1

Edukasyon sa
Pagpapakatao
Unang Markahan – Modyul 4:
Inaalagaan Ko ang Aking Sarili
Edukasyon sa Pagpapakato -Unang Baitang
Self-Learning Module (SLM)
Unang Markahan 1 – Modyul 4: Inaalagaan Ko ang Aking Sarili

Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anumang akda ang Pamahalaan ng Pilipinas. Gayunpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung ito
ay pagkakakitaan. Kabilang sa mga maaaring gawin ng nasabing ahensiya o tanggapan ay
ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name,
tatak o trademark, palabas sa telebisiyon, pelikula, atbp.) na ginamit sa modyul na ito ay
nagtataglay ng karapatang-ari ng mga iyon. Pinagsumikapang matunton ang mga ito upang
makuha ang pahintulot sa paggamit ng materyales. Hindi inaangkin ng mga tagapaglathala at
mga may-akda ang karapatang-aring iyon. Ang anumang gamit maliban sa modyul na ito ay
kinakailangan ng pahintulot mula sa mga orihinal na may-akda ng mga ito.

Walang anumang parte ng materyales na ito ang maaaring kopyahin o ilimbag sa anumang
paraan nang walang pahintulot sa Kagawaran.

Bumubuo sa Pagsusulat ng Modyul

Manunulat: Ingrid C. Galeng

Editors: Alejandro A. Corre, Joene O. Dela Cruz, Lyme S. Arellano, Bernadette M. Angel
Tagasuri: Yusof A. Aliudin, Agabai S. Kandalayang, Mary Joy D. Bautista,
Mary Anne A. Barrientos
Tagaguhit: Ingrid C. Galeng
Tagalapat: Maria Fe C. Linao
Cover Art Designer: Jay Sheen A. Molina
Tagapamahala: Allan G. Farnazo – Regional Director
Fiel Y. Almendra – Assistant Regional Director
Isagani S. Dela Cruz - Schools Division Superintendent
Natividad G. Ocon - Assistant Schools Division Superintendent
Gilbert B. Barrera – Chief, CLMD
Arturo D. Tingson Jr. – REPS, LRMS
Peter Van C. Ang-ug – REPS, ADM
Cynthia G. Diaz - REPS – Edukasyon sa Pagpapakatao
Elpidio B. Daquipil - CID Chief
Juvy B. Nitura – Division EPS in Charge of LRMS
Marcelo B. Bocatera - Division ADM Coordinator
Edmund A. Rosete Sr. - EPS – Edukasyon sa Pagpapakatao

Printed in the Philippines by Department of Education – SOCCSKSARGEN Region

Office Address: Regional Center, Brgy. Carpenter Hill, City of Koronadal

Telefax: (083) 2288825/ (083) 2281893
E-mail Address: region12@deped.gov.ph
Paunang Salita
Ang Self-Learning Module o SLM na ito ay maingat na inihanda para sa ating
mag-aaral sa kanilang pag-aaral sa tahanan. Binubuo ito ng iba’t ibang bahagi
na gagabay sa kanila upang maunawaan ang bawat aralin at malinang ang mga
kasanayang itinakda ng kurikulum.
Ang modyul na ito ay may inilaang Gabay sa Guro/Tagapagdaloy na
naglalaman ng mga paalala, pantulong o estratehiyang magagamit ng mga
magulang o kung sinumang gagabay at tutulong sa pag-aaral ng mga mag-aaral
sa kani-kanilang tahanan.
Ito ay may kalakip na paunang pagsusulit upang masukat ang nalalaman ng
mag- aaral na may kinalaman sa inihandang aralin. Ito ang magsasabi kung
kailangan niya ng ibayong tulong mula sa tagapagdaloy o sa guro. Mayroon
ding pagsusulit sa bawat pagtatapos ng aralin upang masukat naman ang
natutuhan. May susi ng pagwawasto upang makita kung tama o mali ang mga
sagot sa bawat gawain at pagsusulit. Inaasahan namin na magiging matapat
ang bawat isa sa paggamit nito.

Pinapaalalahanan din ang mga mag-aaral na ingatan ang SLM na ito upang
magamit pa ng ibang mangangailangan. Huwag susulatan o mamarkahan ang
anumang bahagi ng modyul. Gumamit lamang ng hiwalay na papel sa pagsagot
sa mga pagsasanay.

Hinihikayat ang mga mag-aaral na makipag-ugnayan agad sa kanilang guro

kung sila ay makararanas ng suliranin sa pag-unawa sa mga aralin at paggamit
ng SLM na ito.
Sa pamamagitan ng modyul na ito at sa tulong ng ating mga tagapagdaloy,
umaasa kami na matututo ang ating mag-aaral kahit wala sila sa paaralan.
 Alamin

Ang Modyul na ito ay inihanda para sa inyong

kaalaman at pagkatuto sa mga aralin at upang higit na
malinang ang inyong mga natatanging kakayahan na
may tiwala sa sarili at pagpapasalamat sa Diyos kahit
kayo ay nasa bahay lamang.

