Infos utiles pour postuler au doctorat

(Projet de thèse, Positionnement épistémologique, Méthodologie, Bibliographie, Entretien, …)

Salamo alikoum! M3a bdaw les appels à candidatures d cycle doctoral, bghit ndir had doc bach n3tikoum
quelques infos li ghaynf3ou bzaf dles étudiants li bghaw ypostulew l doctorat !

Ghanhder bdarija bach koulchi ykoun wade7 w ynfe3 les étudiants li bghaw ypostulew l doctorat f2ay
filière, w que ce soit hna flmghrib awla bera.

Aham haja bach tpostuler l doctorat howa lprojet d thèse (li howa wahed document feh dakchi li baghi
tdir f thèse dyalk incha'allah), had lprojet d thèse howa li kaykheli laboratoire yhezk, w howa li
kaysouwlouk 3lih nhare l’entretien hitach howa koulchi! f2ay blad ra nefs l9adia machi gher flmghrib.
Généralement lprojet d thèse kaytstructura 3la had chkel :

1- Nom et Prénom du candidat

2- Laboratoire/Equipe de recherche : ghade tl9a les labos f site dluniversité li atpostuler liha, kifach
katkhtar labo li atpostuler lih ? katchouf les axes d recherche d kola labo y3ni chno z3ma tawajouh dyal
dak labo fin ghadi, w atchouf li 9rib l sujet dyalek, matalan nta khedam 3la les indices boursiers, atchouf
ay labo khedam 3la des axes d recherche ghadin m3a les indices boursiers matalan atchouf ay haja 3ndha
3ala9a blfinance d marché awla lfinance 3amatan w atpostuler ldik labo, hadchi kaykheli mn sahl 3lihoum
yhezouk 7itach sujet dyalk ghadi m3a labo w t9der tkhdem m3a les chercheurs li kaynin fdik labo 7itach
koulchi 3ndo nfs tawjouh flkhedma.

3- Axe de recherche : (Ra hdert 3lih lfo9)

4- Titre du projet : bla matdirou chi titre twiiiil awla spécifié, titre ykoun bayn w f7ala glti mlekhes ga3
dkchi li atkhdem 3lih fwahed ster w ykoun accrocheur. N3tik exemple, matalan nta baghi tkhdem 3la
l'impact dyal la responsabilité sociale 3la la performance financière dyal les entreprises cotées marocaines
w bghiti tdir étude empirique bach traiter had sujet, t9der tsemi lprojet dyalk matalan : Responsabilité
sociale et performance financière : étude empirique sur les sociétés marocaines cotées. Nasi7a : 7awl
mat7et titre ta tsali lprojet dyalk, haka aykhlik tcapter l’essentiel fquelques mots.

5- Définition du projet : wahed 10 lignes hakak feha chi dekhla dyal anaho z3ma thème li khedam 3lih ra
mouhim w moraha athder 3la l'objectif dyal lprojet w kifach ghadi twsel lhad l’objectif z3ma kifach ghatdir
ll’analyse, matalan kifach atdir ldik l'étude empirique bach t3ref l'impact dyal la responsabilité sociale 3la
la performance financière des entreprises cotées marocaines, w achnahoma les mesures li atakhod en
considération bach twsel l’objectif dyalk.

