RUKOEN LHE BLAH

Wahee ureung nyoeng sembahyang tadeungoe loen sembahyang angke limong watee padum rukoen,
rukoen teuma kheun ulama ahlol fiqah watee limong pham beukeunong rukoen lhe blah.

Pertama niet dua berdiri lhe teukeubi teuma keu peut fatikhah beut lamberdiri limong ruku’ nam iqtidal
tuejoh sujud lapan teuma duk antara dua sujud sikureung jeut duk didalam takhyeut akhee
tameusilaweut keu Muhammad si ploh hasee siblah taduk tau cap Dua kalimah syahdad dua blah
saleum lhe blah tertib ingat beuthat.

Wahei taulan rukoen lhe blah kaloen peugah sunat teuma pihna dua ab’azhaiah sunat haiah pro tinggai
sah hanpeu badai ab’az teuma badai beuna hanjeut tinggai sujud sawi nyoeng sampainyan u leh gata
ab’az lapan cuba bilang nyo loen kata.

Takhyeut mula silaweut dua duk nyoeng keu lhe keupeut qunut silaweut jeut limong sampe teuma
nyoeng nam silaweut nyan lom akan ai qunut suboh barang gajan bek tatinggai tujoeh qiyam ab’az lapan
beuta dhahe silaweut tinggai hana keu ai bak takhyeut ache pro hai tinggai badai beuna nyoeng lapan
nyan laen teuma hai ah nama ingat bek han.

NAMBLAH SEUBAB
Namblah seubab wahee thaleb sembahyang batheu beutaingat wahee umat jan gob su ee, phone
tamariet walebeudied saboh haraf lagee tagaroe buet yang banyak ta peurusak makan minom keu lhee
takhem keu peut teungeut pubut rukoen qauli fikli serta syuok niet nyong keulimong wahee taulan
taputoeh keunam adiek niet tataklek sembahyang runtoeh rupa talkie pro tasidek deungo loen jinoe
meu jeut lon po uloen batheu sembahyang nyoe walee dumnan sembahyang nyan batheu jika beuta
ingat wahee ummat cut ngoen raya tujoeh hadah yoeh goh saleum nyoeng pertama dating najis nyoeng
han meuah lapan teuma sikureung sah aurat teuhah nyan pih batheu pro angen pot reujang tatob
meuah han peu siploh meuhat paleung kiblat dada gata siblah leubeuh raka’at nyan dengoen ta saja keu
dua blah ta peu panyang rukoen nyoeng paneuk tertib berdiri bak iktidal wahee abang nyoeng keulhee
blah wahai taulan tamo gata peut blah teugeurib limong blah tegetib murtad gata.

WAJEB TATHEE
Wajeb tathe dum geutanyoe heemukallaf nabi Muhammad aneuk tuan si Abdullah Abdullah nyan aneuk
tuan Abdulmuthaleb Hasyem aneuk Abdul Manaf duom na pih siep mak dinabi tuan Aminah aneuk
wahab nyoeng peulara tuan Aminah bangsa sakdi.

Tuhan neubangket nabi naggroe makah aman karounya Allah jahiliah yoeh masa nyan umu peut ploh
thoen teutap nabi nanggroe meukah turoen wahyu ubak nabi phone di meukah lheuh nyan teuma
suroeh tuhan neuyue minah hijrah nabi nanggroe suci u Madinah. Nam ploh lhee thoen umue nabi
nyoeng muktamat suroeh tuhan pojonjongan wo bak rahmat.

Wapheut nabi nyoeng that suci di Madinah teuma kubu pih disinan tan meuminah kakeuh leupah nabi
geuwo bak hadarat tinggai umat ngoen syariat tinggai sahbat sahbat nyoeng peut dengoe lon peugah
nyak taturi. Nyoeng phone Abubakar Siddiq sya’ibon ‘ari dua Umar lhee Usman keu peut Ali ridha Tuhan
sekalian sahbat nabi.

Wapheut nabi tinggai ahli sikureung dro bandum gobnyan loen peugah nan nyak tatuso phoen Aisyah
dua Rafasah keu lhee saudah peut Sapiah Limong Maimunah nam Ramlah tujoeh Hindon lapan Zainab
katerbileung Juariah kaloen peugah ban sikureueng.

