GH Tuqqla N Godot

SAMUEL BECKETT
Gh tuqqla n
Godot
Isurri tt s tmazight
Lahsen Oulhadj
1
Gh tuqqla n
Godot
2
Askkir izwarn
3
Agharas gh yan iwr1 gh illa yan w addag.
Tadwggat.
Iskkus Estragon f yan izigg2, ira ad ikkes aduku nes. Immagh dis s sin ifassen ar lligh ar isinklil.
Ibidd acku irmi, ar ittsunfu, ar isggunfus. Yaywa nit ar dagh iskar zund ukan meklli.
Ikcem d Vladimir.
ESTRAGON (yajj dagh aylli gh t yiwi).— Ur gis illa ma ittuskarn.

VLADIMIR (ar n izzigiz s kra izmmuzzal3 mzziynin gaddanin, icebh idarren nes).— Behhra4 ar t
tefelsagh5. (Ibidd.) Mmaghegh d ixf inu ar ttinigh, Vladimir, eg awa aggayyu nek gh illi gh tufit. Ur
ta tent akw tezerit ura zrint fell-ak. Aywagh ar dagh temaghegh d ugayyu inu. (Ishel6, ifiss, ar
iswingim gh timight an.
I Estragon).— Ma za, had ki d dagh keyyi.
ESTRAGON.—Mad ak innan nekki ay-ad ?
VLADIMIR.— Ass akw meqqurn ay-ad lligh k dagh zerigh. Is nnigh imil is akw teddit,
ur sar d sul turrit .
ESTRAGON.— Ura nekki.
VLADIMIR.— Ma rad za nesker fadd ad nesfuglu7 anmuqqar ad negh ? (Ar iswingim.)
Bidd ad ak zwar gegh tiwwa (Ifek n afuss i Estragon.)
ESTRAGON (macc ur bahra ira).— Ar kigh, ar kigh.
Afessas.
VLADIMIR (igger as n w awal an, iskers udem nes).— Is nufa ad nessen mani gh n insa8
urgaz ?
ESTRAGON.— Gh umnghuz9.
VLADIMIR (issusm t akw may-an).— Amnghuz ! Gh mani ?
ESTRAGON (ur ukan immass).— Gh tsga ad.
VLADIMIR.— Imma ur k kkumen10 ?
ESTRAGON.— Ààad… Macc ur d bahra.
VLADIMIR.— Willi bedda ?
ESTRAGON.— Willi ? Hann ur ssenegh.
Afessas.
VLADIMIR.— Igh ar swingimegh… zegh man agu… ar ttinigh… manik rad yadlli
tegt… mlad is dik ur munegh… (Issen nit mad ittini.) Ur gis mad tinit, ur rad tegt ghil-ad amr yan
ugudi n ixsan.
ESTRAGON (igger as n w awal an).— Awa ilmma ?
VLADIMIR (ihrussa).— Hati iggut may-an f yan urgaz. (Ibidd yan imikk. Isawl s yat tkklit.)
Gh tsga yaden, maxx ar itturri yan tighurdin, mek-an ad ukan temessaqegh. Meqar s ixssa yadlli
ad gis swangemegh zegh man agu, gh man yazn assgwass n 1900.
1 Mmel, adghar, agmmad, illi, ida, addad ( lieu)

2 Yan uzru meqqurn lli s izdar ufgan ad fell-as iskkus (pierre)
3 Isurifen, ittecbihen (pas)
4 Illa mad as ittini hhra
5 Igh ittufeka w atig n tiddt i kra n tswingmt neghd i kra n uwnni, amen (croire)
6 Ifiss, iskken, istteh, ikuwwn, ikummc, ur ar isawal ura ar ittmussu, yumz yat tsga (calme)
7 Igh yummr kra n yan i kra n tghawasa, ar as iksar amussu (fêter)
8 Izri id ( passer la nuit)
9 Agwdi, tislli (fossé)
10 Ut, fek takurayt i kra n yan (frapper)
4
ESTRAGON.— Yuda. Aws yi ad kkisegh tagat ad.
VLADIMIR.— Rad imil neg gh nger willi zwarnin sigh d ukin, afuss gh ufuss, gh tndaft11
n Eiffel. Ar bahra yadlli nessiwid gh akud an. Imma ghil-ad is agh akw ifel uzmz. Ur ad agh akw
sul ajjen ad ka neghli. (Estragon immagh bedda d uduku nes.) Mad ukan tesalat ?
ESTRAGON.— Ar tekkisegh idukan. Wah, ur jju d keyyi ad ten ikkisen i ixf nek?
VLADIMIR.— Mennawt n tetwalt ad ak nnigh ad ten tekkest kra igat ass. Ur d yat ur d
snat. Hati rad ak yaf igh ar teskart s inna as ak smagalegh12.
ESTRAGON (isawl s imikk).— Aws yi !
VLADIMIR.— Is tudent ?
ESTRAGON.— Udenegh ! Ar yi sul isaqsa is udenegh !
VLADIMIR (ar ikkat s ifzuzen).— Ur d keyyi jju kad ittadn ! Ur ar tent akw sul
ssidinegh13. Macc zuzdegh nit ad k zeregh ad tegt zund nekki. Rad yi tekkest inghmisen gh akud
an.
ESTRAGON.— Is yadlli tudent ?
VLADIMIR.— Hak awa udenegh ! Ar yi dagh isaqsa is udenegh !
ESTRAGON (yall amullegh14nes s ignna).— Yat tghawsa ukan, ur d may-an ar ad ak ikkes ad
teqqent tiwuckinin15.
VLADIMIR (ar n iknnu).— Teghwzant. (yaywa ar ittqqen tiwuckinin nes.) Ad n jju ur tefelt
amya ka gh aynna gh t tiwit meqar tennit ur iga yat.
ESTRAGON.— Awa ma s terit ad ak t inigh, hati ar bedda teqqelt ar kigh rad zzigizen
medden.
VLADIMIR (zund igh ar ittwarga).— Ar kigh rad zzigizen medden… (ar ittmessaq.) Igh ur
illa unaruz16, ul ar t ittagh kra. Mad yadlli ittinin mek-ad ?
ESTRAGON.— Ur terit ad yi tawst ?
VLADIMIR.— Illa gis ma gh ar ttinigh is rad d yack meqar d ghik-an. Ilmma ar teggagh
zund igh yi ikcem kra (Ikkes tarazal17 nes, ar n ittaggwa aguns nes, ar n gis isaka afuss, issus tt, ig tt in
dagh.) Manik ar ad inigh ? Irggig imil, ur t icten yat, macc gh akud an nit… (Ar isiggil.) … izma18.
(lligh ar isawal ig akw ihaburen d ibadan.) I-Z-M-A. (Ikkes dagh tarazal, ar n dagh ittaggwa aguns nes.)
Imma ukan ! (Yut s tt gh iggi zund igh rad d gis issus kra, ar tt in dagh ittaggwa, ig tt in dagh.) Behhra
ubattah… (Ur ikkes Estragon aduku nes ar lligh n iga aylli mu tt ila. Ar t in ittaggwa, isaka n gis afuss, irar
t f imi, issus t, ar isiggil ghw akal yak ur d gis ider kra, ur yufa yat, isaka n dagh afuss gh uguns n uduku nes,
zund igh ur isfaw amya.)— Ma za ?
ESTRAGON.—Amya.
VLADIMIR.— Ara d ad zeregh.
ESTRAGON.—Ur gis illa ma tezerrat.
VLADIMIR.— Mmagh eg t in dagh.
ESTRAGON (lligh yuggwa adar nes).— Rad t ajjegh yan imikk.
VLADIMIR.— Ar agh d nit sul lkkemen, immagh d uduku nes ur akw issen izd adar nes
ad d ikka. (Ikkes dagh tarazal nes, ar tt in ittaggwa, izzri fell-as afuss, issus tt, yut s tt gh iggi, isud n gis, ig tt
in dagh.) Ghay-ad ar issiwid. (Afessas. Ar ismussu Estragon adar nes, ar isnuccug tifdnin fadd ad gisent
izzray uzuzwu.) Yan gh imakren injem. (Yan imikk.) Ur iggut unck an ura idrus. (Yan imikk.)
Gogo…
ESTRAGON.—Mit ?
VLADIMIR.— Imma igh nettggwrz, nesuter gh Rebbi ad agh isurf19?
11 Yat tskka bahra ighzzifn lli ittuskarn i uduf d ubudr (la tour)
12 Igh ar immal kra n yan i wayyad agharas yughdn, ifulkin (conseiller)
13 Igh ittufeka w atig s uttun i kra n tghawsa neghd mennawt, hasb (compter)
14 Adad lli s ar nemmal neghd wwad lli s nettelgh timikilt (l‘index)
15 Ar asen tt dagh nettini tijarrayin, ar sisent nettqqen ibrdan d ihdumen (bouton)
16 Asiram, tadala, tuqqla (espoir)
17 Tega tt yat tghawsa lli teggan medden gh iggi n ixf mar tafukt ( chapeau)
18 Wanna gh llant tkssad bahra iggutn ( épouvanté)
19 Ad agh tt izri, ad agh isamh (pardonner)
5
ESTRADON.—F mit ?
VLADIMIR.— Mmmm… (Ar isiggil.) Ur rad akw nelkem f20 ad nebder tghawsiwin
mzziynin, lli ur iqqenen aghjjaj.
ESTRAGON.—Lligh nelul ?
Ibbaqqi Vladimir s tadesa, imil ifiss s yat tkklit, yawi afuss s izddar uhlig nes, iskers ignzi nes.
VLADIMIR.— Ur akw sul nufa ad nedessa ?
ESTRAGON.— Ur d may-an ar rad isqqerbl21 amadal.
VLADIMIR.— A ghar zemzzegh22 ka. (Isker yan uzemzzegh iddan ar ttemi, ibiddn, izzugaz yan
imikk, ilmma yiliht s yat tkklit.) Ur iga may-ad zund zund. Awa... (Yan imikk.) Gogo …
ESTRAGON (ghlin as idammen s imikk).— Mad illan ?
VLADIMIR.— Is teghrit adllis n Injil ?
ESTRAGON.— Injil… (Ar iswingim.) Uggigh t in yadlli.
VLADIMIR (yuhm).— Gh tinmel n tar Rebbi ?
ESTRAGON.—Ur sul ssenegh is yadlli sul tega tin Rebbi neghd uhu.
VLADIMIR.— Is teghaldt izd abrgir23 ay-an.
ESTRAGON.—Irwas. Kwtigh tiwlafin nw akal ilan tagat gh Falesin. kwlanin. Fulkinin
bahra. Ill24 immutn iga azgzaw iddan sw awragh. Ar yi issagh irifi ghar lligh ar t temnadegh.
Ukan ar ttinigh d ugayyu inu yat tghawsa : ghin as rad neddu ad n gis nezri ayyur negh n
tamment. Rad gis nettcucuf25. Rad n gis nummr ar kigh ka.
VLADIMIR.— Yuf ak yadlli ad tegt amarir.
ESTRAGON.— Hati kkigh tt in gigh t. (Isker yan usillf s umnid n iderbalen nes.) Wah, izd ur
ak fell-i llant tmitar nes ?
Afessas.
VLADIMIR.— Ma ta ghaylli f ar sawalegh… Manik ad n iga udar nek?
ESTRAGON.— Ar ittazzg26.
VLADIMIR.— Yah awa, hati ufigh sul tallast n imakren. Is tt sul tekwtit?
ESTRAGON.— Uhu.
VLADIMIR.— Terit ad ak tt qqisegh27?
ESTRAGON.—Uhu.
VLADIMIR.— Ur ad tessent ar kigh tezri tizi. (Yan imikk.) Gan sin imakren ittuncafen28
gh yat tizi netteni d Bu-tlila lli gan Àisa. Yan…
ESTRAGON.— Manwa ?
VLADIMIR.— Bu-tlila. Sin imakren. Ar ttinin medden yan gisen kad injemn, wis sin…
(Ar isiggil manik a rad yini i wwad ur injemn.)… idda gisent, yagh n arwas.
ESTRAGON.— Ma gh d injem ?
VLADIMIR.— Azizen29.
ESTRAGON.— Rad ddugh. (Ur ar ittmussu.)
VLADIMIR.— Macc….(Yan imikk.) Ma itran30 ar lligh …Yak ur k ssiwzegh ukan?
ESTRAGON.— Ur ar sflidegh.
VLADIMIR.— Ma ijran31 ar lligh agh inna yan gh nger kkuz irumiyen an may-ad. Wah,
llan nit gh iwr an -neghd tisggwin nes- s kkuz itsen. Yan g itsen kad isawln f umakr lli injmn (Yan
20 Sghwasa (avoir besoin)

21 Eg ttemi, ssagh n i urwas
22 Dessa s imikk (sourire)
23 Yan w anaw n ukrrad lli d igwran ghar issggwassen ad zrnin, irwas kra n tghwda izurn tili ixf lli gh illa uqqryal bahra ittbaqqayn,
nufa ad n sis nut kra tghawsa gh mani n yaggugn (roquette)

24 Ilil, agrawal, agiri, icikl (mer)
25 Nged ghw aman (nager)
26 Ar ittbzag, ar ittuff (enfler)
27 Als, àawd (raconter)
28 Ittuskar as zund amazan n Rebbi Àisa lligh tenghan wwid lli t ur felsnin (crucifiés)
29 Igat takat iggutn, macc ar dagh nettini i jahnnama (enfer)
30 Isran, ijran (se passer)
31 isran, itran (se passer)
6
imikk.) Aywa a Gogo, hati iqqan k id, zegh takklit s tayyad, ad yi d terrat takurt igh ak tt in
luhegh.
ESTRAGON.— Ar sflidegh.
VLADIMIR.— Yan gh kkuz lli gan. Gh krad lli ghamanin, sin ur jju t akw bderen. Imma
wis krad, netta, ar ittini is ad dis tezin sin g itsen.
VLADIMIR.— Manik ?
ESTRAGON.— Hann ur sul ssenegh ma illan ura mad ijran…(Yan imikk.) Ar tezin d
mit?
VLADIMIR.— Bu-tlila.
ESTRAGON.—Maxx ?
VLADIMIR.— Acku ur ira ad ten issenjem.
ESTRAGON.— Zegh w azizen ?
VLADIMIR.— Uhu awa ! Zegh tmttent32.
ESTRAGON.— Ma za ?
VLADIMIR.— Ddan gisent sin itsen.
ESTRAGON.— Ukan za ?
VLADIMIR.— Macc wwan ar ittini injem gisen yan.
ESTRAGON.— Awa mayna ? Ad ur nessigwt ghw awal hann ur d ssuckan.
VLADIMIR.— Llan yadlli ghin s kkuz itsen. Macc yan g itsen kad ittinin yan umakr ad
injmn. Maxx ad ten fels33 netta ur nefels wwin yaden ?
ESTRAGON.— Mad t ifelsen ?
VLADIMIR.— Medden akw. Hati ur nessen is llan inghmisen nna ura netteni.
ESTRAGON.— Ighwyal ad gan medden.
Ibidd meqar ur ira, iddu ar isbidir s umnid n ukulis azlmad, ibidd, ar n ismuqqul gh tuguggut, ihba
allen nes s ufuss, yurri d, iddu s ukulis afasi, ar n dagh ismuqqul gh tuggugt. Idefar t Vladimir sw allen, ismun
aduku, yaggw t in, iluh t d ulggud.
VLADIMIR.— Tfu (Issufs ghw akal.)
Yurri d Estragon s tuzzumt w usrir34, ismaql n s uguns.
ESTRAGON.— Ifulki ghid. (Yurri, izzigz ar ibnk nw usrir, ismaql gh ugdud.) Llan madden d
iguyya nesen, bbin fell-as. (yurri d dar Vladimir.) Ad neddu.
VLADIMIR.— Ur as nufa.
ESTRAGON.— Maxx ?
VLADIMIR.— Ar nettqqel s Godot.
ESTRAGON.— Teghwzant. (Yan imikk.) Gh ghid nit ?
VLADIMIR.— Mit ?
ESTRAGON.— As agh d iqqan ad gis nettqqel.
VLADIMIR.— Hati inna tama nw addag (Ar smuqqulen ghw addag.) Is ghid llan medden
yaden ?
ESTRAGON.— Mad iga ghay-ad ?
VLADIMIR.— Irwas yi ammac35.
ESTRAGON.— Mani gh llan ifrawen nes?
VLADIMIR.— Irwas is iqqur ?
ESTRAGON.— Yuda gh imettawen.
VLADIMIR.— Azemz ad ad ur igan wines irwas.
ESTRAGON.— Maxx ad ur ig afdira36?
VLADIMIR.— Afni37.
32 Igh iffagh iman kra n yan, igh sul ur idder, igh igrs, igh iqqur, igh immut (la mort)
33 Igh inna kra n yan awal n tiddt, nna teffugh turda, amen (croire)
34 Asays, neghd gh illi gh tturaren inazuren gh unzghum (scène)
35 Yan w anaw n ummghay neghd tuga lli ttilin ijjigen gh fbrayr d mars, itttef isskiden nes zund izruren …. (saule)
36 Yan w addag lli n ur ittkkesn ttam id metro gh tighzi (arbuste)
7
ESTRAGON.— Afdira.
VLADIMIR.— Mmmm- (Yaywa dagh.). Ma s terit ad t tinit ? Irwas is ur iga ghid agh rad
nmmiggir ?
ESTRAGON.— Yat ukan keyyi, illa fell-as ad ghid yili.
VLADIMIR.— Ur d issighwzan38 is rad d yack ?
ESTRAGON.— Imma igh d ur yucka ?
VLADIMIR.— Nack d dagh azekka.
ESTRAGON.— D nafazn.
VLAIDIMIR.— Irwas.
ESTRAGON.— Ar kigh ukan.
VLADIMIR.— Mit…
ESTRAGON.— Ar kigh d yucka.
VLADIMIR.— Iqqur ul nek.
ESTRAGON.— Nucka d yad id gam.
VLADIMIR.— Uhu, hann tejlit.
ESTRAGON.— Mad nesker id gam ?
VLADIMIR.— Mad nesker id gam ?
ESTRAGON.— Yah.
VLADIMIR.— Rad ggalegh f Rebbi… (Ighlin as idammen.) Ar bedda ttizwirt ar yyi n
teggat turda gh ugayyu inu.
ESTRAGON.— Hati nekka n yad ghid.
VLADIMIR (Ismuql gh tsggwin nes). — Tukz t ghid ?
ESTRAGON.— Ur nnigh may-an?
VLADIMIR.— Ma za ?
ESTRAGON.— Ghik-an nit.
VLADIMIR.— Awa…addag ad…. (ismaql n gh ugdud.)…abluz ad.
ESTRAGON.— Tadwggat ad nit ar ad d yack?
ESTRAGON.— As ixssa a gis nettqqel ?
VLADIMIR.— Inna yi ass nw asamas39. (Yan imikk.) Irwas izd may-an as inna.
ESTRAGON.— Igh tehiyya twwuri.
VLADIMIR.— Hati urigh tizi unmuqqar negh gh kra mani. (Ar isiggil gh ihbucen40 lli ktarnin
s kra igat arras.)
ESTRAGON.— Macc man asamas ? Izd asamas ad nit lligh nella ? Yak ur d aynas41 ad
iga gh ass ad ? Neghd asinas42 ? Neghd asidyas 43?
VLADIMIR.— (Ar ismuqqul tasggiwin nes zund igh inufl, zund igh ttuzmam tizi n unmuqqar gh
mad as issutln) Ur t akw nnigh.
ESTRAGON.— Neghd akwas44.
VLADIMIR.— Ma rad za nesker ?
ESTRAGON.— Igh d yadlli yucka id gam ur d yufi yan, ur nnigh is rad sul yack gh ass
ad.
VLADIMIR.— Macc tennit nit nucka d id gam.
ESTRAGON.— Hann awa aters is jligh. (Yan imikk.) Fess at agh imikk, igh terit?
37 Yan w addag lli dar yat tghara n iflu (arbrisseau)

38 Zàma rad yack meqar illa inna illan
39 Illa mad as ittinin sad (samedi)
40 Igudilen, icelliqen ( poches)
41 Illa mad as ittinin acur (dimanche)
42 Illa mad as ittinin aram (mardi)
43 Illa mad as ittinin sam (vendredi)
44 Illa mad as ittinin amuhad (mercredi)
8
VLADIMIR (s imikk).— Yah righ nit. (Iggawr dagh Estragon. Vladimir, netta, ar ittkka asrir s
tazzla, macc ar ittbddad imikk fadd ad yaf ad n ismaql gh mani n yaggugn. Estragon, netta, yiwit ides. Ibidd
Vladimir gh umnid n Estragon.) Gogo… (Afessas.) Gogo… (Afessas.) GOGO !
Iduy d Estragon, iggwt.
ESTRAGON (ifrk ma s bahra ixwcn aylli gis ilkem).— Gunegh yadlli (Zund igh ar ittzi.) Maxx
lligh ar yi ur ttajjat ad ggwanegh ?
VLADIMIR.— Syafagh imil is ghid gigh ghar nekki d Rebbi45. Ar d ura kra yan yaden.
ESTRAGON.— Wwargegh yat twwargit.
VLADIMIR.— Ad s tt ukan yadlli ur tinit !
ESTRAGON.— Ar tewargaegh…
VLADIMIR.— AD AGH TT UR TINIT !
ESTRAGON (Isillf i umadal).— Ur k Yuda wwad ? (Afessas.) Hann ur ifulki may-ad a Didi.
Ma mu terit ad as qqisegh iberddicen46 inu igh ur iga keyyi ?
VLADIMIR.— Ad n ghaman gh dar-k. Tessent is ur nnigh a amar nesen.
ESTRAGON (Iqqjer).— Illa ma gh ar ttinigh is agh ur yuf igh nengara, kra igat yan g
itengh ilkem asga nes.
VLADIMIR.— Ur ar tddut s maggug.
ESTRAGON.— Ur ad bahra ifulki may-an, is rad akw ixwcn. (Yan imikk.) Yak a Didi
may-an rad bahra ixwcn ? (Yan imikk.) Lligh izil ugharas. (Yan imikk.) Imma afulki n inmudda.
(Yan imikk, iga akw tamella47.) Yak a Didi ?
VLADIMIR.— Irggig uzmz.
ESTRAGON (s tumert48).—- Irggiz uzmz… Irggiz uzmz… (zund igh ar ittwarga.) Ayt Ingliz
ar ttinin irggiiiiig uzmz. Gan medden dar bedda irggiiiiig uzmz. (Yan imikk.) Is tessent tanfust49 n
ggu Ingliz lli iddan s uszdugh n tmksawin50 ?
VLADIMIR.— Yah.
ESTRAGON.— Qqis yi t.
VLADIMIR.— Yuda.
ESTRAGON.— Yan ggu Ingliz iswa ar lligh izemmd, ur sul isfaw amya, iddu s uszdugh
n tmksawin. Tesaqsa t tmghart lli fell-asent illan, tini as is ira tazàrit, tawrast51 neghd
tabazggwaght52. Zzugaz.
VLADIMIR.— YUDA !
Iffegh Vladimir. Inker Estragon, idefur t ar ttmi n usrir. Tasignit53 n Estragon trwas talli iskar walli
ibudrn kra uhyyad. Yurri d Vladimir, izri gh umnid n Estragon, ighrrd asrir, yader iw allen. Izzigz n Estragon
s tama nes, imil ibidd.
ESTRAGON (s imikk).— Terit yadlli ad si tesawlt ? (Ur as d irur Vladimir awal, izzigz n
Estragon s umnid nes.) Is dar-k illa ma yi tinit ? (Afessas. Izzigz dagh imikk.) Ini a Didi…
VLADIMIR (ur d iberrm).— Ur dar-i mad ttinigh.
ESTRAGON (yan uttcbih54 s sat nes).— Tefqqàat55? (Afessas. Yan uttcbih s sat nes.) Asurf !
(Afessas. Yan uttcbih yaden s sat56 nes. Igger as gh ighir.) Wah a Didi. (Afessas.) Fek yi afuss nek ! (Iberrm
d Vladimir.) Ssudem yi agayyu ! (Ur bahra ira Vladimir.) Ad bahra ur iqqar ixf nek ! (Ur sul yugwi
Vladimir. Mssudmen nger atsen. Yitti Estragon s tghurdin.) Tejjit s tiskert !
45 Ur illa d yan, iga awlawal, waz, aslagh (seul)

