La Bourgogne est depuis toujours un lieu de passage où on s’arrête volontiers.

A l’époque des ducs de Bourgogne, les « oeuvriers »1, ‘est à dire les ouvriers et les artistes ont a nous donner un
riche patrimoine..

Des noms

Le métier et la liberté

L’organisation des métiers

Les 3 classes qu’on trouve dans la chevalerie, dans l’église et dans l’université (ce qu’ignorzaient les
andersoniens ;
L’apparition du compagnonn

FR Mention "Mère des CC." Dijon, doc. Labal (arc.hist.comp.1952).

Règlement pour les métiers du bois, Dijon vers 1440

(Dijon, archives municipales : série Arts et Métiers, charpentiers, 4 folios, papier).

Ce texte publié par A.-V. Chapuis, Les anciennes corporations dijonnaises, règlements, statuts et ordonnances.
Dijon, impr. Darantière 1906, in-8 br, extrait des Mémoires de la Société Bourguignonne de Géographie et d'Histoire, 507
pages, est repris d’après : Les veines du temps, ouvrage collectif, Autun, 1992, page 236.

Advis fait par maistre Estienne Tacheret maistre des euvres de charpenterie de monseigneur le duc
de Bourgoingne, Gauthier Menestrier varlet de chambre de mondit seigneur juré de la ville de Dijon,
et Pierre Belle charpentier, sur le fait des mestiers qui appartiennent à charpenterie en la ville et
banlieue dudit Dijon c'est à savoir charpentiers, huischiers, huissiers , tonnelliers,
charrons,couvreurs de maissons et toutes manières d'autres ouvriers qui ouvrent de tranchans en
marrien .

Premièrement que l'on fasse jurer à tous les maistres de la maistrise dudit mestier de charpenterie quilz
n'ouvreront au jour du samedi puisques heure de nonne sera sonnée en l'église de Nostre-Dame ou de
monseigneur Saint-Jehan, lequel que mieulx plaira à messeigneurs les mayeur et eschevins dudit Dijon,
se ainsy n'estroit que ilz levassent et que ilz ne puissent laissier , ou que ly huischiers eussent vendus
huis ou fenestres pour bonne gens clorre sur rue ou closon faisant séparacions de voisins ; et ce à painne
de vint derniers tournois la moitié au maistre qui gardera ledit mestrier, l'autre moitié à la confrairie de
Saint-Jehan de Dijon.

Item que nulz dudit mestrier ne prendra apprentis à moins de quatre ans ; et ne pourront iceulx
apprentis ou leurdit maistre pour eulx prendre journée la première année fors seullement que cinq
deniers pour ces despens juesques au soir. Et ne pourront prendre apprentis devant ce que le premier
apprentis sera en sa dernière année, senon qui soit son filz, son nepveus ou filz de sa femme, né par léal
mariaige ; parce que trop d'apprentis en ung hastellier ne sont pas proffitables, mais sont préjudiciables
au maistre que est la besoingne ; et s'il le fait autrement, l'on leur hostera ledit apprentis, et paiera vint
solz : dix solz à ladite ville, cinq solz au maistre, et cinq solz à ladite confrairie.

Item huischiers ne huissiers .x te pourront ou ne devront faire trappes, huis ou fenestres, sens goujons
de fust ou de fer, par leur seremens ; et qui trouvera le contraire, ilz paieront quinze solz tournois c'est à
savoir cinq soulz à la ville, cinq solz au maistre, et cinq soulz à la confrairie Saint-André, en l'église
paroichiale de monseigneur Saint-Jehan dudit Dijon, ou autre part ou bon semblera à messeigneurs et
eschevins dudit Dijon.
Item ilz ne pourront mettre en huische de quartier de foui (8) pièce refendue, se se n'est à la percloure.

Item ne pourront ouvrer lesdiz charpentiers groussiers de nuit, se se n'est pour monseigneur le duc ou
pour ladite ville ; et se nulz est trovés faisant le contraire, il paiera quinze solz tournois d'amende, c'est à
savoir cinq soulz tournois à ladite ville, cinq soulz au maistre dudit mestrier et aux gardes qui auxdit
mestrier seront de par ledit maistre, et cinq soulz tournois à ladite confrairie dessus déclarée.
Item se ledit maistre d'iceulx mestiers ou son commendement treuve ouvrant audit jour de samedi et
puis nonne sonnée en ladite église de Notre-Dame ou de Saint-Jehan charpentiers, qu'il en puisse lever
vint deniers tournois d'amende ou l'otil de quoi ilz ouvreront.

Item que l'on fasse jurer aux charrons que ilz ne mectroient nulz aissis en chers ne charrectes, se ilz ne
sont aussy suffisant comme ilz vouldroient que l'on leur mist se ilz estoient charretiers.

Item se juestiffieront doresnavant toutes manières d'ouvriers ouvrans de tranchans, c'est à savoir
tonnelliers, lambroisseurs , recouvreurs de maisons, huischiers, huissiers, et toutes autres manières
d'ouvriers que à charpenterie appartiennent, par tel condicion que se nulz des maistres dessus dits sont
adjournelz devant ledit maistre et qu'ilz deffaillent de venir, il paiera six deniers tournois du deffault de
jour ; et pourra ledit maistre estalir se bon luy semble en chascun mestrier ung homme tel qui vouldra
pour garder ledit mestier selon que dessus est dit, pour rapporter les forfaicteures dudit mestier ; et
prendra ledit maistre vint derniers tournois pour chacun jour sur la recepte de ladite ville, et une robe en
valeur de cent soulz tournois au jour de Circoncision Notre-Seigneur, qui est le premier jour de Janvier.

Item quant ung apprentis aura acomplis son service le temps quil aura été loué, son maistre sera tenus
de le admener devers le maistre qui gardera le mestier, et le fera jurer que en quelque lieu qui soit, se il
voit aucung cas contre lesdit maistres à leur préjudisse, il leur fera savoir, affin quilz s'en puissent
garder, et jura à l'encontre de luy ne de son honneur ; et ne le pourra mectre en besoingne autres
ouvriers si ne montre certification comment il aura fait et acomply ledit service ; et qui fera le contraire,
celluy qui le mectra en besoingne paiera vint soulz tournois, c'est à savoir dix soulz à ladite ville, cinq
soulz au maistre des mestiers, et cinq soulz tournois à ladite confrairie de Saint-Jehan ; et se heuvrent de
tous autres services qui seront affermés à louaige, journées ou autrement et avec ce l'amende paié,
retourneront avec le premier maistre.
Item quant aucungs desdits apprentis viendront à science qui soit passable et recevable à prendre
besoingne comme ouvrier, ilz jureront de tenir et garder les drois, usaiges, franchises et libertés, dicelluy
mestier, sens faire fraude.

Item jureront lesdiz apprentis et autres ouvriers et serviteurs dudit mestier requerront les femmes, filles,
niepces, parentes desdiz maistres de choses quelconques pourtans blasures ou reproches, excepté
seullement que pour les avoir à femmes et espouses, à painne d'estre amendable et pugnis à l'advis
dudit maistre et de mesdiz seigneurs les mayeur et eschevins.

Item jureront sur sains Evangilles que quelque besoingne qu'ilz prendront, il les feront bien et
léalement, soit à leur perte ou dommaige ; et sy soingnent (13) bois, ilz ny mettront bois qui ne soit léal
marchant et raisonnable à la besoingne sens y faire fraude ; et sy le font autrement, ilz seront
amendables au reguart du maistre qui gardera le mestier.

Item en quelque besoingne que fassent quant l'on leur soingnera bois, il garderont ledit bois de quoy ilz
ouvreront et le revisoteront s'il est bon et proffitable pour celuy à qui sera la besoingne ; et s'il n'est bon
le droit au maistre et selon les usaiges et coutumes, lesdiz charpentiers en pourront pourter soubz leurs
bras sens reproches trois ou quatre copeaulx ou escelles trois fois le jour, pour ce qu'ilz ne fassent audit
bois chose qui pourte dommaige à partie pour avoir et faire lesdites escelles ou copeaulx ; et qui fera le
contraire sera tenus de restituer le bois, et amendable de dix soulz par portion, c'est à savoir à la ville
deux gros et au maistre du mestier, deux gros à ladite confrairie.

Item qui copera une pièce de bois pour faire ais court, se n'est du consentement du maistre, y restituera
ledit bois, et sera amendable et aussi, se aucune pièce de bois est forfaite par mortaises, esceles ou autres
forfaitures que ne puissent servy à l'ouvraige ou la devoit mectre, l'ouvrier perdra ses salaires qu'il
auroit desservés en icelle ouvrant, rendra ladite pièce, et sera amendable comme dessus est dit.
Item jureront que se ilz vont en revisitacion, il garderont léalement le droit tant du povre comme du
riche et aussy de moindres d'aiges et de femmes vesves, et ne feront à nulles tort, pour quelque don que
l'on leur fasse.

Item que s'ilz euvrent entre deux voisins, ilz ne osteront le droit de l'ung pour donner à l'autre pour
quelque donation ou promesse que l'en leur fasse, et ne pourront aucuns desdiz ouvriers faire aucune
visitacion, partaiges ou rapors sens les jurés, s'ilz ne sont par lesdiz jurés commandés, trovés estre à ce
ordonnés ; et se aucuns feront le contraire, paieront vint-cinq soulz tournois, c'est à savoir à ladite ville
dix soulz, au maistre dudit mestrier dix soulz, et à ladite confrairie cinq soulz tournois.

Item qu'ilz n'oste ne osteront nulles saisines entre deux voisins sens le consentement des deux parties,
et jureront qu'ilz ne monstreront nulz poins du mestier à quelque personne que ce soit s'il n'est du
mestier, et aussi ne souffreront point gaster à ung compaingnon une pièce de bois pour quelque
malvuillance qu'ilz aient à luy, à painne de réparer à ses despens ladite saisine et de vingt soulz
tournois, c'est à dire à ladite ville dix soulz, audit maistre du mestier, cinq soulz, et se la chose est sur la
commune, la juestice sera appellée et prévenue, à painne d'estre amendable à la volontey et bon plaisir
de messeigneurs maycur et eschevins et du maistre dudit mestier.
Item s'ils voient faire faulte en aucune besogne, ilz le diront au charpentier qui fera la besoingne, et s'il
ne s'en vuelt tenir, le diront et feront savoir à celluy à cuy sera la besoingne ou au maistre qui gardera le
mestier.

Item que toutes les heures ordonnées au fait du mestier, ilz garderont bien et léalement, c'est à savoir
toutes vigilles ordonnées comme de Noël, Saint-Jehan Baptiste, Saint-Pierre, Saint-Laurent et la miaoust
et laToussains, et laisseront euvre à heure de midi, et au samedi pourront ouvrer juesques au damier cop
de vespres sonnant en ladite église de Nostre-Dame ou de Saint-Jehan, lequel que mieulx plaira à
mesdisseigneurs mayeurs et eschevins.

Item chacun d'eulx ne pourront tenir que ung apprentis et ne le pourront prendre à moins de quatre ans
comme dit est sens lui donner argent ; et qui le prendra à moins, il paiera vint cinq soulz tournois
d'amende et luy ostera l'en l'ung des apprentis, se se n'estoit son filz, son nepveu, son frère ou le filz de
sa femme nez en léal mariaige qui sera aplicquée dix soulz tournois à ladite ville, dix soulz tournois Item
se ung compaignon ouvrier vient en ung astellier qui requiere à ouvrer, se l'on ne le puet mettre en
besoingne, tous les compaignons dudit astellier seront tenus de luy donner par porcion, cinq soulz
tournois et ung repas, se il en porte certiffication d'avoir acomply le service qu'il avoit promis faire à son
damier maistre ; et se ainsy fait, voise son chemin où bon luy semblera.

Item se lesdiz ouvriers ou aucungs d'iceulx desnonssent 1'ung et l'autre injurieusement, celluy qui dira
ladite injure paiera dix soulz tournoi, apliquez deux gros a ladite ville, deux gros au maistre qui gardera
ledit mestrier, et deux gros à ladite confrairie.
Item se aucungs pourtent soliers quarrellés, en l'astellier depuis Pasques juesques à la Saint-Rémi ilz
seront desquarelés le piet, tenant de cognie ou de ciseaul ; et qui ouvrera sens chapperon, chappeaul,
bonnes ou sainture, ou à chausses avallées , il paiera six deniers tournois, qui seront appliqués au
maistre qui gardera ledit mestier.
Item qui prendra les outilz d'autruy sens licence, il paiera cinq deniers tournois d'amende au proffit que
dessus, et avec ce fera refaire à ses despens lesdiz outilz se aucungs sont par luy rompus.

Item qui laissera l'esquarre à plainne terre, il paiera cinq: deniers tournois au proffit que dessus, et aussi
seullement se aucuns se prent à ouvrer en une pièce de bois au cousté ou ung autre aura ouvré, sens le
consentement du maistre de l'astellier ou de selluy qui aura commencié dy ouvrer, paiera cinq deniers
tournois, à apliquer comme dessus.
Item qui laissera une coignée plantée ou bois en sa taille, ung talaire plantée en son pertuis, une coignée
posée de biés, un moiron entre deux lignes, ung besagues en une mortaise, et une see tendue, paieront
cinq deniers tournois à apliquer comme dessus.

Item qui demeurra après heure sonnée, il paiera six deniers tournois au proffit comme dessus, et qui
entrera devant heure, il sera amendable comme dessus ; et qn: fera ordure deshonorable de son corps
luy estant en l'astellier, il paiera pour Jiacune lois cinq deniers tournois à appliquer comme dessus.
Item se les apprentis font chose contre se que ne doivent, ilz en seront baignés en une cuve d'eau) froide.

Item depuis le jour de Pasques juesques auditjour de saint-Rémi, les ouvriers dessus diz auront trois
heures pour chacun jour aler boire mangier ou dormir, c'est à savoir à huit heures le matin dures
juesques à neuf heures ; à douze heures pour dormir juesques à une heure après midi ; à trois heures
juesques à quatre heures pour ressire) ; et depuis la saint-Rémi juesques à Pasques, auront deux cures
pour jour à prendre leur récréacion, c'est à savoir à neuf heures du matin juesques à dix, et à une heure
après midi juesques à deux.

Item tous couvreurs de maisons feront le serment au maistre qui gardera le meslier qu'ilz feront bon et
léalement quelque besoingne qu'ilz preignent, et quand ilz ouvreront entre deux voisins, ilz garderont le
droit de l'ung et de l'autre, ainsy du povre comme (lu riche, de la femme vesve et du moidre d'aige, et
pour quelque personne q u'i l z ouvrent ne feront faulceté ; et se i lz achectent aiserures (26), channectes,
ou autres matières appartenant à couvrir maisons, se ilz ne sont bons et suffisens, ne les rnectront point
en besoingne ; et se ilz font le contraire, paieront pour chacune fois six soulz tournois, c'est à savoir à
ladite ville deux soulz, ou maistre qui gardera ledit mestier deux soulz et à... [manuscrit détérioré]

Item aucuns ouvriers ne prendront marque quelle quelle soit, se non quelle luy soit donnée par le
maistre qui aura la garde dudit mestier ; et pour ce faire paiera dix soulz au proffit dudit maistre, et si
fait le contraire paiera vint soulz d'amende pour chacune fois que repris y seront ; dont ladite ville aura
dix soulz, le maistre, cinq soulz, et ladite confrairie, cinq soulz tournois.

Item se l’ung des ouvriers à marqué au marchié ou dehors, par marchié fait, aucune pièce de bois, et
ung autre vient, qui ôte ladite marque ou echecte ledit bois, soit ouvrier ou non,, y paiera vint soulz
d’amende et ostera la dite marque, y sera amendable comme dessus pour chacune fois

Fin