Wahe akli aneuk nabi na tujoeh droe lhee droe agam peut dro tapham ureueng bino nyoeng phone
Qasim dua Abdullah geupeunan thaiyeb ban dua nyan ka geuboh nan get nyoeng ghalieb lhee Ibrahim
aneuk nibak tuan Mariah nyoeng ke ibu bangsa kaom kuburthiah meuhat sidroe meu Ibrahim bak
Mariah teuma nyoeng nam bandum gobnyan bak Khatijah.

Teuma nyoeng peut ureueng bino dengoe loen peugah phone Fatimah dua Zainab lhee Rukaiyah teuma
nyoeng peut Ummikalsum kakeuh sudah nyoeng ke ibu ureueng mokmin ridha Allah.

DUA PLOH LIMONG

Dua ploh limong wajeb taturi wahee taulan nama nabi nyoeng geusebut dalam quran pertama phoen
nabi Adam dua Idris lam syiruga dalam mata neutop iblis, lhee nabi Noh masa supheun neupeuget kapai
neupeuding keunan bala tentra jineh bekai peut nabi Hud limong Saleh nam Ibrahim nyoeng that murah
ngoen seujahtera peurangei halim. Tujoh nabi Lut lapan Ishaq ngoen Ismail yuoh dimina surouh tuhan
neukeu meusie tuhan tuboh dengoen kibah qurbeun habi perhiasan Allahta’ala hana miseue. Siploh
Harun deungoen musa aneuk umuran bukiet thursina drone neumariet dengoen tuhan keudua blah nabi
Daud Zulkifli nyoeng keu peut blah nabi Sulaiman nyoeng that ahli keu limong blah nabi Ilyas nyoeng
hudep jinoe nyoeng keunam blah nabi Yusuf rupa sam lako keutujoh blah nabi Syuib Zakaria nabi Yusyak
nabi Aiyub nabi Yahya dua ploh dua nabi Yunus dengoen Ya’kub nabi Isa nabi Muhammad akhir sebut.

Peut droe nabi mantong udep masa jinoe dua di langet teuma dua nyoeng di bumo, nyoeng di langet
nabi Isa ngoen Idris nyoeng di bumo nabi khaili ngoen Ilyas. Bandum nabi maksum tuhan nyoeng peulara
nyoeng malaikat leubeh nabi dum sineuna. Tuhan peujeut malaikat dum nibak nur ladom ruku’ ladom
thawaf baital makmur. Ngoen siploh droe malaikat wajieb taturi pertama phoen Jibrail nyoeng peutroen
wahyu nyoeng kedua Mikail nyoeng peutreun ujeuen lhee Israfil sangka kala yuob dua seue peut Izrail
nyoeng tuung nyawoeng sigala nanggroe habeh matee ban dum saree barang gaso limong Mungkar
teuma nyoeng nam geukheun Nangkir ngoen saweu bak manyet hingga troeh khitmir tujoeh Raqib
ngoen surat dum kebajikan lapan Atib surat dausa seukalian keu sikureueng Maliek nyoeng kawai tujoeh
niran siploh Ridwan kawai syiruga pinto lapan.
 WAJIEB IMAN
Wajieb iman dum geutanyoe nyoeng keunabi wajeb pateh peunyoeng neukheun oleh nabi beutapateh
nyoeng goh datang geu peukhaba miseu maot nyoeng that saket tapeurasa mieseu geupeugah azeub
kubu disikafe ureung maksit nyoeng tan taubat matei jahei, ureung mokmin nebri nikmat dalam kubu
nikmat syiruga tuhan buka keunan laju.

Beutapateh uroe kiamat dudo teuka nyan keuh uroe kesudahan harou hara bulen ngon uroe pih
gerhana bintang meuhambo langiet melinggang bumo meuguncang meu huboe huboe, suroh tuhan
israfil yuob sangkakala habeh mate bandum sare safan safa habeh mate bandum sare malinkan tuhan
langiet nyoeng bumo koen lee meuno kalaen ban.

Umu peut ploh thon nyong meunan nyan safan safa teuma turon ujeun puteh maulhayya habeih timoh
bandum tuboeh kateuduk duk pakaian tan bandum teulhon bineh uruek, teuma neuyob sangka kala le
israfil mewo nyawong bangket teuma tanlee matee teuma geuron kageu himpon blang padang masya
dumna rakyat kageuhisap geupariksa uoh meuhimpon dumna rakyat kageujoek surat, teuma nyoeng cok
wie nyoeng uneuen le ban babat teuma nyoeng cok nyeong jaroe uneuen mubahgia teuma nyoeng roeh
ngoen jaroe wie kacilaka.

