyukya
19
Widak-nni i yemzerbaɛen seg uqehher i d-iɣlin si tedyant-nni n Stifanus ruḥen armi d
Finiqya, Qubrus akked Antyukya. Ur ttbecciren ula i yiwen awal, siwa i Yiyahudiyen.
20
Meɛna, llan gar-asen kra n yirgazen n Qubrus akked Qirwan, i d-iruḥen ɣer Antyukya,
heddren daɣen i Yiyunaniyen,ttbecciren-asen Ssid Yasuɛ. 21Afus n Ssid yezga fell-asen;
aṭas i yumnen, i d-yuɣalen ɣer Ssid.
22
Lexbar-nsen iwweḍ tamezdayt yellan di Yarucalim; ceggɛen Bar-Naba ɣer Antyukya.
23
Mi yewweḍ ɣer dinna, iwala lemzeyya n Yillu dɣa yefreḥ aṭas yerna iweṣṣa-ten merra
ad ṭṭfen seg wul di Ssid Yasuɛ. 24D argaz lɛali, iččur d Rruḥ iqedsen akked liman. D
ahdum n lɣaci i d-irnan ɣer Yasuɛ.
25
Bar-Naba iruḥ ɣer Ṭarsya iwakkenad inadi ɣef Cawul. 26Mi t-yufa, yewwi-t ɣer
Antyukya. Aseggas kamel, nutni ttnejmaɛen di tmezdayt, sselmaden aṭas n lɣaci. Di
Antyukya i ttusemman yinelmaden i tikkelt tamezwarut: Imasiḥiyen.
27
Ussan-nni, ṣubben kra n lanbeyya si Yarucalim ɣer Antyukya. 28Yiwen deg-sen, isem-
is Ḥagabus; ikker, icar-d s Rruḥ Iqedsen belli ad d-yili yiwen llaẓ d aqesḥan di tmurt
merra. Iɣli-d di lweqt n Klawdyus. 29Inelmaden msefhamen ad ceggɛen ayen iwumi
yezmer yal yiwen, iwakken ad ɛiwnen atmaten izedɣen di Yahuda. 30Xedmen akken;
ddmen ayen akken i d-ijemɛen dɣa ceggɛen-t i yimeqqranen n Yarucalim s ufus n Bar-
Naba akked Cawul.
Buṭrus di lḥebs
12Di lweqt-nni, agellid Hirudus irfed afus-is ɣer kra n yiɛeggalen n tmezdayt iwakken ad
ten-iqehher. 2Inɣa s ujenwi Yeɛqub, gma-s n Yuḥenna. 3Mi iwala belli d ayen i iɛeǧben i
Yiyahudiyen, ikemmel iṭṭef Buṭrus deg wussan n lɛid n yiɣerman ur nesɛi iɣes n temtunt.
4
Mi t-iṭṭef, irra-t ɣer lḥebs yerna yesbedd-as taɛessast n rebɛa n trebbaɛ n lɛesker, yal
tarbaɛt deg-s rebɛa n yiɛsekriwen. Ibɣa ad t-icareɛ zdat lɣaci mbaɛd lɛid n Usuref. 5Ǧǧan
ihi Buṭrus di lḥebs s tɛessast; meɛna tamezdayt ur teḥbis ara aḥellel deg Yillu fell-as.
Tuffɣa n Buṭrus si lḥebs
6
Deg yiḍ-nni, uqbel ad t-isɛeddi Hirudus di ccraɛ, Buṭrus illa yeṭṭeṣ gar sin n yiɛsekriwen
yerna yurez s snat n ssnasel. Iɛessasen ɛussen zdat tewwurt n lḥebs. 7Iḍehr-d yiwen n
lmelk n Ssid, dɣa tecceɛceɛ yiwet n tafat di lḥebs. Lmelk-nni yewwet Buṭrus ɣer yidis,
isker-it-id dɣa yenna-yas: "Ɣiwel kker!" Dɣa ssnasel-nni ɣlint seg yifassen-is. 8Lmelk-nni
yenna-yas: "Bges telseḍ arkasen-ik." Dɣa yexdem akken. Inna-yas daɣen: "Sburr s
ubernus-ik, tbeɛ-iyi-d." 9Buṭrus iffeɣ itbeɛ-it; ur d-irri ara s lexbar belli ayen i as-ixeddem
lmelk-nni d ṣṣeḥḥ, yiɣil d aweḥḥi i iwala. 10Ɛeddan ɣef tɛessast tamezwarut akked tis snat;
mi wwḍen ɣer tewwurt n wuzzal i yettawin ɣer temdint teldi weḥd-s zdat-sen dɣa ffɣen
ɣer berra. Mi wwḍen ɣer yiwet n tezniqt, taswiɛt kan, lmelk-nni iɣab gar wallen n Buṭrus.
11
Mi d-irra s lexbar Buṭrus, inna: "Tura tḥeqqeɣ belli Ssid iceggeɛ-d lmelk-is. Issukkes-
iyi-d seg ufus n Hirudus akked wayen i ttraǧun Iyahudiyen." 12Mi d-irra s lexbar anda
yella, iruḥ s axxam n Meryem, yemma-s n Yuḥenna iwumi i qqaren Marqus, anda i
nnejmaɛen aṭas n watmaten ttẓallan. 13Isqerbeb ɣef tewwurt n ufrag. Yiwet n tqeddact
tilemẓit, isem-is Rudi, tqerreb iwakken ad tesmeḥses. 14Mi teɛqel taɣect n Buṭrus, si lferḥ-
nni, ur as-teldi ara tawwurt, meɛna tuzzel ɣer daxel iwakken ad ten-txebber belli Buṭrus
atan ɣer tewwurt n ufrag. 15Nutni nnan-as: "Thebleḍ!" Meɛna nettat teṭṭef deg wawal-is,
tenna: "Akka i yella lḥal!" Nutni nnan-as: "D lmelk-is!" 16Meɛna Buṭrus ikemmel
asqerbeb. Mi as-d-ldin tawwurt walan-t dɣa xelɛen. 17Buṭrus iwehha-yasen s ufus-is ad
ssusmen; imiren iḥka-yasen amek i t-id-issufeɣ Ssid si lḥebs. Inna-yasen: "Ruḥet xebbret
s wayagi Yeɛqub akked watmaten-nniḍen." Imiren iffeɣ iruḥ s amkan-nniḍen.

18
Mi yuli wass, iɛsekriwen merra yeffeɣ-iten leɛqel, qqaren: "D acu i yeḍran d Buṭrus."
19
Hirudus iceggeɛ ad t-id-nadin, meɛna ur t-yufi ara. Ibeḥḥet iɛessasen-nni, mbaɛd yefka
lamer ad ten-nɣen. Buṭrus iṣubb si Yahuda ɣer Qiṣarya dɣa yeqqim dinna.
Lmut n Hirudus
20
Hirudus irfa mliḥ ɣef wat Ṣur akked wat Ṣidun. Mtafaqen gar-asen dɣa ruḥen ɣer
Hirudus. Mbaɛd mi qenɛen Blastus, lewkil n texxamt n ugellid, ssutren lehna, axaṭer
tamurt-nsen tɛac si tgelda. 21Mi d-iwweḍ wass lmeɛlum, Hirudus ilsa llebsa n ugellid,
iqqim ɣef ukersi n leḥkem dɣa yexdem-asen-d lxeṭba. 22Agdud ittɛeggiḍ: "D taɣect n
urebbit, mačči n umdan!" 23Imiren kan, iwet-it-id lmelk n Ssid, axaṭer ur iɛuzz ara Illu;
ičča-t uwekkiw, immut.
24
Awal n Yillu yettnerni, ittfukti. 25Bar-Naba akked Cawul uɣalen mi kfan ccɣel-nsen di
Yarucalim. Wwin yid-sen Yuḥenna iwumi i qqaren Marqus.
Bulus akked Bar-Naba ttwaɛezlen-d i ubeccer
13Llan di tmezdayt n Antyukya lanbeyya akked yiselmaden: Bar-Naba, Cimɛun iwumi i
qqaren Akeḥluc, Lukyus n Qirwan, Manaḥim i d-itturebban netta d lḥakem Hirudus,
akked Cawul. 2Mi llan ttɛebbiden Ssid yerna uẓamen, Rruḥ Iqedsen yenna-d: "Ɛezlet-iyi-
d Bar-Naba akked Cawul i ccɣel-nni iɣer sen-d-sawleɣ." 3Mbaɛd mi uẓamen yerna
ẓẓullen, sersen fell-asen ifassen-nsen dɣa ǧǧan-ten ad ruḥen. 4Bar-Naba akked Cawul, i
iceggeɛ Rruḥ Iqedsen, ṣubben ɣer Salukya; ssyenna, ṭṭfen lbabur ɣer Qubrus.
Di Qubrus
5
Mi wwḍen ɣer Salamis, beccren awal n Yillu di leǧwameɛ n Iyahudiyen. Yuḥenna
yettɛawan-iten. 6Zegren tigzirt-nni merra armi d Bafus. Ufan dinna yiwen akken n urgaz,
d aseḥḥar, d nnbi n lekdeb, d Ayahudi, isem-is Bar-Yacuɛ. 7Illa netta d Sargyus Bulus,
yellan d lḥakem yerna d argaz ufhim. Argaz-agi isawel i Bar-Naba akked Cawul, axaṭer
ibɣa ad isel i wawal n Yillu. 8Meɛna Ilimas aseḥḥar, d wagi i d lmeɛna n yisem-is, iqumer-
iten; ittnadi ad issefreɣ lḥakem-nni ɣef liman. 9Imiren, Cawul iwumi i qqaren daɣen
Bulus, yeččuren d Rruḥ Iqedsen, ireṣṣa deg-s allen-is dɣa yenna-yas: 10"A win yeččuren d
tiddas, ay aḥraymi, a mmi-s n Cciṭan, ay aɛdaw n kra yellan d lḥeqq, ur tḥebbseḍ ara
aseɛwej n yiberdan iṣegmen n Ssid? 11Tura ad k-id-iwet ufus n Ssid: ad tedreɣleḍ, ur
tettwaliḍ ara iṭij alamma d lweqt lmeɛlum." Imiren kan, ṭṭlam akked leɣmam ɣlin-d fell-
as; isderduf, ittnadi anwa ara as-iṭṭfen afus. 12Mi iwala lḥakem-nni ayen yeḍran yumen
axaṭer itɛeǧǧeb deg uselmed n Ssid.
13
Bulus akked yirfiqen-is ṭṭfen lbabur ɣer Bafus dɣa wwḍen ɣer Barga yellan di Bamfilya;
meɛna Yuḥenna yemfaraq yid-sen dɣa yuɣal ɣer Yarucalim.
Di Antyukya n Bisidya
14
Si Barga kemmlen abrid-nsen armi i wwḍen ɣer Antyukya n Bisidya. Kecmen ɣer
ufakan n Iyahudiyen deg wass n usteɛfu, qqimen. 15Mbaɛd mi d-ɣran ccariɛa akked
lanbeyya, imeqqranen n ufakan-nni ceggɛen-asen, nnan-asen: "Ay atmaten, ma tesɛam
kra n umeslay swayes ara tesǧehdem agdud, init-tt-id." 16Bulus ikker, iwehha-yasen s ufus
dɣa yenna: "Ay irgazen n Israyil, a kenwi yettaggaden Illu, ḥesset-d! 17Illu n ugdud-agi n
Israyil ixtar lejdud-nneɣ; issaɛli agdud-is mi akken i yella di tmurt n Maṣer. Iẓẓel-d iɣil-is,
issufeɣ-iten-id ssyenna. 18Iɛeggec-iten deg uneẓruf azal n rebɛin n yiseggasen. 19Issenger
sebɛa n leǧnas di tmurt n Kanɛan, yerna ifreq-asen tamurt-nsen d lwert: ayagi merra
yekka azal n rbeɛ meyya uxemsin n yiseggasen. 20Mbaɛd ayagi, ifka-yasen-d inezzurfa
armi d nnbi Camwil. 21Mbaɛd, ssutren agellid. Illu yefka-yasen-d Cawul, mmi-s n Qic,
yiwen n urgaz si lɛerc n Binyamin, iḥkem-iten rebɛin n yiseggasen. 22Mbaɛd, ikkes-it dɣa
yesbedd-asen Dawed d agellid, win akken iɣef i d-icehhed, yenna-d: 'Ufiɣ Dawed, mmi-s
n Icay, d argaz i yebɣa wul-iw; ad ixdem ayen akk i bɣiɣ.' 23Si tarwa n Dawed, akken i
yewɛed Yillu, i d-issufeɣ amsellek i Israyil: d Yasuɛ. 24Uqbel ad d-yas, Yuḥenna iberreḥ s
uɣḍaṣ n ttuba i ugdud merra n Israyil. 25Mi yekfa Yuḥenna ccɣel-is, inna: 'Nekk, mačči d
win akken i tɣilem. Meɛna atan ad d-yas yiwen deffir-i, ur uklaleɣ ara ad fsiɣ ula d
arkasen-is.'
26
Ay atmaten, a ccetla n Abraham, a kenwi yettaggaden Illu, i nekni iwumi i d-ittunefk
wawal n leslak-agi. 27Imezdaɣ n Yarucalim akked yimeqqranen-nsen ur t-ɛqilen ara; s
uḥkam i ḥekmen fell-as, xedmen ayen akken i d-nnan lanbeyya i neqqar yal ass n usteɛfu.
28
Ɣas akken ur as-d-ssukksen acemma yuklalen lmut, ssutren i Bilaṭus ad t-ineɣ. 29Mi
xedmen ayen akk yuran fell-as, ṣubben-t-id seg usɣar, sersen-t deg uẓekka. 30Meɛna Illu
yesseḥya-t-id si gar lmeggtin. 31Iḍehr-d aṭas n wussan i widak-nni i d-yulin yid-s si tmurt
n Galil ɣer Yarucalim. Atnan tura d inagan-is zdat ugdud. 32Ula d nekni, nettbeccir-awen
belli ayen akken i yewɛed Yillu i lejdud-nneɣ, 33ixdem-it i nekni yellan d tarwa-nsen, mi
d-isseḥya Yasuɛ, akken yura deg uhellil wis sin: 'Kečč, d mmi; nekk sɛiɣ-k-id ass-a.'
34
Isseḥya-t-id si gar lmeggtin, win akken ur d-tewwi ara ad yuɣal ad irku; akka i d-yenna:
'Si Dawed, ad awen-d-fkeɣ ayen iqedsen, iṣeḥḥan.' 35Ɣef wayagi i d-yenna daɣen anda-
nniḍen: 'Ur tettɛemmideḍ ara ad irku Umqeddes-ik.' 36Di lweqt-is, Dawed ixdem leqsed n
Yillu; mbaɛd iṭṭeṣ, yerna ɣer lejdud-is, irka. 37Meɛna win akken i d-isseḥya Yillu, winna ur
irki ara. 38Ihi, ay atmaten, ḥṣut s wayagi: yis-s i awen-ittwabeccer leɛfu n ddnubat. 39Kra n
win yumnen ittuzekka yis-s seg wayen akk ur tezmirem ara ad tettuzekkim s ccariɛa n
Musa. 40Ɣur-wat ihi ad awen-iḍru wayen i d-nnan lanbeyya:
41
'Walit, ay iḥeqqaren, dehcet tɣabem!
Nekk ad xedmeɣ yiwen n ccɣel di lweqt-nwen, yiwen n ccɣel ur tettamnem ara, lemmer
ad awen-d-iḥku walbaɛḍ fell-as'."
42
Mi d-ffɣen, ḥellen-t ad asen-d-iɛiwed lehdur-nni ass n usteɛfu i d-iteddun. 43Mi yefra
unejmaɛ, aṭas n Iyahudiyen akked lmumnin i ikecmen ddin n Iyahudiyen tebɛen Bulus
akked Bar-Naba i asen-ihedren yerna qenɛen-ten ad ṭṭfen di nneɛma n Yillu.
44
Mi d-izzi wass n usteɛfu, qrib tamdint merra i d-innejmaɛen iwakken ad slen i wawal n
Ssid. 45Meɛna mi walan Iyahudiyen lɣaci-nni, ččuren d tismin, dɣa ttqamaren yerna
ttjeddiren deg wayen i d-iqqar Bulus. 46Imiren Bulus akked Bar-Naba nnan-asen s leɛyaḍ:
"D kenwi qbel iwumi i d-tewwi ad awen-ittubeccer wawal n Yillu. Meɛna imi i t-tugim
yerna d kenwi, s timmad-nwen, i yettwalin belli ur tuklalem ara tudert n dayem, aql-aɣad
nezzi ɣer leǧnas. 47Axaṭer akka i aɣ-t-id-yumer Ssid: 'Sbeddeɣ-k d tafat i leǧnas, iwakken
ad tiliḍ d leslak alamma d lqern n ddunit.'"
48
Mi slan, leǧnas ferḥen dɣa ttḥemmiden awal n Ssid; wid akk yettuheggan i tudert n
dayem umnen. 49Awal n Ssid yuɣ-d tamurt merra. 50Meɛna Iyahudiyen sḥercen-d kra n
tlawin mechuren, yettɛebbiden Illu, akked yimeqqranen n temdint; sseɣlin-d leqher ɣef
Bulus akked Bar-Naba dɣa telfen-ten berra n tmurt-nsen. 51Bulus akked Bar-Naba zwin
fell-asen aɣebbar seg yiḍarren-nsen, dɣa ruḥen ɣer Ikunyun. 52Inelmaden ččuren d lferḥ
akked Rruḥ Iqedsen.
Di Ikunyun
14 Di Ikunyun, Bulus akked Bar-Naba kecmen daɣen ɣer ufakan n Iyahudiyen. Hedren
dinna, dɣa d ahdum n Iyahudiyen akked Iyunaniyen i yumnen. 2Meɛna Iyahudiyen ur
nettwaqenneɛ ara sḥercen-d wat leǧnas ɣef watmaten yerna sxeṣren-asen lxaṭer-nsen fell-
asen. 3Qqimen dinna kra n lweqt, ttkemmilen heddren s ṭṭmana ɣef Ssid i d-ittcehhiden
ɣef wawal n rreḥma-s, s tukci i asen-d-ifka ad xeddmen limarat akked leɛǧayeb s
yifassen-nsen. 4Lɣaci n temdint bḍan: kra ddan d Iyahudiyen, wiyaḍ d yimceggɛen. 5At
leǧnas akked Iyahudiyen nutni d imeqqranen-nsen kkren-d ɣur-sen iwakken ad tɛeddin
fell-asen yerna ad ten-rejmen. 6Mi slan, Bulus akked Bar-Naba rewlen ɣer temdinin n
Likawnya, Listra, Darba akked tmura n leǧwahi-nni. 7Ttbecciren dinna Linǧil.
Di Listra
8
Di Listra, illa yiwen n urgaz, d aɛiban n yiḍarren; d ukrif si tɛebbuḍt n yemma-s, leɛmer
yelḥi. 9Ittḥessis i Bulus mi ihedder; bulus ireṣṣa allen-is deg-s dɣa iwala belli yesɛa liman
iwakken ad ittwasellek. 10Inna-yas s ṣṣut ɛlayen: "Kker ɣef yiḍarren-ik, bedd!" Argaz-nni
iǧelleb dɣa yebda ileḥḥu. 11Lɣaci walan ayen yexdem Bulus, ɛeggḍen dɣa nnan s
tlikawnyit: "Irebbiten ṣubben-d ɣur-neɣ s ṣṣifa n umdan!" 12Semman i Bar-Naba Zas, i
Bulus Hirmas, axaṭer d netta i iheddren. 13Lmuqeddem n Zas yellan ɣer tewwurt n
temdint yewwi-d izgaren akked yizurar n yijeǧǧigen ɣer tewwura; ibɣa, netta d lɣaci, ad
ifk asfel. 14Meɛna mi slan, imceggɛen Bar-Naba akked Bulus cerrgen llebsa-nsen, uzzlen
ɣer lɣaci, ttɛeggiḍen: 15"Ay irgazen, acuɣer i txeddmem akka? Ula d nekni d imdanen,
nettwaxdem am kenwi. Nettbeccir-awen Linǧil iwakken ad texḍum i lmeṣnuɛat-nwen ur
nesɛi lmeɛna, ad d-tuɣalem ɣer Yillu yeddren, i ixedmen igenni, lqaɛa, lebḥer akked
wayen akk yellan deg-sen. 16Di leǧyal iɛeddan, Illu-agi yegga leǧnas merra tebɛen abrid-
nsen. 17Meɛna, izga ibeggen-d iman-is s leḥsan i ixeddem: ittak-awen-d ageffur seg
yigenni, lefṣul iṣaben, ittkettir-awen-d lqut yerna yettaččar ulawen-nwen d lferḥ." 18Mi d-
nnan lehdur-agi ur asen-qḍiɛen ara ad asen-fken asfel armi i ṛwan lḥif. 19Ruḥen-d si
Antyukya akked Ikunyun kra n Iyahudiyen, qennɛen lɣaci, dɣa ruḥen rejmen Bulus yerna
ẓẓuɣren-t berra n temdint, axaṭer ɣilen-t immut. 20Meɛna inelmaden nnejmaɛen-d ɣur-s;
ikker dɣa yekcem ɣer temdint. Azekka-nni, iffeɣ netta d Bar-Naba ɣer Darba.
Tuɣalin ɣer Antyukya
21
Beccren Linǧil di temdint-nni. Mbaɛd mi rran aṭas d inelmaden, uɣalen ɣer Listra,
Ikunyun akked Antyukya. 22Sǧehden ulawen n yinelmaden yerna nhan-ten ad ṭṭfen di
liman, qqaren-asen: "S waṭas n leɛtab ara nekcem tagelda n Yillu." 23Sbedden-asen
imeqqranen di yal tamezdayt; ẓẓullen, uẓamen, imiren rran-ten gar yifassen n Ssid swayes
i umnen.
24
Mbaɛd ɛeddan ɣef Bisidya, ruḥen ɣer Bamfilya. 25Beccren awal di Barga, imiren ṣubben
ɣer Atalya. 26Syenna ṭṭfen lbabur ɣer Antyukya anda akken i ten-wekklen i nneɛma n
Yillu ɣef ccɣel-nni i xedmen. 27Mi wwḍen, snejmaɛen-d akk tamezdayt, dɣa ḥkan-d ayen
akk i yexdem Yillu yis-sen, d wamek i yeldi i leǧnas tawwurt n liman. 28Mačči cwiṭ i
qqimen dinna nutni d yinelmaden.
Amǧadel ɣef ṭṭhara
15 Ṣubben kra n yirgazen si Yahuda. Sselmaden atmaten, qqaren: "Ma ur teḍhirem ara,
akken yella di lɛadda n Musa, ur tezmirem ara ad tettwasellkem." 2Ikker wawal akked
umǧadel mačči d kra gar yirgazen-nni akked Bulus d Bar-Naba. Atmaten ṭṭfen leqsed ad
ceggɛen Bulus, Bar-Naba akked kra-nniḍen seg-sen ɣer Yarucalim, ɣer yimceggɛen
akked yimeqqranen ɣef temsalt-nni. 3Mbaɛd mi asen-tefka tmezdayt ayen i asen-ilaqen,
ruḥen ɛeddan ɣef Finiqya akked Samarya, ḥekkun s ttfaṣil ɣef liman n wat leǧnas.
Sferḥen atmaten merra. 4Mi wwḍen ɣer Yarucalim, tamezdayt, imceggɛen akked
yimeqqranen setreḥben yis-sen. Ḥkan-asen ayen akk i yexdem Yillu yis-sen. 5Meɛna kra
si terbaɛt n Ifarisiyen i yumnen kkren, nnan: "Ilaq ad ḍehren yerna ad nḥettem fell-asen ad
ḥerzen ccariɛa n Musa."
6
Imceggɛen akked yimeqqranen nnejmaɛen iwakken ad walin tamsalt-nni. 7Dɣa yekker
yiwen n umǧadel, d ameqqran. Buṭrus ikker, yenna-yasen: "Ay atmaten, teẓram belli, si
tazwara, Illu yexṭar ad slen leǧnas seg yimi-w i wawal n Linǧil yerna ad amnen. 8Illu,
yessnen ulawen, iqbel-iten mi asen-d-ifka Rruḥ Iqedsen, akken i t-id-ifka i nekni. 9Ur
ixdim ara lxilaf gar-aɣ yid-sen; iṣeffa ulawen-nsen s liman. 10Tura ihi, acuɣer i tettjerribem
Illu, tebɣam ad terrem i yinelmaden azaglu ɣef temgerḍt, azaglu-nni ur nessaweḍ ara ad t-
nbibb, la nekni la lejdud-nneɣ? 11Meɛna s nneɛma n Yasuɛ i numen belli nettwasellek
akken i ttwasellken nutni."
12
Tamezdayt merra tessusem. Ttḥessisen i Bar-Naba akked Bulus ḥekkun-d limarat akked
leɛǧayeb i yexdem Yillu yis-sen di tlemmast n leǧnas. 13Mi kfan awal, Yeɛqub inṭeq, inna:
"Ay atmaten, ḥesset-iyi-d! 14Cimɛun iḥka-d amek, di tazwara, Illu idla-d ɣef yiwen n
ugdud, ikkes-it-id si gar leǧnas i yisem-is. 15Ayagi yedda d lehdur-nni i d-nnan lanbeyya,
akken yura:
16
'Mbaɛd ayagi, ad d-uɣaleɣ, ad ɛiwdeɣ lebni i uqiḍun n Dawed yeɣlin; ad ɛiwdeɣ lebni i
yixerban-is, ad t-sbeddeɣ.
17
Imiren imdanen ara d-iqqimen ad nadin ɣef Ssid, nutni d leǧnas merra iɣef yendeh
yisem-iw, i d-yenna Ssid i ixedmen lecɣal-agi, 18Swayes yeɛlem si lebda.'
19
Akken i ttwaliɣ, nekkini, ur ilaq ara ad nceṭṭen At leǧnas i d-izzin ɣer Yillu. 20Meɛna ad
asen-naru kan ad xḍun i lmeṣnuɛat imeɛfan, i lɛar, i lḥiwan yemmureḍṣen akked
yidammen. 21Axaṭer si leqdim n zzman, Musa yesɛa di yal tamdint wid i t-ittberriḥen,
qqaren-t di leǧwameɛ, yal ass n usteɛfu."
Tabrat n tmezdayt n Yarucalim
22
Imiren imceggɛen akked yimeqqranen, nutni d tmezdayt merra, walan belli d ṛṛay yelhan
ad d-xtiren si gar-asen kra n yirgazen ara ceggɛen ɣer Antyukya nutni d Bulus akked Bar-
Naba: Yahuda, iwumi i qqaren Bar-Saba, akked Silas, yellan d irgazen i d-yufraren gar
watmaten. 23Uran s ufus-nsen: "Sɣur watmaten-nwen imceggɛen akked yimeqqranen, i
watmaten n wat leǧnas yellan di Antyukya, di Surya akked Kilikya. Sslam fell-awen.
24
Imi i nesla belli kra sɣur-neɣ ruḥen-n iwakken ad ken-cewwlen yerna ad rwin lexwaṭer-
nwen s lehdur-nsen, yili ur ten-nwekkel ara, 25nemcawar dɣa nwala belli ad d-nextir kra n
yirgazen ara awen-n-nceggeɛ nutni d Bar-Naba akked Bulus, imeɛzuzen-nneɣ. 26Irgazen-
agi sebblen tirwiḥin-nsen ɣef yisem n Ssid-nneɣ Yasuɛ Lmasiḥ. 27Aql-aɣ nceggeɛ-awen
Yahuda akked Silas; d nutni ara awen-d-yinin ayagi s yimawen-nsen. 28Rruḥ Iqedsen
akked nekni nwala belli ur ilaq ara ad awen-nesbibb ayen-nniḍen, siwa ayen akka
iwulmen: 29Ad texḍum i yikesman yettunefken d asfel i lmeṣnuɛat, i yidammen, i lḥiwan
yemmureḍṣen akked lɛar. D ayen yelhan ma tḥudrem iman-nwen seg wayagi. Qqimet di
lehna."
30
Imiren irgazen-nni ttwaceggɛen. Mi wwḍen ɣer Antyukya, snejmaɛen-d tamezdayt dɣa
fkan-asen tabrat-nni. 31Ɣran-tt-id dɣa ferḥen aṭas axaṭer tesseǧhed-iten. 32Yahuda akked
Silas, yellan ula d nutni, d lanbeyya, nhan-ten yerna sǧehden-ten s waṭas lehdur .
33
Qqimen dinna kra n lweqt, mbaɛd serrḥen-asen watmaten ad uɣalen di lehna ɣer wid
i ten-id-iceggɛen. 34Meɛna Silas iɛǧeb-as ad iqqim dinna. 35Bulus akked Bar-Naba
qqimen di Antyukya, sselmaden yerna ttbecciren, nutni d waṭas-nniḍen, Linǧil n Ssid.
Bulus akked Bar-Naba mfaraqen
36
Kra n wussan mbaɛd, Bulus yenna i Bar-Naba: "Yya ad nuɣal s atmaten-nneɣ yellan di
temdinin anda i nbeccer awal n Ssid; ad nwali amek i ttilin." 37Bar-Naba yebɣa ad awin
yid-sen Yuḥenna iwumi i qqaren Marqus. 38Meɛna Bulus ur iwufeq ara ad awin yid-sen
win akken i ten-iǧǧan di Bamfilya, yerna ur itekki ara yid-sen di ccɣel-nsen. 39Seg
wakken i mserfan mliḥ, mfaraqen, yal yiwen iruḥ deg ubrid-is. Bar-Naba yewwi Marqus
dɣa yeṭṭef lbabur ɣer Qubrus. 40Bulus ixtar Silas dɣa yeffeɣ, mbaɛd mi t-wekklen
watmaten i nneɛma n Ssid. 41Iɛedda ɣer Surya akked Kilikya anda i yesseǧhed
timezdayin.
Bulus yewwi Timutawus ad iqdec yid-s

16Mbaɛd, Bulus iruḥ ɣer Darba akked Listra. Illa dinna yiwen n unelmad isem-is
Timutawus; d mmi-s n yiwet n tyahudit yumnen, baba-s, d Ayunani. 2Atmaten n Listra
akked Ikunyun ttcehhiden-d fell-as s lxir. 3Bulus ibɣa ad t-yawi yid-s. Iddem-it dɣa
yesseḍher-as ɣef ddemma n Iyahudiyen yettilin dinna, axaṭer ẓran akk belli baba-s d
Ayunani. 4Mi ttɛeddin ɣer temdinin, ttweṣṣin atmaten ad ḥerzen lumur i d-ssufɣen
yimceggɛen akked yimeqqranen di Yarucalim. 5Timezdayin ttimɣurent di liman;
ttfuktint seg wass ɣer wass.
Aweḥḥi n Bulus
6
Ɛeddan ɣer Frigya akked tmurt n Galatya, axaṭer Rruḥ Iqedsen iqḍeɛ-asen ad beccren
Linǧil di Asya. 7Mi wwḍen ɣer Misya, heggan ad ruḥen ɣer Bitinya; meɛna Rruḥ n Yasuɛ
ur asen-iɛemmed ara. 8Ɛeddan ɣef Misya dɣa ṣubben ɣer Truwas. 9Deg yiḍ, Bulus iwala
deg uweḥḥi yiwen n urgaz, d Amakduni, ibedd yerna ittḥellil-it, iqqar-as: "Ɛeddi-d ɣer
Makdunya, ɛin-aɣ." 10Mbaɛd mi iwala aweḥḥi-nni, imiren kan, nnuda amek ara nruḥ ɣer
Makdunya: neẓra belli Illu isawel-aɣ-d ad nruḥ ad nbeccer dinna Linǧil.
Di Filibus
11
Si Truwas, nezger lebḥer, nruḥ qbala ɣer Samutraki, azekka-nni, ɣer Niyabulis.
12
Syenna nruḥ ɣer Filibus, tamdint tameqqrant n temnaḍt n Makdunya, i yesteɛmer
Rruman. Nesɛedda kra n wussan di temdint-nni. 13Ass n usteɛfu, neffeɣ berra n temdint,
nruḥ ɣer rrif n wasif, anda i nɣil ad yili umkan n tẓallit. Neqqim, nehder i tlawin
yennejmaɛen dinna. 14Yiwet seg-sent, isem-is Lidya, si temdint n Tiyatir, tettjar di
lkettan azeggaɣ yerna d tin yettaggaden Illu, tella tesmeḥsis; ssid ildi-yas ul-is iwakken
ad terr ddehn-is s ayen i d-iqqar Bulus. 15Tettwaɣḍeṣ nettat d uxxam-is. Tḥellel-aɣ,
tenna-yaɣ-d: "Imi i twalam belli umneɣ s Ssid, yyaw s axxam-iw ad teqqimem."
Tḥettem-aɣ.
Bulus issufeɣ aruḥani seg yiwet n tmeṭṭut yettkacafen
16
Mi nleḥḥu s amkan n tẓallit, temlal-aɣ-d yiwet n tqeddact yesɛan yiwen n uruḥani
swayes i tettkacaf. Tettawi-d aṭas n yedrimen i yimɛellmen-is s ukacef-nni i tettkacaf.
17
Tetbeɛ Bulus akked nekni, tettɛeggiḍ: "Imdanen-agi, d iqeddacen n Yillu Win Ɛlayen.
Ttbecciren-awen-d abrid n leslak. 18Txeddem akken acḥal n wussan. Seg wakken terẓa-
yas aqerru-s i Bulus, izzi dɣa iɛeggeḍ ɣef uruḥani-nni, inna: "Umreɣ-ak s yisem n Yasuɛ
Lmasiḥ, ffeɣ seg-s! Imiren kan, iffeɣ.
Bulus akked Silas di lḥebs
19
Mi walan yimɛellmen-is belli iruḥ-asen uɣrum-nsen, mmɣen ɣef Bulus akked Silas,
skerkren-ten deg uzniq, zdat yimeqqranen. 20Wwin-ten ɣer zdat yinezzurfa dɣa nnan-
asen: "Imdanen-agi rwin mliḥ tamdint-nneɣ: d Iyahudiyen. 21Ttbecciren leɛwayed ur ilaq
ad neqbel wala ad netbeɛ, nekni s Yirumiyen." 22Ula d lɣaci kkren-d ɣur-sen. Inezzurfa
cerrgen-asen llebsa-nsen yerna umren ad ten-wten s ujelkaḍ. 23Mbaɛd mi asen-sseṛwan
tiytiwin, ḍeggren-ten ɣer lḥebs yerna umren i uɛessas n lḥebs ad ten-iɛass akken ilaq.
24
Aɛessas-nni yexdem akken i as-t-id-umren. Iḍegger-iten ɣer lḥebs, ɣer yiwet n texxamt
iḍerfen mliḥ, yerna yurez-asen iḍarren deg usɣar.
25
Leǧwahi n ttnaṣfa n yiḍ, Bulus akked Silas llan ttẓallan yerna cennun i Yillu. Imeḥbas
ttḥessisen-asen. 26Taswiɛt kan, lqaɛa tezlez mliḥ, lsas n lḥebs inhez. Imiren kan, tiwwura
merra ldint, leqyud merra ufgen. 27Aɛessas-nni n lḥebs idduqs-d seg yiḍeṣ; mi iwala
tiwwura n lḥebs ldint, ijbed-d ajenwi-s, ibɣa ad ineɣ iman-is: yiɣil imeḥbas rewlen.
28
Meɛna Bulus iɛeggeḍ s lqedd n taɣect-is, inna: "Ur xeddem acemma i yiman-ik! Aql-aɣ
merra dagi." 29Issuter ad d-ceɛlen tiftilin, ineggz-d dɣa yeɣli ɣer yiḍarren n Bulus akked
Silas, ittergigi. 30Issufeɣ-iten-id dɣa yenna: "A ssyadi, d acu i ilaqen ad t-xedmeɣ
iwakken ad ttwasellkeɣ?" 31Nnan-as: "Amen s Ssid Yasuɛ, ad tettwasellkeḍ, s kečč s
uxxam-ik." 32Beccren-as awal n Ssid, i netta akked wat uxxam-is merra. 33Imiren kan, deg
yiḍ-nni dɣa, yewwi-ten yid-s, issared lejruḥ-nsen yerna yettwaɣḍeṣ netta akked wat
uxxam-is. 34Issuli-ten s axxam-is, isers-asen-d ad ččen yerna yefreḥ netta d wat uxxam-is
imi yumnen s Yillu.
Tuffɣa n Bulus akked Silas si lḥebs
35
Mi yuli wass, inezzurfa ceggɛen kra n yiɛessasen ad as-inin i uɛessas-nni n lḥebs:
"Serreḥ-asen-d i yimdanen-nni." 36Aɛessas-nni ixebber Bulus, yenna-yas: "Inezzurfa
ceggɛen-d, nnan-iyi-d ad awen-serrḥeɣ. Tura, ffɣet! Ruḥet di lehna!" 37Meɛna Bulus
yenna-yasen: "Wten-aɣ zdat medden, mebla ma nɛedda di ccraɛ, nekni yellan d
Irumiyen; ḍeggren-aɣ ɣer lḥebs, tura sserḥen-aɣ s tuffra! Ala, ad d-ruḥen nutni, s
timmad-nsen, ad aɣ-ssufɣen. 38Iɛessasen-nni ssawḍen lehdur-nni i yinezzurfa. Inezzurfa
rgagin mi slan belli d Irumiyen. 39Ruḥen heddnen-ten, ssufɣen-ten-id ɣer berra, imiren
ḥellen-ten ad ruḥen si temdint. 40Ffɣen-d si lḥebs, kecmen s axxam n Lidya. Walan
atmaten dɣa sǧehden-ten; mbaɛd ruḥen.
Bulus di Tisaluniki
17Bulus akked Silas ɛeddan si Anfibulis akked Abulunya dɣa kecmen ɣer Tisaluniki,
anda yella yiwen n ufakan n Iyahudiyen. 2Bulus ikcem ɣur-sen akken yennum. Tlata n
wussan n usteɛfu, netta yesqerdic yid-sen Tira. 3Issefham-asen yerna yessebgan-asen-d
belli ilaq ad iɛteb Lmasiḥ yerna ad d-iḥyu si gar lmeggtin. Iqqar-asen: "Lmasiḥ, d Yasuɛ-
agi i awen-ttbeccireɣ." 4Kra seg-sen ttwaqenɛen; rnan-d ɣer Bulus akked Silas, nutni d
waṭas n Iyunaniyen yettaggaden Illu akked waṭas n tlawin mechuren.
5
Meɛna Iyahudiyen usmen dɣa ruḥen jemɛen-d deg yiberdan kra n yimceṭṭnen,
snejmaɛen-d ahdum n lɣaci, sekren lhul di temdint. Ruḥen s axxam n Yasun, nudan ɣef
Bulus akked Silas iwakken ad ten-carɛen zdat lɣaci. 6Seg wakken ur ten-ufin ara, zzuɣren
Yasun akked kra n watmaten ɣer yimeqqranen n temdint, ttɛeggiḍen, qqaren: "Widak-nni
yerwin ddunit, atnan dagi. Ruḥen-d ula ɣer dagi, 7yerna Yasun isterḥeb yis-sen deg
uxxam-is. Akken ma llan, rẓan lumur n Qayṣer; qqaren belli yella ugellid-nniḍen, d
Yasuɛ." 8S lehdur-nni, rwin lɣaci akked yimeqqranen n temdint. 9Ur serrḥen ara i Yasun
akked watmaten-nniḍen armi i asen-xellṣen lexṭiya.
Bulus akked Silas di Biriya
10
Imiren kan, atmaten ɣawlen srewlen Bulus akked Silas deg yiḍ ɣer Biriya. Mi wwḍen
ɣer dinna, kecmen ɣer ufakan n Iyahudiyen. 11Iyahudiyen-nni reẓnen xir n widak-nni n
Tisaluniki. Setreḥben s wawal s leḥrara; yal ass, ssenqaden Tira, iwakken ad walin ma
iṣeḥḥa wayen i asen-d-qqaren. 12Aṭas seg-sen i yumnen. Ula si tlawin tiyunaniyen
mechuren akked yirgazen, mačči drus i yumnen.
13
Meɛna mi slan Iyahudiyen n Tisaluniki belli Bulus ittbeccir awal n Yillu ula di Biriya,
ruḥen ula ɣer dinna ad sḥercen yerna ad d-sekren lɣaci. 14Imiren atmaten ɣawlen
srewlen Bulus ɣer lǧiha n lebḥer; silas akked Timutawus qqimen dinna. 15Widak i
irufqen Bulus ssawḍen-t armi d Atina; bulus iweṣṣa-ten ad inin i Silas akked Timutawus
ur ttɛeṭṭilen ara ad ruḥen ɣur-s; imiren uɣalen syenna.
Bulus di Atina
16
Mi yella Bulus ittraǧu-ten di Atina, ičča-t wul-is mi iwala tamdint-nni teččur d
lmeṣnuɛat. 17Di lǧameɛ n Iyahudiyen, iheddernetta d Iyahudiyen akked wid yettaggaden
Illu. Ihedder daɣen deg uzniq yal ass netta d wid i d-ittemlili. 18Kra seg wid yettfelsifen,
wid iwumi i qqaren Ibikuriyen akked Iriwaqiyen, ɛnan-t ula d nutni. Kra qqaren: "D acu i
yebɣa ad d-yini učewčaw-agi?" Wiyaḍ qqaren: "Waqila d abcir n yirebbiten iberraniyen."
Axaṭer Bulus illa yettbeccir-asen Yasuɛ akked ḥeggu. 19Wwin-t yid-sen ɣer usqamu n
Aryu-Bagus, nnan-as: "Nezmer ad nẓer d acu-t uselmed-agi ajdid i aɣ-d-tewwiḍ?
20
Axaṭer lehdur-agi iwumi i nsell sɣur-k d ayen ur nessin. Nebɣa ad nefhem lmeɛna-
nsen." 21Yuɣ lḥal, imezdaɣ n Atina akked yiberraniyen yettilin dinna sɛeddayen lweqt-
nsen siwa i uḥesses akked usufeɣ n lexbarat ijdiden.
Lxeṭba n Bulus di Atina
22
Bulus ibedd di tlemmast n usqamu n Aryu-Bagus, inna: "Ay irgazen n Atina! Ttwaliɣ-
ken d idiyaniyen di yal lḥaǧa. 23Mi d-kkiɣ akk tamdint-nwen, ttmuquleɣ di lemqamat-
nwen, ufiɣ yiwen n uɛalṭar iɣef yura: 'I urebbit ur nettwassen ara.' Win akken i
tettɛebbidem mebla ma tessnem-t, d winna i awen-ttbeccireɣ, nekk. 24Illu i ixelqen ddunit
d wayen yellan deg-s, Bab n yigenni akked lqaɛa, ur izdiɣ ara di lemqamat i yexdem
ufus n umdan. 25Ur iḥwaǧ acemma seg ufus n umdan, axaṭer d netta i d-ittaken i
yimdanen merra tudert, nnefs d wayen akk-nniḍen. 26Seg yiwen n umdan, issufeɣ-d akk
leǧnas yerna iɛemmer yis-sen ddunit merra. Iḥudd-asen lewqat akked tlisa ideg ara
zedɣen, 27i wakken ad nadin ɣef Yillu, ahat ad t-afen s usderdef, netta ur nebɛid ara ɣef
yal yiwen deg-neɣ. 28Yis-s i nettidir, i nettḥerrik, i nella; akken i t-id-nnan ula d kra seg
yimedyazen-nwen: 'Ula d nekni, si ccetla-s.' 29Ihi, imi nekni si ccetla n Yillu, ur ilaq ara
ad nɣil belli Illu yettemcabi ɣer ddheb, neɣ lfeṭṭa, neɣ s aẓru i yenjer umdan s lḥirfa-s
akked tmusni-s. 30Illu ur imuqel ara ɣer lewqat-nni ideg ur ssinen ara yimdanen, meɛna
tura yettbeccir i yimdanen merra n yal amkan ad d-uɣalen ɣur-s, 31axaṭer iḥudd-d ass
ideg ara iḥaseb ddunit s lḥeqq, s urgaz i d-ihegga yerna yefka-d tteḥqiq i yimdanen
merra, s ḥeggu i t-id-isseḥya si gar lmeggtin.
32
Mi slan i "ḥeggu si gar lmeggtin", kra ttihiyen, wiyaḍ qqaren-as: "Ad ak-nḥess ɣef
wannect-agi tikkelt-nniḍen." 33Imiren, Bulus iffɣ-d si tlemmast-nsen. 34Meɛna kra seg-
sen ṭṭfen deg-s, umnen, gar-asen: Dyunisyus n usqamu n Aryu-Bagus, yiwet n tmeṭṭut
iwumi i qqaren Damaris, akked wiyaḍ yellan yid-sen.
Bulus di Kurintus
18Mbaɛd ayagi, Bulus iffeɣ si Atina iruḥ ɣer Kurintus. 2Yufa dinna yiwen n Uyahudi
isem-is Akila, laṣel-is n Buntus; ussan-nni kan i d-iwweḍ si Ṭṭelyan netta d tmeṭṭut-is
Brikila, axaṭer Kludyus yumer i Yiyahudiyen merra ad ffɣen si Ruma. 3Imi yiwet n lḥirfa-
nsen, Bulus iqqim ɣur-sen yerna xeddmen jmiɛ. Axaṭer d axiḍi n yiqiḍunen i d lḥirfa-nsen.
4
Yal ass n usteɛfu, Bulus ihedder di leǧwameɛ n Iyahudiyen, ikkat amek ara iqenneɛ
Iyahudiyen akked Iyunaniyen.
5
Mi d-iwweḍ Silas netta d Timutawus si Makdunya, Bulus yuɣal ilha-d kan d ubeccer n
wawal i Yiyahudiyen, ittbeggin-asen-d belli Yasuɛ d Lmasiḥ. 6Meɛna ttqamaren-t yerna
ttjeddiren. Bulus izwi llebsa-s dɣa yenna-yasen: "Ddnub i yirawen-nwen! Nekk berraɣ!
Ssya d asawen, ad ruḥeɣ ɣer wat leǧnas." 7Iffɣ-d ssyenna dɣa yekcem s axxam n yiwen
iwumi i qqaren Titus Yustus, d argaz yettaggaden Illu, axxam-is iqreb ɣer ufakan n
Iyahudiyen. 8Krisbus, ameqqran n ufakan n Iyahudiyen, yumen s Ssid, netta d uxxam-is
merra. Aṭas seg Ikurintiyen i yeslan, umnen dɣa ttwaɣeḍṣen.
9
Deg yiḍ, Ssid yenna-yas-d i Bulus deg uweḥḥi: "Ur ttaggad ara! Hder, ur ssusum ara!
10
Axaṭer aql-i yid-k. Yiwen ur isrusu afus-is fell-ak iwakken ad ak-ixdem ccer. Sɛiɣ agdud
d ameqqran di temdint-agi." 11Bulus iqqim dinna aseggas akked setta n wagguren.
Isselmad gar-asen awal n Yillu.
12
Mi yella Galyun d lḥakem n Axaya, Iyahudiyen mtafaqen gar-asen, dɣa kkren-d ɣer
Bulus. 13Wwin-t s axxam n ccraɛ dɣa nnan: "Wagi yessamar lɣaci ad ɛebden Illu s ubrid
ixulfen ccariɛa." 14Bulus iruḥ ad ildi imi-s, dɣa yenṭeq Galyun s Iyahudiyen, yenna-yasen:
"Lemmer d kra n lbaṭel neɣ n lexṣara tameqqrant, ay Iyahudiyen, d lḥeqq fell-i ad awen-
ḥesseɣ. 15Meɛna d tamsalt n wawal, n yismawen, n ccariɛa-nwen: walit kenwi. Ur bɣiɣ ara
ad ḥekmeɣ gar-awen deg wayagi. 16Imiren issufeɣ-iten-id seg uxxam n ccraɛ. 17Dɣa
akken ma llan mmɣen ɣef Sustanus, ameqqran n ufakan n Iyahudiyen, ɣlin deg-s s tyita
zdat uxxam n ccraɛ. Galyun ur as-tewqiɛ ara lmeɛna seg wayen-nni.
Bulus yuɣal ɣer Antyukya
18
Bulus iqqim di Kurintus aṭas n wussan, mbaɛd ifureq atmaten-is. Iṭṭef lbabur iwakken ad
iruḥ ɣer Surya, netta d Brikila akked Akila. Iṣeṭṭel aqerru-s di Kanxirya, axaṭer ifka lɛahd.
19
Mi wwḍen ɣer Afasus, Bulus yegga irfiqen-is dinna, netta yekcem ɣer ufakan n
Iyahudiyen dɣa ihedder akked Iyahudiyen. 20Ḥellen-t ad iṭewwel tiɣimit yid-sen, meɛna
netta ur iqbil ara. 21Mi ten-ifureq, yenna-yasen: "Ad d-uɣaleɣ ɣur-wen, ma yebɣa Yillu."
Dɣa yeṭṭef lbabur si Afasus.
22
Ires di Qiṣarya dɣa yuli ad isellem ɣef tmezdayt. Syenna iṣubb ɣer Antyukya. 23Isɛedda
dinna kra n lweqt, mbaɛd iruḥ, irra ɣer tmurt n Galatya akked tmurt n Frigya, anda i
yesseǧhed inelmaden merra.
Abulus di Afasus
24
Yiwen n Uyahudi iwumi i qqaren Abulus, laṣel-is si Aliksandriyus, d aḥeddad n wawal
yerna yessen mliḥ Tira Iqedsen, iruḥ-d ɣer Afasus. 25Iɣra abrid n Ssid. Ihedder s leḥrara
tameqqrant yerna yesselmad s ttfaṣil ayen yeɛnan Yasuɛ, ɣas akken siwa aɣḍaṣ n Yuḥenna
i yessen. 26Ibda yesselmad ɛinani di lǧameɛ n Iyahudiyen. Akila akked Brikila slan-as, dɣa
wwin-t s axxam-nsen; sfehmen-as swaswa abrid n Yillu. 27Ibɣa ad iruḥ ɣer Axaya.
Atmaten xedmen-as ifadden dɣa uran i yinelmaden ad setreḥben yis-s. Mi yewweḍ, s
nneɛma n Yillu, iɛawen aṭas widak yumnen, 28axaṭer ittbekkim Iyahudiyen ɛinani.
Ittbeggin-asen-d s Tira belli Yasuɛ, d Lmasiḥ.
Bulus di Afasus
19Mi yella Abulus di Kurintus, Bulus iɛedda-d ɣef tmura ɛlayen n Asya mbaɛd iṣubb-d
ɣer Afasus anda i yufa kra n yinelmaden. 2Inna-yasen: "Ittunefk-awen-d Rruḥ Iqedsen
asmi i tumnem?" Nnan-as: «Ur nesli ara akk belli yella Rruḥ Iqedsen." 3Inna-yasen: "D
acu n uɣḍaṣ i tettwaɣeḍṣem ihi?Nnan-as: "D aɣḍaṣ n Yuḥenna." 4Bulus yenna-yasen:
"Yuḥenna yesseɣḍaṣ aɣḍaṣ n ttuba, iqqar i ugdud ad yamen s win ara d-yasen deffir-s,
yeɛni Yasuɛ." 5Mi slan i lehdur-nni, ttwaɣeḍṣen s yisem n Ssid Yasuɛ. 6Bulus isers fell-
asen ifassen-is, dɣa yers-d fell-asen Rruḥ Iqedsen; bdan heddren s tutlayin yerna ttcirin-d.
7
Llan di tnac yid-sen.
8
Bulus ikcem ɣer ufakan n Iyahudiyen, ihedder dinna s ṭṭmana. Tlata n wagguren netta
yettemǧadal yid-sen, ikkat ad ten-iqenneɛ s tgelda n Yillu. 9Meɛna kra seg-sen sseɣren
ulawen-nsen, ur uminen ara; kkaten deg ubrid n Ssid zdat lɣaci. Bulus ittaxxer fell-asen,
iɛzel-d inelmaden, dɣa yesselmad yal ass di llakul n yiwen iwumi i qqaren Tiranus.
10
Ixeddem akken sin n yiseggasen. Imezdaɣ merra n Asya, s Iyahudiyen s Iyunaniyen,
slan i wawal n Ssid.
Leɛǧayeb yeḍran di Afasus
11
Illu yexdem s ufus n Bulus leɛǧayeb yessewhamen, 12armi i srusun ɣef yimuḍan
timucwarin neɣ iceṭṭiḍen yennulen ṣṣura n Bulus. Lehlakat ḥellun, lerwaḥ imcumen
teffɣen seg-sen.
13
Kra seg Iyahudiyen, wid yessufuɣen leǧnun, i yettruḥun seg umkan ɣer wayeḍ,
ttaɛraḍen ad nedhen s yisem n Ssid Yasuɛ ɣef wid yesɛan lerwaḥ imcumen. Qqaren: "S
yisem n Yasuɛ-nni i yettbeccir Bulus!" 14Widak ixeddmen ayen-nni, d sebɛa warraw n
yiwen iwumi i qqaren Skiwa, d Ayahudi, d yiwen n lmuqeddem ameqqran. 15Rruḥ-nni
amcum inṭeq, yenna-yasen: "Yasuɛ, ssneɣ-t; bulus, ssneɣ-t. Meɛna kenwi, anwi-ken?"
16
Argaz-nni i yezdeɣ rruḥ amcum, izḍem fell-asen, iṭṭef-iten akk, ismermed-iten armi i
rewlen seg uxxam-nni ɛeryan yerna jerḥen. 17Ayagi slan yis-s Iyahudiyen akked
Iyunaniyen merra yettilin di Afasus. Teɣli-d rrehba fell-asen merra; isem n Ssid Yasuɛ
ittwaɛuzz. 18Aṭas seg wid yumnen i d-iruḥen qarren-d yerna nnan-d ayen akk i xedmen.
19
Aṭas seg wid yellan xeddmen ssḥur, wwin-d idlisen-nsen dɣa sserɣen-ten zdat lɣaci.
Ufan belli ssuma-nsen tewweḍ xemsin alef n twiztin n lfeṭṭa. 20Swakka, s tezmert n
Ssid, awal ittnerni, ittiǧhid. 21Mi d-iḍra wayagi merra, Bulus irra-d di lbal-is ad iɛeddi
si Makdunya akked Axaya iwakken ad iruḥ ɣer Yarucalim. Inna: "Mi ruḥeɣ ɣer dinna,
ilaq-iyi daɣen ad ẓreɣ Ruma." 22Iceggeɛ sin seg yimɛiwnen-is ɣer Makdunya:
Timutawus akked Arastus. Netta yerna kra n lweqt di Asya.
Ccwal yekkren di Afasus
23
Di lweqt-nni, ikker yiwen n ccwal d ameqqran ɣef ubrid n Ssid. 24Yiwen n uḥeddad,
isem-is Dimitriyus, ixeddem s lfeṭṭa lemqamat n Artamis; isserbaḥ aṭas ixeddamen-is.
25
Isnejmaɛ-iten-id nutni d wid yesɛan lḥirfa am netta, dɣa yenna-yasen: "Ay irgazen,
teẓram belli d lxedma-agi i aɣ-isserbaḥen. 26Twalam yerna teslam, mačči kan di Afasus,
meɛna qrib di Asya merra, Bulus-agi iqenneɛ yerna yessufeɣ i ubrid aṭas n lɣaci, iqqar:
'Irebbiten-agi yettwaxedmen s ufus n umdan mačči d irebbiten'. 27Lxuf mačči kan ɣef
lḥirfa-nneɣ i yezmer lḥal ad truḥ deg waḍu, meɛna nuggad daɣen ad teɣli lqima n
lemqam n Artamis, tarebbitt tameqqrant, tin akken i ttɛebbiden di Asya akked ddunit
merra, ad tuɣal d ulac yerna ad teɣli cciɛa-s."
28
Mi slan, ikcem-iten wurrif dɣa bdan ttɛeggiḍen, qqaren: "Meqqret, Artamis n
Ifasusiyen." 29Tamdint merra terwi mliḥ; lɣaci mgugin akken ma llan s axxam n
umezgun, zzuɣren yid-sen Gayus akked Aristarxus n Makdunya, irfiqen n yinig n Bulus.
30
Bulus ibɣa ad ikcem di tlemmast n ugdud, meɛna inelmaden ur as-ɛemmden ara. 31Aṭas
seg yemḍebbren n Asya, i yellan d iḥbiben-is, ceggɛen ad t-ḥellen iwakken ur ittruḥu ara s
axxam n umezgun. 32Dinna, kra ttɛeggiḍen akka, kra akka. Ikker wahruḥu deg ugraw.
Ṭṭaqa deg-sen ur ẓrin ara acuɣer i d-nnejmaɛen. 33Ssufɣen-d Aliksandru si tlemmast n
lɣaci, Iyahudiyen ddemmiren-t ɣer zdat. Aliksandru iwehha-yasen s ufus-is, ibɣa ad d-
issefhem i ugdud. 34Meɛna mi ẓran belli d Ayahudi, akken ma llan ttɛeggiḍen ɣef yiwet n
tikkelt, azal n snat n sswayeɛ: "Meqqret, Artamis n Ifasusiyen."
35
Meɛna lamin n temdint ihedden lɣaci, inna: "Ay irgazen n Afasus! Anwa seg yimdanen
ur neẓri ara belli tamdint n Afasus d taɛessast n lemqam n Artamis tameqqrant akked
lmeṣnuɛ-is i d-iɣlin seg yigenni? 36Imi yiwen ur izmir ad inker ayagi, ilaq ad thennim
iman-nwen, ur ttḥirit ara ad txedmem kra. 37Irgazen-agi i d-tewwim ur ukiren lemqam, ur
rgimen tarebbit-nneɣ. 38Ihi ma yella Dimitriyus akked yixeddamen yellan yid-s bɣan ad
cetkin ɣef yiwen, llan wussan n ccraɛ akked yinezzurfa; ad ruḥen ad mxaṣamen gar-asen
di ccraɛ. 39Ma yella tebɣam ad thedrem ɣef temsalt-nniḍen, ad tefru deg unejmaɛ akken
yella lqanun. 40Izmer lḥal ad d-gren fell-aɣ nnfaq ɣef wayen yeḍran ass-a, imi ulac ssebba
ara d-nefk ɣef ugraw-agi." Mi d-yenna lehdur-agi, iserreḥ i lɣaci, ruḥen.
Bulus di Makdunya akked Lyunan
20Mi ters liḥala, Bulus isnejmaɛ-d inelmaden. Isseǧhed-iten dɣa yeǧǧa-ten di lehna,
mbaɛd iṭṭef abrid ɣer Makdunya. 2Ikka-d tamnaḍt-nni, isseǧhed inelmaden s waṭas n
lehdur. 3Mbaɛd iruḥ ɣer Lyunan, anda i yesɛedda tlata n wagguren. Mi yekker ad iṭṭef
lbabur ɣer Surya, Iyahudiyen ndin-as ticerktin. Imiren ibeddel ṛṛay, yuɣal ɣer Makdunya.
4
Ddan yid-s: Subatrus, mmi-s n Birus, si Birya, Aristarxus akked Sakundus n Tisaluniki,
Gayus n Dirba akked Timutawus, Tixikus akked Trufimus n Asya. 5Wigi zwaren-aɣ dɣa
rǧan-aɣ di Truwas. 6Ma d nekni, mbaɛd ussan n uɣrum mebla iɣes n temtunt, nerkeb
lbabur si Filibus. Xemsa n wussan mbaɛd, nelḥeq ɣur-sen ɣer Truwas, anda i nesɛedda
sebɛa n wussan.
7
Ass amezwaru mebɛd ass n usteɛfu, nennejmaɛ iwakken ad nebḍu aɣrum. Imi i ilaq ad
iruḥ azekka-nni, Bulus ihder netta d yinelmaden yerna yesseɣzef awal armi d ttnaṣfa n
yiḍ. 8Llant aṭas n teftilin di tɣurfet-nni ideg nennejmaɛ. 9Yiwen n yilemẓi, isem-is
Utixus, i yellan yeqqim ɣef ṭṭaq, iṭṭeṣ mi iṭewwel Bulus deg wawal. Tewwi-t tnafa dɣa
yeɣli-d d akkessar si leɛli wis tlata; mi t-id-refden, ufan-t immut. 10Bulus iṣubb, ikna
ɣur-s, izmeḍ-it-id ɣur-s dɣa yenna: "Ur ken-iteffeɣ ara leɛqel, mazal deg-s rruḥ."
11
Mbaɛd yuli, ibḍa aɣrum, ičča yerna ihder yid-sen armi d lefjer; imiren iruḥ. 12Wwin
ilemẓi-nni yedder, dɣa uɣalen theddnen aṭas.
Bulus di Truwas akked Militus
13
Nekni nezwar s lbabur. Nezger lebḥer ɣer Asus, anda i aɣ-ilaq ad d-nawi Bulus axaṭer
akka i t-id-yumer, ismenyaf ad iruḥ ɣef uḍar. 14Mi aɣ-d-ilḥeq ɣer Asus, nesserkeb-it yid-
neɣ dɣa nruḥ ɣer Mitilini. 15Syenna, neṭṭef lbabur; azekka-nni, nɛedda zdat Kiyus;
sellazekka-nni nezger ɣer Samus; ass wis tlata newweḍ ɣer Militus. 16Yuɣ lḥal, Bulus iṭṭef
leqsed ad iɛeddi rrif n Afasus mebla ma yeḥbes dinna, iwakken ur isruḥuy ara lweqt di
Asya; axaṭer iḥar ad yaweḍ ɣer Yarucalim iwakken, ma yella wamek, ad isɛeddi lɛid n
ledwar.
Bulus ihder i yimeqqranen n Afasus
17
Si Militus, Bulus iceggeɛ ɣer Afasus ad d-awin imeqqranen n tmezdayt. 18Mi d-wwḍen
ɣur-s, yenna-yasen: "Teẓram amek i lḥiɣ yid-wen yal lweqt seg wass amezwaru mi d-
serseɣ aḍar-iw di Asya; 19amek i qedceɣ ɣef Ssid s wannuz, s yimeṭṭawen, di lemḥan i yi-
d-xelqent tcerktin n Iyahudiyen. 20Ur ffireɣ fell-awen acemma i walaɣ infeɛ-iken; meɛna
beccreɣ-awen yerna slemdeɣ-ken, ama zdat lɣaci, ama deg yixxamen-nwen, 21ttbeccireɣ i
Yiyahudiyen akked Iyunaniyen tuɣalin ɣer Yillu akked liman s Ssid-nneɣ Yasuɛ. 22Tura,
aql-i yurez-iyi Rruḥ, ad ruḥeɣ ɣer Yarucalim, ur ẓriɣ ara d acu ara yeḍrun yid-i dinna. 23Si
temdint ɣer tayeḍ, Rruḥ Iqedsen ittcehhid-d, iqqar-iyi-d belli leqyud akked lemḥan ad iyi-
ttraǧun. 24Meɛna ur yi-d-tewqiɛ ara di tudert-iw, ur ɛzizet ara fell-i, awi-d kan ad kfuɣ
ccɣel-iw akked leqdic i yi-d-ifka Ssid Yasuɛ: ad beccreɣ Linǧil n nneɛma n Yillu. 25Tura
ẓriɣ belli ur tettuɣalem ara ad twalim udem-iw, kenwi akk wuɣur ɛeddaɣ beccreɣ tagelda
n Yillu. 26Ɣef wayagi ad t-id-iniɣ zdat-wen ass-a: berraɣ seg-wen. 27Ala, ur ffireɣ fell-
awen acemma, beccreɣ-awen ayen akk yellan di leqsed n Yillu. 28Ɛasset ɣef yiman-nwen
akked tqeḍɛit iɣef ken-isbedd Rruḥ Iqedsen d iɛessasen, iwakken ad teksem tamezdayt n
Yillu, i d-iḥella s yidammen-is.
29
Nekk ẓriɣ belli mbaɛd rrwaḥ-iw, ad d-kecmen gar-awen wuccanen iweɛren; ur ttqilin ara
taqeḍɛit. 30Gar-awen daɣen, ad d-kkren yirgazen ara yesselmaden lefsed, iwakken ad
awin yid-sen inelmaden. 31Ɣef wayagi, ḥadret, mmektit-d belli, tlata n yiseggasen, iḍ d
wass, nekk neddṛeɣ yal yiwen deg-wen s yimeṭṭawen.
32
Tura, ad ken-wekkleɣ i Yillu akked wawal n nneɛma-s, i Win izemren ad ken-isseǧhed
yerna ad awen-ifk lwert gar yimqeddsen merra. 33Ur ḍmiɛeɣ lfeṭṭa, neɣ ddheb neɣ llebsa n
yiwen. 34Teẓram s timmad-nwen belli d ifassen-agi i d-inuben i lmeḥwiǧat-iw akked
lmeḥwiǧat n wid yeddan yid-i. 35Di kullec, beggneɣ-awen-d belli s leɛtab ara neɛteb akka
ara nɛiwen wid ur neǧhid ara. Mmektit-d lehdur n Ssid Yasuɛ mi d-yenna: 'Ttugar ara
tferḥeḍ mi ara tekfeḍ wala mi ara ak-d-ittunefk.'" 36Mbaɛd mi d-yenna ayagi, ikref
tagecrirt dɣa yeẓẓul yid-sen akk. 37Akken ma llan ṭṭreḍqen d imeṭṭi, ɛennqen Bulus dɣa
sellmen akk fell-as. 38Ḥeznen aṭas imi i asen-d-yenna: "Ur tettuɣalem ara ad twalim
udem- iw." Mbaɛd rufqen-t armi d lbabur.
Bulus yuli ɣer Yarucalim

21Mi nemfaraq yid-sen, nerkeb lbabur, nruḥ qbala ɣer Kus, azekka-nni ɣer Rudus,
ssyenna ɣer Batara. 2Nufa dinna lbabur iwakken ad nezger ɣer Finiqya; nerkeb deg-s
dɣa nruḥ. 3Mi aɣ-d-teḍher Qubruṣ, neǧǧa-tt ɣer tama-nneɣ tazelmaḍt, nkemmel abrid ɣer
Surya, ssyenna nṣubb ɣer Ṣur axaṭer dinna ara isers lbabur sselɛa-s. 4Nufa inelmaden dɣa
neqqim dinna sebɛa n wussan. S Rruḥ, inelmaden-nni nnan i Bulus ur ittali ara ɣer
Yarucalim. 5Mi ɛeddan wussan-nni, neffeɣ iwakken ad nkemmel abrid-nneɣ, rufqen-aɣ
merra nutni d tlawin akked warrac armi d tawwurt n temdint. Nekref tagecrirt ɣef yiri n
lebḥer dɣa neẓẓul. 6Bessif i nemfaraq; nekni nerkeb lbabur, nutni uɣalen ɣer yixxamen-
nsen.
7
Nkemmel inig-nneɣ, nruḥ si Ṣur ɣer Btulimayis; neẓra-d dinna atmaten yerna nesɛedda
yid-sen yiwen n wass. 8Azekka-nni, neffeɣ, nruḥ ɣer Qiṣarya. Nekcem s axxam n Filibus
abcir, yiwen si sebɛa-nni, dɣa neqqim ɣur-s. 9Filibus isɛa rebɛa n tullas, d tiɛezriyin,
ttcirint.
10
Di kra n wussan-nni i nesɛedda dinna, iṣubb-d yiwen n nnbi si Yahuda, isem-is
Ḥagabus. 11Iruḥ-d ɣur-neɣ, ikkes-as tabagust i Bulus, yurez yis-s ifassen-is akked
yiḍarren-is dɣa yenna: "Atan d acu i d-yenna Rruḥ Iqedsen: 'Bab n tbagust-agi, ad t-arzen
akka Iyahudiyen di Yarucalim; yerna ad t-sellmen s afus n wat leǧnas'." 12Mi nesla ayagi,
nḥellel-it, nekni akked yirgazen n temdint-nni ur ittali ara ɣer Yarucalim. 13Imiren Bulus
inṭeq, inna: "Acuɣer akka i tettrum, tjerḥem ul-iw? Nekk, aql-i weǧdeɣ mačči kan ad
ttwarzeɣ, meɛna ad mmteɣ ula d lmut di Yarucalim ɣef yisem n Ssid Yasuɛ." 14Imi yugi ad
aɣ-d-iḥess, nessusem, nenna: "Lebɣi n Ssid ad iḍru!"
15
Mi ɛeddan wussan-nni, nhegga iman-nneɣ dɣa nuli ɣer Yarucalim. 16Kra n yinelmaden n
Qiṣarya ddan daɣen yid-neɣ. Wwin-aɣ nensa deg uxxam n yiwen iwumi i qqaren Mnasun
n Qubrus, i yellan d anelmad si zik. 17Mi newweḍ ɣer Yarucalim, atmaten setreḥben yis-
nneɣ s lferḥ. 18Azekka-nni, Bulus ikcem yid-neɣ ɣer Yeɛqub; imeqqranen merra leḥqen-d.
19
Isellem fell-asen yerna yeḥka-yasen s ttfaṣil ayen akk i yexdem Yillu i leǧnas s leqdic-is.
20
Mi as-slan, ḥemden Illu, nnan-as: "Twalaḍ, a gma-tneɣ, acḥal n luluf i yumnen si gar
Iyahudiyen; akken ma llan tḥemmsen ɣef ccariɛa. 21Yuɣ lḥal, slan fell-ak belli
tesselmadeḍ i Yiyahudiyen yebruzzɛen gar leǧnas ad nekren Musa, teqqareḍ-asen ur
sseḍharen ara i warrac-nsen yerna ur leḥḥun ara s leɛwayed. 22Amek ara nexdem? Mebla
ccekk ad slen belli tleḥqeḍ-d. 23Xdem ihi ayen ara ak-d-nini: atnan gar-aneɣ rebɛa n
yirgazen i yefkan lɛahd n tinnuzra. 24Awi-ten yid-k, ssizdeg iman-ik yid-sen, tṣerrfeḍ fell-
asen iwakken ad ṣeṭṭlen iqerra-nsen. Akken ma llan ad setɛerfen belli ayen i slan fell-ak, d
lekdeb, meɛna ula d kečč teṭṭfeḍ di ccariɛa yerna tḥerzeḍ-tt. 25Ma d At leǧnas yumnen,
nura-yasen ayen i nwala ilaq ad as-xḍun: Ikesman yettunefken d asfel i lmeṣnuɛat,
idammen, lḥiwan yemmureḍṣen akked lɛar." 26Azekka-nni, Bulus iddem irgazen-nni,
issazdeg iman-is yid-sen dɣa yekcem ɣer ufakan iwakken ad ixebber lmuqeddem melmi
ara kfun wussan n ussizdeg-nsen, iwakken ad tettunefk lweɛda ɣef yal yiwen deg-sen.
Bulus ittwaṭṭef deg ufakan
27
Mi qrib ad kfun sebɛa n wussan-nni, Iyahudiyen n Asya walan Bulus deg ufakan.
Ssekren-d lɣaci merra dɣa mmɣen fell-as. 28Ttɛeggiḍen: "Ay irgazen n Israyil, ɛiwnet-aɣ!
Atan urgaz-nni yettbecciren i medden merra, di yal amkan, ikkat deg ugdud-agi, di
ccariɛa akked umkan-agi. Issekcem-d ula d Iyunaniyen ɣer ufakan, issednes amkan-agi
imqeddes." 29Yuɣ lḥal, walan yid-s Trufimus n Afasus di temdint, ɣilen issekcem-it
Bulus ɣer ufakan. 30Tamdint akk tenhewwal, agdud imgugi-d. Ṭṭfen Bulus, zzuɣren-t
berra n ufakan, dɣa ɣelqen imiren kan tiwwura.
31
Ttnadin ad t-nɣen; meɛna yewweḍ lexbar lqebṭan n walef n terbaɛt n lɛesker belli
Yarucalim, s lekmal-is, tenhewwal. 32Imiren kan, yewwi yid-s lɛesker akked lqebṭanat n
meyya, ẓedmen ɣef lɣaci. Mi walan lqebṭan-nni akked lɛesker, ḥebsen tiyita di Bulus.
33
Imiren lqebṭan-nni iqerreb, iṭṭef Bulus dɣa yumer ad t-arzen s snat n ssnasel. Mbaɛd
isteqsa: "D anwa-t? D acu i yexdem?" 34Lɣaci-nni ttɛeggiḍen, wa yeqqar akka, wa
yeqqar akka. Seg wakken ur ifhim acemma si lketra n lhul, yumer ad t-awin ɣer leḥṣin.
35
Mi wwḍen ɣer terkabin, lɛesker refden Bulus seg wakken lɣaci nhewwalen. 36Ahdum-
nni n lɣaci i t-itebɛen ttɛeggiḍen: "Kkes-it si ddunit!" 37Mi qrib ad kecmen ɣer leḥṣin,
Bulus yenna i lqebṭan: "Zemreɣ ad ak-d-hedreɣ?" Inna-yas: "Tessneḍ tayunanit? 38Kečč,
mačči d Amaṣri-nni i inufqen ussan-agi iɛeddan yerna yewwi s aneẓruf rebɛalaf n
yiqettalen?" 39Bulus yenna-yas: "Nekk, d Ayahudi, si Ṭarsya n Kilikya; d amezdaɣ n
yiwet n temdint mechuren. Di leɛnaya-k, eǧǧ-iyi ad hedreɣ i ugdud." 40Lqebṭan-nni
yeǧǧa-yas. Bulus ibedd ɣef terkabin, iwehha i ugdud s ufus-is, dɣa ssusmen. Inṭeq ɣur-
sen s tutlayt taɛibranit, inna:
Bulus ittdafaɛ ɣef yiman-is
22 "Ay atmaten, ay ibabaten, ḥesset-d i wayen ara awen-d-iniɣ iwakken ad dafɛeɣ ɣef
yiman-iw zdat-wen!" 2Mi slan ihedder-asen-d s tutlayt taɛibranit, ssusmen kter.
3
Inna:"Nekk, d argaz Ayahudi, luleɣ di Ṭarsya n Kilikya, tturebbaɣ-d di temdint-agi,
ɣriɣ ɣer yiḍarren n Gamalyil. Ɣriɣ ccariɛa n lejdud-nneɣ s ttfaṣil, ččureɣ d leḥrara ɣef
Yillu, am akka i t-tellam kenwi merra ass-a. 4Qehreɣ armi d lmut abrid-agi; urzeɣ yerna
rriɣ ɣer lḥebs irgazen akked tlawin. 5Lmuqeddem ameqqran akked tejmaɛt n
yimeqqranen ad d-cehden belli fkan-iyi ula d tibratin i watmaten n Dimecq. Ruḥeɣ ad d-
awiɣ di ssnasel ɣer Yarucalim wid yellan dinna iwakken ad ttuɛaqben.
6
Deg ubrid-iw, mi qrib ad awḍeɣ ɣer Dimecq, leǧwahi n ttnaṣfa n wass, taswiɛt kan,
yiwet n tafat tameqqrant tewt-d seg yigenni, tecɛecɛ-d fell-i. 7Ɣliɣ ɣer lqaɛa dɣa sliɣ i
yiwet n taɣect i yi-d-yennan: 'A Cawul, a Cawul, acuɣer i yi-tettqehhireḍ?' 8Nniɣ-as:
'Anwa-k, a Sidi?' Inna-yi-d: 'Nekk, d Yasuɛ Anaṣari, i tettqehhireḍ.' 9Wid yellan yid-i
walan tafat-nni, meɛna ur slin ara i taɣect n win akken i yi-d-iheddren. 10Nniɣ-as: 'D acu
ara xedmeɣ, a Sidi?' Ssid yenna-yi-d: "Kker, ruḥ ɣer Dimecq; dinna, ad ak-d-inin ayen
akk i ak-d-ittwamren ad t-txedmeḍ.'
11
Nekk ur walaɣ acemma seg uceɛceɛ-nni n tafat; d widak yellan yid-i i yi-iṭṭfen afus
armi i wwḍeɣ Dimecq. 12Illa dinna yiwen n urgaz, isem-is Ḥananya, d lmumen akken i
d-tenna ccariɛa, yerna Iyahudiyen merra yettilin dinna ttcehhiden-d fella-s s lxir; iruḥ-d
ɣur-i. 13Mi d-iwweḍ, yenna-yi-d: 'A Cawul, a gma, wali!' Imiren kan, yuɣal-iyi-d yiẓri,
walaɣ-t. 14Inna-yi-d: 'Illu n lejdud-nneɣ ixṭar-ik si tazwara iwakken ad tissineḍ lebɣi-s,
iwakken ad twaliḍ Aḥeqqi yerna ad tesleḍ i lehdur seg yimi-s. 15Ad as-tiliḍ d inigi, zdat
yimdanen merra, n wayen i twalaḍ d wayen i tesliḍ. 16I tura, d acu i tettraǧuḍ? Kker ad
tettwaɣeḍṣeḍ, ad tirideḍ si ddnubat-ik, s undah ara tnedheḍ s yisem n Ssid.'
17
Mi d-uɣaleɣ ɣer Yarucalim, mi lliɣ ttẓallaɣ deg ufakan, iruḥ leɛqel-iw; 18walaɣ Ssid,
yenna-yi-d: 'Ɣiwel, ffeɣ s lemɣawla si Yarucalim, axaṭer ur qebblen ara cchada ara d-
tcehdeḍ fell-i.' 19Nekk, nniɣ-as: 'A Sidi, ẓran belli ttḍeggireɣ ɣer lḥebs yerna kkateɣ di
leǧwameɛ n Iyahudiyen wid yumnen yis-k. 20Mi yuzzlen idammen n Stifanus, inigi-k, ula
d nekk ḥedreɣ yerna wufqeɣ-ten, ɛusseɣ llebsa n wid i t-inɣan.' 21Imiren yenna-yi-d: 'ruḥ,
ad k-ceggɛeɣ mebɛid, ɣer wat leǧnas'."
22
Ḥessen-as armi d awal-agi, mbaɛd ɛeggḍen s lqedd n taɣect-nsen, nnan: "Kkes si ddunit
argaz am wagi! Ur ilaq ara ad yidir!" 23Ttɛeggiḍen, zeggwin ibrenyas-nsen yerna
ttḍeggiren aɣebbar ɣer yigenni. 24Lqebṭan-nni n walef yumer ad skecmen Bulus ɣer leḥṣin
yerna ad as-ṭṭfen ajelkaḍ, iwakken ad iẓer acuɣer i ttɛeggiḍen fell-as. 25Meɛna mi kkren ad
t-arzen iwakken ad t-wten, Bulus yenna i umeqqran n terbaɛt n meyya yellan dinna:
"Isemmeḥ-awen lqanun ad tbeḥḥtem s ujelkaḍ argaz Arumani, yili ur ittwaḥkem ara fell-
as?" 26Mi yesla umeqqran-nni n terbaɛt n meyya, iruḥ ɣer lqebṭan-nni n walef, ixebber-it,
yenna-yas: "D acu ara txedmeḍ? Argaz inna, d Arumani." 27Lqebṭan-nni iqerreb,
yenna i Bulus: "Ini-yi-d: kečč, d Arumani?Bulus yenna-yas: "Ih." 28Lqebṭan yenna-
yas: "S waṭas n yedrimen i uɣaleɣ d Arumani." Bulus yenna-yas: "Nekk, akka i d-
luleɣ." 29Imiren kan, widak-nni i yekkren ad t-beḥḥten s ujelkaḍ ttaxxren-as. Lqebṭan-nni
n walef irgagi mi d-irra s lexbar belli d Arumani i yefka ad ittwarez.
Bulus zdat usqamu n ccraɛ
30
Lqebṭan-nni yebɣa ad iẓer s tteḥqiq ɣef wacu i d-cetkan fell-as Iyahudiyen; azekka-nni,
ifsi-yas leqyud i Bulus dɣa yumer ad d-snejmaɛen imeqqranen n lmuqeddmin akked
usqamu merra n ccraɛ. Mbaɛd iṣubb-d Bulus dɣa yesbedd-it di tlemmast-nsen.
23Bulus imuqel mliḥ asqamu n ccraɛ dɣa yenna: "Ay atmaten! S wul yeṣfan i lḥiɣ akked
Yillu ar ass-a." 2Meɛna Ḥananya, lmuqeddem ameqqran, yumer i wid yellan ɣer tama-s ad
t-wten ɣer yimi. 3Imiren Bulus yenna-yas: "Ad k-id-iwet Yillu, a lḥiḍ ijeggren! Teqqimeḍ
ad iyi-tḥasbeḍ s ccariɛa, kečč tɛuṣaḍ ccariɛa mi tumreḍ ad iyi-wten!" 4Widak-nni yellan ɣer
tama-s nnan-as: "Tregmeḍ lmuqeddem ameqqran n Yillu!" 5Bulus inna: "Ur ẓriɣ ara, ay
atmaten, belli d lmuqeddem ameqqran; axaṭer yura: ‘Ur treggmeḍ ara ameqqran n
ugdud-ik'."
6
Mi iwala Bulus belli aḥric seg usqamu-nni d Isaduqiyen, wiyaḍ d Ifarisiyen, iɛeggeḍ deg
usqamu n ccraɛ, inna: "Ay atmaten, nekk, d Afarisi, d mmi-s n Ifarisiyen; ɣef ddemma n
usirem akked ḥeggu n lmeggtin i ɛeddaɣ di ccraɛ." 7Mi d-yenna awal-agi, ikker wawal
gar Isaduqiyen akked Ifarisiyen; agraw-nni yebḍa. 8Axaṭer Isaduqiyen qqaren belli ulac la
ḥeggu, la lmalayek, la lerwaḥ; ma d Ifarisiyen umnen s wayagi merra.
9
Ikker yiwen n leɛyaḍ, d ameqqran. Kra n lɛulama n ccariɛa si terbaɛt n Ifarisiyen
kkren-d, ɛeggḍen, nnan: "Ur d-nessukkes acemma n wayen n diri i urgaz-agi. Ahat d
yiwen n rruḥ neɣ d yiwen n lmelk i as-d-ihedren!" 10Seg wakken simmal ittimɣur u,
lqebṭan yuggad ɣef Bulus ad t-gezmen d ticriḥin dɣa yumer i lɛesker ad ṣubben, ad t-id-
ddmen si tlemmast-nsen, ad t-awin ɣer leḥṣin.
11
Iḍ-nni i d-itebɛen, Ssid iḍher-d i Bulus, yenna-yas-d: "Ur ttaggad, a Bulus! Akken i d-
tcehdeḍ fell-i di Yarucalim, ilaq ad d-tcehdeḍ fell-i daɣen di Ruma.
Iyahudiyen msefhamen ad nɣen Bulus
12
Mi yuli wass, Iyahudiyen xedmen taxazabit. Gullen yerna dɛan i yiman-nsen s ccer ur
ččin ur swin, alamma nɣan Bulus. 13Widak-nni i yedɛan i yiman-nsen s ccer llan akter n
rebɛin. 14Ruḥen ɣer yimeqqranen n lmuqeddmin akked yimeqqranen, nnan-asen:
"Neggull, nedɛa i yiman-nneɣ s ccer ur nečči acemma, alamma nenɣa Bulus. 15Tura ihi,
sfehmet i lqebṭan, kenwi akked usqamu n ccraɛ, ad t-id-isbedd zdat-wen ɣer ccraɛ, amzun
akken tebɣam ad tbeḥḥtem s tteḥqiq di temsalt-is. Nekni, aql-aɣ newǧed ad t-nneɣ uqbel
ad d-yaweḍ." 16Meɛna mmi-s n weltma-s n Bulus isla s txazabit-nni-nsen. Iruḥ, ikcem ɣer
leḥṣin dɣa ixebber Bulus. 17Bulus isawel i yiwen seg yimeqqranen n terbaɛt n meyya,
yenna-yas: "Awi ilemẓi-agi ɣer lqebṭan: isɛa awal ad as-t-yini." 18Iddem yewwi ilemẓi-
nni ɣer lqebṭan dɣa yenna-yas: "Bulus, ameḥbus-nni, isawel-iyi-d, iḥellel-iyi ad ak-d-
awiɣ ilemẓi-agi, isɛa awal ad ak-t-yini." 19Lqebṭan iṭṭef ilemẓi-nni seg ufus, iḍerref
iman-is dɣa yesteqsa-t: "D acu i tesɛiḍ ad iyi-t-id-tiniḍ?" 20Inna-yas: "Iyahudiyen
msefhamen gar-asen iwakken ad ak-d-ssutren ad tṣubbeḍ azekka Bulus ɣer usqamu n
ccraɛ, amzun d abeḥḥet ara t-beḥḥten s tteḥqiq. 21Meɛna, kečč ur ten-ttamnen ara, axaṭer
ndin tifexxet; akter n rebɛin n yirgazen i yeggullen yerna dɛan i yiman-nsen s ccer ur ččin
ur swin, alamma nɣan-t. Tura, atnan weǧden, ttraǧun kan ttesriḥ-ik." 22Lqebṭan iserreḥ i
yilemẓi-nni yerna yenna-yas: "Ur qqar i yiwen belli tessawḍeḍ-iyi-d lexbar-agi."
Bulus ittwaceggeɛ ɣer Qiṣarya
23
Isawel i sin imeqqranen n trebbaɛ n meyya, dɣa yenna-yasen: "Heggit-d mitin n
yiɛeskriwen, sebɛin n yimnayen akked mitin n wid ijebbden lqus, iwakken ad truḥem ɣef
ttesɛa n yiḍ ɣer Qiṣarya. 24Heggit iɛawdiwen iḥergen iwakken ad tesrekbem Bulus, ad t-
tawim di laman i lḥakem Filiks." 25Yura tabrat ideg inna: 26"Kludyus Lisyas i lḥakem
ameqqran Filiks. Sslam!27Iyahudiyen ṭṭfen argaz-agi yerna nudan ad t-nɣen. Ruḥeɣ nekk
d terbaɛt-iw ssukkseɣ-t-id, axaṭer sliɣ belli d Arumani. 28Nudaɣ ad ẓreɣ ɣef wacu i cetkan
fell-as; wwiɣ-t ɣer zdat usqamu-nsen n ccraɛ. 29Ufiɣ belli cetkan fell-as ɣef temsal yeɛnan
ccariɛa-nsen, mačči ɣef wayen yuklalen lmut neɣ ssnasel. 30Mi sliɣ belli ndin-as taxazabit
i urgaz-agi, ceggɛeɣ-ak-t-in imiren kan, yerna nniɣ i wid i d-icektan fell-as ad d-inin zdat-
k d acu i as-d-ssukksen."
31
Iɛeskriwen-nni ddmen Bulus deg yiḍ, akken i asen-t-yumer, wwin-t ɣer Antibatrisa.
32
Azekka-nni, ǧǧan imnayen ad ruḥen yid-s, nutni uɣalen ɣer leḥṣin. 33Mi wwḍen ɣer
Qiṣarya, imnayen-nni fkan tabrat i lḥakem yerna qeddmen-as Bulus. 34Lḥakem iɣra
tabrat-nni; mbaɛd isteqsa Bulus iwakken ad iẓer anta i d tamurt-is. Mi yesla belli si
Kilikya, 35yenna-yas: "Ad ak-ḥesseɣ mi ara d-awḍen wid i d-icektan fell-ak." Dɣa yumer
ad t-ɛassen di lberǧ n Hirudus.