6- Intérêt du sujet : l'intérêt d sujet howa had lprojet dyalk fach ghade ynfe3, matalan t9der t9essemha
ljouje l3ibate, pour la communauté scientifique w pour les praticiens (la bghiti tzid pour le développement
économique wla sociale du Maroc wla chi l3iba haka tahya zidha) : Pour la communauté scientifique
athder 3la ana matalan les études li tdarou 3la had thème sont très rares flmghrib, w lprojet drecherche
dyalk vise l'extension dla littérature scientifique, safe w atb9a tale9ha shwya! w flekher atfiniha b ana
recherche dyalk peut servir de base pour des recherches futures, que ce soit pour l’approfondir awla pour
l’élargir à d’autres horizons. Bnisba l les praticiens, nas z3ma li kaykhedmo f domaine dyal lprojet dyalk,
t9der matalan tgoul bli lprojet dyalk apportera des éléments de réponse pouvant guider le
processus des décisions financières awla stratégiques awla ay nw3 dles décisions w ghatb9a tale9ha
shwya.
7- Théories mobilisées (bghiti tdirhoum dirhoum mabghitich matdirhoumch a howa la dertihoum ra
point de plus lik) : les théories mobilisées homa les théories li ghade takhodhoum en considération f
lprojet dyalk w atmobiliséhoum y3ni li ghade tkhdem bihoum maghadich t3aredhoum wa2inama ghade
tetbennahoum matalan nta flperformance financière dyal les entreprise cotées bghiti tkhdem bles cours
boursiers, automatiquement aykhsk tmobiliser théorie d’efficience des marchés li katgoul bli les cours
boursiers s’échangent toujours à leur juste valeur, y3ni douk les cours boursiers ra kay3tiwna idée 3la
lperformance financière dyal l’entreprise, y3ni l'analyse dyal had les cours boursiers ra hya l'analyse dyal
lperformance financière dyal l'entreprise, donc nta ila knti atkhdem 3la lperformance financière w bghiti
tmesureha b les cours boursiers aykhsk tmobiliser had théorie li ghada bhad lprincipe ! mouhim ra koula
thème w les théories li kaynin 3lih, w ra moujoudine f les articles scientifiques khas gher t9lbou 3lihoum w
tkhdmou bihoum! had les théories mobilisées f7ala glti katracer terrain bihoum dyal khdma dyalk bach
matkounch khedam 3chwa2i.

8- Revue de littérature, question de recherche et hypothèses (khas darouri tkoun wahed lcohérence w
wahed lfil conducteur frédaction dyal had lpartie) : nbdaw b l revue d littérature, hna at7awel thder 3la
les théories w les études li darouhoum les chercheurs f nefs sujet li atkhdem 3lih, moraha athder 3la sujet
dyalk 3la ana ga3 had les chercheurs li hderti 3lihoum madarouch matalan wahed l3iba, hadchi lach
khelak nta tfeker anak tkhdem 3liha, had l3iba t9der tkoun matalan chi analyse différente ta 7ed madarha
wla matalan koulchi kaykhdem bdes modèles statistiques nta matalan atder des entretiens w des
questionnaires awla asehal haja hya tgoul matalan bli ga3 had les chercheurs khedmou 3la hadchi fbladat
khrine w ana ta7d 3mrou khdem 3la hadchi flmghrib awla l’Afrique awla lMENA, safi w ghatb9a tale9ha!
Moraha atdouz l problématique dyalk (hya l question centrale li ghatjawb 3liha fthèse dyalk, w hya li dayr
3liha lfilm kamel), mouhim fach ghadi tjbed dak l gap li l9iti f littérature dyal z3ma ana les chercheurs
makhdmoch 3la wa7ed l3ba wla makhdmouch 3la wahed lblad wla région, atgoul bli matalan cela nous
conduit à nous interroger sur le xxxxxxxxxxxxx , safe w moraha atlancer lproblématique dyalk bhad chkel
matalan 'la problématique centrale provisoire de notre thèse s‘articule autour de la question
suivante :…………………….. ? Daba ndouzou l les hypothèses awla les sous-questions, li bghiti tdir ya2ima
atdir des hypothèses w ghade testehoum ya2ima atdir des sous-questions w atjawb 3lihoum ! bnisba ila
bghiti tdir des hypothèses, achnahoma b3da had les hypothèses ? une hypothèse hya wahed lfaradia
katftaredha 9bel matbda l’étude dyalk, w katesteha wach s7i7a wla la bl’analyse li atdir fl’étude dyalk!
had lfaradia kifach katdir takatdirha ? katchouf les résultats dyal les études li tdarou ch7al hadi 3la sujet li
atkhdem 3lih w à travers les résultats dyalhoum katformuler des hypothèses ! n3tik exemple, matalan l9iti
bli flan w flan w flan khedmo 3la l'impact dyal la responsabilité sociale 3la la performance financière des
entreprises cotées tunisiennes w l9aw bli makayn tachi impact 7itach matalan chi théorie X katgoul ana
fles pays en voie de développement l’investisseur makaytmezzekch l responsabilité sociale ( gha exemple
), nta b7okm anak khedam 3la lmghrib fa katftred anak atl9a nefs résultat w ghatkteb H1 (y3ni hypothèse
1) : Il existe aucune relation entre la responsabilité sociale et la performance financière des entreprises
cotées marocaines. Mouhim atb9a ghade bhad chkel, kola hypothèse katformuleha rasseha w kola whda
katsemiha H1, H2, H3, H4, …! 3lach kandirou had les hypothèses aslan ? daba dik lquestion centrale d
recherche (problématique) katrépartiha sous forme des hypothèses, moraha katester had les hypothèses
katchouf wach tconfirmehoum awla t’infirmehoum! flpartie pratique kola hypothèse atesteha bouhedeha
w atgoul wach bese7 kat7e9e9 dik lfaradia awla la, fach katester ga3 les hypothèses li formuleti flouwl
katl9a rasek jawbti 3la lquestion centrale. Bnisba l les sous-questions ra nefs lblan dyal les hypothèses a
homa kaykono des questions katjawb 3lihoum machi des hypothèses katestehoum, f7al f7al, nta katkhtar
li bghiti ya2ima tdir des sous-questions wla des hypothèses. Wa7ed nasi7a gbel mandouzou lhaja
khra, 7awlo bdebt fhad lpartie dyal lrevue d littérature, problématique w hypothèses ay haja ktebtouha
tkoun sous forme dyal citation, 3ndek fhad lpartie w flpartie d théories mobilisées khas ay haja ktebtiha
tdir chkoun galha matkteb ta haja dyalk mn ghir lproblématique w les hypothèses. Chnahya citation ? (3yit
wana nkteb wlh hahahahahah) citation hya f7ala glti 9tibas dlhedra dyal wahed chercheur ! katched
lhedra li gal had chercheur fchi article awla ouvrage dyalo w katreformuleha w flekher dyal lparagraphe
 awla lphrase li reformuleti katdir hadi (flan ben flan, 2009), z3ma ra dak flan howa li gal dakchi f 2009
(l’année imta khrej dak l’article wla dak l’ouvrage wla dek thèse wla dak rapport). Had flan khas
fbibliographie tl9a l’article wla l’ouvrage li tkhadet menou had citation machi gher tji w t7etha hakak khas
darouri tkoun lréférence dyal had citation flbibliographie. 3lach had les citations khasehoum ytdarou fhad
les parties bdebt? 7itach nta ka étudiant, nta gher katchouf les autres chercheurs chnou darou w chnou
madarouch w flekher katbghi tkherej problématique dyalek, had lproblématique hya li dyalek fhadchi
kaml, ama chi lakhor koulchi des chercheurs homa li galouh nta lmission dyalk en tant qu’étudiant hya
t9ra bach t3ref lproblème fin kayn w t3aljou mn be3d. Had l3iba aghlabya dyal les étudiants
makaytsw9ouch liha ga3, wlkin raha f7ala glti lcolonne vertébrale dyal had lprojet d recherche hitach
katweli katkhdem khedma pro.