Teuma geutimang dumna amal lam neuraca giet dengon jeut disinan nyata, ngon ghoen amal keubajikan
aso syiruga teuma nyoeng phui dum neupeului lam neuraka teuma tajak ateuh titi sirathal mustaqim
halouh pihthat geupeuduek ateuh neuraka jakhiim panyang titi sabouh riwayat lhee ribee thoun taek
tajak ateuh puncak deungoen tatroen.

Titi halouh lage tajam nibak peudeung sdom na halouh sidom putoh adat meulinteung, teuma nyoeng
jak ateuh titi leban babat karonya Allah ladoum bantah naban kilat ladom bantah nakeuh dumban angen
bawa teuma, ladom naban guda geupoh lawa, teuma ladom ban ureueng pluung nyoeng that bagah
teuma ladom bantah bacut han that lanca.

Ladom budui meu eui meu eui meuseuk meu seuk meuhila hila lam neuraka ka teusireuk nyoeng silamat
ateuh titi jeumeurang pih troeh bak krueng nabi. Krueng kalkausar disinan piyoh bineuh krueng nyan
kadhie pih lee tamsil bintang aso meuhahat dum sieb sidro han peu riwang nyoeng jieb ie nyan grah pih
hanlee deuk pih han lee karuonya hak ho nyoeng kheundak keunan nebrie, lheuh nyan teuma ureung
mukmin tamong syiruga suntok sabe geuteubit tanle ruok ruok masa keukai sinan cit hana hat han
meuhingga dalam lazat suntouk mangat catirasa ngoen boh kayee cit meu tente rasa leban so nyoeng
pajouh pruut han sungkuoh rasa pihtan suntoek kayiem lamteukhem khem hatei mangat ngoen
makanan nyoeng minuman lazat lazat tuha han lee sakeet hanlee ruok ruok masa umur sedum
sabanmuda balia.

Di sikafee dum neugulee lam neuraka suntuok sabee di teubiet tan lee, ruok ruok masa padum azeub
uro malam hana teudoh nyoeng makanan boh zakon nyan di pajouh bouh zakom nyan tutong pih that
tajam ban duro, so ngoen pajouh apui sinaro padum azeub kala limpeuen uleu pathuuk beulanggu
pasang rantie ranthuk.
Ureung mokmin umat nabi nyoeng meudausa nyoeng tan taubat nyan pih geu toet lam neuraka. Kira
kira u beue dausya u beu nan geu toe than di lala apui neuraka bak han patout, ladoum tutong meu oh
gaki iet nan di lala ladoum beuteuh ladoum habieh keudeh ouh pha ladom tutong meu oh takuu illa
dada teuma ladom habeh ban dum illamuka.

Si nucut nucut azeeb pagie deungoe loen peugah neu buoh kawuoh nibak gaki ban dua blah tuleung urat
asoo utak ban dum reulee. Teuma neuboeh bansit teuma tamlee matee.

Umu peut ploh thon nyoeng geu azeub lam neuraka lheuh nyan teuma gasieh tuhan neukeuluwa ngoen
syufaat saidil umat nabi kita dum umat dro dum sinaruo neukelua.

WAA U WA LOEN

Waa u wa loen wajieb monphen mukallafi Aiykula bikien mata syahadati. Phoen phoen wajieb ateuh
ureng nyoeng islam nyoeng ka baliek nyoeng na akai inong agam.

Wajieb takheun dua boh kalimah syahdat makna hadhir dalam hate beu ta ingat beu ta hafai basa arab
dengoen lidah makna hadir dalam hate ingat pantah

Asyhadualla ilaa ha illallhah wa asyhaduanna Muhammadarrasulullhah

Loen eek saksi bit bit hana la en tuhan nyoeng meu sifeut istakna ngoen iftiqar melaikan ALLAH dan loen
eek saksi bit bit Nabi Muhammad itu pesuruh Allah.