46 Tiwwargiwin xwcennin, ijijjiwen (cauchemar)
47 Talughi n tasa, tasa (affection)
48 Timlli n ul, tighunert, tadawit, andaz ( joie)
49 Tallast (histoire)
50 Gh illi agh ttilint tiwutmin lli zzenzanin taghssiwin nesen gh kra usun, tazzayfatin, timgganin ( bordel)
51 Tad igan taznagt lli bahra ur imlluln ( brune)
52 Tad mu bahra izggwagh w azzar nes ( rousse)
53 Igh ar iswrud kra n ya ixf nes (mimique)
54 Azmmazzl, ausrif (pas)
55 Igh tella tgudi gh kra n yan, igh as ghlin idamen, ikkuzba ( fâché)
56 Amzizal, amnid, dat, sat, lguddam ( devant)
9
VLADIMIR.— Tigzzal a mu tt cttagh. (Afessas. Ar ittjgi57 Estragon ghw addag s aylli dar-s.)
Ma rad neskar ghil-ad ?
ESTRAGON.— Ad nettqqel.
VLADIMIR.— Macc ma rad nesala lligh ar nettqqel ?
ESTRAGON.— Maxx ad ur nessasmad iguyya negh s tzikert ?
VLADIMIR.— Rad agh yaws may-an ad nessenkr ?
ESTRAGON (irgha).— Ad nessenker ?
VLADIMIR.— D ma t id iwalan yaden ad iga. Inna igh ider ar d gis temghayent
trillawin58. Hati ghay-an af allant igh ar tent d nessakuf. Izd ur akw yadlli illa gh ixf nek?
ESTRAGON.— Ad nessasmad iguyya negh ghil-ghil s tzikert.
VLADIMIR.— Ad nagwl iguyya negh gh kra uskkid ? (Ar n ttazen ghw addag, ar gis
smuqqulen.) Macc aylli zerigh, askkid ad ur nnigh rad isker kra.
ESTRAGON.— Ur gis illa yat igh t nurm.
VLADIMIR.— Awa izwur.
ESTRAGON.— Keyyi a rad izwur.
VLADIMIR.— Uhu awa, keyyi zwar.
ESTRAGON.— Maxx ?
VLADIMIR.— Ur bahra tezdayt zund nekki.
ESTRAGON.— Yah, ghik-an nit.
VLADIMIR.— Ur ssenegh ma s terit ad t tinit.
ESTRAGON.— Swangem awa imikk.
Ar iswingim Vladimir.
VLADIMIR (behhra ubattah ur isawl).— Hati ur ta jju ssenegh ma s terit ad t tinit.
ESTRAGON.— Rad ak t melegh. (Ar iswingim.) Askkid….askkid…(ar ikkat s ifzuzen.)
Ttiqqn ad tessent manik ar rad teskert.
VLADIMIR.— Hati ur sul fell-ak skeregh.
ESTRAGON (meqar ur iri).— Ifssus Gogo -askkid ur irezan- Immut Gogo. Izday Didi -
askkid irezan-Didi ur imun d yan. (Yan imikk.) Imma… (Ar isiggil taguri lli rad d bahra yack d aylli s
ira ad t yini.)
VLADIMIR.— Ur swangemegh gh ghay-nna.
ESTRAGON (lligh yufa).— Wanna izdarn i ma iggutn, rad izdir i ma idrusn.
VLADIMIR.— Is yadlli bahra fell-ak zdayegh ?
ESTRAGON.— Keyyi ad t ittinin. Nekki ur ssenegh. Rad fell-ak izduyegh s yan snat
tkklitin f yat. Neghd mad tent in yazn.
VLADIMIR.— Awa ma rad za nesker ?
ESTRAGON.— Ad ur nesker amya. Yuf gis ghik-an.
VLADIMIR.— Qqel agh ad nezer ma rad agh yini.
VLADIMIR.— Godot.
ESTRAGON.— Teghwzant.
VLADIMIR.— Qqel agh ad zwar nessen mani rad newala.
ESTRAGON.— Gh tsga yaden, hati rad agh yaf ad nut uzzal sigh ta ur ikrem.
VLADIMIR.— Righ ad bahra ssenegh ma rad yini. Ur akw gis yat.
ESTRAGON.— Ma gh t nesaqsa yadlli ?
VLADIMIR.— Ur ghid yadlli tellit ?
ESTRAGON.— Ur sis dulegh.
VLADIMIR.— Ad akw bahra ur trezt ixf nek... Ur d kra n tghawsa ixatrn ad tega.
ESTRAGON.— Yan nw anaw n tutra59.
57 Ar bahra ismuqqul
58 Yan w anaw n ummghay neghd tuga ar ttili gh tama n ill n tuzzumt (mandragore)
59 Igh ar ittsutur kra yan gh Rebbi kra (prière)
10
VLADIMIR.— Yah, ghik-an nit.
ESTRAGON.— Yat tesutert60 mzziyn.
VLADIMIR.— Igh terit.
ESTRAGON.— Ma s za inna ?
VLADIMIR.— Imma s rad izer.
ESTRAGON.— Is ur yufa ad ittkffel s yat.
VLADIMIR.— Ma s t id iqqan ad iswangem.
ESTRAGON.— Igh t ur issiwz yat .
VLADIMIR.— Ad izer d ayt dar-s.
ESTRAGON.— Imddukkal nes.
VLADIMIR.— Imawasen nes.
ESTRAGON.— Inmyura61 nes.
VLADIMIR.— Arraten nes.
ESTRAGON.— Iqariden nes gh illi gh tenin ihba.
VLADIMIR.— Ur ta inna ma rad isker.
ESTRAGON.— Yah, ghik-an nit.
VLADIMIR.— Yak a ?
ESTRAGON.— Irwas yi.
VLADIMIR.— Ura nekki.
Asunfu.
ESTRAGON (ihennq sis uzmz).— Imma nekkni ?
VLADIMIR.— Is issusm ?
ESTRAGON.— Hati nnigh ak, imma nekkni ?
VLADIMIR.— Ur ssinegh ma terit ad t tinit ?
ESTRAGON.— Ma gis tega twwuri negh ?
VLADIMIR.— Tawwuri negh?
ESTRAGON.— Ad bahra ur tehmuqqit.
VLADIMIR.— Tawwuri negh ? Tin wwad ittzawagn62.
ESTRAGON.— Telkem akw gis ghinna !
VLADIMIR.— Argaz dar-s tifadiwin63 lli s ira ad tent ismd?
ESTRAGON.— Ur akw sul dar-negh izrfan ?
Ar idessa Vladimir, imil ibidd s yat tkklit. Ar dagh iskar ghiklli, macc ur ar sul ittcmmah64.
VLADIMIR.— Rad yi tesadsat igh yi tujjit.
ESTRAGON.— Nejla ten ?
VLADIMIR (sw awal bahra ifrnen).— Nudder ten.
Afessas. Ghaman ur ar tmussun, ifassen deren, iguyya f idmaren, kwnan s imikk.
ESTRAGON (s imikk).— Ur nemmezdi (Yan imikk.) Yak ?
VLADIMIR (yall afuss).—Eg d amzzugh nek !
Ar sfliden, ar skaren zund igh ittusgharen.
ESTRAGON.— Ur ar sflidegh i yat.
VLADIMIR.— Ccct ! (Ar shssun. Immjdawl Estragon imikk ad ider. Yamz gh ufuss n Vladimir
lli ittdudun65. Ar sfliden, yan gh tama yan, ar smuqqulen gh inger atsen.) Ura nekki ur ar sflidegh i yat.
Ar sggunfusen. Trrehen, bbin fell-as. Ar ittaggug yan nsen f yan.
ESTRAGON.— Tessiwdt yi.
VLADIMIR.— Is nnigh izd netta.
60 Igh ar ittsutur kra n yan kra (supplique)

61 Wwid lli isnifil en, lli snnfekan tirra, tibratin neghd man zund ghik-an.
62 Wwad ittsuturn bahra, ar ishurmut (supplier)
63 Tiwtlin (conditions)
64 Zemzzgh, zmumi (sourire)
65 Igh ar izzigiz kra n yan ar ittddu s ghid d ghin, ar itmjdiwlliw (chanceler)
11
VLADIMIR.— Godot.
ESTRAGON.— Awa ! Ijiwwi ittsudn gh ughalim.
VLADIMIR.— Ghaldegh izd isduhyuten ay-an.
ESTRAGON.— Maxx ar isduhyu ?
VLADIMIR.— Ar isduhyu iw ayyis nes.
Afessas.
ESTRAGON.— Ad neddu.
VLADIMIR.— S mani (Yan imikk.). Id ad irwas rad dar-s nens, negwin ghw alim, gh
trqqa, gh tizzu66, necc nit ar kigh nejjawn. Hiyya ad nettqqel. Yak ?
ESTRAGON.— Ur d ar azal.
VLADIMIR.— Macc tella nit sul tafukt.
Afessas.
ESTRAGON.— Yagh yi laz
VLADIMIR.— Is terit yat txizzut ?
ESTRAGON.— Ur illa kra yaden ?
VLADIMIR.— Llant dar-i kra n trkemin.
ESTRAGON.— Fek yi d yat txizzut. (Ar isiggil Vladimir gh uhbuc nes ar lligh yufa yat trkkimt
ifek tt in i Estragon). Tanmmirt. (Ibbi gis. Ar ismummuy.) Tarkkimt ay-ad !
VLADIMIR.— Ah, asurf ! Hati nnigh izd taxizzut ay-an. (Ar dagh isiggil gh ihbucen nes, macc
ur n gis yufa abra tirkmin.) Ghay-ad tirkmin ad akw iga. (Ar sul isiggil.) Hati teccit yadlli talli
iggwran. (Ar isiggil) Qqel, hati ufigh tt. (Yusi d yat txizzut ifek tt in i Estragon.) Hak a gwma inu.
(Isffed s tt Estragon s ufuss n aylli ilesa, isfal67 ar tt ictta.) Rar yi d tarkkimt. (Irar as Estragon tarkkimt.)
Ad s tt ur tecct s tazzla, hati ta nna ka sul illan.
ESTRAGON (ar ittfzza).— Hati saqsagh k.
VLADIMIR.— Aah.
ESTRAGON.— Is yi d trurt asurri ?
VLADIMIR.— Is temmim txizzut nna nek ?
ESTRAGON.— Aylli ka gis tesker tadefi.
VLADIMIR.— Ifulki, ifulki. (Yan imikk.) Mad terit ad t tessent ?
ESTRAGON.— Is akw ttugh. (Ar ittfzza) Ghay-an ad yi issiwizn. (ar ittqzzaz gh txizzut, ar
tt ittall s ignna s ixf n idudan.) Temmim txizzut ad nek (Ar tt issumum gh ixf nes.) Hati kwtigh t id sul
(Ibbi gh txizzut.)
ESTRAGON (iktar imi nes, ur akw idul).— Ur nettukraf ?
VLADIMIR.— Ur ar sflidegh i yat.
ESTRAGON(ar ittfzza, izàlulf).— Righ ak saqsagh is nettukraf.
VLADIMIR.— Nettukraf ?
ESTRAGON.— Nettu-kraf.
VLADIMIR.— Manik nettukraf ?
ESTRAGON.— Gh ifassen d idarren.
VLADIMIR.— D mit ? Mad agh ikrefen ?
ESTRAGON.— D urgaz lli nek.
VLADIMIR.— D Godot ? Nettukraf d Godot ? Ma ta taswingmt ad ? Ur jju illa may-an
ura ikka t in ! (Yan imikk.) Ur ta.
ESTRAGON.— Assagh68 nes igat Godot ?
VLADIMIR.— Irwas yi.
ESTRAGON.— Hak awa ! (Yuggl aylli sul ighaman gh txizzut gh ifrawen, ar tt isbrram gh umnid
nw allen nes.) Ma gh ittuham yan ay-ad, mek-nna s ar tt cttagh, ur ar sul ttimim.
66 Awr nna izwan, iqqurn, ur gis adu nw aman ka (sec)

67 Issenti, ibda (commencer). Taguri ad ar tt ukan sul ttinin w Actuken gh tuzzumt n Suss
68 Ism (nom)
12
VLADIMIR.— Ur ad inigh mek-nna.
ESTRAGON.— Manik za zàma ?
VLADIMIR.— Ar ttimyuregh imikk s imikk.
ESTRAGON (iswangem mad iggutn).— May-ad as tennit ?
VLADIMIR.—- Taghawsa n uàqqul69 nes.
ESTRAGON.— Neghd taghara70 nes.
VLADIMIR.— Ur gis nessugr yat.
ESTRAGON.— Meqar igh ar ka nettmussu.
VLADIMIR.— Rad bedda neghama nega meklli nega.
ESTRAGON.— Meqar igh ar bedda nettmuttul.
VLADIMIR.— Aguns ur ad infel71.
ESTRAGON.— Ur gis mad ittuskarn. (ifek n aylli d yagurn gh txizzut i Vladimir.) Terit ad s
tt tehyyut ?
Iqqes kra i tghuyyit gh mani n ur yaggugn. Irzem Estragon i txizzut. Bidden, azzelen s ukulis. Ibidd
Estragon gh tuzzumt n ugharas, yurri d, yasi taxizzut, ig tt in gh uhbuc, yazzl s Vladimir lli sis ittqqeln, ibidd
dagh, yurri d, yasi aduku nes, yazzl ad n ilkem Vladimir. Gen tiwwa i ingeratsen, iguyya f ighariwen, ttun
azddu72, ar ttqqelen.
Ikcem d Pozzo d Lucky. Igli Pozzo Lucky s tzikert gh umggred. Ghay-an af n zwar unnin Lucky lli
ijbudn tizikert. Lligh illa gh tuzzumt n usrir, behhra Pozzo, netta, ar d ittffagh d ukulis. Yasi Lucky yat
tsufra73 bahra izdayn, yan uzya74, yat taryalt d yan uznnar75 (gh ufuss); Yasi Pozzo yan utru.
POZZO (gh ukulis).— Ttiqqen a ! (Tadiwt76 n utru. Pozzo yugga d. Bbin asrir77. Izri Lucky gh
umnid n Vladimir d Estragon, iffegh. Pozzo, lligh izera Vladimir d Estragon, ibidd. Tizikert ar temun. Ijbed s
tt Pozzo s ma dar-s illan.) Urri tighurdin ! (Dday n tduri. Lucky ad idern d taggwat78 nes. Ar gis ittqzzaz
Vladimir d Estragon, ar asen ittini yan ixf ad ddun ad as awsen, yan yaden ar asen ittini uhu. Isker n
Valadimir yan uttcbih s umnid n Lucky, yamz t Estragon gh ufuss n tmlesit nes.)
VLADIMIR.— Rzem yi !
ESTRAGON.— Amez yat tsga.
POZZO.— Hann hann ! Hati icqa bahra (Ar gis ismuqqul Estragon d Vladimir.) d ayt berra.
ESTRAGON (s imikk).— Netta ay-ad ?
VLADIMIR.— Manwa ?
ESTRAGON.— Rad nezer ...
VLADIMIR.— Godot ?
ESTRAGON.— Yah.
POZZO.— Ha yi rad awen melegh mad gigh : Pozzo.
VLADIMIR.— Uhu.
ESTRAGON.— Hati Godot as inna igat.
VLADIMIR.— Uhu awa.
ESTRAGON (i Pozzo).— Ur tegit Godot a argaz ?
POZZO (iqqjr79 sisen bahra).— Pozzo ad gigh ! (Afessas.) Ur ar awen d iskwtay w assagh ad
yat (Afessas.) Izd awi ur ar awen d iskwtay w assagh ad amya ?
Ar smmqsan Vladimir d Estragon ingeratsen sw allen.
ESTRAGON (isker zund igh ar iswingim).— Bozzo… Bozzo…
69 Aylli f yiwi kra n yan ( tempérament)

70Aylli f iqqur kra n yan ar t sis tssen medden (caractère)
71 Sker neghd eg taghawsa yadn, badl (change)
72 Igh ar tent ittgalla kra w ufgan gh wayyad, ar t itthuddu, ar t isdiddi ( menace)
73 Asgers lli gh ar ittgga unmuddu ihdumen d ibrdan nes (valise)
74 Iga t tghwasa lli f tskkuyusen medden, ar ttuskar gh iflu neghd uzzal (chaise)
75 Iga t yat tmlesit n irumiyen lli irwasn kra uslham (manteau)
76 Adida, tadiwt, aziza... (bruit)
77 Gh illi gh ar tturaren inazuren neghd isuniyen gh unzgum (scène)
78 Tasayt lli iga gh ifassen nes (charge)
79 Isqqurri d sisen allen, isker d sisen allen zggwaghnin
13
VLADIMIR (ura netta).— Pozzo…
POZZO.— PPPOZZO !
ESTRAGON.— Ah ! Pozzo... wah awa … Pozzo…
VLADIMIR.— Izd Pozzo neghd Bozzo ?
ESTRAGON.— Pozzo…hann ur k ssenegh.
VLADIMIR (ar iskar iw aman manik ad zrayen).— Ssenegh kra medden ar asen ttinin
Gozzo. Ma-tsen ar tegnnu zund ka mit.
Ar n izzigiz Pozzo, ar izddu80.
ESTRAGON (d ulggud).— Hati i Rebbi ur nega ayt ghid.
POZZO (ibidd).— Meqar d ghik-an tegam medden (ar n ittgga tisumqqal81 nes.) s aylli zerigh.
(Ikkes tismuqqal nes.) Zund ukan anaw inu. (Ibbaqqi s tadsa.) Zund anaw n Pozzo ! Anaw an d ikkan
dar Rebbi !
VLADIMIR.— Zàma mit...
POZZO (s yat tkklit).— Mad igan Godot ?
ESTRAGON.—- Godot ?
POZZO.— Teghaldm izd Godot ad gigh ?
VLADIMIR.— Uhu i Rebbi, ur jju nenna may-an meqar d ghar yat tkklit ka.
POZZO.— Mad iga ?
VLADIMIR.— Awa, hati yan… gh willi nessen.
ESTRAGON.— Uhu… ur ta t akw bahra nessen.
VLADIMIR.— Yah awa... ur ta t akw bahra nessen...macc meqar d ghik-an...
ESTRAGON.— Nekki, gh tsga inu, ur ad skarksegh, hann ur rad t akw akwzegh.
POZZO.— Teghaldm izd netta ad gigh.
ESTRAGON.— Zàma mit…. tillas… tarmmuyt… ahfufu… tuqqla…ar
teqqrrugh…ghaldegh… yan imikk…
VLADIMIR.— Ad as ur tesflidm i Rebbi, ad as ur tesflidm !
POZZO.— Tuqqla ? Hiyya ar ukan sis teqqelm ?
VLADIMIR.— Zàma mit…
POZZO.— Gh ghid ? Ghw ayda inu ?
VLADIMIR.— Ur nega mad ixwcn gh iguyya negh.
ESTRAGON.— Ur gisen ghar afulki d gwma-s
POZZO.— Agharas iga akw win medden.
VLADIMIR.— Hati ghik-an yadlli kad nettini.
POZZO.— Asdesu ay-ad, macc ma dar-negh illan ad t nesker.
ESTRAGON.— Ur gis nessugr yat.
POZZO (isker yan usillf meqqurn).— Ad sul ur nesawal f may-ad. (Ar ijbud tizikert.) Nker a !
(Yan imikk.) Kra igat takklit nna ider, ar t ittawi ides. (Ar ijbud tizikert.) Nker a midrus ad a ! (taduyt
n Lucky lli inkkern, ar ismuna taggwa nes. Pozzo, netta, ar ukan ijbudd tizikert.) Tighurdin a ! (Ikcem d
Lucky s tghurdin.) Yuda ! (Ibidd Lucky.) Berrm a ! (Iberrm Lucky. I Vladimir d Estragon lli n iqil.) Hati
bbigh fell-as lligh kun mmaggaregh a imddukkal inu. (Ar gis smuqqulen, fissen.) Yah awi, hati is akw
bahra xaxagh, tekcem yi tumert iggutn. (Ar ijbudd tizikert.) Az d sul ! (Izzigz n Lucky.) Yuda ! (Ibidd
Lucky, I Vladimir d Estragon.) Tezer am, ar ittighzif ugharas igh ur illi usmun…(ar ittaggwa
tintizi82nes.) … (ar ittsidin)…sdist tsqqulin, yah, ghik-an nit, sdist tsqqulin medefarnin, igh jju ur
nemmaqqar kensis ka. (I Lucky.) Aznnar ! (Isers Lucky tasufra, izzigz n, ifek as n aznnar, yurri, yasi
dagh tasufra.) Amz may-ad. (Ifek as n Pozzo atru83, izzigz Lucky, lligh sul ur yufa ad yasi yat s ifassen, iknu
yasi atru s imi, yurri. Isfal Pozzo ar ilessa aznnar nes, ibidd.) Aznnar ! (Isres akw Lucky ma yusi, izzigz,
yaws i Pozzo ad iles aznnar nes, yurri, yasi akw dagh taggwat lli.) Ikrem ghid. (Is akw iqqen tiwuckinin n
uznnar nes, iknu, yaggw ixf nes, ibidd.) Atru ! (Izzigz n Lucky, iknu, ikkes as Pozzo atru gh imi, yurri
80 Igh ar tent ittgalla kra n yan gh wayyad, ar t itthuddu, ar t isdiddi ( menaçant)
81 Medden lli bahra ur sfawnin ar n teggan tismuqqal n izri (lunettes)
82 Taghawsa lli n nettgga gh ufuss ar agh temmal menck ad illan neghd man tasqqult ad ilkemn ghw ass ( la montre)
83 Asuwwad, taghamt, azfl, azllif (fouet)
14
Lucky tighurdin.) Is tezeram a imddukkal inu, ur ufigh ad n felegh gh tamunt n willi igan zund
nekki, (ar ismuqqul gh willi trwasnin.) ura willi yi bahra ur irwasen. ( I Lucky.) Azya ! (Isres Lucky
tasufra d taryalt, izzigz, irzem taryalt. Ar ismuqqul Pozzo gh uzya.) Itti d sul ! (Isres Lucky tasufra d
taryalt, izzigz, ismatti azya, yurri tighurdin, yasi dagh tasufra d taryalt. Iskkus Pozzo, isres ixf n utru nes gh
iggi idmaren n Lucky, ar idhhi.) Tighurdin a ! (Yurri Lucky tighurdin.) Aywa sul. (Yurri dagh Lucky
tighurdin.) Yuda ! (Ibidd Lucky. I Vladimir d Estragon.) Igh teram hati ghay-an af rad n ackegh ad
diwen ggawregh imikk, ur ta dagh fekigh adar iw akwal n Rebbi. (I Lucky.) Taryalt a ! (Izzigz
Lucky, ifek as n taryalt, yurri tighurdin.) Hati adu n berra ar iskar laz. (Irzem taryalt, yasi d gis yat tbrzzuyt
n tfyyi n ufullus, ubbic n ughrum d yat tarddumt n unziz84. I Lucky.) Taryalt a ! (Izzigz Lucky, yasi taryalt,
yurri tighurdin, iàrrc.) Itti n sul a ! (Yurri Lucky tighurdin.) Ghinna ! (Ibidd Lucky.) Izzumma. (Ar issa
zegh trddumt.) Ad fulkin ussan. (Isres tarddumt ar nit ictta.)
Afessas. Ar d ttili tgizult85 imikk s imikk gh Estragon d Vladimir, berrmen i Lucky, ar t teggusen
gh kra igat tasga. Ibbi Pozzo ma iggutn gh tfyyi n ufullus, ar ittluh ixsan igh asen issumm adif. Ar iknnu Lucky
imikk s imikk, ar kigh as tegger tsufra iw akal, ibbid s yat tkklit, yaywa dagh ar iknnu. Zund kra n yan lli
ittasn ibidd.
ESTRAGON.— Mad t yaghn ?
VLADIMIR.— Iga zund igh irmi.
ESTRAGON.— Maxx lligh ur isres taggwat lli ukan issili ?
VLADIMIR.— Is za ssenegh ? (Ar t teziyyarn imikk s imikk.) Hann hann !
ESTRAGON.— Imma igh sis nesawl ?
VLADIMIR.— Zer yi ghay-ad .
ESTRAGON.—Mit ?
VLADIMIR (ar immal).— Tahjjamt nes.
ESTRAGON (ar ismuqqul gh thjjamt nes).— Ur ar ttannayegh amya.
VLADIMIR.— Acki d s ghid.
Iddu Estragon s gh illi gh yadlli ibidd Vladimir.
VLADIMIR.— D ghiya.
ESTRAGON.— Hati tizikert ay-an.
VLADIMIR.— Ar t teslay.
ESTRAGON.—Ma ra za teskert.
VLADIMIR.— Hati tammukrist ay-an.
ESTRAGON.—Icqa may-an.
Ar t dagh teggusen, qqezzen gh udm nes.
VLADIMIR.— Ur t akw yagh yat.
ESTRAGON (yall ighariwen, ismmjger).— Zàma ?
VLADIMIR.— Irwas yi zund kra n trbat.
ESTRAGON.— Ar ismrmur86.
VLADIMIR.— Is t ka isghwi i ugayyu nes.
ESTRAGON.— Ar isluffu87.
VLADIMIR.— Hati irwas is iga kra n umkuf88.
ESTRAGON.— Kra n baqffa89.
VLADIMIR (ismussu n agayyu).— Irwas izd kra n uhelhul90 ay-an.
ESTRAGON (isker ghik-an ura netta).— Ur t akw nnigh.
VLADIMIR.— Ar isinklil91.
84 Aman smmumnin (vin)
85 Tacamrart, tamkkurart, talàandut (courage)
86 Skar imrmuren (baver)
87 Skar iluffan (écumer)
88 Wwad bahra ur ittafn anli, lli ur icremdn (idiot)
89 Kra n ufgan idduqrn, lli bahra ur ittafn làaqql nes (cretin)
90 Yan w anaw gh tmadunt, ar ittgga abzzag, ar bahra ittuff. Ar ittili gh izddar umggred ( goitre)
91 Igh ar bahra isunfus kra n yan acku ighli d tsawnt, d iskwfal neghd yuzzl (haleter)
15
ESTRAGON.— Hati ghik-an yadlli iqqan t id.
VLADIMIR.— Imma allen nes !
ESTRAGON.— Ma ten yaghen ?
VLADIMIR.— Ar d teqquqint.
ESTRAGON.—Nekki, aylli unnigh, is akw ar ittmtat.
VLADIMIR.— Ur t nnigh. (Yan imikk.). Saqsa t.
ESTRAGON.—Mad awa tennit ?
VLADIMIR.— Ur n akw gis nega yat ?
ESTRAGON (yader i ixf dw awal).— Wa argaz…
VLADIMIR.— All ghw awal nek.
ESTRAGON (yall sul ghw awal).— Wa argaz…
POZZO.— Ajj at t awa ! (Berrmen s tsga n Pozzo, lli iqqadan gh tirmt, ar isfud imi s tsga n
ufuss.) Izd ur as akw teferkm ? Hati ira ad isunfu (Idi d assbsi nes, isfal ar t ikttur. Izera Estragon ixsan
n ufullus ghw akal, ar ten ictta sw allen menck. Issender Pozzo yan uqarcad92, yaywa ar sis issergha assbsi nes.)
Taryalt ! (Lligh ur ar ittmussu Lucky, iluh Pozzo aqarcad s imnusen ar ijbud tizikert.) Taryalt a ! (Imikk ad
ider Lucky, ibidd s tiddi lli mu tt ila, izzigz, isres n tarddumt gh taryalt, yurri s gh illi gh yadlli illa, isker dagh
meklli s tt in ikka. Ar ittqzzaz Estragon gh ixsan, issender Pozzo yan uqarcad yaden, issergh assbsi nes.) Ma
za teram, hati ur d tawwuri inu ay-ad. (Issum n yat tjughmit93, izzl idarren.) Ah ! yuf ukan gis ghik-ad
ghiklli .
ESTRAGON (s tuctal94).— I Rebbi a argaz…
POZZO.— Ma terit ?
ESTRAGON.—Hmmm… ur ar sul tecttat… hmmm… ur sul terit… ixsan… i Rebbi a
argaz ?
VLADIMIR ( ghlin as idammen).— Ur tufit ad teqqelt ?
POZZO.— Uhu, uhu, ghay-an ikka yadlli afella. Imma is righ ixsan ? (ar ten ismussu s ixf
n utru nes.) Uhu ur ten sul righ. (Isker n Estragon yan uttcbih s ixsan.) Macc…(Ibidd Estragon.) Ixsan
gan yadlli win umasay. Netta as ixssa ad tesaqsa t ur d nekki. (Isurri Estragon udm nes s tsga n Lucky,
ar ittrkkak.) Macc saqsa t, saqsa t, ad ur tiksudt, rad ak t yini.
Iddu Estragon s tama n Lucky, ibidd gh umzizal nes.
ESTRAGON.— Wa argaz… surf yi i Rebbi, wa argaz…
Ishel Lucky, ur ukan inna yat. Ar ikkat Pozzo s utru nes. Yall Lucky ixf nes.
POZZO.— Hati ar sik sawalen medden a ilf ad a ! Aywa rar d awal (I Estragon) Aywa.
ESTRAGON.— Surf yi a argaz, is terit i Rebbi ixsan ?
Iqqzz Lucky gh Estragon mad iggutn.
POZZO (tekkat tumert iggutn).— Wa argaz ! (Yudd Lucky i ixf.) Rar d awal ! Is ten terit
neghd uhu ? (Afessas n Lucky. I Estragon.) Hati winek ad gan, asi ten. (Ider n Estragon f ixsan, ismun
ten, isfal ar ten ittknkar.) Ur gis myaregh ghik-ad. Hati takklit izwarn ay-ad igwi ixsan. (Ar ismuqqul
gh Lucky, ur terit i yat95.) Ad yi ka ur isker zund igh t dagh yagh kra. (Issum n yat tjughmit gh ussbsi nes.)
VLADIMIR (yut s ifzuzen).— Hati asdesu ay-ad.
Afessas. Yuhm Estragon, ibidd ur ar sul ittknkar ixs, ar ismuqqul gh Vladimir d Pozzo, yan s yan.
Ifiss bahra Pozzo. Ar ittnnukmu Vladimir uggar f uggar.
POZZO (i Vladimir).— Mad ukan terit ad fell-as tesawlt ?
VLADIMIR (ar ittittiy96 macc issen nit ma rad yini).— Wanna iskarn ghik-an i kra n yan
yaden… (isker asillf s tsga n Lucky) ur nnigh iga …afgan…uhu…hati medden ur ar skaren man
zund ghik-an !
ESTRAGON (ira ura netta ad yini awal nes).— Acmuti97ay-an ! (Yaywa dagh ar ittknkar.)
92 Aylli s ar nessergha takat ( allumette)