Bulus zdat lḥakem Filiks
24Xemsa n wussan mebɛd, lmuqeddem ameqqran Ḥananya iṣubb netta d kra n
yimeqramen akked yiwen n ubugaṭu, isem-is Tirtulus; cetkan ɣef Bulus i lḥakem. 2Mi d-
sawlen i Bulus, Tirtulus ibda yettcekti fell-as, iqqar: 3"A lḥakem ameqqran! S lfeḍl-ik, aql-
aɣ nestummen s lehna akked ubeddel i d-tewwiḍ i tmurt-agi. Tanemmirt tameqqrant ɣef
wayen akk i aɣ-txeddmeḍ dayem, di yal amkan. 4Meɛna, iwakken ur k-ttceṭṭineɣ ara aṭas,
di leɛnaya-k, ḥess-iyi-d, di lehhu-inek, ad ak-d-nini kra n lehdur . 5Nwala belli argaz-agi,
d tterka, ittceṭṭin Iyahudiyen merra n ddunit: d netta i d aqerru n ṭṭayfa n Inaṣariyen,
6
iɛreḍ ad issednes ula d afakan. Neṭṭef-it-id, nebɣa ad t-ncareɛ s ccariɛa-nneɣ; 7meɛna
ilḥeq-d lqebṭan Lisyas, ikkes-aɣ-t seg yifassen-nneɣ s ddreɛ, 8yerna yumer i wid i d-
icektan fell-as ad d-ruḥen ad d-bedden zdat-k. Mi ara t-tbeḥḥteḍ, tzemreḍ ad tesleḍ seg
yimi-s ayen akk iɣef ncetka fell-as." 9Iyahudiyen cehden-d akk, nnan: "Akka i yella
lḥal."
Bulus idufeɛ ɣef yiman-is
10
Lḥakem iwehha-yas i Bulus iwakken ad d-ihder; bulus inṭeq, inna: "Ẓriɣ belli aṭas n
yiseggasen aya i telliḍ d anezzarfu n lǧens-agi; ihi ad dafɛeɣ ɣef yiman-iw s wul
yetheddnen. 11Tzemreḍ ad t-teẓreḍ: ur wwiḍen ara tnac n wussan aya segmi i uliɣ ɣer
Yarucalim iwakken ad seǧǧdeɣ dinna. 12Ur yi-d-ufin ara deg ufakan kkateɣ deg walbaɛḍ,
neɣ snejmaɛayeɣ-d lɣaci di leǧwameɛ n Iyahudiyen neɣ di temdint. 13Ur zmiren ara ad d-
awin ttbut deg wayen akka i d-gren fell-i tura. 14Acu kan, ad setɛerfeɣ zdat-k s wayagi:
"Qeddceɣ ɣef Yillu n lejdud-iw s ubrid-agi iwumi i qqaren ṭṭayfa; umneɣ s wayen akk
yuran di ccariɛa akked lanbeyya. 15Sɛiɣ asirem-agi deg Yillu akken i tesɛan nutni, s
timmad-nsen: ḥeggu n yiḥeqqiyen akked yimesbaṭliyen. 16Ɣef wayagi, kkateɣ dayem
amek ara yili wul-iw yeṣfa zdat Yillu akked yimdanen. 17Mbaɛd acḥal d aseggas, ruḥeɣ,
wwiɣ i ugdud-iw ssadaqat akked lewɛadi. 18Dinna i yi-d-ufan kra n Iyahudiyen n Asya
ssizdigeɣ iman-iw deg ufakan, mebla anejmaɛ, mebla lhul. 19D nutni i ilaq ad d-bedden
zdat-k, ad cetkin fell-i ma yella kra i yi-d-ssukksen. 20Neɣ ma ulac, d wigi ara d-yinin d
acu n lbaṭel i ufan deg-i mi beddeɣ zdat usqamu n ccraɛ n Iyahudiyen, 21siwa ma yella ɣef
yiwen n wawal-nni i d-nniɣ mi beddeɣ di tlemmast-nsen: 'ɣef ddemma n ḥeggu n
lmeggtin i beddeɣ ɣer ccraɛ ass-a zdat-wen'." 22Filiks, yessnen mliḥ ayen yeɛnan abrid-
agi, iḥbes anejmaɛ. Inna-yasen: "Mi ara d-iruḥ lqebṭan Lisyas, ad d-lhuɣ d temsalt-
nwen." 23Yumer i umeqqran n terbaɛt n meyya ad iɛass Bulus, meɛna ad iḥunn fell-as
yerna ur iqeṭṭeɛ i yiwen seg yiqriben-is ad as-iqdec.
Bulus iqqim di lḥebs
24
Kra n wussan mbaɛd, yusa-d Filiks netta d tmeṭṭut-is Drusila, d tayahudit. Iceggeɛ
wwin-d Bulus, dɣa iḥesses-as mi as-ihder ɣef liman di Lmasiḥ Yasuɛ. 25Mi ihedder Bulus
ɣef lḥeqq, ɣef rrzana akked lḥisab i d-iteddun, Filiks irgagi. Inṭeq, inna: "Ruḥ akkin
tura. Ad ak-d-siwleɣ mi ara sɛuɣ lweqt." 26Iḍmeɛ di Bulus ad as-ifk idrimen; ɣef wayagi i
as-isawal dayem iwakken ad ihder yid-s. 27Ɛeddan sin n yiseggasen, Burkyus Fistus yuɣal
deg umkan n Filiks. iwakken ad ixdem lemzeyya i Yiyahudiyen, Filiks yegga Bulus di
lḥebs.
Bulus irẓa ccraɛ ɣer Qayṣer
25Fistus iwweḍ ɣer leɛmala-s. Tlata n wussan mbaɛd, yuli si Qiṣarya ɣer Yarucalim.
2
Imeqqranen n lmuqeddmin akked yimeqqranen n Iyahudiyen cetkan i Fistus ɣef Bulus.
3
Ḥellen-t iwakken ad asen-ixdem lemzeyya, ad t-iceggeɛ ɣer Yarucalim; axaṭer heggan-
as-d yakan taxazabit iwakken ad t-nɣen deg ubrid. 4Meɛna Fistus irra-yasen belli Bulus
ittwaḥbes di Qiṣarya, yerna netta, s timmad-is, ur ittɛeṭṭil ara ad yuɣal ɣer dinna. 5Inna-
yasen: "Wid izemren gar-awen, ad ṣubben yid-i! Ma yella kra n ṭṭelm i yellan deg urgaz-
agi, ad cetkin fell-as.
6
Tmanya neɣ ɛecra n wussan kan i yesɛedda Fistus gar-asen; mbaɛd, iṣubb ɣer Qiṣarya.
Azekka-nni, iqqim ɣef ukersi n ccraɛ. Yumer ad as-d-awin Bulus. 7Mi d-iwweḍ Bulus,
Iyahudiyen i d-iṣubben si Yarucalim zzin-as. Gren-d fell-as ibararen mačči d kra, meɛna
ur ssawḍen ara ad d-fken ttbut n wayen i d-qqaren. 8Bulus idufeɛ ɣef yiman-is, inna: "Ur
ɛuṣaɣ deg wacemma, la ccariɛa n Iyahudiyen, la afakan, la Qayṣer." 9Meɛna Fistus,
yebɣan ad ixdem lemzeyya i Yiyahudiyen, yenna i Bulus: "Tebɣiḍ ad taliḍ ɣer Yarucalim
iwakken ad tɛeddiḍ di ccraɛ dinna zdat-i?" 10Bulus yenna-yas: "Ad ɛeddiɣ di ccraɛ n
Qayṣer, dinna ara ttucarɛeɣ." Ur ḍlimeɣ deg wacemma Iyahudiyen, akken i t-teẓriḍ, kečč,
s timmad-ik. 11Ma ḍelmeɣ yerna uklaleɣ lmut, ur ttagiɣ ara ad mmteɣ. Meɛna ma yella
ayen akk i d-gren fell-i ur iseḥḥa ara, yiwen ur izmir ad iyi-isellem s afus-nsen. Ad rẓeɣ
ccraɛ ɣer Qayṣer." 12Mbaɛd mi yemcawar Fistus netta d usqamu-s, irra-yas i Bulus:
"Terẓiḍ ccraɛ ɣer Qayṣer, ad truḥeḍ ɣer Qayṣer."
13
Kra n wussan mbaɛd, agellid Agribas akked Birnika wwḍen ɣer Qiṣarya, sellmen ɣef
Fistus. 14Sɛeddan dinna aṭas n wussan. Fistus iḥka i ugellid tamsalt n Bulus, yenna-yas:
"Filiks yeǧǧa-d yiwen n umeḥbus. 15Mi wwḍeɣ ɣer Yarucalim, imeqqranen n
lmuqeddmin akked yimeqqranen n Iyahudiyen cetkan-d fell-as yerna ssutren-iyi-d ad
ḥekmeɣ fell-as. 16Nniɣ-asen belli mačči di lɛadda n Yirumiyen ad ḥekmen ɣef yiwen
uqbel ma iqubel wid i d-icetkan fell-as yerna idufeɛ ɣef yiman-is di temsalt-nni i d-gren
fell-as. 17Mi d-usan ihi ɣer dagi, ur ɛeṭṭleɣ ara; azekka-nni kan, qqimeɣ ɣef ukersi n ccraɛ
dɣa umreɣ ad d-awin argaz-nni. 18Wid i d-icektan fell-as kkren-d, meɛna ur as-sbabben
acemma n wayen n diri i ɣileɣ ixdem-it. 19D amennuɣ kan i nnuɣen yid-s ɣef kra n temsal
yeɛnan ddin-nsen akked yiwen iwumi i qqaren Yasuɛ, i yemmuten, meɛna Bulus iqqar
belli yedder. 20Seg wakken tesseɛweq-iyi temsalt-agi, ssutreɣ-as ma yebɣa ad iruḥ ɣer
Yarucalim iwakken ad ittucareɛ dinna ɣef wayagi. 21Meɛna Bulus irẓa ccraɛ, issuter-d ad
taweḍ temsalt-is s agellid ameqqran. Fkiɣ lamer ihi ad t-ǧǧen di lḥebs alamma ceggɛeɣ-t i
Qayṣer." 22Agribas yenna i Fistus: "Bɣiɣ ula d nekk ad sleɣ i urgaz-agi." Fistus yenna-yas:
"Azekka ad as-tesleḍ."
23
Azekka-nni ihi, Agribas akked Birnika usan-d s zzedwa; kecmen s axxam n ccraɛ nutni
d lqebṭanat akked lɛeqqal n temdint. Mbaɛd, Fistus ifka lamer, dɣa skecmen-d Bulus.
24
Fistus inna: "Ay agellid Agribas, a kenwi akk iḥeḍren dagi yid-neɣ, twalam argaz-agi
iɣef i d-cetkan ɣur-i waṭas n Iyahudiyen, ama di Yarucalim, ama dagi, ttɛeggiḍen belli ur
ilaq ara ad yidir. 25Nekk ur as-d-ssukkseɣ acemma yuklalen lmut. Netta, s timmad-is, irẓa
ccraɛ s agellid ameqqran: qesdeɣ ad as-t-ceggɛeɣ. 26Ur ufiɣ ara n wayen iṣeḥḥan ara aruɣ
fell-as i ugellid ameqqran. Ɣef wayagi i t-id-sbeddeɣ zdat-wen, ladɣa zdat-k, kečč, ay
agellid Agribas, iwakken mbaɛd abeḥḥet-agi ad afeɣ d acu ara aruɣ. 27Axaṭer walaɣ belli
ur ilaq ara ad ceggɛeɣ ameḥbus mebla ma nniɣ-d ɣef wacu i d-cetkan fell-as."
Bulus zdat ugellid Agribas
26Agribas yenna i Bulus: "Tzemreḍ ad d-hedreḍ iwakken ad tdafɛeḍ ɣef yiman-ik."
Bulus irfed afus-is dɣa yebda yettdafaɛ ɣef yiman-is: 2"Ɣef wayen akk i yi-sbabben
Iyahudiyen, aql-i ferḥeɣ, ay agellid Agribas, imi i zemreɣ ad dafɛeɣ ɣef yiman-iw zdat-k,
ass-a, 3axaṭer kečč, s timmad-ik, tessneḍ mliḥ leɛwayed n Iyahudiyen akked lemgadlat-
nsen. Di leɛnaya-k, ḥess-iyi-d s ṣṣber. 4Amek i ɛaceɣ si temẓi-w, si tazwara, gar wat
tmurt-iw, di Yarucalim, Iyahudiyen akk ẓran-t. 5Ssnen-iyi si zik yerna zemren, ma bɣan,
ad cehden fell-i belli tebɛeɣ ṭṭayfa qessiḥen akk di ddin-nneɣ: d Afarisi. 6Tura, aql-i
ttɛeddiɣ di ccraɛ, axaṭer ttraǧuɣ ad d-iḍru wayen akken i yewɛed Yillu i lejdud-nneɣ,
7
ayen akken i ttraǧun tnac leɛrac-nneɣ s ccuq ad d-iḍru, s lɛibada am yiḍ, am wass. Ɣef
ddemma n usirem-agi i d-cetkan fell-i Iyahudiyen, ay agellid. 8Acuɣer i tḥesbem belli d
lmuḥal ad d-isseḥyu Yillu lmeggtin? 9Uqbel, tqenɛeɣ n ṣṣeḥḥ belli ilaq ad qamreɣ s
tezmert-iw merra isem n Yasuɛ Anaṣari; 10d ayen i xedmeɣ di Yarucalim, anda i rriɣ ɣer
leḥbus aṭas n yimqeddsen s ttesriḥ i yi-d-fkan lmuqeddmin imeqqranen. Ula mi ara ten-
nɣen, ttwafaqeɣ-ten. 11Acḥal d abrid, di leǧwameɛ n Iyahudiyen, ttɛaqabeɣ-ten, ttaḥraṣeɣ-
ten ad kefren. Seg wakken ḥecreɣ aṭas fell-asen, ttqehhireɣ-ten ula di temdinin
tiberraniyin.
12
Ɣef wayagi i ruḥeɣ ɣer Dimecq s ttesriḥ akked lamer n yimeqqranen n lmuqeddmin.
13
Leǧwahi n ttnaṣfa n wass, deg ubrid, walaɣ, ay agellid, tekka-d seg yigenni yiwet n tafat
yettfeǧǧiǧen akter n yiṭij, tecɛecɛ-d fell-i akked wid yellan yid-i. 14Neɣli akken ma nella
ɣer lqaɛa yerna sliɣ i yiwet n taɣect tenna-yi-d s Tɛibranit: 'A Cawul, a Cawul, acuɣer i yi-
tettqehhireḍ? Ad ak-yiwɛir ad tṣekkkeḍ zdat yinezlan.' 15Nniɣ-as: 'Anwa-k, a Sidi?' Ssid
yenna-d: 'Nekk, d Yasuɛ i tettqehhireḍ keččini. 16Kker, bedd ɣef yiḍarren-ik. Sbeggneɣ-
ak-d iman-iw, iwakken ad k-xtireɣ d aqeddac, d inigi n wayen i twalaḍ akked wayen ara
ak-d-ssekneɣ. 17Ssukkseɣ-k-id seg ugdud akked wat leǧnas wuɣur ara k-ceggɛeɣ, 18i
wakken ad asen-teldiḍ allen, iwakken ad ɛeddin si ṭṭlam ɣer tafat, si tezmert n Cciṭan ɣer
Yillu, iwakken, s liman ara yamnen yis-i, ad asen-ttwaɛfun ddnubat-nsen yerna ad sɛun
amur n lwert nutni d yimqeddsen.'
19
Seg imiren, ay agellid Agribas, ur qumreɣ ara aweḥḥi-nni i d-yusan seg yigenni, 20meɛna
beccreɣ qbel i wat Dimecq, i wat Yarucalim daɣen, i tmurt merra n Yahuda akked wat
leǧnas, qqareɣ: 'Tubet, uɣalet-d ɣer Yillu; xedmet lecɣal i d-ittbegginen belli ttubem.'
21
Ɣef wayagi, Iyahudiyen ṭṭfen-iyi deg ufakan, ɛerḍen ad iyi-nɣen. 22Meɛna Illu yella d
amalal-iw ar ass-a. Beddeɣ d inigi zdat umecṭuḥ d umeqqran; ur d-nniɣ acemma-nniḍen
siwa ayen i d-caren lanbeyya akked Musa ad d-iḍru: 23Lmasiḥ ilaq ad iɛteb, yerna ad yili
d amezwaru ara d-iḥyun si gar lmeggtin iwakken ad ibeccer tafat i ugdud Ayahudi akked
wat leǧnas."
24
Mi yella Bulus ittdafaɛ ɣef yiman-is, Fistus inṭeq s ṣṣut ɛlayen, inna: "Tselbeḍ, a Bulus!
Seg wakken aṭas i teɣriḍ, iffeɣ-ik leɛqel!" 25Meɛna Bulus yenna-yas: "Ur slibeɣ ara, a
Fistus ameqqran; d lehdur n ṣṣeḥḥ akked ṣṣwab i d-qqareɣ. 26Agellid iɛlem s wayagi,
daymi i as-heddreɣ s ṭṭmanna, tḥeqqeɣ belli acemma ur iffir fell-as, axaṭer ayagi ur iḍri ara
s tuffra. 27Tumneḍ s lanbeyya, ay agellid Agribas? Ẓriɣ belli tumneḍ yis-sen." 28Agribas
yenna i Bulus: "Cwiṭ kan, ad iyi-tqenɛeḍ ad uɣaleɣ d amasiḥi!" 29Bulus yenna-yas: "Ama
tura, ama mbaɛd, deɛɛuɣ ɣer Yillu, mačči kečč kan, meɛna wid akk i yi-d-ittḥessisen ass-
a, ad tuɣalem am nekk, meɛna mebla leqyud-agi."
30
Agellid ikker netta d lḥakem, Birnika akked wid yeqqimen yid-sen. 31Mi ruḥen, nnan
gar-asen: "Argaz-agi ur ixdim acemma yuklalen lmut neɣ leqyud." 32Agribas yenna i
Fistus: "Argaz-agi izmer ad ittuserreḥ lemmer ur irẓi ara ccraɛ ɣer Qayṣer."
Rrwaḥ ɣer Ruma
27Mi yettwaṭṭef leqsed belli ad nerkeb lbabur ɣer Ṭṭelyan, fkan Bulus akked kra n
yimeḥbas-nniḍen i yiwen n umeqqran n terbaɛt n meyya, isem-is Yulyus, si terbaɛt n
ugellid ameqqran. 2Nerkeb deg yiwen n lbabur n Adramitinu, i yettheggin ad iruḥ rrif rrif
n Asya; nruḥ, idda yid-neɣ Aristarxus, yiwen n Umakduni n Tisaluniki. 3Azekka-nni,
newweḍ ɣer Ṣidun. Yulyus ixdem-as lemzeyya i Bulus: Iǧǧa-t ad iruḥ ɣer yiḥbiben-is
iwakken ad as-d-fken ayen yeḥwaǧ. 4Mi neqleɛ ssyenna, nɛedda rrif rrif n Qubruṣ, axaṭer
aḍu iqubel-aɣ-d. 5Nezger lebḥer n Kilikya akked Bamfilya, dɣa ners di Mira n Likya.
6
Ameqqran-nni n terbaɛt n meyya yufa dinna yiwen n lbabur n Aliksandriya ara iruḥen
ɣer Ṭṭelyan; isserkeb-aɣ deg-s. 7Lbabur iteddu s leɛqel aṭas n wussan; ur newwiḍ ara ɣer
Knidus armi i nerwa lḥif. Aḍu ur aɣ-issuɛed ara, dɣa nɛedda ddaw Kritus, si lǧiha n
Salmuni. 8Nɛedda rrif rrif s leɛtab ameqqran, armi i newweḍ ɣer yiwen n umkan iwumi i
qqaren Lemraṣi Icebḥen, tama-s tella temdint n Lasaya.
9
Aṭas n lweqt i iɛeddan, tewweḍ-d tallit-nni iweɛren i yibeḥriyen; yuɣ lḥal lweqt-nni n
tuẓamin iɛedda. 10Bulus iɛeggen-asen, yenna-yasen: «irgazen, ttwaliɣ belli inig-agi ad
yiwɛir. Ad d-iglu s lexṣara tameqqrant, mačči kan i sselɛa akked lbabur, meɛna ula i
nekni.» 11Ameqqran n terbaɛt n meyya iḥesses i lqebṭan akked umɛellem n lbabur, mačči i
lehdur n Bulus. 12Imi lmerṣa-nni ur ilhi ara i usɛeddi n ccetwa, ṭṭaqa walan belli axir ad
nruḥ ssyenna iwakken ad naweḍ, ma yella wamek, ɣer Finiksa, yiwen n lmerṣa n Kritus,
iqublen asammer aɣerbi akked umalu aɣerbi, iwakken ad nesɛeddi ccetwa.
Tabuciḍant di lebḥer
13
Ikker-d waḍu n usammer d axfifan, ɣilen ad awḍen ɣer lmeqsud-nsen. Refden amextaf n
lbabur, dɣa ruḥen rrif rrif n Kritus. 14Meɛna, cwiṭ kan mbaɛd, tekkr-d yiwet n tbuciḍant
iwumi i qqaren Urakilun, thubb-d ɣef tegzirt-nni. 15Tewwi lbabur, ur izmir ara ad iqabel
aḍu. Yewwi-yaɣ waḍu, nenfel. 16Lbabur iɛedda ddaw yiwet n tegzirt tamecṭuḥt iwumi i
qqaren Kawda. Ur d-neṭṭif ara taflukt-nni n leslak armi i nerwa lḥif. 17Mbaɛd mi tt-id-
ssulin, cudden lbabur-nni s yimurar si yal tama. Seg wakken uggaden ad d-afen iman-
nsen ḥeṣlen di Sirti, ṣubben-d lqelɛat, imiren ǧǧan iman-nsen ad ten-yawi waḍu.
18
Azekka-nni, seg wakken teǧhed tbuciḍant-nni akter, kkren ḍeggren ɣer lebḥer sselɛa.
19
Ass wis tlata, ḍeggren s ufus-nsen dduzan n lbabur ɣer lebḥer. 20Acḥal n wussan ur d-
iban yiṭij ur d-banen yitran. Tabuciḍant teǧhed mliḥ daymi i neqḍeɛ akk layas n lemneɛ.
21
Mbaɛd acḥal n wussan mebla učči, Bulus ibedd gar-asen, inna: "Ay irgazen, lemmer i
yi-d-tḥessem, ur d-nruḥ ara si Kritus, tili lexṣara akked lxuf-agi ur d-ttilin ara akk. 22Ad
awen-iniɣ: hennit iman-nwen, axaṭer ula d yiwen deg-wen ur ittmettat, d lbabur kan ara
tent-yaɣen. 23Iḍ-agi, ibedd-d ɣur-i yiwen n lmelk sɣur Yillu-yiw, win akken i ttɛebbideɣ.
24
Inna-yi-d: ‘Ur ttaggad ara, a Bulus! Ad tbeddeḍ zdat Qayṣer. Atan, Illu yefka-yak di
nneɛma-s wid merra i d-yunagen yid-k di lbabur.’ 25Ɣef wayagi, ẓewret, ay irgazen!
Ttekleɣ ɣef Yillu: ad teḍru akken i yi-t-id-yenna. 26Meɛna ad aɣ-iḍegger lebḥer ɣer yiwet
n tegzirt."
Taruẓi n lbabur
27
Deg yiḍ wis rbeɛṭac, mazal aḍu yettawi-yaɣ akkin akka di lebḥer n Adriya; ttnaṣfa n yiḍ,
ibeḥriyen ḥussen belli iqerreb-d lberr. 28Ktalen leɣmiq n lebḥer dɣa ufan tmanyin n
yiɣallen. Rnan cwiṭ ɣer zdat, ktalen daɣen dɣa ufan settin n yiɣallen. 29Imi uggaden ad
ten-id-iḥaz kra, ḍeggren rebɛa n yimextafen ɣer lebḥer, ḥaren melmi ara yali wass. 30Seg
wakken ibeḥriyin ttnadin ad rewlen si lbabur, ṣubben taflukt n leslak ɣer lebḥer, ufan-d
ssebba d aḍegger ara ḍeggren imextafen n zdat lbabur. 31Bulus yenna i umeqqran-nni n
terbaɛt n meyya akked lɛesker-is: "Ma ur qqimen ara widak-ihin di lbabur, ur
tettizmirem ara ad tmenɛem." 32Imiren lɛesker gezmen imurar n teflukt dɣa ǧǧan-tt teɣli
ɣer lebḥer.
33
Uqbel ad yali wass, Bulus inha lɣaci-nni merra ad ččen lqut. Inna-yasen: "rbeɛṭac n
wussan aya i tettraǧum, ur teččim ur teɛriḍem acemma. 34Di leɛnaya-nwen, ččet lqut
iwakken ad tmenɛem; ula d yiwen deg-wen ur as-ittruḥu ula d yiwen n unẓad n uqerru-
s."35Mi d-yenna lehdur-agi, iddem-d aɣrum, iḥmed Illu zdat-sen merra, ibḍa-t dɣa
yebda itette. 36Theddnen akk wulawen-nsen, dɣa ula d nutni ččan lqut. 37Nella di mitin
usetta usebɛin yid-neɣ di lbabur. 38Ččan armi i ṛwan; mbaɛd ḍeggren irden ɣer lebḥer
iwakken ad yifsus lbabur.
39
Mi yuli wass, ur ɛqilen ara tamurt-nni, meɛna walan yiwet n tegzirt, taftist-is, d rrmel.
Ṭṭfen leqsed ad sneflen ɣer dinna lbabur, ma yella wamek. 40Serrḥen i yimextafen, ǧǧan-
ten di lebḥer; fsin imurar n yimeqyaden, ssulin-d lqelɛa n deffir iwakken ad ten-inher
waḍu, imiren rran ɣer teftist-nni. 41Meɛna ḥuzan yiwen n uɛemmur n rrmel, dɣa yeḥbes
lbabur dinna. Lǧiha n zdat lbabur tekcem di rrmel, ur tettḥerrik ara, ma d lǧiha n deffir,
tebda tettruẓu seg wakken ǧehdent lemwaǧi. 42Iɛsekriwen bɣan ad nɣen imeḥbas-nni,
axaṭer uggaden ad irwel yiwen seg-sen s lɛum. 43Ameqqran-nni n terbaɛt n meyya i
yebɣan ad isellek Bulus, ur iqbil ara ṛṛay-nsen. Yumer: "Wid yessnen ad ɛummen, ad
ḍeggren iman-nsen s aman iwakken ad awḍen ɣer lberr d imezwura. 44Ma d wiyaḍ ad ten-
tebɛen ɣef telwiḥin akked yiceqfan n lbabur." Swakka, akken ma llan wwḍen ɣer lberr,
menɛen.
Bulus di Malṭa
28 Mi nemneɛ, nesla belli tigzirt-nni isem-is Malṭa. 2At tmurt-nni setreḥben yis-nneɣ
akken ilaq; ceɛlen-aɣ times, jemɛen-aɣ-d ɣur-s axaṭer ikkat ugeffur yerna d asemmiḍ.
3
Bulus ijmeɛ-d taffa n yisɣaren dɣa iger-iten di tmes. Si lḥamu-nni yeffɣ-d yiwen n
uzrem, ickenṭeḍ deg ufus n Bulus. 4Mi walan wat tmurt-nni azrem-nni yeckenṭeḍ deg
ufus-is, wa yeqqar i wa: "Iban, amdan-agi, d aqettal! Imneɛ-d i lebḥer, meɛna Lḥeqq ur t-
ittaǧǧa ara ad yidir."5Bulus izwi azrem-nni ɣer tmes, ur t-yuɣ wacemma. 6Nutni ttraǧun
ad ibzeg ufus-is neɣ ad immet menṭeq. Urǧan aṭas; mi walan ur t-yuɣ wacemma, beddlen
ṛṛay, qqaren belli d arebbit.
7
Di leǧwahi-nni, illa yiwen n lḥuc, d ayla n lḥakem n tegzirt-nni iwumi i qqaren Bubliyus.
Yewwi-yaɣ s axxam-is yerna yesterḥeb yis-nneɣ tlata n wussan. 8Baba-s n Bubliyus illa
deg wusu, ihlek tawla akked yiẓmi. Bulus ikcem ɣur-s, iẓẓul, isers ifassen-is fell-as dɣa
yesseḥla-t. 9Mi d-iḍra wayagi, imuḍan-nniḍen n tegzirt-nni ruḥen-d ɣur-s ula d nutni dɣa
ḥlan. 10Ssaɛezzen-aɣ yerna fkan-aɣ ayen akk i neḥwaǧ, mi nekker ad nruḥ.
11
Tlata n wagguren mbaɛd, nerkeb yiwen n lbabur n Aliksandriya iwumi i qqaren
Dyuskurus, i yesɛeddan ccetwa di tegzirt-nni. 12Ners di Sirakusa, anda i neqqim tlata n
wussan. 13Syenna, nruḥ rrif rrif n lebḥer, dɣa newweḍ ɣer Rigyun. Azekka-nni, ikker-d
waḍu n usammer; sin n wussan mbaɛd, newweḍ ɣer Butyuli. 14Dinna, nufa atmaten.
Ḥawten-aɣ ad neqqim yid-sen sebɛa n wussan. Swakka, newweḍ ɣer Ruma. 15Mi slan
watmaten n Ruma s wayen i yeḍran yid-neɣ, ruḥen-d ɣur-neɣ armi d azniq n Abyus
akked Tlata n Tbernat. Mi ten-iwala Bulus, iḥmed Illu yerna yuɣal-it-id rruḥ.
Bulus iwweḍ Ruma
16
Mi nekcem ɣer Ruma, ɛemden-as i Bulus ad yili weḥd-s deg yiwen n uxxam, netta d
yiwen n uɛeskri i t-ittɛassan. 17Mi ɛeddan tlata n wussan, Bulus issawel i yimeqqranen n
Iyahudiyen. Mi d-nnejmaɛen, Bulus yenna-yasen: «Ay atmaten, nekk ur nexdim acemma
i ixulfen agdud-nneɣ neɣ leɛwayed n lejdud, ttwaṭṭfeɣ d ameḥbus di Yarucalim, sellmen-
iyi s afus n Yirumiyen. 18Mbaɛd mi yi-beḥḥten, Irumiyen bɣan ad iyi-serrḥen axaṭer ur
ufin deg-i acemma yuklalen lmut. 19Meɛna Iyahudiyen kkren-d ɣur-i; ttwaḥetmeɣ ad rẓeɣ
ccraɛ ɣer Qayṣer, meɛna mačči iwakken ad cetkiɣ ɣef lǧens-iw. 20Atan ɣef wacu i sḥerṣeɣ
ad d-truḥem iwakken ad ken-waliɣ yerna ad awen-hedreɣ: ɣef ddemma n usirem n Israyil
i ttwarzeɣ di ssnesla-agi." 21Nnan-as: "Ur d-neṭṭif ara kra n tebrat si Yahuda ɣef temsalt-ik;
ur d-iruḥ ara ɣer dagi walbaɛḍ seg watmaten i d-iḥkan neɣ i d-yennan kra n wayen n diri
fell-ak. 22Meɛna nebɣa ad nsel s ɣur-k d acu i tettxemmimeḍ. Neẓra belli ṭṭayfa-agi,
ttqamaren-tt di yal amkan."
23
Fkan-as ttiɛad dɣa ruḥen-d deg waṭas yid-sen s axxam-is. Bulus ibeccer-asen yerna
yessefhem-asen tagelda n Yillu. Si ṣṣbeḥ armi d tameddit, ittnadi ad ten-iqenneɛ ɣef
wayen yeɛnan Yasuɛ, s ccariɛa n Musa akked lanbeyya. 24Kra tqenɛen s wayen i d-yenna;
wiyaḍ ur uminen ara. 25Seg wakken ur mtafaqen ara gar-asen, mfaraqen; dɣa Bulus
iḍegger-asen awal-agi: "Isɛa lḥeqq Rruḥ Iqedsen mi d-ihder i lejdud-nwen seg yimi n nnbi
Iceɛya, 26mi d-yenna:
'ruḥ ini-yas i ugdud-agi:

Timesliwt ad teslem, meɛna ur tfehhmem ara;
Awali ad twalim, meɛna ur tferrzem ara.
27
Axaṭer ul n ugdud-agi yeqqur,
Imeẓẓuɣen-nsen qeflen, allen-nsen qnent,
i wakken ur ttwalin ara s wallen-nsen,
Ur sellen ara s yimeẓẓuɣen-nsen,
ur fehhmen ara s wulawen-nsen,
Neɣ ma ulac ad d-uɣalen, dɣa ad ten-sseḥluɣ.'
28
Ɛelmet ihi ayagi: leslak-agi n Yillu yettunefk i leǧnas; nutni, ad as-ḥessen! 29Mi d-yenna
Bulus lehdur-agi, imeqqranen n Iyahudiyen ffɣen, ttemjadalen mliḥ gar-asen.
30
Bulus iqqim sin n yiseggasen kemlen deg yiwen n uxxam i yekra. Isterḥib s wid akk i
yettruḥun ɣur-s. 31Ittbeccir tagelda n Yillu yerna yesselmad ayen yeɛnan Ssid Yasuɛ
Lmasiḥ, s tlelli, mebla aɛewwiq.
TABRAT I YIRUMIYEN
Lḥeqq n Yillu
1Bulus, aqeddac nLmasiḥ Yasuɛ, i d-ittusawlen d amceggeɛ yerna yettwaɛzel-d i Linǧil
n Yillu, 2Linǧil i yewɛed Yillu si tazwara seg yimi n lanbeyya-s di Tira Iqedsen; 3d ayen
yeɛnan Mmi-s i d-ilulen seg uẓar n Dawed, si lǧiha n umdan, 4ittusemma Mmi-s nYillu s
tezmert, si lǧiha n Rruḥ n leqdasa, s ḥeggu i d-iḥya si gar lmeggtin, Yasuɛ Lmasiḥ, Ssid-
nneɣ. 5Yis-s iɣ-d-tettunefk nneɛma ad nili dimceggɛen, iwakken, s yisem-is, ad d-nawi
ɣer ṭṭaɛa n liman leǧnas merra, 6ideg tettekkim ula d kenwi iwumi i d-isawel Yasuɛ
Lmasiḥ, 7iwid akk yellan di Ruma, imeɛzuzen n Yillu, i d-ittusawlen d imqeddsen:
nneɛma fell-awen akked lehna sɣur Yillu Baba-tneɣ akked Ssid Yasuɛ Lmasiḥ.
8
Ad as-iniɣ qbel tanemmirt i Yillu-yiw fell-awen merra, syisem nYasuɛ Lmasiḥ, axaṭer
liman-nwen yettuberreḥ di ddunit merra. 9Illu, i ttɛebbideɣ s rruḥ-iw deg ubeccer n
Linǧil n Mmi-s, d inigi-w: zgiɣ ttadreɣ-ken-id, 10ssutureɣ dayem di tẓilla-w ad iyi-
tettunefk tegnit, ma yebɣa Yillu, ad n-ruḥeɣ ɣur-wen. 11Acḥal i bɣiɣ ad ken-ẓreɣ, ad
ferqeɣ yid-wen kra n tukci n Rruḥ, iwakken ad tiǧhidem, 12neɣ iwakken ad nemseǧhad
gar-aneɣ ɣur-wen, s liman i aɣ-icerken, kenwi akked nekni. 13Ay atmaten, ur bɣiɣ ara ad
teqqimem ur teẓrim ara belli acḥal d abrid i ɛezmeɣ ad n-ruḥeɣ ɣur-wen, iwakken ad d-
ɣelteɣ kra n lfakya ɣur-wen, akken i d-ɣelteɣ ɣer leǧnas-nniḍen; meɛna ar ass-a, illa wacu
i yi-ittaṭṭafen. 14Ttwalaseɣ ɣer Iyunaniyen akked yiberraniyen, ɣer wukyisen akked
yibuhalen. 15Ɣef wayagi i tḥemmseɣ ad awen-beccreɣ Linǧil ula i kenwi yettilin di Ruma.
16
Ur ttsetḥiɣ ara s Linǧil, axaṭer d tazmert n Yillu i leslak n kra n win yumnen, Ayahudi
qbel, Ayunani mbaɛd. 17Deg-s i d-ittubeggen lḥeqq n Yillu, s liman, i liman; akken yura:
"Aḥeqqi ad yidir s liman."
Leǧhel n umdan
18
Urrif n Yillu yettban-d seg yigenni ɣef leǧhel akked lbaṭel n yimdanen i yettarzen tidet di
lbaṭel; 19axaṭer ayen ilaqen ad ittwassen ɣef Yillu yettubeggen-asen-d; Illu ibeggen-asen-
t-id. 20Seg wasmi i d-texleq ddunit, ayen yeffren ɣef wallen, tazmert-is n dayem akked
trebbanit-is ttbanen-d ɛinani di lecɣal-is. Deg wayagi, ur meɛdurit ara, 21axaṭer ɣas ssnen
Illu, ur t-ɛuzzen, ur as-rrin tajmilt i yuklal Yillu; meɛna ɣerqen deg yixemmimen-nsen ur
nesɛi lmeɛna, yerna yesberber ṭṭlam i wul-nsen ijehlen. 22Ttarran iman-nsen dukyisen
armi i uɣalen dimejhal. 23Beddlen lɛaḍima nYillu ur nfennu ara slmeṣnuɛat yesɛan ṣṣifa n
umdan lfani, nleḍyur, nlḥiwan yesɛan rebɛa n yiḍarren d wayen akk ileḥḥun ɣef uɛebbuḍ.
24
Ɣef wayagi, di ccehwat n wulawen-nsen, Illu isellem-iten i nnǧasa, ttcemmiten s
yiman-nsen tafekka-nsen. 25Beddlen tidet n Yillu slekdeb, ɛebden yerna qedcen ɣef
txelqit deg umkan n uxellaq i yettubarken idayem. Amin! 26Ɣef wayagi, Illu isellem-iten
i ccehwat tucmitin: tilawin-nsen ttbeddilent irgazen s tlawin. 27Akken daɣen ula dirgazen:
ǧǧan tilawin, wa yerɣa ɣef wa, xeddmen ticmatin gar-asen, argaz s argaz, ttxelliṣen deg
yiman-nsen ayen yuklal leǧhel-nsen. 28Imi ugin ad issinen Illu akken ilaq, Illu isellem-iten
i lefhama-nsen ur neṣwib ara, iwakken ad xeddmen ayen ur nlaq ara. 29Ččuren dkra yellan
d lbaṭel, lefsad, ṭṭmeɛ akked ccer; diḥessaden, d iqettalen, d wat ccwal, diḥraymiyen, d
ixabiten, d iqejjamen, 30d icettamen, d iɛdawen nYillu, d uqbiḥen, d imkebbren, d

izewwaxen, ḥercen i ccer, ttɛaṣin imawlan-nsen, 31ur sɛin ara lefhama, ur sɛin ara laman,
ur sɛin ara ul, ur sɛin ara rreḥma. 32Ɣas akken ssnen mliḥ leḥkem n Yillu i d-iqqaren belli
wid ixeddmen akka uklalen lmut, meɛna nutni xeddmen ayagi merra yerna teddun d wid i
tent-ixeddmen.
Lḥisab n lḥeqq n Yillu
2Ɣef wayagi, ur meɛdureḍ ara, kečč yettḥasaben, ay amdan, akken tebɣuḍ tiliḍ; axaṭer s
uḥaseb i tettḥasabeḍ wiyaḍ, tḥekmeḍ ɣef yiman-ik, imi kečč yettḥasaben, txeddmeḍ
akken ula d kečč. 2Neẓra belli Illu yettḥasab slḥeqq wid ixeddmen lecɣal-agi. 3Kečč, ay
amdan yettḥasaben wid ixeddmen lecɣal-agi, yerna txeddmeḍ-ten keččini, tɣileḍ ad
tmenɛeḍ ilḥisab nYillu? 4Neɣ tḥeqreḍ leɣna n lehhu-s, n ṣṣber-is, n litteɛ n lxaṭer-is? Ur
teẓriḍ ara belli lehhu n Yillu ad k-yawi ɣer ttuba? 5Meɛna s taɣert n uqerru-k akked wul-ik
yugin ad itub, tjemmɛeḍ-d iyiri-k agerruj n wurrif i wass n wurrif ideg ara d-iban lḥisab n
Yillu i yellan di lḥeqq. 6Ad yerr iyal yiwen akken i llan lefɛayel-is: 7tudert n dayem iwid
yettaṭṭafen di lxedma n wayen yelhan, ttnadin lɛezz, ccan, ayen ur nfennu, 8meɛna urrif
akked zzɛaf i yimnufaq yettqamaren tidet, teddun d lbaṭel. 9Lḥif, ccedda, i yal amdan
ixeddmen ccer, i Uyahudi qbel, mbaɛd i Uyunani. 10Lɛezz,ccan, lehna, ikra n win
ixeddmen ayen yelhan, i Uyahudi qbel, mbaɛd i Uyunani, 11axaṭer akked Yillu ulac
maḥyaf. 12Kra n win idenben mebla ccariɛa ad immet mebla ccariɛa. Meɛna win idenben
s ccariɛa ad ittuḥaseb s ccariɛa. 13Ala, mačči d wid isellen iccariɛa i yellan diḥeqqiyen ɣer
Yillu, meɛna d wid ixeddmen ayen i d-teqqar ccariɛa ara yettuzekkin. 14At leǧnas, ur nesɛi
ara ccariɛa, mi ara xeddmen snneyya-nsen ayen i d-teqqar ccariɛa, ɣas akken ur sɛin
ara ccariɛa, uɣalen dccariɛa iyiman-nsen. 15Ttbegginen-d belli lumur n ccariɛa uran
deg wul-nsen, lxaṭer-nsen ittcehhid-d s wayagi, ixemmimen-nsen tikkwal tezzmen-ten,
tikkwal ttdafaɛen fell-asen. 16Dayen ara d-ibanen asmi ara iḥaseb Yillu, sLmasiḥ Yasuɛ,
akken yella Linǧil-iw, lefɛayel yeffren n yimdanen.
Ayahudi akked ccariɛa
17
Meɛna ma yella kečč, isemman i yiman-ik Ayahudi, kečč yettekkan ɣef ccariɛa yerna
tettzuxxuḍ sYillu, 18kečč yessnen lebɣi-s yerna teẓriḍ ayen yesɛan azal, tesseɣr-ik ccariɛa,
19
tetḥeqqeḍ deg yiman-ik belli d kečč i yesselḥayen iderɣalen, i d tafat n wid yellan di
ṭṭlam, 20d aselman-n yimeslab, d ccix n warrac, tesɛiḍ lqanun n tmusni akked tidet di
ccariɛa; 21kečč ihi yesselmaden wiyaḍ, ur tesselmadeḍ ara iman-ik! Tettberriḥeḍ: "Ur
ttaker ara", kečč tettakreḍ! 22Teqqareḍ: "Ur zennu ara, meɛna kečč tzennuḍ! Tbeɣḍeḍ
lmeṣnuɛat, meɛna tettɛerriḍ lemqamat! 23Tettzuxxuḍ sccariɛa, meɛna, s truẓi i tettruẓud
ccariɛa, tesserxaṣeḍ Illu. 24"Ɣef ddemma-nwen, isem n Yillu yettwargem gar leǧnas", akken
yura.
25
D tidet, ṭṭhara tenfeɛ, ma txeddmeḍ ayen i d-tenna ccariɛa; meɛna ṭṭhara-k tuɣal mačči
d ṭṭhara, ma tettruẓuḍ ccariɛa. 26Win ur neḍhir ara, ma yeḥrez lumur n ccariɛa, aḍhar-nni
ur iḍhir ara, ur as-ittwaḥsab ara d ṭṭhara? 27Netta ur neḍhir ara di tfekka-s, meɛna
ixeddem ayen i d-tenna ccariɛa, ad k-iḥaseb, kečč yesɛan ṭṭhara akked usekkil, meɛna
tettruẓuḍ ccariɛa. 28Ayahudi mačči d win i d-ittbanen si berra, ṭṭhara mačči d tin i d-
ittbanen sufella, di tfekka; 29meɛna Ayahudi, d win i t-illan daxel, ṭṭhara d tin n wul, s
Rruḥ mačči s usekkil. Ayahudi-agi, dIllu ara t-icekkren mačči dimdanen.
Azekki, s liman mačči s lefɛayel
3Ihi d acu n lemzeyya i yesɛa Uyahudi, neɣ lfayda i tesɛa ṭṭhara? 2Meqqret si yal lǧiha,
axaṭer dnutni iwumi i d-ttunefken d imezwura lehdur n Yillu, d lamana. 3D acu ihi? Ma
yella kra deg-sen xedɛen, lexdeɛ-nsen ad issebṭel laman n Yillu? 4Ḥaca! Ad nesteɛref belli
Illu, d aḥeqqani, amdan d akeddab, akken yura: “I wakken ad tettuzekkiḍ deg wayen ara
d-tiniḍ, ad trebḥeḍ mi ara tɛeddiḍ di ccraɛ.” 5Ma yella lbaṭel-nneɣ isseḍhar-d lḥeqq
nYillu, d acu ara d-nini? D amesbaṭli Yillu, mi ara d-ismir urrif-is? Heddreɣ am
yimdanen. 6Ḥaca! Neɣ ma ulac, amek ara iḥaseb Yillu ddunit? 7Ma yella s lekdeb-iw,
tidet n Yillu tettnerni i lɛaḍima-s, acuɣer i yi-mazal ttwaḥesbeɣ am wakken d amednub?
8
Acuɣer ur nxeddem ara ayen n diri iwakken ad d-iffeɣ wayen yelhan, akken i d-gren fell-
aɣ lehdur-agi kra n wid yettqejjimen deg-neɣ? Lɛiqab n yimdanen-agi, d lḥeqq.
9
Amek ihi? Nekka-d nnig wiyaḍ? Ala! Nbeggn-d yakan belli ama d Iyahudiyen, ama d
Iyunaniyen, akken ma llan, ddaw leḥkem n ddnub, 10akken yura:
"Ulac aḥeqqi, ulac ula dyiwen,
11
Yiwen ur ifhim, yiwen ur ittnadi Illu;
Ḍaɛen merra, fesden merra,
12
Yiwen ur ixeddem leṣlaḥ, ula dyiwen.
13
Agerjum-nsen, d aẓekka yeldin,
Iles-nsen iskiddib,
Ddaw n yicenfiren-nsen, d ssem n uzrem.
14
Imi-nsen iččur dddeɛwat n ccer akked terẓeg;
15
Iḍarren-nsen xfifit s assizzel n yidammen,
16
D ahuddu akked twaɣit i yellan deg yiberdan-nsen;
17
Abrid n lehna, ur t-ssinen ara.
18
Ulac tuggdi n Yillu zdat wallen-nsen."
19
Neẓra belli ayen akk i d-tenna ccariɛa, tenna-t-id iwid yellan ddaw ccariɛa, iwakken kra
yellan d imi ad ittubekkem, yerna ddunit merra ad d-taf iman-is teḍlem zdat Yillu. 20Ɣef
wayagi, yiwen ur ittuzekkay zdat-s s lefɛayel n ccariɛa, axaṭer s ccariɛa i d-nettarra s
lexbar s ddnub.
21
Tura ihi, mebla ccariɛa, iban-d uzekki n Yillu, ccariɛa akked lanbeyya cehden-d fell-as.
22
Azekki n Yillu, s liman di Yasuɛ Lmasiḥ, i wid akk yumnen. Ulac lxilaf. 23Axaṭer akken
ma llan denben, ttwaḥerrmen si lɛaḍima nYillu, 24meɛna ttuzekkan baṭel s nneɛma-s,
slefdi yellan di Lmasiḥ Yasuɛ. 25Dnetta i d-ifka Yillu ad yili, s yidammen-is, d asfel n
usuref n ddnub, i wid ara yamnen, iwakken ad d-iḍher lḥeqq-is, imi ur iɛuqeb ara
ddnubat yettwaxedmen zik, di lweqt-nni n ṣṣber-is; 26ma di lweqt-agi n tura, isseḍher-d
lḥeqq-is, iwakken ad d-iban d aḥeqqi yerna ad izekki win yumnen s Yasuɛ.
27
Anda-t ihi zzux? Ulac! S wacu? S ccariɛa n lefɛayel? Ala! axaṭer s ccariɛa n liman.
28
Nettxemmim belli amdan ittuzekka s liman, mebla lefɛayel n ccariɛa. 29Neɣ daɣen, Illu,
d Illu n Iyahudiyen kan? Mačči d Illu n leǧnas daɣen? Ih, d Illu n leǧnas daɣen, 30imi Illu
yiwen, netta i yettzekkin s liman wid iḍehren, s liman wid ur neḍhir ara. 31Ad nessebṭel ihi
ccariɛa s liman? Ḥaca! Ala, d awekked i d-nettwekkid ccariɛa.
Liman nAbraham
4Dacu ara d-nini ihi yufa-t baba-tneɣ Abraham s lefɛayel? 2Lemmer i yettuzekka
Abraham s lefɛayel, ad isɛu s wacu ara izuxx; meɛna mačči ɣer Yillu. 3D acu i d-qqarent
Tira: "Abraham yumen s Yillu, dɣa yettwaḥseb-as d azekki." 4I win ifeɛɛlen, lexlaṣ ur
ittuneḥsab ara d lemzeyya, meɛna d lḥeqq. 5Ma d win ur nfeɛɛel ara, meɛna yumen s win
yettzekkin lkafer, liman-is ad as-ittwaḥseb d azekki. 6Akka daɣen i d-yenna Dawed ɣef
sseɛd n umdan iwumi yeḥseb Yillu azekki mebla lefɛayel:
7
"D iseɛdiyen wid iwumi i ttwasemmḥen ddnubat, iwumi i ttwaṣṣrent sseyyat.
8
D aseɛdi win iwumi ur iḥsib ara Ssid ddnub-is."
9
Sseɛd-agi, i wid iḍehren kan, neɣ ula i wid ur neḍhir ara? Nenna-t-id: i Abraham, liman
ittuḥseb-as d azekki. 10Melmi ihi i as-ittwaḥseb? Mbaɛd neɣ uqbel ṭṭhara-s? Ala, mačči
mbaɛd meɛna uqbel ad iḍher. 11Mbaɛd, limara n ṭṭhara tettunefk-as-d d ṭṭabeɛ n uzekki i
as-d-ittunefken s liman, mi yella ur iḍhir ara, iwakken ad yili d ababat n wid akk ur neḍhir
ara, i yumnen, iwakken ad asen-ittwaḥseb uzekki, 12d ababat daɣen n wid iḍehren, ur nelli
ara kan d wid iḍehren, meɛna teddun di later n liman n baba-tneɣ Abraham mi yella ur
iḍhir ara.
13
Mačči si ccariɛa i d-iffeɣ lweɛd i yettunefken i Abraham neɣ i dderya-s ad iwret ddunit,
meɛna seg uzekki n liman. 14Axaṭer, lemmer wid iwerrten werrten s ccariɛa, liman ibṭel,
lweɛd ifsex. 15Ccariɛa tettarew-d urrif; anda ulac ccariɛa, ulac aɛaṣi. 16Ihi, s liman,
iwakken s nneɛma ara d-ittuwekked lweɛd i dderya merra, mačči kan tin n ccariɛa meɛna
daɣen tin i d-ifrurin si liman n Abraham, baba-tneɣ merra, 17akken yura: "Sbeddeɣ-k d
ababat n waṭas n leǧnas", zdat win akken swayes yumen, Illu i yessidiren lmeggtin yerna
isawal i leḥwayeǧ ur nelli, amzun llant. 18Ɣas akken ulac asirem, Abraham issarem yerna
yumen, iwakken ad yuɣal d ababat n waṭas n leǧnas, akken i as-d-yenna: "Akka ara tili
dderya-k." 19Liman-is ur inqis ara ɣas akken ittwali di ṣṣura-s tettdubu, qrib ad issiweḍ
meyya n yiseggasen, yerna askiwen n Ṣara mmuten. 20Deg wayen yeɛnan lweɛd n Yillu,
ur inquqel ara s lqella n liman; meɛna yuɣal iǧhed s liman, irra lɛaḍima i Yillu, 21itḥeqqeq
mliḥ belli ayen i yewɛed, izmer daɣen ad t-ixdem. 22Swakka, ayagi yettwaḥseb-as d
azekki. 23Mačči fell-as kan weḥd-s i yura: "Ayagi yettwaḥseb-as",24meɛna ula inekni, ayagi
ilaq ad ittwaḥseb i nekni yumnen swin i d-isseḥyan si gar lmeggtin Yasuɛ, Ssid-nneɣ, 25i
yettusellmen ɣef ddnubat-nneɣ, yerna yeḥya-d i uzekki-nneɣ.
Azekki s liman
5Tura mbaɛd mi nettuzekka s liman, nufa lehna akked Yillu s Ssid-nneɣ Yasuɛ Lmasiḥ,
2
swayes inufa abrid, s liman, ɣer nneɛma-agi ideg neṭṭef, yerna nettzuxxu deg usirem n
lɛaḍima n Yillu. 3Mačči d ayagi kan, meɛna nettzuxxu ula di lemḥayen, axaṭer neẓra belli
lmeḥna tettawi-d ṣṣber, 4ṣṣber ittawi-d leɣlab di lmeḥna, leɣlab-agi yettawi-d asirem.
5
Asirem ur ittxeyyib ara, axaṭer leḥmala n Yillu temmar-d deg wulawen-nneɣ s Rruḥ
iqedsen iɣ-d-ittunefken. 6Axaṭer, mi akken iɣ-mazal neḍɛef, Lmasiḥ immut ɣef
yikafriwen di lweqt lmeɛlum. 7Ur ishil ara i umdan ad immet ɣef uḥeqqi, ahat yiwen ad
ibɣu ad immet ɣef umdan yelhan; 8meɛna Illu ibeggen-aɣ-d leḥmala-s, mi akken i aɣ-
mazal d imednuben, Lmasiḥ immut fell-aɣ. 9Xelliɛad tura mi nettuzekka s yidammen-is,
ad aɣ-isellek seg wurrif. 10Axaṭer, ma yella, mi akken i nella diɛdawen n Yillu,
issemṣaleḥ-aɣ d yiman-is s lmut n Mmi-s, xelliɛad tura mi nemṣalaḥ, ad nettwasellek s
tudert-is. 11Mačči dayagi kan, meɛna nettzuxxu daɣen s Yillu di Ssid-nneɣ Yasuɛ Lmasiḥ
iɣ-d-ifkan lemṣalḥa.
Adem akked Lmasiḥ
12
Ɣef wayagi, akken i d-ikcem ddnub ɣer ddunit s yiwen n umdan, i d-tekcem lmut s
ddnub, akken daɣen, lmut tḥuza imdanen merra, axaṭer denben akken ma llan. 13Armi d
ccariɛa, ddnub illa di ddunit; meɛna ddnub mebla ccariɛa ur ittuneḥseb ara. 14Ɣas akka, si
Adem armi dMusa, lmut teḥkem, ula deg wid ur nɛuṣa ara akken i iɛuṣa Adem, netta
yellan dlemteln win akken ilaqen ad d-iruḥ.
15
Meɛna tukci n baṭel mačči am uɛaṣi; axaṭer, akken i mmuten waṭas s uɛaṣi n yiwen,
akken daɣen, nneɛma n Yillu akked tukci-s feggḍent-d ɣef waṭas, s nneɛma n yiwen n
umdan, Yasuɛ Lmasiḥ. 16Ayen swayes i d-tegla tukci mačči am wayen swayes i d-igla
ddnub n yiwen n umdan: axaṭer lḥisab i d-yewwi ddnub n yiwen igla-d s lɛiqab, ma d
tukci n baṭel i d-ittunefken mbaɛd aṭas n ddnubat, tegla-d s uzekki. 17Akken i teḥkem lmut
s uɛaṣi n yiwen, akken daɣen, wid iwumi i d-ttunefkent s ṭṭaqa nneɛma akked tukci n
uzekki ad ḥekmen di tudert syiwenvasuɛ Lmasiḥ netta kan. 18Akka ihi, akken i d-iɣli
lɛiqab ɣef yimdanen merra s tuccḍa n yiwen kan, akken daɣen, s lfeɛl n lḥeqq n yiwen
kan, azekki yessidiren iɛna imdanen merra. 19Akken i yerra uɛaṣi n yiwen umdan aṭas d
imednuben, akken daɣen, s tiɣin n wawal n yiwen umdan, aṭas ara yettuzekkin. 20Ccariɛa
tban-d iwakken ad iṭṭuqqet ddnub; meɛna anda i yeṭṭuqqet ddnub, nneɛma teṭṭuqqut akter,
21
i wakken, akken i yeḥkem ddnub slmut, akken daɣen, nneɛma ad teḥkem s uzekki i
tudert n dayem, sYasuɛ Lmasiḥ, Ssid-nneɣ.
Lexlaṣ n ddnub, d lmut;
nneɛma n Yillu, d tudert n dayem di Yasuɛ Lmasiḥ
6D acu ara d-nini ihi? Ad neqqim di ddnub, iwakken nneɛma ad teṭṭuqqet? 2Ḥaca! Nekni
yemmuten deg wayen yeɛnanddnub, amek ara nettkemmil ad nettɛici di ddnub? 3Neɣ ur
teẓrim ara belli nekniakk yettwaɣeḍṣen di Lmasiḥ Yasuɛ, di lmut-is i nettwaɣḍeṣ?
4
Nettwamḍel ihi yid-s s uɣḍaṣ di lmut-is, iwakken, akken i d-iḥya Lmasiḥ si gar
lmeggtin, s lɛaḍima n Ubabat, nekni daɣen ad nelḥu di tudert tajdidt. 5Axaṭer, ma yella
nuɣal d yiwen n yimɣi yid-s s ucabi i t-necba di lmut-is, ad t-nuɣal daɣen s ucabi ara t-
ncabi di ḥeggu-s. 6Neḥṣa belli ṭṭbiɛa-nneɣ taqdimt tettwaṣelleb yid-s, iwakkentafekka-
agi n ddnub ad as-tettwakkes tezmert-is, swakka ur nettuɣal ara ad nili d aklan n ddnub;
7
win yemmuten islek si ddnub. 8Ma yella nemmut dLmasiḥ, numen belli ad nidir daɣen
yid-s. 9Neẓra belli Lmasiḥ, mbaɛd mi d-iḥya si gar lmeggtin, ur ittuɣal ara ad immet, ur
tettuɣal ad tesɛu lmut tazmert fell-as. 10Axaṭer mi yemmut, immut deg wayen yeɛnan
ddnub yiwet n tikkelt i dayem; mi d-iḥya, ittidir iYillu. 11Akka ula d kenwi, ḥesbet iman-
nwen temmutem deg wayen yeɛnan ddnub, meɛna teddrem i Yillu diLmasiḥ Yasuɛ. 12Ihi,
ur itḥekkim ara ddnub di tfekkiwin-nwen ara yefnun, ur ttaɣet ara awal i ccehwat-is. 13Ur
ttaket ara lemfaṣel-nwen i ddnub, d leslaḥ n lbaṭel; meɛna fket iman-nwen iYillu, d
lḥeggtin i d-yuɣalen si gar lmeggtin, s lemfaṣel-nwen, d leslaḥ n lḥeqq i Yillu. 14Ala,
ddnub ur ittuɣal ara ad itḥekkem deg-wen, axaṭer ur tellim ara ddaw ccariɛa, meɛnaddaw
nneɛma.
15
D acu ihi? Ad ndenneb imi ur nelli ara ddaw ccariɛa meɛnaddaw nneɛma? Ḥaca! 16Ur
teẓrim ara belli mi ara tefkem iman-nwen i yiwen d aklan iwakkenad as-tettaɣem awal,
tuɣalem d aklan n win iwumi i tettaɣem awal, ama n ddnub yettawin ɣer lmut, ama n tiɣin
n wawal yettawin s azekki. 17Tanemmirt i Yillu axaṭer mbaɛd mi tellam d aklan n ddnub,
tura tuɣem awal seg wul i tissas n uselmed ideg teɣram. 18Tettwaserrḥem-d si ddnub,
tuɣalem d aklan nlḥeqq. 19Heddreɣ-awen am yimdanen axaṭer tanefsit-nwen teḍɛef.
Akken i tefkam zik lemfaṣel-nwen d aklan innǧasa akked lbaṭel, i yettawin s aɛaṣi, tura
fket lemfaṣel-nwen d aklan i lḥeqq, i yettawin ɣer leqdasa. 20Asmi i tellam d aklan n
ddnub, tellam d iḥerriyen deg wayen yeɛnan lḥeqq. 21D acu n lfakya i d-tewwim ihi zik?
D lfakya swayes i tettsetḥim tura, tin akken yettawin ɣer lmut. 22Tura ihi mi tettwaserrḥem
si ddnub, tuɣalem d aklan n Yillu, lfakya-nwen d leqdasa, taggara-nwen d tudert n dayem.
23
Lexlaṣ n ddnub, d lmut; nneɛma n Yillu, d tudert n dayem di Lmasiḥ Yasuɛ, Ssid-nneɣ.
Ṭṭbiɛa tamednubt n umdan
7Ur teẓrim ara, ay atmaten, ih, heddreɣ i wid yessnen ccariɛa, belli ccariɛa teḥkem deg
umdan skud akk idder? 2Tameṭṭut izewǧen teqqen s argaz-is s ccariɛa skud mazal-it
idder; meɛna ma yemmut urgaz-is, tettwaserreḥ si ccariɛa i tt-iqqnen s argaz-is. 3Ihi, ma
tuɣal d tameṭṭut n urgaz-nniḍen, yili argaz-is idder, ad tettusemmi tin yeznan; meɛna ma
yemmut urgaz-is, tettwaserreḥ si ccariɛa, ur tezna ara ma tuɣal d tameṭṭut n urgaz-nniḍen.
4
Ula dkenwi, ay atmaten, tuɣalem temmutem deg wayen yeɛnan ccariɛa, s tfekka
nLmasiḥ, iwakken ad tilim n wayeḍ, n win i d-iḥyan si gar lmeggtin, iwakken ad d-nefk
lfakya i Yillu. 5Mi akken i nleḥḥu stnefsit-nneɣ, ccehwat timednubin i d-teskar ccariɛa
xeddment di lemfaṣel-nneɣ, iwakken ad d-nefk lfakya i lmut. 6Meɛna tura, nettuserreḥ
siccariɛa imi i nemmut deg wayen yeɛnan ayen iɣ-yurzen, nuɣal nqeddec s ubrid ajdid
nRruḥ, mačči s ubrid aqdim n usekkil.
7
D acu ara d-nini ihi? Eɛni ccariɛa, d ddnub? Ḥaca! Meɛna ssneɣ ddnub s ccariɛa; ur
ttissineɣ ara ṭṭmeɛ lemmer ur d-tenni ara ccariɛa: "Ur teṭṭamaɛeḍ ara." 8Ddnub ifures
tagnit, isker-d deg-i, s lamer-nni,yalṣṣenf n ṭṭmeɛ; axaṭer mebla ccariɛa, ddnub immut.
9
Zik, mi ulac ccariɛa, ttɛiciɣ; mi d-illa lamer, ddnub itḥaya-d, dɣa nekk mmuteɣ. 10Akka,
lamer-nni ilaqen ad iyi-yawi ɣer tudert, yewwi-yi ɣer lmut. 11Ddnub ifures tagnit s
lamer, iɣurr-iyi, dɣa yenɣa-yi yis-s.12Ihi, ccariɛa, d timqeddest; lamer, d imqeddes, d
aḥeqqi yerna yelha. 13Ayen yelhan, eɛni yuɣal-iyi d ssebba n lmut? Ḥaca! Meɛna
ddnub, iwakkenad d-iban d ddnub, issexdem ayen yelhan iwakkenad iyi-ineɣ,
iwakken ddnub ad yaweḍ ɣer lḥedd-is s ttawil n lamer. 14Neẓra belli ccariɛa, d rruḥ;
meɛna nekk, d anefsi yerna nziɣ i ddnub.

15
Ayen i xeddmeɣ, ur t-ẓriɣ ara, axaṭer ur xeddmeɣ ara ayen i bɣiɣ, meɛna dayen i
kerheɣ ixeddmeɣ. 16Ma yella xeddmeɣ ayen ur bɣiɣ ara, setɛerfeɣ belli ccariɛa telha.
17
Tura mačči dnekk i ixeddmen akka, meɛna dddnub izedɣen deg-i; 18axaṭer ẓriɣ belli
deg-i, yeɛni di tnefsit-iw, ayen yelhan ur izdiɣ ara. Lebɣi yella, meɛna tazmert ad
xedmeɣ ayen yelhan ulac; 19axaṭer ur xeddmeɣ ara lxir ibɣiɣ, meɛnaccer ur bɣiɣ ara, d
win ixeddmeɣ. 20Ma yella xeddmeɣ ayen ur bɣiɣ ara, mačči d nekk it-ixeddmen,
meɛna dddnub izedɣen deg-i. 21Ufiɣ ihi deg-i ccariɛa-agi: mi bɣiɣ ad xedmeɣ lxir, ccer
inṭeḍ-d deg-i. 22Daxel-iw, stummuneɣ s ccariɛa n Yillu, 23meɛnattwaliɣ di lemfaṣel-iw
ccariɛa-nniḍeni yettnaɣen d ccariɛa n tedmi-w; tettarra-yi d akli n ccariɛa n ddnub, tin
akken izedɣen lemfaṣel-iw. 24Alḥif-iw! Anwa ara y-isellken si tfekka-agi n lmut?
25
Tanemmirt i Yillu s Yasuɛ Lmasiḥ, Ssid-nneɣ. Akka ihi, ssya aql-i d akli n ccariɛa n
Yillu s tedmi-w, ssya d akli n ccariɛa n ddnub s tnefsit-iw.
Rruḥ n tudert
8Tura ihi, ulac leḥkem ɣef wid yellan di Lmasiḥ Yasuɛ. 2Ccariɛa n Rruḥ yettaken tudert
yellan di Lmasiḥ Yasuɛ tsellek-iyi-d si ccariɛa n ddnub akked lmut. 3Ayen akken yellan d
lmuḥal ɣef ccariɛa, axaṭer ḍɛafa n umdan tekkes-as tazmert-is, Illu ixdem-it: mi d-iceggeɛ
Mmi-s, deg yiwet n tfekka yecban tin n ddnub, iḥkem ɣef ddnub di tfekka, 4ayagi
iwakken ad iḍru deg-neɣ wayen akken i teḥkem ccariɛa s lḥeqq, nekni ur nleḥḥu ara s
tnefsit meɛna s Rruḥ.
5
Wid ileḥḥun s tnefsit ḥemmlen ayen yeɛnan tanefsit, ma d wid ileḥḥun s Rruḥ ḥemmlen
ayen yeɛnan Rruḥ. 6Aḥemmel n wayen yeɛnan tanefsit, d lmut, aḥemmel n wayen
yeɛnan Rruḥ, d tudert akked lehna; 7aḥemmel n wayen yeɛnan tanefsit, d aɛaṣi n Yillu,
axaṭer ur tettḍuɛ ara ccariɛa n Yillu, yerna ur tezmir ara akk ad tt-tḍuɛ. 8Wid ileḥḥun ihi s
tnefsit ur zmiren ara ad ɛeǧben iYillu. 9Kenwi ur tleḥḥum ara s tnefsit, meɛna s Rruḥ, ma
yella dɣa yezdeɣ deg-wen Rruḥ n Yillu. Win ur nesɛi ara Rruḥ n Lmasiḥ ur illi ara dayla-
s. 10Ma yella Lmasiḥ illa deg-wen, tafekka temmut s ddnub, meɛna rruḥ idder s uzekki.
11
Ma yella Rruḥ n win i d-isseḥyan Yasuɛ si gar lmeggtin izdeɣ deg-wen, win i d-isseḥyan
Lmasiḥ si gar lmeggtin ad issider daɣen tifekkiwin-nwen ara yefnun s Rruḥ-is izedɣen
deg-wen.
12
Akka ihi, ay atmaten, nettwalas, meɛna mačči ɣer tnefsit iwakken ad nidir s tnefsit. 13Ma
yella tettidirem s tnefsit ad temmtem; meɛna ma yella, s Rruḥ, tneqqem lexdayem n
tfekka, ad tidirem. 14Wid akk i yesselḥay Rruḥ n Yillu, d arraw nYillu. 15Mačči d Rruḥ n
tkelwa i awen-d-ittunefken iwakken ad teqqimem di lxuf, meɛna d Rruḥ iken-irran d
arraw nYillu, yis-s insawal: "Aba!" yeɛni "A Baba!" 16Rruḥ, stimmad-is, ittwekkid-d i
rruḥ-nneɣ belli nekni d arraw n Yillu. 17Ihi, ma d dderya i nella, nella daɣen d imwerten
n Yillu, d icriken n Lmasiḥ di lwert, acu kan, ma nettneɛtab yid-s, iwakken ad nettwaɛuz
daɣen yid-s.
18
Ttwaliɣ belli leɛtab n tura ur yuklal ara ad ittwamettel ɣer lɛaḍima ara aɣ-d-ittubeggnen
ɣer zdat. 19Ɣef wayagi, taxelqit merra tettraǧu s ccuq ad d-banen warraw n Yillu.
20
Taxelqit tuɣal ddaw leḥkem n wayen ur nemɛin, mačči slebɣi-s, meɛna s lebɣi n win i tt-
irran ddaw leḥkem-is; 21meɛna tessaram ad tettwasellek ula d nettat si tkelwa n lefsad,
iwakken ad tettekki di tlelli n lɛaḍima n warraw n Yillu. 22Neẓra belli ar ass-a taxelqit
merra tettnazzaɛ yerna tettneɛtab si lewjuɛ n tarrawt; 23mačči d nettat kan, meɛna ula
dnekni, yesɛan taṣentit n Rruḥ, nettnazaɛ deg yiman-nneɣ, nettraǧu ad d-nban d arraw-is,
ad d-ttucafɛent tfekkiwin-nneɣ. 24Axaṭer nettwasellek deg usirem. Meɛna asirem i
nettwali mačči d asirem: anwa ara yessirmen ayen iwala? 25Meɛna ma nessaram ayen ur
nettwali ara, nettraǧu-t sṣṣber.
26
Akken daɣen Rruḥ ittɛawan-aɣ di ḍɛafa-nneɣ, axaṭer ur neẓri ara d acu i iwulmen ad t-
nessuter di tẓilla-nneɣ. Ɣef wayagi, Rruḥ, stimmad-is, ittɛenni s nnhati ur izmir ad d-
issefhem wawal. 27Win yessenqaden ulawen issen axemmem n Rruḥ, axaṭer s lebɣi n
Yillu i yettɛenni ɣef yimqeddsen. 28Neẓra belli kullec ixeddem i wayen yelhan i wid
iḥemmlen Illu, i wid iwumi i d-isawel akken yella lmeqsud-is. 29Axaṭer wid yessen si
tazwara, ihegga-ten daɣen si tazwara ad cabin ɣer ṣṣifa n Mmi-s, iwakken ad yili Mmi-s
d amenzu gar waṭas n watmaten. 30Wid i ihegga si tazwara, isawel-asen-d daɣen; wid
iwumi i d-isawel, izekka-ten daɣen; wid i izekka, iɛuzz-iten daɣen.
Leɣlab s Lmasiḥ
31
D acu ara d-nini ihi ɣef wayagi? Ma yella Illu yid-neɣ, anwa ara yilin mgal-nneɣ?
32
Netta ur nqal ara Mmi-s, meɛna isellem-it fell-aɣ, amek ur aɣ-d-ittak ara kullec yid-s?
33
Anwa ara icetkin ɣef wid yextar Yillu? D Illu, s timmad-is, i ten-izekkan! 34Anwa ara
iḥekmen fell-asen? D Lmasiḥ Yasuɛ i yemmuten, akter n waya, d netta i d-iḥyan, i yellan
daɣen ɣer tama tayeffust n Yillu, i yettɛennin daɣen fell-aɣ! 35Anwa ara aɣ-iferqen ɣef
leḥmala nLmasiḥ? Dccedda, neɣ d lḥif, neɣ d leqher, neɣ d laẓ, neɣ d leɛra, neɣ d lxuf,
neɣ d ajenwi? 36Akken yura:
"Ɣef ddemma-k, nettqabal lmut ass kamel, nettwaḥseb am lmal ittawin ɣer tmezliwt."
37
Meɛna deg wayagi merra, leɣlab-nneɣ meqqer s win iɣ-iḥemmlen. 38Tḥeqqeɣ belli mačči
d lmut, neɣ d tudert, neɣ d lmalayek, neɣ d ssleṭnat, neɣ d ass-a, neɣ d azekka, neɣ d
tizemmar, 39neɣ d leɛli, neɣ d telqay, neɣ d taxelqit-nniḍen, i izemren ad aɣ-ifreq ɣef
leḥmala n Yillu di Lmasiḥ Yasuɛ, Ssid-nneɣ.
Bulus iḥzen ɣef Israyil
9D tidet i d-qqareɣ di Lmasiḥ, ur skiddibeɣ ara, lxaṭer-iw ittcehhid-d fell-i s Rruḥ
Iqedsen: 2ḥezneɣ aṭas yerna ul-iw izga yetɣebben. 3Ttmenniɣ ad ttwaneɛleɣ, ad beɛdeɣ
ɣef Lmasiḥ, ɣef ddemma n watmaten-iw, imawlan-iw di tfekka, 4At Israyil, i
yettwaxtaren d arraw-is, i yesɛan ccan, lɛuhud, tukci n ccariɛa, lɛibada akked lewɛud; 5sɛan
daɣen lejdud, yerna seg-sen i d-iffeɣ Lmasiḥ d amdan, netta yellan nnig kullec, d Illu
yettubarken idayem. Amin!
6
Ala, awal n Yillu ur iɣliḍ ara, axaṭer mačči d wid merra i d-ifrurin si Israyil i d Israyil;
7
mačči imi d dderya n Abraham, dɣa d arraw-is merra. Illu yenna-d: "S Isḥaq ara tesɛuḍ
dderya ara irefden isem-ik."8Yeɛni, mačči d dderya i d-ilulen seg umdan i d arraw n
Yillu, meɛna d arraw n lweɛd i yettwaḥesben d dderya. 9Atan wawal n lweɛd:"Lawan-
agi, ad d-uɣaleɣ, Ṣara ad d-tesɛu aqcic." 10Mačči dayagi kan, tella daɣen Ribka, i
irefden s Isḥaq kan, baba-tneɣ; 11axaṭer uqbel ad d-lalen warrac-nni, mi akken ur xdimen
la lxir la ccer - iwakken lmeqsud n Yillu ad d-iḍru akken yella lxetyar 12ur nebni ara ɣef
lefɛayel meɛna ɣef win i d-isawalen - yenna-yas-d i Ribka: "Amenzu ad yuɣal d akli n
umecṭuḥ",13akken yura: "Ḥemmleɣ Yeɛqub, kerheɣ Ɛisu."
14
Dacu ara d-nini ihi? Illa ṭṭelm deg Yillu? Ḥaca! 15Axaṭer yenna-yas-d iMusa: "Srusuɣ-d
rreḥma ɣef win i bɣiɣ ad tt-id-serseɣ fell-as, ttḥunnuɣ ɣef win i bɣiɣ ad ḥunneɣ fell-as."
16
Akka, mačči ɣer win yebɣan neɣ ɣer win yuzzlen i tella, meɛna ɣer Yillu yettḥunnun.
17
Axaṭer Tira nnant i Ferɛun: "Ɣef wayagi i k-sbeddeɣ, iwakkenad d-tban yis-k tezmert-iw,
yerna ad ittuberreḥ yisem-iw di ddunit merra." 18Akka ihi, ittḥunnu ɣef win yebɣa,
isɣaray ul n win yebɣa. 19Ad iyi-d-tiniḍ: "Acuɣer i t-mazal ittlummu?" Anwa i izemren
ad iqamer lmeqsud-is? 20Ay amdan, d acu-k, kečč yettxaṣamen Illu? Eɛni aqbuc ad yini i
win i t-imeslen: "Acuɣer i yi-tmesleḍ akka?" 21Win imesslen, eɛni ur itḥekkem ara di
talaɣt, iwakken ad d-ixdem seg yiwen n leɛǧin yiwen n uqbuc i tfenṭazit, wayeḍ i lferḍ?
22
Ma yella Illu, i yebɣan ad d-ibeggen urrif-is yerna ad d-isseḍher tazmert-is, iṣber s litteɛ
n lxaṭer i yeqbucen n wurrif yuklalen ad negren, 23ayagi iwakken ad d-ibeggen leɣna n
lɛaḍima-s i yeqbucen n rreḥma i ihegga si tazwara i lɛezz, 24nekni iwumi i d-isawel mačči
kan si gar Iyahudiyen, meɛna ula si gar leǧnas, 25akken it-id-yenna di Hucaɛ:
"Ad semmiɣ agdud-iw i win ur nelli ara d agdud-iw,
taɛzizt-iw i tin ur nelli ara d taɛzizt-iw.
26
Anda akken i asen-nnan: 'Ur tellim ara d agdud-iw',
ad ttusemmin arraw n Yillu yeddren."
27
Icɛaya iberreḥ ɣef wayen yeɛnan Israyil:
"Ɣas ad ftin wat Israyil am rrmel n lebḥer,
d takemmict kan ara yettusellken;
28
axaṭer Ssid ad ixdem di ddunit ayen akk i d-yenna, yerna s lɛejlan."
29
Akken i d-icar daɣen Icɛaya:
"Lemmer Ssid, Bab n tzemmar, ur aɣ-iḥriz ara kra si tarwa-nneɣ,
ad teḍru yid-neɣ am Sudum, ad ncabi ɣer Gumur."
30
Dacu ara dnini ihi tura? Leǧnas yellan ur ttnadin ara ɣef uzekki, ittunefk-asen-d uzekki,
azekki i d-ikkan si liman. 31Ma dIsrayil, yettnadin ccariɛa n uzekki, ur ssawḍen ara ɣer
ccariɛa-nni.32Acuɣer? Axaṭer inuda fell-as mačči s liman, meɛna s lefɛayel; ɣlin ɣef uẓru-
nni yellan d ugur, 33akken yura:
"Aql-i ad serseɣ di Ṣiyun yiwen n uẓru yellan d ugur,
yiwen n uẓru yesseɣlayen;
kra n win yumnen yis-s ur ittneḥcam ara."
Iyahudiyen ugin Linǧil
10Ay atmaten, ayen ittmenniɣ deg wul-iw d wayen i deɛɛuɣ ɣer Yillu ɣef wat Israyil, ad
ttwasellken. 2Ad d-cehdeɣ fell-asen belli sɛan lḥir ɣer Yillu, meɛna mačči s tmusni ilaqen,
3
axaṭer ur ssinen ara azekki n Yillu, ttnadin ad sbedden azekki-nsen nutni, dɣa ur ḍuɛen ara
azekki n Yillu. 4Lmeqsud n ccariɛa, d Lmasiḥ, i uzekki n wid akk yumnen.
5
Ɣef wayagi, Musa yura ɣef uzekki i d-itekken si ccariɛa: "Amdan ara ixedmen ayen i d-
qqaren lumur-agi ad yidir yis-sen." 6Meɛna azekki i d-itekken si liman iqqar-d akka: "Ur
qqar ara deg wul-ik: anwa ara yalin ɣer yigenni?" Yeɛni iwakkenad d-iṣubb Lmasiḥ;
7
neɣ: "Anwa ara iṣubben ɣer laxert?" Yeɛni iwakkenad d-issali Lmasiḥ si gar lmeggtin.
8
D acu i d-iqqar ihi? "Awal atan ɣer tama-k, deg yimi-k akked wul-ik." Yeɛni d awal n
liman i nettbeccir. 9Ma tcehdeḍ-d s yimi-k belli Yasuɛ, dSsid, ma tumneḍ deg wul-ik belli
Illu yesseḥya-t-id si gar lmeggtin, ad tettusellkeḍ. 10Axaṭer liman deg wul ittawi s azekki,
cchada s yimi tettawi ɣer leslak, 11akken i t-id-nnant Tira: "Kra n win yumnen yis-s ur
ittneḥcam ara." 12Ihi, ulac lxilaf gar Uyahudi akked Uyunani, axaṭer sɛan akk yiwen n
Ssid i d-ittaken mebla cceḥḥa i wid merrai ineddhen yis-s. 13Axaṭer, "Kra n win ara
inedhen s yisem n Ssid ad ittusellek."
14
Tura, amek ara nedhen yis-s,ma ur uminen ara yis-s? Amek ara yamnen yis-s ma ur
slin ara yis-s? Amek ara slen yis-s ma ulac win i t-ittbecciren? 15Amek ara t-beccren
ma urttuceggɛen ara? Akken yura: "I cebḥen iḍarren n yibciren n lxir!" 16Meɛna mačči
akken ma llan i uɣen awal i Linǧil. Icɛaya yenna-d: "A Ssid, anwa i yumnen s ttebcira-
nneɣ?" 17Ihi, liman itekk-d seg wayen insell, ayen iwumi i nsell itekk-d seg wawal
nLmasiḥ. 18Meɛna ad iniɣ: Ur slin ara? Ala, slan.
"Ṣṣut-nsen inuda-d lqaɛa merra, lehdur-nsen wwḍen tiqerniyin n ddunit."
19
Ad iniɣ: Israyil ur ifhim ara ayagi? Musa yenna-d d amezwaru:
"Ad d-sekreɣ tismin-nwen s win ur nelli d lǧens, ad ken-sserfuɣ s lǧens ur nefhim."
20
Icɛaya yewweḍ armi i yenna:
"Ufan-iyi wid ur inudan ara fell-i, sbeggneɣ-d iman-iw iwid ur d-nesteqsa ara fell-i."
21
Meɛna ɣef Israyil, yenna-d: "Ass kamel, nekk ẓẓleɣ ifassen-iw s agdud yeffɣen i ubrid
yerna d amɛaṣi."
Aḥeccad akked tzemmurt
11Ad d-iniɣ ihi: eɛni Illu yerra di ṭṭerf agdud-is? Ḥaca! Nekk daɣen si Israyil, si tarwa
nAbraham, si lɛerc nBinyamin. 2Illu ur irri ara di ṭṭerf agdud-is i yessen si zik. Ur teẓrim
ara d acu i d-nnant Tira ɣef Ilya mi icetka iYillu ɣef Israyil? 3"A Sidi, nɣan lanbeyya-k,
hudden iɛalṭaren-ik; siwa nekk i d-iqqimen, yerna ttnadin ad ddmen leɛmer-iw." 4D acu n
tririt i as-d-irra Yillu? "Ɛezleɣ-d i yiman-iw sebɛalaf n yirgazen ur nekrif ara tagecrirt zdat
Baɛal." 5Akka daɣen di lweqt-agi n tura, tella tkemmict i yettwaxtaren s nneɛma.
6
Lemmer s nneɛma, mačči s lefɛayel; neɣ ma ulac nneɛma ur tettili ara d nneɛma.
7
D acu ihi? Ayen yettnadi Israyil, ur t-yewwiḍ ara, meɛna wid yettwaxtaren wwḍen-t; ma
d wiyaḍ, isɣer-asen ul-nsen, 8akken yura:
"Illu yefka-yasen-d rruḥ n meɣrud,
Allen iwakken ur ttwalin ara,
Imeẓẓuɣen iwakken ur sellen ara, ar ass-a."
9
Ula d Dawed inna:
"Ṭṭabla-nsen ad asen-tuɣal d tasraft, d acebbak,
D ssebba n uɣelluy, d lɛiqab i uklalen.
10
Allen-nsen ad ṭṭullment iwakken ur ttwalint ara.
Sseknuy dayem aɛrur-nsen!"

