Adieu, adieu mon joyeux souvenir

Gilles Binchois (1400-1460)

Adieu, adieu mon joyeux souvenir,

Le plus haut bien qui me puist advenir,
Belle et bonne que j'aime autant com moy.
Le dire adieu me donne tant d'anoy
Qu'à grant peine puis je la bouche ouvrir.

Ce seroit fort que me puisses jouir,

Quand j'eslonge mon souverain desir,
Et la chose que plus volontiers voy.

Adieu, adieu mon joyeux souvenir,

Le plus haut bien qui me puist advenir,
Belle et bonne que j'aime autant com moy.

Adieu vous dy, il est tamps de partir,

Adieu celle que tant ay chier veir,
Mon pouvre coer vous remaint, par ma foi.
Aultre que vous ne jouira de soy,
Tous deux vous lesse, hélas, quel desplaisir.

Adieu, adieu mon joyeux souvenir,

Le plus haut bien qui me puist advenir,
Belle et bonne que j'aime autant com moy.
Le dire adieu me donne tant d'anoy
Qu'à grant peine puis je la bouche ouvrir.