93 Igh n issumm ukmmay aggu s turin nes (bouffée)
94 Akrukd, tilluzt, adr w allen, lhcmat (timidité)
95 Igh ur illa kra d lxater nes, ihul, yuhl ( inquiet)
96 Igh ar isawal ufgan imil ijlu, ur sul issen ma rad yini (bafouiller)
97 Afàrur, aqquffi (scandale)
16
POZZO.— Hann awa tecqqam bahra. (I Vladimir.) Menck n ussggwass a dar-k illan,
meqar ur ifulki wanna isqsan f man zund tighawsiwin an ? (Afessas.) Krad ignaren98 ?…Krad
ignaren d mraw ?… (I Estragon.) Menck as tennit rad dar-s yili n ussggwass ?
ESTRAGON.— Saqsa t.
POZZO.— Ur ar tehbugh99 yat. (Yut s ussbsi nes f iggi utru fadd ad t id issus, inker.) Rad
kun felegh. Ar kun snimmiregh lligh di teggawrm. (Ar iswingim.) Abra igh rad sul diwen kmigh yan
ussbsi. Mad n gis tunnim ? (Ur gis nnan yat.) Hati ur gigh amr yan ukmmay mzziyn, wwad akw
mzziyn, meqar ur myaregh ad kemmigh sin issbsiten medfarnin, may-ad (yawi afuss s iggi ul nes) ad
ismussun ul inu. Hati nnikutin100 ar tt nessumum meqar ur nera. (Ar isggunfus.) Ma za teram.
(Afessas.) Macc irwas is ur tegam ikmmayen. Neghd ààad ? Uhu ? Ghay-an ura akw yadlli bahra
ixatr ura imqqur. (Afessas.) Manik za a rad skeregh ad skkusegh s imikk ghil-ad lligh yad nkeregh ?
Ad ur skeregh zund – manik rad inigh- igh kwnigh ? (I Vladimir.) Ma tennit keyyi ? (Afessas.)
Haqqan is ur tennit amya? (Afessas.) Ur iga may-an yat. Mit za… (Ar iswingim.)
ESTRAGON.— Ah ! Yuf gi ghik-ad ghiklli . (Iluh ixsan)
VLADIMIR.— Ad neddu.
ESTRAGON.— Yad ?
POZZO.— Qell imikk ! (Ijbed tizikert.) Azya ! (Ar t immal s utru nes. Ismatti Lucky azya.) Ur
ta ! Ghid ! (Iskkus dagh. Yurri Lucky s tghurdin, yasi dagh tasufra d taryalt.) Hayyi ggiwregh dagh ! (Isfal
ar dagh ikttur assbsi nes.)
VLADIMIR.— Ad neddu !
POZZO.— Ma za issen yak ur d nekki ad giwen izzan ? Skkus at sul ghar imikk, hati ur
ad kun gis tigwriz.
ESTRAGON (ighald is rad yamz kra n tkuti101).— Hati tella dar-negh tizi.
POZZO (issrgha assbsi nes).— Wis sin, netta, ur ad jju ig (Ikkis d assbsi gh imi nes, ar gis
ittqzzaz.) zund walli izwarn. (Ig n dagh assbsi gh imi nes.) Meqar d ghik-an hati illan nit.
VLADIMIR.— Rad ddugh.
POZZO.— Ur sul inna a amar inu. Hati ssenegh nit is bahra gi ur tella tmella, macc righ
ad ssenegh, izd may-an ad d yiwin lligh rad tddut ? (I Vladimir.) Swangem igh ta ur teskert mad k
ittigwrizn. Igh teddam ghil-ad, lligh sul tella tifawt, acku meqar d ghik-an tella nit sul tafukt. (Ar
akw smuqqulen s krad itsen gh ignna.) Ifulki. Macc imma za –(ikkis d assbsi nes gh imi, ar gis ismuqqul) –
xsigh- (Issrgh dagh assbsi nes)- lligh... lligh... teskerm anmuqqar nnun d walli… Godet… Godot…
Godin… (afessas)… hati tessenm ma f righ ad fell-as sawlegh, walli lligh n ikur102 imal nnun
(afessas)… lli n bahra ur yaggugn.
ESTRAGON.— Ighwzan.
VLADIMIR.— Manik as tessent ?
POZZO.— Hati ar dagh si isawal ! Saggwm ka keyyi, hati rad sul nettmyiri.
ESTRAGON.— Maxx lligh ur isres taggwat lli ukan yusi.
POZZO.— Ura nekki rad bahra iligh d ugayyu inu igh t mmaggaregh. Mek-nna s ar
temiggiregh medden ar ttifjijegh. Afgan lli s akw tennit ur iga yat, iqqan d ad agh imel kra, ar
ttimghur tuwssna negh, ar bahra nesyafa tumert negh. Ma issen (ar gisen ittjjg yan s yan, fadd ad
ssenen ma illan d ma f yiwi.), rad ukan giwen awigh kra n tifawt.
ESTRAGON.— Maxx lligh ur isres taggwat lli ukan yusi.
POZZO.— Macc hann ur akw nnigh yat.
VLADIMIR.— Hati nefeka awen yan usqsi.
POZZO (ibbi fell-as).— Yan usqsi ? Manwa ? Manwa ? (Afessas.) Yan imikk ay-ad ar yi
tesuhurmut, ar tergigiyt. Ghil-ad ar yi takkat isqsiten. Hann awa ghay-ad rad yini kra.
VLADIMIR (i Estragon).— Irwas yi is ar ak isflid.
98 Sin imrawen, àcrin ( vingt)

99 Hdu, ssentl, rges (être discret)
100 Yat tghawsa lli ittilin gh tabaghgha (tabac), igh t imyar ufgan, ar ittcqqu ad s tt ifel (Nicotine)
101 Asfek lli nezlay i kra n yan nna isghawsan, nna ur ittafn yat acku yut zzeld (aumône )
102 Ighama n gis, igh ur illa ur ad tili (dépendre)
17
ESTRAGON (lli dagh ittsutuln i Lucky).— Mit ?
VLADIMIR.— Tufit ad tesaqsa t ghil-ad. Hati issen ma illan.
ESTRAGON.— Ma gh rad t za saqsagh.
VLADIMIR.— Maxx lligh ur isres taggwat lli ukan yugwl.
ESTRAGON.— Mlad is ka ufigh ad ssenegh.
VLADIMIR.— Saqsa t awa za.
POZZO (iga n bahra amzzugh nes s mad ittunnan, acku iksud ad ittu asqsi).— Tesaqsam yi
maxx lligh ur isres taggwat ?
VLADIMIR.— Yah.
POZZO (I Estragon).— Izd nit tessuckam ?
ESTRAGON (ar sul ittsutul i Lucky).— Ar isggunfus zund kra nw aghwi nw aman103.
POZZO.— Rad awen inigh ma illan. (I Estragon) Macc kuwwn104 at, gigh n siwen udm n
Rebbi, hati ar yi tessaqlaym idammen s mek-nna lli ukan teskarm.
VLADIMIR.— Acki d s ghid.
ESTRAGON.—Mad illan ?
VLADIMIR.— Rad isawl.
Bidden ur ar temussun, yan gh tama yan, ar teqqelen.
POZZO.— Ifulki. Is d akw si tedulm. Ar akw gi tesmuqqulm. (Ar ittqzzaz gh Lucky,
ijbed tizikert. Yall Lucky ixf.) Smaql gi a ilf ad a ! (Lucky ar t ismuqqul.) Ifulki. (Ig n assbsi gh uhbuc nes,
idi d yat trddumt105 nw aman jjanin, ig ten in i taqqayt nes, irar dagh tarddumt s uhbuc nes, isaxaxxi, issufs,
yasi dagh tarddumt, ig n dagh aman jjanin i taqqayt nes, irar tt dagh s uhbuc nes.) Hati hiyyelegh d siwen.
Ar yi akw tesflidm ? Is d tegam amzzugh a wi ?(Ar ittqzzaz gh Lucky, ijbed tizikert.) Zzigz a (Izzigz
Lucky.) Ghid ! (Ibidd Lucky.) Is akw tehiyylm ? (Ar gisen ismuqqul s krad d itsen, iggwra s Lucky, ar
ijbud tizikert.) Mit za ? (Yall Lucky ixf nes.) Ur bahra hmelegh ad ka sawalegh ghik-an ka. Ifulki.
Aywa. (Ar isiwingim.)
ESTRAGON.— Rad ddugh.
POZZO.— Ma gh yi ukan yadlli tesaqsam ?
VLADIMIR.— Maxx lligh…
POZZO (yut s ifzuzen).— Ad yi ur tebbim awal awi ! (Ifiss yan imikk. Ishel.) Igh ar akw
nesawal s yat takklit, ur sar iffagh umya. (Ifiss yan imikk) Ma ta ghaylli s ar ttinigh ? (Ifiss yan imikk.
Yall gh taqqqayt nes.) Ma ta ghaylli s ar ttinigh ?
Ar isignit106 Vladimir wwad lli ukan yusin taggwat bahra izdayn. Ar gis ismuqqul Pozzo, ur akw
issen ma illan.
ESTRAGON (s tdusi).— Taggwat n ihdumen ! (Ar tt immal Lucky s udad nes.) Maxx tusit s
tt bedda ? (Isker zund wad lli ikwnan, ar isinklil) Ur jju tt isres. (irzem ifassen, ibidd zund kra lli isunfan)
Maxx a ?
POZZO.— Ah ukan ! Ixssa ad yi t yadlli tinit zikk. Maxx lligh ur iterrh107, isker zund
igh illa gh tgemmi nesen. Zer at agh mad illan. Maxx ur dar-s gis azrf ? Ààad. Awa hiyya is ur ira
? May-ad iga aylli s ixssa ad t ig. Maxx lligh ur ira ? (Ibidd yan imikk.) Hati rad awen tinigh a
medden.
VLADIMIR.— Hann hann !
POZZO.— Ira yi iml is izdar, fadd ad bedda di ighama.
ESTRAGON.— Mit ?
POZZO.— Irwas is bahra ur tessenm ma s righ ad t inigh. Ira ad yi isarks fadd ad dis ur
ngaragh. Uhu, ur akw nnigh izd ghik-an.
VLADIMIR.— Terit ad t in tesitti t ?
POZZO.— Ira ad s tt gi isker, macc ur ad dar-i isfal.
103 Iga yan umdr idnan bahra, ar ittili ghar ghw aman kremnin bahra (phoque)
104 Ifiss, iskken, istteh, izga, ur ar isawal ura ar ittmussu, yumz yat tsga (calme)
105 Talbttat (vaporisateur)
106 Igh ar iskar kra n yan wayyad (mimer)
107 Wanna f d ka teffi tudert, ur sul dar-s kra ummukris ura kra unzgum ka ( être à son aise)
18
VLADIMIR.— Terit ad t in tejarat ?
POZZO.— Ighlad ak igh tezerigh iga amasay ihercn, is rad as inigh ad yi iskar zund
tawwuri an.
VLADIMIR.— Ur t sul terit ?
POZZO.— Igh d ittigh ad inigh awal n tiddt, hati ar ittasi zund kra n ilf. Ur d tawwuri
nes ay-an
VLADIMIR.— Terit ad t in tesittit ?
POZZO.— Ighald ak igh tezerigh ur ar ittrmuy, rad yi tigwriz. Ghay-an af a yadlli bedda
ikkat. Zund igh dar-i ur llan ismgan. (Krad itsen ar smuqqulen gh Lucky.) Atlas, iwi-s n Jupiter !
(Afessas.) Hati ghay-an nit ad illan. Awa ha yi, ruregh f usqsi nnun. Illa dar-un wayyad ? (Ar
isbaklal gh ifassen tarddumt nw aman jjanin.)
VLADIMIR.— Terit ad t in tejarat ?
POZZO.— Hati righ yadlli ad amzegh awr nes ; netta winu. Macc Rebbi isker kra
yaden. Kra igat yan d mad as d yuckan d mad as isahan.
POZZO.— Ma s tennit ?
VLADIMIR.— Is terit ad t in tesittit ?
POZZO.— Yah. Ijla yi ad gis zzugh, acku ufigh as ; ijla yi ad t in qqenegh dw aggur, sul
utegh t s yan udar gh tbanna, macc skeregh gis afulki ; ar dis temunegh s unmuggar n ―Saint-
Sauveur‖ ad d sis tekkisegh yan imikk n uqqarid. Ad ur nessigwt ghw awal, igh ukan teram ad
awen inigh tiddt, hati ar ittcqu ad tettayt zund anaw ad gh medden. Yuf ad asen tegt tuzzalt.
Ar yalla Lucky.
ESTRAGON.— Ar yalla.
POZZO.— Iwssaren gh idan lan sul fell-as ssiàr108 (Ifek yat tzzift i Estragon.) Kkes as
imikk f ul nes, lligh k isarks. (Ar ittrkkak Estragon.) Asi. (Yasi Estragon tazzift.) Sfed as imettawen.
Rad ak yini is t akw ur ttun medden.
Ar ka sul ittrkkak Estragon.
VLADIMIR.— Fek yi tt rad as sfedegh imettawen nekki nit.
Ur ira Estragon ad as ifek tazzift. Ar iskar zund kra n tazzant.
POZZO.— Harru at ! Hati ur rad sul yalla igh izri yan imikk. (Ar n izzigiz Estragon s tama
n Lucky iri ad as isfed allen. Yut t Lucky s ma dar-s illan s udrimz109 gh tghalimt n udar. Irzem Estragon i
tzzift, ider n s tqqentclla, issutl i usrir, ar isbidir, ar isghuyyu sw attan d tgzazt lli gis illan.) Tazzift. (Isres
Lucky tasufra d taryalt, ismun tazzift ghw akal, izzigz, ifek tt in i Pozzo, yurri tighurdin, yasi dagh tasufra d
taryalt.)
ESTRAGON.— Gar afgan ! Afunas ! (Yall atbban110nes) Iskrura yi !
POZZO.— Hati nnigh ak yadlli hati ur bahra iheml imzza111.
VLADIMIR (I Estragon).— Mel yi. (Imel as Estragon adar nes. Iqqjr s Pozzo, ghlin as akw
idammen.) Ar d gis teffin idammen !
POZZO.— Hati tamatart ifulkin ay-an.
ESTRAGON (ar immal adar nes ittyagasn).— Ur ad sul afegh ad zzigizegh!
VLADIMIR (s tmella).— Rad k ttasigh (ifiss imikk) Igh rad sul ur tezzigizt.
POZZO.— Ur ar sul yalla. (I Estragon.) Zund ukan igh as tekkist awr nes. (Zund igh ar
ittwarga) Imettawen n umadal ur ar temussun. Ad ukan isfal kra n yan ar yalla ; gh kra mani yaden,
kra n yan yaden ar ittfssas. Ghik-an d tadsa (Ar idssa.) Ad za sul ur nettjrram gh tuwwt112 ad negh,
ur akw yadlli tega tarmuzzlt113 uggar n talli izrin. (Afessas) Ur ar tt nettalwegh. (Afessas) Ad fell-as
ur nesawal. (Afessas.) Medden gguten d ad igan tiddt.
VLADIMIR.— Zer akw za is rad tezzigizt.
108 Agummir , ihif ( dignité et honneur)

109 Tayyiti n udar (coup de pied)
110 Akerbay, agriwal (pantalon )
111 Ayt berra, iberranen, iqbilen (étrangers)
112 Tasut, azemz, tizi n ghil-ad (époque)
113 Tad ur ifulkin, zund tad gh llan inaghan d imaghen ggutnin
19
Iddu Estragon ar isbidir, ibidd gh umnid n Lucky, issufs fell-as, ilmma iddu s gh illi gh t in yadlli
ikka lligh ighwli usntel114 n uzngum.
POZZO.— Tessenm mad yi imelan tighwaswin ad fulkinin ? (Ibidd imikk. Ar immal
Lucky s udad nes.) Netta !
VLADIMIR (ar ismuqqul gh ignwan).— Ur sar derent tillas ?
POZZO.— Mlad izd ur netta ur sar d nekki a rad iswangem, a rad isyafa tighwasiwin
xwcennin lli tehidin tawwuri inu- ta nna ka tega. Afulki, tawada issusmn, tiddt izwarn, ssenegh is
asen ur zdaregh. May-an ad d yiwin lligh usigh yan ―knouk‖.
VLADIMIR (ibidd, ur ar sul ittqzzaz gh ignwan).— Yan ―knouk‖ ?
POZZO.— Yan imikk sul, rad zrin krad ignaren n ussggwass lligh izzugaz may-ad… (Ar
issidin gh ixf nes) … yah, krad ignaren. (Ibidd f idarren nes, isfurrg, ig n tinxar gh ignna115.) Ur ad yi ten
feken, yak ? (Ar ismuqqul Vladimir gh Lucky). Rad inin medden izd kra n uàzri igh biddegh gh
tama nes ? (Ibidd imikk. I Lucky.) Tarazal116 ! (Isres Lucky taryalt, ikkes tarazal117 nes. Azzar nes, lli
bahra melluln, is as d ka iffi f udm. Ig n tarazal nes gh ddu taydt, yasi dagh taryalt.) Ghil-ad , smuql ad.
(Ikkes Pozzo tarazal. Iga akw amjjud, isri ixf nes. Ig n dagh tarazal nes.) Is tezeram ?
VLADIMIR.— Mad igan yan ―knouk‖ ?
POZZO.— Ur tegam ayt ghid ? Is nit tegam gh ayt tasut ad ? Kkan tt in dar-negh id
baqqcic. Ghil-ad llan dar-negh id ―knouk‖. Willi as ufanin.
VLADIMIR.— Ar t tettaym ghil-ad ? Ur jju d amawas an inu, lli ssenegh ma iggutn, a rad
yini uhu igh as ghrigh ?
ESTRAGON.— Gar afgan !
Ar ittktitif Pozzo uggar f uggar.
VALIDIMIR.— Lligh as tessumt adif ar t teluh t… (ar isiggil) …zund kra iferkki n
ikiwd118. Ini masd…
POZZO (ar inddr, yawi ifassen nes s iggi ugayyu nes).— Ur sul nnigh a amar …n ghaylli
iskar…ur tessenm… wak wak …ifukk ad iddu… (Yull ifassen) ….rad nuflegh… (Igudi, agayyu gh
nger ifassen.) Ur sul zdaregh… ur sul zdaregh…
Afessas. Ar smuqqulen gh Pozzo. Ar ittrgigiy Lucky.
VLADIMIR.— Ur sul izdar.
ESTRAGON.— Wak wak.
VLADIMIR.— Ar d ittgga anafal.
ESTRAGON.— Ar ittbbi may-ad tasa.
VLADIMIR (i Lucky).— Ma ta ghay-ad teskert ? Ur ar tekkant udm nek neghd mit !
Bab119 nek, hati iga yan ufgan bahra ifulkin ! Ar t temrrat ! Tettut yad issggwassen lli temunem !
Ma ta awa ghay-ad nek keyyi !
POZZO (ar yalla, ar ishuttu).— Ikka tt in yadlli…. Iga akw si tamment… ar yi ittaws… ar
dis zrayegh tizi… ar gi iskar wwad akw yufn medden… ghil-ad… ar yi iqqrs…
ESTRAGON (i Vladimir).— Is ira ad t infel s kra yan yaden ?
ESTRAGON.— Ur ssenegh is ira kra yaden gh iwr nes neghd is t akw sul ur ira.
VLADIMIR.— Ur t nnigh.
ESTRAGON.— Manik ?
VLADIMIR.— Ur ssenegh.
ESTRAGON.— Illa fell-ak ad tesaqsa t.
POZZO.— Ur ssenegh mad yi itran a medden. Ar awen ttinigh asurf. Ttu at akw aylli s
nenna. (ar ittamz gh ixf nes uggar f uggar.) Ur akw sul bahra ssenegh ma s nnigh macc yat tghawsa,
114 Iga t ufaggu lli itthbun asrir (rideau )

115 Iburrz, yuff , isfurrg, iga tent i ixf nes ar lligh ka (fier )
116 Tega tt tghawsa lli teggan medden f ixfawen nesen mar tafukt (chapeau )
117 Isuniyen gan n akw tarazalin
118 Iga t yan gh tgmmutin lli ttlilin gh iwran rghanin gh llan w aman (tropiques), taknarit n irumiyen, tagherggant (banane)
119 Amttef, imili, walli mu iga wines (maître)
20
awi at s tt in dar-i, hati akw may-an ur gis adu n tiddt ka. (Ibidd, yut idmaren nes.) Is fell-i llant
tmitar n yan ittmrratn ? Yayay ! (Ar ittggus ihbucen nes.) Ur sul ssenegh mad skeregh i ussbsi inu ?
VLADIMIR.— Awa tegat tdggwat ad120.