Ang wastong pangangalaga ng kalusugan ay

nakatutulong sa paghasa at pagtuklas sa sariling
kakayahan upang malinang ang mga talento at
kakayahan na magagamit sa pang-araw-araw na
buhay.

Ang aralin ay nakapokus lamang sa inyong

kaalaman tungkol sa pangangalaga sa sarili at mga
gawain na maaaring makabuti o makasama sa
kalusugan.

Most Essential Learning Competencies

1. Nakapaglalarawan ng iba’t ibang gawain na
maaaring makasama o makabubuti sa kalusugan.
(EsP1PKP- Id – 3)

Sa araling ito, ang mag-aaral ay inaasahang:

1. Nakikilala ang iba’t ibang gawain/paraan na
maaaring makasama o makabuti sa kalusugan.
2. Natutukoy ang iba’t ibang gawain/paraan na
nakasasama sa kalusugan

ii
 Subukin

Panuto A: Iguhit sa iyong kwadernong panggawain ang

hugis puso ( ) kapag ito nakabubuti sa ating kalusugan
at bilog (O) naman kapag nakakasama

1. 2.

3. 4.

5.

1
 Balikan

Panuto: Isulat sa kuwadernong panggawain ang (√ ) kung

nakabubuting gawain sa kalusugan at (X) kung
nakasasama ang mga sumusunod na sitwasyon.

______1. Sinisiguro ni Sita na siya ay nakakainom ng

walo o higit pang basong tubig araw- araw.

______2. Mahilig manood ng telebisyon si Lorna. Laging

siyang puyat sa panonood.

______3. Mahilig kumain ng sitsirya si Joan tuwing oras

ng meryenda.

______4. Pinanatiling maliksi ni Ruben ang katawan

sa pamamagitan ng pag-eehersisyo dalawang
beses sa isang linggo.

______5. Masusustansiyang pagkain ang kinakain ni Beth

dahil yan ang palaging handa at luto ng kanyang
nanay para sa kanilang pamilya.

2
 Tuklasin

Panuto: Basahin at unawain ang kwento.

Si Ana: Ang Malusog na Bata

(Akda ni Ingrid C. Galeng)

Si Ana ay naliligo araw-araw kaya laging malinis ang

kanyang katawan. Sariwang gulay at prutas ang kanyang
kinakain sa halip na tsokolate at junkfoods. Hindi siya
umiinom ng softdrinks, kundi walong basong tubig o higit
pa ang kanyang iniinom bawat araw. Natutulog siya sa
tamang oras. Kalahating oras lamang bawat araw ang
inilalaan niya para gumamit ng “gadget” dahil gusto
niyang bigyan ng panahon ang pag-aaral ng leksyon.

Nanonood din siya ng telebisyon tungkol sa kanyang

hilig sa paglangoy. Tuwing Sabado, paglalangoy naman
ang hinahasa niya.

Dahil sa wastong pangangalaga niya ng kanyang

katawan, siya ay nalalayo sa mga sakit kaya lagi siyang
nangunguna sa kanilang klase at sa larangan ng
paglangoy.

3
 Suriin

Panuto: Sagutin ang mga tanong tungkol sa tulang binasa.

Isulat ang titik ng tamang sagot sa kwadernong
panggawain.

1. Alin sa mga sumusunod ang ginagawa ni Ana?

A. Babad siya sa computer buong araw.
B. Kumakain siya ng mga “junk foods”.
C. Natutulog siya sa tamang oras.
2. Ano ang kinakain ni Ana upang mapanatili ang
kanyang kalusugan?
A. Mga pagkaing matatamis at maaalat ang kanyang
kinakain.
B. Kumakain siya ng mga “junk foods” at tsokolate.
C. Kumakain siya ng sariwang gulay at prutas.
3. Ano ang ginagawa niya upang manguna sa kanilang
klase?
A. nag-aaral lagi ng leksyon
B. buong araw nanonood ng telebisyon
C. Nagbabasa siya tuwing araw ng Sabado.
4. Bakit siya nangunguna sa larangan ng paglangoy?
A. Laging natutulog ang kanyang ginagawa.
B. Lagi siyang umiinom ng kape.
C. Lagi siyang nag-eensayo.
5. Gusto rin ba ninyong tularan si Ana? Bakit?
A. Opo, para mahasa ko rin ang sariling kakayahan at
talento.
B. Ewan ko po dahil mas gusto ko pang manood ng
telebisyon.
C. Hindi po, nakakapagod mag-ensayo.

4
 Pagyamanin

Panuto: Pag-aralan mo ang mga sumusunod na

larawan. Iguhit ang parisukat sa iyong
kwadernong panggawain kapag ito ay nakabubuti
sa katawan at tatsulok naman kapag ito ay
nakasasama.

1. 2.

3. 4. 4.

5.