11
Ad d-iniɣ ihi: tuccḍa i ccḍen, iwakken ad ɣlin? Ḥaca! Meɛna, slɣelṭa-nsen, leslak iwweḍ
leǧnas iwakken ad d-isker tismin-nsen. 12Ma yella lɣelṭa-nsen teɣna ddunit, nneqṣad nsen
yeɣna leǧnas, d acu ara d-nini di lekmal-nsen. 13Ad awen-d-iniɣ i kenwi, a leǧnas: nekk
yellan d amceggeɛ ɣer leǧnas, ttɛuzzuɣ leqdic-iw, 14i wakken, ma yella wamek, ad d-
sekreɣ tismin n ccetla-w, ad d-sellkeɣ kra seg-sen. 15Axaṭer ma yella aḍerref i ttwaḍerrfen
igla-d s lemṣalḥa n ddunit, d acu ara tili tuɣalin-nsen, ma mačči d aɛeddi si lmut ɣer
tudert?
16
Ma yella tiṣenṭiyin qedsent, arekti daɣen iqdes; ma yella aẓar iqdes, ifurkawen daɣen
qedsen. 17Meɛna ma yella kra n yifurkawen ttwagezmen, ma yella kečč, yellan d aḥeccad,
tettwaleqmeḍ gar-asen, tuɣaleḍ tettekkiḍ di lliqa n uẓar n tzemmurt, 18ur tkebbir ara ɣef
yifurkawen-nni. Ma tetkebbireḍ, ḥṣu belli mačči d kečč i yeṭṭfen aẓar, meɛna daẓar ik-
iṭṭfen. 19Ad d-tiniḍ ihi: "Ttwagezmen ifurkawen iwakken ad ttwaleqmeɣ nekkini." 20D
ṣṣeḥḥ; ttwagezmen axaṭer ur uminen ara, meɛna kečč, teṭṭfeḍ s liman. Ur ttzuxxu ara,
meɛna aggad axir! 21Axaṭer ma yella Illu ur iqal ara ifurkawen ineṣliyen, ur k-ittqili ara
ula d kečč. 22Meyyez ihi ɣef lehhu akked lewɛara n Yillu: iwɛer d wid yeɣlin, ilha yid-k,
ma teṭṭfeḍ di lehhu-agi; neɣ ma ulac, ad tettwagezmeḍ ula d kečč. 23Ma d nutni, ma ur
kemmlen ara di leǧhel-nsen, ad ttwaleqmen. Illu yezmer ad iɛiwed ad ten-ileqqem. 24Ma
yella kečč, yellan di laṣel-ik d aḥeccad, tettwagezmeḍ-d yerna tettwaleqmeḍ ɣef
tzemmurt, ɣas mačči akka i xeddmen, nutni yellan d ineṣliyen ad ttwaleqmen ɣef
tzemmurt-nsen n laṣel.
25
Ur bɣiɣ ara, ay atmaten, ad teqqimem ur tessinem ara sser-agi, iwakken ur tḥessbem ara
iman-nwen d ukyisen: kra si Israyil sseɣren ulawen-nsen, alamma kecmen-d leǧnas
merra. 26Akka, Israyil merra ad ittwasellek, akken yura:
"Ad d-iruḥ umsellek si Ṣiyun;
ad ikkes lbaṭel n Yeɛqub.
27
D wagi id lɛahd ara xedmeɣ yid-sen, mi ara asen-kkseɣ ddnubat-nsen."
28
Ɣef wayen yeɛnan Linǧil, uɣalen diɛdawen ɣef ddemma-nwen; ma d ayen yeɛnan
lxetyar, ttwaḥemmlen ɣef ddemma nlejdud. 29Axaṭer tukciwin akked usiwel n Yillu, ulac
tuɣalin deg-sen. 30Akken i tɛuṣam zik Illu, meɛna tura tettunefk-awen-d rreḥma s uɛaṣi-
nsen, 31akken daɣen, nutni ɛuṣan tura, iwakken, s rreḥma i awen-d-ittunefken, ad asen-d-
tettunefk rreḥma ula d nutni. 32Illu yeɣleq ɣef yimdanen merra deg uɛaṣi iwakken ad asen-
d-yefk akk rreḥma.
33
I lqayit leɣna, lekyasa akked tmusni n Yillu! Yiwen ur izmir ad issenqed lḥekmat-is, ad
ifhem iberdan-is. 34Axaṭer, "Anwa i yessnen axemmem n Ssid?
Anwa i iḍebbren fell-as?"
35
Neɣ: "Anwa i as-ifkan d amezwaru, iwakken ad as-t-id-yerr?"
36
Axaṭer sɣur-s, yis-s, yerna i netta kullec. Inetta lɛaḍima i lebda! Amin.
Tikli tajdidt di Lmasiḥ
12Ad ken-nhuɣ ihi, ay atmaten, srreḥma n Yillu, ad tefkem tifekkiwin-nwen d asfel
yeddren, d imqeddes yerna ad iɛǧeb iYillu: d tagi i d lɛibada-nwen taɛeqlit. 2Ur ttcabit ara
lǧil-agi, meɛna ilit tbeddlem s ujedded n lɛeqliya-nwen, iwakken ad tɛeqlem lebɣi n Yillu,
ayen yelhan, ayen yesseɛǧaben, ayen ikemlen.
3
Snneɛma iyi-d-ittunefken, ad iniɣ i yal yiwen deg-wen: ur sseɛlayet ara iman-nwen nnig
wayen ilaqen, meɛna lḥut s wannuz, akken yella lkil n liman i yefreq Yillu i yal yiwen.
4
Akken i llan aṭas nlemfaṣel deg yiwet n tfekka, yerna lemfaṣel merra ur sɛin ara yiwet n
lkalafa, 5akken daɣen, nekni yellan deg waṭas yid-neɣ, d yiwet n tfekka di Lmasiḥ, akken
ma nella, d lemfaṣel gar-aneɣ. 6Nesɛa tukciwin yemxallafen, akken i tella nneɛma i aɣ-d-
ittunefken: win yesɛan tukci n uciri ad tt-issexdem akken yella liman; 7win i d-ittusawlen
ɣer leqdic ad iqdec; win yesselmaden ad isselmed, 8win inehhun ad inhu; win yettaken ad
ifk mebla cceḥḥa; win yettḍebbiren ad iḍebber seg wul; win yettḥunnun ad iḥunn s lferḥ.
9
Leḥmala-nwen ur tettili ara d asneɛmel. Kerhet ccer; ṭṭfet mliḥ di lxir. 10Di leḥmala n
tegmat, iḥninet gar-awen; di leqder, wa ad ittɛuzzu wa. 11Ẓewret, ur tfenyinet ara;
tḥemmset di rruḥ; qedcet ɣef Ssid. 12Ferḥet deg usirem; ṣebret di lmeḥna; dumet di tẓallit.
13
Ɛiwnet di lmeḥwiǧat n yimqeddsen; sterḥibet dayem. 14Barket wid i ken-ittqehhiren;
barket, ur neɛɛlet ara. 15Ferrḥet d wid iferḥen, ttrut d wid yettrun. 16Ttemyerfadet gar-
awen; ur ttxemmimet ara i tmeqqranin, meɛna nadit ɣef tmecṭaḥ. Ur ḥessbet ara iman-
nwen dukyisen.
17
Ur ttarrat ara i ccer s ccer; nadit ad txedmem lxir zdat yimdanen merra. 18Ma yella
wamek, ma ɣur-wen i tella, ilit di lehna kenwi dyimdanen merra. 19Ur d-ttarrat ara ttar, ay
imeɛzuzen, meɛna ǧǧet-t i wurrif n Yillu, axaṭer yura: "Dnekk i d-ittarran ttar, d nekk i
yettxelliṣen, i d-yenna Ssid." 20Meɛna "Ma yelluẓ uɛdaw-ik, efk-as ad yečč; ma ifud, efk-as
ad isew; axaṭer mi ara txedmeḍ akka, d tirgin yerɣan aratserseḍ ɣef uqerru-s." 21Ur
ttaǧǧa ara ccer ad k-iɣleb, meɛna ɣleb ccer slxir.
Aqader n lḥukumat
13Yal yiwen ad iḍuɛ lḥukumat ɛlayen, axater ulac lḥukuma ur d-nekki ara sɣur Yillu;
lḥukumat yellan, d Illu i tent-isbedden. 2Ɣef wayagi, kra n win yettqamaren lḥukuma
ittɛaṣi lamer n Yillu; wid yettqamaren ad d-awin lɛiqab i yiman-nsen. 3Mačči d win
ixeddmen ayen yelhan, meɛna d win ixeddmen ccer ara aggaden lḥekkam. Tebɣiḍ ur
tettaggadeḍ ara lḥukuma, xdem ayen yelhan, dɣa ad k-tcekker. 4Lḥukuma tqeddec ɣef
Yillu di nnfeɛ-ik. Ma txedmeḍ ccer, aggad; axaṭer mačči baṭel i tettawi ajenwi, tqeddec
ɣef Yillu iwakken ad d-tbeggen urrif-is deg win ixeddmen ccer. 5Ɣef wayagi ihi, ilaq ad
nḍuɛ, mačči kan ɣef ddemma n wurrif, meɛna ɣef ddemma n lxaṭer.
6
Ɣef wayagi daɣen i tettxelliṣem tabzert; axaṭer nutni, d ixeddamen n Yillu, xeddmen
akken ilaq ccɣel-agi. 7Fket i yal yiwen lḥeqq-is: tabzert i win iwumi ilaq ad txellṣem
tabzert, lmeks iwin iwumi ilaq ad txellṣem lmeks, aggadet win i ilaq ad t-taggadem,
qadret win i ilaq ad t-tqadrem.
Lqima n leḥmala
8
Ur ttwalaset deg wacemma, siwa di leḥmala ara temyeḥmalem gar-awen; axaṭer win
iḥemmlen wiyaḍ ixdem ayen i d-tenna ccariɛa. 9Lumur: "Ur tzennuḍ ara, ur tneqqeḍ ara,
ur tettakreḍ ara, ur teṭṭamaɛeḍ ara", akked wiyaḍ merra yellan, dduklen deg wawal-agi:
"Ad tḥemmleḍ lɣir-ik am yiman-ik." 10Leḥmala ur tettḍurru ara lɣir: win iḥemmlen ihi lɣir-
is ixdem akk ayen i d-tenna ccariɛa.
11
Teẓram d acu nlweqt ideg nella. D lawan ad d-takim seg yiḍeṣ-nwen, axaṭer tura leslak-
nneɣ iqreb ɣur-neɣ akter n wasmi i numen. 12Ilḥa yiḍ, qrib d ass. Ad nḍegger ihi lexdayem
nṭṭlam, ad nels leslaḥ n tafat. 13Ad nelḥu akken iwulem am wakken i tafat n wass: xḍut
itissuqḍa akked ssekṛan, tiqquḥbit akked lɛar, i umennuɣ akked tismin. 14Meɛna lset Ssid
Yasuɛ Lmasiḥ, ur ttaket ara lebɣi i tnefsit-nwen, ad txedmem ccehwat-is.
Leqder gar watmaten
14Setreḥbet s win ur neǧhid ara di liman, ur t-ttlummut ara ɣef ṛṛay-is. 2Yiwen ittwali
belli yezmer ad yečč kullec, wayeḍ, ur neǧhid ara, itett kan lxeḍra. 3Win itetten ur iḥeqqer
ara win ur ntett ara, win ur ntett ara ur ittḥasab ara win itetten, axaṭer Illu yesterḥeb yis-s.
4
Anwa-k, kečč, iwakken ad tḥasbeḍ aqeddac n wayeḍ? Ibedd neɣ iɣli, ayagi yeɛna Ssid-
is. Meɛna ad ibedd, axaṭer Ssid izmer ad t-isbedd. 5Yiwen ismenyafay ass ɣef wayeḍ;
wayeḍ ittwali belli ussan merra ɛedlen. Yal yiwen ad yili yetqenneɛ s wayen yettxemmim.
6
Win ileḥḥun s wussan ixeddem akken i Ssid. Win itetten, itett i Ssid, axaṭer ittḥemmid
Illu; win ur ntett ara, ur itett ara i Ssid, yerna yettḥemmid Illu. 7Ihi, yiwen deg-neɣ ur
ittidir i yiman-is, yiwen ur ittmettat i yiman-is. 8Axaṭer ma nedder, nedder i Ssid; ma
nemmut, nemmut iSsid. Ihi, ama nedder, ama nemmut, nekni n Ssid. 9Ɣef wayagi,
Lmasiḥ immut yerna yeḥya-d, iwakken ad iḥkem lmeggtin akked lḥeggtin. 10Kečč, acuɣer
itettḥasabeḍ gma-k? I kečč daɣen, acuɣer itḥeqreḍ gma-k? Ad nbedd akken ma nella zdat
ccraɛ n Yillu. 11Axater yura: "Nekk ddreɣ, i d-yenna Ssid, yal tagecrirt ad teknu zdat-i, yal
iles ad iɛuzz Illu."
12
Akka, yal yiwen deg-neɣ ad ifk leḥsab i Yillu ɣef yiman-is.
13
Ad neḥbes ihi amḥaseb gar-aneɣ! Meɛna muqlet axir amek ur txeddmem ara i gma-
twen ayen ara as-yilin d ugur neɣ d aɛtur. 14Ẓriɣ yerna tḥeqqeɣ di Ssid Yasuɛ belli
acemma ur inǧis deg yiman-is; meɛna ma yeḥseb yiwen kra yenǧes, ayagi yenǧes ɣur-s.
15
Ma yella, ɣef ddemma n lqut, tesnuɣnaḍ gma-k, ur tleḥḥuḍ ara s leḥmala. S lqut-ik, ur
ttmekkin ara ɣer nnger win iɣef yemmut Lmasiḥ. 16Ayen i yelhan ɣur-wen ur ilaq ara ad
yili d ssebba n uqejjem. 17Tagelda n Yillu mačči d učči akked tissit, meɛna dlḥeqq, dlehna
akked lferḥ, diRruḥ Iqedsen. 18Win iqeddcen akka ɣef Lmasiḥ iɛǧeb iYillu yerna ɛziz ɣer
yimdanen. 19Ad nnadi ihi ayen i d-ittawin lehna akked wayen i aɣ-isnernayen merra. 20Ur
tthuddu ara ccɣel n Yillu ɣef ddemma nlqut. Kullec zeddig; meɛna diri i umdan ad yili d
ugur ɣef ddemma n wayen yečča. 21Ilha ur tettetteḍ ara aksum, ur tettesseḍ ara ccrab, neɣ
ayen akk ara yilin d ugur i gma-k. 22Liman-agi i tesɛiḍ, eǧǧ-it i yiman-ik gar-ak d Yillu.
Daseɛdi win ur nettḥasab ara iman-is deg wayen i iqessed. 23Meɛna win yettcukkun deg
wayen itett ittuḥaseb, axaṭer ayagi ur d-ikki ara si liman. Ayen akk ur d-nekki ara si liman,
d ddnub.
15Nekni s wid iǧehden, ilaq ad neṣber iḍɛafa n wid ur neǧhid ara, ur nettnadi ara ad nraḍi
iman-nneɣ. 2Yal yiwen deg-neɣ ad iraḍi lɣir-is di nnfeɛ-is i unerni. 3Lmasiḥ, s timmad-is,
ur iruḍa ara iman-is, meɛna akken yura: "Rregmat n wid ik-ireggmen ɣlint-d fell-i."
4
Ayen akk yuran si zik, yura i leqraya-nneɣ, iwakken, s ṣṣber akked uṣebber i d-ttakent
Tira, ad nesɛu asirem. 5Illu n ṣṣber akked uṣebber ad awen-d-ifk ad tettemtafaqem gar-
awen akken it-ibɣa Lmasiḥ Yasuɛ, 6i wakken s yiwen n wul d yiwen n yimi ad tɛuzzem
Illu, Baba-s nSsid-nneɣ Yasuɛ Lmasiḥ.
Lmasiḥ yusa-d i Israyil akked leǧnas
7
Ɣef wayagi, ttmesterḥibet gar-awen, akken i yesterḥeb yis-wen Lmasiḥ ilɛaḍima n Yillu.
8
Nniɣ-d belli Lmasiḥ illa d aqeddac n wid iḍehren ɣef ddemma n tidet n Yillu, iwakken ad
d-iwekked lewɛud yettunefken i lejdud. 9Ma d leǧnas ttɛuzzun Illu ɣef nneɛma-s, akken
yura:
"Ɣef wayagi, ad k-ḥemdeɣ gar leǧnas, ad cnuɣ ɣef yisem-ik."
10
Inna daɣen: "Ferḥet, a leǧnas kenwi d ugdud-is!"
11
Daɣen: "Ḥemdet Ssid, a leǧnas merra, ɛuzzet-t, ay igduden merra!"
12
Icɛaya yenna daɣen:
"Ad d-iffeɣ yiwen n uxalaf si Icay,
ad d-ikker iwakken ad iḥkem leǧnas;
leǧnas ad ssirmen deg-s."
13
Illu n usirem ad ken-iččar d lferḥ akked lehna di liman, iwakken ad tfeggḍem d asirem,
stezmert n Rruḥ Iqedsen.
Ccɣel n Bulus
14
Ɣef wayen iken-iɛnan, ay atmaten, ula d nekk tḥeqqeɣ belli teččurem d lxir akked
tmusni yerna tzemrem ad tettemyendaṛem gar-awen. 15Uriɣ-awen mebla leḥya, iwakken
ad awen-d-smektiɣ nneɛma i yi-d-ifka Yillu, 16ad iliɣ d aqeddac n Lmasiḥ Yasuɛ ɣef
leǧnas, ad d-lhuɣ d Linǧil n Yillu, iwakken leǧnas ad ilin d lweɛda ara iɛeǧben i Yillu,
mbaɛd mi tettwaqeddes s Rruḥ Iqedsen. 17Sɛiɣ ihi swayes ara zuxxeɣ di Lmasiḥ Yasuɛ
deg wayen yeɛnan ccɣel n Yillu. 18Axaṭer ur zmireɣ ara ad d-hedreɣ ɣef kra ur ixdim ara
yis-i Lmasiḥ iwakken ad d-yawi leǧnas ɣer ṭṭaɛa, ama s wawal, ama s lefɛayel, 19s tezmert
n limarat akked leɛǧayeb, s tezmert n Rruḥ n Yillu; swakka, si Yarucalim akked tmura i
as-d-izzin armi d Ilirikun, ssawḍeɣ Linǧil n Lmasiḥ ɣer yal amkan. 20Ṭṭfeɣ leqsed ad
beccreɣ Linǧil anda ur d-ittwabder ara Lmasiḥ, iwakken ur bennuɣ ara ɣef lsas n wayeḍ,
21
meɛna xedmeɣ akken yura:
"Wid iwumi ur ittubeccer ara ad walin,
wid ur nesli ara ad fehmen."
22
Dayagi iy-iṭṭfen acḥal d abrid ur n-ruḥeɣ ara ɣur-wen. 23Meɛna tura mi kfiɣ ccɣel-iw di
tmura-agi, yerna acḥal d aseggas aya ittmenniɣ ad n-ruḥeɣ ɣur-wen, 24ssarameɣ ad ken-
ẓreɣ d aɛeddi, mi ara ruḥeɣ ɣer Sbanya, yerna ad iyi-trafqem ɣer dinna, mbaɛd mi
stummneɣ cwiṭ yis-wen. 25Tura ad ruḥeɣ ɣer Yarucalim ad qedceɣ ɣef yimqeddsen.
26
Axaṭer Makdunya akked Axaya walant belli d ayen yelhan ad ɛiwnent igellilen n
yimqeddsen n Yarucalim. 27Walant ihi belli d ayen yelhan, yerna d lwaǧeb fell-asent;
akken i ttekkin leǧnas di lbarakat-nsen n Rruḥ, ilaq ad ten-ɛiwnen ula d nutni deg wayen
yeɛnan cci. 28Mi kfiɣ ccɣel-agi, fkiɣ-asen lemɛawna-nni, ad ruḥeɣ sɣur-wen ɣer Sbanya.
29
Ẓriɣ belli mi ara n-ruḥeɣ ɣur-wen, slbaraka nLmasiḥ ara n-ruḥeɣ.
30
Ad ken-nhuɣ, ay atmaten, s Ssid-nneɣ Yasuɛ Lmasiḥ akked leḥmala n Rruḥ, ad
tettekkim yid-i deg u s ddeɛwat ara tdeɛɛum fell-i ɣer Yillu, 31i wakken ad menɛeɣ i
yimnufaq n Yahuda, yerna lemɛawna-agi ara awiɣ ɣer Yarucalim ad teɛǧeb i yimqeddsen.
32
Swakka, ma yebɣa Yillu, ad n-awḍeɣ ɣur-wen s lferḥ, yerna ad steɛfuɣ gar-awen. 33Illu
nlehna ad yili yid-wen merra! Amin.
Sslam
16Adken-weṣṣiɣ ɣef weltma-tneɣ Fibi, i yellan d tamɛiwent n tmezdayt yellan di
Kanxarya, 2i wakken ad testerḥbem yis-s di Ssid akken ilaq i yimqeddsen. Ɛiwnet-tt deg
wayen akk ara teḥwiǧ ɣur-wen, axaṭer tɛawen aṭas n lɣaci, yerna ula d nekk tɛawen-iyi.
3
Sellmet ɣef Briska akked Akila, irfiqen-iw n leqdic di Lmasiḥ Yasuɛ. 4Mekknen
tamgerḍt-nsen ɣef leɛmer-iw; mačči d nekk kan i asen-iqqaren tanemmirt, meɛna ula d
timezdayin merra n leǧnas. 5Sellmet daɣen ɣef tmezdayt yettilin deg uxxam-nsen. Sellmet
ɣef Abaynitus, aɛziz-iw, taṣenṭit n Asya di Lmasiḥ. 6Sellmet ɣef Meryem, iɛetben aṭas
fell-awen. 7Sellmet ɣef Andrunikus akked Yunyas, i yellan d imawlan-iw yerna d irfiqen n
lḥebs, i yeɛzizen gar yimceggɛen, yerna umnen s Lmasiḥ uqebl-iw. 8Sellmet ɣef
Ambliyatus, aɛziz-iw di Ssid. 9Sellmet ɣef Urbanus, arfiq-nneɣ n leqdic di Lmasiḥ, akked
Staxis, aɛziz-iw. 10Sellmet ɣef Abilis, i d-ibeggnen liman-is di Lmasiḥ. Sellmet ɣef wat
uxxam n Aristubulus. 11Sellmet ɣef Hirudyun, aqrib-iw. Sellmet ɣef wat uxxam
nNarkisus, i yellan di Lmasiḥ. 12Sellmet ɣef Trifayna akked Trifusa yettneɛtaben ɣef Ssid.
Sellmet ɣef Barsida taɛzizt, iɛetben aṭas ɣef Lmasiḥ. 13Sellmet ɣef Rufus, yettwaxtaren di
Ssid, akked yemma-s yellan d yemma ula d nekk. 14Sellmet ɣef Asinkritus, Fligun,
Harmis, Batrubas, Harmas akked watmaten yellan yid-sen. 15Sellmet ɣef Filulugus
akked Yulyan, Niriyus akked weltma-s, ulimbas akked yimqeddsen merra yellan yid-
sen. 16Msalamet gar-awen susuden imqeddes. Timezdayin merra n Lmasiḥ ttselliment-d
fell-awen.
17
Ad ken-nhuɣ, ay atmaten, ad tḥadrem iman-nwen seg wid yessawalen i beṭṭu akked
wuguren, ttxalafen aselmed i awen-d-ittunefken. Beɛdet fell-asen. 18Axaṭer imdanen am
wigi ur qeddcen ara ɣef Ssid Lmasiḥ, meɛna ɣef yiɛebbaḍ-nsen; susqizzeb akked lehdur
icebḥen ttɣurrun ulawen yesɛan nneyya. 19Kenwi, tiɣin-nwen n wawal, slan akk medden
yis-s; ferḥeɣ ihi yis-wen, yerna ttmenniɣ ad tetɛeqqlem deg wayen yeɛnan lxir, ad teṣfum
deg wayen yeɛnan ccer. 20Illu n lehna qrib ad imḥeq Cciṭan ddaw yiḍarren-nwen. Nneɛma
n Ssid-nneɣ Yasuɛ ad tili yid-wen!
21
Timutawus, arfiq-iw n leqdic, yettsellim-d fell-awen, netta d Lukyus, Yasun akked
Susibatrus, iqriben-iw. 22Nekk, Tartyus, i yuran tabrat-agi, ttsellimeɣ fell-awen di Ssid.
23
Gayus, win yesterḥben yis-i, i yesterḥben daɣen s tmezdayt merra yettsellim-d fell-
awen. Arastus, win yestkellfen s tedrimt n temdint, ittsellim-d fell-awen, netta d gma-tneɣ
Kwartus.
24
Nneɛma n Ssid-nneɣ Yasuɛ Lmasiḥ ad tili yid-wen merra! Amin. 25I win izemren ad
ken-ireṣṣi akken yella Linǧil-iw akked ttebcira n Yasuɛ Lmasiḥ, akken yella ukcaf n sser
yettwaffren si leqdim n zzman, 26meɛna yettubeggn-d tura di Tira n lanbeyya, s lamer n
Yillu n lebda, i yesɛelmen yis-s leǧnas merra, iwakken ad ten-id-yawi ɣer ṭṭaɛa n liman, 27i
Yillu, awḥid, ukyis, i netta, sYasuɛ Lmasiḥ, lɛaḍima i lebda! Amin.
TABRAT TAMEZWARUT I YIKURINTIYEN

Sslam
1Bulus iwumi i d-isawel Lmasiḥ Yasuɛ ad yili d amceggeɛ, s lebɣi n Yillu, akked gma-tneɣ
Sustanus, 2i tmezdayt n Yillu yellan di Kurintus, i wid i d-ittwaɛezlen d imqeddsen di
Lmasiḥ Yasuɛ, i d-ittusawlen ad ilin d imqeddsen, nutni d wid akk ineddhen di yal amkan s
yisem n Ssid-nneɣ Yasuɛ Lmasiḥ, Ssid-nsen, Ssid-nneɣ. 3Nneɛma fell-awen akked lehna
sɣur Yillu Baba-tneɣ akked Ssid Yasuɛ Lmasiḥ.
4
Zgiɣ qqareɣ-as tanemmirt i Yillu-yiw fell-awen ɣef nneɛma n Yillu i awen-d-ittunefken
di Lmasiḥ Yasuɛ, 5axaṭer yis-s, tettwareẓqem-d s yal lxir yeɛnan awal akked tmusni.
6
Cchada n Lmasiḥ treṣṣa mliḥ gar-awen, 7armi ur ken-txuṣṣ ula d yiwet n tukci, kenwi
yettraǧun ad d-iḍher Ssid-nneɣ Yasuɛ Lmasiḥ. 8Ad ken-ireṣṣi daɣen alamma d taggara,
iwakken ad tilim mebla llum ass n Ssid-nneɣ Yasuɛ Lmasiḥ. 9Illu, d unṣiḥ, netta i awen-d-
isawlen ɣer lemxalṭa n Mmi-s, Yasuɛ Lmasiḥ Ssid-nneɣ.
Iceqqiqen di tmezdayt
10
Ay atmaten, ad ken-nhuɣ s yisem n Ssid-nneɣ Yasuɛ Lmasiḥ: sɛut yiwen n wawal, ur d-
ttilin ara iceqqiqen gar-awen, meɛna zdit, sɛut yiwen n uxemmem, yiwen n ṛṛay. 11Axaṭer,
ay atmaten, sliɣ fell-awen sɣur lɣaci n Xluwis belli yella u gar-awen. 12Nniɣ-d ayagi,
axaṭer yal yiwen deg-wen iqqar: "Nekk, n Bulus", "Nekk, n Abulus", "Nekk, n Kifa",
"Nekk, n Lmasiḥ". 13Eɛni Lmasiḥ ibḍa? Eɛni d Bulus i yettwaṣellben fell-awen? S yisem n
Bulus i tettwaɣeḍṣem? 14Tanemmirt i Yillu imi ur sɣeḍṣeɣ ula d yiwen deg-wen siwa
Krisbus akked Gayus. 15Akka, yiwen deg-wen ur izmir ad d-yini belli tettwaɣḍṣem s
yisem-iw. 16Sɣeḍṣeɣ daɣen tawacult n Stifanas; bexlaf wigi, ur ẓriɣ ara ma yella win i
sɣeḍṣeɣ-nniḍen. 17Ala, Lmasiḥ ur y-iceggeɛ ara iwakken ad sseɣḍaṣeɣ, meɛna iwakken ad
beccreɣ Linǧil, yerna mačči s tmusni n umeslay, mmar ad yuɣal ṣṣalib n Lmasiḥ d ulac.
Lekyasa n umdan akked lekyasa n Yillu
18
Abeccer n ṣṣalib, d tisselbi i wid inegren, meɛna i nekni yettwasellken, d tazmert n Yillu.
19
Axaṭer yura: "Ad snegreɣ lekyasa n wukyisen, ad ḍeggreɣ akkin lefhama n lfahmin."
20
Anda-t wukyis? Anda-t lɛalem? Anda-t umeyyaz n zzman-agi? Ur irri ara Yillu lekyasa
n ddunit-agi d tisselbi? 21Axaṭer, imi ddunit, s lekyasa, ur tessin ara Illu di lekyasa n Yillu,
ihwa-yas i Yillu ad isellek wid yumnen s tisselbi n ubeccer. 22Imi Iyahudiyen ssuturen
limarat, Iyunaniyen ttnadin lekyasa, 23nekni, nettbeccir Lmasiḥ yettwaṣellben, i yellan d
ttbehdila i Yiyahudiyen, d tisselbi i wat leǧnas, 24meɛna i wid i d-ittusawlen, ama d
Iyahudiyen, ama d Iyunaniyen, Lmasiḥ d tazmert n Yillu, d lekyasa n Yillu. 25Axaṭer
tisselbi n Yillu tekyes akter n yimdanen, ḍɛafa n Yillu teǧhed akter n yimdanen.
26
Ay atmaten, muqlet gar-awen, kenwi i d-ittusawlen, ulac aṭas n wukyisen n ddunit-agi,
ulac aṭas n yimeqqranen, ulac aṭas n yineṣliyen. 27Meɛna Illu yextar tisselbi n ddunit
iwakken ad ixzu ukyisen; Illu yextar ḍɛafa n ddunit iwakken ad ixzu uǧhiden. 28Illu yextar
imedlulen n ddunit, wid yettwaḥeqren, ayen yellan d ulac, iwakken ad issebṭel ayen
yellan. 29Akka, yiwen ur ittzuxxu zdat Yillu. 30Yis-s i tellam di Lmasiḥ Yasuɛ, i yuɣalen
fell-aɣ d lekyasa n Yillu, d lḥeqq, d leqdasa, d lefdi, 31akken yura: "Win yebɣan ad izuxx,
ad izuxx s Ssid."
Ttebcira n Bulus di Kurintus
2Nekk, mi n-ruḥeɣ ɣur-wen, ay atmaten, ur n-ruḥeɣ ara s lhedra n zzux neɣ s lekyasa
iwakken ad awen-beccreɣ sser n Yillu. 2Ala, ur nudaɣ ara ad ẓreɣ acemma-nniḍen gar-
awen siwa Yasuɛ Lmasiḥ, Yasuɛ Lmasiḥ yettwaṣellben. 3Nekk ruḥeɣ-n ɣur-wen di ḍɛafa,
lxuf akked tergigit tameqqrant. 4Awal-iw akked ttebcira-w mačči d lehdur n lekyasa
yettqenniɛen, meɛna d abeggen n Rruḥ akked tezmert, 5i wakken liman-nwen ur ittreṣṣi
ara ɣef lekyasa n yimdanen, meɛna ɣef tezmert n Yillu.
6
D lekyasa i nettbeccir gar wid yennekmalen, lekyasa ur nelli ara n zzman-agi neɣ n
yimeqqranen n zzman-agi ara yefnun. 7Nettbeccir lekyasa n Yillu yellan d sser, teffer, i
ihegga Yillu si tazwara i lɛezz-nneɣ, 8tin akken ur issin yiwen si gar yimeqqranen n
zzman-agi. Axaṭer lemmer i tt-ssinen, ur ttṣelliben ara Ssid n lɛaḍima. 9Akken yura:
"Ayen ur twala tiṭ, ayen ur isli umeẓẓuɣ, ayen ur d-nɛedda di lbal n umdan, d ayen i
ihegga Yillu i wid i t-iḥemmlen." 10Illu ibeggen-aɣ-t-id i nekni s Rruḥ; axaṭer Rruḥ
issenqad kullec, ula d lqaɛ n Yillu. 11Anwa seg yimdanen i yessnen ayen yellan deg
umdan, ma mačči d rruḥ n umdan i yellan deg-s? Akken daɣen, ayen yellan deg Yillu,
yiwen ur t-issin, siwa Rruḥ n Yillu. 12Nekni, mačči d rruḥ n ddunit i aɣ-d-ittunefken,
meɛna d Rruḥ i d-ikkan sɣur Yillu, iwakken ad nissin lxirat i aɣ-d-ifka Yillu.
13
Ayen akka i nhedder, ur t-nhedder ara s lehdur i tesselmad lekyasa n umdan, meɛna s
wid i yesselmad Rruḥ; nessexdam lehdur n rruḥ i wayen yellan n rruḥ. 14Amdan s ṭṭbiɛa-s
ur isterḥib ara s wayen i d-itekken sɣur Rruḥ n Yillu, axaṭer ɣur-s d tisselbi; ur izmir ara ad
t-yissin, axaṭer asenqed, s Rruḥ. 15Amdan ileḥḥun s Rruḥ issenqad kullec, meɛna netta,
yiwen ur t-issenqad. 16Axaṭer "Anwa yessnen axemmem n Ssid, anwa ara t-isseɣren?"
Ma d nekni, nesɛa axemmem n Lmasiḥ.
Aqeddac n Lmasiḥ
3Meɛna nekk, ay atmaten, ur ssawḍeɣ ara ad awen-hedreɣ akken ara hedreɣ i wid ileḥḥun
s Rruḥ, meɛna hedreɣ-awen akken ara hedreɣ i wid ileḥḥun s tnefsit, i warrac imecṭaḥ di
Lmasiḥ. 2D ayefki i awen-fkiɣ, mačči d lqut azuran, axaṭer imiren ur as-tezmirem ara,
yerna ula tura ur as-tezmirem ara, axaṭer mazal-iken tleḥḥum s tnefsit. 3Imi d tismin
akked u i yellan gar-awen, mačči s tnefsit i tleḥḥum? Ur tleḥḥum ara am umdan? 4Mi ara
d-yini yiwen deg-wen: "Nekk, n Bulus" wayeḍ: "Nekk, n Abulus", ur tleḥḥum ara am
yimdanen? 5D acu-t eɛni Abulus? D acu-t Bulus? D iqeddacen swayes i d-tusam ɣer
liman, yal yiwen, akken i as-d-ifka Ssid. 6Nekk ẓẓiɣ, Abulus issew, meɛna Illu yesgem.
7
Akka, mačči ɣer win iteẓẓun neɣ ɣer win yesswayen i tella, meɛna ɣer Yillu i
yessegmayen. 8Win iteẓẓun akked win yesswayen, yiwen-nsen; yal yiwen ad yawi lajer-is
akken yella ccɣel-is. 9Axaṭer aql-aɣ d irfiqen n ccɣel n Yillu; kenwi, d iger n Yillu, d lebni
n Yillu.
10
Akken i tella nneɛma i yi-d-ifka Yillu, serseɣ lsas am umɛellem n lebni ukyis, wayeḍ
ibna fell-as; meɛna yal yiwen ad iḥader amek i ibennu fell-as, 11axaṭer yiwen ur izmir ad
isers lsas-nniḍen tama n win yersen yakan: Yasuɛ Lmasiḥ. 12Ma yella yiwen ibna ɣef lsas-
agi s ddheb, s lfeṭṭa, s yiẓra ɣlayen, s usɣar, s usaɣur, neɣ s walim, 13ccɣel n yal yiwen ad
d-iban; ass-nni ad t-id-isseḍher, axaṭer ad d-iban di tmes; d times ara d-ibeggnen d acu-t
ccɣel n yal yiwen. 14Ma yella ccɣel n win yebnan ɣef lsas iṭṭef, ad yawi lajer. 15Ma yerɣa
ccɣel n yiwen di tmes, ad as-iruḥ lajer-is; ma d netta, ad ittusellek, amzun iɛedda di tmes.
16
Ur teẓrim ara? Kenwi, d afakan n Yillu, yerna Rruḥ n Yillu yezdeɣ deg-wen. 17Win
yetthuddun afakan n Yillu, Illu ad t-ihudd; axaṭer afakan n Yillu yeqdes, yerna afakan-
agi, d kenwi.
18
Yiwen ur ittɣurru iman-is! Ma yella gar-awen win iḥesben iman-is d ukyis di zzman-agi,
ilaq ad yuɣal d ameslub iwakken ad yuɣal d ukyis. 19Axaṭer lekyasa n ddunit-agi, d
tisselbi ɣer Yillu. Yura: "Ittaṭṭaf ukyisen di tḥila-nsen." 20Yura daɣen: "Ssid issen
ixemmimen n wukyisen, iẓra belli d ulac." 21Akka ihi, yiwen ur ittzuxxu s yimdanen,
axaṭer kullec, nwen: 22Bulus, Abulus neɣ Kifa, ddunit, tudert neɣ lmut, ass-a neɣ azekka,
kullec, nwen; 23kenwi, n Lmasiḥ, Lmasiḥ, n Yillu.
Imceggɛen n Lmasiḥ
4Ad aɣ-ḥesben ihi yimdanen d iqeddacen n Lmasiḥ, d lewkilat ɣef lesrar n Yillu.
2
Swakka, ayen i nettraǧu di lewkilat, yal yiwen ad yili d unṣiḥ. 3Nekk, ur yi-d-tewqiɛ ara
akk ma tḥusbem-iyi kenwi, neɣ ccraɛ n yimdanen. Ula d nekk, ur ttḥasabeɣ ara iman-iw.
4
Ala, ur y-isseḍlem wul-iw deg wacemma; meɛna mačči ɣef wayagi i ttuzekkaɣ: win ara
y-iḥasben, d Ssid. 5Ɣef wayagi, ur ttḥasabet acemma uqbel lawan, uqbel ad d-yas Ssid; ad
d-ifḍeḥ ɣer tafat ayen yeffren di ṭṭlam, ad d-isseḍher leɛzayem n wulawen. Imiren, yal
yiwen ad as-d-ittunefk ccekran yuklal sɣur Yillu.
6
Ɣef ddemma-nwen, ay atmaten, ṭebqeɣ ayagi ɣef yiman-iw akked Abulus iwakken, yis-
nneɣ, ad tḥefḍem ayagi: "Ur ttɛeddit ara tilas n wayen yuran", iwakken ur tettzuxxum ara,
ur tteddum ara d yiwen, ad teǧǧem wayeḍ. 7Axaṭer anwa i k-issemxallfen? D acu i tesɛiḍ,
ur ak-d-ittunefk ara? Imi i ak-d-ittunefk, acuɣer i tettzuxxuḍ amzun ur ak-d-ittunefk ara?
8
Ihi, aql-iken teṛwam yakan, teɣnam yakan! Tḥekmem mebla nekni. Awi-d kan ad
tḥekmem, iwakken ad neḥkem yid-wen! 9Akken i ttwaliɣ, nekni s yimceggɛen, Illu
yerra-yaɣ d ineggura, am wid iɣef ḥekmen s lmut; nuɣal d lferga i ddunit, i lmalayek, i
yimdanen. 10Nekni nesleb ɣef ddemma n Lmasiḥ, ma d kenwi, tetɛeqqlem di Lmasiḥ.
Nekni neḍɛef, kenwi tǧehdem; kenwi tettwaɛuzzem, nekni nettwaḥqer. 11Ar tasaɛet-agi,
nerwa laẓ, fad, leɛra, nettwet, nerwa amenṭer; 12nettɛettib, nxeddem s yiɣallen-nneɣ;
nettwargem, nekni nettbarak; nettwaqher, nekni nṣebber; 13nettwacettem, nekni nhedder
ayen yelhan; nuɣal d iḍumman n ddunit, d lewsex n medden merra, ar tura.
Lhiba n Bulus
14
Ur awen-n-uriɣ ara ayagi iwakken ad ken-sneḥcameɣ, meɛna iwakken ad ken-nedṛeɣ
am warraw-iw ɛzizen; 15axaṭer ɣas tesɛam luluf n lecyax di Lmasiḥ, ur tesɛim ara aṭas n
yibabaten, imi d nekk i ken-id-isɛan di Lmasiḥ Yasuɛ, s Linǧil. 16Ad ken-nhuɣ ihi: ɛandet-
iyi. 17Ɣef wayagi, ceggɛeɣ-awen Timutawus, mmi ɛzizen, unṣiḥ di Ssid.Ad awen-d-
ismekti tissas-iw di Lmasiḥ, amek i sselmadeɣ di yal amkan, di tmezdayin merra. 18Kra
deg-wen tneffixen, am wakken ur n-ttruḥuɣ ara ɣur-wen. 19Meɛna qrib ad n-ruḥeɣ ɣur-
wen, ma yebɣa Ssid. Ad ẓreɣ tazmert n widak-agi yetneffixen, neɣ d awal kan; 20axaṭer
tagelda n Yillu mačči d awal, meɛna d tazmert. 21D acu i tebɣam? Ad n-ruḥeɣ ɣur-wen s
uɛekkaz, neɣ s leḥmala akked leḥnana n wul?
Lɛar di tmezdayt n Kurintus
5Nesla belli yeḍra-d gar-awen lɛar, lɛar ur neḍri ara ula gar leǧnas: tessawḍem armi yiwen
deg-wen iggan akked tmeṭṭut n baba-s. 2Yerna tettzuxxum, anda ara tḥeznem, iwakken
wagi ixedmen tadyant am tagi ad ittwakkes si gar-awen. 3Ma d nekk, ɣas ɣabeɣ fell-
awen, leɛqel-iw illa yid-wen: ḥusbeɣ yakan win ixedmen tadyant am tagi, amzun lliɣ
dinna. 4S yisem n Ssid Yasuɛ, kenwi akked rruḥ-iw ad neddukel, s tezmert n Ssid-nneɣ
Yasuɛ: 5argaz-agi ad ittusellem i Cciṭan iwakken ad thudd tnefsit-is, iwakken rruḥ-is ad
ittwasellek ass n Ssid. 6Zuxx-nwen ur icbiḥ ara! Ur teẓrim ara belli cwiṭ n yiɣes n temtunt
issalay arekti merra? 7Kkset iɣes n temtunt aqdim, iwakken ad tilim d arekti ajdid, imi
kenwi d iɣerman mebla iɣes n temtunt; axaṭer asfel-nneɣ n Lɛid n Usuref imzel: d
Lmasiḥ. 8Ad nɛegged ihi, mačči s yiɣes n temtunt aqdim, mačči s yiɣes n temtunt n
teḥraymit akked ccum, meɛna s yiɣerman mebla iɣes n temtunt n ṣṣfa akked tidet.
9
Uriɣ-awen di tebrat: "Ur ttxalaḍet ara iqeḥbiyen." 10Ur d-qsideɣ ara iqeḥbiyen n ddunit-
agi, neɣ iṭemmaɛen akked yimeḥwaṣen, neɣ wid yettɛebbiden lmeṣnuɛat; ma yella akka,
ilaq-awen kan ad tɛezlem iman-nwen si ddunit-agi. 11Meɛna uriɣ-awen ayagi: "Ur
ttxalaḍet ara win iḥesben iman-is seg watmaten, netta d aqeḥbi, d aṭemmaɛ, ittɛebbid
lmeṣnuɛat, d aqejjam, d asekṛan, neɣ d ameḥwaṣ. Ur tettet ara ula d učči akked urgaz am
wagi." 12Acuɣer ara nḥaseb wid n berra? Mačči d wid n daxel i ilaq ad tḥasbem? 13Wid n
berra, d Illu ara ten-iḥasben. Ma d kenwi, kkset amcum si gar-awen.
Ccreɛ gar watmaten
6Ma yella yiwen deg-wen imxaṣam netta d wayeḍ, amek ara iruḥ ad t-icareɛ zdat
yimesbaṭliyen, mačči zdat yimqeddsen? 2Ur teẓrim ara belli imqeddsen ad ḥasben ddunit?
Ma yella yis-wen ara tettuḥaseb ddunit, ur tuklalem ara ad tefrum timecṭaḥ? 3Ur teẓrim
ara belli ad nḥaseb lmalayek? Xelliɛad, a timsal n ddunit-agi! 4Mi ara d-yili lxilaf gar-
awen ɣef temsal n ddunit-agi, d wid ur teḥsib ara tmezdayt wuɣur ara truḥem iwakken ad
tt-frun gar-awen? 5Ur tettneḥcamem ara! Eɛni ulac gar-awen ula d yiwen n wukyis i
izemren ad tt-ifru gar watmaten-is? 6Meɛna gma-s ittcaraɛ gma-s zdat wid ur numin ara!
7
D lɛib ameqqran ad tettemcaraɛem gar-awen; acuɣer ur tṣebbrem ara axir i lbaṭel?
Acuɣer ur tettaǧǧam ara iman-nwen axir ad tettuɛerrim? 8Meɛna d kenwi i ixeddmen
lbaṭel, i yettɛerrin wiyaḍ, yerna d atmaten-nwen!
Leqdasa n tfekka
9
Eɛni ur teẓrim ara belli imesbaṭliyen ur werrten ara tagelda n Yillu? Ur ɣellṭet ara:
iqeḥbiyen, wid yettɛebbiden lmeṣnuɛat, wid izennun, icehwaniyen, irgazen i ixeddmen
lɛar gar-asen, 10imakaren, iṭemmaɛen, isekṛaniyen, wid ireggmen, imeḥwaṣen, yiwen deg-
sen ur iwerret tagelda n Yillu. 11Akka i llan kra seg-wen; meɛna turadem, tettwaɛezlem-d
d imqeddsen, tettuzekkam s yisem n Ssid Yasuɛ Lmasiḥ akked Rruḥ n Yillu-nneɣ.
12
Kullec ḥlal fell-i, meɛna mačči kullec i inefɛen. Kullec ḥlal fell-i, meɛna nekk ur
ttɛemmideɣ ara ad itḥekkem deg-i wacemma. 13Lqut illa i uɛebbuḍ, aɛebbuḍ i lqut; Illu ad
ten-issenger, am win, am wa. Tafekka ur tettwaxdem ara i lɛar, meɛna i Ssid, Ssid i tfekka.
14
Illu yesseḥya-d Ssid, ad aɣ-d-isseḥyu ula d nekni s tezmert-is. 15Ur teẓrim ara belli
tifekkiwin-nwen d lemfaṣel n Lmasiḥ? Ad d-ddmeɣ lemfaṣel n Lmasiḥ iwakken ad ten-
rreɣ d lemfaṣel n tqeḥbit? A wer d-iḍru! 16Ur teẓrim ara belli win ineṭḍen ɣer tqeḥbit yuɣal
yid-s d yiwet n tfekka? Akken i d-ittwanna: "Ad uɣalen di sin d yiwet n tfekka." 17Win
ineṭḍen ɣer Ssid yuɣal yid-s d yiwen n rruḥ. 18Rewlet i lɛar! Kra n ddnub i ixeddem
umdan ixeddem-it berra n tfekka-s, meɛna win ixeddmen lɛar, d tafekka-s i iḍurr. 19Ur
teẓrim ara belli tafekka-nwen d afakan n Rruḥ Iqedsen yellan deg-wen, i awen-d-
ittunefken sɣur Yillu? Ur tettalasem ara deg yiman-nwen, 20axaṭer tettucafɛem-d s ssuma
ɣlayen. Ɛuzzet ihi Illu di tfekka-nwen.
Ɣef zzwaǧ
7Ɣef wayen i yi-d-turam, ilha i urgaz ur ittnal ara tameṭṭut; 2meɛna ɣef ddemma n lɛar, yal
argaz ad isɛu tameṭṭut-is, yal tameṭṭut argaz-is. 3Argaz ad ifk i tmeṭṭut-is ayen i as-tettalas,
tameṭṭut daɣen ad texdem akken i urgaz-is. 4Tameṭṭut ur teḥkim ara di tfekka-s, axaṭer n
urgaz-is; akken daɣen, argaz ur iḥkim ara di tfekka-s, axaṭer n tmeṭṭut-is. 5Wa ur ittḥerrim
wa, siwa ma temtafaqem i kra n lweqt iwakken ad testufum i tẓallit; mbaɛd, uɣalet akken,
mmar ad ken-iɣwu Cciṭan, seg wakken ur tezmirem ara ad tetḥekkmem deg yiman-nwen.
6
Ayagi ara d-iniɣ, d aweṣṣi mačči d lamer. 7Bɣiɣ medden merra ad ilin am nekk; meɛna
yal yiwen, tettunefk-as-d sɣur Yillu tukci-s weḥd-s, wa akka, wayeḍ akka.
8
Tura, i wid ur nezwiǧ ara akked tuǧǧal, ad iniɣ: ilha ma qqimen am nekk. 9Meɛna ma ur
zmiren ara ad tḥekkmen deg yiman-nsen, ad zewǧen: axir ad zewǧen wala ad tecɛel deg-
sen tmes. 10I wid izewǧen, ad amreɣ, mačči sɣur-i, meɛna sɣur Ssid: tameṭṭut ur tettfaraq
ara argaz-is. 11Ma tfureq-it, ad teqqim ur tzewweǧ ara, neɣ ad temṣalaḥ d urgaz-is. Argaz
ur iberru ara i tmeṭṭut-is.
12
I wiyaḍ, mačči d Ssid, d nekk i d-yennan: ma yella yiwen seg watmaten isɛa tameṭṭut ur
numin ara, meɛna teqbel ad teqqim yid-s, ur as-iberru ara. 13Tameṭṭut yesɛan argaz ur
numin ara, meɛna yeqbel ad iqqim yid-s, ur tberru ara i urgaz-is; 14axaṭer argaz ur numin
ara yettwaqeddes s tmeṭṭut-is; tameṭṭut ur numin ara tettwaqeddes s urgaz-is, neɣ ma ulac,
arraw-nwen ad ilin neǧsen; meɛna tura, atnan ttwaqeddsen. 15Ma yella win ur numin ara
yebɣa ad iruḥ, ad iruḥ: gma-tneɣ-agi neɣ weltma-tneɣ-agi ur ttwaqqnen ara di liḥalat-agi.
Illu isawel-awen-d ɣer lehna. 16Kem, a tameṭṭut, anda i teẓriḍ ma ad tsellkeḍ argaz-im? I
kečč, ay argaz, anda i teẓriḍ ma ad tsellkeḍ tameṭṭut-ik?
17
Yal yiwen ad ilḥu akken i as-d-ifka Yillu, akken i as-d-isawel Yillu; akka i ttamreɣ di
tmezdayin merra. 18Ma yella yiwen ittusawel-d, netta yeḍher, ad iqqim akken iḍher; ma
yella yiwen ittusawel-d, netta ur iḍhir ara, ur isseḍhar ara. 19Tḍehreḍ neɣ ala, ulac fell-as;
ayen yesɛan azal, d aḥraz n lumur n Yillu.
20
Yal yiwen ad iqqim di liḥala ideg illa mi d-ittusawel. 21Tettusawleḍ-d mi telliḍ d akli? Ur
ttḥebbir ara; meɛna ma tzemreḍ ad tuɣaleḍ d aḥerri, fareṣ tagnit. 22Axaṭer akli iwumi i d-
isawel Ssid, d aḥerri n Ssid; akken daɣen, amdan aḥerri i d-ittusawlen yuɣal d akli n
Lmasiḥ. 23Tettucafɛem-d s ssuma ɣlayen! Ur ttuɣalet ara d aklan n yimdanen. 24Ay

atmaten, yal yiwen ad iqqim zdat Yillu di liḥala-nni ideg illa mi d-ittusawel.
25
Ɣef yiɛezriyen, ur sɛiɣ ara lamer sɣur Yillu, meɛna ad d-fkeɣ ṛṛay-iw, nekk i yerra Yillu
s rreḥma-s mumaneɣ. 26Atan ihi wayen i walaɣ ilha di ṭṭiq-agi n tura: ilha i umdan ad
iqqim akka. 27Teqqneḍ ɣer tmeṭṭut? Ur ttnadi ara lefraq. Ur teqqineḍ ara ɣer tmeṭṭut? Ur
ttnadi ara tameṭṭut. 28Ma tzewǧeḍ, ur tednibeḍ ara; ma tezweǧ tɛezrit, ur tednib ara; meɛna
wigi ad ṛwun lḥif di tudert-nsen, nekk bɣiɣ ad ken-qileɣ seg-s. 29Atan d acu ara d-iniɣ, ay
atmaten: lḍaq lḥal! Ssya d asawen, wid yesɛan tameṭṭut ad ilin am wakken ur tt-sɛin ara,
30
wid yettrun am wakken ur ttrun ara, wid iferḥen am wakken ur friḥen ara, wid yettaɣen
am wakken ur ksiben acemma, 31wid yestenfɛen s ddunit-agi am wakken ur setnefɛen ara
yis-s, axaṭer ṣṣifa n ddunit-agi ad tɛeddi. 32Nekk bɣiɣ ur tettḥebbirem ara. Win ur nezwiǧ
ara ittḥebbir i temsal n Ssid, amek ara yeɛǧeb i Ssid; 33ma d win izewǧen, ittḥebbir i
temsal n ddunit, amek ara yeɛǧeb i tmeṭṭut-is, ul-is ibḍa. 34Tameṭṭut ur nezwiǧ ara,
taɛezrit, tettḥebbir i Ssid, iwakken ad tili d timqeddest di tfekka akked rruḥ; meɛna
tameṭṭut izewǧen tettḥebbir i ddunit, amek ara teɛǧeb i urgaz-is. 35Nniɣ-d ayagi di nnfeɛ-
nwen, mačči iwakken ad ken-sḥeṣleɣ, meɛna iwakken ad txedmem ayen iwulmen yerna
ad tilim teṭṭfem di Ssid mebla ma yebḍa wul-nwen.
36
Ma yella yiwen ur itḥekkem ara deg yiman-is, iwala belli yuggad ad ikkes leqder ɣef
texḍibt-is, iwala ilaq belli ad izweǧ, ad ixdem akken i as-ihwa, ur idnib ara; ad zewǧen!
37
Ma d win iqesden deg wul-is ur ittwaḥettem ara, itḥekkem di lebɣi-s, iɛzem deg wul-is
ad iqader taxḍibt-is, ixdem ayen yelhan. 38Swakka, win izewǧen netta d texḍibt-is ixdem
ayen yelhan; win ur nezwiǧ ara yid-s ixdem xir.
39
Tameṭṭut tettwaqqen s argaz-is ayen akk i t-mazal idder; meɛna ma yemmut urgaz-is,
tesɛa ttesriḥ ad tezweǧ d win i tebɣa, acu kan, di Ssid. 40Meɛna ad tili d taseɛdit akter, ma
teqqim akken. D wagi i d ṛṛay-iw; ttwaliɣ belli ula d nekk sɛiɣ Rruḥ n Yillu.
Aksum n yiseflawen yemmezlen i lmeṣnuɛat
8Ma ɣef wayen yeɛnan ayen yemmezlen i lmeṣnuɛat, neẓra belli nesɛa akk tamusni.
Tamusni tettarra amdan itneffix, meɛna leḥmala tbennu. 2Win i iɣilen issen kra, mazal ur
issin ara akken i ilaq ad yissin. 3Meɛna win iḥemmlen Illu, Illu yessen-it. 4Ihi, ɣef wayen
yeɛnan učči n wayen yemmezlen i lmeṣnuɛat, neẓra belli ulac ula d yiwen n lmeṣnuɛ di
ddunit yerna ulac arebbit-nniḍen siwa yiwen. 5Ɣas llan wid iwumi i qqaren irebbiten,
ama deg yigenni, ama di lqaɛa, - d ṣṣeḥḥ, llan aṭas n yirebbiten, aṭas n ssadat -, 6meɛna
ɣur-neɣ nekni, yiwen kan n Yillu i yellan, Ababat, iseg d-itekk kullec, yerna nekni ines,
akked yiwen kan n Ssid, Yasuɛ Lmasiḥ, swayes i yella kullec, swayes i nella nekni.
7
Meɛna tamusni-agi, ur tt-sɛin ara merra. Kra i mazal uɣen tannumi d lmeṣnuɛat tetten
aksum-nni am wakken d aksum yemmezlen i lmeṣnuɛat, imi ur ǧhiden ara, lxaṭer-nsen
iluɣ. 8Mačči d lqut ara aɣ-isqerrben ɣer Yillu; ma ur nečči ara ur aɣ-ixuṣṣ wara, ma nečča
ur izad wara. 9Acu kan, ḥadret iman-nwen, tilelli-nwen ur tettuɣal ara d ugur i wid
iḍeɛfen; 10axaṭer ma iwala-k walbaɛḍ, kečč yesɛan tamusni, teqqimeḍ ɣer ṭṭabla deg
yiwen lemqam n lmeṣnuɛ, netta iḍeɛfen, ur ittiǧhid ara lxaṭer-is dɣa ad iruḥ ad yečč ayen
yemmezlen i lmṣnuɛat? 11Swakka, uḍɛif-nni ad iḍiɛ si tmusni-nni-inek, gma-k-nni iɣef

yemmut Lmasiḥ. 12Mi ara tḍelmem akka atmaten, mi ara tesluɣem lxaṭer-nsen iḍeɛfen, d
Lmasiḥ i tɛuṣam. 13Ɣef wayagi, ma yella lqut-iw ad isseɣli gma, ur tetteɣ ara aksum, i
lebda, mmar ad icceḍ gma.
Bulus isemmeḥ di lḥuquq-is ɣef Linǧil
9Ur lliɣ ara d ilelli? Ur lliɣ ara d amceggeɛ? Ur walaɣ ara Yasuɛ, Ssid-nneɣ? Ur tellim ara
d ccɣel-iw di Ssid? 2Ɣas ɣer wiyaḍ ur lliɣ ara d amceggeɛ, xerṣum ɣur-wen lliɣ-t, axaṭer
kenwi d ṭṭabeɛ i d-ittbegginen belli nekk, d amceggeɛ n Ssid. 3Akka ara dafɛeɣ ɣef yiman-
iw zdat wid i yi-ittḥasaben. 4Ur nesɛi ara lḥeqq ad nečč, ad nsew? 5Ur nesɛi ara lḥeqq ad
nettawi yid-neɣ yiwet n weltma-tneɣ, d tameṭṭut, am yimceggɛen-nniḍen, am watmaten n
Ssid, am Kifa? 6Neɣ d nekk kan ak-d Bar-Naba ur nesɛi ara lḥeqq ad neqqim ur nxeddem
ara? 7Anwa wagi i yesɛeddayen lɛesker s yedrimen-is? Anwa wagi i yeẓẓan taferrant, ur
itett ara si lɣella-s? Anwa wagi i ikessen taqeḍɛit, ur itess ara ayefki-s? 8Ayagi i d-qqareɣ,
ɣer yimdanen kan i yella? Ur t-id-tenni ara daɣen Ccariɛa? 9Yura di Ccariɛa n Musa: "Ur
tettarraḍ ara takmamt i uzger mi ara yesserwat." Eɛni d izgaren iɣef yettḥebbir Yillu?
10
Neɣ ɣef ddemma-nneɣ kan i d-yenna akka? Ih, fell-aɣ i yura wawal-agi. Win ikerrzen,
ilaq ad ikrez s usirem, win yesserwaten lḥebb, ilaq ad isserwet s usirem ad yawi amur-is.
11
Ma yella nezreɛ gar-awen ayen yellan n rruḥ, eɛni bezzaf fell-aɣ ad d-nemger sɣur-wen
ayen yellan n ddunit-agi? 12Ma yella wiyaḍ ttalasen deg-wen, ur nettalas ara deg-wen
akter? Ɣas akken, nekni ur nessexdem ara lḥeqq-agi, meɛna neṣber i kullec iwakken ur
nettili ara d ugur i Linǧil n Lmasiḥ. 13Ur teẓrim ara belli wid iqeddcen deg wayen iqedsen
ttɛicin seg wayen i d-itekken seg ufakan, wid iqeddcen s aɛalṭar, amur-nsen seg uɛalṭar?
14
Akken daɣen, Ssid yumer i wid yettbecciren Linǧil ad ɛicen si Linǧil. 15Nekk ur
sxedmeɣ ula d yiwen n lḥeqq si lḥuquq-agi, yerna mačči iwakken ad ten-ssutreɣ i yiman-
iw i n-uriɣ ayagi; axir-iyi ad mmteɣ wala ad iyi-tettwakkes ssebba-agi n zzux-iw. 16Ma
ttbeccireɣ Linǧil, ɣur-i mačči d cciɛa: ilzem fell-i, ttwaḥettmeɣ; a tawaɣit-iw ma ur
ttbeccireɣ ara Linǧil! 17Ma xedmeɣ ayagi s lebɣi-w ad ttwaxellṣeɣ; meɛna ma
ttwaḥettmeɣ, d ccɣel iɣef d-ttuwekkleɣ. 18D acu ihi i d lexlaṣ-iw? D aqeddem i
ttqeddimeɣ baṭel Linǧil i ttbeccireɣ, mebla ma stummneɣ s lḥeqq i yi-ifka Linǧil.
Aqeddac aḥeqqani
19
Ɣas akken ur qqineɣ ula ɣer yiwen, rriɣ iman-iw d akli n medden merra, iwakken ad d-
rebḥeɣ aṭas seg-sen. 20Uɣaleɣ ɣef ddemma n Iyahudiyen am Uyahudi, iwakken ad d-
rebḥeɣ Iyahudiyen; ɣef ddemma n wid yellan ddaw ccariɛa, am wakken lliɣ ddaw
ccariɛa, iwakken ad d-rebḥeɣ wid yellan ddaw ccariɛa, ɣas akken nekk ur lliɣ ara ddaw
ccariɛa; 21ɣef ddemma n wid ur nesɛi ara ccariɛa, uɣaleɣ am wakken ur sɛiɣ ara ccariɛa,
ɣas akken ur lliɣ ara mebla ccariɛa n Yillu, meɛna ddaw ccariɛa n Lmasiḥ, iwakken ad d-
rebḥeɣ wid ur nesɛi ara ccariɛa; 22Ɣef ddemma n wuḍɛifen, uɣaleɣ d uḍɛif, iwakken ad d-
rebḥeɣ uḍɛifen. Ɣef medden merra, uɣaleɣ d kullec, iwakken ad d-sellkeɣ xerṣum kra
seg-sen. 23Xedmeɣ ayagi merra ɣef ddemma n Linǧil, iwakken ad sɛuɣ amur deg-s.
24
Ur teẓrim ara belli wid yettazzalen deg wannar ttazzalen merra, meɛna yiwen kan i
yettawin cciɛa. Azzlet ihi iwakken ad tt-id-trebḥem! 25Wid akk yettemḥizwiren

ttḥerrimen iman-nsen seg waṭas n leḥwayeǧ, iwakken ad d-rebḥen taɛeṣṣabt ifennun;
meɛna nekni, ɣef tɛeṣṣabt ur nfennu. 26Nekk ttazzaleɣ akka, mačči d ahummu i
tthummuɣ, kkateɣ meɛna mačči deg waḍu; 27smermideɣ tafekka-w yerna ttqeyyideɣ-tt,
axaṭer uggadeɣ, nekk i ibeccren i wiyaḍ, ad d-afeɣ iman-iw ur ttwaqebleɣ ara.
Lemtel n Israyil deg uneẓruf
10Ay atmaten, ur bɣiɣ ara ad ken-ǧǧeɣ ur teẓrim ara belli lejdud-nneɣ merra llan ddaw tagut;
akken ma llan zegren lebḥer. 2Ttwaɣeḍṣen merra s Musa di tagut akked lebḥer; 3ččan merra
yiwen lqut n rruḥ, 4swan merra yiwet n tissit n rruḥ, axaṭer llan tessen seg uẓru n rruḥ i
iteddun yid-sen; aẓru-agi, d Lmasiḥ. 5Meɛna Illu ur ifriḥ ara s ṭṭaqa seg-sen, daymi i ten-
issenger deg uneẓruf. 6Annect-agi merra yeqqim-aɣ-d d lemtel, iwakken ur nettcihwi ara
ayen n diri, akken i cuhwan nutni. 7Ur ttuɣalet ara d wid yettɛebbiden lmeṣnuɛat, am kra
seg-sen, akken yura: "Agdud iqqim ad yečč ad isew, mbaɛd ikker ad izhu." 8Ur nxeddem
ara lɛar akken i xedmen kra seg-sen, armi i ɣlin seg-sen tlata uɛecrin alef deg yiwen n
wass. 9Ur nettjerrib ara Ssid akken i t-jerrben kra seg-sen, dɣa negren s yizerman. 10Ur
sgermudet ara akken i sgermden kra seg-sen, dɣa yessenger-iten umsenger. 11Ayagi
merra yedra-yasen iwakken ad d-iqqim d lemtel; yura d lemɛeggna i nekni i d-iwwḍen
ɣer taggara n zzman. 12Akka ihi, win i iɣilen ibedd ad iḥader iman-is ur iɣelli ara! 13Ayen
akk i tjerrbem, d ayen akk i yettɛeddin ɣef umdan. Illu yellan d unṣiḥ ur ittɛemmid ara ad
tettwajerrbem nnig tezmert-nwen; meɛna deg ujerreb-nni, ad d-ifk tawwurt, tazmert
swayes ara tṣebrem.
Lferq gar ṭṭabla n Lmasiḥ akked ṭṭabla n leǧnun
14
Ɣef wayagi, ay imeɛzuzen-iw, rewlet mebɛid i uɛbad n lmeṣnuɛat. 15Heddreɣ-awen
akken ara hedreɣ i lfahmin: meyyzet kenwi, s timmad-nwen, ɣef wayen i d-qqareɣ.
16
Taqbuct n lbaraka i nettbarak ur telli ara d lemxalṭa akked yidammen n Lmasiḥ?
Aɣrum i nbeṭṭu, ur illi ara d lemxalṭa akked tfekka n Lmasiḥ? 17Imi yiwen n uɣrum kan i
yellan, nekni, yellan deg waṭas yid-neɣ, nuɣal d yiwet n tfekka, axaṭer necrek akk yiwen
n uɣrum. 18Walit At Israyil: wid itetten iseflawen, ur llin ara d icriken n uɛalṭar? 19D acu
ara d-iniɣ ihi? Ayen yettunefken i lmeṣnuɛat, isɛa azal? I lmeṣnuɛ-nni, isɛa azal? 20Ayen
yemmezlen imzel i leǧnun mačci i Yillu; ur bɣiɣ ara ad tuɣalem d icriken n leǧnun. 21Ur
tezmirem ara ad teswem taqbuct n Ssid akked teqbuct n leǧnun; ur tezmirem ara ad
tettekkim di ṭṭabla n Ssid akked ṭṭabla n leǧnun. 22Ad d-nesker tismin n Ssid? Neǧhed
akter-is?
Tilelli akked lemḥadra
23
Kullec ḥlal, meɛna mačči kullec i inefɛen. Kullec ḥlal, meɛna mačči kullec i ibennun.
24
Yiwen ur ittnadi acemma i yiman-is, meɛna yal yiwen ad inadi nnfeɛ n wayeḍ. 25Ayen
akk yettnuzun di ssuq, ččet-t mebla ma testeqsam, iwakken ur ittluɣu ara lxaṭer-nwen;
26
axaṭer "ddunit d wayen akk i tt-iɛemmren, n Ssid". 27Ma yeɛreḍ-iken walbeɛd ur numin
ara, tqeblem ad truḥem, ayen akk ara awen-d-irsen, ččet seg-s mebla ma
testqsam,iwakken ur ittluɣu ara lxaṭer-nwen. 28Meɛna ma yenna-yawen yiwen: "Ayagi
yemmzel i lmeṣnuɛ", ur tettet ara, ɣef ddemma n win i awen-d-yennan akked lxaṭer.
29
Lxaṭer i d-qesdeɣ, mačči d lxaṭer-nwen, meɛna d win n wayeḍ; acuɣer ara iḥaseb lxaṭer
n wayeḍ tilelli-w? 30Ma yella nekk ččiɣ yerna ḥemdeɣ, acuɣer ara y-ilumm yiwen ɣef
wayen i ḥemdeɣ? 31Ihi, teččam, teswam, neɣ kra ara txedmem, xedmet kullec i lɛaḍima
n Yillu. 32Ur ttilit ara d ugur la i Yiyahudiyen, la i Yiyunaniyen, la i tmezdayt n Yillu,
33
akken i xeddmeɣ ula d nekk, ttnadiɣ ad ɛeǧbeɣ di kullec i medden merra, ur ttnadiɣ ara
ɣef nnfeɛ i yiman-iw, meɛna ɣef nnfeɛ n waṭas, iwakken ad ttwasellken.
Argaz akked tmeṭṭut di tmezdayt
11Ttɛanadet-iyi, akken i ttɛanadeɣ nekkini Lmasiḥ. 2Ad ken-cekkreɣ, ay atmaten, imi i
yi-d-tettmektayem di kullec yerna teṭṭfem di leɛwayed akken i awen-tent-slemdeɣ. 3Acu
kan, bɣiɣ ad teẓrem ayagi: aqerru n yal argaz, d Lmasiḥ; aqerru n tmeṭṭut, d argaz;
aqerru n Lmasiḥ, d Illu. 4Kra n urgaz yettẓallan neɣ i d-ittcirin, ɣef uqerru-s kra, ikkes
lḥerma ɣef uqerru-s. 5Kra n tmeṭṭut yettẓallan neɣ i d-ittcirin, aqerru-s ɛeryan, tekkes
lḥerma ɣef uqerru-s, am wakken tṣeṭṭel; 6axaṭer ma yella tameṭṭut ur teṣṣir ara, ad tṣeṭṭel
aqerru-s; meɛna ma yella d lɛib i tmeṭṭut ad tegzem neɣ ad tṣeṭṭel acebbub-is, ilaq ad
teṣṣer iman-is. 7Argaz ur ilaq ara ad iɣumm aqerru-s, axaṭer d ṣṣifa n Yillu, d ccan-is, i
yella; ma d tameṭṭut, d ccan n urgaz. 8Axaṭer argaz ur d-ittwakkes ara si tmeṭṭut, meɛna
d tameṭṭut i d-ikkan seg urgaz. 9Daɣen, argaz ur d-ittwaxleq ara i tmeṭṭut, meɛna
tameṭṭut tettwaxleq-d i urgaz. 10Ɣef wayagi, tameṭṭut ilaq ad tesɛu ɣef uqerru-s limara n
uḥkim, ɣef ddemma n lmalayek. 11Acu kan, ulac argaz mebla tameṭṭut, ulac tameṭṭut
mebla argaz, di Ssid; 12axaṭer, akken i d-tettwakkes tmeṭṭut seg urgaz, argaz daɣen illa-d
s tmeṭṭut, kullec ikka-d seg Yillu. 13Meyyzet kan s yiman-nwen: ilha i tmeṭṭut ad tdeɛɛu
ɣer Yillu, aqerru-s ɛeryan? 14Ur awen-tesselmad ara ṭṭabiɛa belli d lɛib i urgaz ad irebbi
amzur? 15Meɛna i tmeṭṭut, d ccan ad tesɛu amzur, axaṭer amzur-is ittunefk-as-d d tuṣṣra.
16
Ma yella win yebɣan ad iǧadel, ur nesɛi lɛadda-agi nekni, wala timezdayin n Yillu.
Tiremt n Lmasiḥ
17
Deg wayen akka ara awen-d-amreɣ, mačči d acekker ara ken-cekkreɣ: tettnejmaɛem,
mačči iwakken ad teddum ɣer zdat, meɛna iwakken ad tuɣalem ɣer deffir. 18Uqbel
kullec, sliɣ belli mi ara tettnejmaɛem d agraw, ttilin-d gar-awen iceqqiqen, yerna umneɣ
belli tella kra n tidet deg wayagi. 19Ilaq ad d-yili faruq gar-awen, iwakken ad d-banen
gar-awen iḥeqqaniyen. 20Mi ara tettnejmaɛem gar-awen, mačči d imensi n Ssid i
tettettem; 21axaṭer yal yiwen ittɣawal ad yečč imensi-s netta; yiwen illuẓ, wayeḍ iskeṛ.
22
Akka! Ur tesɛim ara ixxamen iwakken ad teččem, ad teswem? Neɣ, tḥeqrem
tamezdayt n Yillu, akka i tesneḥcamayem wid ur nesɛi acemma? D acu ara awen-d-
iniɣ? Ad ken-cekkreɣ? Deg wayagi, ur ken-ttcekkireɣ ara.
23
D ayen i yi-d-ittunefken sɣur Ssid i awen-fkiɣ nekkini. Ssid Yasuɛ, deg yiḍ-nni ideg
yettusellem, iddem-d aɣrum, 24iḥmed, ibḍa-t dɣa yenna: "Wagi, d tafekka-w yebḍan fell-
awen; xeddmet ayagi iwakken ad iyi-d-tettmektayem." 25Akken daɣen, mbaɛd imensi,
iddem-d taqbuct dɣa yenna: "Taqbuct-agi, d lemɛahda tajdidt s yidammen-iw; xeddmet
ayagi mkul mi ara teswem seg-s, iwakken ad iyi-d-tettmektayem." 26Mkul mi ara teččem
seg uɣrum-agi, ara teswem si teqbuct-agi, tettberriḥem lmut n Ssid, alamma d asmi ara d-
yas. 27Ɣef wayagi, win yeččan aɣrum neɣ iswa taqbuct n Ssid, ur asen-yefki ara lqima,
iḍlem ɣer lǧiha n tfekka akked yidammen n Ssid. 28Yal yiwen ihi ad issenqed iman-is,
imiren ad yečč seg uɣrum-nni, ad isew si teqbuct-nni; 29axaṭer win yeččan yerna yeswa,
ur iɛqil ara tfekka n Ssid, ičča yerna yeswa lɛiqab i d-yewwi i yiman-is. 30Ɣef wayagi i
llan gar-awen aṭas n yimuḍan akked yineɛyuba, yerna ddeqs i yemmuten. 31Lemmer i
nessenqad iman-nneɣ, ur nettuḥasab ara. 32Meɛna mi ara aɣ-ittḥasab Ssid, ittrebbi-yaɣ,
iwakken ur nettuɛaqab ara d ddunit. 33Ihi ay atmaten, mi ara tennejmaɛem gar-awen,
ttemraǧut gar-awen. 34Ma yelluẓ yiwen, ad yečč deg uxxam-is, iwakken ur
tettnejmaɛem ara i lɛiqab. Ayen-nniḍen, ad t-fruɣ mi ara izmireɣ ad n-ruḥeɣ.
Tukciwin n Rruḥ Iqedsen
12Ɣef wayen yeɛnan tukciwin n Rruḥ, ay atmaten, ur bɣiɣ ara ad teqqimem ur teẓrim ara.
2
Teẓram belli asmi i tellam seg wat leǧnas tɛemmdem wwin-ken ɣer lmeṣnuɛat
yeggugmen. 3Ɣef wayagi, ad awen-d-iniɣ belli yiwen ur izmir ad d-yini: "Ittwanɛel
Yasuɛ", ma s Rruḥ n Yillu i ihedder; daɣen, yiwen ur izmir ad d-yini: "Ssid Yasuɛ", ma
mačči s Rruḥ Iqedsen.
4
D leṣnaf n tukciwin i yellan, meɛna Rruḥ, yiwen; 5d leṣnaf n leqdic i yellan, meɛna
Ssid, yiwen; 6d leṣnaf n lecɣal i yellan, meɛna Illu, yiwen, i ixeddmen kullec di yal
yiwen. 7Di yal yiwen, Rruḥ ittban-d s tukci i d-ittak i lmenfaɛa. 8Rruḥ ittak-d i yiwen
awal n lekyasa, i wayeḍ awal n tmusni, 9i wayeḍ Rruḥ-agi ittak-d liman, i wayeḍ Rruḥ-
agi daɣen ittak-d tukciwin n useḥlu, 10i wayeḍ tazmert ad ixeddem lberhanat, i wayeḍ
aciri, i wayeḍ afraz n lerwaḥ, i wayeḍ leṣnaf n tutlayin, i wayeḍ asṭerjem n tutlayin.
11
Meɛna ayagi merra, d yiwen n Rruḥ i t-ixeddmen; iferreq i yal yiwen weḥd-s akken
yebɣa.
Tamezdayt, d yiwet n tfekka s waṭas n lemfaṣel.
12
Tafekka, d yiwet yerna tesɛa aṭas n lemfaṣel; meɛna lemfaṣel merra n tfekka, ɣas aṭas i
yellan, ssufɣen-d yiwet n tfekka: akka daɣen Lmasiḥ. 13Akken ma nella, nettwaɣḍeṣ deg
yiwen n Rruḥ iwakken ad nuɣal d yiwet n tfekka, d Iyahudiyen neɣ d Iyunaniyen, d aklan
neɣ d iḥerriyen; akken ma nella, seg yiwen n Rruḥ i neswa. 14Tafekka ur tesɛi ara yiwen
kan n lmefṣel, meɛna aṭas. 15Ma yenna uḍar: "Imi nekk mačči d afus, ur lliɣ ara si tfekka",
ɣef wayagi dɣa ur ittili ara si tfekka? 16Ma yenna umeẓẓuɣ: "Imi nekk mačči d tiṭ, ur lliɣ
ara si tfekka", ɣef wayagi dɣa ur ittili ara si tfekka? 17Ma yella tafekka merra d tiṭ, anda-tt
tmesliwt? Ma tella merra d timesliwt, anda-t usriḥi? 18Meɛna Illu isers yal lmefṣel di
tfekka akken i as-ihwa. 19Ma d yiwen n lmefṣel i llan merra, anda-tt tfekka? 20Tura, aṭas n
lemfaṣel i yellan, meɛna yiwet n tfekka. 21Tiṭ ur tezmir ara ad tini i ufus: "Ur k-ḥwaǧeɣ
ara." Aqerru daɣen ur izmir ara ad yini i yiḍarren: "Ur ken-ḥwaǧeɣ ara." 22Ala, lemfaṣel i
aɣ-d-ittbanen d imeḍɛufa akk laqen; 23lemfaṣel n tfekka i nettwali belli drus n lqima i
sɛan, d nutni iwumi i nxeddem akter lqima; wid ixuṣṣen di ccbaḥa, nettcebbiḥ-iten akter,
24
wid icebḥen ur ḥwaǧen ara. Illu yebna tafekka akken ara izegged di lqima i wid ixuṣṣen,
25
i wakken ur ittili ara uceqqiq di tfekka, meɛna iwakken yal lmefṣel ad ittḥebbir ɣef
wayeḍ. 26Akka, ma yettneɛtab yiwen n lmefṣel, lemfaṣel merra ttneɛtaben yid-s; ma

yettwaɛuz yiwen n lmefṣel, lemfaṣel merra ferrḥen yid-s.
27
Kenwi, d tafekka n Lmasiḥ, d lemfaṣel-is, yal yiwen d aḥric deg-s. 28Di tmezdayt, Illu
yesbedd qbel imceggɛen, mbaɛd lanbeyya, mbaɛd iselmaden; mbaɛd lberhanat, mbaɛd
tukciwin n useḥlu, n uɣiti, n uḍebber akked leṣnaf n tutlayin. 29Eɛni akken ma llan, d
imceggɛen? Akken ma llan, d lanbeyya? Akken ma llan, d iselmaden? Sɛan akk tukci n
lberhanat? 30Sɛan akk tukciwin n useḥlu? Heddren akk s tutlayin? Sṭerjimen akk? 31Sɛut
lḥir ɣer lemxeyyer n tukciwin.Ad awen-d-ssekneɣ abrid yifen kullec.
Leḥmala
13Ɣas ad heddreɣ tutlayin n yimdanen akked tid n lmalayek, ma ur sɛiɣ ara leḥmala, ad
iliɣ d nnḥas yeddendunen neɣ d aznaj yeṭṭenṭunen. 2Ɣas ad sɛuɣ tukci n uciri, tamusni n
lesrar merra akked tmusni merra, ɣas ad sɛuɣ liman yettbeddilen amkan i yidurar, ma ur
sɛiɣ ara leḥmala, nekk, d ulac. 3Ɣas ad ferqeɣ ayen akk i sɛiɣ, ɣas ad sellmeɣ tafekka-w
iwakken ad treɣ, ma ur sɛiɣ ara leḥmala, ayagi ur y-infiɛ deg wacemma.
4
Leḥmala, iwseɛ lxaṭer-is, leḥmala tesɛa lxir; leḥmala ur tḥetted ara, leḥmala ur tettzuxxu
ara, ur tetneffix ara, 5leḥmala ur tqebbeḥ ara, ur tettnadi ara ɣef nnfeɛ-is, ur treffu ara, ur
tettaṭṭaf ara cceḥna, 6Ur tferreḥ ara s lbaṭel, tettaf lferḥ-is di tidet; 7tetteṣṣer kullec,
tettamen kullec, tessaram kullec, tettawi i kullec.
8
Leḥmala, d lmuḥal ad teɣli; lucayer ad fnunt; tutlayin ad ḥebsent; tamusni ad tɛeddi.
9
Tamusni-nneɣ txuṣṣ, aciri-nneɣ ixuṣṣ daɣen; 10meɛna mi ara d-yaweḍ wayen ikemlen,
ayen ixuṣṣen ad ifnu. 11Asmi i lliɣ d aqcic, heddreɣ am uqcic, ttxemmimeɣ am uqcic,
ttmeyyizeɣ am uqcic; mi uɣaleɣ d argaz, kkseɣ ayen yellan n uqcic. 12Tura, nettwali di
lemri yeddumbsen, meɛna imiren, ad nwali udem s udem; tura, tamusni txuṣṣ, meɛna
imiren, ad issineɣ akken i ttwassneɣ. 13Tura ihi, tlata-agi i yellan: liman, asirem,
leḥmala; tin i ten-yugaren akk, d leḥmala.
Nniḍam di lɛibada
14Nadit ɣef leḥmala, sɛut lḥir ɣer tukciwin n Rruḥ, ladɣa iwakken ad d-tettcirim. 2Win
iheddren s tutlayin ur ihedder ara i yimdanen, meɛna i Yillu; yiwen ur t-ifehhem: s Rruḥ i
d-iqqar lesrar. 3Win i d-ittcirin ihedder i yimdanen, isnernay-iten, inehhu-ten, ittṣebbir-
iten. 4Win iheddren s tutlayin isnernay iman-is, win i d-ittcirin isnernay tamezdayt. 5Bɣiɣ
ad theddrem akk s tutlayin, meɛna bɣiɣ akter ad d-tettcirim. Win i d-ittcirin yugar win
iheddren s tutlayin, siwa ma yella yesterjem-d, iwakken tamezdayt ad tennerni yis-s.
6
Tura, ay atmaten, ma ruḥeɣ-n ɣur-wen, heddreɣ-awen s tutlayin, deg wacu ara ken-
nefɛeɣ ma yella awal-iw ur awen-d-yewwi ara kra n ubeggen, n tmusni, n uciri, neɣ n
uselmed? 7Akka ula d ayen ur nesɛi ara rruḥ, i d-ittaken ṣṣut, am tjewwaqt neɣ snitra: ma
ur d-ttakkent ara ṣṣut ara yeɛqel umeẓẓuɣ, amek ara neɛqel lmusiqa n tjewwaqt neɣ n
snitra? 8Ula d lbuq, ma ur iban ara ṣṣut-is, anwa ara iheggin iman-is i ṭṭrad? 9Akka ula d
kenwi, ma yella s kra n tutlayt ur d-teqqarem ara awal iferzen, amek ara yettwafhem
wayen i d-teqqarem? Theddrem deg waḍu! 10Aṭas n leṣnaf n tutlayin i yellan di ddunit,
meɛna yiwet deg-sent ur telli mebla lmeɛna. 11Ma ur ssineɣ ara ihi lmeɛna n tutlayt-nni,
ad iliɣ d aberrani i win akken iheddren; win akken iheddren ad yili ɣur-i d aberrani.
12
Kenwi daɣen, imi i tetḥemmsem ɣef tukciwin n Rruḥ, nadit ad tkesbem s waṭas, i lebni
n tmezdayt. 13Ɣef wayagi, win iheddren s tutlayt, ad iẓẓal iwakken ad d-isterjem. 14Ma
ttẓallaɣ s tutlayt, rruḥ-iw ittẓalla, meɛna lefhama-w teḥbes. 15D acu ara xedmeɣ ihi? Ad
ẓẓaleɣ s rruḥ, ad ẓẓaleɣ daɣen ula s lefhama; ad cnuɣ s rruḥ, ad cnuɣ daɣen ula s lefhama.
16
Neɣ ma ulac, ma tettbarakeḍ s rruḥ, win ara yilin gar-awen ur issin ara, amek ara d-yini
amin i uḥmad-nni i tḥemdeḍ, imi ur ifhim ara d acu i d-tenniḍ? 17Kečč, d ṣṣeḥḥ, aḥmad-
nni i tḥemdeḍ igerrez, meɛna wayeḍ ur innerna ara. 18Ad ḥemdeɣ Illu imi i heddreɣ s
tutlayin akter-nwen merra; 19meɛna di tmezdayt, axir-iyi ad d-iniɣ xemsa n lehdur s
lefhama-w, iwakken ad slemdeɣ yis-sen wiyaḍ, wala ɛecralaf n lehdur s tutlayt.
20
Ay atmaten, ur ttilit ara d arrac deg umeyyez; meɛna ilit d ilufanen deg wayen yeɛnan
ccer, d irgazen deg umeyyez. 21Yura di ccariɛa: "S wid iheddren tutlayt-nniḍen, s yilsawen
n yiberraniyen ara hedreɣ i ugdud-agi; ɣas akken, ur yi-ttḥessisen ara, i d-yenna Ssid."
22
Swakka, tutlayin, d limara, mačči i wid yumnen, meɛna i wid ur numin ara. Aciri, mačči
i wid ur numin ara, meɛna i wid yumnen.
23
Ma yella ihi tennejmaɛ tmezdayt merra deg yiwen n umkan, yerna heddren merra s
tutlyin, ad d-kecmen wid ur nessin ara neɣ wid ur numin ara, ur d-qqaren ara belli
tselbem? 24Meɛna ma yella ttčirin-d merra, yerna ikcem-d win ur numin ara neɣ win ur
nessin ara, ad t-qenɛen merra, ad t-ḥasben merra; 25lesrar n wul-is ad ttwafeḍḥen, dɣa ad
iɣli ɣef wudem, ad iseǧǧed zdat Yillu yerna ad d-icehhed: "D ṣṣeḥḥ, Illu yella gar-awen."
26
Dacu ihi, ay atmaten? Mi ara tennejmaɛem, yal yiwen izmer ad d-yawi, wa d ccna, wa d
aselmed, wa d akcaf, wa d tutlayt, wa d asṭerjem: kullec ad ittwaxdem i usnerni. 27Ma llan
wid iheddren s tutlayt, sin ar tlata kan, yal yiwen s nnuba-s, yerna ad d-isṭerjem yiwen.
28
Ma ulac ṭṭrejman, ad issusem di tmezdayt, ad ihder i yiman-is akked Yillu. 29Ayen
yeɛnan lanbeyya, sin neɣ tlata ad d-hedren, wiyaḍ ad sneqden. 30Gar widak-nni yeqqimen,
ma yella win iwumi i d-ittwakcef kra, amezwaru-nni ad issusem. 31Tzemrem merra ad d-
tettcirim wa deffir wa, iwakken ad lemden merra, ad nnernin. 32Lanbeyya tḥekkmen di
rruḥ swayes i d-ttcirin, 33axaṭer Illu mačči d Illu n usexreb, meɛna d Illu n lehna, am di
tmezdayin merra n yimqeddsen.
34
Di tmezdayin, tilawin ad ssusment; ur sɛint ara ttesriḥ ad d-hedrent, meɛna ad ḍuɛent,
akken i t-id-tenna daɣen ccariɛa. 35Ma bɣant ad lemdent ad steqsint irgazen-nsent deg
uxxam, axaṭer d lɛib i tmeṭṭut ad d-tehder di tmezdayt. 36Eɛni sɣur-wen i d-iffeɣ wawal n
Yillu? Eɛni ɣur-wen kan i yewweḍ?
37
Ma yella yiwen deg-wen iɣil belli d nnbi i yella, neɣ ileḥḥu s Rruḥ, ad isteɛref belli ayen
akka i awen-n-uriɣ, d lamer n Ssid; 38ma yella win ur nesteɛref ara yis-s, ur steɛrifen ara
yis-s. 39Akka ihi, ay atmaten, sɛut lḥir ad d-tettcirim, ur qeṭṭɛet ara lhedra s tutlayin.
40
Xedmet kullec akken iwulem yerna s nniḍam.
Asmekti n Linǧil
15Ay atmaten, ad awen-d-smektiɣ Linǧil i awen-beccreɣ, win akken i tqeblem yerna
teṭṭfem deg-s, 2win akken swayes ara tettwasellkem ma tḥerzem-t akken i awen-t-beccreɣ,
neɣ ma ulac tumnem baṭel. 3Fkiɣ-awen uqbel kullec ayen i yi-d-ittunefken nekkini:
Lmasiḥ immut ɣef ddnubat-nneɣ, akken i t-id-nnant Tira, 4ittwamḍel, iḥya-d ass wis tlata,
akken i t-id-nnant Tira; 5iḍher-d i Kifa, mbaɛd i Tnac-nni. 6Mbaɛd, iḍher-d i kter n xems
meyya n watmaten deg yiwet n teswiɛt, ṭṭaqa deg-sen mazal-iten ar tura, meɛna kra deg-
sen mmuten. 7Mbaɛd, iḍher-d i Yeɛqub, mbaɛd i yimceggɛen merra. 8Mbaɛd nutni merra,
iḍher-iyi-d i nekk yellan d amḍur. 9Nekk, d aqell n yimceggɛen, ur uklaleɣ ara ad
ttusemmiɣ amceggeɛ, imi i qehreɣ tamezdayt n Yillu. 10Meɛna, s nneɛma n Yillu i lliɣ
akka i lliɣ; lemzeyya i yi-ixdem ur truḥ ara deg wulac, meɛna ɛetbeɣ akter-nsen merra,
mačči d nekk, meɛna d nneɛma n Yillu i yellan yid-i. 11Ihi, d nekk neɣ d nutni, d ayagi i
nettbeccir, d ayagi i tumnem.
Ḥeggu n lmeggtin
12
Ma yella nettbeccir belli Lmasiḥ iḥya-d si gar lmeggtin, amek kra seg-wen qqaren belli
ulac ḥeggu n lmeggtin? 13Ma ulac ḥeggu n lmeggtin, Lmasiḥ daɣen ur d-iḥyi ara. 14Ma
yella Lmasiḥ ur d-iḥyi ara, ttebcira-nneɣ tebṭel, liman-nwen daɣen ibṭel. 15Ihi nuɣal d
inagan n ẓẓur n Yillu imi i d-ncehhed ɣef Yillu belli yesseḥya-d Lmasiḥ, tili ur t-id-isseḥya
ara, ma yella dɣa lmeggtin ur d-ḥeggun ara; 16axaṭer, ma yella dɣa lmeggtin ur d-ḥeggun
ara, ula d Lmasiḥ ur d-iḥyi ara. 17Ma yella Lmasiḥ ur d-iḥyi ara, liman-nwen ibṭel, mazal-
iken di ddnubat-nwen, 18ihi, ula d wid yemmuten di Lmasiḥ ḍaɛen. 19Ma yella di ddunit-
agi kan i nessaram di Lmasiḥ, d nekni i yettuɣaḍen akk gar yimdanen merra.
20
Meɛna tura, Lmasiḥ iḥya-d si gar lmeggtin, d amenzu n wid yemmuten. 21Ihi, imi lmut
tella-d s yiwen n umdan, s yiwen n umdan daɣen i d-illa ḥeggu n lmeggtin. 22Akken i
mmuten merra di Adem ara d-ḥyun daɣen merra di Lmasiḥ; 23meɛna yal yiwen s nnuba-
s: amenzu, d Lmasiḥ, mbaɛd, wid yellan n Lmasiḥ, asmi ara d-iruḥ, 24imiren ad d-taweḍ
taggara, mi ara yerr tagelda i Yillu Ababat, mbaɛd mi yessenger kra yellan d sleṭna, d
lḥukuma akked tezmert. 25Axaṭer ilaq ad iḥkem alamma yerra iɛdawen-is merra ddaw
uḍar-is. 26Aɛdaw aneggaru ara yessenger, d lmut. 27Axaṭer "Illuyerra-yas-d kullec ddaw
uḍar-is"; meɛna mi d-yenna belli yerra-yas-d kullec ddaw uḍar-is, iban belli win i as-d-
irran kullec ddaw lḥekma-s ur itekki ara. 28Mi ara as-d-yerr kullec ddaw lḥekma-s, netta
daɣen, Amemmit, ad yuɣal ddaw lḥekma n win i as-d-irran kullec ddaw lḥekma-s,
iwakken ad yili Yillu, d kullec di yal yiwen.
29
Ma mačči akka, d acu ara xedmen wid yettwaɣḍaṣen deg umkan n lmeggtin? Ma d
ṣṣeḥḥ dɣa, lmeggtin ur d-ḥeggun ara, acuɣer ihi i ttwaɣḍaṣen deg umkan-nsen. 30I nekni,
acuɣer ihi i nettqabal dayem lmut? 31Yal ass, ttqabaleɣ lmut, ay atmaten; ad d-cehdeɣ s
zzux i ttzuxxuɣ yis-wen di Lmasiḥ Yasuɛ, Ssid-nneɣ. 32Ma yella akken yettwali umdan,
d acu n nnfeɛ i sɛiɣ deg u i nnuɣeɣ d lewḥuc di Afasus? Ma yella ur d-ḥeggun ara
lmeggtin, "ad nečč, ad nsew, axaṭer azekka ad nemmet!" 33Ur ɣellṭet ara, "yir rrafqa
tessefsad ttrebga yelhan." 34Uɣalet-d ɣer leɛqel-nwen akken iwulem lḥal, ur dennbet ara;
axaṭer kra ur ssinen ara Illu, nniɣ-d ayagi i lḥecma-nwen.
35
Meɛna albaɛḍ ad yini: "Amek i d-ḥeggun lmeggtin? S wacu n tfekka ara d-uɣalen?"
36
Ay amehbul! Ayen i tzerɛeḍ, mačči alamma yemmut ara d-iḥyu? 37Ayen i tzerɛeḍ, mačči
d imɣi-nni ara d-iffɣen, meɛna d aɛeqqa n yired neɣ n wayen-nniḍen. 38Mbaɛd, Illu ad as-
ifk ṣṣura i as-ihwan, ittak i yal zerriɛa ṣṣura-s weḥd-s. 39Aksum ur iɛdil ara: aksum n
umdan weḥd-s, aksum n lmal weḥd-s, aksum n yifrax weḥd-s, win n lḥut weḥd-s. 40Llant
daɣen ṣṣifat n yigenwan akked ṣṣifat n lqaɛa; ṭṭya n ṣṣifat n yigenwan weḥd-s, ṭṭya n ṣṣifat
n lqaɛa weḥd-s; 41ṭṭya n yiṭij weḥd-s, ṭṭya n waggur weḥd-s, ṭṭya n yitran weḥd-s; ula seg
yetri ɣer wayeḍ, imxalaf ṭṭya-nsen.
42
Akka deg wayen yeɛnan ḥeggu n lmeggtin. Mi ara tettwamḍel tfekka trekku, meɛna mi
ara d-teḥyu ur trekku ara. 43Ad tettwamḍel d tameḥqurt, ad d-teḥyu tesɛa ccan. Ad
tettwamḍel teḍɛef, ad d-teḥyu teǧhed. 44Ad tettwamḍel d tafekka n lqaɛa, ad d-teḥyu d
tafekka n rruḥ. Imi i tella tfekka n lqaɛa, tella daɣen tfekka n rruḥ. 45Ɣef wayagi, yura:
"Amdan amezwaru, Adem, yuɣal d tarwiḥt yeddren." Adem aneggaru yuɣal d rruḥ i
yessidiren. 46Mačči d ayen yellan n rruḥ i d amezwaru, d ayen yellan n lqaɛa; mbaɛd, d
ayen yellan n rruḥ. 47Amdan amezwaru i d-ittwakksen seg wakal, n lqaɛa; amdan wis sin,
n yigenni. 48Akka, amdan n lqaɛa, akka daɣen, wat lqaɛa; akka, win n yigenwan, akka
daɣen, wat igenwan. 49Akken i d-newwi ṣṣifa n umdan n lqaɛa, ad nawi daɣen ṣṣifa n
umdan n yigenni. 50Ad awen-t-id-iniɣ, ay atmaten: aksum akked yidammen ur zmiren ara
ad werten tagelda n Yillu, ayen irekkun ur izmir ara ad iwret ayen ur nrekku ara.
51
Ad awen-d-iniɣ yiwen n sser: ur nettmettat ara merra, meɛna ad nbeddel merra, 52deg
yiwet n teswiɛt, qqen tiṭ-ik teldiḍ-tt, mi ara yendeh lbuq aneggaru. Lbuq ad indeh, dɣa
lmeggtin ad d-ḥyun s ṣṣifa ur nrekku, ma d nekni ad nbeddel. 53Ilaq tafekka-agi ara
yerkun ad tels ayen ur nrekku ara, tafekka ara yemmten ad tels ayen ur nettmettat ara.
54
Mi ara tels tfekka-agi ara yerkun ayen ur nrekku, mi ara tels tfekka-agi ara yemten ayen
ur nettmettat, ad d-iḍru wawal-nni yuran: "Lmut tebleɛ di leɣlab.55A lmut, anda-t leɣlab-
im? A lmut, anda-tt tsiqqest-im?" 56Tisiqqest n lmut, d ddnub; tazmert n ddnub, d ccariɛa.
57
Meɛna tanemmirt i Yillu i aɣ-d-ifkan leɣlab s Ssid-nneɣ Yasuɛ Lmasiḥ! 58Swakka, ay
atmaten-iw ɛzizen, rṣut, ur ttenququlet ara; ẓewret dayem di ccɣel n Ssid, ḥṣut belli leɛtab-
nwen ur ittruḥ ara d aḍu di Ssid.
Timsal-nniḍen
16Ɣef wayen yeɛnan tukciwin i yimqeddsen, xedmet ula d kenwi akken i t-umreɣ i
tmezdayin n Galatya. 2Yal ass amezwaru n ddurt, yal yiwen deg-wen ad d-iɛzel deg
uxxam-is ayen yessaweḍ ad t-ijmeɛ, iwakken ur tettraǧum ara alamma leḥqeɣ-n iwakken
ad d-tjemɛem tukciwin. 3Mi ara n-awḍeɣ, ad ceggɛeɣ wid i d-textarem, tibratin deg ufus,
ad awin lxir-nwen ɣer Yarucalim. 4Ma ilaq ad ruḥeɣ nekk, s timmad-iw, ad ddun yid-i.
5
Ad n-ruḥeɣ ɣur-wen mbaɛd mi ara ɛeddiɣ ɣef Makdunya; axaṭer ad ɛeddiɣ si Makdunya.
6
Ahat ad qqimeɣ yid-wen kra n wussan, neɣ ccetwa kamel, iwakken d kenwi ara y-
irafqen s anda ara ruḥeɣ. 7Axaṭer ur bɣiɣ ara tura ad ken-ẓreɣ d aɛeddi kan, meɛna
ssarameɣ ad qqimeɣ kra n lweqt ɣur-wen, ma yebɣa Ssid. 8Acu kan, ad qqimeɣ di Afasus
alamma d lɛid n ledwar; 9axaṭer teldi-yi-d tewwurt d tameqqrant yerna tenfeɛ, meɛna
ṭṭuqqten yixṣimen.
10
Ma iruḥ-n Timutawus, kkset-as akukru, axaṭer iqeddec am nekk di ccɣel n Ssid. 11Yiwen
ur t-iḥeqqer! Rafqet-t di lehna iwakken ad d-iruḥ ɣur-i, axaṭer aql-i ttraǧuɣ-t nekk d
watmaten.
12
Ma d gma-tneɣ Abulus, ḥawteɣ-t aṭas ad n-iruḥ ɣur-wen netta d watmaten; meɛna ur
ibɣi ara akk ad n-iruḥ tura; ad n-iruḥ mi ara as-tettunefk tegnit.
13
Ɛasset, ṭṭfet di liman; ilit d irgazen, ẓewret. 14Ayen akk ara txedmem, xedmet-t s leḥmala.
15
Ad ken-nhuɣ, ay atmaten; teẓram belli axxam n Stifanas, d amezwaru di Axaya, yerna
yefka iman-is i leqdic ɣef yimqeddsen. 16Ttḍuɛut timital n yirgazen-agiakked wid merra
yettekkin yerna ttɛettiben yid-sen. 17Ferḥeɣ s tisin n Stifanas, Furtunatus akked Axaykus;
wansen-iyi di lɣiba-nwen. 18Ssertaḥen ul-iw akked wul-nwen; ɛuzzet irgazen am wigi.
19
Timezdayin n Asya ttselliment-d fell-awen. Akila akked Brikila nutni d tmezdayt yellan
deg uxxam-nsen ttsellimen-d mliḥ fell-awen di Ssid. 20Atmaten merrattsellimen-d fell-
awen. Msalamet gar-awen s usuden imqeddes.
21
Nekk, Bulus, ttsellimeɣ fell-awen s ufus-iw. 22Win ur nḥemmel ara Ssid Yasuɛ Lmasiḥ,
ad ittwanɛel. Marana ta! 23Nneɛma n Ssid Yasuɛ Lmasiḥ yid-wen. 24Leḥmala-w yid-wen
merra di Yasuɛ Lmasiḥ.
TABRAT TIS SNAT I YIKURINTIYEN