ESTRAGON.— Ur sar tt nettu.
VLADIMIR.— Ur ta tezerit yat acku ur ta tesmed.
ESTRAGON.— Irwas izd uhu.
VLAIDMIR.— Behhra tesfalt.
ESTRAGON.— Manik ad tefulki bahra.
VLADIMIR.— Zund igh nella gh kra n umussu.
ESTRAGON.— Gh ssirk.
VLADIMIR.— Gh umsri n uzawan.
ESTRAGON.— Gh ssirk.
POZZO.— Mad skeregh i trbibit 121 inu !
ESTRAGON.— Ar isadesa ! Ur sul dar-s illa ussbsi nes ! (Ar ishkikiy s tdusi.)
VLADIMIR.— Rad urrigh. ( iwatts nit ikulissen)
ESTRAGON.— Gh uguns n ughgummi, gh uzlmad.
VLADIMIR.— Amz awr inu. ( iffegh.)
POZZO.— Jligh àbdullah inu !
ESTRAGON (ar ittwrud).— Iga anfrugh.
POZZO (yall ixf).— Is ur tezerit – (Ifrk is ghin ur illa Vladimir. Asurf) Awa ! Idda!… Ur
akw di imsafad ! Ur bahra ifulki ghik-an ! Ixssa yadlli ad t tamzem.
ESTRAGON.— Yumz nit ixf nes.
POZZO.— Awa (Yan imikk.) Ghik-an ad akw icwan.
ESTRAGON (ibidd).— Acka d s ghid.
POZZO.— Maxx ?
ESTRAGON.— Rad tezerm.
POZZO.— Is teram ad biddegh ?
ESTRAGON.— Ack at d… ack at d… ghil-ghil.
Inker Pozzo, isker tasga n Estragon.
ESTRAGON.— Zer at !
POZZO.— Hak awa hak hak !
ESTRAGON.— Is akw ihiyya.
Yurri d Vladimir, ghlin as idammen, infi Lucky, yut azya, ar ittddu ar d ittacka, issnker dderz.
POZZO.— Ur bahra illa d ixf nes.
ESTRAGON.— Awa tefellt tighawsiwin fulkinin bahra. Wayyahu.
Ibidd Vladimir, isasswa azya, ar dagh ittddu ar d ittacka, izga s imikk.
POZZO.— Ishel. (Issutl asmmaql nes.) Ar ukan tesyafagh is ghid irggig uzmz. Ar d
ittggwiz yan ufra meqqurn. Eg at d imzgan nnun. (Yall afuss). Igwin s yat tkklit.
VLADIMIR (ibidd).— Izd tillas n id ur sar llant ?
Ullen krad itsen allen s ignna.
POZZO.— Ur yadlli teram ad tddum ?
ESTRAGON.— Zàma… Tessenm ma illan…
POZZO.— Macc ghik-an ikka yadlli afella, hati ikka yadlli afella. Nekki nit mlad is dar-i
unmuqqar d Godin... Godet… Godot… hati tessenm walli s righ ad t bderegh, rad teqqelegh ar
kigh derent tillas (ar ismuqqul gh uzya) Righ nit ad dagh skkusegh, macc ur ssenegh manik rad
skeregh.
ESTRAGON.— Is teram ad awen awsegh ?
POZZO.— Aters igh yi t tennam?
120 Zàma tefulki, tezil, tecwa bahra

121 Yan w addag lli ittilin ijjign s tutla. Ar teggan umlilen lli teddunin s uzggwagh bahra (bruyère)
21
ESTRAGON.— Mit ?
POZZO.— Igh yi tennam ad dagh skkusegh.
ESTRAGON.— Is rad awen nit qqenegh aghcac122?
POZZO.— Irwas yi.
ESTRAGON.— Aywa at agh. Ggawr i Rebbi a argaz.
POZZO.— Uhu uhu, ur sul gis mad ittuskarn (Yan imikk. Isawl s imikk). Als as nit dagh
iw awal.
ESTRAGON.— Ad ukan ur tebiddt, hati rad k isuff usmmid.
POZZO.— Mad awa tennit ?
ESTRAGON.—Hati tiddt ismdn ad ak nnigh, ur gis mad sul tinit.
POZZO.— Hann teghwzant. (Iskkus dagh.) Tanmmirt a gwma. Ha yi skkusegh dagh
(Iskkus dagh Estragon. Yugga n Pozzo tintizi nes.) Macc telkem tizi lligh rad kun felegh, igh ur righ ad
ttatagh123.
VLADIMIR.— Ibidd w akud124, ur ar sul izray.
POZZO (iga n tintizi gh tama umzzugh nes).— Ad ur tefelst may-ad a argaz, ad ur tefelst
may-ad. (ig n dagh tintizi gh uhbuc nes.) Inna terit, ad ka ur ig may-ad.
ESTRAGON (i Pozzo).— Gh ass ad, illas dar-s akw umadal.
POZZO.— Amr ignna. (Ar idessa, tessusmt tguri an lli d inna.) Qqel, hati rad d yack.
Behhra ufigh aylli illan, ur tegam ayt ghid, ur jju d kunni ad izeran taduri n tafukt gh dar-negh.
Teram ad awen t inigh ? (Afessas. Inker Estragon d Vladimir ar ttaggwan, i wwad aduku nes, i wwan
tarazal nes. Teder tarazal n Lucky, ur tt akw izera.) Zuzdegh nit ad awen skeregh s aylli bahra teram.
(ar dagh isbaklal gh ifassen nes tarddumt nw aman jjanin.) Dul at d yan imikk i Rebbi (Izzugaz Estragon d
Vladimir gh aylli gh ttiwin, igun Lucky imikk. Ar ikkat Pozzo s utru, lli ur iskaren abra imikk n taduyt 125)
Ma yaghn atru ad? (Inker, yut sis s aylli mu tt ila. Inttg Lucky. Ider uduku i Estragon, teder tarazal i
Vladimir lli yadlli umzen s ifassen. Iluh Pozzo atru). Ur sul ila utru ad kra w atig ka. (Ar ismuqqul gh
ugdud nes.) Ma yadlli ttinigh ?
VLADIMIR.— Rwah at agh.
ESTRAGON.—Ad ukan ur tebiddm mek-nna, hati rad kun isuff usmmid.
POZZO.— Teghwzant. (Iskkus dagh. I Estragon.) Mad igan assagh nek ?
ESTRAGON (d ulggud).— ―Catulle‖.
POZZO (ur ar ishssu).— Yah gh id. (Yall ixf.) Dul d awa ka ghar yan imikk, igh tennam
uhu hati ur sar ifugh umya. (Ismaql gh ignna) Smuql at. (ar akw smuqqulen ignna, amr Lucky lli
ittnuddumn. Izera t ukan Pozzo, ijbed tizikert) Is terit ad tezert ignna a ilf ad a ! (Irzem n Lucky i ugayyu
nes s tghurdin.) Awa, yuda. (Adren s mad gan i iguyya nesen.) Mad bahra iga ? Igh iga ignna ? Iwwrgh,
ifaw, zund kra igat ignna gh man zund tizi ad ghw ass. (Yan imikk.) Gh tsggiwin ad. (Yan imikk.)
Igh ifulki uzmz. (Awal nes iga d zund igh ar ittirir.) Tezri yat (ar ismuqqul tintizi nes, iqqjr s imikk)
tsqqult (awal nes ismurg) lligh d fell-agh iffi (ar ittrkkak, yadr iw awal) ini at agh tis mrawt n taylgi126
(ar ittall iw awal) imdruxcan n tifawt lli jju ur ikrin, igan tazggwaght d tumlilt ; isfal ar t iffal
usmlmlid127 nes, ar ittiwrigh (isillf s sin ifassen, izdr ten yan s yan, taskwflt s tayyad) imikk s imikk ar
lligh (Yan ubddad isirksisn, isker yan usillf s sin ifassen cebhenin) Ttaq ! ur ar sul ittmussu ! (Afessas.)
Macc (yall yan ufuss isessln128 – macc gh darat n uknbuc n ufulki d ufessas (yall allen s ignna, wwin
yaden ar skaren zund netta, amr Lucky) id ar itterbaà (awal ar ittmdudiy129) rad d fell-agh ider (ar
isbaqqay idudan nes) zund mek-ad. -(Ur sul dar-s mad ittini) lligh t in ur netam. (Afessas. Awal
ikrezn130.) Mek-ad ad teggant tghawsiwin gh gar amadal ad.
122 Qqen lbab, fulls i kra (être utile)
123 Matl, ggwru ( être en retard)
124 Tizi (temps)
125 Adida lli iskar utru igh sis yut kra n yan (bruit)
126 Iga t zegh igh teghli tafukt ar tuzzumt w uzal , taskkat, zikk nw ass (matin )
127 Asmrgha, asufu, asmlmid (éclat)
128 Igh ar ittzi kra n yan ismun dis izdduten d ihudduten
129 Huzzu, smdudi (vibrer)
130 Wanna f tehennq tudert, ur as sul ira ixf nes amya (morne)
22
Afessas iggutn.
ESTRAGON.— Igh agh t id ka yadlli nnan.
VLADIMIR.— Nezdar ad sul neqqel.
ESTRAGON.—-Nessen ma mu nezdar.
VLADIMIR.— Ur ar sul nettahl.
ESTRAGON.— Ur sul dar-negh abra ad nettqqel.
VLADIMIR.— Hati niwi tt f may-ad. (Yusi tarazal nes, ismaql n gis, issus tt, ig tt in dagh.)
POZZO.— Manik ad n siwen gigh ? (Ar ismuqqul Estragon d Vladimir ur akw ssenen ma illan.)
Fulkigh ? Fulkigh ghar s imikk ? sellkegh ? Ur bahra gigh yat ? Is akw ur gigh yat ?
VLADIMIR (igan wwad izwarn issen ma illan).— Ah, ifulki bahra, ifulki akw bahra.
POZZO (i Estragon).— Imma keyyi a argaz ?
ESTRAGON (ar isawal zund ayt Ingliz).— Ifulki bahra, ifulki akw bahra.
POZZO (iwi d ajjafrar131).—Tanmmirt nnun ! (Yan imikk.) Zuzdegh nit mad yi ttamzn afuss
(ar iswingim.) Rmigh d s imikk gh tgariwin ad inu. Ur as akw teferkm ?
VLADIMIR.— Yan imikk ka irwas.
ESTRAGON.—Is nnigh is ar teskart ghik-an bismma132.
POZZO.— Tamktit133 ur sul bahra tega meklli s tt in yadlli tekka, termi d ad igan tiddt.
Afessas.
ESTRAGON.—Ur d iggwra yat lligh ar nettqqel.
POZZO (zund igh ira mad as ittsurufn).— Is ar tenghcafm ?
ESTRAGON.—Yah.
POZZO (i Vladimir).— Imma keyyi a argaz ?
VLADIMIR.— Ur ar bahra ittgsar.
Afessas. Ar ittmagh Pozzo d ixf nes.
POZZO.— Hati a medden…(ar isiggil)… tefulkim si.
ESTRAGON.—Uhu awa.
VLADIMIR.— Ma ta taswingmt ad !
POZZO.— Ààad awa, ààad awa, tefulkim si. Ar lligh ar ka ttinigh…ma rad skeregh i
medden ad lli ka tenghcafnin.
ESTRAGON.— Ur rad nagwi yat talwizt134.
VLADIMIR.— Ur nega immentran.
POZZO.— Ma mu ufigh ad t skeregh, hati may-ad ad ttinigh, fadd ad asen ig uzmz
zund igh bahra ur ighzzif ? Fekigh asen ixsan, sawlegh asen f tghawsin d tiyyad, nnigh asen manik
ad tegga tduri n tafukt. D tghawsiwin yaden. Macc ur ssenegh is yuda may-an, hati ghay-an ad yi
issihln, is yuda awi ?
ESTRAGON.—Meqar d ghar timidi n taryalin.
VLADIMIR.— Fiss !
ESTRAGON.—Rad wattsegh tasga nes.
POZZO.— Is yuda ? Ur gis mad ittunnan. Hati ar tehllugh, ar akkagh i wanna d si
isduqqrn. Mek-an ad bedda gigh. Ghil-ad lahla yi. (Ijbed tizikert. Ar gis ismuqqul Lucky) Acku rad
merrtegh, hati teffught turda. (Ur akw ibidd, ar n iknnu, yasi atru nes.) Mad ukan teram ? Ad ihuc, ad
ittirir, ad ihssu, ad iswingim, ad…
ESTRAGON.—Manwa ?
POZZO.— Manwa ! Tessenm kunni ad tswingimm ?
VLADIMIR.— Ar iswingim ?
POZZO.— Ar iswingim ad iga. S aylli mu tt ila. Ar akw iswingim yadlli ma ifulkin, is ar
as akw sflidegh ar id. Ghil-ad… (Iga zund igh t ikcem kra) Lahla. Is teram ad agh iswangem kra n
tghawsa ?
131 Igh d yiwi kra n yan jjehd iggutn, igh d ijjawwi (élan)
132 S ànwa (exprès)
133 Tizidar lli llan dar kra n yan ad izmmim gh ixf nes ikwttayen zrinin (mémoire)
134 Yan uqqarid lli tt in yadlli ikkan gh Fransa (louis)
23
ESTRAGON.—Yuf igh ihuc ad ka nerecqq.
POZZO.— Nekki hann ur t nnigh.
ESTRAGON.—Yak a Didi, rad nerecqq, nebbi fell-as ?
VLADIMIR.— Nekki righ ad as sfledegh igh ar iswingim.
ESTRAGON.—Irwas akw is rad zwar ihuc, awa ilmma iswangem ? Igh fell-as ur icqa
may-an.
VLADIMIR (i Pozzo).— Is as yufa ?
POZZO.— Yah awa, iga dar-s ghay-an zund aman. Awa hiya ghik-an nit ar ad gent
tghawsiwin. (Imikk n tadesa.)
VLADIMIR.— Hiyya ad ihuc.
Afessas.
POZZO (i Lucky).— Ar tesfladt ?
ESTRAGON.—Ur jju d netta a rad ini uhu ?
POZZO.— Hati rad awen sul inigh mad illan (I Lucky.) Huc !
Isers Lucky tasufra d taryalt, izzigz s umnid n ugdud, ismaql n s tsga n Pozzo. Inker Estragon fadd
ad t bahra ittannay. Ar itthuc Lucky. Ibidd.
ESTRAGON.—Ukan ?
POZZO.— Aywa sul ?
Ar ittmussu Lucky meklli nit dagh, ibidd.
ESTRAGON.—Awa mayna ! (Ar iskar zund Lucky) Rad skeregh zund ghik-an.
(Ar t iskar, imikk ad ider, iskkus.) Igh as ulsegh mennawt tkklitin rad as afegh.
VLADIMIR.— Irmi.
POZZO.— Ar yadlli itthuc, ‗‘farandole‘‘, ‗‘almée‘‘, ‗‘branle‘‘, ‗‘gigue‘‘, ‗‘fandango‘‘ ura
akw ‗‘hornpipe‘‘135. Ar ittnttag. Ur ar sul iskar abra ghik-an. Tessenem manik ad as ittini ?
ESTRAGON.—Tametti n wwad ur ilan kra w atig ka.
VLADIMIR.— Ttaghugh136 n iwssaren.
POZZO.— Ahwac n inrfel137. Ighald ak is ittghwi gh inrfel.
VLADIMIR. (ar iskar ismuttulen n kra nit issen).— Tella kra …
Ar itthiyyal Lucky ad iddu s tama n taggwat nes.
POZZO (zund kra w ayyis).— Wah awa !
Ibidd Lucky.
ESTRAGON.—Ur jju yugwi ?
POZZO.— Rad awen inigh mad iga may-ad. (Ar ittaggwa ihbucen nes.) Qqel at. (Ar
ittaggwa.) Mad skeregh i tfirast inu ? (Ar ittaggwa.) Izd ukan ! (Ar ittuham. Isawl zund kra lli rad
immt) Jligh tarddumt inu nw aman jjanin !
ESTRAGON (isawl zund kra lli rad immt).— Turt inu tazlmadt termi. (Ar ittussu s imikk.
Isawl s aylli dar-s illan.) Macc turt inu tafasit ur tt yagh yat !
POZZO (isawl zund meklli bedda).— Lahla nes. Ma s ar yadlli ttinigh ? (Ar isiwingim) Qqel
at ! (Ar iswingim) Imma ukan ! (Yall ixf.) Aws at yi !
ESTRAGON.—Ar siggilegh.
POZZO.— Qqel at !
Krad itsen kkisen tarazalin nesen s yat tkklit, awin ifassen s ignziyen nesen, ar teqqezzazen, ziyyiren.
Afessas ikkan ma iggutn.
ESTRAGON (yummr).— Ah !
VLADIMIR.— Yufa.
POZZO (s tfessi).— Imma ukan ?
ESTRAGON.—Maxx lligh ur isres taggwat ?
135 Iwaliwen ad gan ihwacen lli llanin gh tmizar n irumiyen

136 Tamadunt bahra icqan, ur ta as jju ufan asafar ( cancer)
137 Atres, tatart, taratsa, tarakcut, titat (filet)
24
VLADIMIR.— Uhu awa !
POZZO.— Is as nit tekkest turda ?
VLADIMIR.— Yayay, hati inna yagh t yad.
POZZO.— Nnigh awen t yad ?
ESTRAGON.—Inna agh t yad ?
VLADIMIR.— Hati isers tt.
ESTRAGON (yut n Lucky s usmmaql).— Teghwzant ukan. Ma za ?
VLADIMIR.— Lligh isres taggwat, ur nnigh is t nesaqsa maxx lligh tt yadlli ur isres.
POZZO.— Awa hann awal !
ESTRAGON.—Maxx lligh tt isres ?
POZZO.— Ghik-an ad iga.
VLADIMIR.— Fadd ad ihuc.
ESTRAGON.—Teghwzant.
Ifiss mad iggutn.
ESTRAGON (inker).— Ur illa yat, ur d yucka kensis, ur ar ittddu yan ka,.kad icqa may-
ad!
VLADIMIR ( i Pozzo).— Ini as ad iswingim.
POZZO.— Fek at as tarazal nes.
VLADIMIR.— Tarazal nes ?
POZZO.— Ur ad iswingim igh n ur iga tarazal.
VLADIMIR (i Estragon).— Fek as awa tarazal nes.
ESTRAGON.—Nekki ? Ur sar d nekki a rad as tt in ifek acku ur ttugh aylli yi isker.
VLADIMIR.— Rad as tt in fekegh nekki (ur ar ittmussu.)
ESTRAGON.—Ad s tt isiggl netta nit.
POZZO.— Yuf ad as tt in tefekt.
VLADIMIR.— Rad s tt in fekegh.
Yusi tarazal, ifek tt in i Lucky. Ur ukan yadlli immass Lucky.
POZZO.— Iqqan d mad as tt in ittggan.
ESTRAGON (i Pozzo).— Ini at as ad s tt in yasi.
POZZO.— Yuf mad as tt in ittggan .
VLADIMIR.—Rad as tt in gegh.
Yunf i Lucky, ar ittskkal, yaz t in gh tghurdin, ig as n tarazal gh ixf, yurri d ulggud. Ur ar ittmussu
Lucky. Afessas.
ESTRAGON.—Ma s ar ittqqel ?
POZZO.— Itti at n. (Ar n ittaggug Estragon d Vladimir gh Lucky. Ijbed Pozzo tizikert. Ar gis
ismuqqul Lucky.) Swangem a ilf ad a ! (Yan imikk. Yaywa Lucky ar itthuc.) Yuda ya ! (Ibidd Lucky)
Zzigz a ! (Isker Lucky amnid n Pozzo.) Ghid a ! (Ibidd Lucky.) Swingim a ! (Yan imikk.) Swingim a!
(Yan imikk.)
LUCKY.— Gh tsga yaden, gh mad izlin…
POZZO.—- Yuda ! (Ifiss Lucky.) Tighurdin (Ar itturruy Lucky tighurdin) Aywa ! (Ar
ismuqqul Lucky gh ugdud.) Swingim !
Lucky (ar isawal s yan unya138 izzugazn).— Lligh tega tillawt139 meklli ar d tenssed gh
140
tzrawin tigdudanin lli gwranin n Poinçon d Wattaman n yan Rebbi quaquaqua lli ilan tamart
tumlilt quaqua berra n tizi gh turrut lli zegh iggi n uhrussu n Rebbi axruccu n Rebbi d tgnawt n
Rebbi ira agh war yan mennaw ur nessen maxx macc macc rad d akw yack d imrrt zund Miranda
n Rebbi d wid lli gan ur nessen maxx macc tella
Idul bahra Estragon d Vladimir, Pozzo netta ihrussa, ur iga yat.
138 Meklli s ar isawal yan (ton )

139 Inna illan (existence)
140 Isigglen d isnubbcen lli skaren imhdaren gh tsdawit neghd gh tinmml fadd ad amz idiplumen nesen (études)
25
dar-negh tizi gh ummukris gh takatin141 lli lan takatin tamzliwin142 igh ka rad izzugaz imikk sul ma
rad za gis irddu143 ad gent gh ttemi takatin i tgjda ad asint takat s ignwan bahra zgzawnin gh kra n
tkklitin ghil-ad nit sul ifiss ifiss bahra yan ufessas lli d ittggan izmaz ar sisen nesbrrak macc ad ur
nessizwir d qqel s tghawsa yaden gh isigglen ur hiyyanin macc waxxa tega tazra gh tkakakakakamit
n antrhuppupupupupmitria n Berne-en-Bresse n Tetsu d Conard ittuskar ittuskar ittuskar may-
ad lli d idfarn zund macc ad ur nettazzal ur nessen maxx gh tdfurt n tiwwuriwin n Poinçon d
Wattman ar d
Isgungumen zwarnin n Estragon d Vladimir, Pozzo netta iga akw tasalt
ittwagga bahra bahra akw masd tiwwuriwin cqqanin ur ihyyan n Fartov d Belcher ur ta hiyyant
hiyyant ur nessen maxx gh Tetsu d Conrad ur hiyyan ur hiyyan ar d ittwagga masd afgan s mar n
ghaylli lli ittunnan masd medden gh Bresse n Tetsu d Conrad masd afgan gh isgwra masd afgan
meqar illa ussigz n tiram d uwutcu d ufddu nw arras is ar
Estragon d Vladimir fissen, Pozzo netta ar itthbibid , ar akw inddr
ittimdu gh uzmz an nit gh yat tizi ur nessen maxx meqar illa ubughllu nw adal144 zund zund
zund ttinis takurt nw udar tizzla nw ayyis nw adu acuccf i isan asaylal145 ttinis asarray146 f iggi nw
aman qqurnin d iggi nw akal iqqurn ttinis asaylal idaliwen idaliwen n tgerst d unbdu d umwan
ttinis gh iggi nw afar gh iggi n idgel gh iggi nw akal
Ar isawal Vladimir d Estragon, inker Pozzo s yat tkklit ijbd tizikert. Ar akw sduhuyun. Lucky ura netta ar tt ijbud, imjdawlla, ar
isduhyu. Deren n akw f Lucky lli disen immaghn, ar sul isawal ghar s kra n bezziz.
ittutn asaylal ttinis hockey gh iggi nw akal gh iggi nw aman gh ignna ppinisilin d isafaren ixf nw
awal ad dagh sfalegh gh yan uzmz an nit gh yat tizi ad ssimziyegh ur nessen maxx meqar ttinis ad
dagh sfalegh gh usaylal gulf d mit ar tza ar ttam d mraw n icenbbi ttinis gh iggi nw aman qqurnin
gh ixf nw awal ur nessen maxx gh Seine-et-Oise Seine-et-Marne-et-Oise d mit yaden gh yan uzmz
gh yat tizi ur nessen maxx ar nettmdu ar ittigzul ad sfalegh dagh Oise Marne gh ixf nw awal ajllu
gh ixf n ussbsi zegh lligh immut Voltaire lligh ittustal snat timmad147 n id gramm s ixf ikkesn
ihdumen gh Normandia ur nessen maxx gh ixf nw awal iskkiren llan ghid igh nesmaql gh tasga
yaden lli d iffugh mad icqan gh mad icqan gh ddu tifawt tifawt n turmin ittuflan148 n Steinweg d
Petermann ar d ittffugh mad akw icqan gh ddu tifawt tifawt n turmin149 lli iskar Stenweg d
Petermann gh uzaghar d udrar gh taghart gh iggi nw asif d takat d ijiwwi iga zund dw akal d
ijiwwi dw akal d ismdan ggutnin ijiwwi dw akal wayyahu gh tis sat n tuwwtin nesen ignna ilil i
izran d mad idran bahra ismdan ggutnin ghw akal ghw aman gh ignwan ah ukan ad agh sfalegh
ur nessen maxx meqar ttinis iskkiren llan ghid ur nessen maxx ad agh sfalgh wwad d idfarn ixf nw
awal gh tgira nw awal wayyahu wwad idfarn i izran ma rad n gis iluh turda ad dagh sfalegh macc
ad ur nettazzal ad dagh sfalegh ixf gh yan uzmz d yat tizi ur nessen maxx meqar ttinis wwad d
idfarn tamart tamzliwin imettawen izran igh zgzawent igh rggigent wayyahu ixf ixf ixf ixf gh
Normandia meqar ttinis tiwwuriwin cqqanin lli felen lli ur ihyyan ixf ixf ixf gh Normandia meqar
ttinis ixf wayyahu izran Conard Conard… (Ur issen mad sul iskar. Lucky ar sul isaqqur.) Ttinis!…
Izran !… Kad rggigen !…Conard !…Ur ihiyyan !…
POZZO.— Tarazal nes !
Izbi Vladimir tarazal n Lucky lli ur isawln, ider nit. Afessas iggutn. Asinklil n imnrawen150.
ESTRAGON.—Ittukkas yi d gis uzerf 151, iqqerm tt sul.
Iqqzz Vladimir gh tarazal n Lucky, ar n ismuqqul gh uguns nes.
141 takat, tafat, làfit (feu)