Syahdat dua rukoen ji peut, toh peut

Phoen phoen tapeu bit-bit na zat neu Potaklhah
Keu dua tapeu bit-bit na sifeut neu Potaklhah
Keu lhee tapeu bit bit na buut neu Potaklhah
Keu Pheut tapeu bit-bit beunar nabi Rasulullah
Beu keuh meunan dengoen padum rukoen ta peu bit-bit na zat neu potaklhah
Na dengoen nam rukoen, toh toh
Phoen phoen ujud na zat neu po taklhah
Keu dua Qadim dilena zat po taklhah
Keu lhee baqa keukai zat neu po taklhah
Keu peut Mukhallafatuhulilhawadih hana sa neu po taklhah dengoen sapee sapee
Keu limong Qiyamuhu binabsihi neudong dengoen dong dro neu potaklhah
Keu nam wahdanit sidroe drone neu po taklhah.
Beukeuh meunan dengoen padum rukoen tapeubibit nasifeut neu potaklhah
Na deungo peut blah rukoen, toh toh
Phoen phoen haiyah dengoen haiyon hudeep ngoen nyoeng hudeep neupotaklhah
Keu dua ‘ilmu ngoen ‘alimon tukri ngoen nyoeng teumukri neupotaklhah
Keu lhe qudrah ngoen qadiron teuga ngoen nyoeng teuga neupotaklhah
Keu peut iradah ngoen muridon khendak ngoen nyoeng khendak neupo taklhah
Keu limong samak ngoen sami’on deungo dengoen deumeungo neupotaklhah
Keu nam basar ngoen basiron kalon deungoen keumalon neupotaklhah
Keu tujoh kallam mutakallem marit ngoen nyoeng neumarit neupotaklhah
Nyoeng tujohnyan hasiepeutblah sifeut makni maknawiyah.
Beukeuh meunan deungoen padum rukoen tapeubitbit nabuut neu potaklhah
Na deungoen lapan rukoen, toh toh
Phoen phoen ijat neu peuna dum geu tanyoe
Keu dua Ehdam neu peutan dum geu tanyoe
Keu lhe takhlek neup Peu jeut dum geut anyoe
Keu peut tarazek nebri reuzeuki dum geu tanyoe
Keu limong Ehya neu peu udeep dum geu tanyoe
Keu nam Imatan neu peu matee dum geu tanyoe
Keu tujoh Ehda neu peu tunyok dum geu tanyoe
Keu lapan Idhlal neu peu sisat so nyoeng sisat buut hadharat po geu tanyo.