Sslam
1Bulus, amceggeɛ n Lmasiḥ Yasuɛ s lebɣi n Yillu, akked gma-tneɣ Timutawus, i
tmezdayt n Yillu di Kurintus akked yimqeddsen merra yellan di Axaya merra. 2Nneɛma
akked lehna fell-awen sɣur Yillu Baba-tneɣ akked Ssid Yasuɛ Lmasiḥ.
Ṣṣber di lemḥayen
3
Ittubarek Yillu, Baba-s n Ssid-nneɣ Yasuɛ Lmasiḥ, Bab n yal rreḥma, Illu n kra yellan d
ṣṣber, 4i aɣ-ittṣebbiren di lemḥayen-nneɣ merra, iwakken s ṣṣber-agi i aɣ-d-ifka Yillu, ad
nizmir ad nṣebber wid yellan di lemḥayen. 5Axaṭer, akken yeqwa leɛtab n Lmasiḥ fell-aɣ,
akken daɣen i nettuṣebber aṭas s Lmasiḥ. 6Ma netmeḥḥen, i uṣebber-nwen akked leslak-
nwen; ma nettuṣebber, i uṣebber-nwen, iwakken ad tizmirem ad tṣebbrem i lemḥayen i
nesɛedday. 7Ɣef wayen i ken-iɛnan, nessaram aṭas belli akken i tettekkim di lemḥayen,
tettekkim daɣen deg uṣebber.
8
Ur nebɣi ara ad teqqimem ur teẓrim ara, ay atmaten, belli lmeḥna i nesɛedda di Asya
ẓẓayet mliḥ fell-aɣ, nnig tezmert-nneɣ, armi i nuyes ula d tudert; 9meɛna nḥus deg
yiman-nneɣ belli yettwaḥkem fell-aɣ s lmut, iwakken ur nettkal ara ɣef yiman-nneɣ,
meɛna ɣef Yillu i d-iḥeggun lmeggtin. 10D netta i aɣ-d-isellken si lmut yecban tagi, ara
aɣ-d-isellken, yerna nettkel fell-as belli mazal ad aɣ-d-isellek daɣen. 11Ula d kenwi
tettɛawanem deg uɛenni fell-aɣ; akka, nneɛma-nni ara aɣ-d-ittunefken s uɛenni n waṭas
ad tuɣal i waṭas d leḥmadi fell-aɣ.
12
Lɛezz-nneɣ, d cchada n lxaṭer-nneɣ: nelḥa di ddunit, ladɣa yid-wen, s nneyya akked
ṣṣfa n Yillu, mačči s lekyasa n umdan, meɛna s nneɛma n Yillu. 13Ur awen-n-nura
acemma-nniḍen, siwa ayen i teqqarem neɣ ayen i tfehmem; ssarameɣ ad t-tfehmem
akken ilaq, 14akken i aɣ-tfehmem yakan cwiya: nekni, d cciɛa-nwen, akken ara tilim
daɣen d cciɛa-nneɣ, ass n Ssid Yasuɛ.
Nneyya n Bulus
15
Imi i tḥeqqeɣ deg wayagi, ɛezmeɣ ad n-ruḥeɣ qbel ɣur-wen, iwakken ad ken-sferḥeɣ
ɣef mertayen: 16a n-ɛeddiɣ ɣur-wen deg ubrid-iw ɣer Makdunya, mbaɛd ad d-uɣaleɣ si
Makdunya ɣur-wen, iwakken ad iyi-trafqem ɣer Yahuda. 17Mi ɛezmeɣ i wayagi, eɛni ur
ḥezbeɣ ara? Neɣ, ayen iwumi i ɛezmeɣ, ɛezmeɣ-t s ṛṛay n uqerru-w, am wakken ur sɛiɣ
ara yiwen n wawal, ssya ih ih, ssya ala ala? 18Illu, d unṣiḥ, awal i awen-d-nenna mačči d
ih akked ala; 19axaṭer Mmi-s n Yillu, Yasuɛ Lmasiḥ, i nbeccer gar-awen nekk d Silwanus
akked Timutawus mačči d ih akked ala, meɛna d ih kan. 20Lewɛud merra n Yillu, d ih
deg-s; ɣef wayagi yis-s i neqqar Amin i Yillu, i lɛaḍima-s. 21D Illu, s timmad-is, i aɣ-
ireṣṣan yid-wen di Lmasiḥ, i aɣ-idehnen. 22D netta daɣen i aɣ-iḍebɛen yerna yefka-yaɣ-d
aɛerbun n Rruḥ deg wulawen-nneɣ.
23
Tura, ad ssutreɣ i Yillu ad yili d inigi-w, belli iwakken ad ken-qileɣ ur n-uɣaleɣ ara
akk ɣer Kurintus. 24Ala, mačči d aḥkam i neḥkem di liman-nwen, meɛna d aɛiwen ara
nemɛawan i lferḥ-nwen, axaṭer treṣṣam di liman.
2 Qesdeɣ ihi deg wul-iw ayagi: ur n-ttuɣaleɣ ara ɣur-wen di leḥzen; 2axaṭer ma sḥezneɣ-
ken, anwa ara y-isferḥen, ma mačči d win i sḥezneɣ? 3Uriɣ-awen ayagi dɣa iwakken, mi
ara n-awḍeɣ, ur yi-sseḥzanen ara wid i ilaq ad iyi-sferḥen, axaṭer tḥeqqeɣ belli lferḥ-iw, d
lferḥ-nwen merra. 4S leḥzen ameqqran akked wul yetɣebbnen, uriɣ-awen s yimeṭṭi, mačči
iwakken ad tḥeznem, meɛna iwakken ad teẓrem belli ḥemmleɣ-ken aṭas.
Ilha ssmaḥ
5
Ma yella yiwen isseḥzen, mačči d nekk i yesseḥzen, d kenwi merra, meɛna iwakken ur
ttzeggideɣ ara, ad d-iniɣ kra kan seg-wen. 6Amdan-nni, berka-t aɛaqeb-nni i t-ɛuqben
ṭṭaqa seg-wen; 7ɣef wayagi, ilaq ad as-tsemmḥem yerna ad t-tṣebbrem, neɣ ma ulac ad
iɣreq di leḥzen ameqqran. 8Ad ken-nhuɣ ihi ad as-d-tesbeggnem leḥmala-nwen. 9Uriɣ-
awen daɣen iwakken ad ẓreɣ s ujerreb-nni i ken-jerrbeɣ, ma tettaɣem awal di kullec.
10
Win iwumi i tsemmḥem kra, semmḥeɣ-as ula d nekk; ma yella kra i semmḥeɣ,
semmḥeɣ-t i wudem-nwen, zdat Lmasiḥ, 11i wakken ur aɣ-ittɣurru ara Cciṭan, axaṭer
nessen leɛzayem-is.
12
Mi wwḍeɣ ɣer Truwas iwakken ad beccreɣ Linǧil n Lmasiḥ, ɣas akken Ssid ildi-yi-d
tawwurt, 13ul-iw ur ithedden ara, axaṭer ur ufiɣ ara dinna gma Titus; ɣef wayagi ihi,
beqqaɣ-asen sslam dɣa ruḥeɣ ɣer Makdunya.
14
Tanemmirt i Yillu i aɣ-ittawin dayem di leɣlab s Lmasiḥ, yerna yessaɣay-d yis-nneɣ
rriḥa n tmusni-s di yal amkan; 15axaṭer i Yillu, nekni d rriḥa yelhan n Lmasiḥ, gar wid
yettwasellken akked wid iḍaɛen: 16i kra, d rriḥa n lmut i lmut; i wiyaḍ, d rriḥa n tudert i
tudert. Anwa i izemren i wayagi? 17Axaṭer nekni ur netjaray ara s wawal n Yillu, akken i
xeddmen waṭas; meɛna s ṣṣfa, sɣur Yillu, zdat Yillu, di Lmasiḥ, i nhedder.
Iqeddacen n lɛahd ajdid
3Ad nebdu daɣen ad nettcekkir iman-nneɣ s yiman-nneɣ? Neɣ neḥwaǧ, am kra, tibratin n
lewṣaya i kenwi neɣ sɣur-wen? 2D kenwi i d tabrat-nneɣ yuran deg wulawen-nneɣ,
tettwassen yerna ɣran-tt akk yimdanen. 3Tbanem-d belli kenwi d tabrat n Lmasiḥ, d
leqdic-nneɣ i tt-yuran, mačči s lmidad, meɛna s Rruḥ n Yillu yeddren, mačči ɣef teblaḍin
n uẓru, meɛna ɣef teblaḍin n uksum, deg wulawen-nwen. 4D tagi i d ṭṭmana i nesɛa ɣer
Yillu s Lmasiḥ. 5Ur nezmir ara ad d-nini belli nexdem kra s tezmert-nneɣ, ad t-neḥseb
belli sɣur-neɣ i d-ikka, meɛna tazmert-nneɣ tekka-d sɣur Yillu, 6i aɣ-ifkan tazmert ad nili
d iqeddacen n lɛahd ajdid, mačči n usekkil meɛna n Rruḥ; axaṭer usekkil ineqq, meɛna
Rruḥ issidir.
7
Ma yella leqdic n lmut yettwajerrden s yisekkilen ɣef yiẓra iban-d ccan-is armi ur zmiren
ara wat Israyil ad reṣṣin allen-nsen deg wudem n Musa seg wakken yettfeǧǧiǧ wudem-is,
ɣas akken afeǧǧeǧ-nni yettɛeddi, 8amek leqdic n Rruḥ ur iseɛɛu ara ccan akter? 9Ma yella
leqdic n leḥkem yella yesɛa ccan, leqdic n uzekki yugar-it s waṭas di ccan. 10Ayen akken
yesɛan zik ccan, tura yettwakkes-as zdat ccan-agi ur nesɛi tamtilt. 11Ihi ma yella ayen
yettɛeddin illa yesɛa ccan, ayen yettdumun isɛa ccan akter. 12S usirem-agi i nesɛa, nhedder
s ṭṭmana, 13mačči am Musa i yettarran leḥǧab ɣef wudem-is, iwakken ur ttreṣṣin ara wat
Israyil allen-nsen di taggara n wayen yettɛeddin. 14Meɛna lefhama-nsen teɣleq; ar ass-a n
wussan, leḥǧab-nni mazal-it mi ara qqaren lɛahd aqdim, ur itekkes ara, axaṭer di Lmasiḥ i
yettɣab; 15Meɛna mazal ar ass-a, mi ara qqaren Musa, ittili leḥǧab ɣef wul-nsen; 16mi d-
yuɣal ɣer Ssid, leḥǧab itekkes. 17Ssid, d Rruḥ; anda yella Rruḥ n Ssid, tella dinna tlelli.
18
Nekni merra ur nesɛi ara leḥǧab ɣef wudem ideg tettfeǧǧiǧ lɛaḍima n Ssid, nettenbeddal
ɣer ṣṣifa-nni-ines, ccan-is ittzid irennu; d Ssid, yellan d Rruḥ, i ixeddmen ayagi.
Agerruj deg yeqbucen n talaɣt
4Ihi, imi i nesɛa leqdic-agi i aɣ-d-ittunefken s rreḥma, ur ɣlin ara ifadden-nneɣ, 2meɛna
nḍegger ayen icemten iḍerrun s tuffra, ur nleḥḥu s teḥraymit ur nettḥerrif awal n Yillu;
meɛna s ubeggen i d-nettbeggin tidet, nettwekkil iman-nneɣ i lxaṭer n umdan zdat Yillu.
3
Ma yella Linǧil-nneɣ mazal-it iḥǧeb, iḥǧeb i wid iḍaɛen, 4i wid iwumi yesderɣel lefhama
yillu n zzman-agi, wid ur nettamen ara, iwakken ur ttwalin ara aceɛceɛ n Linǧil n lɛaḍima
n Lmasiḥ, i yellan d ṣṣifa n Yillu. 5Ala, mačči d iman-nneɣ i nettbeccir, meɛna Yasuɛ
Lmasiḥ, d Ssid; ma d nekni, d iqeddacen-nwen ɣef ddemma n Yasuɛ. 6Axaṭer Illu i d-
yennan: "Ad d-tecceɛceɛ tafat si ṭṭlam", d netta i d-icceɛcɛen tafat deg wulawen-nneɣ
iwakken ad nissin lɛaḍima n Yillu deg wudem n Lmasiḥ.
7
Nettawi agerruj-agi deg yeqbucen n talaɣt, iwakken tazmert-agi tameqqrant ad tuɣal i
Yillu, mačči i nekni. 8Nettwaḥreṣ di kullec, meɛna ur teḍyiq ara fell-aɣ; nemmermed,
meɛna ur nuyis ara; 9ddan-tt fell-aɣ, meɛna ur aɣ-d-lḥiqen ara; wwin-aɣ-d di lqaɛa, meɛna
ur aɣ-mḥin ara. 10Nettawi dayem yerna di yal amkan lmut n Yasuɛ di tfekka-nneɣ,
iwakken tudert daɣen n Yasuɛ ad d-tban di tfekka-nneɣ. 11Nekni i mazal nedder, nezga
nettumekken i lmut ɣef ddemma n Yasuɛ, iwakken tudert daɣen n Yasuɛ ad d-tban di
tfekka-nneɣ ara yefnun. 12Swakka, lmut txeddem deg-neɣ, tudert txeddem deg-wen. 13Imi
yiwen n Rruḥ n liman i nesɛa, akken yura: "Umneɣ, daymi i d-hedreɣ", nekni daɣen
numen, daymi i nhedder. 14Neẓra belli win i d-isseḥyan Ssid Yasuɛ, ad aɣ-d-isseḥyu ula d
nekni akked Ssid Yasuɛ, yerna ad aɣ-isɣim ɣur-s yid-wen. 15Axaṭer ayagi merra ɣef
ddemma-nwen, iwakken nneɛma i d-immaren ɣef waṭas ad tesfukti tajmilt ara yuɣalen i
lɛaḍima n Yillu.
16
Ihi, ur nfeččel ara; ɣas akken amdan-nneɣ ifennu si berra, meɛna si daxel ittjeddid-d seg
wass ɣer wass. 17Ccedda-agi fessusen i nesɛedday tura ad d-tarew i nekni, mebla cceḥḥa,
ccan meqqren yettdumun i dayem. 18Ihi, ur nettmuqul ara s ayen i d-ittbanen, meɛna s
ayen ur d-nettban ara; axaṭer ayen i d-ittbanen ittɛeddi, meɛna ayen ur d-nettban ara
yettdumu i dayem.
Axxam n lebda
5Neẓra belli ɣas axxam-nneɣ n ddunit-agi, i yellan d aqiḍun kan, ifennu, nesɛa axxam i
yexdem Yillu, tanezduɣt n lebda deg yigenwan, ur ixdim ara ufus n umdan. 2Aql-aɣ
nettnazaɛ deg uqiḍun-agi, nebɣa mliḥ ad nels sufella-s tanezduɣt-nneɣ n yigenwan, 3awi-
d kan ad aɣ-d-yaf lḥal nelsa, mačči ɛeryan. 4Axaṭer nekni i mazal deg uqiḍun-agi,
nettnazaɛ, ndub, seg wakken ur nebɣi ara ad nɛerri iman-nneɣ, meɛna ad nels sufella
iwakken tudert ad tessebleɛ lfani. 5Win i aɣ-iheggan i wayagi, d Illu, d netta i aɣ-d-ifkan
aɛerbun n Rruḥ.
6
Akka ihi, nettkel dayem yerna neẓra belli skud mazal-aɣ nezdeɣ di tfekka-agi, aql-aɣ d
iɣriben, nebɛed ɣef Ssid; 7s liman i nleḥḥu, mačči s uwali. 8Nettkel mliḥ, nesmenyaf ad
neǧǧ tafekka-agi, ad nili ɣer Ssid. 9Ɣef wayagi, ama neqqim di tfekka-agi, ama neffeɣ-itt,
iseɣ-nneɣ, d aɛǧab ara as-neɛǧeb. 10Axaṭer ad nbedd merra ɣer ccraɛ n Lmasiḥ, iwakken
yal yiwen ad as-d-ittunefk akken yexdem di tfekka-s, d ayen yelhan, neɣ d ayen n diri.
11
Imi i nessen ihi tuggdi n Ssid, nettnadi ad nqenneɛ imdanen: Illu yessen-aɣ mliḥ,
ssarameɣ belli, deg wulawen-nwen, tessnem-aɣ. 12Ur nettcekkir ara iman-nneɣ s yiman-
nneɣ ɣur-wen, meɛna ad awen-nefk tagnit ad tzuxxem yis-nneɣ, iwakken ad tizmirem
ad terrem i wid yettzuxxun s wayen i d-ittbanen sufella, mačči s wayen yellan deg wul.
13
Ma yeffeɣ-aɣ leɛqel, i Yillu; ma nesɛa leɛqel, i kenwi. 14Leḥmala n Lmasiḥ teḥreṣ-aɣ,
netḥeqqeq belli imi yiwen i yemmuten ɣef yimdanen merra, ihi mmuten merra; 15immut
ɣef yimdanen merra, iwakken wid yeddren ur ttidiren ara i yiman-nsen, meɛna i win
yemmuten yerna yeḥya-d ɣef ddemma-nsen.
Leqdic n lemṣalḥa
16
Ssya d asawen, ur nettissin yiwen s lɛeqliya n umdan; ma yella zik nessen Lmasiḥ s
lɛeqliya n umdan, tura mačči akken i t-nessen. 17Win yellan di Lmasiḥ, d taxelqit tajdidt:
ayen yellan d aqdim iɛedda, kullec yuɣal d ajdid. 18Ayagi merra yekka-d sɣur Yillu i aɣ-
issemṣalḥen yid-s s Lmasiḥ, yerna yefka-yaɣ-d leqdic n lemṣalḥa. 19Illu yella di Lmasiḥ,
issemṣaleḥ yid-s ddunit, ur asen-iḥsib ara ddnubat-nsen, meɛna yerra-d deg-neɣ awal n
lemṣalḥa. 20S yisem n Lmasiḥ, aql-aɣ d lemqeddmin; d Illu i isawalen yis-nneɣ: nettḥellil
deg-wen s yisem n Lmasiḥ ad temṣalḥem akked Yillu. 21Win akken ur nessin ara ddnub,
fell-aɣ, irra-t d ddnub, iwakken ad nuɣal yis-s d azekki n Yillu.
6Imi i nxeddem d Yillu, ad ken-nenhu ur tettḍeggiɛem ara nneɛma-s mbaɛd mi tt-

tqeblem. 2Inna-d: "Di lweqt ilaqen, qebleɣ-k-id, deg wass n leslak, sellkeɣ-k-id!" Atan
tura lweqt ilaqen! Atan tura wass n leslak! 3Ur nxeddem acemma n wayen ara yilin d
ugur i yiwen, iwakken ur ittili ara llum ɣef leqdic-nneɣ, 4meɛna di kullec nessebgan-d
iman-nneɣ d iqeddacen n Yillu: neṣber aṭas i lemḥayen, i ṭṭiq, i cceddat; 5i tiytiwin, i
leḥbas, i ccwal; i leɛtab, i uɛawez, i laẓ; 6s ṣṣfa, s tmusni, s litteɛ n lxaṭer, s lehhu, s Rruḥ
Iqedsen, s leḥmala n ṣṣeḥḥ; 7s wawal n tidet, s tezmert n Yillu, s leslaḥ n lḥeqq, win n
udafeɛ akked win n tiyita; 8di ccan akked leḥqara, deg ucettem akked deg ucekker;
ttwalin-aɣ d iɣerraqen, ɣas akken d iḥeqqaniyen, 9d wid ur nettwassen ara, ɣas akken
nettwassen mliḥ; ttwalin-aɣ nettmettat, ɣas akken aql-aɣ nedder; ttwalin-aɣ nettuɛaqeb,
meɛna ur nemmut ara; 10ttwalin-aɣ d imeḥzan, meɛna nezga nefreḥ; d igellilen, meɛna
nesserbaḥ aṭas; d wid ur nesɛi acemma, meɛna nekseb kullec.
11
Ay Ikurintiyen, nehder-awen s nneyya, nessewseɛ mliḥ ul-nneɣ. 12Ur tt-nesseḍyeq ara
fell-awen, d kenwi i yesḍeyqen ulawen-nwen. 13Heddreɣ am wakken i warrac: rret-aɣ
lxir, swesɛet ul-nwen ula d kenwi!
Lferq yellan gar win yumnen d win ur numin ara

14
Ur ttcaraket ara azaglu kenwi d wid ur numin ara; d acu yellan gar lḥeqq akked lbaṭel? D
acu i icerken tafat akked ṭṭlam? 15D acu n lufeq yellan gar Lmasiḥ akked Bilɛal? D acu i
yecrek win yumnen netta d win ur numin ara? 16D acu n lufeq yellan gar ufakan n Yillu
akked lmeṣnuɛat? Axaṭer nekni d afakan n Yillu yeddren, akken i t-id-yenna Yillu: "Ad
zedɣeɣ gar-asen yerna ad lḥuɣ gar-asen, ad asen-iliɣ d Illu, nutni ad iyi-ilin d agdud."
17
Ɣef wayagi:
"Ffɣet-d si gar-asen, xḍut-asen, i d-yenna Ssid; ur ttnalet acemma iɛefnen; nekk ad
sterḥbeɣ yis-wen;
18
Ad awen-iliɣ d ababat, kenwi ad iyi-tilim d arrac akked tullas, i d-yenna Ssid
Anezmar."
Ttuba n Ikurintiyen tessefreḥ Bulus
7Ihi, imi i nesɛa lewɛud yecban wigi, ay imeɛzuzen, ad nessizdeg iman-nneɣ si kra yellan
d nnǧasa n tnefsit akked rruḥ, s usiweḍ ara nessiweḍ leqdasa di tuggdi n Yillu.
2
Fket-aɣ amkan deg wulawen-nwen; ur neḍlim yiwen, ur neflis yiwen, ur nečči lḥeqq n
yiwen. 3Mačči iwakken ad ḥekmeɣ fell-awen i d-nniɣ akka; nniɣ-t-id yakan: aql-iken
deg wulawen-nneɣ, ama i lmut, ama i tudert. 4Ttekleɣ mliḥ fell-awen, ttzuxxuɣ aṭas yis-
wen; ithedden wul-iw yerna yettfeggiḍ d lferḥ di cceddat-nneɣ merra.
5
Seg wasmi i nekcem Makdunya tafekka-nneɣ ur tertaḥ, meɛna netmeḥḥen di kullec:
berra, d a, daxel, d tuggdi. 6Meɛna Illu yettṣebbiren wid yunzen iṣebber-aɣ s tisin n Titus,
7
mačči kan s tisin-is, meɛna s uṣebber i t-tṣebbrem kenwi. Iḥka-yaɣ-d ɣef ccuq-nwen, ɣef
yimeṭṭawen-nwen, ɣef leḥmala i yi-tḥemmlem; d ayen i yi-isferḥen akter. 8Ma yella
sḥezneɣ-ken s tebrat-iw, ur ndimeɣ ara; ma nedmeɣ - ttwaliɣ belli tabrat-nni tesḥezn-
iken kra n lweqt -, 9tura aql-i ferḥeɣ, mačči imi i ken-sḥezneɣ, meɛna imi leḥzen-nwen
yewwi-ken ɣer ttuba; tḥeznem akken yebɣa Yillu, swakka ur wen d-newwi ara lada.
10
Leḥzen sɣur Yillu yettarew-d ttuba i leslak mebla nndama; ma d leḥzen n ddunit-agi,
ittarew-d lmut. 11Walit d acu i d-yurew deg-wen uḥzan-nni i tḥeznem akken yebɣa Yillu:
d acu n lḥir nni! d acu n udafeɛ-nni i tdufɛem ɣef yiman-nwen! d acu n lḥecma nni! d
acu n tuggdi nni! d acu n ccuq nni! d acu n lḥamas nni! d acu n lɛiqab nni! Di kullec,
tbeggnem-d belli teṣfam di temsalt-agi.
12
Ma uriɣ-awen ihi, mačči ɣef ddemma n win iḍelmen neɣ n win yettwaḍelmen, meɛna
iwakken ad d-tesbeggnem lḥir-nwen ɣur-neɣ zdat Yillu. 13D annect-agi i aɣ-iṣebbren.
Ɣef uṣebber-agi i nettuṣebber, nefreḥ kter s lferḥ n Titus imi i tessertaḥem lxaṭer-is. 14Ma
yella zuxxeɣ yis-wen zdat-s, ur nneḥcameɣ ara; meɛna, imi i awen-d-nenna kullec s
ṣṣeḥḥ, zzux-nni i nzuxx yis-wen zdat Titus iḍḥa-d belli d ṣṣeḥḥ. 15Leḥmala i ken-
iḥemmel tettzid trennu mi ara d-immekti tiɣin-nwen n wawal, amek i testerḥbem yis-s s
lxuf akked tergigit. 16Ferḥeɣ imi di kullec ttekleɣ fell-awen.
Aɛiwen n yimqeddsen
8Tura nebɣa ad ken-nesseɛlem, ay atmaten, s nneɛma n Yillu i d-ittunefken i tmezdayin
n Makdunya: 2di tlemmast n lemḥayen-nni i sɛeddan, lferḥ-nsen innerna; si lqaɛ n

tigullelt-nsen fkan-d mebla cceḥḥa. 3Fkan-d ayen iwumi i zemren, ad d-cehdeɣ, fkan-d
nnig tezmert-nsen, yerna xedmen ayagi s nneyya-nsen, 4ḥellen-aɣ aṭas, ssutren-d deg-neɣ
lemzeyya ad ttekkin deg uɛiwen n yimqeddsen; 5xedmen nnig wayen i nerga deg-sen,
axaṭer fkan iman-nsen qbel i Ssid, mbaɛd i nekni, s lebɣi n Yillu. 6Akka ihi, nweṣṣa
Titus ad ikfu ɣur-wen ccɣel-nni n lxir akken i t-ibda.
7
Akken i teɣnam di kullec, di liman, deg wawal, di tmusni, di lḥir, di leḥmala i awen-d-
ittunefken sɣur-neɣ, ilit d isaxiyen di ccɣel-agi n lxir. 8Ayagi i d-nniɣ mačči d lamer,
meɛna bedreɣ-d lḥir n wiyaḍ iwakken ad jerrbeɣ ma tṣeḥḥa leḥmala-nwen. 9Tessnem
nneɛma n Ssid-nneɣ Yasuɛ Lmasiḥ: ɣef ddemma-nwen, netta yellan d amerkanti, irra
iman-is d igellil, iwakken ad teɣnum s tigullelt-is. 10Ad awen-d-fkeɣ ṛṛay-iw deg wayagi:
d ayen i awen-ilhan i kenwi, imi d kenwi i d imezwura i ixedmen ccɣel-agi, i t-ibɣan
daɣen seg useggas iɛeddan; 11tura ihi kfut-t s lxedma, iwakken ayen akken i tmennam ad
t-txedmem di tazwara, ad t-txedmem s wayen i tzemrem. 12Ma tella nneyya yelhan,
nettwaqbel deg wayen i nesɛa, mačči deg wayen ur nesɛi ara. 13Asnefsusi n wiyaḍ ur ilaq
ara ad yuɣal d taɛkemt i kenwi, meɛna iwakken ad tɛedlem; 14Di liḥila-agi-nwen n tura,
zzyada-nwen ad tnub i lexṣaṣ-nsen, iwakken zzyada-nsen ad tnub yiwen n wass i lexṣaṣ-
nwen, swakka ad tɛedlem, 15akken yura: "Win i d-ijemɛen aṭas ur izad ara fell-as, win i
d-ijemɛen cwiṭ ur ixuṣṣ ara."
16
Tanemmirt i Yillu i d-irran i Titus deg wul lḥir-agi i nesɛa ɣer lǧiha-nwen. 17Iqbel ayen i
as-nessuter s lḥir ameqqran, yerna s lebɣi-s i n-iruḥ ɣur-wen. 18Nceggeɛ-n yid-s gmat-
nneɣ i ttcekkirent akk tmezdayin deg wayen yeɛnan Linǧil; 19yerna d timezdayin i t-id-
ixtaren d arfiq-nneɣ n yinig i ccɣel-agi n lxir, leqdic-agi i nxeddem i lɛaḍima n Ssid, d
cchada n nneyya-nneɣ yelhan. 20Nexdem akka iwakken yiwen ur aɣ-ittlummu deg uselḥu
n lxir-agi ameqqran; 21axaṭer nettnadi ayen yelhan mačči kan zdat Yillu, meɛna ula zdat
yimdanen. 22Nceggeɛ-n yid-sen gma-tneɣ i njerreb di yal taswiɛt, nwala-t iččur d lḥir,
yerna tura yesbeggn-it-id akter, axaṭer ittkel mliḥ fell-awen. 23Ɣef wayen yeɛnan Titus, d
acrik-iw yerna ixeddem yid-i ɣef ddemma-nwen; ma d atmaten-nneɣ, d imceggɛen n
tmezdayin, lɛaḍima n Lmasiḥ. 24Sbeggnet-asen-d ihi zdat tmezdayin lebyan n leḥmala-
nwen akked zzux i nettzuxxu yis-wen.
Lewṣayat-nniḍen ɣef lemɛawna i yimqeddsen
9Ɣef wayen yeɛnan leqdic ɣef yimqeddsen, fiḥel ma uriɣ-awen. 2Ssneɣ lḥir-nwen;
yerna zuxxeɣ yis-wen ɣer Imakduniyen, nniɣ-asen: aseggas aya segmi i tewǧed Axaya,
yerna lḥir-nwen issaki-d aṭas. 3Ceggɛeɣ-n atmaten iwakken ad d-iban belli mačči baṭel i
zuxxeɣ yis-wen di temsalt-agi, iwakken ad tilim tweǧdem, akken i t-id-nniɣ. 4Ur bɣiɣ
ara, ma ddan yid-i Imakduniyen, ad ken-afen ur tewǧidem ara, dɣa lettkal-nni i nettkel
fell-awen ad aɣ-yuɣal d lḥecma, d acu ara d-iniɣ ɣef uneḥcem ara tenneḥcamem kenwi!
5
Ɣef wayagi ihi, walaɣ belli iwulem ad ssutreɣ i watmaten ad aɣ-zwiren ɣur-wen yerna
ad d-heggin lbaraka-nni-nwen i tweɛdem yakan: ad d-tban belli d lbaraka mačči d lebxel.
6
Ḥṣut belli win izerrɛen s cceḥḥa ad d-imger s cceḥḥa; win izerrɛen s waṭas ad d-imger s
waṭas. 7Yal yiwen ad ifk akken yenwa deg wul-is, mačči s nndama neɣ bessif; axaṭer
"Illu iḥemmel win yettaken s lferḥ." 8Illu yezmer ad ken-id-irẓeq s yal lxir, iwakken ad
tesɛum dayem ayen akk i awen-ilaqen yerna s zzyada, iwakken ad txedmem lxir, 9akken
yura: "Ifreq, ifka mebla cceḥḥa i yigellilen; lḥeqq-is ittdumu i dayem." 10Win i d-ittaken
zerriɛa i ufellaḥ akked uɣrum d lqut, ad awen-d-ifk yerna ad issefti zerriɛa-nwen, yerna ad
isgem lfakya n lewqama-nwen. 11Swakka, ad ken-iɣnu di kullec iwakken ad teldim afus-
nwen di kullec; swakka, yis-nneɣ, aṭas ara yerren tajmilt i Yillu. 12Axaṭer lemɛawna-agi ur
d-tettnubu ara kan i lmeḥwiǧat n yimqeddsen, meɛna ad tketter tajmilt i Yillu. 13Mi ara as-
fken lqima-s i ccɣel-agi, ad ḥemden Illu ɣef ṭṭaɛa i tettḍuɛum Linǧil n Lmasiḥ akked
welday i teldim afus-nwen, tferrqem kullec yid-sen akked wiyaḍ merra. 14Deɛɛun fell-
awen, axaṭer ḥemmlen-ken, ɣef ddemma n nneɛma tameqqrant i awen-d-ifka Yillu.
15
Tanemmirt i Yillu ɣef tukci-s ur nesɛi lemtel!
Bulus ittdafaɛ ɣef leqdic-is
10Nekk, Bulus, s timmad-iw, ssutureɣ deg-wen s leḥnana akked lehhu n Lmasiḥ, nekk i
d-ittbanen medlul zdat-wen meɛna weɛreɣ ɣur-wen mi beɛdeɣ fell-awen, 2di leɛnaya-
nwen, mi ara iliɣ gar-awen, ur yi-ḥerrṣet ara ad sxedmeɣ lewɛara-agi, axaṭer ttwaliɣ belli
ilaq ad tt-sxedmeɣ mebla akukru akked kra i iḥesben belli nleḥḥu s lɛeqliya n umdan.
3
Ɣas d imdanen i nella, ur nettnaɣ ara akken i ttnaɣen yimdanen; 4axaṭer leslaḥ swayes i
nettnaɣ mačči n yimdanen, meɛna tazmert-is tekka-d sɣur Yillu i uhuddu n leḥṣinat.
5
Nettruẓu lɛeqliyat akked kra n temɣer i d-ittnekkaren ɣer tmusni n Yillu; nettqeyyid kra
yellan d axemmim iwakken ad iḍuɛ Lmasiḥ; 6asmi ara tettaɣem awal s tidet, ad nɛaqeb
kra n win ur nettaɣ ara awal.
7
Muqlet timsal s wudem-nsent aḥeqqani: ma yella yiwen yetḥeqqeq belli netta n Lmasiḥ,
ad iɛawed leḥsab i wayagi di lbal-is: akken yella netta di Lmasiḥ, nekni daɣen nella di
Lmasiḥ. 8Ɣas ma zeggdeɣ di zzux i ttzuxxuɣ s lḥekma i aɣ-d-ifka Ssid i usnerni-nwen
mačči i uhuddu-nwen, ur ttneḥcameɣ ara. 9Ur bɣiɣ ara ad d-baneɣ d asexleɛ i ken-
ssexlaɛeɣ s tebratin-iw; 10axaṭer, akken i qqaren: "Tibratin-is weɛrit yerna qessiḥit, meɛna
mi ara yili gar-aneɣ, iḍɛef yerna awal-is ur iswi ara." 11Amdan am wagi ilaq ad yerr di
lbal-is belli akka i nhedder di tebratin-nneɣ ma nɣab, akka daɣen i nxeddem ma nella gar-
awen. 12Ur nezmir ara ad nesseɛdel iman-nneɣ akked kra yettcekkiren iman-nsen s
yiman-nsen neɣ ad nmettel iman-nneɣ ɣur-sen; ur fhimen ara, wid yettqissin iman-nsen s
yiman-nsen, i yettmettilen iman-nsen s yiman-nsen. 13Nekni, ur nettɛeddi ara tilas di zzux
i nettzuxxu, meɛna neṭṭef kan di lqis i aɣ-d-iktal Yillu, issaweḍ-aɣ-n armi d ɣur-wen. 14Ur
nɛedda ara i tilas-nneɣ amzun akken ur n-nettaweḍ ara ɣur-wen, axaṭer, ula d kenwi,
newweḍ-iken-in s Linǧil n Lmasiḥ. 15Ur nettɛeddi ara tilas, ad nzuxx s lecɣal n wiyaḍ,
meɛna nessaram, s unerni n liman-nwen, ad yimɣur ccad nneɣ akter gar-awen s lqis-nneɣ,
16
i wakken ad nbeccer Linǧil akkin i tilas-nwen, mebla ma nzuxx s wayen i xedmen
wiyaḍ deg wayla-nsen. 17Win yebɣan ad izuxx, ad izuxx s Ssid!18Ala, mačči d win
yettcekkiren iman-is i yettwaqeblen, meɛna d win i yettcekkir Ssid.
Bulus akked yimceggɛen n lekdeb

11Lukan kan ad tqeblem sɣur-i cwiṭ n tisselbi! Ih, awit-iyi! 2Rɣiɣ fell-awen s wurɣu n
Yillu, axaṭer xeḍbeɣ-ken i yiwen kan n yisli, iwakken ad ken-qeddmeɣ i Lmasiḥ am
tɛezrit yeṣfan. 3Akken i iɣur uzrem Ḥewwa s tḥila-s, uggadeɣ ad fesden ixemmimen-
nwen, ad beɛden i nneyya n Lmasiḥ. 4Axaṭer lemmer ad d-iruḥ yiwen ad awen-ibeccer
Yasuɛ ixulfen win i awen-nbeccer, neɣ lemmer ad testerḥbem s rruḥ ixulfen win swayes i
testerḥbem, neɣ s Linǧil ixulfen win i tqeblem, tzemrem-as! 5Akken i walaɣ, ur xuṣṣeɣ
deg wacemma zdat yimceggɛen-agi imeqqranen! 6Ɣas xuṣṣeɣ di lhedra, ur xuṣṣeɣ ara di
tmusni, yerna nbeggen-awen-t-id acḥal d abrid di kullec.
7
Neɣ, ḍelmeɣ imi i ssanzeɣ iman-iw iwakken ad tɛellim kenwi, mi awen-beccreɣ baṭel
Linǧil n Yillu? 8Ɛerraɣ timezdayin-nniḍen mi qebleɣ sɣur-sent lexlaṣ iwakken ad qedceɣ
fell-awen! 9Asmi i lliɣ di lexṣaṣ ɣur-wen, ur lliɣ d taɛkemt ɣef yiwen, axaṭer atmaten i d-
iruḥen si Makdunya nuben-iyi-d deg wayen i ḥwaǧeɣ. Di yal lḥaǧa, ḥudreɣ iman-iw,
yerna ad ḥadreɣ iman-iw, ur ttiliɣ ara d taɛkemt fell-awen. 10S tidet n Lmasiḥ yellan deg-
i: yiwen ur y-ittekkes ccan-agi inu di tmura n Axaya. 11Acuɣer? Axaṭer ur ken-ḥmileɣ
ara? Illu yeẓra! 12Ayen akka i xeddmeɣ, mazal ad t-xedmeɣ, iwakken ur ttakkeɣ ara
tagnit i wid yettnadin tagnit ad zuxxen iwakken ad aɣ-cbun. 13Irgazen-agi, d imceggɛen
n lekdeb, d ixeddamen ixeddaɛen, beddlen ṣṣifa, rran iman-nsen d imceggɛen n Lmasiḥ.
14
Ulac d acu i yessewhamen deg wayagi, imi Cciṭan, s timmad-is, ittbeddil ṣṣifa, ittarra
iman-is d lmelk n tafat. 15Ihi, ur iwɛir ara daɣen i yiqeddacen-is ad beddlen ṣṣifa, ad rren
iman-nsen d iqeddacen n lḥeqq; meɛna taggara-nsen ad tili am lexdayem-nsen.
16
Ad t-id-iniɣ daɣen: yiwen ur ittɣil belli nekk, d ameslub; ma ulac, qeblet-iyi am
wakken selbeɣ, iwakken ad izmireɣ ad zuxxeɣ cwiṭ ula d nekk. 17Ayen akka ara d-iniɣ,
ur t-id-qqareɣ ara sɣur Ssid, meɛna am wakken ara t-id-iniɣ s tisselbi, axaṭer tḥeqqeɣ
belli sɛiɣ s wacu ara zuxxeɣ. 18Imi aṭas i yettzuxxun s lɛeqliya n umdan, ula d nekk ad
zuxxeɣ. 19S lferḥ i tettawim i yimehbal, kenwi yesɛan leɛqel! 20Ma yerra-ken yiwen d
aklan, ičča-ken, iɛerra-ken, itneffex fell-awen, iwet-iken s udem, ad as-tawim. 21Setḥaɣ
ad t-id-iniɣ: nbeggen-d ḍɛafa-nneɣ; meɛna ayen akk i yezmer ad t-id-yini yiwen - ad d-
hedreɣ s tisselbi-, nekk daɣen zemreɣ ad t-id-iniɣ. 22D Iɛebraniyen i llan? Nekk daɣen!
D At Israyil i llan? Nekk daɣen! Si tarwa n Abraham? Nekk daɣen! 23D iqeddacen n
Lmasiḥ i llan? ad d-hedreɣ am umeslub: nekk akṭer! Di leɛtab? Akṭer-nsen s waṭas! Di
leḥbus? Akter-nsen s waṭas! Tiyitwin? Akter-nsen, mačči d kra! Zgiɣ ttumekkneɣ i
lmut! 24Xemsa n yiberdan i yi-ifkan Iyahudiyen rebɛin n tyitwin qell yiwet. 25Tlata n
yiberdan i ttewteɣ s ujelkaḍ, ttwarejmeɣ yiwet n tikkelt; tlata n yiberdan i ɣerqeɣ,
sɛeddaɣ yiwen n wass akked yiwen n yiḍ di tlemmast n lebḥer. 26Zgiɣ d tikli ɣef uḍar,
lḥif n yisaffen, lḥif n yiqeṭṭaɛen, lḥif n ccetla-w, lḥif n leǧnas, lḥif n temdint, lḥif n
uneẓruf, lḥif n lebḥer, lḥif n watmaten n lekdeb. 27Xedmeɣ yerna ɛetbeɣ, ɛawaz, laẓ, fad,
tuẓamin, aṣemmiḍ akked leɛra. 28Mebla ma hedreɣ-d ɣef wayen-nniḍen, ayen i yi-
iceɣben yal ass: aḥebber ɣef tmezdayin. 29Anwa i ifeclen, nekk ur fcileɣ ara? Anwa i
yeɣlin, nekk ur yi-ičči ara wul-iw?
30
Ma ilaq ad zuxxeɣ, ad zuxxeɣ s ḍɛafa-w. 31Illu, Baba-s n Ssid Yasuɛ, netta yettubarken i
dayem, iẓra belli ur skiddibeɣ ara. 32Di Dimecq, lḥakem n ugellid Aritas isbedd taɛessast
di temdint n wat Dimecq iwakken ad iyi-iṭṭef, 33meɛna ṣubben-iyi-d si ṭṭaq, daxel n
uqecwal, si ṣṣur; dɣa menɛeɣ seg ufus-nsen.
12Ilaq ad zuxxeɣ? Ayagi ur infiɛ ara. Acu kan, ad ɛeddiɣ s ayen i yi-d-iweḥḥa d wayen i
yi-d-ibeggen Ssid. 2Ssneɣ yiwen n urgaz di Lmasiḥ, rbeɛṭac n yiseggasen aya, ittwarfeɛ
armi d igenni wis tlata; ur ẓriɣ ma s tfekka-s, ur ẓriɣ ma yeffeɣ si tfekka-s, meɛna Illu
yeẓra. 3Ẓriɣ belli argaz-agi - s tfekka-s neɣ yeffeɣ si tfekka-s, ur ẓriɣ ara, meɛna Illu yeẓra
- 4ittwarfeɛ ɣer lǧennet, yerna yesla dinna i lehdur yesteɛǧiben ur nettunefk ara i umdan
ad ten-id-yini.
5
Ad zuxxeɣ s urgaz am wagi; ma d ayen i yi-iɛnan, ad zuxxeɣ kan s ḍɛafa-w. 6Ma zuxxeɣ,
mačči d tisselbi i selbeɣ, axaṭer d tidet kan ara d-iniɣ; meɛna ad ssusmeɣ axir, iwakken ur
y-iḥesseb yiwen nnig wayen yettwali deg-i neɣ n wayen i isell sɣur-i, imi ayen akken i yi-
d-ittubeggnen isteɛǧib. 7Ɣef wayagi, iwakken ur tkebbireɣ ara, ittunefk-iyi-d yiwen n
usennan di ṣṣura, yiwen n lmelk n Cciṭan ara y-ikkaten, iwakken ur tkebbireɣ ara. 8Tlata n
tikkal i ḥelleɣ Ssid ad t-issebɛed fell-i; 9meɛna yenna-yi-d: "Nneɛma-w, berka-k; axaṭer
tazmert-iw tettban-d di ḍɛafa." Ad zuxxeɣ ihi s lferḥ s ḍɛafa-w, iwakken tazmert n Lmasiḥ
ad tili fell-i. 10Ɣef wayagi, ttafeɣ iman-iw di ḍɛafa, di rregmat, di lḥerṣ, di leqher, di
cceddat, ɣef ddemma n Lmasiḥ; axaṭer mi ara iliɣ fecleɣ, imiren i ǧehdeɣ.
Aḥebber n Bulus ɣef Ikurintiyen
11
D kenwi i yi-iḥerṣen ad uɣaleɣ d ameslub. D kenwi i ilaqen ad tdafɛem fell-i, axaṭer ur
xuṣṣeɣ deg wacemma zdat yimceggɛen-nni imeqqranen, ɣas akken ur swiɣ acemma.
12
Limarat n umceggeɛ banent-d gar-awen: ṣṣber i yal lmeḥna, limarat, leɛǧayeb akked
lberhanat. 13Deg wacu eɛni i txuṣṣem ɣef tmezdayin-nniḍen? D tilin kan ur lliɣ ara d
taɛkemt i yiwen. Semmḥet-iyi lbaṭel-agi!
14
I tikkelt tis tlata, aql-i weǧdeɣ ad n-ruḥeɣ ɣur-wen, yerna ur awen-ttiliɣ ara d taɛkemt; ur
ttnadiɣ acemma ɣur-wen, meɛna d kenwi i bɣiɣ. Mačči d dderya i ijemmɛen i yimawlan,
meɛna d imawlan i ijemmɛen i dderya. 15Nekk, s lferḥ ara ṣerrfeɣ fell-awen yerna ad
sebbleɣ iman-iw fell-awen. Ma yella nekk ḥemmleɣ-ken akter, kenwi ad iyi-tḥemmlem
aqell? 16D tidet, ur awen-lliɣ ara d taɛkemt, meɛna imi d uḥric i lliɣ, ṭṭfeɣ-ken s tḥila!
17
Eɛni yella kra i ḍemɛeɣ deg-wen s yiwen seg wid i n-ceggɛeɣ ɣur-wen? 18Ḥelleɣ Titus
ad n-iruḥ ɣur-wen, ceggɛeɣ-n yid-s gma-tneɣ-nni. Illa kra yeḍmeɛ deg-wen Titus? Ur
nelḥi ara s yiwen n rruḥ, deg yiwen n ubrid? 19Acḥal aya i tɣilem belli nettdafaɛ ɣef
yiman-nneɣ zdat-wen; zdat Yillu i nhedder s Lmasiḥ. Ayagi merra, ay imeɛzuzen, neqqar-
it-id i unerni-nwen. 20Axaṭer uggadeɣ, mi ara n-awḍeɣ ɣur-wen, ur ken-ttafeɣ ara akken i
bɣiɣ, yerna ad iyi-tafem akken ur tebɣim ara; ad n-afeɣ a, tismin, urfan, taɛdawit, aqejjem,
tiɛlumin, ttnefxa, ccwal. 21Uggadeɣ, mi ara n-awḍeɣ daɣen, Illu-yiw ad iyi-idull zdat-wen,
ad ḥezneɣ ɣef waṭas seg widak-nni i idenben zik yerna ur tuben ara si nnǧasa, si tiqquḥbit
akked lɛar i xedmen.
Lewṣayat tineggura n Bulus

13I tikkelt tis tlata, ad n-ruḥeɣ ɣur-wen. "Yal tamsalt ad tefru s cchada n sin neɣ n tlata
n yinigan." 2Nniɣ-t-id yakan, ad t-id-iniɣ si tura, mi lliɣ gar-awen tikkelt tis snat, neɣ mi
akka ulac-iyi ass-a, i widak-nni idenben zik akked wiyaḍ merra, ma ruḥeɣ-n daɣen, ur
ttqiliɣ yiwen, 3imi tettnadim ttbut belli Lmasiḥ ihedder-d seg-i, netta ur neḍɛif ara yid-
wen, meɛna ibeggen-d tazmert-is deg-wen. 4D tidet yettwaṣelleb di ḍɛafa-s, meɛna
yedder s tezmert n Yillu. Nekni daɣen, neḍɛef deg-s, meɛna ad nidir yid-s s tezmert n
Yillu i kenwi.
5
Sneqdet iman-nwen s yiman-nwen, ma tellam di liman, muqlet iman-nwen. Ur
testɛerfem ara belli Yasuɛ Lmasiḥ yella deg-wen? Siwa ma ur tettwaqeblem ara.
6
Ssarameɣ ad testɛerfem belli nekni mačči d wid ur nettwaqbel ara. 7Ndeɛɛu ɣer Yillu ur
txeddmem acemma n wayen diri, mačči iwakken ad d-nban belli nekni nettwaqbel,
meɛna iwakken kenwi ad txedmem ayen yelhan, nekni am wakken ur nettwaqbel ara.
8
Ur nesɛi ara tazmert i u akked tidet, meɛna nesɛa-tt kan i tidet. 9Nferreḥ mi ara nili
nekni neḍɛef, kenwi tǧehdem; ndeɛɛu daɣen iwakken ad tgerrzem. 10Ɣef wayagi i awen-
uriɣ ayagi mi akka i beɛdeɣ, iwakken asmi ara iliɣ gar-awen, ur ttiwɛireɣ ara yid-wen,
akken i tella lḥekma i yi-d-ifka Ssid i lebni mačči i uhuddu.
Sslam
11
Taggara, ay atmaten, ferḥet, ttwenniɛet iman-nwen, ttemyerfadet gar-awen, sɛut yiwen n
uxemmim, ɛicet di lehna, Illu n leḥmala akked lehna ad yili yid-wen. 12Ttemsalamet gar-
awen s usuden imqeddes. Imqeddsen merra ttsellimen fell-awen. 13Nneɛma n Ssid Yasuɛ
Lmasiḥ, leḥmala n Yillu akked lemxalṭa n Rruḥ Iqedsen ad ilint yid-wen merra!
TABRAT I YIGALATIYEN
Sslam
1Bulus, amceggeɛ, mačči sɣur yimdanen, neɣ s umdan, meɛna sYasuɛ Lmasiḥ akked
Yillu Ababat, it-id-isseḥyan si gar lmeggtin, 2akked watmaten merra yellan yid-i,
itmezdayin n Galatya: 3nneɛma akked lehna fell-awen sɣur Yillu Ababat akked Ssid-nneɣ
Yasuɛ Lmasiḥ, 4i yefkan iman-is ɣef ddnubat-nneɣ, iwakken ad aɣ-d-ikkes si zzman-agi n
tura yellan d amcum, akken yella lebɣi n Yillu yellan d Baba-tneɣ, 5i netta lɛaḍima i
lebda! Amin.
Yiwen n Linǧil kan i yellan
6
Wehmeɣ amek i tɣawlem texḍam i win i awen-d-isawlen snneɛma n Lmasiḥ, iwakken ad
ttebɛem Linǧil-nniḍen. 7Ala, ulac Linǧil-nniḍen, meɛna llan kra i ken-irwin, bɣan ad
sɛewjen Linǧil n Lmasiḥ. 8Ɣas nekni, s timmad-nneɣ, neɣ yiwen n lmelk n yigenni ad
awen-nbeccer yiwen n Linǧil ixulfen win i awen-nbeccer yakan, ad ittwanɛel! 9Nenna-
yawen-t-id yakan, yerna ad as-d-ɛiwdeɣ tura: ma ibeccer-awen-d yiwen Linǧil ixulfen
win i awen-d-ittunefken, ad ittwanɛel!
10
Tura, d lemzeyya n yimdanen ittnadiɣ neɣ d tin n Yillu? D imdanen i ttnadiɣ ad raḍiɣ?
Lemmer iyi-mazal ttraḍiɣ imdanen, ur ttiliɣ ara d aqeddac n Lmasiḥ. 11Awen-t-id-iniɣ, ay
atmaten, linǧil i awen-beccreɣ, mačči seg umdan; 12axaṭer ula d nekk, ur t-id-wwiɣ ur t-
ḥfiḍeɣ ɣef umdan, meɛna d abeggen i yi-t-id-ibeggen Yasuɛ Lmasiḥ. 13Teslam ɣef tikli-w
n zik, di ddin ayahudi: ɛeddaɣ tilas deg uqehher n tmezdayt n Yillu, smermdeɣ-tt.14Lḥiɣ
di ddin ayahudi, ifeɣ aṭas si tezyiwin-iw akked ccetla-w, tḥemmseɣ aṭas ɣef leɛwayed n
lejdud. 15Meɛna asmi i as-ihwa i win i yi-d-iɛezlen si tɛebbuḍt n yemma, isawel-iyi-d s
nneɛma-s, 16a d-ibeggen deg-i Mmi-s, iwakken ad t-beccreɣ i leǧnas, imiren kan, ur
cawreɣ tacriḥt wala idammen, 17ur uliɣ ɣer Yarucalim ɣer wid yellan d imceggɛen uqbel-
iw, meɛna ruḥeɣ ɣer tmurt n Waɛraben. Mbaɛd uɣaleɣ-d daɣen ɣer Dimecq.
18
Tlata n yiseggasen mbaɛd, uliɣ ɣer Yarucalim iwakken ad issineɣ Kifa; qqimeɣ ɣur-s
xemseṭṭac n wussan. 19Meɛna ur walaɣ ula d yiwen n umceggeɛ-nniḍen, siwa Yeɛqub,
gma-s n Ssid. 20Deg wayen akka i awen-n-uriɣ, aql-i zdat Yillu, ur skaddbeɣ ara. 21Mbaɛd
ruḥeɣ ɣer leǧwahi n Surya akked Kilikya; 22Timezdayin n Lmasiḥ n Yahuda ur ssinent ara
udem-iw. 23D timesliwt kan i slant fell-i qqaren: "Win akken i aɣ-ittqehhiren zik, tura
yettbeccir liman i yettmermid zik", 24dɣa ttḥemmident Illu ɣef ddemma-w.
Bulus akked yimceggɛen-nniḍen
2Rbeɛṭac n yiseggasen mbaɛd, ɛawdeɣ uliɣ ɣer Yarucalim nekk d Bar-Naba, yerna wwiɣ
yid-i Titus. 2S ubeggen i uliɣ ɣer dinna, fesreɣ-d zdat-sen Linǧil i ttbeccireɣ gar leǧnas,
ladɣa i lɛeqqal weḥḥed-sen, iwakken ur ttazzaleɣ ara, neɣ ad d-afeɣ iman-iw uzzleɣ baṭel.
3
Titus yellan yid-i, i yellan d Ayunani, ur ittwaḥettem ara ad iḍher, 4ɣas akken llan
watmaten n lekdeb i d-ikecmen s tḥila gar-aneɣ, ttxatalen tilelli i nesɛa di Yasuɛ Lmasiḥ,
iwakken ad aɣ-rren di tkelwa. 5Meɛna ur nekni ara zdat-sen, ur asen-nuɣ ara awal ula
dddqiqa, iwakken tidet n Linǧil ad awen-tdum. 6Ma d wid yettwaḥesben d lɛeqqal - ur
yi-tewqiɛ ara d acu illan zik, axaṭer Illu ur ixeddem ara maḥyaf gar yimdanen - widak-nni
ur ḥettmen fell-i acemma. 7Meɛna walan belli tettunefk-iyi-d lkalafa ad beccreɣ Linǧil i
wid ur neḍhir ara, am Buṭrus i wid iḍehren. 8Axaṭer, win yerran Buṭrus d amceggeɛ ɣer
wid iḍehren, irra-yi ula d nekk, d amceggeɛ ɣer leǧnas. 9Mi setɛerfen belli tettunefk-iyi-d
nneɛma, Yeɛqub, Kifa akked Yuḥenna, yettwaḥesben d tigejda, fkan-aɣ-d, i nekk akked
Bar-Naba, afus ayeffus n ccaruka, iwakken nekni ad nruḥ ɣer leǧnas, nutni ɣer wid
iḍehren; 10weṣṣan-aɣ kan ad d-nettmekti igellilen, d ayen i ɣawleɣ xedmeɣ-t.
Bulus ilumm Buṭrus
11
Meɛna mi d-iruḥ Kifa ɣer Antyukya, qubleɣ-t s udem, axaṭer fell-as llum. 12Uqbel ad d-
awḍen kra sɣur Yeɛqub, illa itett netta d wat leǧnas; meɛna mi d-wḍen, irwel dɣa iḍerref
iman-is, axaṭer yuggad wid iḍehren. 13Ula d Iyahudiyen-nniḍen ddan di lleɛb-is, armi i
glan ula s Bar-Naba deg usneɛmel-nsen. 14Mi walaɣ belli ur ddin ara di ṣṣwab akken i
tella tidet n Linǧil, nniɣ i Kifa zdat wiyaḍ merra: ma yella kečč yellan d Ayahudi tettɛiciḍ
akken i ttɛicin wat leǧnas mačči am Iyahudiyen, amek i tzemreḍ ad tseyyfeḍ wat leǧnas
ad ɛicen am Iyahudiyen?
Azekki s liman
15
Nekni, d Iyahudiyen si laṣel, mačči seg wat leǧnas imednuben. 16Neẓra belli amdan ur
ittuzekkay ara s lefɛayel n ccariɛa, meɛna s liman di Yasuɛ Lmasiḥ; nekni daɣen numen s
Lmasiḥ Yasuɛ, iwakken ad nettuzekki s liman di Lmasiḥ, mačči s lefɛayel n ccariɛa:
yiwen ur ittuzekkay s lefɛayel n ccariɛa. 17Meɛna ma yella, s unadi i nnuda ad nettuzekki
di Lmasiḥ, nettwaḥsab d imednuben ula d nekni, eɛni Lmasiḥ, d aqeddac n ddnub? Ḥaca!
18
Ma ɛawdeɣ lebni i wayen i huddeɣ, ad rreɣ iman-iw d amɛaṣi; 19axaṭer s ccariɛa i
mmuteɣ deg wayen yeɛnan ccariɛa, iwakken ad idireɣ i Yillu. 20Ttwaṣellbeɣ d Lmasiḥ;
mačči d nekk i yettidiren, meɛna d Lmasiḥ i yettidiren deg-i; ayen i ttidireɣ tura di tfekka,
ttidireɣ-t s liman di Mmi-s n Yillu, netta iy-iḥemmlen yerna isebbel iman-is fell-i. 21Ur
ttḍeggireɣ ara nneɛma n Yillu, axaṭer ma yella azekki itekk-d si ccariɛa, ihi Lmasiḥ immut
baṭel.
Lɛahd akked Abraham
3Anaɣ, ay Igalatiyen imehbal! Anwa i ken-iseḥḥren, yerna nweṣf-d zdat-wen Lmasiḥ
ittuṣelleb? 2Bɣiɣ ad ẓreɣ ayagi sɣur-wen: s lefɛayel n ccariɛa i awen-d-ittunefk Rruḥ, neɣ
s ttebcira n liman? 3Annect-agi akk i theblem? Tebdam s rruḥ, tura tebɣam ad tekfum s
tnefsit? 4Baṭel i tenneɛtabem annect-agi? Ulamek ad yili baṭel! 5Win i awen-d-ifkan Rruh
yerna yexdem lberhanat gar-awen, s lefɛayel n ccariɛa i t-ixdem neɣ s ttebcira n liman?
6
Akken yumen Abraham s Yillu, yerna yettwaḥseb-as d azekki, 7ḥṣut belli d wid yesɛan
liman i d arraw n Abraham. 8Ɣef wayagi Tira, i d-ixebbren si tazwara belli Illu ad izekki
leǧnas s liman, carent-d si tazwara i Abraham belli "leǧnas merra n ddunit ad ttubarken
yis-k." 9Swakka, wid yumnen ttubarken nutni d Abraham yumnen. 10Widak merra ileḥḥun
s lefɛayel n ccariɛa, tella fell-asen deɛwessu, axaṭer yura: "Ittwanɛel kra n win ur nḥerrez
ara ayen yuran deg udlis n ccariɛa yerna ur ixeddem ara ayen i d-iqqar." 11Yiwen ur
ittuzekkay zdat Yillu s ccariɛa, ayagi iban, axaṭer yenna-d: "Aḥeqqi ad yidir s liman."
12
Ccariɛa ur d-teffiɣ ara si liman, meɛna "win ixeddmen ayen i d-teqqar ad yidir yis-s."
13
Lmasiḥ ifda-yaɣ-d si deɛwessu n ccariɛa, yuɣal d deɛwessu ɣef ddemma-nneɣ, axaṭer
yura: "Ittwanɛel win yettwaɛelqen s asɣar", 14i wakken lbaraka n Abraham ad taweḍ
leǧnas s Lmasiḥ Yasuɛ, yerna s liman ad aɣ-d-ittunefk Rruḥ iɣ-ittuweɛden.
15
Ay atmaten, aql-i heddreɣ akken i heddren yimdanen: lɛahd yexdem umdan, yiwen ur t-
issefsax, yiwen ur as-ittzeggid, mbaɛd mi yettucemmeɛ. 16Lewɛud ttunefken-d i Abraham
akked dderya-s; ur d-inni ara: "itarwa-s", am wakken aṭas i yellan, meɛna yiwet kan i
yellan: "idderya-k", yeɛni Lmasiḥ. 17Ad d-iniɣ ayagi: ccariɛa tusa-d rbeɛ meyya utlatin n
yiseggasen mbaɛd lɛahd i d-iwekked Yillu. Ur tessefsex lɛahd-nni, ur tessebṭel lweɛd.
18
Lemmer si ccariɛa i d-itekk lwert, ur d-ittili ara s lweɛd. Meɛna Illu yefka-d nneɛma i
Abraham s lweɛd. 19Ihi, acuɣer ccariɛa? Tettunefk-d mbaɛd ɣef ddemma n lmeɛṣeyyat,
alamma tusa-d dderya iwumi i d-ittunefk lweɛd. Dlmalayek i tt-id-ibeggnen s ufus n
yiwen n uwsiṭ. 20Awsiṭ-agi mačči d awsiṭ n yiwen kan, meɛna Illu, d yiwen.
21
Eɛni ccariɛa txulef lewɛud n Yillu? D ayen ibanen, ala! Lemmer i d-tettunefk ccariɛa i
izemren ad tefk tudert, tili azekki ad d-yekk si ccariɛa. 22Meɛna Tira ɣelqent ɣef kullec di
ddnub, iwakken, s liman di Yasuɛ Lmasiḥ, lweɛd ad d-ittunefk i wid yumnen. 23Uqbel ad
d-yas liman, nella nettwaḥbes s ccariɛa, armi i d-iḍher liman. 24Swakka, ccariɛa tella-
yaɣ d amrebbi armi d Lmasiḥ, iwakken ad nettuzekki s liman. 25Tura mi d-yusa liman, ur
aɣ-mazal ara ddaw umrebbi. 26Axaṭer kenwi merra, d arraw n Yillu s liman di Lmasiḥ
Yasuɛ; 27kenwi akk yettwaɣeḍṣen di Lmasiḥ, telsam Lmasiḥ. 28Ulac Ayahudi neɣ
Ayunani, akli neɣ aḥerri, ddkeṛ neɣ nnta, axaṭer akken ma tellam, d yiwen di Lmasiḥ
Yasuɛ. 29Ma tellam n Lmasiḥ, aql-iken ihi d dderya n Abraham, d iwriten, akken yella
lweɛd.
Si tkelwa ɣer tlelli
4Ad iniɣ: skud akk mazal awrit d aqcic, ur ixulef akli deg wacemma, ɣas akken d netta i d
bab n kullec. 2Meɛna yesɛa lwaliyin akked lewkilat alamma d lweqt i iɛellem ubabat si
tazwara. 3Ula d nekni, mi nella d arrac, nella ddaw leɛwayed n ddunit; 4meɛna mi d-iwweḍ
lweqt, Illu iceggeɛ-d Mmi-s i d-ilulen si tmeṭṭut, i d-ilulen ddaw leḥkem n ccariɛa, 5i
wakken ad d-ifdu wid yellan ddaw leḥkem n ccariɛa, akken ad nuɣal d arraw n Yillu. 6Imi
i tellam d arraw-is, Illu iceggeɛ-d ɣer wulawen-nneɣ Rruḥ n Mmi-s i yessawalen: "Aba!"
yeɛni: "A Baba!" 7Swakka, ur k-mazal ara d akli, meɛna aql-ik d amemmit; ma telliḍ ihi d
amemmit, aql-ik daɣen d awrit s Yillu.
8
Zik, mi akken ur tessinem ara Illu, tellam d aklan n yirebbiten ur nelli ara d irebbiten
maḍi. 9Meɛna tura mi tessnem Illu, ala, tura mi ken-issen netta, amek ara tuɣalem daɣen
ɣer leɛwayed timeḥqar ur nesɛi azal; tebɣam ad tuɣalem daɣen ddaw uzaglu-nsent?
10
Tettfeḍḍilem ussan, agguren, lewqat akked yiseggasen. 11Uggadeɣ ad yili baṭel iɛettbeɣ
fell-awen.
12
Di leɛnaya-nwen, ay atmaten, ilit am nekk, axaṭer nekk daɣen aql-i am kenwi. Ur yi-
teḍlimem deg wacemma. 13Teẓram belli di ḍɛafa n ṣṣura i awen-beccreɣ Linǧil tikkelt
tamezwarut; 14yerna ɣas akken iɛetb-iken lehlak-iw, ur yi-teḥqirem ur tsusfem deg-i,
meɛna testerḥbem yis-i am wakken dlmelk nYillu, am wakken d Lmasiḥ Yasuɛ.

15
Anda-t ihi lferḥ-nni-nwen? Ad d-cehdeɣ fell-awen belli, lemmer dayen iwumi i tzemrem,
tili tekksem-d allen-nwen iwakken ad iyi-tent-id-tefkem. 16Eɛni uɣaleɣ tura d aɛdaw-nwen
mi awen-d-nniɣ tidet? 17Atḥemmes i tḥemmsen ɣur-wen ur iṣfi ara; bɣan kan ad ken-
sbeɛden fell-aɣ, iwakken ad tetḥemmsemɣur-sen. 18Ilha ad tetḥemmsem s ayen yelhan
di yal lweqt, mačči kan mi ara iliɣ yid-wen. 19Ay arraw-iw, aql-i ṭṭfen-iyi daɣen lewjuɛ n
tarrawt ɣef ddemma-nwen, alamma iṣewr-d deg-wen Lmasiḥ. 20Acḥal i bɣiɣ ad iliɣ gar-
awen di teswiɛt-agi yerna ad awen-hedreɣ akken-nniḍen, axaṭer aql-iken tesɛewqem-iyi.
Lemtel n Ṣara akked Hagar
21
Init-iyi-d, kenwi yebɣan ad tilim ddaw ccariɛa, ur teslim ara d acu i d-teqqar ccariɛa?
22
Yura belli Abraham isɛa sin n warrac: yiwen si taklit, wayeḍ si tmeṭṭut taḥerrit. 23Mmi-s
n taklit ilul-d s lebɣi n tnefsit, ma d mmi-s n tḥerrit, ilul-d s lweɛd. 24Ayagi d tteṣwira:
tilawin-agi, d sin n lɛuhud-nni. Yiwen, n udrar n Sinay, i d-yurwen i tkelwa: d Hagar.
25
Hagar-agi, d adrar n Sinay yellan di tmurt n waɛraben, tettmettil Yarucalim n tura, i
yellan di tkelwa nettat d warraw-is. 26Meɛna Yarucalim n usawen, d taḥerrit, d yemma-
tneɣ; 27axaṭer yura:
"Freḥ, a tiɛiqert, a tin ur nettarew ara!
Neggez, cnu, ɛeggeḍ, kem ur nessin ara lewjuɛ n tarrawt!
Axaṭer dderya n tin yettwaḍeggren kter n dderya n tin izewǧen."
28
Kenwi, ayatmaten, am Isḥaq, d arraw nlweɛd. 29Am zik, win i d-ilulen s lebɣi n tnefsit
illa yettqehhir win i d-ilulen slebɣi n Rruḥ; akka i yella lḥal ula tura. 30Meɛna d acu i d-
nnant Tira? "Tlef taklit akked mmi-s! Ala, mmi-s n taklit ur iwerret ara netta d mmi-s n
tmeṭṭut taḥerrit."31Swakka, ay atmaten, ur nelli ara d arraw n taklit, meɛna d arraw n
tmeṭṭut taḥerrit.
Tilelli di Lmasiḥ
5Lmasiḥ isellek-aɣ-d i tlelli. Ṭṭfet ihi, ur ttarrat ara iman-nwen daɣen ddaw uzaglu n
tkelwa. 2Nekk Bulus, aql-i ad awen-t-id-iniɣ: ma tesḍehrem, Lmasiḥ ur ken-infiɛ deg
wacemma. 3Ad d-wekkdeɣ daɣen i yal argaz ara yesḍehren belli yelzem fell-as ad
ixdem ayen akk i d-tenna ccariɛa. 4Teqqersem-d si Lmasiḥ, kenwi yettnadin azekki di
ccariɛa; teɣlim-d si nneɛma. 5Nekni, s Rruḥ i nettraǧu di liman asirem n uzekki. 6Axaṭer
di Lmasiḥ Yasuɛ, neḍher neɣ ur neḍhir ara, ur isɛi ara azal; ayen yesɛan azal, dliman i
ixeddmen sleḥmala.
7
Tellam tettazzalem akken ilaq: anwa iken-iḥebsen, iqḍeɛ-awen ad taɣem awal i tidet?
8
Yir ṛṛay-agi ur d-ikki ara sɣur win i awen-d-isawlen. 9Cwiṭ n yiɣes n temtunt issalay akk
arekti. 10Deg wayen i ken-iɛnan, ttekleɣ ɣef Ssid belli ur tettxemmimem ara akken-
nniḍen; meɛna win i ken-irwin, akken yebɣu yili, ad ittuɛaqeb. 11Ma d nekk, ay atmaten,
lemmer mazal ttbeccireɣ ṭṭhara, acuɣer i yi-mazal ttwaqehreɣ? Lefḍiḥa n ṣṣalib tebṭel ihi?
12
Lukan kan ad ɛeggben iman-nsen, wid i izerrɛen ccwal gar-awen!
Tikli s Rruḥ.
13
Ay atmaten, tettusawlem-d ɣer tlelli; acu kan, ur d-ttafet ara ssebba s tlelli-agi ad tɛicem
s tnefsit-nwen. Meɛna wa ad iqdec ɣef wa s leḥmala; 14axaṭer ccariɛa merra teddukel deg
yiwen n wawal, d wagi: "Ḥemmel lɣir-ik am yiman-ik." 15Meɛna ma tettemkerracem yerna
tettemyeččam gar-awen, ɣur-wat ad tettemhuddum gar-awen. 16Ad t-id-iniɣ: lḥut s Rruḥ,
ur txeddmem ara ccehwat n tnefsit. 17Axaṭer ccehwa n tnefsit txulef tin n Rruḥ, ccehwa n
Rruḥ txulef tin n tnefsit; dixṣimen gar-asen, iwakken ur txeddmem ara ayen i tebɣam.
18
Ma d Rruḥ i ken-isselḥayen, ur tellim ara ddaw leḥkem n ccariɛa. 19Lexdayem n tnefsit
banen: tiqquḥbit, nnǧasa, lɛar, 20aɛbad n lmeṣnuɛat, ssḥur, lkerh, ccwal, tismin, leḥmeq,
lemxaṣma, beṭṭu, ṭṭayfat, 21leḥsed, ssekṛan, tissuqḍa, akked wayen yecban ayagi.Ad awen-
d-ɛeggneɣ si tura, akken i awen-d-ɛeggneɣ yakan: wid ixeddmen deg wayagi ur werrten
ara tagelda nYillu.
22
Meɛna lfakya n Rruḥ, d leḥmala, d lferḥ, d lehna, d ṣṣber, d lehhu, d leḥnana, d liman,
23
d annuz, d rrẓana; ccariɛa ur tugi ara ayagi. 24Wid yellan n Lmasiḥ Yasuɛ ṣellben tanefsit
s lhawat-is akked ccehwat-is. 25Ma nettidir s Rruḥ, ad nelḥu daɣen s Rruḥ. 26Ur nettili ara
d imzuxxiyen, ur nettemyenbac ara gar-aneɣ, ur nettemyeḥsad ara gar-aneɣ.
Lewṣayat tineggura
6Ayatmaten, ma yettwaṭṭef yiwen iɣleḍ, kenwi ileḥḥun s Rruḥ, refdet-t-id s rruḥ n
leḥnana. Ḥader ɣef yiman-ik, mmar ad tettujerrbeḍ ula d kečč. 2Ttemyerfadet
tiẓayanin-nwen gar-awen, swakka ad txedmem ayen i d-teqqar ccariɛa n Lmasiḥ. 3Ma
yeḥseb iman-is yiwen d kra, yili d ulac, ittkellix iman-is. 4Yal yiwen ad issenqed ccɣel-is
netta, imiren ad izuxx s wayen yexdem netta kan mačči s wayen yexdem wayeḍ; 5axaṭer
yal yiwen ad irfed taɛkemt-is netta.
6
Win ilemmden awal ad icarek win yesselmaden di yal lxir. 7Ur ɣellṭet ara: ur nettihiy ara
ɣef Yillu. Ayen yezreɛ umdan ad t-id-imger. 8Win izerrɛen i tnefsit-is, ad d-imger si tnefsit
burekku; ma d win izerrɛen i Rruḥ, ad d-imger si Rruḥ tudert n dayem. 9Ur ilaq ara ad
neɛyu di lxedma n lxir, axaṭer di lweqt ilaqen ad d-nemger, ma ur nefcil ara. 10Ihi, skud
akk tettunefk-aɣ tegnit, ad nexdem lxir iyimdanen merra, ladɣa i watmaten di liman.
11
Walit acḥal meqqrit tira-agi i awen-n-uriɣ s ufus-iw. 12Widak merra yebɣan ad ɛeǧben i
yimdanen ttḥettimen-ken ad tḍehrem, iwakken kan ur ttwaqehharen ara ɣef ddemma
nṣṣalib n Lmasiḥ. 13Wid iḍehren, s timmad-nsen, ur xeddmen ara ayen i d-teqqar ccariɛa,
meɛna bɣan ad tesḍehrem, iwakken ad zuxxen yis-wen. 14Ma d nekk, ur ttzuxxuɣ s
wacemma siwa s ṣṣalib n Ssid Yasuɛ Lmasiḥ, swayes i tettwaṣelleb ddunit ɣur-i, i
ttwaṣellbeɣ ɣer ddunit. 15Iḍher yiwen neɣ ur iḍhir ara, mačči d ayen yesɛan azal; i yesɛan
azal, d taxelqit tajdidt. 16Lehna akked rreḥma i wid ileḥḥun s ubrid-agi, daɣen i Israyil n
Yillu.
17
Ssya d asawen, yiwen ur y-ixeddem aɣilif; axaṭer ttawiɣ ccwami n Yasuɛ di tfekka-w.
18
Nneɛma n Ssid-nneɣ Yasuɛ Lmasiḥ ad tili d rruḥ-nwen, ay atmaten! Amin.
TABRAT I YIFASUSIYEN
Sslam
1Bulus, amceggeɛ n Lmasiḥ Yasuɛ s lebɣi n Yillu, i yimqeddsen yerna d unṣiḥen di
Lmasiḥ Yasuɛ, yettilin di Afasus. 2Nneɛma fell-awen akked lehna sɣur Yillu Baba-tneɣ
akked Ssid Yasuɛ Lmasiḥ.
Nneɛma n Yillu di Lmasiḥ
3
Ittubarek Yillu, Baba-s n Ssid-nneɣ Yasuɛ Lmasiḥ, i aɣ-iburken s yal lbaraka n Rruḥ deg
yigenwan di Lmasiḥ. 4Yis, Illu yextar-aɣ uqbel ad d-texleq ddunit, iwakken ad nili d
imqeddsen yerna mebla llum zdat-s. 5Di leḥmala-s, ihegga-yaɣ si tazwara ad nili d
arraw-is s Yasuɛ Lmasiḥ, akken yella lebɣi-s yelhan, 6i wakken ad t-neḥmed ɣef nneɛma-
s tameqqrant swayes i aɣ-d-irẓeq s umeɛzuz-is. 7Yis-s i nesɛa lefdi s yidammen-is, leɛfu n
ddnubat, akken i teɣna nneɛma-s 8i aɣ-d-iketter Yillu s kra yellan d lekyasa akked
lefhama. 9Ibeggen-aɣ-d sser n lebɣi-s, akken yella leqsed-nni yelhan i yeqsed deg yiman-
is, 10i wakken ad t-ixdem mi ara d-awḍen lewqat, ad isdukel kullec ɣef yiwen, di Lmasiḥ,
ayen akk yellan deg yigenwan d wayen yellan di lqaɛa. 11Yis-s daɣen i nettwaxtar d lwert-
is, ihegga-yaɣ si tazwara, akken yella leqsed n win ixeddmen kullec akken i as-ihwa, 12i
wakken ad nili d ttawilat n usemɣer n lɛaḍima-s, nekni yessarmen si tazwara di Lmasiḥ.
13
Yis-s daɣen i teslam i wawal n tidet, linǧil n leslak-nwen; yis-s daɣen i tumnem yerna
tettwaḍebɛem s Rruḥ Iqedsen i yettuweɛden, 14i yellan d aɛerbun n lwert-nneɣ, alamma d
lefdi n wid i d-iḥerr, i uḥmad n lɛaḍima-s.
15
Ɣef wayagi, ula d nekk, mi sliɣ s liman-nwen di Ssid Yasuɛ d wamek i tḥemmlem
imqeddsen merra, 16zgiɣ ttḥemmideɣ fell-awen, ttadreɣ-ken-id di tẓilla-w, 17i wakken Illu
n Ssid-nneɣ Yasuɛ Lmasiḥ, Bab n lɛaḍima, ad awen-d-ifk rruḥ n lekyasa akked ubeggen
swayes ara t-tissinem akken ilaq; 18ad awen-ildi allen n wul-wen, iwakken ad teẓrem d
acu n usirem i yellan deg usiwel-is, d acu n lxir ameqqran n lwert-is i ihegga i
yimqeddsen, 19d acu n tezmert tameqqrant i d-ifka i nekni yumnen, s wayen yexdem s
lǧehd n yiɣil-is, 20i d-ibeggen di Lmasiḥ, mi t-id-isseḥya si gar lmeggtin, yerna yesɣam-it
ɣer tama-s tayeffust deg yigenwan, 21sennig n kra yellan d sleṭna, d lḥekma, d tazmert, d
ssyada, akked kra n yisem i izemren ad d-ittwabder mačči kan di zzman-agi n tura, meɛna
ula di zzman i d-iteddun. 22Irra kullec ddaw yiḍarren-is, yerna yefka-t-id d aqerru ɣef
tmezdayt, 23yellan d tfekka-s, d lekmal n win yeččuren kullec di yal yiwen.
Leslak, s nneɛma
2Kenwi tellam temmutem di lmeɛṣeyyat-nwen akked ddnubat-nwen, 2ideg tellam
tleḥḥum zik akken yella lǧil n ddunit-agi, akken yella sselṭan n tezmert n lhawa, rruḥ i
ixeddmen tura di dderya tamɛaṣit. 3Nekni daɣen nettwaḥseb seg-sen, nella nleḥḥu s
ccehwat n tnefsit-nneɣ, nxeddem lebɣi n tnefsit akked yixemmimen-nneɣ; deg
yidammen, nella d arraw n wurrif am wiyaḍ daɣen. 4Meɛna Illu yeččur d rreḥma, ɣef
ddemma n leḥmala tameqqrant i aɣ-iḥemmel; 5mi akken i nella nemmut di ddnubat-nneɣ,
irra-yaɣ-d ɣer tudert nekni d Lmasiḥ - s nneɛma i tettwasellkem -, 6iḥya-yaɣ-d yid-s,
yerna yesɣam-aɣ deg yigenwan di Lmasiḥ Yasuɛ, 7i wakken ad d-ibeggen di leǧyal i d-
iteddun leɣna n nneɛma-s ur nesɛi tilas, s lehhu i yelha yid-neɣ di Lmasiḥ Yasuɛ. 8S
nneɛma i tettwasellkem s ttawil n liman; ayagi ur d-ikki ara sɣur-wen, meɛna d tukci n
Yillu; 9mačči s lefɛayel, iwakken yiwen ur ittzuxxu. 10Axaṭer nekni, d lxedma-s,
nettwaxleq-d di Lmasiḥ i lecɣal yelhan i d-ihegga Yillu si tazwara, iwakken ad ten-
nexdem.
Amṣaleḥ gar Iyahudiyen akked wat leǧnas di Lmasiḥ
11
Kenwi, yellan d At leǧnas di ṣṣura-nwen, i yettusemman wid ur neḍhir ara sɣur wid
yettusemman wid iḍehren di ṣṣura s ufus n umdan, 12mmektit-d belli di lweqt-nni tellam
mebla Lmasiḥ, ur tettekkim ara di Israyil, texḍam i lɛuhud n lweɛd, mebla asirem, mebla
Illu di ddunit. 13Meɛna tura di Lmasiḥ Yasuɛ, kenwi yellan zik tbeɛdem, tuɣalem tqerbem
s yidammen n Lmasiḥ.
14
Lmasiḥ, d lehna-nneɣ, netta yerran Iyahudiyen akked wat leǧnas d yiwen, yerna s
tfekka-s ihudd lḥiḍ n teɛdawit iferqen gar-asen; 15issefsex ccariɛa n lumur deg wayen
yeɛnan leɛwayed-is, iwakken seg Iyahudiyen akked wat leǧnas ad d-ixleq deg yiman-is
yiwen n umdan ajdid, s trusi i d-isers lehna, 16yerna ad ten-issemṣaleḥ i sin yid-sen deg
yiwet n tfekka nutni d Yillu s ṣṣalib, mi ihudd yis-s taɛdawit-nni. 17Yusa-d ibeccer lehna i
kenwi yellan tbeɛdem, lehna i wid yellan qerben; 18axaṭer ama d kenwi, ama d nekni, yis-s
i nezmer ad nekcem ɣer Ubabat s yiwen n Rruḥ. 19Tura ihi, ur tellim ara d iberraniyen neɣ
d iɣriben, meɛna d atmaten n yimqeddsen, d wat uxxam n Yillu. 20Tettwabnam ɣef lsas n
yimceggɛen akked lanbeyya, Yasuɛ Lmasiḥ, s timmad-is, d aẓru n teɣmert. 21Yis-s i
yeqɛed lebni yerna yuli iwakken ad yili d afakan di Ssid. 22Yis-s i tettwabnam ula d kenwi
iwakken ad tilim d tanezduɣt n Yillu s Rruḥ.
Lkalafa n Bulus
3Ɣef wayagi, nekk, Bulus, ameḥbus n Lmasiḥ ɣef ddemma-nwen, ay wat leǧnas, 2ma
yella dɣa teslam s nneɛma i yi-d-ifka Yillu i kenwi iwakken ad ixdem lmeqsud-is, 3s
ubeggen i yi-d-ittunefk sser-agi, akken i awen-t-in-uriɣ uqbel s kra n lehdur ; 4mi ara ten-
teɣrem, ad d-terrem s lexbar amek i fehmeɣ sser n Lmasiḥ. 5Ur d-ittubeggen ara i
yimdanen di leǧyal iɛeddan, akken i d-ittubeggen tura s Rruḥ i yimceggɛen-is imqeddsen
akked lanbeyya: 6At leǧnas, d icriken di lwert, d lemfaṣel n yiwet n tfekka, ttekkin deg
yiwen n lweɛd di Lmasiḥ Yasuɛ s Linǧil, 7iɣef uɣaleɣ d aqeddac, akken i tella tukci n
nneɛma n Yillu, i d-ittunefken s tezmert-is. 8I nekk yellan d aqell n yimqeddsen merra,
tettunefk-iyi-d nneɛma-agi ad beccreɣ i wat leǧnas leɣna lqayen n Lmasiḥ, 9yerna ad d-
sḍehreɣ ɣer tafat lmeɛna n sser yeffren si lebda deg Yillu i d-ixelqen kullec, 10i wakken, s
tmezdayt, sleṭnat akked tzemmar deg yigenwan ad issinent tura lekyasa n Yillu yesɛan
aṭas n ṣṣifat, 11akken yella leqsed n lebda i yexdem s Lmasiḥ Yasuɛ Ssid-nneɣ; 12yis i
nesɛa, s liman i numen yis-s, tilelli ad nqerreb s lettkal ɣer Yillu.
13
Ad ssutreɣ deg-wen ihi ur ken-ssefcalent ara lemḥayen i sɛeddayeɣ fell-awen: d
ccan-nwen. 14Ɣef wayagi, kerfeɣ tigecrar zdat Ubabat, 15iseg d-tewwi isem yal
tawacult yellan ama deg yigenwan, ama di lqaɛa, 16i wakken ad awen-d-ifk, akken
yella leɣna n lɛaḍima-s, ad tiǧhidem s tezmert n Rruh-is ɣer daxel-nwen, 17yerna ad izdeɣ
Lmasiḥ deg wulawen-nwen s liman, ad tilim tefkam iẓuran yerna treṣṣam di leḥmala, 18i
wakken ad tizmirem ad tfehmem, kenwi d yimqeddsen merra, tehri, teɣzi, leɛli akked
telqay, 19yerna ad tissinem leḥmala n Lmasiḥ i d-ikkan nnig kra yellan d tamusni, iwakken
ad teččarem s lekmal n Yillu.
20
I win i izemren, s tezmert ixeddmen deg-neɣ, ad ixdem akter n wayen i nessutur neɣ i
nettxemmim, 21i netta lɛaḍima, di tmezdayt akked Lmasiḥ Yasuɛ, i leǧyal merra, i lebda, i
dayem! Amin.
Tadukli di Lmasiḥ
4Nekk, yellan d ameḥbus di Ssid, ad ken-nhuɣ ihi ad telḥum, akken yuklal usiwel i d-
tettusawlem, 2s wannuz akked leḥnana, s ṣṣber, ad tettemyawim gar-awen s leḥmala.
3
Wtet amek ara tḥerzem tadukli n Rruḥ s lehna i ken-icudden gar-awen. 4Yiwet n tfekka
kan i yellan, yiwen n Rruḥ kan i yellan, akken daɣen i d-tettusawlem ɣer yiwen kan n
usirem. 5Yiwen kan n Ssid i yellan, yiwen kan n liman, yiwen kan n uɣḍaṣ, 6yiwen kan n
Yillu, Ababat n yirkwell, win yellan sennig n kullec, yellan di yal amkan, yellan deg-neɣ
merra. 7Meɛna i yal yiwen deg-neɣ, tettunefk-as-d nneɛma akken yella lkil n tukci n
Lmasiḥ. 8Ɣef wayagi, yura: "Mi yuli ɣer yigenwan, yewwi imerhan; ifka tukciwin i
yimdanen."
9
D acu i d lmeɛna-s: "yuli ɣer yigenni", ma mačči d aṣubbu i iṣubb daɣen ɣer ddaw tmurt?
10
D win i iṣubben i yulin nnig yigenwan, iwakken ad iččar kullec; 11d netta i d-ifkan, kra d
imceggɛen, kra d lanbeyya, kra d ibciren, kra d imeksawen yerna d iselmaden, 12i wakken
ad heggin imqeddsen i leqdic ara xedmen i lebni n tfekka n Lmasiḥ, 13alamma newweḍ
merra ɣer tdukli n liman akked tmusni n Mmi-s n Yillu, ɣer liḥala n umdan ikemlen, ɣer
lqis n Lmasiḥ di lekmal-is. 14Swakka, ur nettɣimi ara d arrac i tthuzzun yerna ttawin
leryaḥ n uselmed, s tḥila n yimdanen, s teḥraymit i ssexdamen iwakken ad aɣ-awin di
leɣlaḍ. 15Meɛna mi ara nettberriḥ tidet di leḥmala, ad negmu di kullec ɣer win yellan d
aqerru, Lmasiḥ. 16Yis, tafekka merra, i iṣeggmen yerna teqɛed s lexyuḍ n yided i tt-iṭṭfen,
akken yella ccɣel yettunefken i yal yiwen, tgemmu iwakken ad tebnu iman-is di leḥmala.
17
Atan ihi d acu ara d-iniɣ yerna ad t-id-wekkdeɣ di Ssid: ur ttuɣalet ara ad telḥum am
leǧnas ileḥḥun s yixemmimen-nsen ur nemɛin. 18Lefhama-nsen teṭṭullem, xḍan i tudert n
Yillu, si lqella n tmusni yellan deg-sen, si taɣert n wul-nsen. 19Uɣalen ur ttsetḥin ara,
sellmen iman-nsen i lɛar, iwakken ad xedmen kra yellan d tacmat mebla aḥkim.
20
Meɛna kenwi, mačči akka i tessnem Lmasiḥ, 21ma yella dɣa tḥessem-as yerna
tlemdem sɣur-s deg wayen yeɛnan tidet di Yasuɛ, 22ad tekksem akkin fell-awen ṭṭbiɛa-
nni taqdimt swayes i tellam tleḥḥum, tin akken ifesden s ccehwat yettɣurrun, 23i wakken
ad tjedded lefhama-nwen s Rruḥ, 24ad telsem ṭṭbiɛa tajdidt i d-ittwaxelqen ɣef ṣṣifat n
Yillu di lḥeqq akked leqdasa n tidet.
25
Ɣef wayagi, xḍut i lekdeb, yal yiwen deg-wen ad iqqar ṣṣeḥḥ i lɣir-is, axaṭer d
lemfaṣel i nella gar-aneɣ. 26"Zeɛfet, meɛna ur dennbet ara." Ur ttaǧǧat ara iṭij ad iɣli,
kenwi mazal-iken tzeɛfem. 27Ur ttaǧǧat ara abrid i Cciṭan. 28Win yettakren, ad ixḍu i
tukerḍa; axir ad iɛteb s yiɣallen-is deg wayen yelhan, iwakken ad iɛiwen win yeḥwaǧen.
29
Ur d-iteffeɣ ara wawal amerku seg yimi-nwen, meɛna init-d awal iṣelḥen swayes ara
trefdem wiyaḍ di lweqt ilaqen, iwakken ad yili d lbaraka i wid ara as-islen. 30Ur sseḥzanet
ara Rruḥ Iqedsen n Yillu, swayes i tettwaḍebɛem i wass n lefdi. 31Kkset si gar-awen kra
yellan d lemrar, d zzɛaf, d urrif, d leɛyaḍ, d rregmat, akked wayen akk n diri. 32Ilit telham
yerna ḥninit gar-awen, ttemsamaḥet gar-awen akken i awen-isemmeḥ Yillu di Lmasiḥ.
Tikli n umasiḥi
5Ɛandet Illu, kenwi yellan d arraw-is ɛzizen, 2lḥut di leḥmala, akken i aɣ-iḥemmel Lmasiḥ
yerna yefka iman-is fell-aɣ d lweɛda, d asfel i Yillu, rriḥa-s telha. 3Lɛar, kra yellan d
nnǧasa neɣ d ṭṭmeɛ, ur d-ttwabdaren ara gar-awen, akken ilaq i yimqeddsen. 4Ur d-ttilin
ara gar-awen lehdur iqebḥen, neɣ lehdur ur nemɛin, neɣ nnecraḥa ur nesɛi sser, d ayen ur
nlaq ara, meɛna d leḥmadi ilaqen; 5axaṭer ayagi teẓram-t, teḥṣam belli la aqeḥbi, la
amengus, la aṭemmaɛ, yeɛni win yettɛebbiden lmeṣnuɛat, ur iseɛɛu lwert di tgelda n
Lmasiḥ akked Yillu.
6
Ur ttaǧǧat yiwen ad ken-iɣurr s lehdur ur nesɛi lmeɛna; axaṭer ɣef wayagi ara d-iɣli
wurrif n Yillu ɣef dderya tamɛaṣit. 7Ur ttekkit ara yid-sen. 8Zik, tellam d ṭṭlam; tura, aql-
iken d tafat di Ssid. Lḥut akken i ilaq ad lḥun warraw n tafat; 9axaṭer lfakya n tafat, d
lehhu, d lḥeqq, d tidet. 10Muqlet ayen yetteɛǧaben Ssid; 11ur ttekkit ara di lecɣal n ṭṭlam ur
nesɛi lfayda, meɛna kerhet-ten. 12Axaṭer d lɛib ad d-nini ayen i xeddmen s tuffra; 13meɛna
ayen yettwabeɣḍen ittban-d s tafat, axaṭer ayen akk ibanen d tafat. 14Ɣef wayagi i d-
yenna:
"Aki-d, a kečč yeṭṭṣen, kker-d si gar lmeggtin, lmasiḥ ad d-icceɛceɛ fell-ak."
15
Muqlet mliḥ amek i tleḥḥum; ur ttilit ara d imehbal, meɛna d ukyisen. 16Farṣet lweqt,
axaṭer ussan diri-ten. 17Ɣef wayagi, ur ttilit ara d-ibhimen, meɛna issinet d acu i d lebɣi n
Ssid. 18Ur ttsekkiret ara s ccrab: d lefsad; meɛna ilit teččurem d Rruḥ. 19Ttemseǧhadet
gar-awen s yihellilen, leḥmadi akked ccnawi n Rruḥ, cnut, ḥemdet Ssid seg wul-wen.
20
Qqaret-as dayem tanemmirt i Yillu Ababat ɣef kullec, s yisem n Ssid-nneɣ Lmasiḥ.
21
Ttemḍuɛut gar-awen di tuggdi n Lmasiḥ.
Argaz akked tmeṭṭut di zzwaǧ
22
A tilawin, yal yiwet ad tḍuɛ argaz-is akken ara tḍuɛ Ssid, 23axaṭer argaz d aqerru n
tmeṭṭut, akken yella Lmasiḥ d aqerru n tmezdayt yellan d tafekka-s yerna d amsellek-is.
24
Akken i tettḍuɛu tmezdayt Lmasiḥ, tilawin daɣen ad ḍuɛent irgazen-nsent di kullec. 25Ay
irgazen, yal yiwen ad iḥemmel tameṭṭut-is, akken i iḥemmel Lmasiḥ tamezdayt, yerna
yefka iman-is fell-as, 26i wakken ad tt-iqeddes yerna ad tt-issizdeg s tarda ara tt-issired deg
waman, deg wawal, 27i wakken ad iqeddem i yiman-is tamezdayt-agi tesɛa ccan, mebla
ccwami, mebla akmac, neɣ ayen-nniḍen yecban aya, iwakken ad tili d timqeddest, mebla
llum. 28Akka i ilaq ad iḥemmel urgaz tameṭṭut-is am tfekka-s. Win iḥemmlen tameṭṭut-is
iḥemmel iman-is. 29Muḥal ikreh yiwen tafekka-s, meɛna ittɛeggic-itt, ittḥadar-itt, akken i
t-ixeddem Lmasiḥ i tmezdayt, 30axaṭer nekni, d lemfaṣel n tfekka-s. 31"Ɣef wayagi, argaz
ad yegg baba-s d yemma-s, ad ilseq ɣer tmeṭṭut-is, dɣa ad uɣalen di sin d yiwet n tfekka."
32
Sser-agi meqqer; nniɣ-t-id ɣef Lmasiḥ akked tmezdayt. 33Ihi, yal yiwen deg-wen ad
iḥemmel akka tameṭṭut-is am yiman-is, tameṭṭut ad tqader argaz-is.
Imawlan akked warraw-nsen
6A dderya, ttaɣet awal i yimawlan-nwen di Ssid, axaṭer ayagi d ṣṣwab. 2"Ɛuzz baba-k
d yemma-k", d lamer amezwaru i d-itbeɛ lweɛd: 3"i wakken ad tiliḍ di sseɛd, yerna ad
yiɣzif leɛmer-ik di ddunit." 4Kenwi, ay ibabaten, ur sserfuyet ara arraw-nwen, meɛna
sekret-ten-id s ttrebga akked leqraya n Ssid.
Aklan akked ssyadi-nsen
5
Ay aklan, ttaɣet awal i ssyadi n ddunit-agi, s lxuf akked tergigit, s nneyya n wul, akken
ara taɣem awal i Lmasiḥ, 6mačči kan zdat wallen-nsen, iwakken ad tɛeǧbem i yimdanen,
meɛna imi i tellam d aklan n Lmasiḥ i ixeddmen lebɣi n Yillu seg wul. 7Qedcet fell-asen s
lferḥ am wakken d Lmasiḥ iɣef tqeddcem, mačči ɣef yimdanen. 8Teẓram belli win
ixedmen ayen yelhan, d akli neɣ d aḥerri, ad as-d-yuɣal sɣur Ssid. 9Kenwi, a ssyadi,
xedmet-asen akken ula d kenwi; tixxret ur ttgallat ara deg-sen, imi i teẓram belli Ssid-nsen
yellan daɣen d Ssid-nwen atan deg yigenwan, yerna ulac ɣur-s maḥyaf.
Leslaḥ n umasiḥi
10
Ma d ayen-nniḍen, sǧehdet iman-nwen di Ssid, di lǧehd n tezmert-is.11Lset leslaḥ
merra n Yillu, iwakken ad tizmirem ad teṭṭfem zdat tḥila n Cciṭan; 12axaṭer a-nneɣ mačči
d tecriḥt akked yidammen, meɛna akked sleṭnat, akked tizemmar, akked sslaṭen n ddunit
n ṭṭlam, akked lerwaḥ imcumen yellan deg yigenwan. 13Ɣef wayagi, refdet leslaḥ merra n
Yillu, iwakken ad tizmirem ad teṭṭfem deg wass iweɛren, yerna ad tilim tbeddem mbaɛd
mi tṣebrem i kullec. 14Beddet ihi! Begset tidet ɣef wammas-nwen; lset tadmert n wuzzal n
lḥeqq; 15Lset deg yiḍarren-nwen lḥir i ubeccer n Linǧil n lehna; 16nnig n wayagi merra,
refdet taseddarit n liman, swayes ara tizmirem ad tessexsim tiḥerbunin iceɛlen n umcum;
17
ddmet tacacit n wuzzal n leslak akked ujenwi n Rruḥ, yellan d awal n Yillu.
18
Di yal lweqt, dɛut s Rruḥ di tẓallit akked ttḥalil, ɛasset tḥadrem ɣef wayagi, ɛennit ɣef
yimqeddsen merra. 19Ɛennit daɣen fell-i, iwakken ad iyi-d-ittunefk, mi ara ldiɣ imi-w, ad
beccreɣ mebla tuggdi sser n Linǧil, 20iɣef lliɣ d lemqeddem di ssnasel, iwakken daɣen ad
izmireɣ ad hedreɣ fell-as s ṭṭmana, akken i ilaq ad hedreɣ.
21
I wakken ad teẓrem ula d kenwi ayen i yi-iɛnan, d acu i xeddmeɣ, Tixikus, gma-tneɣ
ameɛzuz, aqeddac unṣiḥ di Ssid, ad ken-isseɛlem s kullec. 22Ɣef wayagi ara awen-t-in-
ceggɛeɣ, iwakken ad tissinem liḥala-nneɣ, yerna ad iṣebber ulawen-nwen.
23
Lehna, leḥmala akked liman ad d-ttunefken i watmaten sɣur Yillu Ababat akked Ssid
Yasuɛ Lmasiḥ. 24Nneɛma ad tili d wid merra iḥemmlen Ssid-nneɣ Yasuɛ Lmasiḥ s
leḥmala ur nḥeffu.
TABRAT I YIFILIBIYEN
Sslam
1Sɣur Bulus akked Timutawus, iqeddacen n Lmasiḥ Yasuɛ, i yimqeddsen merra di
Lmasiḥ Yasuɛ yettilin di Filibus, i yiɛessasen akked yimɛawnen. 2Nneɛma akked lehna ad
awen-d-ttunefkent sɣur Yillu, Baba-tneɣ, akked Ssid Yasuɛ Lmasiḥ.
Bulus icekker Ifilibiyen
3
Qqareɣ-as tanemmirt i Yillu-yiw mkul mi ara ken-id-mmektiɣ. 4Mkul mi ara ẓẓalleɣ fell-
awen, ferrḥeɣ, 5imi i tettekkim deg ubeccer, seg wass amezwaru armi d tura. 6Umneɣ s
wayagi: win yebdan deg-wen ccɣel-agi yelhan, ad t-ikemmel alamma d ass n Lmasiḥ
Yasuɛ. 7D lḥeqq fell-i imi i ttxemmimeɣ ayagi fell-awen merra, axaṭer ttawiɣ-ken deg
wul-iw, ama di leqyud-iw, ama deg udafeɛ ɣef Linǧil akked ureṣṣi-s, kenwi yettekkin
merra di nneɛma i yi-d-ittunefken. 8Illu yella-yi d inigi: ḥemmleɣ-ken merra s leḥmala n
Lmasiḥ Yasuɛ. 9Atan d acu i ssutureɣ di tẓallit-iw: ul-nwen ad ittfeggiḍ irennu d tamusni
akked kra yellan d lefhama, 10swayes ara tferzem ayen igerrzen, iwakken ad tilim teṣfam
yerna mebla llum i wass n Lmasiḥ, 11teččurem d lfakya n lḥeqq s Lmasiḥ Yasuɛ, i lɛaḍima
akked lḥemd n Yillu.
Liman akked leɛtab
12
Ay atmaten, bɣiɣ ad teẓrem belli ayen i yi-d-iḍran iɛawen deg unfufed n Linǧil. 13Ama
di lberǧ n lḥakem, ama anda-nniḍen, yiwen ur iqqim ur iẓri ara belli ɣef Lmasiḥ i
ttwarzeɣ. 14Aṭas n watmaten di Ssid, i sǧehden leqyud-iw, uɣalen ur ttkukrun ara ad
beccren awal n Yillu mebla tuggdi. 15D ṣṣeḥḥ, llan kra ttbecciren Lmasiḥ s tismin akked
lemxaṣma; wiyaḍ ttbecciren-t seg wul yeṣfan. 16Wigi xeddmen ayagi s leḥmala, ẓran belli
aql-i dagi iwakken ad dafɛeɣ ɣef Linǧil. 17Ma d wiyaḍ, s lemxaṣma i ttbecciren Lmasiḥ.
Ul-nsen ur iṣfi ara; lmeqsud-nsen ad rnun i leɛtab n leqyud-agi. 18Ur iyi-tewqiɛ ara! Akken
yebɣu yili, s tḥila neɣ s nneyya, Lmasiḥ ittwabeccer: ferḥeɣ yerna mazal ad ferḥeɣ. 19Ẓriɣ
belli ayagi merra ad iyi-issufeɣ ɣer leslak, s tẓallit-nwen akked lemɛawna n Rruḥ n Yasuɛ
Lmasiḥ. 20Mi ara waliɣ ayen i ttraǧuɣ s ccuq d wayen i ssarameɣ, ulac d acu ara setḥiɣ,
meɛna am wass-a am uzekka, Lmasiḥ ad ittwaɛuzz di tfekka-w s ṭṭmana tameqqrant, ama
s tudert-iw, ama s lmut-iw. 21Ɣur-i, tudert, d Lmasiḥ, lmut, d rrbeḥ. 22Meɛna ma yenfeɛ i
leqdic-iw ad idireɣ di tfekka, ur ẓriɣ ara d acu ara xtireɣ? 23Ḥeṣleɣ gar sin-agi: bɣiɣ ad
ruḥeɣ iwakken ad iliɣ akked Lmasiḥ, d ayen igerrzen akk; 24Meɛna ɣef ddemma-nwen,
ilzem fell-i ad qqimeɣ di tfekka-agi. 25Tḥeqqeɣ deg wayagi: ẓriɣ belli mazal-iyi ad
qqimeɣ yid-wen iwakken ad ken-ɛiwneɣ ad tennernim yerna ad tferḥem di liman, 26i
wakken, s tuɣalin ara n-uɣaleɣ ɣur-wen, ad awen-iliɣ d ssebba swayes ara tzuxxem akter
s Lmasiḥ Yasuɛ.
27
Acu kan, lḥut akken yuklal Linǧil n Lmasiḥ, iwakken, ama ruḥeɣ-n ad ken-ẓreɣ, ama
qqimeɣ, ad sleɣ fell-awen belli teṭṭfem deg yiwen n Rruḥ, tedduklem deg umennuɣ, s
yiwen n wul, di liman s Linǧil. 28Ur ken-ssexlaɛen ara yixṣimen: d ayen ara asen-yilin d
ttbut n nnger i nutni, d leslak i kenwi. 29Ayagi sɣur Yillu i d-ikka, axaṭer, ɣef Lmasiḥ,
ittunefk-awen-d, mačči kan ad tamnem yis-s, meɛna ad tɛetbem daɣen, 30s u i tettnaɣem,
akken i twalam nnuɣeɣ, yerna mazal ttnaɣeɣ tura, akken i t-teslam.
Annuz n Lmasiḥ
2Ma yella kra n ṣṣber di Lmasiḥ, kra n useǧhed di leḥmala, kra n lemxalṭa di Rruḥ, kra n
leḥnana akked rreḥma, 2kemmlet i lferḥ-iw; sɛut yiwen n ṛṛay, yiwet n leḥmala, yiwen n
wul, yiwen n uxemmem. 3Ur xeddmet acemma s umḥizwer, neɣ s zzux ur nemɛin,
meɛna anzet, ḥesbet wiyaḍ nnig-nwen. 4Yal yiwen ur ittmuqul ara ayen yellan d ayla-s,
meɛna ad imuqel nnfeɛ n wiyaḍ. 5Myelḥut gar-awen akken yelḥa daɣen Lmasiḥ Yasuɛ:
6
netta yellan ɣef ṣṣifa n Yillu, ur iḥsib ara aɛdal i yeɛdel d Yillu, d ayen ideg ara yeṭṭef.
7
Meɛna yexla iman-is, yuɣal-d ɣef ṣṣifa n wakli, yuɣal icba imdanen, di ṣṣura-s iban-d d
amdan; 8issanez iman-is, yuɣ awal armi d lmut, lmut n ṣṣalib. 9Ɣef wayagi, Illu yessaɛli-
t mliḥ yerna inɛem-it s yisem i d-ikkan sennig yismawen merra, 10i wakken s yisem n
Yasuɛ, yal tagecrirt ad tekref, deg yigenwan, di lqaɛa, ddaw tmurt, 11i wakken yal iles ad
d-icehhed belli Yasuɛ Lmasiḥ, d Ssid, i lɛaḍima n Yillu Ababat.
Tiɣin n wawal
12
Swakka, ay imaɛzuzen-iw, akken i tezgam tettaɣem awal, mačči kan zdat-i, meɛna ula
tura, mi akka i ɣabeɣ fell-awen, beggnet-d lfakya n leslak-nwen s lxuf akked tergigit.
13
Axaṭer d Illu i d-ixellqen deg-wen lebɣi akked tezmert iwakken ad txedmem ayen
yelhan. 14Xeddmet kullec mebla asgermed neɣ amqelleɛ, 15i wakken ad tilim mebla
llum, teṣfam, d arraw n Yillu, ulac d acu ara awen-d-ssukksen di tlemmast n lǧil
iɛewjen, ifesden, anda i tettfeǧǧiǧem am teftilin di ddunit. 16Ṭṭfet deg wawal n tudert
alamma d ass n Lmasiḥ; swakka, ad zuxxeɣ yis-wen imi ur uzzileɣ baṭel ur ɛtibeɣ baṭel.
17
Ɣas yewwi-d lḥal ad mmireɣ d lweɛda n ccrab i usfel, ɣef ddemma n liman-nwen,
ferḥeɣ s wayagi yerna ferḥeɣ yid-wen merra. 18Ferḥet ula d kenwi, ferḥet yid-i.
Timutawus akked Ibafruditus
19
Ssarameɣ di Ssid Yasuɛ ur ttɛeṭṭileɣ ara ad awen-ceggɛeɣ Timutawus iwakken ad
ferḥeɣ ula d nekk s wayen ara sleɣ fell-awen. 20Ur sɛiɣ yiwen i yettḥebbiren yid-i,
ittneẓma seg wul fell-awen. 21Ttnadin merra ɣef nnfeɛ-nsen, mačči ɣef Yasuɛ Lmasiḥ.
22
Tessnem tikli-s: iqdec yid-i ɣef Linǧil, am uqcic netta d baba-s. 23Mi walaɣ s anda ara
teffeɣ liḥala-w, ssarameɣ ad awen-t-in-ceggɛeɣ imiren kan. 24Tḥeqqeɣ di Ssid belli ula d
nekk qrib ad n-aseɣ.
25
Walaɣ belli ilaq ad awen-n-ceggɛeɣ gma-tneɣ Ibafruditus, arfiq-iw di leqdic akked u,
win akken i yi-d-tceggɛem yewwi-yi-d ayen i ḥwaǧeɣ. 26Icedha-ken merra yerna
yetɣebben imi i teslam yis-s yuḍen. 27D ṣṣeḥḥ, yuḍen yerna yewweḍ lmut, meɛna Illu
iḥunn fell-as, mačči fell-as kan, meɛna ula fell-i, iwakken ur d-irennu ara leḥzen ɣef
leḥzen. 28Aql-i ɣawleɣ ihi, ceggɛeɣ-awen-t-in, iwakken ad tferḥem mi ara t-twalim i
tikkelt-nniḍen, yerna ad innefsusi leɣben-iw. 29Sterḥbet yis-s di Ssid s lferḥ ameqqran,
ɛuzzet timital-agi, 30axaṭer ɣef ddemma n leqdic ɣef Lmasiḥ iwweḍ lmut, mi imekken
tudert-is iwakken ad ixdem deg umkan-nwen ayen akken i ilaq ad iyi-t-txedmem kenwi.
D Yasuɛ Lmasiḥ i d ṣṣeḥḥ