142 Tamzla, afdidda (flammes)
143 Ad n gis iluh turda ( douter)
144 Zund tizzla, takurt n udar… ar sisen tenàibiren medden (sport)
145 Iga t mad dar illa umzday neghd annilkem d umadal taylalin (aviation)
146 Igh ar ittccd kra n yan fw aman lli isghr usmmid bahra iggutn (patinage)
147 Smmus n ignaren negh mraw n imrawen (cent)
148 Tid ifel kra (laissées)
149 Wwad ittarmn tighwasiwin (essai, expérience)
150 Wid nranin wiyyad
151 Igh tt in gis ifra, igh as tt irur (vengé).
26
POZZO.— Fek yi ghay-nna ! (Ikkes d tarazal gh ifassen n Vladimir, iluh tt ghw akal, ibejj tt
akw.) Ghik-ad ur rad sul iswingim !
VLADIMIR.— Imma is rad issen mani rad iwatts ?
POZZO.— Hati nekki a rad as t imel (Ar ikkat Lucky s udar.) Nker a ilf ad a !
ESTRAGON.—Irwas is t iffugh iman152.
VLADIMIR.— Rad t teneght.
POZZO.— Nker a midrus ad a ! (Ar ilddi tizikert, icced Lucky s imikk. I Estragon d
Vladimir.) Aws at yi.
VLADIMIR.— Macc manik ar ad isker yan ?
POZZO.— Alla t !
Isbidd Estragon d Vladimir Lucky, amzen t imikk, rzemen as. Ider dagh.
ESTRAGON.—Ar iskar bismma nes.
POZZO.— Ixssa ad t in nenil. (Yan imikk.) Aywa at agh, aywa at agh, alla t !
ESTRAGON.—Hati rmigh.
VLADIMIR.— Aywa at agh, yat tkklit sul.
ESTRAGON.—Ma s ak ighald nega t ?
VLADIMIR.— Aywa at agh.
Sersen Lucky gh umnid nesen, amzen t.
POZZO.— Ad as ur telgwem ! (Ijmdawlla Estragon d Vladimir.) Ad ur tumussum! (Iddu
Pozzo ad yasi tasufra d taryalt, yawi tent s dar Lucky) Amz at nit ! (Ig n tasufra gh ufuss n Lucky irzem as
nit d ulggud.) Ad as ur telgwem ! (Yaywa dagh. Imikk s imikk ar d inkker Lucky, ar ittgger i tsufra ar
lligh ziyyiren idudan nes afuss n tsufra). Amz at bedda ! (Isker meklli dagh i taryalt) Tufam ad as terezm
ghil-ad . (Yunf Estragon d Vladimir i Lucky lli ttmjdiwllin, zund igh ar t ittawi w adu, ar iknnu, macc ur jju
ider, ittcbber bedda gh tsufra d taryalt. Yurri Pozzo tighurdin, ar nit ikkat s utru.) Ziggz a! (Izzigz Lucky.)
Urri tighurdin! (Yurri Lucky tighurdin.) Berrm ! (Ibrrm Lucky.) Yuda, hati ghil-ad izdar ad izzigiz
(Ibrrm n s tsga n Estragon d Vladimir.) Tanmmirt nnun, ajj at yi– (ar isiggil gh ihbucen nes)- ar awen
ttirigh- (ar dagh isiggil) – ar awen ttirigh- (ar dagh isiggil)- mani gh n za gigh tintizi lli inu - (ar dagh
isiggil) – Imma izd ukan ghik-ad ! Hati a medden tega zund anaw lli irwasn tassabunt, ar ka
tizzalent tusdadin nes. Baba meqqurn153 ad yi tt id ifeln. (Ar dagh isiggil) Irwas is yi teder. (Ar
ittaggwa akal netta ura sul Vladimir d Estragon. Ar isgriwir Pozzo iguzman lli d sul iciden gh tarazal n
Lucky.) Zund ukan ghay-ad .
VLADIMIR.— Irwas is tella gh uhbuc nek.
POZZO.— Qqel at. (Ikumcc, yawi ixf s tama uhlig nes, ig n amzzugh nes) Ur ar sflidegh i yat
! (Isillf asen n fadd ad t in azen.) Acka d ad tezerm ! (Isker t in Estragon d Vladimir, knun n f uhlig nes.
Afessas.) Hati ixssa ad nefslid i ttaqq-ttaqq154.
VLADIMIR.— Afessas !
Kwnan n, ar akw sfliden.
ESTRAGON.—Ar sflidegh i kra.
POZZO.—- Gh mani ?
VLADIMIR.— Ul ay-an.
POZZO (iggumij155).— Tfu !
VLADIMIR.— Qqen at imawen nnun !
Ar sfliden.
ESTRAGON.—Irwas is tebidd.
Bidden tiddi nesen.
POZZO.— Manwa giwen ad izzumman ?
ESTRAGON.—Netta ijja as imi, nekki idarren.
POZZO.— Rad kun felegh.
152Igers,iqqur, ur sul idder, immut ( mort)
153 Baba amghar, baba afeqqir, tima, tabti (grand-père)
154 Tadiwt lli tskar tintizi (tic-tac)
155 Igh d iffagh i kra n yan kra n tghawsa ixwcn lli n jju ur itam (déçu)
27
ESTRAGON.—Imma tintizi nek ?
POZZO.— Ibergmmi156 ka gh tt in ttugh.
ESTRAGON.—Hiyya amsifad.
POZZO.— Amsifad.
VLADIMIR.— Amsifad.
ESTRAGON.—Amsifad.
Afessas. Ur ar ittmussu yan ka gisen.
VLADIMIR.— Amsifad.
POZZO.— Amsifad.
ESTRAGON.—Amsifad.
Afessas.
POZZO.— Tanmmirt.
VLADIMIR.— Tanmmirt nnun.
POZZO.— F umya.
ESTRAGON.—Ààad awa.
POZZO.—- Uhu awa.
VLADIMIR.— Ààad awa.
ESTRAGON.—Uhu awa .
Afessas.
POZZO.— Ur ufigh … (ar ittrkkak) … ad ddugh.
ESTRAGON.—Hati ghik-an ad tega tudert.
Iberrm Pozzo, yaggug n f Lucky, isker amnid n ukulis, ar ifssi tizikert imikk s imikk.
VLADIMIR.— Ur d ghinna as k ixssa ad sis tddut.
POZZO.— Ixssa yi ad d awigh ajjafrar157. (Lligh ilkem ttemi n tizikert, ili n gh ukulis, ibidd,
iberrm, ar isbirrih.) Anf at ! (Yanf n Estragon d Vladimir s uguns, ar smuqqulen s tsga n Pozzo. Taduyt n
utru) Zzigz a ! (Ur immass Lucky.)
ESTRAGON.—Zzigz a !
VLADIMIR.— Zzigz a !
Taduyt n utru. Izzigz Lucky.
POZZO.— S tfessi iggutn. (Ifgh d gh ukulis, idfur Lucky lligh ibbi asrir158. Ikkis Estragon d
Vladimir tarazalin nesen, ar kkaten s ifassen. Iffugh Lucky. Pozzo ar ikkat s tizikert d utru.) S tfessi
yugurn tanna ! S tfessi yugurn tanna ! (Lligh rad t ilih ura netta, ibidd Pozzo, iberrm. Tizikert ar
ttaghwad. Dday159 n Lucky lligh ider.) Azya inu ! (Iddu Vladimir ar lligh d yiwi azya, ifek t i Pozzo lli t in
iluh s tsga n Lucky.) Amsifad !
ESTRADON, VLADIMIR (ar kkaten s ufuss).— Amsifad ! Amsifad !
POZZO.— Bidd a ilf ad a ! (Taduyt n Lucky lligh inker) Zzigz a ! (iffegh Pozzo. Taduyt n
utru.) Zzigz a ! Amsifad ! Aywa ttiqqen a ilf ad a ! Amsifad !
Afessas.
VLADIMIR.— Ar iszray tizi.
ESTRAGON.—Rad yadlli izri war may-ad.
VLADIMIR.— Yah. Macc ur d s man zund tifssi an.
Yan mikk.
ESTRAGON.—Mani rad neskar ghil-ad ?
ESTRAGON.—Ad neddu.
ESTRAGON.—Maxx ?
156 Igherm (château)
157 Iga t igh ar itturri kra tighurdin ad d yawi jjehd ( élan)
158 Gh illi gh ar tturaren inazuren gh unzgum (scène)
159 Adida, tadiwt, aziza... (bruit)
28
Yan mikk.
160
VLADIMIR.— Nfelen bahra .
ESTRAGON.—Manwi ?
VLADIMIR.— Sin ad.
ESTRAGON.—Sawl at agh imikk.
VLADIMIR.— Yak nfelen bahra ?
ESTRAGON.—Irwas. Nekkni kad as ur yufan.
VLADIMIR.— Irwas ? Teghwzant. Is ten nit tezerit ?
ESTRAGON.—Igh terit. Macc ur ten ssenegh.
VLADIMIR.— Ààad awa, tessen ten.
ESTRAGON.—Uhu awa.
VLADIMIR.— Nnigh ak, hati nessen ten. Tettut akw. (Yan imikk.) Abra igh ur gan willi
nit.
ESTRAGON.—Lligh agh ur ukzen hati tamatart nit ay-an .
VLADIMIR.— Ur t akw nnigh. Hati ura nekki skeregh zund igh ten ur ssenegh. D yat
tghawsa yaden, nekkni, ur ar agh ittakwz yan.
ESTRAGON.—Yuda. Aylli d iqqan- Ah! (Ur ukan yadlli immass Vladimir.) Ah !
VLADIMIR.— Abra igh ur gan willi nit.
ESTRAGON.—Didi ! Hati adar an ad d ikka ! (Ar isbidir, isker nit gh illi gh t in yadlli ikka
lligh ighli w addal n unzgum)
ASBIRRH YUCKAD GH UKULIS: Wa argaz!
Ibidd Estragon. Sin itsen ar smuqqulen s tsga lligh d yucka usbirrh.
ESTRAGON.—Yaywa dagh.
VLADIMIR.— Akmur d161 a iwi !
Ikcem d yan ufrux, kkant nit tkssad. Ibidd.
AFRUX.— Dda Albert ?
VLADIMIR.— Nekki ad t igan.
ESTRAGON.—Ma terit ?
VLADIMIR.— Zzigz.
Ur immass ufrux.
ESTRAGON (s tdusi).— Hati nenna yak zzigz !
Ar izzigiz ufrux, kkant nit tkssad, ibidd.
VLADIMIR.— Mad illan ?
AFRUX.— Hati Godot - (Ifiss.)
VLADIMIR.— Yah. (Yan imikk.) Akmur d awa.
Ur ar ittmussu ufrux.
ESTRAGON (s tdusi).— Hati nenna yak, akmur d ! (Afrux ar n izzigiz, kkant nit tkssad,
ibidd.) Maxx lligh n ttatat162 ?
VLADIMIR.— Tiwi d kra n inghmisen gh dar Godot ?
AFRUX.— Yah i Rebbi.
VLADIMIR.— Awa ini agh ten.
ESTRAGON.—Maxx lligh n ttatat ?
Ar gisen ismuqqul yan s yan, ur issen manwa a mu rad d irar awal .
ESTRAGON (i Vladimir).— Ajj t awa !
ESTRAGON (i Vladimir).—-Itti n gi keyyi. (Izzigz, isawl s ufrux) Tessent ma ta tizi ay-ad
illan ?
AFRUX (ar itturri tighurdin).— Hati ur d nekki ad d ikka ?
160 Bddelen bahra

161 Az d
162 Matel (être en retard)
29
ESTRAGON.—Hiyya nekki irwas ?
AFRUX.— Ksudegh.
ESTRAGON.—Gh mit ? Gh nekkni ? (Yan imikk.) Sawl a !
VLADIMIR.— Ssenegh ma illan, win ad t issiwiden.
ESTRAGON.—Menck ay-ad ghid tekkit ?
AFRUX.— Imikk ka ghid kkigh i Rebbi.
VLADIMIR.—Teksudt gh utru ?
VLADIMIR.—Imma taqqurt ?
VLADIMIR.—Imma sin irgazen an, is ten teksudt?
VLADIMIR.— Tessen ten ?
AFRUX.— Uhu i Rebbi.
VLADIMIR.— U ghid ad tegit ?
ESTRAGON.—Ghay-ad akw tikerkas ad iga! (Yamz afrux gh ufuss, isnuccg t) Ini agh ka
keyyi tiddt !
AFRUX (ar ittrgigiy).— Hati awal n tiddt ad nnigh i Rebbi.
VLADIMIR.— Ajj awa afrux nna ! Wah mad k yaghn ? (Irzem Estragon i ufrux, yurri
tighurdin, ig ifassen f udem nes. Ar gis ismuqqul Vladimir d ufrux. Ikkes Vladimir ifassen f udem nes, iwrragh
akw.) Mad k yaghn a ?
ESTRAGON.—Ur gigh yat.
VLADIMIR.— Wak wak ! Zegh man agu ?
ESTRAGON.—Ttugh.
VLADIMIR.— Ar gigh tenaz163 tsmktit. (Yiri Estragon ad yini kra, imil ur akw sul isawal, lligh
idda ad iskkus ar isbidir, isfal ar ittkkes idukan. I ufrux) Aywa ?
AFRUX.— Godot…
VLADIMIR (isfiss t).— Zerigh k yad, neghd uhu?
AFRUX.— Ur ssenegh i Rebbi.
VLADIMIR.— Ur yi tessent.
VLADIMIR.— Ur d tuckit id gam ?
VLADIMIR.— Takklit izwarn ay-ad d tuckit ?
Afessas.
VLADIMIR.— Illa mek-nna. (Yan imikk.) Aywa zzugaz.
AFRUX (s yat tkklit).— Inna yi Godot hati ur ad sul yack tadggwat ad, azekka ka rad d
yack.
VLADIMIR.— Ukan ?
VLADIMIR.— Ar tesuwwrit164 gh dar Godot ?
AFRUX.— Yah.
VLADIMIR.— Ma dar-s teskart ?
AFRUX.— Ar kssagh tighatten i Rebbi.
VLADIMIR.— Yak ur sik bahra icqa ?
VLADIMIR.— Ur ak ikkat ?
163 Texwmmar, dessa, amz gh kra

164 Igh ar tskart kra n twwuri, igh t tiwit gh kra n usala (travailler)
30
AFRUX.— Uhu i Rebbi, ur d nekki ad ikkat.
VLADIMIR.— Ma za ikkat ?
AFRUX.— Ar ikkat gwma i Rebbi.
VLADIMIR.— Ah, dar-k gwma-k ?
VLADIMIR.— Mad iskar netta ?
AFRUX.— Ar ikssa ihray i Rebbi.
VLADIMIR.— Maxx lligh ak ur ikkat keyyi ?
VLADIMIR.— Hiyya ihmel k ?
VLADIMIR.— Ar ak yakka mad tecttat ? (Afrux ar ittrkkak.) Is ak nit yakka ma tecttat ?
AFRUX.— Yah i Rebbi .
VLADIMIR.— Hiyya tufit aylli terit gh dar-s ? (Afrux ar ittrkkak.) Is ar teshssut a?
VLADIMIR.— Ur tessent is tellit d ixf nek ?
VLADIMIR.— Zund nekki. (Yan imikk.) Mani agh n teggwant ?
AFRUX.— Gh ugnnar165 i Rebbi.
VLADIMIR.— Keyyi d gwma-k ?
VLADIMIR.— Ghw alim ?
Yan imikk.
VLADIMIR.— Ifulki, awa ghar ddu !
AFRUX.— Ma s ixssa ad t inigh i Dda Godot i Rebbi ?
VLADIMIR.— Ini as… (Ar ittrkkak.) Ini as hati tezerit agh. (Yan imikk.) Tezerit agh nit,
yak ?
AFRUX.— Yah i Rebbi. (Ar itturri tighurdin, ar ittrkkak, iddu, ig as tazzla, iffegh.)
Tifawt tekri s yan ttaqq. Ilmma bkunt tillas dw akal. Ighli d w ayyur gh uguns n usrir, ar ittkka
ignna, ibidd, ifek i usrir kra n tifawt igan tazrfant166.
VLADIMIR.— Behhra ubattah ! (Inker Estragon, isker tasga n Vladimir, tayyuga n idukan nes
gh ufuss. Isres ten gh tama n tifawin lli ssisfiwen asrir, ibidd, ismaql ghw ayyur.) Mad teskart ?
ESTRAGON.—Ar skaregh zund keyyi, ar smuqqulegh gh tifawt ad igan tawraght.
VLADIMIR.— S idukan nna nek nit.
ESTRAGON.—Ad ten ajjegh gh ghid. ( Yan mikk.) Rad d sul yack kra n yan, zund…,
zund… , rad d dis acken, rad bahra sisen yumer.
VLADIMIR.— Macc ur ad as tegt tabacilt167.
ESTRAGON.—Iga as tt nit Àisa, amazan n Rebbi.
VLADIMIR.— Àisa ! Ma s terit ad tinit ! Meqar d ghik-an ur tufit ad tesgiddit ixf nek d
Àisa.
ESTRAGON.—Ar bedda dis sgiddigh ixf inu.
VLADIMIR.— Macc ghinna irgha ! Ifulki !
ESTRAGON.—Yah. Ar nettunca168 s tfessi.
Afessas.
VLADIMIR.— Ur sul dar-negh ma ghid neskar.
165 Aqerbus, taywalt, adwkkan (grenier)
166 Taghawsa iddan s uzrf (argentée)
167 Tabatiht ( pieds nus)
168 Igh nega kra n yan f unca (croix) nesker as meklli ittuskarn i umazan n Rebbi Àisa (crucifié)
31
ESTRAGON.—Ura kra mani yaden.
VLADIMIR.— Aywa a Gogo, ad ur tegt mek-nna. Azekka rad tefulki tudert.
ESTRAGON.—Manik ?
VLADIMIR.— Ur tesfledt i ma s inna ufrux ?
ESTRAGON.—Uhu.
VLADIMIR.— Inna ma s rad d nit yack Godot azekka. (Yan imikk.) Mad n za gis tunnit ?
ESTRAGON.— Hiyya ur dar-negh abra ad nettqqel gh ghid.
VLADIMIR.— Tenuflt ! Ifukk ad neddu ma gh nenttel. (Yamz Estragon gh ufuss.) Ack d. (
Ikrr t. Yajj t Estragon imikk, imil yagwi as. Bidden.)
ESTRAGON (ar ismuqqul ghw addag).— Wayyahu ur dar-negh yat tzikert.
VLADIMIR.— Ack d. Hati rad yili usmmid. (Ikrr t. Skeren dagh meklli yad skeren.)
ESTRAGON.—Skkwti yi d ad d awigh yat tzikert azekka.
VLADIMIR.— Waxxa. Ack d. (Ikrr t. Skeren dagh meklli yad skeren. )
ESTRAGON.—Menck ay-ad nemun ?
ESTRAGON.—Ur ssenegh. Irwas izd sin ignaren d mraw ussggwass ay-ad.
VLADIMIR.— Is tekwtit lligh n deregh ghw asif n ‗‘Durance‘‘.
ESTRAGON.—Ar nettkkes adil.
VLADIMIR.— Tullt yi d.
ESTRAGON.—Ghay-nna izrit akw uzmz, ittumdal, ur sul illa.
ESTRAGON.—Ibrdan inu zwan gh tafukt.
VLADIMIR.— Ad sul gis ur teswingimt. Ack d. (Skeren meklli dagh.)
ESTRAGON.—Qqel.
VLADIMIR.— Yagh yi usmmid.
ESTRAGON.—Is yadlli ur yuf igh idbber kra igat yan g itnegh i ixf nes. (Yan imikk.)
Hann ur nettuskar i yan ugharas.
VLADIMIR (ur akw ifqqàa).— Hann awa ur t nnigh, may-nna tella gis turda.
ESTRAGON.—Uhu, ur tella kra n tghawsa nna teffugh turda.
VLADIMIR.— Yuf ad nebdu, igh n tunnit is rad agh iffugh ghik-an.
ESTRAGON.—Ad akw sul ur nebdu.
Afessas.
VLADIMIR.— Teghwzant, ad akw sul ur nebdu.
Afessas.
ESTRAGON.—Ma za, ad neddu ?
VLADIMIR.— Rwah agh.
Ur ar tmmussun.
YUKI D USNTEL
32
Askkir wis sin
33
Naf n uzekka. Tizi d iwr lli nit dagh. Idukan n Estragon gh tama n tifawin lli sisfiwen asrir, munen
gh iwurzan, bdun gh ixfawen. Tarazal n Lucky gh iwr an nit ura nettat.
Addag llan gis kra ifrawen.
Ikcem d Vladimir s tfessi. Ibidd ar ismuqqul mad iggutn ghw addag. Inker s yat tkklit, yaywa ar
ittkka kra igat tasga gh ursrir. Ibidd dagh gh umnid n idukan, iknu, yasi gisen yan, ar t ittaggwa, ar t ikddu, ar
ittskkal ar lligh t in isres gh illi gh t in ikka. Yaywa dagh ar ittddu ar d ittacka. Ibidd gh tama n ukulis n
ufasi, ar n ismuqqul mad iggutn gh maggug, ihbu allen nes s ufuss. Ar ittddu ar d ittacka. Ibidd gh tama n
ukulis n uzlmad, isker dagh meklli. Ar ittddu ar d ittacka. Ibidd s yat tkklit, ig ifassen f idmaren, irar n
agayyu nes s tghurdin, isfal nit ar ittqqs i ttiyt.
VLADIMIR : Yan w aydi yucka d s…
Ar ittirir s imikk , ibidd, ar ittusu, yaywa dagh ar ittirir s aylli mu tt ila :
Yan w aydi yucka d s unwal

Izbi yat tkurdllist
Imil s yan ughunja
A s t yut walli ittnawaln
Ig t akw d man izrin
Zeran t ukan idan an yaden

Aywan nit mdelen t s tazzla…
Ibidd, ar ittmessaq, yaywa dagh :
Lligh t zeran idan an yaden

Mdelent s tazzla s tazzla
Gh ddu yan unca169 n iflu mlluln
Gh illi gh rad ighr uterras170 :
Yan ikzin yucka d s usirra171
Ilmma s tayyitin n ughunja
Isker gis umghar ibrzzuyen
Mdelent s tazzla s tazzla…
Ibbid. Isker dagh meklli .

Ibbid. Isker dagh meklli .
Ifiss, ibidd yan imikk, awa inker ig akw imnusen, ar ittkka kra igat tasga ghw usrir ar ikkat s
ifzuzen. Ibidd dagh gh tama nw addag, iddu yack d, gh umzizal n idukan, iddu yack d, iddu s ukulis n
169 Sin iflwan neghd snat tghawiswin lli ittmqqiren skernt tighuniwin rzemnin negh akw gaddant (croix)
170 Amzzigz (passant)
171 Gh illi gh ar iskar kra n yan tawwuri nes… (office ou bureau )
34
uzlmad, ar n ismuqqul gh maggug, gh ukulis n ufasi, ar n ismuqqul gh maggug. Gh akud an nit ikcem d
Estragon, ikka d akulis n uzlmad. Iga as ghar tabatiht, yadr i ugayyu, ar isihil ar lligh ibbi asrir. Irar d
Vladimir udm nes ar gis ismuqqul.
VLADIMIR.— Keyyi ay-ad dagh ! (Ibidd Estragon macc ur yull ixf. Iddu Vladimir s umnid
nes.) Acki d ad ak gegh tiwwa !
ESTRAGON.—Ad yi ukan ur teggert !
Ibidd Vladimir, igger as n bahra w awal an.
VLADIMIR.— Is terit ad ddugh ? (Yan imikk). Gogo ! (Yan imikk. Ar gis ittqzzaz
Vladimir ma iggutn) Uten k? (Yan imikk.) Gogo ! (Ifiss bedda Estragon, yadr i ixf nes.) Mani agh n
teskkust id ad izrin ? (Afessas. Izzigz Vladimir)
ESTRAGON.— Ad yi ur teggert ! Ad yi ur tesaqsat gh yat ! Ad yi ur ttinit yat ! Ghama di!