5
 Isaisip

Panuto : Punan ng wastong sagot ang mga patlang sa

talata. Hanapin ang tamang sagot sa loob ng kahon at
isulat ito sa iyong kwadernong panggawain.

gawain dahilan talento makasama

kalusugan paglinang kakayahan

May mga paraan na maaring makabuti o 1. __________ sa

ating 2. _________ na magiging sanhi na hindi
maipagpatuloy ang paghahasa o 3. _________ ng ating
mga 4.___________ at 5. ____________.

Tandaan:
Mga gawain na nakabubuti sa ating katawan gaya ng:
1. Pagligo araw-araw
2. Pagkain ng sariwang gulay at prutas
3. Pag-inom ng walong basong tubig o higit pa araw-
araw.
4. Pagtulog sa tamang oras

Mga gawain na nakasasama sa ating katawan gaya ng:

1. Pagkain ng junkfoods at tsokolate
2. Pag-inom ng softdrinks
3. Sobrang paggamit ng gadget
4. Sobrang panonood ng telebisyon

6
 Kinakailangan natin itong iwasan upang hindi tayo
magkasakit. Kapag tayo ay sakitin, nagiging mahina ang
ating katawan kaya hindi natin mahasa o ma-ensayo ang
ating talento at kakayahan.

Isagawa

Panuto A: Basahin ang bawat pangungusap. Isulat ng

Opo sa iyong kuwadernong panggawain kapag ito ay
paraan o gawain na ginagawa mo upang
mapangalagaan mo ng wasto ang iyong kalusugan sa
paglinang ng iyong kakayahan at Hindi po kapag hindi.

1. Mahahasa mo ang iyong talento kapag lagi kang

malusog.

2. Kapag umulan ng malakas, maliligo ka at

magbabad sa ulan upang ikaw ay hindi
magkasakit.
3. Matutulog ka sa tamang oras para maging
masigla ang iyong isipan at at katawan.

4. Lagi kang gumamit ng sabon at tubig sa paliligo

araw-araw upang maging magaan ang
pakiramdam.
5. Nakakalusog ng katawan ang pagtatampisaw mo
sa tubig-baha.

7
Panuto B: Gawin ang “thumbs up” ( ) kung ang
gawain ay nakabubuti sa kalusugan at “thumbs down”
( ) kung hindi.

1. Maging maingat ka sa pagpili ng pagkain na iyong

kakainin.

2. Mag-ehersisyo ka araw-araw upang lumakas ang iyong

katawan.

3. Uminom ka lagi ng kape.

4. Gagamit ka ng “gadget” sa tamang oras lamang.

5. Tuwing Lunes ka lamang maliligo.

8
 Tayahin

Panuto: Iguhit ang masayang mukha ( )

kapag ang gawain ay nakabubuti sa katawan at
malungkot na mukha ( ) kapag ito ay nakasasama sa
kalusugan. Gawin ito sa sa inyong kwadernong
panggawain.

_____1. Magsipilyo ng ngipin pagkatapos kumain.

_____2. Hayaang marumi ang kamay kapag kakain.
_____3. Uminom ng gatas araw-araw upang buto ay
tumibay.
_____4. Ugaliing manood ng telebisyon hanggang
hatinggabi.
_____5. Lumabas lagi ng bahay upang mahawaan sa
mga taong maysakit.

Karagdagang Gawain

Panuto: Gumuhit ng tatlong pagkain na nakabubuti at

tatlong pagkain nakasasama sa kalusugan.

Kriteria ng Gawain
Kriteria 5 4 3
1. Kawastuhan
2. Kalinisan
3. Natapos ang Gawain sa takdang
oras

9
 Susi sa Pagwawasto

Sanggunian
n.d. Most Essential Learning Competencies.
Victoria Guia-Biglete, Maria Carla Mabulay-Caraan, Rolan
Baldonado Catapang, Isabel Montezero-Gonzales.
2013. Edukasyon sa Pagpapakatao 2 Tagalog,
Kagamitan ng Mag-aaral. Unang.
—. 2013. Edukasyon sa Pagpapakatao Tagalog,
Patnubay ng Guro. Unang Edisyon.

10
 PAHATID-LIHAM
Ang Sariling Pagkatutong Modyul na ito ay nilinang ng
Kagawaran ng Edukasyon, Rehiyon Dose, na may
pangunahing layunin na ihanda at tugunan ang
pangangailangan sa bagong normal. Ang nilalaman ng modyul
na ito ay batay sa Most Essential Learning Competencies
(MELC) ng Kagawaran ng Edukasyon. Ito ay pantulong na
kagamitan na gagamitin ng bawat mag-aaral ng
SOCCSKSARGEN Region simula sa taong panuruan 2020-
2021. Ang proseso ng paglinang ay sinunod sa paglimbag ng
modyul na ito. Ito ay Bersyong 1.0. Malugod naming hinihimok
ang pagbibigay ng puna, komento at rekomendasyon.

Para sa mga katanungan o puna, sumulat o tumawag sa:

Department of Education –
SOCCSKSARGEN Learning Resource
Management System (LRMS)

Regional Center, Brgy. Carpenter Hill, City of Koronadal

Telefax No.: (083) 228 8825 / (083) 228 1893
Email Address: region12@deped.gov.ph