9- Terrain de recherche : Bayn bla manhtaj nchr7ou ra bayn, matalan khedam 3la les banques marocaines ra
terrain dyalk howa secteur bancaire marocain.

10- Le positionnement épistémologique et les choix méthodologiques : hna athder 3la 4 dl7wayj li homa :

 Positionnement épistémologique
 Méthodologie adoptée
 Exploration
 Raisonnement

10.1. Nbdaw b awal haja li howa lpositionnement épistémologique, had lpositionnement épistémologique
howa z3ma discipline philosophique li ghatkhdem biha thèse dyalek (l'objet, la démarche, les questions w
la finalité d la recherche)! anta atfhem mn be3d a jri m3aya! aghlabya dles thèses kaytfondaw 3la had 3
dles postures épistémologiques :

Posture Signification
Interprétativisme Comprendre en profondeur un phénomène
Constructivisme Développer un projet de connaissance

Positivisme Interroger les faits pour rechercher des régularités ou

mettre à l’épreuve des hypothèses

- L'interprétativisme théoriquement howa mli un chercheur permet de rattacher certains phénomènes

visibles à des processus non perceptibles w kayredhoum compréhensibles et où il fournit ainsi une sorte
de « lecture » de ces phénomènes, y3ni fach kaykoun chi phénomène mamfhoumch, w nta ka chercheur
katfessrou bchi tari9a li makatkhlihech abstrus. Matalan mli kaykoun l’objectif dyal wahed chercheur
howa y interpréter les actions des acteurs dyal wa7ed l’entreprise, katgoul ha 3lach darou hadi w ha 3lach
ma darouch hadi matalan.