VLADIMIR.— Is k jju felegh ?
ESTRAGON.—Tujjit yi ad ddugh.
VLADIMIR.— Smaql gi ! (Ur ar ittmussu Estragon. Isawl s tdusi.) Smaql gi as ak nnigh !
Yull Estragon ixf nes. Ar smuqqulen gh ingeratsen mad iggutn, ar tturrin tighurdin, ar n zzigizen
adden n i iguyya zund igh llan gh umnid n kra n tghawsa n tzuri172, ar n tergigiyen uggar f uggar s ingeratsen,
awa genen tiwwa i ingeratsen s yat tkklit, ar kkaten ingeratsen s ifassen gh tghwrad nesen. Bdan. Lligh sul ur
illa mad ittniln Estragon, imikk ad ider.
ESTRAGON.— Ma ta ass ad !
VLADIMIR.— Mad k yutn ? Ini yi t.
ESTRAGON.—Had agh yan w ass yaden izri.
VLADIMIR.— Ur ta.
ESTRAGON.— Gh dar-i, ifdda yad meqar illa aylli ur illin. (Afessas.) Yan imikk ay-ad
izrin, ar ttirirt. Hati sefldegh ak.
VLADIMIR.— Yah, kwtigh.
ESTRAGON.— Ar d gi inzzl may-ad attan. Ar ttinigh d ugayyu inu, ighama netta d
Rebbi, ighald is ddigh ur sar d sul urrigh. Ar ittirir.
VLADIMIR.— Ur ar neskar gh iguyya negh aynna nera. Bbigh fell-as ar id. (Yan imikk.)
Ur jju d duyegh gh id meqar d yat tkklit ka.
ESTRAGON (innughcf).— Is tezerit, ar bahra teskart aman igh ghid ur lligh.
VLADIMIR.— Yagh yi yadlli umarg nek -gh akud an nit lligh d ugayyu inu, xaxagh. Iga
may-ad ma gh ar ka ittuham yan ?
ESTRAGON (ghlin as idammen).— Tummert ?
VLADIMIR (lligh iswangem).— Ur d taguri nna as ixssa ad s tt tinit.
ESTRAGON.—Imma ghil-ad ?
VLADIMIR (lligh msawlen).— Ghil-ad … (ibbi fell-as) ha kid dagh… (zund igh gis ur ixtter
yat) hayyagh dagh… (innughcf) hayyi dagh.
ESTRAGON.—Tezerit ur ar bahra ttilit d ixf nek igh ghid lligh. Ura nekki, ar bahra
ttumaregh igh ur munegh d yan.
VLADIMIR (ghlin as idammen).— Maxx za lligh d turrit ?
ESTRAGON.—Ur ssenegh.
VLADIMIR.— Macc nekki ssenegh. Acku ur tessent ad temaght f ixf nek. D ur ak yadlli
ajjegh ad k nerun.
ESTRAGON.— Ur ad as yadlli taft.
VLADIMIR.— Maxx ?
172 Kra n tghawsa n tzuri, ilan atig iggutn (objet d‘art).
35
ESTRAGON.—Gan mraw.
VLADIMIR.— Uhu awa, hati ghay-an af rad ten ur ajjgh ad ak ka ggeren.
ESTRAGON.— Ur ar skaregh yat.
VLADIMIR.— Maxx za lligh k uten ?
VLADIMIR.— Uhu a Gogo. Llant tghawsiwin lli ur tessent ; nekki ssenegh tent. Rad
nit teferkt i may-an.
ESTRAGON.— Nnigh ak hati ur t iwigh gh yat.
VLADIMIR.— Irwas nit izd uhu. Macc tella yat tgharast yaden igh terit ad tessenjmt ixf
nek. Ad sul ur nesawal f ghay-an. Ummergh ar lligh ka lligh d turrit.
ESTRAGON.—Gan mraw.
VLADIMIR.— Ura keyyi tellit d ixf nek, ghar ini t nit.
ESTRAGON.— Ad iligh d ixf inu f mit ?
VLADIMIR.— Lligh yi tufit.
ESTRAGON.—Zàma nit ?
VLADIMIR.— Ini t awa ka meqar akw igh ur iga tiddt.
ESTRAGON.— Ma s ixssa ad t inigh ?
VLADIMIR.— Ini, ummergh, fejjijgh.
ESTRAGON.—Ummergh, fejjijgh.
ESTRAGON.— Ura nekki.
VLADIMIR.— Nummer, nebbi fell-as.
ESTRAGON.—Nummer, nella d iguyya negh. (Afessas.) Ma rad za nesker ghil-ad lligh
nummer ?
VLADIMIR.— Ad nettqqel s Godot.
ESTRAGON.—Ghik-an ad gis.
Afessas.
VLADIMIR.— Iggwra d ghid kra zegh id gam.
ESTRAGON.— Imma igh d ur yucka ?
VLADIMIR.— (tezri yat tizi lligh d gis ur mssuckan) Rad neswangem ma rad nesker. (Yan
imikk). Hati saqsagh k is d ghid iggwra kra zegh id gam.
ESTRAGON.—Ar akw ittaddum ghid.
VLADIMIR.— Zer addag ad.
ESTRAGON.— Ur ar nettggwiz uggar n snat tkklitin gh ursed lli bedda.
VLADIMIR.— Addag ad as ak nnigh, zer t.
Ar ismuqqul Estragon ghw addag.
ESTRAGON.— Ur ghid illa id gam ?
VLADIMIR.— Ààad awa. Ur sul tekwtit. Imikk ad d gis nagwl iguyya negh. (Ar
iswingim.) Yah, ghik-an ad ijran (ar ibddu tiguriwin) imikk ad-d-gis-nagwl-iguyyan-negh. Macc ur
terit. Ur sul tekwtit ?
ESTRAGON.— Tewwargt t ?
VLADIMIR.— Izd awa tettut t yad ?
ESTRAGON.—Awa ghik-ad ad gigh. Imma ad ttugh d ulggud neghd ad bedda kwtigh.
VLADIMIR.— Imma Pozzo d Lucky, ttut ten ura netteni ?
ESTRAGON.— Pozzo d Lucky ?
VLADIMIR.— Ittu akw !
ESTRAGON.—Kwtigh yan uqqasis lli yi yuten s udar, ilmma isker zund igh iga aghyul.
VLADIMIR.— Lucky ay-an !
ESTRAGON.— May-ad kwtigh fell-as. Macc man agu ay-an ?
VLADIMIR.— Imma walli t iglin, tekwti t ura netta ?
36
ESTRAGON.—Ifeka yi ixsan.
VLADIMIR.— Pozzo ay-an !
ESTRAGON.— Teghaldt izd id gam ad akw illa may-an ?
VLADIMIR.— Awa ma za.
ESTRAGON.— Ghid nit ?
VLADIMIR.— Yah ! Ur t tukzt ?
ESTRAGON (ghlin as idammen s yat tkklit).— Akwz ! Ma rad akwzegh ? Tudert inu akw ar
tànfaregh gh ugdrur ! Ukan terit ad gis annigh tisnuhyiwin ! (Issutl asmmaql nes.) Zer yi ghay-ad !
Ur jju d nekki ad t ismassn !
VLADIMIR.— Shel awa shel !
ESTRAGON.—Ad ur terezt agayyu inu s ismuqqal173 nek ! Sawl yi f ddu tgemmi 174 !
VLADIMIR.— Ur ar yi tinit masd ghay-ad (asillf) irwas ‗‘Vaucluse‘‘ ! Macc iggut ma ten
ibdan.
ESTRAGON.— ―Vaucluse‖ ! Mad ak isawln f ―Vaucluse‖ ?
VLADIMIR.— Macc tekki d yadlli ‗‘Vaucluse ‗‘ .
ESTRAGON.—Uhu awa, ur jju d kkigh ‗‘Vaucluse‘‘. Tudert ad inu zrigh tt akw gh ghid !
Gh ―Ixxancluse‖ !
VLADIMIR.— Hati awa nekka d nek dik ―Vaucluse‖, a nna ka terit nettutaqt fell-as. Ar
gis nettekkis adil gh dar walli mu ssaghen ―Bonnelly‖ gh ―Rousillon‖.
ESTRAGON (ishel s imikk).— Irwas. Ur zerigh yat.
VLADIMIR.— Macc is akw izggwagh ghin.
ESTRAGON (ghlin as idammen).— Ur zerigh yat as ak nnigh !
Afessas. Ar isggunfus Vladimir mad iggutn.
VLADIMIR.— Tecqqa tamunt nek a Gogo.
ESTRAGON.— Yuf ukan igh nengara.
VLADIMIR.— Ar bedda tinit mek-nna, macc ar d bedda tturrit.
Afessas.
ESTRAGON.—Igh terit ad akw giddint, ixssa k ad yi tenegh t, zund walli.
VLADIMIR.— Manwa ? (Yan imikk.) Manwa?
ESTRAGON.— Zund id milyar175 n willi.
VLADIMIR (isawl sw anza176).— Kra igat yan d unca177 nes. (Ar isggunfus) Gh yat tizi idrusn.
Gh man tizi n ur yaggun.
ESTRAGON.—Lligh ar nettqqel, sker manik ad ur nettchu gh iwaliwen, acku ur nezdar
ad nefiss.
VLADIMIR.— Teghwzant, ur ar nettfssas.
ESTRAGON.— Fadd ad ur neswingim.
VLADIMIR.— Llan dar-negh isarufen178.
ESTRAGON.—Fadd ad ur nesflid
VLADIMIR.— Llan dar-negh izakaken179 negh.
ESTRAGON.— Iwaliwen akw mmuten.
VLADIMIR.— Ar iskar asxaccay180 n ifayraren.
ESTRAGON.—N ifrawen.
VLADIMIR.— N umlal.
173 Gh illi d igli usmmaql n yan (paysage)

174 Ddu izddar n kra tgemmi negh kra n tskka (le sous-sol)
175 Milliard
176 Awal iddrn ( proverbe, maxime...)
177 Tega tt tghawsa lli ittaguln irumiyen lli igan zund askkil n « ta » n tifinagh (la croix)
178 Igh isutr kra ufgan gh wayyad ad as tt iszri, ad as isamh (excuses)
179 Aylli inttun kra n yan ad isker kra neghd ad t ur isker (raisons)
180 Adida lli skaren ifayraren (bruit des ailes )
37
ESTRAGON.— N ifrawen.
Afessas.
VLADIMIR.— Ar akw sawalen s yat tkklit.
ESTRAGON.—Kra igat yan gitsen abra netta.
Afessas.
VLADIMIR.— Is ar ka sxrcicen.
ESTRAGON.— Ar sgngumen.
VLADIMIR.— Ar sdirdizen.
ESTRAGON.—Ar sgngumen.
Afessas.
VLADIMIR.— Ma s ar ttinin ?
ESTRAGON.— Ar sawalen f tudert nesen.
VLADIMIR.— Ur ten yuda lligh yadlli ddern.
ESTRAGON.— Illa fell-asen ad t addran.
VLADIMIR.— Ur ten igum lligh yadlli mmuten.
ESTRAGON.—Ur yuda.
Afessas.
VLADIMIR.— Ar iskar zund asxaccay n ibzziren.
ESTRAGON.— N ifrawen.
VLADIMIR.— N ighd.
ESTRAGON.—N ifrawen.
Afessas iggutn.
VLADIMIR.— Ini kra !

ESTRAGON.— Ar siggilegh.
Afessas iggutn.
VLADIMIR (ihenqq sis uzmz).— Ini nna ka terit !
ESTRAGON.—Mad neskar ghil-ad ?
Afessas.
VLADIMIR.— Manik ad icqa !
ESTRAGON.—Imma igh ar ttirirt ?
VLADIMIR.— Uhu, uhu. (Ar isiggil.) Ur dar-negh abra ad dagh nesfal.
ESTRAGON.— Irwas yi nit is bahra ur icqa.
VLADIMIR.— Igh rad nefsal ad icqan.
ESTRAGON.—Yah, rad nefsal gh inna ka.
VLADIMIR.— Macc ixssa ad nessen ma rad nesker.
ESTRAGON.— Illa may-nna.
Afessas.
VLADIMIR.— Aws yi !
ESTRAGON.— Ar siggilegh.
Afessas.
VLADIMIR.— Igh ar nesiggil ar nefslid.
VLADIMIR.— Ur ar k ittajja ad taft.
ESTRAGON.— Yah.
VLADIMIR.— Ur ar k ittajja ad teswingmt.
ESTRAGON.—Meqar d ghik-an ar nit neswingim.
VLADIMIR.— Uhu, ur t akw nnigh.
38
ESTRAGON.— Ghik-an nit, mjjiggir at agh.
VLADIMIR.— Ur t akw nnigh.
ESTRAGON.—Zàma nit ?
VLADIMIR.— Ur sul nufa ad neswingim.
ESTRAGON.— Awa ma s ar nesmummuy ?
VLADIMIR.— Ur d taghawsa lli akw ixwcn ad iga igh ar teswingimt.
ESTRAGON.—Yah, yah, macc ghik-an nit ad gant tghawsiwin.
VLADIMIR.— Manik ghik-an ad gant ?
ESTRAGON.— Yah, xemmim at agh iguyya negh.
VLADIMIR.— Ma s terit ad tinit gh ghik-an ad gant tghawsiwin ?
ESTRAGON.—Nesker yad may-an.
VLADIMIR.— Yah.
ESTRAGON.— Ma za ? Imma gh nenna nummer ?
VLADIMIR.— Hati mad icqan igh yadlli teswangemt.
ESTRAGON.—Is jju gis nelkem ghik-an ?
VLADIMIR.— Mani agh d uckan ifkkiwen181 ad ?
ESTRAGON.—Ixsan ad.
VLADIMIR.— Yah.
VLADIMIR.— Ixssa yadlli ad neswangem imikk.
ESTRAGON.— S izwar.
VLADIMIR.— Asmdel, asmdel.
ESTRAGON.—Rad ak yaf igh ar gis ur tesmuqqult.
VLADIMIR.— Hati ar yi ittawi titt.
ESTRAGON.— Yah.
VLADIMIR.— Meqar dar-negh illa.
ESTRAGON.—Manik ?
VLADIMIR.— Meqar dar-negh illa.
ESTRAGON.— Hati ixssa ad nurri s meklli bedda yadlli nega.
VLADIMIR.— Nurm yad may-nna.
VLADIMIR.— Ur akw bahra icqa.
ESTRAGON.— Manwa za ?
VLADIMIR.— Lligh neswangem.
VLADIMIR.— Macc nufa yadlli ad t ur nesker.
ESTRAGON.— Ma terit ?
VLADIMIR.— Ssenegh, ssenegh.
Afessas.
ESTRAGON.—Ifulki urbbuà182 nna.
VLADIMIR.— Yah, macc ixssa ghil-ad ad naf kra yaden.
ESTRAGON.— Zer at agh.
VLADIMIR.— Zer at agh.
ESTRAGON.—Zer at agh.
Ar swingimen.
VLADIMIR.— Ma s ar yadlli ttinigh ? Rad dagh nefsal gh ghid.
ESTRAGON.— Man agu ?
181 Taghssiwin n medden lli gersnin, lli iffugh iman, lli mmutnin (cadavres).
182 Tizzla n kra w ayyis, igh ar ittrbaà (galop).
39
VLADIMIR.— Zegh s izwar.
ESTRAGON.—S izwar n mit ?
VLADIMIR.— Tadwggat ad. Ar yadlli ttinigh…ar yadlli ttinigh…
ESTRAGON.— Hati awa terit gi mad iggutn.
VLADIMIR.— Qqel…nega tiwwa i ingeratengh… nummer… nummer… mad neskar
ghil-ad lligh nummer… ar nettqqel… zer at agh… yucka d… ar nettqqel… ghil-ad lligh
nummer… ar nettqqel… zer at agh… ah! Addag !
ESTRAGON.—Addag ?
VLADIMIR.— Ur sul tekwtit ?
ESTRAGON.— Rmigh.
VLADIMIR.— Zer t.
Ar ismuqqul Estragon ghw addag.
ESTRAGON.—Ur ar ttannayegh yat.
VLADIMIR.— Macc id gam is akw iqqur ig asggan. Ghil-ad idl s ifrawen.
ESTRAGON.— S ifrawen !
VLADIMIR.— Gh yan id.
ESTRAGON.—Nella gh tfsut183.
VLADIMIR.— Gh yan id !
ESTRAGON.— Hati nnigh ak ur n yadlli nekka ghid tadwggat n id gam. Hati is t ka
tewwargt.
VLADIMIR.— Zer keyyi mani d nekka tadwggat n id gam ?
ESTRAGON.—Ur ssenegh. Berra. Gh kra mmel yaden. Ur d kra n ifni184 ad agh ixssan.
VLADIMIR (issen nit mad ittini).— Waxxa. Ur n nekka ghid tadwggat n id gam. Mad za i
Rebbi nesker tadwggat n id gam ?
ESTRAGON.— Mad nesker ?
VLADIMIR.— Mmagh za ad t tekwtit.
ESTRAGON.—Ah… nessender yan mennaw n iwaliwen.
VLADIMIR (yumz gh ixf nes).— F mit ?
ESTRAGON.— Uh…nesawl f mennawt tghawsiwin, aters nesawl f idukan. ( issn nit mad
iskar.) Yah, kwtigh d masd id gam nesawl f idukan. Iggut mad izrin lligh ukan izzugaz may-an.
VLADIMIR.— Ur sul tekwtit amr f yan uskkir ka ?
ESTRAGON (irmi).— Ad yi ur tessiwizt a Didi.
VLADIMIR.— Tafukt ? Ayyur ? Ur sul tekwtit ?
ESTRAGON.— Iqqan d ad ghid ilin zund meklli bedda.
VLADIMIR.— Ur akw teferkt i kra.
ESTRAGON.—Wayyahu.
VLADIMIR.— Imma Pozzo ? Imma Lucky ?
ESTRAGON.— Pozzo ?
VLADIMIR.— Ixsan
ESTRAGON.— Rad neghald izd tizza.
VLADIMIR.— Hati Pozzo ad ak tent isutren.
ESTRAGON.— Ur ssenegh.
VLADIMIR.— Imma adrimz185 ?
ESTRAGON.— Adrimz? Illa ghik-an, uten yi s idrimzen.
183 Azmz n tuga d immghayen ( printemps)

184 Kra mmel nna gh ur illa umya ura kra n tghawsa, agu (le vide).
185 Tayyiti n udar (coup de pied)
40
VLADIMIR.— Hati Lucky ad k yutn.
ESTRAGON.—Id gam ad akw itra may-an ?
VLADIMIR.— Mel yi adar nek.
ESTRAGON.—Manwa gisen ?
VLADIMIR.— Sin itsen. All atbban nek. (Ibidd Estragon f yan udar, ar n immal adar an yaden
i Vladimir, imikk ad ider. Yamz Vladimir adar. Ar ittmjdiwlli Estragon.) All atbban nek.
ESTRAGON (ar ittctibbi).— Ur as ufigh.
Yall Vladimir atbban, ar ismuqqul gh udar, irzem as. Imikk ad ider Estragon.
VLADIMIR.— Wwan. (Ifek as d Estragon adar lli nit dagh.) Wwan as ak nnigh ! (Isker dagh
meklli.) Had aggas nek iqqers.
ESTRAGON.—Ma za iga ?
VLADIMIR.— Mani gh llan idukan nek ?
ESTRAGON.— Hati luhegh ten yadlli.
VLADIMIR.— Man agu ?
ESTRAGON.—Maxx ?
VLADIMIR.— Ur sul kwtigh.
ESTRAGON.—Uhu, maxx lligh ten teluht ?
ESTRAGON.— Ar yi brrin.
VLADIMIR (ar as immal idukan).— Ha ten id. (Ar ismuqqul Estragon gh idukan.) Gh illi gh
ten iga tadwggat n id gam.
Iddu Estragon s tama n idukan, iknu, ar ten ittggus.
ESTRAGON.—Ur gan winu.
VLADIMIR.— Ur gan winek !
ESTRAGON.— Winu sgganen. Wwid iwraghen ad gan.
VLADIMIR.— Is nit gan isgganen ?
ESTRAGON.—Zàma gan zund ighd.
VLADIMIR.— Imma wwinna is gan iwraghen ? Mel yi ten id.
ESTRAGON (yasi yan uduku).— Hati izgzawen ad gan.
VLADIMIR (ar n izzigiz).— Mel yi ten id. (Ifek as Estragon yan uduku. Ar gis ittqzzaz
Vladimir, iluh t ar ikkat s ifzuzen.) Imma ukan !
ESTRAGON.—Tezerit ghay-ad iga akw…
VLADIMIR.— Yah zerigh may-ad. Yah zerigh mad itran.
ESTRAGON.— Ghay-ad iga akw…
VLADIMIR.— Ilmd186 zund ka mit. Yucka d kra n yan yasi winek, ifel ak wines.
ESTRAGON.—Maxx ?
VLADIMIR.— Ur d dis uckan wines. Ilmma yasi winek.
ESTRAGON.— Macc winu mezziyen bahra.
VLADIMIR.— I keyyi. Ur d i nekki.
ESTRAGON.—Rmigh. (Yan imikk.) Rwah at agh.
ESTRAGON.— Maxx ?
ESTRAGON.—Teghwzant. (Yan imikk.) Aywa manik za?
VLADIMIR.— Ur illa mad ittuskarn.
ESTRAGON.— Hati rmigh.
VLADIMIR.— Is terit yan ulfjel187?
186 Irxa, ur icqqi;

187 Yan w anaw gh tuga igan zund tarkkimt macca netta izggwagh, ar tt cttan medden gh calada (radis)
41
ESTRAGON.—Ghay-an kad illan ?
VLADIMIR.— Llan ghid ilfjelen d trkemin.
ESTRAGON.— Ur d sul icid xizzu ?
VLADIMIR.— Uhu. Is akw tessugt s xizzu.
ESTRAGON.—Awa fek yi yan ulfjel. (Ar ittaggwa Vladimir ihbucen nes, ur n gisen yufa abra
tirkemin, macc idi d sul gisen yan ulfjel. Ifek t i Estragon lli t ittaggwan dghed netta, ikdu t.)
VLADIMIR.— Hati alfljel aynna.
ESTRAGON.— Tessent is ur nnigh a amar i ijjigen !
VLADIMIR.— Awa ur t terit ?
ESTRAGON.—Ur nnigh a amar i ijjigen
VLADIMIR.— Awa rar yi t id
Irar as t id Estragon.
ESTRAGON.— Rad siggilgh taxizzut.
Ur immass.
VLADIMIR.— Ar sul ittgga ghay-ad ghar ur d yat.
ESTRAGON.—Ur ta yuda.
Afessas.
VLADIMIR.— Imma igh ten turmt.
ESTRAGON.— Urmegh akw aylli illan.
VLADIMIR.— Hati idukan a f ak sawlegh.
ESTRAGON.—Izd awa ?
VLADIMIR.— Rad sis teszrit tizi. (Ar ittrkkak Estragon.) Hati ur ad akw tessent ar kigh
tezri.
ESTRAGON.— Mad k ismussun.
VLADIMIR.— Mad a k ittawin ixf.
ESTRAGON.—Mad k ismussun.
VLADIMIR.— Awa mmagh za.
ESTRAGON.— Rad yi tawst ?
VLADIMIR.— Yah awa.
ESTRAGON.—Ar nit nettnbbar188 i iguyya negh, ur nesker f kensis, yak a Didi?
VLADIMIR.— Yah, yah. Rad narm win uzlmad s izwar.
ESTRAGON.— Ar bedda nettafa kra n tmatert lli agh immaln is nella, yak a Didi?
VLADIMIR (s tfessi).— Yah, yah, nega iqqddacen189. Macc ad ur nefel aylli nefsi. (Yasi yan
uduku.) Ack d, fek yi adar nek. (Yaz t in Estragon, yall adar.) Wwan yaden a ilf ad a. (Yall Estragon
adar an yaden.) All sul s uflla ! (Ighssaten190 mmutlen, ar tmjdiwllin gh usrir. Yaf sul Vladimir ad as issles
aduku.) Zer akw is rad tezzigizt. (Ar izzigiz Estragon.) Ma za ?
ESTRAGON.—Yucka d di.
VLADIMIR (yusi d yan ifulu gh uhbuc nes).— Rad as neg ifulu.
ESTRAGON (ig n ma dar-s illan) .— Uhu, uhu, ifulu uhu, ifulu uhu !
VLADIMIR.— Hann ur tessent. Arm agh wwan yaden. (skeren meklli dagh.) Aywa ?
ESTRAGON.—Yucka d di ura netta.
VLADIMR.— Ur ar k brrin ?
ESTRAGON (izzigz imikk).— Ur ta.
VLADIMIR.— Tufit ad ten tasit, gen akw winek.
ESTRAGON.— Meqquren bahra fell-i.
188 Ad idbber ixf nes (se débrouiller)

