Vous êtes sur la page 1sur 9

Declaration des Estats Generaux des Provinces-Unies Que Philippe II est dchu du Droit de Souverainet qu'il avait sur

lesdites Provinces
Fait La Haye, le vingt & sixime jour de Juillet 1581.

A tous ceux qui ces presentes verront, ou orront lire, Salut:


Comme il est notoire un chacun, qu'un Prince du Pais est tably de Dieu pour Souverain & Chef des Sujects, pour les dfendre & conserver de toutes injures, oppressions et violences; comme un Pasteur est ordonn pour la deffence & garde de ses Brebis; & que les Sujects ne sont pas crez de Dieu pour l'usage du Prince; pour luy estre obeissans en tout ce qu'il commande, fait que la chose soit pie ou impie, juste ou injuste, & le servir comme esclaves : Mais le Prince est crez pour les Sujects, sans lesquels il ne peut estre Prince, afin de gouverner selon droict & raison, les maintenir et aymer comme un Pere ses Enfans, ou un Pasteur ses Brebis, qui met son corps & sa vie en danger pour les dfendre & garentir. Et quand il ne le fait pas, mais qu'au lieu de dfendre ses Sujects, il cherche de les oppresser & de leur oster leurs Privilges & anciennes Coustumes, leur commander & s'en servir comme d'esclaves : Il ne doibt pas estre tenu pour Prince, ains pour Tyran. Et comme tel ses Sujects, selon droict & raison, ne le peuvent plus recognoistre pour leur Prince. Notamment quand cela se faict avec dlibration & authorit des Estats du Pais, mais on le peut abandonner, & en son lieu choisir un autre, sans se mesprendre, pour Chef & Seigneur, qui les deffende. Chose qui principalement a lieu, quand les Sujects par humbles prires, requestes, & remonstrances, n'ont jamais seu adoucir leur Prince, ni le destourner de ses entreprinses & desseings tyranniques. En sorte qu'il ne leur reste autre moyen que celuy-l, pour conserver & deffendre leur Libert ancienne, de leurs Femmes, Enfans & posterit, pour lesquels, selon la Loy de nature, ils sont obligs d'exposer vies & biens : Ainsi que pour semblables occasions, on a veu par diverses fois advenir en divers temps, dont les exemples sont assez cognus. Ce qui principalement doibt avoir lieu & place en ces Pays : lesquels de tout temps ont est gouvernez, suyvant le Serment fait par leurs Princes, quand ils ont est reeus, selon la teneur de leurs Privilges, & anciennes Coustumes. Joinct aussi que la plus part desdites Provinces ont tousjours reeu leur Prince certaines conditions, & par Contracts & Accords jurs. Lesquels si le Prince vient violer, il est selon droict decheu de la Souverainet du Pais. Or esi-il ainsi que le Roi d'Espaigne, aprs le trspas de feu de haulte mmoire l'Empereur Charles Cincquiesme son Pre (de qui il avoit reeu tous ces Pays) oubliant les services que tant sondit Pre, que luy mesmes avoit reeu de ces Pays, & des Sujects d'iceux : par lesquels principalement le Roy d'Espaigne avait obtenu de si glorieuses & memorables Victoires contre ses Ennemis, que son nom & sa puissance en estoyent renomms & redouts par tout le monde.