3Ɣer taggara, ay atmaten, ferḥet s Ssid. Ma uriɣ-awen ayagi daɣen, mačči d leɛtab fell-i,
meɛna d ṭṭmana i kenwi. 2Ḥadret iman-nwen seg yiqjan, ḥadret iman-nwen si yir
ixeddamen, ḥadret iman-nwen seg wid iḍehren s lekdeb. 3D nekni i iḍehren, nekni i
yettɛebbiden Illu s Rruḥ, nettzuxxu s Lmasiḥ Yasuɛ, ur nettkalay ara ɣef yiman-nneɣ. 4Ula
d nekk zemreɣ ad ttekleɣ ɣef yiman-iw. Ma yella win i iɣilen belli yezmer ad ittkel ɣef
yiman-is, nekk akter: 5ḍehreɣ ass wis tmanya, si ccetla n Israyil, si lɛerc n Binyamin, d
Aɛibrani, mmi-s n Iɛebraniyen; deg wayen yeɛnan ccariɛa, d Afarisi; 6deg wayen yeɛnan
leḥrara, ttqehhireɣ tamezdayt; deg wayen yeɛnan lḥeqq n ccariɛa, tḥeqqeɣ belli ulac fell-i
llum. 7Meɛna, ayen akken yellan ɣur-i d rrbeḥ, ḥesbeɣ-t d lexṣara ɣef ddemma n Lmasiḥ.
8
Akter n wayagi, ḥesbeɣ kullec d lexṣara mi ara muqleɣ ɣer rrbeḥ-agi i ten-yifen akk:
tamusni n Lmasiḥ Yasuɛ, Sidi-w iɣef ḥerrmeɣ iman-iw si kullec; ḥesbeɣ ayagi akk d
iḍumman iwakken ad rebḥeɣ Lmasiḥ, 9yerna ad d-afeɣ iman-iw ɣur-s, mačči s lḥeqq-iw,
win akken i d-itekken si ccariɛa, meɛna s uzekki i d-itekken si liman di Lmasiḥ, azekki-
nni i d-itekken sɣur Yillu, s liman. 10Ayagi iwakken ad t-issineɣ netta, ad issineɣ tazmert n
ḥeggu-s, yerna ad ttekkiɣ di leɛtab-is, s ucabi ara cabiɣ ɣur-s di lmut-is, 11i wakken, ma
yella wamek, ad awḍeɣ ɣer ḥeggu si gar lmeggtin. 12Mačči wwḍeɣ yakan, neɣ leḥqeɣ
yakan, meɛna ttazzaleɣ iwakken ad wteɣ amek ara d-ṭṭfeɣ, axaṭer ula d nekk, iṭṭef-iyi
Lmasiḥ Yasuɛ. 13Ay atmaten, ur ḥsibeɣ ara iman-iw wwḍeɣ; meɛna yiwet n lḥaǧa kan i yi-
iceɣben: tettuɣ ayen iɛeddan, ttmuquleɣ s ayen yellan ɣer zdat. 14Ttazzaleɣ ɣer lmeqsud,
ɣef cciɛa iɣer aɣ-d-isawel seg usawen Yillu di Lmasiḥ Yasuɛ. 15Ihi, nekni akk yessawḍen,
nleḥḥu akka; kenwi, ma tleḥḥum akken-nniḍen, Illu ad ken-id-issefhem ula deg wayagi.
16
Si leɛḍil, di tegnit-agi iɣer d-newweḍ, ad neddu deg yiwen n ubrid.
17
Ay atmaten, ɛandet-iyi, ttmuqulet ɣer wid iteddun akken yella lemtel i d-nefka nekni.
18
Axaṭer aṭas i yettɛicin d iɛdawen n ṣṣalib n Lmasiḥ; nniɣ-awen-t-id acḥal d abrid,
yerna ad t-id-ɛiwdeɣ tura s yimeṭṭawen. 19Taggara-nsen, d nnger; illu-nsen, d aɛebbuḍ-
nsen, ttzuxxun s wayen i ilaq ad nneḥcamen, nutni i yettxemmimen kan ɣef cci n ddunit.
20
Nekni, tamurt-nneɣ attan deg yigenwan: nettraǧu ad d-yas ssyenna Umsellek-nneɣ,
Ssid Yasuɛ Lmasiḥ. 21Ad ibeddel tfekka-nneɣ tameḥqurt, ad tt-yerr am tfekka-s
yeččuren d lɛaḍima, s lǧehd swayes yezmer ad d-yerr kullec ddaw leḥkem-is.
4Akka ihi, ay atmaten-iw ɛzizen i cedhaɣ, kenwi yellan d lferḥ-iw, d taɛeṣṣabt-iw, ṭṭfet
di Ssid, ay imaɛzuzen.
2
Ad nhuɣ Iwudya, ad nhuɣ Sintixya, ad msefhament di Ssid. 3Ula d kečč, ay arfiq n
ṣṣeḥḥ, ad ssutreɣ deg-k ad tent-tɛiwneḍ, axaṭer ḥurbent yid-i ɣef Linǧil nutenti d
Klimantus akked yirfiqen-iw-nniḍen di leqdic, iwumi i uran yismawen-nsen deg udlis n
tudert. 4Ferḥet dayem di Ssid; ad awen-t-id-ɛiwdeɣ: Ferḥet! 5Leḥnana-nwen, ad slen yis-
s medden merra! Ssid iqerb-d! 6Ur ttḥebbiret ɣef wacemma, meɛna di kullec, ssutret
lmeḥwiǧat-nwen i Yillu, s tẓallit d ttḥalil akked tririt n tejmilt. 7Lehna n Yillu, i d-ikkan
nnig kra yellan d lefhama, ad teḥrez ulawen-nwen akked yixemmimen-nwen di Lmasiḥ
Yasuɛ.
8
Ɣer taggara, ay atmaten, ayen akk yellan d ṣṣeḥḥ, ayen akk yellan d lḥerma, ayen akk
yella d lḥeqq, ayen akk yellan d ṣṣfa, ayen akk yuklalen leḥmala, ayen akk yesseɛǧaben,
ayen yellan d ḍrafa, ayen yellan d ccekran, ad yili d ixemmimen-nwen. 9Ayen daɣen i
tlemdem, i tqeblem, i teslam sɣur-i, d wayen i twalam ɣur-i, xedmet-t. Illu n lehna ad
yili yid-wen.
10
Ferḥeɣ aṭas di Ssid imi i d-iggugeg yakan wul-nwen fell-i i tikkelt-nniḍen; ayagi,
txemmem fell-as, d taswiɛt kan ur awen-d-nettunefk ara. 11Ur d-nniɣ ara ayagi imi i
ḥwaǧeɣ, axaṭer ḥefḍeɣ ad setqenɛeɣ s liḥala ideg lliɣ. 12Ssneɣ ad ɛiceɣ di lqella, ssneɣ
daɣen ad ɛiceɣ di tawant. Di kullec, di yal taswiɛt, ḥefḍeɣ ad setqenɛeɣ, ama ṛwiɣ, ama
lluẓeɣ, ama sɛiɣ, ama xuṣṣeɣ. 13Zemreɣ i kullec s win i yi-isseǧhaden. 14Meɛna,
txedmem lemliḥ imi i yi-tcurkem di leɛtab-iw. 15D ayen i teẓram, ay Ifilibiyen, asmi i
bdiɣ ttbeccireɣ Linǧil, mi d-ruḥeɣ si Makdunya, ula d yiwet n tmezdayt ur yi-tɛawen
deg wayen yeɛnan lmeṣruf akked lmedxul, siwa kenwi. 16Di Tisaluniki yakan, yiwet n
tikkelt neɣ snat, tnubem-d i lmeḥwiǧat-iw. 17Ala, mačči ɣef lweɛda i ttnadiɣ, meɛna
ttnadiɣ lfakya swayes ara testenfɛem aṭas. 18Iwweḍ-iyi-d kullec, ifaḍ fell-i lxir; ṛwiɣ s
wayen i yi-d-yewwi Ibafruditus sɣur-wen, d leɛṭer yesɛan rriḥa yelhan, d asfel i yeqbel
Yillu, iɛǧeb-as. 19Illu-yiw ad d-inub i lmeḥwiǧat-nwen merra, akken yella leɣna-s di
lɛaḍima n Lmasiḥ Yasuɛ. 20Lɛaḍima i Yillu, Baba-tneɣ, si lǧil ɣer lǧil. Amin!
Sslam
21
Sellmet ɣef yal imqeddes di Lmasiḥ Yasuɛ. Atmaten yellan yid-i ttsellimen fell-awen.
22
Imqeddsen merra ttsellimen fell-awen, ladɣa wid n uxxam n Qayṣer. 23Nneɛma n Ssid
Yasuɛ Lmasiḥ ad tili d rruḥ-nwen.
TABRAT I YIKULUSIYEN
Sslam
1Bulus, amceggeɛ n Lmasiḥ Yasuɛ s lebɣi n Yillu, akked gma-tneɣ Timutawus,
2
iwatmaten imqeddsen, unṣiḥen di Lmasiḥ, yellan di Kulusi. Nneɛma fell-awen akked
lehna sɣur Yillu Baba-tneɣ.
Tiẓilla n Bulus ɣef tmezdayt n Kulusi
3
Neqqar-as tanemmirt i Yillu, Baba-s n Ssid-nneɣ Yasuɛ Lmasiḥ, yerna nezga nettẓalla
fell-awen, 4axaṭer nesla s liman-nwen di Lmasiḥ Yasuɛ akked leḥmala i tḥemmlem
imqeddsen merra, 5ɣef ddemma n usirem i awen-ittuheggan deg yigenwan, win akken i
teslam uqbel deg wawal n tidet n Linǧil. 6Linǧil-agi ilḥeq-n armi d ɣur-wen, akken i
yelḥeq daɣen ɣer ddunit merra; ittak-d lfakya yerna igemmu, akken i igemmu ɣur-wen,
seg wasmi i teslam yerna tessnem nneɛma n Yillu di tidet, 7akken i t-tlemdem sɣur
Abafras, arfiq-nneɣ aɛziz n leqdic, i yellan d aqeddac unṣiḥ n Lmasiḥ ɣef ddemma-nwen.
8
Ixebber-aɣ-d daɣen ɣef leḥmala-nwen di Rruḥ.
9
Ɣef wayagi, ula d nekni, seg wasmi i nesla, ur neḥbis taẓallit fell-awen, nessutur ad
teččarem d tamusni n lebɣi-s syal lekyasa akked lefhama n Rruḥ, 10i wakken ad tleḥḥum
akken yuklal Ssid, ad tettnadim amek ara t-tettraḍim di kullec, ad d-tettakem lfakya n
lefɛayel yelhan, yerna ad tgemmum di tmusni nYillu, 11a ken-isseǧhed s tezmert-is
tameqqrant, iwakken ad tettawim i kullec s ṣṣber akked lferḥ. 12Qqaret-as tanemmirt i
Ubabat i ken-irran tzemrem ad tettekkim di lwert n yimqeddsen di tafat; 13Ikkes-aɣ-d si
tezmert nṭṭlam, irra-yaɣ-d ɣer tgelda n Mmi-s ɛzizen, 14swayes i nesɛa lefdi, leɛfu n
ddnubat-nneɣ, 15i yellan d tteswira n Yillu ur nettwali ara, d amenzu n txelqit merra. 16Yis-
s i d-ittwaxleq kullec, ama deg yigenwan, ama di lqaɛa, ayen i nettwali d wayen ur
nettwali ara: tigeldiwin, ssyadat, ssleṭnat akked tzemmar. Kullec ittwaxleq-d yis-s, kullec
ittwaxleq-d i netta. 17Illa uqbel kullec, yerna kullec illa-d yis-s. 18D netta i d aqerru n
tmezdayt yellan d tafekka-s; d netta i d tazwara, i d amenzu i d-iḥyan si gar lmeggtin,
iwakken ad yili d amezwaru di kullec, 19axaṭer ihwa-yas i lekmal merra ad izdeɣ deg-s,
20
yerna yis-s ad issemṣaleḥ kullec d yiman-is, ama d ayen yellan di lqaɛa, ama d ayen
yellan deg yigenwan, strusi i d-isers yis-s lehna, s yidammen n ṣṣalib-is. 21Kenwi yellan
zik d iberraniyen yerna d iɛdawen s yixemmimen-nwen, s lexdayem-nwen imcumen,
22
tura issemṣaleḥ-iken di tfekka-s n uksum, s lmut-is, iwakken ad ken-isbedd zdat-s, d
imqeddsen, mebla lɛib, mebla llum, 23ma yella dɣa teṭṭfem di liman, treṣṣam yerna
tqeɛdem, ur teffiɣem ara i usirem n Linǧil i teslam, i yettubeccren i yal taxelqit yellan
ddaw igenni, iɣef uɣaleɣ nekk, Bulus, d aqeddac.
Leɛtab n Bulus ɣef tmezdayt
24
Tura ferḥeɣ s leɛtab i ttneɛtabeɣ fell-awen, axaṭer s leɛtab i ttneɛtabeɣ di tfekka-w,
ttkemmileɣ leɛtab n Lmasiḥ, ɣef ddemma n tfekka-s, yellan d tamezdayt, 25iɣef uɣaleɣ d
aqeddac, akken i tella lkalafa i yi-d-ifka Yillu i kenwi, iwakken ad beccreɣ awal n Yillu s
lekmal-is, 26sser yeffren si zik, d leqrun aya, meɛna i d-ittubeggnen tura iyemqeddsen-is,
27
i wid iwumi yehwa i Yillu ad asen-d-issken leɣna n ccan n sser-agi gar leǧnas: Lmasiḥ
deg-wen, asirem n lɛaḍima. 28D netta inettbeccir, nnehhu yal amdan, nesselmad yal
amdan, skra yellan d lekyasa, iwakken ad nqeddem i Yillu yal amdan ikmel di Lmasiḥ.
29
Ɣef wannect-agi i ttneɛtabeɣ, i ttnaɣeɣ s tezmert-is i la ixeddmen s lǧehd deg-i.
Lmasiḥ, d agerruj n lekyasa akked tmusni
2Bɣiɣ ad teẓrem acḥal meqqer u i ttnaɣeɣ fell-awen, ɣef wid n Lawdikya akked wid
merra ur nwala ara udem-iw, 2i wakken ad theddnen wulawen-nsen, ad dduklen
sleḥmala, yerna ad ččaren d lefhama iwakken ad issinen sser n Yillu, yeɛni Lmasiḥ,
3
ideg ffren yigerrujen akk n lekyasa akked tmusni. 4Nniɣ-d ayagi iwakken yiwen ur ken-
ittkellix s lehdur imelqen. 5Ɣas akken ɣabeɣ fell-awen s tfekka, aql-i yid-wen s rruḥ;
ferḥeɣ mi walaɣ nniḍam yellan gar-awen, d wamek i ireṣṣa liman-nwen di Lmasiḥ.
6
Swakka ihi, akken i tqeblem Lmasiḥ Yasuɛ, Ssid, lḥut yis-s; 7fket iẓuran deg-s tebnum
tudert-nwen fell-as, reṣṣit di liman, akken itlemdem, yerna ttfeggiḍet d leḥmadi. 8Ɣur-
wat win i ken-ittaṭṭafen di tcerket n tfelseft taxeddaɛt, ur nesɛi lmeɛna, i yebnan ɣef
leɛwayed n yimdanen, ɣef lɛaddat n ddunit, mačči ɣef Lmasiḥ; 9axaṭer deg-s i tezdeɣ
trebbanit s lekmal-is merra ɣef ṣṣifa n tfekka. 10Deg-s, tesɛam kullec s tawant, netta
yellan d aqerru n kra yellan d ssleṭna, n kra yellan d lḥukuma. 11Deg-s i tḍehrem daɣen
s ṭṭhara ur nettwaxdem ara s ufus, meɛna s ṭṭhara n Lmasiḥ, yellan d tukksa n tfekka
tacehwanit:12tettwameḍlem yid-s s uɣḍaṣ, teḥyam-d daɣen yid-s s liman di tezmert n
Yillu i t-id-isseḥyan si gar lmeggtin. 13Kenwi yellan temmutem si lmeɛṣeyyat-nwen akked
uḍhar ur teḍhirem ara di tfekka-nwen, irra-ken-id yid-s ɣer tudert: isemmeḥ-aɣ
ddnubat-nneɣ merra. 14Imḥa lkaɣeḍ-nni ideg llan lumur-nni iḥekmen fell-aɣ, issebṭel-it
s uṣemmer i t-iṣemmer ɣef ṣṣalib. 15Iɛerra ssleṭnat akked tzemmar, irra-tent d lferga i
ddunit merra, mi tent-iɣleb ɣef ṣṣalib.
16
Ihi, ur ttaǧǧat yiwen ad ken-iḥaseb ɣef wučči, ɣef tissit, neɣ ɣef leɛyudat, ɣef tlila n
wagguren, neɣ ɣef wussan n usteɛfu; 17ayagi akk d tili n wayen i d-iteddun, meɛna
ṣṣeḥḥ, di Lmasiḥ i yella. 18Yiwen ur ken-ittḥerrim si cciɛa-nwen s wannuz i yunez akked
uɛbad i yettɛebbid lmalayek, iɣreq deg yiweḥḥiyen-is, itneffix s yixemmimen-is ur
nemɛin; 19Ur iṭṭif ara s aqerru, swayes tafekka akk, yedduklen yerna teqɛed s leɛḍam
akked lexyuḍ n yided, tgemmu s unegmu n Yillu.
20
Ma yella temmutem kenwi d Lmasiḥ deg wayen yeɛnan leɛwayed n ddunit, acuɣer,
amzun di ddunit i tettɛicim, teknam i leqwanen-agi: 21"Ur ttaddam ara!", "Ur tteɛraḍ
ara!", "Ur ttnal ara!"? 22Ayagi merra ad ifnu mbaɛd mi t-nessexdem; dleqwanen, d
aselmed sɣur yimdanen; 23ttbanen-d d lekyasa, axaṭer heddren-d ɣef uneffel di lɛibada,
annuz akked uḥerrem n tfekka, meɛna ur sɛin ara azal, dayen iteddun di lebɣi i tnefsit.
Tudert tajdidt di Lmasiḥ
3 Ihi, ma yella teḥyam-d akked Lmasiḥ, nadit ɣef wayen yellan n usawen, anda yeqqim
Lmasiḥ ɣer tama tayeffust n Yillu. 2Ttḥebbiret i wayen yellan n usawen, mačči i wayen
yellan n lqaɛa; 3axaṭer temmutem, tudert-nwen teffer akked Lmasiḥ deg Yillu. 4Mi ara d-
iban Lmasiḥ, netta yellan d tudert-nwen, kenwi daɣen ad d-tbanem yid-s di lɛaḍima.
5
Nɣet ihi ayen yellan n ddunit di lemfaṣel-nwen: lɛar, nnǧasa, lhawa, yir ccehwa akked
ṭṭmeɛ, yellan d aɛbad n lmeṣnuɛat. 6Ɣef wayagi ara d-iɣli wurrif n Yillu ɣef dderya
tamɛaṣit. 7Kenwi daɣen, akka itleḥḥum zik mi tellam tettɛicim di ddnubat-agi; 8meɛna
tura, ḍeggret akkin ayagi merra: zzɛaf, leḥmeq, tiḥraymit, aqejjem, lehdur iqebḥen i
izemren ad d-ffɣen seg yimi-nwen. 9Wa ur iskiddib ɣef wa, axaṭer tekksem ṭṭbiɛa-nni
taqdimt akked lexdayem-is, 10yerna telsam ṭṭbiɛa tajdidt i yettjeddiden di tmusni ɣef
ṣṣifa n win i tt-id-ixelqen, 11anda i ulac la Ayahudi la Ayunani, la win iḍehren la win ur
neḍhir, la aberrani la Askiti, la akli la aḥerri; meɛna d Lmasiḥ id kullec di yal yiwen.
Lewṣayat
12
Imi kenwi, d wid yextar Yillu, d imqeddsen yerna ɛzizit, lset rreḥma, lehhu, annuz,
leḥnana akked litteɛ n lxaṭer. 13Ttemyawit gar-awen, ma yella win iḍurren wayeḍ,
msamaḥet gar-awen; akken i awen-isemmeḥ Lmasiḥ, msamaḥet gar-awen ula d kenwi.
14
Nnig n wayagi akk, lset leḥmala, iesdukulen s lmul. 15Lehna n Lmasiḥ, iɣer d-
tettusawlem iwakken ad tilim d yiwet n tfekka, ad teḥkem deg wulawen-nwen; ttarrat
tajmilt. 16Awal n Lmasiḥ ad izdeɣ deg-wen s leɣna-s. Ttemselmadet gar-awen,
ttemyenhut s kra yellan d lekyasa, s yihellilen, s leḥmadi, s ccnawi n Rruḥ; rret i Yillu
tajmilt s ccna seg wul. 17Kra n wayen ara txedmem, ama s wawal, ama s lefɛel, xedmet
kullec s yisem n Ssid Yasuɛ, ttḥemmidet yis-s Illu Ababat.
18
Atilawin, yal yiwet ad tḍuɛ argaz-is, akken i ilaq di Ssid. 19Ay irgazen, yal yiwen ad
iḥemmel tameṭṭut-is, ur ittiqsiḥ ara yid-s. 20A dderya, ttaɣet awal i yimawlan-nwen di
kullec, axaṭer ayagi yetteɛǧab Illu. 21Ay ibabaten, ur sserfayet ara dderya-nwen, iwakken
ur feččlen ara. 22Ay aklan, ttaɣet awal issyadi-nwen n ddunit, mačči kan zdat wallen-
nsen iwakken ad traḍim imdanen, meɛna s nneyya n wul, di tuggdi n Yillu. 23Ayen akk i
txeddmem, xeddmet-t seg wul yeṣfan, am wakken i Ssid, mačči i yimdanen, 24teẓram
belli ad tawim lwert, d lajer. Ɣef Ssid Lmasiḥ i tqeddcem. 25Amesbaṭli ad iɣellet lbaṭel i
ixeddem, axaṭer ulac maḥyaf.
4A ssyadi, lḥut i waklan nwen s lḥeqq akked leɛdel, teẓram belli ula d kenwi tesɛam
Ssid deg yigenni.
2
Deɛɛut dayem, ilit tukim di tẓallit, s leḥmadi. 3Ttɛennit daɣen fell-aɣ, iwakken ad aɣ-d-
ildi Yillu tawwurt i ubeccer, iwakken ad nberreḥ sser n Lmasiḥ, iɣef lliɣ di ssnasel,
4
yerna ad t-berrḥeɣ, akken i ilaq ad beccreɣ.
5
Lḥut s lekyasa zdat wid n berra; farṣet lweqt. 6Sɛut awal aẓidan, imelḥen, iwakken ad
tissinem amek ara tettarram iyal yiwen.
Sslam
7
Tixikus, gma-tneɣ aɛziz, amɛiwen unṣiḥ, arfiq-iw n leqdic di Ssid, ad ken-ixebber s
wayen akk i yi-iɛnan. 8Ɣef wayagi dɣa i awen-t-in-ceggɛeɣ, iwakken ad tissinem
liḥala-nneɣ, yerna ad ihedden ulawen-nwen. 9Ceggɛeɣ-t-in netta d Unisimus,gma-tneɣ
aɛziz, unṣiḥ, yellan sɣur-wen; ad ken-sɛellmen s wayen akk iḍerrun dagi. 10Aristarxus,
arfiq-iw n lḥebs, ittsellim-d fell-awen, netta d Marqus i as-ittilin iBar-Naba (win iɣef
tettuweṣṣam: ma iruḥ-n ɣur-wen, sterḥbet yis-s) 11akked Yasuɛ, iwumi i qqaren Yustus:
gar wid iḍehren, siwa nutni i la iqeddcen yid-i ɣef tgelda n Yillu, i yi-illan d ṣṣber.
12
Ibafras, yellan sɣur-wen, aqeddac n Lmasiḥ, ittsellim-d fell-awen; ur iḥebbes ara a fell-
awen di tẓallit, iwakken ad tilim tbeddem, d irgazen ikemlen, iweǧden ad txedmem
lebɣi n Yillu. 13Ad d-cehdeɣ fell-as belli yettɛettib aṭas fell-awen, ɣef wid n Lawdikya
akked wid n Hirabulis. 14Luqa, ṭṭbib ameɛzuz, ittsellim-d fell-awen, netta d Dimas.
15
Sellmet ɣef watmaten yellan di Lawdikya, ɣef Nimfas akked tmezdayt yellan deg
uxxam-is.
16
Mi ara teɣrem tabrat-agi, fket-tt daɣen itmezdayt n Lawdikya ad tt-tɣer; kenwi
daɣen, ɣret tabrat ara ken-id-yawḍen si Lawdikya. 17Init iArxibus: "Ḥader ɣef ccɣel i
ak-d-ittunefken di Ssid, iwakken ad t-txedmeḍ akken ilaq."
18
Nekk, Bulus, ttsellimeɣ fell-awen s ufus-iw. Ttmektit-d d leqyud-iw.
Nneɛma ad tili yid-wen.
TABRAT TAMEZWARUT I YITISALUNIKIYEN

Sslam
1Bulus, Silwanus akked Timutawus, i tmezdayt n Itisalunikiyen, i yellan deg Yillu Ababat
akked Ssid Yasuɛ Lmasiḥ: nneɛma akked lehna fell-awen.
Liman akked lemtel n tmezdayt n Tisalunik
2
Neqqar-as dayem tanemmirt i Yillu fell-awen, yerna nezga nettader-iken-id di tẓilla-
nneɣ, 3nettmekti-d ccɣel-nwen i d-ittbegginen liman-nwen, leɛtab-nwen i d-ittbegginen
leḥmala-nwen, akked usirem-nwen ireṣṣan di Ssid-nneɣ Yasuɛ Lmasiḥ, zdat Yillu Baba-
tneɣ. 4Ay atmaten ɛzizen, neḥṣa belli tettwaxtarem, 5axaṭer Linǧil-nneɣ ur ken-n-
yewwiḍ ara s wawal kan, meɛna s tezmert, s Rruḥ Iqedsen akked tteḥqiq ameqqran.
Teẓram belli akka i nelḥa gar-awen, ɣef ddemma-nwen. 6Kenwi tɛundem-iyi, nekk,
tɛundem Ssid, mi testerḥbem s wawal di tlemmast n ccedda tameqqrant, s lferḥ n Rruḥ
Iqedsen. 7Swakka, tuɣalem d lemtel i wid akk yumnen di Makdunya akked Axaya;
8
axaṭer sɣur-wen i yenfufed wawal n Ssid, mačči kan di Makdunya akked Axaya, meɛna
liman-nwen deg Yillu yewweḍ yal amkan, armi ur neḥwaǧ ara ad nehder ɣef wayagi.
9
Medden merra ḥekkun fell-aɣ amek i testreḥbem yis-nneɣ, d wamek i d-tuɣalem ɣer
Yillu, teǧǧam lmeṣnuɛat iwakken ad tqedcem ɣef Yillu yeddren, aḥeqqani, 10yerna
tettraǧum Mmi-s ad d-yas seg yigenwan, win i d-isseḥya si gar lmeggtin, Yasuɛ, ara aɣ-
isellken seg wurrif i d-iteddun.
Leqdic n Bulus di tmezdayt n Tisaluniki
2Ay atmaten, teẓram belli rrwaḥ i nruḥ-n ɣur-wen mačči baṭel. 2Mbaɛd mi nenneɛtab
yerna nemmermed, akken i teẓram, di Filibus, Illu-nneɣ ixdem-aɣ afud iwakken ad
awen-nbeccer Linǧil n Yillu, di tlemmast n umennuɣ ameqqran. 3Ttebcira-nneɣ ur tebni
ara ɣef leɣrur, neɣ ɣef teḥraymit, neɣ ɣef tḥila; 4meɛna imi Illu yettkel fell-aɣ, iwekkel-
aɣ-d Linǧil, nhedder, mačči iwakken ad neɛǧeb i yimdanen, meɛna iwakken ad neɛǧeb i
Yillu yessenqaden ulawen-nneɣ. 5Teẓram belli leɛmer i nesqazzeb, neɣ i aɣ-yewwi
ṭṭmeɛ: Illu, d inigi. 6Ur nqelleb ara ccan ɣer yimdanen, ama ɣur-wen, ama ɣer wiyaḍ,
yili nezmer ad nessuter deg-wen ad testkellfem yis-nneɣ, axaṭer d imceggɛen n Lmasiḥ i
nella. 7Meɛna nelḥa-yawen s leḥnana, am temrebbit yettḥadaren ɣef warraw-is. 8Seg
wakken nḥemmel-iken, nwala belli d ayen yelhan ad awen-nefk, mačči kan Linǧil n
Yillu, meɛna ula d leɛmur-nneɣ, axaṭer tuɣalem ɛzizit fell-aɣ. 9Mmektit-d, ay atmaten,
lxedma-nneɣ akked leɛtab-nneɣ: iḍ d wass, d lxedma, iwakken ur nettili d taɛkemt ula
ɣef yiwen deg-wen; nbeccer-awen Linǧil n Yillu. 10Aql-iken d inagan, Illu daɣen, belli
nelḥa yid-wen, kenwi yumnen, s ṣṣfa, s ṣṣwab, mebla llum. 11Teẓram daɣen belli nella d
yal yiwen deg-wen akken yella ubabat d warraw-is. 12Nenha-ken, nesseǧhed-iken,
neddɛa-ken, ad telḥum akken yuklal Yillu, netta i awen-d-isawlen ɣer tgelda-s akked
lɛaḍima-s.
13
Swakka, nezga nettarra tajmilt i Yillu axaṭer, mi tqeblem awal n Yillu i teslam sɣur-neɣ,
testreḥbem yis-s, mačči d awal n umdan, meɛna akken i yella n ṣṣeḥḥ, d awal n Yillu, i
ixeddmen deg-wen, kenwi yumnen. 14Ay atmaten, teḍra yid-wen am tmezdayin n Yillu
yellan di Lmasiḥ Yasuɛ, di Yahuda, axaṭer kenwi daɣen tɛetbem sɣur wat tmurt-nwen,
akken i ɛetben nutni sɣur Iyahudiyen, 15i yenɣan Ssid Yasuɛ akked lanbeyya, qehhren-
aɣ; ur ruḍan ara Illu, yerna d iɛdawen n medden merra. 16Qeḍɛen-aɣ ad nehder i leǧnas
iwakken ad ttwasellken; swakka, ttzeggiden di ddnub-nsen, rennun. Meɛna, ɣer taggara,
iɣli-d wurrif fell-asen.
17
Ma d nekni, ay atmaten, mbaɛd mi nettwaḥerrem seg-wen i kra n lweqt, nebɛed s
tfekka, mačči s wul, ncedha aṭas ad nwali udmawen-nwen. 18Ɣef wayagi, nebɣa ad
nruḥ-n ɣur-wen, nekk, s timmad-iw, Bulus, yiwet n tikkelt neɣ snat, meɛna Cciṭan izga-
yaɣ-d d aḥebbas. 19Axaṭer, d acu i d asirem-nneɣ, neɣ d lferḥ-nneɣ, neɣ d taɛeṣṣabt-nneɣ
n ccan? Mačči d kenwi daɣen, zdat Ssid-nneɣ Yasuɛ, asmi ara d-yas? 20D tidet, d kenwi i
d ccad nneɣ, i d lferḥ-nneɣ.
Bulus icedha tamezdayt n Tisaluniki
3Ɣef wayagi, imi ur nezmir ara ad neṣber, yerna neṭṭef leqsed ad neqqim weḥḥed-nneɣ
di Atina, 2nceggeɛ-awen gma-tneɣ Timutawus, aqeddac n Yillu di Linǧil n Lmasiḥ, ad
ken-ireṣṣi yerna ad ken-isseǧhed di liman-nwen, 3i wakken yiwen deg-wen ur ittenququl
di lemḥayen-agi, axaṭer teẓram belli i wayagi i nettuhegga. 4Asmi i nella ɣur-wen,
nɛeggen-awen-d yakan belli ad nɛeddi di ṭṭiq, d ayen i d-iḍran, am wakken i t-teẓram.
5
Ɣef wayagi, imi ur zmireɣ ara ad ṣebreɣ, ceggɛeɣ-n iwakken ad waliɣ liman-nwen,
axaṭer uggadeɣ ad yili iɣwa-ken umjerreb, leɛtab-nneɣ ad yili iruḥ d aḍu.
6
Tura mi d-yuɣal Timutawus sɣur-wen, yewwi-yaɣ-d lexbar yelhan ɣef liman-nwen
akked leḥmala-nwen, yerna yenna-yaɣ-d belli tezgam tettmektim-aɣ-d di lxir, tcedham
ad aɣ-teẓrem, akken i ncedha ad ken-nẓer. 7S wayagi, ay atmaten, di lemḥayen-nneɣ
akked cceddat-nneɣ, nettuṣebber ɣef wayen i ken-iɛnan, s liman-nwen. 8Tura yuɣal-aɣ-d
rruḥ imi i teṭṭfem mliḥ di Ssid. 9D acu n tejmilt ara as-nerr i Yillu ɣef lferḥ merra i aɣ-
tesferḥem zdat Yillu-nneɣ? 10Am yiḍ am wass, nezga nettḥellil deg-s ad nwali
udmawen-nwen yerna ad nwenneɛ ayen ixuṣṣen i liman-nwen.
11
Illu Baba-tneɣ, s timmad-is, akked Ssid-nneɣ Yasuɛ ad aɣ-d-ildi abrid ɣur-wen. 12Ma d
kenwi, Ssid ad isnerni yerna ad irnu i leḥmala i temyeḥmalem gar-awen, i leḥmala i
tḥemmlem wiyaḍ merra, akken i ken-nḥemmel nekni. 13Ad isseǧhed ulawen-nwen,
iwakken ad ilin mebla llum deg wayen yeɛnan ṣṣfa zdat Yillu Baba-tneɣ, i wass n tisin
n Ssid-nneɣ Yasuɛ netta d yimqeddsen-is!
Tikli yeṣfan n umasiḥi
4Ɣer taggara, ay atmaten, imi i tlemdem sɣur-neɣ amek i ilaq ad telḥum yerna ad
tɛeǧbem i Yillu, d ayagi i txeddmem, nettḥellil deg-wen, nnehhu-ken di Ssid Yasuɛ ad
telḥum iwakken ad tennernim akter. 2Teẓram d acu n lewṣayat i awen-nefka sɣur Ssid
Yasuɛ. 3Ayen yebɣa Yillu, d leqdasa-nwen, ad texḍum i lɛar; 4yal yiwen deg-wen ad
yissin ad iḥrez tafekka-s di leqdasa akked lḥerma, 5mačči di lhawa n ccehwa, akken i
xeddmen wat leǧnas ur nessin ara Illu. 6Yiwen ur ittḍurru gma-s neɣ ad iḍmeɛ deg-s di
temsalt-agi, axaṭer Ssid ittarra-d ttar deg wayagi merra, akken i awen-t-id-nenna di
tazwara, yerna nwekked-it-id. 7Illu ur aɣ-d-isawel ara ɣer nnǧasa meɛna ɣer leqdasa.
8
Ihi, win yugin ayagi, mačči d amdan i yugi, meɛna d Illu, i awen-d-ifkan Rruḥ-is
Iqedsen.
9
Ɣef wayen yeɛnan leḥmala n tegmat, ur teḥwaǧem ara ad awen-n-aruɣ, axaṭer tlemdem
sɣur Yillu ad temyeḥmalem gar-awen. 10D annect-agi i txeddmem i watmaten merra
yellan di Makdunya merra. Nnehhu-ken ihi, ay atmaten, ad tettfeggiḍem akter deg
wayagi, 11ad tettnadim amek ara tettɛicim di talwit, ad d-tlehhum kan d lecɣal-nwen, ad
txeddmem s yifassen-wen, akken i ken-nweṣṣa, 12i wakken ad telḥum s leqder zdat lɣaci
n berra, yerna ur tetteḥwiǧim yiwen.
13
Ay atmaten, ur nebɣi ara ad teqqimem mebla tamusni ɣef wayen yeɛnan wid
yemmuten, iwakken ur tḥezznem ara am wid ur nesɛi ara asirem. 14Axaṭer akken i
numen belli Yasuɛ immut yerna yeḥya-d, akken daɣen i numen belli wid yemmuten di
Yasuɛ, Illu ad ten-id-isseḥyu yid-s. 15Atan d acu ara awen-d-nini, akken yella wawal n
Ssid: nekni, s wid yeddren, ara d-iqqimen ass n tisin n Ssid, ur nzeggir ara wid ara d-yaf
lḥal mmuten. 16Axaṭer mi ara d-iffeɣ lamer, mi ara d-inṭeq umeqqran n lmalayek, mi ara
yendeh lbuq n Yillu, Ssid, s timmad-is, ad d-iṣubb seg yigenni, dɣa wid yemmuten di
Lmasiḥ ad d-ḥyun d imezwura. 17Mbaɛd, nekni, s wid i d-iqqimen ddren, ad nettwarfeɛ
akken ma nella yid-sen ɣef usigna, ad nemmager Ssid deg yigenni; swakka, ad nili i
dayem akked Ssid. 18Mṣebbaret ihi gar-awen s lehdur-agi.
Ass n tisin n Ssid Yasuɛ
5Ɣef wayen yeɛnan lewqat akked teswiɛin, ur teḥwaǧem ara ad awen-n-naru ɣef
wayagi. 2Kenwi, s timmad-nwen, teẓram belli ass n Ssid ad d-yas am umakar deg yiḍ.
3
Mi ara yinin yimdanen: "D lehna akked talwit", imiren, ad d-iɣli fell-asen nnger ur bnin
fell-as, am lewjuɛ n tarrawt mi ara ṭṭfen tameṭṭut yellan s tadist, ur ttizmiren ara ad
menɛen. 4Meɛna kenwi, ay atmaten, ur tellim ara di ṭṭlam, iwakken ad d-iɣli fell-awen
wass-nni am umakar; 5kenwi merra, d arraw n tafat, d arraw n wass; nekni ur nelli n yiḍ
wala n ṭṭlam. 6Ihi ur ilaq ara ad neṭṭeṣ am wiyaḍ, meɛna ad nɛass, ur aɣ-imellek ara
ccrab. 7Wid yegganen gganen deg yiḍ, wid yettsekkiren ttsekkiren deg yiḍ. 8Meɛna
nekni, yellan n wass, ur aɣ-imellek ara ccrab; ad nels tadmert n wuzzal n liman akked
leḥmala, tacacit n wuzzal n usirem n leslak; 9axaṭer Illu ur aɣ-ihegga ara i wurrif, meɛna
i uksab n leslak s Ssid-nneɣ Yasuɛ Lmasiḥ, 10i yemmuten fell-aɣ, iwakken, ama nedder,
ama nemmut, ad nidir yid-s akken ma nella. 11Ɣef wayagi, ttemyenhut gar-awen,
ttemseǧhadet gar-awen, akken i t-txeddmem yakan.
12
Di leɛnaya-nwen, ay atmaten, qadret wid iqeddcen gar-awen, i yellan d imḍebbren
fell-awen di Ssid, yerna nehhun-ken; 13ɛuzzet-ten, ḥemmlet-ten, ɣef ddemma n lxedma-
nsen. Ɛicet di lehna gar-awen. 14Di leɛnaya-nwen, ay atmaten, neddret ufsiden, ṣebbret
wid iduben, refdet wid ifeclen, sɛut lxaṭer d medden merra. 15Ɣur-wat win yettarran i
wayeḍ s ccer i ccer, meɛna ttnadit dayem ɣef lxir, ama gar-awen, ama i wiyaḍ merra.
16
Ilit dayem tferḥem. 17Ttẓallat mebla aḥbas. 18Ttḥemmidet ɣef kullec, axaṭer d ayagi i
awen-ibɣa Yillu di Lmasiḥ Yasuɛ. 19Ur snusut ara Rruḥ. 20Ur ḥeqqret ara lucayer,
21
meɛna sneqdet kullec, jemɛet ayen yelhan. 22Xḍut i kra yellan d ccer. 23Illu n lehna ad
ken-iqeddes s lekmal; rruḥ-nwen, tarwiḥt-nwen akked tfekka-nwen ad ttwaḥerzen s
lekmal mebla llum i wass n tisin n Ssid Yasuɛ Lmasiḥ. 24Win i awen-d-isawlen, d unṣiḥ;
d netta ara ixedmen ayagi.
25
Ay atmaten, ẓẓallet fell-aɣ. 26Sellmet ɣef watmaten merra s usuden imqeddes. 27Ddɛaɣ-
ken s Ssid, ɣret-d tabrat-agi i watmaten merra. 28Nneɛma n Ssid-nneɣ Yasuɛ Lmasiḥ ad
tili yid-wen.
TABRAT TIS SNAT I YITISALUNIKIYEN

Sslam
1Bulus, Silwanus akked Timutawus, i tmezdayt n Itisalunikiyen, i yellan deg Yillu Baba-
tneɣ akked Ssid Yasuɛ Lmasiḥ. 2Nneɛma akked lehna fell-awen sɣur Yillu Ababat akked
Ssid Yasuɛ Lmasiḥ.
Ṣṣber di lemḥayen
3
Ay atmaten, ilaq-aɣ ad as-neqqar dayem tanemmirt i Yillu fell-awen, akken i iwulem,
axaṭer liman-nwen igemmu mliḥ, yerna aḥemmel i iḥemmel yal yiwen deg-wen wiyaḍ
simmal ittnerni. 4Swakka, nettzuxxu yis-wen di tmezdayin n Yillu ɣef ddemma n tuṭṭfa i
teṭṭfem akked liman i tumnem di tlemmast n leqher i tettwaqehrem, akked lemḥayen
iwumi i tṣebrem. 5Ayagi, d lebyan n leḥkem n Yillu yellan d lḥeqq, iwakken ad tilim
tuklalem tagelda n Yillu iɣef tettneɛtabem ula d kenwi. 6Axaṭer d lḥeqq ɣef Yillu ad yerr
amermed i wid i ken-ismermden, 7ma d kenwi yemmermden, ad awen-d-ifk asteɛfu yid-
neɣ, asmi ara ad d-iban Ssid Yasuɛ seg yigenni, netta d lmalayek n tezmert-is, 8deg
uḥeǧǧaǧu n tmes, iwakken ad d-yerr ttar seg wid ur nessin ara Illu akked wid ur nettaɣ ara
awal i Linǧil n Ssid-nneɣ Yasuɛ. 9Ad d-iɣli fell-asen lɛiqab n nnger n dayem, ad beɛden
ɣef wudem n Ssid akked ccan n tezmert-is, 10mi ara d-yas, ass-nni, iwakken ad ittwaɛuzz
deg yimqeddsen-is yerna ad ittuweḥḥed deg wid merra yumnen, axaṭer cchada-nneɣ
tettwaqbel ɣur-wen. 11Ɣef wayagi, ndeɛɛu dayem fell-awen, iwakken Illu-nneɣ ad ken-
yerr tuklalem asiwel i awen-d-isawel, yerna ad isnekmal s tezmert-is leɛzayem yelhan n
lebɣi-s akked ccɣel n liman-nwen. 12Swakka isem n Ssid-nneɣ Yasuɛ ad ittwaɛuzz deg-
wen, kenwi ad tettwaɛuzzem deg-s, akken i tella nneɛma n Yillu-nneɣ akked Ssid Yasuɛ
Lmasiḥ.
Ass n tisin n Ssid
2Ɣef wayen yeɛnan tisin n Ssid-nneɣ Yasuɛ Lmasiḥ akked temlilit-nneɣ yid-s, di leɛnaya-
nwen, ay atmaten, 2ur ttaǧǧat ara iman-nwen ad ken-iffeɣ kan akka leɛqel, ur ttaǧǧat ara
iman-nwen ad ken-tessexleɛ kra n licara, neɣ kra n ttebcira, neɣ kra n tebrat, am wakken
sɣur-neɣ i n-truḥ, am wakken iwweḍ-d yakan wass n Ssid. 3Akken yebɣu yili lḥal, yiwen
ur ken-ittɣurru, axaṭer ilaq ad d-yili qbel leǧhel, ad d-iban lkafer, mmi-s n nnger, 4axṣim
ara yessimɣuren iman-is sennig wayen akk yettusemman illu neɣ n wayen akk i
ttɛebbiden yimdanen, ad yaweḍ ad iqqim, s timmad-is, deg ufakan n Yillu, yerna ad
isbedd iman-is d Illu. 5Ur tecfim ara belli nniɣ-awen-d yakan ayagi merra mi lliɣ ɣur-
wen? 6Tura teẓram d acu i t-iṭṭfen ur d-ittban ara alamma yewweḍ-d lweqt-is. 7Sser n
leǧhel atan ixeddem yakan; acu kan, win i t-iṭṭfen ar tura ad ittwakkes, 8i wakken ad d-
iban lkafer ara yessenger Ssid Yasuɛ s nnefs n yimi-s, ad t-imḥu s nnur n tisin-is. 9Lkafer-
agi ad d-iban s tezmert n Cciṭan, s yal ṣṣenf n lberhanat, n limarat akked leɛǧayeb n
lekdeb, 10ad issexdem kra yellan d ccer iwakken ad iɣurr wid iḍaɛen, axaṭer ur qbilen ara
leḥmala n tidet iwakken ad ttwasellken. 11Ɣef wayagi, Illu ad asen-d-iceggeɛ tazmert ara
ten-issufɣen i ubrid iwakken ad amnen s lekdeb; 12swakka, wid akk ur numin ara s tidet,
meɛna ḥemmlen lbaṭel, ad ttuḥasben.
13
Ay atmaten ɛzizen ɣer Ssid, ilaq-aɣ ad as-neqqar dayem tanemmirt i Yillu fell-awen,
axaṭer Illu yextar-iken si tazwara i leslak s uqeddes n Rruḥ akked liman di tidet. 14S ayagi
i awen-d-isawel s Linǧil-nneɣ, iwakken ad tkesbem lɛaḍima n Ssid-nneɣ Yasuɛ Lmasiḥ.
15
Swakka ihi, ay atmaten, ẓewret, ṭṭfet deg uselmed i ken-nesselmed, ama s yimi-nneɣ,
ama s tebrat-nneɣ. 16Ssid-nneɣ Yasuɛ Lmasiḥ, s timmad-is, akked Yillu Baba-tneɣ, i aɣ-
iḥemmlen, i aɣ-d-ifkan, s nneɛma-s, ṣṣber n dayem akked usirem lɛali, 17ad iṣebber
ulawen-nwen yerna ad ken-isseǧhed di kra n ccɣel yelhan akked kra yellan d awal
yelhan!
Tudert iṣeggmen
3Ɣer taggara, ay atmaten, deɛɛut fell-aɣ, iwakken awal n Ssid ad ikemmel abrid-is, yerna
ad ittwaɛuzz akken yettwaɛuzz daɣen ɣur-wen, 2i wakken daɣen ad neslek seg yimcumen
akked yir imdanen, axaṭer mačči akk i sɛan liman. 3Ssid, d unṣiḥ, ad ken-isseǧhed yerna
ad ken-iḥrez seg umcum. 4Nettkel fell-awen di Ssid belli txeddmem yerna ad txedmem
ayen iɣef ken-nweṣṣa. 5Ssid ad iwelleh ulawen-nwen ɣer leḥmala n Yillu akked ṣṣber n
Lmasiḥ.
6
Nettweṣṣi deg-wen, ay atmaten, s yisem n Ssid Yasuɛ Lmasiḥ, ad texḍum i watmaten
yettɛicin deg warwayen, mačči s uselmed i ken-nesselmed. 7Teẓram, s timmad-nwen,
amek i ilaq ad aɣ-tettɛanadem, axaṭer ur nɛac ara gar-awen deg warwayen. 8Ur nečči ula
ɣer yiwen aɣrum baṭel; meɛna s leɛtab akked tidi, nxeddem iḍ d wass, iwakken ur
nettaẓay ula ɣef yiwen deg-wen; 9mačči d lḥeqq ur nesɛi ara deg wayagi, meɛna iwakken
ad awen-nili d lemtel ara ttebɛem. 10Asmi i nella ɣur-wen, nweṣṣa-ken belli win yugin ad
ixdem, ur itett ara! 11Axaṭer nesla belli llan gar-awen kra i yettɛicin deg warwayen, ur
xeddmen ara, meɛna lehhun-d deg wayen ur nemɛin. 12Ɣef wayagi, nettweṣṣi imdanen-
agi yerna nnehhu-ten di Ssid Yasuɛ Lmasiḥ ad xedmen di talwit yerna ad d-ṣewwren
aɣrum-nsen s ufus-nsen. 13Ma d kenwi, ay atmaten, ur ttmillit ara si lxedma n lxir. 14Win
ur nxeddem ara ayen i d-nenna di tebrat-agi, cfut fell-as, ur t-ttxalaḍet ara, iwakken ad
inneḥcam. 15Ur t-ḥessbet ara d aɛdaw, meɛna neddret-t, d gma-twen.
16
Ssid n lehna, s timmad-is, ad awen-d-ittak dayem lehna, di yal taswiɛt! Ssid ad yili yid-
wen merra! 17Nekk, Bulus, ttsellimeɣ fell-awen s ufus-iw: d limara di yal tabrat; akka i
ttaruɣ. 18Nneɛma n Ssid-nneɣ Yasuɛ Lmasiḥ ad tili fell-awen merra.
TABRAT TAMEZWARUT I TIMUTAWUS

Sslam
1Bulus, amceggeɛ n Lmasiḥ Yasuɛ, s lamer n Yillu Amsellek-nneɣ akked Lmasiḥ Yasuɛ
asirem-nneɣ, 2i Timutawus, mmi aḥeqqani di liman: nneɛma, rreḥma akked talwit sɣur
Yillu Ababat akked Lmasiḥ Yasuɛ, Ssid-nneɣ.
Iselmaden n lekdeb
3
Weṣṣaɣ-k ad teqqimeḍ di Afasus mi ruḥeɣ ɣer Makdunya, iwakken ad tenhuḍ kra n
yimdanen ur sselmaden ara aselmed-nniḍen, 4ur d-lehhun ara d tmucuha akked ttajirat
ur nkeffu, i d-ittawin amqelleɛ, ur ttɛawanent ara ad ilḥu ccɣel n Yillu di liman.
5
Lmeqsud n nnehwa-agi, d leḥmala i d-ikkan seg wul yeṣfan, si lxaṭer yetheddnen akked
liman n ṣṣeḥḥ. 6Kra, yettaxxren i wayagi, ɣerqen di lehdur ur nemɛin; 7bɣan ad ilin d
lɛulama n ccariɛa, yili ur fhimen d acu i d-qqaren, ur ẓrin d acu i heddren s ttnefxa.
8
Neẓra belli ccariɛa telha, ma yella netbeɛ-itt akken ilaq, 9yerna neẓra daɣen belli ccariɛa
ur tettwaxdem ara i uḥeqqi, meɛna i yimcumen, i yimɛuṣa, i yikafriwen, i yimednuben, i
wid ur nettqadar ara Illu, i wid yessenǧasen ayen iqedsen, i wid ineqqen ibabaten-nsen, i
wid ineqqen tiyemmatin-nsen, i yiqettalen, 10i iqeḥbiyen, i yirgazen ixeddmen lɛar gar-
asen, i wid yetjaren s yimdanen, i yikeddaben, i wid iḥennten, i wayen akk ixulfen
aselmed iṣeḥḥan, 11akken yella Linǧil n lɛaḍima n Yillu aseɛdi, i yi-d-ittunefken.
12
Ad iniɣ tanemmirt i win i yi-isǧehden, Lmasiḥ Yasuɛ, Ssid-nneɣ, axaṭer iwala belli
mumaneɣ dɣa yesbedd-iyi d aqeddac-is, 13nekk yellan zik ttjeddireɣ, ttqehhireɣ,
reggmeɣ. Meɛna ufiɣ rreḥma, axaṭer lliɣ xeddmeɣ akken s lqella n tmusni, ur sɛiɣ ara
liman; 14nneɛma n Ssid-nneɣ tfeggḍ-d, tegla-d s liman akked leḥmala yellan di Lmasiḥ
Yasuɛ. 15Awal-agi muman, yuklal ad ittwaqbel s lekmal-is: Lmasiḥ Yasuɛ yusa-d ɣer
ddunit iwakken ad isellek imednuben, amezwaru deg-sen d nekk. 16Meɛna ɣef wayagi i
ufiɣ rreḥma: iwakken Yasuɛ Lmasiḥ ad d-ibeggen deg-i, d amezwaru, ṣṣber-is merra,
iwakken ad iliɣ d lemtel i wid ara yamnen yis-s i tudert n dayem. 17I ugellid n lebda, ur
nfennu, ur ttwalint wallen, Illu awḥid, lɛezz akked ccan, si lǧil ɣer lǧil! Amin.
18
A Timutawus, a mm-i, ad k-weṣṣiɣ, akken i llant lucayer i d-ittunefken zik fell-ak, ad
tennaɣeḍ yis-sent amennuɣ yelhan, 19s liman akked lxaṭer yetheddnen. Kra n yimdanen
ččan ul-nsen, dɣa ɣerqen deg wayen yeɛnan liman; 20gar-asen, Himinayus akked
Aliksandrus, i sellmeɣ i Cciṭan, iwakken ur ttuɣalen ara ad jeddren.
Aweṣṣi ɣef tẓallit
2Ad ssutreɣ, uqbel kullec, ad tdeɛɛum, ad tettẓallam, ad tettɛennim, ad teqqarem
tanemmirt ɣef yimdanen merra, 2ɣef igelliden akked wid yeṭṭfen imukan n lḥekma,
iwakken ad nɛic di liser akked talwit, di leqder akked tuggdi n Yillu. 3Ayagi yelha yerna
yetteɛǧab i Yillu amsellek-nneɣ, 4i yebɣan ad ttwasellken yimdanen merra, yerna ad
awḍen ad issinen tidet akken ilaq. 5Yiwen n Yillu kan i yellan, yiwen daɣen n uwsiṭ gar
Yillu d yimdanen, Lmasiḥ Yasuɛ, amdan, 6i yefkan iman-is d lefdiya ɣef yimdanen
merra, d cchada i d-ifka di lweqt lmeɛlum, 7iɣef ttusbeddeɣ d aberraḥ, d amceggeɛ, d
tidet i d-qqareɣ, ur skiddibeɣ ara, d aselman-n leǧnas deg wayen yeɛnan liman akked
tidet.
8
Bɣiɣ ihi ad ttẓallan yimdanen di yal amkan s urfad n yifassen yeṣfan, mebla zzɛaf neɣ
amqelleɛ. 9Akken daɣen, ilaq tilawin ad lsent llebsa n lḥerma i d-ittbegginen annuz
akked leḥya, ur ttcebbiḥent ara s tzuraz, neɣ s ddheb, neɣ s tɛeqqucin, neɣ s llebsa
ɣlayen, 10meɛna ad cebbḥent s lefɛayel yelhan, akken i ilaq i tlawin yeqqaren belli
ttaggadent Illu. 11Tameṭṭut ad tḥesses i uselmed di tsusmi akked ṭṭaɛa. 12Ur ttɛemmideɣ ara
i tmeṭṭut ad tesselmed, neɣ ad teḥkem deg urgaz, meɛna ad tessusem. 13D Adem i d-
ittwaxelqen d amezwaru, mbaɛd, d Ḥewwa. 14Adem ur ittwaɣurr ara, meɛna tameṭṭut, d
nettat i yettwaɣurren, dɣa tɛuṣa; 15meɛna ad teslek s tarrawt, ma ṭṭfent di liman, leḥmala
akked leqdasa s wannuz.
Iɛessasen di tmezdayt
3 Awal-agi iṣeḥḥa: win yebɣan ad yuɣal d aɛessas, d ccɣel yelhan i imenna. 2Ilaq ihi
aɛessas ad yili mebla llum, d argaz n yiwet kan n tmeṭṭut, ur t-imellek ara ccrab, d aɛeqli,
isɛa nniḍam, isterḥib, izmer i uselmed; 3ur ittili ara d acraybi, neɣ d amčeqlal, meɛna d
aḥnin, d imhenni, ur iḥemmel ara idrimen, 4isselḥay axxam-is akken ilaq, yerna yettrebbi
arraw-is di ṭṭaɛa akked leqder, 5axaṭer win ur nessin ara ad isselḥu axxam-is, amek ara d-
ilhu d tmezdayt n Yillu? 6Ur ilaq ara ad yili d ajdid di liman, mmar ad t-ikcem zzux, dɣa
ad d-iɣli fell-as lɛiqab i d-iɣlin ɣef Cciṭan. 7Ilaq daɣen wid n berra ad d-ttcehhiden fell-as
deg wayen yelhan, iwakken ur ittnehcam ara, ur iɣelli ara di tcerket n Cciṭan.
Imɛawnen di tmezdayt
8
Imɛawnen daɣen, ilaq ad ilin d iɛerḍiyen, ad sɛun yiwen n wawal, mačči d icraybiyen,
ur ṭṭamaɛen ara rrbeḥ n leḥram, 9ad ḥerzen sser n liman s lxaṭer yeṣfan. 10Ilaq ad
ttujerrben qbel, mbaɛd ad qedcen, ma ulac fell-asen llum. 11Tilawin, ilaq ad ilint d
tiɛerḍiyin, mačči d tiqejjamin, ur tent-imellek ara ccrab, mumanit di kullec. 12Imɛawnen
ad ilin d irgazen n yiwet kan n tmeṭṭut, ad bedden akken ilaq i warraw-nsen akked
yixxamen-nsen. 13Axaṭer wid iqeddcen akken ilaq seɛɛun ccan akked ṭṭmana tameqqrant
di liman di Lmasiḥ Yasuɛ.
14
Uriɣ-ak-n ayagi, ssarameɣ qrib ad n-ruḥeɣ ɣur-k; 15meɛna ma ɛeṭṭleɣ, ad tissineḍ amek
ara telḥuḍ deg uxxam n Yillu, tamezdayt n Yillu yeddren, i yellan d tigejdit akked tsalelt n
tidet. 16Mebla ccekk, sser n liman meqqer: Illu iban-d di tfekka, izekka-t Rruḥ, walan-t
lmalayek, ittubeccer gar leǧnas, umnen yis-s di ddunit, ittwarfeɛ di lɛaḍima.
Tikli n uqeddac lɛali
4Meɛna Rruḥ iqqar-d ɛinani belli di lewqat ineggura kra ad nekren liman iwakken ad
tebɛen lerwaḥ yettɣurrun, aselmed n leǧnun, 2s tixxubta n yikeddaben yettuweccmen s
useffud yerɣan di lxaṭer-nsen. 3Ḥerrmen zzwaǧ akked wučči n kra n leṣnaf n lqut i d-
ixleq Yillu iwakken ad ten-ččen s uḥmad wid yumnen yerna ssnen tidet. 4Ayen akk i d-
ixleq Yillu yelha, acemma ur ittuɣal di ṭṭerf, awi-d kan ad immečč s uḥmad; 5axaṭer awal
n Yillu akked ttẓallit ssizdigen kullec.
6
S usefhem ara tesfehmeḍ ayagi i watmaten, ad tiliḍ d aqeddac lɛali n Lmasiḥ Yasuɛ, i d-
itturebban s lehdur n liman akked uselmed n ṣṣeḥḥ i ttebɛeḍ. 7Ma d timucuha ur nemɛin n
temɣarin, xḍu-yasent. Ttderrib iman-ik i tuggdi n Yillu; 8axaṭer aderreb n tfekka ur infiɛ
ara i kullec, meɛna tuggdi n Yillu tenfeɛ i kullec, yerna tesɛa lweɛd n tudert n tura akked
tin i d-iteddun. 9Awal-agi iṣeḥḥa yerna yuklal ad ittwaqbel; 10ɣef wayagi i nettneɛtab
yerna nettnaɣ, axaṭer nessaram deg Yillu yeddren, i yellan d amsellek n yimdanen merra,
abeɛda n wid yumnen. 11D ayagi ara tiniḍ, ara teslemdeḍ.
12
Yiwen ur k-iḥeqqer imi i meẓẓiyeḍ! Ili-k d lemtel i wid yumnen, s lehdur, s tikli, s
leḥmala, s liman, s ṣṣfa. 13Alamma d asmi ara n-awḍeɣ, lhu-d d leqraya, d nehhu, d
uselmed. 14Ur ttferriṭ ara di tukci-nni yellan deg-k, tin akken i ak-d-ittunefken s uciri, mi
sersen fell-ak imeqqranen ifassen-nsen. 15Lhu-d d wayagi, err ddehn-ik mliḥ s ayagi,
iwakken medden merra ad walin amek i tleḥḥuḍ ɣer zdat.
16
Ḥader ɣef yiman-ik akked uselmed-ik; ṭṭef deg wayagi. Mi ara txedmeḍ akka, ad
tsellkeḍ iman-ik akked wid i k-ittḥessisen.
Lewṣayat yeɛnan tuǧǧal
5Amɣar, ur ttiqsiḥ ara yid-s, meɛna nhu-t am wakken d ababat, ilmeẓyen am wakken d
atmaten, 2tilawin timeqqranin am wakken d tiyemmatin, tilmeẓyin am wakken d
tiyissetmatin, s wul yeṣfan.
3
Qader tuǧǧal ur nesɛi lwali. 4Taǧǧalt yesɛan dderya neɣ dderya n dderya, ad issinen qbel
ad ttqadaren wat uxxam yerna ad ttarran lxir i yimawlan-nsen, axaṭer d ayen i yetteɛǧaben
i Yillu. 5Taǧǧalt ur nesɛi lwali, yellan weḥd-s, tessaram deg Yillu, yerna tezga tdeɛɛu
yerna tettḥellil Illu am yiḍ am wass. 6Meɛna tin yettɛicin di zzhu temmut, ɣas akken
tedder.
7
Ini-yasent ayagi iwakken ur d-ittili ara fell-asent llum. 8Win ur nbedd ara i wid i as-ittilin,
ladɣa wat uxxam-is, inker liman, ikka di lkafer. 9Taǧǧalt, iwakken ad tettwajerred deg
udlis n tuǧǧal, ur ilaq ara ad tesɛu ddaw settin n yiseggasen di leɛmer-is yerna ad tili
tezweǧ d yiwen n urgaz kan. 10Ad tili tettwassen s lecɣal-is yelhan, trebba arraw-is,
testerḥib, tessared iḍarren n yimqeddsen, tɣat imeɣban, texdem lxir. 11Meɛna ur qebbel ara
tuǧǧal meẓẓiyen; axaṭer mi ara tent-sbeɛdent ccehwat-nsent ɣef Lmasiḥ, ad bɣunt ad
zewǧent, 12swakka ad d-awint lɛiqab i yiman-nsent s truẓi ara rẓent lɛahd-nsent
amezwaru. 13Yerna, seg wakken d farɣin ccɣel, ad ttcalint seg uxxam ɣer wayeḍ; mačči
kan d farɣin ccɣel, meɛna ttkettirent awal yerna d stuttat, heddrent ayen ur nlaq ara. 14Bɣiɣ
ihi ad zewǧent tid meẓẓiyen, ad sɛunt dderya, ad lhint d yexxam-nsent, ur ttakent ara i
uɛdaw ssebba n uqejjem; 15axaṭer llant kra seg-sent yakan i iḍaɛen, tebɛent Cciṭan.
16
Tameṭṭut yumnen yesɛan tuǧǧal, ad tent-tɛiwen, iwakken ur ttilint ara d taɛkemt i
tmezdayt; swakka, tamezdayt ad tizmir ad tɛiwen tuǧǧal ur nesɛi lwali.
Lewṣayat yeɛnan imeqqranen n tmezdayt
17
Imeqqranen yettḍebbiren akken ilaq ad ttuqadren ɣef mertayen, ladɣa wid iqeddcen deg
ubeccer akked uselmed. 18Axaṭer Tira nnant-tt-id: "Ur ttarra ara takmamt i uzger mi ara
yesserwat", daɣen: "Axeddam yuklal lexlaṣ-is". 19Ur qebbel ara acetki ɣef umeqqran
mebla cchada n sin neɣ n tlata n yinagan. 20Wid idenben, ndeṛ-iten zdat wiyaḍ, iwakken
wiyaḍ ad aggaden. 21Deɛɛaɣ-k zdat Yillu, zdat Lmasiḥ Yasuɛ, zdat lmalayek yettwaxtaren,
xdem ayagi s lḥeqq, mebla maḥyaf. 22Ur ttḥiri ara ad tserseḍ ifassen-ik ɣef yiwen, ur
ttekki ara di ddnubat n wiyaḍ; qqim teṣfiḍ. 23Ur tess ara kan aman, meɛna sew cwiṭ n
ccrab ɣef ddemma n lmeɛda-k akked facal-nni i tezgiḍ tfecleḍ.
24
Ddnubat n kra n yimdanen ttbanen-d uqbel ad ɛeddin di ccraɛ; ma deg wiyaḍ, mbaɛd i
d-ttbanen. 25Akken daɣen, lefɛayel yelhan ttbanen-d; lefɛayel ur nelhi ara ur zmiren ara ad
qqimen ffren.
Lewṣayat yeɛnan aklan akked ssyadi
6Aklan yellan ddaw uzaglu ad ttwalin ssyadi-nsen uklalen leqder, iwakken isem n Yillu
akked uselmed ur ttwargamen ara. 2Wid yesɛan ssyadi-nsen umnen ur ten-ḥeqqren ara
imi d atmaten-nsen, meɛna ad qedcen fell-asen akter, axaṭer umnen yerna d atmaten
ɛzizen i yestenfiɛen s leqdic-nsen. Sselmed ayagi tweṣṣiḍ fell-as. 3Win yesselmaden
akken-nniḍen, ur iqbil lehdur iṣeḥḥan n Ssid-nneɣ Yasuɛ Lmasiḥ wala aselmed iwufqen
tuggdi n Yillu, 4iččur d zzux, ur issin acemma, meɛna ihlek awal akked umǧadel, i d-
ittawin leḥsed, ccwal, ajedder, yir ccekk, 5amqelleɛ gar yimdanen ifesden deg wallaɣ-
nsen, i yeffɣen i tidet, ttɣilin belli tuggdi n Yillu, d lɛinṣer n rrbeḥ. 6D ṣṣeḥḥ, tuggdi n
Yillu, d lɛinṣer ameqqran n rrbeḥ, ma tella leqniɛa; 7axaṭer ur d-newwi acemma ɣer
ddunit, ur nezmir ad nawi seg-s acemma. 8Ihi ma nesɛa lqut akked llebsa, ayagi berka-
yaɣ. 9Meɛna wid yebɣan ad ɣnun, ɣellin deg ujerreb, di tcerket, deg waṭas n ccehwat
icemten, iqebḥen, i yettawin imdanen ɣer txeṣṣart akked nnger. 10Leḥmala n yedrimen, d
aẓar n lehmum merra; kra iḥemmlen idrimen ḍaɛen, beɛden ɣef liman, sḥeṣlen iman-nsen
s yiman-nsen deg waṭas n lehmum.
Lewṣayat i Timutawus
11
Ma d kečč, ay aqeddac n Yillu, rwel i wayagi. Nadi lḥeqq, tuggdi n Yillu, liman,
leḥmala, ṣṣber, leḥnana. 12Nnaɣ amennuɣ ucbiḥ n liman, ṭṭef di tudert n dayem iɣer d-
tettusawleḍ, iɣef d-tcehdeḍ s cchada icebḥen zdat waṭas n yinagan. 13Ad k-weṣṣiɣ, zdat
Yillu yettaken tudert i kullec, zdat Yasuɛ Lmasiḥ i d-icehden cchada icebḥen zdat
Bunṭus Bilatus, 14ḥrez lewṣaya-agi, ɛic mebla lɛib, mebla llum, alamma iban-d Ssid-
nneɣ Yasuɛ Lmasiḥ, 15ara d-ibeggen di lweqt-is Sselṭan aseɛdi awḥid, Agellid n
yigelliden, Ssid n ssyadi, 16netta kan ur nettmettat ara, izedɣen tafat ur yewwiḍ yiwen, ur
iwala yiwen, ur izmir yiwen ad t-iwali. I netta lɛezz akked tezmert i dayem! Amin.
17
Weṣṣi imerkantiyen n lǧil-agi ur ssemɣaren ara iman-nsen, ur ttkalayen ara ɣef lerbaḥ
ur nesɛi laman, meɛna ad tteklen ɣef Yillu i aɣ-d-ittaken kullec s ṭṭaqa, iwakken ad
nestummen yis-s. 18Weṣṣi-ten ad xeddmen lxir, ad ɣnun s lecɣal lɛali, ad ldin ifassen-
nsen, ad ttaken mebla cceḥḥa, 19i wakken ad jemɛen i yiman-nsen i uzekka agerruj
yersen ɣef lsas iṣeḥḥan, iwakken ad kesben tudert n ṣṣeḥḥ.
20
A Timutawus, ḥrez lamana, xḍu i lehdur ur nemɛin, i umǧadel n tmusni n lekdeb, 21i
tebɛen kra, dɣa ttaxxren i liman.
Nneɛma ad tili yid-wen!
TABRAT TIS SNAT I TIMUTAWUS