- Lconstructivisme part du principe que la réalité hya mjmou3a dyal l2afkar dyal bzaf dles chercheurs, w
ana had lréalité ra machi indépendante w 7na kan7awlo nbe7tou 3liha w n3erfou l7a9i9a dyalha, la! wa
2inama 7na li kanbniwha b les idées w les recherches! Z3ma en réfléchissant sur nos propres expériences,
kanconstruiw notre propre vision du monde dans lequel nous vivons ! Hada howa lma3na l2asil w lfelsafi
dyal l constructivisme. Mouhim mn lekher, lconstructivisme f thèse howa fach katcréer wa7ed projet d
connaissances jdid 3la wahed lphénomène! matalan tcréer wa7ed l’approche jdida dlmanagement des
entreprises li 3mer chi 7ed darha, w katbasa 3la terrain, lpratique w les théories existantes.

- Fl positivisme, lhadaf dyal la science kaykoun howa anaha tktachef la réalité à travers son comportement
w anna les lois existent même si elles ne sont pas toutes découvertes! y3ni f7ala kat3tabr bli lréalité ra
kayna w wajda w l2insane khasou y9eleb 3liha w yl9aha, machi f7al lconstructivisme li kaygolik anana 7na
li kanbniw lréalité 3la 7sab makanchofo w kanstekchfou, hadchi kifma gelt lm3na lfalsafi dyalha! F thèse,
chercheur kay opter pour le positivisme mli matalan kaybghi yjbed des causes et des relations ! Par
 exemple mli kaybghi y7seb lperfromance dyal wahed l’entreprise w kybghi ychouf 3lach hbtate fwahed
lw9ita w 3lach tl3ate fwahed lw9ita, chnou les variables li khelawha tle3 awla thbet matalan. By the way,
L2aghlabya dles doctorants kaykhedmo blpositivisme.

T9der tkhtar whda mn had les approches hya li tkhdem biha f thèse dyalk kif t9der tkhtarhoum b 3
tkhdem bihoum, dkchi 3la 7sab lproblématique li khtareti tkhdem 3liha.
Bzaaaaaaf dyal les débats tdarou w mazal kaytdarou 3la had 3 dles approches, 7it b3d lmerate approche
katdkhol f approche w makatb9a 3ref wach hadak interprétativisme awla constructivisme awla
positivisme. Kaynin li kaygolo bli le nombre d variations fl'explication dhad les approches peut être égal au
nombre d'auteurs qui ont abordé le domaine d la philosophie d la recherche. Y3ni ra kola kaylghi blghah
hahahahahaha.

10.2. Ndouzou lméthodologie adoptée, w kifma kay3ref koulchi, lméthodologie ra aham haja w hya f7ala
glti lpierre angulaire dla recherche, généralement kaynin 3 approches w baaaynin (qualitative,
quantitative w mixte) :

- Approche qualitative : hya fach kaykounou les données verbales plutôt que des données qui peuvent être
mesurées (sous forme de mots (à partir des entretiens), des images (vidéos) wla des objets (f7al les
artefacts)), la collecte dyal had les données katdar b les entretiens individuelles approfondis, les
entretiens structurées et non structurées, les groupes de discussion, les récits, l'analyse de contenu wla
l’analyse documentaire, l'observation wla la recherche archivistique.

- Approche quantitative : had l’approche katcaractérisa par l’étude des données numériques, w
katconcentra 3la lclassification des caractéristiques w lconstruction des modèles statistiques et des
figures pour expliquer ce qui est observé.

- Approche mixte : hya lmix dyal lquali w lquanti.

10.3. Ara lia daba l’exploration : L’exploration hya stikchaf dyal sujet dyalk bach t3ref ina type
d'information khasek t9eleb 3lih f terrain, normalement katdar 9bel matbda l’enquête awla l'analyse
dyalk! anta atfhemi fin kanhder a sber! kayn 3 formes d'exploration f la recherche: théorique, empirique
w hybride (aghlabya kaykhedmo blhybride):

- L'exploration théorique hya fach chercheur kaydir wahed lien bin deux champs théoriques qui n'ont pas
encore été liés dans des travaux antérieurs awla entre deux disciplines. Y3ni fach katlier wahed 2 dyal les
théories mkhtalfine matalan trbet bin chi théorie f psychologie w théorie flfinance, chi l3iba haka z3ma li
3mer chi 7ed darha mn 9bel.

- L'exploration empirique hya fach makatkounch wahed la base de connaissances mtwefra 3la wahed l
phénomène, bim3na akhor mli les phénomènes kaykono non ou mal connus, hna chercheur kayjib des
nouvelles connaissances indépendantes 3la li kanou 9bel 3la dak lphénomène.