189 Wwad ittsalan tighawsiwin n iskkiren d ihckulen ( magiciens)
190 Id ddat ( corps)
42
VLADIMIR.—Rad tetft kra nw ass targhiwin191.
ESTRAGON.— Yah.
VLADIMIR.— Aywa rad ten tasit ?
ESTRAGON.— Yuda gh idukan lli f ukan nesawal.
VLADIMIR.— Yah, macc...
ESTRAGON.— Yuda ! (Afessas.) Rad skkusegh.
Ar isiggil mani agh rad iqqim, aywa iddu s gh illi gh yadlli iggawr s izwar n uskkir izwarn.
VLADIMIR.— Ghinna agh teskkust tadwggat n id gam.
Afessas.
ESTRAGON.—Mlad is ka ufigh ad gunegh.
VLADIMIR.— Id gam tegunt.
ESTRAGON.— Rad dagh mmaeghgh ad n sersegh agayyu inu.
Isker zund kra n bijjuk192 gh uhelig n mma-s, agayyu gh nger idarren nes.
VLADIMIR.— Qqel. (Yaz n Estragon, yaywa ar ittirir s aylli mu tt ila.)
Nuhnnu nuhnnu nuhnuu
ESTRAGON (yall ixf).—Hati terezit agh imzgan.
VLADIMIR (s imikk).—
Nuhnnu nuhnnu …
Igun Estragon. Ikkes Vladimir aznnar nes idl t sis, yaywa ar izzigiz, ar ittkka kra igat tasga, ar
ikkat s ifassen nes fadd ad irgh. Iduy d Estragon iggwt, ibidd, isker tawada n kra iksuden. Yazzl Vladimir s
umnid nes, issutl as afuss nes.
VLADIMIR.— Ghid... ghid... hayyi ghid... ad ur tiksudt.
ESTRAGON.—Ah !
VLADIMIR.— Ghid... ghid... hati izri may-an, idda.
ESTRAGON.—Rad dergh.
VLADIMIR.— Hati izri. Ad sul gis ur teswingimt.
ESTRAGON.—Kkigh tt in f yan...
VLADIMIR.— Uhu, uhu, ad ur tinit yat. Ad nezzigz imikk.
Yamz Estragon gh ufuss, ar sis ittkka kra igat tasga, ar lligh ka yugwi Estragon ad immass.
ESTRAGON.— Yuda ! Rmigh.
VLADIMIR.— Terit ad tàrrct gh ghinna ad ur teskart yat ?
ESTRAGON.—Yah.
VLADIMIR.— Aynna ka terit.
Irzem i Estragon, iddu yasi aznnar nes iles t nit.
ESTRAGON.— Rwah agh.
ESTRAGON.—Maxx ?
ESTRAGON.— Teghwzant. (Yaywa dagh Vladimir ar ittddu ar d ittacka..) Izd ur tufit ad
tamzt yat tsga?
VLADIMIR.— Yagh yi usmmid.
ESTRAGON.—Nucka d zikk.
VLADIMIR.— Hati igh bedda derent tillas.
191 Tighawsiwin lli lessan medden gh illa usmmid i idarren nesen fadd ad lesen idukan (chaussettes)
192 Mummu, tazzant lli ta d ur iluln neghd tad behra d iluln (bébé)
43
ESTRAGON.— Macc tillas ur ta derent.
VLADIMIR.— Rad derent s yat tkklit zund id gam.
ESTRAGON.—Yili id.
VLADIMIR.— Iwa neddu.
ESTRAGON.— Ilmma ifiw dagh umadal. (Yan imikk.) Ma rad nesker, ma rad nesker ?
VLADIMIR (ur ar sul izzigiz, ibidd s yat tkklit).— Is rad k yudu gh ismummuyen? Hati
terezit yi imzgan s tndra nek.
VLADIMIR (izera n tarazal n Lucky).— Hakk awa !
ESTRAGON.— Amsifad.
VLADIMIR.— Tarazal n Lucky ! (yaz t in.) Hati tasqqult n tizi a ghid kkigh ur t akw
zerigh. (Yili bahra d ixf nes.) Hati is akw ifulki may-ad !
ESTRAGON.— Ur sar yi sul tezerit.
VLADIMIR.— Ur akw yadlli jligh, awr lli nit yadlli siggiligh ay-ad. Hayyagh neterrh. (Yasi
tarazal n Lucky ar gis ittqqzzaz, isasswa tt.) Tefulki yadlli tarazal ad. ( Ig tt in, ikkes tines, ifek tt in i
Estragon.) Hak.
VLADIMIR.— Mit ?
ESTRAGON.— Amz awa !
Yasi Estragon tarazal n Vladimir. Isasswa Vladimir s sin ifassen tarazal n Lucky. Ig n Estragon
tarazal n Vladimir. Ifek n tines i Vladimir. Yasi Vladimir tarazal n Estragon. Isasswa Estragon tarazal s sin
ifassen nes. Ig n Vladimir tarazal n Estragon, ikkes tin Lucky ifek tt in i Estragon. Yasi Estragon tarazal n
Lucky. Isasswa Estragon tarazal s sin ifassen. Yasi Estragon tarazal n Lucky, ikkes tin Valdimir ifek as tt
in. Yasi Vladimir tarazal nes. Isasswa Estragon tarazal n Lucky s sin ifassen. Ig n Vladimir tarazal nes,
ikkes tin Estragon, ifek tt in i Estragon. Yasi Estragon tarazal nes. Isasswa Vladimir tarazal s sin ifassen. Ig n
Estragon tarazal nes, ikkes tin Lucky ifek tt in i Vladimir. Yasi Vladimir tarazal n Lucky. Isasswa Estragon
tarazal s sin ifassen. Ig n Vladimir tarazal n Lucky, ikkes tines ifek tt i Estragon. Yasi Estragon tarazal n
Vladimir. Isasswa Vladimir tarazal s sin ifassen nes. Ifeka Estragon tarazal n Vladimir i Vladimir lli tt yusin
iluh tt in. S tfessi.
VLADIMIR.— Tucka d di ?
VLADIMIR.— Manik ad n sik gigh ?
Ismass agayyu s ufasi d uzlmad s ihatan, isker zund kra n “top model“.
ESTRAGON.— Ixwcen.
VLADIMIR.— Macc ur d uggar n ghaylli bedda.
ESTRAGON.—Ghiklli ghiklli.
VLADIMIR.— Hiyya rad s tt asigh. Tinu ar tebrri. ( Yan imikk.) Manik a rad inigh ? (Yan
imikk.) Ar yi tebbi.
VLADIMIR.— Ur terit ad tturart193?
ESTRAGON.—Ma rad tturaregh ?
VLADIMIR.— Ad neskar Pozzo d Lucky.
VLADIMIR.— Rad skaregh Lucky, keyyi rad teskart Pozzo. (Ar iskar zund Lucky igh
ikwna s taggwat lli yusi. Ar gis ismuqqul Estragon, ar ittuham.) Aywa.
ESTRAGON.—Ma rad skeregh ?
VLADIMIR.— Zi di !
ESTRAGON.— A aqqasis !
VLADIMIR.— Uggar n mek-nna !
193 Tethdart (jouer)
44
ESTRAGON.—A tujjut n medden ! A gar afgan !
Izzigz Vladimir, yurri tighurdin, ikwna bedda.
VLADIMIR.— Ini yi ad swingimegh.
VLADIMIR.— Ini, swangem a ilf ad a !
ESTRAGON.—Swangem a ilf ad a !
Afessas.
VLADIMIR.— Ur as ufigh.
ESTRAGON.— Yuda !
VLADIMIR.— Ini yi ad tehucegh.
ESTRAGON.—Rad ddugh.
VLADIMIR.— Huc a ilf ad a ! (Ar ittmuttul gh ghin nit. Iffugh d tazzla.) Ur as ufigh! (Yall ixf,
izer masd Estragon is ghin sul ur illa, iqqs i yat tghuyyit iggutn.) Gogo ! (Afessas. Ar ittkka asrir s tizzla.
Ikcem d Estragon s tfessi, ar isinklil, yazzl s dar Vladimir. Myagan ukan kra bidden.) Ha k id sul !
ESTRAGON (ar ittrgigiy).— Tut yi tagat !
VLADIMIR.— Mani ad d tekkit ? Is nnigh is akw teddit.
ESTRAGON.—Ddigh ar tama n tsawnt194. Urrigh d.
VLADIMIR.— Menck ?
VLADIMIR (yummr bahra).— Hati Godot ay-an ! Ar lligh ka ira ! (Issudm Estragon s aylli mu
tt ila) Gogo ! Hati Godot ay-ad ! Nenjem sul ! Ad neddu ad t in nmmiqqir! Ack d ! (Ikerr Estragon
s ukulis. Yagwi Estragon, ibdu dis, iffegh d ghiya gh tasga ay-an yaden.) Gogo ! Urri d ! (Afessas. Yazzl
Vladimir s ukulis lli s behhra ikcem Estragon, ar n ismuqqul gh tuggugt. Ikcem d Vladimir s tukya, yazzl s
dar Vladimir lli d iberrmn.) Ha k id dagh !
ESTRAGON.— Ur ak kkigh mani !
VLADIMIR.— Tekki d mani n yaggugn ?
ESTRAGON.—Ddigh ar tama n tsawnt.
VLADIMIR.— Yah nella gh yat tzlaft. Ur gis mad ittunnan, necca gh yat tzlaft.
ESTRAGON.— Ar d nettacka s ghid d netta.
VLADIMIR.— Nettghwi ! (Ur issen Estragon mad iskar, iddu s ufaggu lli illan gh uguns n usrir,
immutl gis, imjdawlla, ider.) A aghyul ! Ur illa imi gh tsga nna. (Iddu Vladimir isbidd t, yawi t id s umnid
n tifawin lli sisfiwen asrir. Isillf n i ugdud.) Ur ghid illa kensis ka. Ad ur teghamat gh tsga ad. Aywa. (Ar
t inttu s umnghuz. Yurri d Estragon, iga akw tikssad.) Ur terit ? Igh t nit tennit. Ad nesihil ad nezer.
(Ar iswingim.) Ur ak sul ighama abra ad tessentlt ixf nek.
ESTRAGON.—Gh mani ?
VLADIMIR.— Tigira nw addag. (Ar ittrkkak Estragon.) Aywa ! Tigira nw addag. (Yazzl
Estragon s tgira nw addag lli t kullu ur idln.) Ur iqqen w addagh ad kra ughjjaj ka. (I Estragon.) Ur
tenuflt ?
ESTRAGON ( istteh s imikk).— Ifel yi ugayyu. (Yadr i ixf nes zund igh sul dar-s udm i yat)
Asurf ! (Yal ixf iàrrc) Rad tezert ghil-ad ma mu zdaregh. Ini yi ma rad skeregh.
VLADIMIR.— Ur illi mad ittuskarn.
ESTRAGON.—Keyyi rad tebiddt gh ghid. (Ikerr Vladimir s umnid n ukulis n uzlmad, ig t gh
tuzzumt n ugharas, iswulun tighurdin i usrir.) Ad sul ur temussut, terzemt nit allen nek. (Ar ittazzal s
ukulis an yaden. Ar d gis ismuqqul Vladimir, taqqsmart nes gh iggi n ighir nes. Ibidd Estragon, ar n ismuqqul
gh maggug, yurri. Ar d smuqqulen gh ingeratsen tiqqsmarin nesen gh iggi n ighariwen nesen.) Smmaqqaren
194 Tawnant, asa, amadl (pente)
45
tighwrad zund meklli yadlli. (Zzugazen ar smuqqulen gh ingeratsen yan imikk, aywa kra igat yan gisen
iqqerrs, iduf. Afessas iggutn.) Ur d yucka kensis ka ?
VLADIMIR (ibrrm).— Manik ?
ESTRAGON (yall gh taqqayt nes).— Ur d ikka kra agharas ?
VLADIMIR.— Uhu.
ESTRAGON.—Ur n unnigh yat.
Aywan dagh dufen. Afessas iggutn.
VLADIMIR.— Hann tejlit irwas ?
ESTRAGON (ibrrm).— Manik ?
VLADIMIR (yall gh taqqayt nes).— Hann tejlit irwas.
ESTRAGON.—Ad ur tesaqqurt.
Aywan dagh dufen. Afessas iggutn.
VLADIMIR, ESTRAGON (brremen s yat tkklitt) .— Izd…
VLADIMIR.— Asurf !
ESTRAGON.— Ar ak sflidegh.
VLADIMIR.— Uhu awa !
ESTRAGON.— Ààad awa !
VLADIMIR.— Ur k ujjigh ad tesawlt.
ESTRAGON.— Uhu.
Ar smuqqulen gh ingeratsen, ghlin asen idammen.
VLADIMIR.— Ad bahra ur tessugt.
ESTRAGON.— Ad awa ur iqqar ugayyu nek.
VLADIMIR (s tdusi).— Hyyu awal nek as ak nnigh.
ESTRAGON (ura netta).—Hyyu winek ura keyyi.
Afessas. Yan gisen immass n s umnid n wayyad.
VLADIMIR.—- A amkuf !
ESTRAGON.— Ghik-an, saqqur at agh. (feken i ingeratsen tamzzarrut195. Afessas.) Ad
nemssacka ghil-ad .
VLADIMIR.— Gogo !
ESTRAGON.— Didi !
VLADIMIR.— Afuss nek !
ESTRAGON.—Ha t id
VLADIMIR.— Ack d ad ak gegh tiwwa.
ESTRAGON.— Tiwwa nek ?
VLADIMIR (irzem ifassen nes).— Ghid !
ESTRAGON.—Rwah at agh.
Gen i iguyya nesen tiwwa. Afessas.
VLADIMIR.— Manik ad tezray tizi d ghiya igh nella d iguyya negh !
Afessas.
ESTRAGON.— Ma neskar ghil-ad ?
VLADIMIR.— Igh ar nettqqel.
ESTRAGON.—Igh ar nettqqel.
Afessas.
VLADIMIR.— Imma igh ar neskar issanunen196 ?
ESTRAGON.— Isnuccugen197 negh.
VLADIMIR.— N tfessi.
195 Iàuriden, tmajiyyirt ( obscénités)

196 Igat igh ar itthiyyal kra n yan i kra uniàibar gh kra nw adal zund takurt n udar, ttinis (entraînements )
197 Imussuten (mouvements)
46
ESTRAGON.—N usunfu.
VLADIMIR.— N ussutl.
ESTRAGON.— N usunfu.
VLADIMIR .— Ad neregh.
ESTRAGON.—Ad nekuwwn.
Isfal ar ittenttag. Isker Estragon mek-an ura netta.
ESTRAGON (yuda).— Yuda. Rmigh.
VLADIMIR (ibidd).— Hati ur nella gh ukabar n uzzal198. Sunfus agh yan imikk.
ESTRAGON.—Ur sul righ ad sunfusegh.
VLADIMIR.— Teghwzant. (Ibidd imikk.) Sker agh zund addag, ad nebidd zund netta.
ESTRAGON.— Addag ?
Isker Vladimir zund addag imil ar ittetctibbiy.
VLADIMIR (ibidd).— Izwir keyyi.
Isker Vladimir zund addag imil ar ittetctibbiy.
ESTRAGON.—Is teghaldt zàma Rebbi ar yi ittannay ?
VLADIMIR.— Ixssa ad teqqint allen.
Iqqen Estragon allen, ar ittetctibbiy ma iggutn.
ESTRAGON (ibidd, ar immal tukkimin nes, iqqs iw awal s aylli mu tt ila).— Zzugz d fell-i a
Rebbi tamella nek !
VLADIMIR (ghlin as idammen).— Imma nekki ?
ESTRAGON (yals dagh).— Fell-i ! Fell-i ! Tamella nek a Rebbi ! Fell-i !
Ikcem d Pozzo d Lucky. Iga d Pozzo abukad. Yusi Lucky yat taggwat iggutn zund meklli n uskkir
izwarn. Yat tizikert gh ufuss n Pozzo zund talli n uskkir izwarn, macc temzziy bahra. Ar sis ittssen agharas.
Lucky igan tarazal yaden. Lligh izera Vladimir d Estragon ibidd. Izzugaz Pozzo gh ugharas nes, aywa
iggengr dis. Yurri Vladimir d Estragon tighurdin.
POZZO(icbber gh Lucky, is akw ijmjdawlla acku izday fell-as).— Mad illan ? Mad isàyyidn ?
Ider Lucky, irzem i akw ayylli iga gh ufuss. Ider dis Pozzo. Zzelen, ur jju mmassen gh tuzzumt n
taggwat.
ESTRAGON.— Hati Godot ay-an?
VLADIMIR.— Awa yucka d lligh ar sis nettqqel. (Iddu s umnid ugudi, idfur t Estragon.)
Telkem agh d sul twisi !
POZZO (isawl s imikk).— Aws at yi a medden !
ESTRAGON.—Hati Godot ay-an?
VLADIMIR.— Behhra imil ar d nettrmuy. Ur sul nejla isgwra n tdggwat negh gh ur d
yat.
POZZO.— Aws at yi a medden !
ESTRAGON.—Ira mad as ittawsn.
VLADIMIR.— Ur d ghar nekkni ad ittqqeln ad derent tillas, ad ittqqeln s Godot, ad
ittqqeln – ad ittqqeln. Nemmagh tadwggant s ma tela, s aylli dar-negh. Ifdda akw may-an. Iffu d
yad w ass.
VLADIMIR.— Tizi ar yad tenggi s manik yaden. Rad n teder tafukt, rad d ighli w ayyur,
aywa neddu.
POZZO.— Izd ur sarkrsegh yan !
VLADIMIR.— Pozzo igllin !
ESTRAGON.— Ur yadlli ssenegh izd netta ay-an.
198 Tarfkt, illizi n uzzal (train)
47
ESTRAGON.—Godot.
VLADIMIR.— Hati ur d Godot ay-an.
ESTRAGON.— Ur d Godot ?
VLADIMIR.— Ur d Godot.
ESTRAGON.—Ma za iga ?
VLADIMIR.— Pozzo ay-an.
POZZO.— Hati nekki ay-ad ! Hati nekki ay-ad ! Sbidd at yi !
VLADIMIR.— Ur izdar ad ibidd.
ESTRAGON.—Rwah at agh.
ESTRAGON.— Maxx ?
ESTRAGON.—Yah.
VLADIMIR.— Irwas is sul ittaf ixsan mad ak yakka.
ESTRAGON.—Ixsan ?
VLADIMIR.— N ufullus. Ur sul tekwtit f yat?
ESTRAGON.—Izd awa netta ay-an ?
VLADIMIR.— Yah.
ESTRAGON.— Saqsa t.
VLADIMIR.— Imma igh as zwar niws ?
ESTRAGON.—Gh mit ?
VLADIMIR.— Ad ibidd.
ESTRAGON.— Ur yufa ad sul ibidd ?
VLADIMIR.— Ira ad ibidd.
ESTRAGON.—Awa ad ibidd.
VLADIMIR.— Ur as yufa.
ESTRAGON.— Ma t yaghn ?
Ar ittmuttul Pozzo, ar indder, ar ikkat akal s tukkumiyin nes.
ESTRAGON.—Imma igh t zwar nesaqsa gh ixsan ? Igh yugwi nefel t ghid.
VLADIMIR.— Zàma illa gh ddu ufuss negh ?
ESTRAGON.— Yah.
VLADIMIR.— Ixssa ad as ur naws ghar ghik-an.
ESTRAGON.—Yah.
VLADIMIR.— Ifulki may-an. Macc ksudegh gh yat tghawsa.
ESTRAGON.— Manta ?
VLADIMIR.— Ad ur inker Luky ar ittakwi s yat tkklit. Rad s tt gigh isker.
ESTRAGON.—Lucky ?
VLADIMIR.— Netta ad gik yukin id gam.
ESTRAGON.— Nnigh ak hati gan mraw.
VLADIMIR.— Uhu, walli k yutn s udar.
ESTRAGON.—Illa ghid ?
VLADIMIR.— Awa zer. (Asillf). Awa ghil-ad hati ur ar ittmussu. Macc izdar ad d
ibberber s yat tkklit.
ESTRAGON.— Imma igh as t necca nek dik ?
VLADIMIR.— Ad t nekkwm lligh sul igwin ?
ESTRAGON.—Yah.
VLADIMIR.— Taswingmt ifulkin aynna. Macc is as nezdar ? Is nit igwin ? (Yan imikk).
Hati yuf ad neqqel ar kigh ar ittsutur Pozzo tiwisi, nessenjem t id, nesker manik ad issen s ufulki.
48
ESTRAGON.— Macc ur…
VLADIMIR.— Ad ur nejllu tizi gh uhrray199. (Yan imikk. S tdusi. ) Sker at agh kra lligh as
sul nufa ! Hati ur ar bedda sghawsan medden. Ur d is nit sigh sghawsan medden. Llan wiyyad rad
skeren tawwuri an d uggar nes. Asbirreh lli mu nesfled, hati iffegh d akw mad igan afgan. Macc
ghil-ad, medden nekkni kad ten igan, igh nera ura igh nugwi. Awa ttiqqen agh, ad ur nematel. Zer
agh agrar n id wacc lligh agh n iluh gar. (Ur gis inna Estragon yat ka.) Is akw ifulki igh neswagem,
ifassen negh munen, gh mad agh iffaghn d mad ur iffaghn, hati rad d nerar tamuli200 i iguyya negh.
Ar n ittar ughilas ad issenjem ayt-mas ur akw iswangem. Neghd irur ickem tagant. Macc ur d
ghay-ad ad agh icten. Ma ghid neskar, had ma s isxssa ad t nini. Yah, gh umrway ad iggutn, yat
tghawsa ad n unnigh : ar nettqqel s Godo ad d yack.
VLADIMIR.— Neghd igh bukkent tillas dw akal. (Yan imikk.) Nucka d s unmuqqar, ur
sul illa kra yaden. Ur nega igurramen, macc nucka d s unmuqqar. Menck d yan ar ad agh yini
unck an ?
ESTRAGON.— Mad iggutn.
VLADIMIR.— Zàma ?
VLADIMIR.— Irwas.
POZZO.— Wa medden aws at yi !
VLADIMIR.— Aylli teffugh turda, tizi hann teghzzif gh uzmz ad, ar agh tenettu a gis
neskar tighawsiwin, manik ar ad inigh, lli ur yagh yat gh usmmaql amzwaru, meqqar tent akw
nemyar. Rad yi tinit hati may-an ur rad agh yajj ad neffagh agharas. Macc ur ar yad ittlli gh id
bedda izzugazn ilan tisiliwin201 bahra idran. Is ar nit ittamz ugayyu nek mad ttinigh ?
ESTRAGON.—Ar d nettlal akw nenuful. Kra wiyyad, netteni, ar bedda teghaman
nuflen.
POZZO.— Aws at i yi a medden, hati rad awen fekegh tighrad nnun.
ESTRAGON.— Menck ?
POZZO.— Timidi n id frank.
ESTRAGON.—Ur gumen.
VLADIMIR.— Ur nnigh ghik-an.
ESTRAGON.— Izd gumen ?
VLADIMIR.— Uhu, aylli s righ ad t inigh, nuflegh zegh lligh d lulegh. Macc ur d may-an
af nesawal.
ESTRAGON.—Snat timmad.
VLADIMIR.— Ar nettqqel. Ar tennughcuf. (Yall afusss.) Uhu ad ur tesaqqurt, ar
tennughcuf, ur gis mad t tinit. Ifulki. Ma gh nettamz yucka d, ma za nesker nekkni? Ar ten tajja
ad ijju. Rwah agh s twwuri. (Ar n izzigiz s umnid n Pozzo, ibidd.) Rad akw fsint gh yan imikk, rad
neg ghar nekkni d Rebbi, gh tuzzumt n tzlluyin202 (Ar ittwawrga.)
ESTRAGON.— Snat timmad !
VLADIMIR.— Hayyagh.
Ira ad isbidd Pozzo, macc ur as yufa. Yaywa dagh, immjdawl gh neger tghawsiwin n taggwat lli nes, ider,
immagh ad inker, ur as yufa.
ESTRAGON.—Mad kun yaghen awi ?
VLADIMIR.— Ad yi ur tefelt ! Rad yi nghen !
199 Tamrammut, aberbid, adermus, azerdig… (bavardage)

200 Igh ar ittuqqar kra n yan wiyyad (respect)
201 Alligh, tasila, adasil, asa, asrus (base)
202 Igh n izli kra n yan gh medden, ur imun d yan (solitude)
49
POZZO.— Mani gh lligh ?
VLADIMIR.— Gogo !
VLADIMIR.— Aws yi zwar. Awa neddu akw.
ESTRAGON.—Rad yi sis tekffelt ?
VLADIMIR.— Ur gis mad t tinit, ur ma mu ttalst.
ESTRAGON.— Ur sar d sul nurri.
VLADIMIR.— Ur sar d sul nurri.
ESTRAGON.—Rad neddu s ―Ariège‖.
VLADIMIR.— Inna ka terit.
POZZO.— Krad timmad ! Kkuz timmad !
ESTRAGON.— Menck ay-ad righ ad d mmurigh gh ―Ariège‖.
VLADIMIR.— Rad gis temurruyt.
ESTRAGON.—Mad iskuccin ?
VLADIMIR.— Pozzo.
POZZO.— Hati nekki ay-ad ! Hati nekki ay-ad ! Sbidd at yi !
ESTRAGON.— I tfu !
VLADIMIR.— Harru k ! Harru k ! Fek yi afuss nek !
ESTRAGON.—Rad ddugh. (Yan imikk. S aylli dar-s illan) Rad ddugh.
VLADIMIR.— Kra nw ass, rad nkeregh tar tiwisi n kra ufgan ka. (Immagh ad inker, ider
dagh.) Ass ad neghd azekka .
ESTRAGON.— Mad k yaghn ?
VLADIMIR.— Ddu.
ESTRAGON.—Rad teghamat gh ghid ?
VLADIMIR.— Gh uzmz ad.
ESTRAGON.—Nker ghinna, rad k yut usmmid.
VLADIMIR.— Ad d si ur dult.
ESTRAGON.—Wa didi, ad bahra ur iqqar ugayyu nek. (Ifeka n afuss i Vladimir, yamz t s
tfessi.) Aywa bidd !
VLADIMIR.— Jbed !
Ar ijbud Estragon, immjdawl, ider. Afessas iggutn.
VLADIMIR.— Hayyagh gh ghid !
POZZO.— Mad tegam ?
VLADIMIR.— Nega medden.
Afessas.
ESTRAGON.— Manik ad fell-as nettbbi igh neskkus ghw akal.
VLADIMIR.— Is tufit ad tebiddt ?
ESTRAGON.— Ur ssenegh
VLADIMIR.— Awa tiqqen za.
ESTRAGON.— Ar kigh, ar kigh.
Afessas.
POZZO.— Ma itran ?
VLADIMIR (s aylli dar-s illan).— Is terit ad tefisst ! Ma ta tamadunt ad ! Ur ar iswingim
abra gh ixf nes.
ESTRAGON.—Imma igh negwin ?
VLADIMIR.— Is as tesfledt ? Ira ad issen ma ijran !
50
ESTRAGON.— Ajj t. Gwin.
Afessas.
POZZO.— Izd ur sarkrsegh yan ! Izd ur sarkrsegh yan !
ESTRAGON (ar ittenttag).— Mit ? Mad illan ?
VLADIMIR.— Tegwint ?
ESTRAGON.— Irwas.
VLADIMIR.— Izd dagh aqqasis lli n Pozzo ay-an !
ESTRAGON.—Ini as ad iqqen imi nes ! Rez as akw za aqqenfur nes !
VLADIMIR (ar ikkat Pozzo).— Ur ta k yuda ? Ur ta terit ad tefisst ? A gar afgan ! (Ifellt as
Pozzo, ar ittqqs i tghuyyit, irur s uctutl. Kra igat imikk, ibidd, ar isillif, ar yaqqra i Lucky. Vladimir, lli sendn
f tghumrin nes, iccukka t sw allen.) Irur ! (Pozzo ider. Afessas.) Ider !
Afessas.
ESTRAGON.— Ma neskar ghil-ad ?
VLADIMIR.— Mlad is ufigh ad tectutulegh ar dar-s.
ESTRAGON.—Ad yi ur tefelt !
VLADIMIR.— Imma igh as gherigh ?
ESTRAGON.— Yah, gher as.
VLADIMIR.— Pozzo ! (Yan imikk.) Pozzo ! (Yan imikk.) Ur ad sul ittrra awal.
ESTRAGON.—S yat tkklit.
VLADIMIR, ESTRAGON.— Pozzo ! Pozzo !
VLADIMIR.— Immass.
ESTRAGON.—Izd nit assagh nes Pozzo ad t igan ?
VLADIMIR (ihenqq sis uzmz).— Pozzo ! Urri d ! Ad ur tiksudt !
Afessas.
ESTRAGON.— Imma igh as neghra sw assaghen yaden ?
VLADIMIR.— Irwas is as bahra hawlegh.
ESTRAGON.—Rad agh isadsa.
VLADIMIR.— Ma rad agh isadsa?
ESTRAGON.— Igh ar nettini assaghen, yan tama wayyad. Rad sis nezri tizi. Ar kigh ukan
nufa assagh nes.
VLADIMIR.— Nnigh yad hati assagh nes igat Pozzo.
ESTRAGON.—Hati may-an ar ad nessighwzin203. Zer agh. (Ar iswingim.) Abel ! Abel !
ESTRAGON.— Is tezerit !
VLADIMIR.— Ar yi d issrmuy ghay-ad .
ESTRAGON.—Irwas is iga sw assagh ―Caïn‖. (Ar yaqqra.) “Caïn‖ ! ―Caïn‖ !
ESTRAGON.— Had akw medden. (Afessas.) Zer yi amdlu ad.
VLADIMIR (yall allen).— Gh mani ?
ESTRAGON.—Gh ghid, gh tuzzumt n ignna.
VLADIMIR.— Awa ! (Yan imikk.) Ma zàma gis illan ?
Afessas.
ESTRAGON.— Is terit ad nezer kra n tghawsa yaden,?
VLADIMIR.— Righ ad ak yadlli inigh.
ESTRAGON.—Macc manta ?
VLADIMIR.— Ah, ufigh tt !
Afessas.
ESTRAGON.— Imma igh nenker fad ad nesfal ?
203 Igh sul ur illa mad ittunnan gh kra n tghawsa (confirmer)
51
VLADIMIR.— Awa neker at agh.
Nkeren.
ESTRAGON.—Ur akw bahra icqa.
VLADIMIR.— Taguri ad n ―iri― agh illa aylli illan.
ESTRAGON.— Imma ghil-ad ?
ESTRAGON.— Rwah at agh
ESTRAGON.— Ar nettqqel s Godot.
VLADIMIR.— Teghwzant. (Yan imikk.) Ma rad nesker ?
VLADIMIR.— Imma igh t nenil ?
ESTRAGON.— Ma s ixssa ad t nesker ?
VLADIMIR.— Ira ad inker.
VLADIMIR.— Ira ad as naws ad inker.
ESTRAGON.— Awa aws agh as. Ma s ar nettqqel ?
VLADIMIR.— Ixssa ad t nenil. (Skeren meklli dagh. Ighama Pozzo ibidd nger sin itsen, yugwl
gh imggrad nesen.) Ixssa t ad imyur ad ittbddad. (i Pozzo.) Is temdarat?
POZZO.— Ma tegam ?
VLADIMIR.— Ur agh tukwzt ?
POZZO.— Gigh abukad.
Afessas.
204
ESTRAGON.— Irwas is ar ittqqafa ?
VLADIMIR ( i Pozzo).— Zegh man agu ?
POZZO.— Kkigh tt in sfawegh- macc is tegam imdukkal ?
ESTRAGON (ar ishkikiy s tdusi) .— Ar agh isaqsa is nega imdukkal !
VLADIMIR.— Uhu, hati is ira ad issen is nega imdukkal nes.
ESTRAGON.—Hiyya mit ?
VLADIMIR.— Ghay-an af as niws.
ESTRAGON.—Yah ! Is rad as yadlli naws mlad is ur nega imddukkal nes ?
VLADIMIR.— Aters.
ESTRAGON.— Yah.
VLADIMIR.— Yuda gh may-an.
POZZO.— Ur tegam inbbayen n ugharas205 ?
ESTRAGON.—Inbbayen n ugahras ! Wah nerwasten neghd mit ?
VLADIMIR.— Wah awa ! Iga abukad.
ESTRAGON.— Ah ! Teghwzant. (Yan imikk.) Ghay-an as inna.
POZZO.— Ad yi ur tefelm.
VLADIMIR.— Uhu awa.
ESTRAGON.—Ghil-ad .
POZZO.— Ma ta tizi ay-ad ?
ESTRAGON (ar ittqzzaz ignna.).— Ukan…
VLADIMIR.— Tis sat tsqqulin ?...tis ttamt tsqqulin ?...
204Ar itkacaf, ar ittannay timsirin n imal