Sslam
1Bulus, amceggeɛ n Lmasiḥ Yasuɛ, s lebɣi n Yillu, akken yella lweɛd n tudert di Lmasiḥ
Yasuɛ, 2i Timutawus, mmi ɛzizen: nneɛma, rreḥma akked lehna sɣur Yillu Ababat akked
Lmasiḥ Yasuɛ, Ssid-nneɣ.
Bulus ifreḥ s Timutawus
3
Qqareɣ-as tanemmirt i Yillu i ttɛebbideɣ s lxaṭer yeṣfan am lejdud-iw, imi am yiḍ, am
wass, zgiɣ ttadreɣ-k-id di tẓilla-w; 4mi ara d-mmektiɣ imeṭṭawen-ik, ttcedhiɣ-k ad k-
ẓreɣ iwakken ad ččareɣ d lferḥ. 5Cfiɣ ɣef liman-ik yesɛan nneyya, win akken izedɣen di
setti-k Luwisa akked yemma-k Anika, yerna tḥeqqeɣ belli yezdeɣ ula deg-k. 6Ɣef
wayagi, ad ak-d-ɛiwdeɣ ad tesmentgeḍ tukci n Yillu yellan deg-k, i ak-d-ittunefken s
trusi n yifassen-iw fell-ak. 7Ala, Illu ur aɣ-d-ifki ara Rruḥ n tuggdi, meɛna n tezmert, n
leḥmala akked leɛqel. 8Ihi, ur ttsetḥi ara ad tcehdeḍ ɣef Ssid-nneɣ akked nekkini, yellan
d ameḥbus-is, meɛna ɛteb yid-i ɣef Linǧil s tezmert n Yillu, 9i aɣ-isellken yerna isawel-
aɣ-d yiwen n usiwel, d imqeddes, mačči ɣef ddemma n lefɛayel-nneɣ, meɛna akken
yella leqsed-is akked nneɛma-s i aɣ-d-ittunefken di Lmasiḥ Yasuɛ, uqbel lewqat n lebda,
10
i d-ittubeggnen tura s ubini i d-iban umsellek-nneɣ Lmasiḥ Yasuɛ, i yekksen tazmert i
lmut, inewwer tudert akked wayen ur nrekku ara, s Linǧil. 11Ɣef Linǧil-agi i ttusbeddeɣ,
nekk, d aberraḥ, d amceggeɛ, d aselmad. 12Ɣef wayagi i ttneɛtabeɣ akka; meɛna ur
setḥaɣ ara, axaṭer ẓriɣ anwa swayes i umneɣ, yerna tḥeqqeɣ belli yezmer ad iḥrez
lamana-w alamma d ass-nni. 13Ṭṭef d lemtel lehdur iṣeḥḥan i tesliḍ sɣur-i s liman akked
leḥmala yellan di Lmasiḥ Yasuɛ. 14Ḥrez lamana yelhan s Rruḥ Iqedsen izedɣen deg-neɣ.
15
Teẓriḍ belli wid merra yellan di Asya ǧǧan-iyi, gar-asen Figilus akked Ḥirmuginus.
16
Ad d-ismir Ssid rreḥma-s ɣef uxxam n Unisifurus, axaṭer acḥal d abrid i yi-iṣebber, ur
isetḥa ara s ssnasel-iw, 17meɛna mi d-iruḥ ɣer Ruma, iɣawel inuda fell-i, dɣa yufa-yi.
18
Ssid ad as-d-ifk ad yaf rreḥma ɣer Ssid ass-nni. Teẓriḍ mliḥ acḥal i yi-iɛawen di
Afasus.
Aɛsekri n Lmasiḥ
2Kečč ihi, a mm-i, sseǧhed iman-ik s nneɛma yellan di Lmasiḥ Yasuɛ. 2Ayen i tesliḍ
sɣur-i zdat waṭas n yinagan, efk-it i yimdanen unṣiḥen, i izemren ad t-slemden ula d
nutni i wiyaḍ. 3Ɛteb yid-i am uɛsekri yelhan n Lmasiḥ Yasuɛ. 4Aɛsekri yebɣan ad iɛǧeb i
lqebṭan-is ur ittḥebbir ara i lecɣal n ddunit. 5Amyurar ur irebbeḥ ara cciɛa ma ur yurar
ara akken i d-yenna lqanun. 6Afellaḥ iɛetben, d netta ara iɣelten d amezwaru. 7Fhem
ayen akka i d-qqareɣ, axaṭer Ssid ad ak-d-ifk lefhama di kullec.
8
Mmekti-d d Yasuɛ Lmasiḥ, i d-iḥyan si gar lmeggtin, i yellan seg uẓar n Dawed, akken
yella Linǧil-iw, 9iɣef ttneɛtabeɣ armi i ttwarzeɣ amzun d amcum, meɛna awal n Yillu ur
ittwarez ara. 10Ɣef wayagi, ṣebreɣ i kullec ɣef ddemma n wid yettwaxtaren, iwakken ula d
nutni ad d-mlilen leslak yellan di Lmasiḥ Yasuɛ akked lɛaḍima n dayem. 11Awal-agi
iṣeḥḥa: ma nemmut yid-s, ad nidir daɣen yid-s; 12ma neɛteb yid-s, ad neḥkem daɣen yid-
s; ma nenker-it, ula d netta ad aɣ-inker; 13ma nexdeɛ-it, netta ur aɣ-ixeddeɛ ara, axaṭer ur
izmir ara ad inker iman-is.
Aqeddac unṣiḥ
14
Smektay-d s wayagi, deɛɛi s Yillu, ad xḍun i umǧadel n wawal ur nenfiɛ i wacemma,
siwa i nnger n wid yettḥessisen. 15Wwet amek ara tbeddeḍ zdat YIllu, d argaz iruḍan
Illu, d axeddam ur nettuɣal ara d azeggaɣ, i yesselmaden awal n tidet s ṣṣwab. 16Rwel i
lehdur ur nemɛin, axaṭer wid i ten-issexdamen ad ttzidin di leǧhel. 17Awal-nsen itett am
tbeɛɛuct; gar-asen Himinayus akked Filitus, 18i yettaxxren i tidet, qqaren belli ḥeggu n
lmeggtin idra-d yakan, dɣa tthuddun liman n kra. 19Meɛna lsas iṣeḥḥan i isers Yillu
ibedd, ṭṭabeɛ-is, d awal-agi: "Ssid issen wid yellan d ayla-s" akked "Kra n win i d-
ittadren isem n Ssid, ad ixḍu i lbaṭel!" 20Di ssraya, mačči d iqbucen n ddheb akked wid
n lfeṭṭa kan i yellan, meɛna llan daɣen wid n usɣar akked wid n talaɣt; imezwura i
tfenṭazit, wiyaḍ i lferḍ. 21Akka ihi, kra n win yessizdigen iman-is, d aqbuc n tfenṭazit,
iqdes, infeɛ i bab-is, iwulem i yal ccɣel yelhan. 22Rwel i ccehwat n temẓi, nadi lḥeqq,
liman, leḥmala, lehna, kečč d wid ineddhen s Ssid seg wul yeṣfan. 23Ḍegger akkin fell-
ak lehdur ur nemɛin ur nenfiɛ, neẓra belli ttarwen-d siwa amennuɣ. 24Aqeddac n Ssid ur
ilaq ara ad ittnaɣ, meɛna ilaq ad yiḥnin ɣef medden, ad yizmir i uselmed, d aṣebri, 25ad
issefhem s leɛqel wid yettqamaren, ahat Illu ad asen-d-ifk ttuba, iwakken ad issinen
tidet, 26yerna ad d-uɣalen ɣer leɛqel-nsen, ad d-snesren i ucebbak n Cciṭan i ten-iṭṭfen
iwakken ad xedmen lebɣi-s.
Imejhal n wussan ineggura
3Ḥṣu ayagi: deg wussan ineggura ad d-ilin lewqat iweɛren. 2Imdanen ad ilin d wid
iḥemmlen kan iman-nsen, d iṭemmaɛen, d imzuxxiyen, d imkebbren, d ijeddaren, d
imɛuṣa n yimawlan, d inekkaren n lxir, ur ttqadaren ara Illu, 3ur seɛɛun ara rreḥma,
qquren wulawen-nsen, d iqejjamen, d imencaf, d uqsiḥen, d iɛdawen n lxir, 4d
ixeddaɛen, d iḥemmaqen, d wat ttnefxa, d wid iḥemmlen zzhu wala Illu, 5a d-ttbanen d
wid yettaggaden Illu, meɛna nekren tazmert-is. Imdanen am wigi, rwel fell-asen. 6Kra
seg-sen keččmen ɣer yixxamen, ttaṭṭafen deg yicebbaken-nsen tilawin xfifen, yeččuren
d ddnub, i yettawi yal ṣṣenf n ccehwa; 7ttnadint dayem ad issinent, meɛna ur ssawaḍent
ara i tmusni n tidet. 8Akken i qumren Yanis akked Yambris Musa, akken daɣen i
ttqamaren tidet yimdanen-agi, lefhama-nsen tefsed, ur ttwaqeblen ara deg wayen yeɛnan
liman. 9Meɛna ur ssebɛaden ara aṭas, axaṭer leḥmeq-nsen ad d-ittwafḍeḥ zdat medden
merra, akken i d-ittwafḍeḥ leḥmeq n yirgazen-nni.
10
Ma d kečč, ttebɛeḍ akken ilaq aselmed-iw, tikli-w, leɛzayem-iw, liman-iw, litteɛ n lxaṭer-
iw, leḥmala-w, rrẓana-w, 11leɣbayen-iw, lemḥayen-iw, am tid i sɛeddaɣ di Antyukya, di
Ikunyum, di Listra; d acu n lemḥayen ur sɛeddaɣ ara? Meɛna Illu yessukkes-iyi-d seg-
sent merra. 12Wid merra yebɣan ad ɛicen s tuggdi n Yillu di Lmasiḥ Yasuɛ ad ttwaqehren.
13
Meɛna imcumen, iɣerraqen, ad ttzidin di ccer, ad sɣerrqen wiyaḍ, nutni, s timmad-nsen,
ttwaɣerrqen. 14Kečč, ṭṭef deg wayen i tlemdeḍ, i twalaḍ belli d ṣṣeḥḥ: teẓriḍ wuɣur i t-
tlemdeḍ. 15Seg wasmi i meẓẓiyeḍ, tessneḍ tira iqedsen; zemrent ad ak-fkent lekyasa
yettawin ɣer leslak s liman yellan di Lmasiḥ Yasuɛ. 16Tira merra i d-ittuweḥḥan sɣur
Yillu nefɛent i uselmed, i uqenneɛ, i undaṛ, i urebbi di lḥeqq, 17i wakken aqeddac n Yillu
ad yili yekmel yerna iḥerreg i yal ccɣel yelhan.
4Deɛɛaɣ-k s Yillu akked Lmasiḥ Yasuɛ, netta ara iḥasben wid yeddren d wid yemmuten,
s tisin-is akked tgelda-s, 2beccer awal, ḥiwet di yal taswiɛt, tewseɛ neɣ teḍyeq, ndeṛ,
ɛeggen, nhu, s leɛqel yerna i uselmed. 3Axaṭer ad d-yaweḍ lweqt ideg imdanen ur
qebblen ara aselmed iṣeḥḥan, meɛna ad tebɛen lebɣi n tnefsit-nsen, ad kettren lecyux ara
asen-d-iqqaren ayen i bɣan ad as-slen, 4ad sɛuẓẓgen i tidet, ad zzin ɣer tmucuha. 5Meɛna
kečč, tḥekkem deg yiman-ik di kullec, ṣṣber i lemḥayen, xdem ccɣel n ubcir, lhi-d d
leqdic-ik akken ilaq.
6
Ma d nekk, aql-i mmareɣ yakan d lweɛda n ccrab, lawan n rrwaḥ-iw iḥder-d. 7Nnuɣeɣ
amennuɣ ucbiḥ, kfiɣ tazzla, ḥerzeɣ liman; 8tura, taɛeṣṣabt n lḥeqq tettuhegga-yi, Ssid,
anezzarfu aḥeqqi, ad iyi-tt-id-ifk ass-nni, mačči i nekk kan, meɛna i wid merra yettraǧun
s ccuq tisin-is.
9
Ɣiwel ruḥ-d ɣur-i s lɛejlan. 10Dimas yeǧǧa-yi, iḥemmel zzman-agi, iruḥ ɣer Tisaluniki;
kriskis iruḥ ɣer Galatya, Titus ɣer Dalmatya; 11siwa Luqa i d-iqqimen yid-i. Awi-d yid-k
Marqus, axaṭer ad iyi-infeɛ di leqdic. 12Ceggɛeɣ Tixikus ɣer Afasus. 13Mi ara d-truḥeḍ,
awi-d yid-k abernus-nni i ǧǧiɣ ɣer Karbus di Truwas, rnu-d idlisen, ladɣa ittafttaren n
uglim. 14Aliksandrus aḥeddad ixdem-iyi aṭas ccer; ssid ad as-d-yerr akken yexdem.
15
Kečč, ḥader iman-ik seg-s, axaṭer iqumer-aɣ mliḥ di lehdur-nneɣ.
16
Mi dufɛeɣ ɣef yiman-iw tikkelt tamezwarut, ur ufiɣ yiwen ɣer tama-w, ǧǧan-iyi merra; a
wer ten-iḥaseb Yillu ɣef wayagi! 17Meɛna Ssid yella yid-i, ifka-yi-d tazmert, iwakken, yis-
i, ttebcira ad tettubeccer s lekmal-is, yerna leǧnas merra ad as-slen. Ttwakkseɣ-d seg
uxenfuc n yizem. 18Ssid ad iyi-id-issukkes si yal ccer yerna ad iyi-isellek iwakken ad iyi-
issekcem ɣer tgelda-s n yigenwan; i netta lɛaḍima, si lǧil ɣer lǧil! Amin.
Sslam aneggaru
19
Sellem ɣef Briska, Akila akked uxxam n Unisifurus. 20Irastus iqqim di Kurintus; ǧǧiɣ
Trufimus yuḍen di Milatus. 21Wwet amek ara d-truḥeḍ uqbel ccetwa. Yubulus, Budas,
Linus, Klawdya akked watmaten merra ttsellimen-d fell-ak. 22Ssid ad yili d rruḥ-ik!
Nneɛma ad tili yid-wen!
TABRAT I TITUS
Sslam
1Bulus, aqeddac n Yillu, amceggeɛ n Yasuɛ Lmasiḥ i liman n wid yexṭar Yillu akked
tmusni n tidet di tuggdi n Yillu, 2i yersen ɣef usirem n tudert n dayem, i yewɛed uqbel
lewqat n lebda Yillu ur neskiddib ara, 3yerna ibeggen-d awal-is di lweqt-is s ttebcira i yi-
d-ittunefken, s lamer n Yillu amsellek-nneɣ, 4i Titus, mmi n ṣṣeḥḥ di liman i aɣ-icerken:
nneɛma akked lehna sɣur Yillu Ababat akked Lmasiḥ Yasuɛ, amsellek-nneɣ.
Ccɣel n Titus di Kritus
5
Ǧǧiɣ-k di Kritus, iwakken ad tṣeggmeḍ ayen i d-iqqimen ad ittwaxdem, yerna, akken i
k-weṣṣaɣ, ad tesbeddeḍ imeqqranen di yal tamdint, 6ma tufiḍ dinna albaɛḍ n yirgazen
mebla llum, yellan d argaz n yiwet n tmeṭṭut kan, yesɛan dderya imḍuɛen iɣef ur d-giren
ara lefsad, neɣ nnfaq. 7Axaṭer aɛessas, yellan d lewkil n Yillu, ilaq ad yili mebla llum, ur
ittili ara d imkebber, neɣ d bu ccwal, neɣ d acraybi, neɣ d amčeqlal, neɣ d aṭemmaɛ,
8
meɛna d win yesterḥiben, d bab n lxir, d aɛeqli, d aḥeqqi, ittaggad Illu, itḥekkem deg
yiman-is, 9iṭṭef deg wawal n tidet akken yella uselmed, iwakken ad yizmir ad iqenneɛ
wid yettqamaren.
10
Gar wid iḍehren dɣa, llan aṭas n yimnufaq, i iheddren di rrayeɛ yerna d ixeddaɛen,
11
err-asen takmamt i yimawen-nsen. Rwin ixxamen s lekmal-nsen, sselmaden ayen ur
nlaq ara, ɣef rrbeḥ n leḥram. 12Yiwen deg-sen, nnbi-nsen, yenna-d: "Ikritiyen, dayem d
ikeddaben, d lewḥuc iweɛren, d lmeɛdat timeɛguza." 13Cchada-agi tṣeḥḥa; ɣef wayagi,
ndeṛ-iten s leqsaḥa, iwakken ad ṣeḥḥin di liman, 14ur ttabaɛen ara timucuha n
Iyahudiyen, neɣ lumur n yimdanen yesseɛwajen tidet. 15Kullec iṣfa ɣer wid yeṣfan;
meɛna acemma ur iṣfi ɣer wid ineǧsen akked wid ur numin ara; lefhama-nsen akked
lxaṭer-nsen neǧsen. 16Qqaren belli ssnen Illu, meɛna nekren-t s lefɛayel-nsen; mekruhit,
d imɛuṣa, ur zmiren ara ad xedmen leṣlaḥ.
Aselmed iṣeḥḥan
2Kečč, ini ayen iwufqen aselmed iṣeḥḥan. 2Imɣaren, ur ten-imellek ara ccrab, ad ilin d
leǧwad, d iɛeqliyen, ṣeḥḥan di liman, di leḥmala, di ṣṣber. 3Tilawin timeqqranin daɣen
ilaq ad sɛunt tikli i tuklal leqdasa, ur ttilint d tiqejjamin ur tent-imellek ccrab, meɛna ad
sselmadent ayen yelhan, 4i wakken ad mlent i tlawin meẓẓiyen ad ssaɛezzayent irgazen-
nsent yerna ad ḥemmlent arraw-nsent, 5ad ilint d tiɛeqliyin, ṣfant, ad d-lhunt d lecɣel n
yixxamen-nsent, lhant, ttḍuɛunt irgazen-nsent, iwakken awal n Yillu ur ittwargam ara.
6
Nhu daɣen ilmeẓyen ad ilin d iɛeqliyen. 7Di kullec, efk-d lemtel s lefɛayel yelhan:
aselmed yeṣfan, lḥerma, 8awal zeddigen yerna mebla llum, iwakken win yettqamaren ad
inneḥcam, ur ittaf ara d acu ara d-yini n wayen n diri fell-aɣ. 9Nhu aklan ad ttḍuɛun
ssyadi-nsen di kullec, ad ten-ttraḍin, ur ten-ttqamaren ara, 10ur ttakren acemma, meɛna
ad d-ssebganen belli mumanit aṭas, iwakken ad cebbḥen di kullec aselmed n Yillu
amsellek-nneɣ.
11
Axaṭer nneɛma n Yillu amsellek tettubeggn-d i yimdanen merra. 12Tesselmad-aɣ ad
nexḍu i leǧhel, i ccehwat n ddunit, yerna ad nettidir di zzman-agi s lekyasa, lḥeqq akked
tuggdi n Yillu, 13deg uraǧu n usirem aseɛdi d ubeggen n lɛaḍima n Yillu Ameqqran
akked umsellek-nneɣ Yasuɛ Lmasiḥ. 14Ifka iman-is fell-aɣ, iwakken ad aɣ-d-ifdu si yal
lbaṭel, yerna ad issizdeg agdud ara yilin d ayla-s, ara yetḥemmsen i lefɛayel yelhan. 15Ini
ayagi, nhu, ndeṛ s lḥekma; yiwen ur k-iḥeqqer!
3Smektay-iten-id ad ttḍuɛun sslaṭen akked lḥukumat, ad ttaɣen awal, ad ilin weǧden i
yal ccɣel yelhan, 2ur ttjeddiren deg yiwen, ad ilin d imhenniyen, ad sɛun rreḥma, ad
iḥninen d medden merra. 3Axaṭer nekni daɣen nella zik d ibhimen, d imɛuṣa, nḍaɛ, d
aklan n yal ccehwa akked lhawa, nettɛici di ccum akked leḥsed, nettwakreh, nemyekrah
gar-aneɣ. 4Meɛna mi d-ibeggen Yillu Amsellek-nneɣ lehhu-s akked leḥmala-s,5isellek-
aɣ, mačči s kra n lefɛayel n lḥeqq i nexdem nekni, meɛna akken i tella rreḥma-s, s uɣḍaṣ
n tlalit tajdidt akked ujedded n Rruḥ Iqedsen, 6i d-ismar fell-aɣ s ṭṭaqa, s Yasuɛ Lmasiḥ
Amsellek-nneɣ, 7i wakken, nekni yettuzekkan s nneɛma-s, ad nuɣal d iwriten, akken
yella usirem n tudert n dayem.
8
Awal-agi iṣeḥḥa, yerna bɣiɣ ad terreḍ mliḥ ddehn-ik s ayagi, iwakken wid yumnen s
Yillu ad d-lehhun kan d lecɣal yelhan; ayagi yecbeḥ yerna yenfeɛ imdanen. 9Ma d
lehdur imeslab, ttajirat, amqelleɛ, amǧadel ɣef ccariɛa, xḍu-yasen: ur nfiɛen ur sɛin
lmeɛna. 10Win yessawalen i beṭṭu, mbaɛd mi as-tɛeggneḍ abrid neɣ mertayen, sbeɛd-it
fell-ak; 11ḥṣu belli amdan am wagi yeffeɣ i ubrid, idneb, iḥkem ɣef yiman-is s yiman-is.
12
Mi ara ak-n-ceggɛeɣ Artimas neɣ Tixikus, ɣiwel ruḥ-d ɣur-i ɣer Nikubulis, axaṭer
dinna i qesdeɣ ad sɛeddiɣ ccetwa. 13Nub-d akken ilaq i yinig n Zinas, lɛalem n lqanun,
akked Abulus, iwakken acemma ur ten-ittxaṣṣa. 14Widak-nneɣ daɣen, ilaq ad ḥefḍen ad
d-lehhun d lecɣal yelhan, iwakken ad qablen lmeḥwiǧat, swakka ur ttilin ara d wid ur d-
nettak ara lfakya.
15
Wid merra yellan yid-i ttsellimen fell-ak. Sellem ɣef wid i aɣ-iḥemmlen di liman.
Nneɛma ad tili yid-wen merra.
TABRAT I FILIMUN
Sslam
Bulus ameḥbus n Lmasiḥ Yasuɛ akked gma-tneɣ Timutawus, i Filimun ɛzizen, arfiq-nneɣ
n leqdic, 2i weltma-tneɣ Abfiya, i Arxibus, arfiq-nneɣ n umennuɣ akked tmezdayt yellan
deg uxxam-ik; 3nneɛma akked lehna ad awen-d-ttunefkent sɣur Yillu Baba-tneɣ akked
Ssid Yasuɛ Lmasiḥ.
Aḥellel ɣef Unisimus
4
Zgiɣ qqareɣ-as tanemmirt i Yillu-yiw mi ara k-id-ttadreɣ di tẓilla-w, 5axaṭer sliɣ s liman
i tesɛiḍ di Ssid Yasuɛ akked leḥmala i tḥemmleḍ imqeddsen merra, 6i wakken lemxalṭa-
k di liman ad tenfeɛ deg ubeggen n kra n wayen yelhan i nezmer ad t-nexdem ɣef
Lmasiḥ. 7Ferḥeɣ aṭas yerna theddneɣ ɣef ddemma n leḥmala-k, axaṭer yis-k, a gma, ul n
yimqeddsen ithedden.
8
Ɣef wayagi, ɣas sɛiɣ ttesriḥ di Lmasiḥ ad ḍebbreɣ fell-ak deg wayen iwulmen, 9ɣef
ddemma n leḥmala, axir-iyi ad k-nhuɣ, akka i lliɣ, nekk, Bulus amɣar, yerna tura d
ameḥbus n Lmasiḥ Yasuɛ, 10ad k-ḥelleɣ ɣef Unisimus, mmi i d-sɛiɣ di leqyud, 11win
akken yellan zik ur k-infiɛ ara, meɛna tura infeɛ-ik, infeɛ-iyi. 12Aql-i rriɣ-ak-t-in, netta
yellan d tasa-w. 13Ɛezmeɣ ad t-ṭṭfeɣ ɣur-i, iwakken ad iyi-iqdec deg umkan-ik, mi akka i
lliɣ di ssnasel ɣef Linǧil. 14Meɛna ur bɣiɣ ara ad xedmeɣ acemma mebla ṛṛay-ik,
iwakken lxir-ik ur ittili ara d tin n bessif, meɛna seg wul. 15Ahat ifureq-ik i kra n lweqt
iwakken ad k-id-yuɣal i dayem, 16mačči d akli, meɛna xir n wakli: d yiwen seg
watmaten ɛzizen, ɛzizen fell-i, xelliɛad fell-ak, ama di tfekka, ama di Ssid.
17
Ma tḥesbeḍ-iyi dɣa d arfiq, sterḥeb yis-s am wakken d nekk. 18Ma yella iḍlem-ik neɣ
tettalaseḍ-as kra, ḥseb-it fell-i. 19D nekk, Bulus, i k-n-yuran ayagi s ufus-iw: d nekk ara
ixellṣen. fiḥel ma nniɣ-ak belli ttalaseɣ-ak tudert-ik merra. 20A gma, lukan kan ad iyi-
txedmeḍ lemzeyya-agi di Ssid; ssertiḥ ul-iw di Lmasiḥ. 21Ttekleɣ belli ad taɣeḍ awal,
daymi i k-n-uriɣ, yerna ẓriɣ belli ad txedmeḍ akter n wayen akka i ak-d-nniɣ. 22Heggi-yi
daɣen anda ara serseɣ aqerru-w; axaṭer ssarameɣ, s tẓilla-nwen, ad awen-iyi-n-rren.
23
Ibafras, arfiq-iw n lḥebs di Lmasiḥ, ittsellim fell-ak, 24netta d Marqus, Aristarxus,
Dimas akked Luqa, irfiqen-iw n leqdic. 25Nneɛma n Ssid Yasuɛ Lmasiḥ ad tili d rruḥ-
nwen.
TABRAT I YIƐEBRANIYEN
Yasuɛ Lmasiḥ yugar lmalayek
1Acḥal d abrid yerna s waṭas n ttawilat, Illu ihder-d zik i lejdud-nneɣ s lanbeyya. 2Ɣer
taggara n wussan-agi, ihder-aɣ-d s Umemmit, i yesbedd d awrit n kullec, swayes i d-
ixleq daɣen ddunit, 3netta yellan d ccbaḥa n lɛaḍima-s, d ṭṭabeɛ n ṭṭbiɛa-s, yerna yeṭṭef
kullec s tezmert n wawal-is. Mbaɛd mi yessazdeg si ddnubat, iqqim ɣer tama tayeffust n
Yillu Ameqqran deg yimukan ɛlayen, 4yuɣal ikka-d nnig lmalayek, iwret isem yifen
isem-nsen.
5
Illa wasmi i yenna Yillu i walbaɛḍ n lmalayek: "
Kečč d mmi; d nekk i k-id-isɛan ass-a"?
Neɣ daɣen: "Nekk, ad as-iliɣ d Ababat, netta ad iyi-yili d Amemmit"? 6Daɣen asmi i d-
issekcem Amenzu ɣer ddunit-agi, inna: "Lmalayek merra n Yillu ad seǧǧden zdat-
s!"7Ɣef lmalayek daɣen, inna:
"Irra lmalayek-is d leryaḥ,
iqeddacen-is d aḥeǧǧaǧu n tmes."
8
Meɛna i Umemmit, inna:
"Akersi-k n leḥkem, ay Illu, i lebda;
Aɛekkaz-ik n leḥkem-ik,
D aɛekkaz n lewqam.
9
Tḥemmleḍ lḥeqq, tkerheḍ lbaṭel;
Ɣef wayagi, ay Illu,
Illu-yik idhen-ik s zzit n lfuruḥ, ismenyaf-ik ɣef yirfiqen-ik."
10
Daɣen:
"Kečč, a Sidi, tserseḍ lsas i lqaɛa si tazwara;
Igenwan, d lxedma n yifassen-ik.
11
Ad negren, ma d kečč, ad tdumeḍ; ad qedmen merra am llebsa,
12
Ad ten-tennḍeḍ am ubernus;
Am llebsa, ad ttubeddlen.
Meɛna kečč, ur tettbeddileḍ ara,
iseggasen-ik ur keffun ara."
13
Illa wasmi i yenna i walbaɛḍ n lmalayek:
"Qqim ɣer tama-w tayeffust,
Alamma rriɣ iɛdawen-ik d tarkabt i yiḍarren-ik"?
14
Ur llin ara merra d lerwaḥ i iqeddcen ɣef Yillu, ttuceggaɛen iwakken ad qedcen i wid
ara iwerten leslak?
Ur ilaq ara aferreṭ di leslak
2Ɣef wayagi, ilaq-aɣ ad nerr ddehn-nneɣ mliḥ s ayen i nesla, iwakken ur nteffeɣ ara i
ubrid. 2Axaṭer, ma yella awal-nni i d-nnan lmalayek ittuwekkd-d, yerna kra n lmeɛṣeyya
neɣ n utɛeddi ttuɛaqben s lḥeqq, 3amek ara nemneɛ, ma nferreṭ di leslak yecban wagi?
Tazwara, leslak-agi yettubeccer-aɣ-d sɣur Ssid, mbaɛd ittuwekked-aɣ-d sɣur wid i as-
islan, 4Illu irufeq cchada-nsen s limarat, leɛǧayeb akked lberhanat n yal ṣṣenf, s tukciwin
daɣen n Rruḥ Iqedsen, akken yebɣa.
5
Mačči d lmalayek iwumi i d-irra ddaw uḍar-nsen ddunit i d-iteddun iɣef d-nhedder.
6
Illa win i d-icehden ɣef wayagi deg yiwen n umkan, yenna-d:
"D acu-t umdan,
I wakken ad t-id-temmektiḍ;
D acu-t mmi-s n umdan,
I wakken ad d-telhiḍ yid-s?
7
Terriḍ-t qell n lmalayek i kra n lweqt;
Teqqneḍ-as taɛeṣṣabt n ccan akked lɛezz,
8
Terriḍ kullec ddaw uḍar-is."
Mi yerra kullec ddaw uḍar-is, Illu ur iǧǧi acemma ur yuɣal ara ddaw uḍar-is. Tura,
urɛad i nwala kullec yuɣal ddaw uḍar-is. 9Meɛna win akken i yuɣalen i kra n lweqt qell
n lmalayek, Yasuɛ, nettwali-t yeqqen taɛeṣṣabt n ccan akked lɛezz ɣef ddemma n leɛtabn
lmut; swakka, s nneɛma n Yillu, ijerreb lmut ɣef yimdanen merra.
10
Axaṭer ihwa-yas i win i d-ixelqen kullec, yerna kullec illa-d i netta, yerna yebɣa ad
yawi ɣer lɛaḍima aṭas n dderya, ad issiweḍ ɣer lekmal, s leɛtab, aqerru n leslak-nsen.
11
Win yettqeddisen akked wid yettwaqeddsen ffɣen-d seg yiwen; ɣef wayagi, ur isetḥa
ara ad asen-isemmi atmaten, 12mi yenna:
"Ad beccreɣ isem-ik i watmaten-iw; ad k-ḥemdeɣ di tlemmast n tejmaɛt."
13
Daɣen: "Fell-ak i ttekleɣ." Daɣen: "Aql-i nekk d warrac i yi-d-ifka Yillu." 14Ihi, imi
arrac cerken idammen akked tecriḥt, netta daɣen icurek-iten di liḥala-nsen, iwakken, s
lmut, ad ikkes tazmert i win yesɛan tazmert n lmut, yeɛni Cciṭan, 15yerna ad isellek wid
merra yellan ttaggaden lmut dɣa uɣalen ddaw tkelwa ddunit-nsen merra. 16Ala, d ayen
ibanen, ur ittɛawan ara lmalayek, meɛna yettɛawan dderya n Abraham. 17Ɣef wayagi,
ilaq-as ad icabi di kullec atmaten-is, iwakken ad yuɣal d lmuqeddem ameqqran aḥnin
yerna d unṣiḥ deg wayen yeɛnan Illu, iwakken ad isuref ddnubat n ugdud. 18Axaṭer, seg
wakken yenneɛtab mi yettwajerreb, izmer ad iɛiwen wid yettwajerrben.
Yasuɛ Lmasiḥ yugar Musa
3Ihi, ay atmaten imqeddsen, yettekkin deg usiwel i d-ikkan seg yigenni, muqlet
amceggeɛ, lmuqeddem ameqqran n cchada-nneɣ n liman, Yasuɛ, 2i yellan muman ɣer win
i t-isbedden, akken i t-illa Musa deg uxxam-is merra. 3D tidet, Yasuɛ yuklal ccan akter n
Musa, akken yuklal ccan win ibennun axxam akter n uxxam-nni yebna. 4Yal axxam, illa
win i t-ibnan; meɛna win yebnan kullec, d Illu. 5Musa yella muman deg uxxam merra n
Yillu, d aqeddac, iwakken ad d-icehhed ɣef wayen ara d-ittubeccren ɣer zdat. 6Meɛna
Lmasiḥ muman ɣef uxxam-is, d Amemmit; axxam-is, d nekni, ma neḥrez laman akked
usirem swayes i nettzuxxu.
7
Ɣef wayagi i d-yenna Rruḥ Iqedsen:
"Ass-a, ma teslam i taɣect-is,

8
Ur sɣarayet ara ulawen-nwen, am di Mariba,
am wass-nni n Masa, deg unezruf,
9
Anda i yi-ijerrben lejdud-nwen;
Jerrben-iyi ɣas akken walan ayen i xedmeɣ di rebɛin n yiseggasen.
10
Ɣef wayagi i rfiɣ ɣef lǧil-agi, dɣa nniɣ:
Zgan wulawen-nsen ḍaɛen, ur ssinen ara iberdan-iw.
11
Dɣa, seg wurrif-nni i rfiɣ, ggulleɣ ur kcimen asteɛfu-w."
12
Hadret, ay atmaten, ad yili gar-awen win ara yesɛun ul d amcum, ur ittamen ara, ad
yaweḍ ad ixḍu i Yillu yeddren. 13Meɛna ttemyenhut gar-awen yal ass, skud akk nezmer ad
d-nini ass-a, iwakken yiwen deg-wen ur isɣaray ul-is s leɣrur n ddnub; 14axaṭer nuɣal
nettekki d Lmasiḥ, awi-d kan ad neṭṭef mliḥ alamma d taggara di ṭṭmana-nneɣ
tamezwarut, 15akken yura:
"Ass-a, ma teslam i taɣect-is, ur sɣarayet ara ul-nwen, am di Mariba."
16
Anwi wigi i inufqen mbaɛd mi slan i taɣect-is? Mačči d wid merra i d-iffɣen si Maṣer s
ufus n Musa? 17Anwi iɣef yerfa Yillu rebɛin n yiseggasen? Mačči d wid idenben, ɣlin
mmuten deg uneẓruf? 18Anwi i d-ilha mi yeggul ur kcimen asteɛfu-s? Mačči d wid i t-
iɛuṣan? 19Nwala belli ur ssawḍen ara ad kecmen, seg wakken ur uminen ara.
Anekcum ɣer usteɛfu n Yillu
4Skud akk mazal lweɛd n unekcum ɣer usteɛfu-s, ad naggad ad yili yiwen deg-wen ara
d-yafen iman-is ifut-it lḥal. 2Axaṭer Linǧil-agi yettubeccer-aɣ-d i nekni, am nutni, meɛna
wid yeslan i wawal ur stenfɛen ara yis-s, axaṭer wid i as-islan ur t-qbilen ara s liman.
3
Ma d nekni i yumnen, ad nekcem ɣer usteɛfu, akken i d-yenna: "Seg wakken rfiɣ,
ggulleɣ ur kcimen asteɛfu-w!" Inna-d akka ɣas akken lecɣal-is kfan seg wasmi i d-texleq
ddunit. 4Axaṭer yenna-d deg yiwen n umkan ɣef wass wis sebɛa: "Illu yesteɛfa seg
wayen akk yexdem ass wis sebɛa." 5Inna-d daɣen: "Ur keččmen ara asteɛfu-w." 6Ihi, imi
i yettunefk i kra ad kecmen asteɛfu-agi, yerna wid yeslan i ttebcira d imezwura ur
kcimen ara seg wakken ur uɣen ara awal, 7Illu iɛellem daɣen ass, d ass-a, mi d-yenna
seg yimi n Dawed, akken i t-id-nenna uqbel: "Ass-a, ma teslam i taɣect-is, ur sɣarayet
ara ulawen-nwen."8Lemmer i asen-iḍmin Yacuɛa asteɛfu, Illu ur d-ihedder ara mbaɛd
ayagi ɣef wass-nniḍen. 9Ihi, iqqim-d usteɛfu i ugdud n Yillu. 10Axaṭer win ara ikecmen
asteɛfu-s ad isteɛfu ula d netta si lecɣal-is, akken yesteɛfa Yillu si lecɣal-is. 11Ad nɣiwel
ihi ad nekcem asteɛfu-agi, iwakken yiwen ur iɣelli akken i ɣlin wid i iɛuṣan.
12
Awal n Yillu yedder yerna yesɛa tazmert, iqḍeɛ akter n ujenwi iqeḍɛen si snat n
leǧwahi, ikeččem alamma yefreq gar terwiḥt d rruḥ, gar lmefṣel d wadif; issenqad
ixemmimen akked lebɣi n wul. 13Ulac taxelqit yeffren zdat-s, kullec iḍher, kullec ifḍeḥ
zdat wallen n win iwumi ara nerr leḥsab.
14
Nekni yesɛan ihi lmuqeddem ameqqran ɛlayen, i izegren igenwan, Yasuɛ, Mmi-s n
Yillu, ad neṭṭef ihi mliḥ di cchada n liman. 15Axaṭer ur nesɛi ara lmuqeddem ameqqran
ur nezmir ara ad ifhem ḍɛafat-nneɣ; ittujerreb di kullec am nekni, meɛna ur idnib ara.
16
Ad nqerreb ihi s ṭṭmana s akersi n leḥkem n nneɛma, iwakken ad aɣ-d-tettunefk
rreḥma yerna ad naf nneɛma iwakken ad aɣ-iɣit di lweqt ilaqen.
Yasuɛ Lmasiḥ yugar lmuqeddem ameqqran
5Yal lmuqeddem ameqqran i d-ittwaddmen si gar yimdanen ittusbedd i leqdic zdat Yillu
deg umkan n yimdanen, iwakken ad ittqeddim lewɛadi akked yiseflawen ɣef ddemma n
ddnubat. 2Izmer ad ifhem wid ur nessin ara akked wid iḍaɛen, imi netta, s timmad-is,
icerk-iten ḍɛafa; 3ɣef ddemma n ḍɛafa-agi i yelzem fell-as ad ifk iseflawen ɣef ddnubat-
is netta, akken i ten-ittak ɣef ddnubat n ugdud. 4Yiwen ur izmir ad ifk i yiman-is ccan-
agi, ma ur d-ittusawel ara sɣur Yillu am Harun.
5
Akken daɣen ula d Lmasiḥ, ur ifka ara ccan i yiman-is iwakken ad yuɣal d lmuqeddem
ameqqran, meɛna yewwi-t sɣur win i as-d-yennan: "Kečč, d Mmi, sɛiɣ-k-id ass-a",
6
akken i d-yenna anda-nniḍen: "Kečč, d lmuqeddem i lebda, akken i t-illa Malki-Ṣidiq."
7
D netta, asmi yella di ddunit, i yeẓẓullen yerna iḥellel s leɛyaḍ ameqqran akked
yimeṭṭawen win akken i izemren ad t-isellek si lmut. Ittwaqebl-d ɣef ddemma n ṭṭaɛa-s.
8
Ɣas akken d Mmi-s n Yillu i yella, iḥfed ṭṭaɛa, s leɛtab i yeɛteb; 9mbaɛd mi yessaweḍ
ccɣel-is ɣer lekmal, yuɣal i wid merra i as-ittaɣen awal d bab n leslak n dayem, 10d Illu
i t-isbedden d lmuqeddem ameqqran, akken i t-illa Malki-Ṣidiq.
11
Nesɛa aṭas ara d-nini ɣef wayagi, yerna d ayen iweɛren i usefhem, axaṭer tuɣalem
tweɛrem i lefhama. 12Kenwi, ilaqen ad tilim d iselmaden acḥal aya, mazal-iken teḥwaǧem
win ara awen-islemden timecṭaḥ n wawal n Yillu, tuɣalem teḥwaǧem ayefki, mačči d lqut
azuran. 13Kra n win i mazal deg uyefki ur izmir ara i wawal yellan d ṣṣwab, axaṭer, d
llufan i yella. 14meɛna lqut azuran, i wid yewwḍen, i wid i ijerrben, ssnen ad meyyzen gar
ccer akked lxir.
Lweɛd s limin
6Ɣef wayagi ihi, ad neǧǧ timecṭaḥ-nni n uselmed n Lmasiḥ, ad nelḥu s ayen ikemlen,
mebla ma nɛawed i lsas n wayen yeɛnan ttuba si lefɛayel yettawin ɣer lmut, liman deg
Yillu, 2aselmed yeɛnan aɣḍaṣ, tarusi n yifassen, ḥeggu n lmeggtin, lḥisab n dayem. 3D
ayen ara nexdem ma iserreḥ-aɣ Yillu. 4Wid iɣef d-tecceɛceɛ tafat yiwen n wass, ɛerḍen
tukci n Yillu, iṣaḥ-iten-id umur si Rruḥ Iqedsen, 5ɛerḍen lbenna n wawal n Yillu akked
leɛǧayeb n ddunit i d-iteddun, 6mbaɛd ɣlin, d lmuḥal ad ɛiwden ad tuben iwakken ad d-
uɣalen, imi i ɛawden ṣellben s yiman-nsen Mmi-s n Yillu, rran-t i ttiha. 7Akal yeswan s
ugeffur yezgan ikkat-d fell-as yerna yettak-d leḥcic inefɛen wid i t-ixeddmen, itekki di
lbaraka n Yillu. 8Meɛna ma yefka-d isennanen akked ubuneqqar, ur isɛi ara azal, yuklal
ad ittwanɛel; taggara-s, ad yerɣ.
9
Ɣas nhedder akka, ay imeɛzuzen, netḥeqqeq fell-awen belli aql-iken-id deg ubrid n
leslak. 10Ala, Illu mačči d ṭṭalem iwakken ad ittu ccɣel-nwen akked leḥmala i tḥemmlem
isem-is, mi tqedcem yerna mazal-iken tqeddcem ɣef yimqeddsen. 11Nebɣa yal yiwen
deg-wen ad isɛu lḥir-agi, iwakken ad iḥrez asirem-is iǧǧuǧǧeg alamma d taggara. 12Ur
feččlet ara, meɛna ɛandet wid iwerten lewɛud s liman akked ṣṣber.
13
Asmi i yewɛed Yillu Abraham, imi ulac win i t-yugaren ad iggall yis-s, iggull s yixf-is,
14
inna: "Ad k-barkeɣ yerna ad k-sseftiɣ." 15Akka ihi, Abraham iṣber, dɣa yettunefk-as-d
wayen i as-ittuweɛden. 16Imdanen ttgallan s win i ten-yugaren, yerna limin iḍemmen-
asen ferru n temsal; 17swakka, iwakken ad d-ibeggen i wid ara iwerten lweɛd belli ur
ittuɣal ara deg wawal, iggull-asen, 18i wakken s snat n leḥwayeǧ-agi ur nettbeddil ara,
ideg ur iskiddib ara Yillu, ad niǧhid mliḥ, nekni yeǧǧan kullec, iwakken ad neṭṭef deg
usirem i aɣ-d-ittunefken. 19Asirem-agi yella-yaɣ d amextaf n terwiḥt, iṣeḥḥa yerna
yeǧhed, ikcem akkin i leḥǧab, 20anda akken yekcem Yasuɛ, d amezwaru, ɣef ddemma-
nneɣ, yuɣal d lmuqeddem ameqqran i dayem, akken i t-illa Malki-Ṣidiq.
Malki-Ṣidiq, d tteswira n Yasuɛ
7Malki-Ṣidiq-agi yella d agellid n Calim, d lmuqeddem n Yillu Ɛlayen. Iruḥ immuger
Abraham mi d-yuɣal seg umennuɣ-nni i yennuɣ netta d igelliden, dɣa iburek-it; 2imiren
Abraham iɛeccer-as si kullec. Lmeɛna n yisem-is, di tazwara, agellid n lḥeqq, mbaɛd,
agellid n Calim, yeɛni agellid n lehna. 3Ur isɛi baba-s, ur isɛi yemma-s, ur isɛi ttajira, ur
iban melmi i tebda ddunit-is wala melmi i tekfa, meɛna yecba Mmi-s n Yillu, iqqim d
lmuqeddem i dayem.
4
Walit acḥal meqqer win akken iwumi yefka Abraham leɛcur seg wayen i d-irbeḥ di ṭṭrad,
netta yellan d baba-tneɣ. 5Wid yellan seg wat Lewwi iwumi i d-ittunefk leqdic n
lmuqeddmin, ittunefk-asen-d lamer, akken yella di ccariɛa, ad d-ttaṭṭafen leɛcur sɣur
ugdud, yeɛni atmaten-nsen, ɣas akken frurin-d si Abraham. 6Malki-Ṣidiq, ur nelli ara si
ttajira-nsen, iṭṭef-d leɛcur sɣur Abraham yerna iburek win yesɛan lewɛud. 7Mebla ccekk,
amecṭuḥ ittubarek sɣur umeqqran. 8Dagi, d imdanen yettmettaten i d-ittaṭṭafen leɛcur;
meɛna dinna, ittuwekkd-d belli win akken i ten-id-ittaṭṭafen idder. 9Ad d-nini ihi belli, s
Abraham, ula d Lewwi, win akken i d-ittaṭṭafen leɛcur, ittɛeccir, 10axaṭer illa yakan di
baba-s asmi yemmuger Malki-Ṣidiq Abraham.
11
Ihi, lemmer dɣa yennekmal leqdic n lmuqeddmin n wat Lewwi, axaṭer ɣef leqdic-agi i
ters ccariɛa i d-ittunefken i ugdud, acuɣer i ilaq ad d-ikker lmuqeddem-nniḍen, akken i t-
illa Malki-Ṣidiq, mačči akken i t-illa Harun? 12Abeddel n leqdic n lmuqeddmin ilzem
abeddel n ccariɛa. 13Axaṭer win iɣef d-yenna ayagi, illa si lɛerc anda yiwen ur iqerreb
aɛalṭar. 14Iban belli Ssid-nneɣ iffeɣ-d si Yahuda, lɛerc iɣef ur d-inni Musa acemma deg
wayen yeɛnan lmuqeddmin. 15Ayagi ad d-iban akter, ma yekkr-d lmuqeddem-nniḍen
icuban Malki-Ṣidiq, 16i yettusbedden mačči s lqanun i d-yumer umdan, meɛna s tezmert n
tudert ur nfennu, 17imi i yettuwekkd-d: "Kečč, d lmuqeddem i dayem, akken i t-illa Malki-
Ṣidiq." 18Swakka, lamer-nni aqdim ibṭel, axaṭer ixuṣṣ yerna ur infiɛ ara. 19Imi ccariɛa ur
tessaweḍ acemma ɣer lekmal, illa-d yiwen n usirem ifazen akter swayes i nettqerrib ɣer
Yillu.
20
Yerna ayagi ur d-iḍri ara mebla limin, meɛna wiyaḍ uɣalen d lmuqeddmin mebla limin;
21
meɛna Yasuɛ yuɣal s limin s win i as-innan: "Ssid iggull, ur ineddem ara: kečč, d
lmuqeddem i dayem." 22Swakka, Yasuɛ yuɣal d ṭṭamen n lɛahd ifazen akter. 23Aṭas n
lmuqeddmin i d-illan, axaṭer lmut teqḍeɛ-asen ad dumen; 24meɛna netta, imi i yella i
dayem, isɛa leqdic n lmuqeddmin ur nettuwrat ara. 25S wayagi, izmer ihi ad isellek s
lekmal wid yettqerriben yis-s ɣer Yillu, imi dayem idder iwakken ad iɛenni fell-asen. 26D
lmuqeddem ameqqran am wagi i aɣ-ilaqen, iqdes, iṣfa, mebla lɛib, ittwaɛzel ɣef
yimednuben, ɛlay akter n yigenwan, 27ur iḥwaǧ ara ad ittak yal ass iseflawen, am
lmuqeddmin imeqqranen, ɣef ddnubat-is qbel, mbaɛd ɣef ddnubat n ugdud: ayagi
ixdem-it yiwet n tikkelt i dayem, mi yefka iman-is. 28Lmuqeddmin imeqqranen i
tesbedd ccariɛa, d irgazen iḍeɛfen; meɛna awal n limin i d-illan mbaɛd ccariɛa, isbedd
Amemmit yellan d lkamel, i dayem.
Lɛahd ajdid
8Deg wayen akk i d-nenna, atan wayen yellan d lsas: nesɛa lmuqeddem ameqqran am
wagi yeqqimen ɣer tama tayeffust n ukersi n leḥkem n lɛaḍima n Yillu deg yigenwan,
2
d aqeddac n ufakan n ṣṣeḥḥ akked uqiḍun aḥeqqani, i yettusbedden sɣur Ssid mačči
sɣur umdan. 3Yal lmuqeddem ameqqran ittusbedd iwakken ad ittqeddim lewɛadi
akked yiseflawen; ɣef wayagi i yelzem fell-as ad isɛu ayen ara yettqeddim. 4Lemmer
di lqaɛa i yella, ur ittili ara akk d lmuqeddem, axaṭer llan wid yettqeddimen lewɛadi
akken i t-id-tenna ccariɛa. 5Ccɣel i llan xeddmen-t, d tteswira, d tili n wayen yellan n
yigenwan, akken i as-d-iɛeggen Yillu i Musa mi yekker ad isbedd aqiḍun, yenna-yas-d:
"Muqel, xdem kullec akken yella lemtel i ak-d-ssekneɣ deg udrar." 6Meɛna tura iṣaḥ-it-id
yiwen n leqdic igerrzen akter, axaṭer d awsiṭ n lɛahd ifazen akter, i ibedden ɣef lewɛud
ifazen akter.
7
Lemmer lɛahd amezwaru ur isɛi ara lɛib, fiḥel ma yella-d wayeḍ deg umkan-is. 8S
ulummu i d-yenna i Israyil:
"Atnaya wussan, i d-yenna Ssid, ad xedmeɣ d uxxam n Israyil akked uxxam n Yahuda
yiwen n lɛahd, d ajdid,
9
Mačči am lɛahd i xedmeɣ d lejdud-nsen, asmi i asen-ṭṭfeɣ afus,
Ssufɣeɣ-ten-id si tmurt n Maṣer;
Meɛna imi ur ṭṭifen ara di lɛahd-iw, ula d nekk ǧǧiɣ-ten, i d-yenna Ssid.
10
Atan lɛahd ara xedmeɣ d uxxam n Israyil, mbaɛd ussan-agi, i d-yenna Ssid;
Ad rreɣ leqwanen-iw di lbal-nsen.
Ad ten-aruɣ ɣef wul-nsen;
Ad asen-iliɣ d Illu, nutni ad iyi-ilin d agdud.
11
Yiwen ur ittuɣal ad isɣer mmi-s n tmurt-is, gma-s, ad as-yini:
'Issin Ssid!'
Axaṭer ad iyi-issinen merra, seg umecṭuḥ akk alamma d ameqqran akk gar-asen.
12
Axaṭer ad asen-ɛfuɣ sseyyat-nsen,
Ur d-ttmektayeɣ ara akk ddnubat-nsen."
13
Mi d-yenna: "Ajdid", irra amezwaru d aqdim; ayen iqedmen, iɛeddan, qrib ad iɣab.
Yasuɛ, d asfel n lɛahd ajdid

9Lɛahd amezwaru yesɛa leqwanen yeɛnan lɛibada, isɛa daɣen afakan di ddunit-agi.
2
Ittusbedd yiwen n uqiḍun: di lǧiha tamezwarut, yettusemman amkan iqedsen, illa
lmeṣbaḥ, ṭṭabla akked yiɣerman n uqeddem. 3Deffir leḥǧab wis sin, tella lǧiha n uqiḍun
yettusemman amkan iqedsen nezzeh, 4i yesɛan timbexxert n ddheb akked usenduq n
lɛahd i iɣummen merra s ddheb. Daxel n usenduq, illa uqbuc n ddheb yeččuren d
tamanna, aɛekkaz n Harun yeǧǧuǧgen akked teblaḍin n lɛahd. 5Nnig n usenduq, llan
ikerruben n lɛaḍima, rran tili i uɣummu. Ulamek ara ad nehder tura ɣef wayagi s ttfaṣil.
6
Imi kullec yers deg umkan-is, lmuqeddmin keččmen yal lweqt ɣer lǧiha tamezwarut
iwakken ad xedmen ccɣel-nsen; 7ma ɣer lǧiha tis snat, d lmuqeddem ameqqran kan i
ikeččmen yiwet n tikkelt i useggas, meɛna ur ikeččem ara mebla idammen i yettqeddim
ɣef yiman-is akked ddnubat n ugdud. 8Rruḥ Iqedsen ittbeggin-aɣ-d s wayagi belli abrid
s ayen iqedsen mazal ur ildi ara skud akk mazal ibedd uqiḍun amezwaru. 9Ayagi, d
lemtel i lweqt-agi n tura: lewɛadi akked yiseflawen i yettunefkayen ur zmiren ara ad
ssizedgen lxaṭer n win i ten-ittqeddimen; 10ayagi yella kan d lqut, d tissit akked yal ṣṣenf
n luḍu: d lɛaddat n umdan i yeṭṭfen armi d lweqt n useqɛed.
11
Meɛna Lmasiḥ yusa-d, d lmuqeddem ameqqran n lxirat i d-iteddun. Seg uqiḍun i
imeqqren akter, i ikemlen akter, ur ixdim ufus n umdan, yeɛni ur nelli ara n txelqit-agi,
12
yerna s yidammen, mačči n yiqelwacen akked yiɛejmiyen, meɛna s yidammen-is netta,
i yekcem yiwet n tikkelt i dayem s amkan iqedsen nezzeh, yerna yewwi-d lefdi i dayem.
13
Axaṭer ma yella idammen n yiqelwacen d yizgaren, akked yiɣed n tgenduzt swayes i
ttruccun wid ineǧsen ttṣeffin yerna ssizdigen tafekka, 14amek idammen n Lmasiḥ, i
yefkan iman-is, s Rruḥ n dayem i Yillu, d asfel mebla lɛib, ur ssizdigen ara lexwaṭer-
nneɣ si lefɛayel yemmuten, iwakken ad neqdec ɣef Yillu yeddren? 15Ɣef wayagi i yella
d awsiṭ n lɛahd ajdid, iwakken, s lmut i d-illan i lefdi si lmeɛṣeyyat n lɛahd amezwaru,
wid i d-ittusawlen ad sɛun lwert n dayem i asen-ittuweɛden.
Yasuɛ, d awsiṭ n lɛahd ajdid
16
Anda yella lkaɣeḍ n lewṣaya, ilaq ttbut n lmut n win i t-yuran; 17lkaɣeḍ n lewṣaya
iṣeḥḥa ma yella bab-is immut, axaṭer skud akk mazal bab-is idder, ur iṣeḥḥa ara. 18Ɣef
wayagi ula d lɛahd amezwaru yettusbedd s yidammen. 19Musa, mbaɛd mi d-iɣra lumur
yiwen yiwen i ugdud merra, akken yella di ccariɛa, iddem-d idammen n yiɛejmiyen
akked yiqelwacen, yerna-d aman, taḍuṭ tazeggaɣt akked umezzir; dɣa irucc yis-sen adlis
akked ugdud merra, 20inna: "Wigi, d idammen n lɛahd i awen-d-yumer Yillu." 21Irucc s
yidammen-nni ula d aqiḍun akked dduzan n lɛibada. 22Di ccariɛa, qrib kullec ittizdig s
yidammen; mebla tazzla n yidammen, ulac leɛfu.
23
Ihi, ma yella tteswirat n wayen yellan deg yigenwan ttizdigent s lɛaddat-agi, ilaq ayen
yellan, s timmad-is, n yigenwan ad yizdig s yiseflawen ifazen akter. 24Ala, Lmasiḥ ur
ikcim ara s amkan iqedsen nezzeh yettwaxedmen s ufus n umdan, yellan d tteṣwira n
wayen yellan d ṣṣeḥḥ, meɛna ɣer yigenni, iwakken ad ibedd zdat Yillu ɣef ddemma-
nneɣ. 25Mačči iwakken ad ittak iman-is aṭas n tikkal, am lmuqeddem ameqqran i
ikeččmen s amkan iqedsen nezzeh yiwen n ubrid i useggas s yidammen ur nelli ara d
ayla-s; 26neɣ ma ulac, ilaq-as ad inneɛtab aṭas n tikkal seg wasmi i d-texleq ddunit.
Meɛna tura, taggara n zzman, iḍher-d yiwet n tikkelt kan iwakken ad issebṭel ddnub s
tukci i yefka iman-is d asfel. 27Imi i d-iṣaḥ i yimdanen ad mmten yiwet n tikkelt kan,
mbaɛd ad d-yili lḥisab, 28akken daɣen Lmasiḥ, yefkan iman-is yiwet n tikkelt kan
iwakken ad ibibb ddnubat n waṭas n yimdanen, ad d-iḍher tikkelt tis snat, mačči ɣef
ddnub, meɛna i usellek n wid i t-ittraǧun.
Yasuɛ, d asfel yifen iseflawen n ccariɛa
10Ccariɛa, yellan d tteṣwira n lxirat i d-iteddun, mačči d udem aḥeqqani n wayen yellan
d ṣṣeḥḥ, d lmuḥal ad tizmir, s yiseflawen-nni i zgan ttqeddimen-ten yal aseggas, ad
tessiweḍ ɣer lekmal wid yettqerriben ɣer Yillu. 2Lukan dɣa yella wamek, tili ad ḥebsen
ur ten-ttaken ara, axaṭer widak-nni i ten-ittqeddimen ad ilin ṣfan yiwet n tiyita, ur
ttuɣalen ara ad ttezzmen iman-sen ɣef ddnubat-nsen? 3Meɛna s yiseflawen-nni,
ttmektayen-d yal aseggas ddnubat. 4Axaṭer d lmuḥal idammen n yizgaren akked
yiqelwacen ad kksen ddnubat.
5
Ɣef wayagi, mi d-ikcem ɣer ddunit, Lmasiḥ inna:
"Ur tebɣiḍ la asfel, la lweɛda; meɛna tefkiḍ-iyi-d tafekka.
6
Ur k-ɛǧiben iseflawen yerɣan wala iseflawen ɣef ddnubat.
7
Dɣa nniɣ:
Aql-i usiɣ-d, akken yura fell-i deg udlis,
i wakken ad xedmeɣ lebɣi-k, ay Illu."
8
Mbaɛd mi d-yenna: "Ur tebɣiḍ ur teqbileḍ iseflawen wala lewɛadi wala iseflawen
yerɣan ɣef ddnubat", ɣas akken ttunefkayen akken yella di ccariɛa, 9yenna-d: "Aql-i
usiɣ-d ad xedmeɣ lebɣi-k." Swakka, issebṭel lɛibada tamezwarut, isbedd tayeḍ. 10S lebɣi-
agi i nettwaqeddes, s tfekka n Yasuɛ Lmasiḥ yettunefken d asfel yiwet n tikkelt i dayem.
11
Yal lmuqeddem ittadded yal ass iwakken ad iqdec yerna ad ittak dayem iseflawen-nni
dɣa ur nezmir ara akk ad kksen ddnubat; 12meɛna netta, mbaɛd mi yefka yiwen kan n
usfel ɣef ddnubat, iqqim i dayem ɣer tama tayeffust n Yillu, 13tura yettraǧu ad uɣalen
yiɛdawen-is d tarkabt i yiḍarren-is. 14S yiwen n usfel kan, issaweḍ imqeddsen ɣer lekmal
i dayem. 15D ayen i aɣ-d-ittwekkid ula d Rruḥ Iqedsen; axaṭer mbaɛd mi d-yenna:
16
"Atan lɛahd ara sbeddeɣ yid-sen, mbaɛd ussan-agi, i d-yenna Ssid, ad rreɣ leqwanen-
iw deg wul-nsen, ad ten-aruɣ di lbal-nsen",
17
Inna-d daɣen:
"Ur ttuɣaleɣ ara ad d-mmektiɣ ddnubat-nsen akked sseyyat-nsen."
18
Akka ihi, anda yella leɛfu n ddnubat, ulac asfel ɣef ddnubat.
Tudert s liman
19
Ay atmaten, netḥeqqeq belli teldi-yaɣ tewwurt s amkan iqedsen nezzeh s yidammen
n Yasuɛ, 20axaṭer ildi-yaɣ abrid ajdid yerna yedder mi icerreg leḥǧab, yeɛni tafekka-s.
21
Nesɛa lmuqeddem ameqqran yettusbedden ɣef uxxam n Yillu; 22ad nqerreb ihi s wul
n ṣṣeḥḥ, di liman ikemlen, ulawen uzdagen si lxaṭer yerwin, tafekka turad s waman
yeṣfan. 23Ad neṭṭef di cchada n usirem-nneɣ, ur nettenququl ara, axaṭer win i iweɛden, d
unṣiḥ. 24Ad nettemḥadaret ihi gar-aneɣ, wa ad isseḥrac wa ɣer leḥmala akked lefɛayel
yelhan. 25Ur ilaq ara ad nettixxer seg unejmaɛ-nneɣ, akken uɣen tannumi kra; meɛna ad
nettemyenhu gar-aneɣ, ladɣa mi tettwalim ad d-ittqerrib wass.
26
Axaṭer ma nedneb s tteɛemda, mbaɛd mi aɣ-d-tettunefk tmusni n ṣṣeḥḥ, ur d-iqqim ara
usfel ɣef ddnubat, 27meɛna ad nerǧu kan lḥisab aqesḥan, aḥeǧǧaǧu-nni n tmes ara
yeččen imɛuṣa. 28Win yerẓan ccariɛa n Musa, ad immet mebla rreḥma, s cchada n sin
neɣ n tlata n yinagan; 29d acu i twalam? acḥal qessiḥ lɛiqab yuklal win ara irekḍen Mmi-
s n Yillu, ara iḥesben densen idammen n lɛahd swayes yuzdag, mi yergem Rruḥ n
nneɛma! 30Axaṭer nessen win i d-yennan:
"D nekk i d-ittarran ttar, d nekk i yettxelliṣen." Daɣen: "Ssid ad iḥaseb agdud-is." 31I
yewɛer ad d-tḥeṣleḍ deg ufus n Yillu yeddren!
32
Mmektit-d ussan imezwura, mi akken kan i d-tecceɛceɛ tafat fell-awen, tṣebrem i lḥif,
d ameqqran: 33si lǧiha, tettumekknem i reggmat akked uqehher, si lǧiha-nniḍen,
tbeddem ɣer wid yesɛeddayen annect-agi. 34D tidet, tcurkem imeḥbas di lḥif-nsen, yerna
tqeblem s lferḥ ad tettuɛerrim si lerbaḥ-nwen, axaṭer teẓram belli tesɛam lerbaḥ ifazen
akter yerna ttdumun. 35Ihi, ur ttḍeggiɛet ara laman-nwen:
Ad tettuǧazim fell-as s yiwen n lajer, d ameqqran. 36Teḥwaǧem ṣṣber, iwakken mi
txedmem lebɣi n Yillu, ad awen-d-ittunefk wayen i awen-ittuweɛden.
37
"Drus i mazal, kra n lweqt kan, win ara d-yasen ad d-yas, ur ittɛeṭṭil ara.
38
Aḥeqqi-w ad yidir s liman;
Ma yuɣal ɣer deffir, ur ferrḥeɣ ara yis-s."
39
Nekni, mačči seg wid yettuɣalen ɣer deffir iwakken ad nḍiɛ, meɛna seg wid yesɛan
liman iwakken ad sellken tarwiḥt-nsen.
Liman n yimezwura
11Liman, d tteḥqiq belli nekseb ayen i nessaram, d lebyan n wayen ur ttwalint ara
wallen. 2Yis-s i d-ittucehhed ɣef yimezwura.
3
S liman i nefhem belli ddunit tettwaxleq s wawal n Yillu: swakka, ayen i ttwalint
wallen ikka-d seg wayen ur ttwalint ara wallen.
4
S liman i iqeddem Habil i Yillu asfel ifazen akter n win n Kayin, swayes i yettwaḥseb d
aḥeqqi, dɣa Illu yeqbel lewɛadi-s; yis-s, ɣas akken immut, mazal-it ihedder. 5S liman i
yettwarfeɛ Ḥanux iwakken ur ittwali ara lmut, yuɣal ulac-it, axaṭer Illu irfeɛ-it; uqbel ad
ittwarfeɛ, ittucehd-d fell-as belli yeɛǧeb i Yillu. 6Mebla liman, d lmuḥal ad iɛǧeb yiwen i
Yillu, axaṭer win ara iqerrben ɣer Yillu ilaq ad yamen belli yella yerna yettǧazi wid
yettnadin fell-as. 7S liman, mi d ittuxebber Nuḥ sɣur Yillu s wayen i mazal ur t-iwala
ara, ikker ibna lbabur iwakken ad isellek axxam-is; swakka, iḥkem ɣef ddunit yerna
yuɣal iwret azekki s liman.
8
S liman, mi d-ittusawel, Abraham yuɣ awal, iruḥ s amkan-nni i as-ittuheggan d lwert;
iruḥ ur iẓri s anda i iteddu. 9S liman i iɛac di tmurt n lweɛd am di lberrani, izdeɣ deg
yiqiḍunen am Isḥaq akked Yeɛqub, i icerken yid-s yiwen n lweɛd. 10Illa yettraǧu tamdint
yesɛan lsas i ifeṣṣel yerna yebna Yillu. 11S liman, Ṣara, s timmad-is, nettat yellan d
tiɛiqert, tettunefk-as-d tezmert ad tesɛu dderya, ɣas akken meqqret di leɛmer, axaṭer
tumen belli win i tt-iweɛden, d unṣiḥ. 12Ɣef wayagi, seg yiwen n urgaz yellan ɣef tizi n
lmut, tlul-as-d dderya s waṭas am yitran n yigenni, am rrmel ɣef yiri n lebḥer, ur izmir
yiwen ad ten-iḥseb.
13
Di liman i mmuten wigi merra ur ksiben ayen akken i asen-ittuweɛden, meɛna walan-t
si lebɛid yerna ferḥen yis-s, setɛerfen belli d iberraniyen yerna d imsebriden di ddunit-
agi. 14Wid iheddren akka beggnen-d belli d tamurt i ttnadin. 15Lemmer d tin akken iseg
d-ffɣen iɣef ttxemmimen, mačči d tagnit i ten-ixuṣṣen ad uɣalen ɣur-s; 16meɛna d tamurt
ifazen akter i cedhan, yeɛni tin n yigenwan. Ɣef wayagi, Illu ur isetḥa ara ad ittusemmi
Illu-nsen, axaṭer d nutni iwumi i ihegga yiwet n temdint.
17
S liman i yefka Abraham Isḥaq, mi yettujerreb, i yefka mmi-s awḥid, netta iwumi i d-
ttunefken lewɛud, 18iwumi i d-yenna Yillu: "S Isḥaq ara tesɛuḍ dderya ara irefden isem-ik."
19
Iwala belli Illu yezmer ad d-isseḥyu ula si gar lmeggtin, daymi i as-d-yuɣal mmi-s: ayagi, d
lemtel. 20S liman daɣen i iburek Isḥaq Yeɛqub akked Ɛisu ɣef wayen yeɛnan ayen i d-iteddun.
21
S liman i iburek Yeɛqub arraw n Yusef mi yella yettmattat, itekka ɣef tɛekkazt-is, iseǧǧed.
22
S liman i d-icar Yusef, mi yella yettmettat, ɣef tuffɣa n wat Israyil, yerna iweṣṣa ɣef yiɣsan-
is.
23
S liman, mi d-ilul Musa, imawlan-is ffren-t tlata n wagguren, axaṭer walan aqcic icbeḥ,
yerna ur uggaden ara lamer n ugellid. 24S liman, mi meqqer Musa yugi ad ittusemmi
mmi-s n yelli-s n Ferɛun; 25ixtar ad immermed d ugdud n Yillu wala ad izhu i kra n
lweqt kan s ddnub. 26Iwala belli ddel n Lmasiḥ, d agerruj yifen igerrujen n Maṣer, axaṭer
allen-is reṣṣant ɣef lajer. 27S liman i yegga Maṣer ur yuggad urrif n ugellid; iṭṭef mliḥ
axaṭer iwala win akken ur ttwalint wallen. 28S liman i yezla izimer n Usuref yerna irucc
s yidammen, iwakken amsenger ur ittnal ara imenza n wat Israyil. 29S liman i zegren
lebḥer azeggaɣ am wakken d lberr; ma d imaṣriyen i iɛerḍen ad zegren, belɛen. 30S
liman i ɣlin leṣwar n Yariḥu, mbaɛd mi asen-zzin sebɛa n wussan. 31S liman ur tengir ara
Raḥab taqeḥbit nettat d yimɛuṣa-nni, axaṭer testerḥeb akken ilaq s yexbarǧiyen-nni.
32
D acu ara d-iniɣ daɣen? Ur y-iseɛd ara lweqt ad d-hedreɣ ɣef Gidɛun, ɣef Baraq, ɣef
Cimcun, ɣef Iftaḥ, ɣef Dawed, ɣef Camwil akked lanbeyya, 33i gɣelben s liman
tigeldiwin, xedmen ɣef lḥeqq, ttunefken-asen-d lewɛud, ɣellqen axenfuc i yizmawen,
34
qemḍen tazmert n tmes, menɛen i leqḍiɛ n ujenwi, yuɣal-iten-id lǧehd mbaɛd lehlak,
uɣalen ẓewren di ṭṭrad, srewlen lemḥellat n yiberraniyen. 35Kra n tlawin, uɣalen-asent-d
wid i asent-immuten, ḥyan-d; wiyaḍ mmermden armi d lmut yerna ur qbilen ara ad
ttwasellken, iwakken ad sɛun ḥeggu ifazen akter; 36wiyaḍ jerrben ttiha akked ujelkaḍ,
leqyud akked lḥebs; 37ttwarejmen, ttwagezmen s umencar, mmuten s ujenwi, ttmenṭaren s
yebḍanen akked yigelman n tɣeṭṭen, ittwakkes-asen kullec, ttwaɛeṣren, ttwaɛetben,
38
nutni ur tuklal ara ddunit, ttmenṭaren di ssḥari akked yidurar, di lɣiran akked yixejḍan
n lqaɛa. 39Wigi merra iɣef d-ittucehhed ɣef ddemma n liman-nsen ur wwiḍen ara ayen i
asen-ittuweɛden, 40axaṭer Illu ihegga i nekni ayen ifazen akter, iwakken ur ttawḍen ara
ɣer lekmal mebla nekni.
Ṣṣber di leɛtab
12Swakka ihi, nekni daɣen iwumi i d-zzin aṭas n yinagan, ad nḍegger kra yellan d
taɛkemt akked ddnub i aɣ-d-izzin; ad neṭṭef deg umennuɣ-agi i aɣ-d-iqublen. 2Ad nezzi
tamuɣli ɣer win yellan d aqerru n liman yerna yessawaḍ-it ɣer lekmal, Yasuɛ, netta i
isemmḥen di lferḥ i t-id-iṣaḥen, iɛteb ṣṣalib, iɛfes ɣef ddel, dɣa yeqqim ɣer tama tayeffust
n ukersi n leḥkem n Yillu. 3Muqlet ihi win i iqublen taɛdawit am tinna sɣur imednuben,
iwakken ur tfeččlem ara, ur tettaysem ara.
4
Mazal ur tqumrem ara alamma uzzlen idammen deg umennuɣ i tettnaɣem d ddnub,
5
yerna tettum andaṛ i ken-indeṛ am warraw-is:
"A mmi, ur ḥeqqer ara lɛiqab n Ssid,
ur feččel ara mi ara k-ineddeṛ;
6
Axaṭer Ssid ittɛaqab win i iḥemmel,
ittaṭṭaf aɛekkaz i kra n win yeḥseb d mmi-s."
7
Leɛtab-agi i tettneɛtabem, d ttrebga: Illu ileḥḥu-yawen akka axaṭer d arraw-is. Anwa
ababat ur nettɛaqab ara mmi-s? 8Meɛna ma tmenɛem i lɛiqab i yettḥazen akk dderya, ihi
kenwi, d arraw n leḥram, mačči d arraw-is. 9Imi ibabaten-nneɣ n tfekka ɛuqben-aɣ yerna
nquder-iten, ur nettḍuɛu ara akter Ababat n lerwaḥ, iwakken ad nidir? 10Imawlad nneɣ
ɛuqben-aɣ i kra n lweqt kan, akken i walan yelha; meɛna Illu ittɛaqab-aɣ di nnfeɛ-nneɣ,
iwakken ad nettekki di leqdasa-s. 11Yal lɛiqab ittban-d di tazwara ur issefraḥ ara, meɛna
iqerreḥ; meɛna, ɣer taggara, ittawi-d i wid i d-irebba lehna akked lewqam.
12
Sǧehdet ihi iɣallen-nwen yeɛyan akked tgecrar-nwen ifeclen. 13Ṣeggmet iberdan i
yiḍarren-nwen, iwakken aquḍar ur isquḍur ara, meɛna iwakken ad iḥlu.
14
Nadit ad tilim di lehna d medden merra; nadit ɣef leqdasa, axaṭer mebla leqdasa,
yiwen ur ittwali Illu. 15Ḥadret ad yili win ara d-ikksen iman-is si nneɛma n Yillu, ad d-
yili uẓar n lemrar ara yefken imɣi, ad isker ccwal yerna ad issefsed tajmaɛt. 16Ḥadret ad
d-yili uqeḥbi neɣ amednus am Ɛisu, i yezzenzen lḥeqq-is n umenzu ɣef yiwen uḍebsi n
lmakla. 17Teẓram belli mbaɛd mi yebɣa ad iwret lbaraka yettwaḥerrem, yerna ur yufi ara
akk amek ara ibeddel liḥala-s, ɣas akken ittḥellil s yimeṭṭawen.
Tagelda ur nettenququl
18
Kenwi, ur tqerrbem ara s adrar i ttnalen ifassen, ɣer tmes iceɛlen, ɣer ṭṭlam, ɣer
leɣmam, ɣer tbuciḍant, 19ɣer ṣṣut n lbuq, ɣer ṣṣut n lehdur, armi widak-nni i as-islan
ḥellen-t ur asen-d-irennu ula d yiwen n wawal; 20axaṭer ur as-zmiren ara i lamer-nni i d-
yenna: "Ɣas d lmal ara d-yennalen adrar-agi, ad immet s urjam." 21Seg wakken
yesserhab wayen akken i walan, Musa yenna: "Aql-i xelɛeɣ yerna ttergigiɣ." 22Meɛna
kenwi, tqerrbem s adrar n Ṣiyun, ɣer temdint n Yillu yeddren, ɣer Yarucalim n
yigenwan, ɣer luluf n lmalayek yellan di lferḥ, 23ɣer tmezdayt n yimenza yettwajerrden
deg yigenwan, ɣer Yillu, anezzarfu n medden merra, ɣer lerwaḥ n yiḥeqqiyen i
yewwḍen ɣer lekmal, 24ɣer Yasuɛ, awsiṭ n lɛahd ajdid, s yidammen n uruccu i mazal
heddren xir n wid n Habil.
25
Ḥadret ad tesɛuẓẓgem i win i d-iheddren; axaṭer ma yella widak-nni yugin ad ḥessen i
win i asen-d-ittɛegginen di lqaɛa-agi ur mniɛen ara, nekni daɣen ur nmenneɛ ara ma

nezzi s uɛrur i win i aɣ-d-iheddren seg yigenwan, 26netta i yessenhezzen zik lqaɛa s
taɣect-is; meɛna tura, iwɛed, inna:
"Tikkelt-nniḍen, ad senhezzeɣ, mačči kan d lqaɛa, meɛna ula d igenni."
27
Lehdur-agi "Tikkelt-nniḍen", ttxebbiren-d belli ayen akk yessenququlen ddunit i d-
ittwaxelqen ad ifnu, iwakken ad d-iqqim wayen ur nettenququl ara. 28Ɣef wayagi, imi i
aɣ-d-tettunefk tgelda ur nettenququl ara, ad neṭṭef di nneɛma-agi swayes i nettɛebbid Illu
akken i as-iɛǧeb, s ṭṭaɛa akked tuggdi; 29axaṭer Illu-nneɣ, d times itetten.
Aweṣṣi ɣef tikli yelhan
13Kemmlet di leḥmala n tegmat. 2Ur tettut ara asterḥeb, axaṭer kra sterḥben s lmalayek
ur ẓrin. 3Ttmektit-d imeḥbas, am wakken tettwaḥebsem yid-sen, wid yettwaqehren, am
wakken deg yiwet n tfekka i tellam. 4Akken ma tellam ɛuzzet zzwaǧ, ur ssenǧaset ara
usu, axaṭer Illu ad iḥaseb iqeḥbiyen akked wid izennun. 5Ur ken-mellken ara yedrimen!
Setqenɛet s wayen i tesɛam. Illu, s timmad-is, yenna-d: "Ur k-ttaǧǧaɣ ara, ur ttakeɣ ara
afus deg-k." 6S lettkal ihi i nezmer ad d-nini:
"Ssid, d amɛiwen-iw, ur ttaggadeɣ acemma; d acu ara y-ixdem umdan?"
7
Ttmektit-d imḍebbren-nwen, wid i awen-ibeccren awal n Yillu; muqlet amek i lḥan
armi d taggara, ɛandet liman-nsen. 8Yasuɛ Lmasiḥ, d win n yiḍelli, d win n wass-a, d
win n dayem. 9Ɣur-wat ad ken-yawi uselmed aberrani n yal ṣṣenf; axater ilha ad
tesǧehdem ul-nwen s nneɛma, mačči s lɛaddat n lmakla ur nenfiɛ ara wid i tent-
ittabaɛen.
10
Nesɛa yiwen n uɛalṭar, wid iqeddcen deg uqiḍun ur sɛin ara lḥeqq ad ččen seg-s.
11
Lmuqeddem ameqqran ittawi idammen n lmal s amkan iqedsen nezzeh i usuref n
ddnub, ma d tifekkiwin, sserɣayen-tent berra n lemḥella. 12Ula d Yasuɛ, iwakken ad
issizdeg agdud s yidammen-is netta, iɛteb berra n temdint. 13Ɣef wayagi, ad neffeɣ ihi
ɣur-s, berra n lemḥella, ad nbibb ddel-is; 14axaṭer ur nesɛi ara dagi tamdint yettdumun,
meɛna nettnadi ɣef tin i d-iteddun. 15Yis, ad nefk yal lweqt asfel n leḥmadi i Yillu, yeɛni
ayen i d-iteffɣen seg yimi-nneɣ, mi ara nettcehhid s yisem-is. 16Ur tettut ara lxedma n lxir
akked lemɛawna gar-awen: s yiseflawen am wigi i iferreḥ Yillu.
17
Ttaɣet awal i yemḍebbren-nwen, ttḍuɛut-ten, axater ttɛassan ɣef terwiḥin-nwen iɣef
ara ttuḥasben, iwakken ad xeddmen ayagi s lferḥ, mačči s usgermed, neɣ ma ulac ur
testenfiɛem ara seg-sen.
18
Dɛut fell-aɣ, axaṭer netḥeqqeq belli lxaṭer-nneɣ ithedden, nebɣa ad neddu akken ilaq di
kullec. 19Ssutureɣ deg-wen ayagi s uḥellel, iwakken ur ttɛeṭṭileɣ ara ad n-uɣaleɣ ɣur-
wen.
20
Illu n lehna, i d-issekkren si gar lmeggtin ameksa ameqqran n wulli, s yidammen n
lɛahd n dayem, Ssid-nneɣ Yasuɛ, 21ad awen-ifk tazmert i kra n wayen yelhan, iwakken
ad txedmem lebɣi-s; ad ixdem deg-wen ayen i t-ittraḍin, s Yasuɛ Lmasiḥ, iwumi ara
tuɣal lɛaḍima i lebda, i dayem! Amin.
Sslam
22
Deɛɛaɣ-ken, ay atmaten, ad tawim i nnehwat-agi, axaṭer s kra n lehdur kan i awen-n-
uriɣ. 23Ḥṣut belli gma-tneɣ Timutawus serrḥen-as-d; ma iɣawel ilḥeq-d, ad n-ruḥeɣ yid-s
iwakken ad ken-ẓreɣ. 24Sellmet ɣef yemḍebbren-nwen merra akked yimqeddsen merra.
Wid n Ṭṭelyan ttsellimen-d fell-awen. 25Nneɛma ad tili yid-wen merra.
TABRAT N YEƐQUB
Sslam
1Yeɛqub, aqeddac n Yillu akked Ssid Yasuɛ Lmasiḥ, i tnac n leɛrac yemzerbaɛen. Sslam
fell-awen!
Ajerreb akked uɣurru
2
Ay atmaten-iw, ferḥet mi ara ttɛeddint fell-awen lemḥayen n yal ṣṣenf, 3axaṭer teẓram
belli ajerreb i yettujerreb liman-nwen ad d-ifk ṣṣber. 4Meɛna ilaq ṣṣber ad ixdem ccɣel-is
akken iwulem, iwakken ad tilim tkemlem yerna twennɛem, ur tettxaṣṣam deg
wacemma. 5Win deg-wen ixuṣṣen di lekyasa, ad tt-issuter i Yillu, i d-ittaken i medden
merra mebla cceḥḥa, mebla alummu, dɣa ad as-d-tettunefk. 6Meɛna ad tt-issuter s liman,
mebla acukku; axaṭer win yettcukkun icba lmuja n lebḥer i ireffed waḍu yesrusu-tt.
7
Amdan am wagi ɣas kan ur ittraǧu ara ad as-d-ifk kra Ssid, 8axaṭer d amdan ur nesɛi ara
yiwen n ṛṛay, ur ireṣṣa ara deg yiberdan-is.
9
Atmaten igellilen ad zuxxen imi yuli ccan-nsen; 10ma d imerkantiyen, ad zuxxen imi i
unzen, axaṭer ad ɛeddin am ujeǧǧig n lexla. 11Mi d-icreq yiṭij s lḥamu-s yesserɣayen,
leḥcic ad iqqar, ajeǧǧig-is ad iɣli, dɣa ad as-truḥ ccbaḥa n ṣṣifa-s; akka ara iqucc
umerkanti di tlemmast n lecɣal-is. 12D aseɛdi umdan i iṣebbren i ujerreb, axaṭer mi ara
iɛeddi deg ujerreb, ad as-d-tettunefk tɛeṣṣabt n tudert, i yewɛed Ssid i wid i t-iḥemmlen.
13
Mi ara yettujerreb yiwen, ur iqqar ara: "D Illu i yi-ittjerriben." Illu ur izmir ara ad t-
iɣurr ccer, yerna netta ur ittɣurru yiwen. 14Meɛna yal yiwen ittujerrab s ccehwa-s i t-
ijebbden yerna tɣewwu-t; 15Mbaɛd, mi terfed ccehwa, ad d-tarew ddnub, mi yeḍra
ddnub, ad d-yawi lmut.
16
Ur ɣellṭet ara, ay atmaten-iw ɛzizen. 17Kra n lehdeyya yelhan, kra n tukci igerrzen
tettekk-d seg usawen, sɣur bab n nnur, ideg ulac abeddel wala lexyal n uneqleb. 18Ihwa-
yas ad aɣ-d-isɛu s wawal n tidet, iwakken ad nili d imenza n lexliqat-is.
Ṭṭaɛa n wawal n Yillu
19
Ḥṣut ayagi, ay atmaten-iw ɛzizen: yal yiwen ad yili xfif i uḥesses, ẓẓay i lhedra, ẓẓay
i reffu; 20axaṭer urrif n umdan ur ixeddem ara ayen yellan d lḥeqq ɣer Yillu. 21Ɣef
wayagi, imi i tḍeggrem kra yellan d nnǧasa akked wayen i d-iqqimen n ccer, sterḥbet s
leḥnana s wawal i yeẓẓan deg-wen yerna yezmer ad isellek tirwiḥin-nwen.
22
Xedmet ayen i d-iqqar wawal n Yillu, mačči d aḥesses kan ara as-tettḥessisem, ad
tettkellixem iman-nwen. 23Win yettḥessisen kan i wawal n Yillu, ur t-ixeddem ara, icba
amdan yettmuqulen udem-is di lemri akken yella, 24meɛna mbaɛd mi imuqel iman-is,
ad iruḥ, ad ittu imiren kan amek i yella. 25Ma d win i ireṣṣan tamuɣli-s di ccariɛa
ikemlen, ccariɛa n tlelli, yerna yeṭṭef, ur illi ara d win yettḥessisen mbaɛd itettu, meɛna
ifeɛɛel, winna ad yili d aseɛdi deg wayen i ixeddem.
26
Win iḥesben iman-is d adiyani yili ur ittarra ara lqid i yiles-is, meɛna ittkellix iman-
is, ddin n umdan-agi yebṭel. 27Ɣer Yillu Ababat, ddin iṣeḥḥan, ur nesɛi ara lɛib, d wagi:
tirza ɣef yigujilen akked tuǧǧal yellan di lmeḥna, akked uḥader ɣef yiman-nneɣ si
nnǧasa n ddunit.
Ur ilaq ara maḥyaf
2Ay atmaten-iw, ur d-ggaret ara maḥyaf di liman i tumnem s Ssid-nneɣ Yasuɛ Lmasiḥ,
ameɛzuz. 2Lemmer ad d-ikcem ɣer tejmaɛt-nwen yiwen n urgaz s txatemt n ddheb akked
llebsa iceɛlen, ad d-ikcem daɣen igellil s yijerbuben, 3ma tmuqlem ɣer bu llebsa-nni
iceɛlen, tennam-as: "Kečč, qqim dagi, deg umkan-agi lɛali", ma i yigellil-nni: "Kečč,
bedd kan dagi, neɣ qqim dagi ɣer terkabt n yiḍarren-iw", 4ur texdimem ara maḥyaf di
lbal-nwen? Ur tuɣalem ara d inezzurfa yesɛan ixemmimen imcumen? 5Ḥesset-d, ay
atmaten-iw ɛzizen: Illu, ur ixṭar ara igellilen n ddunit-agi, iwakken ad ilin d imerkantiyen
n liman yerna d iwriten n tgelda i yewɛed i wid i t-iḥemmlen? 6Meɛna kenwi, tesrexṣem
igellil! Mačči d imerkantiyen i ken-ittɛeṣṣiren, i ken-iẓẓuɣuren ɣer yixxamen n ccraɛ?
7
Mačči d nutni i ireggmen isem ucbiḥ i inedhen fell-awen? 8Ma txeddmem ayen i d-
teqqar ccariɛa tageldant, akken yura: "Ad tḥemmleḍ lɣir-ik am yiman-ik", d ayen yelhan i
txeddmem. 9Meɛna ma txeddmem maḥyaf, tdenbem, yerna ccariɛa teḥkem fell-awen, d
wid yerẓan ccariɛa. 10Axaṭer win iḥerzen ccariɛa merra, meɛna yerẓa yiwen n lamer kan,
iḍlem di kullec. 11Win i d-yennan: "Ur tzennuḍ ara", yenna-d daɣen: "Ur tneqqeḍ ara." Ihi,
ma ur tezniḍ ara meɛna tenɣiḍ, aql-ik terẓiḍ ccariɛa. 12Heddret akka, xeddmet akka axaṭer
ccariɛa n tlelli ad ken-tḥaseb. 13Lḥisab ad yili mebla rreḥma ɣef win ur nesɛi ara rreḥma;
meɛna rreḥma teɣleb lḥisab.
Liman akked lefɛayel
14
Ay atmaten, d acu n nnfeɛ i yesɛa win ara d-yinin belli yesɛa liman, meɛna lefɛayel ulac?
Liman am wagi, izmer ad t-isellek? 15Ma yella yiwen seg watmaten neɣ si tyessetmatin
ɛran yerna xuṣṣen lqut n yal ass, 16yiwen deg-wen ad asen-yini: "ruḥet di lehna, sseḥmut
teččem ad teṛwum", yili ur asen-ifki ara ayen i ḥwaǧen, d acu n nnfeɛ yellan deg
wayagi? 17Akka i yella lḥal: liman mebla lefɛayel immut ɣer daxel-is. 18Meɛna ad yini
yiwen: "Kečč tesɛiḍ liman, nekk lefɛayel; ssken-iyi-d liman-ik mebla lefɛayel, nekk ad
ak-d-ssekneɣ liman-iw s lefɛayel-iw. 19Tumneḍ belli Illu yiwen? D ayen yelhan i
txedmeḍ. Ula d leǧnun umnen yerna ttergigin." 20Tebɣiḍ ad teẓreḍ, ay amdan ur nemɛin,
belli liman mebla lefɛayel, d ulac? 21Baba-tneɣ Abraham, ur ittuzekka ara s lefɛayel, mi
yefka mmi-s Isḥaq ɣef uɛalṭar? 22Twalaḍ belli liman iddukel d lefɛayel-is, yerna s
lefɛayel liman iwweḍ ɣer lekmal-is. 23Swakka, idra wayen akken i d-nnant Tira:
"Abraham yumen s Yillu, dɣa yettwaḥseb-as d azekki, yerna yettusemma aḥbib n Yillu."
24
Twalam ihi belli amdan ittuzekka s lefɛayel, mačči s liman kan. 25Raḥab taqeḥbit, ur
tettuzekka ara ula d nettat s lefɛayel, mi testerḥeb s yimceggɛen-nni yerna tceggeɛ-iten
seg ubrid-nniḍen? 26Akka ihi, tafekka mebla rruḥ temmut; akken daɣen, liman mebla
lefɛayel immut.
Iles
3Ay atmaten-iw, ur d-ttilin ara gar-awen aṭas n wid yesselmaden, axaṭer teẓram belli ad
nettuḥaseb yiwen n lḥisab, d aqesḥan. 2Akken ma nella, nezga nṭecceḍ. Win ur d-ntecceḍ
ara s wawal, d amdan ikemlen, i izemren ad itḥekkem di tfekka-s merra. 3Ma nerra
aleggam deg yimi n yiɛawdiwen iwakken ad aɣ-ttaɣen awal, nenher tafekka-nsen merra.
4
Muqlet daɣen ɣer lbaburat. Ɣas meqqrit, inehher-iten waḍu iǧehden, d yiwen n umeqyad
amecṭuḥ i ten-isselḥayen s anda i as-ihwa i lqebṭan. 5Akken daɣen ula d iles: d lmefṣel
amecṭuḥ, meɛna yettzuxxu s lecɣal imeqqranen. Walit amek times tamecṭuḥt tezmer ad
tečč tiẓgi tameqqrant. 6Iles daɣen, d times, d rreḥba n ccer; iles iṭṭef amkan gar lemfaṣel-
nneɣ, issenǧas tafekka merra yerna yettceɛɛil times di tmeddurt merra, netta yakan icɛel-d
si ǧahennama. 7Yal ṣṣenf n lewḥuc, n leḍyur, n yibelḥekkac, n lḥiwan n lebḥer tturebban,
irebba-ten umdan; 8ma d iles, yiwen ur izmir ad t-irebbi; d lhemm ur nesɛi aḥkim, iččur d
ssem ineqqen. 9Yis-s nettbarak Ssid Ababat, yis-s nneɛɛel imdanen i d-ittwaxelqen ɣef
ṣṣifa n Yillu. 10Seg yiwen n yimi, tetteffeɣ-d lbaraka akked deɛwessu. Ay atmaten-iw, ur
ilaq ara ad d-yili wayagi. 11Tala, tezmer ad d-tefk seg yiwen n lɛinṣer aman ḥlawen akked
waman rẓagen? 12Tanqelt, ay atmaten-iw, tezmer ad d-tefk azemmur, neɣ tara tibexsisin?
Aman imerɣanen ur d-ttaken ara aman ḥlawen.
Lekyasa i d-itekken seg yigenwan
13
Anwa deg-wen yellan d ukyis yerna d lfahem? Ad t-id-ibeggen s tikli-s yelhan, s
lefɛayel yettwaxedmen s wannuz d lekyasa. 14Meɛna ma d tismin tirẓaganin akked
lemxaṣma i yellan deg wul-nwen, ur ttzuxxut ara, ur skiddibet ara ɣef tidet. 15Lekyasa-agi
ur d-tekki ara seg usawen, meɛna si ddunit, si tnefsit, si Cciṭan. 16Axaṭer anda llant tismin
akked lemxaṣma, d arwayen akked yal ṣṣenf n lexdayem n diri i yellan daɣen. 17Lekyasa
n usawen, uqbel kullec, teṣfa, d timhennit, d taɛeqlit, d tamḍuɛt, teččur d rreḥma akked
lfakya lɛali, ur tesɛi ara maḥyaf, ur tleḥḥu ara s sin n wudmawen. 18Lfakya n lḥeqq,
zerrɛen-tt di lehna wid yettnadin lehna.
Ur ttḥasabet ara
4Ansi i d-ikka umqelleɛ, ansi i d-kkan yimennuɣen gar-awen? Mačči si ccehwat-nwen
yettnaɣen di lemfaṣel-nwen? 2Tettcihwim meɛna ur tkessbem ara; tneqqem yerna
tḥettdem meɛna ur d-tettaṭṭafem ara; tettnaɣem yerna tettemqellaɛem meɛna ur teksibem
ara, axaṭer ur tessuturem ara. 3Tessuturem meɛna ur awen-d-ittunefkay ara, axaṭer ur
tessuturem ara akken ilaq, tessuturem iwakken kan ad teddum di lebɣi i ccehwat-nwen.
4
Ay ixeddaɛen, ur teẓrim ara belli win iḥemmlen ddunit ikreh Illu? Ihi, win yebɣan ad yili
d aḥbib n ddunit ad yuɣal d aɛdaw n Yillu. 5Neɣ, tɣilem baṭel i d-nnant Tira: "Illu
yessaɛezz s tismin Rruḥ i d-ifka yezdeɣ deg-neɣ"? 6Ala, ifka-d nneɛma meqqren akter; ɣef
wayagi i d-nnant Tira: "Illu yettqamar imkebbren, meɛna ixeddem lemzeyya i wid
yunzen." 7Ḍuɛet ihi Illu, qamret Cciṭan, dɣa ad irwel mebɛid fell-awen.
8
Qerrbet ɣer Yillu, ad d-iqerreb ɣur-wen. Ssizdget ifassen-nwen, ay imednuben, ṣeffit
ulawen-nwen, a wid ur nesɛi ara yiwen n ṛṛay. 9Mmuɣebnet, ḥeznet, meǧǧdet; taḍṣa-nwen
ad tuɣal d imeṭṭi, lferḥ-nwen ad yuɣal d leḥzen! 10Anzet-as i Ssid, netta ad ken-issaɛli.
11
Ay atmaten, ur kkatet ara wa deg wa. Win yekkaten di gma-s neɣ ittḥasab gma-s, ikkat
di ccariɛa yerna yettḥasab ccariɛa; ma tettḥasabeḍ ccariɛa, ur telliḍ ara d win ixeddmen
ayen i d-teqqar ccariɛa, meɛna d anezzarfu. 12Yiwen kan i d-issufɣen ccariɛa, i d
anezzarfu, win akken i izemren ad isellek neɣ ad issenger. Meɛna kečč, d acu-k,
iwakken ad tḥasbeḍ lɣir-ik?