Beukeh meunan dengoen padum rukoen ta pebit bit benar nabi Rasulullah
Na deungon peut rukoen, Toh toh
Phoen phoen Sadaq benar nabi rasulullah
Keu dua amanah neupateih ban yu Allah peumateih that pojanjongan ban yu tuhan hana ubah ban
nyoeng neyu han meu tuka han meu riba meububie drah
Keu lhee tabliek neupeutroh beuthat jioh balie payah ban nyoeng neu yu hana neu som bacut hantom
ubah
Keu peut fitnah ceredek rasulullah
Nyeong mustahei lawan sifeut dum nyoeng wajieb
Miseu hana takheun tuhan lawan ujud cit dalam na suntok suntok, hai toh dalil toh peureman ?
Ayat : Fawa rabbis samawati walardhi annahul haqqu misla ma annakum tan dhiqun
Demi tuhan nyeong peujeut langet dengoen bumo pogeutanyo cit bitbitna miseu geutanyo barang gaso
takheun nadroe han jeut hana meunan dituhan neukheun nadroe tema jino wajieb bit na
Miseu meu phoen takheun tuhan lawan qadim cit hana phoen han meumasa, hai toh dalil toh peureman
?
Ayat : Waauwalu wal akhiru
Awai tuhan akhee tuhan hana saban deungoen hamba
Miseu fhana takheun tuhan lawan baqa cit lam keukai suntok suntok, hai toh dalil toh peureman ?
Ayat : Wayabqa wajhu rabbika zuljalalil wal ikram
Keu kai zat tuhanmu yamuhammad yang empunya kebesaran dan kemuliyaan
Miseu na ngoensa takheun tuhan lawan mukhalafatuhulilhawadih cit hanasa suntok suntok, hai toh dalil
toh peureman ?
Ayat : Laisa kamislihi syaioen
Hana sa neupotaklhah dengoen sapeu sapeu
Miseu nedong ngeon so laen takheun tuhan lawan sifeut Qiyamuhu binafsieh cit lamneudong dengon
dong droe suntok suntok hai toh dalil toh peureman ?
Ayat : Innallaha ghaniyun anil ‘alamin :
Bit bit tuhan kaya nibak segala alam
Miseu dua takheun tuhan lawan sifeut Wahdanit cit lam sidro suntok suntok, hai toh dalil toh
peureman ?
Ayat: Qul huwallahu ahad
Kheun liegata ya Muhammad ubak insane sidro tuhan hana dua
Miseu matee nyong ngon matee takheun tuhan lawan haiyah dengan haiyoen cit lam hudep ngoen yang
hudep suntok suntok, hai toh dalil toh peureman ?
Ayat : Watawakkallah haiyillazi layamut
Tapeujok dro ya Muhammad ubak tuhan nyoeng hudep sabee hana matee barang gajan
Miseu beubal ngoen nyoeng beubal takheun tuhan lawan ilmu ngoen ‘alimon cit lam teumukri nyeong
teumukri suntok suntok, hai toh dalil toh peureman ?
Ayat : Amzalahu bi ‘ilmih
Neupeutren kitab oleh tuhan ubak nabi cit meuteunte lam ilimee cit ka meukri
Miseu leumoh deungon nyoeng leumoh takheun tuhan lawan qudrah ngoen qadiroen cit lam teuga
ngoeng nyoeng teuga suntok suntok, hai toh dalil toh peureman ?
Ayat : Innallaha ‘ala kullisaiing qadir
Bit bit tuhan po geutanyo ateuh jeut syo that kuasa
Miseu banci ngoen nyoeng banci takheun tuhan lawan iradah ngoen muridoen cit lam berkhendak
ngoen nyoeng berkhendak suntok suntok, hai toh dalil toh peureman ?
Ayat : Fak ‘alul lima yurid
Tuhan neupeubut ban nyoeng keuhendak ban laku hak neuperupa
Miseu tulo ngoen nyoeng tulo takheun tuhan lawan samak ngoen samioen dit lam deumeungo ngoen
nyoeng deumeungo suntok suntok, hai toh dalil toh peureman ?
Ayat : Wallahu sami’ul ‘alim
Bit bit tuhan that deumeungo han meulumo dum suara
Miseu buta ngoen nyoeng buta takheun tuhan lawan basar ngoen basiroen cit lam keumalon nyoeng
keumalon suntok suntok, hai toh dalil toh peureman ?
Ayat : Wallahu bima takmalu nabashir
That neukalon uleh tuhan perbuatan mandum hamba get naleumah get han leumah kalon Allah padok
hana
Lam miseu klo dengoen nyoeng klo takheun tuhan lawan kallam ngoen mutakalleim cit lammeumarid
nyoeng ngoen meumarid suntok suntok, hai toh dalil toh peureman ?
Ayat : Wallahu musa taklima
Tuhan neumarid ngoen nabi musa berapa patah han meharaf han suara adak meharaf kallam tuhan
kakeuh saban deungon hamba.
Suci tuhan poloen rabbi mustahie bak nabi loen pejalitra nyoeng mustahie lawan sifeut dum nyoeng
wajib miseu sulet nyeong khianat ban amanah neupetuka miseu nesom ban nyeong suroh han
neupetroh ubak hamba ngeut ngoen bingong takheun nabi han meutukri peujelitra: nyoeng mustahei
hana patuot karit karuot han mee buka nyoeng wajieb na barang gajan mustahietan han sapeuna wajieb
tatung mustahie tabeoh meunan nyoeng jroh tabicara sifeut nyoeng wajieb ngoen mustahie kaloen turi
bak po taklhah ngoen bak nabi padum hasie cuba kira bak tuhan peutploh bak nabi lapan nyoeng hasilah
padum jeutka peut ploh lapan dua nyoeng haroh jeut limong ploh bak kamo kira.