- L'exploration hybride consiste pour le chercheur à observer la réalité sur le terrain en même temps qu'il
utilise des connaissances théoriques tout au long de la recherche. Y3ni chercheur kaydir un aller-retour
mabin les théories li tdarou ch7al hadi 3la sujet dyalo w bin lpratique, 3lach ? bach yjbed les points
dconvergences w ddivergences bin terrain et théorie w y3ref bdebt le type d'information li khs y9eleb 3lih
sur le terrain.

10.4. Wa akhiran lraisonnement (tara 3yit wana kantkteb hahahahhahah) :

Howa l2asas lmnti9i li ghat3tamed 3lih bach tvéhiculer l’analyse dyalk. Anta atfhem a blati, hadchi kayban
fchkel flbedya wlkin flekher kayweli sahel flfhama! kaynin 3 types d’raisonnement fla recherche, à savoir
: lraisonnement déductif, inductif w abductif.
 - Lraisonnement déductif howa fach le chercheur kayjebd des connaissances jdade à partir des
connaissances déja kaynin f7ala glti katmchi mn chi idée générale w katirer mnha chi haja spécifique,
matalan bima ana kayna wa7ed loi dyal lgravitation w ana ay haja katla7 kathbet lte7t, donc tu peux
déduire que mli ghatlou7 tfa7a fsma ra ghati7 ll2erd bsbab ljadibya. Mouhim, had processus kayt3taber
fiable 3lach ? 7itach chercheur kayjme3 bin l’abstraction, lrecombinaison w lconnaissance. Kayn wahed
nw3 akhor dl raisonnement déductif w howa li kaytste3mel bzaf fles sciences expérimentales li howa
lraisonnement hypothético-déductif, à travers had lraisonnement chercheur kaykherej des conclusions à
partir de pures hypothèses, y3ni chercheur flouwl kayformuler des hypothèses w kay7awl mn b3d y
confirmer wla y infirmer douk les hypothèses.

- Lraisonnement inductif (l3eks d déductif, y3ni mn chi haja spécifique katkherrej idée générale) howa fach
le chercheur ntila9an mn les observations kaydir des généralisations et des lois, mital bsiit jidan ! matalan
tkhayl m3aya 9bel mayjebd lina newton loi dyal lgravitation, chditi tfa7a le7tiha ta7et chwya chditi
khechba le7tiha tahya ta7et chwya le7ti lma tahowa ta7, donc katgénéraliser 3la ga3 l2ajsam w katgoul bli
ra 2ay jism le7tou ra ghayti7, w katweli had l9ta ka2anaha loi 7it katra dima.

- Lraisonnement abductif howa fach chercheur kay7awel ystentej des causes probables à un fait observé,
y3ni chercheur kayjbed la cause la plus vraisemblable à un fait constaté w kay affirmer à titre d'hypothèse
que hadak le fait rah natija dyal dek lcause. T9der tkteb had lpartie dyal « Le positionnement
épistémologique et les choix méthodologiques » 3la had chkel (machi chi haaaja wlkin dayza) :

« Notre projet se base essentiellement sur une méthodologie de recherche XXXXXXXXXX, puisqu'on vise
l'analyse XXXXXXXXXXXXXXXXX afin de répondre à notre problématique. Nous allons adopter une posture
XXXXXXXXXXXXXXXXXXX parce que notre objectif est de XXXXXXXXXXXXXXXXXXXXXXXXXX en se basant sur
la littérature existante. Ainsi, nous allons procéder à priori par l’exploration XXXXXXX, puisque nous avons
l’intention de XXXXXXXXXXXXXXXX. On va adopter un raisonnement XXXXXXXXXXXXXXXX parce qu'on va
XXXXXXXXXXXXXXXXXXXXX »

11- Calendrier de la recherche : had lcalendrier ra bayn bla man7taj ncher7o, ha wahed template adapteha
3la lcas dyalk (bedel chi l3ybate w zid chi l3ybat rak 3rf bnadem kaybda yhez copier-coller, 7awl tfreestyli
bch maybanch dakchi f7al f7al) :