Oubliant aussi les admonitions que Sadite Majest Impriale luy avoit par cy-devant faictes au contraire: a donn audience, & a creu ceux du Conseil d'Espaigne, qui estoyent prs de luy, & qui avoyent coneu une haine secrete contre ces Pays, & leur libert, pour ce qu'ils n'y pouvoyent avoir aucune Charge pour y gouverner, ou y deservir les principaux Estats & Offices, ainsi qu'ils font au Royaume de Naples, Sicile, Milan, aux Indes, & autres Pais, qui sont souz la puissance du Roy. Estans aussi amorcs des richesses desdits Pays, desquelles la plus part d'entr'eux avoyent bonne cognoissance. Ledit Conseil, ou aucuns des principaulx d'iceluy, ont par diverses fois remonstr au Roy, que pour sa rputation, & plus grande authorit de Sa Majest, il valoit mieux conquester de nouveau ces Pays-Bas, afin d'y pouvoir alors commander librement, & absolument (qui n'est autre chose que tyranniser son plaisir) que de les gouverner souz telles conditions & restrictions, lesquelles, la rception de la Souverainet desdits Pays, il avoit jur d'observer. Deslors le Roy d'Espaigne suyvant ce Conseil a cherch tous moyens pour rduire ces Pays (en les despouillant de leur ancienne libert) en servitude, souz le gouvernement des Espaignols : ayant premirement, souz prtexte de la Religion, voulu mettre es principales & les plus puissantes Villes de nouveaux Evesques, les bnficiant, & dottant de l'incorporation des plus riches Abbayes, adjoustant chasque Evesque neuf Chanoines pour estre ses Conseilliers : dont les trois auroyent particulirement charge de l'Inquisition. Par ceste incorporation, lesdits Evesques (qui eussent peu estre choisis, aussi bien d'estrangers, que de naturels du Pays) eussent eu le premier lieu, & la premire voix s Assembles des Estats desdits Pays, & eussent est ses Cratures, toujours prests son commandement, & sa dvotion. Et par l'adjonction desdits Chanoines, il eut introduit l'Inquisition d'Espaigne, laquelle de tout temps a est en ces Pays en aussi grand horreur, & autant odieuse, que l'extreme servitude, comme cela est notoire un chacun. Tellement que Sa Majest Impriale l'ayant autrefois mise en avant aux Provinces-Unies avoit dsist voyant les Remonstrances qu'on luy avoit faictes, de ne la plus proposer, monstrant en cela la grande affection qu'il portoit ses Sujects. Mais nonobstant les diverses Remonstrances faictes au Roy, tant par les Provinces & Villes particulires par escrit, que par quelques-uns des principaulx Seigneurs du Pais, de bouche : nommment par le Baron de Montigny, & par le Comte d'Egmont, qui par le consentement de la Duchesse de Parme alors Rgente de ces Pays, par l'advis du Conseil d'Estat, & de la Gnralit, ont ces fins est envoys diverses fois en Espaigne. Et nonobstant aussi que le Roy leur avoit de bouche donn bon espoir, que suyvant leur requeste il y pourvoyeroit, si est ce toute-fois que par Lettres il a faict puis aprs tout le contraire: commandant bien expressement, & sur peine d'encourir son indignation, de recevoir incontinent les nouveaux Evesques, & de les mettre en possession de leurs Eveschez & Abbayes incorpores, de practicquer l'Inquisition s Lieux ou elle avoit est auparavant; d'obir & d'ensuyvre les Dcrets & Ordonnances du Concile de Trente, lesquels en divers points contrarioyent aux Privilges du Pays.

Ce qui estant venu la cognoissance de la Commune, a donn juste occasion d'un grand trouble entr'eux, & a grandement diminu la bonne affection, laquelle (comme bons Sujects) ils avoyent de tout temps porte au Roy, & ses Predecesseurs. Notamment voyant qu'il ne cherchait pas seulement de tyranniser sur leurs personnes & biens : mais aussi sur leurs consciences, desquelles ils n'entendoyent estre responsables, ou tenus de rendre compte qu' Dieu seul. A ceste occasion, & pour la piti qu'ils avoyent du povre Peuple, les principaulx de la Noblesse du Pais, exhibrent l'an 1566 certaine Remonstrance par forme de Requeste : supplians par icelle, pour appaiser la Commune & viter tous troubles & seditions qu'il pleut Sa Majefl (monstrant l'amour & l'affection, que comme Prince bening & clment il portait ses Sujects) de modrer lesdits Points, & notamment