205Wid isbddaden medden s ifadden gh igharasen fadd ad ten kecten, ad asen kkisen aylli dar-sen, aylli ttafen (coupeurs de
chemin).
52
ESTRAGON.—Ad ur ttut gh man tizi ghw ass.
POZZO.— Tadggwat ay-ad ?
Afessas. Ar ismuqqul Vladimir d Estragon taduri n tfukt.
ESTRAGON.— Zund igh ad d taqlay.
VLADIMIR.— Hati ur t nnigh.
ESTRAGON.— Imma igh iga amdlfaw206 ?
VLADIMIR.— Ad ur tesihitrirt. Hati tagut ad illan gh tsga ad.
ESTRAGON.— Mad ak t innan ?
POZZO (ihennq sis uzmz).— Izd tadwggat ay-ad agh nella ?
VLADIMIR.— Ur akw immass.
ESTRAGON.—Hati nnigh ak hati is ar d taqlay.
POZZO.— Maxx lligh ad yi d ur terram awal ?
ESTRAGON.— Hati is ur nera ad ak nettini ur d yat.
VLADIMIR (zund igh ar isawal tiddt).— Hati tadggwat ay-ad, nettat ay-ad gh nella. Mad ur
isker umddakul inu fadd ad yi n gis iluh turda, meqar t felsegh yan uzmz. Macc hati ur d amya as
zerigh ass ad ighzzifn, zdaregh ad ak inigh is rad ihyyu. (Yan imikk). Gh tsga yaden, ma tesayafat ?
ESTRAGON.—Menck ad agh sul ixssan ad t ukan nasi ? (Rzemen as, asin t dagh lligh t
zeran rad ider.) Hati ur nega isaturen.
VLADIMIR.— Is bahra yadlli ifulki izeri nek, izd ghik-an nit as tennit ?
POZZO.— Yah, sfawegh bahra.
ESTRAGON (ihennq sis uzmz).— Sawl ! Sawl !
VLADIMIR.— Ajj t awa. Ur tezerit is ad ikwtti tumert nes (Yan imikk.) Amzruy ar t id
bedda nkwtti s mad ifulkin- hati rad icqqu.
POZZO.— Yah ifulki bahra.
VLADIMIR.— Tebukedt s yat tkklit ?
POZZO.— Ifulki bahra.
ESTRAGON.— Hati nnigh ak is tebukedt s yat tkklit ?
POZZO.— Nkeregh d yan w ass, bukedegh zund igh fell-i ittyura. (Yan imikk.) Kra n
tkklitin, ar yyi iskar ixf inu zund igh sul ur ttasegh.
VLADIMIR.— Man agu ay-an ?
POZZO.— Ur ssenegh.
ESTRAGON.— Macc id gam lli n ur yaggugn…
VLADIMIR.— Macc id gam lli n akw ur yaggugn…
POZZO.— Ad yi ur tesaqsam. Ibukaden ur ar tesyafan is ar tezray tizi. (Yan imikk.)
Tighawsiwin n tizi ur ar tent tannayen ura nettenti.
VLADIMIR.— Rad ggalegh is ur ssenegh izd ur d ghik-an ad itran.
POZZO.— Mani gh nella ?
POZZO.— Is ur nella gh usun207 lli mu ttinin ―la Planche‖ ?
VLADIMIR.— Ur t ssenegh.
POZZO.— Ini at yi mad irwas ?
VLADIMIR (Issutl asmmaql nes) .— Ur nufa ad ak nini manik ad iga. Ur irwas yat. Ur ghid
illi yat. Illa ghid yan w addag.
POZZO.— Hiyya ur d ‗‘la Planche‘‘ ay-ad.
206 Tablbbest, azgagen (aurore)

207 Adwwar, ifghel (village)
53
ESTRAGON (ikwna).— Ar tesawalt f mad agh ittawin adwal208.
POZZO.— Mani gh illa ismg inu ?
VLADIMIR.— Illa ghid.
POZZO.— Maxx lligh ar yi d ur ittrra awal igh sis sawlegh ?
VLADIMIR.— Ur ssenegh. Irwas is igwin. Aters akw is immut.
POZZO.—- Mad ka itran ?
ESTRAGON.—Mit ?
VLADIMIR.— Tederm sin itun.
POZZO.— Zer at is ittyagas.
VLADIMIR.— Macc ur ad kun nefel.
POZZO.— Ur tesghawsam ad sis tddum sin itun.
VLADIMIR (i Estragon.).— Ddu keyyi.
POZZO.— Awa hann awal, ad iddu umddakul nek acku ila bahra adu. (Yan imikk.) Ma
s ar ittqqel ?
VLADIMIR (i Estragon.).— Ma s ar teqqelt ?
ESTRAGON.—Ar teqqelegh s Godot.
VLADIMIR.— Ma rad ka isker ?
ESTRAGON.— Aywa ad ijbed tizikert macc ad t ur issasmad. Hati rad immass. Igh ur
immass, ad t yut s udar s unck nna mu yufa gh izddar n uhlig d udem.
VLADIMIR (i Estragon.).— Is tezerit, ur teksudt yat. Is rad d akw gis tekkist azerf nek.
ESTRAGON.— Imma igh si ibidd ?
POZZO.— Uhu, uhu, ur sar sik ibidd.
VLADIMIR.— Rad n ackegh ad ak awsegh.
ESTRAGON.—Smuqqul bedda gi ! (Iddu s umnid n Lucky)
VLADIMIR.— Zer zwar is isul. Ad t akw ur tekkat igh t iffugh iman nes.
ESTRAGON (Iknwa n f Lucky ).— Ar isunfus.
VLADIMIR.— Aywa !
Ghlin as idammen s yat tkklit, ar ikkat Estragon Lucky s udar, ar isàiyyid. Macc issiden d gis adar
ilmma iddu ar isbidir, ar indder. Inker d nit Lucky.
ESTRAGON (ibidd f yan udar).—Ah tfu !
Iskkus Estragon, immagh ad ikkis idukan nes. Imil ibidd, isker zund ikzin, agayyu gh nger
idarren, ifassen gh umnid ugayyu.
POZZO.— Ma dagh itran ?
VLADIMIR.— Amddakul inu yuden.
POZZO.— Imma Lucky ?
VLADIMIR.— Hiyya netta yadlli ay-an ?
POZZO.— Manik ?
ESTRAGON.—Izd nit Lucky ay-an yadlli ?
POZZO.— Ur ssenegh ma terit ad t tinit.
VLADIMIR.— Imma is tegit Pozzo ?
POZZO.— Yah awa, Pozzo ad gigh.
VLADIMIR.— Wwalli nit i id gam.
ESTRAGON.—N id gam ?
VLADIMIR.— Nettmzera id gam. (Afessas). Ur akw tekwtit ?
POZZO.— Ur nnigh is mmaggaregh kra n yan id gam. Macc azekka ur rad kwtigh is
mmaggaregh kra n yan gh ass ad. Ad akw fell-i ur teskerm fadd ad awen tekkisegh inghmisen.
Awa ad yudu ghil-ad. Bidd !
208 Igh idul kra n yan ( attention)
54
VLADIMIR.— Tiwit t yadlli s ―Saint-Sauveur‖ fadd ad t in tezzenzt. Tesawlt sigh. Ihuc.
Iswangem. Gh akud an tesfawt sul.
POZZO.— Igh teram. Rezm at yi i Rebbi. (Yanf Vladimir.) Bidd !
VLADIMIR.— Inker.
Inker Lucky, ismun taggwat lli nes.
ESTRAGON.— Is akw ifulki uzmz.
VLADIMIR.— Mani terit ?
ESTRAGON.—Ur t iwigh gh ghay-nna?
VLADIMIR.— Manik ad tenfelt ?
Yack d Lucky, lli yusin taggwat, yili gh umnid n Pozzo.
POZZO.— Atru ! (Isers Lucky taggwat, isiggl atru, yaf t, ifek t i Pozzo, yasi dagh taggwat lli.)
Tizikert ! (Isres Lucky taggwat, ifek ixf n tizikert i Pozzo, yasi dagh taggwat.)
VLADIMIR.— Ma illan gh tsufra ?
ESTRAGON.—Amlal. (Ijbed tizikert.) Zzigz ! (Yazzl Lucky, iccukku t Pozzo.)
VLADIMIR.— Ad ta ur tddum.
POZZO (ibidd).— Rad ddugh.
VLADIMIR.— Ma rad awen yaws igh n taggugm ?
POZZO.— Ar nettqqel ar kigh nufa ad nebidd. Awa ilmma neddu.
VLADIMIR.— Ini as ad ittirir igh ta ur teddam.
POZZO.— I mit ?
VLADIMIR.— I Lucky.
ESTRAGON.—Ad ittirir ?
VLADIMIR.— Yah. Neghd ad iswingim. Neghd ad ihessu209.
POZZO.— Macc hati iga agnaw.
VLADIMIR.— Agnaw !
POZZO.— Yah. Ur akw yufa ad indder.
VLADIMIR.— Agnaw ! Zegh man agu ?
POZZO (ghlin as idammen s yat tkklit ).— Izd ur ta teqqadam gh immukrisen lli s ukan
trezam agayy inu ? Awa had gar anelli ! Man agu ! Man agu ! Ur kun yuda, gh yan w ass, ass
irwasn wiyyad, iga agnaw; gh yan w ass gigh abukad ; gh yan w ass rad neg ignawen ; gh yan w ass
nelul ; gh yan w ass rad nggwiz akal ; gh ass an nit, tizi an nit, ur kun yuda ? (Ar isihil.) Arunt
lligh zzelent idarren i usmdl, ar ikkat w ass s izenzaren yan imikk, ilmma had dagh tillas llant. (
Ijbed tizikert.) Zzigiz !
Ffughen. Idfur ten Vladimir ar ttemi w usrir, ar gisen ismuqqulen, ar n taggugen. Yan ddaf n tduri,
isker Vladimir yat tsignit, ar temmal is dagh deren. Afessas. Iddu Vladimir s umnid n Estragon lli ittasn, ar
gis ittqqzzaz yan imikk, awa issenker t id.
ESTRAGON (ar isillif s tfessi, ar ishitrir. Gh isggwra).— Maxx lligh ur ar yi jju ttajjat ad
gunegh ?
VLADIMIR.— Iligh ghar d ixf inu d Rebbi.
ESTRAGON.—Ar tewargagh is bahra ummeregh.
VLADIMIR.— Ghay-an ad iszrayn tizi.
ESTRAGON.— Ar tewargagh masd…
VLADIMIR.— Fiss ! (Afessas.) Ar saqsagh agayyu inu is nit iga abukad.
ESTRAGON.—Manwa ?
VLADIMIR.— Wwad igan abukad s tiddt rad ak yini is ur ar isyafa tizi lli izrayn.
VLADIMIR.— Pozzo.
209 Igh ar ittals kra n yan tighri i kra nw arra ar lligh t akw yumz ixf nes, ur sul isghawsa ad gis ismuqqul fadd ad ittini (réciter)
55
ESTRAGON.—Iga abukad ?
VLADIMIR.— Inna agh t.
VLADIMIR.— Irwas is agh ittannay.
ESTRAGON.—Tewwargt t. (Yan imikk.) Rwah agh. Ur as nufa. Yah. (Yan imikk.) Izd
nit netta nit ay-an ?
ESTRAGON.— Godot ?
VLADIMIR.— Macc manwa ?
ESTRAGON.—Pozzo.
VLADIMIR.— Macc uhu ! Macc uhu ! (Yan imikk.) Macc uhu.
ESTRAGON.— Rad nkeregh meqar d ghik-an. (Inker meqar bahra ur iri) Ah !
VLADIMIR.— Ur sul ssenegh ma rad swangemegh.
ESTRAGON.—Idarren inu ! (Iskkus dagh, immagh ad ikkes idukan.) Aws yi !
VLADIMIR.— Is ttasegh lligh udnen wiyyad ? Is ttasegh ghil-ad ? Azekka, igh nnigh
nkeregh d, ma rad inigh fw ass ad ? Masd is qqelegh s Godot nekki d Estragon amddakul inu, gh
iwr ad, ar lligh derent tillas ? Masd is ghid izri Pozzo, netta d umasay nes, d masd digh isawl ? Ur
gis mad tinit. Macc ma rad ig tiddt gh may-ad akw? (Estragon, lli immaghen d idukan nes, ittas dagh.
Ar gis ismuqqul Vladimir.) Netta ur ad issen yat. Rad isawl f tkurayt lli icca, rad as fekegh ilmma
yat txizzut. (Yan imikk). Izzel idarren i usmdl d yat tlalit icqan. Gh tsila n ugdi, s twwargit,
amghaz210 ar ikkat s uglzzim nes. Tella dar-negh tizi lligh rad nuwwsr. Ignna iktar s isàyyiden
negh (Ar ishssu.) Macc tamyurt tega yat tamskrayt211 meqqurn. (Ar ismuqqul gh Estragon.) Ura nek,
kra n yan yaden ar gi ismuqqul, ar ittini, igwin, ur issin ad igwin. (Yan imikk.) Ur ufigh ad
zzugazegh. (Yan imikk.) Ma s nnigh ?
Ar ittddu, ar d ittacka s tfessi, imil ibidd gh tama n ukulis n uzlmad, ar ismuqqul gh maggug. Ikcem
d ufrux lli id gam s usrir. Ibidd. Afessas.
AFRUX.— Dda… (Ismaql d Vladimir.) Dda Albert...
VLADIMIR.— Aywa at agh dagh. (Yan imikk. I ufrux.) Ur yi tukzt ?
VLADIMIR.— Keyyi ad yuckan id gam ?
VLADIMIR.— Takklit izwarn ay-ad d tuckit ?
Afessas.
VLADIMIR.— Izd Godot ad ki d yuzn ?
VLADIMIR.— Ur ad d yack tadwggat ad.
VLADIMIR.— Macc rad yack azekka.
VLADIMIR.— Awa hati iqqan t id.
Afessas.
VLADIMIR.— Is temmaqqart kra medden lligh d tuckit ?
VLADIMIR.— Sin (ar ittrkkak)…irgazen yaden.
AFRUX.— Ur zerigh kensis i Rebbi.
Afessas.
210 Wwad iqqazn
211 Tega tt yat tghawsa lli teggan id bu uzawan i imassen nesen fadd ad tefek yan w anaw n unya ifulkin f umzzugh, ar ten tekrri s
imikk (sourdine)
56
VLADIMIR.— Mad isala Godot ? (Yan imikk) Is ar tesfladt ?
VLADIMIR.— Aywa ma za ?
AFRUX.— Ur isala amya.
Afessas.
VLADIMIR.— Manik ad n iga gwma-k ?
AFRUX .— Iherc i Rebbi.
VLADIMIR.— Hati irwas izd netta ad d yuckan id gam ?
Afessas.
VLADIMIR.— Is ila Godot tamart ?
VLADIMIR.— Izàrn212 neghd… (ar ittrkkak)… neghd isggann ?
AFRUX (ar ittrkkak).— Irwas yi is tega tumlilt i Rebbi.
Afessas.
VLADIMIR.— Tamella.
Afessas.
AFRUX.— Ma rad inigh i Dda Godot i Rebbi ?
VLADIMIR.— Rad as tinit- (ar gis ittbbi w awal) – rad as tinit ma s yi tezerit- (ar iswingim)-
ma s yi tezerit. (Yan imikk. Ar izzigiz Vladimir, afrux ar itturri tighurdin, ibidd Vladimir, afrux ibidd
dghed netta.) Is tekkest turda is yi tezerit, yak ur ad tinit azekka is yi jju ur tezerit ?
Afessas. Intteg Vladimir s yat tkklit, issukf nit ufrux irur. Afessas. Tafukt ar n tttar, ayyur ar d
yaqqlay. Ibidd Vladimir ur ar ittmussu. Iduy d Estragon, ikkes idukan, ibidd, idukan gh ufuss nes, isers ten gh
umnid n tifawin lli sisfiwen asrir, iddu s umnid n Vladimir, ar gis ismuqqul.
ESTRAGON.— Mad k yaghn ?

VLADIMIR.— Ur yi yagh yat.
ESTRAGON.—Rad ddugh.
Afessas.
ESTRAGON.— Iggut ma itran lligh gwinegh.
Afessas.
ESTRAGON.—Mani s rad neddu ?
VLADIMIR.— Mani n ur yaggugn.
ESTRAGON.— Ààad, ààad, rwah agh ad neddu s mani n yaggugn f ghid.
ESTRAGON.—Maxx ?
VLADIMIR.— Illa fell-agh ad d nack azekka.
ESTRAGON.— Ma rad za nesker ?
VLADIMIR.— Ad neqqel s Godot.
ESTRAGON.—Teghwzant ! (Yan imikk.) Ur d yucka ?
VLADIMIR.— Uhu.
ESTRAGON.— Imma ghil-ad is agh izri uzmz.
VLADIMIR.— Yah, derent tillas.
ESTRAGON.—Imma igh t akw nujja ? (Yan imikk.) Imma igh t akw nujja ?
VLADIMIR.— Rad s tt in gigh iqqerm213. (Afessas. Ar ismuqqul addag.) Addag akw a sul
iddern.
212 Ichbn, icgern, igan tucgirt (blonde)

213 Sfru, xells tt in gisen (punir)
57
ESTRAGON (ar ismuqqul addag ).— Ma iga ghay-ad ?
VLADIMIR.— Addag.
ESTRAGON.—Man anaw ?
VLADIMIR.— Ur ssenegh. Ammac214.
ESTRAGON.—Ack d. (Ijjikrr Vladimir s tama nw addag. Bidden gh umnid nes. Afessas.)
Imma igh nega ttemi i ussan negh.
VLADIMIR.— S mit ?
ESTRAGON.— Ur dar-k kra n tizikert ?
VLADIMIR.— Uhu.
ESTRAGON.— Hiyya ur as nufa.
ESTRAGON.— Qqel hati tella taggwst inu.
VLADIMIR.— Temzziy bahra.
ESTRAGON.— Rad tejbedt idarren inu.
VLADIMIR.— Imma ma rad ijbed winu ?
ESTRAGON.— Yah.
VLADIMIR.— Meqar d ghik-an rad narm aylli s tennit. (Ifsi d Estragon tizikert lli yumzn
atbban nes. Ider as d ar iwurzan acku imqqur as bahra. Ar smuqqulen gh tzikert.) Hati tefulki. Macc is
tedus ?
ESTRAGON.— May-an a rad nezer. Hak.
Yasi kra igat yan gisen yat tama n tzikert, jbeden nit. Tekkatti tzikert. Imikk ad deren.
VLADIMIR.— Ur tega i yat.
Afessas.
ESTRAGON.— Izd tennit is agh d iqqan ad d nurri azekka ?
VLADIMIR.— Yah.
ESTRAGON.— Awa hiyya rad nawi tizikert idusn.
VLADIMIR.— Awa hann awal.
Afessas.
ESTRAGON.— Didi.
VLADIMIR.— Yah.
ESTRAGON.— Ur ad sul ghamagh mek-ad.
VLADIMIR.— Illa mek-nna.
ESTRAGON.— Imma igh nengara ? Rad agh yaf ghik-ad.
VLADIMIR.— Rad neg ttemi i ussan negh. (Yan imikk.) Ad ur imil yack d Godot.
ESTRAGON.— Imma igh d yucka ?
VLADIMIR.— Rad nenjem.
Ikkes Vladimir tarazal nes- talli n Lucky- ar n gis ismuqqul, isak n gis afuss, issus tt, ig tt in dagh.
ESTRAGON.— Ma za, ad sis neddu ?
VLADIMIR.— All atbban nek.
VLADIMIR.— All awa atbban nek.
ESTRAGON.— Ad kkisegh atbban inu ?
VLADIMIR.— All atbban nek as ak nnigh.
Ar ittall atbban nes. Afessas.
VLADIMIR.— Aywa ad sis neddu ?
ESTRAGON.— Rwah agh sis.
Ur ar tmussun.
YUKI D USNTEL
214 Iga mad iggutn nw anawen, ar ittili gh tmizar lligh llan nw aman ura tid kremnin (saule)
58
Tudert n umara : Samuel Beckett:
Ilul Samuel Beckett (1906-1989) gh Bublin. Ighra gh Trinity

College. Zegh 1928 ar 1929 iga imqqri n tnglizt gh tnimel yattuyn
(ENS) gh Bariz. Gh 1930 yurri s Trinity College, eg gis imqqri n
tfransist. Izdgh akw gh Bariz zegh 1938, isfal ar ittara s tfransist
zegh 1945.
Iffugh d ungal nes Molloy gh 1951, iccukku t id Gh Tuqqla n

Godot gh ussggwass an lli t idfarn. Tanzgumt ad tturar takklit izwarn gh Bariz 1953. Zegh akud
an ad ttusurra d ad tturar sw alsiwen yaden.
Gh ussggwass n 1969, ittufeka i Samuel Bekcett atig n Nobel gh tskkla.
**Tawlaft lli illan gh udem izwarn n udllis ad tega tin unazur bahra meqqurn Muhmmad Mellal lli bahra snimmiregh **
-(Wanna dar kra n tannayt ad ur ittrkkak, ad yi d yara s e-mail ad : lahsen.oulhadj@gmail.com)-
59

GH Tuqqla N Godot

Transféré par

Informations du document

Titre original

Copyright

Formats disponibles

Partager ce document

Partager ou intégrer le document

Options de partage

Avez-vous trouvé ce document utile ?

Ce contenu est-il inapproprié ?

Droits d'auteur :

Formats disponibles

GH Tuqqla N Godot

Transféré par

Droits d'auteur :

Formats disponibles

SAMUEL BECKETT

ESTRAGON (yajj dagh aylli gh t yiwi).— Ur gis illa ma ittuskarn.

1 Mmel, adghar, agmmad, illi, ida, addad ( lieu)

20 Sghwasa (avoir besoin)

nufa ad n sis nut kra tghawsa gh mani n yaggugn (roquette)

37 Yan w addag lli dar yat tghara n iflu (arbrisseau)

45 Ur illa d yan, iga awlawal, waz, aslagh (seul)

60 Igh ar ittsutur kra n yan kra (supplique)

66 Awr nna izwan, iqqurn, ur gis adu nw aman ka (sec)

69 Aylli f yiwi kra n yan ( tempérament)

92 Aylli s ar nessergha takat ( allumette)

98 Sin imrawen, àcrin ( vingt)

108 Agummir , ihif ( dignité et honneur)

114 Iga t ufaggu lli itthbun asrir (rideau )

VLADIMIR.— Awa tegat tdggwat ad120.

120 Zàma tefulki, tezil, tecwa bahra

135 Iwaliwen ad gan ihwacen lli llanin gh tmizar n irumiyen

138 Meklli s ar isawal yan (ton )

141 takat, tafat, làfit (feu)

160 Bddelen bahra

163 Texwmmar, dessa, amz gh kra

Addag llan gis kra ifrawen.

VLADIMIR : Yan w aydi yucka d s…

Ar ittirir s imikk , ibidd, ar ittusu, yaywa dagh ar ittirir s aylli mu tt ila :

Yan w aydi yucka d s unwal

Zeran t ukan idan an yaden

Ibidd, ar ittmessaq, yaywa dagh :

Lligh t zeran idan an yaden

Ibbid. Isker dagh meklli .

Lligh t zeran idan an yaden

Ibbid. Isker dagh meklli .

Mdelent s tazzla s tazzla…

ESTRAGON.— Ad yi ur teggert ! Ad yi ur tesaqsat gh yat ! Ad yi ur ttinit yat ! Ghama di!

172 Kra n tghawsa n tzuri, ilan atig iggutn (objet d‘art).

173 Gh illi d igli usmmaql n yan (paysage)

VLADIMIR.— Ini kra !

183 Azmz n tuga d immghayen ( printemps)

186 Irxa, ur icqqi;

188 Ad idbber ixf nes (se débrouiller)

193 Tethdart (jouer)

194 Tawnant, asa, amadl (pente)

195 Iàuriden, tmajiyyirt ( obscénités)

198 Tarfkt, illizi n uzzal (train)

199 Tamrammut, aberbid, adermus, azerdig… (bavardage)

203 Igh sul ur illa mad ittunnan gh kra n tghawsa (confirmer)

204Ar itkacaf, ar ittannay timsirin n imal

206 Tablbbest, azgagen (aurore)

208 Igh idul kra n yan ( attention)

ESTRAGON.— Mad k yaghn ?

212 Ichbn, icgern, igan tucgirt (blonde)

Ilul Samuel Beckett (1906-1989) gh Bublin. Ighra gh Trinity

Iffugh d ungal nes Molloy gh 1951, iccukku t id Gh Tuqqla n

Gh ussggwass n 1969, ittufeka i Samuel Bekcett atig n Nobel gh tskkla.

-(Wanna dar kra n tannayt ad ur ittrkkak, ad yi d yara s e-mail ad : lahsen.oulhadj@gmail.com)-

Vous aimerez peut-être aussi