Ma’anrihi anebarrin watibi miska Damay weulbati mbôlème wayyinou sôdâne Ba zâhir sa di bâtine ba diar di sètâne Sama khatir dafa rôti fa bahrou kadior May way ki diara way môgnou toussé ay lêrr Mây guéweul bi ci lislam khamalma kô dône Kone ma wayla ta kagnela ya donnou rabbâne Seuroup ngeunèl binga lambo thi diné lislâm Soppébé lako diokh mo héyone thia khadîme Khoutbou diâmi’ou niass yâdi diantou ndiollôr Sakhal ngafi ay lêrr teksi mbôte you doywâr Mangila yalwâne yawmi donnou tidiâne Mayma sâ mébateume khol ma dê ci limâne Feugoulénâ tibalma ndakh ma diok ci békkôr Rafléna hodouma kone ma bah limay gâr Sa wallou gueuna gâw khôb mou fadd bay bour Sa khéwal gueuna bawane ba melni aw niir Sa atté gueuna wéy yaye khalilou rahmâne Bé lô wakh borom koune dal diné fa yakoune Sa kharbâkh yinga lambo séwalna doctôr Bé kô tafli mou wéer far dou dème ci doctôr Té kô tafli sa lorwi tafalko bouchrâ Mou tagôk lorou dounyâ kazâka oukhrâ Damâ sopp dila way wayé raw nga say mâss Litakh ma dila way ngâ nirôk borome fâss Sa mbôtame khalimâ raw dabboussou moussa Sa way dé yinga dékkal teuwonna Insa Kouy mourid nama gneuw waylé sidi barham Wâdiou kham meuna ragnê té sopp barham Té diokhmame khâtir mba mou mayma chawkhou Té bawalmame khél mba mou mayma fahmou Kone dinâ mana way ki fi gueune thi sôdâne Di khoutbou rouhouyi nân ci peiyi diwâne Degloulène bama délloti kagne ki gueune fî Ci azal lako bour djîtalôn douwoul fî Barhama banga rôté ba say bagâne fêss Bâwalal gniladône khâr ba sènni ndapp fêss Halamak alalam momela diây ci lislam gnou signélko bou wéer diokhko khatmou faydôm Soungène khamône ay may sayou nékk ngène têw Bagna linkâr bagna dingatt ta ngène sakhô wâw Beutab kagnâne dafa bempenc dou sètlou kharbakh Kone gnou guiss binga wathiè gnou khamné ya bakh Mousta diokk keur bâyam ta raw ci lislam Béne serigne mounou fè wakhné demna dârâme Bou kagnane amoulone lôlou modi ak mbakh Sou fékké ngay hêmm lolou doyna kharbakh Bam yorê nitti at la dadial ba chou’arâou Té rawna kouy mâsame né ate ya wéey dâw Bam yorê harafou ka la sampe dârâm Di diôr ay masalam bolékok makhâmâm Seuroup ngeunèl binga lambo néwoul ci ay moole Yay khoutbou yay khawsou yay seydi ridiâle Toutiwoul reuyoulil gatoutite douhoute ndiôle Dieummi rassouli la yor gno nirô baci moole Sou beutyay nélawit kholba môm mangay khôle Té rouhga arasak koursiyou thia lay bêle Té bouy rê day mougn kharkanam ba ni wêr kâre Té wârêm gueuna nêkh léem thia khôl yamouy wâr Balâ ngakô yême lol boba aw nakhar fêgne So khôlé barhama niass guisko mouy mougne Moy djikôme diamou donné fa seydi adnâne Dogal bou réy bala doylo moy koune fa yakoune Faléwoul adounâk lici bîr dafay nîl khègntouhout loumou moy yalla ak nabi dâl Mousta am koumou yêm ci alal banné souye Té am kôme douko béklo khamoulko mouy faye Kontéwoul ay tonnes té doumôyouna ay takh Rabbous samawati wallardi doynako diêkh Té mandôk ragal yalla tabé ci lislam Té tôlameba dou bôy môdi yônou diakkâm Hittèmdia mo gueuna khîr gayndé mbôyo gouy bour Karâma yâ gueuna reuy doussou golfe youy dôr Haybatôm dafa fôr melni diâni sâmâne Rahmatôm dafa khirr ci fakhir ak miskîne Soukhlinga sougnou rouhou yi soukhône ci zoulmâne Ni gnôminka bou mbâl dieun ba wêr ci ndangâne Silimakha kouko taybé bam khôl assamâw Warna diok bayyi thiagane ta toppou say wâw Raboul dialîl lako fal diokhko manto rabâne Falko mouy fali dômam séwalna labdâl Wal takoun oumatan môm la wakh fa lôhôte Kou aw siy ndigalam kham illâhi nâsôte Bagn yorè sougnou âdio siâré madîna Bagn démmê bathia pont ba mou déffa diahrane Dieumam diâ tassarouf kholya bagn dianok môm Dougn mébeut loumoy toppou ciy takhôk môm Mélaw youssoufa la dieul ki rawône ci ay târ Bakou diannôk môm sopko ndakh fa yor lêr Alhadji sougnou mâm danna wakhné moy khâss Boba môm moungay khôl nawléyâk beutou mâss La khalil notéwône narrou bagnko diô-ône La barham fayê balayi fi thi sôdane La khadir noté moussa fa ma-oul hayyâ La sougn Baye yarè domam bi izni mahyâ Dioulil nak ci rassouli illahi moukh(a)fâ Salâtan wa taslîman ma gnaneko ‘afâ Touddêna wilé way sâbikhâti djihâd Si koursoum gnifi dân way imâmoul ‘ibâd Fafal khatmou sa waywi té hémfi yaw thiam Né lô lim limitam do dadial ba dém Châm Khassâyide yinga tâlif meunêssoukô mool Hadiâ-if yinga sank séwalna labdâl