TAIEKTIKEUT
Taiek tikeut dalam hate dum geutanyo adak hanjeut beutateim beut tameuruno teuma yang haruoh bak
po taklhah neupeujeut mongkien meena meutan dum buut tuhan koen so laien,
Teuma geupeugah dalam kitab nyoeng ka gobboh fafieklukkoen lomongkinen autarakoh haroh bak allah
neupeujeut mongkien mena meutan adie nethat hana sapat nyoeng na seugan adak neubuoh urueng
mokmin lamsyiruga di sikaphie mee neugulie lam neuraka.
Bit bit meunan janji tuhan han ubah waat wa it amar nahi surouh teugah soe nyoeng peubuet suroeh
tuhan asoi syiruga so han ikout janji geutoet lam neuraka.
Teuma nyoeng harouh nibak nabi deungoh lon peugah haroeh bak rasul neuperangeui basyariah miseu
sakiet nyoeng han kurueng bak mertabat miseu makan dengoen minom lom neumeukat, teuma nyoeng
wajieb bakpotaklhah dua ploh sifeut kheun ulama ahlul usul geubagi keupeut. Phoen nafsiah dua salbi
keulhe makni maknawiyah ka loen peugah bak peut bagi, hartie nafsiah wajieb na Allah suntok suntok
meuhat ujud sabouh sifeut disina taklouk. Harti salbi tulak lawan zat potaklhah limong sifeut kenan
taklouk dengo lon peugah nyoeng phon qadim tulak lawan zat han patuot miseu meuphuoen takheun
tuhan nariet karout dua baqa tulak lawan zat po taklhah cit hana hak hana layak takheun ubah. Keu lhee
mukhalafatuhu lelhawadieh tulak lawan tansa tuhan ngoen tasyeubieh tansa bakzat tansa sifeut tansa
piee suci tuhan hana saban ngoen tamisei. Ke peuet sifuet qiyamuhubinafsih tulak lawan tanzat tuhan
ngoen berdiri tan neukeuheundak kezat tempat dong potaklhah tan neu nafsu paie laen so perintahkaya
muthlak ilahon hak zat nyoeng sifeut tanna neutuung dum faedah bak peene ujuut genab limong
wahadaniit kakeuh lengka tulak lawan sidro tuhan hana dua harti makni nyoeng keusifeut nyoeng dong
bak zat tujoh sifeut ken an taklouek nyoeng phon haiyah dua ilmu lhee qudrah peut iradah limong
samak keunam basar sifeut Allah Tujoh kallam sifeut makni yang ka sudah tameuruno dum geutanyoe
bek that malah maknawiyah peuhareutoi wahei tengku padum sifeut keunan taklok peugah laju salah
saboh nibak tujoh nyoeng hayyon dua alimony lhee qadiron peut muridon limong samion nam bashiron
sifeut rabbi mutakallem ke keuh tujoh ban nyoeng janji.

SIFEUT DUA PLOH DUA BAGI

Sifeut dua ploh dua bagi geu weuk teuma siblah sifeut meuhat masouk bak istaqna nyoeng phon ujud
dua qadim keu lhee baqa mukhallafah qiyamuhu limong nyoengka samak bashar lapan kallam nyoeng
ka sudah samion bashiron mutakallem kakeuh siblah.
Teuma masouk bak iftiqar meuhat sikureung bah keuh meunan sirakheun nan cuba bileung qudrah
iradah ilmu hayyat peut peukara qadiroun muridon alimony hayyon lapan nyoeng ka keu sikureung
wahdanit kakeuh lengka takheun bak jeut pham beu ceudah bekmeutuka.
Sifeut dua ploh meu himpon saho bak zat Allah dali saboh meudelui saboh pham beuceudah alam dali
sopeusa biet nazat tuhan wajeb na Allah so perintah peunan peutan. Lhee boh sifeut nyoeng tateumie
dali alam deungo lon peugah meusipatah nyak jeut tapham sa ileum dali tuhanku that neu tukri
neupeujeut alam leban macam rupa lekri dua iradah dali allah neubeu keuheundak hasil alam barang
macam ban nyoeng layak lhee qudrah dali Allah that kuasa neupeujeut alam sekalian siklep mata lhee
sifeut nyan hayyah syarah pham beukeunong wajieb hudep pogeutanyo kon ngoen nyawong neutukri
kon ngoen bicara mgoen ilimee neuberkeuhendak ngoen iradah koen nyoeng nafsu kuasa po koen
nyoeng alat hana tuboeh hana tuleung aso urat sifeut dua ploh nam ngoen taklouk beuget tafam qudrah
iradah samk basher ilmu kallam qudrah taklouk ubak seugala uongkien get nyoeng awai get nyoeng
akhee lahei bathein samak basher taklouk ubak segala maujuud dumperkara giet nyong kata geit nyoeng
suk uut ilmu kallam lhee ho taklouk beu taturi nabak wajieb na bak haruoh bak mustaheie.