Première année
 Etudier toute la littérature qui traite le sujet XXXXXXXXXX.
 Définir le sujet de manière précise : motivations, intérêts, contexte, domaines d’application et
perspectives.
 Faire surgir la problématique finale.
 Participation à des Journées Doctorales afin de présenter le domaine de recherche et ses
premières idées à l’ensemble de la communauté de recherche.
 Elaborer un premier rapport qui consiste à fixer le déroulement de la suite de la thèse.
 En fin de 1ère année, si la recherche bibliographique est suffisamment conséquente, bien
structurée et vue sous un angle nouveau, un article dans un journal ou une revue peut être
soumis pour présenter cet état de l’art.
Deuxième année
 Mois de janvier : Présenter un article de la littérature
 Mois de janvier - février : Collecter les données.
 Mois d’avril - mai : Présenter le résultat de la collecte de donnée
 Mois de juin : Présenter les premiers résultats des tests empiriques
 Mois de juillet - août : Discuter les résultats empiriques
Troisième année
 Mois d’octobre - novembre : Présenter un article empirique
 Mois de décembre - mai : Discuter et rédiger la thèse
  Mois de juin - septembre : Fin de rédaction de la thèse et Pré-soutenance
 Mois d’octobre - novembre : Soutenance de la thèse

12- Bibliographie : lbibliographie ra bayna bla man7taj nchre7ha par contre an3tikoum des astuces 3la
kifach tsayb w tkoun pro :

Lbibliographie khs ykounou fiha les articles scientifiques bnisba dyal 70% wla 80% (article scientifique
machi howa article 3adi f la vie éco wla fl’économiste, article scientifique kaykoun katbou chercheur
wahed awla bzaf dles chercheurs w feh wahed 15-20 pages hakak, kaykoun f7al chi thèse sghira w
mlekhsa, katkoun fih tahowa problématique awla hypothèses, mouhim kaykoun 3ibara 3la wahed l’étude
approfondie 3la chi sujet blrevue d littérature dyalha, bles résultats, blbibliographie bkoulchi). Had les
articles khas ykounou aghlabythoum jdade w bl anglais 3lach ? hit houma li kaybeynouk chad sujet li
atkhdem 3lih, z3ma 9riti 3lih bzaf dyal les articles w les travaux dyal les chercheurs li kaykhedmo tahoma
3la nefs thème d recherche dyalk! w 3lach had les articles khs ykounou jdade ? (z3ma 2010-2020) bach
tban rak 3aref les derniers avancements w l’actualité 3la sujet dyalk y3ni rak ghade m3a jma3a dyal les
chercheurs li kaykhedmo 3la sujet dyalk. W 3ach bl anglais ? 7itach l’anglais lougha katwe7ed science,
aghlabya dles chercheurs fl3alam kayktbou bl anglais bach ychofo les articles dyalhoum des chercheurs
khrine w ynta9dohom awla y2eydohoum w haka kaytzad l3ilm dghya 7it makatdirch lih des barrieres dyal
lougha. Anyways, Bach tjbed les articles li kayhedrou 3la sujet dyalk saaahla w kaynin bzaaf dles bases
de données li t9der takhod mnhoum les articles fabor ya2ima btari9a 9anounya wla la.