13
Tura, i kenwi yeqqaren: "Ass-a neɣ azekka ad nruḥ ɣer temdint flanteyya, ad nesɛeddi
dinna aseggas, ad netjar yerna ad nerbeḥ", 14kenwi ur neẓri ara amek ara teḍru d tudert-
nwen azekka; kenwi, d ifuran: ttefɣen-d din, ttɣaben din. 15Anda ara teqqarem akka, init:
"Ma yebɣa Ssid, ad nidir dɣa ad nexdem aya neɣ aya." 16Meɛna tura tettzuxxum s lecɣal-
nwen imeqqranen. Zzux am wagi diri-t. 17Win yessnen ad ixdem ayen yelhan yili ur t-
ixdim ara, d ddnub fell-as.
Aɛeggen i yimerkantiyen
5Tura, i kenwi, ay imerkantiyen: rut, meǧǧdet ɣef twaɣiyin ara d-iɣlin fell-awen!
2
Lerbaḥ-nwen rkan, llebsa-nwen, tečča-tt tumeṭ, 3ddheb-nwen akked lfeṭṭa-nwen
ṣeddden; ṣṣdid-nsen ad d-icehhed fell-awen yerna ad yečč ikesman-nwen am tmes.
Tjemɛem lerbaḥ deg wussan ineggura. 4Atan lexlaṣ-nni i tekksem i yixeddamen
imegren igran-nwen la d-ittsuɣu, leɛyaḍ n yimeggaren wwḍen armi d imeẓẓuɣen n Ssid,
Bab n tzemmar. 5Tɛacem di ddunit di zzhu akked lerbaḥ, tesseṛwam ulawen-nwen deg
wass n tmezliwt. 6Tbuṣam, tenɣam aḥeqqi, ur d-irri ɣef yiman-is.
Ṣṣber di leɛtab
7
Ay atmaten, ṣebret ihi alamma yusa-d Ssid. Walit amek yettraǧu ufellaḥ lɣella yelhan n
wakal-is, ittraǧu s ṣṣber melmi ara d-ɣlin igefran n lexrif akked wid n tefsut. 8Kenwi
daɣen, ṣebret, sǧehdet ulawen-nwen, axaṭer tisin n Ssid teqreb-d. 9Ur ttemlummut ara
gar-awen, iwakken ur tettuḥasabem ara; atan unezzarfu ibedd-d ɣer tewwura. 10Deg
wayen yeɛnan leɛtab akked ṣṣber, lemtel ara ttebɛem, ay atmaten, d lanbeyya i d-ihedren
s yisem n Ssid. 11Neqqar: d iseɛdiyen wid iṣebbren! Teslam ɣef ṣṣber n Yub, twalam
leqsed n Ssid, axaṭer Ssid iččur d rreḥma yerna d aḥnin.
12
Uqbel kullec, ay atmaten-iw, ur ttgallat s yigenni, wala s lqaɛa, wala s limin-nniḍen;
meɛna ma tennam: "Ih", d ih, ma tennam: "Ala", d ala, iwakken ur ken-ittḥaz ara lḥisab.
13
Ittneɛtab yiwen gar-awen? Ad iẓẓal. Ifreḥ yiwen? Ad iḥmed s ccnawi. 14Ihlek yiwen
gar-awen? Ad isiwel i yimeqqranen n tmezdayt, ad ẓẓallen fell-as mbaɛd mi t-dehnen s
zzit s yisem n Ssid. 15Taẓallit s liman ad tsellek amuḍin-nni dɣa ad t-isker Ssid; ma
yexdem kra n ddnub, ad as-ittwasemmeḥ. 16Ttemqirrit gar-awen ddnubat-nwen, wa ad
iẓẓal ɣef wa iwakken ad teḥlum. Taẓallit n uḥeqqi tesɛa tazmert, tfeɛɛel. 17Ilya yella d
amdan am nekni: iẓẓul s uḥellel iwakken ur d-iɣelli ara ugeffur; dɣa ur d-iɣli ara ugeffur
ɣef lqaɛa tlata n yiseggasen d setta n wagguren. 18Mbaɛd, iẓẓul daɣen, dɣa igenni yefka-
d ageffur, lqaɛa tefka-d rreẓq-is.
19
Ay atmaten-iw, ma yella yiwen deg-wen iḍaɛ, ibɛed ɣef tidet, wayeḍ irra-t-id, 20ḥṣut
belli win ara d-irren yiwen n umednub yeffɣen i ubrid, isellek-d tarwiḥt-is si lmut, yerna
yeṣṣer aṭas n ddnubat.
TABRAT TAMEZWARUT N BUṬRUS

Sslam
1Buṭrus, amceggeɛ n Yasuɛ Lmasiḥ, i wid yettwaxtaren, ttilin di lberrani, mzerbaɛen di
Buntus, di Galatya, di Kabadukya, di Asya akked Bitinya, 2ttwaxtaren akken i t-iɛlem
Yillu Ababat si tazwara s uqeddes n Rruḥ, iwakken ad aɣen awal yerna ad ttwaruccen s
yidammen n Yasuɛ Lmasiḥ: nneɛma akked lehna fell-awen s ṭṭaqa.
Tudert tajdidt
3
Ittubarek Yillu, Baba-s n Ssid-nneɣ Yasuɛ Lmasiḥ, i aɣ-d-ifkan s rreḥma-s tameqqrant
tudert tajdidt iwakken ad nesɛu asirem yeddren, s ḥeggu n Yasuɛ Lmasiḥ si gar
lmeggtin, 4i wakken ad nesɛu lwert ur nrekku, ur nettames, ur nxetter; ittuhegga-yawen i
kenwi deg yigenwan, 5kenwi i teḥrez tezmert n Yillu s liman i leslak iweǧden ad d-
ittubeggen di zzman n taggara.
6
D ayagi i ken-issefraḥen, ɣas akken tura, imi d ayen ilaqen, ad ken-sḥeznent i kra n
lweqt aṭas n lemḥayen, 7i wakken ajerreb n liman-nwen, i yeɣlayen akter n ddheb
ifennun, i ilaqen ad iɛeddi di tmes, ad d-ifk leḥmadi, lɛezz akked ccan, asmi ara ad d-
iban Yasuɛ Lmasiḥ. 8Tḥemmlem-t mebla ma twalam-t, tumnem yis-s ɣas akken mazal
ur t-twalam ara, tferḥem yiwen n lferḥ d ameqqran ur d-ttweṣṣifen ara lehdur , 9s tiwḍin
ara tawḍem lmeqsud n liman-nwen, yellan d leslak n terwiḥin-nwen. 10Leslak-agi,
lanbeyya nudan fell-as yerna beḥḥten, nutni i d-icaren ɣef nneɛma i awen-ittuheggan.
11
Beḥḥten ad ẓren lweqt akked tedyanin-nni iɣef sen-d-ihder Rruḥ n Lmasiḥ yellan deg-
sen, mi d-icar uqbel ɣef leɛtab n Lmasiḥ akked lɛezz ara t-id-itebɛen. 12Ittubeggen-asen-d
belli mačči i yiman-nsen, meɛna i kenwi i d-fkan ttebcira-agi. D ayen i awen-d-beccren tura
yebciren n Linǧil s tezmert n Rruḥ Iqedsen i d-ittuceggɛen seg yigenni, ayen akken i bɣan
lmalayek ad t-walin.
13
Ɣef wayagi, ldit leɛqul-nwen, akkit, rret asirem-nwen merra di nneɛma ara awen-d-
ittunefken asmi ara ad d-iban Yasuɛ Lmasiḥ. 14Am warrac yettaɣen awal, ur leḥḥut ara s
ccehwat-nni n zik, mi akken i tellam di lɣefla. 15Imi win i awen-d-isawlen iṣfa, ula d
kenwi ṣfut di tikli-nwen merra, 16axaṭer yura: "Ilit teṣfam, axaṭer nekk ṣfiɣ."
17
Ma tsawalem Baba i win yettḥasaben yal yiwen akken i llan lefɛayel-is, mebla
maḥyaf, lḥut ihi s tuggdi lweqt-agi ara tesɛeddim di ddunit-agi. 18Teẓram belli mačči s
wayen ifennun, s lfeṭṭa neɣ s ddheb, i d-tettucafɛem si tikli-nni ur nemɛin, tin akken i d-
twertem sɣur lejdud-nwen, 19meɛna s yidammen ɣlayen n Lmasiḥ, amzun d idammen n
yizimer ur nesɛi lɛib wala ccama, 20Ittwassen si tazwara, uqbel ad d-texleq ddunit, yerna
yettubeggen-awen-d i kenwi di lewqat ineggura. 21Yis-s i tumnem s Yillu i t-id-isseḥyan
si gar lmeggtin, yerna iɛuzz-it; swakka liman-nwen akked usirem-nwen llan deg Yillu.
22
Imi i tessazdgem tirwiḥin-nwen s tiɣin n wawal i tidet, iwakken ad tesɛum leḥmala n
tegmat yeṣfan, myeḥmalet mliḥ gar-awen seg wul, 23axaṭer tɛawdem-d talalit, mačči si
zerriɛa ifennun, meɛna si zerriɛa ur nfennu, s wawal n Yillu, i yeddren yerna
yettdumu.24Axaṭer: "
Amdan am leḥcic, lɛezz-is merra am ujeǧǧig n lexla; leḥcic ittɣar, ajeǧǧig iɣelli,
25
Meɛna awal n Ssid ittdumu i dayem."
Awal-agi, d Linǧil i awen-d-ittubeccren.
Tikli yelhan
2Kkset ihi kra yellan d tiḥraymit, d tiḥerci, d asneɛmel, d leḥsed, d aqejjem. 2Am
ilufanen i d-ilulen imiren kan, nadit s ccuq ayefki yeṣfan n wawal n Yillu, iwakken ad
tegmum yis-s i leslak, 3ma yella tɛerḍem, tufam belli Ssid ilha. 4Qerrbet ɣur-s, netta
yellan d aẓru yeddren, i ḍeggren yimdanen, meɛna ɣer Yillu, ittwaxtar yerna ɣlay;
5
kenwi daɣen, yellan d iẓra yeddren, dduklet iwakken ad tesbeddem yiwen n uxxam n
rruḥ, yiwet n tejmaɛt n lmuqeddmin timqeddest iwakken ad tettqeddimem iseflawen n
rruḥ ara iɛeǧben i Yillu, s Yasuɛ Lmasiḥ. 6Axaṭer illa di Tira:
"Aql-i ad serseɣ di Ṣiyun yiwen n uẓru n teɣmert, ittwaxtar yerna ɣlay; win ara yamnen
yis-s ur ittneḥcam ara."
7
Lɛezz ihi i kenwi yumnen. Ma i wid ur numin ara
"Aẓru-nni i ḍeggren wid ibennun yuɣal d aẓru n teɣmert; d aẓru n tderrit, d aẓru
yesseɣlayen."
8
Nutni iwet-iten wugur, axaṭer ugin ad amnen s wawal n Yillu: d tagi i d taggara-nsen.
9
Meɛna kenwi, d ccetla yettwaxtaren, d tajmaɛt n lmuqeddmin tageldant, d lǧens
imqeddes, d agdud i d-ittuḥellan, iwakken ad tettberriḥem leɛǧayeb n win i ken-id-
issufɣen si ṭṭlam ɣer tafat-is yesteɛǧiben; 10kenwi ur nelli ara zik d agdud, tura aql-iken d
agdud n Yillu, kenwi ur nufi ara zik rreḥma, tura tufam rreḥma.
11
Ay imeɛzuzen, ad ken-nhuɣ, kenwi yellan d iberraniyen, d imsebriden di ddunit, ad
texḍum i ccehwat n tnefsit i yettnaɣen d terwiḥt. 12Sɛut tikli icebḥen gar wat leǧnas,
iwakken, anda akken i ken-ttqejjimen, amzun d imcumen i tellam, ad walin lefɛayel-
nwen icebḥen dɣa ad ɛuzzen Illu asmi ara d-irzu. 13Ɣef ddemma n Ssid, ḍuɛet kra yellan
d lḥukuma n umdan, ama d agellid, yellan d sselṭan, 14ama d lḥekkam, i yesbedd netta,
iwakken ad ɛaqben imcumen, ad cekkren imdanen lɛali. 15Axaṭer atan lebɣi n Yillu: ad
txedmem lxir dɣa ad terrem takmamt i lqella n tmusni n yimejhal, 16kenwi yellan d
ilelliyen, mačči d wid yessexdamen tilelli-nsen d leḥǧab yettɣummun ccer, meɛna d
iqeddacen n Yillu. 17Qadret medden merra; ḥemmlet atmaten merra; aggadet Illu; qadret
agellid.
18
Ay aklan, ḍuɛet ssyadi-nwen s leqder, mačči kan wid yelhan, ḥninit, meɛna ula d wid
iweɛren. 19D lemzeyya, i win iṣebbren i lemḥayen yettɛeddin fell-as di lbaṭel iwakken ad
ithedden lxaṭer-is zdat Yillu. 20Axaṭer, d acu n ccan ara tesɛum ma tettewtem imi i
tɣelṭem? Meɛna ma tṣebrem i leɛtab mi ara txedmem lxir, ayagi, d lemzeyya zdat Yillu.
21
S annect-agi i d-ttusawlem, imi Lmasiḥ daɣen inneɛtab fell-awen, yeǧǧa-yawen-d
lemtel, iwakken ad teddum di lǧerra-s, 22netta ur nednib ara yerna "leɛmer d-iffiɣ lɛib seg
yimi-s", 23netta yettwaregmen, meɛna ur irri ara rregmat; ittwaqehher, ur iggull deg
yiwen, meɛna yerra iman-is gar yifassen n win iḥekkmen s lḥeqq, 24netta i iɛebban
ddnubat-nneɣ di tfekka-s ɣef usɣar, iwakken mbaɛd mi nemmut deg wayen yeɛnan
ddnub, ad nidir i lḥeqq; s leǧruḥ-is i tufam ḥellu. 25Axaṭer tellam tḍaɛem am wulli;
meɛna tura tuɣalem-d s ameksa, aɛessas n terwiḥin-nwen.

Tameṭṭut d urgaz-is
3A tilawin, yal yiwet ad tḍuɛ argaz-is, iwakken, ɣas ma kra ugin ad amnen s wawal n
Yillu, s tikli-nsent, tilawin ad ten-id-rebḥent mebla lhedra, 2mi ara walin tikli-nkent teṣfa
yerna tesɛa leqder. 3Ccbaḥa-nkent ur tettili ara sufella, s tzuraz, s yimesyasen n ddheb, s
llebsa ɣlayen, 4meɛna d tin yeffren deg wul, d ccbaḥa ur nfennu n rruḥ aḥnin yerna d
imhenni, i yesɛan azal ameqqran ɣer Yillu. 5Akka i ttcebbiḥent iman-nsent zik tlawin
timqeddsin i yettraǧun deg Yillu yerna ḍuɛent irgazen-nsent, 6am Sara i yettaɣen awal i
Abraham, tsawal-as sidi; tuɣalemt d yessi-s, txeddmemt ayen yelhan, ur tettaǧǧamt
acemma ad kent-issigged. 7Kenwi daɣen, ay irgazen, lḥut s leɛqel i tlawin-nwen, am
wakken d lḥila tameɛlalt; qadret-tent, axaṭer cerkent yid-wen lwert n nneɛma n tudert.
Akka, ur d-ittili ara uḥebbas i tẓilla-nwen.
Leɛtab ɣef wayen yelhan
8
Ɣer taggara, sɛut lufeq gar-awen, ilit d iḥninen, myeḥmalet gar-awen am watmaten,
sɛut rreḥma, ttanzet. 9Ur ttarrat ara i ccer s ccer, i rregmat s rregmat; meɛna ttbaraket,
axaṭer s ayagi i d-tettusawlem, iwakken ad twertem lbaraka.
10
Axaṭer: "Win yebɣan ad iḥemmel tudert yerna ad iɛic ussan n liser, ad iḥrez iles-is si
ccer, imi-s si lehdur n leɣrur;
11
Ad ixḍu i ccer, ad ixdem lxir, ad inadi lehna yerna ad iddu di later-is, 12axaṭer allen n
Ssid zgant ɣef yiḥeqqiyen,
Imeẓẓuɣen-is ldin i uḥellel-nsen;
Meɛna udem n Ssid izzi ɣef wid ixeddmen ccer."
13
Anwa ara ken-iḍurren ma yella tetḥemmsem s ayen yelhan? 14Meɛna ma tenneɛtabem ɣef
lḥeqq, amarezg-nwen! Ur ten-ttaggadet ara, ur tḥeyyiret ara. 15Qeddset deg wulawen-
nwen Ssid Lmasiḥ; ilit dayem tweǧdem ad tǧawbem i kra n win ara ken-id-isteqsin ɣef
usirem-nwen, 16s leḥnana, leqder akked lxaṭer yetheddnen, iwakken anda akken i kkaten
deg-wen, amzun d ayen n diri i txeddmem, wid yettqejjimen di tikli-nwen yelhan di
Lmasiḥ ad nneḥcamen. 17Axir ad tenneɛtabem, ma d lebɣi n Yillu, mi ara txedmem ayen
yelhan wala mi ara txedmem ccer; 18axaṭer Lmasiḥ daɣen immut yiwet n tikkelt ɣef
ddnubat, netta, yellan d aḥeqqi, ɣef yimesbaṭliyen, iwakken ad ken-yawi ɣer Yillu, netta
yettwanɣan di tfekka-s, meɛna yuɣal-d ɣer tudert s Rruḥ. 19Di Rruḥ daɣen i iruḥ ad
ibeccer i lerwaḥ yellan di lḥebs, 20i widak-nni i iɛuṣan zik, mi akken i yettraǧu Yillu s
litteɛ n lxaṭer di zzman n Nuḥ, mi yella ibennu lbabur, ideg d-ttwasellken seg waman
cwiṭ kan n yimdanen, yeɛni tmanya n terwiḥin. 21Aman-nni, d tteṣwira n uɣḍaṣ i ken-
isellken tura: ur illi ara d asizdeg si lewsex n tfekka, meɛna d asuter i Yillu ad issizdeg
lxaṭer, s ḥeggu n Yasuɛ Lmasiḥ, 22i yeqqimen ɣer tama tayeffust n Yillu, mbaɛd mi yuli
ɣer yigenni, yerna yerra-yas-d Yillu ddaw lḥekma-s lmalayek, tizemmar akked ssleṭnat.
Leɛtab n umasiḥi
4Imi Lmasiḥ inneɛtab di tfekka, kenwi daɣen sellḥet iman-nwen s uxemmim-agi: win
yenneɛtaben di tfekka igezm-itt d ddnub, 2i wakken ur ittuɣal ara ad yidir s ccehwat n
yimdanen, meɛna s lebɣi n Yillu, ussan i as-d-iqqimen ad ten-isɛeddi di tfekka. 3Berka-

ken tura! Aṭas i tefkam awal zik i wat leǧnas, telḥam di lefsad, di ccehwat, di ssekṛan, di
tissuqḍa, di tissit akked uɛbad n lmeṣnuɛat icemten. 4Tura wehmen imi ur tettazzalem
ara yid-sen ɣer lefsad-nni iɛeddan tilas, dɣa reggmen deg-wen. 5Meɛna ad rren leḥsab i
win iweǧden ad iḥaseb lḥeggtin akked lmeggtin. 6Ɣef wayagi i yettubeccer Linǧil ula i
wid yemmuten, iwakken, mbaɛd mi ttuḥasben di tfekka am yimdanen, ad idiren s Yillu
di Rruḥ.
7
Taggara n kullec tqerb-d. tɛeqqlet ihi, ilit tukim, iwakken ad d-telhim d tẓallit. 8Uqbel
kullec, myeḥmalet gar-awen mliḥ, axaṭer "leḥmala tetteṣṣer aṭas n ddnubat." 9Wa ad
isterḥib s wa mebla asgermed. 10Kenwi yellan d lewkilat yelhan n yal ṣṣenf n lemzeyyat
n Yillu, yal yiwen deg-wen ad issexdem tukci i as-d-ittunefken i lfayda n wiyaḍ. 11Ma
yella yiwen ihedder, ad yili d awal n Yillu; ma yella yiwen iqeddec, ad iqdec s tezmert i
d-ittak Yillu, iwakken ad ittwaɛuzz Yillu di kullec s Yasuɛ Lmasiḥ, bab n lɛaḍima akked
tezmert, si lǧil ɣer lǧil. Amin!
12
Ay imeɛzuzen, ur wehhmet ara seg ujajiḥ-agi n lmeḥna i iceɛlen gar-awen, am wakken
ayagi i d-iɣlin fell-awen, d leɛǧeb. 13Meɛna ferḥet, axaṭer tettekkim di leɛtab n Lmasiḥ,
iwakken, asmi ara d-tban lɛaḍima-s, ad tferḥem, ad tennecraḥem. 14Ma tettwaregmem
ɣef yisem n Lmasiḥ, amarezg-nwen! Axaṭer Rruḥ n lɛaḍima, Rruḥ n Yillu, atan fell-
awen. 15Ur d-ittili ara gar-awen win ara yenneɛtaben imi d aqettal, neɣ d amakar, neɣ d
amcum, neɣ d win yeggaren iman-is di lecɣal n wiyaḍ; 16meɛna ma yettneɛtab imi d
amasiḥi, ur ilaq ara ad inneḥcam, meɛna ad iḥmed Illu ɣef yisem-agi, 17axaṭer iḥder-d
lweqt ad ibdu lḥisab seg uxxam n Yillu; ihi ma yebda qbel seg-neɣ, amek ara tili taggara
n wid yugin ad amnen Linǧil n Yillu? 18Yerna "ma yella aḥeqqi yettusellek s leɛtab
ameqqran, amek ara teḍru d lkafer akked umednub?" 19Swakka, wid yettneɛtaben
akken yella lebɣi n Yillu, ad rren tirwiḥin-nsen gar yifassen n uxellaq unṣiḥ, ad xedmen
ayen yelhan.
Nnehwat i yimeqqranen akked yilmeẓyen
5Ad nhuɣ ihi imeqqranen yellan gar-awen, nekk yellan d ameqqran am nutni, nekk
yellan d inigi n leɛtab n Lmasiḥ, nekk yettekkin di lɛaḍima ara d-ibanen: 2Kset taqeḍɛit
n Yillu yellan ddaw leɛnaya-nwen, mačči s tin n bessif, meɛna seg wul, akken yebɣa
Yillu, mačči s ṭṭmeɛ, meɛna s leḥrara. 3Ur ɛeffset ara ɣef wid i awen-d-ittunefken d
lamana, meɛna ilit d lemtel i tqeḍɛit. 4Mi ara d-iban umeksa ameqqran, ad awen-d-
tettunefk tɛeṣṣabt n ccan ur nfennu.
5
Kenwi daɣen, ay ilmeẓyen, ḍuɛet imeqqranen; myelḥut s wannuz gar-awen; axaṭer "Illu
yettqamar imkebbren, meɛna ixeddem lemzeyya i wid yunzen." 6Anzet ihi ddaw ufus
anezmar n Yillu, iwakken ad ken-irfed di lweqt ilaqen. 7Rret iɣeblan-nwen merra gar
yifassen-is, axaṭer ittḥebbir fell-awen.
8
Ilit tukim, ɛasset! Axṣim-nwen Cciṭan ittezzi am yizem ireɛɛden, ittnadi anwa ara
yessebleɛ. 9Ṭṭfet zdat-s s liman ireṣṣan; ḥṣut belli d lemḥayen am tigi i yettɛeddin ɣef
watmaten-nwen di ddunit. 10Imiren Illu n yal nneɛma, win akken i awen-d-isawlen ɣer
lɛaḍima-s di Lmasiḥ, i dayem, mbaɛd mi tenneɛtabem kra n lweqt, ad ken-iwenneɛ, ad

ken-ireṣṣi, ad ken-isseǧhed, ad awen-isers lsas iṣeḥḥan. 11I netta tazmert, si lǧil ɣer lǧil!
Amin.
Sslam
12
S ufus n gmat-nneɣ unṣiḥ Silwanus i ḥemmleɣ i awen-n-uriɣ kra n lehdur-agi, iwakken
ad ken-nhuɣ yerna ad d-cehdeɣ belli nneɛma n Yillu ideg teṭṭfem tṣeḥḥa. 13Tamezdayt n
wid yettwaxtaren, yellan di Babil, tettsellim-d fell-awen, mmi Marqus daɣen. 14Msalamet
gar-awen s usuden n leḥmala. Lehna i kenwi merra yellan di Lmasiḥ.
TABRAT TIS SNAT N BUṬRUS

Sslam
1Cimɛun-Buṭrus, aqeddac yerna amceggeɛ n Yasuɛ Lmasiḥ, i wid akk iwumi i d-
ittunefk liman yesɛan azal am win nneɣ, s uzekki n Yillu-nneɣ akked umsellek Yasuɛ
Lmasiḥ. 2Nneɛma akked lehna ad awen-d-ttunefkent s ṭṭaqa, s tmusni n Yillu akked
Yasuɛ Ssid-nneɣ.
Aḥraz n tidet
3
Tazmert n Yillu tefka-yaɣ-d ayen akk ilaqen i tudert akked tuggdi n Yillu, s ttawil n
tmusni n win i aɣ-d-isawlen s lɛaḍima-s akked lefḍel-is. 4Yis-sent i aɣ-d-ttunefken
lewɛud ɣlayen yerna meqqrit mliḥ, iwakken yis-sen ad tettekkim di ṭṭbiɛa n Yillu, kenwi
i irewlen i lefsad i d-tettarew ccehwa di ddunit. 5Ɣef wayagi, xedmet akk lmeǧhud-
nwen iwakken ad ternum i liman-nwen ḍrafa, i ḍrafa tamusni, 6i tmusni rrzana, i rrzana
ṣṣber, i ṣṣber tuggdi n Yillu, 7i tuggdi n Yillu lemḥibba n tegmat, i lemḥibba n tegmat
leḥmala. 8Axaṭer ma yella deg-wen wannect-agi s ṭṭaqa, ur ken-ittaǧǧa ara ad tilim d
imeɛdazen, neɣ mebla lfakya, deg wayen yeɛnan tamusni n Ssid-nneɣ Yasuɛ Lmasiḥ.
9
Win ur nesɛi ara annect-agi, d aderɣal, ur iferreẓ ara mebɛid, ittu belli yuzdag si
ddnubat-is n zik. 10Ihi, ay atmaten, xedmet lmeǧhud-nwen ad treṣṣim asiwel i d-
tettusawlem akked lxetyar i tettwaxtarem; axaṭer ma txedmem akka, d lmuḥal ad
teccḍem. 11Swakka, ad awen-ittunefk ad tkecmem s litteɛ ɣer tgelda n dayem n Ssid-
nneɣ Yasuɛ Lmasiḥ, Amsellek-nneɣ.
12
Ɣef wayagi i ilaq ad ken-id-smektayeɣ dayem deg wayagi, ɣas akken teẓram-t yerna
teṭṭfem mliḥ di tidet i awen-d-ittunefken. 13Ttwaliɣ belli d lḥeqq fell-i, skud mazal-iyi
deg uqiḍun-agi, ad ken-id-ssakayeɣ s usmekti ara ken-id-smektayeɣ, 14axaṭer ẓriɣ belli
qrib ad ǧǧeɣ aqiḍun-agi, akken i yi-t-id-issken Ssid Yasuɛ Lmasiḥ; 15ad xedmeɣ
lmeǧhud-iw merra iwakken, mbaɛd rrwaḥ-iw, ad tizmirem ad d-tettmektayem dayem
ayagi.
Awal n Yillu, d lsas iṣeḥḥan
16
Mačči d timucuha i d-snulfan yimdanen s ẓẓwara-nsen i netbeɛ mi awen-d-nehder ɣef
tezmert akked tisin n Ssid-nneɣ Yasuɛ Lmasiḥ, meɛna imi i nwala s wallen-nneɣ
lɛaḍima-s. 17Axaṭer ittunefk-as-d sɣur Yillu Ababat lɛezz akked ccan, mi akken i d-teffeɣ
taɣect-nni sɣur Yillu Bab n lɛezz ameqqran, tenna-d: "Wagi, d Mmi ameɛzuz, yis-s i
ferḥeɣ." 18Taɣect-agi, nesla-yas, s timmad-nneɣ, tekka-d seg yigenni, mi nella yid-s ɣef
udrar iqedsen. 19Yerna, nesɛa awal n lanbeyya i yellan d ṣṣeḥḥ; txedmem lemliḥ mi
tettarram ddehn-nwen ɣur-s, am ɣer teftilt iceɛlen deg umkan yeṭṭulmen, alamma yebda
yettali wass, yerna ifeǧǧeǧ yetri n ṣṣbeḥ deg wulawen-nwen. 20Uqbel kullec, ḥṣut ayagi:
ula d yiwen n uciri n Tira ur illi d ttefsir n yiwen kan akka weḥd-s. 21Ala, leɛmer i d-ikki
uciri s lebɣi n umdan, meɛna s lewḥi n Rruḥ Iqedsen i d-hedren yimdanen sɣur Yillu.
Iselmaden n lekdeb
2Akken i d-llan lanbeyya n lekdeb gar ugdud ara d-ilin daɣen gar-awen iselmaden n
lekdeb. Ad d-skecmen s leɣder aselmed n lekdeb yetthuddun, ad nekren Ssid i ten-id-
icufɛen, dɣa ad d-sseɣlin ɣef yiman-nsen nnger ur bnin fell-as. 2Aṭas ara ten-itebɛen di
lefsad-nsen, abrid n tidet ad ittwargem ɣef ddemma-nsen. 3S ṭṭmeɛ, ad tjaren yis-wen s
lehdur i d-snulfuyen, meɛna lɛiqab-nsen iwǧed, nnger-nsen ur iṭṭiṣ ara.
4
Ihi, ma yella Illu ur iqal ara lmalayek i idenben, meɛna iḍegger-iten ɣer maylellif,
ttwarzen di ṭṭlam, anda i ten-igga i lḥisab, 5ma yella ur iqal ara ddunit-nni taqdimt,
meɛna yeǧǧa-d tmanya, gar-asen Nuḥ, aberraḥ n lḥeqq, asmi i d-ifka lḥemla n waman i
ddunit tamcumt, 6ma yella yeḥkem s nnger ɣef temdinin n Sudum akked Gumur, irra-
tent d iɣed, yeǧǧa-tent-id d lemtel i yimcumen i d-iteddun, 7ma yella isellek-d Luṭ
aḥeqqi, i yemmuɣbnen si tikli i d-wwin yimcumen-nni ifesden, 8axaṭer aḥeqqi-agi
yettɛicin gar-asen, itette-it wul-is aḥeqqi seg wayen i yettwali d wayen i isell yal ass ɣef
lefɛayel-nsen imcumen, 9ssid issen ad d-issukkes si lemḥayen wid yettaggaden Illu, ad
yegg imeṣbatliyen iwakken ad ten-iɛaqeb ass n lḥisab, 10ladɣa wid yettabaɛen lɛar s
ccehwat-nsen ineǧsen, yerna ḥeqqren ssyada n Yillu; qebḥen, tkebbiren, ur ttaggaden
ara ad neɛlen lxuluq yesɛan ccan. 11Ma d lmalayek i ten-yugaren lǧehd akked tezmert ur
ttcetkin ara fell-asen s nneɛlat ɣer Ssid. 12Meɛna nutni, yecban lḥiwan ur nefhim, i d-
ilulen i ucangal akked nnger, reggmen ayen ur ssinen, ad negren akken i inegger lḥiwan;
13
swakka, ad d-megren lbaṭel-nni i zerɛen. Lferḥ-nsen, mi ara tt-rren i lɛar deg uzal
qayli; d imdanen ineǧsen, ččuren d leɛyub, stummunen s uɣurru i ken-ttɣurrun mi ara
qqimen yid-wen ɣer lembwakel lɛali. 14Allen-nsen ffɣent-d si zzna, ur ṛewwun ara
ddnub, ttɣurrun tirwiḥin ur neǧhid ara, ulawen-nsen nnumen ṭṭmeɛ, d dderya n
deɛwessu. 15Ǧǧan abrid n lewqam, ḍaɛen, tebɛen abrid n Bilɛam, mmi-s n Baɛur, i
iḥemmlen lexlaṣ n leḥram, 16meɛna yettwandeṛ ɣef lmeɛṣeyya-s:D taɣyult tagugamt i d-
ineṭqen s ṣṣut n umdan, tḥebs-d nnbi-nni si lehbala-s.
17
Imdanen-agi, d leɛwanṣer ur nesɛi aman, d agu yettawi waḍu, iwumi yettuhegga ṭṭlam
n uṭellis. 18S lehdur yeččuren d ulac, ttɣurrun s ccehwat n tnefsit, s lefsad, widak-nni i d-
imenɛen melmi kan i wid i iruḥen di leɣlaḍ; 19ttweɛɛiden-asen tilelli, yili nutni, s
timmad-nsen, d aklan n lefsad, axaṭer yal yiwen d akli n wayen i t-imelken. 20Ma yella,
mbaɛd mi d-menɛen si nnǧasa n ddunit, s tmusni i ssnen Ssid Yasuɛ Lmasiḥ, Amsellek,
uɣalen ɣur-s daɣen, ttwaɣelben, liḥala-nsen taneggarut tetxeḍ ɣef tmezwarut. 21Axaṭer
axir-asen lukan ur ssinen ara abrid n lḥeqq, wala mi akka i t-ssnen, mbaɛd ttaxxren i
lamer imqeddes i asen-d-ittunefken. 22Teḍra yid-sen akken i d-yenna lemtel-nni iṣeḥḥan:
"Aqjun ittuɣal ɣer yiriran-is"; daɣen "Taḥelluft yessarden texnunes deg waluḍ."
Lemḥadra si leɣrur
3Ay imeɛzuzen, d tagi i d tabrat tis snat i awen-n-uriɣ. Di snat n tebratin-agi, ttnadiɣ ad d-
ssakiɣ lefhama-nwen yeṣfan s nndaṛat-agi, 2i wakken ad d-tettmektim lehdur i d-nnan zik
lanbeyya iqedsen akked lamer n Ssid Amsellek, i awen-slemden yimceggɛen. 3Uqbel
kullec, ḥṣut belli deg wussan ineggura ad d-kkren wid yettihiyen iwakken ad ttihiyen, ad
teddun sccehwat-nsen, 4ad qqaren: "Anda-t lweɛd-nni yeɛnan tisin-is? Axaṭer seg
wasmi i mmuten lejdud-nneɣ, kullec iqqim akken si tazwara n txelqit." 5Rran iman-nsen
ur ẓrin ara belli igenwan llan si zik, yerna lqaɛa tekka-d seg waman, tettili gar waman, s
wawal n Yillu, 6swayes i tenger ddunit n zik, teɣreq. 7Igenwan d lqaɛa n tura, s wawal-
nni dɣa, ttwaɛezlen i tmes, ttwajemɛen i wass n lḥisab akked nnger n yimcumen.
Ass n Ssid
8
Tella yiwet n lḥaǧa, ay imeɛzuzen, ur ilaq ara ad awen-texfu: ɣer Ssid, yiwen n wass, d
alef n yiseggasen, daɣen "alef n yiseggasen, d yiwen n wass". 9Ssid ur ittɛeṭṭil ara ad
ixdem ayen i yewɛed, akken i ɣilen kra belli iɛeṭṭel, meɛna d ṣṣber i awen-iṣber, ur ibɣi
ara ad inger ula d yiwen, meɛna ad tuben merra. 10Ass n Ssid ad d-yas am umakar.
Imiren igenwan ad negren deg yiwen lhul ameqqran; ayen akk i tečča tmes ad ifsi, lqaɛa
d wayen akk i tt-iɛemmren, ad ten-tečč tmes. 11Imi ayagi merra ad ifsi, acḥal i awen-ilaq
ad teṣfum di tikli akked ṭṭaɛa, 12kenwi yettraǧun yerna tḥarem melmi ara d-yas wass n
Yillu, ideg ara fsin igenwan iceɛlen, ideg ara idub wayen akk i tečča tmes. 13Meɛna
nekni, nettraǧu, akken i aɣ-t-iwɛed, igenwan ijdiden akked lqaɛa tajdidt, ideg ara yezdeɣ
lḥeqq.
14
Ɣef wayagi, ay imeɛzuzen, deg uraǧu-agi i tettraǧum, wtet amek ara ken-id-yaf di
lehna, mebla llum, mebla lɛib. 15Ḥesbet belli ṣṣber n Ssid-nneɣ, d leslak-nwen, akken i
awen-t-id-yura daɣen gma-tneɣ ɛzizen Bulus, s tmusni i as-d-ittunefken. 16D ayen i d-
iqqar daɣen di tebratin-is merra, ideg llan kra n lehdur i iweɛren i lefhama, yerna kra n
yimdanen ur neɣri ur nerkid sseɛwajen lmeɛna-nsen, akken i sseɛwajen lmeɛna n Tira-
nniḍen, i nnger-nsen. 17Ihi, ay imeɛzuzen, kenwi yeẓran, ḥadret ɣef yiman-nwen, ur
ttaǧǧat ara iman-nwen ad truḥem di leɣlaḍ n yimejhal, neɣ ma ulac ad tesruḥem areṣṣi-
nni i treṣṣam. 18Gmut di nneɛma akked tmusni n Ssid-nneɣ Yasuɛ Lmasiḥ, Amsellek. I
netta lɛezz, si tura alamma d ass n lebda! Amin.
TABRAT TAMEZWARUT N YUḤENNA

Tazwert
1Ayen akken yellan si tazwara, ayen i nesla, ayen i nwala s wallen-nneɣ, ayen i nesked
yerna nnulen-t ifassen-nneɣ ɣef wayen yeɛnan awal n tudert- 2tudert tettubeggen-d;
nwala, nettcehhid-d yerna nettbeccir-awen tudert n dayem yellan ɣer Ubabat yerna
tettubeggen-aɣ-d i nekni- 3ayen i nwala d wayen i nesla, ad awen-t-nbeccer i kenwi
daɣen, iwakken ula d kenwi ad tilim di lemxalṭa yid-neɣ. Lemxalṭa-nneɣ tella akked
Ubabat, akked Mmi-s Yasuɛ Lmasiḥ. 4Nura-yawen ayagi, iwakken lferḥ-nneɣ ad yili
yekmel.
Illu, d tafat
5
Atan lexbar i nesla sɣur-s, ad ken-id-nxebber yis: Illu, d tafat, ulac akk deg-s ṭṭlam. 6Ma
neqqar belli yid-s i nesɛa lemxalṭa, yili nteddu di ṭṭlam, neskiddib, ur nleḥḥu ara s tidet;
7
meɛna ma yella nteddu di tafat, akken yella netta, s timmad-is, di tafat, nesɛa lemxalṭa
gar-aneɣ, yerna idammen n Yasuɛ Mmi-s ssizdigen-aɣ si yal ddnub. 8Ma neqqar belli ulac
deg-neɣ ddnub, nettkellix iman-nneɣ, tidet ur telli deg-neɣ. 9Ma nettqirri-d s ddnubat-
nneɣ, netta d unṣiḥ yerna d aḥeqqi, iwakken ad aɣ-isemmeḥ ddnubat yerna ad aɣ-issizdeg
si yal lbaṭel. 10Ma neqqar belli ur nednib ara, nerra-t d akeddab, awal-is ur illi ara deg-neɣ.
2Ay arraw-iw imecṭaḥ, uriɣ-awen ayagi iwakken ur tdennbem ara. Ma yedneb yiwen,
nesɛa amḥaddi ɣer Ubabat: d Yasuɛ Lmasiḥ, aḥeqqi. 2Netta, s timmad-is, d asfel n usuref,
mačči kan n ddnubat-nneɣ, meɛna n ddnubat n ddunit merra.
Lamer ajdid
3
Atan amek ara nẓer belli nessen-it, ma neḥrez lumur-is. 4Win ara d-yinin: "Ssneɣ-t", yili
ur iḥriz ara lumur-is, d akeddab, ulac deg-s tidet. 5Meɛna win iḥerzen awal-is s tidet,
leḥmala n Yillu tekmel deg-s. Akka ara neɛqel belli nella deg-s. 6Win yeqqaren belli yeṭṭef
deg-s ilaq ad ilḥu akken yelḥa netta.
7
Ay imeɛzuzen, mačči d lamer ajdid arawen-n-aruɣ akka, meɛna d lamer aqdim, win
akken i awen-d-ittunefken si tazwara; lamer-agi aqdim, d awal-nni iwumi i teslam. 8I
tikkelt-nniḍen, d lamer ajdid ara awen-n-aruɣ, d ayen yellan d tidet, ama deg-s, ama deg-
wen, axaṭer ṭṭlam iɛedda, tafat nṣṣeḥḥ tettfeǧǧiǧ yakan. 9Win yeqqaren belli yettili di tafat,
yili yekreh gma-s, mazal-it di ṭṭlam. 10Win iḥemmlen gma-s ittili di tafat, ulac deg-s aɛtur.
11
Ma d win ikerhen gma-s ittili di ṭṭlam; ileḥḥu di ṭṭlam yerna ur iẓri ara anda i iteddu,
axaṭer ṭṭlam isderɣel-as allen.
Iɛdawen n Lmasiḥ
12
Uriɣ-awen, ay arrac imecṭaḥ, axaṭer ttwaɛfan-awen ddnubat ɣef ddemma n yisem-is.
13
Uriɣ-awen, ay ibabaten, axaṭer tessnem win yellan si tazwara. Uriɣ-awen, ay ilmeẓyen,
axaṭer tɣelbem amcum. 14Uriɣ-awen, ay arrac imecṭaḥ, axaṭer tessnem Ababat. Uriɣ-
awen, ay ibabaten, axaṭer tessnem win yellan si tazwara. Uriɣ-awen, ay ilmeẓyen, axaṭer
tǧehdem; awal nYillu yezdeɣ deg-wen yerna tɣelbem amcum.
15
Ur ḥemmlet ara ddunit wala ayen yellan di ddunit. Win iḥemmlen ddunit, leḥmala
nUbabat ur telli ara deg-s; 16axaṭer ayen akk yellan di ddunit: ccehwa n tnefsit, ccehwa n
wallen, zzux s cci n ddunit, ur d-ikki ara sɣur Ababat, meɛna si ddunit. 17Ddunit ad tɛeddi,
s nettat s ccehwa-s; meɛna win ixeddmen lebɣi nYillu ad yili idayem.
18
Ay arrac imecṭaḥ, d tasaɛet taneggarut. Akken i teslam belli aɛdaw n Lmasiḥ ataya, aṭas
n yiɛdawen n Lmasiḥ i d-ibanen tura; akka i neɛqel belli d tasaɛet taneggarut. 19Ffɣen-d si
gar-aneɣ, meɛna ur llin ara seg-neɣ; lemmer llin seg-neɣ, ad qqimen yid-neɣ; meɛna ilaq
ad d-banen belli akken ma llan ur llin ara seg-neɣ. 20Ma d kenwi, tettwadehnem sɣur win
yellan d Imqeddes, yerna tesɛam akk tamusni. 21Uriɣ-awen, mačči imi ur tessinem ara
tidet, meɛna imi i tt-tessnem, yerna imi ulac lekdeb i d-ittekken si tidet. 22Anwa i d
akeddab, ma mačči d win inekren belli Yasuɛ, d Lmasiḥ? D wagi i d aɛdaw n Lmasiḥ, win
inekren Ababat akked Umemmit. 23Win inekren Amemmit ur isɛi ara daɣen Ababat; win
yestɛerfen s Umemmit isɛa daɣen Ababat. 24Ayen i teslam si tazwara ilaq ad idum deg-
wen; ma idum deg-wen wayen akken i teslam si tazwara, kenwi daɣen ad tdumem deg
Umemmit akked Ubabat. 25Atan lweɛd i aɣ-d-ifka: d tudert n dayem. 26Uriɣ-awen ayagi
ɣef wayen yeɛnan wid i ken-ittɣerriqen. 27Meɛna kenwi, adhan-nni i tettwadehnem sɣur-s
illa deg-wen, ur teḥwaǧem yiwen ad ken-isselmed; meɛna imi adhan-nni i ken-idhen
isselmad-iken di kullec, iṣeḥḥa yerna mačči d lekdeb, dumet deg-s akken i awen-t-
isselmed.
28
Tura ihi, ay arrac imecṭaḥ, dumet deg-s, iwakken asmi ara d-iban, ad nesɛu ṭṭmana,
yerna ur aɣ-isneḥcamay ara, asmi ara d-yas. 29Imi teẓram belli netta, d aḥeqqi, setɛerfet
belli kra n win iteddun s lḥeqq ilul-d seg-s.
Leḥmala
3Walit d acu n leḥmala i aɣ-d-ifka Ubabat, armi i nettusemma arraw n Yillu, yerna d tidet,
d arraw-is! Ɣef wayagi ur aɣ-tessin ara ddunit, axaṭer ur t-tessin ara. 2Ay imeɛzuzen, aql-
aɣ tura d arraw n Yillu, meɛna amek ara nili, mazal ur d-iban ara. Neẓra belli asmi ara d-
iḍher, ad nili am netta, axaṭer ad t-nwali akken yella. 3Kra n win yesɛan deg-s asirem-agi
yessizdig iman-is akken i izeddig netta.
4
Kra n win idenben irẓa ccariɛa, axaṭer ddnub, d taruẓi n ccariɛa. 5Teẓram belli Yasuɛ
iḍher-d iwakken ad ikkes ddnubat, yerna ulac deg-s ddnub. 6Kra n win yeṭṭfen deg-s ur
ixeddem ara ddnub; kra n win ixeddmen ddnub ur t-iwala ur t-issin. 7Ay arrac imecṭaḥ,
ɣurwat win i ken-ittɣerriqen. Win iteddun s lḥeqq, d aḥeqqi, akken yella netta d aḥeqqi.
8
Win ixeddmen ddnub, siCciṭan, axaṭer Cciṭan idenneb si tazwara. Ɣef wayagi i d-iḍher
Mmi-s nYillu, iwakken ad ihudd lexdayem n Cciṭan.
9
Kra n win i d-ilulen seg Yillu ur ixeddem ara ddnub, axaṭer zerriɛa n Yillu tezdeɣ deg-s;
ur izmir ara ad idneb, axaṭer ilul-d seg Yillu. 10Akka i d-ttbanen warraw n Yillu akked
warraw nCciṭan: kra n win ur nteddu ara slḥeqq ur illi ara seg Yillu, wala win ur neḥmil
ara gma-s.
11
Axaṭer atan lexbar i teslam si tazwara: ad nemyeḥmal gar-aneɣ, 12mačči am Kayin; illa
seg umcum yerna yezla gma-s. Ɣef wacu i t-izla? Axaṭer lefɛayel-is diri-ten, ma d
lefɛayel n gma-s weqmen. 13Ur wehhmet ara, ay atmaten, ma tkerh-iken ddunit. 14Neẓra
belli nɛedda-d si lmut ɣer tudert, axaṭer nḥemmel atmaten. Win ur nḥemmel ara, mazal-it
di lmut. 15Kra n win ikerhen gma-s, d aqettal, yerna teẓram belli aqettal ur isɛi ara tudert n
dayem. 16S wayagi i nessen leḥmala: Yasuɛ ifka tudert-is fell-aɣ; nekni daɣen, ilaq ad nefk
tudert-nneɣ ɣef watmaten. 17Ma yella yiwen isɛa cci n ddunit, iwala gma-s di lexṣaṣ,
meɛna yeɣleq fell-as afus-is, amek ara tezdeɣ deg-s leḥmala n Yillu? 18Ay arrac imecṭaḥ,
ur ilaq ara ad nḥemmel swawal wala s yiles, meɛna s lfeɛl akked tidet.
19
Akka ara nẓer belli di tidet i nella, yerna ad nhedden ul-nneɣ zdat-s. 20Ma yesseḍlem-aɣ
wul-nneɣ, Illu yugar ul-nneɣ, yerna yeẓra kullec. 21Ay imeɛzuzen, ma yella ur aɣ-
isseḍlem ara wul-nneɣ, nesɛa tteḥqiq deg Yillu: 22kra n wayen ara as-nessuter, ad aɣ-t-id-
yefk, axaṭer neḥrez lumur-is yerna nxeddem ayen i as-itteɛǧaben. 23D wagi i d lamer-is: ad
namen s yisem n Mmi-s Yasuɛ Lmasiḥ yerna ad nemyeḥmal gar-aneɣ, akken i aɣ-t-id-
ifka d lamer. 24Win iḥerzen lumur n Yillu yettili deg Yillu, Illu deg-s. Akka ara neɛqel belli
yettili deg-neɣ: sRruḥ i aɣ-d-ifka.
Afraz n lerwaḥ
4Ay imeɛzuzen, ur ttamnet ara kra yellan d rruḥ, meɛna jerrbet lerwaḥ iwakken ad twalim
ma sɣur Yillu i d-kkan, axaṭer aṭas n lanbeyya n lekdeb i d-iffɣen di ddunit. 2Atan amek
ara tɛeqlem Rruḥ n Yillu: kra nrruḥ i d-ittcehhiden belli Yasuɛ yusa-d di tfekka, sɣur Yillu
i d-ikka. 3Meɛna kra n rruḥ ur d-nettcehhid ara s Yasuɛ ur d-ikki ara sɣur Yillu; sɣur
uɛdaw n Lmasiḥ i d-ikka, win akken iɣef teslam belli ad d-yas, yerna atan tura di ddunit
yakan. 4Kenwi, ay arrac imecṭaḥ, seg Yillu, yerna tɣelbem-ten, axaṭer win yellan deg-wen
yugar win yellan di ddunit. 5Nutni, siddunit, daymi i heddren akken i thedder ddunit,
yerna ddunit tettḥessis-asen. 6Nekni, seg Yillu. Win yessnen Illu yettḥessis-aɣ; win ur nelli
ara seg Yillu ur aɣ-ittḥessis ara. Akka ara neɛqel Rruḥ n tidet akked rruḥ n leɣlaḍ.
Illu, d leḥmala
7
Ay imeɛzuzen, ad nemyeḥmal gar-aneɣ, axaṭer leḥmala, seg Yillu; kra n win iḥemmlen
ilul-d seg Yillu yerna yessen Illu. 8Win ur nḥemmel ara ur issin ara Illu, axaṭer Illu, d
leḥmala. 9Atan amek i aɣ-d-tettubeggen leḥmala n Yillu: Illu iceggeɛ-d Mmi-s awḥid ɣer
ddunit, iwakken ad nidir yis-s. 10Atan d acu i d leḥmala: mačči dnekni i iḥemmlen Illu,
meɛna dnetta i aɣ-iḥemmlen yerna iceggeɛ-d Mmi-s, d asfel n usuref n ddunubat-nneɣ.
11
Ay imeɛzuzen, ma yella Illu iḥemmel-aɣ akka, ilaq-aɣ ula dnekni ad nemyeḥmal gar-
aneɣ. 12Illu, leɛmer i t-iwala ula yiwen. Ma nemyeḥmal gar-aneɣ, Illu yettili deg-neɣ,
yerna leḥmala-s tekmel deg-neɣ. 13Akka i neẓra belli nettili deg-s yerna netta deg-neɣ,
axaṭer ifka-yaɣ-d si Rruḥ-is. 14Nekni nwala yerna nettcehhid-d belli Ababat iceggeɛ-d
Mmi-s, d Amsellek n ddunit. 15Win i d-ittcehhiden belli Yasuɛ, d Mmi-s n Yillu, Illu yettili
deg-s, yerna netta deg Yillu. 16Nekni nessen leḥmala i aɣ-iḥemmel Yillu yerna numen yis-
s. Illu, dleḥmala; win yettilin di leḥmala yettili deg Yillu, yerna Illu yettili deg-s. 17Akka i
tewweḍ deg-neɣ leḥmala ɣer lekmal-is, iwakken ad nesɛu ṭṭmana ass n lḥisab, axaṭer
akken yella netta, Yasuɛ, i nella daɣen nekni di ddunit-agi. 18Ulac tuggdi di leḥmala;
meɛna leḥmala ikemlen tettelif tuggdi ɣer berra, axaṭer tuggdi, illa deg-s lɛiqab. Win
yettaggaden ur ikmil ara di leḥmala. 19Nekni, nḥemmel, axaṭer d netta i aɣ-iḥemmlen d
amezwaru. 20Win ara d-yinin: "Ḥemmleɣ Illu", yili yekreh gma-s, d akeddab; axaṭer, win
ur nḥemmel ara gma-s, i yettwali, ur izmir ara ad iḥemmel Illu ur ittwali ara. 21Atan lamer
i aɣ-d-igga: win iḥemmlen Illu iḥemmel daɣen gma-s.
Liman
5Kra n win yumnen belli Yasuɛ, d Lmasiḥ, ilul-d seg Yillu; kra n win iḥemmlen win i t-
id-isɛan, iḥemmel daɣen win i d-ilulen seg-s. 2Atan amek ara neɛqel belli nḥemmel arraw
nYillu: mi ara nḥemmel Illu yerna nxeddem ayen i d-qqaren lumur-is. 3Leḥmala n Yillu, d
aḥraz n lumur-is, yerna lumur-is ur ẓẓayit ara, 4axaṭer ayen akk i d-ilulen seg Yillu yeɣleb
ddunit: atan d acu i iɣelben ddunit, d liman-nneɣ. 5Anwa i iɣelben ddunit, ma mačči d win
yumnen belli Yasuɛ, d Mmi-s nYillu?
6
D netta, Yasuɛ Lmasiḥ, i d-yusan s waman akked yidammen, mačči s waman kan, meɛna
swaman akked yidammen; d Rruḥ i d-ittcehhiden, axaṭer Rruḥ, d tidet. 7Axaṭer llan tlata n
yinagan: 8Rruḥ, aman akked yidammen; yerna tlata-agi mtafaqen ɣef yiwet n cchada.
9
Ma yella nqebbel cchada n yimdanen, cchada n Yillu tugar-itt; axaṭer d tagi i d cchada n
Yillu: icehhed-d ɣef Mmi-s. 10Win yumnen s Mmi-s n Yillu yesɛa cchada-agi deg wul-is;
win ur numin ara Illu yerra-t d akeddab, imi ur yumin ara s cchada i d-icehhed Yillu ɣef
Mmi-s. 11Cchada-agi, d tagi: Illu yefka-yaɣ tudert n dayem, yerna tudert-agi tella di Mmi-
s. 12Win yesɛan Amemmit isɛa tudert; win ur nesɛi ara Mmi-s nYillu ur isɛi ara tudert.
13
Uriɣ-awen ayagi iwakken ad teẓrem belli tesɛam tudert n dayem, kenwi yumnen s
yisem n Mmi-s n Yillu. 14Atan tteḥqiq i nesɛa deg-s: ma nessuter-as kra yellan d lebɣi-s,
ittḥessis-aɣ-d; 15ma neẓra belli yettḥessis-aɣ-d, neẓra belli nesɛa ayen akken i as-
nessuter, akken yebɣu yili.
Aɛeggen ɣef ddnub yettawin ɣer lmut
16
Ma yella yiwen iwala gma-s ixeddem ddnub ur nettawi ara ɣer lmut, ad iẓẓal, dɣa Illu ad
as-d-ifk tudert, ma yella dɣa ddnub-nni ur ittawi ara ɣer lmut. Illa ddnub yettawin ɣer
lmut: mačči ɣef ddnub-agi i d-nniɣ ad teẓẓallem. 17Kra yellan d lbaṭel, d ddnub; meɛna
yella ddnub ur nettawi ara ɣer lmut.
18
Neẓra belli kra n win i d-ilulen seg Yillu ur idenneb ara; meɛna win i d-ilulen seg Yillu
yettɛassa iman-is, yerna Amcum ur t-ittnal ara. 19Neẓra belli nekni, seg Yillu, yerna ddunit
merra attan ddaw leḥkem n umcum. 20Neẓra belli Mmi-s nYillu yusa-d yerna yefka-yaɣ
lefhama iwakken ad nissin Aḥeqqani; nekni aql-aɣ deg Uḥeqqani, s Mmi-s Yasuɛ Lmasiḥ.
D netta i d Illu aḥeqqani, i d tudert n dayem. 21Ay arrac imecṭaḥ, ḥadret iman-nwen si
lmeṣnuɛat.
TABRAT TIS SNAT N YUḤENNA

Sslam
Nekk, ameqqran, i Kirya yettwaxtaren akked warraw-is i ḥemmleɣ s tidet, mačči kan
nekk, meɛna ula d wid merra yessnen tidet, 2ɣef ddemma n tidet yettilin deg-neɣ yerna
ad tili yid-neɣ i dayem. 3Nneɛma, rreḥma akked lehna ad ilint fell-aɣ sɣur Yillu Ababat
akked Yasuɛ Lmasiḥ, Mmi-s n Baba-s, di tidet akked leḥmala.
Leḥmala n tidet
4
Ferḥeɣ aṭas mi ufiɣ kra seg warraw-im teddun ditidet, akken yella lamer i aɣ-d-ifka
Ubabat. 5Tura, a Kirya, ad ssutreɣ deg-m - mačči d lamer ajdid ara am-n-aruɣ, meɛna d
win akken i nesɛa si tazwara -, ad nemyeḥmal gar-aneɣ. 6D tagi i d leḥmala: ad nelḥu s
lumur-is; d wagi i d lamer swayes ara telḥum, akken i t-teslam si tazwara.
7
Aṭas n yiɣerraqen i d-ikkren di ddunit, ur ttcehhiden ara belli Yasuɛ Lmasiḥ yusa-d di
tfekka. D wagi i d aɣerraq, i d aɛdaw n Lmasiḥ. 8Ḥadret ɣef yiman-nwen, iwakken ur
tesruḥuyem ara ayen i nexdem, meɛna iwakken ad awen-d-ittunefk lajer ikemlen. 9Kra n
win yesbeɛden, ur iqqim ara deg uselmed n Lmasiḥ, ur isɛi ara Illu; win yeṭṭfen deg
uselmed-is isɛa Ababat akked Umemmit. 10Ma iruḥ-d yiwen ɣur-wen, ur d-yewwi ara
aselmed n Lmasiḥ, ur sterḥibet ara yis-s deg uxxam-nwen, ur ttsellimet ara fell-as ula d
sslam! 11Axaṭer win isellmen fell-as, ittekki di lecɣal-is ndiri.
12
Aṭas i sɛiɣ ad awen-t-in-aruɣ, meɛna ur bɣiɣ ara ad t-xedmeɣ s lkaɣeḍ akked lmidad;
ssarameɣ ad n-ruḥeɣ ɣur-wen, ad awen-hedreɣ udem s udem, iwakken lferḥ-nneɣ ad
yili yekmel. 13Arraw n weltma-m yettwaxtaren ttsellimen fell-am.
TABRAT TIS TLATA N YUḤENNA

Sslam
Nekk, ameqqran, iGayus ameɛzuz, i ḥemmleɣ s tidet. 2Ay ameɛzuz, ssarameɣ belli
tgerrzeḍ di kullec yerna tṣeḥḥaḍ, akken i tgerrez terwiḥt-ik. 3Ferḥeɣ aṭas, axaṭer atmaten
i d-iruḥen cehden-d ɣef tidet yellan deg-k d wamek itleḥḥuḍ di tidet. 4Lferḥ-iw
ameqqran mi ara sleɣ belli arraw-iw leḥḥun di tidet.
Asterḥeb s watmaten
5
Ay ameɛzuz, telḥiḍ s laman deg wayen akk itxeddmeḍ i watmaten, yerna d iberraniyen,
6
i d-icehden ɣef leḥmala-k zdat tmezdayt. D ayen yelhan ara txedmeḍ ma tnubeḍ-d i
yinig-nsen akken yuklal Yillu. 7Axaṭer ɣef yisem n Yasuɛ Lmasiḥ iruḥen, mebla ma
ṭṭfen-d acemma sɣur wat leǧnas. 8Ilaq-aɣ ihi ad nesterḥeb s yimdanen yecban wigi,
iwakken ad nemɛawan yid-sen ditidet.
9
Uriɣ itmezdayt, meɛna, Dyutrifis, i iḥemmlen ad yili d amezwaru gar-asen, ur isteɛref
ara yis-nneɣ. 10Ɣef wayagi, ma ruḥeɣ-n, ad as-d-smektiɣ ayen i ixeddem: ihedder fell-aɣ
yir lehdur; ur isteqneɛ ara s wayagi, iwweḍ armi ur isterḥib ara s watmaten, yerna wid
yebɣan ad setreḥben yis-sen iqeṭṭeɛ-asen yerna yessufuɣ-iten si tmezdayt.
11
Ay ameɛzuz, ur ttɛanad ara di ccer, meɛna di lxir. Win ixeddmen lxir, seg Yillu; win
ixeddmen ccer ur iwala ara Illu. 12Akken ma llan, ula d tidet, s timmad-is, ttcehhiden-d s
wayen yelhan ɣef Dimitriyus; nekni daɣen nettcehhid-d fell-as, yerna teẓriḍ belli cchada-
nneɣ tṣeḥḥa.
13
Aṭas i sɛiɣ ad ak-t-in-aruɣ, meɛna ur bɣiɣ ara ad ak-t-in-aruɣ s lmidad akked leqlam.
14
Ssarameɣ qrib ad k-ẓreɣ, ad nehder udem s udem. 15Qqim di lehna! Ttsellimen-d fell-ak
leḥbab. Sellem ɣef leḥbab, yal yiwen syisem-is.
TABRAT N YAHUDA
Sslam
Sɣur Yahuda, aqeddac n Yasuɛ Lmasiḥ, gma-s n Yeɛqub, iwid i d-ittusawlen, i iḥemmel
Yillu Ababat, yerna iḥrez-iten iYasuɛ Lmasiḥ. 2rreḥma, lehna akked leḥmala ad ilint fell-
awen sṭṭaqa.
Imejhal
3
Ay imaɛzuzen, nniqal bɣiɣ ad awen-n-aruɣ ɣef leslak iɣ-icerken, meɛna ttwaḥettmeɣ ad
awen-n-aruɣ iwakken ad ken-nhuɣ ad tennaɣem ɣef liman i d-ittunefken i yimqeddsen
yiwet n tikkelt i dayem. 4Kra n yimdanen skecmen-d iman-nsen gar-awen, lɛiqab yura
fell-asen si zik, d imejhal, i yettarran nneɛma n Yillu, d lɛar, yerna nekren Bab-nneɣ
awḥid, Ssid Yasuɛ Lmasiḥ.
5
Bɣiɣ ad ken-id-smektiɣ, kenwi yeẓran kullec: Ssid, mbaɛd mi d-isellek deg yiwet n
tikkelt agdud si tmurt n Maṣer, issenger wid ur numin ara. 6Lmalayek ur neṭṭif ara di
ccan-nsen, meɛna ǧǧan imukan-nsen, yeǧǧa-ten ttwarzen di ṭṭlam, i lḥisab n wass
ameqqran. 7Akken daɣen, Sudum d Gumur akked temdinin i asent-d-izzin ɣerqent di
lɛar akked tecmatin ur iqebbel leɛqel; qqiment-d dlemtel mi d-iɣli fell-asent lɛiqab n
tmes i dayem.
8
Ɣas akka, imdanen-agi, d abrid-agi i d-wwin, ttabaɛen ccehwat-nsen, ssenǧasen
tifekkiwin-nsen, ugin ssyada n Yillu, reggmen lxuluq yesɛan ccan. 9Ula d Mixayil,
ameqqran n lmalayek, mi yemxaṣam netta d Cciṭan, ittnaɣ yid-s ɣef tfekka n Musa, ur
ikkir ara ad t-inɛel, meɛna yenna: "Ad k-id-iwet Ssid!" 10Ma d nutni, reggmen ayen ur
ssinen ara; ula d ayen akken i ssnen s ṭṭbiɛa-nsen, am lḥiwan ur nefhim, ssefsaden iman-
nsen yis-s. 11Annger-nsen! Wwin-d abrid n Kayin; ɣerqen di lǧerra n Bilɛam ɣef
yedrimen; negren axaṭer ɛuṣan akken i iɛuṣa Quraḥ. 12Zeggen-awen-d d ugur di tram n
tegmat, tetten yid-wen mebla leḥya, ttɛellifen iman-nsen. D asigna yettawi waḍu ur d-
nettak aman; d ttjur n lexrif ur d-nettak lfakya, mmutent ɣef mertayen, qelɛent seg
yiẓuran; 13d lemwaǧi n lebḥer ihaǧen, ttḍeggirent-d tikufta n lewsex-nsent; d itran
yettmenṭaren iwumi yettuhegga ṭṭlam n uṭellis, idayem.
14
Ula d Ḥanux, wis sebɛa mbaɛd Adem, icar-d fell-asen, yenna-d:
"Atan ad d-iteddu Ssid netta d luluf n yimqeddsen-is, 15i wakken ad iḥaseb ddunit
merra, ad iɛaqeb imejhal ɣef lexdayem ifuḥanen i xedmen, akked lehdur qessiḥen i d-
nnan fell-as yimednuben imejhal."
16
Imdanen-agi, d imčeqlalen, zgan d acetki, teddun di lebɣi i ccehwat-nsen; heddren s
zzux, ḥemmlen wiyaḍ dinnfeɛ-nsen kan.
Lwaǧeb n lmumnin
17
Ma d kenwi, ay imaɛzuzen, mmektit-d d lehdur i d-nnan zik yimceggɛen n Ssid-nneɣ
Yasuɛ Lmasiḥ. 18Nnan-awen-d belli ɣer taggara n zzman ad d-ilin wid yettihiyen; ad
teddun di lebɣi i ccehwat-nsen timejhal. 19Wigi, d wid ibeṭṭun, teddun s tnefsit-nsen; ur
sɛin ara Rruḥ. 20Ma d kenwi, ay imaɛzuzen, bnut tudert-nwen ɣef liman-nwen iqedsen
mliḥ; ttẓallat s Rruḥ Iqedsen. 21Ḥerzet iman-nwen di leḥmala n Yillu, simi ara d-tban
rreḥma n Ssid-nneɣ Yasuɛ Lmasiḥ i tudert n dayem. 22Wid yettkukrun, ḥunnet fell-asen:
23
sellket-ten, ssukkset-ten-id si tmes. Wiyaḍ, ḥunnet fell-asen, meɛna s lxuf, kerhet ula d
aqendur ineǧsen si tnefsit-nsen.
24
Tura, i win i izemren ad ken-iḥrez si tuccḍa, ad ken-isbedd zdat lɛaḍima-s mebla lɛib,
di lferḥ, 25i Yillu Amsellek-nneɣ, weḥd-s, s Yasuɛ Lmasiḥ, Ssid-nneɣ, lɛaḍima, ccan,
tazmert akked lhiba, si uqbel lewqat merra, tura, i dayem! Amin.
AWEḤḤI N YUḤENNA
Tazwert
1Aweḥḥi n Yasuɛ Lmasiḥ: ifka-yas-t-id Yillu iwakken ad d-issken i yiqeddacen-is ayen i
qrib ad d-iḍru; isseɛlem yis-s aqeddac-is Yuḥenna s lmelk i as-d-iceggeɛ. 2Yuḥenna icehd-
d belli ayen akk i iwala, d awal n Yillu yerna d cchada n Yasuɛ Lmasiḥ. 3Amarezg n win
yeqqaren lehdur n uciri-agi, amarezg n wid yettḥessisen i wayen yuran deg-s yerna
ḥerzen-t, axaṭer iqerb-d lawan.
4
Yuḥenna, i sebɛa n tmezdayin yellan di Asya: nneɛma akked lehna fell-awen sɣur win
yellan tura, yellan zik, yerna ad d-yas, sɣur sebɛa n lerwaḥ yettilin zdat ukersi n leḥkem-
is, 5sɣur daɣen Yasuɛ Lmasiḥ, inigi unṣiḥ, amenzu n wid i d-iḥyan si gar lmeggtin,
ameqqran n yigelliden n ddunit, win i aɣ-iḥemmlen, i aɣ-isellken si ddnubat-nneɣ s
yidammen-is, 6yerna yerra-yaɣ d igelliden, d lmuqeddmin i Baba-s Illu. I netta lɛaḍima
akked tezmert, si lǧil ɣer lǧil! Amin. 7Atan ad d-yas ɣef tagut, yal tiṭ ad t-twali, ula d wid i
t-ifetken, yerna leɛrac merra n ddunit ad meǧǧden ɣef ddemma-s. Anɛam, amin.
Lmasiḥ di lɛaḍima-s
8
Nekk, d alfa, d umiga, i d-yenna Ssid Illu, win yellan tura, yellan zik, ara d-yasen,
Anezmar.
9
Nekk, Yuḥenna gma-twen, yettekkin yid-wen di lmeḥna, di tgelda akked tuṭṭfa di Yasuɛ,
ufiɣ-d iman-iw di tegzirt iwumi i qqaren Batmus, ɣef ddemma n wawal n Yillu akked
cchada n Yasuɛ. 10Deg wass n Ssid, ttwarefɛeɣ s Rruḥ, dɣa sliɣ deffir-i yiwet n taɣect
ɛlayen, am ṣṣut n lbuq, 11teqqar-d: "Ayen akka i tettwaliḍ, aru-t deg udlis, mbaɛd ceggeɛ-it
i sebɛa n tmezdayin-agi: i Afasus, i Smirnus, i Birgamus, i Tiyatira, i Sardis, i Filadilfiya
akked Lawdikya." 12Zziɣ iwakken ad waliɣ d acu-tt taɣect-nni i y i-d-ihedren; mi zziɣ,
walaɣ sebɛa n lemṣabiḥ n ddheb, 13di tlemmast n lemṣabiḥ-nni, yiwen yecban mmi-s n
umdan, ilsa armi d iḍarren yerna yebges ɣef yidmaren s teḥzamt n ddheb. 14Aqerru-s
akked ucebbub-is, d imellalen am taḍuṭ tamellalt, am udfel, allen-is am uḥeǧǧaǧu n tmes,
15
iḍarren-is cban nnḥas yeṣfan, yefsin di tmes, ṣṣut-is am uceṛcuṛ n waman; 16deg ufus-is
ayeffus, sebɛa n yitran; seg yimi-s iffeɣ-d yiwen n ujenwi iqeḍɛen si snat n leǧwahi,
udem-is am yiṭij yettfeǧǧiǧen deg uzal qayli.
17
Mi t-walaɣ, ɣliɣ ɣer yiḍarren-is, amzun mmuteɣ. Isers-d afus-is ayeffus fell-i dɣa yenna-
d: "Ur ttaggad! Nekk, d amezwaru, d aneggaru, 18d win yeddren; lliɣ mmuteɣ, tura aql-i
ddreɣ, si lǧil ɣer lǧil! D nekk i yeṭṭfen tisura n lmut akked laxert. 19Aru ihi ayen i twalaḍ,
ayen yellan d wayen ara d-iḍrun mbaɛd ayagi. 20Sser n sebɛa n yitran-nni i twalaḍ deg
ufus-iw ayeffus akked sebɛa n lemṣabiḥ-nni n ddheb, d wagi: sebɛa n yitran-nni, d
lmalayek n sebɛa n tmezdayin-nni; sebɛa n lemṣabiḥ-nni, d sebɛa n tmezdayin-nni."
Tabrat i tmezdayt n Afasus
2Aru i lmelk n tmezdayt n Afasus: "Atan d acu i d-iqqar win yeṭṭfen sebɛa n yitran-nni
deg ufus-is ayeffus, win ileḥḥun di tlemmast n sebɛa n lemṣabiḥ-nni n ddheb: 2Ssneɣ
lecɣal-ik, leɛtab-ik akked tuṭṭfa i teṭṭfeḍ; ẓriɣ belli ur tezmireḍ ara ad tesriḥeḍ imcumen,
tjerrbeḍ wid yettarran iman-nsen d imceggɛen yili ur t-llin ara, yerna tufiḍ-iten d
ikeddaben. 3Tesɛiḍ ṣṣber, tɛetbeḍ ɣef yisem-iw, yerna ur tefcileḍ ara. 4Meɛna atan d acu i
ak-d-ssukkseɣ: teǧǧiḍ leḥmala-k tamezwarut. 5Mmekti-d ihi ansi i d-teɣliḍ, tub! Uɣal ɣer
lecɣal-ik imezwura; neɣ ma ulac, ad n-ruḥeɣ ɣur-k, ad kkseɣ lmeṣbaḥ-ik seg umkan-is,
ma ur ttubeḍ ara. 6Meɛna tesɛiḍ ayagi: tkerheḍ lexdayem n Inikulaten, i kerheɣ ula d
nekk. 7Win yesɛan imeẓẓuɣen, yesl-d i wayen i d-iqqar Rruḥ i tmezdayin! I win ara
iɣelben ad as-fkeɣ ad yečč si ttejra n tudert, yellan di lǧennet n Yillu."
Tabrat i tmezdayt n Smirnus
8
Aru i lmelk n tmezdayt n Smirnus: "Atan d acu i d-iqqar win yellan d amezwaru, d
aneggaru, win yellan immut, tura yedder: 9Ssneɣ lmeḥna-k, tigullelt-ik, - meɛna teɣniḍ -,
akked uqejjem n wid iḥesben iman-nsen d Iyahudiyen yili ur t-llin ara, meɛna d tajmaɛt n
Cciṭan. 10Ur ttaggad ara leɛtab ara tenneɛtabeḍ. Atan Cciṭan ad iḍegger kra seg-wen ɣer
lḥebs, iwakken ad tettujerrbem, yerna ad tetmeḥḥnem ɛecra n wussan. Ṭṭef di liman
alamma d lmut, ad ak-fkeɣ taɛeṣṣabt n tudert. 11Win yesɛan imeẓẓuɣen, yesl-d i wayen i
d-iqqar Rruḥ i tmezdayin! Win ara iɣelben, ur t-tettḥaz ara lmut tis snat."
Tabrat i tmezdayt n Birgamus
12
Aru i lmelk n tmezdayt n Birgamus: "Atan d acu i d-iqqar win yesɛan ajenwi iqeḍɛen si
snat n leǧwahi: 13Ẓriɣ anda i tzedɣeḍ, dinna i yella ukersi n leḥkem n Cciṭan. Teṭṭfeḍ deg
yisem-iw, ur tenkireḍ ara liman i tumneḍ yis-i, ula deg wussan n Antibas, inigi-w unṣiḥ, i
yettwanɣan ɣur-wen, anda akken yesɛa Cciṭan tanezduɣt-is. 14Meɛna atan d acu i ak-d-
ssukkseɣ: tesɛiḍ dinna wid yeṭṭfen deg uselmed n Bilɛam i yemlan i Balaq amek ara yendi
ticerket i wat Israyil iwakken ad ččen aksum yettunefken i lmeṣnuɛat yerna ad xeddmen
lɛar. 15Tesɛiḍ daɣen wid yeṭṭfen deg uselmed n Inikulaten. 16Tub ihi! Neɣ ma ulac, ad
ɣiwleɣ ad n-ruḥeɣ ɣur-k, ad ten-ḥarbeɣ s ujenwi n yimi-w. 17Win yesɛan imeẓẓuɣen, yesl-
d i wayen i d-iqqar Rruḥ i tmezdayin! I win ara iɣelben, ad as-fkeɣ tamanna yeffren, ad
as-fkeɣ adɣaɣ amellal, ɣef udɣaɣ-nni yura yiwen n yisem, d ajdid, ur t-issin yiwen, siwa
win iwumi yettunefk."
Tamezdayt n Tiyatira
18
Aru i lmelk n tmezdayt n Tiyatira: "Atan d acu i d-iqqar Mmi-s n Yillu, win yesɛan allen
am uḥeǧǧaǧu n tmes, iḍarren yecban nnḥas yeṣfan: 19Ssneɣ lecɣal-ik, leḥmala-k, liman-ik,
leqdic-ik akked tuṭṭfa i teṭṭfeḍ, lecɣal-ik ineggura ugaren imezwura. 20Meɛna atan d acu i
ak-d-ssukkseɣ: teǧǧiḍ tameṭṭut Izabal, i iḥesben iman-is d tanbitt, tesselmad yerna
tettɣerriq iqeddacen-iw, iwakken ad xeddmen lɛar yerna ad tetten aksum yettunefken i
lmeṣnuɛat. 21Fkiɣ-as lweqt iwakken ad ttub, meɛna ur tebɣi ara ad ttub si lɛar-is. 22Aql-i
ad tt-ḍeggreɣ s ameṭreḥ n ccedda tarẓagant, s nettat s wid i izennun yid-s, siwa ma tuben
si lexdayem-is. 23Arraw-is, ad ten-wteɣ tiyita n lmut. Timezdayin merra ad setɛerfent belli
nekk ssenqadeɣ lbal akked wulawen, yerna ad rreɣ i yal yiwen akken i llan lefɛayel-is.
24
Ad iniɣ i kenwi, i wid i d-iqqimen di Tiyatira, ur tbiɛen ara aselmed-agi, ur kcimen ara
di lɣumuq n Cciṭan, akken i qqaren: ur awen-sbabbayeɣ ara taɛkemt-nniḍen; 25acu kan,
ayen i tesɛam, ḥerzet-t alamma ruḥeɣ-n. 26I win ara iɣelben, ara iḥerzen alamma d
taggara lecɣal-iw, ad as-fkeɣ ad iḥkem leǧnas. 27Ad ten-ikes s uɛekkaz n wuzzal; ad ten-
yerẓ am uqbuc n talaɣt. 28Akken i yi-d-ittunefk sɣur Baba, ad as-fkeɣ itri n ṣṣbeḥ. 29I win
yesɛan imeẓẓuɣen, yesl-d i wayen i d-iqqar Rruḥ i tmezdayin!"
Tabrat i tmezdayt n Sardas
3 Aru i lmelk n tmezdayt n Sardas: "Atan d acu i d-iqqar win yesɛan sebɛa n lerwaḥ-nni n
Yillu akked sebɛa n yitran-nni: Ssneɣ lecɣal-ik; tettwassneḍ teddreḍ, yili temmuteḍ. 2Ɛass
ɣef yiman-ik! Sseǧhed takemmict-nni yellan ɣef tizi n lmut, axaṭer ur ufiɣ ara lecɣal-ik
kemlen ɣer Yillu-yiw. 3Mmekti-d ihi ayen i tqebleḍ yerna tesliḍ-as; ḥrez-it ttubeḍ. Ma ur
tɛusseḍ ara, ad n-ruḥeɣ am umakar, yerna ur tẓerreḍ ara tasaɛet ideg ara n-ɣliɣ fell-ak.
4
Meɛna tesɛiḍ di Sardas kra n yismawen ur nessenǧes ara llebsa-nsen: ad lḥun yid-i s
llebsa tamellalt, axaṭer uklalen. 5Win ara iɣelben ad yels llebsa tamellalt. D lmuḥal ad
mḥuɣ isem-is seg udlis n tudert, yerna ad d-cehdeɣ s yisem-is zdat Baba akked lmalayek-
is. 6Win yesɛan imeẓẓuɣen, yesl-d i wayen i d-iqqar Rruḥ i tmezdayin!"
Tabrat i tmezdayt n Filadilfya
7
Aru i lmelk n tmezdayt n Filadilfya: "Atan d acu i d-iqqar yimqeddes, aḥeqqani, win
yesɛan tasarut n Dawed. Ma yeldi, yiwen ur iɣelleq; ma yeɣleq, yiwen ur ileddi. 8Ssneɣ
lecɣal-ik. Aql-i ldiɣ-ak tawwurt ur izmir yiwen ad tt-iɣleq; ɣas akken cwiṭ n lǧehd i
tesɛiḍ, tḥerzeḍ awal-iw, ur tenkireḍ ara isem-iw. 9Atan ad ak-d-fkeɣ si tejmaɛt n Cciṭan
wid yeqqaren belli nutni d Iyahudiyen, yili ur llin ara, meɛna skiddiben. Ad ten-id-awiɣ ad
seǧǧden zdat yiḍarren-ik, yerna ad setɛerfen belli ḥemmleɣ-k. 10Imi i tḥerzeḍ awal-iw s
ṣṣber, ula d nekk ad k-ḥerzeɣ di teswiɛt n ujerreb ara d-iɣlin ɣef ddunit kamel, iwakken
ad ttujerrben imezdaɣ n ddunit. 11Qrib ad n-aseɣ! Ṭṭef ayen i tesɛiḍ, iwakken yiwen ur
ak-itekkes taɛeṣṣabt-ik. 12Win ara iɣelben, ad t-rreɣ d tigejdit deg ufakan n Yillu-yiw,
yerna ur ittuɣal ara ad d-iffeɣ ssyenna. Ad aruɣ fell-as isem n Yillu-yiw, isem n temdint
n Yillu-yiw, Yarucalim tajdidt ara d-iṣubben seg yigenni, sɣur Yillu-yiw, akked yisem-iw
ajdid. 13Win yesɛan imeẓẓuɣen, yesl-d i wayen i d-iqqar Rruḥ i tmezdayin!"
Tabrat i tmezdayt n Lawdikya
14
Aru i lmelk n tmezdayt n Lawdikya: "Atan d acu i d-iqqar win yellan d amin, d inigi
unṣiḥ yerna d aḥeqqani, d aqerru n txelqit n Yillu. 15Ssneɣ lecɣal-ik; ur semmḍeḍ ur
terkimeḍ; ilaq ad tiliḍ semmḍeḍ neɣ trekmeḍ! 16Imi temmuzeɣleḍ, ur terkimeḍ ur
semmḍeḍ, atan ad k-id-rreɣ seg yimi-w. 17Imi i teqqareḍ: 'Nekk, d amerkanti, ɣniɣ, ur
ḥwaǧeɣ acemma', yerna ur teẓriḍ ara belli kečč, d ameɣbun, tettuɣaḍeḍ, d amedlul, d
aderɣal, d aɛeryan, 18a k-weṣṣiɣ ad taɣeḍ ɣur-i ddheb i tṣeffa tmes iwakken ad teɣnuḍ,
llebsa tamellalt iwakken ad teṣṣreḍ iman-ik, ur d-ittban ara leɛra-k, akked taẓult swayes
ara tkeḥḥleḍ i wallen-ik iwakken ad twaliḍ. 19Nekk neddṛeɣ yerna ttɛaqabeɣ wid merra i
ḥemmleɣ. Sɛu lḥir, tub! 20Aql-i beddeɣ ɣer tewwurt, sṭebṭubeɣ; ma yella win i d-islan i
ṣṣut-iw, ildi-yi-d tawwurt, ad kecmeɣ ɣur-s, ad ččeɣ imensi yid-s, netta yid-i. 21Win ara
iɣelben, ad as-fkeɣ ad iqqim yid-i ɣef ukersi-w n leḥkem, akken i ɣelbeɣ nekkini dɣa
qqimeɣ nekk d Baba ɣef ukersi-s n leḥkem. 22Win yesɛan imeẓẓuɣen, yesl-d i wayen i d-
iqqar Rruḥ i tmezdayin!"
Akersi n leḥkem deg yigenni

4 Mbaɛd ayagi, muqleɣ, dɣa walaɣ yiwet n tewwurt teldi deg yigenni. Taɣect-nni
tamezwarut iwumi i sliɣ am ṣṣut n lbuq thedder-iyi-d, tenna-yid: "Ali-d ɣer dagi, ad ak-d-
ssekneɣ d acu ara d-iḍrun mbaɛd ayagi." 2Imiren kan, ttwarefɛeɣ s Rruḥ. Walaɣ dinna deg
yigenni yiwen n ukersi n leḥkem. Ɣef ukersi-nni n leḥkem, iqqim yiwen; 3ṣṣifa n win
akken yeqqimen, am uẓru n jasb akked sardwan; akersi-nni n leḥkem, izzi-yas-d lqus
yesɛan ṣṣifa n yimrud. 4Walaɣ zzin-as-d i ukersi-nni n leḥkem rebɛa uɛecrin n yikersiyen
n leḥkem; ɣef rebɛa uɛecrin n yikersiyen-nni n leḥkem, qqimen rebɛa uɛecrin n yimɣaren,
lsan llebsa tamellalt, ɣef yiqerra-nsen, tiɛeṣṣabin n ddheb. 5Seg ukersi-nni n leḥkem,
teffɣen-d lebraq, leṣwat akked rrɛud. zdat ukersi-nni n leḥkem, ceɛlent sebɛa n teftilin
ireqqen, yellan d sebɛa n lerwaḥ n Yillu. 6Zdat ukersi-nni n leḥkem, illa am wakken d
lebḥer n zzǧaǧ yecban kristal. Di tlemmast n ukersi-nni n leḥkem, si yal lǧiha n ukersi-nni
n leḥkem, llan rebɛa n lḥiwan, ččuren d allen si zdat, si deffir. 7Lḥiwan amezwaru icuba
izem, lḥiwan wis sin icuba agenduz, lḥiwan wis tlata isɛa udem n umdan, lḥiwan wis
rebɛa icuba igider yettafgen. 8Rebɛa n lḥiwan-nni, yal yiwen deg-sen isɛa setta n
wafriwen, yerna ččuren d allen swadda sufella; ur ḥebbsen ara, am yiḍ am wass, qqaren:
"D Imqeddes, d Imqeddes, d Imqeddes, Ssid Illu, Anezmar, win yellan zik, win yellan
tura, win ara d-yasen!" 9Lḥiwan-nni, mkul mi ara rren lɛaḍima, lɛezz akked tejmilt i win
yeqqimen ɣef ukersi n leḥkem, i win yeddren si lǧil ɣer lǧil, 10rebɛa uɛecrin n yimɣaren-
nni ɣellin ɣer zdat win yeqqimen ɣef ukersi n leḥkem, ttseǧǧiden zdat win yeddren si lǧil
ɣer lǧil, ttḍeggiren tiɛeṣṣabin-nsen zdat ukersi n leḥkem, 11qqaren: "I kečč, a Ssid-nneɣ, ay
Illu-nneɣ, lɛaḍima, ccan akked tezmert, axaṭer txelqeḍ-d yal lḥaǧa, yerna s lebɣi-k i d-
tella, i d-tettwaxleq!"
Zzmam icemmɛen s sebɛa n ṭṭwabeɛ
5Mbaɛd, walaɣ ɣer tama tayeffust n win akken yeqqimen ɣef ukersi n leḥkem yiwen n
udlis yuran daxel berra, yerna icemmeɛ s sebɛa n ṭṭwabeɛ. 2Walaɣ daɣen yiwen n lmelk
iǧehden, ittɛeggiḍ s lqedd n taɣect-is: "Anwa yuklalen ad ildi adlis-agi, yerna ad irreẓ
ṭṭwabeɛ-is?" 3Meɛna yiwen deg yigenni neɣ di lqaɛa neɣ ddaw lqaɛa ur izmir ad ildi adlis-
nni neɣ ad iḍegger tiṭ-is ɣur-s. 4Dɣa ttruɣ aṭas axaṭer yiwen ur yukal ad ildi adlis-nni neɣ
ad iḍegger tiṭ-is ɣur-s. 5Yiwen seg yimɣaren-nni yenna-yi-d: "Ur ttru ara! Atan Yizem n
lɛerc n Yahuda, axalaf n Dawed, iɣleb iwakken ad ildi adlis akked sebɛa n ṭṭwabeɛ-is."
6
Walaɣ di tlemmast n ukersi-nni n leḥkem, gar rebɛa n lḥiwan-nni, gar yimɣaren-nni,
yiwen n yizimer, ibedd, amzun yemzel, yerna yesɛa sebɛa n wacciwen akked sebɛa n
wallen yellan d sebɛa n lerwaḥ n Yillu yettuceggɛen ɣer ddunit merra. 7Iruḥ dɣa
yeddem-d adlis-nni seg uyeffus n win akken yeqqimen ɣef ukersi n leḥkem. 8Mi d-
iddem adlis-nni, rebɛa n lḥiwan-nni akked rebɛa uɛecrin n yimɣaren-nni ɣlin ɣer zdat
yizimer-nni, yal yiwen deg-sen iṭṭef snitra akked yeqbucen n ddheb yeččuren d lebxur
yellan d tiẓilla n yimqeddsen. 9Cennun ccna ajdid, qqaren: "Tuklaleḍ ad teddmeḍ adlis,
yerna ad teldiḍ ṭṭwabeɛ-is; axaṭer temmezleḍ, yerna tefdiḍ-d i Yillu, s yidammen-ik,
imdanen si yal lɛerc, si yal tutlayt, si yal agdud, si yal lǧens. 10Terriḍ-ten d igelliden yerna
d lmuqeddmin i Yillu-nneɣ, yerna ad ḥekmen ddunit."