ceux qui concernoyent la rigoureuse Inquisition & supplice, pour le faict de la Religion. Et pour faire entendre le mesme plus particulirement au Roy, & avec plus d'authorit, & luy remonstrer combien il estoit necessaire pour le bien & la prosprit du Pais, & pour le maintenir en repos & tranquillit, d'oster les susdittes nouveautez, & modrer la rigueur de la contravention des Placarts, publiez sur le faict de la Religion Le Marquis de Berghe, & le susdit Baron de Montigni ont est envoyez la requeste de ladite Dame Rgente, du Conseil d'Estat, & des Estats Generaulx de tous les Pays, comme Ambassadeurs, vers Espaigne. L ou le Roy, au lieu de leur donner audience, & de pourvoir aux inconvnients qu'on luy avoit proposs (lesquels, pour n'y avoir remdi en temps, comme l'urgente necessit le requeroit, s'estoyent desja en effect commencez descouvrir par tout le Pays, parmy la Commune) il a faict dclarer par la persuasion & incitation du Conseil d'Espaigne, pour rebelles & coulpables de crime de Leze Majest, tous ceux qui avoyent faict ladite Remonstrance, & punissables en leurs corps & biens. Et outre ce, pensant estre totalement asseur desdits Pays, & les avoir rduits souz sa pleine puissance & tyrannie par les forces & violences du Duc d'Alve, il a puis aprs faict emprisonner & mourir lesdits Seigneurs Ambassadeurs, & faict confisquer tous leurs biens & ce contre tous Droicts des Gens, de tout temps inviolablement observs, mmes entre les plus barbares, & cruelles Nations, & entre les Princes les plus tyranniques. Et nonobstant que tout le susdit trouble, survenu l'an 1566 l'occasion Susditte, eust est quasi assoupi par la Rgente & ses adherans, & que plusieurs de ceux qui defendoyent la Libert de ces Pays eussent est les uns chasss, les autres oppresss & subjugus, en telle sorte que le Roy n'avoit nulle occasion du monde d'oppresser encores ces Pays par armes & d'user de violences. Si est-ce que pour les causes, que le Conseil d'Espaigne avoit long temps cherches & attendus (ainsi que les Lettres interceptes de l'Ambassadeur d'Espaigne Alana, estant en France, & escrittes pour lors la Duchesse de Parme le monstrent clairement) & afin d'anantir tous les Privilges des Pays, & de les pouvoir gouverner tyranniquement leur plaisir, comme s Indes & nouveaux Pays conquis, il a par l'indutlion & Conseil des Espaignols (monstrant le peu d' affection qu'il portoit ses Sujects au contraire de ce que, comme leur Prince, Protecteur & bon Pasteur, il estoit tenu de faire) envoy, pour oppresser ces Pays, le Duc d'Alve avec une puissante Arme, lequel est tenu, pour Son inhumanit & cruault, pour l'un des principaulx Ennemis du Pays, accompaign de Conseilliers, de pareille nature & humeur que luy.

Et combien qu'il vint s Pays sans aucune opposition, & qu'il y fut reeu des pauvres Sujets avec tout respect & honneur, comme ceux qui n'attendoyent que toute debonnairet & clmence, ainsi que le Roy leur avait souvent escrit feintement : & qu'il estoit mesme d'intention d'y venir en personne, pour mettre ordre tout, au contentement d'un chacun, ayant aussi cette fin faict prparer, du temps du partement du Duc d'Alve, une Flote de Navires en Espaigne pour l'amener, & une en Zelande pour aller au devant de luy, aux grands frais & despens des Pays : pour tant mieux abuser ses Sujects, & les attirer en ses filets. Ce neantmoins le susdit Duc d'Alve dclara incontinent aprs sa venue, luy qui n'estoit qu'un estranger, & nullement du sang Royal, qu'il avoit commission du Roy, de grand Capitayne, & peu de temps aprs, de Gouverneur General des Pays, contre les Privilges & Coustumes anciennes desdits Pays. Et en manifestant assez son desseing, il mit incontinent des Garnisons s principales villes & Chasteaux, & fit dresser des Chasteaux & forteresses s principales & plus puissantes Villes, pour les tenir en subjection : & manda fort amiablement par charge du Roy les principaulx Seigneurs, souz prtexte d'avoir faire de leur conseil, & de les vouloir employer au service du Pays, & fit prendre prisonniers ceux qui avoyent adjoust foy ses Lettres, & les fit mener contre les Privilges hors de Brabant, ou ils estoyent prisonniers, en faisant faire leur Procs devant luy, qui n'estoit pas leur Juge comptent; & enfin, sans les ouyr pleynement en leurs defenses, il les a adjugs la mort, & faict publiquement & scandaleusement mettre mort. Les autres, qui cognoissoyent mieux la feintise des Espagnols, se tenans hors du Pays, il les a dclarez d'avoir perdu corps & biens, & comme tels s'est saysi de leurs biens, & les a confisqus, afin que les pauvres Sujects ne se peussent ayder de leurs forteresses, ou des Princes qui eussent voulu dfendre leur Libert contre la violence du Pape. Outre encores une infinit d'autres Gentilshommes, & notables Bourgeois, desquels il a faict mourir les uns, & chass les autres, afin de pouvoir confisquer leurs biens. Travaillant le reste des bons Habitans, outre l'oppression qu'ils souffroyent en leurs femmes, Enfans & Biens par les Soldats Espaignols logs en leurs Maisons, tant par diverses contributions, & en les contraignant de lever de l'Argent pour bastir les nouveaux Chasteaux & fortifications des Villes leur propre ruine, qu'avec la leve du centiesme, & vingtiesme & dixiesme Denier, pour le payement des Soldats, tant ceux qu'ils avoyent amenez, que ceux qu'il levait en ces Pays, pour les employer contre leurs compatriotes, & contre ceux qui s'exposoyent au danger de leur vie, pour dfendre la libert du Pays. Afin que les Sujects estant appauvris, il ne leur restast aucun moyen du monde pour empescher son desseing & de pouvoir d'autant mieux effectuer l'instruction qui lui avoit est donne en Espaigne, de traicter le Pays, comme ayant est nouvellement conquis. Et ceste fin il a aussi commenc changer l'ordre de la Justice, la manire d'Espaigne, directement contre les Privilges des Pays, & dresser de nouveaux Conseils, & enfin, pensant qu'il n'y avoit plus rien craindre pour luy, il voulut par force introduire une imposition du dixiesme Denier sur les Marchandises & Manufactures, la totale ruyne du Pays, duquel le bien & la prosprit consiste du tout esdittes Marchandises & Manufactures, nonobstant une infinit de Remonstrances faictes au contraire tant par chasque Province en particulier, que par toutes les Provinces en general.

Ce qu'il eut aussi effectu par force, n'eust est que par le moyen de Monseigneur le Prince d'Orange & divers Gentilshommes, & autres bons Habitans bannis par ledit Duc d'Alve, qui suyvoyent le susdit Prince, & estoyent pour la plus part en son service, avec autres Habitans affectionns la Libert de leur Patrie les Provinces de Hollande & Zelande ne se fussent bien tost aprs rvoltes pour la plus part, & mises souz la protection dudit Seigneur Prince, contre lesquelles deux Provinces, ledit Duc d'Alve durant son Gouvernement, & aprs luy le grand Commandeur (que le Roy avoit envoy en ces Pays, non pour remdier aux maulx, mais pour suyvre le mesme pied de tyrannie, par des moyens plus couvers, & plus cauteleusement) ont contraint les Provinces, qui par leurs Garnisons & Citadelles estoyent reduittes souz le joug Espaignol, d'employer leurs personnes, & tous leurs moyens, pour ayder les subjuguer, n'espargnant cependant non plus lesdites Provinces, qu'ils employoyent pour leur assistance, que si elles eussent est elles mesmes Ennemies, permettant aux Espaignols, souz ombre d'estre mutins, d'entrer par force en la Ville d'Anvers, la veu du Grand Commandeur, & d'y sejourner l'espace de six smaines, vivans leur discrtion auxdespens & la charge des Bourgeois, & en outre les contraignant (pour estre deschargs de la violence des Espaignols) de fournir la Somme de quatre cens mille Florins, pour le payement de la Solde qu'ils demandaient. Aprs cela lesdits Soldats (prenans par la connivence de leurs Chefs d'autant plus de hardiesse) se sont avancez prendre ouvertement les Armes contre lesdits Pays, tachans premirement de prendre l Ville de Brusselles pour y faire le nid de leurs rapines, au lieu que c'tait le lieu ordinaire de la Residence des Princes du Pays. Cela ne leur succedant pas, ils prindrent la Ville d'Alost par force & aprs cela ils surprindrent & forcrent la Ville de Maestricht, & la susdite Ville d'Anvers, laquelle ils saccagerent, pillrent & bruslerent, massacrerent, & traicterent de telle faon les Habitans, que les plus barbares & cruels Ennemis n'en eussent point peu faire d'avantage, au dommage indicible, non-seulement des pauvres Habitans, mais aussi quasi de toutes les Nations du monde, qui y avaient leurs Marchandises & Argent. Et combien que lesdits Espaignols eussent est dclarez & publiez par le Conseil d'Estat (auquel le Roy aprs la mort du Grand Commandeur, avoit confr le Gouvernement general du Pais) en presence de Jrme de Rhoda, pour Ennemis du Pais, cause de leurs outrages & violences : Siest ce que ledit Rhoda de son authorit prive ou (comme il est presumer) en vertu de certaine secrette instruction qu'il pouvait avoir d'Espaigne, entreprint d'estre Chef desdits Espaignols & de leurs Adherans, & de se servir (sans respecter le susdit Conseil d'Estat) du nom, & de l'authorit du Roy, de contrefaire son Seau, & de se comporter ouvertement, comme Gouverneur y Lieutenant du Roy. Ce qui donna occasion aux Estats, de s'accorder au mesme temps avec le susdit Seigneur le Prince d'Orange & les Estats de Hollande & Zelande: lequel Accord fut approuv & trouv bon, par ledit Conseil d'Eslat (comme Gouverneurs lgitimes du Pays) pour par ensemble & unanimement faire la Guerre aux Espaignols, Ennemis communs de la Patrie, & les chasser hors du Pays. Sans toutefois obmettre entretandis, comme bons Sujects, de pourchasser & requrir en toute

diligence par diverses humbles Requestes, faites au Roy & tous autres moyens convenables & possibles, qu'il voulut, en ayant esgard aux troubles & inconveniens desja survenus en ce Pays, qui estoient apparents d'arriver encores, faire partir ses Espaignols hors du Pays & de punir ceux qui avoient esl cause du saccagement & de la ruyne de ses principales Villes & d'autres inombrables oppressions & violences, que les pauvres Sujets avoient soufferts, pour la consolation de ceux, ausquels cela estoit arriv, & pour servir d'exemple d'autres. Cependant le Roi, encore qu'il fist semblant de paroles, que cela estoit advenu contre son gr & contre sa volont, & qu'il estoit d'intention d'en punir les Autheurs, & que doresenavant il vouloit avec toute debonnairet & clmence (comme un Prince doit faire) pourvoir & donner ordre au repos du Pays, n'a pas seulement nglig d'en faire justice & punition mais au contraire il apparoissoit assez par effet, que tout estoit arriv avec son consentement & dlibration prcdente du Conseil d'Espaigne, ainsi qu'on a veu peu de temps aprs, par les Lettres interceptes, escrites Roda & aux autres Capitaines (autheurs du susdit mal) par le Roy mesme, par lesquelles il dclarait, que non-seulement il approuvoit le fait, mais mesmes les louoit & promettoit de les recompenser, notamment le susdit Roda, comme lui ayant fait un singulier service, ce qu'aussi il a monstr par effet son retour en Espaigne, lui & tous les autres qui ont est Ministres de sa tyrannie en ces Pays. Il a aussi envoy au mesme temps (pensant blouir d'autant plus les yeux de ses Sujets) son Frre Bastard Don Jean d'Austriche pour Gouverneur en ces Pays, comme estant de son sang. Lequel sous prtexte de trouver bon & d'approuver l'Accord fait Gand, de maintenir la promesse faite aux Estats, de faire sortir les Espaignols, de punir les Autheurs des violences & desordres advenus en ces Pays, & de mettre ordre au repos public, & la redintegration de leur ancienne libert, tchoit de separer lsdits Estats, & de subjuguer un Pays devant, & l'autre aprs, ainsi que cela fut descouvert peu de temps, aprs, par la providence de Dieu (ennemi de toute tyrannie) par certaines Lettres interceptes, par lesquelles il apparoissoit qu'il avoit charge du Roi, de se rgler selon l'instruction que Rhoda luy en donnerait: & pour mieux couvrir cette fraude, il dfendait qu'ils n'eussent point s'entrevoir, & parler l'un l'autre, mais qu'il eut se comporter amiablement avec les principaux Seigneurs, afin de les gaigner, jusques ce que par leur moyen & assistance, il put avoir la Hollande & la Zelande sous sa puissance, afin de faire puis aprs sa volont des autres Provinces. Surquoy aussi Don Jean, nonobstant qu'il eut solemnellement jur & promis, en presence de tous les Estats susdits, d'entretenir la Pacification de Gand & certain Accord fait entre-luy & les Estats de toutes les Provinces, chercher tout au contraire tous moyens de gaigner par des grandes promesses & par le moyen de leurs Colonels, lesquels il avoit desja sa dvotion, les soldats Allemands, qui pour lors estoient en garnison s principales Forteresses & Villes, & par telles praticques s'en rendre Maistre: comme il en avoit desja gaign la plupart, & les tenoit comme affectionnes son party: Afin de pouvoir par ce moyen contraindre & forcer par effect, ceux qui ne se voudraient joindre luy, pour l'ayder faire la Guerre au susdit Prince [Guillaume dOrange] & ceux de Hollande & Zelande, & ainsi susciter une Guerre plus cruelle & sanglante qu'auparavant.

Mais comme les choses lesquelles se traictent par feintise, & contre l'intention qu'on monstre extrieurement, ne peuvent pas long-temps demeurer caches, ce dessein ayant est descouvert, devant que de pouvoir pleinement effectuer son intention, il ne put pas effectuer ce qu'il avoit promis, mais au contraire il suscita au lieu de la Paix de laquelle il se vantoit sa venu, une nouvelle Guerre laquelle dure encores jusques present. Toutes lesquelles choses nous ont donn plus que suffisante occasion, pour abandonner le Roy d'Espaigne, & rechercher un autre puissant & debonnaire Prince, pour aider dfendre ces Pays & les prendre en sa protection. Et ce d'autant plus que ces dits Pays ont desja est abandonns de leur Roy en tels desordres & oppressions, plus de vingt ans, durant lequel temps il a traict les Habitans non comme Sujets, mais comme Ennemis, leur propre Seigneur s'efforant de les subjuguer par force d'Armes. Ayant aussi, aprs le trespas de Don Jean, assez dclar par le Baron de Selles, sous prtexte de proposer & mettre en avant quelque bon moyen d'accord, qu'il ne voulait point advoer la Pacification de Gand: laquelle toutefois Don Jean avoit jure en son nom de maintenir, mettant ainsi journellement de plus difficiles conditions en avant. Et ce nonobstant nous n'avons pas voulu laisser de requrir incessamment, par humbles Remonslrances par crit & par l'intercession des principaux Princes de la Chrestient, de nous pouvoir reconcilier & accorder avec le Roy. Ayant aussi eu dernirement bien longtemps nos Dputs Coulongne, esperans d'y obtenir, par l'intercession de Sa Majest Impriale & des Electeurs, qui s'y sont employs, une bonne & asseure Paix, avec quelque gratieuse & modre libert, notamment touchant la Religion (laquelle concerne principalement Dieu & les consciences). Mais nous avons enfin trouv par exprience, que nous ne pouvions rien obtenir du Roy, par lesdites Remonstrances & traits : mais que lesdits traicts & communications n'taient mises en avant & ne servoient que pour mettre les Provinces en discorde & les faire separer les unes des autres, pour d'autant plus commodment subjuguer l'une aprs l'autre & excuter leur premier dessein en toute rigueur contre elles. Ce qui depuis est clairement apparu par certain Placart de Proscription que le Roy a fait publier, par lequel, nous & tous les Officiers & Habitans des Provinces-Unies, tous ceux qui suivent leur Party sont dclarez pour Rebelles & d'avoir comme tels perdu Corps & Biens, afin de nous rduire par ce moyen au desespoir, nous rendre par tout odieux, & empescher le Traficq & le Commerce, promettant en outre de donner une grande Somme de Deniers celuy qui tueroit le susdit Prince. Tellement que desesperans totalement de tous moyens de reconciliation, & nous trouvans destituez de tout autre remde & secours: Nous, suivant la Loy de Nature, pour la tuition & defence de nous & des autres Habitans, de nos Droits, Privilges, anciennes Coustumes & Liberts de nostre Patrie, de la vie & de l'honneur de nos Femmes, Enfans & Successeurs, afin qu'ils ne vinsent tomber en la servitude des Espaignols, avons est contraints, en quittant bon droit le Roy d'Espaigne, de chercher & pratiquer quelques autres moyens, lesquels nous avons trouv estre les plus expdients, pour nostre plus grande seuret, & conservation de nos Droits, Privilges & Franchises susdittes.

SCAVOIR FAISONS, que consider ce que dessus, & l'extrme necessit nous pressant, comme a est dit, nous avons, par commun Accord, dliberation & consentement, dclar & dclarons par cette le Roy d'Espaigne decheu, ipso jure, de sa Souverainet, Droit & Hritage de ces Pays, & que nous ne sommes plus d'intention de le recognoistre en aucunes choses lesquelles touchent le Prince, sa Souverainet, Jurisdiction, ou les Domaines de ces Pays-Bas, & de ne nous servir plus de son nom comme Souverain, ou permettre qu'aucun s'en serve. Suivant quoy nous dclarons aussi tous Officiers, Justiciers, Seigneurs particuliers, Vassaulx & tous autres Habitans de ces Pays, de quelque condition ou qualit qu'ils soient, estre doresenavant deschargez du Serment qu'ils ont fait, en quelque manire que ce soit, au Roy d'Espaigne, comme ayant est Seigneur de ces Pays & de ce dont ils pourraient estre obligs lui. Et d'autant que pour les causes susdites la plupart des Provinces-Unies se sont submises, par commun Accord & consentement de leurs Membres, sous la Seigneurie & Gouvernement de l'Illustre Prince & Duc d'Anjou, sous certaines conditions & points accords y arrests avec son Altesse. Et que le Serenissime Archiduc Matthias a resign en nos mains le Gouvernement General de ces Pays, lequel a est accept par nous: Nous ordonnons & commandons tous Justiciers, Officiers, & tous autres, ausquels cela peut aucunement toucher, qu'ils ayent quitter doresenavant & ne se servir plus du Nom, du Titre, du grand & petit Seau, du Contre-seau, & des Cachets du Roy d'Espaigne : Et qu'au lieu d'iceux, tandis que Monseigneur le Duc d'Anjou, pour des urgens affaires concernans le bien & la prosprit de ces Pays, est encores absent (pour ce qui touche les Provinces ayans contract avec son Altesse) ou autrement, ils prendront par manire de provision & se serviront du Titre & du Nom du Chef & Conseil du Pays. Et entretandis que ledit Chef & Conseillers ne seront pleinement & de fait dnomms, convocqus, & establis en l'exercice de leur Estat, ils se serviront de nostre Nom. Reserv qu'en Hollande & Zelande on se servira du Nom de Monseigneur le Prince d'Orange & des Estats d'icelles Provinces, jusques ce que le Conseil susdit sera rellement establi & lors ils se regleront selon les Accords & le Contract fait avec son Altesse. Et au lieu des susdits Seaux du Roy, on se servira doresenavant de nostre grand Seau, Contreseau & Cachets, s affaires qui touchent le Gouvernement general, quoy le Conseil du Pays, suivant leur Instruction, sera authoris. Et s affaires qui touchent la Police, l'administration de la Justice & autres faits particuliers en chaque Province; le Conseil Provincial, & les autres Conseils du Pays se serviront respeclivement du Nom, du Titre & du Seau, de ladite Province o le cas se presentera, & non d'autre; le tout sur peine de nullit des Lettres, Documens, ou Despeches, faites ou selles autrement que dessus. Et pour accomplir & effectuer d'autant mieux, & plus asseurement ce qui a est dit, nous avons ordonn & command, ordonnons & commandons par cettes, que tous les Seaux du Roy d'Espaigne, qui sont en ces Provinces-Unies, soient, incontinent aprs la publication de ces presentes, ports es mains des Estats de chaque Province respectivement, ou de ceux qui seront specialement commis & authoriss par lesdits Estats, sur peine de correction arbitrale.

Ordonnons & commandons en outre, que doresenavant on ne battra aucune Monnaye esdites Provinces-Unies, avec le Nom, Titre, ou Armes du Roy d'Espaigne, mais seulement d'y mettre telle forme ou figure comme il sera ordonn, pour battre des nouvelles pices d'or & d'argent, avec leurs quarts ou diminutions. Ordonnons & commandons semblablement au President & autres Seigneurs du Conseil Priv, & tous autres Chanceliers, Presidens & Seigneurs du Conseil Provincial, & tous Presidens, & premiers Maistres des Comptes, & aux autres de toutes Ces Chambres des Comptes, estans respectivement en ces dits Pays, & aussi tous autres Justiciers & Officiers (comme les tenans doresenavant deschargez du Serment qu'ils ont fait au Roy d'Espaigne, ensuivant la teneur de leurs Commissions) qu'ils ayent faire s mains des Estats du Pais, sous lequel ils resortissent respectivernent, ou de leurs Commis, un nouveau Serment, par lequel ils jurent de nous estre fidles contre le Roy d'Espaigne & tous ses Adherans, le tout en suivant le Formulaire que les Estats Gnraux ont dress l-dessus. Et on donnera ausdits Conseillers Justiciers & Officiers, se tenans s Provinces ayans contract avec ledit Serenissime Duc d'Anjou, en nostre nom, Acte de continuation en leurs Offices, & ce au lieu d'une nouvelle Commission, contenant cassation de leur precedente, & ce par manire de provision, jusques la venue de son Altesse. Et aux Conseillers, Maistres des Comptes, Justiciers, & Officiers, se tenans s Provinces n'ayans point contract avec sadite Altesse, nouvelle Commission sous nostre Nom & Seau. N'estoit toutefois que les Impetrans de leur dite premire Commission fussent inculpez & convaincus d'avoir contrevenu aux Privilges du Pays, de s'estre mal comportez, ou d'avoir fait quelque chose semblable. Mandons en outre au Prefident, & Gens du Conseil Priv, au Chancelier de la Duch de Brabant, pareillement au Chancelier de la Duch de Gueldre, & Comt de Zutphen, au President & Gens du Conseil de Hollande, aux Receveurs ou grands Officiers de Beoosterscheldt & Bewesterscheldt en Zelande, au President & Conseil de Frise, l'Escoutete de Malines, au President & Gens du Conseil d'Utrecht, & tous autres Justiciers & Officiers ausquels cecy peut toucher, leurs Lieutenans & chacun d'eux en particulier, qui il appartiendra, qu'ils ayent faire publier cette nostre Ordonnance, par tous les ressorts de leur Jurisdiction & s lieux ou l'on a accoustum de faire tels cris & publications, tellement que nul n'en puisse prtendre cause d'ignorance. Et qu'ils ayent faire entretenir & observer inviolablement & sans infraction, ladite Ordonnance, contraignans cela rigoureusement les contrevenans en la manire comme a est dit, sans aucun delay, ou dissimulation. Car nous l'avons ainsi trouv expdient pour le bien du Pays. Et pour ce faire, & ce qui en dpend, nous vous donnons, & un chacun qui cela touche, plein pouvoir, authorit, & mandement special. En tmoignage dequoy, nous avons icy fait apposer nostre Seel. Donn la Haye en nostre Assemble, le vingt & sixime de Juillet 1581. Jean DUMONT, Corps universel diplomatique du droit des gens, Amsterdam, 1728, page 413 et ss. Via une digithque de lUniversit de Perpignan : http://mjp.univ-perp.fr/constit/nl1581.htm