Hahoma li mechehourine w khososan 3ndna flmghrib, aghlabya kay9elbou fihoum w kayakhdo mnhoum
les articles :
https://scholar.google.fr/ (base feha des ouvrages w des articles bl’anglais w francais w 2ay lougha)
wahed l3iba 3la had google scholar mzyana w katnfe3 bzaf, hya fach atdir matalan chi recherche fiha 3la
sujet dyalk atl9a des articles tal3ine homa louwline w mktouba 7dahou matalan ‘Cité 340 fois’, had l3iba
kat3ni ana 340 chercheur hder 3la dak l’article w tfa3el m3ah w citah f recherche dyalo, hada kay3ni ana
dak l’article wazen bnisba l sujet dyalk w darouri lprof awla labo li kaykhdem 3la nefs sujet w bghitih y
encadrek aykoun kay3rfou y3ni kaykhesek tciteh w tdekhelo m3a les références dyalk flbibliographie bach
lprof mli ychouf lbibliographie y3refha raha kamla mt3el9a bdak sujet w rak mcerner lprojet dyalk, machi
les références li flbibliographie f9ont w sujet f9ont.
https://www.cairn.info/ (chi mera katl9a l’accès l les articles machi gratuit w chi mera la, w les articles
aghlabythoum en francais)
https://www.jstor.org/ (nefs lblan d Cairn a howa les articles kaykono gher en anglais)
https://www.sciencedirect.com/ (b7al Jstor)
https://www.researchgate.net/ (chi mera katl9a fiha des articles fabor chi mera la, w fiha dkchi en
francais w en anglais) Had sciencedirect w researchgate w bzaaf dles bases akhrine li l'accès payant l les
articles li fihoum, lihoum l7el ! kayn wahed site li howa : https://sci-hub.se/ katdekhel l’URL awla wahed l
code (DOI) fhad sci-hub w kaykherej lik l’article kamel mkmoul w t9der t telechargeh pdf! dak DOI ra
katl9ah flpage dyal l’article li kyn fdouk les bases f7al sciencedirect w researchgate w lokhrin! ghaliban dak
lcode kaykoun 3la had chkel (10.1016/j.enpol.2017.09.020), fi 7alat jatek m3nkcha tb9a tcopier l’URL wla
DOI d l’article w tdkhol l sci-hub w tcolleh w 3ad ykhroj lik l’article, kayna wahed l’extension f google
chrome smytha ‘sci-hub Now’! Hadi une fois kat installeha f chrome safi, fin ma tdkhol lpage dyal chi
article (lpage li fiha l’abstract w les infos 3la l’article w lprix) katcliquer fiha (ra gher ghat installeha ghatle3
lik l’icône dyalha lfo9 3el limen m3a les extensions) kaykhroj lik l’article pdf nadi f7ala rak dkhelti lsci-hub
w colleti fiha l’URL wla DOI, mouhim had l9ta ta gha tjerebha w ghatfhmni fin kanhder.

Bnisba l les thèses li déjà mdyourine t9drou tl9awhoum f had les sites : http://www.theses.fr/ (hada feh
gher les thèses d franca, chi mera katl9a l’accès gratuit w chi mera la)
https://hal.archives-ouvertes.fr/ (hada feh les thèses w les articles koulchi bfrançais w l’accès gratuit)
http://www.sudoc.abes.fr/ (hada f7al hadak li lfo9)
http://theses.unistra.fr/ (ta hada hahahahahha)
https://oatd.org/ (hada feh les thèses en anglais w tahowa gratuit)
https://toubkal.imist.ma/ (hada dyal les thèses hna flmghrib wlkin naaaa9es bzaaf)
https://otrohati.imist.ma/ (hada tahowa dles thèses hna flmghrib wlkin feh gher les thèses en cours de
préparation w dkchi makat9derch t telechargeh at9der gher tchouf titre dyal la thèse w des infos 9lale,
wlkin ta haka wala blach, t3rf b3da gher wach sujet dyalk déjà dayrinou hna flmghrib wla la w t3ref ina
université katkhdem 3la thème li ghade fih sujet dyalk bach tpostuler liha)
Bnisba l les ouvrages hahowa wahed site gratos tahowa :
http://libgen.rs/ (hada chi haja hrbana saraha, tahowa f7al lblan d sci-hub a howa feh aghlabya les
ouvrages w kaynin ta les articles w makat7tajch tcoller l’URL dl’ouvrage, katdkhol lsite katkteb gher smya
dl’ouvrage li bghiti, kaykhrjouh lik, katcliquer f Mirror w7da mn lMirrors li kaynin (had lmirrors kaynin
fjenb 3la limen dyal lrésultat li ghaykhrej lik, safe w moraha atcliquer f ‘GET’ ghatle3 lik lfo9 mn mora
maghatcliquer 3la chi Mirror, w ghaytle3 lik lPDF dl’ouvrage. (b7al had libgen w sci-hub nayda 3lihoum
lbelbala kayb9aw kaybannewhoum mera mera w kayb9aw homa kaybedlou domaine dyal site y3ni
fi7alate chi nhare dkheltilihoum w mabghawch ytle3ouhom lik, 9eleb f google 3la domaine li darou jdide,
7it homa dima kayb9aw khedamin makayti7ouch a howa kaybedlou domaine, matalan mo2akharan had
libgen kan ligben.is w daba tbdel wela libgen.rs w ta sci-hub kaytra fih nefs lblan 7itach had toro9 machi
9anonya bach tadkhod les articles w les ouvrages.
https://booksc.org/ (ouvrages + articles francais/anglais)
Bnisba l la forme dyal lbibliographie! Khas les références ykoun m9adine mzyaaaaaaan! 2a7san haja ila
kan ba9i 3ndek lwe9t hya t3elm lwahed fhad 2 d les logiciels d gestion bibliographique, ZOTERO awla
MENDELEY. Hadou kaysehlou lkhedma lwahad daraja makatswrch w t9der t3elemhoum blkhef! 3ndhoum
des extensions f les navigateurs internet f7al chrome wla safari, w ay article tsate7ti m3ah fl internet w w
9ritih w 3jbek w bghiti tciteh f document word dyalk w tkherej lréférence dyalo f lbibliographie, katdkhol
lpage dyal l’article (lpage li fiha l’abstract w les infos 3la l’article w lprix) w katcliquer fl’extension (ra mli
atelecharger matalan ZOTERO atfhmni fin kanhder) katkhrej lik lréférence m9aada dyal l’article flogiciel w
moraha kat9der tzid la citation f texte li f document word dyalk w tzid 7ta lréférence flbibliographie li
ghatdirha f document word li khedam 3lih.

L’entretien
9bel manhder 3la l’entretien, anhder 3la lblan dl’écrit en bref. Mouhim, kaynin des universités kaydirou
l’écrit, w kaynin li nichan l’oral, w douk les universités li kaydirouh koula w chnou katlou7 fih. Asehal
tari9a bach t3ref, hya atdkhol lchi groupe dyal les doctorants marocains w ghadi tmchi ldik l3iba li fiha
l’icône dyal ‘loupe’ atcliquer fiha atkhroj lik wahed la barre mktoub feha ‘Rechercher dans ce groupe’
ghatkteb les mots-clés li bghiti t9leb 3lihoum, matalan ‘écrit encg casa’ aykhrjo lik ga3 lposts li tpubliaw
fdak lgroupe w hdrou 3la l’écrit li katdirou l’encg d casa mn nhare t7el dak lgroupe (ragher 3tet exemple
dl’encg casa ama homa mera kaydirou l’écrit mera la).

Mouhim ndouzou, généralement fl’entretien kayswlouk 3la les motivations dyalk bach tdir doctorat, w 3la
lprojet d thèse dyalk, khas gher tbeyen lihoum dévouement w l’engouement dyalk l les études doctorales
z3ma rak baghe tghre9 m3ahoum frecherche hahahahahaha. Safé, w tkoun m maîtriser lprojet d thèse
dyalk. Bnisba l les questions les plus fréquentes hahoma :

- Présentez-vous ki l3ada (chi merat ta bl’anglais)

- Parlez-nous de votre projet de thèse, son utilité, la problématique, comment envisagez-
vous traiter la problématique et par quelle méthodologie ?
- Pourquoi vous avez choisi ce sujet ?
- Résumez en quelques mots votre projet de fin d'études en master (présentation,
problématique, résultats, recommandations)
- Qu'est-ce qu'un doctorat ?
- Qu'est-ce qu'une thèse ?
- Qu'est-ce qu’une recherche scientifique ?
 - Quelles sont les différentes postures épistémologiques ? (ra hdert 3lihoum lfo9)
- Comment se déroule la préparation d'une thèse au Maroc ?
- Pourquoi faire un doctorat ?
- Comment allez-vous vous organiser en termes de temps ? (salarié)
- Que feriez-vous si vous ne serez pas accepté au cycle doctoral ?
- Qu'est-ce que vous allez apporter comme chercheur et comment comptez-vous le faire ?
- Pourquoi vous et pas quelqu'un d'autre ?
- Quelles sont vos motivations pour faire de la recherche scientifique ?
- Comment comptez-vous financer votre recherche ?
- Que voulez-vous faire après l'obtention de votre diplôme de doctorat ?

Mouhim hada makan ! lakan chi khata2 fhadchi li gelt wla chi haja rani gher bnadem w bnadem kayghlet,
normal. Hadchi twiiil saraha, wlkin chti la3tetih a wahed simana dyal lkhedma atsawb wahed lprojet
dqualité w ghat3emer rasek mzyan w ghat9der tbda tpostuler bwjhek 7mer f 2aya blad machi gher
flmghrib.

Anyways, li dar lrédaction d had document howa had 3abdo rabih li mazal kaykteb daba hahahahhaa
AMINE Mohammed, doctorant en troisième année à l’ENCG Casa.

La mafhemtich chi l3ba wla 7tajiti chi haja, merhba ! hahowa facebook dyali : Amen Flint.

Allahysehel 3la ljami3.