11
Muqleɣ, dɣa sliɣ i ṣṣut n waṭas n lmalayek i d-izzin i ukersi-nni n leḥkem, i lḥiwan-nni
akked yimɣaren-nni; leḥsab-nsen, d imelyunen, d luluf n luluf. 12Qqaren s lqedd n taɣect-
nsen: "Izimer yemmezlen yuklal ad as-ittunefk lǧehd, tazmert, leɣna, lekyasa, ccan,
lɛaḍima akked lḥemd." 13Dɣa lexliqat merra yellan deg yigenni, ɣef lqaɛa, ddaw lqaɛa, ɣef
lebḥer, d wayen akk yellan deg-sen, sliɣ-asen qqaren: "I win yeqqimen ɣef ukersi n
leḥkem, i yizimer daɣen, lḥemd, ccan, lɛaḍima akked lǧehd, si lǧil ɣer lǧil!" 14Rebɛa n
lḥiwan-nni qqaren: "Amin!" Ma d imɣaren-nni seǧǧden dɣa ttɛebbiden.
Alday n setta ṭṭwabeɛ imezwura
6Dɣa muqleɣ mi yeldi izimer-nni yiwen si sebɛa n ṭṭwabeɛ-nni, yerna sliɣ i yiwen si rebɛa
n lḥiwan-nni yeqqar s yiwen n ṣṣut am ṣṣut n rrɛud: "Yya-d!" 2Muqleɣ, dɣa walaɣ yiwen
n uɛawdiw, d amellal. Win i t-id-irekben isɛa lqus; tettunefk-as yiwet n tɛeṣṣabt. Dɣa iruḥ
d lɣaleb yerna iwakken ad iɣleb.
3
Mi yeldi ṭṭabeɛ wis sin, sliɣ i lḥiwan wis sin iqqar: "Yya-d!" 4Iffeɣ-d yiwen n uɛawdiw-
nniḍen, d azubaɣ. Win i t-id-irekben, ittunefk-as ad ikkes lehna si ddunit iwakken ad
ttemyezlun yimdanen gar-asen; ittunefk-as yiwen n ujenwi, d ameqqran.
5
Mi yeldi ṭṭabeɛ wis tlata, sliɣ i lḥiwan wis tlata yeqqar: "Yya-d!" Muqleɣ, dɣa walaɣ
yiwen n uɛawdiw, d aberkan. Win i t-id-irekben iṭṭef lmizan deg ufus-is. 6Sliɣ i kra akken
n taɣect di tlemmast n rebɛa n lḥiwan-nni teqqar: "Yiwen n lkil n yirden s yiwen n udinar,
tlata n lkilat n temẓin s yiwen n udinar; meɛna ur ssexṣar ara zzit akked ccrab."
7
Mi yeldi ṭṭabeɛ wis rebɛa, sliɣ i taɣect n lḥiwan wis rebɛa teqqar: "Yya-d!" 8Muqleɣ, dɣa
walaɣ yiwen n uɛawdiw, d azegzaw. Win i t-id-irekben isem-is lmut, yerna itbeɛ-it-id
laxert. Tettunefk-asen tezmert ɣef tis rebɛa n ddunit, iwakken ad nɣen s ujenwi, s laẓ, s
lmut akked lewḥuc n lexla.
9
Mi yeldi ṭṭabeɛ wis xemsa, walaɣ ddaw uɛalṭar, tirwiḥin n wid yemmezlen ɣef ddemma
n wawal n Yillu akked cchada i d-cehden. 10Ttɛeggiḍen s lqedd n taɣect-nsen, qqaren: "A
Ssid imqeddes aḥeqqani, d acu i tettraǧuḍ ad tḥasbeḍ yerna ad d-terreḍ ttar n yidammen-
nneɣ deg yimezdaɣ n ddunit?" 11I yal yiwen deg-sen, ittunefk-as uqendur amellal;
ittwanna-yasen-d ad rǧun kra n lweqt alamma rnan-d ɣur-sen yirfiqen-nsen n leqdic
akked watmaten-nsen, wid ara yettwanɣan am nutni.
12
Muqleɣ mi yeldi ṭṭabeɛ wis setta, dɣa twet yiwet n zlezla, d tameqqrant. Iṭij yuɣal d
aberkan am tcekkart yettwaxedmen s yenzizen, aggur s lekmal-is yuɣal am yidammen,
13
itran n yigenni ɣellin-d ɣer lqaɛa am uqerquc n tenqelt i yetthuzzu waḍu iǧehden.
14
Igenni yenneḍ am zzmam, idurar akked tegzirin merra ttaxxren seg yimukan-nsen.
15
Igelliden n ddunit, imeqqranen, iqerra n lɛesker, imerkantiyen, zzuɛama, aklan merra
akked yiḥerriyen ffren iman-nsen di lɣiran akked yicerfan n yidurar; 16qqaren i yidurar
akked yicerfan: "Ɣlit-d fell-aɣ! Ffret-aɣ seg wudem n win yeqqimen ɣef ukersi n leḥkem,
seg wurrif daɣen n yizimer, 17axaṭer yusa-d wass ameqqran n wurrif-nsen! Anwa i
izemren ad iṭṭef?"
Wid yettwaḍebɛen s ṭṭabeɛ n Yillu

7Mbaɛd ayagi, walaɣ rebɛa n lmalayek bedden di rebɛa tɣemmar n ddunit; ṭṭfen rebɛa n
leryaḥ n ddunit, iwakken ur d-ittṣuḍu ara waḍu la ɣef lqaɛa, la ɣef lebḥer, la ɣef ttejra.
2
Walaɣ yiwen n lmelk-nniḍen, yuli-d si lǧiha n ccerq, isɛa ṭṭabeɛ n Yillu yeddren; iɛeggeḍ
s lqedd n taɣect-is ɣer rebɛa n lmalayek-nni iwumi yettunefk ad ḍurren lqaɛa akked
lebḥer, yenna-yasen: 3"Ur ttḍurrut la lqaɛa, la lebḥer, la ttejra, alamma neḍbeɛ s ṭṭabeɛ
anyir n yiqeddacen n Yillu-nneɣ." 4Imiren sliɣ i leḥsab n wid yettwaḍebɛen s ṭṭabeɛ:
meyya urebɛa urebɛin alef i yettwaḍebɛen s ṭṭabeɛ si leɛrac merra n wat Israyil. 5Si lɛerc n
Yahuda, tnac n walef i yettwaḍebɛen s ṭṭabeɛ; si lɛerc n Rawubin, tnac n walef; si lɛerc n
Gad, tnac n walef; 6si lɛerc n Acir, tnac n walef; si lɛerc n Naftali, tnac n walef; si lɛerc n
Manaci, tnac n walef; 7si lɛerc n Cimɛun, tnac n walef; si lɛerc n Lewwi, tnac n walef; si
lɛerc n Isaxaṛ, tnac n walef; 8si lɛerc n Zabulun, tnac n walef; si lɛerc n Yusef, tnac n
walef; si lɛerc n Binyamin, tnac n walef i yettwaḍebɛen s ṭṭabeɛ.
Ihedman n lɣaci s llebsa tamellalt
9
Mbaɛd ayagi, muqleɣ, dɣa walaɣ ihedman n lɣaci ur izmir yiwen ad ten-iḥseb, si yal
lǧens, si yal lɛerc, si yal agdud, si yal tutlayt. Bedden zdat ukersi-nni n leḥkem, zdat daɣen
n yizimer-nni, lsan iqendyar imellalen, tiseḍwa n tezdayin deg yifassen-nsen.
10
Ttɛeggiḍen s lqedd n taɣect-nsen, qqaren: "Leslak, sɣur Yillu-nneɣ, win yeqqimen ɣef
ukersi n leḥkem, sɣur daɣen izimer!" 11Lmalayek merra bedden, zzin-d i ukersi-nni n
leḥkem, i yimɣaren-nni akked rebɛa n lḥiwan-nni; uɣalen ɣef wudem zdat ukersi-nni n
leḥkem, dɣa seǧǧden zdat Yillu, 12qqaren: "Amin, lḥemd, lɛaḍima, lekyasa, tajmilt, ccan,
tazmert akked lǧehd i Yillu-nneɣ, si lǧil ɣer lǧil! Amin."
13
Yiwen seg yimɣaren-nni inṭeq-d, yenna-yi-d: "Wid yelsan iqendyar imellalen, anwi-ten?
Ansi i d-kkan?" 14Nniɣ-as: "A Sidi, teẓriḍ." Inna-yi-d: "D wid i d-ikkan si lmeḥna-nni
tameqqrant; ssarden iqendyar-nsen, ssazdgen-ten deg yidammen n yizimer. 15Ɣef wayagi
i bedden zdat ukersi n leḥkem n Yillu, ttɛebbiden-t iḍ d wass deg uqiḍun-is. Win
yeqqimen ɣef ukersi n leḥkem ad ten-isdari deg uqiḍun-is. 16Ur ttuɣalen ad llaẓen, ur
ttuɣalen ad faden, ur ittuɣal ad ten-iwet yiṭij wala lḥamu-nniḍen, 17axaṭer izimer yellan di
tlemmast n ukersi n leḥkem ad ten-ikess, ad ten-ittawi ɣer leɛwanṣer n waman n tudert.
Illu ad asen-isfeḍ imeṭṭawen seg wallen-nsen."
Alday n ṭṭabeɛ wis sebɛa
8Mi yeldi ṭṭabeɛ wis sebɛa, ters-d yiwet n tsusmi deg yigenni azal n uzgen n ssaɛa.
2
Walaɣ sebɛa n lmalayek-nni i bedden zdat Yillu, ttunefken-asen sebɛa n lbuqat. 3Yiwen n
lmelk-nniḍen iruḥ-d dɣa ibedd ɣef uɛalṭar, yewwi-d timbexxert n ddheb; ttunefken-as-d
aṭas n lebxur iwakken ad ten-iqeddem akked tẓilla n yimqeddsen ɣef uɛalṭar n ddheb,
yellan zdat ukersi n leḥkem. 4Abbu n lebxur-nni yuli akked tẓilla-nni n yimqeddsen seg
ufus n lmelk-nni zdat Yillu. 5Lmelk-nni yeddem-d timbexxert-nni, iččur-itt-id d times n
uɛalṭar dɣa iḍegger-itt ɣef lqaɛa. Imiren illa-d rrɛud, leṣwat, lebraq akked zlezla. 6Sebɛa n
lmalayek-nni yeṭṭfen sebɛa n lbuqat-nni heggan iman-nsen ad wten lbuq.
Lbuq amezwaru
7
Amezwaru yewwet lbuq. Illa-d ubruri akked tmes ixelḍen d idammen, dɣa ttwaḍeggren
ɣef lqaɛa; imiren tis tlata n lqaɛa terɣa, tis tlata n ttjur terɣa, yerna kra yellan d leḥcic
azegzaw yerɣa.
Lbuq wis sin
8
Lmelk wis sin yewwet lbuq. Yiwet n lḥaǧa am wakken d adrar ameqqran ideg tecɛel
tmes tettwaḍegger ɣer lebḥer; dɣa tis tlata n lebḥer tuɣal d idammen, 9tis tlata n lexliqat
yettidiren di lebḥer temmut, tis tlata n lbaburat tenger.
Lbuq wis tlata
10
Lmelk wis tlata yewwet lbuq. Iɣli-d seg yigenni yiwen n yetri, d ameqqran, yerna ireqq
am usafu; iɣli-d ɣef tis tlata n yisaffen, ɣef leɛwanṣer n waman daɣen. 11Isem n yetri-nni:
Timerẓuga; tis tlata n waman tuɣal rẓaget, dɣa aṭas n yimdanen i yemmuten seg waman-
nni, axaṭer uɣalen rẓagit.
Lbuq wis rebɛa
12
Lmelk wis rebɛa yewwet lbuq. Tis tlata n yiṭij, tis tlata n waggur akked tis tlata n yitran i
yettwaɣen, iwakken tis tlata-nsen ad teṭṭullem; tis tlata n wass teqqim mebla tafat, akken
ula d iḍ.
13
Muqleɣ, dɣa sliɣ i yiwen n yigider ittafeg di tlemmast n yigenni, iqqar s lqedd n taɣect-
is: "A tawaɣit, a tawaɣit, a tawaɣit n yimezdaɣ n ddunit, mi ara nedhen lbuqat n tlata n
lmalayek-nni-nniḍen ara ten-isnedhen!"
Lbuq wis xemsa
9Lmelk wis xemsa yewwet lbuq. Walaɣ yiwen n yetri yeɣli-d seg yigenni ɣef lqaɛa.
Tettunefk-as tsarut n lbir n maylellif lqayen. 2Ildi lbir-nni n maylellif lqayen, dɣa yuli-d
wabbu si lbir-nni, am wabbu n ufarnu ameqqran; iṭij akked lhawa uɣalen ṭṭullmen seg
wabbu-nni n lbir. 3Seg wabbu-nni, iffeɣ-d ujrad ɣef lqaɛa; tettunefk-as tezmert am
tezmert i sɛant tɣirdmiwin n lqaɛa. 4Ittwamer-as ur ittḍurru la leḥcic n lqaɛa, la ayen akk
zegzawen, la ttjur, siwa imdanen ur nesɛi ara ṭṭabeɛ n Yillu deg unyir-nsen. 5Ur as-ittunefk
ara ad ten-ineɣ, meɛna ad ten-ismermed xemsa n wagguren; amermed ara ten-ismermed
icba asmermed n tɣirdemt mi ara teqqes amdan. 6Deg wussan-nni, imdanen ad nadin ɣef
lmut ur tt-ttafen; ad mennin lmut, meɛna lmut ad terwel mebɛid fell-asen.
7
Ṣṣifa n ujrad-nni am yiɛawdiwen iheggan i ṭṭrad; ɣef uqerru-s, am wakken d taɛeṣṣabt n
ddheb; udem-is, am wudem n yimdanen; 8acebbub-is, am ucebbub n tlawin; tuɣmas-is,
am tid n yizmawen; 9idmaren-is, am tedmert n wuzzal; ṣṣut n wafriwen-is, am ṣṣut n
yikerrusen i zzuɣuren aṭas n yiɛawdiwen yettazzalen ɣer ṭṭrad. 10Taẓeɛkukt-is, tesɛa
tisiqqest, am tẓeɛkukt n tɣirdmiwin, yerna di tẓeɛkukt-is i tella tezmert swayes i
yesmermid imdanen xemsa n wagguren. 11Agellid-nsen, d lmelk n maylellif lqayen, isem-
is s tɛibranit Abadun; s tyunanit, isem-is Abulyun.
12
Tawaɣit tamezwarut tɛedda. Mazal daɣen snat n twaɣiyin mbaɛd tagi.
Lbuq wis setta
13
Lmelk wis setta yewwet lbuq. Sliɣ i yiwet n taɣect teffeɣ-d si rebɛa n wacciwen n
uɛalṭar-nni n ddheb, i yellan zdat Yillu. 14Tenna i lmelk-nni wis setta, i yeṭṭfen lbuq: "Fsi-
yasen-d i rebɛa n lmalayek-nni yettwarzen ɣef wasif ameqqran n Farat." 15Dɣa yefsi-d i
rebɛa n lmalayek-nni yettuheggan i tsaɛet-nni, i wass-nni, i waggur-nni akked useggas-
nni, iwakken ad nɣent tis tlata n yimdanen. 16Leḥsab n lɛesker n yimnayen: mitin n
yimelyunen; sliɣ-as i leḥsab-agi. 17Atan amek i walaɣ deg uweḥḥi iɛawdiwen akked wid i
ten-irekben: lsan tidemmar, d tizubaɣin am tmes, d tizeggaɣin, d tiwraɣin am tkebrit.
Iqerra n yiɛawdiwen-nni, am yiqerra n yizmawen; seg yimawen-nsen, d times, d abbu
akked tkebrit i d-iteffɣen. 18Tis tlata n yimdanen i yettwanɣan s tlata n lmuṣibat-agi: times,
abbu akked tkebrit i d-iteffɣen seg yimawen-nsen. 19Axaṭer tazmert n yiɛawdiwen-nni
tella deg yimawen-nsen akked tẓeɛkukin-nsen. Tiẓeɛkukin-nsen cbant izerman, sɛant
iqerra; yis-sen i ttḍurrunt.
20
Imdanen-nniḍen ur nettwanɣa ara s lmuṣibat-nni ur tuben ara si lexdayem n yifassen-
nsen. Kemmlen ttɛebbiden leǧnun, lmeṣnuɛat n ddheb, n lfeṭṭa, n nnḥas, n uẓru, n usɣar,
widak-nni ur nezmir ad walin, ad slen, neɣ ad lḥun. 21Ur tuben ara si tmegraḍ i nɣan, si
ssḥur-nsen, si lɛar-nsen, si tkerḍiwin-nsen.
Zzmam amecṭuḥ
10Walaɣ yiwen n lmelk-nniḍen, iǧhed. Iṣubb-d seg yigenni, idel s tagut, lqus n yigenni
ɣef uqerru-s, udem-is am yiṭij, iḍarren-is am tgejda n tmes. 2Iṭṭef deg ufus-is yiwen n
udlis, d amcṭuḥ yerna yeldi. Isers aḍar ayeffus ɣef lebḥer, aḍar azelmaḍ ɣef lberr. 3Iɛeggeḍ
s lqedd n taɣect-is, akken ireɛɛed yizem. Mi iɛeggeḍ, sebɛa n rrɛud serrḥen i tuɣac-nsen.
4
Mi serrḥen sebɛa n rrɛud-nni i tuɣac-nsen, kkreɣ ad aruɣ, meɛna sliɣ i yiwet n taɣect i d-
yennan seg yigenni: "Eǧǧ di sser ayen akka i d-nnan sebɛa n rrɛudat-agi, ur t-ttaru ara."
5
Lmelk-nni i walaɣ ibedd ɣef lebḥer akked lberr irfed afus-is ayeffus ɣer yigenni, 6dɣa
yeggull s win yeddren si lǧil ɣer lǧil, i d-ixelqen igenni d wayen yellan deg-s, lqaɛa d
wayen yellan deg-s, lebḥer d wayen yellan deg-s: "Ur ittuɣal ara ad d-yili lmijal! 7Meɛna
deg wussan ideg ara nsel i lmelk wis sebɛa mi ara yekker ad issendeh lbuq, sser n Yillu ad
d-iḍru, akken i d-ixebber yis-s iqeddacen-is lanbeyya." 8Taɣect-nni iwumi i sliɣ tekka-d
seg yigenni thder-iyi-d daɣen, tenna-yi-d: "ruḥ, ddem-d adlis-nni yeldin seg ufus n
lmelk-nni ibedden ɣef lebḥer akked lberr." 9ruḥeɣ ɣer lmelk-nni, dɣa nniɣ-as ad iyi-d-ifk
adlis-nni amecṭuḥ. Inna-yi-d: "Ddem-it, sbelɛ-it; ad yili rẓag deg uɛebbuḍ-ik, meɛna deg
yimi-k ad yili ẓid am tament." 10Ddmeɣ-d adlis-nni amecṭuḥ seg ufus n lmelk-nni, dɣa
sbelɛeɣ-t; deg yimi-w, ẓid am tament, meɛna mi t-ččiɣ, aɛebbuḍ-iw yuɣal d arẓagan.
11
Mbaɛd, nnan-iyi-d: "Ilaq-ak ad d-tcireḍ daɣen ɣef yigduden, leǧnas, tutlayin akked
waṭas n yigelliden."
Sin n yinagan
11Tettunefk-iyi-d yiwet n tɣanimt yecban aɛekkaz. Ittwanna-yi-d: "Kker, ktil afakan n
Yillu, aɛalṭar akked wid yettseǧǧiden deg-s. 2Meɛna afrag n berra n ufakan, eǧǧ-it, ur t-
ttektili ara, axaṭer yettunefk i leǧnas, yerna ad rekḍen tamdint iqedsen tnin urebɛin n
wagguren. 3Ad fkeɣ i sin n yinigan-iw ad d-ttcirin alef umitin usettin n wussan, nutni lsan
ticekkarin." 4Wigi, d snat n tzemmrin-nni akked sin n lemṣabiḥ-nni i ibedden zdat Bab n
lqaɛa. 5Ma yella yiwen yebɣa ad ten-iḍurr, ad d-teffeɣ tmes seg yimi-nsen dɣa ad tečč
iɛdawen-nsen; ma yella yiwen yebɣa ad ten-iḍurr, akka i ilaq ad ittwaneɣ. 6Wigi sɛan
tazmert ad ɣelqen igenni, iwakken ur d-ikkat ara ugeffur deg wussan-nni ideg ara d-
ttcirin; sɛan daɣen tazmert ad rren aman d idammen, yerna ad d-sexḍen lqaɛa s yal lebla,
melmi i asen-ihwa. 7Mi kfan cchada-nsen, leɛqira i d-yulin si maylellif, ad asen-tesker
ṭṭrad; ad ten-teɣleb yerna ad ten-tneɣ. 8Tifekkiwin-nsen ad ilint deg uzniq n temdint
tameqqrant, i yettmettilen Sudum akked Maṣer, anda yettwaṣelleb Ssid-nsen. 9Si yal
agdud, si yal lɛerc, si yal tutlayt, si yal lǧens, ad ttmuqulen di tfekkiwin-nsen tlata n
wussan d uzgen, yerna ur ttɛemmiden ara ad ttwameḍlent tfekkiwin-nsen. 10Imezdaɣ n
ddunit ad ferḥen ɣef ddemma-nsen, ad zhun, yerna ad ttemceggaɛen lehdeyyat, axaṭer sin
n lanbeyya-agi smermden imezdaɣ n ddunit. 11Mbaɛd tlata n wussan-nni d uzgen, yiwen
n rruḥ n tudert i d-ikkan sɣur Yillu ikcem-iten, dɣa bedden ɣef yiḍarren-nsen. Iɣli-d lxuf,
d ameqqran, ɣef wid yellan ttmuqulen deg-sen. 12Slan i yiwet n taɣect iǧehden, tekka-d
seg yigenni, tenna-yasen-d: "Alit-d ɣer dagi!" Dɣa ulin di tagut ɣer yigenni, iɛdawen-nsen
ttmuqulen deg-sen. 13Di teswiɛt-nni dɣa, twet yiwet n zlezla, d tameqqrant, tis ɛecra n
temdint teɣli; sebɛ alaf n yimdanen i yemmuten di zlezla-nni. Wiyaḍ xelɛen, dɣa rran
lɛaḍima i Yillu n yigenni.
14
Tawaɣit tis snat tɛedda; attaya twaɣit tis tlata, qrib ad d-taweḍ.
Lbuq wis sebɛa
15
Lmelk wis sebɛa yewwet lbuq. Ffɣent-d seg yigenni kra n tuɣac, ǧehdit, qqarent:
"Tageldit n ddunit tuɣal i Ssid-nneɣ akked Lmasiḥ-is, yerna ad iḥkem si lǧil ɣer lǧil."
16
Rebɛa uɛecrin n yimɣaren-nni yellan qqimen zdat Yillu ɣef yikersiyen-nsen n leḥkem,
ɣlin ɣef wudem dɣa seǧǧden zdat Yillu, 17qqaren: "Tanemmirt-ik, a Sidi, ay Illu Anezmar,
a win yellan tura, yellan zik, axaṭer tesxedmeḍ tazmert-ik tameqqrant yerna tḥekmeḍ.
18
Leǧnas rfan, urrif-ik iwweḍ-d, ilḥeq-d lawan ad ttuḥasben lmeggtin, ad tǧaziḍ
iqeddacen-ik lanbeyya, imqeddsen akked wid yettaggaden isem-ik, s umecṭuḥ, s
umeqqran, yerna ad tqucceḍ wid yettquccun ddunit." 19Afakan n Yillu, deg yigenni, ildi,
imiren iban-d usenduq n lɛahd daxel n ufakan-is iqedsen. Dɣa yella-d lebraq, leṣwat,
rrɛud, zlezla akked ubruri s waṭas.
Tameṭṭut akked lweḥc
12Tban-d yiwet n limara, d tameqqrant, deg yigenni: d yiwet n tmeṭṭut yedlen s yiṭij,
aggur ddaw yiḍarren-is, taɛeṣṣabt n tnac n yitran ɣef uqerru-s. 2Tella s tadist yerna
tettɛeggiḍ, axaṭer ṭṭfen-tt lewjuɛ n tarrawt. 3Tban-d limara-nniḍen deg yigenni: d yiwen n
lweḥc ameqqran, d azubaɣ am tmes, isɛa sebɛa n yiqerra akked ɛecra n wacciwen; ɣef
yiqerra-s, sebɛa n tɛeṣṣabin. 4Taẓeɛkukt-is tferḍ-d tis tlata n yitran n yigenni, dɣa tḍegger-
iten-id ɣer lqaɛa. Lweḥc-nni ibedd zdat tmeṭṭut-nni i qrib ad d-terbu, iwakken ad as-yečč
llufan-is mi ara t-id-tesɛu. 5Tesɛa-d aqcic, d ddkeṛ; ad ikes leǧnas merra s uɛekkaz n
wuzzal. Mmi-s yettwarfeɛ ɣer Yillu akked ukersi-s n leḥkem. 6Tameṭṭut-nni terwel s
aneẓruf, anda i tesɛa amkan i ihegga Yillu, iwakken ad tt-ɛeggcen dinna alef umitin
usettin n wussan.
7
Ikker ṭṭrad deg yigenni. Mixayil akked lmalayek-is sekren ṭṭrad i lweḥc-nni. Ula d lweḥc
akked lmalayek-is sekren ṭṭrad, 8meɛna ur ɣliben ara, yerna ula d amkan-nsen deg yigenni
iruḥ-asen. 9Ittwanfeḍ-d lweḥc-nni ameqqran, azrem-nni n zik, yettusemman Iblis, Cciṭan,
win yettɣurrun ddunit merra; ittwanfeḍ-d ɣer lqaɛa, yerna ula d lmalayek-is ttwanefḍen-d
yid-s. 10Sliɣ i yiwet n taɣect deg yigenni, teǧhed, teqqar: "Tura, d lawan n leslak, n
tezmert, n tgeldit n Yillu-nneɣ akked lḥekma n Lmasiḥ-is; axaṭer yettwanfeḍ-d win
yettcetkin ɣef watmaten-nneɣ, win akken yettcetkin fell-asen ɣer Yillu-nneɣ iḍ d wass.
11
Ɣelben-t s yidammen n yizimer, s wawal n cchada-nsen; ur ɛzizet ara fell-asen terwiḥt-
nsen, meɛna qeblen lmut. 12Ɣef wayagi, ferḥet, ay igenwan, a kenwi yesbedden aqiḍun-
nwen deg-sen! A tawaɣit-nwen, a lqaɛa akked lebḥer! Cciṭan iṣubb-d ɣur-wen, yerfa mliḥ,
axaṭer iẓra belli drus n lweqt i as-d-iqqimen."
13
Mi iwala iman-is lweḥc-nni belli yettwanfeḍ-d ɣer lqaɛa, itbeɛ tameṭṭut-nni i d-isɛan
aqcic-nni. 14Dɣa ttunefken-as i tmeṭṭut-nni sin n wafriwen n yigider-nni ameqqran,
iwakken ad tafeg s aneẓruf, s amkan-is anda i tettuɛeggec yiwen n lweqt, lewqat akked
uzgen n lweqt, mebɛid ɣef uzrem-nni. 15Azrem-nni iḍegger-d seg uxenfuc-is deffir
tmeṭṭut-nni aman am wakken d asif, iwakken ad tt-yawi wasif. 16Meɛna lqaɛa tessemneɛ
tameṭṭut-nni, teldi imi-s dɣa tessebleɛ asif-nni i d-iḍegger lweḥc-nni seg uxenfuc-is.
17
Lweḥc-nni yerfa ɣef tmeṭṭut-nni, dɣa iruḥ ad isker ṭṭrad i wid i d-iqqimen si tarwa-s, wid
iḥerzen lumur n Yillu yerna ṭṭfen di cchada n Yasuɛ. 18Mbaɛd ibedd ɣef rrmel n lebḥer.
Lweḥc i d-yulin si lebḥer
13Walaɣ leɛqira tuli-d si lebḥer, tesɛa ɛecra n wacciwen akked sebɛa n yiqerra. Ɣef
wacciwen-is, ɛecra n tɛeṣṣabin; ɣef yiqerra-s, d ismawen n lekfer. 2Leɛqira i walaɣ tecba
aɣilas. Tiqejjirin-is, am tid n wursel; axenfuc-is, am uxenfuc n yizem. Lweḥc-nni yefka-
yas tazmert-is, akersi-s n leḥkem akked d yiwet n lḥekma meqqren. 3Walaɣ yiwen seg
yiqerra-s, am wakken yemzel timezliwt n lmut; meɛna lǧerḥ-nni-ines n lmut iḥla. Ddunit
merra tetɛeǧǧeb, dɣa tetbeɛ leɛqira-nni. 4Ttseǧǧiden zdat lweḥc-nni, axaṭer ifka lḥekma i
leɛqira-nni. Ttseǧǧiden zdat leɛqira-nni, qqaren:"Anwa yecban leɛqira? Anwa i izemren
ad isker ṭṭrad yid-s?"
5
Ittunefk-as yimi i d-iqqaren leɛǧubat akked lekfer. Tettunefk-as tazmert ad teḥkem tnin
urebɛin n wagguren. 6Teldi axenfuc-is iwakken ad tjedder deg Yillu, iwakken ad tjedder
deg yisem-is, deg uqiḍun-is akked wid yesbedden aqiḍun-nsen deg yigenni. 7Ittunefk-as
ad tesker ṭṭrad i yimqeddsen yerna ad ten-teɣleb. Ittunefk-as ad teḥkem yal lɛerc, yal
agdud, yal tutlayt, yal lǧens. 8Imezdaɣ merra n ddunit ad seǧǧden zdat-s, widak merra
iwumi ur ttujerrden ara yismawen-nsen deg udlis n tudert n yizimer yemmezlen seg
wasmi i d-tella ddunit.
9
Win yesɛan imezzuɣen, isl-d! 10Win i yettraǧu lḥebs, ad ittwaḥbes; win ara yettwanɣan s
ujenwi, ad ittwaneɣ s ujenwi. D wigi i d ṣṣber akked liman n yimqeddsen.
Lweḥc i d-yulin si lqaɛa

11
Walaɣ yiwet n leɛqira-nniḍen, tuli-d si lqaɛa. Tesɛa sin n wacciwen am wid n yizimer;
thedder am lweḥc. 12Lḥekma merra n leɛqira-nni tamezwarut, tessexdam-itt zdat-s.
Tḥettem lqaɛa akked yimezdaɣ-is ad seǧǧden zdat leɛqira-nni tamezwarut, tin akken
yeḥlan si lǧerḥ-nni-ines n lmut. 13Txeddem limarat, d timeqqranin; tewweḍ armi i d-
tesseɣlay ula d times seg yigenni ɣer lqaɛa, zdat yimdanen. 14Tettɣerriq imezdaɣ n ddunit
s limarat i as-d-ittunefken ad ten-texdem zdat leɛqira-nni; teqqar i yimezdaɣ n ddunit ad
d-xedmen lmeṣnuɛ n leɛqira-nni yettwajerrḥen s ujenwi yerna tedder. 15Ittunefk-as ad tefk
rruḥ i lmeṣnuɛ n leɛqira-nni, iwakken lmeṣnuɛ n leɛqira-nni ad ihedder, yerna ad ineɣ
widak merra ur nettseǧǧid ara zdat lmeṣnuɛ n leɛqira-nni. 16Tḥettem ɣef yimdanen merra,
meẓẓi neɣ meqqer, d igellil neɣ d amerkanti, d akli neɣ d aḥerri, ad sɛun ccama deg ufus-
nsen ayeffus neɣ deg unyir-nsen, 17i wakken yiwen ur ittizmir ad yaɣ neɣ ad izzenz ma ur
isɛi ara ccama-nni, isem n leɛqira-nni, neɣ leḥsab n yisem-is. 18Dagi, d lefhama: Win
ifehmen, yaf-d leḥsab n leɛqira-nni, axaṭer d leḥsab n umdan. Leḥsab-agi, d sett meyya
usetta usettin.
Izimer akked meyya urebɛa urebɛin alef ɣef udrar n Ṣiyun
14Ttmuquleɣ, dɣa walaɣ izimer-nni ibedd ɣef udrar n Ṣiyun, llan yid-s meyya urebɛa
urebɛin alef-nni yesɛan isem-is akked yisem n Baba-s uran ɣef yenyiren-nsen. 2Sliɣ i
yiwet n taɣect i d-ikkan seg yigenni, am ṣṣut n uceṛcuṛ n waman, am ṣṣut n rrɛud
iǧehden. Taɣect-nni iwumi i sliɣ am ṣṣut n wid yekkaten snitra. 3Cennun yiwen n ccna, d
ajdid, zdat ukersi n leḥkem, zdat rebɛa n lḥiwan-nni akked yimɣaren-nni. Yiwen ur izmir
ad iḥfeḍ ccna-nni, siwa meyya urebɛa urebɛin alef-nni i d-ittucafɛen si ddunit. 4Wigi, d
widak-nni ur nessenǧes ara iman-nsen nutni d tlawin: qqimen ṣfan. Anda yedda izimer ad
ddun. Ttucafɛen-d si gar yimdanen, d imenza i Yillu akked yizimer. 5Ulac lekdeb deg
yimi-nsen: ulac llum fell-asen.
6
Walaɣ yiwen n lmelk-nniḍen, ittafeg di tlemmast n yigenni. Yewwi-d yiwen n Linǧil n
lebda iwakken ad t-ibeccer i yimezdaɣ n ddunit: i yal lǧens, i yal lɛerc, i yal tutlayt, i yal
agdud. 7Iqqar s lqedd n taɣect-is: "Aggadet Illu, rret-as lɛaḍima, axaṭer teḥder-d tsaɛet n
lḥisab-is. Seǧǧdet zdat win ixedmen igenni, lqaɛa, lebḥer akked leɛwanṣer n waman."
8
Yiwen n lmelk-nniḍen, wis sin, itbeɛ-d, iqqar: "Teɣli, teɣli, Babil tameqqrant, tin i
yesswen i leǧnas merra ccrab n tiqquḥbit-is iɛeddan tilas."
9
Yiwen n lmelk-nniḍen, wis tlata, itbeɛ-iten-id, iqqar s lqedd n taɣect-is: "Win ara
iseǧǧden zdat leɛqira akked lmeṣnuɛ-is, yerna yeqbel ccama deg unyir-is akked ufus-is,
10
ad isew, ula d netta, ccrab n wurrif n Yillu, i yemmaren iqḍeɛ di teqbuct n zzɛaf-is. Ad
immermed di tmes akked tkebrit zdat lmalayek imqeddsen, zdat yizimer daɣen." 11Abbu
n umermed-nsen ad ittali si lǧil ɣer lǧil. Ulac asteɛfu am yiḍ am wass i wid iseǧǧden zdat
leɛqira-nni akked lmeṣnuɛ-is, i kra n win iqeblen ccama n yisem-is. 12Dagi ara d-iban
ṣṣber n yimqeddsen, wid iḥerzen lumur n Yillu akked liman n Yasuɛ.
13
Sliɣ i yiwet n taɣect i d-ikkan seg yigenni, teqqar: "Aru: d iseɛdiyen si tura, lmeggtin,
wid yettmettaten di Ssid! Anɛam, i d-yenna Rruḥ, ad steɛfun si leɛtab-nsen, axaṭer
lefɛayel-nsen ad ten-tebɛen."
14
Ttmuquleɣ, dɣa walaɣ yiwet n tagut, d tamellalt, iqqim fell-as yiwen yecban bunadem.
Isɛa taɛeṣṣabt n ddheb ɣef uqerru-s, iṭṭef amger iqeḍɛen deg ufus-is. 15Yiwen n lmelk-
nniḍen iffeɣ-d seg ufakan, ittɛeggiḍ s lqedd n taɣect-is ɣer win akken yeqqimen ɣef tagut,
iqqar-as: "Mekken amger-ik, mger! Iwweḍ-d lawan n tmegra, igran n ddunit werraɣit."
16
Win akken yeqqimen ɣef tagut imekken amger-is ɣer ddunit, dɣa ddunit tettwamger.
17
Iffeɣ-d yiwen n lmelk-nniḍen seg ufakan yellan deg yigenni; ula d netta yesɛa amger
iqeḍɛen. 18Iffeɣ-d yiwen n lmelk-nniḍen seg uɛalṭar, isɛa tazmert ɣef tmes. Inṭeq s lqedd n
taɣect-is ɣer win akken yesɛan amger iqeḍɛen, yenna-yas: "Mekken amger-ik iqeḍɛen,
gezm-d iguza n tferrant n ddunit, axaṭer tiẓurin-is wwant." 19Dɣa lmelk-nni imekken
amger-is ɣer ddunit; igezm-d iguza n tferrant n ddunit, imiren iḍegger-iten ɣer daxel n
tmeɛṣert tameqqrant n wurrif n Yillu. 20Mbaɛd, rekḍen berra n temdint tiẓurin yellan di
tmeɛṣert-nni, dɣa ffɣen-d idammen si tmeɛṣert-nni, ulin armi d ṣṣrima n yiɛawdiwen,
yerna uzzlen telt meyya n walef n lmitrat.
Sebɛa n lmuṣibat tineggura
15Walaɣ yiwet n limara-nniḍen deg yigenni, meqqret yerna testeɛǧib: d sebɛa n lmalayek,
i yeṭṭfen sebɛa n lmuṣibat tineggura, axaṭer yis-sent ara yekfu wurrif n Yillu.
2
Walaɣ amzun d lebḥer n zzǧaǧ, ixelḍen akked tmes, yerna wid iɣelben leɛqira-nni,
lmeṣnuɛ-is akked leḥsab n yisem-is bedden ɣef lebḥer-nni n zzǧaǧ, ṭṭfen snitrat n Yillu.
3
Cennun ccna n Musa, aqeddac n Yillu, akked ccna n yizimer, qqaren:
"Lecɣal-ik meqqrit yerna steɛǧiben, a Sidi, Illu Anezmar!
Iberdan-ik, d lḥeqq yerna ṣeḥḥan, ay Agellid n leǧnas!
4
Anwa ur k-nettaggad ara, a Sidi, ur nettɛuzzu ara isem-ik?
Axaṭer d kečč kan i d Imqeddes.
Leǧnas merra ad d-asen ad seǧǧden zdat-k, axaṭer lecɣal-ik n lḥeqq banen-d."
5
Mbaɛd ayagi, walaɣ afakan, anda yella uqiḍun n cchada, ildi deg yigenni. 6Sebɛa n
lmalayek-nni yeṭṭfen sebɛa n lmuṣibat-nni ffɣen-d seg ufakan-nni, lsan lfina yeṣfan yerna
tettfeǧǧiǧ, begsen s wagusen n ddheb ɣef yidmaren-nsen. 7Yiwen si rebɛa n lḥiwan-nni
yefka i sebɛa n lmalayek-nni sebɛa n teqbucin n ddheb, ččurent s wurrif n Yillu yeddren si
lǧil ɣer lǧil. 8Dɣa afakan iččur-d d abbu n lɛaḍima n Yillu, s tezmert-is. Yiwen ur issaweḍ
ad ikcem ɣer ufakan, armi i d-ḍrant sebɛa n lmuṣibat n sebɛa n lmalayek-nni.
Sebɛa n teqbucin n wurrif n Yillu
16Sliɣ i yiwet n taɣect iǧehden, tekka-d seg ufakan, teqqar i sebɛa n lmalayek-nni:
"ruḥet! Smiret ɣef ddunit sebɛa n teqbucin-nni n wurrif n Yillu!" 2Amezwaru iruḥ, dɣa
yesmar taqbuct-is ɣef lqaɛa; yiwen n udeddi iweɛren yerna yetteqraḥ iḥuza imdanen
yesɛan ccama n leɛqira-nni yerna ttseǧǧiden zdat lmeṣnuɛ-is.
3
Wis sin ismar taqbuct-is ɣef lebḥer, dɣa yuɣal d idammen am wid n lmegget; imiren kra
n wayen yeddren immut, ayen akk yellan di lebḥer.
4
Wis tlata yesmar taqbuct-is ɣef yisaffen akked leɛwanṣer n waman, dɣa uɣalen d
idammen. 5Sliɣ i lmelk n waman iqqar: "Kečč, d aḥeqqi, a win yellan tura, yellan zik, ay
Imqeddes, axaṭer tḥekmeḍ akka. 6Imi i ssazzlen idammen n yimqeddsen akked lanbeyya,
tefkiḍ-asen ad swen idammen: uklalen-ten."

7
Sliɣ i uɛalṭar iqqar: "Anɛam, a Sidi Illu Anezmar, leḥkem-ik iṣeḥḥa yerna d lḥeqq!"
8
Wis rebɛa yesmar taqbuct-is ɣef yiṭij; ittunefk-as ad isserɣ imdanen s tmes. 9Imdanen
rɣan s yiwen n lḥamu, d ameqqran; regmen isem n Yillu yesɛan tazmert ɣef lmuṣibat-nni,
meɛna ur tuben ara iwakken ad as-rren lɛaḍima.
10
Wis xemsa yesmar taqbuct-is ɣef ukersi n leḥkem n leɛqira-nni, dɣa tagelda n leɛqira-
nni tuɣal teṭṭullem; imdanen ttkerricen ilsawen-nsen seg uqraḥ. 11Reggmen Illu n yigenni,
si lqerḥ-nsen akked yideddiyen-nsen, meɛna ur tuben ara si lexdayem-nsen.
12
Wis setta yesmar taqbuct-is ɣef wasif ameqqran n Farat; dɣa qquren waman-is, iwakken
ad ittuheggi ubrid i yigelliden, wid n ccerq.
13
Walaɣ ffɣen-d seg uxenfuc n lweḥc-nni, seg uxenfuc n leɛqira-nni, seg yimi n nnbi-nni n
lekdeb, tlata n lerwaḥ imeɛfan, ttemcabin ɣer yimqerqren. 14D lerwaḥ n leǧnun, xeddmen
limarat, ttruḥun ɣer yigelliden n ddunit merra, iwakken ad ten-id-snejmaɛen i ṭṭrad n wass
ameqqran n Yillu Anezmar.
15
Aql-i ad n-ruḥeɣ am umakar. D aseɛdi win iɛussen ɣef yiman-is, ur ikkis ara llebsa-s,
iwakken ur iteddu ara ɛeryan, neɣ ma ulac ad walin leɛra-s! 16Snejmaɛen-ten-id deg
yiwen n umkan yettusemman s tɛibranit Harmagidun.
17
Wis sebɛa yesmar taqbuct-is di lhawa; dɣa teffeɣ-d seg ufakan yiwet n taɣect iǧehden,
tekka-d seg ukersi n leḥkem, teqqar: "Iḍra-d!" 18Illa-d lebraq, leṣwat, rrɛud akked yiwet n
zlezla, d tameqqrant; zlezla meqqren am tinna, leɛmer i d-telli, seg wasmi yella umdan di
ddunit. 19Tamdint tameqqrant tebḍa ɣef tlata, dɣa timdinin n leǧnas ɣlint. Illu yemmekta-d
Babil tameqqrant, iwakken ad as-ifk taqbuct ideg irekkem ccrab n wurrif-is. 20Tigzirin
merra rewlent; idurar merra, ur iban ara later-nsen. 21Iɣli-d ubruri seg yigenni ɣef
yimdanen, d ameqqran, yal aɛeqqa yewzen yiwen n uṭalan; imdanen reggmen Illu ɣef
lmuṣiba n ubruri-nni, axaṭer lmuṣiba-nni meqqret mliḥ.
Lɛiqab n Babil tameqqrant
17Mbaɛd, yiwen n lmelk si sebɛa n lmalayek-nni yeṭṭfen sebɛa n teqbucin-nni iruḥ-d,
ihder-iyi-d, yenna-yi-d: "Yya ad ak-d-sneɛteɣ lɛiqab ara d-iɣlin ɣef tqeḥbit-nni
tameqqrant i yeqqimen ɣef waṭas n waman. 2Yid-s i znan igelliden n ddunit; s ccrab n
tiqquḥbit-is i sekṛen imezdaɣ n ddunit." 3Yewwi-iyi di rruḥ s aneẓruf. Walaɣ yiwet n
tmeṭṭut teqqim ɣef yiwet n leɛqira tazeggat, teččur d ismawen n lekfer, yerna tesɛa sebɛa n
yiqerra akked ɛecra wacciwen. 4Tameṭṭut-nni telsa arṣayṣi akked uzeggaɣ, tcebbeḥ s
ddheb, s yiẓra ɣlayen akked tɛeqqucin. Teṭṭef deg ufus-is taqbuct n ddheb yeččuren d
ticmatin akked nnǧasat n tiqquḥbit-is. 5Ɣef unyir-is yura yiwen n yisem, d sser: "Babil
tameqqrant, tayemmat n tqeḥbiyin akked tecmatin n ddunit." 6Walaɣ tameṭṭut-nni teskeṛ s
yidammen n yimqeddsen akked yidammen n yinagan n Yasuɛ. Mi tt-walaɣ, wehmeɣ
yiwet n lwehma, d tameqqrant. 7Lmelk-nni yenna-yi-d: "Acuɣer i twehmeḍ? Ad ak-d-
mleɣ sser n tmeṭṭut-agi akked leɛqira i tt-ibubben, tin akken yesɛan sebɛa n yiqerra akked
ɛecra n wacciwen. 8Leɛqira-nni i twalaḍ, zik tella, tura ulac-itt. Ad d-tali si maylellif
iwakken ad truḥ ɣer nnger. Imezdaɣ n ddunit, wid iwumi ur ittwajerred ara yisem-nsen
deg udlis n tudert seg wasmi i d-tella ddunit, ad wehmen mi ara walin leɛqira-nni, axaṭer
tella zik, tura ulac-itt, meɛna ad tuɣal ad d-tban. 9Dagi, d lefhama yesɛan leɛqel: sebɛa n
yiqerra-nni, d sebɛa n yidurar iɣef teqqim tmeṭṭut-nni akked sebɛa n yigelliden. 10Xemsa
ɣlin, yiwen mazal-it, wayeḍ mazal ur d-yusi ara, yerna asmi ara d-yas, ilaq ad iqqim cwiṭ.
11
Leɛqira-nni yellan zik, tuɣal ulac-itt tura, d nettat, s timmad-is, i d agellid wis tmanya;
tettuneḥsab daɣen d yiwet si sebɛa-nni, yerna ad truḥ ɣer nnger. 12Ɛecra n wacciwen-nni i
twalaḍ, d ɛecra n yigelliden iwumi mazal ur tettunefk ara tgeldit, meɛna tettunefk-asen
lḥekma ad ilin d igelliden ssaɛa nutni d leɛqira-nni. 13Wigi sɛan yiwen n lmeqsud: ad fken
tazmert-nsen akked lḥekma-nsen i leɛqira-nni. 14Ad sekren ṭṭrad i yizimer; meɛna izimer
ad ten-iɣleb, axaṭer d Ssid n ssyadi, d Agellid n yigelliden; wid i d-ittusawlen, i d-
ittwaxtaren, unṣiḥen, llan yid-s."
15
Inna-yi-d: "Aman-nni i twalaḍ, anda akken i teqqim tqeḥbit-nni, d igduden akked
lɣaci, d leǧnas akked tutlayin. 16Ɛecra n wacciwen-nni i twalaḍ akked leɛqira ad kerhen
taqeḥbit-nni, ad tt-xlun, ad tt-ɛerrin, ad ččen aksum-is, yerna ad tt-sserɣen di tmes. 17Illu
yerra-yasen-d deg wul ad xedmen lmeqsud-is, ad xedmen lmeqsud-is kan, yerna ad fken
tageldit-nsen i leɛqira alamma ḍran-d lehdur n Yillu. 18Tameṭṭut-nni i twalaḍ, d tamdint-
nni tameqqrant i iḥekmen igelliden n ddunit."
Aɣelluy n Babil
18Mbaɛd ayagi, walaɣ yiwen n lmelk-nniḍen, iṣubb-d seg yigenni. Isɛa yiwet n tezmert, d
tameqqrant, yerna ddunit merra tnewwer si lɛaḍima-s. 2Ittɛeggiḍ s lqedd n taɣect-is, iqqar:
"Teɣli, teɣli, Babil tameqqrant! Tuɣal d tanezduɣt n leǧnun, d rreḥba n yal rruḥ ameɛfun,
d rreḥba n yal afrux ineǧsen, n yal lḥiwan ineǧsen, mekruhen, 3axaṭer leǧnas merra swan
si ccrab n tiqquḥbit-is iɛeddan tilas, igelliden n ddunit znan yid-s, yerna imetjaren n ddunit
ɣnan s ṭṭaqa n tfenṭazit-is."
4
Sliɣ i yiwet n taɣect-nniḍen, tekka-d seg yigenni, teqqar: "Ffɣet-d seg-s, ay agdud-iw,
iwakken ur tettekkim ara di ddnubat-is, ur ken-id-ttawḍent ara lmuṣibat ara d-iɣlin fell-as,
5
axaṭer ddnubat-is wwḍen igenni, yerna Illu yemmekta-d d lbaṭel akk i txeddem.
6
Xedmet-as akken i texdem, rret-as ɣef mertayen akken i llan lexdayem-is. Di teqbuct-nni
ideg texleḍ kullec, smiret-as ɣef mertayen. 7Akken i tettzuxxu, teɣreq di tfenṭazit, akken
ara as-tesseṛwum amermed akked leḥzen, axaṭer teqqar deg wul-is: 'Aql-i ɛennceɣ d
tagellidt, ur lliɣ ara d taǧǧalt, ur ttissineɣ ara leḥzen.' 8Ɣef wayagi, deg yiwen n wass, ad
d-ɣlint fell-as lmuṣibat-agi: lmut, leḥzen akked laẓ; ad tt-tečč tmes, axaṭer Ssid Illu i tt-
iḥusben iǧhed." 9Igelliden merra n ddunit i yeznan yid-s yerna ɛacen yid-s di tfenṭazit ad
ttrun, ad meǧǧden fell-as mi ara walin abbu n tmes-nni iceɛlen deg-s. 10Ad d-bedden
mebɛid seg wakken uggaden amermed-is, ad qqaren: "A tawaɣit, a tawaɣit, a tamdint
tameqqrant, a Babil, tamdint iǧehden! Deg yiwet n ssaɛa, iwweḍ-d lḥisab-im."
11
Imetjaren n ddunit ad ttrun, ad ḥeznen fell-as, axaṭer dayen, yiwen ur ittaɣ sselɛa-nsen,
12
sselɛa n ddheb, n lfeṭṭa, n yiẓra ɣlayen, n tɛeqqucin, n lfina rqiqen, n lkettan arṣayṣi, n
leḥrir, n lkettan azeggaɣ, n yal ṣṣenf n usɣar yettriḥin, n yal taɣawsa n lɛaǧ, n yal taɣawsa
n usɣar ɣlayen, n nnḥas, n wuzzal akked rrxam, 13n lqerfa, n skenjbir, n leɛṭer, n lmur, n
lebxur, n ccrab, n zzit, n lfarina, n yirden, n ubeqri, n uɣelmi, n yiɛawdiwen, n yikerrusen,

n waklan akked yimerhan. 14Lfakya i yettmenni wul-im tebɛed fell-am, ayen akk ɣlayen,
icebḥen, iruḥ-am, ur ttuɣalen ara ad ten-afen. 15Wid yetjaren s leḥwayeǧ-agi, wid yeɣnan
yis-s, ad d-bedden mebɛid seg wakken uggaden amermed-is, ad ttrun, ad ḥeznen; 16ad
qqaren: "A tawaɣit, a tawaɣit! Tamdint-nni tameqqrant, tin yelsan lfina rqiqen, lkettan
arṣayṣi akked lkettan azeggaɣ, icebbḥen s ddheb, s yiẓra ɣlayen akked tɛeqqucin, deg
yiwet n ssaɛa, annect-nni akk n rrbeḥ iqucc!" 17Lqebṭanat merra, widak merra yettsafaren
di leǧwahi-nni, ibeḥriyen merra akked wid merra ixeddmen di lebḥer bedden-d mebɛid,
18
yerna ttɛeggiḍen mi walan abbu n tmes iceɛlen deg-s, qqaren: "Anta tamdint i yecban
tamdint-agi tameqqrant?" 19Ttḍeggiren aɣebbar ɣef yiqerra-nsen; ttsuɣun, ttrun,
ttmeǧǧiden, qqaren: "A tawaɣit! A tawaɣit! Tamdint-nni tameqqrant, tin yesrebḥen s
rrbeḥ-is wid merra yesɛan lbaburat di lebḥer, deg yiwet n ssaɛa tuɣal tqucc." 20Ay igenni,
freḥ ɣef ddemma-s! Ay imqeddsen, ay imceggɛen, a lanbeyya, ferḥet, axaṭer Illu
yesbeggen-d lḥeqq-nwen s uḥaseb i tt-iḥuseb.
21
Imiren yiwen n lmelk iǧehden irfed yiwen n uẓru, d ameqqran, icba aɣaref n tsirt, dɣa
iḍegger-it ɣer lebḥer, inna: "Akka ara tettuḍegger s lǧehd Babil, tamdint tameqqrant, ur
ttuɣalen ara ad tt-afen. 22Ur nettuɣal ara ad nsel ɣur-m i ṣṣut n wid yekkaten snitra, n
yicennayen, n wid yekkaten tajewwaqt akked wid yekkaten lbuq; ur nettuɣal ara ad naf
ɣur-m ula d yiwen yesɛan lḥirfa, akken tebɣu tili lḥirfa-nni; ur nettuɣal ara ad nsel ɣur-m i
ṣṣut n uɣaref n tsirt; 23ur tettuɣal ara ad tecceɛceɛ ɣur-m tafat n lmeṣbaḥ; ur nettuɣal ara ad
nsel ɣur-m i taɣect n yisli akked teslit; axaṭer imetjaren-im llan d imeqqranen n ddunit,
axaṭer s ssḥur-im leǧnas merra ḍaɛen, 24yerna dinna i llan idammen n lanbeyya akked
yimqeddsen, wid merra yemmezlen di ddunit."
Hallilu-Yah!
19Mbaɛd ayagi, sliɣ i yiwen n ṣṣut iǧehden, am ṣṣut n waṭas n lɣaci, i yeqqaren deg
yigenni: "Hallilu-Yah! Leslak, lɛaḍima akked tezmert i Yillu-nneɣ, 2axaṭer leḥkem-is
iṣeḥḥa yerna d lḥeqq, iḥuseb taqeḥbit-nni tameqqrant i yesfesden ddunit s tiqquḥbit-is,
yerna yerra-d deg-s ttar n yidammen n yiqeddacen-is i tessazzel s ufus-is." 3I tikkelt-
nniḍen, nnan: "Hallilu-Yah! Abbu-s ittali si lǧil ɣer lǧil!" 4Rebɛa uɛecrin n yimɣaren-nni
akked rebɛa n lḥiwan-nni ɣlin ɣer lqaɛa dɣa seǧǧden zdat Yillu yeqqimen ɣef ukersi n
leḥkem. Qqaren: "Amin! Hallilu-Yah!"
5
Teffeɣ-d yiwet n taɣect seg ukersi-nni n leḥkem, teqqar: "Ḥemdet Illu-nneɣ, kenwi
merra s yiqeddacen-is, kenwi i t-ittaggaden, meẓẓi meqqer." 6Mbaɛd, sliɣ i yiwen n ṣṣut,
am wakken d ṣṣut n waṭas n lɣaci, am wakken d ṣṣut n uceṛcuṛ n waman, am wakken d
ṣṣut iǧehden n rrɛud, iqqar: "Hallilu-Yah! Sidi Illu Anezmar iḥkem! 7Ad nefreḥ, ad nezhu,
ad as-nerr lɛaḍima! Tewweḍ-d tmeɣra n yizimer; tameṭṭut-is thegga iman-is. 8Ittunefk-as
ad tels lfina rqiqen, yettfeǧǧiǧen yerna teṣfa." Lfina, d lefɛayel n lḥeqq n yimqeddsen.
9
Lmelk-nni yenna-yi-d: "Aru ayagi: d iseɛdiyen wid i d-ittwaɛerḍen ɣer yimensi n tmeɣra
n yizimer." Inna-yi-d daɣen: "Lehdur-agi, d lehdur n Yillu." 10Dɣa ɣliɣ ɣer yiḍarren-is
iwakken ad seǧǧdeɣ zdat-s; meɛna yenna-yi-d: "Ɣur-k ad txedmeḍ ayagi! Nekk, d arfiq n
leqdic, i kečč, i watmaten-ik yeṭṭfen di cchada n Yasuɛ. Seǧǧed zdat Yillu!" Axaṭer cchada
n Yasuɛ, d rruḥ n uciri.
Win irekben aɛawdiw amellal
11
Mbaɛd, walaɣ igenni yeldi, dɣa iban-d yiwen n uɛawdiw, d amellal. Win i t-id-irekben
isem-is unṣiḥ, aḥeqqani. Iḥkem yerna yettḥarab s lḥeqq. 12Allen-is am uḥeǧǧaǧu n tmes;
ɣef uqerru-s, aṭas n tɛeṣṣabin; isɛa yiwen n yisem yuran, yiwen ur t-issin, siwa netta. 13Ilsa
yiwen n ubernus isebɣen d idammen; isem-is Awal n Yillu. 14Lɛesker n yigenni ttabaɛen-t
ɣef yiɛawdiwen imellalen, lsan lfina rqiqen, d tamellalt yerna teṣfa. 15Iffeɣ-d seg yimi-s
yiwen n ujenwi iqeḍɛen, iwakken ad yewwet yis-s leǧnas; ad ten-ikes s uɛekkaz n wuzzal.
Ad irkeḍ timeɛṣert ideg irekkem ccrab n wurrif n Yillu anezmar. 16Isɛa ɣef ubernus-is
akked taɣma-s yiwen n yisem yuran: Agellid n yigelliden, Ssid n Ssyadi.
17
Walaɣ yiwen n lmelk ibedd deg yiṭij. Ittɛeggiḍ s lqedd n taɣect-is, iqqar i leḍyur merra
yettafgen di tlemmast n yigenni: "Yyaw, nnejmaɛet-d ɣer yimensi ameqqran n Yillu, 18i
wakken ad teččem aksum n yigelliden, aksum n yimeqqranen n lɛesker, aksum n
yimeqqranen, aksum n yiɛawdiwen akked wid i ten-irekben, aksum n yimdanen merra, d
akli neɣ d aḥerri, meẓẓi neɣ meqqer." 19Dɣa walaɣ leɛqira-nni akked yigelliden n ddunit s
lɛesker-nsen nnejmaɛen-d iwakken ad sekren ṭṭrad i win akken irekben aɛawdiw-nni
akked lɛesker-is. 20Leɛqira-nni tettwaṭṭef nettat d nnbi-nni n lekdeb, tin akken i ixedmen
limarat zdat-s, swayes i tɣerreq wid iqeblen ccama n leɛqira-nni yerna seǧǧden zdat
lmeṣnuɛ-is. Ttwaḍeggren i sin, akken ddren, ɣer temda n tmes iceɛlen s tkebrit. 21Wiyaḍ
ttwanɣan s ujenwi-nni i d-iffɣen seg yimi n win akken irekben aɛawdiw; leḍyur merra
ččan armi i ṛwan aksum-nsen.
Cciṭan ittwarez alef n yiseggasen
20Mbaɛd, walaɣ yiwen n lmelk iṣubb-d seg yigenni, deg ufus-is tasarut n maylellif akked
yiwet n ssnesla tameqqrant. 2Iṭṭef-d lweḥc-nni, azrem-nni n zik, yellan d Iblis, d Cciṭan,
dɣa yurez-it i walef n yiseggasen. 3Iḍegger-it ɣer maylellif, irra-yas tadimt yerna
icemmeɛ-itt nnig-s, iwakken ur ittuɣal ara ad iɣerreq leǧnas, alamma ɛeddan walef n
yiseggasen-nni. Mbaɛd, ilaq ad d-ittwaserreḥ i kra n lweqt.
Taggara n Cciṭan
4
Mbaɛd, walaɣ ikersiyen n leḥkem; ittunefk i wid yeqqimen fell-asen ad ḥasben. Walaɣ
tirwiḥin n wid iwumi yettwakkes uqerru ɣef ddemma n cchada n Yasuɛ akked wawal n
Yillu; walaɣ daɣen wid ur nseǧǧed ara zdat leɛqira akked lmeṣnuɛ-is, yerna ur qbilen ara
ccama-nni ɣef unyir-nsen akked ufus-nsen. Uɣalen-d ɣer tudert yerna ḥekmen nutni d
Lmasiḥ alef n yiseggasen. 5Lmeggtin-nniḍen ur d-uɣalen ara ɣer tudert armi i ɛeddan
walef n yiseggasen-nni. D ḥeggu amezwaru. 6D aseɛdi yerna d imqeddes, win ara d-iṣaḥ
ḥeggu amezwaru. Lmut tis snat ur tseɛɛu ara tazmert fell-asen, ad ilin d lmuqeddmin n
Yillu akked Lmasiḥ; ad ḥekmen yid-s alef n yiseggasen.
7
Mi kfan walef n yiseggasen-nni, Cciṭan ad d-ittwaserreḥ si lḥebs-is. 8Ad d-iffeɣ iwakken
ad iɣerreq leǧnas yellan di rebɛa n tɣemmar n ddunit, Gug akked Magug, ad ten-id-ijmeɛ
i ṭṭrad; leḥsab-nsen am rrmel n lebḥer. 9Ulin ɣef tmurt, dɣa zzin i lemḥella n yimqeddsen
akked temdint tameɛzuzt. Meɛna teɣli-d tmes seg yigenni dɣa tečča-ten. 10Cciṭan, win
akken i ten-ittɣerriqen, ittwaḍegger ɣer temda n tmes akked tkebrit, anda i tella leɛqira
nettat d nnbi n lekdeb; ad mmermden dinna am yiḍ, am wass, si lǧil ɣer lǧil.
Lḥisab aneggaru
11
Walaɣ yiwen n ukersi n leḥkem, meqqer yerna d amellal, akked win yeqqimen fell-as.
Lqaɛa akked yigenni rewlen si zdat-s, laṭer-nsen ur d-iqqim ara. 12Dɣa walaɣ lmeggtin,
meẓẓi meqqer, bedden zdat ukersi-nni n leḥkem, dɣa idlisen ldin; ildi daɣen adlis-nniḍen,
adlis n tudert, dɣa ttuḥasben lmeggtin akken i llan lefɛayel-nsen, akken yura deg
yidlisen-nni. 13Lebḥer iḍegger-d lmeggtin yellan ɣur-s; lmut akked laxert ḍeggren-d
lmeggtin yellan ɣur-sen. Yal yiwen ittuḥaseb akken i llan lefɛayel-is. 14Mbaɛd, lmut akked
laxert ttwaḍeggren ɣer temda n tmes. D tagi i d lmut tis snat, d tamda-nni n tmes. 15Kra n
win ur nettwajerred ara deg udlis n tudert ittwaḍegger ɣer temda n tmes.
Igenni ajdid, lqaɛa tajdidt
21Walaɣ igenni ajdid akked lqaɛa tajdidt. Igenni amezwaru akked lqaɛa tamezwarut
ɣaben, lebḥer ulac-it. 2Walaɣ tamdint iqedsen, Yarucalim tajdidt, tettṣubbu-d seg yigenni
sɣur Yillu, thegga am teslit icebbḥen iman-is i urgaz-is. 3Sliɣ i yiwet n taɣect iǧehden,
tekka-d seg ukersi n leḥkem, teqqar: "Atan uqiḍun n Yillu gar yimdanen! Ad isbedd
aqiḍun-is yid-sen, nutni ad ilin d agdud-is, Illu, s timmad-is, ad yili yid-sen. 4Ad asen-
isfeḍ imeṭṭawen seg wallen-nsen, ur tettuɣal ara ad d-tili lmut; ur d-ittili leḥzen, wala
leɛyaḍ, wala lqerḥ, axaṭer leḥwayeǧ timezwura ɣabent."
5
Win akken yeqqimen ɣef ukersi n leḥkem yenna-d: "Aql-i ad xedmeɣ kullec d ajdid."
Dɣa yenna-d: "Aru, axaṭer lehdur-agi ṣeḥḥan yerna d tidet." 6Inna-yi-d: "Iḍra-d! Nekk, d
alfa, d umiga, d tazwara, d taggara. I win ifuden, nekk ad as-fkeɣ si lɛinṣer aman n tudert
baṭel. 7Win iɣelben ad iwret ayagi. Ad as-iliɣ d Illu, netta ad yili d mmi. 8Ma d imagaḍen,
wid ur nettamen ara, ucmiten, iqettalen, iqeḥbiyen, iseḥḥaren, wid yettɛebbiden
lmeṣnuɛat, ikeddaben merra, nnṣib-nsen di temda iceɛlen s tmes akked tkebrit: d lmut tis
snat."
Yarucalim tajdidt
9
Yiwen si sebɛa n lmalayek-nni yeṭṭfen sebɛa n teqbucin yeččuren d sebɛa n lmuṣibat-nni
tineggura iruḥ-d, ihder-iyi-d, yenna-yi-d: "Yya ad ak-d-ssekneɣ tislit, tameṭṭut n yizimer."
10
Yewwi-yi di rruḥ ɣer yiwen n udrar, meqqer yerna ɛlay. Issken-iyi-d tamdint iqedsen,
Yarucalim, tettṣubbu-d seg yigenni sɣur Yillu, tettnewwir s lɛaḍima n Yillu. 11Nnur-is, am
uẓru ɣlayen, am uẓru n jasb yeṣfan, am kristal. 12Tesɛa yiwen n ṣṣur, meqqer yerna ɛlay;
tesɛa tnac n tewwura, ɣer tewwura-s, tnac n lmalayek, akked yismawen yuran, wid n tnac
n leɛrac n wat Israyil. 13Ɣer ccerq, tlata n tewwura; s amalu, tlata n tewwura; s asammer,
tlata n tewwura; ɣer lɣerb, tlata n tewwura. 14Ṣṣur n temdint isɛa tnac n lsisan, uran fell-as
tnac n yismawen n tnac n yimceggɛen n yizimer.
15
Win akken i yi-d-iheddren isɛa taɣanimt n uktili n ddheb, iwakken ad iktil tamdint,
tiwwura-s akked ṣṣur-is. 16Tamdint, d timrebbeɛt, kifkif-itt di teɣzi akked tehri. Iktal
tamdint s tɣanimt-nni, yufa tnac n walef n wannaren; teɣzi-s, tehri-s akked leɛli-s kifkif-
iten. 17Iktal ṣṣur-is, yufa meyya urebɛa urebɛin n yiɣallen, s lkil n umdan i yessexdem
lmelk-nni. 18Ṣṣur ibna s jasb; tamdint tebna s ddheb yeṣfan yecban zzǧaǧ yeṣfan. 19Lsisan
n ṣṣur n temdint zewqen s yal ṣṣenf n yiẓra ɣlayen. Lsas amezwaru, s jasb; wis sin, s safir;
wis tlata, s agat; wis rebɛa, s imrud; 20wis xemsa, s saredwan; wis setta, s kurnalin; wis
sebɛa, s krizulit; wis tmanya, s biril; wis ttesɛa, s tubaz; wis ɛecra, s krisubraz; wis ḥdac, s
yakinta; wis tnac, s amitist. 21Tnac-nni n tewwura, d tnac n tɛeqqucin; yal tawwurt
tettwaxdem s yiwet n tɛeqquct. Azniq n temdint, d ddheb yeṣfan am zzǧaǧ yeṣfan.
22
Ur walaɣ ara afakan di temdint-nni, axaṭer d Sidi Illu Anezmar i d afakan-is iqedsen,
netta d izimer. 23Tamdint ur teḥwaǧ la iṭij, la aggur, iwakken ad tt-newwren, axaṭer d
lɛaḍima n Yillu i tt-inewwren, d izimer i d lmeṣbaḥ-is. 24Leǧnas ad lḥun di tafat-is;
igelliden n ddunit ad d-awin ɣer dinna ccan-nsen. 25Tiwwura-s ur ɣellqent ara akk deg
wass, axaṭer ur d-ittili ara yiḍ dinna. 26Ad d-awin ɣer dinna ccan akked lɛezz n leǧnas. 27D
lmuḥal ad tt-ikcem wayen ineǧsen, wala win ixeddmen ticmatin, wala win yeskiddiben; d
wid kan yettujerrden deg udlis n tudert n yizimer ara ikecmen.
Tuɣalin n Yasuɛ
22 Issken-iyi-d yiwen n wasif n waman n tudert, ṣfan am kristal, ttfeggiḍen-d seg ukersi n
leḥkem n Yillu akked yizimer. 2Di tlemmast n uzniq n temdint, ɣef sin n leryaf n wasif,
tella ttejra n tudert, tettak-d tnac n lɣellat. Yal aggur, tettak-d lɣella, yerna iferrawen-is, d
ddwa n ḥellu i leǧnas. 3Ur tettuɣal ara ad d-tili deɛwessu. Akersi n leḥkem n Yillu akked
yizimer ad yili di temdint, iqeddacen-is ad qedcen fell-as. 4Ad walin udem-is, yerna isem-
is ad yili ɣef unyir-nsen. 5Ur ittuɣal ad d-yili yiḍ, ur tteḥwiǧin tafat n lmeṣbaḥ, wala tafat n
yiṭij, axaṭer d Sidi Illu ara ten-inewwren, yerna ad ḥekmen si lǧil ɣer lǧil.
6
Inna-yi-d: "Lehdur-agi ṣeḥḥan yerna d tidet." Sidi Illu n lerwaḥ n lanbeyya iceggeɛ-d
lmelk-is, iwakken ad d-issken i yiqeddacen-is ayen akken i qrib ad d-iḍru. 7Atan, qrib ad
n-ruḥeɣ! D aseɛdi win iḥerzen lehdur n uciri n udlis-agi.
8
D nekk, Yuḥenna, i yeslan yerna walaɣ ayagi. Mi sliɣ yerna walaɣ, ɣliɣ iwakken ad
seǧǧdeɣ ɣer yiḍarren n lmelk-nni i yi-d-isseknen ayagi. 9Meɛna yenna-yi-d: "Ɣur-k ad
txedmeḍ ayagi! Nekk, d arfiq n leqdic, i kečč, i watmaten-ik lanbeyya akked wid iḥerzen
lehdur n udlis-agi. Seǧǧed zdat Yillu!" 10Inna-d daɣen: "Ur ttaǧǧa ara di sser lehdur n
uciri n udlis-agi, axaṭer iqerb-d lawan. 11Amesbaṭli ad ikemmel di lbaṭel-is; amengus ad
ikemmel di nnǧasa-s; aḥeqqi ad ikemmel di lewqam-is; imqeddes ad ikemmel di leqdasa-
s.
12
Atan, qrib ad n-ruḥeɣ, yerna ad n-awiɣ yid-i lexlaṣ, iwakken ad rreɣ i yal yiwen akken i
llan lefɛayel-is. 13Nekk, d alfa, d umiga, d amezwaru, d aneggaru, d tazwara, d taggara.
14
D iseɛdiyen wid yessarden iqendyar-nsen, iwakken ad sɛun lḥeqq di ttejra n tudert yerna
ad kecmen si tewwura ɣer temdint! 15Berra, iqjan, iseḥḥaren, iqeḥbiyen, iqettalen, wid
yettɛebbiden lmeṣnuɛat, kra n win iḥemmlen lekdeb yerna ileḥḥu yis!"
16
Nekk, Yasuɛ, ceggɛeɣ lmelk-iw iwakken ad awen-yawi cchada-agi ɣef tmezdayin.
Nekk, d aẓar, d dderya n Dawed, d itri n ṣṣbeḥ yettfeǧǧiǧen. 17Rruḥ akked teslit qqaren:
"Rwaḥ!" Win yeslan, yini: "Rwaḥ!" Win ifuden, yas-d! Win yebɣan, yeddem aman n
tudert baṭel!
18
Nekk ad ɛeggneɣ i kra n win ara yeslen i lehdur n uciri n udlis-agi: win ara as-
izeggden kra, Illu ad as-izegged di lmuṣibat yuran deg udlis-agi. 19Win ara yekksen kra
si lehdur n udlis-agi n uciri, Illu ad as-ikkes amur-is si ttejra n tudert akked temdint
iqedsen i yuran deg udlis-agi. 20Win i d-icehhden ayagi yenna-d: "D tidet, qrib ad n-
ruḥeɣ!" Amin, rwaḥ, a Ssid Yasuɛ!
21
Nneɛma n Ssid Yasuɛ ad tili yid-wen merra.
Amawal
Acira: D taɛrust n usɣar i ttɛebbiden Ikanɛaniyen.
Adhan: D asmiri n zzit timqeddest ɣef uqerru n yiwen i yettwaɛezlen iwakken ad iqdec
ɣef Yillu, d lmuqeddem, d agellid, neɣ d nnbi.
Ahellil: D asefru n lḥemd i Yillu. D asefru i cennun s wallalen n lmusiqa.
Amceggeɛ: Lmersul. Di lɛahd ajdid, d isem i yefka Yasuɛ i yinelmaden-is, iwakken ad
ilin d inagan n wayen akk i yexdem, yerna ad ssiwḍen Linǧil i ddunit merra.
Amkan iqedsen: Deg uqiḍun n temlilit (deg ufakan daɣen), d amkan ideg qeddcen
lmuqeddmin yal ass. Illa deg-s uɛalṭar n lebxur, ṭṭabla n yiɣerman akked lmeṣbaḥ.
Amkan iqedsen nezzeh: Deg uqiḍun n temlilit (deg ufakan daɣen), d amkan iɣer
ikeččem siwa lmuqeddem ameqqran, yerna yiwet n tikkelt kan i useggas, iwakken ad
yawi idammen n usuref n ddnub n ugdud n Israyil. Illa deg-s usenduq n lɛahd.
Ameɣlal: Win yellan i dayem. S yisem-agi i d-ibeggen iman-is i tikkelt tamezwarut i
Musa.
Amexṣi: Argaz iwumi i ddzent twetmin-is (argaz yettwaṣelḥen).
Amin: Ikka-d si tɛibranit, lmeɛna-s: d tidet, ad teḍru akka.
Anazari: Win i yettwaɛezlen d imqeddes i Yillu i kra n lweqt.
Anezzarfu: Lqaḍi. Di Lɛahd Aqdim, iferru timsal i ugdud yerna d lḥakem.
Aɣḍaṣ: D tubɣa deg waman. Ɣer Iyahudiyen, aɣḍaṣ ittmettil assizdeg si ddnubat. Yasuɛ
yeǧǧa-t-id d lamer i yal win yumnen yis-s, d limara n liman di Yasuɛ akked tiddin yid-s.
Aɣummu n usuref: D yiwet n telwiḥt yettwaxedmen s ddheb yeṣfan. Ires ɣef usenduq n
lɛahd, yellan deg uqiḍun n temlilit. Yiwet n tikkelt i usseggas, ass n usuref n ddnubat,
lmuqeddem ameqqran ittruccu aɣummu-agi s yidammen n usfel n usuref n ddnub,
iwakken ad iṣeffi agdud n Iṣrayil si ddnubat-nsen.
Aqiḍun n temlilit: D yiwen n uqiḍun i d-yumer Yillu i Musa ad t-ixdem. Dinna i
yettemlili Yillu netta d ugdud-is. Ifeṣṣel ɣef tlata n yiḥricen: afrag, amkan iqedsen akked
umkan iqedsen nezzeh.
Asenduq n lɛahd: D asenduq n usɣar, iɣummen s ddheb yeṣfan, berra daxel; ittili deg
umkan iqedsen nezzeh, daxel n uqiḍun n temlilit. D tiblaḍin n ccariɛa, d tamana akked
uɛekkaz n Harun i yellan deg-s. Fell-as i yers uɣummu n usuref.
Asfel: D lḥiwan yemmezlen i yettak umdan iwakken ad issuter ssmaḥ. Di Lɛahd Aqdim,
Illu yumer-d i wat Israyil ad as-ttqeddimen iseflawen ɣef ddnubat-nsen. Di Lɛahd Ajdid, d
Yasuɛ Lmasiḥ i d asfel awḥid i yettunefken ɣef ddnubat n yimdanen merra.
Asif n Urdun: D asif meqqren akk di tmurt n Israyil. Iḥudd-d talast tacerqit n tmurt n
Israyil.
Ass n usteɛfu: D ass wis sebɛa n ddurt, i yeɛzel Yillu d ass imqeddes.
Asuref n ddnub: D aɣummu neɣ d tuṣṣra n ddnubat. Di Lɛahd Aqdim, Illu yettɣummu
ddnubat n ugdud-is s yidammen n yiseflawen n lmal, iwakken ad as-isemmeḥ. Asuref-

agi, d tteswira n yidammen n Lmasiḥ i imeḥḥun ddnub. Lmasiḥ, d izimer n Yillu i
yettekksen ddnub n yimdanen merra.
Awsiṭ: D yiwen i d-izgan gar sin iwakken ad ten-issemwafaq, neɣ ad ten-issemṣaleḥ.
Yasuɛ Lmasiḥ, d netta kan i d awsiṭ gar Yillu d yimdanen, s lmut-is ɣef ṣṣalib ɣef ddnub-
nsen.
Azekki: D tiririt i yettarra Yillu amednub d aḥeqqi mi ara yamen s Yasuɛ Lmasiḥ belli
yemmut fell-as ɣef ṣṣalib. Azekki-agi, sɣur Yillu, mačči d ayen i d-ittḥelli umdan s
lefɛayel-is.
Aɛalṭar: D ṭṭabla iɣef ttqeddimen iseflawen deg ufrag n ufakan. Daɣen d ṭṭabla iɣef
sserɣayen lmuqeddmin lebxur deg umkan iqedsen.
Aɛessas di tmezdayt: D ameqqran gar yimeqqranen n tmezdayt. Isteklef s tɛessast akked
uḥader ɣef uselmed akked tikli n lmumnin.
Baɛal: Ssid, bab. D isem n urebbit ameqqran n Ikanɛaniyen.
Bilaṭus: Lḥakem Arumani n tmurt n Yahuda. D netta i iḥekkmen s lmut ɣef Yasuɛ
Lmasiḥ.
Ccariɛa: Lumur, lewṣayat akked leqwanen i d-ifka Yillu i ugdud-is, Israyil, s ufus n
Musa.
Cciṭan: Ikka-d si tɛibranit, lmeɛna-s Axṣim. D ameqqran akk n leǧnun. D axṣim, d aɛdaw
n Yillu akked yimdanen, d aɣerraq, d aḥraymi, d amcum, d akeddab, d win yesseḍlamen,
d sselṭan n ddunit-agi.
Galil: D yiwet n temnaḍt i d-izgan deg umalu n tmurt n Israyil. Dinna i d-ikker Yasuɛa, i
yebda leqdic-is.
Gat-Camanim: Ikka-d si tutlayt taramit, lmeɛna-s Lemɛineṣra n zzit. D yiwet n tmazirt i
d-izgan di ccerq n Yarucalim, ddaw Yiɣil Uzemmur.
Hallilu-Yah: D awal i d-ikkan si tɛibranit, lmeɛna-s Ḥemdet Illu.
Hirudus: D isem n waṭas n yigelliden iḥekmen tamurt n Israyil akked leǧwahi i as-d-
izzin. Tira Iqedsen bedrent-d rebɛa n yigelliden i yettusemman s yisem-agi:
- Hirudus Ameqqran:
Inɣa arrac merra n Bit-Liḥim i yesɛan ddaw sin n yiseggasen di leɛmer-nsen; iḥkem
Yahuda si 37 armi d 4 qb. Y. L
(Lq. 1. 5).
- Hirudus Antibas:
Mmi-s n Hirudus Ameqqran. Iḥkem Galil akked Biriya si 4 qb. Y. L. armi d 39 mbɛ. Y. L.
D netta i yenɣan Yuḥenna Aɣeṭṭaṣ; d netta daɣen iwumi iceggeɛ Bilaṭus Yasuɛ iwakken ad
t-isɛeddi di ccraɛ (Mq. 6. 14-17).
- Hirudus Agriba I:
Mmi-s n mmi-s n Hirudus Ameqqran. Di tazwara, iḥkem lǧiha kan n umalu n Israyil,
mbaɛd Israyil merra. Si 37 armi d 44 mbɛ. Y. L. D netta i yenɣan Yeɛqub, amceggeɛ n
Yasuɛ, yerna yerra Buṭrus ɣer lḥebs (Lcɣ. 12. 1-21).
- Hirudus Agriba II:
Mmi-s n Agriba I. Iḥkem seg useggas wis 48 mbɛ. Y. L. Zdat-s i iɛedda Bulus di ccraɛ,
uqbel ad ibedd zdat Qayṣer, agellid ameqqran n Ruma (Lcɣ. 25. 13).
Ifarisiyen: D yiwet n ṭṭayfa tadiyanit n Iyahudiyen i yeṭṭfen mliḥ di ccariɛa n Musa akked
leɛwayed n lejdud.
Ikerruben: D yiwen n ṣṣenf n lmalayek n Yillu.
Iɣil n Uzemmur: D yiwen n yiɣil i d-izgan di ccerq n Yarucalim, iqubel tamdint, ikka-d
gar-asen yiɣẓer n Qidrun.
Isaduqiyen: D yiwet n ṭṭayfa tadiyanit i yeṭṭfen di ccariɛa kan n Musa, ur tbiɛen ara
leɛwayed n lejdud. Ur ttamnen ara s ḥeggu n lmeggtin, s tilin n lmalayek akked leǧnun.
Israyil: Ikka-d si tɛibranit, lmeɛna-s Innuɣ d Yillu. D isem i yefka Yillu i Yeɛqub, mmi-s n
Isḥaq, mbaɛd mi yennuɣ netta d lmelk n Yillu. Mbaɛd, isem-agi yettunefk i ugdud i d-
iffɣen si tnac-nni n leɛrac i d-ifrurin seg warraw n Yeɛqub.
Iyahudiyen: Di tazwara, d isem yettunefken i wid yellan si lɛerc n Yahuda, neɣ n tgelda n
Yahuda. Seg wasmi i llan di nnfa, At Israyil ttusemman Iyahudiyen.
Izimer n Yillu: D isem yettunefken i Yasuɛ Lmasiḥ, axaṭer d netta i yefkan iman-is d
asfel n Usuref ɣef yimdanen merra, am yizimer-nni i fkan wat Israyil d asfel deg yiḍ-nni
ideg ten-id-issufeɣ Yillu si Maṣer.
Kafar-Naḥum: D tamdint i d-izgan ɣef yiri n lebḥer (neɣ n ugelmim) n Galil, di tama n
umalu n tmurt n Israyil.
Lebḥer Azeggaɣ (neɣ Lebḥer n Iɣunam): D lebḥer i d-izgan di ccerq n tmurt n Maṣer.
At Israyil zegren-as iwakken ad ɛeddin ɣer tmurt n lemɛahda.
Lɛahd: Lɛahd yettwaxedmen gar sin n yimdanen, neɣ akter.
Di Tira Iqedsen, d Illu i ixedmen lɛahd netta d yimdanen:
- netta d Nuḥ(Lnd. 9. 9-17);
- netta d Abraham (Lnd. 15. 18);
- netta d Iṣrayil (Tfɣ. 19. 5-6);
Ɣer taggara, ixdem lɛahd ajdid netta d yimdanen merra s yidammen n Yasuɛ Lmasiḥ
yuzzlen ɣef ṣṣalib.
Afakan: D axxam ideg ttɛebbiden wat Israyil Illu. Ifeṣṣel ɣef tlata n yiḥricen: ifergan,
amkan iqedsen akked umkan iqedsen nezzeh. I tikkelt tamezwarut, d agellid Sliman i t-
ibnan, mbaɛd iɛawed-as lebni Zarubabil, mi yebda ugdud n Israyil ittuɣal-d si nnfa. Ɣer
taggara, agellid Hirudus iɛawed-as daɣen lebni, ismeɣr-it yerna yeswesɛ-it akter n win i
yebna Sliman.
Lǧameɛ n Iyahudiyen: D tajmaɛt n Iyahudiyen. D axxam anda i ttẓallan Iyahudiyen, i

qqaren yerna sselmaden ccariɛa n Musa.
Lifud: Tabanta n lfina i yettlusu lmuqeddem ameqqran.
Linǧil:D awal i d-ikkan si tyunanit, lmeɛna-sLexbar n lxir.
Lmasiḥ: D awal i d-ikkan si tɛibranit, lmeɛna-s Win yettwadehnen. Di Lɛahd Aqdim,
lmasiḥ, d win yettwaxtaren ad yili d agellid, d lmuqeddem ameqqran neɣ d nnbi. Di lɛahd
ajdid, d isem yettunefken i Yasuɛ, i yellan, s timmad-is, d agellid, d lmuqeddem
ameqqran, d nnbi, d amsellek...
Lmuqeddem n wat Lewwi: D argaz si lɛerc n Lewwi; isteklef s leqdic deg uqiḍun n
temlilit deg wayen akk yeɛnan lɛibada n Yillu.
Lmuqeddem ameqqran: D lmuqeddem i d-ittwaxtaren si ccetla n Harun. D netta i
yestkelfen s wid akk i iqeddcen deg umkan Iqedsen. D netta i ikeččmen yiwet n tikkelt i
useggas s amkan iqedsen nezzeh, iwakken ad yawi idammen n usfel n usuref n ddnub n
ugdud merra.
Lmur: D yiwen n uɛeqqar seg yiɛeqqaren-nni swayes i tettwaxdem zzit n udhan n
lmuqeddmin imeqqranen. Illa gar lehdeyyat i d-wwin imusnawen-nni i Yasuɛ mi d-ilul.
Lɛid n Usuref: D ass ideg zlan wat Iṣrayil izimer iwakken ad issuref Yillu i yixxamen-
nsen asmi akken yenɣa imenza merra n Imaṣriyen. D lɛid i d-ismektayen asmi akken i d-
issufeɣ Yillu At Iṣrayil si Maṣer. D Yasuɛ Lmasiḥ i d izimer n Yillu i yettunefken d asfel n
usuref n ddnub, yiwet n tikkelt i dayem.
Malki-Ṣidiq: Ikka-d si tɛibranit, lmeɛna-s Agellid n Lḥeqq. Di Lɛahd Aqdim, illa d
lmuqeddem yerna d agellid n lehna.
Meryem: Di Lɛahd Aqdim, d weltma-s n Musa akked Harun.
Di Lɛahd Ajdid, setta n tlawin i yettusemman s yisem-agi:
- Meryem, yemma-s n Yasuɛ;
- Meryem, yemma-s n Yeɛqub, mmi-s n Ḥalfay, iwumi i qqaren daɣen Klufas (Mq. 15.
40);
- Meryem Tamagdalit, iseg yessufeɣ Yasuɛ sebɛa n leǧnun (Lq. 8. 2; 24. 10) ;
- Meryem n Bit-Ḥananya, weltma-s n Marta akked Ilɛazar (Lq. 10. 38-42);
- Meryem, yemma-s n Yuḥenna, iwumi qqaren daɣen Marqus (Lcɣ. 12. 12);
- Meryem, yiwet n tmasiḥit n Ruma (Rm. 16. 6)
Naṣarit: D taddart di tmurt n Galil, deg-s i d-ikker Yasuɛ Lmasiḥ.
Nnar: D yiwen n leɛṭer ɣlayen.
Rabi: Ikka-d si tɛibranit, lmeɛna-s Ccix, yeɛni win yesselmaden awal n Yillu.
Samarya: D tamnaḍt i d-izgan di tlemmast n tmurt n Israyil, gar Galil d Yahuda. Di
Lɛahd Aqdim, tella d taɣiwant n tgelda n umalu, Israyil.
Sinay: D yiwen n udrar iwumi i qqaren daɣen Ḥurib, izga-d deg uneẓruf iwumi i qqaren
daɣen Sinay. Deg udrar-agi i d-ifka Yillu, s ufus n Musa, i Israyil ɛecra n lumur-nni.
Ṣiyun: D yiwet n tiɣilt si tɣaltin n Yarucalim. Tettusemma daɣen tamdint n Dawed. Fell-
as i yettwabna ufakan.
Tawwurt n temdint: D tajmaɛt ideg ferrun imezdaɣ timsal. Seg-s i keččmen ɣer temdint.
Tagelda n Yillu (n yigenwan): D tagelda n leḥkem n Yillu, anda iḍerru lebɣi-s.
Talalit tajdidt: D talalit ɣer tudert n Lmasiḥ. Kra n win yumnen s Yasuɛ Lmasiḥ isɛa
tudert n dayem, yerna yuɣal d mmi-s n Yillu.
Tamana: D lqut i d-ifka Yillu i wat Iṣrayil deg uneẓruf. Awal-agi ikka-d si tɛibranit Man
hu? yeɛni D acu-t wa? Tamana-agi, am yiɛeqqayen n lkweṣber, d tamellalt, lbenna-s am
teḥbulin yesɛan tament.
Tamezdayt:D tajmaɛt n yimdanen yumnen s Yasuɛ Lmasiḥ d amsellek-nsen.
Taminet: D idrimen n zik. Yiwet n tminet teswa 100 n yidinaren.
Tilufaḥin: D ṣṣenf n lfakiya yettemcabin ɣer tteffaḥin ; di zzman aqdim lɣaci umnen belli
tilufaḥin sseḥlayent si tɛuqra.
Tudert n dayem: D tudert n Yasuɛ Lmasiḥ i d-ittunefken i kra n win yumnen yis-s. D
tudert i yerzen, ifazen akked Lmasiḥ, yerna ur tfennu ara.
Ttuba: Mi ara d yerr yiwen s lexbar s ddnub i yexdem, indem, mbaɛd iṭṭef leqsed ad
ibeddel tikli.
Ṭṭhara: D limara i d-issebganen lɛahd-nni i yexdem Umeɣlal netta d Abraham akked
dderya n dderya-s.
Urim akked Tumim: Snat n tɣawsiwin swayes yettcawar lmuqeddem ameqqran
Ameɣlal. Tiɣawsiwin-agi ur neẓri ara s wacu i ttwaxedment.
Yacurun: D isem-nniḍen yettunefken i Israyil; lmeɛna-s "uṣwib".
Yahuda: D isem n yiwen si tnac n warraw n Yeɛqub iseg d-iffeɣ lɛerc i yettusemman s
yisem-is. Mi tefreq tmurt n Israyil, sin n leɛrac, Yahuda akked Binyamin uɣalen d tagelda
n usammer; tamaneɣt-is, d Yarucalim.
Yarucalim: S tɛibranit, lmeɛna-s Lsas n Lehna. D tamaneɣt n tgelda n Yahuda, mbaɛd n
tmurt merra n Israyil. Uqbel ad kecmen wat Israyil tamurt n Kanɛan, Yarucalim tella
tettusemma Yabus, zedɣen-tt Iyabusiyen.
Yasuɛ: Ikka-d seg yiwen n wawal n tɛibranit: Yahucuwaɛ, lmeɛna-sIllu yettsellik. D isem
n Ssid-nneɣ Lmasiḥ.
Yeɛqub: Di Lɛahd Ajdid, rebɛa n yirgazen i yettusemman s yisem-agi:
- Amceggeɛ Yeɛqub, mmi-s n Zabdi, gma-s n Yuḥenna, amceggeɛ (Mt. 4. 21);
- Yeɛqub, mmi-s n Ḥalfay, yiwen si tnac n yimceggɛen-nni (Mq. 3. 18);
- Yeɛqub, gma-s n Ssid Yasuɛ (Mt. 13. 55; Ga. 1. 19);
- Yeɛqub, baba-s n Yahuda, amceggeɛ (Lq. 6. 18; Lcɣ. 1. 13).

Yubil:wis xemsin yellan d aseggas n ssmaḥ n ṭṭlabat, n tlelli n waklan...
Ɛazazil: D aqelwac iɣef isrusu lmuqeddem ameqqran ifassen-is ass n usuref n
ddnubat,iwakken ad as-isbibb ddnubat n ugdud merra, mbaɛd ad t-telfen wat Iṣrayil ɣer
uneẓruf.
Tizegzal n yidlisen n Tira Iqedsen
Adlis Tazegzilt Axfiwen
Lɛahd Aqdim
Laṣel n ddunit Lnd 50
Tuffɣa Tuf 40
At Lewwi Lew 27
Aneẓruf Ane 36
Asmekti Asm 34
Yacuɛa Yac 24
Inezzurfa Inz 21
Rut Rt 4
1 Camwil 1 Cam 31
2 Camwil 2 Cam 24
1 Igelliden 1 Igl 22
2 Igelliden 2 Igl 26
1 Amezruy 1 Amz 29
2 Amezruy 2 Amz 36
Ɛazra Ɛaz 10
Naḥamya Naḥm 13
Istir Ist 10
Yub Yb 42
Ihellilen Ihl 150
Lemtul Lem 31
Amusnaw Amu 12
Ccna n ccnawi Ccn 8
Icɛaya Icɛ 66
Irmiya Irm 52
Asḥissef Asḥ 5
n Irmiya
Ḥizqiyal Ḥiz 48
Danyil Dan 12
Hucaɛ Huc 14
Yuwil Yuw 4
Ɛubadya Ɛub 1
Yuna Yun 4
Mixa Mi 7
Naḥum Naḥ 3
Ḥabaquq Ḥab 3
Ṣafanya Ṣaf 3
Ḥagay Ḥag 2
Zaxarya Za 14
Malaxi Mal 4
Lɛahd Ajdid
Matta Mt 28
Marqus Mr 16
Luqa Lq 24
Yuḥenna Yn 21
Lecɣal n
Yemceggɛen Lcɣ 28
Irumiyen Rum 16
1 Ikurintiyen 1 Kur 16
2 Ikurintiyen 2 Kur 13
Igalatiyen Gal 6
Ifasusiyen Fas 6
Ifilibiyen Flb 4
Ikulusiyen Kul 4
1 Itisalunikiyen 1 Tis 5
2 Itisalunikiyen 2 Tis 3
1 Timutawus 1 Tim 6
2 Timutawus 2 Tim 4
Titus Tit 3
Filimun Flm 1
Iɛebraniyen Ɛeb 13
Yeɛqub Yeɛ 5
1 Buṭrus 1 Buṭ 5
2 Buṭrus 2 Buṭ 3
1 Yuḥenna 1 Yn 5
2 Yuḥenna 2 Yn 1
3 Yuḥenna 3 Yn 1
Yahuda Yah 1
Aweḥḥi Awe 22
Lmizan, Lqis, Idrimen
Lmizan
Aṣurdi: 16,4 g.
a-agira: Tis ɛecrin n uṣurdi: 0.82 g.
Abiqaɛ: Azgen n uṣurdi: 8,2 g.
Taminet: 50 n yiṣurdiyen: 820 g.
Aṭalan: 3 000 n yiṣurdiyen: 49 200 g.
Hin: Azal n 6 litrat (l).

Bat: Azal n 6 n lkilat n hin: 36 l.
Ifa: Azal n 36 l.
Ɛumir: Tis ɛecra n yifa: 3,6 l.
Lqis
Iɣil: Azal n 50 cm.
Aḍad: Azal n 2 cm.
Tardast: Azal n 25 cm.
Taɣanimt: 6 n yiɣallen.
Idrimen:
Adinar: D lexlaṣ n yiwen n wass n uxeddim.
Asurdi: 4 n yidinaren.
Aṭalan: 6n yidinaren.
Tawizet: 1 n udinar.
Taminet: 50 n yidinaren.
Duru: Snat n teryalin.
Taryalt: azgen n duru.

Bible Nouveau Testament en Kabyle

Transféré par

Informations du document

Titre original

Copyright

Formats disponibles

Partager ce document

Partager ou intégrer le document

Options de partage

Avez-vous trouvé ce document utile ?

Ce contenu est-il inapproprié ?

Droits d'auteur :

Formats disponibles

Bible Nouveau Testament en Kabyle

Transféré par

Droits d'auteur :

Formats disponibles

Eglise Evangélique Ouadhias Tamezdayt tanǧilit n Iwaḍiyen

LINǦIL SƔUR MATTA

irwi, netta d Yarucalim merra. 4Isnejmaɛ-d imeqqranen merra n lmuqeddmin akked

Heggit abrid n Ssid, ṣeggmet iberdan-is."

Beddu n leqdic n Yasuɛ di Kafar-Naḥum

Lmelḥ akked tafat

Ɣef limin akked ttar

Ur ttḥasabet ara wiyaḍ

Axxam iṣeḥḥan akked uxxam yehtutan

(Mr 2. 13-17; Lq 5. 27-32)

Ḥellu n win i yesgugem uruḥani

yimawlan-nsen, ad ten-nɣen. 22Ad ken-kerhen merra ɣef ddemma n yisem-iw; meɛna,

lǧameɛ-nsen armi widak merra i as-ittḥessisen tɛeǧǧben deg-s, qqaren: "Lekyasa-agi

xemsa-nni n yiɣerman i bḍiɣ i xemsalaf n yirgazen, akked wacḥal n yiqecwalen i

Abeddel n ṣṣifa n Yasuɛ ɣef udrar

(Mr 9. 33-37; Lq 9. 46-48)

(Mr 10. 17-31; Lq 18. 18-27)

iwakken ad d-iḍru wayen i d-icar nnbi i d-yennan:

yiwen n urgaz, d agellid, i ixedmen tameɣra i mmi-s. 3Iceggeɛ iqeddacen-is ad siwlen i

Lamer akk ameqqran

Lmasiḥ, d Ssid n Dawed

Tettettem ixxamen n tuǧǧal yerna tesseɣzafem tiẓilla iwakken ad ken-id-walin; ɣef

Yasuɛ ittru ɣef Yarucalim

(Lq 21. 25-37)

Lɛid n Usuref taneggarut

(Mr 14. 12-21; Lq 22. 7-14; Yn 13. 21-30)

Buṭrus inker Yasuɛ

(Mr 14. 66-72; Lq 22. 56-62; Yn 18. 15-18, 25-27)

LINǦIL SƔUR MARQUS

Yasuɛ isawel i Lewwi (Matta)

Yasuɛ ixtar-d tnac n yinelmaden-is

(Mt 13. 1-17; Lq 8. 4-10)

Ḥellu n yiwet n tmeṭṭut akked ḥeggu n yelli-s n Yayir

Yasuɛ iceggeɛ tnac n yinelmaden-is

(Mt 14. 12-21; Lq 9. 15-17; Yn 6. 1-14)

Asefti wis sin n uɣrum

Ḥellu n yiwen n uderɣal

deg yimukan ɛlayen!"

zewwǧent tlawin, meɛna ad ilin am lmalayek n yigenwan. 26Ma d lmeggtin, ad d-ḥyun.

Lmasiḥ, d Ssid n Dawed

acu i d iẓra-agi! D acu i d lbenyan-agi!" 2 Yasuɛ yenna-yas: "Twalaḍ lbenyan-agi

Yasuɛ zdat Kayafa, lmuqeddem ameqqran

Buṭrus inker Yasuɛ

Meryem, yemma-s n Yeɛqub amecṭuḥ d Yusef, akked Calumit. 41D tilawin-agi i t-

(Lq 24. 49-53)

LINǦIL SƔUR LUQA

Ḥellu n yiwen n wukrif

(Mt 12. 1-8; Mr 2. 23-28)

Yasuɛ isseḥla yiwen n urgaz deg wass n usteɛfu

ssexnunsen isem-nwen, amzun d lɛar, ɣef ddemma n Mmi-s n umdan!

i yi-d-innulen?" Meɛna nekkren merra. Buṭrus yenna-yas: "Lɣaci merra iḥreṣ-ik-id, ad k-

Yasuɛ iceggeɛ sebɛin n yinelmaden

tessnem ad tefkem ayen yelhan i warraw-nwen, amek baba-twen n yigenwan ur d-ittak

uqerru-nwen ttwaḥesben akken ma llan. Ur ttaggadet! Teswam akter n waṭas n yiẓiwcen!

kecmen, iwakken ad iččar uxxam-iw. 24Ad awen-iniɣ, yiwen seg widak-nni i d-

Tamɛayt n yixf iɛerqen

18Yasuɛ yewwi-yasen-d yiwet n temɛayt, iwakken ad asen-yini belli ilaq ad ttẓallan

(Mt 21. 12-13; Mr 11. 15-18; Yn 2. 13-16)

(Mt 22. 15-22; Mr 12. 13-17)

(Mr 12. 41-44)

(Mt 20. 20-28; Mr 9. 33-37; 10. 35-45; Yn 13. 1-17)

yenna i widak-nni i d-iruḥen ɣur-s, imeqqranen n lmuqeddmin, imeqqranen n tɛessast

yenna-yas: "A Yasuɛ, mmekti-yi-d, mi ara d-taseḍ di tgelda-k!" 43Yasuɛ yenna-yas: